BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

សម្តេចកិត្តិព្រឹទ្ធបណ្ឌិត មានប្រសាសន៍ថា គ្រោះធម្មជាតិមិនអាចអ្នកណាហាមឃាត់បានទេ តែយើងមានសមត្ថភាពអាចសង្គ្រោះពលរដ្ឋរងគ្រោះ

ភ្នំពេញ ៖ ក្នុងពិធីសំណេះសំណាល និងចែកអំណោយដល់ពលរដ្ឋរងគ្រោះដោយជំនន់ទឹកភ្លៀងនៅខណ្ឌច្បារអំពៅ ១.២៥០គ្រួសារ មកពី៦សង្កាត់ នៅព្រឹកថ្ងៃទី២៥ តុលានេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មានប្រសាសន៍ថា គ្រោះធម្មជាតិនានា គឺមិនអាចមានអ្នកណា ហាមឃាត់បានទេ តែយើងមានសមត្ថភាព អាចជួយសង្គ្រោះប្រជាពលរដ្ឋរងគ្រោះពីគ្រោះមហន្តរាយបានទាន់ពេលវេលា។នៅក្នុងឱកាសចែកអំណោយមនុស្សធម៌នេះ សម្តេច ក៏បានពាំនាំនូវព្រះរាជបណ្ដាំផ្ញើសួរសុខទុក្ខពីព្រះវររាជមាតាជាតិខ្មែរ ព្រះប្រធានកិត្តិយស ក៏ដូចជា ព្រះករុណាព្រះមហាក្សត្រជូនចំពោះជនរួមជាតិដែលជានិច្ចកាលព្រះអង្គទាំងទ្វេតែងតែយកព្រះទ័យទុកដាក់គិតគូរអំពីសុខទុក្ខ របស់ប្រជារាស្ត្រ នៅគ្រប់ទីកន្លែង ជាពិសេសក្នុងស្ថានភាពដែលជួបគ្រោះមហន្តរាយនានា។សម្ដេច បានសំដែងនូវសេចក្តីអាណិត និងរីករាយដែលបានមកជួបសំណេះសំណាល និងចែកអំណោយ និងសួរសុខទុក្ខចំពោះបងប្អូនប្រជាពលរដ្ឋរងគ្រោះដោយផ្ទាល់ ហើយសម្តេច បញ្ជាក់ថា នេះបានបង្ហាញឱ្យឃើញអំពីការរួមសុខរួមទុក្ខរបស់កាកបាទក្រហម ក៏ដូចជា រាជរដ្ឋាភិបាល និងមន្ត្រីគណបក្សប្រជាជនកម្ពុជា ដែលជានិច្ចកាលតែងតែនៅជាមួយប្រជាជនគ្រប់ការលំបាក ។អំណោយទាំងនេះ គ្រាន់តែជួយសម្រាលនូវការលំបាកបានមួយគ្រា ប៉ុណ្ណោះ ប៉ុន្តែអ្វីដែលសំខាន់បងប្អូនត្រូវខិតខំបង្កបង្កើនផលស្តារការខូចខាត ប្រកបរបរចិញ្ចឹមជីវិតជាថ្មីឡើងវិញ បន្ទាប់ពីទឹកស្រក។ សម្តេច បានបន្តថា នៅទូទាំងពិភពលោក គឺគ្មានប្រទេសណាអាចទប់ស្កាត់ ហាមឃាត់មេឃ មិនឱ្យមានព្យុះ ភ្លៀង ខ្យល់គ្រោះទឹកជំនន់ និងគ្រោះមហន្តរាយផ្សេងៗបានទេ ហើយប្រទេសជិតខាងយើងក៏កើតមាន និងធ្ងន់ធ្ងរជាងយើងទៅទៀត។សម្តេចកិត្តិព្រឹទ្ធបណ្ឌិត បានបន្តថា កាកបាទក្រហមកម្ពុជា មានលទ្ធភាពអាចធ្វើសកម្មភាពទៅបានទាំងពេលបច្ចុប្បន្ន និងកន្លងមក ក៏អាស្រ័យដោយការចូលរួមគាំទ្រពីសប្បុរសជននានា ជាសំភារៈ ថវិកា ដើម្បីយកទៅទិញសំភារៈមកចែកជូនដោយផ្ទាល់ដៃ ឱ្យបានទាន់ពេលវេលា ដោយមិនប្រកាន់ពណ៌ សម្បុរ បក្សពួក ឬនិន្នាការនយោបាយអ្វីឡើយ ហើយអំណោយចែកជូននៅថ្ងៃនេះ សម្តេចក៏បានសុំការអធ្យាស្រ័យដល់បងប្អូននៅសង្កាត់ពីរទៀត ដែលមិនជន់លិច សូមកុំមានការច្រណែននឹងបងប្អូនទាំង១.២៥០គ្រួសារនេះ។សម្តេចកិត្តិព្រឹទ្ធបណ្ឌិត បានបន្តថា គ្រោះជំនន់ទឹកភ្លៀងនេះ រាជរដ្ឋាភិបាល កាកបាទក្រហម អាជ្ញាធរ កងកម្លាំងប្រដាប់អាវុធគ្រប់ថ្នាក់ រួមទាំងយុវជនកាកបាទក្រហម កាយរឹទ្ធិ ព្រះសង្ឃ និងសប្បុរសជន បានសស្រាក់សស្រាំ ធ្វើសកម្មភាពព្រមៗគ្នា ទាំងថ្ងៃទាំងយប់ ក្នុងការជួយសង្គ្រោះប្រជាពលរដ្ឋមកកាន់ទីទួលសុវត្ថិភាព និងបង្កលក្ខណៈចែកជូននូវអំណោយសង្គ្រោះបន្ទាន់នៅគ្រប់ទីកន្លែង ក្នុងចំណោមខេត្ត ក្រុង ដែលជន់លិចចំនួន១៩ ។ ខេត្តក្រុងដែលធ្ងន់ធ្ងរជាងគេ គឺបន្ទាយមានជ័យ បាត់ដំបង ពោធិ៍សាត់ ប៉ៃលិន ដែលខេត្តក្រុងទាំងបួននេះ កាកបាទបានបញ្ជូនថវិកា ១០០លានរៀល ដើម្បីធ្វើសកម្មភាពជាបន្ទាន់ ហើយក្រៅពីនោះ ក៏មានសកម្មភាពចុះជួយជាច្រើនតាមរយៈមន្ត្រីរាជរដ្ឋាភិបាល សាខាកាកបាទក្រហម យុវជនស្ម័គ្រចិត្ត ព្រះសង្ឃ និងសប្បុរសជននានាផងដែរ។ក្នុងស្ថានភាព នៃគ្រោះទឹកជំនន់ដែលមិនទាន់មានការស្រកអស់នៅឡើយនេះ សម្តេច ក៏បានផ្ដាំផ្ញើដល់ពុក ម៉ែ បងប្អូនប្រជាពលរដ្ឋរងគ្រោះនៅគ្រប់ទីកន្លែង សូមមេត្តាប្រុងប្រយ័ត្ន កូនចៅ កុំឱ្យមានការលង់ទឹក ការពារប្រសើរជាងព្យាបាលដោយ ត្រូវពិនិត្យមើលលើផ្ទះសម្បែងខ្លាចក្រែងមានសត្វអាសិរពិស ត្រូវរក្សាអនាម័យដោយត្រូវពិសារទឹកដាំឆ្អិន ចៀសវាងកើតជំងឺដង្កាត់ផ្សេងៗ បន្ថែមទៀត ។ បន្ថែមលើនេះ ទោះបីកម្ពុជា មិនមានអ្នកស្លាប់ដោយសារកូវីដ១៩ ប៉ុន្តែយើងមិនត្រូវភ្លេចខ្លួនអំពីវិធានការពារការឆ្លងកូវីដ១៩ឡើយ ព្រោះថា នៅលើពិភពលោកសព្វថ្ងៃ បណ្តាប្រទេសជាច្រើន នៅមានអ្នកឆ្លង និងស្លាប់បាត់បង់ជីវិតជាច្រើនរៀងរាល់ថ្ងៃ។សម្តេចកិត្តិព្រឹទ្ធបណ្ឌិត អមដោយសប្បុរសជន លោកជំទាវ ឯកឧត្តម ជាសមាជិក សមាជិក មន្ត្រីសាខា យុវជនស្ម័គ្រចិត្តកាកបាទក្រហម បានចែកជូនអំណោយដល់គ្រួសាររងគ្រោះនៃខណ្ឌច្បារអំពៅ មកពី៦សង្កាត់ រួមមានសង្កាត់និរោធ,វាលស្បូវ ក្បាលកោះ,ព្រែកឯង,ព្រែកថ្មី,និងសង្កាត់ព្រែកប្រា សរុប១.២៥០គ្រួសារ ដែលក្នុង១គ្រួសារៗ ទទួលបានអង្ករ៣០គ.ក, មី ត្រីខ ទឹកត្រី ទឹកស៊ីអ៊ីវ ទឹកសុទ្ធ ឃីត ដែលមានសារុង មុង ភួយ អាវយឺត អាហារសំរន់នំប៉័ង ទឹកសុទ្ធផងដែរ។អំណោយដែលបានចែកជូននៅថ្ងៃនេះ សរុបជាថវិកាអស់ជាង៥ម៉ឺន៣ពាន់ដុល្លារសហរដ្ឋអាមេរិក៕អត្ថបទ ៖ មុត សុទ្ធ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះអប់រំពលរដ្ឋពីវិធីបង្ការអំឡុងគ្រោះទឹកជំនន់និងទប់ស្កាត់កូវីដ១៩ នៅកំពង់ស្ពឺ

កំពង់ស្ពឺ ៖ ក្រុមការងារគ្រូពេទ្យឯកឧត្តម ហ៊ុន ម៉ានី ចុះពិនិត្យនិងអប់រំដល់ប្រជាពលរដ្ឋពីបញ្ហាទឹកជំនន់ និងការការពារទប់ស្កាត់ជំងឺកូវីដ១៩ នៅតំបន់ដាច់ស្រយាល ក្នុងភូមិអន្លង់សង្កែ ឃុំតាសាល ស្រុកឱរ៉ាល់ ខេត្តកំពង់ស្ពឺ, កាលពីថ្ងៃទី១៨ តុលា ម្សិលមិញ ។ក្នុងគោលដៅចូលរួមចំណែកជាមួយរាជរដ្ឋាភិបាលក្នុងការទប់ស្កាត់ប្រយុទ្ធនឹងជំងឺកូវីដ–១៩ ដោយក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧រូប ដឹកនាំដោយឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី សហការជាមួយឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ឆាយ ថន ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ សាខាសកម្មជនក្រុមការងារយុវជនគណបក្សរាជធានីភ្នំពេញ សហភាពសហព័ន្ធយុវជនកម្ពុជាស្រុកឱរ៉ាល់ និងអាជ្ញាធរមូលដ្ឋានស្រុកឱរ៉ាល់ បានបន្តចុះអប់រំ ណែនាំ អំពីវិធានការ ការពារទប់ស្កាត់ប្រយុទ្ធនឹងជម្ងឺកូវីដ–១៩ ដោយបង្រៀនប្រជាពលរដ្ឋឲ្យយល់ដឹងអំពីការរស់នៅស្អាតប្រកបដោយអនាម័យល្អ លាងសម្អាតដៃនឹងអាកុល ឬសាប៊ូ ពាក់ម៉ាស់ឲ្យបានត្រឹមត្រូវនៅពេលចាំបាច់ វិធីបង្ការគ្រុនចាញ់ គ្រុនឈាម គ្រុនឈីក និងគ្រុនផ្តាសាយធំ ព្រមទាំងពាំនាំការសួរសុខទុក្ខ និងនាំយកអំណោយរបស់ឯកឧត្តម ហ៊ុន ម៉ានី ជាតំណាងរាស្ត្រ និងជា ប្រធានសហភាពសហព័ន្ធយុវជនកម្ពុជា រួមមាន ៖ ពិនិត្យព្យាបាលជំងឺទូទៅ ចែកថ្នាំពេទ្យ ផ្តាសាយ សន្លាក់ឆ្អឹង ក្រពះ ពោះវៀន មុលទីវីតាម៉ីន វីតាម៉ីនសេ ព្រមទាំងចែកអាល់កុល ជូនប្រជាពលរដ្ឋក្រីក្រចំនួន ១០គ្រួសារ ថែមទាំងមួយគ្រួសារៗ ទទួលបាន អង្ករសែនក្រអូប ១០០% ស្មើ ២៥ គីឡូក្រាម, មី, ត្រីខ ទឹកត្រី ទឹកស៊ីអ៊ីវ ប្រេងឆា និងថវិកា ៤ ម៉ឺនរៀល តាមខ្នងផ្ទះតំបន់ដាច់ស្រយាលផងដែរ។ឯកឧត្តម លេង ផាលី បានថ្លែងថា ការងារមនុស្សធម៌ចុះជួយប្រជាពលរដ្ឋរៀងរហូតមកដល់បច្ចុប្បន្ននេះ គឺកើតចេញពីការឧបត្ថម្ភគាំទ្រ និងដោយសារទទួលការណែនាំបង្ហាញរបស់ឯកឧត្តមប្រធាន ហ៊ុន ម៉ានី ដែលលោកតែងតែខ្វល់ខ្វាយគិតគូរ និងរួមសុខ រួមទុក្ខជាមួយប្រជាពលរដ្ឋដែលជួបការលំបាកគ្រប់កាលៈទេសៈ។ ជាក់ស្ដែងសព្វថ្ងៃនេះ ដោយបញ្ហាការរាតត្បាតជំងឺកូវីដ១៩ និងប្រជាពលរដ្ឋកំពុងរងផលប៉ះពាល់ដោយសារជំនន់ទឹកភ្លៀង បានបណ្ដាលឱ្យពលរដ្ឋរងផលប៉ះពាល់ដល់សុខភាព និងសេដ្ឋកិច្ចនៅក្នុងគ្រួសារផង ទើបក្រុមការងារគ្រូពេទ្យស្ម័គ្រចិត្តរបស់ឯកឧត្តម ហ៊ុន ម៉ានី ចុះមកជួយបងប្អូនប្រជាពលរដ្ឋនាពេលនេះ។ ឯកឧត្តម លេង ផាលី អំពាវនាវឲ្យប្រជាពលរដ្ឋទាំងអស់ ចូលរួមអនុវត្តន៍វិធានការពារអំឡុងពេលកូវីដ១៩ និងគ្រោះទឹកជំនន់នេះផង ត្រូវអនុវត្តន៍តាមវិធានការ ការណែនាំរបស់ក្រសួងសុខាភិបាល ដែលបានផ្សព្វផ្សាយនាពេលកន្លងមក។ទន្ទឹមនឹងនោះដោយហេតុថានៅតំបន់នេះ ជាតំបន់ព្រៃភ្នំ បងប្អូនប្រជាពលរដ្ឋ ត្រូវសម្រាន្តក្នុងមុងគ្រប់ពេល ដើម្បីការពារជំងឺគ្រុនឈាម គ្រុនចាញ់ គ្រុនឈីក គ្រុនផ្តាសាយធំ និងជំងឺផ្សេងៗ។ ស្ត្រីមានផ្ទៃពោះត្រូវតាមដាន និងពិនិត្យផ្ទៃពោះតាមការកំណត់របស់មណ្ឌលសុខភាព ឬមន្ទីរពេទ្យ បើស្ត្រីគ្រប់ខែជិតដល់ពេលសម្រាល ត្រូវរកកន្លែងស្នាក់នៅក្បែរមណ្ឌលសុខភាព ឬមន្ទីរពេទ្យដែលនៅជិតលោកអ្នកបំផុត។ ត្រូវប្រុងប្រយ័ត្នចៀសវាងនូវគ្រោះថ្នាក់លង់ទឹក ត្រូវការពារកុមារតូចៗមិនឲ្យចុះទឹក ពន្យល់កុមារពីគ្រោះថ្នាក់នៃការលង់ទឹក នាំកុមារទៅកន្លែងខ្ពស់ និងមានអ្នកថែទាំ ប្រើអាវពោង ឬប៊ីដុងជ័រគ្រប់ពេលកុមារចេញពីផ្ទះ។ ត្រូវបរិភោគទឹកស្អាតដោយប្រើធុងចម្រោះ ឬដាំទឹកឲ្យពុះ ឬប្រើប្រាស់ទឹកដោយប្រើថ្នាំក្លរីន ឬក្ខរ៉ាមីន ត្រូវលាងសម្អាតបន្លែ និងផ្លែឈើជាមួយទឹកស្អាត អាហារចម្អិនឲ្យបានត្រឹមត្រូវ និងឆ្អិនល្អ គ្របអាហារឲ្យបានជិត ដើម្បីការពាររុយរោម និងធូលីដីហុយចូល ព្រមទាំងសម្អាតកន្លែងធ្វើម្ហូប និងសម្ភារផ្ទះបាយ ដូចជា ចាន ឆ្នាំង ស្លាបព្រា ខ្វះ កាំបិតជ្រុញឲ្យបានស្អាត។ លាងសម្អាតដៃជាមួយសាប៊ូឲ្យបានញឹកញាប់មុន និងក្រោយបរិភោគអាហារ និងក្រោយចេញពីបង្គន់ផងដែរ៕អត្ថបទ ៖ ហួត រដ្ឋា

អង្គការCCF ទទួលអំណោយ របស់សម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត និងលោកស្រី ពេជ ចន្ទមុន្នី ជាថ្មីម្ដងទៀត

ភ្នំពេញ៖ ក្មួយ និងមនុស្សចាស់ នៃអង្គការមូលនិធិកុមារកម្ពុជា(CCF) បានទទួលថវិកាចំនួន៣០០០ដុល្លារគ្រឿង ឧបភោគ បរិភោគ និងសម្ភារៈបរិក្ខារពេទ្យ ជាថ្មីម្ដងទៀត ដែលជាអំណោយដ៏ថ្លៃថ្លា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈឯកឧត្ដម ហ៊ុន ម៉ាណែត និងលោកជំទាវ ពេជ ចន្ទមុន្នី ប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA)។លោកជំទាវ ពេជ ចន្ទមុន្នី បានផ្ដាំផ្ញើការសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត និងបានប្រគល់អំណោយជូនលោក Scott Neeson ស្ថាបនិកនិងជានាយកអង្គការមូលនិធិកុមារកម្ពុជា(CCF)ដើម្បីចែកជូនដល់ក្មួយៗ និងមនុស្សចាស់នៅក្នុងអង្គការនេះប្រកបដោយទឹកចិត្តសប្បុរសធម៌។លោកជំទាវ ពេជ ចន្ទមុន្នី ក៏បានផ្តាំផ្ញើឱ្យក្មួយៗ លោកយាយលោកតា អ៊ំ ពូ មីងថែទាំសុខភាពក្នុងរដូវកាលនេះតាមរយៈការណែនាំរបស់ក្រសួងសុខាភិបាលដើម្បីការពារកុំឱ្យសហគមន៍យើងឆ្លងរីករាលដាលជំងឺCovid-19។សូមបញ្ជាក់ថា នេះគឺជាលើកទី១៦ហើយដែល លោកជំទាវ ពេជ ចន្ទមុន្នី បានមកដល់អង្គការនេះ ជាទីកន្លែងមានអនុស្សាវរីយ៍ ជាច្រើនរវាងឯកឧត្ដម ហ៊ុន ម៉ាណែត និងលោកស្រី ក្នុងការធ្វើសកម្មភាពមនុស្សធម៌ផ្សេងៗ រួមមាន៖ ការពិនិត្យព្យាបាលជំងឺមាត់ធ្មេញ ដល់ក្មួយៗកុមារដោយឥតគិតថ្លៃ ការប្រគល់ផ្ទះដែលជាអំណោយរបស់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ការប្រគល់គ្រឿងឧបភោគ បរិភោគ សម្ភារៈសិក្សា និងអំណោយផ្សេងៗជាច្រើនទៀតដល់ក្មួយៗ និងលោកយាយ លោកតា អ៊ំ ពូ មីងនៅក្នុងអង្គការនេះ៕

សម្តេចតេជោ ហ៊ុន សែន ធ្វើដំណើរទៅបន្ទាយមានជ័យ ដើម្បីសួរសុខទុក្ខ និងជួយឧបត្ថម្ភប្រជាជនរងគ្រោះដោយទឹកជំនន់

ភ្នំពេញ៖ សម្តេចតេជោ ហ៊ុន សែន កំពុងធ្វើដំណើរទៅកាន់ខេត្ត បន្ទាយមានជ័យដើម្បីសួរសុខទុក្ខ និងជួយឧបត្ថម្ភប្រជាជនប្រមាណ២ម៉ឺនគ្រួសារ ដែលរងគ្រោះដោយជំនន់ទឹកភ្លៀង នាព្រឹកថ្ងៃទី២០ ខែតុលានេះ។សម្តេចតេជោ ហ៊ុន សែន បានសរសេរលើបណ្តាញសង្គមFacebookថា «ខ្ញុំនឹងបំពេញការងារពីរថ្ងៃនៅខេត្តបន្ទាយមានជ័យគឺថ្ងៃ២១-២២ ខែតុលា ឆ្នាំ២០២០ មុននឹងត្រឡប់មកភ្នំពេញវិញដើម្បីដឹកនាំការប្រជុំគណៈរដ្ឋមន្ត្រីនៅថ្ងៃ២៣ ខែតុលាឆ្នាំ២០២០។ខេត្តបន្ទាយមានជ័យ ជាខេត្តដែលរងគ្រោះធ្ងន់ជាងគេ និងយូរជាងគេដែលចាំបាច់ត្រូវផ្តល់អទិភាពសង្រ្គោះផង និងស្តារឡើងវិញក្រោយទឹកជំនន់ផង។តាមរយៈរាជរដ្ឋាភិបាល ឬកាកបាទក្រហម ឬអាជ្ញាធរថ្នាក់ក្រោមជាតិ ឬចុះចែកផ្ទាល់ដល់ប្រជាជនដែលរងគ្រោះ។សូមកោតសរសើរចំពោះស្ថាបន័ថ្នាក់ជាតិ និងអាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទព្រះសង្ឃក្រុមយុវជនទាំងអស់ ដែលបានចូលរួមជួយសង្រ្គោះប្រជាជននៅតំបន់រងគ្រោះដែលនេះបានបង្ហាញនូវកម្លាំងសាមគ្គីភាពដ៏រឹងមាំ និងទូលំទូលាយនៃជាតិយើង៕

លំនៅឋានស្តង់ដារជប៉ុនទី១នៅកម្ពុជា ដែលវិនិយោគទឹកប្រាក់ ៧០លានដុល្លារ ចាប់ផ្តើមបើកលក់ដំណាក់កាលទី២

ភ្នំពេញ៖ លំនៅឋានអារ៉ាខាវ៉ា (Arakawa Residence) លំនៅឋានស្តង់ដារជប៉ុនទី១នៅកម្ពុជា ដែល មានទីតាំងនៅកណ្ដាលក្រុង និងមានតម្លៃសមរម្យ បានប្រកាសចាប់ផ្ដើមបើកលក់ដំណាក់ទី២ហើយចាប់ពីថ្ងៃទី១១ ខែកញ្ញា ឆ្នាំ២០២០នេះតទៅ។ដំណាក់ទី១ ដែលបានប្រកាសបើកលក់ចំនួន១,៦៨០យូនីត កាលពីចុងឆ្នាំ២០១៩ ត្រូវបានអតិថិជនគាំ ទ្រយ៉ាងពេញទំហឹង និងបានទិញអស់មុន ផែនការកំណត់ ហើយដំណាក់កាលទី២នេះមានចំនួន តែ១,២៨០ យូនីតប៉ុណ្ណោះ។ លំនៅឋានអារ៉ាខាវ៉ា (Arakawa Residence) ដែលមានម្ចាស់ភាគហ៊ុនធំជាជនជាតិជប៉ុន បានចំណាយទុនវិនិយោគប្រមាណ ៧០លានដុល្លារ ដើម្បីសាងសង់លំនៅឋានបែបប្រណិត មានគុណភាពខ្ពស់ មានសុវត្ថិភាព ផ្តល់ភាពងាយស្រួល និងមានបរិស្ថានល្អសម្រាប់ ពលរដ្ឋខ្មែរដែលមានចំណូលទាប និងមធ្យម ហើយមានបំណងចង់រស់នៅផ្ទះបែបស៊ីវិល័យ ថ្លៃថ្នូរនៅ កណ្ដាលក្រុងភ្នំពេញ។លោក អាឡិច យ៉ាស៊ូម៉ូតូ (Alex Yasumoto) សហស្ថាបនិកក្រុមហ៊ុន អារ៉ា ខាវ៉ា បានថ្លែង ថា លំនៅឋានបែបខុនដូនេះ ត្រូវបានសាងសង់ឡើងក្នុងគោលបំណង ឲ្យប្រជាជនកម្ពុជា ដែលជាសិស្ស និស្សិត គូស្វាមីភរិយាថ្មី និងបងប្អូនប្រជាពលរដ្ឋក្រីក្រ បើទោះជាពួកគាត់មានចំណូលទាបនិងមធ្យម ក៏ដោយក៏អាចទិញលំនៅឋាន ខុនដូររបស់អារ៉ាខាវ៉ាបាន និងបានទទួលបទពិសោធន៍ជាម្ចាស់កម្មសិទ្ធិ និងរស់នៅសមរម្យ ក្នុងខុនដូរទំនើប កណ្ដាលទីក្រុងភ្នំពេញ។លោក អៀង សុធារ៉ា សហស្ថាបនិកក្រុមហ៊ុនអារ៉ាខាវ៉ា បានថ្លែងថា ក្រុមហ៊ុនខិតខំធ្វើយ៉ាងណា ដើម្បី បង្កើតលំនៅឋានមួយដ៏សមរម្យ ប្រកបដោយគុណភាព សុវត្ថិភាព សោភ័ណភាព ផាសុកភាព គុណធម៌ និងបង្កើតឲ្យមានទម្លាប់រស់នៅក្នុងអគាររួម និងការថែទាំរួម។ លោក សុធារ៉ា បានបន្ថែមថា អតិថិជន ដែលទិញយូនីតក្នុងលំនៅឋានអារ៉ាខារ៉ា នឹងទទួលបានបណ្ណកម្មសិទ្ធិតកូនតចៅ។សូមបញ្ជាក់ថា Arakawa Residence ត្រូវបានអ្នកជំនាញវាយតម្លៃថា ជាលំនៅឋានស្តង់ ដាជប៉ុនទី១ នៅកម្ពុជា ដែលបានក្លាយទៅជាគំរូនៃលំនៅឋាន ឬសំណង់ អគារនានាដែលមានស្តង់ដារជប៉ុនពិតប្រាកដ ជាពិសេសបច្ចេកទេសសំណង់ ប្រព័ន្ធទឹក និងលូ និងប្រព័ន្ធសុវត្ថិភាពការពារអគ្គិភ័យ ដើម្បីបំបាត់នូវក្ដីកង្វល់ដល់ម្ចាស់ផ្ទះដែលបានទិញរួច។ Arakawa Residence ក៏ជាក្រុមហ៊ុនទី១នៅកម្ពុជា ដែលប្រើទុនវិនិយោគ របស់ក្រុមហ៊ុនក្នុងការសាងសង់ទាំងស្រុង ដោយមិនប្រើថវិការបស់អតិថិជន យកមកសាងសង់ហើយក៏ជាក្រុមហ៊ុនដំបូងគេនៅកម្ពុជា ដែលអតិថិជនអាចទិញដោយពុំចាំបាច់បង់ប្រាក់កក់ ហើយអាច បង់រំលស់ដោយមិន មានការប្រាក់ ពោល គឺអាចបង់ប្រាក់ប្រចាំខែចាប់ពី២៩៧ដុល្លារឡើងទៅ៕ អត្ថបទ៖ដាវណ្ណ

ការឆ្លងរាលដាលវីរុសកូរ៉ូណានៅសហរដ្ឋអាមេរិកកើនឡើងជាង ៦លាននាក់

អាមេរិក៖ យោងតាមសារព័ត៌មាន Reuters ករណីឆ្លងវីរុសកូរ៉ូណាថ្មីនៅអាមេរិកបានកើនឡើងដល់ ៦លាននាក់កាលពីថ្ងៃអាទិត្យ ខណៈដែលរដ្ឋជាច្រើននៅតំបន់ Midwest បានរាយការណ៍ថា មានការឆ្លងរាលដាលកើនឡើង។ រដ្ឋអាយអូវ៉ា (Iowa), រដ្ឋណស ដាកូតា (North Dakota), រដ្ឋសោត ដាកូតា (South Dakota) និងរដ្ឋមីនីសូតា (Minnesota) ថ្មីៗនេះបានរាយការណ៍ថា មានការកើនឡើងខ្ពស់បំផុតក្នុងរយៈពេល ១ថ្ងៃក្នុងករណីឆ្លងថ្មី ខណៈដែលរដ្ឋម៉ុនតាណា (Montana) និងរដ្ឋអាយដាហូ (Idaho) កំពុងមើលឃើញកំណើនឆ្លងថ្មីនៃអ្នកជំងឺ COVID-19 ដែលកំពុងសម្រាកព្យាបាលនៅតាមមន្ទីរពេទ្យនានា។នៅទូទាំងប្រទេស ការប៉ាន់ប្រមាណលើករណីឆ្លងថ្មី ចំនួនអ្នកស្លាប់ ចំនួនអ្នកសម្រាកព្យាបាលនៅមន្ទីរពេទ្យ និងអត្រានៃការធ្វើតេស្តវិជ្ជមានកំពុងធ្លាក់ចុះ ប៉ុន្តែមានទីតាំងនានាដែលឆ្លងរាលដាលខ្លាំងក្នុងតំបន់ Midwest។ ករណីថ្មីៗជាច្រើននៅក្នុងរដ្ឋអាយអូវ៉ា គឺស្ថិតនៅទីក្រុងដែលមានទីតាំងនៅសាកលវិទ្យាល័យអាយអូវ៉ា និងសាកលវិទ្យាល័យរដ្ឋអាយអូវ៉ា ដែលកំពុងបើកបង្រៀនដោយផ្ទាល់។ មហាវិទ្យាល័យ និងសាកលវិទ្យាល័យនានានៅទូទាំងប្រទេសបានមើលឃើញការផ្ទុះឡើង បន្ទាប់ពីនិស្សិតបានវិលត្រឡប់ទៅសាកលវិទ្យាល័យវិញ ដែលបង្ខំឲ្យអ្នកខ្លះប្តូរទៅរៀនតែតាម Online ប៉ុណ្ណោះ៕អត្ថបទ៖ សុខមាន

សម្តេចតេជោ និងសម្តេចកិត្តិព្រឹទ្ធបណ្ឌិត ផ្តល់អំណោយជូនក្រុមគ្រួសារសពលោក ធឹម សេរីរិទ្ធ ដែលទទួលមរណភាពដោយជំងឺមហារីក

កំពង់ចាម៖ ដោយមើលឃើញពីការលំបាក និងដើម្បីចូលរួមរំលែកមរណទុក្ខ ព្រមទាំងរំលែកការលំបាកក្នុងជីវភាពរស់នៅប្រចាំថ្ងៃ លោកជំទាវ ហ៊ុន ម៉ាណា ប្រធានក្រុមវេជ្ជសាស្ត្រសម្តេចតេជោ នៅថ្ងៃទី២៧ ខែសីហា ឆ្នាំ២០១៨ បានចាត់ឱ្យក្រុមវេជ្ជសាស្ត្រសម្តេចតេជោ និងការងារមនុស្សធម៌ នាំយកអំណោយមនុស្សធម៌ដ៏ថ្លៃថ្លាសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនក្រុមគ្រួសារ លោក ធឹម សេរីរិទ្ធ អាយុ២២ ឆ្នាំ ដែលបានទទួលមរណភាពដោយជំងឺមហារីកធ្ងន់ធ្ងរ។គួរបញ្ជាក់ថា លោក ធឹម សេរីរិទ្ធ បានទទួលមរណភាពកាលពីជាង២ខែមុន ដោយបន្សល់ទុកប្រពន្ធ កូន(អាយុ៤ខែ) និងម្តាយ រស់នៅក្នុងជីវភាពក្រខ្សត់លំបាកលំបិន នៅភូមិព្រៃញា ឃុំផ្អាវ ស្រុកបាធាយ ខេត្តកំពង់ចាម។អំណោយមនុស្សធម៌ទាំងនោះរួមមាន៖ អង្ករ១០០គីឡូក្រាម, មី៥កេស, ត្រីខ១កេស, ទឹកដោះគោខាប់១កេស, មុង២, ខ្នើយ២, ភួយ២,កន្ទេល២,ពូក១, ទឹកត្រី៣យួរ, សម្ភារៈប្រើប្រាស់ក្នុងផ្ទះបាយមួយឈុតធំ និងថវិកាមួយចំនួនផងដែរ។លោកស្រី វុធ ស្រីខួច អាយុ១៩ ត្រូវជាភរិយាសពលោកលោក ធឹម សេរីរិទ្ធ បានអះអាងថា ប្តីលោកស្រីបានទទួលមរណភាព បន្ទាប់ពីមិនអាចទប់ទល់នឹងជំងឺមហារីកផ្នែកគល់ដើមដៃខាងឆ្វេងដ៏ធ្ងន់ធ្ងរបាន ដោយបន្សល់ទុកម្តាយជាស្ត្រីមេម៉ាយ និងទារកទើបតែអាយុ៤ខែ។លោកស្រី វុធ ស្រីខួច និងម្តាយក្មេក បានសម្តែងសមានចិត្តរីករាយ រំភើបឥតឧបមា និងថ្លែងអំណរគុណដសម្តេចទាំងទ្វេរ ដែលតែងតែយកចិត្តទុកដាក់ដល់ប្រជាពលរដ្ឋគ្រប់ទីកន្លែង និងគ្រប់ពេលវេលា និងសូមជូនពរសម្តេច និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសារឱ្យមានសុខភាពល្អពេញបរិបូរណ៌ ដើម្បីបន្តដឹកនាំប្រទេសជាតិឱ្យរីកចម្រើន ប្រកបដោយសុខសន្តិភាពជាបន្តបន្ទាប់ទៅទៀត៕

ក្រុមហ៊ុនធំៗ នៅអឺរ៉ុប គ្រោងវិនិយោគសណ្ឋាគារនៅកម្ពុជា

ភ្នំពេញ ៖ ក្រុមហ៊ុនធំៗនៅអឺរ៉ុប គ្រោងវិនិយោគលើវិស័យបដិសណ្ឋារកិច្ចនៅកម្ពុជា ដោយពួកគេអះអាងថា កម្ពុជាជាប្រទេសល្អប្រសើរសម្រាប់វិនិយោគ និងកំណើនទេសចរ អន្តរជាតិកើនឡើងកាន់តែច្រើន។លោក ម៉ូរ៉ូ ហ្គាប្បារ៉ូទី (Mauro Gasparotti) នាយកគ្រប់គ្រងនៃក្រុមហ៊ុន Savills Hotels បានមានប្រសាសន៍ ក្នុងសន្និសីទសារព័ត៌មាន នាល្ងាចថ្ងៃទី២៩ សីហានេះថា យើងបានឃើញភាព លូតលាស់យ៉ាងឆាប់រហ័ស នៅក្នុងវិស័យបដិសណ្ឋារកិច្ចនៅកម្ពុជា ដែល នឹងជំរុញនូវការ អភិវឌ្ឍផ្នែកសណ្ឋាគារ នាថ្ងៃអនាគត។ វាធ្វើឲ្យយើងរំជើបរំជួល ដោយសារវានាំមកនូវឱកាសថ្មីដ៏សំខាន់សម្រាប់អតិថិជន ជាអ្នកអភិវឌ្ឍន៍របស់យើង ដែលមានលទ្ធភាពក្នុងការច្នៃប្រឌិត។លោក បន្តថា “ឧស្សាហកម្មផ្នែកបដិសណ្ឋារកិច្ច ដើរតួ នាផ្នែកមួយដ៏សំខាន់នៃសេដ្ឋកិច្ចហើយសក្តានុពល នាពេលអនាគតគឺធំធេងណាស់”។ យោងតាមរបាយការណ៍របស់ក្រសួងទេសចរណ៍បានឲ្យដឹងថា កាលពីឆ្នាំ២០១៧ កម្ពុជាទទួលបានភ្ញៀវទេសចរណ៍អន្តរជាតិ ចំនួន៥,៦លាននាក់ និងនៅឆ្នាំនេះ នឹងកើន ឡើងដល់ជាង៦លាននាក់។លោក Mauro Gasparotti បានបន្តថា ការប្រើប្រាស់សក្ដានុពលរបស់ប្រទេស ដែលមានប្រវត្តិសាស្ត្រ វប្បធម៌ ដ៏រ៉ឹង មាំ និងផ្តល់នូវតំបន់បេតិកភណ្ឌ ដ៏សម្បូរ បែប យើងជឿជាក់យ៉ាងមុតមាំថា ប្រទេសកម្ពុជា អាចដើរតាមគន្លងប្រទេសថៃ និងវៀតណាម ដើម្បីក្លាយជាទិសដៅទេសចរណ៍ នៅថ្ងៃឈប់សម្រាក ដែលត្រូវបានទទួលស្គាល់ជាសាកល។ជាមួយគ្នានេះ លោក គ្រីស្ទាន ផុចឆើ ( Christian Puchher) នាយកប្រចាំទ្វីបអាស៊ីនៃសណ្ឋាគារ Hilton បានមានប្រសាសន៍ថា ជាមួយនឹងប្រាក់ចំណូលកើនឡើង និងភាពងាយស្រួលនៃការធ្វើដំណើរតាមយន្តហោះទេសចរណ៍ និងអ្នកជំនួញជាច្រើនត្រូវបានទាក់ទាញមកកាន់ប្រទេសកម្ពុជា ដែលជាគោលដៅនៃប្រាសាទ និងប្រវត្តិសាស្ត្រដ៏អស្ចារ្យរបស់ខ្លួន ដ៏ខ្សាច់ដ៏អស្ចារ្យ ហើយជាការពិតណាស់ភ្ញៀវទេសចរណ៍ទាំងនេះ រំពឹងថា នឹងមានបន្ទប់សណ្ឋាគារល្អៗ លើសពីអ្នកធ្វើទេសចរណ៍ធម្មតា។លោក បន្តថា “យើងគ្រោងនឹងចាប់ដៃគូជាមួយក្រុមហ៊ុនក្នុងស្រុក ដើម្បីវិនិយោគសណ្ឋាគារនាពេលខាងមុខឆាប់ៗនេះ នៅប្រទេសដ៏អស្ចារ្យមួយនេះ”។លោក ខេវិម ប៊ូវេស( Kevin Beauvais) ស្ថាបនិកនិងជាអគ្គនាយកនៃក្រុមហ៊ុន Invision Hospitality បានមានប្រសាសន៍ឲ្យដឹងផងដែរថា ការរចនាសណ្ឋាគារ និងអចលនទ្រព្យនៅប្រទេសនេះជាមាគ៌ាសម្រាប់អនាគត យើងកំពុងបង្កើតបទពិសោធន៍ជូនដល់ភ្ញៀវប្រកបដោយអត្ថន័យ និងការប្រើប្រាស់ការរចនាប្រកបដោយភាពច្នៃប្រឌិត ដែលធនាគារឲ្យមានប្រតិបត្តិការប្រកបដោយប្រសិទ្ធភាព។លោក បន្តថា “យើងមានជំនឿយ៉ាងមុតមាំចំពោះអនាគតប្រទេសកម្ពុជា ហើយយើងរីករាយក្នុងការធ្វើការងារជាមួយអ្នកអភិវឌ្ឍន៍ក្នុងតំបន់ ដែលចង់ផ្លាស់ប្ដូរគំនិតបែបប្រពៃណី សម្រាប់អនាគតដែលអាចបត់បែន និងមានអត្ថប្រយោជន៍”។ លោក បន្តថា “ជាមួយនឹងការរីកចម្រើននៃវិស័យបដិសណ្ឋារកិច្ចនៅកម្ពុជា យើងនឹងវិនិយោគនៅទីនេះនាពេលអនាគត”៕

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

ភ្នំពេញ ៖ នៅរៀងរាល់ពេលយប់ ជាពិសេសពេលជិតភ្លឺ គេតែងតែសង្កេតឃើញ នៅតាមដងស្ទឹងព្រែកត្នោត នៅក្នុងក្រុងតាខ្មៅ ខេត្តកណ្តាល គឺមានសំរាមដែលជាកាកសំណល់ ត្រូវបានគេយកទៅបោះចោលបណ្តែតហូរតាមផ្ទៃទឹកយ៉ាងរប៉ាត់រប៉ាយ ដែលបញ្ហានេះ ពលរដ្ឋនៅក្នុងមូលដ្ឋាន បានស្នើឱ្យអាជ្ញាធរចាត់វិធានការទប់ស្កាត់ការចោលសំរាមបែបអានាធិបតេយ្យ នេះ។ពលរដ្ឋនៅភូមិព្រែកតាពៅ សង្កាត់ដើមមៀន លោក អ៊ុន ណប់ បានថ្លែងប្រាប់BTVនៅថ្ងៃទី២៩ខែសីហា នេះថា ជនដែលយកសំរាមទៅបោះពង្រាយ បណ្តែតតាមទឹកនៅលើផ្ទៃទឹកស្ទឹងព្រែកត្នោតនេះ គឺជាជនខិលខូច។ ការបោះចោលសំរាមនៅលើផ្ទៃទឹកនោះ គឺភាគច្រើនគេរៀបចំជាកញ្ចប់ធំៗ បោះចោលនៅពេលយប់ នៅតាមបណ្តាស្ពាននានាដែលធ្វើឆ្លងកាត់ស្ទឹងព្រែកត្នោត។លោក អ៊ុន ណប់ និងប្រជាពលរដ្ឋ បាននិយាយថា ជារួមនៅក្នុងសង្កាត់ដើមមៀន មានរថយន្តប្រមូលសំរាម មកប្រមូលជារៀងរាល់ថ្ងៃ ហើយសម្រាប់លំនៅឋានណាដែលមិនបានបង់ថ្លៃប្រមូលសំរាមតម្លៃ៥០០០រៀលក្នុងមួយខែ គឺគេភាគច្រើន តែងតែឆ្លៀតឱកាសសំរាមខ្លួនទៅចោលក្នុងស្ទឹងព្រែកត្នោត ដែលបញ្ហានេះ ពលរដ្ឋបានអាជ្ញាធរបើកតាមត្រួតពិនិត្យបញ្ហាគ្រប់គ្រងសំរាមនេះ។ប្រធានមន្ទីរបរិស្ថាន ខេត្តកណ្តាល លោក អូម ផាត់ បានប្រាប់BTVថា បញ្ហាចោលសំរាមបែបអានាធិបតេយ្យនេះនៅតាមស្ទឹងព្រែកត្នោត និងទីសាធារណៈនានាទៀត លោកនឹងចាត់មន្ត្រីចុះតាមដានឃ្លាំមើល ហើយនឹងហៅគេមកណែនាំ អប់រំឲ្យដឹងពីបញ្ហាបរិស្ថាន និងការគ្រប់គ្រងសំរាមនេះ។លោក ថា កន្លងមក ក្រសួងមហាផ្ទៃ និងក្រសួងបរិស្ថាន បានប្រកាសឲ្យប្រជាពលរដ្ឋ រួមសហការជាមួយអាជ្ញាធរមូលដ្ឋានរបស់ខ្លួន រួមគ្នាអនុវត្តអនុក្រឹត្យស្តីពីការគ្រប់គ្រងសំរាម និងសំណល់រឹងនៅទីប្រជុំជន ឲ្យបានគ្រប់ៗ គ្រប់គ្នា ដើម្បីរួមគ្នាថែរក្សាសម្អាតបរិស្ថាន នៅក្នុងមូលដ្ឋានឲ្យមានភាពល្អប្រសើរ។នៅក្នុងអនុក្រឹត្យនោះ ក៏បានកំណត់ថា សម្រាប់បុគ្គលដែលមិនគោរពការញែក វេចខ្ចប់សំរាម បែងចែកសំរាម និងដាក់ទុកសំរាមចោលតាមដងផ្លូវ មិនសមស្របតាមពេលវេលាដែលបានកំណត់ និងបោះចោលសំរាមតាមទីសាធារណៈ តាមដងផ្លូវ ការដុតសំរាមនៅទីប្រជុំជនសាធារណៈ មិនបានត្រឹមត្រូវ ម្ចាស់អ្នកគ្រប់គ្រងផ្សារ ទីតាំងអាជីវកម្ម ក្រុមហ៊ុនសហគ្រាសជាដើម ដែលមិនរៀបចំមានធុងសម្រាមត្រឹមត្រូវ ការវេចខ្ចប់ដោយមានលាយ ជាមួយសំណល់រឹងឧស្សាហកម្ម ឬសំណល់រឹងគ្រោះថ្នាក់ នឹងត្រូវទទួលបានការផាក ពិន័យជាប្រាក់ចាប់ពី១ម៉ឺនរៀល ទៅ២០ម៉ឺនរៀលទៅតាមប្រភេទសំរាម ។ ក្នុងករណីបុគ្គលបង់ប្រាក់ ពិន័យមិនតាមពេលវេលាកំណត់ ការពិន័យនឹងត្រូវបង់ពិន័យកើនចំនួនពី២ដង ទៅ៣ដង ហើយបើមិនបង់ក្នុងរយៈពេល៩០ថ្ងៃ អាជ្ញាធរនឹងរៀបចំសំណុំឯកសារប្តឹងទៅតុលាការ ៕

បន្ទាយមានជ័យមានទាំងជំនន់លិចស្រូវទុំ និងរាំងស្ងួតដំណាលគ្នា

បន្ទាយមានជ័យ៖ ភូមិសាស្ត្រខេត្តបន្ទាយមានជ័យមិនមែនមានតែជំនន់ទឹកភ្លៀងលិចស្រូវទុំទេប៉ុណ្ណោះទេ តែក៏មានគ្រោះរាំងស្ងួតប៉ះពាល់ស្រូវដែរ។ ពោល គឺកសិករជួបទ្វេគ្រោះនារដូវវស្សាឆ្នាំ២០១៨នេះ។លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យបានឱ្យដឹង ថា រដូវវស្សាឆ្នាំនេះ ក្នុងខេត្តដំណាំស្រូវអនុវត្តន៍បានចំនួន ២៥ម៉ឺន ៤៣១០ហិកតាស្មើនឹង១០១,៥២% នៃផែនការដែលត្រូវផលិត គឺមាន ២៥ម៉ឺន០៥០០ ហិកតា។ ប៉ុន្តែជាអកុសលខេត្តបន្ទាយមានជ័យទទួល រងនូវគ្រោះធម្មជាតិទ្វេគ្រោះ២ផ្សេងពីគ្នា គឺគ្រោះទឹកជំនន់ និងគ្រោះរាំងស្ងួត។លោកបន្តថា គ្រោះរាំងស្ងួតនៅខេត្តបន្ទាយមានជ័យមាន៥ស្រុករួមមានមង្គលបូរី, ភ្នំស្រុក, ព្រះនេត្រព្រះ, ថ្មពួក និងស្រុក ស្វាយចេក។ ចំពោះគ្រោះជំនន់វិញកើតមាននៅស្រុកមង្គលបូរី, អូរជ្រៅ, ព្រះនេត្រព្រះ និងក្រុងសិរីសោភ័ណ៕

បណ្ដាញសង្គម

ព័ត៌មានថ្មីៗ

សមាគមលើកកម្ពស់សហគ្រិនក្នុងស្រុក បង្ហាញនូវមោនទភាពពេលឃើញសហគ្រិនខ្លួនមមាញឹកក្នុងអាជីវកម្ម

ប្រជាជនអ៊ុយក្រែនប្រមូលផ្តុំគ្នាគាំទ្ររដ្ឋមន្ត្រីការពារជាតិដែលត្រូវបានបណ្តេញចេញ

សកម្មភាពដែនសមុទ្រនៅតែច្របូកច្របល់ទូទាំងច្រកដឹកជញ្ជូនប្រេងសំខាន់ៗតំបន់មជ្ឈិមបូព៌ា

សម្តេចរដ្ឋសភាធិបតី ឃួន សុដារី ប្រគេនទៀនព្រះវស្សា និងទេយ្យទាន ចំពោះព្រះសង្ឃគង់ចាំព្រះវស្សាចំនួន១២វត្ត ក្នុងខេត្តកណ្តាល ដោយបានបួងសួងសូមឱ្យប្រជាពលរដ្ឋ និងប្រទេសជាតិប្រកបដោយសេចក្តីចម្រុងចម្រើនជារៀងរហូតទៅ

រដ្ឋមន្ត្រីការបរទេសអ៊ីរ៉ង់ ស្វាគមន៍ជំហររបស់ទីក្រុងមូស្គូប្រឆាំងការឈ្លានពានរបស់អាមេរិក និងអ៊ីស្រាអែល

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

លោក Trump និយាយថា អ៊ីរ៉ង់នៅតែប្រកាប់ជំហរតឹងខ្លាំងក្នុងកិច្ចចរចា

អ្នកស្លាប់ដោយសារទឹកជំនន់នៅរដ្ឋ Assam របស់ឥណ្ឌា ឡើងដល់យ៉ាងហោចណាស់ ៦១នាក់

សម្តេចធិបតី រំឭកពីគុណបំណាច់យ៉ាងជ្រាលជ្រៅចំពោះវីរៈកងទ័ព វីរកងនគរបាលជាតិ និងវីរកងរាជអាវុធហត្ថដែលបានពលីជីវិត ដើម្បីបុព្វហេតុការពារទឹកដី និងបានកោតសរសើរចំពោះវីរយុទ្ធជនដែលកំពុងឈរជើងនៅជួរមុខ

ក្រសួងបរិស្ថាន បញ្ជាឱ្យផ្អាកសកម្មភាពបាញ់ថ្នាំលាបរថយន្តដែលប្រព្រឹត្តដោយខុសច្បាប់ បន្ទាប់ពីទទួលបានបណ្ដឹងពីពលរដ្ឋពាក់ព័ន្ធនឹងក្លិនថ្នាំលាបរថយន្ត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

សម្តេចតេជោ ហ៊ុន សែន ធ្វើដំណើរទៅបន្ទាយមានជ័យ ដើម្បីសួរសុខទុក្ខ និងជួយឧបត្ថម្ភប្រជាជនរងគ្រោះដោយទឹកជំនន់

លំនៅឋានស្តង់ដារជប៉ុនទី១នៅកម្ពុជា ដែលវិនិយោគទឹកប្រាក់ ៧០លានដុល្លារ ចាប់ផ្តើមបើកលក់ដំណាក់កាលទី២

ការឆ្លងរាលដាលវីរុសកូរ៉ូណានៅសហរដ្ឋអាមេរិកកើនឡើងជាង ៦លាននាក់

ក្រុមហ៊ុនធំៗ នៅអឺរ៉ុប គ្រោងវិនិយោគសណ្ឋាគារនៅកម្ពុជា

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

បន្ទាយមានជ័យមានទាំងជំនន់លិចស្រូវទុំ និងរាំងស្ងួតដំណាលគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ការ​​ឆ្លង​រាល​ដាល​​វីរុស​កូ​រ៉ូ​ណា​នៅ​សហរដ្ឋ​អាមេរិក​កើន​ឡើង​ជាង​ ៦​លាន​នាក់​

ក្រុមហ៊ុន​ធំៗ​ នៅ​អឺរ៉ុប​ គ្រោង​វិនិយោគ​សណ្ឋាគារ​នៅ​កម្ពុជា​

ពលរដ្ឋ ស្នើឱ្យ​អាជ្ញាធរ​ចាត់វិធានការ​អ្នក​ចោល​សំរាម​ចូល​ក្នុង​ទឹកស្ទឹង​ព្រែក​ត្នោត

បន្ទាយមានជ័យ​មាន​ទាំង​ជំនន់​លិច​ស្រូវ​ទុំ និង​រាំងស្ងួត​ដំណាលគ្នា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ការឆ្លងរាលដាលវីរុសកូរ៉ូណានៅសហរដ្ឋអាមេរិកកើនឡើងជាង ៦លាននាក់

ក្រុមហ៊ុនធំៗ នៅអឺរ៉ុប គ្រោងវិនិយោគសណ្ឋាគារនៅកម្ពុជា

ពលរដ្ឋ ស្នើឱ្យអាជ្ញាធរចាត់វិធានការអ្នកចោលសំរាមចូលក្នុងទឹកស្ទឹងព្រែកត្នោត

បន្ទាយមានជ័យមានទាំងជំនន់លិចស្រូវទុំ និងរាំងស្ងួតដំណាលគ្នា