BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ក្រុមហ៊ុន FURI វិនិយោគការិយាល័យជួលកម្រិត A Plus នៃគំរោង The PeAk

ភ្នំពេញ ៖ ក្រុមហ៊ុន FURI Real Estate ដែលបានវិនិយោគការិយាល័យ នៃគំរោង The PeAkបានប្រកាសលក់អគារការិយាល័យរបស់ខ្លួន នៅក្នុងគំរោងដែលផ្តោតលើការវិនិយោគបែបពហុមុខងារនេះ។ប្រធានផ្នែកទីផ្សារនៃក្រុមហ៊ុន FURI Real Estate កញ្ញា លឹម សុខាដាវីន បានមានប្រសាសន៍ឲ្យដឹងកាលពីចុងសប្តាហ៍មុនថា ក្រុមហ៊ុន FURI បានទិញយកផ្នែកការិយាល័យនៃគំរោងដ៏ធំនេះ ដែលចាប់ផ្តើមពីជាន់ទី១៣A ដល់ជាន់ទី២៨ នៃអគារសណ្ឋាគារ Shangri_La ។នៅក្នុងអគារនេះ ផ្នែកជាន់ខាងក្រោមជាផ្សារទំនើប ជាន់កណ្តាលជាការិយាល័យ និងជាន់ខាងលើចាប់ពីជាន់ទី២៩ ដល់ជាន់ទ៥៤ជាសណ្ឋាគារកម្រិតផ្កាយ៥។ បច្ចុប្បន្នការិយាល័យក្នុងអគារនេះលក់អស់បានជាង៧០ភាគរយហើយ។កញ្ញាបន្តថា “អគារការិយាល័យនេះ យើងផ្តោតលើការលក់ជូនអតិថិជន និងជួលត្រលប់ពីអតិថិជនវិញ ដោយផ្តល់ប្រាក់ចំណូលចន្លោះ១៣០០ ទៅ១៥០០ដុល្លារក្នុងមួយម៉ែត្រការ៉េ”។កញ្ញា បន្តថា “ទីផ្សារការិយាល័យនៅតំបន់នេះ ជាតំបន់មានភាពទាក់ទាញបំផុត ព្រោះតំបន់កោះពេជ្រជាតំបន់ ដែលមានខុនដូ រាប់ម៉ឺនយូនីតដែលបានបញ្ចប់ និងកំពុងសាងសង់នៅតំបន់នេះ។គំរោង THe PeAk ជាគំរោងដែលមានការអភិវឌ្ឍន៍ចម្រុះ ដោយមានខុនដូចំនួន១១១៤យូនីត មានផ្សារទំនើបកម្រិតស្តង់ដារអន្តរជាតិ មានសណ្ឋាគារ ការិយាល័យ និងសេវាកម្មជាច្រើនទៀត។ គំរោងនេះ បានសាងសង់ដល់ជាង២៨ហើយ ក្នុងគំរោងកំពស់៥៤ជាន់។កញ្ញាលឹម សុខាដាវីន បានបន្តថា ផ្នែកការិយាល័យក្នុងគំរោងនេះមានចំនួនសរុប២៥០យូនីត ដែលមានទំហំចាប់ពី៤២ដល់៤៤ម៉ែត្រការ៉េក្នុងមួយយូនីត ប៉ុន្តែអតិថិជនអាចជួលបានទំហំច្រើនជាងនេះ ដោយយើង មានជំនាញលើការងារនេះ និងអាចរៀបចំបាន ដើម្បីបំពេញតម្រូវការអតិថិជន។កញ្ញាបន្តថា “ទីផ្សារការិយាល័យមិនមានអ្វីគួរឲ្យបារម្ភនោះទេ ព្រោះក្រុមហ៊ុនណាក៏ចង់មកបើកការិយាល័យនៅក្បែរ ឬនៅជាមួយសណ្ឋាគារ Shangri_La ដែរ ព្រោះវាជួយលើកកេរ្ដិ៍ ឈ្មោះរបស់ក្រុមហ៊ុនគាត់”។អ្នកនាង ជិន ចាន់ឡែន នាយិកាប្រតិបត្តិនៃក្រុមហ៊ុនFURI Real Estate បានមានប្រសាសន៍ថាអ្វីជាចំណុចពិសេសនោះគឺគំរោង The PeAk មានគំរោងដែលមានលក្ខណៈONe Stock Service ដែលផ្តល់ឱកាសឲ្យអ្នកវិនិយោគមានភាពងាយស្រួល អាចធ្វើការ និងស្នាក់នៅក្នុងតំបន់ ដែលមានសេវាកម្មចម្រុះ ដូចជា ផ្សារទំនើប កន្លែងទទួលទានអាហារ សេវាកម្មកំសាន្ត ខុនដូ សម្រាប់ស្នាក់នៅ និងសណ្ឋាគារកម្រិតផ្កាយ៥ជាដើម៕

ក្រុងប៉ោយប៉ែត មានខុនដូកម្ពស់កប់ពពកជាលើកដំបូង

បន្ទាយមានជ័យ ៖ ទីក្រុងប៉ោយប៉ែត ស្ថិតនៅព្រំប្រទល់ប្រទេសថៃបាន និងកំពុងរីកចម្រើនយ៉ាងលឿន ដោយមានអគារខុនដូភ្លោះ កំពស់២១ជាន់ជាលើកដំបូង ដែលគំរោងនេះ ត្រូវបានវិនិយោគដោយក្រុមហ៊ុនសុខា រ៉េស៊ីដិន។យោងតាមព័ត៌មានរបស់ក្រុមហ៊ុននេះ ដែលបានបង្ហោះលើបណ្តាញទំនាក់ទំនងសង្គមរបស់ខ្លួនបានឲ្យដឹងថា ក្រុមហ៊ុនសូមនាំមកនូវគំរោងថ្មី និងដំបូងគេបង្អស់នៅទីក្រុងប៉ោយប៉ែត ជាកន្លែងដែលកំពុងមានការលូតលាស់ផ្នែកសេដ្ឋកិច្ច នោះគឺគំរោងអាគារសហកម្មសិទ្ធឬខុនដូ កំពស់២១ជាន់ ត្រូវបានគាំទ្រយ៉ាងពេញទំហឹងពីអភិបាលខេត្ត និងអាជ្ញាធរដែនដី។ខុនដូនេះ មានបន្ទប់គេងមួយ ដល់បន្ទប់គេងបី និងលក់ក្នុងតម្លៃចាប់ពីតម្លៃ ២៧,៨៦៤ដុល្លារ ដល់ជាង១លានដុល្លារអាមេរិក។ គំរោងនេះ ស្ថិតនៅភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។រដ្ឋាភិបាលបានដាក់ក្រុងប៉ោយប៉ែត ជាទីក្រុងពិសេសនិងជាតំបន់ឧស្សាហកម្មតាមរយៈគោលនយោបាយអភិវឌ្ឍន៍ វិស័យឧស្សាហកម្មឆ្នាំ២០១៥ ២០២៥ ដើម្បីធ្វើយ៉ាងណាឲ្យតំបន់នេះទាក់ទាញការវិនិយោគ។ បច្ចុប្បន្នក្រុងប៉ោយប៉ែត កំពុងទាក់ទាញអ្នកវិនិយោគជប៉ុន និងចិនជាច្រើន ទៅបើករោងចក្រ សហគ្រាសជាច្រើននៅទីនោះ ដើម្បីផលិតនិងនាំចេញទៅកាន់ប្រទេសថៃ ដោយសារកម្លាំងពលកម្មនៅកម្ពុជាមានតម្លៃទាប ធៀបជាមួយប្រទេសថៃ៕

វត្តយុគន្ធរហៅវត្តឆ្នុកទ្រូ ស្រុកបរិបូរណ៍ ទទួលអង្គកឋិនទានពីជំទាវ កែវ ម៉ាលី ទីប្រឹក្សាសម្ដេចប្រធានព្រឹទ្ធិសភា

ភ្នំពេញ៖ ដោយមានសទ្ធាជ្រះថ្លា ក្នុងវិស័យព្រះពុទ្ធសាសនា លោកជំទាវ កែវ ម៉ាលី ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា រួមនឹងក្រុមការងារ បានដង្ហែរអង្គកឋិនទាន ទៅកាន់វត្តយុគន្ធរ ហៅវត្តឆ្នុកទ្រូ ឃំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង តាមប្រពៃណីសាសនា ដើម្បីបន្តកសាងនូវសមិទ្ធផលនានានៅក្នុងវត្តនេះ។ក្នុងឱកាសនោះ លោកជំទាវ បាននាំយកនូវទេយ្យទាន និងបច្ច័យមួយចំនួនប្រគេន ព្រះសង្ឃដែលគង់ក្នុងវត្តនេះ និងបានប្រគេនបច្ច័យសម្រាប់កសាងវត្តដែលបានប្រមូលពីពុទ្ធបរស័ទចូលរួមជិតមួយម៉ឺនដុល្លារ។សូមបញ្ជាក់ថា កឋិនទាន គឺជាបុណ្យមួយ ដែលមានតែក្នុងព្រះពុទ្ធសាសនាប៉ុណ្ណោះ និងជាទានមានមកតាមផ្លូវព្រះវិន័យ ហើយក៏ជាកាលទានដ៏ពិសេសមួយមានកំណត់ពេលវេលាច្បាស់លាស់ ពុំមែនចេះតែធ្វើនៅពេលណា ក៏បានតាមចិត្តចង់នោះឡើយ។ រយៈកាលទទួលកឋិនទានក្ដី និងរយៈកាលកឋិនទានក្ដី អាចធ្វើបានតែក្នុងសម័យតែ ១ខែគត់ (២៩ថ្ងៃ) ចាប់ពីថ្ងៃ ១រោច ខែអស្សុជ ដល់ថ្ងៃ១៥កើត ខែកត្តិក។ក្នុងវត្តមួយ បើការចាំវស្សា គ្មានភិក្ខុសោះ ក៏មិនអាចហែកឋិនចូលដែរ ព្រោះសាមណេរ គ្មានសិទ្ធិទទួលក្រាលគ្រងកឋិនទេ លុះតែយ៉ាងហោចបំផុតត្រូវមានភិក្ខុ១អង្គដែរហើយដែលបានចាំវស្សាអស់៣ខែ បានត្រឹមត្រូវទើបអាចហែកឋិនចូលបាន ៕

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ

ភ្នំពេញ៖ ការគ្រប់គ្រងចង្ហាន់ នំចំណី ក្នុងឱកាសបុណ្យភ្ជុំបិណ្ឌនៅតាមវត្តអារាមមួយចំនួននៅរាជធានីភ្នំពេញត្រូវបានកត់សំគាល់ពីការចេះបែងចែកបានយ៉ាងល្អ ពោល គឺមិនមានខ្ជះខ្ជាយឬទុកឱ្យផ្អូមចោលនោះឡើយ។ ព្រះសង្ឃនៅតាមវត្តអារាមមួយចំនួនបានវេចខ្ចប់ចង្ហាន់ និងចែកបន្តទៅប្រជាពុទ្ធបរិស័ទ ជាពិសេសអ្នកដែលប្រឈមទៅនឹងការខ្វះខាត។ម្ហូបអាហារ នំចំណីដ៏សំបូរបែបនៅតាមទីវត្តអារាមមួយចំនួននៅរាជធានីភ្នំពេញ បានធ្វើឱ្យមតិមួយបារម្ភ ពីការទុកដាក់មិនបានល្អ ប៉ុន្តែ ផ្ទុយទៅវិញ គេសង្កេតឃើញនៅតាមវត្តអារាមមួយនៅរាជធានីភ្នំពេញបានយល់ដឹង និងមានការបែងចែង ចង្ហាន់បានយ៉ាងល្អ។ ជាក់ស្ដែងដូចជាវត្តបទុមវតីរាជវរារាម ជាដើមបានយក អាហារ ដែលប្រជាពុទ្ធបរិស័ទប្រគេន វេចខ្ចប់ ដួសដាក់ឆ្នាំង យកទៅចែកជូនដល់ប្រជាពលរដ្ឋ ដែលមកសម្រាកព្យាបាលជម្ងឺ នៅមន្ទីរពេទ្យគន្ធបុប្ផា ដែលទាំងអស់នេះបានចូលរួមចំណែកកាត់បន្ថយការចំណាយ និងមិនខ្ជះខ្ជាយនោះទេ។ចំណែកឯព្រះសង្ឃគង់នៅវត្តសុវណ្ណមុនីសាគរសំរោងអណ្តែតវិញ ក៏មិនខុសពីវត្តបទុវតីដែរ សម្តេចព្រះសាក្យមុនី រ័ត្ន សារឿន សមាជិកថេរសភាសង្ឃ នៃព្រះរាជាណាចក្រកម្ពុជា មានសង្ឃដីកាថា វត្តសំរោង អណ្តែតនៅពេលដែលព្រះសង្ឃឆាន់ត្រង់រួច ព្រះសង្ឃតែងតែប្រកាស តាមឧឧគ្ឃោសនស័ព្ទ អញ្ជើញមនុស្សម្នារទាំងអស់ ដែលនៅក្នុងបរិវណវត្ត អោយមកទទួលទានអាហារ ជារៀងរាល់ថ្ងៃនៅក្នុងឱកាសបុណ្យកាន់បិណ្ឌនេះ។ មិនថាជនអនាថា អ្នកសុំទាន អ្នករត់ម៉ូតូឌុប ម៉ូតូកង់បី អ្នកលក់នំចំណីជាដើម អោយមកពិសារអាហារជារៀងរាល់ នេះជាសង្ឃដិការបស់ព្រះអង្គ។ប្រជាពលរដ្ឋដែលបានទទួលអាហារពីព្រះសង្ឃ ម្នាក់ៗបានសំដែងនូវទឹកចិត្ត ត្រេកអរយ៉ាងខ្លាំង ចំពោះទឹកចិត្ត ព្រះសង្ឃទាំងអស់ ដែលបានចែកជូន នូវចំណីអាហារទាំងនេះ មកដល់ពួកគាត់ជារៀងរាល់ថ្ងៃ នៅក្នុងឱកាសបុណ្យកាន់បិណ្ឌនេះ ស្របពេលដែលពួកគាត់កំពុង តែមានការខ្វះខាត់ក្នុងជីវភាព និងគ្រាន់បានបន្ធូរបន្ថយ ការចំណាយលើការហូបចុកប្រចាំថ្ងៃ បានមួយគ្រាៗផងដែរ។តាមរយៈសកម្មភាពទាំងនេះ គឺបានឆ្លុះបញ្ចាំងពីវប្បធម៌ នៃការចែករំលែក និងឆ្លើយតបទៅតាមសេចក្តីត្រូវការ។ ជារៀងរាល់ឆ្នាំគេតែងតែឃើញមានការបញ្ចេញមតិ វែកញែកគ្នាជារឿយៗ អំពីម្ហូបអាហារដែលមានច្រើនលើសលប់ ដែលធ្វើឱ្យមានបារម្ភពីការគ្រប់គ្រងមិនបានល្អ ខណៈក្មេងកំព្រា ជនអនាថាមួយចំនួន កំពុងប្រឈមការអត់ឃ្លាន៕

ប្រមុខការពារជាតិកម្ពុជា ៖ ការអភិវឌ្ឍមូលដ្ឋានទ័ពជើងទឹករាម គឺសម្រាប់តែកម្ពុជាប្រើប្រាស់ទេ

ភ្នំពេញ ៖ ប្រមុខការពារជាតិកម្ពុជា បានប្រាប់ដល់ឯកអគ្គរដ្ឋទូតអាមេរិកប្រចាំនៅកម្ពុជាថា ការអភិវឌ្ឍមូលដ្ឋាន ទ័ពជើងទឹក នៅសមុទ្ររាម ខេត្តព្រះសីហនុ គឺសម្រាប់តែការប្រើប្រាស់ផ្ដាច់មុខជារបស់កងទ័ពជើងទឹក កម្ពុជាតែប៉ុណ្ណោះ មិនសម្រាប់កងទ័ពបរទេសនោះទេ និងក៏ដើម្បីជាទីសំចតនាវាគ្រប់ប្រភេទ ដែលអន្តរ ជាតិស្នើសុំចតផងដែរ។សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ កាលពីថ្ងៃទី២១ ខែកញ្ញា ម្សិល មិញ បានជួបសវនាការជាមួយលោក ប៉ាទ្រីក មូហ្វ៊ី (W.patrick Murphy) ឯកអគ្គរដ្ឋទូតសហរដ្ឋអាមេ រិកប្រចាំកម្ពុជា ដែលក្នុងជំនួបនេះ សម្ដេចពិជ័យសេនា បានបញ្ជាក់ថា គម្រោងការប្រែក្លាយមូលដ្ឋាន សមុទ្ររាម ជាកំពង់ផែអន្តរជាតិនេះ ត្រូវបានធ្វើការសិក្សាអស់រយៈពេលជាង១០ឆ្នាំ មកហើយ។ ដូច្នេះ បន្ទាប់ពីការអភិវឌ្ឍរួច កំពង់ផែនេះ នឹងទទួលការចូលចតគ្រប់នាវាទាំងអស់។ មួយវិញទៀត រដ្ឋធម្មនុញ្ញ កម្ពុជា បានចែងច្បាស់ គឺមិនឱ្យមានមូលដ្ឋានកងទ័ពបរទេសនៅលើទឹកដីកម្ពុជាឡើយ»។សហរដ្ឋអាមេរិក កន្លងមក ជាច្រើនលើក បានចោទប្រកាន់ថា កម្ពុជា បានអនុញ្ញាតឲ្យចិនដាក់មូលដ្ឋានទ័ពរបស់ខ្លួនលើដឹកដីកម្ពុជា ជាពិសេសគឺមូលដ្ឋានសមុទ្ររាម នៅខេត្តព្រះសីហនុ តែម្តង។យ៉ាងណាក៏ដោយ សម្តេចពិជ័យសេនា បានថ្លែងអំណរគុណដល់អាមេរិក ដែលកន្លងមក បាន ជួយហ្វឹកហ្វឺនដល់កងទ័ពកម្ពុជា ដូចជា វិស័យដោះមីន សន្តិសុខលម្ហសមុទ្រ សង្គ្រោះគ្រោះមហន្តរាយ និងជំនាញបេសកកម្មរក្សាសន្តិភាពរបស់អង្គការសហប្រជាជាតិ។ ឆ្នាំ២០០៩–២០១០ អាមេរិក បានជួយសាង សង់សាលាហ្វឹកហ្វឺនរក្សាសន្តិភាព ACO នៅខេត្តកំពង់ស្ពឺ ព្រមទាំងបានផ្តល់សម្ភារមួយចំនួនទៀត និង ជួយគាំទ្រឲ្យកម្ពុជាធ្វើជាម្ចាស់ផ្ទះធ្វើលំហាត់ហ្វឹកហ្វឺន GPOI ឆ្មាំអង្គរ ២០១០ ដែលតាមរយៈលំហាត់ហ្វឹកហ្វឺននេះ បានធ្វើឱ្យកងទ័ពកម្ពុជា មានសមត្ថភាពចេញទៅបំពេញបេសកកម្មរក្សាសន្តិភាពនៅបរទេស កាន់តែច្រើន»។សម្តេចពិជ័យសេនា បានបញ្ជាក់បន្ថែមថា« ជោគជ័យនៃបេសកកម្មរក្សាសន្តិភាពរបស់កម្ពុជា គឺ មិនអាចកាត់ផ្ដាច់បានពីការគាំទ្ររបស់អាមេរិក។ ប៉ុន្តែជាចុងក្រោយ ទំនាក់ទំនងទ្វេភាគីរវាងកងទ័ព ប្រទេសទាំងពីរ កម្ពុជា-អាមេរិក មានការរអាក់រអួលដោយសារព្រឹត្តិការណ៍ នយោបាយ ជាពិសេសការ ប្រឈមនឹងវិបត្តិកូវីដ–១៩នេះតែម្តង»។លោក ប៉ាទ្រីក មូហ្វ៊ី បានសំដែងនូវក្តីសោមនស្សរីករាយចំពោះកិច្ចសហប្រតិបត្តិការយោធាកន្លង មក រវាងកងទ័ពទាំងពីរ (កម្ពុជា-អាមេរិក) ។ ជាពិសេសការចូលរួមរបស់កម្ពុជាក្នុងបេសកកម្មរក្សា សន្តិភាព ដែលជាការតបស្នងទៅនឹងអង្គការសហប្រជាជាតិនោះ។ លោកឯកអគ្គរដ្ឋទូតរំពឹងថា ទំនាក់ទំ នង រវាងកម្ពុជា និងអាមេរិក នៅតែបន្ត៕

បណ្ដាញសង្គម

ព័ត៌មានថ្មីៗ

សាលាបឋមសិក្សាតាំងក្រសៅ ទទួលបានអគារសិក្សាថ្មី១ខ្នង ផ្តល់ផលប្រយោជន៍ដល់ការសិក្សាយូរអង្វែង

ក្រសួងវប្បធម៌៖ ការប្រើប្រាស់សម្លៀកបំពាក់ខ្មែរពីបុរាណដល់បច្ចុប្បន្ន នៅតែរក្សាអត្តសញ្ញាណស្នូល

សមាគមលើកកម្ពស់សហគ្រិនក្នុងស្រុក បង្ហាញនូវមោនទភាពពេលឃើញសហគ្រិនខ្លួនមមាញឹកក្នុងអាជីវកម្ម

ប្រជាជនអ៊ុយក្រែនប្រមូលផ្តុំគ្នាគាំទ្ររដ្ឋមន្ត្រីការពារជាតិដែលត្រូវបានបណ្តេញចេញ

សកម្មភាពដែនសមុទ្រនៅតែច្របូកច្របល់ទូទាំងច្រកដឹកជញ្ជូនប្រេងសំខាន់ៗតំបន់មជ្ឈិមបូព៌ា

សម្តេចរដ្ឋសភាធិបតី ឃួន សុដារី ប្រគេនទៀនព្រះវស្សា និងទេយ្យទាន ចំពោះព្រះសង្ឃគង់ចាំព្រះវស្សាចំនួន១២វត្ត ក្នុងខេត្តកណ្តាល ដោយបានបួងសួងសូមឱ្យប្រជាពលរដ្ឋ និងប្រទេសជាតិប្រកបដោយសេចក្តីចម្រុងចម្រើនជារៀងរហូតទៅ

រដ្ឋមន្ត្រីការបរទេសអ៊ីរ៉ង់ ស្វាគមន៍ជំហររបស់ទីក្រុងមូស្គូប្រឆាំងការឈ្លានពានរបស់អាមេរិក និងអ៊ីស្រាអែល

យុវជនមកពីគ្រួសារក្រីក្រ និងពលរដ្ឋទូទៅជិត ៤ពាន់នាក់ក្នុងខេត្តស្វាយរៀង មានជំនាញ និងចំណូលសមរម្យ ក្រោយពីទទួលបានការបណ្ដុះបណ្ដាលក្នុងវិធី ១,៥លានរបស់សម្ដេចធិបតី

លោក Trump និយាយថា អ៊ីរ៉ង់នៅតែប្រកាប់ជំហរតឹងខ្លាំងក្នុងកិច្ចចរចា

អ្នកស្លាប់ដោយសារទឹកជំនន់នៅរដ្ឋ Assam របស់ឥណ្ឌា ឡើងដល់យ៉ាងហោចណាស់ ៦១នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

ក្រុមហ៊ុន FURI វិនិយោគការិយាល័យជួលកម្រិត A Plus នៃគំរោង The PeAk

ក្រុងប៉ោយប៉ែត មានខុនដូកម្ពស់កប់ពពកជាលើកដំបូង

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ

ប្រមុខការពារជាតិកម្ពុជា ៖ ការអភិវឌ្ឍមូលដ្ឋានទ័ពជើងទឹករាម គឺសម្រាប់តែកម្ពុជាប្រើប្រាស់ទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ក្រុមហ៊ុន FURI វិនិយោគ​ការិយាល័យ​ជួល​កម្រិត A Plus នៃ​គំរោង The PeAk

ក្រុង​ប៉ោយប៉ែត​ មាន​ខុន​ដូ​កម្ពស់​កប់​ពពក​ជា​លើកដំបូង​

ភ្ជុំបិណ្ឌ​ឆ្នាំនេះ អាហារ នំចំណី ត្រូវបាន​គ្រប់គ្រង​បាន​យ៉ាង​ល្អ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមហ៊ុន FURI វិនិយោគការិយាល័យជួលកម្រិត A Plus នៃគំរោង The PeAk

ក្រុងប៉ោយប៉ែត មានខុនដូកម្ពស់កប់ពពកជាលើកដំបូង

ភ្ជុំបិណ្ឌឆ្នាំនេះ អាហារ នំចំណី ត្រូវបានគ្រប់គ្រងបានយ៉ាងល្អ