BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

ក្រុមគ្រូពេទ្យ TYDA ប្រកាសថា អ្នកជំងឺកូវីដ-១៩ចំនួន ១២៧នាក់ទៀតនៅមណ្ឌលព្យាបាលកោះពេជ្រជាសះស្បើយឡើងវិញ

ភ្នំពេញ៖ សមាគមពេទ្យស្ម័គ្រចិត្តយុវជនសម្ដេចតេជោ បានអះអាងថា អ្នកជំងឺកូវីដ-១៩ចំនួន ១២៧នាក់ទៀត នៅមណ្ឌលព្យាបាលកោះពេជ្រ ត្រូវបានអនុញ្ញាតឱ្យចាកចេញត្រឡប់ទៅផ្ទះវិញហើយនៅព្រឹកថ្ងៃនេះ បន្ទាប់ពីជាសះស្បើយពីជំងឺ។ក្រុមពេទ្យស្ម័គ្រចិត្តយុវជនសម្ដេចតេជោ ឬហៅកាត់ថា TYDA បានអះអាងបែបនេះនៅលើទំព័រហ្វេសប៊ុករបស់ខ្លួននៅយប់នេះ។ទំព័រហ្វេសប៊ុកក្រុមពេទ្យស្ម័គ្រយុជនស្ម័គ្រចិត្តសម្ដេចតេជោ បានបញ្ជាក់ផងដែរថា អ្នកជាសះស្បើយថ្មីទាំង ១២៧នាក់នោះ ត្រូវបានក្រុមគ្រូពេទ្យណែនាំឱ្យបន្តធ្វើចត្តាឡីស័ក ឬរក្សាខ្លួននៅដាច់ដោយឡែកនៅផ្ទះដោយខ្លួនឯងរយៈពេល ១៤ថ្ងៃបន្ថែមទៀត ដើម្បីតាមដានសុខភាព៕

សាលារាជធានីភ្នំពេញ បើកឱ្យអាជីវកម្មពាក់ព័ន្ធម្ហូបអាហារដំណើរការឡើងវិញនៅ«តំបន់លឿងទុំ» និង«តំបន់លឿង»

ភ្នំពេញ៖ សាលារាជធានីភ្នំពេញ បានសម្រេចបើកឡើងវិញនូវការលក់ដូរអាជីវកម្មរម្ហូបអាហារនៅ«តំបន់លឿងទុំ» និង«តំបន់លឿង» ប៉ុន្តែ តម្រូវឱ្យអនុវត្តតាមវិធានការសុវត្ថិភាព«ជាចាំបាច់»។ក្នុងសេចក្ដីណែនាំនៅយប់នេះ អភិបាលរាជធានីភ្នំពេញ លោក ឃួង ស្រេង បានបញ្ជាក់ថា សាលារាជធានីភ្នំពេញអនុញ្ញាតឱ្យអាជីវករ និងប្រជាពលរដ្ឋទាំងអស់នៅតំបន់ទាំងពីរនេះ អាចបើកលក់ដូរឡើងវិញ និងអាចធ្វើដំណើរទៅទិញម្ហូបអាហារបានចន្លោះពីម៉ោង ៣ទៀបភ្លឺរហូតដល់មុនម៉ោង ៨យប់។ប៉ុន្តែ សាលារាជធានីភ្នំពេញ តម្រូវឱ្យអាជីវករ និងពលរដ្ឋទាំងអស់នៅក្នុងតំបន់ទាំងពីរនេះ អនុវត្តតាមវិធានការសុវត្ថិភាពជាចាំបាច់ ដូចជា ពាក់ម៉ាស រក្សាគម្លាត និងលាងដៃជាប្រចាំ។សាលារាជធានីភ្នំពេញ បានបញ្ជាក់ក្នុងសេចក្ដីណែនាំថា ការអនុញ្ញាតឱ្យអាជីវករ និងប្រជាពលរដ្ឋក្នុងតំបន់លឿងទុំ និងតំបន់លឿង អាចលក់ដូរ និងទិញម្ហូបអាហារឡើងវិញនេះ បន្ទាប់ពីពិនិត្យឃើញតម្រូវការចាំបាច់៕

អាជ្ញាធរខេត្តកណ្ដាល សម្រេចបន្តបិទផ្សារគគីរនៅស្រុកកៀនស្វាយ ២សប្ដាហ៍ទៀត ដើម្បីទប់ស្កាត់ការឆ្លងរាលដាលនៃកូវីដ-១៩

កណ្ដាល៖ រដ្ឋបាលខេត្តកណ្ដាលសម្រេចបន្តបិទផ្សារគគីរ ស្ថិតក្នុងស្រុកកៀនស្វាយ រយៈពេល ២សប្ដាហ៍បន្ថែមទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចចេញនៅថ្ងៃនេះ អភិបាលខេត្តកណ្ដាល លោក គង់ សោភ័ណ្ឌ បានបញ្ជាក់ថា ត្រូវផ្អាកដំណើរការអាជីវកម្មផ្សារគគីរជាបណ្ដោះអាសន្នរយៈពេល ២សប្ដាហ៍ទៀត ចាប់ពីថ្ងៃនេះរហូតដល់ថ្ងៃទី១០ ខែឧសភាខាងមុខនេះ។អភិបាលខេត្តកណ្ដាល បញ្ជាក់ថា វិធានការនេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩ ហើយអាជ្ញាធរនឹងធ្វើការរៀបចំការលក់ដូរនៅក្នុងផ្សារគគីរនេះឡើងវិញ។លោក គង់ សោភ័ណ្ឌ ក៏បានជំរុញទៅអាជីវករ និងពលរដ្ឋមានការជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ឱ្យទៅតាមដានសុខាភាពខ្លួនឯង និងធ្វើតេស្តរកមេរោគកូវីដ-១៩៕

ក្រសួងសុខាភិបាល សម្រេចឱ្យមន្ទីរពេទ្យឯកជនស្របច្បាប់ ប្រើប្រាស់ឧបករណ៍តេស្តរកកូវីដ-19 ល្បឿនលឿន

ក្រសួងសុខាភិបាល សម្រេចឱ្យមន្ទីរពេទ្យឯកជនស្របច្បាប់ ប្រើប្រាស់ឧបករណ៍តេស្តរកកូវីដ-19 ល្បឿនលឿន(Rapid Antigen Test Covid-19) យោងតាមសេចក្តីប្រកាសព័ត៌មានរបស់ក្រសួងសុខាភិបាលដែលចុះហត្ថលេខាដោយឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ19 ស្ដីពីការអនុញ្ញាតឱ្យសេវាសុខាភិបាលឯកជនស្របច្បាប់ មន្ទីរពេទ្យឯកជន មន្ទីរពហុព្យាបាល មន្ទីរសំរាកព្យាបាលនិងសម្ភព ប្រើប្រាស់ Rapid Antigen Test Covid-19 ក្នុងក្របខ័ណ្ឌទូទាំងប្រទេសដោយមានការឯកភាពដ៏ខ្ពង់ខ្ពស់ ពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនោះក្រសួងសុខាភិបាលអនុញ្ញាតឱ្យសេវាសុខាភិបាលឯកជនស្របច្បាប់ខាងលើប្រើប្រាស់ឧបករណ៍តេស្តរហ័សឬតេស្តល្បឿនលឿននេះ ដែលបានទទួលស្គាល់និងកំពុងប្រើប្រាស់ដោយក្រសួងសុខាភិបាល៕

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

ក្រសួងសុខាភិបាលបានចេញសេចក្តីប្រកាសព័ត៌មានពីករណីស្លាប់ពីរនាក់បន្ថែមទៀត ដោយសារជំងឺកូវីដ១៩ លើស្ត្រីជនជាតិខ្មែរ អាយុ៥៤ឆ្នាំ រស់នៅសង្កាត់ស្ទឹងមានជ័យ ខណ្ឌមានជ័យរាជធានីភ្នំពេញនៅវេលាម៉ោង ០០:៤៥នាទីរំលងអធ្រាត្រ ថ្ងៃទី២១ ខែមេសា ឆ្នាំ២០២១និងស្ត្រីជនជាតិខ្មែរ អាយុ៥៤ឆ្នាំ រស់នៅសង្កាត់អូរឬស្សី៣ ខណ្ឌ៧មករា រាជធានីភ្នំពេញ នៅវេលាម៉ោង ១០:០០ព្រឹក ថ្ងៃទី២១ខែមេសា ឆ្នាំ២០២១នេះ ដោយសារវិបត្ដិផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាងដោយសារវីរុសកូវីដ១៩។សូមបញ្ជាក់ថាបើយោងតាមសេចក្តីជូនព៌ត៌មានរបស់ក្រសួងសុខាភិបាលបានឲ្យដឹងថា នៅថ្ងៃទី២០ ខែមេសាឆ្នាំ២០២១ ម្សិលមិញនេះ ករណីឆ្លងថ្មីកូវីដ១៩ មានចំនួន៣០៣នាក់ និងករណីព្យាបាលជាសះស្បើយចំនួន២៣៩នាក់ ដែលនាំអោយករណីឆ្លងសរុបនៅកម្ពុជាបានកើនដល់ចំនួន៧៧៤៧នាក់ និងអ្នកព្យាបាលជាសះស្បើយចំនួន២៧៩៤នាក់ ក្នុងនោះបណ្ដាលឲ្យអ្នកស្លាប់ចំនួន៥៤នាក់ហើយបើគិតទាំងករណីថ្មីចំនួនពីរនាក់នៅថ្ងៃនេះបន្ថែមទៀត នាំឲ្យអ្នកស្លាប់ដោយសារជំងឺកូវីដ១៩នៅកម្ពុជា បានកើនឡើងដល់៥៦នាក់ហើយ៕

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

ភ្នំពេញ៖ ក្រសួងសុខាភិបាលប្រកាសនៅយប់ថ្ងៃនេះថា បុរសជនជាតិខ្មែរ ២នាក់ទៀត បានស្លាប់ដោយសារជំងឺកូវីដ១៩នៅថ្ងៃនេះ ដែលនាំឱ្យតួលេខអ្នកស្លាប់ដោយសារមេរោគផ្លូវដង្ហើមនេះ កើនដល់ ៤៥នាក់ហើយ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៥៥ឆ្នាំ ដែលរស់នៅសង្កាត់អូរឫស្សី ខណ្ឌ៧មករា បានស្លាប់នៅម៉ោងជិត ១រសៀលថ្ងៃទី១៨ ខែមេសានេះ នៅឯមន្ទីរពេទ្យហ្លួងម៉ែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅព្យាបាលនៅមណ្ឌលព្យាបាលបុរី ១០០ខ្នង កាលពីថ្ងៃទី១៥ ខែមេសា បន្ទាប់ពីរកឃើញឆ្លងមេរោគកូវីដ១៩ ហើយបន្ទាប់មកបញ្ជូនទៅព្យាបាលនៅមន្ទីរពេទ្យហ្លួងម៉ែនៅថ្ងៃនេះ។ចំណែកឯបុរសម្នាក់ទៀតអាយុ ៤៩ឆ្នាំ ដែលរស់នៅក្នុងសង្កាត់ឫស្សីកែវ ខណ្ឌឫស្សីកែវ បានស្លាប់នៅម៉ោងជិត ៣រសៀលថ្ងៃនេះ នៅឯមណ្ឌលសុខភាពចាក់អង្រែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលនៅមណ្ឌលសុខភាពចាក់អង្រែកាលពីថ្ងៃទី១៥ ខែមេសានេះ ក្រោយពីត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា បុរសទាំង ២នាក់នេះ បានស្លាប់បាត់បង់ជីវិត បន្ទាប់ពីសួតរបស់ពួកគេរងការវាយប្រហារធ្ងន់ធ្ងរពីមេរោគកូវីដ ខណៈពួកគាត់សុទ្ធតែមានមានជំងឺទឹកនោមផ្អែមប្រចាំកាយផងដែរ។តួលេខផ្លូវការប្រកាសដោយក្រសួងសុខាភិបាល បង្ហាញថា ចំនួនមនុស្សស្លាប់ដោយសារមេរោគកូវីដ១៩សរុបរហូតមកដល់ថ្ងៃនេះ បានកើនឡើងដល់ ៤៥នាក់ហើយនៅក្នុងរយៈពេល ៣៧ថ្ងៃចុងក្រោយនេះ៕

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចឱ្យបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់មរណីយដ្ឋានទេសចរណ៍ទាំងអស់នៅទូទាំងប្រទេសរយៈពេល ៨ថ្ងៃបន្ថែមទៀត។វិធានការបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់នេះ ត្រូវបានធ្វើឡើងដោយសេចក្ដីសម្រេចដែលចេញដោយសម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី១៧ ខែមេសានេះ។ក្នុងសេចក្ដីសម្រេចនេះ ការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់ ត្រូវបិទបន្តទៀតរយៈពេល ៨ថ្ងៃចាប់ពីថ្ងៃទី២១ រហូតទៅដល់ថ្ងៃទី២៨ ខែមេសា។ប្រមុខរាជរដ្ឋាភិបាលកម្ពុជាបានសម្រេចឱ្យបិទការធ្វើដំណើរឆ្លងខេត្ត និងតំបន់ទេសចរណ៍រយៈពេល ២សប្ដាហ៍ម្ដងរួចមកហើយចាប់ពីថ្ងៃទី៧ រហូតដល់ថ្ងៃទី២០ ខែមេសានេះ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចដាក់ចេញវិធានការទាំងពីរនេះ បន្ទាប់ពីមើលឃើញកំណើននៃករណីឆ្លងមេរោគកូវីដ១៩នៅទូទាំងប្រទេស ដែលបានកើនឡើងរហូតដល់ ៥ ៧៧១ករណីហើយនៅត្រឹមថ្ងៃនេះ៕

ប្រមុខរាជរដ្ឋាភិបាលសម្រេចកែសម្រួលវិធានការបិទខ្ទប់ភ្នំពេញ និងក្រុងតាខ្មៅដើម្បីទប់ស្កាត់ការរីករាលដាលនៃកូវីដ១៩

ភ្នំពេញ៖ ប្រមុខរាជរដ្ឋាភិបាល សម្ដេចតេជោ ហ៊ុន សែន បានសម្រេចហាមឃាត់បុគ្គលគ្រប់រូបមិនឱ្យចាកចេញពីលំនៅឋាន ឬទីស្នាក់អាស្រ័យបច្ចុប្បន្នរបស់ពួកគេនោះឡើយ ដោយតម្រូវឱ្យមានការអនុវត្តវិធានការបិទខ្ទប់ឱ្យបានម៉ឺងម៉ាត់។សម្ដេចតេជ ហ៊ុន សែន បានសម្រេចដាក់ចេញវិធាការបែបនេះបន្ថែមទៀត នៅក្នុងសេចក្ដីសម្រេចកែសម្រួលវិធានការបិទខ្ទប់ភូមិសាស្ត្ររាជធានីភ្នំពេញ និងទីក្រុងតាខ្មៅ ដែលចេញនៅយប់នេះ។ក្នុងសេចក្ដីសម្រេចនោះ ប្រមុខរាជរដ្ឋាភិបាលបានបញ្ជាឱ្យហាមឃាត់បុគ្គលគ្រប់រូបមិនឱ្យចាកចេញពីលំនៅឋាន ឬទីស្នាក់អាស្រ័យបច្ចុប្បន្ននោះឡើយ។ប្រមុខរាជរដ្ឋាភិបាល សម្ដេចតេជោ ហ៊ុន សែន បានបញ្ជាឱ្យអនុវត្តវិធានការបិទខ្ទប់នេះឱ្យបានម៉ឺងម៉ាត់ ក្នុងរួមបញ្ចូលទាំងការឃាត់ទុកមធ្យោបាយធ្វើដំណើរជាបណ្ដោះអាសន្នផងដែរ។ក្រៅពីហាមឃាត់មនុស្សមិនឱ្យចាកចេញពីផ្ទះសម្បែងហើយនោះ ប្រមុខរាជរដ្ឋាភិបាលក៏បានសម្រេចបិទរាល់សកម្មភាពការងារ មុខរបរ ឬអាជីវកម្មទាំងអស់ ដែលត្រូវបានចាត់ទុកថាមិនមែនជាតម្រូវការចាំបាច់ប្រចាំថ្ងៃ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចកាលយប់ថ្ងៃទី១៤ ខែមេសា ឱ្យបិទខ្ទប់រាជធានីភ្នំពេញ និងក្រុងតាខ្មៅ ដែលត្រូវបានចាត់បញ្ចូលជាភូមិសាស្ត្រតែមួយជាមួយរាជធានីភ្នំពេញ នៅក្នុងរយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសា ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។គិតត្រឹមថ្ងៃនេះ កម្ពុជារកឃើញអ្នកឆ្លងមេរោគកូវីដ១៩នៅទូទាំងប្រទេសរហូតដល់ទៅ ៥ ៧៧១នាក់ ក្នុងនោះករណីឆ្លងដល់ទៅ ៥ ២២៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ៕

ក្រសួងសុខាភិបាលប្រកាសថា បុរសជនជាតិខ្មែរ២រូបទៀតស្លាប់ដោយសារកូវីដ១៩នៅល្ងាចថ្ងៃព្រហស្បតិ៍

ភ្នំពេញ៖ ក្រសួងសុខាភិបាលបានប្រកាសនៅយប់ថ្ងៃនេះថា បុរសជនជាតិខ្មែរ ២នាក់ទៀតបានស្លាប់ដោយសារកូវីដ១៩នៅល្ងាចថ្ងៃនេះ ដែលនាំឱ្យចំនួនមនុស្សស្លាប់ដោយសារមេរោគផ្លូវដង្ហើមមួយនេះ កើនដល់ ៣៨នាក់ហើយ។ក្នុងសេចក្ដីប្រកាសព័ត៌មានចេញនៅយប់ឈានចូលថ្ងៃទី១៦ ខែមេសា ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៦៥ឆ្នាំ ដែលរស់នៅក្នុងស្រុកសំរោងទង ខេត្តកំពង់ស្ពឺ បានស្លាប់បាត់បង់ជីវិតនៅម៉ោង ៤ល្ងាចថ្ងៃទី១៥ ខែមេសា នៅឯមន្ទីរពេទ្យមិត្តភាពខ្មែរ-សូវៀត។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត នៅព្រឹកថ្ងៃទី១៥ ខែមេសា ជាមួយស្ថានភាពហត់ខ្លាំង ហើយលទ្ធផលតេស្តសំណាករបស់បុរសនេះ បង្ហាញថា គាត់បានឆ្លងមេរោគកូវីដ១៩។ចំណែកឯបុរសម្នាក់ទៀតអាយុ ៧៧ឆ្នាំ ដែលមានទីលំនៅក្នុងខណ្ឌដូនពេញ រាជធានីភ្នំពេញ ត្រូវបានក្រសួងបញ្ជាក់ថា បានស្លាប់បាត់បង់ជីវិតនៅម៉ោងជិត ៧យប់ថ្ងៃទី១៥ ខែមេសា នៅឯមន្ទីរពេទ្យមិត្តភាពខ្មែរ-សូវៀតផងដែរ។បើតាមក្រសួងសុខាភិបាល បុរសវ័យ ៧៧ឆ្នាំរូបនេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យកាលពី ១០ថ្ងៃមុន ក្រោយពីគាត់ត្រូវបានរកឃើញឆ្លងមេរោគកូវីដ១៩។ក្រសួងសុខាភិបាលបញ្ជាក់ថា បុរសទាំងពីររូបនេះ បាត់ស្លាប់បាត់បង់ជីវិត ក្រោយពីសួតរបស់ពួកគាត់រលាកធ្ងន់ធ្ងរដោយសារការវាយប្រហារពីមេរោគកូវីដ១៩។កម្ពុជាមានមនុស្សស្លាប់ដោយសារជំងឺកូវីដ១៩សរុប ៣៨នាក់ហើយគិតចាប់ពីករណីស្លាប់លើកដំបូងត្រូវបានប្រកាសជាផ្លូវការកាលពីថ្ងៃទី១១ ខែមីនាកន្លងមកនេះ៕

សម្ដេចតេជោ ហ៊ុន សែន៖ ការបិទខ្ទប់រាជធានីភ្នំពេញ និងក្រុងតាខ្មៅ គឺដើម្បីទប់ស្កាត់ការឆ្លងរីករាលដាលនៃកូវីដ១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងសារពិសេសនៅយប់នេះបញ្ជាក់ថា គោលបំណងពិតនៃការបិទខ្ទប់រាជធានីភ្នំពេញ និងក្រុងតាខ្មៅ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។សម្ដេចតេជោ ហ៊ុន សែន មានប្រសាសន៍បែបនេះនៅក្នុងសារជាសំឡេងរយៈពេល ២៨នាទី ដែលត្រូវបានផ្ញើចេញតាមបណ្ដាញទំនាក់ទំនងសង្គមតេឡេក្រាមនៅយប់នេះ។សម្ដេចតេជោ ហ៊ុន សែន មានប្រសាសន៍ថា៖ «គោលបំណងនៃការបិទ គឺដើម្បីប្រយុទ្ធប្រឆាំងជាមួយនឹងការឆ្លងរីករាលដាលនៃកូវីដ១៩ ហើយការបិទនេះទៀតសោត ក៏មិនមែនជាដំណើរការដើម្បីធ្វើឱ្យប្រជាជនស្លាប់ ឬរងទុក្ខលំបាកនោះដែរ»។សម្ដេចតេជោ ហ៊ុន សែន បានទទួលស្គាល់ពីផលប៉ះពាល់នៃការដាក់ចេញវិធានការនេះ ប៉ុន្តែ សម្ដេចបញ្ជាក់ថា «ទោះបីថា ផលប៉ះពាល់វាកើតមាន ក៏ប៉ុន្តែ យើងក៏បានគិតទុកធ្វើយ៉ាងណាឱ្យប្រជាជនយើងអាចមានជីវភាពជាប្រក្រតី ទោះបីបញ្ហាមួយចំនួនត្រូវបានធ្វើ»។សម្ដេចតេជោ ហ៊ុន សែន បានថ្លែងសារពិសេសបែបនេះភ្លាមៗក្រោយពីលោកបានសម្រេចឱ្យបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅ ដែលត្រូវចាត់ទុកជាភូមិសាស្ត្រតែមួយជាមួយរាជធានីភ្នំពេញ។ក្នុងសេចក្ដីសម្រេចនោះ រាជរដ្ឋាភិបាលបានហាមឃាត់បុគ្គលគ្រប់រូបមិនឱ្យធ្វើដំណើរចាកចេញពីលំនៅឋាន ឬទីសំណាក់បច្ចុប្បន្នរបស់ពួកគាត់ឡើយ ប្រសិនបើគ្មានការចាំបាច់៕

បណ្ដាញសង្គម

ព័ត៌មានថ្មីៗ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

យោធាអាមេរិកអះអាងថា ពួកគេបានបញ្ចប់ការវាយប្រហារពេលយប់ថ្ងៃទី ១៣ជាប់ៗគ្នារបស់ខ្លួនលើគោលដៅយោធាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

ក្រុមគ្រូពេទ្យ TYDA ប្រកាសថា អ្នកជំងឺកូវីដ-១៩ចំនួន ១២៧នាក់ទៀតនៅមណ្ឌលព្យាបាលកោះពេជ្រជាសះស្បើយឡើងវិញ

សាលារាជធានីភ្នំពេញ បើកឱ្យអាជីវកម្មពាក់ព័ន្ធម្ហូបអាហារដំណើរការឡើងវិញនៅ«តំបន់លឿងទុំ» និង«តំបន់លឿង»

ក្រសួងសុខាភិបាល សម្រេចឱ្យមន្ទីរពេទ្យឯកជនស្របច្បាប់ ប្រើប្រាស់ឧបករណ៍តេស្តរកកូវីដ-19 ល្បឿនលឿន

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

ក្រសួងសុខាភិបាលប្រកាសថា បុរសជនជាតិខ្មែរ២រូបទៀតស្លាប់ដោយសារកូវីដ១៩នៅល្ងាចថ្ងៃព្រហស្បតិ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

ក្រសួងសុខាភិបាល សម្រេចឱ្យមន្ទីរពេទ្យឯកជនស្របច្បាប់ ប្រើប្រាស់ឧបករណ៍តេស្តរកកូវីដ-19 ល្បឿនលឿន

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

សម្ដេច​តេជោ ហ៊ុន សែន សម្រេច​ឱ្យ​បិទ​ការ​ធ្វើ​ដំណើរ​ឆ្លង​ខេត្ត និង​ទីតាំង​ទេសចរណ៍​រយៈ​ពេល​៨​ថ្ងៃ​ទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត