BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត

ភ្នំពេញ ៖ គម្រោងវិនិយោគបើករោងចក្រថ្មីៗចំនួន៦ទៀតហើយ ត្រូវបានក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC អនុម័តជាស្ថាពរ ឲ្យដំណើរការនៅកម្ពុជា ដើម្បីបង្កើតការងារជូនពលរដ្ឋខ្មែរ ដែលសរុបទុនវិនិយោគរបស់រោងចក្រទាំង៦ មាន២២លានដុល្លារអាមេរិក។តាមរយៈ Facebook ផ្លូវការរបស់ CDC បានចុះផ្សាយថ្ងៃទី១១ ខែមេសា ឆ្នាំ២០១៩នេះថា គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ដល់ក្រុមហ៊ុនដូចខាងក្រោម ៖ទី១ ក្រុមហ៊ុន TTHS RUBBER CO., LTD. គម្រោងបង្កើតរោងចក្រកែច្នៃជ័រកៅស៊ូ ដែលមានទីតាំងវិនិយោគស្ថិតនៅភូមិទ្ប ឃុំកោងកាង ស្រុកពញាក្រែក ខេត្តត្បូងឃ្មុំ មានទុនវិនិយោគប្រមាណ ២.៧លានដុល្លារអាមេរិក និងអាចបង្កើតការងារបានចំនួន ២២៤កន្លែង។ទី២ ក្រុមហ៊ុន SAI DI HANDBAG CO., LTD. គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិវល្លិសរ ឃុំវល្លិសរ ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៤.៥លានដុល្លារអាមេរិក និងអាចបង្កើតការងារបានចំនួន ១,២៧៥កន្លែង។ទី៣ក្រុមហ៊ុន GARCHI HUNG CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ មានទុនវិនិយោគប្រមាណ ២.៦លានដុល្លារអាមេរិក និងអាចបង្កើតការងារបានចំនួន ៩២៤កន្លែង។ទី៤ក្រុមហ៊ុន KAMFOR RECYCLE PULP AND PAPER CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៥.១លានដុល្លារអាមេរិក និងអាចបង្កើតការងារបានចំនួន ១៨២កន្លែង។ទី៥ WING HUNG TU INDUSTRIAL (CAMBODIA) CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅផ្លូវជាតិលេខ៤ គីទ្បូម៉ែត្រលេខ២៧ ភូមិទឹកជា ឃុំពើក ស្រុកអង្គស្នួល ខេត្តកណ្តាល មានទុនវិនិយោគប្រមាណ ២.២លានដុល្លារអាមេរិក និងអាចបង្កើតការងារបានចំនួន ៣០២កន្លែងនិង ទី៦ ក្រុមហ៊ុន KIRIROM FOOD PRODUCTION (K.F.P) CO., LTD. គម្រោងបង្កើតរោងចក្រកាត់ដេរសំលៀកបំពាក់ ដែលមានទីតាំងវិនិយោគស្ថិតនៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានទុនវិនិយោគប្រមាណ ៥លានដុល្លារអាមេរិក និងអាចបង្កើតការងារបានចំនួន ៣៦៧កន្លែង៕

Ada Hegerberg បំបែកកំណត់ត្រាស៊ុតបញ្ចូលទីច្រើនជាងគេក្នុងប្រវត្តិសាស្ត្រ Champions League ស្ត្រី

បាល់ទាត់៖ កីឡាការិនីខ្សែប្រយុទ្ធរបស់ក្រុមបាល់ទាត់ស្ត្រី Olympique Lyon, Ada Hegerberg បានបំបែកកំណត់ត្រាជាកីឡាការិនី ស៊ុតបញ្ចូលទីច្រើនជាងគេក្នុងប្រវត្តិសាស្ត្រ នៃការប្រកួតក្របខណ្ឌ UEFA Women Champions League ទើបតែវ័យ ២៤ឆ្នាំប៉ុណ្ណោះ។ខ្សែប្រយុទ្ធសញ្ជាតិន័រវែសរូបនេះ បានយកឈ្នះកំណតត្រាចាស់របស់កីឡាការិនីអាល្លឺម៉ង់ Anja Mittag ដែលស៊ុតបានសរុប ៥១គ្រាប់ ខណៈ Ada Hegerberg នៅពេលនេះមាន ៥៣គ្រាប់ក្នុងចំណោមការបង្ហាញខ្លួន ៥០ប្រកួតនៅ Champions League ស្ត្រី បន្ទាប់ពីស៊ុតបានពីរគ្រាប់ក្នុងជ័យជំនះរបស់ Lyon ៧–០ លើ Fortuna Hjorringយប់មិញ។ ទើបតែមានវ័យ ២៤ឆ្នាំប៉ុណ្ណោះ Ada Hegerberg បង្ហាញខ្លួនក្នុងការប្រកួតអោយក្លិបអាជីពសរុប ២១៨ប្រកួតរកបាន ២១៧គ្រាប់។Ada Hegerberg បានផ្ទេរមកកាន់ Olympique Lyon តាំងពីឆ្នាំ២០១៤ ដោយបង្ហាញខ្លួននៅ Lyon បាន ១១០ប្រកួតរកបាន ១៣៨គ្រាប់ ដោយឈ្នះជើងឯកលីគក្នុងស្រុក ៥លើក, ជើងឯកទ្វីបអឺរ៉ុប ៤លើក និងឈ្នះពានកិត្តិយសកីឡាការិនីឆ្នើមបំផុតប្រចាំឆ្នាំ Ballon d’Or ផងដែរ៕អត្ថបទ៖នាង សុភាវុធ

ចំនួនអ្នកស្លាប់ក្នុងការរញ្ជួយដីនៅប្រទេសឥណ្ឌូណេស៊ីកើនឡើងដល់ ៣០នាក់

ឥណ្ឌូណេស៊ី៖ ទីភ្នាក់ងារសម្រាលគ្រោះមហន្តរាយជាតិ (BNBP) បាននិយាយកាលពីថ្ងៃអាទិត្យថា ចំនួនអ្នកបាត់បង់ជីវិតដោយសារការរញ្ជួយដីដ៏ខ្លាំងក្លា នៅក្នុងខេត្តម៉ាលូគូរបស់ប្រទេសឥណ្ឌូណេស៊ីភាគខាងកើត បានកើនឡើងដល់ ៣០នាក់ ហើយមនុស្សរាប់សែននាក់នៅតែស្ថិតនៅក្នុងជម្រកជម្លៀសខ្លួននៅឡើយ។ការរញ្ជួយដីដែលមានកម្លាំង ៦.៥រ៉ិចទ័របានវាយប្រហារកាលពីព្រឹកព្រលឹមថ្ងៃព្រហស្បតិ៍ ដែលបានបំផ្លាញលំនៅឋានរាប់រយខ្នង និងអគារសាធារណៈ និងហេដ្ឋារចនាសម្ព័ន្ធរាប់សិបកន្លែង រួមទាំងស្ពានសំខាន់មួយនៅទីក្រុងអាំប៊ុន (Ambon)។ ក្រុមមន្ត្រីកាលពីថ្ងៃព្រហស្បតិ៍ បានដាក់ចំនួនអ្នកបាត់បង់ជីវិតកើនដល់ទៅ ២០នាក់។ មនុស្សជាច្រើនត្រូវបានបាត់បង់ជីវិតដោយសារថ្មធ្លាក់លើ។ អ្នកនាំពាក្យរបស់ទីភ្នាក់ងារសម្រាលគ្រោះមហន្តរាយជាតិ (BNBP) លោក Agus Wibowo បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអាទិត្យថា មនុស្សជាង ១៥០នាក់បានរងរបួស ហើយជាង ២០ម៉ឺននាក់ទៀតកំពុងស្នាក់នៅ ក្នុងជម្រកបណ្ដោះអាសន្ននៅឡើយ។អ្នកដែលលំនៅឋានរបស់ពួកគេត្រូវបានបំផ្លាញ បានដំឡើងតង់ធ្វើជាជម្រកនៅជិតមន្ទីរពេទ្យ ឬទីធ្លាសាលារៀន។ ប្រជាជនដែលរស់នៅក្បែរមហាសមុទ្រ បានជម្លៀសខ្លួនទៅកាន់ទីខ្ពស់ បន្ទាប់ពីការរញ្ជួយនេះដោយខ្លាចរលកយក្សស៊ូណាមិ ទោះបីជាអាជ្ញាធរបានច្រានចោលលទ្ធភាព នៃរលកយក្សក៏ដោយ៕អត្ថបទ៖ សុខមាន

សហព័ន្ធខ្មែរកីឡាហែលទឹកជ្រើសរើសគរុសិស្សឲ្យមកសិក្សាដោយផ្ទាល់ដើម្បីធានាបាននូវគុណភាព

ហែលទឹក៖ ដើម្បីធានាបាននូវគុណភាព ចំពោះការផ្ដល់ចំណេះដឹងឲ្យចំគោលដៅ និងប្រកបដោយគុណភាព សហព័ន្ធខ្មែរកីឡាហែលបានជ្រើសគរុសិស្សអប់រំកាយ និងកីឡា ឲ្យមកសិក្សាវគ្គបណ្តុះបណ្ដាលគ្រូបង្វឹកកម្រិតមូលដ្ឋានថ្នាក់ជាតិ ដោយផ្ដល់ឱកាសដល់ការចូលរួមសិក្សា ទទួលចំណេះដឹងថ្មីលើវិស័យកីឡាហែលទឹក។ នេះបើតាមការលើកឡើងរបស់លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក។ប្រាប់អ្នកព័ត៌មានក្រោយពិធីបិទវគ្គបណ្ដុះបណ្ដាល នៅទីស្នាក់ការគណៈកម្មាធិការជាតិអូឡាំពិកកម្ពុជា លោក ហែម គីរី បានគូសបញ្ជាក់ថា វត្តមានគរុសិស្សចូលរួមវគ្គនេះគឺជាឱកាសល្អមួយ សម្រាប់សហព័ន្ធក្នុងការសម្លឹងរកគ្រូកីឡាប្រកបដោយគុណភាព សម្រាប់ទិសដៅស៊ីហ្គេម២០២៣ និងទៅអនាគត។ វគ្គបណ្ដុះបណ្ដាលគ្រូបង្វឹកថ្នាក់ជាតិលើកទី២ ឆ្នាំ២០១៩នេះ សហព័ន្ធបានបង្វែរទិសដៅដោយផ្ដោតសំខាន់ លើសិក្ខាកាមដែលនៅខេត្តនានាក្នុងតំបន់សមុទ្រដូចជា ខេត្តកំពត ព្រះសីហនុ និងកោះកុងជាដើម ខណៈកាលរៀបចំលើកទី១ ក្នុងឆ្នាំ២០១៧ សហព័ន្ធបានផ្ដោតសំខាន់លើខេត្តមួយចំនួន ដែលជាប់នៅតំបន់ទន្លេដូចជា កំពង់ចាម ត្បូងឃ្មុំ កណ្ដាល បាត់ដំបង និងសៀមរាប។គួរបញ្ជាក់ថា វគ្គបណ្ដុះបណ្ដាលគ្រូបង្វឹកកម្រិតមូលដ្ឋានថ្នាក់ជាតិលើកទី២ ឆ្នាំ២០១៩នេះធ្វើឡើងរយៈពេល ៣ថ្ងៃគឺពីថ្ងៃទី១១ ដល់ទី១៣ ខែកុម្ភៈម្សិលមិញ ខណៈដែលសិក្ខាកាមចូលរួមសរុបមានចំនួន ២៩រូបក្នុងនោះសិក្ខាកាមដែលជាគរុសិស្សអប់រំកាយ និងកីឡាមានចំនួន ១០រូបផងដែរ៕

មនុស្ស៣នាក់ហើយ បានស្លាប់ នៅខេត្តព្រះសីហនុ ក្រោយទទួលរងឥទ្ធិពលភ្លៀងធ្លាក់ខ្លាំង

ព្រះសីហនុ ៖ នាព្រឹកទី ០៩ ខែសីហា ឆ្នាំ ២០១៩ ក្រោយទទួលរងឥទ្ធិពលភ្លៀងធ្លាក់ខ្លាំង កាលពីយប់ថ្ងៃ ៨ ខែសីហា ឆ្នាំ ២០១៩ មានប្រជាពលរដ្ឋ២នាក់ប្តី–ប្រពន្ធ បានស្លាប់ ដោយសាររលំបាក់របងសង្កត់លើ នៅសង្កាត់លេខ១ ក្រុង–ព្រះសីហនុ ។សមត្ថកិច្ច ក្រុងព្រះសីហនុ ថ្លែងថា ជនរងគ្រោះទាំងពីរនាក់ ប្ដី–ប្រពន្ធធ្វើការជាកម្មករសំណង់ ក្នុងនោះបុរស ជា ប្តីឈ្មោះ ស៊ុន គឹមសាន្ត អាយុ៥៤ឆ្នាំ និងស្ត្រីជា ប្រពន្ធឈ្មោះ សេង ញេន អាយុ ៥៦ឆ្នាំ ។សូមបញ្ជាក់ថា គិតមកត្រឹមថ្ងៃត្រង់ថ្ងៃទី៩ សីហា ២០១៩នេះ មានមនុស្ស៣នាក់ ហើយបានស្លាប់ ក្រោយមានគ្រោះធម្មជាតិភ្លៀងធ្លាក់ខ្លាំង ក្នុងខេត្តព្រះសីហនុ ក្នុងនោះ ក្រៅពីជនរងគ្រោះទាំង២នាក់ នៅក្រុងព្រះសីហនុ ក៏មានជនរងគ្រោះម្នាក់ជាមេការជនជាតិចិន បានស្លាប់ដោយការរលំរបងសង្កត់លើដូចគ្នា នៅឃុំបិតត្រាំងស្រុកព្រៃនប់។អជ្ញាធរខេត្តព្រះសីហនុ ក៏បានចេញការអំពាវនាវអោយគ្រប់ការដ្ឋានសំណង់ផ្សេងៗ បង្កើនការប្រុងប្រយ័ត្ន ពិសេសបងប្អូនប្រជាពលរដ្ឋ នៅតាមទីតាំង ដែលប្រឈមខ្លាំង ស្របពេលដែលវិធានការសង្គ្រោះនានា កំពុងធ្វើឡើងយ៉ាងសកម្ម ក្រោមការដឹកនាំបញ្ជាផ្ទាល់ពីឯកឧត្តម គួច ចំរើន អភិបាលខេត្តព្រះសីហនុ ក្នុងនាម ប្រធានគណៈបញ្ជាការឯកភាពរដ្ឋបាលខេត្ត៕

កម្ពុជាធ្វើឲ្យក្រុមឡេតូនីចាញ់ទាំងភ័យញ័រដៃ ខណៈវីរកីឡាការិនី កែ ឡេង ឈរចាំជុំបន្ទាប់

ប៉េតង់៖ ការប្រកួតកីឡាប៉េតង់ជ្រើសរើសជើងឯកពិភពលោកយុវជន និងស្ត្រីលើកទី១៧ ដែលកម្ពុជាទទួលបានសិទ្ធិធ្វើជាម្ចាស់ផ្ទះលើកដំបូងក្នុងប្រវត្តិសាស្ត្រ បានបើកការប្រកួតផ្លូវការហើយកាលពីល្ងាចថ្ងៃទី១៩ ខែវិច្ឆិកា ឆ្នាំ២០១៩ នៅពហុកីឡដ្ឋានជាតិ រាជធានីភ្នំពេញ។ជាមួយការប្រកួតបើកឆាកនេះ ក្រុមកីឡាការិនីកម្ពុជារួមមានកីឡាការិនី កែ ឡេង, អ៊ុក ស្រីមុំ, អ៊ុន ស្រីយ៉ា និងកីឡាការិនី កែវ សុវណ្ណា បានយកឈ្នះដាច់លើក្រុមកីឡាការិនី មកពីប្រទេសឡេតូនីដោយលទ្ធផល ១៣–៣ពិន្ទុ លើវិញ្ញាសាស្ត្រី ៣នាក់ទល់នឹង ៣នាក់។ អ្វីដែលពិសេសវីរកីឡាការិនី កែ ឡេង ក៏បានឈរចាំជុំបន្ទាប់លើវិញ្ញាសាវាយយកពិន្ទុក្រោយរកបាន ៣៨ពិន្ទុឈរកំពូលតារាងក្នុងការប្រកួតថ្ងៃដំបូងផងដែរ។ បើតាមការបញ្ជាក់របស់កីឡាករ អ៊ុន ស្រីយ៉ា តំណាងក្រុមកីឡាការិនីកម្ពុជា ក្រោយចប់ការប្រកួតបានឲ្យដឹងថា ការដណ្ដើមបានជ័យជម្នះថ្ងៃដំបូងគឺជារឿងមួយដ៏សំខាន់ សម្រាប់ធ្វើដើមទុនឆ្ពោះទៅការប្រកួតបន្ទាប់។ តែអ្វីដែលកញ្ញាចាប់អារម្មណ៍គឺក្រោយចប់ការប្រកួតភ្លាមៗ ក្រុមកីឡាការិនីប្រទេសឡេតូនីបានបង្ហាញពីអារម្មណ៍ពិតថា ពួកគេមានអារម្មណ៍ភ័យឡើងញ័រដៃតែម្ដង បន្ទាប់ពីមានអ្នកគាំទ្រច្រើនលើសពីការរំពឹងទុក ចូលរួមទស្សនាការប្រកួតបើកឆាកនេះ។យ៉ាងណាមិញទោះបីក្រុមកីឡាការិនីកម្ពុជា ធ្វើបានល្អក្នុងប្រកួតបើកឆាកវិញ្ញាសាស្ដ្រី ៣នាក់ទល់នឹង ៣នាក់ក៏ពិតមែន តែឱកាសប្រជែងមេដាយនៅឆ្ងាយនៅឡើយ ព្រោះនៅសល់ការប្រកួត និងក្រុមខ្លាំងៗជាច្រើនទៀត ដែលក្រុមកីឡាការិនីកម្ពុជាត្រូវឆ្លងកាត់ និងខំប្រឹងបន្ថែមទៀត។ ចំពោះការប្រកួតវិញ្ញាសាវាយយកពិន្ទុនារីវិញ កីឡាការិនី កែ ឡេង ម្ចាស់មេដាយមាស ៣ជំនាន់ធ្វើបានយ៉ាងល្អក្នុងប្រកួតដំបូងរបស់ខ្លួន ដោយរកបាន ៣៨ពិន្ទុ នាំមុខកីឡាការិនី Homniam Ranu របស់ប្រទេសន័រវែសឈរលេខរៀងទី២ ចំនួន ១ពិន្ទុ។ យ៉ាងណាមិញដោយសាររូបមន្ដប្រកួតបានកំណត់ កីឡាការិនីឈរកំពូលតារាង ៤រូបដែលមានពិន្ទុខ្ពស់ជាងគេ ត្រូវឡើងជុំបន្ទាប់ដោយស្វ័យប្រវត្តិដូច្នេះថ្ងៃនេះអ្នកស្រី កែ ឡេង ត្រូវសម្រាកដោយឈរចាំប្រកួតនៅជុំបន្ទាប់តែម្ដង។គួរបញ្ជាក់ថា ការប្រកួតកីឡាប៉េតង់ជ្រើសរើសជើងឯកពិភពលោកយុវជន និងស្ត្រីលើកទី១៧ នៅកម្ពុជាគ្រោងធ្វើឡើយរយៈពេល ៥ថ្ងៃចាប់ពីថ្ងៃទី១៩ ដល់ថ្ងៃទី២៣ ខែវិច្ឆិកាខាងមុខ ដោយមានក្រុមកីឡាករ-កីឡាការិនីមកពី ៤៩ប្រទេស ក្នុងនោះមានយុវជនគឺមាន ៣០ក្រុម និងស្ត្រី ៥០ក្រុម។ លើសពីនេះក៏មានការចូលរួមសហការផ្សាយផ្ទាល់ ពីក្រុមការងារទូរទស្សន៍ BTV-News ផងដែរ៕អត្ថបទ៖ លី ឈុនឡា

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

ភ្នំពេញ៖ ឯកឧត្ដម វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៅថ្ងៃទី០៦ ខែមីនា ឆ្នាំ២០១៩នេះ បានបើកកិច្ចប្រជុំពិគ្រោះយោបល់កម្រិតគោលនយោបាយលើកទី៣ រវាងរាជរដ្ឋាភិបាលកម្ពុជា និងទីភ្នាក់ងារបារាំងសម្រាប់ការអភិវឌ្ឍន៍(AFD)។ ក្នុងនោះ កម្ពុជាកំពុងពិនិត្យលទ្ធភាពដើម្បីស្នើឱ្យភាគីបារាំងផ្តល់កម្ចីច្រើនជាង១០០លានអឺរ៉ូដែលស្មើនឹងជាង១១០លានដុល្លារ។ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ម្ពុជាកំពុងពិភាក្សាអំពីគម្រោងកម្ខីពីរាជរដ្ឋាភិបាលបាំងបន្ថែមទៀតដើម្បីឆ្លើយតបនឹងតម្រូវការអភិវឌ្ឍន៍សេដ្ឋកិច្ចប្រទេសកម្ពុជាដែលតម្រូវការទឹកប្រាក់ពីបារាំងច្រើនជាង១០០លានអឺរ៉ូដែលស្មើប្រមាណ១១០លានដុល្លារអាមេរិក។សម្រាប់កម្ចីនេះ កម្ពុជាបានផ្តោតការអភិវឌ្ឍន៍ទៅលើគម្រោងធំៗដូចជា ការអភិវឌ្ឍន៍នគរូបនីយកម្ម វិស័យអគ្គិសនី បញ្ហាផ្គត់ផ្គង់ទឹក និងការរៀបចំគ្រប់គ្រងទីក្រុង ការបណ្តុះបណ្តាលវិជ្ជាជីវៈដែលជាចំណុចសំខាន់ សម្រាប់ការធ្វើពិពិធកម្មសេដ្ឋកិច្ច ភាពប្រកួតប្រែងរបស់កម្ពុជា ក៏ដូចជាការពង្រីកធនធានទឹកជាដើម ។សូមបញ្ជាក់ថា ទីភ្នាក់ងារបារាំងសម្រាប់ការអភិវឌ្ឍ(AFD) បានផ្តល់ជាកម្ចី និងជំនួយឥតសំណង។ ក្នុងនោះ ឯកឧត្តម វង្សី វិស្សុត បន្តថា តាមរយៈកិច្ចសហប្រតិបត្តិការរវាងកម្ពុជា និងបារាំងនេះ បានធ្វើឱ្យបារាំងក្លាយជាអ្នកផ្តល់ហិរញ្ញប្បទានធំមួយដល់កម្ពុជា ក្នុងនោះ បារាំងបានផ្តល់ជំនួយពី៤ ទៅ៥ លានដុល្លារក្នុងមួយឆ្នាំ និងផ្តល់ប្រាក់កម្ចីហិរញ្ញសម្បទានចំនួន១០០លានអឺរ៉ូដែលស្មើនឹងជាង១១០លានដុល្លារនៅក្នុងមួយឆ្នាំៗ៕

មនុស្ស ៧៩នាក់ស្លាប់ក្នុងការបំផ្ទុះគ្រាប់បែកបង្កប់ក្នុងរថយន្តនៅប្រទេសសូម៉ាលី

សូម៉ាលី៖ គ្រាប់បែកបង្កប់ក្នុងរថយន្តដ៏ធំមួយ បានផ្ទុះឡើងនៅក្នុងតំបន់ដ៏មមាញឹកមួយ នៃទីក្រុងម៉ូហ្គាឌីស៊ូកាលពីថ្ងៃសៅរ៍បណ្ដាលឱ្យមនុស្សយ៉ាងតិច ៧៩នាក់ត្រូវបាត់បង់ជីវិត និងរងរបួសជាច្រើននៅក្នុងការវាយប្រហារដ៏សាហាវបំផុត របស់ប្រទេសសូម៉ាលីក្នុងរយៈពេលពីរឆ្នាំ។មនុស្សយ៉ាងហោចណាស់ ១៦នាក់នៃអ្នកដែលត្រូវបានបាត់បង់ជីវិត គឺជានិស្សិតមកពីសាកលវិទ្យាល័យឯកជនបាណាឌ័ររបស់រដ្ឋធានី ដែលបានធ្វើដំណើរតាមរថយន្តក្រុង នៅពេលគ្រាប់បែកបានផ្ទុះនៅចំណុចប្រសព្វដ៏មមាញឹកមួយ នៅភាគនិរតីនៃរដ្ឋធានីសូម៉ាលី។ រដ្ឋមន្ត្រីការបរទេសទួរគីលោក Mevlut Cavusoglu បាននិយាយនៅលើបណ្ដាញសង្គម Twitter ថា ជនជាតិទួរគី ២នាក់ក៏ត្រូវបានបាត់បង់ជីវិតផងដែរ។ មនុស្ស ១៥នាក់ដែលបានរងរបួសត្រូវបានបញ្ជូនពីទីក្រុងម៉ូហ្គាឌីស៊ូ តាមយន្តហោះយោធាទៅកាន់ប្រទេសទួរគីដើម្បីព្យាបាល។ តំបន់នេះត្រូវបានស្ទះចរាចរណ៍ជាញឹកញាប់ ដោយសារតែប៉ុស្តិ៍ត្រួតពិនិត្យសន្តិសុខ និងការិយាល័យពន្ធប្រមូលប្រាក់ពីរថយន្តក្រុង និងរថយន្តដឹកទំនិញឆ្លងកាត់។ការវាយប្រហារនេះមិនទាន់ត្រូវបានគេអះអាងនៅឡើយទេ ទោះយ៉ាងណាទីក្រុងម៉ូហ្គាឌីស៊ូតែងតែ រងការវាយប្រហារដោយការបំផ្ទុះរថយន្ត និងការវាយប្រហារដែលធ្វើឡើង ដោយក្រុមសកម្មប្រយុទ្ធអ៊ីស្លាមអាល់សាបាប ដែលជាសម្ព័ន្ធមិត្តនឹងក្រុមភេរវកម្ម Al-Qaeda។ ក្រុមមន្ត្រីយោធាអាមេរិកបាននិយាយថា ការវាយប្រហារតាមអាកាសចំនួន ៣លើកបានធ្វើឡើងកាពីថ្ងៃអាទិត្យ ដាក់គោលដៅលើក្រុមសកម្មប្រយុទ្ធអ៊ីស្លាមអាល់សាបាប ក្នុងប្រទេសសូម៉ាលីបានសម្លាប់ក្រុមសកម្មប្រយុទ្ធ ៤នាក់៕អត្ថបទ៖ សុខមាន

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក

កំពង់ចាម ៖ ប្រជាកសិករ រស់នៅតាមដងទន្លេ នៃស្រុកកោះសូទិន ខេត្តកំពង់ចាម កំពុងមមាញឹក បង្កបង្កើនផល ដំណាំផ្សេងៗតាមទម្លាប់ ខណៈដែលទឹកទន្លេ ចាប់ផ្តើមស្រកទៅវិញ ដែលការដាំដុះដំណាំ ទាំងនោះ គឺធ្វើ តាមបែបធម្មជាតិ មិនប្រើប្រាស់សារធាតុគីមីនោះទេ។ប្រជាកសិករ រស់នៅតាមដងទន្លេតូច ក្នុងឃុំមហាលាភ ស្រុកកោះសូទិន ខេត្តកំពង់ចាម បន្ទាប់ពី ទឹកស្រក បាននឹងកំពុងមមាញឹកក្នុងការដាំដំណាំ ដូចជា ត្រសក់ ត្រឡាច ននោង ល្ពៅ ម្រះ ស្ពៃក្ងោក សណ្តែកកួរ មមាញ និងត្រប់វែង ជាដើម ដែលជាទម្លាប់ និងអាចលក់យកកម្រៃផ្គត់ផ្គង់ជីវភាពគ្រួសារ។ប្រជាកសិករ បានឱ្យដឹងថា ទឹកទន្លេជារៀងរាល់ឆ្នាំ បានលិចដីចម្ការរបស់កសិករតំបន់នោះ ដែល នោះ គឺជាអំណោយផលល្អបំផុត ដោយសារទឹកបាននាំដីល្បាប់មកដាក់លើដីចម្ការ ផ្ដល់នូវជីជាតិសម្រាប់ ការដាំដំណាំឱ្យទទួលបានទិន្នផលខ្ពស់។ប្រជាកសិករ បានឱ្យដឹងថា ដំណាំដែលពួកគេដាំ គឺងាយស្រួលក្នុងការលក់ ដោយសារមានអ្នកមក បញ្ជាទិញដល់ចម្ការតែម្ដង ព្រោះថា ដំណាំមិនប្រើសារធាតុគីមី ដែលធ្វើឱ្យប៉ះពាល់ដល់សុខភាពអ្នកទទួល ទាននោះទេ។មន្ត្រីជំនាញ នៃមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ចាម បានឱ្យដឹងថា ដើម្បីទទួល បានទិន្នផលខ្ពស់ កសិករ គប្បីជ្រើសរើសពូជល្អ ធ្វើដីឱ្យបានត្រឹមត្រូវ ដោយត្រូវភ្ជួរដីពីរបីដង ហាលចោល កន្លះខែសិន ទើបរាស់ឱ្យស្អាត ហើយកាប់រណ្តៅដាំដោយដាក់ជីលាមកគោទ្រាប់បាត និងត្រូវថែទាំ ស្រោច ទឹក ជ្រុំគល់ ដកស្មៅ និងក្ដិចស្លឹកចាស់ៗចោលជាប្រចាំ នោះតែក្នុងរយៈពេលពី១ខែកន្លះ ទៅ២ខែ គឺអាច ប្រមូលផលបានហើយ៕

ព័ត៌មាន ជាតិនយោបាយ និង ការអភិវឌ្ឍន៍ របបប្រាក់សោធននិវត្តន៍នឹងដាក់ឲ្យដំណើរការជាផ្លូវការនៅចុងឆ្នាំនេះ

ភ្នំពេញ៖ លោកមន្ត្រីអ្នកនាំពាក្យនៃបេឡាជាតិរបបសន្តិសុខសង្គម(ប.ស.ស) បានបញ្ជាក់ថា របបប្រាក់សោធននិវត្តន៍(ប្រាក់រឺត្រែត) គ្រោងនឹងដាក់ឲ្យដំណើរការនៅត្រីមាសទី៤ ឆ្នាំ២០១៩នេះ ខណៈដែលបច្ចុប្បន្នបានកំពុងរៀបចំសេចក្តីព្រាងច្បាប់ និងរង់ចាំការសម្រេចជាផ្លូវការពីថ្នាក់ដឹកនាំខាងលើ។នៅក្នុងបទសម្ភាសន៍ជាមួយទូរទស្សន៍ព័តមាន ប៊ីធីវី នៅព្រឹកថ្ងៃទី១៩ ខែកក្កដានេះ ឯកឧត្តម ហេង សុផាន់ណារិទ្ធ មន្ត្រីអ្នកនាំពាក្យបេឡាជាតិរបបសន្តិសុខសង្គម (ប.ស.ស) នៃក្រសួងការងារនិងបណ្តុះបណ្តាលវិជ្ជាជីវៈ បានមានប្រសាសន៍ថា របបផ្នែកប្រាក់សោធននេះ នឹងដាក់ឲ្យអនុវត្តន៍ទៅដល់បុគ្គលស្ថិត ក្នុងវិស័យសាធារណៈ និងបុគ្គលទាំងឡាយណាស្ថិតក្នុងបទប្បញ្ញត្តិស្តីពីការងារ ដែលរួមទាំងបុគ្គលិកតាមផ្លូវអាកាស នាវាសមុទ្រ និងអ្នកបម្រើនៅតាមផ្ទះ និងបុគ្គលស្វែងយល់។មន្ត្រីអ្នកនាំពាក្យរូបនេះ បានក់លើកឡើងថា ប្រាក់សោធន៍ខាងលើនេះ ចំពោះបុគ្គលដែលធ្វើការពីកន្លែងផ្សេងគ្នា ក៏នឹងអាចទទួលបានដូចគ្នា ប៉ុន្តែអាស្រ័យទៅលើប្រាក់ឈ្នួលនិងការបង់ភាគទានរបស់គាត់ មកកាន់បេឡាជាតិរបបសន្តិសុខសង្គម គឺយើងនឹងរក្សាទុកជូនបុគ្គលនោះវិញ។ផ្នែកប្រាក់សោធននេះ សម្រាប់ជនដែលនឹងអាចទទួលបាន គឺនៅពេលដែលពួកគាត់ចាស់ជរា ឬធ្លាក់ក្នុងទុព្វលភាព(អ្នកមានកម្លាំងខ្សោយ) ឬមរណៈភាពរបស់មេគ្រួសារដែលត្រូវទទួលបានប្រាក់សោធនជរាភាព ឬប្រាក់សោធនទុព្វលភាព ឬប្រាក់សោធនចំពោះអ្នកនៅក្នុងបន្ទុកមានប្តី ឬប្រពន្ធនិងកូននៅក្នុងបន្ទុកដែលមិនទាន់មានលទ្ធភាពរកប្រាក់ចំណូល៕

បណ្ដាញសង្គម

ព័ត៌មានថ្មីៗ

ក្នុងរយៈពេល១ឆ្នាំ សំណុំរឿងឆបោកតាមប្រព័ន្ធបច្ចេកវិទ្យា២៦៨ករណីត្រូវបញ្ជូនទៅតុលាការ និងពាក់ព័ន្ធមុខសញ្ញាសង្ស័យជិត ៣ពាន់នាក់

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

មនុស្ស១៣នាក់ ស្លាប់ ក្រោយអាកាសធាតុអាក្រក់វាយប្រហារតំបន់ភាគកណ្តាលឈីលី

មនុស្សជាង ១ម៉ឺននាក់ បានជម្លៀសខ្លួនក្នុងហេតុការណ៍ភ្លើងឆេះព្រៃនៅប្រទេសបារាំង

អូស្រ្តាលីនឹងជំរុញក្រុមមន្រ្តីពាណិជ្ជកម្មសហរដ្ឋអាមេរិក ឲ្យដកចេញពន្ធទាំងអស់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត

Ada Hegerberg បំបែកកំណត់ត្រាស៊ុតបញ្ចូលទីច្រើនជាងគេក្នុងប្រវត្តិសាស្ត្រ Champions League ស្ត្រី

ចំនួនអ្នកស្លាប់ក្នុងការរញ្ជួយដីនៅប្រទេសឥណ្ឌូណេស៊ីកើនឡើងដល់ ៣០នាក់

សហព័ន្ធខ្មែរកីឡាហែលទឹកជ្រើសរើសគរុសិស្សឲ្យមកសិក្សាដោយផ្ទាល់ដើម្បីធានាបាននូវគុណភាព

មនុស្ស៣នាក់ហើយ បានស្លាប់ នៅខេត្តព្រះសីហនុ ក្រោយទទួលរងឥទ្ធិពលភ្លៀងធ្លាក់ខ្លាំង

កម្ពុជាធ្វើឲ្យក្រុមឡេតូនីចាញ់ទាំងភ័យញ័រដៃ ខណៈវីរកីឡាការិនី កែ ឡេង ឈរចាំជុំបន្ទាប់

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

មនុស្ស ៧៩នាក់ស្លាប់ក្នុងការបំផ្ទុះគ្រាប់បែកបង្កប់ក្នុងរថយន្តនៅប្រទេសសូម៉ាលី

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក

ព័ត៌មាន ជាតិនយោបាយ និង ការអភិវឌ្ឍន៍ របបប្រាក់សោធននិវត្តន៍នឹងដាក់ឲ្យដំណើរការជាផ្លូវការនៅចុងឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

គម្រោង​វិនិយោគ​រោងចក្រ​ថ្មីៗ​៦​ទៀត ត្រូវ​បាន​ក្រុមប្រឹក្សា​អភិវឌ្ឍន៍​កម្ពុជា​អនុម័ត

Ada Hegerberg​ បំបែក​កំណត់ត្រា​ស៊ុត​បញ្ចូល​ទី​ច្រើន​ជាង​គេ​ក្នុង​ប្រវត្តិសាស្ត្រ Champions League ស្ត្រី​

ចំនួន​អ្នក​ស្លាប់​ក្នុង​ការ​រញ្ជួយ​ដី​នៅ​ប្រទេស​ឥណ្ឌូណេស៊ី​​កើន​ឡើង​​ដល់ ៣០​នាក់

សហព័ន្ធ​ខ្មែរ​កីឡា​ហែល​ទឹក​ជ្រើស​រើស​គរុសិស្ស​ឲ្យ​មក​សិក្សា​ដោយ​ផ្ទាល់​ដើម្បី​ធានា​បាន​នូវ​គុណភាព​

មនុស្ស​៣នាក់​ហើយ​ បាន​ស្លាប់​ នៅ​ខេត្តព្រះសីហនុ​ ក្រោយ​ទទួល​រង​ឥទ្ធិពល​ភ្លៀង​ធ្លាក់​ខ្លាំង

កម្ពុជា​ធ្វើ​ឲ្យ​ក្រុម​ឡេ​តូ​នី​ចាញ់​ទាំង​ភ័យ​ញ័រ​ដៃ ខណៈ​វីរ​កីឡា​ការិនី កែ ឡេង ឈរ​ចាំ​ជុំ​បន្ទាប់

ក្រសួង​សេដ្ឋកិច្ច​ថា កម្ពុជា​ចង់បាន​កម្ចី​ពី​បារាំង​ច្រើនជាង​១០០​លាន​អឺរ៉ូ​ក្នុង​រយៈពេល​១​ឆ្នាំៗ​

មនុស្ស ៧៩នាក់​ស្លាប់​ក្នុង​ការ​​បំផ្ទុះ​គ្រាប់​បែក​បង្កប់​​ក្នុង​រថយន្ត​នៅ​ប្រទេស​សូម៉ាលី

កសិករ​ក្នុង​ខេត្តកំពង់ចាម ​កំពុង​មមាញឹក​ដាំ​ដំណាំ​បន្លែ ​បន្ទាប់ពី​ទឹក​ស្រក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គម្រោងវិនិយោគរោងចក្រថ្មីៗ៦ទៀត ត្រូវបានក្រុមប្រឹក្សាអភិវឌ្ឍន៍កម្ពុជាអនុម័ត

Ada Hegerberg បំបែកកំណត់ត្រាស៊ុតបញ្ចូលទីច្រើនជាងគេក្នុងប្រវត្តិសាស្ត្រ Champions League ស្ត្រី

ចំនួនអ្នកស្លាប់ក្នុងការរញ្ជួយដីនៅប្រទេសឥណ្ឌូណេស៊ីកើនឡើងដល់ ៣០នាក់

សហព័ន្ធខ្មែរកីឡាហែលទឹកជ្រើសរើសគរុសិស្សឲ្យមកសិក្សាដោយផ្ទាល់ដើម្បីធានាបាននូវគុណភាព

មនុស្ស៣នាក់ហើយ បានស្លាប់ នៅខេត្តព្រះសីហនុ ក្រោយទទួលរងឥទ្ធិពលភ្លៀងធ្លាក់ខ្លាំង

កម្ពុជាធ្វើឲ្យក្រុមឡេតូនីចាញ់ទាំងភ័យញ័រដៃ ខណៈវីរកីឡាការិនី កែ ឡេង ឈរចាំជុំបន្ទាប់

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

មនុស្ស ៧៩នាក់ស្លាប់ក្នុងការបំផ្ទុះគ្រាប់បែកបង្កប់ក្នុងរថយន្តនៅប្រទេសសូម៉ាលី

កសិករក្នុងខេត្តកំពង់ចាម កំពុងមមាញឹកដាំដំណាំបន្លែ បន្ទាប់ពីទឹកស្រក