BTV NEWS

BREAKING NEWS!! តុលាការកំពូលរបស់ប្រទេសថៃ ចេញសាលក្រមសម្រេចឱ្យលោក ថាក់ស៊ីន ត្រូវតែជាប់ពន្ធនាគារ ១ឆ្នាំ

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

សម្ដេចធិបតី៖ ២ថ្ងៃព្រះរាជពិធីបុណ្យអុំទូក ប្រព្រឹត្តទៅដោយរលូន សុខសុវត្ថិភាព និងសប្បាយរីករាយដល់មហាគ្រួសារខ្មែរ និងភ្ញៀវបរទេស

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ព័ត៍មានសំខាន់ប្រចាំថ្ងៃ

រាជរដ្ឋាភិបាលបាន នឹងកំពុងធ្វើវិនិយោគច្រើនលើវិស័យអគ្គិសនី ដើម្បីបញ្ចុះតម្លៃ និងបំពេញការប្រើប្រាស់

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា បច្ចុប្បន្ននេះ យើងកំពុងប្រឈម នឹងកង្វះខាតអគ្គិសនីប្រើប្រាស់ រាជរដ្ឋាភិបាល បាននឹងកំពុងតែធ្វើវិនិយោគ ជាច្រើនលើវិស័យអគ្គិសនី ដើម្បីបំពេញតម្រូវការប្រើប្រាស់ និងកាត់បន្ថយតម្លៃប្រើប្រាស់។នៅក្នុងវេទិការាជរដ្ឋាភិបាល-ផ្នែកឯកជន លើកទី១៨ នៅព្រឹកថ្ងៃទី២៩ ខែមីនា នេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាក់ថា ពីមួយឆ្នាំទៅមួយឆ្នាំ តម្រូវការប្រើប្រាស់អគ្គិសនី របស់ប្រជាពលរដ្ឋកម្ពុជា កាន់តែច្រើនឡើង ដូច្នេះរាជរដ្ឋាភិបាល បាននឹងកំពុងខិតខំដោះស្រាយបញ្ហា កង្វះខាត នៃការប្រើប្រាស់អគ្គិសនី តាមរយៈការកសាងបណ្ដាញផលិតអគ្គិសនី ដូចជា ទំនប់វារីអគ្គិសនី និងប្រព័ន្ធថាមពលព្រះអាទិត្យ ដែលរំពឹងថា តទៅអនាគត នឹងមានអគ្គិសនីគ្រប់គ្រាន់បែងចែងទៅឱ្យ ប្រជាពលរដ្ឋប្រើប្រាស់នៅគ្រប់តំបន់។ប្រទេសកម្ពុជា បច្ចុប្បន្ន កំពុងប្រឈមនឹងកង្វះខាតអគ្គិសនីប្រើប្រាស់ ដោយសារតែមានតម្រូវការ ប្រើប្រាស់កាន់តែច្រើន ពិសេស គឺដោយសារការប្រែប្រួលអាកាសធាតុ ដែលបានធ្វើឱ្យទំនប់វារីអគ្គិសនី មួយចំនួនធំ ខ្វះខាតទឹក មិនអាចផលិតថាមពលអគ្គិសនីបានគ្រប់គ្រាន់។ ដើម្បីដោះស្រាយបញ្ហានេះ ជា បន្ទាន់ចំពោះមុខ ប្រមុខរាជរដ្ឋាភិបាលកម្ពុជា បានសម្រេចជួលកប៉ាល់ផលិតអគ្គិសនីពីប្រទេសទួរគី ដែល កប៉ាល់នេះនឹងមកដល់ប្រទេសកម្ពុជា ក្នុងពេលឆាប់ៗនេះ ដើម្បីបំពេញតម្រូវការប្រើប្រាស់អគ្គិសនី នាពេលបច្ចុប្បន្ននេះ៕

របាយការណ៍ បង្ហាញថា អ្នករងគ្រោះថ្នាក់ស្លាប់ និងរងរបួស ដោយរន្ទះបាញ់មានខ្ពស់ជាងគេ

ភ្នំពេញ ៖ យោងតាមរបាយការណ៍ក្រសួងសុខាភិបាល រយៈពេលបីឆ្នាំ បានឱ្យដឹងថា ជនរងគ្រោះថ្នាក់របួស និងស្លាប់ដោយរន្ទះបាញ់ មានអត្រាខ្ពស់ជាងគេ បើប្រៀបធៀបនឹងជនរងគ្រោះថ្នាក់ ដោយសារពស់ចឹក ទឹកជំនន់ និងខ្យល់កន្ត្រាក់។លោកជំទាវ ឱ វណ្ណឌីន អ្នកនាំពាក្យ និងជាអ្នកនាំពាក្យក្រសួងសុខាភិបាល ប្រាប់BTV ព័ត៌មានថា បើយោងតាមរបាយការណ៍ដែលរៀបចំ ដោយនាយកដ្ឋានការពារសុខភាព គឺចំនួនអ្នករងគ្រោះដោយសារពស់ចឹក ក្នុងឆ្នាំ២០០១៧–២០១៨–២០១៩ សម្រាប់៦ខេត្ត រួមមាន ៖ ខេត្តកំពង់ធំ ត្បូងឃ្មុំ កំពង់ចាម ព្រៃវែង កំពង់ឆ្នាំង និងខេត្តក្រចេះ ក្នុងនោះគេសង្កេតឃើញមានជនរងគ្រោះថ្នាក់រងរបួស និងស្លាប់ ដោយរន្ទះបាញ់ច្រើនជាងគេ។

ការប្រទូសរ៉ាយគ្នាបានផ្ទុះឡើង ខណៈកងកម្លាំងអ៊ីស្រាអែលរុះរើសំណង់ពលរដ្ឋប៉ាឡេស្ទីនក្នុងតំបន់ West Bank

វេសបែង៖ អ្នកស្រុកនិយាយថា កងកម្លាំងអ៊ីស្រាអែលបានបំផ្លាញចោលផ្នែកខ្លះ នៃលំនៅឋានចំនួន ៤កន្លែងដែលគេគិតថា ត្រូវបានសាងសង់ដោយខុសច្បាប់កាលពីថ្ងៃច័ន្ទ ក្នុងភូមិអាល់វ៉ាឡាជេជិតទីក្រុងហ្ស៊េរ៉ុយសាឡឹមក្នុងតំបន់ West Bank។ការប្រទូសរ៉ាយទាំងនោះបានផ្ទុះឡើងរវាងប្រជាពលរដ្ឋ និងក្រុមមន្ត្រីនគរបាលការពារព្រំដែន ដែលសម្រុកចូលទៅក្នុងលំនៅឋានរបស់ពលរដ្ឋទាំងនោះ ដើម្បីទប់ពួកគេកុំឲ្យរំខានក្នុងការវាយកម្ទេចលំនៅឋាន។ បងប្រុសម្នាក់ក្នុងចំណោមម្ចាស់ផ្ទះទាំងនោះ លោក អាបេតអាល់ ហាលីមហាចាឡេ បានប្រាប់សារព័ត៌មាន Reuters ថា ប្អូនប្រុសរបស់លោកបានគោរពតាមបញ្ជារបស់សាលាក្រុង ដែលទាមទារឲ្យបញ្ឈប់ការសាងសង់សំណង់ទាំងនោះហើយ។ ប្រជាពលរដ្ឋដែលរស់នៅក្នុងផ្ទះចំនួន ៤កន្លែងបាននិយាយថា ពួកគេនឹងសម្អាតផ្នែកនានាដែលត្រូវបានវាយកម្ទេច និងបន្តស្នាក់នៅក្នុងផ្ទះរបស់ពួកគេតទៅទៀត ព្រោះថាពួកគេគ្មានកន្លែងត្រូវស្នាក់នៅនោះទេ៕អត្ថបទ៖ សុខមាន

ផ្នែកមួយចំនួននៃប្រទេសអូទ្រីសកំពុងរងគ្រោះដោយបំណាក់ដី ព្រិលធ្លាក់យ៉ាងខ្លាំង និងទឹកជំនន់

អូទ្រីស៖ ផ្នែកមួយចំនួននៃប្រទេសអូទ្រីស កំពុងដោះស្រាយបញ្ហាធ្លាក់ព្រិលដ៏ខ្លាំងក្លា ការគំរាមកំហែងពីការបាក់ធ្លាក់ផ្ទាំងព្រិលខ្លាំងក្លា ទឹកជំនន់ដោយសារទឹកទន្លេឡើង និងបឹងបួរមានទឹកពេញហៀរគ្រប់កន្លែងកាលពីថ្ងៃចន្ទម្សិលមិញ។បំណាក់ដីនៅក្នុងតំបន់បែតហ្កាសស្តេន នាភាគខាងត្បូងទីក្រុងសាលប៊ឺកបានបំផ្លាញលំនៅឋាន កាលពីពាក់កណ្ដាលអាធ្រាត្រដែលបានកប់ស្ត្រី ២នាក់ នេះបើយោងតាមសេចក្ដីរាយការណ៍របស់ទីភ្នាក់ងារព័ត៌មាន APA របស់ប្រទេសអូទ្រីស។ ក្រុមពន្លត់អគ្គិភ័យបានសង្គ្រោះស្ត្រីម្នាក់ក្នុងចំណោមពួកគេភ្លាមៗ និងសង្គ្រោះបានតែមនុស្សម្នាក់ទៀតប៉ុណ្ណោះ ក្រោយរយៈពេលជាច្រើនម៉ោងមក។ មនុស្សទាំង ២នាក់បានរងរបួស និងនាំយកទៅកាន់មន្ទីរពេទ្យ។ នៅពេលល្ងាចថ្ងៃនោះបំណាក់ដីមួយទៀត បានបាក់ទៅលើលំនៅឋានមួយខ្នងនៅតំបន់បេតក្លេនគីឆេន។ ក្រុមអាជ្ញាធរ និងក្រុមសុនខសង្គ្រោះកំពុងស្វែងរកអ្នកស្រុកបាត់ខ្លួនអាយុ ៨០ឆ្នាំម្នាក់ នេះជាសេចក្ដីរាយការណ៍ផ្សាយជាសាធារណរបស់ស្ថានីយ ORF។នៅក្នុងហ្គឺកតាល់នៃតំបន់ការីនធីយ៉ា ក្រុមពន្លត់អគ្គិភ័យប្រហែល ៧០នាក់ត្រូវបានជម្លៀសអ្នកស្រុកចេញពីអគារ ១៥ខ្នងដោយសារតែទន្លេហ្គឺកមានទឹកពេញហៀរ។ ផ្លូវរថភ្លើងជាច្រើនខ្សែត្រូវបានរំខានដោយទឹកជំនន់ ហើយលំនៅឋានប្រហែល ១៧០០ខ្នងគ្មានអគ្គិសនីប្រើប្រាស់អស់រយៈពេលជាច្រើនម៉ោង។ តាមកន្លែងផ្សេងទៀតនៅភាគខាងត្បូងប្រទេសអូទ្រីស ភូមិជាច្រើនត្រូវបានរងគ្រោះដោយសារព្រិលធ្លាក់ខ្លាំង។ សាលារៀនមួយចំនួនត្រូវបានបន្តបិទ ហើយឧទ្ធម្ភាគចក្រមួយចំនួនហោះឆ្វែលតាមតំបន់ភ្នំ នៅក្បែររកមើលផ្ទាំងព្រិលក្រាស់ៗ៕អត្ថបទ៖ រិទ្ធី

ម្តាយមានជំងឺប្រចាំកាយ កូនប្រុសច្បងអាយុ១៣ឆ្នាំ ជិះកង់ដឹកបន្លែលក់តាមភូមិយកលុយសម្រាប់ចិញ្ចឹមប្អូនៗ៣នាក់

ភ្នំពេញ ៖ ដោយមានក្តីអាណិតអាសូរ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន កាលពីល្ងាចថ្ងៃទី១៦ ខែតុលា ឆ្នាំ២០១៩ បានចាត់ឱ្យក្រុមការងារមនុស្សធម៌ចុះសាកសួរសុខទុក្ខ និងនាំអំណោយសម្តេចតេជោ និងសម្តេចកិត្តិព្រឹទ្ធបណ្ឌិត ទៅចែករំលែកការលំបាក ដល់គ្រួសារក្រីក្រ មួយគ្រួសារ ដែលកំពុងជួបជីវភាពខ្វះខាតយ៉ាងខ្លាំង រស់នៅភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។ស្ថានភាពរស់នៅរបស់គ្រួសារប្អូនប្រុស មានឪពុកឈ្មោះ ទូច អាយុ ៣៣ឆ្នាំ មុខរបរកម្មករសំណង់ ម្តាយឈ្មោះ កែវ គឹមសាន អាយុ២៩ឆ្នាំ មានជំងឺហឺតប្រចាំកាយធ្វើការអ្វីមិនកើត ស្នាក់នៅផ្ទះជួល មានកូនក្នុងបន្ទុកចំនួន ៤នាក់។កូនប្រុសច្បងមានឈ្មោះ នាង រដ្ឋនី អាយុ១៣ឆ្នាំ រៀនថ្នាក់ទី៣ ក្រោយចេញពីសាលារៀន ឆ្លៀតពេលទៅទទួលបន្លែពីគេ ដឹកនឹងកង់ជិះលក់តាមភូមិ។អំណោយមនុស្សធម៌ ដែលបានផ្តល់ជូនរួមមាន៖ អង្ករ១០០គីឡូក្រាម កន្ទេល ពូក មុង ភួយ ខ្នើយ ចាន ឆ្នាំង មី៥កេស ទឹកដោះគោ២កេសធំ ទឹកស៊ីអ៊ីវ៣យួរ វិទ្យុ១គ្រឿង សំលៀកបំពាក់ កាតាប ប៊ិកសៀវភៅ ខ្មៅដៃ សម្ភារៈប្រើប្រាស់ប្រើក្នុងផ្ទះមួយចំនួនធំ និងថិកាចំនួន ៥០ម៉ឺនរៀលជារៀងរាល់ខែ គឺឧបត្ថម្ភពេញមួយឆ្នាំ ហើយថវិកាទាំងអស់នោះ បានរៀបចំទុកដាក់នៅធនាគារ(ABA)។ឱកាសនោះដែរក្រុមការងារតំណាងឱ្យលោកជំទាវ ហ៊ុន ម៉ាណា បានទទួលការផ្តាំផ្ញើសួរសុខទុក្ខពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមឱ្យក្មួយៗ ចៅៗ ខិតខំរៀនសូត្រឱ្យបានពូកែ ចំណែកឯឪពុកម្តាយវិញត្រូវខិតខំផ្តល់ឱកាសឱ្យកូនបានទៅរៀនគ្រប់ៗគ្នា និងឈប់ឱ្យកូនដឹកបន្លែលក់ដូចមុនទៀត ដើម្បីឱ្យកូនទាំង៤នាក់នេះមានឱកាសរៀនសូត្រឱ្យបានពេញលេញ៕

សហភាពអឺរ៉ុប បញ្ចប់យុទ្ធនាការសប្តាហ៍ បៃតងរបស់ខ្លួន ជាមួយនឹង ការសម្អាតទីសាធារណៈ

ភ្នំពេញ ៖ ប្រតិភូនៃសហភាពអឺរ៉ុបប្រចាំប្រទេសកម្ពុជា រួមគ្នាជាមួយនឹង ស្ថានទូតរដ្ឋជាសមាជិកសហភាព អឺរ៉ុប ក្រសួងបរិស្ថាន ក្រសួងទេសចរណ៍ និង អេកូយុវទូត (Young Eco Ambasador) បាន បញ្ចប់ យុទ្ធនាការសប្តាហ៍បៃតងរបស់សហភាពអឺរ៉ុប ជាមួយនឹងការ សម្អាតទីសាធារណៈ តាមបណ្តោយ ទន្លេសាប ចាប់ពីសួនជ្រោយចង្វារហូតដល់សហគមន៍ នេសាទជិតសណ្ឋាគារសុខា នៅថ្ងៃ អាទិត្យ ទី ៦ ខែ តុលា ។ប្រជាពលរដ្ឋ ប្រមាណ ៣០០នាក់បានចូលរួម សំអាតបរិស្ថាន ក្រោម យុទ្ធនាការបៃតង របស់ សហ ភាពអឺរ៉ុប ដឹកនាំដោយឯកឧត្តម នេត្រ ភក្តា រដ្ឋលេខាធិការក្រសួងបរិស្ថាន និងលោក Franck Visult ភារធារីស្តីទី នៃប្រតិភូសហភាពអឺរ៉ុប ប្រចាំកម្ពុជា។ឯកឧត្តម ណេត ភត្រា បានបញ្ជាក់ថា យុទ្ធនាការសម្អាត ទីសាធារណៈនេះ ក្នុងគោល បំណង ជំរុញការអនុវត្តវិធានការទូទាំងសកលលោក ឆ្លើយតបចំពោះការប្រែប្រួល អាកាសធាតុ ការ បំពុល បរិស្ថាន និងសំណល់ប្លាស្ទិក ។ ឯកឧត្តម បន្តថា ក្នុងមួយថ្ងៃនៅក្នុងរាជធានីភ្នំពេញ បានប្រើប្រាស់ ថង់ប្លា ស្ទីក ប្រមាណ១០លានថង់ ដែលនេះ គឺជាកង្វល់ ទាមទារអោយមានការចូលរួមដោះស្រាយទាំងអស់។ ការ ដោះស្រាយនោះ គឺប្រជាពលរដ្ឋត្រូវកាត់បន្ថយការប្រើប្រាស់ថង់ប្លាស្ទីក និងត្រូវប្រើថង់ប្លាស្ទីក អោយ បាន២ ទៅ៣ដង ក្នុងមួយថង់ ។លោក Frank Vault ភារធារីនៃសហភាពអឺរ៉ុបប្រចាំកម្ពុជា មានប្រសាសន៍ថា “ការបំពុលដោយប្លាស្ទិក គឺជា បញ្ហាធំចំបងមួយក្នុងចំណោមបញ្ហាបរិស្ថានធំៗជាច្រើនទៀត ដែលកើតឡើងជាទូទៅជាងគេ ។ ក្នុង ចំណោមប្លាស្ទិក ទាំង អស់ដែលត្រូវបានប្រើប្រាស់ មានពាក់កណ្តាលជា ប្លាស្ទិកដែលប្រើប្រាស់ បាន តែ មួយ ដងប៉ុណ្ណោះ ហើយប្លាស្ទិកបែបនេះ រហូតដល់ ៩០% ត្រូវបានគេចោល ដោយផ្ទាល់ ទៅ ក្នុងទន្លេ និងសមុទ្របស់យើង។ សហភាពអឺរ៉ុប លើក ទឹកចិត្តឱ្យមាន ការកែច្នៃ ប៉ុន្តែការកែច្នៃតែមួយមុខ គឺមិនគ្រប់ គ្រាន់នោះឡើយ។សូមបញ្ជាក់ថា សហភាពអឺរ៉ុប (រដ្ឋជាសមាជិក គណៈកម្មការអឺរ៉ុប និងធនាគារវិនិយោគអ៊ឺរ៉ុប) តំណាង អោយ ៤០ ភាគរយ នៃហិរញ្ញប្បទានសកលលើការងារអាកាស ធាតុសាធារណៈ ។ នៅកម្ពុជា សហភាព អឺរ៉ុប បាននិងកំពុងគាំទ្រដល់សកម្មភាពឆ្លើយតបចំពោះការប្រែប្រួលអាកាសធាតុជាយូរ មកហើយ ហើយនៅពេលថ្មីៗនេះ បានសន្យាផ្តល់ថវិកាចំនួន ៦ លានអឺរ៉ូ ដើម្បីគាំទ្រដល់កិច្ចខិត ខំប្រឹងប្រែង របស់ រាជរដ្ឋាភិបាល ដើម្បីឆ្លើយតបចំពោះការប្រែប្រួលអាកាសធាតុផងដែរ ៕

Marc Marquez ឈ្នះនៅជប៉ុន ជាជ័យជំនះ ៤ទីលានជាប់គ្នាជួយក្រុមហុងដាឈ្នះជើងឯកពិភពលោក

ប្រណាំងម៉ូតូ៖ បន្ទាប់ពីគ្រប់ពិន្ទុជាជើងឯកពិភពលោក MotoGP ទៅហើយកាលពីប្រកួតនៅប្រទេសថៃ កីឡាករអេស្ប៉ាញ Marc Marquez មិនបង្អង់ដៃឡើយ ដោយបន្តរកបានជ័យជំនះនៅប្រទេសជប៉ុនចុងសប្ដាហ៍កន្លងទៅទៀត ដែលជាជ័យជំនះ ៤ទីលានជាប់គ្នាជួយឲ្យក្រុមហុងដារបស់គេ គ្រងជើងឯកក្រុមស្ថាបនិកផងដែរ។Marc Marquez ចាប់ផ្ដើមចេញដំណើរដោយនៅមុខគេ ក្រោយឈ្នះការប្រណាំងយកទីចេញដំណើរ តែត្រូវបានកីឡាករបារាំង Fabio Quartararo នាំមុខនៅជុំដំបូងនៅទីលានប្រណាំង Twin Ring Motegi។ យ៉ាងណាក្តីជើងឯកពិភពលោក ៨សម័យរូបនេះ ក៏បានត្រលប់មកនាំមុខក្នុងការប្រកួតវិញនៅជុំដំបូងដដែល និងរក្សាការនាំមុខរហូតដល់ទីព្រ័ត្រ ខណៈកីឡាកររបស់ក្រុម Yamaha, Fabio Quartararo បានលេខ២ តាមពីក្រោយដោយកីឡាករអ៊ីតាលី Andrea Dovizioso។ នេះជាជ័យជំនះទី១០ ក្នុងរដូវកាលនេះសំរាប់ Marc Marquez ដែលធ្វើឲ្យក្រុមហុងដាគ្រងជើងឯកពិភពលោកក្រុមស្ថាបនិក។ សោកស្ដាយសំរាប់ Andrae Iannone និង Valentino Rossi សុទ្ធតែដើរចេញពីការប្រកួតដោយសារដួល តែមិនមានរបួសអ្វីធ្ងន់ធ្ងរឡើយ៕

ចិន គ្រោងវិនិយោគសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករនៅកម្ពុជា

ភ្នំពេញ ៖ ដើម្បីចូលរួមពង្រឹងខ្សែចង្វាក់ផ្គត់ផ្គង់ស្រូវអង្ករជាតិ ប្រតិភូធុរជនចិនខេត្តហឺណាន់ បានបង្ហាញចេតនាវិនិយោគលើការសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករនៅក្នុងប្រទេសកម្ពុជា ជាពិសេសថែរក្សាស្ថិរភាពតម្លៃ និងកាត់បន្ថយការហូរចេញស្រូវទៅកាន់ប្រទេសជិតខាង ព្រមទាំងបង្កើនប្រាក់ចំណូលជូនប្រជាកសិករ និងជំរុញកំណើនសេដ្ឋកិច្ចជាតិ។ក្នុងជំនួបការងារ រវាងឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅរសៀលថ្ងៃទី២៣ ខែឧសភា កន្លងទៅនេះ នៅទីស្តីក្រសួង លោក ប៊ី គង់មីន (BI GUANGMIN) ប្រធានក្រុមប្រឹក្សានៃក្រុមហ៊ុន Henan Yuguang International Economic & Technical Cooperation បានជម្រាបជូនភាគីជំនួបអំពីសាវតា និងគម្រោងសាងសង់ឃ្លាំងស្តុកស្រូវ និងឡសម្ងួតដែលមានសមត្ថភាពសម្ងួតស្រូវសើមដល់ទៅ ១៣ពាន់តោន ក្នុងមួយថ្ងៃ ហើយអាចស្តុកស្រូវ-អង្ករស្ងួតបានដល់ទៅ ០១លានតោន។ លោក លើកឡើងថា គម្រោងនឹងសាងសង់ប្រព័ន្ធឃ្លាំងស្តុក និងឡសម្ងួតនេះ នៅក្នុងខេត្តដែលមានសក្តានុពលផលិតស្រូវ-អង្ករ ហើយនៅពេលការសាងសង់បញ្ចប់ នឹងអាចជួយបង្កើនការនាំចេញអង្ករកម្ពុជា ទៅក្នុងទីផ្សារអន្តរជាតិក្នុងមួយឆ្នាំ ៥០ម៉ឺនតោន។ជាការឆ្លើយតប ឯកឧត្តមរដ្ឋមន្ត្រី ប៉ាន សូរស័ក្តិ បានស្នើរភាគីជំនួប ឲ្យសហការជាមួយក្រុមហ៊ុនហ្គ្រីនត្រេដ (ក្រុមហ៊ុនអង្ករ) ដើម្បីរៀបចំកិច្ចសន្យាស្តីពីវិស្វកម្ម និងសាងសង់, កិច្ចព្រមព្រៀងស្តីពីការបង្កើតក្រុមហ៊ុនចម្រុះកម្ពុជា-ចិន ព្រមទាំងកិច្ចព្រមព្រៀងស្តីពីកិច្ចសហប្រតិបត្តិការ និងការគ្រប់គ្រង រវាងរដ្ឋាភិបាលកម្ពុជា និងក្រុមហ៊ុនវិនិយោគជាដៃគូ សម្រាប់ធ្វើប្រតិបត្តិការ និងការថែទាំគម្រោងដើម្បីជំរុញកិច្ចការទៅមុខដោយរលូន និងទទួលបានជោគជ័យ។ក្នុងឆ្នាំ២០១៧ រដ្ឋាភិបាលកម្ពុជា បានចុះអនុស្សរណៈនៃការយោគយល់គ្នាស្តីពីគម្រោងជំរុញផលិតកម្មស្រូវ និងការនាំចេញអង្ករជាមួយប្រទេសចិន ដែលក្នុងនោះភាគីកម្ពុជា តំណាងដោយក្រសួងសេដ្ឋកិច្ច និងហិរញ្ញវត្ថុ និងក្រសួងពាណិជ្ជកម្ម ខណៈភាគីចិនតំណាងដោយក្រុមហ៊ុន Henan Yuguang, ធនាគារនីហរ័ណ-អាហរ័ណចិន និងក្រុមហ៊ុនស៊ីទីកហ្គ្រុប។ នៅក្នុងអនុស្សរណៈ ក្រុមហ៊ុន ខាងលើនឹងទទួលការងារសាងសង់ឡសម្ងួត និងឃ្លាំងស្តុកស្រូវ-អង្ករនៅក្នុងប្រទេសកម្ពុជា៕

គ្រូបង្វឹកថ្នាលកីឡាវ៉ូវីណាមឆ្លៀតពេលបង្រៀនភាសាអង់គ្លេសដល់ក្មេងៗ

វ៉ូវីណាម៖ ដើម្បីចែករំលែកនូវចំណេះដឹងដែរខ្លួនមាន និងចង់ឲ្យក្មេងៗដែលជាកីឡាករថ្នាលអាចនិយាយ អាន និងសរសេរភាសាអង់គ្លេស គ្រូបង្វឹកថ្នាលកីឡាវ៉ូវីណាមបានឆ្លៀតពេលទំនេររបស់ខ្លួន បង្រៀនអង់គ្លេសដោយឥតគិតថ្លៃ។លោក ស៊ិន សេងហុង គ្រូបង្វឹកថ្នាលកីឡាវ៉ូវីណាមបានឲ្យដឹងថា វាជារឿងលំបាកដែរ ព្រោះលោកត្រូវរៀបចំកម្មវិធីសម្រាប់បង្ហាត់កីឡាករថ្នាលផង និងត្រូវរៀបចំមេរៀនដើម្បីបង្រៀនក្មេងៗផង។ ប៉ុន្តែដោយក្តីស្រឡាញ់ និងចង់ឲ្យក្មេងៗមានចំណេះ គឺលោកសប្បាយចិត្តក្នុងការបង្រៀនដល់ក្មេងៗ ហើយលោកសង្ឃឹមថា ថ្ងៃក្រោយទៅពួកគេនឹងអាចយកភាសានេះទៅប្រើប្រាស់បាន។ គួរដឹងដែរថា រៀងរាល់ថ្ងៃលោក ស៊ិន សេងហុង បង្រៀនក្មេង ២វេនគឺវេនថ្ងៃត្រង់សម្រាប់ថ្នាក់ដំបូង និងវេនយប់ថ្នាក់មធ្យម ខណៈដែលសិស្សទាំងនេះគឺជាកីឡាករ–កីឡាការិនីថ្នាលទាំង ១៣ប្រភេទកីឡា ដែលប្រមូលផ្តុំហ្វឹកហាត់នៅមជ្ឈមណ្ឌលជាតិហ្វឹកហ្វឺនកីឡា នាពហុកីឡដ្ឋានមរតកតេជោ៕

ក្មាន់កាំភ្លើងជានិស្សិតម្នាក់បាញ់សម្លាប់មនុស្ស ១៩នាក់នៅមហាវិទ្យាល័យមួយក្នុងតំបន់គ្រីមៀ

អ៊ុយក្រែន៖ និស្សិតមានវ័យ ១៨ឆ្នាំម្នាក់ បានដើរចូលទៅក្នុងសាលាបណ្ដុះបណ្ដាលវិជ្ជាជីវៈរបស់គេ នៅក្នុងតំបន់គ្រីមៀ (Crimea) ក្នុងសំលៀកបំពាក់គ្របទាំងសក់ពណ៌ទង់ដែងរបស់គេ បន្ទាប់មកបានដកកាំភ្លើងខ្លីមួយដើម ហើយបានបើកការបាញ់ប្រហារកាលពីថ្ងៃពុធ ដោយបានសម្លាប់និស្សិតចំនួន ១៩នាក់ និងជាង ៥០នាក់ផ្សេងទៀតរងរបួសមុនពេលគេបាញ់សម្លាប់ខ្លួនឯង។លោក ហ្សឺហ្គេ អាកស៊ីយ៉ូនៅ មេដឹកនាំប្រចាំតំបន់ក្នុងតំបន់គ្រីមៀបាននិយាយថា ជនល្មើសបានដើរទៅដើរមក និងបាញ់សិស្ស និងគ្រូបង្រៀនក្នុងសភាពធម្មតា។ ក្រុមមន្ត្រីបាននិយាយថា និស្សិតឆ្នាំទី៤ រូបនេះបានបាញ់សម្លាប់ខ្លួនឯង នៅក្នុងបណ្ណាល័យនៃមហាវិទ្យាល័យពហុបច្ចេកទេសឃើច (Kerch Polytechnic College) បន្ទាប់ពីការវាយប្រហារ។ ម្ដាយរបស់គេដែលជាគិលានុបដ្ឋាយិកា កំពុងជួយព្យាបាលជនរងគ្រោះនៅមន្ទីរពេទ្យក្នុងតំបន់មួយ ក្រោយពេលបាញ់ប្រហារមិនទាន់ដឹងច្បាស់នៅឡើយទេថា កូនប្រុសរបស់អ្នកស្រីត្រូវបានចោទប្រកាន់ពីបទបង្កភាពវឹកវរ និងបានបាត់បង់ជីវិតហើយនោះ។ការបាញ់ប្រហារតាមសាលារៀនបែបនេះកម្រកើតមានណាស់ ហើយការវាយប្រហារកាលពីថ្ងៃពុធ គឺជាការវាយប្រហារដ៏អាក្រក់បំផុតមួយ បង្កឡើងដោយនិស្សិតខូចចិត្តម្នាក់នៅក្នុងប្រទេសរុស្ស៊ី ដែលទើបកាត់ឧបទ្វីបគ្រីមៀជាឧបសម្ពន្ធរបស់ខ្លួន ចេញពីអ៊ុយក្រែនក្នុងឆ្នាំ2014។ ស្ថានភាពថ្លុកឈាមបានធ្វើឲ្យមានការដេញដោល អំពីសុវត្ថិភាពសាលារៀននៅក្នុងប្រទេស។ មហាវិទ្យាល័យពហុបច្ចេកទេសឃើច ដែលមានតែតុទទួលចុះឈ្មោះមួយប៉ុណ្ណោះ តែគ្មានឆ្មាំសន្តិសុខទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា

ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើកផ្លូវឱ្យចាកចេញទៅក្រៅប្រទេសបាន

សម្ដេចធិបតី៖ រាជរដ្ឋាភិបាលនឹងដាក់ចេញនូវវិធានការមុតស្រួចមួយចំនួនដើម្បីដោះស្រាយបញ្ហាសំខាន់ៗជូន SME

ក្នុងរយៈពេល១ឆ្នាំ សំណុំរឿងឆបោកតាមប្រព័ន្ធបច្ចេកវិទ្យា២៦៨ករណីត្រូវបញ្ជូនទៅតុលាការ និងពាក់ព័ន្ធមុខសញ្ញាសង្ស័យជិត ៣ពាន់នាក់

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

កម្មករអណ្តូងរ៉ែ ៣៩នាក់ ជាប់ខ្លួន ក្រោយព្រិលធ្លាក់ខ្លាំងនៅតំបន់ Atacama របស់ប្រទេសឈីលី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៍មានសំខាន់ប្រចាំថ្ងៃ

រាជរដ្ឋាភិបាលបាន នឹងកំពុងធ្វើវិនិយោគច្រើនលើវិស័យអគ្គិសនី ដើម្បីបញ្ចុះតម្លៃ និងបំពេញការប្រើប្រាស់

របាយការណ៍ បង្ហាញថា អ្នករងគ្រោះថ្នាក់ស្លាប់ និងរងរបួស ដោយរន្ទះបាញ់មានខ្ពស់ជាងគេ

ការប្រទូសរ៉ាយគ្នាបានផ្ទុះឡើង ខណៈកងកម្លាំងអ៊ីស្រាអែលរុះរើសំណង់ពលរដ្ឋប៉ាឡេស្ទីនក្នុងតំបន់ West Bank

ផ្នែកមួយចំនួននៃប្រទេសអូទ្រីសកំពុងរងគ្រោះដោយបំណាក់ដី ព្រិលធ្លាក់យ៉ាងខ្លាំង និងទឹកជំនន់

ម្តាយមានជំងឺប្រចាំកាយ កូនប្រុសច្បងអាយុ១៣ឆ្នាំ ជិះកង់ដឹកបន្លែលក់តាមភូមិយកលុយសម្រាប់ចិញ្ចឹមប្អូនៗ៣នាក់

សហភាពអឺរ៉ុប បញ្ចប់យុទ្ធនាការសប្តាហ៍ បៃតងរបស់ខ្លួន ជាមួយនឹង ការសម្អាតទីសាធារណៈ

Marc Marquez ឈ្នះនៅជប៉ុន ជាជ័យជំនះ ៤ទីលានជាប់គ្នាជួយក្រុមហុងដាឈ្នះជើងឯកពិភពលោក

ចិន គ្រោងវិនិយោគសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករនៅកម្ពុជា

គ្រូបង្វឹកថ្នាលកីឡាវ៉ូវីណាមឆ្លៀតពេលបង្រៀនភាសាអង់គ្លេសដល់ក្មេងៗ

ក្មាន់កាំភ្លើងជានិស្សិតម្នាក់បាញ់សម្លាប់មនុស្ស ១៩នាក់នៅមហាវិទ្យាល័យមួយក្នុងតំបន់គ្រីមៀ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៍មានសំខាន់ប្រចាំថ្ងៃ

របាយការណ៍​ បង្ហាញថា ​អ្នករងគ្រោះថ្នាក់​ស្លាប់​ និង​រងរបួស​ ដោយ​រន្ទះបាញ់​មាន​ខ្ពស់​ជាងគេ

សហភាពអឺរ៉ុប បញ្ចប់យុទ្ធនាការសប្តាហ៍ បៃតងរបស់ខ្លួន ​ជាមួយនឹង ​ការ​សម្អាតទីសាធារណៈ

Marc Marquez ឈ្នះ​នៅ​ជប៉ុន ជា​ជ័យជំនះ ៤​ទីលាន​ជាប់​គ្នា​ជួយ​ក្រុម​ហុងដា​ឈ្នះ​ជើង​ឯក​ពិភព​លោក​

ចិន គ្រោង​វិនិយោគ​សាងសង់​ប្រព័ន្ធ​ឃ្លាំង​ស្តុក​ និង​ឡសម្ងួត​ស្រូវ​-​អង្ករ​នៅ​កម្ពុជា

គ្រូ​បង្វឹក​ថ្នាល​កីឡា​វ៉ូ​វី​ណា​ម​ឆ្លៀត​ពេល​បង្រៀន​ភាសា​អង់គ្លេស​ដល់​ក្មេងៗ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

របាយការណ៍ បង្ហាញថា អ្នករងគ្រោះថ្នាក់ស្លាប់ និងរងរបួស ដោយរន្ទះបាញ់មានខ្ពស់ជាងគេ

សហភាពអឺរ៉ុប បញ្ចប់យុទ្ធនាការសប្តាហ៍ បៃតងរបស់ខ្លួន ជាមួយនឹង ការសម្អាតទីសាធារណៈ

Marc Marquez ឈ្នះនៅជប៉ុន ជាជ័យជំនះ ៤ទីលានជាប់គ្នាជួយក្រុមហុងដាឈ្នះជើងឯកពិភពលោក

ចិន គ្រោងវិនិយោគសាងសង់ប្រព័ន្ធឃ្លាំងស្តុក និងឡសម្ងួតស្រូវ-អង្ករនៅកម្ពុជា

គ្រូបង្វឹកថ្នាលកីឡាវ៉ូវីណាមឆ្លៀតពេលបង្រៀនភាសាអង់គ្លេសដល់ក្មេងៗ