BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

ពិភពលោក៖ ការប្រមូលផ្តុំគ្នាប្រារព្ធទិវាសិទ្ធិនារីអន្តរជាតិ បានធ្វើឡើងនៅជុំវិញពិភពលោកកាលពីថ្ងៃពុធ។ បន្ទាប់ពីមួយឆ្នាំដែលក្មេងស្រីនៅក្នុងប្រទេសអាហ្វហ្គានីស្ថាន ត្រូវបានហាមឃាត់មិនឱ្យទទួលបានការអប់រំ ការតវ៉ាសិទ្ធិស្ត្រីទ្រង់ទ្រាយធំបានផ្ទុះឡើងនៅក្នុងប្រទេសអ៊ីរ៉ង់។ បាតុកម្មក៏ត្រូវបានធ្វើឡើងនៅទីក្រុងប៉ារីស ទីក្រុងប៊ែរឡាំង បេរូត ហ្សាកាតា សិង្ហបុរី និងទីក្រុងផ្សេងទៀត។ នៅសហរដ្ឋអាមេរិកការរំលូតកូន និងសិទ្ធិបន្តពូជគឺស្ថិតនៅក្នុងរបៀបវារៈ សម្រាប់ការប្រមូលផ្តុំគ្នាជាអន្តរជាតិកាលពីថ្ងៃពុធ ដែលមានរយៈពេល ៩ខែបន្ទាប់ពីតុលាការកំពូលរបស់សហរដ្ឋអាមេរិកបានលុបចោលសេចក្តីសម្រេច ដោយបានទទួលស្គាល់សិទ្ធិតាមរដ្ឋធម្មនុញ្ញរបស់ស្ត្រីក្នុងការរំលូតកូន។ ទន្ទឹមនឹងនេះ ស្ត្រីបានចេញដើរធ្វើបាតុកម្មនៅតាមដងផ្លូវដែលមាននៅក្នុងទីក្រុងកាប៊ុល រហូតដល់ទីក្រុងម៉ាឌ្រីដ ដើម្បីប្រារព្ធទិវាសិទ្ធិនារីអន្តរជាតិ និងក្រោកឈរឡើងដើម្បីទាមទារសិទ្ធិដែលកំពុងមានការរំលោភបំពានកាន់តែខ្លាំង។ នៅរដ្ឋធានីប្រទេសអាមេរិកឡាទីន មនុស្សរាប់ពាន់នាក់ស្លៀកពាក់ពណ៌ស្វាយបានចេញធ្វើបាតុកម្មហែក្បួនតាមដងផ្លូវ ដើម្បីប្រារព្ធទិវានារីអន្តរជាតិ ដោយរិះគន់អំពើហិង្សាលើស្ត្រី ការធ្វើអត្តឃាត គម្លាតប្រាក់ខែ ព្រមទាំងការរើសអើងជាតិសាសន៍។ នៅទីក្រុងប្រទេសម៉ិកស៊ិក ស្ត្រីបានបើកបររថយន្តដង្ហែតាមដងផ្លូវធ្វើបាតុកម្មទៅកាន់ទីលាន Zocalo។ រីឯនៅក្នុងប្រទេសវ៉េណេស៊ុយអេឡា ដែលរងគ្រោះដោយអតិផរណា ស្ត្រីបានទាមទារប្រាក់បៀវត្សរ៍ប្រសើរជាងមុន។ នៅក្នុងប្រទេសប៉េរូ ស្ត្រីជនជាតិដើមភាគតិចបានចេញធ្វើបាតុកម្មដង្ហែក្បួនក្នុងរដ្ឋធានី Lima ទាមទារឱ្យបញ្ចប់ការរើសអើងជាតិសាសន៍ និងការបណ្តេញប្រធានាធិបតីលោកស្រី Dina Boluarte បន្ទាប់ពីមានការតវ៉ាប្រឆាំងរដ្ឋាភិបាលអស់រយៈពេលជាងបីខែ ដែលបានបណ្តាលឲ្យមនុស្សច្រើននាក់ស្លាប់៕អត្ថបទ៖ ប៊ុនថន

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

អាហ្វហ្គានីស្ថាន៖ បេសកជនពិសេសរបស់អង្គការសហប្រជាជាតិប្រចាំប្រទេសអាហ្វហ្គានីស្ថាន បានព្រមានកាលពីថ្ងៃពុធ ទី៨ ខែមីនាថា ការបង្ក្រាបរបស់រដ្ឋបាលក្រុមតាលីបង់លើសិទ្ធិស្ត្រី ទំនងជានាំឱ្យមានការកាត់ជំនួយ និងមូលនិធិអភិវឌ្ឍន៍នៅក្នុងប្រទេសនេះ ជាកន្លែងដែលស្ត្រីព្រួយបារម្ភថានឹងត្រូវបានកាត់ផ្តាច់ចេញពីជីវិតសាធារណៈ ដូចជាការស្លាប់ដោយអំពើហិង្សាជាដើម។ លោកស្រី Roza Otunbayeva និយាយថា អង្គការសហប្រជាជាតិបានធ្វើការអំពាវនាវរកជំនួយច្រើនបំផុត សម្រាប់ប្រទេសនេះតែមួយគត់ដែលពុំធ្លាប់មានពីមុនមក ដោយស្នើសុំជំនួយ ៤.៦ពាន់លានដុល្លារក្នុងឆ្នាំ២០២៣ ដើម្បីផ្តល់ជំនួយទៅឲ្យអាហ្វហ្គានីស្ថាន ជាប្រទេសដែលប្រជាជនពីរភាគបីប្រហែល ២៨លាននាក់ត្រូវការជំនួយដើម្បីរស់។ ប៉ុន្តែលោកស្រីបាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិថា ការផ្តល់ជំនួយនេះត្រូវប្រឈមនឹងហានិភ័យរបស់រដ្ឋបាលក្រុមតាលីបង់ ហាមឃាត់ស្ត្រីមិនឱ្យចូលរៀននៅវិទ្យាល័យ និងសាកលវិទ្យាល័យ មិនឲ្យទៅលេងកំសាន្តនៅសួនឧទ្យាន និងមិនឲ្យប្រើការនៅក្នុងក្រុមអង្គការផ្តល់ជំនួយ។ ស្ត្រីក៏មិនត្រូវបានអនុញ្ញាតឱ្យចាកចេញពីលំនៅឋានដោយគ្មានសាច់ញាតិជាបុរសដែរ ហើយត្រូវបិទបាំងមុខ។ លោកស្រី Otunbayeva និយាយថា ខណៈស្ត្រីអាហ្វហ្គានីស្ថានមួយចំនួនបាននិយាយថា ដំបូងឡើយពួកគេស្វាគមន៍ក្រុមតាលីបង់ដែលឡើងកាន់អំណាច ព្រោះវាបានបញ្ចប់សង្គ្រាម ប៉ុន្តែពួកគេបានចាប់ផ្តើមបាត់បង់ក្តីសង្ឃឹមយ៉ាងឆាប់រហ័ស។ លោកស្រី Lana Nusseibeh ឯកអគ្គរដ្ឋទូតប្រទេសអារ៉ាប់រួមនិយាយថា ក្រុមតាលីបង់បានដកហូតសិទ្ធស្ត្រី និងក្មេងស្រីជាប្រព័ន្ធនូវសិទ្ធិមនុស្សជាមូលដ្ឋាន។ ការសម្រេចទាំងនេះពុំមានជាប់ពាក់ព័ន្ធជាមួយសាសនាឥស្លាម ឬវប្បធម៌អាហ្វហ្គានីស្ថាននោះទេ ហើយប្រឈមនឹងការបន្ថែមភាពឯកោពីអន្តរជាតិរបស់ប្រទេសនេះបន្ថែមទៀត៕អត្ថបទ៖ ប៊ុនថន

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ចិន៖ ប្រទេសចិនបានព្រមានកោះតៃវ៉ាន់ថា ខ្លួននឹងចាត់វិធានការឆ្លើយតបកាន់តែក្ដៅថែមទៀត ជាងសមយុទ្ធយោធាដ៏ធំបំផុតមិនធ្លាប់មានកាលពីរដូវក្ដៅឆ្នាំមុន ប្រសិនបើមេដឹកនាំរបស់កោះនេះជួបអ្នកនយោបាយជាន់ខ្ពស់អាមេរិក តាមគម្រោងនៅខែក្រោយមែននោះ។ ប្រធានសភាអាមេរិកលោក Kevin McCarthy គ្រោងនឹងជួបពិភាក្សាជាមួយលោកស្រី Tsai Ing-wen មេដឹកនាំកោះតៃវ៉ាន់នៅក្នុងរដ្ឋ California នៅខែមេសា នៅពេលដែលលោកស្រីគ្រោងថ្លែងនៅបណ្ណាល័យប្រធានាធិបតី Ronald Reagan ខណៈធ្វើដំណើរទៅកាន់អាមេរិកកណ្ដាលសម្រាប់ដំណើរផ្លូវការ។ ការមន្ទិលជុំវិញលទ្ធភាពដំណើរទស្សនកិច្ចរបស់លោក McCarthy ទៅកាន់កោះតៃវ៉ាន់ បានធ្វើឲ្យទីក្រុងប៉េកាំងដែលបានអះអាងសិទ្ធិលើកោះមួយនេះថា ជាដែនដីរបសខ្លួនផ្ទុះកំហឹង។ យ៉ាងណាជំនួបនេះទំនងជាត្រូវបានរៀបចំនៅក្នុងសហរដ្ឋអាមេរិកវិញ ដែលមានសេចក្ដីរាយការណ៍ថា ដើម្បីបញ្ចៀសភាពតានតឹងបន្ថែមទៀតជាមួយប្រទេសចិន។ ប៉ុន្តែលោក McCarthy ពុំបានច្រានចោលដំណើរទៅកាន់កោះតៃវ៉ាន់នៅឆ្នាំនេះទេ។ នៅពេលត្រូវបានអ្នកសារព័ត៌មានសួរកាលពីថ្ងៃអង្គារថា តើនៅពេលណា លោកថា ប្រទេសចិនមិនអាចប្រាប់លោកថា លោកត្រូវទៅពេលណា និងកន្លែងណាបានឡើយ។ សារព័ត៌មានរដ្ឋចិនបានព្រមានកាលពីថ្ងពុធថា ជំនួបបែបនេះមិនថាកើតឡើងនៅទីណា នឹងត្រូវបានចាត់ទុកជាការប្រឈមដាក់គ្នាធ្ងន់ធ្ងរពីទីក្រុងប៉េកាំង។ សារព័ត៌មានរដ្ឋចិនដដែលបាននិយាយកាលពីថ្ងៃពុធថា ទង្វើរបស់ McCarthy នឹងបង្កឲ្យមានភាពតានតឹងថ្មីដោយជៀសមិនផុតនៅទូទាំងច្រកសមុទ្រតៃវ៉ាន់ ហើយវិធានការឆ្លើយអាចធ្ងន់ធ្ងរជាងកាលពីមុន អំឡុងអតីតប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីឆ្នាំមុន៕អត្ថបទ៖ សុខមាន

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី

ហ្សកហ្ស៊ី៖ មនុស្សរាប់ពាន់នាក់បានតវ៉ាឈានដល់ថ្ងៃទី២ ជាប់គ្នានៅក្នុងរដ្ឋធានីទូប៊ូលីហ្ស៊ី (Tbilisi) របស់ប្រទេសហ្សកហ្ស៊ីកាលពីថ្ងៃពុធ ដោយបានប្រមូលផ្ដុំគ្នានៅខាងក្រៅសភាប្រឆាំងទៅនឹងច្បាប់ភ្នាក់ងារថ្មី ដែលក្រុមអ្នករិះគន់និយាយថា ផ្ដល់សញ្ញាឲ្យមានការផ្លាស់ប្ដូរទៅជារបបផ្ដាច់ការ។ ខណៈដែលពេលយប់ចូលមកដល់ នគរបាលបានប្រើកាណុងបាញ់ទឹក និងគ្រាប់បែកផ្សែងដើម្បីរុញមនុស្សជាច្រើនឲ្យត្រឡប់ក្រោយ បន្ទាប់ពីពួកគេបានទម្លាយរនាំងដែកនៅខាងមុខអគាររដ្ឋសភា។ ក្រុមតំណាងរាស្ត្រកាលពីថ្ងៃអង្គារបានអនុម័តអំណានដំបូងនៃសេចក្ដីស្នើច្បាប់ ដែលតម្រូវឲ្យអង្គការនានាដែលទទួលបានមូលនិធិជាង ២០% ពីបរទេសត្រូវចុះបញ្ជីជាភ្នាក់ងារច្បាប់ បើពុំនោះនឹងត្រូវផាកពិន័យធ្ងន់ធ្ងរ។ ក្រសួងមហាផ្ទៃបាននិយាយថា មនុស្សចំនួន ៧៧នាក់ត្រូវបានឃុំខ្លួនក្រោយការតវ៉ាដែលបានចាប់ផ្ដើមកាលពីថ្ងៃអង្គារ នៅពេលដែលក្រុមតំណាងរាស្ត្របានអនុម័តអំណានដំបូងនៃច្បាប់នោះ។ នគរបាលរាប់ពាន់នាក់ភាគច្រើនប្រដាប់ដោយខែការពារកុប្បកម្ម បានឡោមព័ទ្ធតាមដងផ្លូវជុំវិញអគាររដ្ឋសភាដើម្បីបំបែកក្រុមអ្នកតវ៉ា។ ក្រុមអ្នកតវ៉ាបានចាប់ផ្ដើមបាតុកម្មកាលពីរសៀលថ្ងៃពុធ ដោយដើរក្បួននៅកណ្ដាលរដ្ឋធានីដើម្បីអបអរទិវាសិទ្ធិនារីអន្តរជាតិ ដែលជាថ្ងៃឈប់សម្រាកជាសាធារណរបស់ប្រទេសនេះ និងពិភពលោកទាំងមូល។ គណបក្ស Georgian Dream ដែលជាគណបក្សកាន់អំណាចបាននិយាយថា វាត្រូវបានយកគំរូតាមច្បាប់របស់សហរដ្ឋអាមេរិកដែលមានតាំងពីទសវត្សរ៍ឆ្នាំ១៩៣០។ ក្រុមអ្នករិះគន់ រួមទាំងលោកប្រធានាធិបតី Salome Zourabichvili និយាយថា វាជាការរំលឹកដល់ច្បាប់របស់រុស្ស៊ី ដែលវិមានក្រឹមឡាំងបានប្រើប្រាស់យ៉ាងទូលំទូលាយ ដើម្បីបង្ក្រាបលើក្រុមប្រឆាំង និងអាចប៉ះពាល់ដល់ឱកាសរបស់ហ្សកហ្ស៊ីនៃសមាជិកភាពរបស់សហភាពអឺរ៉ុប៕ អត្ថបទ៖ សុខមាន

មនុស្សពីរនាក់ស្លាប់ និងពីរនាក់ទៀតនៅរស់ បន្ទាប់ពីជនជាតិអាមេរិកត្រូវបានចាប់ជំរិតនៅម៉ិកស៊ិក

ម៉ិកស៊ិក៖ មន្ត្រីប្រទេសម៉ិកស៊ិក និងសហរដ្ឋអាមេរិកនិយាយថា ជនជាតិអាមេរិក ២នាក់ក្នុងចំណោម ៤នាក់ដែលត្រូវបានចាប់ជំរិតនៅប្រទេសម៉ិកស៊ិកកាលពីសប្តាហ៍មុនបានស្លាប់ ហើយពីរនាក់ទៀតនៅរស់ ដែលពេលនេះបានត្រឡប់មកសហរដ្ឋអាមេរិកវិញ។ ពលរដ្ឋអាមេរិក ៤នាក់ដែលត្រូវបានចាប់ជំរិតដោយជនប្រដាប់អាវុធកាលពីថ្ងៃទី៣ ខែមីនា ខណៈកំពុងបើកបររថយន្តចូលទៅក្នុងទីក្រុង Matamoros រដ្ឋ Tamaulizas ប្រទេសម៉ិកស៊ិកឆ្លងកាត់ព្រំដែនពីរដ្ឋ Texas។ បុរសម្នាក់ដែលគេស្គាល់ឈ្មោះថា José មកពីរដ្ឋ Tamaulizas ត្រូវបានចាប់ខ្លួន។ អ្នកនាំពាក្យក្រុមប្រឹក្សាសន្តិសុខជាតិសេតវិមាន លោក John Kirby និយាយថា យើងចូលរួមរំលែកមរណទុក្ខចំពោះមិត្តភក្តិ និងក្រុមគ្រួសាររបស់អ្នកដែលត្រូវបានសម្លាប់នៅក្នុងការវាយប្រហារនេះ។ អគ្គមេធាវីរដ្ឋលោក Mouseiros Mojica និយាយនៅលើបណ្តាញ Twitter ថា ជនរងគ្រោះដែលរួចផុតពីការស្លាប់ ២នាក់ត្រូវបានប្រគល់ទៅឲ្យសហរដ្ឋអាមេរិក ក្នុងកិច្ចសហប្រតិបត្តិការជាមួយស្ថានកុងស៊ុលក្នុងទីក្រុង Matamoros។ ពួកគេត្រូវបាននាំទៅក្រោមការអមការពារប្រដាប់អាវុធ ដោយក្បួនយោធាប្រទេសម៉ិកស៊ិក។ ការិយាល័យស៊ើបអង្កេត FBI បានបញ្ជាក់ថា ជនជាតិអាមេរិក ២នាក់ត្រូវបានគេរកឃើញថាបានស្លាប់ ហើយពីរនាក់ទៀតត្រូវបានគេនាំទៅកាន់មន្ទីរពេទ្យដើម្បីព្យាបាល។ FBI និយាយថា ជនរងគ្រោះដែលនៅរស់ម្នាក់មានរបួសធ្ងន់អំឡុងការវាយប្រហារ។ សេចក្តីថ្លែងការណ៍មួយបាននិយាយថា ទីភ្នាក់ងារ FBI នឹងធ្វើការជាមួយដៃគូអន្តរជាតិ និងភ្នាក់ងារអនុវត្តច្បាប់ផ្សេងទៀត ដើម្បីនាំយកអ្នកទទួលខុសត្រូវចំពោះការវាយប្រហារដ៏រន្ធត់ និងអំពើហិង្សាដ៏ឃោរឃៅនេះមកកាត់ទោសសម្រាប់បទឧក្រិដ្ឋរបស់ពួកគេ៕អត្ថបទ៖ ប៊ុនថន

សម្តេចតេជោ ហ៊ុន សែន ផ្ញើសារអបអរសាទរទិវាអន្តរជាតិនារី៨ មីនា លើកទី១១២

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារ អបអរសាទរទិវាអន្តរជាតិនារី៨ មីនា លើកទី១១២ ឆ្នាំ២០២៣។ ទិវាអន្តរជាតិនារី៨មីនា ឆ្នាំនេះគឺជាគម្រប់ខួបលើក១១២ ដែលប្រារព្ធធ្វើឡើងក្រោមប្រធានបទ «ស្រ្តីរួមគ្នារក្សាសុខសន្តិភាពដើម្បីកិច្ចអភិវឌ្ឍក្នុងយុគសម័យឌីជីថល»។ទិវាអន្តរជាតិនារី ឬទិវាសិទ្ធនារីអន្តរជាតិ ត្រូវបានមហាសន្និបាតអង្គការសហប្រជាជាតិប្រកាសនៅឆ្នាំ១៩៧៧ ជា «ថ្ងៃអង្គការសហប្រជាជាតិ ស្តីពីសិទ្ធិស្ត្រីនិងសន្តិភាពពិភពលោក»។ទិវានេះត្រូវបានប្រារព្ធឡើងនៅទូទាំងសកលលោក ដើម្បីរម្លឹកពីប្រវត្តិនៃការតស៊ូទាមទារសិទ្ធិសេរីភាព និងឆ្លុះបញ្ចាំងពីសមិទ្ធផល បញ្ហាប្រឈម ការប្តេជ្ញាចិត្ត និងវិធានការ វិជ្ជមាននានា សំដៅបន្តលើកកម្ពស់សមភាពយេនឌ័រ និងបង្កើនភាពអង់អាចក្លាហានដល់ស្ត្រី និងក្មេងស្រី។សម្តេចតេជោ ហ៊ុន សែន បានជូនពរបងប្អូននារីគ្រប់រូបជួបតែសេចក្តីសុខ សេចក្តីចម្រើន និងទទួលបាននូវភាពរីករាយក្នុងថ្ងៃឈប់សម្រាកនេះ៕

រុស្ស៊ីនិយាយថា កិច្ចខិតខំរបស់លោកខាងលិច ដើម្បីបញ្ឆេះម៉ាស៊ីនសង្គ្រាមអ៊ុយក្រែនបានបរាជ័យ

រុស្ស៊ី៖ រដ្ឋមន្ត្រីការពារជាតិរុស្ស៊ីបានប្រឈមការរិះគន់ ចំពោះកង្វះបច្ចុប្បន្នភាពការពិតនៃការប្រយុទ្ធនៅអ៊ុយក្រែន។ លោក Sergei Shoigu មានគុណវិបត្តិសម្រាប់កង្វះបទពិសោធន៍យោធារបស់លោក។ ប៉ុន្តែពេលនេះលោកបានធ្វើទស្សនកិច្ចនៅសមរភូមិមុខ ហើយបានវិលត្រឡប់មកលំនៅឋានវិញដោយមានការរៀបចំផែនការ។ លោក Shoigu បាននិយាយទៅកាន់មន្ត្រីនៅទីក្រុងមូស្គូកាលពីថ្ងៃអង្គារថា កិច្ចខិតខំប្រឹងប្រែងរបស់ប្រទេសលោកខាងលិច ដើម្បីបញ្ឆេះម៉ាស៊ីនសង្គ្រាមអ៊ុយក្រែនបានបរាជ័យ ហើយលោកបានពន្យល់ពីមូលហេតុដែលមេបញ្ជាការបានលះបង់ធនធានជាច្រើន ដើម្បីដណ្តើមយកទីក្រុង Bakhmut ភាគខាងកើត។ លោក Shoigu និយាយថា ទីក្រុងនេះគឺជាមជ្ឈមណ្ឌលដ៏សំខាន់សម្រាប់កងទ័ពអ៊ុយក្រែននៅក្នុងតំបន់ Donbas។ ការគ្រប់គ្រងបានទីក្រុងនេះនឹងធ្វើឱ្យយើងធ្វើសកម្មភាពវាយលុកបន្ថែមទៀត ចូលជ្រៅទៅក្នុងបន្ទាត់ការពាររបស់ពួកគេ។ ទោះជាយ៉ាងណា ទាហានអ៊ុយក្រែនដែលប្រុងប្រៀបនៅតាមបន្ទាត់សមរភូមិទាំងនោះនិយាយថា រុស្ស៊ីជាទាហានទន់ខ្សោយ ហើយទាហានអ៊ុយក្រែននិយាយថា ពួកគេនឹងមិនចាកចេញនោះទេ។ ទាហានអ៊ុយក្រែនម្នាក់ដែលឈរជើងនៅសមរភូមិមុខនិយាយថា ដរាបណារុស្ស៊ីកំពុងបង្កើតសម្ពាធ វាអាចត្រូវបានបណ្តេញ និងបង្វែរទិសដៅ។ ប្រជាជនជាង ៧០.០០០នាក់រស់នៅក្នុងទីក្រុង Bakhmut មុនពេលសង្គ្រាម ប៉ុន្តែឧបនាយករដ្ឋមន្ត្រីអ៊ុយក្រែនលោកស្រី Iryna Vereshchuk បាននិយាយកាលពីថ្ងៃអង្គារថា មានពលរដ្ឋនៅសល់មិនដល់ ៤ពាន់នាក់នោះទេ។ លោកស្រីនិយាយថា មនុស្សជាច្រើនកំពុងលាក់ខ្លួននៅក្នុងបន្ទប់ក្រោមដី ដែលអាចធ្វើឱ្យពិបាកក្នុងការជម្លៀសអ្នកដែលចង់ចាកចេញ៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញជាអធិបតីបិទសន្និបាតលើកទី៤២ បូកសរុបសមិទ្ធផលសុខាភិបាល

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីបិទសន្និបាតលើកទី៤២ «បូកសរុបសមិទ្ធផលសុខាភិបាល រយៈពេល៥ឆ្នាំ (២០១៨-២០២២) និងទិសដៅឆ្នាំ២០២៣ និងឆ្នាំបន្ត» ដែលប្រពឹត្ដទៅនៅសណ្ឋាគារ រ៉េស៊ីដង់ សុខាភ្នំពេញ។សម្តេចតេជោ ហ៊ុន សែន បានប្រកាសថ្លែងអំណរគុណ ,កោតសរសើរ និងវាយតម្លៃខ្ពស់ ចំពោះមន្ត្រីសុខាភិបាលគ្រប់ជាន់ថ្នាក់ និងគ្រូពេទ្យគ្រប់រូប ដែលបានប្រឹងប្រែងបំពេញកិច្ចការរបស់ខ្លួនប្រកបដោយភាពទទួលខុសត្រូវ និងប្រសិទ្ធភាពខ្ពស់។ សម្តេចតេជោ បានប្រកាសថ្លែងអំណរគុណដល់អង្គការសុខភាពពិភពលោក និងអង្គការដៃគូនានា ដែលបានជួយកម្ពុជាលើវិស័យសុខាភិបាល និងសុខភាពសាធារណៈរបស់ប្រជាពលដ្ឋ។សម្ដេចតេជោ ហ៊ុន សែន មានប្រសាសន៍ថា រាជរដ្ឋាភិបាលកម្ពុជា សម្រេចផ្ទេរវ៉ាក់សាំងចំនួន១៥លានដូស(ដប់ប្រាំលាន) ដែលមិនទាន់ដឹកមកកម្ពុជា ទៅឱ្យមិត្តចិនវិញ ដើម្បីចែកជូនទៅដល់ប្រទេសដទៃ។សម្ដេចប្រកាសថា ក្រោយរបប ប៉ុល ពត ពលរដ្ឋនៅក្នុងប្រទេសកម្ពុជា ធ្វើម៉េចឱ្យបានឆ្អែត។ ក្រោយមកយើងធ្វើម៉េចឱ្យបានឆ្អែត ហើយឆ្ងាញ់។ ឥឡូវដល់ដំណាក់កាលឆ្អែត ឆ្ងាញ់ ហើយប្រកប ដោយសុវត្ថិភាពថែមទៀត។សម្ដេចតេជោបានប្រកាសសូមកុំឱ្យប្រជាជនកម្ពុជា ក្លាយជាឧបករណ៍ធ្វើតេស្តឱសថរបស់ប្រទេស ណាទាំងអស់។សម្ដេចបន្តរម្លឹកឡើងវិញថា កម្ពុជាមិនមែនជាធុងសំរាម សម្រាប់បោះចោលវត្ថុហួ សសម័យកាលប្រើប្រាស់នោះទេ៕

ជនភៀសខ្លួនរ៉ូហ៊ីងយ៉ានៅជំរំ Cox's Bazar ចាប់ផ្ដើមសាងសង់លំនៅឋានឡើងវិញ ក្រោយអគ្គិភ័យដ៏ធំ

បង់ក្លាដែស៖ ក្រុមជនភៀសខ្លួនរ៉ូហ៊ីងយ៉ានៅក្នុងជំរំ Cox's Bazar នៃប្រទេសបង់ក្លាដែសកាលពីថ្ងៃចន្ទ បានកំពុងសាងសង់លំនៅឋានរបស់ខ្លួនឡើងវិញ មួយថ្ងៃក្រោយអគ្គិភ័យឆេះបំផ្លាញជំរំខ្ទេចគ្មានសល់។ មនុស្សរាប់ពាន់នាក់បានព្យាយាមរើកកាយរបស់របរនានារបស់ពួកគេចេញពីគំនរផេះ។ អគ្គិភ័យដ៏ធំបានឆេះបំផ្លាញលំនៅឋានទូទាំងជំរំស្នាក់នៅកាលពីថ្ងៃអាទិត្យ ទី៥មីនា មុនពេលពន្លត់បាន។ ភ្លើងដ៏សន្ធោសន្ធៅនេះបានឆាបឆេះនៅជំរំ ១១ ឬ Camp 11 ក្នុងតំបន់ Cox's Bazar ជាស្រុកមួយស្ថិតនៅតាមព្រំដែនភាគភាគអាគ្នេយ៍ ជាទីដែលមានជនភៀសខ្លួនរ៉ូហ៊ីងយ៉ាជាង ១លាននាក់រស់នៅ។ ភាគច្រើននៃជនភៀសខ្លួនទាំងនេះបានរត់គេចចេញពីការបង្ក្រាប ដឹកនាំដោយយោធាសហភាពមីយ៉ាន់ម៉ាកាលពីឆ្នាំ២០១៧ និងបានបណ្ដាលឲ្យពួកគេមួយចំនួនគ្មានទីជម្រកជាថ្មី។ ជំរំជនភៀសខ្លួននៅក្នុងតំបន់ Cox's Bazar ងាយនឹងរងការឆាបឆេះបែបនេះណាស់។ អគ្គិភ័យដ៏ធំកាលខែមីនា ឆ្នាំ២០២១ បានសម្លាប់ជនភៀសខ្លួនយ៉ាងហោចណាស់ ៥នាក់ និងបំផ្លាញលំនៅឋានជាង ១០.០០០កន្លែង។ គណៈកម្មការទទួលបន្ទុកជនភៀសខ្លួនរ៉ូហ៊ីងយ៉ារបស់បង់ក្លាដែសបាននិយាយថា អគ្គិភ័យត្រូវបានរលត់ក្រោយការប្រឹងប្រែងរយៈពេល ៣ម៉ោង ប៉ុន្តែព្រះវិហារអ៊ីស្លាមយ៉ាងហោចណាស់ ៣៥កន្លែង និងមជ្ឈមណ្ឌលបង្រៀនជនភៀសខ្លួនចំនួន ២១ ក៏ត្រូវបានបំផ្លាញផងដែរ៕អត្ថបទ៖ សុខមាន

ប្អូនស្រីលោក Kim Jong Un ព្រមានថា កូរ៉េខាងជើងត្រៀមវិធានការរួចរាល់ប្រឆាំងអាមេរិក និងកូរ៉េខាងត្បូង

កូរ៉េខាងជើង៖ ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក Kim Jong Un បានព្រមាននៅថ្ងៃអង្គារនេះថា ប្រទេសរបស់ខ្លួនត្រៀមរួចរាល់ក្នុងការចាត់វិធានការខ្លាំងក្លាភ្លាមៗប្រឆាំងសហរដ្ឋអាមេរិក និងកូរ៉េខាងត្បូង ស្របពេលសម្ព័ន្ធមិត្តទាំង២ នេះពង្រីកសកម្មភាពសមយុទ្ធប្រចាំឆ្នាំរបស់ខ្លួន។ សេចក្ដីថ្លែងការណ៍របស់លោកស្រី Kim Yo Jong បានកើតមានឡើង មួយថ្ងៃបន្ទាប់ពីសហរដ្ឋអាមេរិកហោះហើរយន្តហោះទម្លាក់គ្រាប់បែកមានសមត្ថភាពបំពាក់នុយក្លេអ៊ែរ B-52 ទៅកាន់ឧបទ្វីបកូរ៉េ ដើម្បីធ្វើសមយុទ្ធរួមគ្នាជាមួយយន្តហោះចម្បាំងរបស់កូរ៉េខាងត្បូង។ យោធាសហរដ្ឋអាមេរិក និងកូរ៉េខាងត្បូងក៏កំពុងត្រៀមខ្លួនផងដែរ ក្នុងការបន្តសមយុទ្ធដ៏ធំបំផុតរបស់ពួកគេនៅក្នុងខែនេះ។ លោកស្រី Kim Yo Jong បាននិយាយនៅក្នុងសេចក្ដីថ្លែងការណ៍មួយធ្វើឡើងដោយសារព័ត៌មានរដ្ឋថា យើងតែងតែតាមដានលើសកម្មភាពយោធាឥតឈប់ឈររបស់កងកម្លាំងសហរដ្ឋអាមេរិក និងយោធាអាយ៉ងកូរ៉េខាងត្បូង និងតែងតែត្រៀមជានិច្ចក្នុងការចាត់វិធានការសមស្រប ឆាប់រហ័ស និងខ្លាំងក្លាគ្រប់ពេលវេលាដោយផ្អែកលើការវិនិច្ឆ័យរបស់យើង។ លោកស្រីពុំបានបញ្ជាក់លម្អិតពីចំណាត់ការដែលកូរ៉េខាងជើងបានគ្រោងនោះទេ ប៉ុន្តែប្រទេសនេះជារឿយៗតែងបាញ់សាកល្បងមីស៊ីលឆ្លើយតបទៅនឹងសមយុទ្ធយោធារបស់អាមេរិក និងកូរ៉េខាងត្បូង ព្រោះខ្លួនចាត់ទុកសកម្មភាពទាំងនោះជាការសមត្រៀមឈ្លានពាន។ សារព័ត៌មានរដ្ឋកូរ៉េខាងជើង KCNA បាននិយាយនៅថ្ងៃអង្គារនេះថា រាល់សកម្មភាពបាញ់ទម្លាក់មីស៊ីលដែលខ្លួនបានសាកល្បងនឹងត្រូវចាត់ទុកថា ជាការប្រកាសសង្គ្រាម និងបានស្ដីបន្ទោសសមយុទ្ធយោធារួមគ្នារវាងអាមេរិក និងកូរ៉េខាងត្បូង ជាដើមចមបង្កឲ្យមានភាពតានតឹងកើនឡើងឥតឈប់ឈរ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អតីតមេដឹកនាំកំពុងជាប់ពន្ធនាគា លោក Maduro ស្វាគមន៍ផ្លូវឆ្ពោះទៅរកការសន្ទនា នៅវ៉េណេស៊ុយអេឡា

ទូរទស្សន៍៖ យោធាអាមេរិកកំពុងស្វែងរកជម្រើសមិនធម្មតា ដើម្បីដាក់ទណ្ឌកម្មលើអ៊ីរ៉ង់

ICRC បញ្ជាក់ពីការជួបជាមួយលោកស្រី អ៊ុងសាន ស៊ូជី ក្នុងអំឡុងពេលបន្តឃុំខ្លួន

រលកកម្ដៅដ៏ក្ដៅគគុកកំពុងគ្របដណ្ដប់ពាសពេញឧបទ្វីបកូរ៉េ ដែលបង្ខំឲ្យមានការឆ្លើយតបបន្ទាន់

សមាជិកព្រឹទ្ធសភារុស្ស៊ីថា ជម្លោះរវាងអាមេរិក និងអ៊ីរ៉ង់ អាចនឹងបញ្ចប់នៅត្រឹមចុងឆ្នាំ

ប្រធានាធិបតីលីបង់ជំរុញឲ្យតុលាការចេញសេចក្តីចោទប្រកាន់ពាក់ព័ន្ធនឹងការផ្ទុះនៅកំពង់ផែបេរូត

កម្មករនិយោជិតបម្រើការងារផ្គុំ និងដំឡើងរថយន្តនៅក្រុមហ៊ុន តូយ៉ូតា ស៊ុយស៊ូ មេនូហ្វេកឆឺរីង ប្រមាណជិត ៨០% ជាអតីតសិស្សបញ្ចប់ការសិក្សាពីគ្រឹះស្ថាន TVET

អ៊ីរ៉ង់ ប្រហារជីវិតមនុស្សពីរនាក់ដែលត្រូវបានចោទប្រកាន់ពីបទចារកម្មឱ្យអ៊ីស្រាអែល

មកដល់ពេលនេះ លេខាធិការដ្ឋានកិច្ចការព្រំដែនកម្ពុជាបានផ្ញើកំណត់ទូតទៅថៃ១០លើកដើម្បីស្នើសុំបើកកិច្ចប្រជុំ

ប្រទេសគុយបា ទទួរងការដាច់ចរន្តអគ្គិសនីនៅទូទាំងប្រទេសជាថ្មីទៀត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី

មនុស្សពីរនាក់ស្លាប់ និងពីរនាក់ទៀតនៅរស់ បន្ទាប់ពីជនជាតិអាមេរិកត្រូវបានចាប់ជំរិតនៅម៉ិកស៊ិក

សម្តេចតេជោ ហ៊ុន សែន ផ្ញើសារអបអរសាទរទិវាអន្តរជាតិនារី៨ មីនា លើកទី១១២

រុស្ស៊ីនិយាយថា កិច្ចខិតខំរបស់លោកខាងលិច ដើម្បីបញ្ឆេះម៉ាស៊ីនសង្គ្រាមអ៊ុយក្រែនបានបរាជ័យ

សម្តេចតេជោ ហ៊ុន សែន អញ្ជើញជាអធិបតីបិទសន្និបាតលើកទី៤២ បូកសរុបសមិទ្ធផលសុខាភិបាល

ជនភៀសខ្លួនរ៉ូហ៊ីងយ៉ានៅជំរំ Cox's Bazar ចាប់ផ្ដើមសាងសង់លំនៅឋានឡើងវិញ ក្រោយអគ្គិភ័យដ៏ធំ

ប្អូនស្រីលោក Kim Jong Un ព្រមានថា កូរ៉េខាងជើងត្រៀមវិធានការរួចរាល់ប្រឆាំងអាមេរិក និងកូរ៉េខាងត្បូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បាតុកម្ម​នៅ​ថ្ងៃ​ទិវា​សិទ្ធិ​នារី​អន្តរជាតិ​ស្វែងរក​សិទ្ធិ​ស្មើគ្នា​នៅ​ទូទាំង​ពិភពលោក​

អង្គការសហប្រជាជាតិ​ព្រមាន​កាត់​ជំនួយ​ជុំវិញ​ការបង្ក្រាប​លើ​សិទ្ធិ​ស្ត្រី​របស់​ក្រុម​តា​លី​បង់​

ចិន​ព្រមាន​ថា ​ខ្លួន​នឹង​ចាត់វិធានការ​កាន់តែ​ក្ដៅ បើ​មេដឹកនាំកោះ​តៃវ៉ាន់​ទៅ​ជួប​ប្រធាន​សភា​អាមេរិក​

ក្រុមបាតុករ​ប៉ះទង្គិច​ជាមួយ​នគរបាលនៅ​ហ្ស​ក​ហ្ស៊ីនៅ​ថ្ងៃទី​២ ជុំវិញ​ច្បាប់​ភ្នាក់ងារ​បរទេស​ថ្មី​

សម្តេចតេជោ ហ៊ុន សែន ផ្ញើសារអបអរសាទរទិវាអន្តរជាតិនារី៨ មីនា លើកទី១១២

រុស្ស៊ី​និយាយថា កិច្ចខិតខំ​របស់លោក​ខាងលិច ដើម្បី​បញ្ឆេះ​ម៉ាស៊ីន​សង្គ្រាម​អ៊ុយ​ក្រែ​ន​បាន​បរាជ័យ​

សម្តេចតេជោ ហ៊ុន សែន អញ្ជើញជាអធិបតីបិទសន្និបាតលើកទី៤២ បូកសរុបសមិទ្ធផលសុខាភិបាល

ជនភៀសខ្លួន​រ៉ូ​ហ៊ីង​យ៉ា​នៅ​ជំរំ ​Cox's Bazar ចាប់ផ្ដើម​សាងសង់​លំនៅឋាន​ឡើងវិញ ក្រោយ​អគ្គិភ័យ​ដ៏​ធំ​

ប្អូនស្រី​លោក ​Kim Jong Un ព្រមាន​ថា ​កូរ៉េខាងជើង​ត្រៀម​វិធានការ​រួចរាល់​ប្រឆាំង​អាមេរិក និង​កូរ៉េខាងត្បូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បាតុកម្មនៅថ្ងៃទិវាសិទ្ធិនារីអន្តរជាតិស្វែងរកសិទ្ធិស្មើគ្នានៅទូទាំងពិភពលោក

អង្គការសហប្រជាជាតិព្រមានកាត់ជំនួយជុំវិញការបង្ក្រាបលើសិទ្ធិស្ត្រីរបស់ក្រុមតាលីបង់

ចិនព្រមានថា ខ្លួននឹងចាត់វិធានការកាន់តែក្ដៅ បើមេដឹកនាំកោះតៃវ៉ាន់ទៅជួបប្រធានសភាអាមេរិក

ក្រុមបាតុករប៉ះទង្គិចជាមួយនគរបាលនៅហ្សកហ្ស៊ីនៅថ្ងៃទី២ ជុំវិញច្បាប់ភ្នាក់ងារបរទេសថ្មី

រុស្ស៊ីនិយាយថា កិច្ចខិតខំរបស់លោកខាងលិច ដើម្បីបញ្ឆេះម៉ាស៊ីនសង្គ្រាមអ៊ុយក្រែនបានបរាជ័យ

ជនភៀសខ្លួនរ៉ូហ៊ីងយ៉ានៅជំរំ Cox's Bazar ចាប់ផ្ដើមសាងសង់លំនៅឋានឡើងវិញ ក្រោយអគ្គិភ័យដ៏ធំ

ប្អូនស្រីលោក Kim Jong Un ព្រមានថា កូរ៉េខាងជើងត្រៀមវិធានការរួចរាល់ប្រឆាំងអាមេរិក និងកូរ៉េខាងត្បូង