BTV NEWS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មីចំនួន ៣ខ្នង ជូនក្រុមគ្រួសាររបស់វីរកងទ័ពពលី

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទៀនព្រះវស្សា ប្រគេនសម្តេចព្រះសង្ឃគង់ចាំព្រះវស្សានៅវត្តចំពុះក្អែក

សម្តេចអគ្គមហាពញាចក្រី ហេង សំរិន ប្រគេនទៀនព្រះវស្សា និងទេយ្យទាន ដល់ព្រះសង្ឃគង់ចាំព្រះវស្សាចំនួន ១៨វត្ត ក្នុងស្រុកពញាក្រែក ខេត្តត្បូងឃ្មុំ

ប្រសាសន៍សំខាន់ៗសម្ដេចធិបតី ហ៊ុន ម៉ាណែត ក្នុងឱកាសអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង ២ម៉ឺនបណ្ណ នៅឃុំចំនួន៣ នៃស្រុកខ្សាច់កណ្ដាល ខេត្តកណ្ដាល

ព័ត៌មានសំខាន់ៗ

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី

អ៊ុយក្រែន៖ អាជ្ញាធរក្នុងតំបន់បាននិយាយថា ការវាយប្រហារដោយមីស៊ីលរបស់រុស្សីបានកាត់ផ្តាច់ថាមពលនៅក្នុងទីក្រុងធំទី២ របស់អ៊ុយក្រែនគឺទីក្រុង Kharkiv កាលពីថ្ងៃព្រហស្បតិ៍ ទី៩ ខែមីនា។អភិបាលតំបន់ Kharkiv លោក Oleh Synehubov បាននិយាយថា ទីក្រុងរបស់លោកនៅភាគឦសានប្រទេសអ៊ុយក្រែន ត្រូវបានវាយប្រហារដោយមីស៊ីលបាលីស្ទីក S-300 ប្រហែល ១៥គ្រាប់ដែលអ៊ុយក្រែនមិនអាចស្ទាក់ចាប់បាន។ លោកនិយាយនៅលើបណ្តាញ Telegram ថា សត្រូវបានវាយប្រហារមកលើទីក្រុង និងតំបន់ ដែលហេដ្ឋារចនាសម្ព័ន្ធស្ថិតក្នុងចំណោមគោលដៅវាយប្រហារ។ ភ្លើងសញ្ញាចរាចរណ៍លែងដំណើរការ ហើយសំឡេងរំខានដោយម៉ាស៊ីនភ្លើងត្រូវបានឮនៅតាមដងផ្លូវនៃទីក្រុង Kharkiv។ ពលរដ្ឋបានមកប្រមូលផ្តុំគ្នា ដើម្បីសាកថ្មទូរសព្ទដៃដោយប្រើម៉ាស៊ីនភ្លើង។ រុស្ស៊ីបានបាញ់មីស៊ីលច្រើនគ្រាប់ជាបន្តបន្ទាប់ នៅទូទាំងប្រទេសអ៊ុយក្រែនកាលពីថ្ងៃព្រហស្បតិ៍ ខណៈមនុស្សបានដេកលក់ ដោយបានបណ្តាលឲ្យជនស៊ីវិលយ៉ាងតិច ៦នាក់ស្លាប់ និងកាត់ផ្តាច់ថាមពលអគ្គិសនីក្នុងការវាយប្រហារនៅក្រុងគីវ ដែលរួមមានមីស៊ីលស៊ីបគោលដៅ Kinzhal ដែលមានល្បឿនលឿនជាងសំឡេងចំនួន ៦គ្រាប់ជាអាវុធដ៏មានតម្លៃបំផុតរបស់ទីក្រុងមូស្គូ។ ប្រធានាធិបតីអ៊ុយក្រែនលោក Volodymyr Zelenskiy បាននិយាយថា ការប៉ុនប៉ងមួយផ្សេងទៀតរបស់រដ្ឋភេរវករដើម្បីធ្វើសង្គ្រាមប្រឆាំងសង្គមស៊ីវិល បានបណ្តាលឱ្យមានការដាច់ចរន្តអគ្គិសនី ថាមពលកម្តៅ និងទឹកនៅក្នុងតំបន់ និងទីក្រុងមួយចំនួនរបស់យើង ដែលក្រុមអ្នកជំនាញកំពុងធ្វើការ ដើម្បីស្ដារប្រតិបត្តិការនៅទីតាំងថាមពលឡើងវិញ។ ជនស៊ីវិល ៣នាក់ត្រូវបានរាយការណ៍ថាបានស្លាប់ដោយកាំភ្លើងធំនៅក្នុងទីក្រុង Kherson ភាគខាងត្បូងអ៊ុយក្រែនកាលពីថ្ងៃព្រហស្បតិ៍៕អត្ថបទ៖ ប៊ុនថន

នគរបាលអ៊ីស្រាអែលប៉ះទង្គិចជាមួយបាតុករនៅក្រុង Tel Aviv តវ៉ាកំណែទម្រង់ប្រព័ន្ធតុលាការ

អ៊ីស្រាអែល៖ ប្រជាជនអ៊ីស្រាអែលដែលតវ៉ាកំណែទម្រង់ប្រព័ន្ធតុលាការ បានប៉ះទង្គិចជាមួយនគរបាលជិះលើខ្នងសេះក្នុងទីក្រុង Tel Aviv កាលពីថ្ងៃព្រហស្បតិ៍ ទី៩ ខែមីនា។ អ្នករៀបចំការតវ៉ាបានអំពាវនាវឱ្យមានការរំខានកាន់តែខ្លាំងនៅទូទាំងប្រទេស ជាអ្វីដែលពួកគេហៅថា «ថ្ងៃនៃការតស៊ូ» ប្រឆាំងកំណែទម្រង់ដែលពលរដ្ឋអ៊ីស្រាអែលព្រួយបារម្ភថា នឹងរុញឲ្យតុលាការកំពូលរបស់អ៊ីស្រាអែលក្លាយជាអង្គប្រតិបត្តិ និងបំប៉នអំពើពុករលួយ។ ដោយបំពានលើការដាក់ពង្រាយរបស់នគរបាលដ៏ច្រើន ក្បួនរថយន្តដែលមានទង់ជាតិពណ៌ខៀវ និងសបានស្ថិតនៅលើផ្លូវ Highway ក្នុងទីក្រុង Tel Aviv និងទីក្រុងហ្សេរុយសាឡឹម ហើយបានធ្វើដំណើរឆ្ពោះទៅកាន់ចំណតអាកាសយានដ្ឋាន Ben Gurion។ នៅទីក្រុងហ្សេរុយសាឡឹម ក្រុមអ្នកតវ៉ាមួយក្រុមបានប្រើបាវខ្សាច់ និងបន្លាលួសដើម្បីរារាំងវេទិកាគោលនយោបាយ Kohelet ដែលជាក្រុមគាំទ្រកំណែទម្រង់រដ្ឋាភិបាល។ បាតុករអ៊ីស្រាអែលបានចាប់ផ្តើម «ថ្ងៃតស៊ូជាតិ» កាលពីថ្ងៃព្រហស្បតិ៍ ដោយបង្កើនការប្រយុទ្ធប្រឆាំងផែនការរបស់រដ្ឋាភិបាល ក្នុងការរុះរើប្រព័ន្ធតុលាការនៅទូទាំងប្រទេស។ ក្រុមបាតុករបានបិទផ្លូវធំៗនៅទូទាំងប្រទេស និងបាននិយាយថា ពួកគេនឹងព្យាយាមបង្អាក់ចរាចរណ៍នៅអាកាសយានដ្ឋានអន្តរជាតិ Ben Gurion របស់ប្រទេសនេះ ក្នុងគោលបំណងបង្អាក់ជើងហោះហើររបស់នាយករដ្ឋមន្ត្រីលោក Benjamin Netanyahu ពីទីក្រុង Tel Aviv ទៅកាន់ទីក្រុងរ៉ូម ជាកន្លែងដែលលោកត្រូវបានគេរំពឹងថានឹងធ្វើទស្សនកិច្ចផ្លូវរដ្ឋ៕អត្ថបទ៖ ប៊ុនថន

លោក ស៊ី ជីនពីង ត្រូវបានប្រកាសជាប្រធានាធិបតីចិនសម្រាប់អាណត្តិទី៣ ជាប់ៗគ្នាជាប្រវត្តិសាស្ត្រ

ចិន៖ លោក ស៊ី ជីនពីង នៅថ្ងៃសុក្រនេះបានជាប់ឆ្នោតជាផ្លូវការសម្រាប់អាណត្តិទី៣ ជាប្រធានាធិបតីចិន ខណៈសភាបានបោះឆ្នោតតួនាទីកំពូលៗជាច្រើន។ អាណត្តិថ្មីរយៈពេល ៥ឆ្នាំរបស់លោកបានធ្វើឡើង បន្ទាប់ពីការផ្លាស់ប្តូររដ្ឋធម្មនុញ្ញក្នុងឆ្នាំ២០១៨ ដែលបានលុបចោលការកំណត់អាណត្តិ។ ការបោះឆ្នោតនៅថ្ងៃសុក្រនេះបានធ្វើឡើងនៅមហាសាលប្រជាជន។ លោក Xi ដែលមានអាយុ ៦៩ឆ្នាំបានចូលកាន់តំណែងអាណត្តិទី៣ ជាប្រវត្តិសាស្ត្ររួចហើយជាអគ្គលេខាធិការបក្សកុម្មុយនិស្តចិន នៅក្នុងសមាជបក្សដ៏ធំកាលពីខែតុលាឆ្នាំមុន ដោយបានក្លាយជាអ្នកគ្រប់គ្រងដ៏មានឥទ្ធិពលបំផុតរបស់ប្រទេសចិនចាប់តាំងពីលោក ម៉ៅ សេទុង។ គណៈប្រតិភូនៅថ្ងៃសុក្រនេះក៏បានបោះឆ្នោតជ្រើសរើសលោក Xi ជាប្រធានគណៈកម្មាធិការយោធាមជ្ឈិមរបស់ប្រទេសចិនក្នុងការបោះឆ្នោតជាឯកច្ឆន្ទ ហើយលោក Han Zheng ត្រូវបានជ្រើសរើសជាអនុប្រធានាធិបតីរបស់ប្រទេសចិន។ រីឯលោក Li Qiang នឹងត្រូវបានកំណត់កាលបរិច្ឆេទតែងតាំងជានាយករដ្ឋមន្ត្រីថ្មីរបស់ប្រទេសចិននៅថ្ងៃសៅរ៍ ហើយលោក Zhao Leji អាយុ ៦៦ឆ្នាំត្រូវបានជ្រើសរើសជាប្រធានសភាថ្មី។ ការផ្លាស់ប្តូរមេដឹកនាំប្រទេសធ្វើឡើងរៀងរាល់ប្រាំឆ្នាំម្តង ហើយជាធម្មតាបង្ហាញការរុះរើដែលត្រូវបានប្រកាសនៅក្នុងសមាជបក្ស។ ប៉ុន្តែសមាជិកក្រុមប្រឹក្សារដ្ឋ ឬគណៈរដ្ឋមន្ត្រីត្រូវបានប្រកាសនៅពេលដែលសភាជាតិចូលប្រជុំ៕អត្ថបទ៖ ប៊ុនថន

មេដឹកនាំកំពូលចិនទាមទារឲ្យបង្កើនសមត្ថភាពយោធាឲ្យឆាប់រហ័សដល់ស្តង់ដារចំណាត់ថ្នាក់ពិភពលោក

ចិន៖ លោកប្រធានាធិបតីចិន Xi Jinping បានអំពាវនាវដល់យោធាប្រទេសរបស់លោក ឲ្យបង្កើនកម្លាំងរបស់ខ្លួនឲ្យដល់កម្រិតស្តង់ដារចំណាត់ថ្នាក់ពិភពលោក។ លោក Xi បានធ្វើអត្ថាធិប្បាយបែបនេះកាលពីថ្ងៃពុធ ទី៨មីនាក្នុងសុន្ទរកថាមួយ មុនសមាជជាតិដែលជាស្ថាប័នច្បាប់កំពូលរបស់ប្រទេសចិន។ លោក Xi បានប្រាប់សមាជិកសមាជបក្សកុំម្មុយនីស្តចិនថា ប្រទេសនេះត្រូវតែបង្កើនសមត្ថភាពយុទ្ធសាស្ត្រជាតិ ដើម្បីកែលម្អកម្លាំងរួមជាប្រព័ន្ធរបស់ប្រទេសនេះទប់ទល់នឹងការប្រឈមជាយុទ្ធសាស្ត្រ ការពារផលប្រយោជន៍ជាយុទ្ធសាស្ត្រ និងធ្វើឲ្យយុទ្ធសាស្ត្រនេះក្លាយជាការអនុវត្តន៍ជាក់ស្ដែង។ ការអត្ថាធិប្បាយនេះឆ្លុះបញ្ចាំងពីក្ដីបារម្ភដែលចេះតែកើនឡើងនៅក្នុងរដ្ឋាភិបាលចិន ដែលថាទំនាក់ទំនងរបស់ខ្លួនជាមួយសហរដ្ឋអាមេរិកអាចឈានដល់ការប្រឈមដាក់គ្នា។ រដ្ឋាភិបាលចិននឹងបង្កើនការចំណាយខាងយោធារបស់ខ្លួនត្រឹម ៧.២% នៅឆ្នាំនេះ ដែលថវិកាសរុបកើនឡើងដល់ ១.៥៦កោដិយ័ន។ ប្រមុខការបរទេសចិនលោក Qin Gang បាននិយាយកាលពីថ្ងៃអង្គារសប្ដាហ៍នេះថា ប្រទេសរបស់លោក និងសហរដ្ឋអាមេរិកកំពុងឈានទៅរកការប្រឈមដាក់គ្នា និងជម្លោះដោយសារតែគោលនយោបាយរបស់សហរដ្ឋអាមេរិក៕អត្ថបទ៖ សុខមាន

ប្រមុខថាមពលនុយក្លេអ៊ែរព្រមានពីគ្រោះថ្នាក់នៃការដាច់ចរន្តអគ្គិសនីនៅរោងចក្រថាមពលនៅអ៊ុយក្រែន

អ៊ុយក្រែន៖ បន្ទាប់ពីការដាច់ចរន្តអគ្គិសនីមួយទៀតនៅរោងចក្រថាមពលនុយក្លេអ៊ែរ Zaporizhzhia (ZNPP) ក្នុងប្រទេសអ៊ុយក្រែន ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិ បានអំពាវនាវឲ្យមានតំបន់ការពារដោយនិយាយថា លោកមានការភ្ញាក់ផ្អើលចំពោះភាពមិនសប្បាយចិត្ត របស់អង្គការដែលលោកដឹកនាំគឺទីភ្នាក់ងារថាមពលអាតូមិកអន្តរជាតិ (IAEA)។ កងកម្លាំងរុស្ស៊ីបានបាញ់ស្រោចដោយមីស៊ីលជាង ៨០គ្រាប់ រួមទាំងមីស៊ីលល្បឿនលឿនជាងសំឡេងដ៏កម្រទៅលើទីក្រុងនានារបស់អ៊ុយក្រែន ខណៈមនុស្សកំពុងលង់លក់ក្នុងដំណេកកាលពីយប់ថ្ងៃព្រហស្បតិ៍ ដោយបានសម្លាប់មនុស្សយ៉ាងហោចណាស់ ៩នាក់ និងបានកាត់ផ្ដាច់ចរន្តអគ្គិសនី និងបង្ខំឲ្យរោងចក្រថាមពលនុយក្លេអ៊ែរធំបំផុតរបស់អឺរ៉ុបមួយនេះដាច់ភ្លើងជាលើកទី៦ ចាប់តាំងពីទីក្រុង Moscow បានបើកការវាយលុកកាលពីថ្ងៃទី២៤ ខែកុម្ភៈ ឆ្នាំ២០២២មក។ មកទល់នឹងពេលនេះ រោងចក្រថាមពលនុយក្លេអ៊ែរ Zaporizhzhia ត្រូវបានតភ្ជាប់ចរន្តអគ្គិសនីឡើងវិញ ខណៈអង្គការសហប្រជាជាតិព្រមានថា ថ្ងៃសំណាងរបស់យើងនឹងត្រូវរលាយបាត់។ លោក Rafael Grossi បានប្រាប់ក្រុមប្រឹក្សានាយកទីភ្នាក់ងារ IAEA នៅក្នុងកិច្ចប្រជុំមួយកាលពីថ្ងៃព្រហស្បតិ៍ថា ពេលវេលាចុងក្រោយដែលថាមពលអគ្គិសនីទាំងអស់បានដាច់នៅរោងចក្រនោះគឺកាលពីថ្ងៃទី២៣ ខែវិច្ឆិកា ឆ្នាំ២០២២។ លោកថា តើអ្វីដែលយើងកំពុងធ្វើគឺដើម្បីទប់ស្កាត់កុំឲ្យបញ្ហានេះកើតឡើង? យើងគឺជាទីភ្នាក់ងារឃ្លាំមើលនុយក្លេអ៊ែរ IAEA យើងមានតួនាទីត្រូវថែរក្សាសុវត្ថិភាពនុយក្លេអ៊ែរ៕អត្ថបទ៖ សុខមាន

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

កូរ៉េខាងជើង៖ មេដឹកនាំកូរ៉េខាងជើងលោក Kim Jong Un បានពិនិត្យមើលសមយុទ្ធគ្រាប់ពិតដោយផ្ទាល់ ជាទីដែលយោធារបស់លោកបានបាញ់មីស៊ីល ដែលគេសង្ស័យថាជាមីស៊ីលបាលីស្ទីករយៈចម្ងាយខ្លី ក្រោយប្អូនស្រីរបស់លោកគំរាមអាមេរិកពីផលវិបាកធ្ងន់ធ្ងរ បើនៅតែដំណើរការសមយុទ្ធរួមគ្នាជាមួយកូរ៉េខាងត្បូង។ ទីភ្នាក់ងារសារព័ត៌មានកណ្ដាលផ្លូវការកូរ៉េខាងជើង KCNA បាននិយាយនៅថ្ងៃសុក្រនេះថា ការបាញ់មីស៊ីលកាលពីថ្ងៃព្រហស្បតិ៍ដែលហៅថា ជាសមយុទ្ធវាយប្រហារនេះគឺក្នុងគោលបំណងទប់ទល់ការវាយប្រហារ និងវាយបករាល់ការវាយប្រហារណាមួយមកលើប្រទេសរបស់ខ្លួន។ លោក Kim និយាយថា សមយុទ្ធទាំងនេះគឺជាការរម្លឹកថា ទាហានរបស់លោកត្រូវតែត្រៀមលក្ខណៈជានិច្ច ក្នុងករណីមានការផ្ទុះសង្គ្រាមដ៏ពិតប្រាកដភ្លាមៗពីសត្រូវ។ យោធាកូរ៉េខាងត្បូងអះអាងថា ទីក្រុងព្យុងយ៉ាងបានបាញ់មីស៊ីលបាលីស្ទីករយៈចម្ងាយខ្លី ១គ្រាប់ចូលទៅដែនទឹកភាគខាងលិចរបស់ខ្លួន ស្របពេលដែលកងកម្លាំងសហរដ្ឋអាមេរិក និងកូរ៉េខាងត្បូងត្រៀមសម្រាប់សមយុទ្ធយោធារួមគ្នាធំបំផុតក្នុងពេលប៉ុន្មានឆ្នាំមកនេះ។ នាយសេនាធិការចម្រុះកូរ៉េខាងត្បូងបានអះអាងថា មីស៊ីលនោះបានហោះចេញពីតំបន់មួយក្បែរទីក្រុងឆ្នេរសមុទ្រ Nampo និងមិនទាន់មានការវាយតម្លៃភ្លាមៗនៅឡើយទេថា តើមីស៊ីលនោះហោះបានឆ្ងាយប៉ុណ្ណា ឬជាក់លាក់យ៉ាងណាជាទីដែលគ្រាប់នោះបានធ្លាក់៕អត្ថបទ៖ សុខមាន

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

កំពង់ធំ៖ នៅថ្ងៃទី៩ ខែមីនា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្រ្តី បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបើកបុណ្យទន្លេលើកទី៧ ធ្វើឡើងក្នុងក្រុងស្ទឹងសែន ខេត្តកំពង់ធំ ដែលមានរយៈពេល ៣ថ្ងៃពីថ្ងៃទី៨ ដល់ថ្ងៃទី១០ ខែមីនា ឆ្នាំ២០២៣។ ពិធីបុណ្យទន្លេលើកទី៧ នាឆ្នាំនេះ ធ្វើឡើងក្រោមប្រធានបទ «ទន្លេរបស់យើង ដើម្បីបច្ចុប្បន្ន និងអនាគត»។ ពិព័រណ៍បុណ្យទន្លេលើកទី៧ មានការតាំងពិព័រណ៍សមិទ្ធផល មហោស្រពម្ហូបអាហារ និងភេសជ្ជៈ ពិព័រណ៍កសិទេសចរណ៍ ផលិតផលសហគ្រាសធុនតូច និងមធ្យម ផលិតផលខ្មែរ ផលិតផលកសិកម្ម និងផលិតផលរបស់សហគមន៍ សរុបចំនួន ៣០០ស្តង់។ ការរៀបចំពិព័រណ៍នេះ គឺជាការរួមចំណែកមួយក្នុងការប្រើប្រាស់ឱ្យអស់លទ្ធភាព នៃវិស័យទេសចរណ៍ ដែលត្រូវបានចាត់ទុកថាជាការនាំចេញនៅនឹងកន្លែង ក្នុងការគាំទ្រដល់ការអភិវឌ្ឍវិស័យកសិកម្ម ពិសេសបង្កើតឱកាសការងារសម្រាប់កសិករ សិប្បករ និងអ្នកផលិតតាមរយៈទីផ្សារទេសចរណ៍៕ អត្ថបទ៖ ឧត្ដម

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ ដែលប្រារព្ធធ្វើនៅចំណុចសួនច្បារស្ទឹងសែនខេត្តកំពង់ធំក្រោមប្រធានបទ “ទន្លេរបស់យើងដើម្បី បច្ចុប្បន្ន និងអនាគត” នៅល្ងាចថ្ងៃទី៩ ខែមីនា ឆ្នាំ២០២៣នេះ។ការប្រារព្ធពិធីបុណ្យទន្លេជាប្រចាំឆ្នាំនេះ គឺមានគោលបំណងជំរុញលើកតម្លៃ និងផ្សព្វផ្សាយសក្កានុពលទេសចរណ៍ខេត្តតាមដងទន្លេ ជាពិសេសលើកទឹកចិត្តដល់ប្រជាជននៅតាមបណ្តាខេត្តទាំងអស់ដែលនៅតាមដងទន្លេឱ្យចូលរួមយ៉ាងសកម្មក្នុងការងារអភិវឌ្ឍន៍ទេសចរណ៍សហគមន៍ ។ពិធីបុណ្យទន្លេ បានផ្តល់ជូនសកម្មភាពសំខាន់ៗដូចជាផ្សព្វផ្សាយផ្ទាល់នូវការសម្តែងទស្សនីយភាព សិល្បៈ ព្រមទាំងបង្ហាញនូវផលិតផលទេសចរណ៍ គម្រោងអភិវឌ្ឍន៍ទេសចរណ៍ខេត្តតាមដងទន្លេ និងការតាំងពិពរណ៍ផលិតផលទេសចរណ៍ក្នុងស្រុក, សកម្មភាពកីឡាដោយមានការចូលរួមពីសំណាក់ កីឡាករ និងកីឡាការនីជាតិអន្តរជាតិផងដែរ។៕

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អាមេរិក៖ ប្រមុខទីភ្នាក់ងារស៊ើបការណ៍សម្ងាត់របស់សហរដ្ឋអាមេរិកកាលពីថ្ងៃពុធបានអះអាងថា ប្រទេសចិននឹងពង្រីកកិច្ចសហប្រតិបត្តិការរបស់ខ្លួនជាមួយប្រទេសរុស្ស៊ី ក្នុងកិច្ចខិតខំប្រឹងប្រែងដើម្បីប្រកួតប្រជែងជាមួយសហរដ្ឋអាមេរិក ទោះបីជាមានការថ្កោលទោសជាអន្តរជាតិ ចំពោះសង្គ្រាមរបស់ទីក្រុងមូស្គូនៅអ៊ុយក្រែនក៏ដោយ។ នាយកទីភ្នាក់ងារស៊ើបការណ៍សម្ងាត់ជាតិលោកស្រី Avril Haines និយាយថា យើងពុំបានមើលឃើញពួកគេក្លាយជាសម្ព័ន្ធមិត្ត តាមរបៀបដែលយើងស្ថិតនៅក្នុងសម្ព័ន្ធយោធា NATO នោះទេ ប៉ុន្តែយើងមើលឃើញថាមានការកើនឡើងនៅគ្រប់វិស័យទាំងអស់។ ក្នុងរយៈពេលប៉ុន្មានសប្តាហ៍ថ្មីៗនេះ សហរដ្ឋអាមេរិកបានព្រមានចិនជាសាធារណៈប្រឆាំងការផ្តល់សព្វាវុធដល់ប្រទេសរុស្ស៊ី ខណៈកងកម្លាំងរបស់រុស្ស៊ីបានបង្កើនការវាយលុកនៅភាគខាងកើតប្រទេសអ៊ុយក្រែន។ ប៉ុន្តែទីក្រុងប៉េកាំងបានបដិសេធថា ពុំបានពិចារណាលើការបញ្ជូនជំនួយទៅកាន់ទីក្រុងមូស្គូនោះទេ។ លោកស្រី Haines និយាយទៅកាន់គណៈកម្មាធិការស៊ើបការណ៍របស់ព្រឹទ្ធសភាថា អង្គភាពសេវាចារកម្មរបស់សហរដ្ឋអាមេរិកកំពុងតាមដានយ៉ាងដិតដល់ ចំពោះសញ្ញាដែលប្រទេសចិនអាចផ្តល់ឲ្យដោយផ្ទាល់ ប៉ុន្តែពុំមែនជាសាធារណៈដែលកំពុងតែគាំទ្ររុស្ស៊ី។ យើងឃើញពួកគេផ្តល់ជំនួយដល់រុស្ស៊ីក្នុងបរិបទនៃជម្លោះ ប៉ុន្តែពុំបានធ្វើវាជាសាធារណៈឡើយ ខណៈដែលអាចនឹងកើតឡើង។ លោកស្រី Haines បាននិយាយថា ប្រធានាធិបតីចិនលោក Xi Jinping បានចាត់ទុកសហរដ្ឋអាមេរិកជាគូប្រជែង ក្នុងការសម្រេចបាននូវគោលបំណងក្នុងតំបន់របស់លោក។ លោក Xi Jinping បានដាក់កំហុសលើប្រទេសលោកខាងលិច ចំពោះផលវិបាកផ្នែកសេដ្ឋកិច្ចរបស់ប្រទេសចិននៅក្នុងសុន្ទរកថាកាលពីថ្ងៃចន្ទ ដែលក្នុងនោះលោកបានចោទប្រកាន់សហរដ្ឋអាមេរិកថា បានដឹកនាំកិច្ចខិតខំប្រឹងប្រែងជាអន្តរជាតិដើម្បីទប់ស្កាត់ប្រទេសចិន។ ទោះបីជាកាលពីពេលថ្មីៗនេះលោក Xi បានរិះគន់យ៉ាងខ្លាំងចំពោះសហរដ្ឋអាមេរិកក៏ដោយ លោកស្រី Haines បាននិយាយថា ចារកម្មរបស់សហរដ្ឋអាមេរិកនៅតែអះអាងថា ទីក្រុងប៉េកាំងជឿថា ខ្លួនទទួលបានផលប្រយោជន៍ពីទំនាក់ទំនងស្ថិរភាពជាមួយទីក្រុងវ៉ាស៊ីនតោន៕អត្ថបទ៖ ប៊ុនថន

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក

អ៊ុយក្រែន៖ យោធាអ៊ុយក្រែនបាននិយាយថា ខ្លួនបានត្រៀមវាយបកទប់ទល់ការវាយប្រហាររបស់រុស្ស៊ីលើទីក្រុង Bakhmut ទោះបីជារុស្ស៊ីបានអះអាងគ្រប់គ្រងលើដែនដីទីក្រុងនេះពាក់កណ្ដាលហើយក៏ដោយ។ មួយក្នុងចំណោមសមរភូមិដ៏ក្ដៅគគុកជាច្រើន រយៈពេលជាងមួយឆ្នាំមកនេះក្រុមអ្នកស្នេហាជាតិអ៊ុយក្រែន ដែលកាលពីសប្ដាហ៍មុនទំនងជាបានត្រៀមចាកចេញពីទីក្រុង Bakhmut នៅតែបន្តវាយបកវិញនៅឡើយកាលពីថ្ងៃពុធ ទី៨ មីនា។ មេបញ្ជាការកងប្រដាប់អាវុធអ៊ុយក្រែនបាននិយាយនៅលើបណ្ដាញសង្គម Facebook ថា សត្រូវនៅតែបន្តការវាយប្រហារ និងពុំមានសញ្ញាផ្អាកការវាយសម្រុកលើទីក្រុង Bakhmut ទេ។ ក្រុមអ្នកស្នេហាជាតិរបស់យើងបានវាយប្រហារបកវិញលើទីក្រុងនេះ និងកំពុងឡោមព័ទ្ធសហគមន៍មួយចំនួន។ លោកប្រធានាធិបតីអ៊ុយក្រែន Volodymyr Zelenskiy បាននិយាយនៅក្នុងសុន្ទរកថាតាមវីដេអូពេលយប់ ទាក់ទងនឹងសមរភូមិដណ្ដើមទីក្រុង Bakhmut និងការឡោមព័ទ្ធតំបន់ Donbas ថា នេះគឺជាអាទិភាពដំបូងរបស់យើង។ ទីក្រុង Kyiv និយាយថា ការបរាជ័យរបស់រុស្ស៊ីអាចកំណត់ពីស្ថានភាពនៃសង្គ្រាម ខណៈអ៊ុយក្រែនបានរំពឹងទុកថា នឹងបើកការវាយបកវិញនៅពេលអាកាសធាតុប្រសើរជាងនេះ និងនៅពេលដែលខ្លួនទទួលបានជំនួយយោធាបន្ថែមទៀតពីលោកខាងលិច រួមទាំងរថក្រោះប្រយុទ្ធធុនធ្ងន់។ មន្ត្រីអ៊ុយក្រែននិយាយថា រុស្ស៊ីបានបើកការវាយប្រហារជាបន្តបន្ទាប់ដោយមីស៊ីលនៅទូទាំងប្រទេសអ៊ុយក្រែន ដែលបានប៉ះចំអគារលំនៅឋាន និងហេដ្ឋារចនាសម្ព័ន្ធជាច្រើននៅក្នុងទីក្រុង Kharkiv និងទីក្រុង Odesa៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្លាំងពលកម្មវ័យធ្វើការរបស់កម្ពុជានឹងក្លាយជាចលករសម្រេចបានចក្ខុវិស័យប្រទេសចំណូលខ្ពស់ឆ្នាំ២០៥០

លោក Trump ប្រឈមនឹងសម្ពាធកាន់តែខ្លាំងឡើងដើម្បីបញ្ចប់សង្គ្រាមលើអ៊ីរ៉ង់

ប្រភពព័ត៌មាន៖ ប៉ាគីស្ថាន និងកាតា នឹងបញ្ជូនអ្នកតំណាងសម្រាប់ការចរចារវាងអាមេរិក និងអ៊ីរ៉ង់

Infantino កំពុងប្រឈមវិបត្តិនយោបាយធ្ងន់ធ្ងរ បន្ទាប់ពីផែនការលក់ភាគហ៊ុនព្រឹត្តិការណ៍ FIFA ដួលរលំ

អាជ្ញាធរតៃវ៉ាន់៖ ទំនាក់ទំនងជិតស្និទ្ធជាមួយទីបញ្ជាការប៉ាស៊ីហ្វិករបស់អាមេរិក ជំរុញការត្រៀមខ្លួនការពារ

លោក Trump៖ ការចូលអន្តរាគមន៍ប្រាក់យ៉េន គឺជាសញ្ញានៃមិត្តភាពជាមួយប្រទេសជប៉ុន

លោកជំទាវបណ្ឌិតសភាចារ្យ ភឿង សកុណា អញ្ជើញសាកសួរសុខទុក្ខ លោកគ្រូអ្នកគ្រូ និងសិស្សានុសិស្សនៃសាលាបឋមសិក្សាជីកដី ក្នុងឃុំអណ្តូងត្របែក ស្រុករមាសហែក

រដ្ឋមន្ត្រីយុត្តិធម៌ស្តីទីអាមេរិកបញ្ជាឱ្យលុបចោលមូលនិធិប្រឆាំងការយកធ្វើជាអាវុធ ១,៨ពាន់លានដុល្លារ

កម្ពុជា-ADB ចុះ MoU ផ្តល់ឥណទានសម្បទានចំនួន ២៥០ លានដុល្លារ សម្រាប់កម្មវិធីអន្តរាគមន៍បន្ទាន់

Brentford ចាយលុយបំបែកកំណត់ត្រាក្លិបនាំយក Mamadou Sangare ពី Lens តម្លៃជិត ៥០ លានផោន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី

នគរបាលអ៊ីស្រាអែលប៉ះទង្គិចជាមួយបាតុករនៅក្រុង Tel Aviv តវ៉ាកំណែទម្រង់ប្រព័ន្ធតុលាការ

លោក ស៊ី ជីនពីង ត្រូវបានប្រកាសជាប្រធានាធិបតីចិនសម្រាប់អាណត្តិទី៣ ជាប់ៗគ្នាជាប្រវត្តិសាស្ត្រ

មេដឹកនាំកំពូលចិនទាមទារឲ្យបង្កើនសមត្ថភាពយោធាឲ្យឆាប់រហ័សដល់ស្តង់ដារចំណាត់ថ្នាក់ពិភពលោក

ប្រមុខថាមពលនុយក្លេអ៊ែរព្រមានពីគ្រោះថ្នាក់នៃការដាច់ចរន្តអគ្គិសនីនៅរោងចក្រថាមពលនៅអ៊ុយក្រែន

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ថាមពល​ត្រូវបាន​កាត់ផ្តាច់​នៅ​ទីក្រុង Kharkiv របស់​អ៊ុយ​ក្រែ​ន ​បន្ទាប់​ពី​ការបាញ់​មី​ស៊ី​ល​របស់​រុស្ស៊ី​

នគរបាល​អ៊ីស្រាអែល​ប៉ះទង្គិច​ជាមួយ​បាតុករ​នៅ​ក្រុង Tel Aviv តវ៉ា​កំណែទម្រង់​ប្រព័ន្ធតុលាការ​

លោក ស៊ី ជីន​ពីង ត្រូវបាន​ប្រកាស​ជា​ប្រធានាធិបតី​ចិនសម្រាប់​អាណត្តិ​ទី​៣ ជាប់ៗ​គ្នាជា​ប្រវត្តិសាស្ត្រ​

មេដឹកនាំ​កំពូល​ចិន​ទាមទារ​ឲ្យ​បង្កើន​សមត្ថភាព​យោធា​ឲ្យ​ឆាប់រហ័ស​ដល់​ស្តង់ដារ​ចំណាត់ថ្នាក់​ពិភពលោក​

កូរ៉េខាងជើង​បាញ់​មី​ស៊ី​ល​ជាការ​បញ្ចេញ​កំហឹង​លើ​ល្បែង​សង្គ្រាម​របស់​អាមេរិក និង​កូរ៉េខាងត្បូង

ទស្សនារូបភាព សម្តេចតេជោ ហ៊ុន សែន អញ្ជើញទស្សនាតាមស្តង់ពិព័រណ៍ក្នុងពិធីបុណ្យទន្លេលើកទី៧

សម្តេចតេជោ ហ៊ុន សែន អញ្ជើញជាអធិបតីបើកជាផ្លូវការពិធីបុណ្យទន្លេលើកទី៧ នៅកំពង់ធំ

ប្រមុខ​ចារកម្ម​អាមេរិកនិយាយថា ​ទំនាក់ទំនង​ចិន​-​រុស្ស៊ី​បន្ត​កាន់តែ​ស៊ីជម្រៅ

​អ៊ុយ​ក្រែ​ន​បង្កើន​ការ​វាយបក​លើ​ទីក្រុង Bakhmut ខណៈ​រុស្ស៊ី​អះអាង​គ្រប់គ្រង​ទីក្រុង​នេះ​ដោយ​ផ្នែក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ថាមពលត្រូវបានកាត់ផ្តាច់នៅទីក្រុង Kharkiv របស់អ៊ុយក្រែន បន្ទាប់ពីការបាញ់មីស៊ីលរបស់រុស្ស៊ី

នគរបាលអ៊ីស្រាអែលប៉ះទង្គិចជាមួយបាតុករនៅក្រុង Tel Aviv តវ៉ាកំណែទម្រង់ប្រព័ន្ធតុលាការ

លោក ស៊ី ជីនពីង ត្រូវបានប្រកាសជាប្រធានាធិបតីចិនសម្រាប់អាណត្តិទី៣ ជាប់ៗគ្នាជាប្រវត្តិសាស្ត្រ

មេដឹកនាំកំពូលចិនទាមទារឲ្យបង្កើនសមត្ថភាពយោធាឲ្យឆាប់រហ័សដល់ស្តង់ដារចំណាត់ថ្នាក់ពិភពលោក

កូរ៉េខាងជើងបាញ់មីស៊ីលជាការបញ្ចេញកំហឹងលើល្បែងសង្គ្រាមរបស់អាមេរិក និងកូរ៉េខាងត្បូង

ប្រមុខចារកម្មអាមេរិកនិយាយថា ទំនាក់ទំនងចិន-រុស្ស៊ីបន្តកាន់តែស៊ីជម្រៅ

អ៊ុយក្រែនបង្កើនការវាយបកលើទីក្រុង Bakhmut ខណៈរុស្ស៊ីអះអាងគ្រប់គ្រងទីក្រុងនេះដោយផ្នែក