BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

នាយករដ្ឋមន្ត្រីម៉ាឡេស៊ីលោក Anwar Ibrahim សន្យាឯកភាពទាំងស្រុង បន្ទាប់ពីទុក្ខលំបាកច្រើនទសវត្សរ៍

ម៉ាឡេស៊ី៖ លោក Anwar Ibrahim នាយករដ្ឋមន្ត្រីថ្មីប្រទេសម៉ាឡេស៊ីបានសន្យាធ្វើឲ្យមានឯកភាពគ្នាទាំងស្រុង បន្ទាប់ពីលោកបានស្បថចូលកាន់តំណែងជានាយករដ្ឋមន្ត្រីកាលពីថ្ងៃព្រហស្បតិ៍ ដោយបញ្ចប់ដំណើរនយោបាយរយៈពេល ៣ទសវត្សរ៍ចេញពីមនុស្សជំនិតរបស់មេដឹកនាំជើងចាស់លោក Mahathir Mohamad មកជាមេដឹកនាំការតវ៉ា ជាអ្នកទោសដែលត្រូវបានកាត់ទោសពីបទរួមភេទជាមួយភេទដូចគ្នា និងជាមេដឹកនាំគណបក្សប្រឆាំង។ លោក Anwar អាយុ 75ឆ្នាំបានប្តេជ្ញាប្រយុទ្ធប្រឆាំងអំពើពុករលួយ និងផ្តោតលើសេដ្ឋកិច្ច ខណៈកំពុងប្រកាន់ភ្ជាប់សាសនាឥស្លាម ជាសាសនាផ្លូវការរបស់ប្រទេសដែលមានជនជាតិភាគតិចច្រើន និងការពារសិទ្ធិពិសេសរបស់ជនជាតិភាគតិចម៉ាឡេស៊ី។ លោក Anwar បានបានថ្លែងទៅកាន់អ្នកសារព័ត៌មានថា បន្ទាប់ពីការជួបប្រទះបញ្ហា និងទុក្ខលំបាកជាច្រើនទសវត្សរ៍ ព្រះបានផ្តល់ឱកាសពិសេសសម្រាប់យើង និងសម្រាប់លោកដើម្បីដឹកនាំប្រទេសនេះ។ការតែងតាំងរបស់លោក Anwar បានបញ្ចប់រយៈពេល ៥ថ្ងៃនៃវិបត្តិក្រោយការបោះឆ្នោតដែលមិនធ្លាប់មានពីមុនមក ប៉ុន្តែអាចនាំឱ្យមានអស្ថិរភាពបន្ថែមទៀត ជាមួយគូប្រជែងរបស់លោកគឺអតីតនាយករដ្ឋមន្ត្រីលោក Muhyiddin Yassin ជាការប្រជែងឱ្យលោកបង្ហាញសំឡេងភាគច្រើនរបស់លោកនៅក្នុងសភា។ លោក Anwar ចូលកាន់តំណែងក្នុងពេលដ៏លំបាកមួយដែលសេដ្ឋកិច្ចកំពុងធ្លាក់ចុះ ហើយប្រទេសនេះត្រូវបានបែងចែកបន្ទាប់ពីការបោះឆ្នោតដ៏តឹងតែង៕អត្ថបទ៖ ប៊ុនថន

សភាកម្ពុជា និងសភាឡាវ ចុះហត្ថលេខាលើកិច្ចសហប្រតិបត្តិការកាន់តែទូលំទូលាយទ្វេភាគី និងនៅលើវេទិកាសភាអន្តរជាតិ

ភ្នំពេញ៖ សម្តេចពញាចក្រី ហេង សំរិន ប្រធានរដ្ឋសភាកម្ពុជា និងឯកឧត្តមបណ្ឌិត សាយ សំភូន ភូមវិហាន ប្រធានរដ្ឋសភាឡាវ អញ្ជើញចុះហត្ថលេខាលើកិច្ចសហប្រតិបត្តិការកាន់តែទូលំទូលាយទ្វេភាគី និងនៅលើវេទិកាសភាអន្តរជាតិ។បន្ទាប់ពីបានអញ្ជើញចូលរួមមហាសន្និបាតអាយប៉ាលើកទី៤៣ ដែលសភាកម្ពុជាធ្វើជាម្ចាស់ផ្ទះរួចមក ឯកឧត្តមបណ្ឌិត សាយ សំភូន ភូមវិហាន (Saysomphone PHOMVIHANE) ប្រធានរដ្ឋសភា នៃសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃទី២៥ ខែវិច្ឆិកា ឆ្នាំ២០២២ បានបន្តដឹកនាំគណៈប្រតិភូបំពេញទស្សនកិច្ចនៅកម្ពុជា តបតាមការអញ្ជើញរបស់សម្តេចពញាចក្រី ហេង សំរិន ប្រធានរដ្ឋសភា ដើម្បីជួបពិភាក្សាការងារទ្វេភាគីក្នុងការជំរុញលើកកម្ពស់ទំនាក់ទំនងរដ្ឋសភា រដ្ឋាភិបាល និងប្រជាពលរដ្ឋប្រទេសទាំងពីរឱ្យកាន់តែរឹងមាំ។នាឱកាសនោះ ភាគីទាំង២ បានអញ្ជើញក្នុងពិធីចុះហត្ថលេខាលើអនុស្សរណៈយោគយល់ (MoU) រវាងរដ្ឋសភាប្រទេសទាំងពីរ រវាងអគ្គលេខាធិការដ្ឋានរដ្ឋសភាកម្ពុជា និងឡាវ ក្នុងការពង្រឹងពង្រីកកិច្ចសហប្រតិបត្តិការប្រទេសទាំងពីរឱ្យកាន់តែទូលំទូលាយឡើង នៅគ្រប់កម្រិត ទាំងក្របខណ្ឌទ្វេភាគីនិងពហុភាគីនៅលើវេទិកាអន្តរសភានានា សំដៅបម្រើដល់ផលប្រយោជន៍ប្រទេសទំាងសងខាង ស្របតាមសភាពការណ៍ជាក់ស្តែង។បើតាមជំនួបទ្វេភាគី ឯកឧត្តមបណ្ឌិត សាយ សំភូន ភូមវិហាន បានកោតសរសើរ និងវាយតម្លៃខ្ពស់ចំពោះជោគជ័យនៅក្នុងការរៀបចំកិច្ចកំពូលអាស៊ានលើកទី៤០ និង៤១ ព្រមទំាងកិច្ចប្រជុំពាក់ព័ន្ធ និងមហាសន្និបាតអន្តរសភាអាស៊ាន(AIPA) លើកទី៤៣ ដែលកម្ពុជាធ្វើជាម្ចាស់រៀបចំ ដែលធ្វើឱ្យកិត្យានុភាពរបស់កម្ពុជាកាន់តែរន្ទឺឡើងនៅលើឆាកអន្តរជាតិ។ ឯកឧត្តមប្រធានរដ្ឋសភាឡាវ បញ្ជាក់ថា ជោគជ័យរបស់កម្ពុជានាពេលនេះ ជាមេរៀន និងបទពិសោធន៍សំខាន់មួយ សម្រាប់ការរៀបចំកិច្ចប្រជុំកំពូលអាស៊ាន និងមហាសន្និបាតអាយប៉ា លើកទី៤៥ របស់ប្រទេសឡាវ នៅក្នុងឆ្នាំ២០២៤ខាងមុខ។ ទន្ទឹមគ្នានេះ សម្តេចប្រធានរដ្ឋសភា មានសេចក្តីសោមនស្សរីករាយ ជាខ្លាំងដែលឯកឧត្តមប្រធានរដ្ឋសភា និងគណៈប្រតិភូជាន់ខ្ពស់ បានមកបំពេញទស្សនកិច្ចជាផ្លូវការ និងមិត្តភាពនៅម្ពុជា និងចូលរួមមហាសន្និបាតអាយប៉ាលើកទី៤៣ ដែលសភាកម្ពុជាធ្វើជាម្ចាស់ផ្ទះ។ សម្តេចប្រធានរដ្ឋសភា បានចាត់ទុកការផ្លាស់ប្តូរដំណើរទស្សនកិច្ចរវាងថ្នាក់ដឹកនាំប្រទេសទាំងពីរ កម្ពុជា-ឡាវ ទាំងក្នុងក្របខណ្ឌនីតិប្បញ្ញត្តិ និងនីតិប្រតិបត្តិ នឹងរួមចំណែកបន្ថែមទៀតដល់ការពង្រឹង និងលើកកម្ពស់ទំនាក់ទំនង ចំណងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការលើគ្រប់វិស័យ ដែលមានជាង៦០ឆ្នាំមកនេះ កាន់តែរឹងមាំទ្វេដងថែមទៀត។បន្ថែមលើសពីនេះ ភាគីទាំងពីរ បានសន្យាថានឹងខិតខំជំរុញកិច្ចសហប្រតិបត្តិការរវាងរដ្ឋ និងប្រជាជនប្រទេសទាំងពីរ ឱ្យកាន់តែរឹងមាំនិងសកម្មឡើងទៀតនៅលើគ្រប់វិស័យ។ នៅក្នុងជំនួបទ្វេភាគីនេះ ប្រធានរដ្ឋសភាប្រទេសទំាងពីរបាន ផ្លាស់ប្តូរព័ត៌មានគ្នាទៅវិញទៅមកលើស្ថានការណ៍នយោបាយ សង្គម សេដ្ឋកិច្ច ពិសេសអំពីរដ្ឋសភាទាំងពីរទៅវិញទៅមក។ប្រធានរដ្ឋសភាប្រទេសទាំងពីរបានគាំទ្រចំពោះ វឌ្ឍនភាព នៃកិច្ចសហប្រតិបត្តិការរវាងរដ្ឋាភិបាល នៃប្រទេសទាំងពីរ ដែលបានឈានដល់កម្រិត “ភាពជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែង” ដោយបានផ្តល់ផលប្រយោជន៍ឱ្យគ្នាទៅវិញទៅមក។ ឆ្លៀតក្នុងឱកាសនោះដែរ សម្តេចប្រធានរដ្ឋសភា បានទទួលសំណើរបស់ឯកឧត្តមបណ្ឌិត សាយ សំភូន ភូមវិហាន អញ្ជើញចូលរួមកិច្ចប្រជុំកំពូលរវាងប្រធានរដ្ឋសភាឡាវ តំបន់អភិវឌ្ឍន៍ត្រីកោណ (CLV) ដែលរដ្ឋសភាឡាវនឹងធ្វើជាម្ចាស់ផ្ទះនៅឆ្នាំ២០២៣ខាងមុខផងដែរ។ អត្ថបទ៖ សេក ឧត្តម

ប្រមុខសិទ្ធិមនុស្ស UN និយាយថា វិបត្តិពេញបន្ទុកកំពុងបន្តនៅអ៊ីរ៉ង់ ខណៈការបង្ក្រាបលើក្រុមបាតុករ

អ៊ីរ៉ង់៖ យោងតាមប្រមុខឧត្ដមស្នងការសិទ្ធិមនុស្សរបស់អង្គការសហប្រជាជាតិលោក Volker Turk ប្រទេសអ៊ីរ៉ង់កំពុងធ្លាក់ក្នុងវិបត្តិសិទ្ធិមនុស្សពេញបន្ទុក ខណៈក្រុមអាជ្ញាធរបានបង្ក្រាបលើក្រុមអ្នកប្រឆាំងនឹងរបបនេះ។ លោក Turk បានអំពាវនាវឲ្យមានដំណើរការស៊ើបអង្កេតប្រកបដោយឯករាជ្យ មិនលម្អៀង និងតម្លាភាពក្នុងករណីរំលោភសិទ្ធិមនុស្សក្នុងប្រទេសអ៊ីរ៉ង់ អំឡុងសម័យប្រជុំពិសេសនៃក្រុមប្រឹក្សាសិទ្ធិមនុស្ស របស់អង្គការសហប្រជាជាតិកាលពីថ្ងៃព្រហស្បតិ៍។ សាធារណរដ្ឋអ៊ីស្លាមមួយនេះបានគ្របដណ្ដប់ ដោយរលកនៃការតវ៉ាប្រឆាំងរដ្ឋាភិបាលបង្កឡើងដោយសារការស្លាប់ស្ត្រីវ័យក្មេងជនជាតិឃឺដអ៊ីរ៉ង់វ័យ ២២ឆ្នាំ នាង Mahsa Amini ដែលត្រូវបានឃាត់ខ្លួនដោយនគរបាលសីលធម៌កាលពីខែកញ្ញា ពីបទប្រើក្រណាត់គ្របក្បាលពុំបានត្រឹមត្រូវ។លោក Turk បានប្រាប់រដ្ឋជាសមាជិកក្រុមប្រឹក្សា ៤៧ប្រទេសក្នុងទីក្រុងហ្សឺណែវថា កងកម្លាំងសន្តិសុខត្រូវបានរាយការណ៍ថា បានឆ្លើយតបការតវ៉ាដោយការប្រើអាវុធប្រឆាំងនឹងក្រុមអ្នកតវ៉ាគ្មានអាវុធក្នុងដៃ និងក្រុមអ្នកឈរមើលហេតុការណ៍ដែលពុំបានបង្កការគំរាមអ្វីសោះ។ យោងតាមលោក Turk មនុស្សជាង ១៤.០០០នាក់រួមទាំងកុមារត្រូវបានចាប់ខ្លួនពាក់ព័ន្ធនឹងការតវ៉ា។ លោកថា បច្ចុប្បន្នមនុស្សយ៉ាងហោចណាស់ ១២នាក់ប្រឈមការកាត់ទោសប្រហារជីវិត និង ៦នាក់បានទទួលទោសប្រហារជីវិតរួចទៅហើយ។ ក្រុមឃ្លាំមើលសិទ្ធិមនុស្សនិយាយថា មនុស្សយ៉ាងហោចណាស់ ៣២៦នាក់បានស្លាប់ក្នុងការតវ៉ានៅអ៊ីរ៉ង់៕អត្ថបទ៖ សុខមាន

សហភាពអឺរ៉ុបត្រៀមកញ្ចប់ទណ្ឌកម្មទី៩ ដាក់លើរុស្ស៊ី

អឺរ៉ុប៖ ប្រធានគណៈកម្មការសហភាពអឺរ៉ុបលោកស្រី Ursula von der Leyen បាននិយាយកាលពីថ្ងៃព្រហស្បតិ៍ថា សហភាពអឺរ៉ុបកំពុងត្រៀមកញ្ចប់ទណ្ឌកម្មទី៩ ដាក់លើរុស្ស៊ី។ នៅក្នុងសុន្ទរកថាអំឡុងដំណើរទស្សនកិច្ចរបស់លោកស្រីទៅកាន់រដ្ឋធានី Helsinki របស់ប្រទេសហ្វាំងឡង់ លោកស្រី Leyen បាននិយាយថា យើងកំពុងប្រឹងប្រែងណាស់ក្នុងការដាក់សម្ពាធលើរុស្ស៊ី ដើម្បីធ្វើឲ្យប៉ះពាល់ដល់សមត្ថភាពសង្គ្រាមរបស់ប្រទេសនេះនៅក្នុងទឹកដីអ៊ុយក្រែន។ លោកស្រីបានបន្ថែមថា សហភាពអឺរ៉ុបរួមជាមួយប្រទេសជាសមាជិក G7 និងដៃគូរសំខាន់ៗផ្សេងទៀតនឹងអនុម័តឆាប់ៗលើការកំណត់តម្លៃជាសកលលើប្រេងរបស់រុស្ស៊ី។ ដោយបន្ថែមថា យើងនឹងមិនសម្រាកទេ រហូតទាល់តែអ៊ុយក្រែនឈ្នះលោកប្រធានាធិបតីរុស្ស៊ី Vladimir Putin និងសង្គ្រាមខុសច្បាប់ និងឃោរឃៅរបស់លោក។ដោយកំពុងទាក់ទាញការចាប់អារម្មណ៍ចំពោះការពិតដែលថា ប្រជាពលរដ្ឋអ៊ុយក្រែនបានអត់ធ្មត់រស់នៅក្នុងស្ថានភាពដ៏លំបាក ព្រោះតែការវាយប្រហាររបស់រុស្ស៊ីលើហេដ្ឋារចនាសម្ព័ន្ធរបស់ប្រទេសនេះ ដែលបណ្ដាលឲ្យគ្មានទឹកស្អាត និងអគ្គិសនីប្រើប្រាស់ធ្ងន់ធ្ងរ លោកស្រី Leyen លើកឡើងថា លោក Putin ត្រូវតែទទួលខុសត្រូវចំពោះរឿងនេះ។ លោកស្រីថា ទារក ឪពុកម្ដាយ និងជីដូនជីតារបស់ពួកគេកំពុងរងានៅក្នុងភាពងងឹត ហើយខ្ញុំថ្កោលទោសយ៉ាងដាច់អហង្ការចំពោះការវាយប្រហារដ៏ឃោរឃៅនេះ។ ប៉ុន្តែខ្ញុំក៏បានដឹងដែរថា មិត្តភ័ក្ត្រដ៏ច្រើនរបស់អ៊ុយក្រែននឹងពុះពារឆ្លងផុតសោកនាដកម្មនេះ ពួកគេមានសមត្ថភាពខ្លាំងក្លា៕អត្ថបទ៖ សុខមាន

វិមានក្រឹមឡាំង៖ មេដឹកនាំអ៊ុយក្រែនអាចបញ្ចប់ការរងទុក្ខបានដោយបំពេញតាមតម្រូវការរបស់រុស្ស៊ី

រុស្ស៊ី៖ វិមានក្រឹមឡាំងកាលពីថ្ងៃព្រហស្បតិ៍ ទី២៤ វិច្ឆិកា បានទាត់ចោលការចោទប្រកាន់ដែលថា ការវាយប្រហាររបស់ខ្លួនដាក់គោលដៅលើបណ្ដាញផ្គត់ផ្គង់អគ្គិសនីរបស់អ៊ុយក្រែន ប៉ុន្តែបាននិយាយថា ទីក្រុង Kyiv អាចបញ្ចប់ការរងទុក្ខរបស់ប្រជាពលរដ្ឋខ្លួន ដោយបំពេញតាមការទាមទាររបស់រុស្ស៊ីក្នុងការដោះស្រាយជម្លោះនេះ។ ការបាញ់ផ្លោងមីស៊ីលដដែលៗទៅលើហេដ្ឋារចនាសម្ព័ន្ធថាមពល ទូទាំងអ៊ុយក្រែនកាលពីប៉ុន្មានសប្ដាហ៍មុន បានបង្ខំឲ្យមនុស្សរាប់លាននាក់គ្មានអគ្គិសនីប្រើប្រាស់ គ្មានទឹកស្អាត ឬគ្មានម៉ាស៊ីនកំដៅរយៈពេលច្រើនម៉ោង ឬច្រើនថ្ងៃ ស្របពេលសីតុណ្ហភាពត្រជាក់នៅខាងក្រៅបានធ្លាក់ចុះទាបជាងកម្រិតមធ្យម។ ប៉ុន្តែអ្នកនាំពាក្យវិមានក្រឹមឡាំងលោក Dmitry Peskov បានប្រាប់ក្រុមអ្នកយកសារព័ត៌មានថា ពុំមានការវាយប្រហារដាក់គោលដៅលើសង្គមឡើយ ហើយក៏ពុំបានផ្ដោតជាពិសេសណាមួយដែរ។លោកថា គោលដៅនានាដែលជាប់ពាក់ព័ន្ធដោយផ្ទាល់ ឬដោយប្រយោលចំពោះយោធាគឺជាមុខព្រួញនៃការវាយប្រហាររបស់យើង។ លោក Peskov ត្រូវបានសួរថា តើការរងទុក្ខរបស់ជនស៊ីវិលអ៊ុយក្រែន អាចផ្សះផ្សាជាមួយគោលជំហររបស់លោកប្រធានាធិបតី Vladimir Putin ដោយរបៀបណា។ លោក Putin ធ្លាប់បាននិយាយហើយថា រុស្ស៊ីគ្មានបំណងបំផ្លាញអ៊ុយក្រែន ឬប្រជាពលរដ្ឋរបស់ប្រទេសនេះដែរ៕អត្ថបទ៖ សុខមាន

មេដឹកនាំបក្សប្រឆាំងលោក Anwar Ibrahim ត្រូវបានតែងតាំងជានាយករដ្ឋមន្ត្រីទី១០ របស់ម៉ាឡេស៊ី

ម៉ាឡេស៊ី៖ នៅថ្ងៃព្រហស្បតិ៍នេះមេដឹកនាំបក្សប្រឆាំងលោក Anwar Ibrahim ត្រូវបានតែងតាំងជានាយករដ្ឋមន្ត្រីថ្មីរបស់ប្រទេសម៉ាឡេស៊ី ក្រោយរយៈពេលជាច្រើនថ្ងៃនៃភាពទាល់ច្រកក្រោយការបោះឆ្នោត។ មេដឹកនាំថ្មីរូបនេះត្រូវបានតែងតាំងដោយព្រះមហាក្សត្រ Sultan Abdullah បន្ទាប់ការបោះឆ្នោតកាលពីចុងសប្តាហ៍កន្លងទៅ ពុំអាចបង្កើតរដ្ឋាភិបាលថ្មីបាន។ មិនថា លោក Anwar ឬអតីតនាយករដ្ឋមន្ត្រី Muhyiddin Yassin ទេ ពួកគេសុទ្ធតែឈ្នះសំឡេងភាគច្រើនត្រូវការបង្កើតរដ្ឋាភិបាលថ្មី។ លោក Anwar នឹងធ្វើសច្ចាប្រណិធានមុខព្រះមហាក្សត្រនៅវេលាម៉ោង ៥ល្ងាចម៉ោងក្នុងស្រុកត្រូវនឹងម៉ោង ៩ម៉ោងសកលថ្ងៃព្រហស្បតិ៍នេះ។ ព្រះបរមរាជវាំងបាននិយាយនៅក្នុងសេចក្តីថ្លែងការណ៍ថា ដោយផ្អែកលើច្បាប់ធម្មនុញ្ញ ព្រះមហាក្សត្រសម្រេចតែងតាំងលោក Anwar Ibrahim ជានាយករដ្ឋមន្ត្រីលើកទី១០ របស់ម៉ាឡេស៊ី។ គណបក្ស Pakatan Harapan (PH) របស់លោក Anwar ដែលបានឈ្នះចំណែកធំបំផុតនៃអាសនៈនៅការបោះឆ្នោតកាលពីថ្ងៃសៅរ៍ ពុំមានអាសនៈគ្រប់គ្រាន់សម្រាប់ខ្លួនឯងឲ្យបង្កើតរដ្ឋាភិបាលបាននោះទេ ហើយគេក៏ពុំទាន់ដឹងច្បាស់ភ្លាមៗនោះដែរថា តើគណបក្សមួយណាដែលលោកនឹងចូលរួមជាមួយ ដើម្បីបង្កើតរដ្ឋាភិបាលចម្រុះថ្មី។ការតែងតាំងជានាយករដ្ឋមន្ត្រីរបស់លោក Anwar វ័យ ៧៥ឆ្នាំគឺជាការបំពេញក្តីស្រមៃរយៈពេលច្រើនទសវត្សរ៍របស់លោកផងដែរ ក្នុងការក្លាយជាមេដឹកនាំម៉ាឡេស៊ី។ កាលពីដំបូងឡើយលោក Anwar ធ្លាប់ជាឧបនាយករដ្ឋមន្ត្រីម៉ាឡេស៊ីអំឡុងទសវត្សរ៍ឆ្នាំ១៩៩០ ប៉ុន្តែលោកត្រូវបានគេទម្លាក់ចេញពីតំណែងវិញ ពាក់ព័ន្ធនឹងករណីចោទប្រកាន់ពីបទស្រលាញ់ភេទដូចគ្នា ក្រោមការដឹកនាំរបស់អតីតនាយករដ្ឋមន្ត្រី Mahathir Mohamad គឺជាការចោទប្រកាន់មួយដែលលោកអះអាងថា វាផ្តើមចេញពីរឿងនយោបាយ៕អត្ថបទ៖ សុខមាន

មនុស្សម្នាក់ស្លាប់ និងជាង ២០នាក់របួសក្នុងការបំផ្ទុះ ២លើកនៅទីក្រុងហ្សេរុយសាឡឹម

អ៊ីស្រាអែល៖ នគរបាលអ៊ីស្រាអែលនិយាយថា ការផ្ទុះ ២លើកដាច់ដោយឡែកពីគ្នានៅទីក្រុងហ្សេរុយសាឡឹម បណ្តាលឲ្យជនជាតិអ៊ីស្រាអែលម្នាក់ស្លាប់ និងរងរបួសជាង ២០នាក់។ គ្មានក្រុមណាអះអាងទទួលខុសត្រូវនៅឡើយទេ ប៉ុន្តែក្រុមអ៊ីស្លាមប៉ាឡេស្ទីន Hamas បានចេញសេចក្តីថ្លែងការណ៍សាទរការបំផ្ទុះនេះ។ ការផ្ទុះលើកដំបូងបានកើតឡើងនៅព្រឹកថ្ងៃពុធនៅចំណតរថយន្តក្រុងមួយកន្លែង ក្នុងតំបន់ដែលមានប្រជាជនអ៊ីស្រាអែលជាច្រើនរស់នៅ។ ការផ្ទុះលើកទី២ ត្រូវបានបំផ្ទុះនៅ ៣០នាទីក្រោយពីការបំផ្ទុះលើកទី១ នៅផ្នែកផ្សេងនៃទីក្រុងហ្សេរុយសាឡឹម។ សារព័ត៌មានក្នុងស្រុករាយការណ៍ថា គ្រឿងផ្ទុះនោះមានផ្ទុកដោយដែកគោល និងវត្ថុផ្សេងៗទៀត។ ក្រុម Hamas បានចាត់ទុកអ្វីដែលបានកើតឡើងនៅទីក្រុងហ្សេរុយសាឡឹមថា ជាលទ្ធផលនៃការចូលគ្រប់គ្រងរបស់អ៊ីស្រាអែល។ការវាយប្រហារដោយគ្រាប់បែកបានក្លាយជារឿងដ៏កម្រនៅទីក្រុងហ្សេរុយសាឡឹម ក្នុងរយៈពេលប៉ុន្មានឆ្នាំចុងក្រោយនេះ។ ឧបទ្ទវហេតុនេះកើតឡើងនៅពេលដែលកិច្ចពិភាក្សាចម្រុះ កំពុងដំណើរការសម្រាប់អតីតនាយករដ្ឋមន្ត្រីលោក Benjamin Netanyahu ដើម្បីបង្កើតរដ្ឋាភិបាលក្រោយការបោះឆ្នោតជាតិនៅថ្ងៃទី១ ខែវិច្ឆិកា៕អត្ថបទ៖ ប៊ុនថន

BREAKING NEWS!! មេដឹកនាំបក្សប្រឆាំងប្រទេសម៉ាឡេស៊ី លោក Anwar Ibrahim ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី

លោក Anwar Ibrahim មេដឹកនាំបក្សប្រឆាំងប្រទេសម៉ាឡេស៊ី ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី។លោក Anwar Ibrahim ជារដ្ឋបុរសម៉ាឡេស៊ី យូរអង្វែងមកហើយ គឺជានាយករដ្ឋមន្ត្រីថ្មី របស់ ប្រទេសបន្ទាប់ពីរាជវាំងរបស់ប្រទេសនៅអាស៊ីអាគ្នេយ៍មួយនេះបានប្រកាសនៅថ្ងៃព្រហស្បតិ៍នេះ ដោយបញ្ចប់ភាពជាប់គាំងការបោះឆ្នោតដែលបានអូសបន្លាយពេល។ បន្ទាប់ពីកិច្ចប្រជុំជាមួយអ្នកគ្រប់គ្រងរដ្ឋ និងស្របជាមួយរដ្ឋធម្មនុញ្ញម៉ាឡេស៊ី ព្រះមហាក្សត្រ បានតែងតាំងលោក Anwar Ibrahim ជានាយករដ្ឋមន្ត្រីទី១០របស់ប្រទេសនេះ។

ពលរដ្ឋអ៊ុយក្រែនរងទុក្ខក្នុងអាកាសធាតុត្រជាក់ និងគ្មានអគ្គិសនី ខណៈលោក Zelenskyy ទទូចឲ្យ UN ដាក់ទោសរុស្ស៊ី

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelenskyy បានជំរុញដល់ក្រុមប្រឹក្សាសន្តិសុខអង្គការសហប្រជាជាតិឲ្យចាត់វិធានការប្រឆាំងរុស្ស៊ី ជុំវិញការវាយប្រហារតាមអាកាសលើហេដ្ឋារចនាសម្ព័ន្ធស៊ីវិល ដែលបានធ្វើឲ្យទីក្រុងជាច្រើនរបស់អ៊ុយក្រែនធ្លាក់ចូលក្នុងភាពងងឹងជាថ្មី និងអាកាសធាតុត្រជាក់ ខណៈរដូវរងាជិតចូលមកដល់។ រុស្ស៊ីបានបាញ់ស្រោចមីស៊ីលពាសពេញប្រទេសអ៊ុយក្រែនកាលពីថ្ងៃពុធសម្លាប់មនុស្ស ១០នាក់ បង្ខំឲ្យបិទរោងចក្រថាមពលអគ្គិសនី និងកាត់ផ្ដាច់ប្រព័ន្ធទឹក និងការផ្គត់ផ្គង់អគ្គិសនីនៅតំបន់ជាច្រើន ព្រមទាំងប៉ះពាល់តំបន់មួយចំនួនក្នុងប្រទេសជិតខាងម៉ូលដូវ៉ា។ លោក Zelenskyy បាននិយាយតាមប្រព័ន្ធវីដេអូទៅកាន់ក្រុមប្រឹក្សានេះថា អ៊ុយក្រែនរងការបាញ់ប្រហារដោយមីស៊ីលរហូតទៅដល់ ៧០គ្រាប់ក្នុងពេលតែមួយថ្ងៃប៉ុណ្ណោះ។ នោះជារូបមន្តនៃភេរវកម្មរបស់រុស្ស៊ី។ ទាំងនេះគឺជាការប្រឆាំងនឹងហេដ្ឋារចនាសម្ព័ន្ធថាមពល មន្ទីរពេទ្យ សាលារៀន ការដឹកជញ្ជូនរបស់យើង។ ប្រជាពលរដ្ឋទាំងអស់បានរងទុក្ខ។លោកបានបន្ថែមថា អ៊ុយក្រែនកំពុងរង់ចាំមើលប្រតិកម្មដ៏ខ្លាំងក្លាពីពិភពលោក ចំពោះការវាយប្រហារតាមអាកាសកាលពីថ្ងៃពុធ។ ក្រុមប្រឹក្សានេះទំនងជានឹងមិនចាត់វិធានការណាមួយ ឆ្លើយតបទៅនឹងការអំពាវនាវនេះទេ ព្រោះប្រទេសរុស្ស៊ីដែលជាសមាជិកក្រុមប្រឹក្សានេះមានអំណាចវ៉េតូជំទាស់៕អត្ថបទ៖ សុខមាន

រុស្ស៊ីវាយប្រហារអ៊ុយក្រែនដោយមីស៊ីលថ្មីបណ្តាលឲ្យដាច់ថាមពលអគ្គិសនី និងទឹក

អ៊ុយក្រែន៖ អាជ្ញាធរអ៊ុយក្រែនបាននិយាយថា ការវាយប្រហារតាមអាកាសរបស់រុស្សីទៅលើទីក្រុងនានារបស់អ៊ុយក្រែន កាលពីថ្ងៃពុធបានកាត់ផ្តាច់ចរន្តអគ្គិសនី និងទឹក ហើយបណ្តាលឱ្យជនស៊ីវិលយ៉ាងហោចណាស់ ៦នាក់ស្លាប់នៅក្នុងការវាយលុកថ្មីមកលើបណ្តាញថាមពល ដែលកំពុងជួបការលំបាករបស់ប្រទេសនេះ។ ក្រុមហ៊ុនថាមពល Ukrenergo បាននិយាយថា អ៊ុយក្រែនមានចេតនាកាត់ផ្តាច់រោងចក្រថាមពលនុយក្លេអ៊ែរចំនួន ៣ ចេញពីបណ្តាញអគ្គិសនីជាតិជាចំណាត់ការបង្ការជាមុន ក្នុងការឆ្លើយតបទៅនឹងការវាយលុករបស់រុស្ស៊ី។ មេដឹកនាំម៉ុលដូវ៉ានិយាយថា នៅប្រទេសជិតខាងម៉ុលដាវីដែលតភ្ជាប់បណ្តាញថាមពលរបស់អ៊ុយក្រែន ជាងពាក់កណ្តាលប្រទេសបានដាច់ចរន្តអគ្គិសនី។ រដ្ឋធានី Kyiv របស់អ៊ុយក្រែន ទីក្រុងភាគខាងលិច Lviv និងទីក្រុង Mykolaiv ភាគខាងត្បូងស្ថិតក្នុងចំណោមទីក្រុងជាច្រើន ដែលរាយការណ៍ពីការវាយប្រហារដោយមីស៊ីល។ យោងតាមនគរបាលជាតិបានឲ្យដឹងថា យ៉ាងហោចណាស់មនុស្ស ៦នាក់បានស្លាប់ និងជាង ៣០នាក់បានរងរបួសនៅទូទាំងប្រទេស។អភិបាលក្រុង Kyiv លោក Vitali Klitschko បាននិយាយនៅលើបណ្តាញ Telegram ថា ទឹកម៉ាស៊ីនត្រូវបានកាត់ផ្តាច់ដោយសារការបាញ់ផ្លោងនៅទូទាំងទីក្រុង។ លោកនិយាយថា មីស៊ីលចំនួន ២១គ្រាប់ក្នុងចំណោម ៣១គ្រាប់តម្រង់មកលើទីក្រុង Kyiv ត្រូវបានបាញ់ទម្លាក់។ ទោះជាយ៉ាងណា មីស៊ីល និងយានដ្រួនដែលបានបាញ់ដល់គោលដៅ បានធ្វើឱ្យប្រព័ន្ធថាមពលរបស់ប្រទេសស្ថិតក្នុងស្ថានភាពគ្រោះថ្នាក់។ នៅក្នុងសេចក្តីថ្លែងការណ៍មួយ ក្រុមហ៊ុនថាមពល Ukrenergo បាននិយាយថា រោងចក្រថាមពលនុយក្លេអ៊ែរចំនួន ៣ ត្រូវបានផ្តាច់ចេញពីបណ្តាញអគ្គិសនីជាចំណាត់ការសុវត្ថិភាព៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នាយករដ្ឋមន្ត្រីម៉ាឡេស៊ីលោក Anwar Ibrahim សន្យាឯកភាពទាំងស្រុង បន្ទាប់ពីទុក្ខលំបាកច្រើនទសវត្សរ៍

ប្រមុខសិទ្ធិមនុស្ស UN និយាយថា វិបត្តិពេញបន្ទុកកំពុងបន្តនៅអ៊ីរ៉ង់ ខណៈការបង្ក្រាបលើក្រុមបាតុករ

សហភាពអឺរ៉ុបត្រៀមកញ្ចប់ទណ្ឌកម្មទី៩ ដាក់លើរុស្ស៊ី

វិមានក្រឹមឡាំង៖ មេដឹកនាំអ៊ុយក្រែនអាចបញ្ចប់ការរងទុក្ខបានដោយបំពេញតាមតម្រូវការរបស់រុស្ស៊ី

មេដឹកនាំបក្សប្រឆាំងលោក Anwar Ibrahim ត្រូវបានតែងតាំងជានាយករដ្ឋមន្ត្រីទី១០ របស់ម៉ាឡេស៊ី

មនុស្សម្នាក់ស្លាប់ និងជាង ២០នាក់របួសក្នុងការបំផ្ទុះ ២លើកនៅទីក្រុងហ្សេរុយសាឡឹម

BREAKING NEWS!! មេដឹកនាំបក្សប្រឆាំងប្រទេសម៉ាឡេស៊ី លោក Anwar Ibrahim ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី

ពលរដ្ឋអ៊ុយក្រែនរងទុក្ខក្នុងអាកាសធាតុត្រជាក់ និងគ្មានអគ្គិសនី ខណៈលោក Zelenskyy ទទូចឲ្យ UN ដាក់ទោសរុស្ស៊ី

រុស្ស៊ីវាយប្រហារអ៊ុយក្រែនដោយមីស៊ីលថ្មីបណ្តាលឲ្យដាច់ថាមពលអគ្គិសនី និងទឹក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នាយករដ្ឋមន្ត្រី​ម៉ាឡេស៊ី​លោក Anwar Ibrahim សន្យា​ឯកភាព​ទាំងស្រុង​ បន្ទាប់ពី​ទុក្ខ​លំបាក​ច្រើន​ទសវត្សរ៍

សហភាព​អឺរ៉ុប​ត្រៀម​កញ្ចប់​ទណ្ឌកម្ម​ទី​៩​ ដាក់​លើ​រុស្ស៊ី​

មេដឹកនាំ​បក្ស​ប្រឆាំង​លោក Anwar Ibrahim ត្រូវ​បាន​តែង​តាំង​ជា​នាយករដ្ឋមន្ត្រី​ទី​១០ ​របស់​ម៉ាឡេស៊ី​

មនុស្ស​ម្នាក់​ស្លាប់ និងជាង ២០នាក់​របួស​ក្នុង​ការ​បំផ្ទុះ ២លើក​នៅ​ទីក្រុង​ហ្សេរុយសាឡឹម

BREAKING NEWS!! មេដឹកនាំបក្សប្រឆាំងប្រទេសម៉ាឡេស៊ី លោក Anwar Ibrahim ត្រូវបានតែងតាំងជានាយករដ្ឋមន្ត្រីថ្មីម៉ាឡេស៊ី

រុស្ស៊ី​វាយប្រហារ​អ៊ុយ​ក្រែ​ន​ដោយ​មី​ស៊ី​ល​ថ្មី​បណ្តាល​ឲ្យ​ដាច់​ថាមពល​អគ្គិសនី និង​ទឹក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីម៉ាឡេស៊ីលោក Anwar Ibrahim សន្យាឯកភាពទាំងស្រុង បន្ទាប់ពីទុក្ខលំបាកច្រើនទសវត្សរ៍

សហភាពអឺរ៉ុបត្រៀមកញ្ចប់ទណ្ឌកម្មទី៩ ដាក់លើរុស្ស៊ី

មេដឹកនាំបក្សប្រឆាំងលោក Anwar Ibrahim ត្រូវបានតែងតាំងជានាយករដ្ឋមន្ត្រីទី១០ របស់ម៉ាឡេស៊ី

មនុស្សម្នាក់ស្លាប់ និងជាង ២០នាក់របួសក្នុងការបំផ្ទុះ ២លើកនៅទីក្រុងហ្សេរុយសាឡឹម

រុស្ស៊ីវាយប្រហារអ៊ុយក្រែនដោយមីស៊ីលថ្មីបណ្តាលឲ្យដាច់ថាមពលអគ្គិសនី និងទឹក