BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

អាណាព្យាបាលក្រុមកុមាររងគ្រោះព្យាយាមកាត់ចិត្តទប់ទឹកភ្នែក ក្រោយបាត់បង់កូនៗក្នុងគ្រោះរញ្ជួយដីនៅឥណ្ឌូនេស៊ី

ឥណ្ឌូនេស៊ី៖ អាណាព្យាបាលរបស់កុមារជាច្រើនដែលបានបាត់បង់ជីវិត ក្នុងគ្រោះរញ្ជួយដីដ៏ធ្ងន់ធ្ងរវាយប្រហារប្រទេសឥណ្ឌូនេស៊ី មានទឹកមុខពោរពេញដោយទុក្ខព្រួយកំពុងព្យាយាមទប់ទឹកភ្នែកកាលពីថ្ងៃពុធ ទី២៣ ខែវិច្ឆិកា ខណៈក្រុមអាជ្ញាធរបាននិយាយថា ចំនួនអ្នកស្លាប់បានកើនឡើងដល់ ២៧១នាក់។ អ្នកស្រី Lala Latifah ជាម្ដាយរបស់កុមារីវ័យ ៨ឆ្នាំឈ្មោះ Anisa ដែលបានស្លាប់ដោយសារតែរបួសធ្ងន់ បន្ទាប់ពីបញ្ជូនទៅសង្គ្រោះនៅមន្ទីរពេទ្យបានប្រាប់សារព័ត៌មាន Reuters ថា អ្នកស្រីពិបាកទ្រាំ និងឈឺចាប់ណាស់ពេលឈរមើលកូនស្រីរបស់គាត់ចាកចេញពីគាត់គ្មានថ្ងៃត្រឡប់បែបនេះ។ ចំណែកអាណាព្យាបាលម្នាក់ទៀតរបស់មិត្តភ័ក្ត្រស្និទ្ធស្នាលរបស់ Anisa គឺកុមារី Vira បានរៀបរាប់ថា សាកសពកូនស្រីរបស់ពួកគេត្រូវបានរកឃើញក្រោមគំនរកម្ទេចថ្ម។ឪពុករបស់កុមារី Vira លោក Ujang Nurdin ដែលមានមុខរបរជាអ្នកបើករថយន្តក្រុងសាធារណរដ្ឋបាននិយាយថា នៅពេលខ្ញុំឃើញហេតុការណ៍នោះ ខ្ញុំមិនអាចទទួលយកបានទេ។ ស្ថានភាពកូនស្រីខ្ញុំ សាកសព និងមុខរបស់គេត្រូវរបួសគ្រប់កន្លែងទាំងអស់។ កាលពីថ្ងៃពុធជាមួយគ្នានោះក៏មានពិធីបុណ្យសពបានធ្វើឡើងផងដែរ សម្រាប់ជនរងគ្រោះក្នុងគ្រោះរញ្ជួយដីដ៏ធ្ងន់ធ្ងរនេះ ខណៈដែលភ្លៀងធ្លាក់បានរំខានដល់ពិធីបុណ្យនោះ៕អត្ថបទ៖ សុខមាន

AIPA សម្រេចអនុម័តឲ្យអាមេរិក និងប្រទេសមួយចំនួនទៀតក្លាយជាសភាសង្កេតការណ៍ពេញសិទ្ធិ

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា និងជាប្រធានរៀបចំមហាសន្និបាតអន្តរសភាអាស៊ាន AIPA លើកទី៤៣ បានថ្លែងបញ្ជាក់ថា កិច្ចប្រជុំរបស់ AIPA ក្នុងរយៈពេល ប៉ុន្មានថ្ងៃមកនេះ ទទួលបានលទ្ធផលល្អគួរជាទីមោទនៈ ខណៈកិច្ចប្រជុំនេះ បានសម្រេចអនុម័តទាំងស្រុងឲ្យសហរដ្ឋអាមេរិក នេប៉ាល់ និងអាហ្សេវ៉ៃហ្សង់ ក្លាយជាសភាសង្កេតការណ៍ពេញសិទ្ធ។ថ្លែងនៅក្នុងសន្និសីទ ស្តីពីពិធីបិទ មហាសន្និបាតអន្តរសភាអាស៊ាន AIPA លើកទី៤៣ នាព្រឹកថ្ងៃទី២៤ ខែវិច្ឆិកា ឆ្នាំ២០២២នេះ នៅសណ្ឋាគារ សុខាភ្នំពេញ សម្តេចពញាចក្រី ហេង សំរិន បានលើកឡើងថា អន្តរសភា អាយប៉ា គឺជាវេទិការបស់បណ្តាប្រទេសអន្តរសភា នៃសមាជិកអាស៊ាន ដែលតំណាងឲ្យប្រជាជន នៅក្នុងតំបន់អាស៊ានជិត ៧រយលាននាក់ ក្នុងវិស័យនីតិបញ្ញត្តិ ហើយបានបើកមហាសន្និបាតប្រចាំឆ្នាំ លើកទី៤៣ ដែលបានប្រព្រឹត្តិលើទឹកដីនៃព្រះរាជាណាចក្រកម្ពុជានេះ គឺទទួលបានលទ្ធផលជាច្រើនគួរជាទីគប់ចិត្ត និងប្រកបដោយផ្លែផ្កា ដែលកើតចេញពីការសម្រេចរួមគ្នាពីសមាជិកទាំងអស់ដែលបានចូលរួមនោះ។សូមបញ្ជាក់ថា សភានៃព្រះរាជាណាចក្រកម្ពុជា បានធ្វើជាម្ចាស់ផ្ទះរៀបចំមហាសន្និបាតអន្តរសភាអាស៊ាន AIPA លើកទី៤៣ ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន» ចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២ ខណៈកិច្ចប្រជុំនេះបានប្រមូលផ្តុំនូវមតិយោបល់គ្នា ក្នុងការដោះស្រាយរួមគ្នា រាល់បញ្ហាក្នុងតំបន់ និងពិភពលោក។អន្តរសភា អាយប៉ា គឺជាវេទិការបស់បណ្តាប្រទេសអន្តរសភា នៃសមាជិកអាស៊ាន ដែលតំណាងឲ្យប្រជាជននៅក្នុងតំបន់អាស៊ានជិត ៧រយលាននាក់ក្នុងវិស័យនីតិបញ្ញត្តិ ហើយការបើកកិច្ចប្រជុំរួមគ្នាដ៏ធំនេះ គឺក្នុងគោលបំណងប្រមូលនូវមតិ យោបល់ ទស្សនៈក្នុងនាមតំណាងពលរដ្ឋ ក្រោមចក្ខុវិស័យទូលំទូលាយ ដើម្បីដោះស្រាយបញ្ហារួមរបស់ពិភពលោក ដែលបានជះឥទ្ធិពលដល់អាស៊ីអាគ្នេយ៍ និងក៏ដើម្បី ជំរុញឲ្យមានសន្តិសុខ ស្ថិរភាព និងវិបុលភាពជាដើមផងដែរ។មហាសន្និបាតអន្តរសភាអាស៊ាន AIPA គឺជាព្រឹត្តិការណ៍ដ៏ធំ ដែលប្រតិភូសមាជិកសភាទាំងអស់ក្នុងតំបន់ជួបជុំគ្នាក្នុងការផ្លាស់ប្តូរបទពិសោធន៍ និងទស្សនវិស័យនានា នៅក្នុងគ្រួសាររបស់ខ្លួន(AIPA) ដើម្បីជាប្រយោជន៍រួមដល់ប្រជាជននៅក្នុងតំបន់អាស៊ានទាំងមូល ក៏ដូចជាប្រជាជាតិនៅក្នុងពិភពលោកទាំងអស់ផងដែរ។សូមបញ្ជាក់ផងដែរថា កិច្ចប្រជុំមហាសន្និបាតអន្តរសភាអាស៊ាន AIPA ដែលកម្ពុជាធ្វើជាម្ចាស់ផ្ទះនេះ គឺបានជួបប្រជុំគ្នាដោយផ្ទាល់ជាលើកដំបូង បន្ទាប់ពីកិច្ចប្រជុំលើកទី៤១ដែលប្រទេសវៀតណាមធ្វើជាម្ចាស់ផ្ទះ និងលើកទី៤២ ប្រទេសប្រុយណេធ្វើជាម្ចាស់ផ្ទះនោះ បានត្រឹមតែប្រជុំតាមរយៈវិដេអូពីចម្ងាយដោយសារតែបញ្ហារាតត្បាតនូវមេរោគកូវីដ១៩៕ អត្ថបទ៖ បាន ចក់

ប្រតិបត្តិការស្វែងរកអ្នករួចជីវិតពីគ្រោះរញ្ជួយដីនៅឥណ្ឌូនេស៊ីនៅតែបន្ត ខណៈអ្នកស្លាប់កើនឡើងដល់ ២៧១នាក់

ឥណ្ឌូនេស៊ី៖ ក្រុមអ្នកសង្គ្រោះនៅក្នុងប្រទេសឥណ្ឌូនេស៊ី បានបន្តការខិតខំប្រឹងប្រែងស្វែងរកអ្នកនៅរួចជីវិតដែលបានជាប់ក្រោមគំនរកម្ទេចថ្ម ក្រោយការរញ្ជួយដីកាលពីរសៀលថ្ងៃចន្ទ ទី២១ វិច្ឆិកានៅក្នុងខេត្តជ្វាខាងលិច។ ទិន្នន័យផ្លូវការចុងក្រោយនិយាយថា មនុស្ស ២៧១នាក់បានស្លាប់ភាគច្រើនជាកុមារ និង ៤០នាក់នៅបាត់ខ្លួន និងមនុស្សរាប់រយនាក់បានរងរបួស។ រូបភាពថតពីលើអាកាសកាលពីថ្ងៃពុធ ទី២៣ វិច្ឆិកា បានបង្ហាញពីលំនៅឋានដួលរលំ និងការខូចខាតបណ្ដាលមកពីគ្រោះរញ្ជួយដីកម្រិត ៥.៦រ៉ិចទ័រ។ទីភ្នាក់ងារសម្រាលគ្រោះមហន្តរាយជាតិបាននិយាយកាលពីថ្ងៃអង្គារថា លំនៅឋាន ២២.០០០ខ្នងត្រូវបានខូចខាត និងមនុស្សជាង ៥៨.០០០នាក់ត្រូវបានបញ្ជូនទៅស្នាក់នៅ ក្នុងជម្រកបណ្ដោះអាសន្នក្នុងទីតាំងមួយចំនួនក្នុងតំបន់។ ភ្លៀងធ្លាក់ និងគ្រោះថ្នាក់ដោយសារបំណាក់ដីបានរំខាន ដល់ក្រុមអ្នកសង្គ្រោះរបស់ឥណ្ឌូនេស៊ីក្នុងការស្វែងរកមនុស្សកាលពីថ្ងៃពុធ ស្របពេលមានការព្រមានជាផ្លូវការថា ពេលវេលាអស់ហើយសម្រាប់ការរុករកមនុស្សដែលបានជាប់ក្រោមគំនរកម្ទេចថ្ម៕អត្ថបទ៖ សុខមាន

សម្តេចតេជោ ហ៊ុន សែន ៖កម្ពុជាមិនអនុញ្ញាតឱ្យមានវត្តមាន មូលដ្ឋានយោធាបរទេសណាមួយនៅលើទឹកដីកម្ពុជាទេ

ភ្នំពេញ៖ សម្តេចតេជោ ហ៊ុន សែន នាយលរដ្ឋមន្ត្រី បានបញ្ជាក់ជាថ្មីជូនភាគីអាមេរិកពីជំហរម៉ឺងម៉ាត់របស់កម្ពុជា មិនអនុញ្ញាតឱ្យមានវត្តមាន មូលដ្ឋានយោធាបរទេសណាមួយនៅលើទឹកដីកម្ពុជា។នៅចំពោះមុខឯកឧត្តមតំណាងរាស្ត្រ ហ្គ្រឺហ្គូរី មីក (Gregory W. Meeks) ប្រធានគណៈកម្មាធិការកិច្ចការបរទេស នៃសភាតំណាងរាស្រ្តសហរដ្ឋអាមេរិក ក្នុងជំនួបជាមួយសម្តេចតេជោ ហ៊ុន សែន នាថ្ងៃទី២៣ ខែវិច្ឆិកា ឆ្នាំ២០២២ នៅវិមានសន្តិភាព សម្តេចតេជោ ហ៊ុន សែន និងឯកឧត្ដមតំណាងរាស្ត្រ ហ្គ្រឺហ្គូរី មីក បានសម្តែងនូវ សេចក្តីពេញចិត្តចំពោះការវិវត្តនៃទំនាក់ទំនងកម្ពុជា-សហរដ្ឋអាមេរិក ព្រមទាំងបានពិភាក្សា និងមានទស្សនៈដូចគ្នា ដើម្បីពង្រឹងកិច្ចសហប្រតិបត្តិការទ្វេភាគីបន្ថែមទៀត។ ឆ្លើយតបនឹងកង្វល់របស់សហរដ្ឋអាមេរិកទាក់ទងនឹងមូលដ្ឋានកងទ័ពជើងទឹករាម សម្តេចតេជោនាយករដ្ឋមន្ត្រី បានអះអាងបញ្ជាក់ជាថ្មីពីជំហរម៉ឺងម៉ាត់របស់កម្ពុជា មិនអនុញ្ញាតឱ្យមានវត្តមាន មូលដ្ឋានយោធាបរទេសណាមួយនៅលើទឹកដីកម្ពុជា ដូចដែលត្រូវបានហាមឃាត់ដោយរដ្ឋធម្មនុញ្ញ និងបានធានាអំពីតម្លាភាពក្នុងការប្រើប្រាស់កំពង់ផែនេះ ផងដែរ៕

ឯកអគ្គរដ្ឋទូតសហរដ្ឋអាមេរិកនិយាយថា រុស្ស៊ីមិនមែនជារដ្ឋគាំទ្រភេរវនិយមទេ

អាមេរិក៖ ឯកអគ្គរដ្ឋទូតអាមេរិកនៅតុលាការយុត្តិធម៌ឧក្រិដ្ឋកម្មសកល លោកស្រី Beth Van Schaack បានប្រាប់សន្និសីទសារព័ត៌មានកាលពីថ្ងៃអង្គារថា សហរដ្ឋអាមេរិកមិនអាចចាត់ទុករុស្ស៊ីជារដ្ឋគាំទ្រភេរវនិយមបានទេ ព្រោះវាមិនគ្រប់លក្ខណៈវិនិច្ឆ័យដែលពាក់ព័ន្ធ។ លោកស្រីបានអត្ថាធិប្បាយលើការផ្ដួចផ្ដើមស្រដៀងគ្នាមួយ រៀបចំដោយក្រុមអ្នកតំណាងរាស្ត្រសហភាពអឺរ៉ុប។ សភាសហភាពអឺរ៉ុបបានអនុម័តសេចក្ដីសម្រេចមួយដោយហៅរុស្ស៊ីថា ជារដ្ឋគាំទ្រភេរវកម្មកាលពីថ្ងៃពុធ ទី២៣ វិច្ឆិកាសប្ដាហ៍នេះ។ លោកស្រី Van Schaack បានប្រាប់ក្រុមអ្នកសារព័ត៌មានថា ការចាត់ទុកថាជារដ្ឋគាំទ្រភេរវនិយមនៅក្នុងច្បាប់របស់សហរដ្ឋអាមេរិកបញ្ជាក់ថា វាមិនគ្រប់គ្រាន់ល្មមសម្រាប់រុស្ស៊ីនៅឡើយទេ ដោយលោកស្រីបន្ថែមថា បច្ចុប្បន្នទីក្រុងវ៉ាស៊ីនតោនកំពុងស្វែងរកសកម្មភាពធំៗផ្សេងទៀត ដែលនឹងឈានទៅរកាដាក់ទណ្ឌកម្មធ្ងន់ធ្ងរបន្ថែមទៀតលើទីក្រុង Moscow។ យោងតាមលោកស្រី Van Schaack ការចាត់ទុកនេះមិនចាំបាច់ទេ ព្រោះសហរដ្ឋអាមេរិកកំពុងប្រើប្រាស់ទណ្ឌកម្មរបស់យើង ក្នុងកម្រិតធ្ងន់ធ្ងរបំផុតមិនគួរឲ្យជឿរួចទៅហើយ៕អត្ថបទ៖ សុខមាន

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ទទួលជួបពិភាក្សាការងារ ជាមួយ ប្រធានរដ្ឋសភាអាស៊ែបៃហ្សង់

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោកជំទាវ Sahiba Gafarova ប្រធានរដ្ឋសភា នៃសធារណរដ្ឋអាស៊ែបៃហ្សង់ នាព្រឹកថ្ងៃទី២៤ ខែវិច្ឆិកា ឆ្នាំ២០២២ នៅវិមានព្រឹទ្ធសភា ក្នុងឱកាសដែលលោកជំទាវប្រធានរដ្ឋសភាអាស៊ែបៃហ្សង់ ដឹកនាំគណៈប្រតិភូអញ្ជើញចូលរួមមហាសន្និបាតអាយប៉ាលើកទី៤៣ នៅព្រះរាជាណាចក្រកម្ពុជា៕

សភាអឺរ៉ុបប្រកាសចាត់ទុករុស្ស៊ីជា "រដ្ឋគាំទ្រភេរវនិយម"

អឺរ៉ុប៖ សភាអឺរ៉ុបបានប្រកាសចាត់ទុក្ខរុស្ស៊ីជារដ្ឋគាំទ្រភេរវនិយម ជុំវិញសកម្មភាពសាហាវព្រៃផ្សៃ និងអមនុស្សធម៌ក្នុងជម្លោះនៅអ៊ុយក្រែន និងលើប្រជាពលរដ្ឋរបស់ប្រទេសនេះចាប់តាំងពីចាប់ផ្ដើមការវាយលុក។ សមាជិកសភាអឺរ៉ុបបាននិយាយនៅក្នុងសេចក្ដីសម្រេចគ្មានចំណងផ្លូវច្បាប់ ប៉ុន្តែជាសេចក្ដីសម្រេចជានិមិត្តរូបថា ការវាយប្រហារដោយចេតនា និងអំពើឃោរឃៅប្រព្រឹត្តិឡើងដោយសហព័ន្ធរុស្ស៊ី ប្រឆាំងនឹងប្រជាជនស៊ីវិលអ៊ុយក្រែន ការបំផ្លិចបំផ្លាញហេដ្ឋារចនាសម្ព័ន្ធស៊ីវិល និងការរំលោភធ្ងន់ធ្ងរដទៃទៀតនៃសិទ្ធិមនុស្ស និងច្បាប់មនុស្សធម៌អន្តរជាតិគឺជាអំពើភេរវកម្មប្រឆាំងនឹងប្រជាជនអ៊ុយក្រែន និងជាឧក្រិដ្ឋកម្មសង្គ្រាម។ តាមការបញ្ជាក់ខាងលើ សភាអឺរ៉ុបទទួលស្គាល់រុស្ស៊ីជារដ្ឋគាំទ្រភេរវនិយម និងជារដ្ឋដែលប្រើមធ្យោបាយនានានៃភេរវកម្ម។សេចក្ដីសម្រេចដែលមានការប៉ះទង្គិចគ្នាដោយពាក្យសំដីដ៏ខ្លាំង ត្រូវបានអនុម័តយ៉ាងលើសលប់កាលពីរសៀលថ្ងៃពុធដោយមានសំឡេងគាំទ្រចំនួន ៤៩៤សំឡេងទល់នឹង ៥៨ និង ៤៤ អនុប្បវាទ ក្នុងអំឡុងពេលសម័យប្រជុំពេញអង្គប្រចាំខែនៅទីក្រុង Strasbourg ក្នុងប្រទេសបែលហ្ស៊ិក។ អត្ថបទនេះបានបែងចែកជាសេចក្ដីសម្រេចចំនួន ៣ផ្សេងៗគ្នាដាក់ជូនដោយគណបក្សប្រជាជនរបស់អឺរ៉ុប (EPP) ក្រុមអឺរ៉ុបថ្មី និងអភិរក្សអឺរ៉ុប និងអ្នកកំណែទម្រង់និយមហៅកាត់ថា (ECR)៕ អត្ថបទ៖ សុខមាន

ប្រមុខ UN៖ វោហារសាស្ត្រគ្រោះថ្នាក់នឹងបង្កើតភាពតានតឹងនៅក្នុងចំណោមគូប្រជែងមហាអំណាចនុយក្លេអ៊ែរ

UN៖ ប្រមុខអង្គការសហប្រជាជាតិ (UN) លោក Antonio Guterres បានព្រមានកាលពីថ្ងៃអង្គារថា វោហារសាស្ត្រគ្រោះថ្នាក់នឹងបង្កើតឲ្យមានភាពតានតឹង នៅក្នុងចំណោមគូប្រជែងមហាអំណាចនុយក្លេអ៊ែរ។ លោក Guterres បាននិយាយប្រាប់សន្និសីទសារព័ត៌មាននៅប្រទេសម៉ារ៉ុកថា កំណើនការបែងចែកកំពុងគំរាមកំហែងដល់សន្តិភាព និងសន្តិសុខសកលលោកបង្កឲ្យមានការប្រឈមថ្មី និងធ្វើឲ្យវាកាន់តែពិបាកជាងមុនក្នុងការដោះស្រាយជម្លោះ។ អគ្គលេខាធិការរូបនេះបានព្រមានថា វោហារសាស្ត្រគ្រោះថ្នាក់នឹងបង្កើតឲ្យមានភាពតានតឹងនុយក្លេអ៊ែរ។ ក្នុងពេលតែមួយ ពួកយើងខិតកាន់តែជិតមាត់ជ្រោះដ៏គ្រោះថ្នាក់ទៅក្នុងវិបត្តិអាកាសធាតុ ខណៈដែលពាក្យសំអប់ និងព័ត៌មានមិនពិតកំពុងរីកសាយភាយខ្លាំង។ លោក Guterres បានថ្លែងបែបនេះ ខណៈដែលសង្គ្រាមរុស្ស៊ីនៅអ៊ុយក្រែនជិតឈានដល់ខែទី១០ ដោយគ្មានសញ្ញាណាមួយនៃការបញ្ចប់ ធ្វើឲ្យកើតមានក្តីកង្វល់ដល់សង្គ្រាមនុយក្លេអ៊ែរ។លោកបន្តថា កម្លាំងនៃការពុំចុះសម្រុងគ្នាកំពុងតែដាស់អារក្សចាស់ ដែលរួមទាំងការប្រឆាំងនឹងជនជាតិយូដា និងសាសនាអ៊ីស្លាមនិយម។ នៅក្នុងពិភពលោកពោរពេញដោយបញ្ហានេះ ពួកយើងត្រូវតែបញ្ឈប់ភាពតានតឹង ជំរុញការរួបរួមសង្គម និងនាំមកនូវសង្គមរឹងមាំកាន់តែខ្លាំងជាងមុន។ សូមបញ្ជាក់ថា លោក Guterres បានថ្លែងសុន្ទរកថានៅជំនួបរបស់សម្ព័ន្ធអរិយធម៌អង្គការសហប្រជាជាតិ ដែលមានគោលដៅបង្កើនវិធានការអន្តរជាតិប្រឆាំងនឹងភាពជ្រុលនិយម និងជាកិច្ចប្រជុំលើកដំបូងគេធ្វើឡើងលើទឹកដីអាហ្វ្រិក៕អត្ថបទ៖ សុខមាន

សម្តេចពិជ័យសេនា ទៀ បាញ់ ធ្វើសន្និសីទសារព័ត៌មានស្តីពីលទ្ធផលនៃកិច្ចប្រជុំរដ្ឋមន្រ្តីការពារជាតិអាស៊ាន

សៀមរាប៖ នៅរសៀលថ្ងៃទី២៣ ខែវិច្ឆិកា ឆ្នាំ២០២២នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ បានធ្វើសន្និសីទសារព័ត៌មានស្តីពីលទ្ធផលនៃកិច្ចប្រជុំរដ្ឋមន្រ្តីការពារជាតិអាស៊ាន។គួរបញ្ជាក់ថា ក្រសួងការពារជាតិនៃព្រះរាជាណាចក្រកម្ពុជា បានធ្វើជាម្ចាស់ផ្ទះរៀបចំកិច្ចប្រជុំចង្អៀតរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធ នៅខេត្តសៀមរាប ។ជាប្រធានអាស៊ានប្តូវេន សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានទទួលស្វាគមន៍ និងជំនួបទ្វេរភាគី ជាមួយរដ្ឋមន្រ្តីការពារជាតិអាស៊ាន និងអគ្គលេខាធិការអាស៊ាន ដែលបានអញ្ជើញមកចូលរួមប្រជុំចង្អៀតរដ្ឋមន្រ្តីការពារជាតិអាស៊ាន និងប្រជុំរដ្ឋមន្រ្តីការពារជាតិអាស៊ាន-បូក នៅសណ្ឋាគារសុខាសៀមរាប។ ព័ត៌មានលម្អិត BTV នឹងផ្សាយជូននាពេលបន្តបន្ទាប់៕

មនុស្ស ១០នាក់ស្លាប់ក្នុងការបាញ់ប្រហារនៅហាងលក់ទំនិញ Walmart រដ្ឋ Virginia សហរដ្ឋអាមេរិក

អាមេរិក៖ នគរបាលនិយាយថា ខ្មាន់កាំភ្លើងម្នាក់បានបាញ់សម្លាប់មនុស្ស ១០នាក់នៅក្នុងហាងលក់ទំនិញ Walmart ក្នុងទីក្រុង Chesapeake រដ្ឋ Virginia សហរដ្ឋអាមេរិក។ របាយការណ៍នានានិយាយថា បុរសម្នាក់ដែលជាអ្នកគ្រប់គ្រងហាងបានបើកការបាញ់ប្រហារ ក្រោយមកបានបាញ់សម្លាប់ខ្លួនឯងតែម្ដង ប៉ុន្មានថ្ងៃប៉ុណ្ណោះមុនពេលពិធីបុណ្យ Thanksgiving ចូលមកដល់។ ទីក្រុង Chesapeake បានសរសេរលើបណ្ដាញសង្គម Twitter ថា នគរបាលបានបញ្ជាក់ពីឧបទ្ទវហេតុការបាញ់ប្រហារដ៏សកម្ម បណ្ដាលឲ្យមនុស្សជាច្រើននាក់ស្លាប់នៅហាងលក់ទំនិញ Walmart។មានព័ត៌មានលម្អិតតិចតួចប៉ុណ្ណោះ ប៉ុន្តែមន្ត្រីនគរបាលម្នាក់បាននិយាយថា អ្នកស្លាប់តិចជាង ១០នាក់ និងជាច្រើននាក់រងរបួស។ ពុំមានការបញ្ជាក់ភ្លាមៗទេពីមូលហេតុពីក្រោយការបាញ់ប្រហារ នៅក្នុងទីក្រុងឆ្នេរសមុទ្រភាគខាងកើតសហរដ្ឋអាមេរិក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

AIPA សម្រេចអនុម័តឲ្យអាមេរិក និងប្រទេសមួយចំនួនទៀតក្លាយជាសភាសង្កេតការណ៍ពេញសិទ្ធិ

ប្រតិបត្តិការស្វែងរកអ្នករួចជីវិតពីគ្រោះរញ្ជួយដីនៅឥណ្ឌូនេស៊ីនៅតែបន្ត ខណៈអ្នកស្លាប់កើនឡើងដល់ ២៧១នាក់

សម្តេចតេជោ ហ៊ុន សែន ៖កម្ពុជាមិនអនុញ្ញាតឱ្យមានវត្តមាន មូលដ្ឋានយោធាបរទេសណាមួយនៅលើទឹកដីកម្ពុជាទេ

ឯកអគ្គរដ្ឋទូតសហរដ្ឋអាមេរិកនិយាយថា រុស្ស៊ីមិនមែនជារដ្ឋគាំទ្រភេរវនិយមទេ

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ទទួលជួបពិភាក្សាការងារ ជាមួយ ប្រធានរដ្ឋសភាអាស៊ែបៃហ្សង់

សភាអឺរ៉ុបប្រកាសចាត់ទុករុស្ស៊ីជា "រដ្ឋគាំទ្រភេរវនិយម"

ប្រមុខ UN៖ វោហារសាស្ត្រគ្រោះថ្នាក់នឹងបង្កើតភាពតានតឹងនៅក្នុងចំណោមគូប្រជែងមហាអំណាចនុយក្លេអ៊ែរ

សម្តេចពិជ័យសេនា ទៀ បាញ់ ធ្វើសន្និសីទសារព័ត៌មានស្តីពីលទ្ធផលនៃកិច្ចប្រជុំរដ្ឋមន្រ្តីការពារជាតិអាស៊ាន

មនុស្ស ១០នាក់ស្លាប់ក្នុងការបាញ់ប្រហារនៅហាងលក់ទំនិញ Walmart រដ្ឋ Virginia សហរដ្ឋអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

AIPA សម្រេចអនុម័តឲ្យអាមេរិក និងប្រទេសមួយចំនួនទៀតក្លាយជាសភាសង្កេតការណ៍ពេញសិទ្ធិ

សម្តេចតេជោ ហ៊ុន សែន ៖កម្ពុជាមិនអនុញ្ញាតឱ្យមានវត្តមាន មូលដ្ឋានយោធាបរទេសណាមួយនៅលើទឹកដីកម្ពុជាទេ

ឯកអគ្គរដ្ឋទូត​សហរដ្ឋអាមេរិក​និយាយ​ថា រុស្ស៊ី​មិនមែន​ជា​រដ្ឋ​គាំទ្រ​ភេរវ​និយម​ទេ​

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ទទួលជួបពិភាក្សាការងារ ជាមួយ ប្រធានរដ្ឋសភាអាស៊ែបៃហ្សង់

សភា​អឺរ៉ុប​ប្រកាស​ចាត់ទុក​រុស្ស៊ីជា ​"​រដ្ឋ​គាំទ្រ​ភេរវ​និយម​"

ប្រមុខ UN៖ វោហារសាស្ត្រ​គ្រោះថ្នាក់​នឹង​បង្កើត​ភាព​តានតឹង​នៅក្នុង​ចំណោម​គូប្រជែង​មហាអំណាច​នុយក្លេអ៊ែរ

សម្តេចពិជ័យសេនា ទៀ បាញ់ ធ្វើសន្និសីទសារព័ត៌មានស្តីពីលទ្ធផលនៃកិច្ចប្រជុំរដ្ឋមន្រ្តីការពារជាតិអាស៊ាន

មនុស្ស ​១០​នាក់​ស្លាប់​ក្នុងការ​បាញ់ប្រហារ​នៅ​ហាង​លក់ទំនិញ Walmart រដ្ឋ Virginia សហរដ្ឋអាមេរិក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកអគ្គរដ្ឋទូតសហរដ្ឋអាមេរិកនិយាយថា រុស្ស៊ីមិនមែនជារដ្ឋគាំទ្រភេរវនិយមទេ

សភាអឺរ៉ុបប្រកាសចាត់ទុករុស្ស៊ីជា "រដ្ឋគាំទ្រភេរវនិយម"

ប្រមុខ UN៖ វោហារសាស្ត្រគ្រោះថ្នាក់នឹងបង្កើតភាពតានតឹងនៅក្នុងចំណោមគូប្រជែងមហាអំណាចនុយក្លេអ៊ែរ

មនុស្ស ១០នាក់ស្លាប់ក្នុងការបាញ់ប្រហារនៅហាងលក់ទំនិញ Walmart រដ្ឋ Virginia សហរដ្ឋអាមេរិក