BTV NEWS

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

កិច្ចប្រជុំ ACCSM និង ACCSM+3 ជំរុញនវានុវត្តន៍ការផ្ដល់សេវាសាធារណៈកាន់តែប្រសើរនៅក្នុងតំបន់

ព័ត៌មានសំខាន់ៗ

ជនស៊ីវិល ៥នាក់ស្លាប់ និង ៥នាក់រងរបួសក្នុងការវាយប្រហារដោយគ្រាប់រ៉ុក្កែតលើក្រុង Azaz ប្រទេសស៊ីរី

ស៊ីរី៖ គិលានុបដ្ឋាយិកានៅមន្ទីរពេទ្យក្នុងតំបន់ និងសកម្មជនបានិយាយថា ការវាយប្រហារដោយគ្រាប់រ៉ុក្កែតទៅលើទីក្រុង Azaz ភាគពាយ័ព្យប្រទេសស៊ីរីដែលគ្រប់គ្រងដោយក្រុមឧទ្ទាម បណ្តាលឲ្យជនស៊ីវិល ៥នាក់ស្លាប់ និងរងរបួស ៥នាក់ផ្សេងទៀតកាលពីថ្ងៃអង្គារ។ អ្នកស្លាប់រួមមានកុមារម្នាក់ និងបុរស ៤នាក់។ ទីភ្នាក់ងារសារព័ត៌មាន Reuters មិនអាចបញ្ជាក់បានភ្លាមៗពីប្រភពនៃការវាយប្រហារដោយគ្រាប់រ៉ុក្កែត ដែលបានកើតឡើងនៅក្នុងតំបន់ក្បែរព្រំដែនប្រទេសទួរគី ស្ថិតនៅក្រោមការគ្រប់គ្រងរបស់ក្រុមឧទ្ទាមអ៊ីស្លាមនិយមគាំទ្រដោយទួរគីនោះទេ។ វីដេអូដែលបង្ហោះតាមបណ្តាញអ៊ីនធឺណិតបានបង្ហាញ មនុស្សជាច្រើនបានប្រមូលផ្តុំគ្នានៅជុំវិញគំនរបាក់បែកនៅតាមផ្លូវក្នុងទីក្រុង ខណៈសំឡេងស៊ីរ៉ែនរថយន្តសង្គ្រោះបន្ទាន់ប្រញាប់ប្រញាលជួយសង្គ្រោះអ្នករងរបួស។ ឧប្បត្តិហេតុនេះកើតឡើង បន្ទាប់ពីការវាយប្រហារដោយយានដ្រូន និងយន្តហោះចម្បាំងរបស់ទួរគីលើកងជីវពលអង្គភាពការពារប្រជាជនឃឺដ (YPG) នៅប្រទេសស៊ីរីក្នុងរយៈពេលប៉ុន្មានថ្ងៃចុងក្រោយនេះ ខណៈប្រទេសទួរគី និងអង្គភាព YPG បង្កើនការវាយប្រហារសងសឹក ដែលបានបណ្តាលឲ្យជនស៊ីវិលស្លាប់នៅព្រំដែនទាំងសងខាង។ប្រទេសទួរគីបាននិយាយថា យន្តហោះចម្បាំងរបស់ខ្លួនបានបំផ្លាញគោលដៅចំនួន ៨៩កន្លែងនៅក្នុងប្រទេសស៊ីរី និងអ៊ីរ៉ាក់ ដោយក្រុមសកម្មប្រយុទ្ធចំនួន ១៨៤នាក់ត្រូវបានសម្លាប់នៅក្នុងប្រតិបត្តិការវាយប្រហារទៅលើអង្គភាពYPG និងគណបក្សពលករឃឺដ (PKK) កាលពីថ្ងៃអាទិត្យ និងថ្ងៃចន្ទ។ ទីក្រុងអង់ការ៉ានិយាយថា ប្រតិបត្តិការកាលពីចុងសប្តាហ៍របស់ខ្លួនគឺជាការសងសឹក ចំពោះការវាយប្រហារដោយការបំផ្ទុះគ្រាប់បែកនៅទីក្រុងអ៊ីស្តង់ប៊ុលកាលពីសប្តាហ៍មុន បណ្តាលឲ្យមនុស្ស ៦នាក់ស្លាប់ ជាអ្វីដែលអាជ្ញាធរបានដាក់កំហុសទៅលើក្រុមសកម្មប្រយុទ្ធ។ ប៉ុន្តែគ្មានក្រុមណាមួយបានអះអាងទទួលខុសត្រូវនោះទេ ហើយគណបក្សពលករឃឺដ (PKK) និងកងកម្លាំងប្រជាធិបតេយ្យស៊ីរី (SDF) បានបដិសេធការជាប់ពាក់ព័ន្ធក្នុងការបំផ្ទុះនេះ៕អត្ថបទ៖ ប៊ុនថន

មនុស្ស ៣៥នាក់រងរបួសក្នុងការរញ្ជួយដីដ៏ខ្លាំងក្លាកម្រិត ៦រ៉ិចទ័រអង្រួនប្រទេសទួរគីភាគខាងលិច

ទួរគី៖ ការរញ្ជួយដីកម្រិត ៦រ៉ិចទ័របានវាយប្រហារតំបន់មួយ នៃប្រទេសទួរគីភាគខាងលិចជិតទីប្រជុំជន Duzce ប្រមាណ ២១០គីឡូម៉ែត្រភាគខាងកើតទីក្រុងធំបំផុត Istanbul របស់ប្រទេសទួរគី បណ្ដាលឲ្យមនុស្ស ៣៥នាក់រងរបួស។ ការរញ្ជួយដីនេះបានកើតឡើងនៅម៉ោង ៤:០៨នាទីព្រឹកថ្ងៃពុធម៉ោងនៅទួរគី។ សារព័ត៌មាននានាបានរាយការណ៍ថា កម្លាំងរញ្ជួយខ្លាំងល្មមធ្វើឲ្យអង្រួននៅក្នុងរដ្ឋធានី Ankara និងទីក្រុង Istanbul។ នៅពុំមានសេចក្ដីរាយការណ៍ស្ដីពីការខូចខាតនៅឡើយទេ។ តាមការប៉ាន់ប្រមាណជម្រៅនៃការរញ្ជួយនេះចាប់ពី ២គីឡូម៉ែត្រទៅ ១០គីឡូម៉ែត្រ។ មានសេចក្ដីរាយការណ៍ជាច្រើនបង្ហាញពីការរំខានក្នុងតំបន់ ព្រមទាំងមានប្រជាពលរដ្ឋមួយចំនួនបានលោតចេញពីរានហាលមុខផ្ទះ។ប៉ុន្តែរដ្ឋមន្ត្រីក្រសួងមហាផ្ទៃទួរគីលោក Suleyman Soylu បាននិយាយថា ពុំមានព័ត៌មានបញ្ជាក់ពីការបាត់បង់អាយុជីវិតមនុស្សនោះទេ។ ទីប្រជុំជន Duzce ធ្លាប់បានរងការវាយប្រហារដោយគ្រោះរញ្ជួយដីដ៏ខ្លាំងក្លាកម្រិត ៧.២រ៉ិចទ័រកាលពីឆ្នាំ១៩៩៩ សម្លាប់មនុស្សយ៉ាងហោចណាស់ ៨៤៥នាក់។ ការរញ្ជួយនេះកើតឡើង ក្រោយការរញ្ជួយដីដ៏ធំកាលពីប៉ុន្មានឆ្នាំកន្លងទៅនៅទីក្រុង Izmit ស្ថិតនៅចម្ងាយ ១០០គីឡូម៉ែត្រភាគខាងលិចដែលបានសម្លាប់មនុស្សជាង ១៧.០០០នាក់ និងបណ្ដាលឲ្យអគារជាច្រើនក្នុងតំបន់នេះរងការខូចខាត៕អត្ថបទ៖ សុខមាន

ក្រុងមូស្គូបង្កើនការប្រុងប្រយ័ត្នខ្ពស់ បន្ទាប់ពីតំបន់គ្រីម៉េត្រូវរងការវាយប្រហារដោយយានដ្រូន

រុស្ស៊ី៖ ក្រុមអាជ្ញាធរលើកបន្តុបដោយវិមានក្រឹមឡាំងបាននិយាយថា ឧបទ្វីបគ្រីម៉េ (Crimea) ដែលបានដាក់បញ្ចូលជាឧបសម្ព័ន្ធរបស់រុស្ស៊ីត្រូវបានដាក់គោលដៅដោយយានដ្រូនវាយប្រហារកាលពីថ្ងៃអង្គារ ដោយបន្ថែមថា កងកម្លាំងរបស់ទីក្រុងមូស្គូនៅទីនោះបានបង្កើនការប្រុងប្រយ័ត្នខ្ពស់។ ការវាយប្រហារនេះបានកើតឡើង ខណៈអ៊ុយក្រែនអះអាងជ័យជម្នះនៃការដណ្ដើមទឹកដីយកមកវិញមួយផ្សេងទៀត និងត្រឹមតែប៉ុន្មានថ្ងៃប៉ុណ្ណោះ បន្ទាប់ពីទីក្រុងមូស្គូនិយាយថា ខ្លួនកំពុងពង្រឹងកម្លាំងរបស់ខ្លួននៅឧបទ្វីបគ្រីម៉េ។ លោក Mikhail Razvozhayev អភិបាលនៃតំបន់រដ្ឋបាល Sevastopol ក្នុងឧបទ្វីបគ្រីម៉េបាននិយាយនៅលើបណ្ដាញ Telegram ថា មានការវាយប្រហារដោយយានដ្រូន តែពុំមានហេដ្ឋារចនាសម្ព័ន្ធស៊ីវិលណាមួយត្រូវបានរងការខូចខាតទេ និងបានអំពាវនាវឲ្យពលរដ្ឋរក្សាភាពស្ងៀមស្ងាត់។លោកថា ប៉ុន្តែក្នុងពេលប៉ុន្មានខែថ្មីៗនេះ កងកម្លាំងអ៊ុយក្រែនបានកំពុងវាយបកសន្ធាប់ខ្លាំងក្នុងតំបន់ភាគខាងត្បូងឆ្ពោះមកកាន់ឧបទ្វីបនេះ ហើយកាលពីដើមខែនេះពួកគេបានដណ្ដើមយកត្រឡប់ទៅវិញនូវទីក្រុង Kherson ដែលមានព្រំដែនជាប់ឧបទ្វីបគ្រីម៉េ។ លោកថា កងកម្លាំងរបស់ពួកលោកកំពុងទប់ទល់ធានាសន្តិសុខដល់ពលរដ្ឋ នៅឧបទ្វីបគ្រីម៉េទាំងមូល៕អត្ថបទ៖ សុខមាន

អ៊ីរ៉ង់បង្កើនការចម្រាញ់សារធាតុអ៊ុយរ៉ានីញ៉ូម ឆ្លើយតបទៅនឹងសេចក្ដីសម្រេចរបស់ IAEA

អ៊ីរ៉ង់៖ ទីភ្នាក់ងារថាមពលអាតូមិកអន្តរជាតិហៅកាត់ថា IAEA បាននិយាយថា អ៊ីរ៉ង់បានបង្កើនការចម្រាញ់សារធាតុអ៊ុយរ៉ានីញ៉ូម និងការប្រើប្រាស់ម៉ាស៊ីនសែនធីផ្យូចដ៏ទំនើបនៅទីតាំងរោងចក្រនុយក្លេអ៊ែរ ២កន្លែង ឆ្លើយតបទៅនឹងសេចក្ដីសម្រេចរងការរិះគន់យ៉ាងខ្លាំងដែលបានអនុម័តប្រឆាំងអ៊ីរ៉ង់ នៅទីភ្នាក់ងារឃ្លាំមើលនុយក្លេអ៊ែរពិភពលោក។ សារព័ត៌មានរដ្ឋបានបញ្ជាក់កាលពីថ្ងៃអង្គារថា អ៊ីរ៉ង់បានបង្កើនការចម្រាញ់សារធាតុអ៊ុយរ៉ានីញ៉ូមរបស់ខ្លួននៅរោងចក្រនុយក្លេអ៊ែរ Fordow រហូតដល់ ៦០% ជាការបញ្ចេញប្រតិកម្មតបទៅនឹងសេក្ដីសម្រេចដែលបានអនុម័ត ដោយក្រុមប្រឹក្សាភិបាលរបស់ទីភ្នាក់ងារថាមពលអាតូមិកអន្តរជាតិកាលពីថ្ងៃព្រហស្បតិ៍កន្លងទៅ។ របាយការណ៍នានានិយាយថា អ៊ីរ៉ង់ក៏បានផ្គត់ផ្គង់ឧស្ម័នដល់ម៉ាស៊ីនសែនធីផ្យូចនានានៅរោងចក្រនុយក្លេអ៊ែរ Natanz ក្នុងខេត្ត Isfahan ផងដែរដែលជាផ្នែកមួយនៃដំណើរការចម្រាញ់សារធាតុអ៊ុយរ៉ានីញ៉ូម។ដំបូងឡើយអ៊ីរ៉ង់បានបង្កើនសមត្ថភាពចម្រាញ់សារធាតុអ៊ុយរ៉ានីញ៉ូមដល់ ៦០% នៅរោងចក្រនុយក្លេអ៊ែរ Natanz កាលពីខែមេសា ឆ្នាំ២០២១ បន្ទាប់ពីមានការវាយប្រហារមួយលើរោងចក្រនេះ ដែលបានដាក់ការស្ដីបន្ទោសលើប្រទេសអ៊ីស្រាអែល។ ចាប់តាំងពីពេលនោះមកអ៊ីរ៉ង់បានបន្ថែមម៉ាស៊ីនទំនើបនៅទីនោះ ដែលអនុញ្ញាតឲ្យចម្រាញ់បានកាន់តែលឿន និងងាយស្រួលក្នុងការផ្លាស់ប្ដូររវាងកម្រិតចម្រាញ់៕អត្ថបទ៖ សុខមាន

អ្នកនៅរស់រានមានជីវិតពីគ្រោះរញ្ជួយដីនៅឥណ្ឌូនេស៊ីខ្វះទឹក និងអាហារ ខណៈលោក Widodo សន្យាផ្ដល់សំណងប៉ះប៉ូវការខូចខាត

ឥណ្ឌូនេស៊ី៖ ក្រុមអ្នកនៅរស់រានមានជីវិតពីគ្រោះរញ្ជួយដីកម្រិត ៥.៦រ៉ិចទ័រកាលពីរសៀលថ្ងៃចន្ទ ទី២១ វិច្ឆិកា ដែលបានផ្ដាច់ជីវិតមនុស្សរាប់រយនាក់នៅក្នុងខេត្តជ្វាខាងលិចបាននិយាយថា ពួកគេត្រូវការទឹកស្អាត និងស្បៀងអាហារជាចាំបាច់ ខណៈក្រុមអ្នកសង្គ្រោះព្យាយាមទៅដល់អ្នកបានរួចជីវិតជាប់ក្រោមគំនរកម្ទេចថ្ម ស្របពេលមានរលករញ្ជួយបន្តបន្ទាប់។លោកប្រធានាធិបតី Joko Widodo បានធ្វើដំណើរទៅកាន់ទីប្រជុំជន Cianjur កាលពីថ្ងៃអង្គារដើម្បីលើកទឹកចិត្តក្រុមអ្នកជួយសង្គ្រោះ ហើយលោកថា រដ្ឋាភិបាលនឹងផ្ដល់សំណងប៉ះប៉ូវការខូចខាតដល់ជនរងគ្រោះ និងក្រុមគ្រួសាររបស់ពួកគេ។ លោកបានសន្យាថា រដ្ឋាភិបាលនឹងផ្ដល់ប្រាក់ ៣,២០០ដុល្លារអាមេរិកដល់ពលរដ្ឋម្នាក់ៗ ដែលលំនៅឋានរបស់ពួកគេត្រូវបានបំផ្លិចបំផ្លាញដោយការរញ្ជួយដី។លោកប្រធានាធិបតីរូបនេះបានសម្ដែងភាពក្រៀមក្រមចូលរួមរំលែកទុក្ខ និងបាននិយាយថា ខ្ញុំបានបញ្ជាដល់រដ្ឋាភិបាលពាក់ព័ន្ធគ្រប់ជាន់ថ្នាក់ទាំងអស់ឲ្យធ្វើការរួមគ្នាជួយដោះស្រាយ ក្រោយគ្រោះមហន្តរាយរញ្ជួយដីនេះ។ ទីភ្នាក់ងារសម្រាលបន្ទុកគ្រោះមហន្តរាយធម្មជាតិ បានប្រាប់ក្រុមអ្នកសារព័ត៌មានថា មនុស្សជាង ១.០០០នាក់បានរងរបួស និង ៥៨.០០០នាក់ជម្លៀសចេញពីលំនៅឋាន ព្រមទាំងផ្ទះសម្បែងជាង ២២.០០០ខ្នងត្រូវបានខូចខាត៕អត្ថបទ៖ សុខមាន

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

សៀមរាប៖ សម្តេចពិជ័យសេនា ទៀ បាញ់ រដ្ឋមន្រ្តីក្រសួងការពារជាតិកម្ពុជា បានដឹកនាំកិច្ចប្រជុំរដ្ឋមន្ត្រីការពារជាតិអាស៊ាន-បូក លេីកទី៩ នៅព្រឹកថ្ងៃទី ២៣ ខែវិច្ឆិកា ឆ្នាំ២០២២នេះ នៅសណ្ឋាគារសុខា ខេត្តសៀមរាប។ កិច្ចប្រជុំនេះ ពិភាក្សាគ្នាផ្តោតលើបញ្ហាសន្តិសុខតំបន់ និងសកល ជាពិសេសការលេីកកម្ពស់យន្តការពហុភាគីនិយមក្នុងវិស័យការពារជាតិ។

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

ឥណ្ឌូនេស៊ី៖ ជនរងគ្រោះក្មេងៗនៃគ្រោះរញ្ជួយដីក្នុងខេត្តជ្វាខាងលិចរបស់ប្រទេសឥណ្ឌូនេស៊ី កំពុងត្រូវបានសម្រាកព្យាបាលនៅមន្ទីរមួយកាលពីថ្ងៃអង្គារ មួយថ្ងៃក្រោយគ្រោះរញ្ជួយដីឆក់យកជីវិតមនុស្សយ៉ាងហោចណាស់ ២៦៨នាក់ក្នុងខេត្តដ៏ពេញនិយមបំផុតរបស់ប្រទេសនេះ។ ការរញ្ជួយដីកម្រិត ៥.៦រ៉ិចទ័របានវាយប្រហារប្រទេសឥណ្ឌូនេស៊ីកាលពីរសៀលថ្ងៃចន្ទ ទី២១ វិច្ឆិកា បណ្ដាលឲ្យខូចខាតធ្ងន់ធ្ងរលើទីប្រជុំជន Cianjur នៅចម្ងាយ ៧៥គីឡូម៉ែត្រភាគអាគ្នេយ៍រដ្ឋធានីចាកាតា។ កំពុងអង្គុយនៅក្នុងមន្ទីរពេទ្យក្បែរកូនស្រីរបស់ខ្លួនអ្នកស្រី Siti Fatimah បាននិយាយថា នៅពេលខ្ញុំប្រាប់កូនស្រីរបស់ខ្ញុំ Fitri ឲ្យទៅលាងដៃពេលទទួលទាហានអាហាររួច ហើយពេលកូនស្រីរបស់ខ្ញុំកំពុងដើរទៅបន្ទប់ទឹក ប៉ុន្មាននាទីក្រោយមកក៏រញ្ជួយដីបានកើតឡើង ហើយខ្លាំងទៀតផង។ជញ្ជាំងផ្ទះបានបាក់ធ្លាក់សង្កត់ត្រឹម ក កូនស្រី ខ្ញុំឃើញតែក្បាលប៉ុណ្ណោះ ហើយទឹកក្ដៅក្នុងបំពង់បានកំពុបលើខ្លួន និងជើងធ្វើឲ្យរលាកដោយសារតែជញ្ជាំងរលំលើ។ កិច្ចខិតខំប្រឹងប្រែងជួយសង្គ្រោះមានភាពស្មុគស្មាញ ដោយសារការដាច់ចរន្តអគ្គិសនីនៅក្នុងតំបន់មួយចំនួន និងមានរលករញ្ជួយចំនួន ១៤៥លើក ដែលក្រុមមន្ត្រីបានចេញការព្រមានថា អាចនឹងមានបំណាក់ដីបន្ថែមទៀតក្នុងពេលប៉ុន្មានសប្ដាហ៍ខាងមុខ៕ អត្ថបទ៖ សុខមាន

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានថ្លែងថា ដើម្បីឲ្យក្នុងតំបន់អាស៊ាន មានសន្តិសុខប្រកបដោយភាពសុខ ដុម ប្រទេសជាសមាជិកទាំងអស់ ត្រូវពង្រឹងនូវកិច្ចសហប្រតិបត្តិការសន្តិសុខ និងការពារជាតិ ដែលផ្អែកលើការជឿទុកចិត្ត និងប្រជាជនជាស្នូល ។ក្នុងឱកាសអញ្ជើញជាអធិបតី បើកកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៩ ( 9th ADMM-Plus) សម្ដេចតេជោនាយករដ្ឋមន្ត្រី មានប្រសាសន៍ថា មូលបទកិច្ចប្រជុំឆ្នាំនេះ គឺផ្ដោតសំខាន់ទៅលើសន្តិសុខប្រកបដោយភាពសុខដុម ដែលនេះជាគំនិតថ្មីមួយ សម្រាប់តំបន់នេះ ដោយយើងត្រូវទទួលស្គាល់ និងរំលេចអំពីសារសំខាន នៃការអាស្រ័យគ្នាទៅវិញទៅមក សម្រាប់សន្តិភាព និងស្ថិរភាព ។សម្ដេចតេជោ បានបន្តថា ជាការកត់សម្គាល់ ភាពផ្សារភ្ជាប់ ការអាស្រ័យគ្នាទៅវិញទៅមក និងសន្តិសុខប្រកបដោយកិច្ចសហប្រតិបត្តិការ បានក្លាយជាមូលដ្ឋានគ្រឹះនៃសន្តិភាព និងស្ថិរភាពនៅក្នុងតំបន់អាស៊ី-ប៉ាស៊ីហ្វិក ។ប្រធានអាស៊ានឆ្នាំ២០២២ បានសង្កត់ធ្ងន់ថា ទំនាក់ទំនង និងកិច្ចពិភាក្សាគ្នា ដោយបើកចំហ ស្មោះត្រង់ និងប្រកបដោយបរិយាបន្ន គឺជាមាគ៌ាឆ្ពោះទៅរកការបំបាត់ភាពតានតឹង ការបង្ការជម្លោះនាពេលអនាគត និងការកសាង “សន្តិសុខប្រកបដោយភាពសុខដុម” ដោយផ្អែកលើការគោរពគ្នា ការយោគយល់គ្នា ការជឿទុកចិត្តគ្នា និងការគោរពប្រយោជន៍គ្នាទៅវិញទៅមក ដោយយើងត្រូវរួមគ្នាដោះស្រាយបញ្ហាប្រឈម នៃសន្តិសុខជាប្រពៃណី និងមិនមែនជាប្រពៃណីរបស់យើង៕ អត្ថបទ៖ បាន សុខរិទ្ធិ

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត

ឥណ្ឌូនេស៊ី៖ ក្រុមអ្នកជួយសង្គ្រោះនៅក្នុងប្រទេសឥណ្ឌូនេស៊ីកំពុងធ្វើការរហូតដល់យប់ទី២ ដើម្បីព្យាយាមស្វែងរកអ្នកនៅរស់រានមានជីវិតដែលបានជាប់ក្រោមកម្ទេចថ្ម ក្រោយគ្រោះរញ្ជួយដីក្នុងខេត្តជ្វាខាងលិច។ ក្រុមមន្ត្រីបានកំណត់ចំនួនអ្នកស្លាប់សរុបឡើងដល់ ២៦៨នាក់ភាគច្រើននៃជនរងគ្រោះជាកុមារ និង ១៥១នាក់នៅតែបន្តបាត់ខ្លួន ព្រមទាំងជាង ១.០០០នាក់បានរងរបួស។ ផ្លូវដែលរងការខូចខាត និងការប៉ះពាល់ដ៏ធំធេងកំពុងបង្កការលំបាកក្នុងការចូលទៅជួយសង្គ្រោះជនរងគ្រោះ។ ទីភ្នាក់ងារសម្រាលគ្រោះមហន្តរាយជាតិបាននិយាយថា លំនៅឋានចំនួន ២២.០០០ខ្នងត្រូវបានបំផ្លាញ និងមនុស្សជាង ៥៨.០០០នាក់ត្រូវបានបញ្ជូនទៅកាន់ជម្រកបណ្ដោះអាសន្នក្នុងទីតាំងមួយចំនួននៅតំបន់នោះ។គ្រោះរញ្ជួយដីកម្រិត ៥.៦រ៉ិចទ័របានអង្រួនតំបន់ភ្នំកាលពីថ្ងៃចន្ទ បណ្ដាលឲ្យមានបំណាក់ដីគ្របសង្កតភូមិឋាននានាទាំងមូលជិតទីប្រជុំជន Cianjur របស់ខេត្តជ្វាខាងលិច។ អ្នកតំណាងទីភ្នាក់ងារជាតិស្វែងរក និងជួយសង្គ្រោះក៏បានបញ្ជាក់ផងដែរថា ភាគច្រើននៃអ្នកស្លាប់គឺជាក្មេងៗ ព្រោះនៅម៉ោង ១រសៀលក្មេងៗទាំងនោះនៅសាលារៀននៅឡើយ៕អត្ថបទ៖ សុខមាន

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាស៊ានឆ្នាំ២០២២ បានចែករំលែកនូវបទពិសោធន៍សង្ខេបចំនួន ៣ចំណុច នៅក្នុងកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៩ ( 9th ADMM-Plus) អំពីដំណើរការសន្តិភាពនៅក្នុងប្រទេសកម្ពុជា ។ ក្នុងឱកាសអញ្ជើញបើកកិច្ចប្រជុំ ADMM-Plus នៅថ្ងៃទី២៣ ខែវិច្ឆិកា ឆ្នាំ២០២២ នាខេត្តសៀមរាប សម្ដេចតេជោនាយករដ្ឋមន្ត្រី បានមានប្រសាសន៍ថា កម្ពុជាក្នុងនាមជាជនរងគ្រោះ នៃសង្គ្រាមស៊ីវិលបីទសវត្សរ៍ មានបទពិសោធមួយចំនួន ដើម្បីចែករំលែកជាមួយប្រទេសដទៃទៀត ក្នុងការធ្វើឲ្យមានសន្តិភាព កសាងសន្តិភាព រក្សាសន្តិភាព និងកសាងប្រទេសជាតិនៅក្រោយសង្គ្រាម ។សម្ដេចតេជោបន្តថា ដោយបានរៀនសូត្រអំពីដំណើរការសន្តិភាពនៅកម្ពុជា ជាពិសេសក្រោមគោលនយោបាយ ឈ្នះ ឈ្នះ នៅទសវត្សរ៍ឆ្នាំ១៩៩០ សូមសង្ខេបចំនួន៣ចំណុច ពាក់ព័ន្ធដំណើរការសន្តិភាពនៅកម្ពុជា មានទី១. ត្រូវតែរក្សាទ្វាឲ្យបើកចំហជានិច្ច សម្រាប់កិច្ចពិភាក្សានយោបាយ និងការចរចាប្រកបដោយបរិយាបន្ន, ទី២. ត្រូវធានានូវសុវត្ថិភាព យុត្តិធម៌ និងសុខុមាលភាពរបស់គ្រប់ភាគីទាំងអស់ និងទី៣. ត្រូវមានភាពម្ចាស់ការ ខណៈដែលកំពុងទទួលខុសត្រូវលើដំណើរការសន្តិភាព ។ ភាពជាម្ចាស់នៃប្រទេសជាតិ គឺពិតជាសំខាន់ណាស់ ចំពោះការចរចាសន្តិភាព។ប្រធានអាស៊ានឆ្នាំ២០២២ បានរំលឹកថា កាលពី១០ឆ្នាំមុន សម្ដេចក៏ធ្លាប់បានស្នើឲ្យមាន តំបន់ដែលគ្មានសង្គ្រាមស៊ីវិល ឬតំបន់ដែលគ្មានជម្លោះ នៅក្នុងតំបន់អាស៊ីអាគ្នេយ៍ ។ នៅពេលនោះ គ្មានរដ្ឋសមាជិកអាស៊ានណាមួយ បានគិតអំពីការកើតសង្គ្រាមឡើងវិញ នៃសង្គ្រាមស៊ីវិលនៅក្នុងតំបន់នោះទេ ។សម្ដេចតេជោ ហ៊ុន សែន បានគូសបញ្ជាក់ថា ប៉ុន្តែបច្ចុប្បន្ននេះ មីយ៉ាន់ម៉ា កំពុងរំកិលទៅរកសង្គ្រាមស៊ីវិល ដោយនៅផ្នែកខ្លះ នៃប្រទេសមីយ៉ាន់ម៉ា សង្គ្រាមស៊ីវិលបានកើតឡើងទៅហើយ ៕ អត្ថបទ៖ បាន សុខរិទ្ធិ

បណ្ដាញសង្គម

ព័ត៌មានថ្មីៗ

TOP STORY | អ្នករាយការណ៍ពិសេសសិទ្ធិមនុស្សនៅកម្ពុជានឹងដាក់របាយការណ៍ទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជានៅខែក្រោយ

ស្រែអំបិលឥណ្ឌូនេស៊ី រីកដុះដាលខ្លាំង ដោយសារគ្រោះរាំងស្ងួតបង្កឡើងពីបាតុភូតអែល នីញ៉ូ

អ្នកវិទ្យាសាស្រ្តណាសានិយាយថា បំណែកយានចម្លងរបស់ SpaceX បុកឋានព្រះចន្ទ ពុំមានហានិភ័យនោះទេ

មនុស្សរាប់ពាន់នាក់ត្រូវបានជម្លៀសចេញនៅភាគពាយ័ព្យចិន ក្រោយមានភ្លៀងធ្លាក់ខ្លាំង និងទឹកជំនន់

ក្រុមតារាវិទូចាប់បានរូបភាពប្លាស្មាកំពុងកួចលើផ្ទៃព្រះអាទិត្យកម្រិតច្បាស់ខ្ពស់បំផុត

ណាសា៖ សូរ្យគ្រាសពេញនឹងមើលឃើញនៅថ្ងៃទី ១២ ខែសីហា ឆ្នាំ ២០២៦ខាងមុខនេះ

ស្ត្រីម្នាក់ត្រូវបានចោទប្រកាន់ បន្ទាប់ពីបុរស ៤នាក់រងរបួស ដោយសារចាក់ នៅកណ្តាលទីក្រុងឡុងដ្រ៍

រោងចក្រចម្រាញ់ប្រេងនៅតំបន់ Yaroslavl របស់រុស្ស៊ី រងការឆាបឆេះ ក្រោយការវាយប្រហារយានដ្រូនអ៊ុយក្រែន

អ៊ីរ៉ង់ព្រមានរដ្ឋឈូងសមុទ្រថា សូមប្រាប់លោក Trump ឱ្យឈប់ បើមិនចង់រងការវាយប្រហារខ្លាំងក្លាទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជនស៊ីវិល ៥នាក់ស្លាប់ និង ៥នាក់រងរបួសក្នុងការវាយប្រហារដោយគ្រាប់រ៉ុក្កែតលើក្រុង Azaz ប្រទេសស៊ីរី

មនុស្ស ៣៥នាក់រងរបួសក្នុងការរញ្ជួយដីដ៏ខ្លាំងក្លាកម្រិត ៦រ៉ិចទ័រអង្រួនប្រទេសទួរគីភាគខាងលិច

ក្រុងមូស្គូបង្កើនការប្រុងប្រយ័ត្នខ្ពស់ បន្ទាប់ពីតំបន់គ្រីម៉េត្រូវរងការវាយប្រហារដោយយានដ្រូន

អ៊ីរ៉ង់បង្កើនការចម្រាញ់សារធាតុអ៊ុយរ៉ានីញ៉ូម ឆ្លើយតបទៅនឹងសេចក្ដីសម្រេចរបស់ IAEA

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ៊ីរ៉ង់​បង្កើន​ការ​ចម្រាញ់​សារធាតុ​អ៊ុយ​រ៉ានី​ញ៉ូ​ម ឆ្លើយតប​ទៅនឹង​សេចក្ដីសម្រេច​របស់ IAEA

កិច្ចប្រជុំរដ្ឋមន្ត្រីការពារជាតិអាស៊ាន-បូក ចាប់ផ្ដើមពិភាក្សាគ្នាលើបញ្ហាសន្តិសុខតំបន់ និងសកល

កុមារ​ឥណ្ឌូនេស៊ី​រាប់រយ​នាក់​ត្រូវបាន​សម្រាក​ព្យាបាល​នៅ​មន្ទីរពេទ្យ ក្រោយ​រញ្ជួយ​ដី​

សម្ដេចតេជោ៖ ដើម្បីឲ្យតំបន់មានសន្តិសុខ អាស៊ានត្រូវពង្រឹងកិច្ចសហប្រតិបត្តិការសន្តិសុខ និងការពារជាតិ

​ចំនួន​អ្នកស្លាប់​ក្នុង​គ្រោះ​រញ្ជួយ​ដី​នៅ​ឥណ្ឌូនេស៊ីឡើងដល់ ​២៦៨​នាក់​ ខណៈការស្វែងរក​នៅតែ​បន្ត​

សម្ដេចតេជោ ចែករំលែកបទពិសោធន៍ ៣ចំណុច អំពីដំណើរការសន្តិភាពនៅកម្ពុជា ក្នុងកិច្ចប្រជុំ ADMM-Plus លើកទី៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ៊ីរ៉ង់បង្កើនការចម្រាញ់សារធាតុអ៊ុយរ៉ានីញ៉ូម ឆ្លើយតបទៅនឹងសេចក្ដីសម្រេចរបស់ IAEA

កុមារឥណ្ឌូនេស៊ីរាប់រយនាក់ត្រូវបានសម្រាកព្យាបាលនៅមន្ទីរពេទ្យ ក្រោយរញ្ជួយដី

ចំនួនអ្នកស្លាប់ក្នុងគ្រោះរញ្ជួយដីនៅឥណ្ឌូនេស៊ីឡើងដល់ ២៦៨នាក់ ខណៈការស្វែងរកនៅតែបន្ត