BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

លោក Biden បញ្ជាក់ជាថ្មីអំពីគោលនយោបាយចិនតែមួយនៅឯអង្គការសហប្រជាជាតិ បន្ទាប់ពីលោកនិយាយថា កម្លាំងអាមេរិកនឹងការពារកោះតៃវ៉ាន់

សហរដ្ឋអាមេរិក៖ កាលពីថ្ងៃពុធលោកប្រធានាធិបតីសហរដ្ឋអាមេរិក Biden បានព្យាយាមកែតម្រូវ ក្រោយការប្ដេជ្ញាចិត្តដ៏គួរឲ្យភ្ញាក់ផ្អើលរបស់លោកក្នុងការការពារកោះតៃវ៉ាន់ដោយប្រើកងទ័ព ហើយនិយាយថា សហរដ្ឋអាមេរិកប្រកាន់ភ្ជាប់គោលនយោបាយចិនតែមួយ។ លោកបានប្រាប់បណ្ដាមេដឹកនាំពិភពលោក អំឡុងមហាសន្និបាតអង្គការសហប្រជាជាតិលើកទី៧៧ ក្នុងទីក្រុង New York ថា យើងព្យាយាមឲ្យមានសន្តិភាព និងស្ថិរភាពពេញលេញទូទាំងច្រកសមុទ្រតៃវ៉ាន់ និងនៅតែគោរពគោលនយោបាយចិនតែមួយរបស់យើង ដែលបានជួយទប់ស្កាត់ការផ្ទុះជម្លោះរយៈពេល ៤០ឆ្នាំមកនេះ។ យើងនៅតែបន្តប្រឆាំងនឹងការផ្លាស់ប្ដូរស្ថានភាពជាក់ស្ដែងជាឯកតោភាគីដោយភាគីណាមួយ។ ការអត្ថាធិប្បាយទាំងនេះមានឡើង បន្ទាប់ពីលោក Biden បានអះអាងក្រោយការសម្ភាសន៍ក្នុងកម្មវិធីព័ត៌មាន ៦០នាទីកាលពីថ្ងៃអាទិត្យដែលលោកនិយាយថា សហរដ្ឋអាមេរិកនឹងការពារកោះតៃវ៉ាន់ដោយប្រើកងទ័ពអាមេរិក ប្រសិនបើមានការវាយប្រហារណាមួយពីសំណាក់ប្រទេសចិន។អ្នកសម្របសម្រួលកម្មវិធី ៦០នាទី លោក Scott Pelley បានសួរថា តើដូច្នេះវាមិនដូចជាអ៊ុយក្រែនទេឬ ដែលថាកងកម្លាំងអាមេរិកទាំងប្រុស ទាំងស្រី នឹងការពារកោះតៃវ៉ាន់ក្នុងករណីមានការវាយប្រហារពីប្រទេសចិន? លោក Biden ឆ្លើយថា ពិតមែនហើយ។ ជាការឆ្លើយតប ប្រទេសចិនកាលពីថ្ងៃចន្ទបាននិយាយថា ខ្លួនបានតវ៉ាយ៉ាងដាច់ណាត់ជាមួយអាមេរិក បន្ទាប់ពីលោកប្រធានាធិបតី Joe Biden បាននិយាយថា ក្រុងវ៉ាស៊ីនតោននឹងការពារកោះតៃវ៉ាន់ប្រឆាំងនឹងការឈ្លានពានរបស់ចិន ដោយបន្ថែមថា ការអត្ថាធិប្បាយរបស់លោកបានរំលោភយ៉ាងធ្ងន់ធ្ងរលើគោលនយោបាយ របស់សហរដ្ឋអាមេរិកដែលមានជាយូរមកហើយលើកោះនេះ៕ អត្ថបទ៖ សុខមាន

លោក Biden សម្លឹងរកការកំណត់អំណាចវ៉េតូក្នុងក្រុមប្រឹក្សាសន្តិសុខអង្គការសហប្រជាជាតិ

សហរដ្ឋអាមេរិក៖ ថ្លែងនៅមហាសន្និបាតអង្គការសហប្រជាជាតិកាលពីថ្ងៃពុធ លោកប្រធានាធិបតីអាមេរិក Joe Biden បានចោទប្រកាន់រុស្ស៊ីពីគំនិតចក្រពត្តិនិយម និងព្យាយាមលុបបំបាត់ប្រទេសអ៊ុយក្រែនក្នុងនាមជារដ្ឋ ខណៈដែលទទូចថា សហរដ្ឋអាមេរិកមិនបានព្យាយាមដុតបញ្ឆេះជម្លោះនោះទេ មានតែកិច្ចសហប្រតិបត្តិការប៉ុណ្ណោះ។ លោក Biden ក៏បានគាំទ្រការពង្រីកក្រុមប្រឹក្សាសន្តិសុខអង្គការសហប្រជាជាតិ និងកំណត់អំណាចវ៉េតូសម្រាប់សមាជិកអចិន្ត្រៃយ៍របស់ខ្លួនផងដែរ។ សមាជិកអចិន្ត្រៃយ៍ដែលមានអំណាចវ៉េតូទាំង ៥ប្រទេសរួមមានចិន បារាំង សហព័ន្ធរុស្ស៊ី ចក្រភពអង់គ្លេស និងអៀរឡង់ខាងជើង និងសហរដ្ឋអាមេរិក។ លោក Biden បាននិយាយថា រុស្ស៊ីបានបំពានដោយគ្មានការខ្មាសអៀនលើគោលការណ៍ស្នូលនៃធម្មនុញ្ញអង្គការសហប្រជាជាតិ គ្មានអ្វីសំខាន់ជាងការហាមប្រាមដាច់ខាតលើប្រទេសទាំងឡាយណា ដែលដណ្ដើមយកទឹកដីនៃប្រទេសជិតខាងរបស់ពួកគេដោយប្រើកម្លាំង ដោយចោទប្រកាន់ទីក្រុង Moscow ពីការប៉ុនប៉ងលុបបំបាត់រដ្ឋអធិបតេយ្យមួយចេញពីផែនទី។លោកក៏បានទទូចផងដែរថា គ្មាននរណាគំរាមកំហែងរុស្ស៊ីទេ ហើយថា លោកប្រធានាធិបតី Vladimir Putin បានគំរាមកំហែងដោយនុយក្លេអ៊ែរប្រឆាំងអឺរ៉ុបទៅវិញទេ ហើយបានបង្ហាញពីភាពព្រងើយកន្តើយដោយគ្មានការពិចារណា សម្រាប់ការទទួលខុសត្រូវនៃរបបមិនរីកសាយអាវុធនុយក្លេអ៊ែរ នៅក្នុងសុន្ទរកថាទៅកាន់ប្រជាជាតិផ្សាយតាមទូរទស្សន៍កាលពីមុននេះ៕អត្ថបទ៖ សុខមាន

សម្ដេចពញាចក្រី៖ ការធ្វើបុណ្យទានយ៉ាងសប្បាយរីករាយ មិនអាចកាត់ផ្ដាច់ពីកត្តាសុខសន្តិភាព

ភ្នំពេញ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ មានប្រសាសន៍ថា ការធ្វើបុណ្យទានយ៉ាងសប្បាយរីករាយ របស់ប្រជាពលរដ្ឋនៅទូទាំងប្រទេស គឺមិនអាចកាត់ផ្ដាច់បាន ពីកត្តាសុខសន្តិភាព ដែលកម្ពុជារកបានដោយលំបាកនោះទេ ។ ក្នុងឱកាសចូលរួមវេនកាន់បិណ្ឌទី១២ នៅវត្តជម្ពូសុវណ្ណ ហៅវត្តត្រពាំងព្រីង ស្ថិតក្នុងស្រុកពញាក្រែក ខេត្តត្បូងឃ្មុំ នាថ្ងៃទី២២ ខែកញ្ញា ឆ្នាំ២០២២ សម្ដេចពញាចក្រី ហេង សំរិន មានប្រសាសន៍ថា សុខសន្តិភាព ដែលកម្ពុជាមានរាល់ថ្ងៃនេះ គឺកើតឡើងពីការបូជានូវសាច់ស្រស់ ឈាមស្រស់របស់វីរៈយុទ្ធជន តស៊ូយ៉ាងលំបាកនាំមកជូនជាតិមាតុភូមិ ដូចនេះ សូមពលរដ្ឋត្រូវនាំគ្នាបន្តថែរក្សាការពារ ដើម្បីឲ្យសុខសន្តិភាពនេះ ស្ថិតនៅគង់វង្ស ។ សម្ដេចពញាចក្រី បានបន្តថា សុខសន្តិភាព ធ្វើឲ្យកម្ពុជាមានឱកាសអភិវឌ្ឍប្រទេស ឲ្យមានការរីកចម្រើនជាបន្តបន្ទាប់ ខណៈហេដ្ឋារចនាសម្ព័ន្ធជាច្រើន បានកើតឡើងជាហូរហែរ ទាំងនៅក្នុងទីក្រុង និងជនបទ ។ សម្ដេចបន្ថែមថា ជាក់ស្ដែងប្រជាពលរដ្ឋកម្ពុជាកាន់ព្រះពុទ្ធសាសនា តែងនាំគ្នាធ្វើពិធីបុណ្យភ្ជុំបិណ្ឌ ឬពិធីបុណ្យជាច្រើនទៀតយ៉ាងសប្បាយរីករាយ នៅទូទាំងប្រទេស ដែលនេះសបញ្ជាក់ ពីគុណសម្បត្តិនៃសុខសន្តិភាព ទើបពលរដ្ឋបានធ្វើបុណ្យទានដោយមិនមានការភ័យខ្លាចរឿងសង្គ្រាម ។ ជាមួយនេះ សម្ដេចប្រធានរដ្ឋសភាជាតិ បានបន្តអំពាវនាវដល់ប្រជាពលរដ្ឋ ត្រូវបន្តអនុវត្តវិធានការសុខាភិបាល ៣កុំ ៣ការពារ ដើម្បីកុំឲ្យពិធីបុណ្យភ្ជុំបិណ្ឌ មានការឆ្លងរីករាលដាលខ្លាំងឡើងវិញ នៃជំងឺកូវីដ-១៩ ហើយបង្កការរំខានដល់ការធ្វើបុណ្យទាន ឬប្រកបការងារផ្សេងៗដូចឆ្នាំមុន ។ សម្ដេចពញាចក្រី ក៏បានជំរុញបន្ថែមទៅអាជ្ញាធរទាំងអស់ ត្រូវបង្កលក្ខណៈងាយស្រួល ដល់ពលរដ្ឋបានធ្វើបុណ្យភ្ជុំបិណ្ឌ ឲ្យបានសប្បាយរីករាយ ក៏ដូចជាថែរក្សាសន្តិសុខសណ្ដាប់ធ្នាប់ដល់ពួកគាត់ មានការសម្រួលចរាចរណ៍ជាដើម ។ ក្នុងឱកាសកាន់វេនបិណ្ឌទី១២នេះ សម្ដេចពញាចក្រី ហេង សំរិន បាននាំយកទេយ្យទាន រួមទាំងបច្ច័យចូលបុណ្យ ចំនួន៥លានរៀល និងបច្ច័យកសាងសមិទ្ធផលក្នុងវត្តអារាមនេះ ជិត១ម៉ឺនដុល្លារផងដែរ ៕( ដោយ៖ បាន សុខរិទ្ធិ)

ពិភពលោកមានប្រតិកម្មចំពោះផែនការកែណ្ឌកម្លាំងមួយផ្នែករបស់លោក Putin សម្រាប់សង្គ្រាមនៅអ៊ុយក្រែន

ពិភពលោក៖ លោកប្រធានាធិបតីរុស្ស៊ី Vladimir Putin បានប្រកាសកែណ្ឌយោធាមួយផ្នែកនៅក្នុងប្រទេសរុស្ស៊ី រយៈពេល ៧ខែនៃសង្គ្រាមក្នុងប្រទេសអ៊ុយក្រែន ដោយនិយាយថាវាមិនមែនជាការគំរាមទេ។ នៅក្នុងសន្ទរកថាតាមទូរទស្សន៍ទៅកាន់ប្រជាជាតិកាលពីថ្ងៃពុធ លោក Putin បាននិយាយថា លោកកំពុងការពារដែនដីទាំងឡាយរបស់រុស្ស៊ី ហើយថា លោកខាងលិចចង់កម្ទេចប្រទេសនេះចោល។ លោកថា រុស្ស៊ីនឹងប្រើគ្រប់មធ្យោបាយទាំងអស់ដែលអាចធ្វើបាន ដើម្បីការពារទឹកដីរបស់ខ្លួន។ លោក Sergei Shoigu រដ្ឋមន្ត្រីការពារជាតិរុស្ស៊ីបានប្រាប់សារព័ត៌មានរដ្ឋថា ក្រឹត្យរបស់លោក Putin នឹងមើលឃើញការបន្ថែមកងទ័ពចំនួន ៣សែននាក់ទៀត ដែលអំពាវនាវឲ្យចូលបម្រើយុទ្ធនាការយោធារបស់រុស្ស៊ីក្នុងប្រទេសអ៊ុយក្រែន។ លោកប្រធានាធិបតីអ៊ុយក្រែន Volodymyr Zelenskyy បាននិយាយថា លោកមិនជឿថា ពិភពលោកនឹងបណ្ដោយឲ្យលោក Vladimir Putin ប្រើប្រាស់អាវុធនុយក្លេអ៊ែរនោះទេ និងបានប្ដេជ្ញាបង្កើនការវាយលុករំដោះយកដែនដីរបស់អ៊ុយក្រែនមកវិញ ដែលត្រូវបានកងកម្លាំងរុស្ស៊ីដណ្ដើមយកទៅ។ ប្រមុខសម្ព័ន្ធណាតូលោក Jens Stoltenberg បាននិយាយថា ការកែណ្ឌកម្លាំងយោធារបស់លោក Putin គឺវោហារសាស្ត្រនុយក្លេអ៊ែរដ៏គ្រោះថ្នាក់ និងខ្វះការពិចារណា។ចំណែកមន្ត្រីក្រសួងបរទេសរបស់ចក្រភពអង់គ្លេសលោកស្រី Gillian Keegan បាននិយាយថា សុន្ទរកថារបស់លោក Putin គឺជាការបង្កើនក្ដីបារម្ភនៃសង្គ្រាមក្នុងប្រទេសអ៊ុយក្រែន និងការគំរាមរបស់លោកមិនមែនលេងសើចនោះទេ។ មន្ត្រីជាន់ខ្ពស់មួយរូបរបស់សហរដ្ឋអាមេរិកបាននិយាយថា សហរដ្ឋអាមេរិកកំពុងចាត់ទុកការគំរាមបើកចំហគ្មានការទទួលខុសត្រូវរបស់លោកប្រធានាធិបតីរុស្ស៊ី Vladimir Putin គឺជាការព្យាយាមប្រើប្រាស់អាវុធនុយក្លេអ៊ែរយ៉ាងពិតប្រាកដ។ រីឯអនុអធិការបតីអាល្លឺម៉ង់លោក Robert Habeck បាននិយាយថា នេះជារឿងអាក្រក់ និងការដើរខុសផ្លូវមួយទៀតពីរុស្ស៊ី ដែលយើងនឹងត្រូវពិភាក្សា និងពិគ្រោះយោបល់ផ្ដោតផ្លូវនយោបាយថា តើត្រូវឆ្លើយតបដោយរបៀបណា៕អត្ថបទ៖ សុខមាន

មនុស្សរាប់រយនាក់ត្រូវបានចាប់ខ្លួនក្នុងការតវ៉ាប្រឆាំងនឹងផែនការកែណ្ឌកម្លាំងមួយផ្នែករបស់លោក Putin សម្រាប់សង្គ្រាមនៅអ៊ុយក្រែន

រុស្ស៊ី៖ នគរបាលរុស្ស៊ីត្រូវគេរាយការណ៍ថា បានចាប់ខ្លួនមនុស្សរាប់រយនាក់ដែលកំពុងប្រមូលផ្ដុំគ្នា ប្រឆាំងនឹងការសម្រេចចិត្តរបស់វិមានក្រឹមឡាំង ក្នុងការអំពាវនាវបន្ថែមកងកម្លាំងកងទ័ពរាប់ពាន់នាក់បន្ថែមទៀត ដើម្បីប្រយុទ្ធនៅក្នុងប្រទេសអ៊ុយក្រែន។ ក្រុមសិទ្ធិមនុស្សរុស្ស៊ី OVD-Info បានកំណត់ចំនួនសរុបជាង ១ពាន់នាក់។ ចំនួនអ្នកតវ៉ាច្រើនបំផុតដែលត្រូវបានចាប់ខ្លួនគឺនៅក្នុងទីក្រុង St Petersburg និង Moscow។ មនុស្សរាប់សិបនាក់ត្រូវបានចាប់ខ្លួននៅក្នុងទីក្រុង Irkutsk និងទីក្រុងផ្សេងទៀតក្នុងដែនដីស៊ីបេរី និងទីក្រុងធំបំផុតទី៤ របស់រុស្ស៊ី Yekaterinburg។ សំបុត្រយន្តហោះចាកចេញពីប្រទេសរុស្ស៊ីបានលក់អស់យ៉ាងឆាប់រហ័ស ក្រោយសេចក្ដីប្រកាសរបស់លោកប្រធានាធិបតី Vladimir Putin។ ប្រធានាធិបតីរុស្ស៊ីបានបញ្ជាឲ្យមានការកែណ្ឌកម្លាំងមួយផ្នែក មានន័យថា ទាហានបម្រុងចំនួន ៣សែននាក់ដែលពុំមែនជាទាហានកែណ្ឌនឹងត្រូវពង្រាងដើម្បីបង្កើនកងកម្លាំងរបស់រុស្ស៊ី ដែលបានទ្រុឌទ្រោមក្នុងការដកថយនៅសមរភូមិនានាក្នុងប្រទេសអ៊ុយក្រែន។វិធានការនេះមានឡើងមួយថ្ងៃក្រោយតំបន់មួយចំនួននៅក្នុងទឹកដីអ៊ុយក្រែន ដែលរុស្ស៊ីគ្រប់គ្រងបានប្រកាសផែនការបោះឆ្នោតប្រជាមតិចូលជាមួយរុស្ស៊ី។ ហើយនៅក្នុងសុន្ទរកថាដែលត្រូវបានថ្កោលទោសដោយអ៊ុយក្រែន និងសម្ព័ន្ធមិត្តរបស់ខ្លួន លោក Putin បានសង្កត់ធ្ងន់ថា លោកនឹងប្រើប្រាស់គ្រប់មធ្យោបាយដែលអាចធ្វើទៅបានទាំងអស់ ដើម្បីការពារដែនដីរបស់រុស្ស៊ី ដោយលោកបានបង្ហើបថា អាចនឹងពាក់ព័ន្ធការប្រើប្រាស់អាវុធនុយក្លេអ៊ែរ៕អត្ថបទ៖ សុខមាន

សម្តេចតេជោ ហ៊ុន សែន ដឹកនាំគណ:ប្រតិភូជាន់ខ្ពស់រាជរដ្ឋាភិបាលកម្ពុជាធ្វើដំណើរទៅដល់ទីក្រុងញូវយ៉ក សហរដ្ឋអាមេរិកហើយ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញទៅដល់ទីក្រុងញូវយ៉ក សហរដ្ឋអាមេរិក ប្រកបដោយសុវត្ថិភាពកាលពីវេលាម៉ោង១៨និង៦នាទីយប់ ថ្ងៃទី២១កញ្ញា ម៉ោងនៅទីក្រុងញូវយ៉ក សហរដ្ឋអាមេរិក ត្រូវនិងម៉ោង ៥ព្រឹកនិង៦នាទី ថ្ងៃទី២២កញ្ញា ម៉ោងនៅរាជធានីភ្នំពេញ ព្រះរាជាណាចក្រកម្ពុជា។ យន្តហោះពិសេសរបស់ព្រះរាជាណាចក្រកម្ពុជា បានធ្វើការចុះចតនៅអាកាសយានដ្ឋានអន្តរជាតិ Westchester County ទីក្រុងញូវយ៉ក ក្រោមវត្តមាននៃការអញ្ជើញទទួលបដិសណ្ឋារកិច្ចយ៉ាងស្និទ្ធស្នាលរ៉ាក់ទាក់បំផុត ពីតំណាងឯកឧត្តមអគ្គលេខាធិការ អង្គការសហប្រជាជាតិ ឯកឧត្តម កែ សុវណ្ណ ឯកអគ្គរាជទូតតំណាងអចិន្រៃ្តយ៍កម្ពុជា ប្រចាំអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក ព្រមទាំងវត្តមានឯកឧត្តម លោកជំទាវ ជា ឥស្សរជនការទូត នៃស្ថានតំណាងអចិន្រៃ្តយ៍កម្ពុជា ប្រចាំអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក ជាច្រើនរូប។ នៅទីក្រុងញូវយ៉ក សហរដ្ឋអាមេរិក តាមកម្មវិធីដែលបានគ្រោងទុក សម្តេចតេជោនាយករដ្ឋមន្រ្តី និងជួបពិភាក្សាទ្វេភាគីជាមួយ ឯកឧត្តម Achim Steiner អភិបាលកម្មវិធីអភិវឌ្ឍន៍ អង្គការ សហប្រជាជាតិ ឯកឧត្តម Antonio Guterres អគ្គលេខាធិការ អង្គការ សហប្រជាជាតិ លោកជំទាវ Sheikh Hasina នាយករដ្ឋមន្រ្តីបង់ក្លាដេស ឯកឧត្តម Jose Ramos Horta ប្រធានាធិបតីទីម័រខាងកើត និងអញ្ជើញថ្លែងសុន្ទរកថាគន្លឹៈទៅកាន់កិច្ចពិភាក្សាទូទៅ នៃមហាសន្និបាតអង្គការសហប្រជាជាតិ លើកទី៧៧ នៅវេលាថ្ងៃត្រង់ថ្ងៃទី២៣កញ្ញា ម៉ោងនៅទីក្រុងញូវយ៉ក សហរដ្ឋអាមេរិក ក្រោបប្រធានបទ នៃមហាសន្និបាតអង្គការសហប្រជាជាតិ លើកទី ៧៧ របស់យើង “ចំណុចរបត់សំខាន់នៃការផ្លាស់ប្ដូរមិនឤចត្រឡប់ក្រោយបាន ៖ ដំណោះស្រាយបរិវត្តកម្មចំពោះបញ្ហាប្រឈមប្រទាក់ក្រឡាគ្នា ”។ នៅសណ្ឋាគារស្នាក់នៅរបស់សម្តេចតេជោនាយករដ្ឋមន្រ្តី វត្តមាននៃការអញ្ជើញដល់របស់សម្តេចតេជោ ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីសំណាក់ប្រជាពលរដ្ឋខ្មែរមកពីទីជិតឆ្ងាយ រស់នៅក្នុងសហរដ្ឋអាមេរិកប្រមាណ ១០០នាក់។ ប្រជាពលរដ្ឋខ្មែរទាំងអស់ មានប្រសាសន៍ជំរាបជូនសម្តេចថា បើទោះបីដឹងថាសម្តេចមិនមានគំរោងជួបសំណេះសំ ណាលដោយផ្ទាល់ជាមួយប្រជាពលរដ្ឋខ្មែរ រស់នៅសហរដ្ឋអាមេរិក និងកាណាដាក្តី ក៏ពួគាត់ បានស័្មគ្រចិត្តមកជួបសម្តេចដោយផ្ទាល់ ដើម្បីសំដែងក្តីគោរពស្រឡាញ់ និងការដឹងគុណបំផុត ជូនចំពោះសម្តេច ពិសេសចង់ជួប និងឃើញដោយផ្ទាល់ថាតើ រូបសម្តេចពិតជាមានវត្តមានអញ្ជើញចូលរួមកិច្ចពិភាក្សាទូទៅ នៃមហាសន្និបាតអង្គការសហប្រជាជាតិ លើកទី៧៧ នៅទីក្រុងញូវយ៉ក សហរដ្ឋអាមេរិក ពិតប្រាកដរឺយ៉ាងណា។ សម្តេចតេជោបានអរគុណចំពោះវត្តមានប្រជាពលរដ្ឋដែលជាជនរួមជាតិខ្មែរទាំងអស់ ដែលបានចំណាយពេលវេលាដ៏មានតម្លៃបំផុត អញ្ជើញមកជួបសម្តេចដោយផ្ទាល់នៅពេលនេះ។ នៅចំពោះមុខប្រជាពលរដ្ឋទាំងអស សម្តេចមានប្រសាសន៍ថា តើនេះគឺជារូបសម្តេចផ្ទាល់រឺយ៉ាងណា។ មុនពេលមកដល់ទីក្រុងញូវយ៉ក មានជនអគិតមួយចំនួនបាននិយាយថា សម្តេចឈឺដាច់សរសៃឈាម មិនបានទៅទីក្រុងញូវយ៉ក សហរដ្ឋអាមេរិកនោះទេ។ សម្តេចបន្តថា តើនេះជាសម្តេចពិតរឺយ៉ាងណា? សម្តេចតេជោបានអរគុណជាពន្លឹកជាថ្មីម្តងទៀត ជូនចំពោះប្រជាពលរដ្ឋទាំងអស់ ដែលបានមកជួបសម្តេចនាពេលនេះ និងបានជូនពរដល់ការធ្វើដំណរត្រឡប់ទៅលំនៅដ្ឋានវិញ ប្រកបដោយសុខសុវត្តិភាព៕

តារាភាពយន្ត Angelina Jolie នឹងទៅកាន់ប្រទេសប៉ាគីស្ថានដែលរងគ្រោះដោយទឹកជំនន់

ប៉ាគីស្ថាន៖ គណៈកម្មាធិការសង្គ្រោះអន្តរជាតិបានប្រកាសថា តារាភាពយន្តហូលីវូដ និងជាសកម្មជន នាង Angelina Jolie នឹងធ្វើទស្សនកិច្ចនៅប្រទេសប៉ាគីស្ថានដើម្បីជួយទាក់ទាញចំណាប់អន្តរជាតិ ចំពោះវិបត្តិមនុស្សធម៌ដែលកំពុងញាំញីនៅក្នុងប្រទេសនេះ។ មនុស្សជាង ១,៥០០នាក់បានបាត់បង់ជីវិតរួចទៅហើយ ហើយត្រូវបានប៉ាន់ប្រមាណថា ប្រជាជនចំនួន ៣៣លាននាក់រងផលប៉ះពាល់ដោយភ្លៀងមូសុងក្នុងកំណត់ត្រា ដែលបានជន់លិចមួយភាគបីនៃប្រទេសប៉ាគីស្ថានទាំងមូល ខណៈបង្កើនការព្រួយបារម្ភពីជំងឺបណ្តាលមកពីទឹកកខ្វក់ ដូចជាជំងឺអាសន្នរោគ និងជំងឺគ្រុនឈាម។អង្គការ UNICEF និយាយថា កុមារប្រមាណ ៣.៤លាននាក់កំពុងត្រូវការជំនួយសង្គ្រោះជីវិត និងជំនួយបន្ទាន់ ខណៈប្រហែល ៧០% នៃដំណាំចម្បងរបស់ប្រទេសប៉ាគីស្ថានត្រូវបានបំផ្លាញ ហើយអ្នកជំងឺប្រចាំថ្ងៃរាប់ពាន់នាក់ត្រូវបានកត់ត្រា ដោយការចំណាយសរុបនៃការស្តារឡើងវិញត្រូវបានគេសន្និដ្ឋានថា មានចំនួន ៣០ពាន់លានដុល្លារ៕អត្ថបទ៖ ប៊ុនថន

រុស្ស៊ីរកឃើញការបាញ់ផ្លោងនៅរោងចក្រ Zaporizhzhia ខណៈក្រុមផ្តាច់ខ្លួនអ៊ុយក្រែនមានផែនការបោះឆ្នោតចូលជាមួយរុស្ស៊ី

រុស្ស៊ី៖ ក្រសួងការពារជាតិរុស្ស៊ីកាលពីថ្ងៃអង្គារបានអះអាងថា កងកម្លាំងរបស់ខ្លួនបានរកឃើញការបាញ់ផ្លោងចំនួន ៥គ្រាប់នៅរោងចក្រថាមពលកម្ដៅមានទីតាំងនៅជិតរោងចក្រនុយក្លេអ៊ែរ Zaporizhzhia ជារោងចក្រធំបំផុតរបស់អឺរ៉ុប។ ថ្លែងនៅទីក្រុងមូស្គូ អ្នកនាំពាក្យលោក Igor Konashenkov បាននិយាយថា អង្គភាពកាំភ្លើងធំរបស់កងកម្លាំងប្រដាប់អាវុធអ៊ុយក្រែន ដែលបានបាញ់ផ្លោងនៅរោងចក្រថាមពលនុយក្លេអ៊ែរ ត្រូវបានទប់ទល់ដោយការបាញ់តបតវិញ។ លោកបានអះអាងថា កម្រិតវិទ្យុសកម្មនៅរោងចក្រថាមពលនុយក្លេអ៊ែរ Zaporizhzhia នៅធម្មតា ហើយលោកបានចោទប្រកាន់អ៊ុយក្រែនថា បានបាញ់ផ្លោងចំនួន ២៤គ្រាប់ទៅលើទីក្រុង Nikopol ក្នុងរយៈពេល ២៤ម៉ោងកន្លងទៅនេះ។ ជាមួយគ្នានេះតំបន់ដែលគ្រប់គ្រងដោយរុស្ស៊ីនៅភាគខាងកើត និងភាគខាងត្បូងអ៊ុយក្រែនបានប្រកាសផែនការកាលពីថ្ងៃអង្គារ ដើម្បីចាប់ផ្តើមការបោះឆ្នោតនៅសប្តាហ៍នេះដើម្បីក្លាយជាផ្នែករបស់ប្រទេសរុស្ស៊ី។មន្ត្រីដែលតែងតាំងដោយទីក្រុងមូស្គូនៅតំបន់ Donetsk, Luhansk, Kherson និងតំបន់ Zaporizhzhia ដែលគ្រប់គ្រងដោយរុស្ស៊ី ដោយផ្នែកបាននិយាយថា ការបោះឆ្នោតប្រជាមតិនឹងធ្វើឡើងចាប់ពីថ្ងៃសុក្រ។ ការបោះឆ្នោតនៅក្នុងដែនដីដែលរុស្ស៊ីគ្រប់គ្រងរួចហើយ ត្រូវបានគេរំពឹងថានឹងមានភាពប្រាកដប្រជាក្នុងការចូលរួមជាមួយទីក្រុងមូស្គូ ប៉ុន្តែទំនងជាមិនត្រូវបានទទួលស្គាល់ដោយរដ្ឋាភិបាលប្រទេសលោកខាងលិច ដែលគាំទ្រអ៊ុយក្រែនដោយយោធា និងការគាំទ្រផ្សេងទៀតនោះទេ។ រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា លោកជឿថា ប្រជាជននៃដែនដីដែលពាក់ព័ន្ធ គួរតែសម្រេចចិត្តចំពោះជោគវាសនារបស់ពួកគេ។ ទីក្រុង Luhansk និង Donetsk រួមគ្នាបង្កើតបានជាតំបន់ Donbas ដែលត្រូវដណ្តើមបានដោយការប្រយុទ្ធផ្តាច់ខ្លួនតាំងពីឆ្នាំ២០១៤៕អត្ថបទ៖ ប៊ុនថន

អ៊ុយក្រែន និងលោកខាងលិចទាត់ចោលផែនការធ្វើប្រជាមតិរបស់រុស្ស៊ីសម្រាប់តំបន់ដែលខ្លួនគ្រប់គ្រង

អ៊ុយក្រែន៖ បណ្ដាមេដឹកនាំលោកខាងលិចបានទាត់ចោលផែនការ ធ្វើឡើងដោយក្រុមអាជ្ញាធររុស្ស៊ីក្នុងដែនដីរបស់អ៊ុយក្រែនគ្រប់គ្រងដោយរុស្ស៊ី ក្នុងការធ្វើប្រជាមតិក្នុងពេលប៉ុន្មានថ្ងៃខាងមុខ ដើម្បីភ្ជាប់ដែនដីទាំងនោះទៅជាមួយរុស្ស៊ី។ ប្រទេសអ៊ុយក្រែន និងសហរដ្ឋអាមេរិកបាននិយាយថា ការធ្វើប្រជាមតិបែបនេះនឹងក្លាយជាភាពអាម៉ាស់ខុសច្បាប់ និងបានបញ្ជាក់យ៉ាងច្បាស់ថា ពួកគេ និងប្រទេសជាច្រើនទៀតនឹងមិនទទួលស្គាល់លទ្ធផលនេះទេ។ ទីប្រឹក្សាសន្តិសុខជាតិអាមេរិកលោក Jake Sullivan បាននិយាយថា ទីក្រុងវ៉ាស៊ីនតោនបានទាត់ចោលនូវការធ្វើប្រជាមតិណាមួយយ៉ាងដាច់ខាត ខណៈដែលអធិការបតីអាល្លឺម៉ង់លោក Olaf Scholz និងប្រធានាធិបតីបារាំងលោក Emmanuel Macron ដែលលោកទាំង២ បានប្រើពាក្យថា អាម៉ាស់ ដើម្បីពិពណ៌នាពីការធ្វើប្រជាមតិ ដែលក្រុមផ្ដាច់ខ្លួនគាំទ្រដោយទីក្រុង Moscow និយាយថា នឹងចាប់ផ្ដើមនៅថ្ងៃទី២៣ ខែកញ្ញាសប្ដាហ៍នេះនៅក្នុងដែនដីចំនួន៤ ត្រូវបានគ្រប់គ្រងដោយរុស្ស៊ី។ប្រតិកម្មទៅនឹងការប្រកាសថា សាធារណរដ្ឋប្រជាមានិត Lugansk និង Donetsk នឹងធ្វើប្រជាមតិចូលរួមជាមួយរុស្ស៊ីនៅសប្ដាហ៍នេះ អគ្គលេខាធិការសម្ព័ន្ធយោធាណាតូលោក Jens Stoltenberg កាលពីថ្ងៃអង្គារបានហៅផែនការទាំងនោះថាមិនស្របច្បាប់ និងទាមទារឲ្យមានការគាំទ្រអ៊ុយក្រែនកាន់តែច្រើនទៀតពីសហគមន៍អន្តរជាតិ។ ទីភ្នាក់ងារសារព័ត៌មាននានារបស់រុស្ស៊ីបានរាយការណ៍កាលពីថ្ងៃទី២០ ខែកញ្ញាថា ក្រុមប្រឹក្សាសាធារណៈក្នុងតំបន់ Kherson របស់អ៊ុយក្រែន ជាផ្នែកដ៏ធំនៃដែនដីដែលស្ថិតក្រោមការគ្រប់គ្រងរបស់យោធាក្រុង Moscow ចាប់តាំងពីខែមិនាមក បានជំរុញឲ្យក្រុមអាជ្ញាធរលើកបន្តុបដោយរុស្ស៊ី រៀបចំការបោះឆ្នោតប្រជាមតិភ្លាមៗលើតំបន់នេះ ដើម្បីចូលរួមជាមួយសហព័ន្ធរុស្ស៊ី៕អត្ថបទ៖ សុខមាន

លោក Zelensky នឹងអំពាវនាវទៅកាន់មហាសន្និបាតអង្គការសហប្រជាជាតិសុំអាវុធ និងជំនួយឲ្យបានកាន់តែឆាប់

អ៊ុយក្រែន៖ លោកប្រធានាធិបតី Vladimir Zelensky បានជំរុញកងកម្លាំងរបស់លោកឱ្យរុលទៅមុខឲ្យកាន់តែលឿន ដើម្បីស្តារឲ្យមានប្រក្រតីភាពឡើងវិញនៅក្នុងតំបន់ដែលត្រូវបានរុស្ស៊ីចូលកាន់កាប់ នៅក្នុងសុន្ទរកថាតាមទូរទស្សន៍ ខណៈដែលលោកនិយាយថា នឹងថ្លែងទៅកាន់មហាសន្និបាតអង្គការសហប្រជាជាតិ ដើម្បីអំពាវនាវជាថ្មីម្តងទៀតសម្រាប់ការផ្តល់អាវុធ និងជំនួយឲ្យបានកាន់តែលឿន។ មេបញ្ជាការយោធាទីក្រុង Lugansk លោក Sergey Gaidai បាននិយាយតាមបណ្តាញ Telegram ថានឹងមានការប្រយុទ្ធគ្នាគ្រប់សង់ទីម៉ែត្រទាំងអស់។ សត្រូវកំពុងត្រៀមការពារ ដូច្នេះយើងនឹងមិនអាចដើរចូលដោយងាយស្រួលនោះទេ។ សាធារណរដ្ឋប្រជាមានិត Donetsk និង Lugansk បានអំពាវនាវឱ្យមានការបោះឆ្នោតប្រជាមតិជុំវិញការក្លាយទៅជាសហព័ន្ធរុស្ស៊ី ដោយទីក្រុងគីវបានអះអាងថា កងទ័ពរបស់ខ្លួនដណ្តើមយកបានមកវិញនូវមូលដ្ឋានដ៏សំខាន់នៅក្នុងតំបន់ Donbas និងនៅភាគខាងត្បូង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Biden សម្លឹង​រក​ការកំណត់​អំណាច​វ៉េតូ​ក្នុង​ក្រុមប្រឹក្សាសន្តិសុខ​អង្គការសហប្រជាជាតិ

សម្ដេចពញាចក្រី៖ ការធ្វើបុណ្យទានយ៉ាងសប្បាយរីករាយ មិនអាចកាត់ផ្ដាច់ពីកត្តាសុខសន្តិភាព

តារាភាពយន្ត Angelina Jolie នឹង​ទៅកាន់​ប្រទេស​ប៉ា​គី​ស្ថាន​ដែល​រងគ្រោះ​ដោយ​ទឹកជំនន់​

អ៊ុយ​ក្រែ​ន និង​លោកខាងលិច​ទាត់ចោល​ផែន​ការធ្វើប្រជាមតិ​របស់​រុស្ស៊ីសម្រាប់​តំបន់​ដែល​ខ្លួន​គ្រប់គ្រង

លោក Zelensky នឹង​អំពាវនាវ​ទៅកាន់​មហាសន្និបាត​អង្គការសហប្រជាជាតិ​សុំ​អាវុធ និង​ជំនួយ​ឲ្យ​បាន​កាន់តែ​ឆាប់​