BTV NEWS

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

សម្តេចធិបតី ហ៊ុន ម៉ាណែត៖នៅទូទាំងពិភពលោកនិន្នាការផ្លាស់ប្តូរចំនួនបីកំពុងរៀបចំរដ្ឋបាលសាធារណៈឡើងវិញទោះបីជាក្នុងកម្រិត និងល្បឿនខុសៗគ្នាក៏ដោយ

ព័ត៌មានសំខាន់ៗ

សម្ដេចតេជោ ហ៊ុន សែន ទទួលជួបពិភាក្សាការងារជាមួយអគ្គលេខាធិការអង្គការសហប្រជាជាតិ

ភ្នំពេញ៖ នៅព្រឹកថ្ងៃទី២២ ខែកញ្ញា ឆ្នាំ២០២២ដដែលនេះ បន្ទាប់ពីបានជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ UNDP រួចហើយ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏បានទទួលជួបពិភាក្សាការងារជាបន្តទៀតជាមួយ ឯកឧត្តម Antonio Guterres អគ្គលេខាធិការអង្គការសហប្រជាជាតិ។ នៅក្នុងជំនួបនេះ ឯកឧត្តមអគ្គលេខាធិការ អង្គការសហប្រជាជាតិ បានស្វាគមន៍សម្ដេចតេជោនាយករដ្ឋមន្ត្រី ហើយ ឯកឧត្តមបានគូសបញ្ជាក់ថា យើងបានជួបគ្នាចុងក្រោយនៅទីក្រុងប៉េកាំងប្រទេសចិន កាលពីប៉ុន្មានឆ្នាំមុន។ ឯកឧត្តមពិតជារីករាយ ជាមួយនឹងកិច្ចសហការជាមួយ រាជរដ្ឋាភិបាលកម្ពុជា។ ឯកឧត្តមបានបញ្ជាក់ថា កន្លងមកយើងក៏បានគាំទ្រទាំងស្រុងជាមួយនឹងក្រុមការងារ អង្គការសហប្រជាជាតិដែលមានមូលដ្ឋាននៅកម្ពុជានោះជាពិសេសចំពោះការអនុវត្តរបៀបវារៈអភិវឌ្ឍន៍ឆ្នាំ ២០៣០ នៃអង្គការសហប្រជាជាតិ។ ឯកឧត្តមបានមានប្រសាសន៍ថា យើងនឹងបង្កើនសាមគ្គីភាពជាមួយបណ្ដាប្រទេស ដែលបានប៉ះពាល់ដោយវិបត្តិទាំងឡាយ រួមទាំងជំងឺ Covid 19 ផងដែរ។ ឯកឧត្តមក៏បានគូសបញ្ជាក់អំពីស្ថានភាព សង្គ្រាមនៅអ៊ុយក្រែន និងអតិផរណាបណ្ដាលមកពីសង្គ្រាមនោះ ដែលបង្កើតនូវការលំបាកជាច្រើនសម្រាប់ប្រជាជននៅទូទាំងពិភពលោក។ ឯកឧត្តមបានគូសបញ្ជាក់ទៀតថាអង្គការសហប្រជាជាតិ គឺឈរលើស្មារតីសាមគ្គីភាពជាមួយប្រទេសកំពុងអភិវឌ្ឍន៍និយាយជារួម និងនិយាយដោយឡែកចំពោះប្រទេសកម្ពុជា។ យើងនឹងខិតខំជំរុញការកែទម្រង់នៃហិរញ្ញប្បទានអន្តរជាតិផងដែរ។ ជាការឆ្លើយតប សម្ដេចតេជោ ហ៊ុន សែន បានមានប្រសាសន៍ ថ្លែងអំណរគុណចំពោះ ឯកឧត្តម អគ្គលេខាធិការអង្គការសហប្រជាជាតិ ដែលបានឆ្លៀតឱកាសទទួលជួបសម្ដេចនាពេលនេះ។ សម្ដេចតេជោក៏បានអរគុណចំពោះអ្វីដែល ឯកឧត្តម បានលើកឡើង ជាពិសេសចំពោះបញ្ហាសង្គ្រាមនៅអ៊ុយក្រែន ។ សម្ដេចតេជោក៏បានគូសបញ្ជាក់ថា ឯកឧត្តមមានក្រុមការងាររបស់ ឯកឧត្តមដ៏ល្អប្រចាំនៅប្រទេសកម្ពុជា។ សម្រេចតេជោក៏បានមានប្រសាសន៍អំពីជំនួយវ៉ាក់សាំងកូវីដ១៩ របស់អង្គការសហប្រជាជាតិ តាមរយៈក្របខ័ណ្ឌកូវ៉ាក់ ដែលជួយដល់ប្រទេសកម្ពុជាផងដែរ។ ហើយដែលរហូតមកដល់ពេលនេះ កម្ពុជាបានចាក់វ៉ាក់សាំងជូនដល់ប្រជាពលរដ្ឋបបានបហរមាណជា ៩៥% ហើយ នៃចំនួនប្រជាជនសរុប ហើយមួយចំនួននៃប្រជាជនក៏បានទទួលវ៉ាក់សាំងដូសជំរុញទី៥រួចទៅហើយ ហើយគិតត្រឹមថ្ងៃទី ២២ កញ្ញានេះ មានអ្នកឆ្លងត្រឹមតែ០៣នាក់តែប៉ុណ្ណោះ។ ក្នុងជំនួបនេះ សម្ដេចតេជោ បានមានប្រសាសន៍លើកឡើងនូវ០៣ចំណុចសំខាន់ៗ ៖ ១) សម្ដេចតេជោ បានគូបញ្ជាក់ពីភាពជោគជ័យ នៃតុលាការខ្មែរក្រហម ដែលជាកិច្ចសហការរវាងរដ្ឋាភិបាលកម្ពុជាជា មួយនឹងអង្គការសហប្រជាជាតិ។ ដែលនៅថ្ងៃនេះ តុលាការកូនកាត់នេះ បានប្រកាសសាលក្រមស្វែងរកយុត្តិធម៌ចំពោះប្រជាពលរដ្ឋដែលជាអ្នករងគ្រោះរបបប្រល័យពូជសាសន៍នោះ។ សម្ដេចតេជោបានមានប្រាសាទថា កន្លងមកឯកឧត្តម និងសម្ដេចបានធ្លាប់ធ្វើការជាមួយគ្នា ជាពិសេសរួមទាំងអង្គការសង្គមស៊ីវិល និងការប្រយុទ្ធប្រឆាំងនិងរបបប្រល័យពូជសាសន៍ ។ សម្ដេចតេជោបានមានប្រសាសន៍ថា សម្ដេចបានរង់ចាំរយៈពេល ៤៣ឆ្នាំ សម្រាប់ការស្វែងរកយុត្តិធម៌នៅថ្ងៃនេះ ហើយ៤៣ឆ្នាំមុន យើងបានរួចពីការស្លាប់នៃរបបប្រល័យពូជសាសន៍ ដោយមានការជួយពីប្រទេសវៀតណាម។ សម្តេចតេជោបានបញ្ជាក់ទៀតថាការស្វែងរកយុត្តិធម៌សម្រាប់ប្រជាជន ក្នុងគោលដៅដើម្បីបង្ការកុំឱ្យមានព្រឹត្តិការណ៍ស្ថានភាពបែបនេះកើតឡើងសារជាថ្មីទៀត។ ២) សម្ដេចតេជោ ក៏បានគូសបញ្ជាក់អំពីការចូលរួមរបស់ប្រទេសកម្ពុជាក្នុងក្របខ័ណ្ឌប្រតិបត្តិការរក្សាសន្តិភាព នៃអង្គការសហប្រជាជាតិ។ កម្ពុជាត្រៀមក្នុងការចូលរួមបន្ថែមនៃកងទ័ពចូលរួមក្នុងបេសកកម្មរក្សាសន្តិភាពនៃអង្គការសហប្រជាជាតិ ហើយសម្ដេចក៏បានអរគុណចំពោះអង្គការសហប្រជាជាតិ ដែលបានចូលរួមយ៉ាងសកម្មក្នុងការថែរក្សាសន្តិភាពទូទាំងពិភពលោក រួមទាំងប្រទេសកម្ពុជាផងដែរ។ ៣)សម្ដេចតេជោបានមានប្រសាសន៍ពាក់ព័ន្ធទៅនឹងក្របខណ្ឌអាស៊ាន ដោយសម្ដេចបានអញ្ជើញ ឯកឧត្តមអគ្គលេខាធិការអង្គការសហប្រជាជាតិ ចូលរួមកិច្ចប្រជុំកំពូលអាស៊ាន-អង្គការសហប្រជាជាតិ ដែលគ្រោងនឹងធ្វើឡើងនៅរាជធានីភ្នំពេញ នាខែវិច្ឆិកា ២០២២ខាងមុខនេះ។ សម្តេចតេជោបានមានប្រសាសន៍ថា ឆ្នាំនេះ កម្ពុជានឹងរៀបចំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធផ្សេងទៀត ដែលនឹងមានវត្តមាន ឯកឧត្តមប្រធានាធិបតី និង ឯកឧត្តមនាយករដ្ឋមន្ត្រី ពីបណ្ដាប្រទេស ជាដៃគូសន្ទនារបស់អាស៊ាន៕

សម្ដេចតេជោ ហ៊ុន សែន ទទួលជួបពិភាក្សាការងារជាមួយអភិបាលកម្មវិធីអភិវឌ្ឍន៍នៃអង្គការសហប្រជាជាតិ(UNDP)

ភ្នំពេញ៖ នៅព្រឹកថ្ងៃទី២២ ខែកញ្ញា ឆ្នាំ ២០២២ នៅមន្ទីរស្នាក់ការរបស់អង្គការសហប្រជាជាតិ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយឯកឧត្តម Achim Steiner អភិបាលកម្មវិធីអភិវឌ្ឍន៍នៃអង្គការសហប្រជាជាតិ ។ជំនួបនេះ សម្ដេចតេជោនាយករដ្ឋមន្ត្រី បានមានប្រសាសន៍ថា សម្ដេចពិតជារីករាយដែលបានជួបឯកឧត្តមសារជាថ្មីម្ដងទៀត ក្រោយបែកគ្នាមួយរយៈ។ សម្ដេចតេជោបានមានប្រសាសន៍ថា កន្លងមកឯកឧត្តមធ្លាប់បានធ្វើការនៅក្របខណ្ឌមេគង្គ ហើយឯកឧត្តមពិតជាបានស្គាល់កម្ពុជាច្បាស់។ សម្ដេចតេជោក៏បានថ្លែងអំណរគុណចំពោះអង្គការ UNDP ក៏ដូចជាភ្នាក់ងារនៃអង្គការសហប្រជាជាតិ ដែលបានគាំទ្រប្រទេសកម្ពុជា ជាពិសេសគោលនយោបាយរបស់សម្ដេច ក្នុងការជំរុញគោលដៅអភិវឌ្ឍន៍សហស្សវត្ស និងគោលដៅអភិវឌ្ឍន៍ដោយចីរភាព។ ឯកឧត្តម Achim Steiner បានមានប្រសាសន៍ថា ឯកឧត្តមពិតជារីករាយដែលបានជួបសម្ដេចតេជោនាពេលនេះ ជាពិសេសនៅទីស្នាក់ការអង្គការសហប្រជាជាតិ។ ឯកឧត្តមបានតាមដានពីការអភិវឌ្ឍរបស់ប្រទេសកម្ពុជា ហើយជាពិសេសក៏បានឃើញពីការអភិវឌ្ឍរីកចម្រើនរបស់ប្រទេសកម្ពុជាកន្លងមក ហើយនៅក្នុងឆ្នាំខាងមុខនេះ អង្គការ UNDP និងបន្តគាំទ្រដល់ប្រទេសកម្ពុជា ជាពិសេសលើការអភិវឌ្ឍន៍។ ឯកឧត្តមបានបន្តទៀតថា ឯកឧត្តមពិតជាមានមោទនភាពចំពោះអ្វីដែលយើងមានជាភាពដៃគូវាងអង្គការ UNDP ជាមួយនឹងប្រទេសកម្ពុជា។ ឯកឧត្តមក៏រីករាយនៅពេលដែលឃើញកម្ពុជាជោគជ័យលើគោលដៅអភិវឌ្ឍន៍សហស្សវត្ស និងការអភិវឌ្ឍន៍ប្រកបដោយចីរភាព។ ឯកឧត្តមបន្តថា អ្វីដែលសំខាន់នៅពេលនេះ គឺពាក់ព័ន្ធទៅនឹងការងារបម្រែបម្រួលអាកាសធាតុ ដែលមានការលើកឡើងពីឯកឧត្តមអគ្គលេខាធិការអង្គការសហប្រជាជាតិកាលពីពេលថ្មីៗនេះ។ យើងនឹងបន្តធ្វើការងារជាមួយប្រទេសកម្ពុជាជាបន្តទៀត ជាពិសេសលើវិស័យដោះមីន និងយុត្តិភណ្ឌមិនទាន់ផ្ទុះ ។ សម្ដេចតេជោបានមានប្រសាសន៍ថ្លែងអំណរគុណចំពោះឯកឧត្តម ដែលគាំទ្រចំពោះការខិតខំប្រឹងប្រែងរបស់កម្ពុជា ដែលបានខិតខំប្រឹងប្រែងចាកចេញពីប្រទេសក្រីក្រមកជាប្រទេសដែលមានការអភិវឌ្ឍន៍តិចតួច។ សម្ដេចតេជោក៏បាន មានប្រសាសន៍០៣ចំណុចសំខាន់ៗ ៖ ១) កម្ពុជាពិតជាត្រូវការការគាំទ្រពី UNDP២) សម្ដេចតេជោបានមានប្រសាសន៍ថា សម្ដេចកំពុងជំរុញគោលនយោបាយកម្ពុជាគ្មានមីននៅឆ្នាំ២០២៥ ហើយកម្ពុជាត្រូវការការគាំទ្រពី UNDP ៣) សម្ដេចតេជោបានគូសបញ្ជាក់ពីរបញ្ហាបម្រែបំរួលអាកាសធាតុ ដោយឆ្នាំនេះ កម្ពុជាធ្វើជាប្រធានអាស៊ាន ហើយក៏បានដាក់ចេញ នូវកិច្ចព្រមព្រៀងបៃតងអាស៊ាន ដែលចំណុចនេះក៏ត្រូវការគាំទ្រពី UNDP ផងដែរ។ ជាការឆ្លើយតប ឯកឧត្តម Achim Steiner បានមានប្រសាសន៍ថា ឯកឧត្តមពិតជាឯកភាពទាំងស្រុងចំពោះការលើកឡើងរបស់សម្ដេចតេជោ អំពីអ្វីដែលកម្ពុជាទទួលបានជោគជ័យលើការអភិវឌ្ឍន៍កន្លងទៅនេះ។ ឯកឧត្តមក៏បានគួរបញ្ជាក់ថា អង្គការ UNDP នឹងបន្តជួយប្រទេសដែលកំពុងអភិវឌ្ឍន៍ ជាពិសេសពាក់ព័ន្ធនឹងហិរញ្ញប្បទាន ហើយធ្វើយ៉ាងណាជំរុញយុទ្ធសាស្ត្រក្នុងការទាក់ទាញការវិនិយោគឱ្យបានខ្ពស់បំផុត។ លើសពីនេះទៅទៀត ឯកឧត្តមក៏បានមានប្រសាសន៍បញ្ជាក់ថា ឯកឧត្តមពិតជាមានមោទនភាពចំពោះអ្វីដែលកម្ពុជាបានទទួលជោគជ័យមកដល់ពេលនេះ ហើយយើងនឹងបន្តជួយដល់កម្ពុជាក្នុងការធ្វើដំណើរទៅមុខទៀត។ ហើយទាក់ទងទៅនឹងការដោះមីន និងយុត្តិភណ្ឌមិនទាន់ផ្ទុះនេះ UNDP ពិតជារីករាយដែលកន្លងមកបានធ្វើជាដៃគូ ជាមួយនឹងកម្ពុជា ក្នុងការដោះស្រាយបញ្ហាមីននៅកម្ពុជានោះ។ ឯកឧត្តមបានគូសបញ្ជាក់ថា យើងនឹងធ្វើឲ្យកម្ពុជា ទទួលបាននូវភាពជោគជ័យជាពិសេស លើការដោះមីន និងយុទ្ធភណ្ឌមិនទាន់ផ្ទុះ។ ពាក់ព័ន្ធទៅនឹងកិច្ចព្រមព្រៀងបៃតងអាស៊ានវិញ ឯកឧត្តមបានមានប្រសាសន៍ថា ចំពោះប្រទេសដែលកំពុងមានការអភិវឌ្ឍ ការងារនេះមិនមែនជាឧបសគ្គទេ ជាការងារដែលយើងត្រូវតែយកចិត្តទុកដាក់ ពិសេសក្នុងតំបន់អាស៊ានតែម្ដង។ ឯកឧត្តមបានបញ្ជាក់ទៀតថា គោលនយោបាយបៃតងនេះ អ្វីដែលយើងត្រូវធ្វើគឺការជំរុញធ្វើយ៉ាងម៉េច ឱ្យសេដ្ឋកិច្ចបៃតងនេះ ជាគន្លឹះក្នុងសេដ្ឋកិច្ចក្របខណ្ឌរួម។ នៅឱកាសនោះផងដែរ ឯកឧត្តមក៏បានរំលេចផងដែរថា អង្គការ UNDP មានបទពិសោធន៍ ក៏ដូចជាធ្វើការជាមួយបណ្ដាប្រទេសជាច្រើននៅជុំវិញពិភពលោក ដូច្នេះ គោលនយោបាយដោយឈ្លាសវៃ និងប្រសិទ្ធភាពនេះ គឺយើងត្រូវជំរុញការងារនេះរួមគ្នា។ ចុងក្រោយ សម្ដេចតេជោ សង្ឃឹមថានៅពេលវេលាសមស្របណាមួយ ឯកឧត្តមនឹងបានអញ្ជើញទៅបំពេញទស្សនកិច្ចនៅប្រទេសកម្ពុជា ហើយនឹងបានឃើញពីការអភិវឌ្ឍរបស់ប្រទេសកម្ពុជាផងដែរ៕

ប្រជាពលរដ្ឋនាំគ្នាទៅស្រុកកំណើត តាមរថយន្តក្រុងសាធារណៈរបស់រដ្ឋដឹកជញ្ជូនដោយឥតគិតថ្លៃក្នុងឱកាសពិធីបុណ្យភ្ជុំបិណ្ឌ

ភ្នំពេញ៖បងប្អូនពលរដ្ឋ បាននាំគ្នាធ្វើដំណើរទៅកាន់បណ្តាខេត្តនានា តាមឡានក្រុងសាធារណៈរបស់រដ្ឋដឹកជញ្ជូនដោយឥតគិតថ្លៃចាប់ពីព្រឹកថ្ងៃទី២៣ ខែកញ្ញា ឆ្នាំ២០២២ ក្នុងឱកាសពិធីបុណ្យភ្ជុំបិណ្ឌ នៅចំណតឫស្សីកែវ៕

ប្រជាពលរដ្ឋបានចាកចេញទៅស្រុកកំណើតតាមរថភ្លើងដោយមិនគិតថ្លៃសម្រាប់ថ្ងៃទី ២៣ ខែកញ្ញានេះ

ភ្នំពេញ៖ ប្រជាពលរដ្ឋជាច្រើន បានចាកចេញទៅស្រុកកំណើតតាមរថភ្លើងដោយមិនគិតថ្លៃ សម្រាប់ថ្ងៃទី ២៣ ខែកញ្ញានេះ។យ៉ាងណាម៉ិញការចេញដំណើរពីរាជធានីភ្នំពេញ តាមរថភ្លើងនេះ ដំណើរការបានតែមួយខ្សែប៉ុណ្ណោះ គឺសម្រាប់ខ្សែរថភ្លើង ដែលចេញដំណើរពីរាជធានីភ្នំពេញ ទៅកាន់ខេត្ត តាកែវ កំពត និងខេត្តព្រះសីហនុ។ចំពោះខ្សែរថភ្លើងឆ្ពោះទៅខេត្ត ពោធិ៍សាត់ បាត់ដំបង ត្រូវបានអាក់ខាន ដោយសារទឹកជំនន់បង្កផលប៉ះពាល់ដល់ផ្លូវរថភ្លើង។ជាដំណោះស្រាយ ខាងក្រុមហ៊ុន Royal Railway បានសម្រេចជួលរថយន្តក្រុង ដើម្បីដឹកពលរដ្ឋឆ្ពោះទៅខេត្តពោធិ៍សាត់ និងបាត់ដំបង ដោយមិនគិតថ្លៃវិញ៕

លោក Zelenskyy និយាយថា ឈ្លើយសឹក ២១៥នាក់ត្រូវបានដោះលែងដោយរុស្ស៊ីក្នុងការដោះដូរ

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃព្រហស្បតិ៍ថា ពលរដ្ឋអ៊ុយក្រែន និងបរទេសចំនួន ២១៥នាក់ត្រូវបានដោះលែងដោយរុស្ស៊ីក្នុងការដោះដូរឈ្លើយសឹក។ នៅក្នុងសុន្ទរកថាលោក Zelenskyy និយាយថា ឈ្លើយសឹក ២០០នាក់ត្រូវបានបញ្ជូនត្រលប់មកវិញ ជាការដោះដូរជាមួយលោក Viktor Medvedchuk អតីតមេដឹកនាំគណបក្សប្រឆាំងគាំទ្ររុស្ស៊ីរបស់អ៊ុយក្រែន និងជាមនុស្សជិតស្និទ្ធរបស់ប្រធានាធិបតីរុស្ស៊ីលោក Vladimir Putin។ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃពុធបានថ្លែងអំណរគុណដល់ក្រុមអ្នកប្រយុទ្ធអង្គភាព Azov មួយចំនួនដែលត្រូវបានដោះលែង ជាលទ្ធផលនៃការដោះដូរឈ្លើយសឹកជាមួយរុស្ស៊ីដែលបានប្រកាសកាលពីល្ងាចថ្ងៃពុធ។ និយាយទៅកាន់ក្រុមអ្នកប្រយុទ្ធដែលត្រូវបានដោះលែង លោក Zelenskyy និយាយថា អ្នកបានធ្វើអ្វីគ្រប់យ៉ាងរួចហើយ យើងអរគុណអ្នកគ្រប់គ្នា អ្នកធ្វើបានល្អហើយ។ប្រទេសអ៊ុយក្រែនបានប្រកាសនៅព្រឹកថ្ងៃព្រហស្បតិ៍នេះថា ខ្លួនបានទទួលការដោះលែងពលរដ្ឋអ៊ុយក្រែន និងពលរដ្ឋបរទេសពីការឃុំឃាំងរបស់រុស្ស៊ីចំនួន ២១៥នាក់រួមទាំងក្រុមអ្នកប្រយុទ្ធរបស់អង្គភាព Azov ដែលបានការពាររោងចក្រដែកថែបត្រូវបានឡោមព័ទ្ធនៅទីក្រុង Mariupol អស់រយៈពេលជាច្រើនខែ។ លោក Zelenskyy បានបង្ហោះវីដេអូបង្ហាញពីមន្ត្រីម្នាក់ប្រាប់លោកអំពីការដោះលែងពលរដ្ឋ ជាការដោះដូរជាមួយមេដឹកនាំបក្សប្រឆាំងដែលគាំទ្ររុស្ស៊ីលោក Viktor Medvedchuk និងមនុស្ស ៥៥នាក់ផ្សេងទៀតដែលឃុំខ្លួនដោយអ៊ុយក្រែន៕អត្ថបទ៖ ប៊ុនថន

ប្រជាជនរុស្ស៊ីបានប្រញាប់ប្រញាល់ចូលទៅក្នុងប្រទេសស៊ែប៊ី ខណៈការកែណ្ឌកម្លាំងត្រូវបានប្រកាស

រុស្ស៊ី៖ ប្រជាជនរុស្សីក្នុងចំនួនដ៏ច្រើនបានប្រញាប់ប្រញាល់កក់សំបុត្រ ដើម្បីចាកចេញពីប្រទេសកាលពីថ្ងៃពុធ បន្ទាប់ពីប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការកែណ្ឌកម្លាំងដោយផ្នែកសម្រាប់សង្គ្រាមនៅអ៊ុយក្រែន។ ជើងហោះហើរបានកក់ពេញយ៉ាងឆាប់រហ័ស ហើយតម្លៃសំបុត្រដែលនៅសល់បានឡើងថ្លៃកប់ពពក ដែលជាក់ស្តែងត្រូវបានជំរុញដោយការភ័យខ្លាចថា ព្រំដែនរបស់រុស្ស៊ីអាចបិទក្នុងពេលឆាប់ៗនេះ ឬការកែណ្ឌកម្លាំងដែលអាចបញ្ជូនបុរសរុស្ស៊ី មានអាយុចូលរួមប្រយុទ្ធជាច្រើននាក់ទៅកាន់សមរភូមិសង្គ្រាម។ សំបុត្រសម្រាប់ជើងហោះហើរទីក្រុង Moscow-Belgrade ដំណើរការដោយក្រុមហ៊ុន Air Serbia ជាក្រុមហ៊ុនអាកាសចរណ៍អឺរ៉ុបតែមួយគត់ ក្រៅពីក្រុមហ៊ុនអាកាសចរណ៍ប្រទេសទួរគីក្នុងការរក្សាជើងហោះហើរទៅកាន់ប្រទេសរុស្ស៊ី ទោះបីជាមានបម្រាមជើងហោះហើររបស់សហភាពអឺរ៉ុបក៏ដោយ។ស្ត្រីជនជាតិរុស្សីម្នាក់ដែលមកដល់ទីក្រុងបែលក្រាដបាននិយាយប្រឆាំងនឹងសង្គ្រាម ទោះបីជាមានការភ័យខ្លាចក្នុងការនិយាយដូច្នេះក៏ដោយ។ ខ្ញុំខ្លាច ព្រោះរដ្ឋាភិបាល និងនគរបាលរបស់ខ្ញុំអាចមើលឃើញក្នុងបទសម្ភាសន៍នេះ ហើយខ្ញុំនឹងមានបញ្ហានៅក្នុងប្រទេសរបស់ខ្ញុំ។ ប៉ុន្តែខ្ញុំចង់និយាយថា សេរីភាពសម្រាប់អ៊ុយក្រែន សូមនរណាក៏បានដែរបញ្ឈប់លោក ពូទីន។ ពលរដ្ឋរុស្ស៊ីមិនត្រូវការទិដ្ឋាការដើម្បីចូលប្រទេសស៊ែប៊ីនោះទេ ជាប្រទេសនៅអឺរ៉ុបតែមួយគត់ដែលមិនបានចូលរួមក្នុងការដាក់ទណ្ឌកម្ម របស់លោកខាងលិចលើរុស្ស៊ីចំពោះការវាយលុករបស់ប្រទេសនេះនៅអ៊ុយក្រែន។បទបញ្ជារបស់លោក ពូទីន ចែងថា ចំនួនមនុស្សដែលត្រូវបានហៅឲ្យចូលបំពេញកាតព្វកិច្ច នឹងត្រូវកំណត់ដោយក្រសួងការពារជាតិ។ រដ្ឋមន្ត្រីក្រសួងការពារជាតិលោក Sergei Shoigu បាននិយាយនៅក្នុងបទសម្ភាសន៍តាមទូរទស្សន៍ថា ទាហានបម្រុងចំនួន ៣សែននាក់ដែលមានបទពិសោធន៍ប្រយុទ្ធ និងសេវាកម្មពាក់ព័ន្ធដំបូងនឹងត្រូវបានដាក់ពង្រាយ។ រដ្ឋធានី Belgrade របស់ប្រទេសស៊ែប៊ី បានក្លាយជាគោលដៅដ៏សំខាន់សម្រាប់ប្រជាជនរុស្ស៊ី ក្នុងអំឡុងពេលសង្គ្រាម។ ប្រជាជនរុស្សីរហូតដល់ ៥ម៉ឺននាក់បានភៀសខ្លួនទៅកាន់ប្រទេសស៊ែប៊ី ចាប់តាំងពីរុស្ស៊ីបានវាយលុកលើអ៊ុយក្រែន៕អត្ថបទ៖ ប៊ុនថន

មេដឹកនាំពិភពលោកថ្កោលទោសសង្គ្រាមរបស់រុស្ស៊ីនៅអ៊ុយក្រែននៅមហាសន្និបាតអង្គការសហប្រជាជាតិ

UN៖ ការវាយលុករបស់រុស្ស៊ីលើអ៊ុយក្រែនបានឈានចូលដំណាក់កាលកណ្តាល នៅមហាសន្និបាតអង្គការសហប្រជាជាតិ ដោយប្រទេសអាល្លឺម៉ង់ និងបារាំងបានថ្កោលទោស ចំពោះចក្រពត្តិនិយមរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ខណៈប្រទេសកាតា សេណេហ្គាល់ និងទួរគីអំពាវនាវឱ្យមានការចរចាសន្តិភាពជាបន្ទាន់ ហើយប្រទេសលីទុយអានីជំរុញឱ្យមានការបង្កើតតុលាការឧក្រិដ្ឋកម្មសង្គ្រាម ដើម្បីដាក់ទោសភាពឃោរឃៅរបស់ទីក្រុងមូស្គូ។ ឈរនៅវេទិកាអង្គការសហប្រជាជាតិនៅទីក្រុងញូវយ៉ក អធិការបតីអាល្លឺម៉ង់លោក Olaf Scholz បាននិយាយថា ពុំមានការបង្ហាញភស្តុតាងត្រឹមត្រូវអ្វីទាំងអស់សម្រាប់ការសម្រេចចិត្តរបស់លោក ពូទីន ក្នុងការវាយលុកលើអ៊ុយក្រែនកាលពីខែកុម្ភៈ។ លោកនិយាយថា នេះគឺជាចក្រពត្តិនិយម ហើយវាបានបង្កឲ្យមានមហន្តរាយមិនត្រឹមតែសម្រាប់អឺរ៉ុបប៉ុណ្ណោះទេ ប៉ុន្តែក៏សម្រាប់ពិភពលោកដែលសណ្តាប់ធ្នាប់ផ្អែកលើច្បាប់។ លោក Scholz និយាយថា ប្រសិនបើយើងចង់ឱ្យសង្គ្រាមនេះបញ្ចប់ នោះយើងមិនអាចព្រងើយកន្តើយចំពោះរបៀបដែលវានឹងបញ្ចប់នោះទេ។ លោក ពូទីន នឹងបោះបង់ចោលសង្គ្រាម និងមហិច្ឆតាចក្រពត្តិនិយមរបស់លោក ប្រសិនបើលោកដឹងថាមិនអាចឈ្នះ។ ដូច្នេះ អាល្លឺម៉ង់សន្យាថា នឹងមិនទទួលយកសន្តិភាពដែលកំណត់ដោយរុស្ស៊ីឡើយ ហើយនឹងបន្តគាំទ្រអ៊ុយក្រែនអស់ពីកម្លាំងចិត្តទាំងផ្នែកហិរញ្ញវត្ថុ សេដ្ឋកិច្ច ជំនួយមនុស្សធម៌ និងដោយសព្វាវុធ។ទន្ទឹមនឹងនេះ ប្រធានាធិបតីសហរដ្ឋអាមេរិកលោក Joe Biden បានថ្កោលទោសការវាយលុករបស់លោក វ្ល៉ាឌីមៀ ពូទីន មកលើអ៊ុយក្រែននៅអង្គការសហប្រជាជាតិ ខណៈមេដឹកនាំរុស្ស៊ីបង្កើនកិច្ចប្រឹងប្រែងសង្គ្រាម និងគំរាមកំហែងការសងសឹក។ ថ្លែងទៅកាន់ការជួបប្រជុំប្រចាំឆ្នាំនៃមហាសន្និបាតអង្គការសហប្រជាជាតិ (UNGA) នៅទីក្រុងញូវយ៉ក លោក Biden បានប្រើសុន្ទរកថាភាគច្រើនរបស់លោកដើម្បីថ្កោលទោសទីក្រុងមូស្គូ។ សមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិមួយនេះ បានវាយលុកប្រទេសជិតខាងរបស់ខ្លួន ដោយព្យាយាមលុបបំបាត់រដ្ឋអធិបតេយ្យមួយនេះចេញពីផែនទី។ រុស្ស៊ីបានបំពានគោលការណ៍ស្នូលនៃធម្មនុញ្ញអង្គការសហប្រជាជាតិ ដោយឥតអៀនខ្មាស៕អត្ថបទ៖ ប៊ុនថន

អ៊ីរ៉ង់ និងសហរដ្ឋអាមេរិកប៉ះទង្គិចគ្នានៅអង្គការសហប្រជាជាតិលើបញ្ហាកិច្ចព្រមព្រៀងនុយក្លេអ៊ែរ និងសិទ្ធមនុស្ស

UN៖ សហរដ្ឋអាមេរិក និងអ៊ីរ៉ង់បានប៉ះទង្គិចគ្នាស្ដីពីបញ្ហាសន្តិសុខ និងសិទ្ធិមនុស្សកាលពីថ្ងៃពុធ ដោយប្រធានាធិបតីអ៊ីរ៉ង់ទាមទារឲ្យសហរដ្ឋអាមេរិកធានា ដល់ការស្រោចស្រង់កិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ឡើងវិញ ហើយប្រធានាធិបតីអាមេរិកប្ដេជ្ញាមិនឲ្យអ៊ីរ៉ង់សម្រេចបាន ការផលិតគ្រាប់បែកបរមាណូដោយជោគជ័យឡើយ។ លោកប្រធានាធិបតីអ៊ីរ៉ង់ Ebrahim Raisi បានវាយប្រហារពាក្យសម្ដីផ្គើននៅមហាសន្និបាតអង្គការសហប្រជាជាតិ ដោយទាត់ចោលស្តង់ដារ២ លើបញ្ហាសិទ្ធិមនុស្ស និងការស្លាប់ស្ត្រីជនជាតិអ៊ីរ៉ង់ម្នាក់នៅក្នុងការឃុំខ្លួនរបស់នគរបាល ដែលបង្កឲ្យមានការតវ៉ានៅទូទាំងប្រទេសអ៊ីរ៉ង់។ លោក Raisi ក៏បាននិយាយផងដែរថា ទីក្រុងតេអេរ៉ង់ចង់ឲ្យអតីតប្រធានាធិបតីអាមេរិកលោក Donald Trump ទទួលទោសចំពោះការសម្លាប់មេបញ្ជាការជាន់ខ្ពស់របស់កងកម្លាំង Quds អ៊ីរ៉ង់លោក Qassem Soleimani កាលពីឆ្នាំ២០២០ ក្នុងការវាយប្រហារដោយយានដ្រូនរបស់អាមេរិកនៅក្នុងប្រទេសអ៊ីរ៉ាក់ ខណៈដែលលោកលើកបង្ហាញរូបថតរបស់លោកឧត្ដមសេនីយ៍រូបនេះ៕អត្ថបទ៖ សុខមាន

សម្ដេចតេជោ ហ៊ុន សែន ទទួលបានការស្វាគមន៍យ៉ាងកក់ក្តៅពីប្រជាពលរដ្ឋរស់នៅសហរដ្ឋអាមេរិក

ភ្នំពេញ៖ ពេលអញ្ជើញធ្វើដំណើរទៅដល់សណ្ឋាគារស្នាក់នៅ នាទឹកដីសហរដ្ឋអាមេរិក នាល្ងាចថ្ងៃទី២១ ខែកញ្ញា (ពេលវេលានៅអាមេរិក)សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលការស្វាគមន៍យ៉ាងកក់ក្តៅជាទីបំផុត ពីបងប្អូនប្រជាពលរដ្ឋដែលរស់នៅទឹកដី សហរដ្ឋអាមេរិក។ សម្តេចតេជោនាយករដ្ឋមន្ត្រី បានអរគុណចំពោះវត្តមានប្រជាពលរដ្ឋដែលជាជនរួមជាតិខ្មែរទាំងអស់ ដែលបាចំណាយពេលវេលាដ៏មានតម្លៃបំផុត អញ្ជើញមកជួបសម្តេចដោយផ្ទាល់នៅពេលនេះ។នៅចំពោះមុខប្រជាពលរដ្ឋទាំងអស់ សម្តេចតេជោ នាយករដ្ឋមន្ត្រី បានមានប្រសាសន៍ថា ‘’ តើនេះគឺជារូបសម្តេចផ្ទាល់រឺយ៉ាងណា? ‘’ ។ ព្រោះ មុនពេលមកដល់ទីក្រុងញូយ៉ក មានជនអគិតមួយចំនួនបាននិយាយថា សម្តេចឈឺដាច់សរសៃឈាម មិនបានទៅទីក្រុងញូយ៉ក សហរដ្ឋអាមេរិកនោះទេ។សម្តេចតេជោ បានអរគុណជាពន្លឹកជាថ្មីម្តងទៀត ជូនចំពោះប្រជាពលរដ្ឋទាំងអស់ ដែលបានមកជួបសម្តេចនាពេលនេះ និងបានជូនពរដល់ការធ្វើដំណរត្រឡប់ទៅលំនៅដ្ឋានវិញ ប្រកបដោយសុខសុវត្តិភាព៕

សាលាក្តីខ្មែរក្រហម សម្រេចតម្កល់បណ្តឹងសាទុក្ខរបស់លោក ខៀវ សំផន ដោយផ្តន្ទាទោសអស់មួយជីវិត

ភ្នំពេញ៖ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ឬហៅថាតុលាការខ្មែរក្រហម នៅព្រឹកថ្ងៃទី២២ ខែកញ្ញានេះ សម្រេចតម្កល់សាលាដីកាជុំវិញបណ្តឹងសាទុក្ខអតីតប្រមុខរដ្ឋនៃរបបកម្ពុជាប្រជាធិបតេយ្យលោក ខៀវ សំផន ក្នុងសំណុំរឿង០០២/០២ ដោយផ្តន្ទាទោសអស់មួយជីវិត។ ការប្រកាសសាលដីកាបណ្តឹងសាទុក្ខនេះ មានអញ្ជេីញចូលរួមពីដេីមបណ្តឹងរដ្ឋប្បវេណី ជនរងគ្រោះ និងតំណាងរាជរដ្ឋាភិបាល តំណាងស្ថានទូតបរទេសនានាប្រចាំកម្ពុជា រួមទាំងព្រះសង្ឃ សិស្សនិស្សិតជាច្រេីនផងដែរ។ គួរជម្រាបថា អង្គជំនុំជម្រះសាលាដំបូងនៃតុលាការខ្មែរក្រហម កាលពីថ្ងៃទី១៦ ខែវិច្ឆិកា ឆ្នាំ២០១៨ បានកាត់ទោស លោក ខៀវ សំផន ឱ្យជាប់ពន្ធនាគារអស់មួយជីវិតពីបទប្រព្រឹត្តអំពើប្រល័យពូជសាសន៍ប្រឆាំងនឹងជនជាតិវៀតណាម, ឧក្រិដ្ឋកម្មប្រឆាំងនឹងមនុស្សជាតិ និងការបំពារបំពានយ៉ាងធ្ងន់ធ្ងរលើអនុសញ្ញាក្រុងហ្សឺណែវ៕(ដោយ៖ ឧត្តម)

បណ្ដាញសង្គម

ព័ត៌មានថ្មីៗ

មន្ទីរបញ្ចកោណ នឹងវិនិយោគ ៤០០លានដុល្លារ ក្នុងការរុករករ៉ែកម្ររបស់អូស្ត្រាលី

អ្នកនាំពាក្យក្រសួងព័ត៌មាន អំពាវនាវឱ្យយុវជននៅសមរភូមិក្រោយ បង្កើនស្មារតីប្រុងប្រយ័ត្នខ្ពស់ និងភាពម្ចាស់ការដើម្បីទប់ទល់នឹងសង្គ្រាមសតិអារម្មណ៍

សមាជិកព្រឹទ្ធសភាបក្សសាធារណរដ្ឋអនុម័តតែងតាំងលោក Todd Blanche ជារដ្ឋមន្ត្រីយុត្តិធម៌អាមេរិក

ឧទ្ធម្ភាគចក្រពន្លត់អគ្គិភ័យ ធ្លាក់នៅជិតចំហេះព្រៃរបស់អាមេរិក ដោយមានមនុស្ស ២នាក់នៅខាងក្នុង

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញមកដោយផ្ទាល់ដើម្បីប្រគល់ផ្ទះថ្មី ចំនួន ៦ខ្នង ជូនក្រុមគ្រួសាររបស់វីរកងទ័ពពលី

ជប៉ុនសម្លឹងការចំណាយការពារជាតិខ្ពស់បំផុត ៥៦ពាន់លានដុល្លារ ស្របពេលបារម្ភពីសន្តិសុខក្នុងតំបន់

កូរ៉េខាងត្បូងត្រៀមប្រឈមនឹងកម្ដៅក្ដៅខ្លាំង ខណៈជំងឺទាក់ទងនឹងកម្ដៅកើនឡើង

ប្រធានាធិបតីអ៊ុយក្រែន លោក Zelenskyy បំពេញទស្សនកិច្ចនៅស៊ែប៊ីដែលជាសម្ព័ន្ធមិត្តរុស្ស៊ី

ព្យុះទីហ្វុង Dolphin ធ្វើឱ្យមានអ្នករបួស ៥នាក់ នៅខេត្ត Okinawa របស់ជប៉ុន ខណៈចិនបិទកំពង់ផែ មុនព្យុះទៅដល់

មេដឹកនាំកោះតៃវ៉ាន់ត្រួតពិនិត្យការហ្វឹកហ្វឺនវាយប្រហារតាមឆ្នេរសមុទ្រ អំឡុងសមយុទ្ធប្រចាំឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877