BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់

ចិន៖ ប្រទេសចិនត្រៀមធ្វើសមយុទ្ធនៅក្នុងសមុទ្រជុំវិញកោះតៃវ៉ាន់ ក្រោយដំណើរទស្សនកិច្ចរបស់អ្នកនយោបាយជាន់ខ្ពស់សហរដ្ឋអាមេរិកគឺលោកស្រី Nancy Pelosi ទៅកាន់កោះតៃវ៉ាន់។ លោកស្រី Pelosi បានចាកចេញកាលពីថ្ងៃពុធ បន្ទាប់ពីដំណើរទស្សនកិច្ចដ៏ចម្រូងចម្រាសទៅកាន់កោះតៃវ៉ាន់ ដែលចិនចាត់ទុកជាខេត្តផ្ដាច់ខ្លួន។ ជាការឆ្លើយតបចិនបានប្រកាសធ្វើសមយុទ្ធយោធាដែលភាពចាំបាច់ និងស្របច្បាប់រយៈពេល ៥ថ្ងៃដែលនឹងចាប់ផ្ដើមនៅថ្ងៃព្រហស្បតិ៍នេះ។ កោះតៃវ៉ាន់និយាយថា យន្តហោះចម្បាំងចិនចំនួន ២៧គ្រឿងបានហោះចូលទៅតំបន់ការពារដែនអាកាសរបស់ខ្លួន។ កាលពីថ្ងៃពុធ ក្រុមអាជ្ញាធរការពារជាតិកោះតៃវ៉ាន់បាននិយាយថា ខ្លួនបានបញ្ជូនយន្តហោះជាច្រើនគ្រឿងដើម្បីព្រមានយន្តហោះចិន។ ចិនបាននិយាយថា សមយុទ្ធទាំងនោះនឹងធ្វើឡើងនៅក្នុងដែនទឹកដ៏មមាញឹកបំផុតមួយចំនួនរបស់ពិភពលោក និងរាប់បញ្ចូលទាំងការបាញ់គ្រាប់ពិតរយៈចម្ងាយឆ្ងាយ។កោះតៃវ៉ាន់បានស្នើនាវានានាដើម្បីរកផ្លូវពិសេសគេចចេញពីសមយុទ្ធទាំងនោះ និងកំពុងចរចាជាមួយប្រទេសជិតខាងជប៉ុន និងហ្វីលីពីនដើម្បីស្វែងរកផ្លូវអាកាសផ្សេង។ មេដឹកនាំកោះនេះលោកស្រី Tsai Ing-wen បាននិយាយថា ប្រទេសនេះកំពុងប្រឈមនឹងការគំរាមកំហែងដោយយោធាដ៏តានតឹងបំផុត។ នៅក្នុងកិច្ចខិតខំប្រឹងប្រែងដើម្បីរំងាប់ស្ថានការណ៍ បណ្ដារដ្ឋមន្ត្រីការបរទេសមកពីក្រុមប្រទេសមានឧស្សាហកម្មលូតលាស់ទាំង៧ ឬ G7 មានកាណាដា បារាំង អាល្លឺម៉ង់ អ៊ីតាលី ជប៉ុន អង់គ្លេស និងសហរដ្ឋអាមេរិកបានបញ្ចេញសេចក្ដីថ្លែងការណ៍រួមមួយដោយនិយាយថា ការបង្កស្ថានភាពរបស់ចិននឹងប្រឈមនឹងការរុញឲ្យមានអស្ថិរភាពក្នុងតំបន់៕អត្ថបទ៖ សុខមាន

រដ្ឋមន្ត្រីការបរទេសអូស្រ្តាលី បានមកដល់កម្ពុជាហើយ នាព្រឹកនេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥(AMM)

ភ្នំពេញ៖ រដ្ឋមន្ត្រីការបរទេសអូស្រ្តាលី លោកស្រី ផេននី វង់ (Penny Wong) បានមកដល់កម្ពុជាហើយ នាព្រឹកថ្ងៃទី៤ ខែសីហា ឆ្នាំ២០២២នេះ ដើម្បីចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥(AMM) និងកិច្ចប្រជុំពាក់ព័ន្ធ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី៣-៦ ខែសីហា ឆ្នាំ២០២២៕

សម្តេចតេជោ ហ៊ុន សែន ទទួលជួបតំណាងជាន់ខ្ពស់ទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុប

ភ្នំពេញ៖ នៅវិមានសន្តិភាព ព្រឹកថ្ងៃទី៤ ខែសីហានេះ សម្តេចតេជោ ហ៊ុន សែន នាយករដ្ឋមន្ត្រីបានអនុញ្ញាតឱ្យឯកឧត្តម ចូសិប បូររែល ហ្វុនតេលលេ(Josep Borrell Fontelles)តំណាងជាន់ខ្ពស់ទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុបចូលជួបសំដែងការគួរសម និងពិភាក្សាការងារ ខណៈឯកឧត្តមបានអញ្ជើញមកចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងដៃគូពាក់ព័ន្ធនៅទីក្រុងភ្នំពេញប្រទេសកម្ពុជា៕

ដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នាំឲ្យមានការតវ៉ាប្រឆាំងទាំងក្នុង និងក្រៅអាមេរិក

កោះតៃវ៉ាន់៖ ខណៈដំណើរទស្សនកិច្ចជាប្រវត្តិសាស្ត្ររបស់លោកស្រី Nancy Pelosi ទៅកាន់កោះតៃវ៉ាន់ គំរាមបង្កឲ្យមានជាវិបត្តិដ៏ធំរវាងសហរដ្ឋអាមេរិក និងចិន សាធារណៈមតិផ្សេងៗលើដីកោះដ៏តូចនេះមានភាពច្របូកច្របល់គ្នា។ កាលពីថ្ងៃអង្គារម្សិលមិញ ការតវ៉ាប្រឆាំងដំណើររបស់លោកស្រី Pelosi បានកើតឡើងនៅលើកោះតៃវ៉ាន់ មុនដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi មកកាន់កោះនេះ។ ប្រធានគណបក្សតៃវ៉ាន់ថ្មី ឬហៅថា New Taiwan Party បាននិយាយថា លោកស្រី Pelosi នឹងធ្វើឲ្យតៃវ៉ាន់ត្រូវភ្លើងឆេះ និងលិចទឹក និងបានអំពាវនាវឲ្យប្រជាពលរដ្ឋតវ៉ាប្រឆាំងនៅសណ្ឋាគារ Grand Hyatt hotel ជាទីដែលគេរំពឹងថាលោកស្រីនឹងស្នាក់នៅទីនោះ។ ខណៈដែលជនជាតិតៃវ៉ាន់ជាច្រើនគាំទ្រឯករាជ្យភាព និងស្វាគមន៍ការគាំទ្ររបស់សហរដ្ឋអាមេរិក មានសំណួរមួយចំនួនបានលេចឡើងថា តើដំណើរទស្សនកិច្ចរបស់លោកស្រី Pelosi គឺជាការបង្ករឿងដែលមិនគួរមានដែរ ឬយ៉ាងណា។នៅក្នុងការស្ទង់មតិនៃអ្នកអានជិត ៧៥០០ របស់គេហទំព័រព័ត៌មាន United Daily News មាន ៦១% និយាយថា ដំណើរនេះមិនត្រូវបានស្វាគមន៍ទេ ខណៈមានការលើកឡើងថា បញ្ហានេះអាចបង្កឲ្យមានអស្ថិរភាពនៅច្រកសមុទ្រតៃវ៉ាន់។ មានតែ ៣៨% ប៉ុណ្ណោះដែលបានស្វាគមន៍ដំណើរទស្សនកិច្ចនេះ និងបាននិយាយថា វាមានគុណប្រយោជន៍ជាងគុណវិបត្តិ។ កាលពីថ្ងៃចន្ទមុនដំណើរទស្សនកិច្ចនេះមានមនុស្សប្រមាណ ១០០នាក់បានប្រមូលផ្ដុំគ្នានៅខាងក្រៅការិយាល័យរបស់លោកស្រី Pelosi ក្នុងអគារសហព័ន្ធ San Francisco ដើម្បីជំរុញលោកស្រីឲ្យលុបចោលការឈប់សំចតដំណើររបស់លោកស្រីនៅតំបន់អាស៊ី ដែលក្រុមអ្នកតវ៉ានិយាយថា ជាការបង្កឲ្យមានសង្គ្រាមដ៏ធ្ងន់ធ្ងរជាមួយចិន៕អត្ថបទ៖ សុខមាន

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

កោះតៃវ៉ាន់៖ លោកស្រី Nancy Pelosi បានជួបអនុប្រធានសភាកោះតៃវ៉ាន់លោក Tsai Chi-chang នៅក្នុងទីក្រុងតៃប៉ិ (Taipei) នៅថ្ងៃពុធនេះ។ ប្រធានសភាអាមេរិករូបនេះក៏បានជួបមេដឹកនាំកោះនេះផងដែរគឺលោកស្រី Tsai Ing-wen។ ប្រធានសភាសហរដ្ឋអាមេរិកបាននិយាយថា លោកស្រីបានចាត់ទុកជំនួបនេះថា ជាកិត្តិយសបំផុត សំដៅថាជាមិត្តល្អរបស់កោះតៃវ៉ាន់។ លោកស្រី Pelosi បាននិយាយថា លោកស្រីចង់ជួយបង្កើនកិច្ចសហប្រតិបត្តិការអន្តរសភា និងការសន្ទនា និងដោះស្រាយបញ្ហាជាក់លាក់នានាជាមួយកោះតៃវ៉ាន់។ សេតវិមានរបស់លោកប្រធានាធិបតី Biden បានព្យាយាមរយៈពេលជាច្រើនសប្ដាហ៍ដើម្បីបញ្ចុះបញ្ចូលក្រុងប៉េកាំង និងពិភពលោក ចំពោះដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ ដោយនិយាយថា គ្មានអ្វីប្រែប្រួលចំពោះគោលនយោបាយរបស់សហរដ្ឋអាមេរិក ចំពោះចិនដីគោក ឬកោះតៃវ៉ាន់ទេ៕ អត្ថបទ៖ សុខមាន

ដំណើររបស់លោកស្រី Pelosi ទៅកាន់កោះតៃវ៉ាន់គឺជាបញ្ហាឈឺក្បាលថ្មីសម្រាប់លោក Biden ដែលនាំឲ្យមានភាពតានតឹងជាមួយចិនកាន់តែខ្លាំង

សហរដ្ឋអាមេរិក៖ ខណៈដែលប្រធានសភាសហរដ្ឋអាមេរិកលោកស្រី Nancy Pelosi បានទៅដល់កោះតៃវ៉ាន់កាលពីយប់ថ្ងៃអង្គារ ដំណើររបស់លោកស្រីបានបង្កឲ្យមានការខ្វែងគំនិតគ្នាដ៏កម្រ រវាងសេតវិមានរបស់លោក Biden និងគណបក្សប្រជាធិបតេយ្យដ៏មានឥទ្ធិពលបំផុតនៅក្នុងសភា។ ជាផ្លូវការរដ្ឋបាលរបស់លោក Biden មានការប្រុងប្រយ័ត្នបំផុតក្នុងការបញ្ចៀសការឆ្លើយសំណួរ ដោយផ្ទាល់លើបញ្ហាថា តើរដ្ឋបាលរបស់លោកឯកភាពទៅនឹងការសម្រេចចិត្តរបស់លោកស្រី Pelosi សម្រាប់ដំណើរទស្សនកិច្ចនេះ ឬអត់។ ប៉ុន្តែក្រៅផ្លូវការវិញ សេតវិមាន និងមន្ទីរបញ្ចកោណមានសិទ្ធិអំណាចតិចតួចក្នុងការជំទាស់ ទៅនឹងដំណើរទស្សនកិច្ចបែបនេះដែលកើតឡើង ស្របពេលទំនាក់ទំនងរវាងសហរដ្ឋអាមេរិក និងចិនធ្លាក់ដល់កម្រិតផុយស្រួយបំផុតក្នុងរយៈពេលជាច្រើនទសវត្សរ៍មកនេះ។កាលពីដើមខែកក្កដាលោក Biden បានឆ្លើយតបទៅនឹងសំណួរមួយអំពីពាក្យចចាមអារ៉ាម នៃដំណើររបស់លោកស្រី Pelosi ដែលឈប់សំចតនៅកោះតៃវ៉ាន់ ដោយនិយាយថា យោធាគិតថា វាពុំមែនជាគំនិតល្អទេនៅពេលនេះ។ ប៉ុន្តែខ្ញុំមិនដឹងថា តើនឹងមានបញ្ហាអ្វីនោះទេ។ រយៈពេលជាច្រើនសប្ដាហ៍កន្លងទៅនេះ ក្រុមមន្ត្រីសហរដ្ឋអាមេរិកចាប់ពីប្រធានាធិបតីរហូតដល់ថ្នាក់ក្រោមបានប្រឹងប្រែងយ៉ាងខ្លាំង ក្នុងព្យាយាមនិយាយពីជម្រើសរបស់លោកស្រី Pelosi ទៅទស្សនកិច្ចកោះតៃវ៉ាន់ និងបានសង្កត់ធ្ងន់ថា នោះគឺជាការសម្រេចចិត្តរបស់លោកស្រី និងជារឿងផ្ទាល់ខ្លួនរបស់លោកស្រីតែម្នាក់ឯង៕អត្ថបទ៖ សុខមាន

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

ចិន៖ ចិនបានហៅដំណើរទស្សនកិច្ចជាប្រវត្តិសាស្ត្រទៅកាន់កោះតៃវ៉ាន់ ពីសំណាក់ប្រធានសភាសហរដ្ឋអាមេរិកលោកស្រី Nancy Pelosi ថា ជាដំណើរប្រកបដោយគ្រោះថ្នាក់បំផុត។ ក្រុងប៉េកាំងបានចោទលោកស្រី Pelosi ដែលជាអ្នកនយោបាយជាន់ខ្ពស់បំផុតរបស់សហរដ្ឋអាមេរិកក្នុងរយៈពេល ២៥ឆ្នាំទៅកាន់កោះនេះ ដែលចិនបានអះអាងថាជាខេត្តផ្ដាច់ខ្លួនមួយរបស់ខ្លួនថា កំពុងប្រលែងលេងជាមួយនឹងភ្លើង។ ក្រុងប៉េកាំងបានព្រមាននៅក្នុងសេចក្ដីថ្លែងការណ៍មួយថា អ្នកណាដែលប្រលែងលេងជាមួយភ្លើងនឹងរលាកមិនខាន។ អ្នកនាំពាក្យសន្តិសុខជាតិអាមេរិកលោក John Kirby បាននិយាយថា គ្មានហេតុផលដែលដំណើរទស្សនកិច្ចនេះ នឹងក្លាយជាព្រឹត្តិការណ៍គួរឲ្យភ្ញាក់ផ្អើលបង្កឲ្យមានជាវិបត្តិ ឬជម្លោះនោះទេ។ ថ្លែងក្រោយលោកស្រីបានទៅដល់កោះនេះ អ្នកនាំពាក្យរូបនេះបានបញ្ជាក់ជាថ្មីដល់ក្រុមអ្នកសារព័ត៌មានថា ដំណើរនេះគឺស្របនឹងគោលនយោបាយ ដែលមានជាយូរមកហើយរបស់សហរដ្ឋអាមេរិកចំពោះចិន ហើយពុំបានរំលោភអធិបតេយ្យភាពរបស់ប្រទេសនេះទេ។ ខណៈដែលយន្តហោះរបស់លោកស្រីបានទៅដល់កោះមួយនេះ សារព័ត៌មានចិនបានរាយការណ៍ថា យន្តហោះយោធាចិនកំពុងហោះឆ្លងកាត់ច្រកសមុទ្រតៃវ៉ាន់។ ពេលនោះកោះតៃវ៉ាន់ច្រានចោលរបាយការណ៍ទាំងនោះ តែក្រោយមកបាននិយាយថា យន្តហោះយោធាចិនជាង ២០គ្រឿងបានហោះចូលទៅក្នុងតំបន់ការពារដែនអាកាសរបស់ខ្លួនកាលពីថ្ងៃអង្គារ៕អត្ថបទ៖ សុខមាន

ជនជាតិចិនសញ្ជាតិអាមេរិកបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់លោកស្រី Pelosi នៅកោះតៃវ៉ាន់

សហរដ្ឋអាមេរិក៖ ជនជាតិចិនសញ្ជាតិអាមេរិកបានបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះតៃវ៉ាន់ ដែលបានបណ្ដាលឲ្យរងការថ្កោលទោសពីចិន។ ជនជាតិចិនសញ្ជាតិអាមេរិកមួយចំនួនបានសាទរការគាំទ្ររបស់លោកស្រី Pelosi ដល់កោះតៃវ៉ាន់ និងរដ្ឋាភិបាលជាប់ឆ្នោតតាមលទ្ធិប្រជាធិបតេយ្យ ខណៈដែលមួយចំនួនទៀតបារម្ភថា ដំណើរទស្សនកិច្ចរបស់លោកស្រីអាចនាំឲ្យទំនាក់ទំនងអាមេរិក-ចិនកាន់តែដុនដាបខ្លាំង ដែលអាចបង្កឲ្យប៉ះពាល់ដល់ពាណិជ្ជកម្ម និងឈានដល់ការវាយប្រហារប្រឆាំងពីសំណាក់ប្រទេសចិន និងការរើសអើងជាតិសាសន៍។ លោកស្រី Pelosi បានទៅដល់កោះតៃវ៉ាន់កាលពីយប់ថ្ងៃអង្គារ ដែលក្លាយជាមន្ត្រីអាមេរិកជាន់ខ្ពស់បំផុតក្នុងរយៈពេល ២៥ឆ្នាំដែលបានទៅកាន់ដីកោះស្វ័យគ្រប់គ្រង ដែលចិនអះអាងថាជាដែនខេត្តរបស់ខ្លួន ដែលបានប្រកាសភ្លាមៗថា ខ្លួននឹងធ្វើសមយុទ្ធយោធាយុទ្ធសាស្ត្រសងសឹកទៅនឹងវត្តមានរបស់លោកស្រីនៅកោះនេះ។ លោកស្រី Pelosi បានធ្វើដំណើរតាមយន្តហោះដឹកអ្នកដំណើរសហរដ្ឋអាមេរិក Air Force និងត្រូវបានទទួលស្វាគមន៍នៅអាកាសយានដ្ឋានអន្តរជាតិតៃប៉ិ ដោយរដ្ឋមន្ត្រីការបរទេស និងមន្ត្រីជាន់ខ្ពស់របស់កោះតៃវ៉ាន់ផ្សេងទៀត និងក្រុមមន្ត្រីអាមេរិក។លោកស្រីបានថតរូបមុនក្បួនរថយន្តអមក្បួនដំណើររបស់លោកស្រីភ្លាមៗ ដែលគេពុំបានឃើញចូលទៅកន្លែងចតរថយន្តរបស់សណ្ឋាគារនោះទេ។ ដំណើររបស់លោកស្រីបានបង្កើនភាពតានតឹងដែលមានស្រាប់រវាងចិន និងសហរដ្ឋអាមេរិក ព្រោះចិនអះអាងថា កោះតៃវ៉ាន់គឺជាផ្នែកមួយនៃដែនដីរបស់ខ្លួន និងចាត់ទុកថា ដំណើររបស់ក្រុមមន្ត្រីរដ្ឋាភិបាលបរទេសគឺជាការទទួលស្គាល់អធិបតេយ្យភាពរបស់កោះនេះ។ រដ្ឋបាលលោក Biden និងលោកស្រី Pelosi និយាយថា សហរដ្ឋអាមេរិកនៅតែទទួលស្គាល់នូវអ្វីដែលហៅថា គោលការណ៍ចិនតែមួយ ដែលទទួលស្គាល់ក្រុងប៉េកាំង តែអនុញ្ញាតឲ្យមានទំនាក់ទំនងក្ដៅផ្លូវការ និងទំនាក់ទំនងខាងការពារជាតិជាមួយទីក្រុងតៃប៉ិ៕អត្ថបទ៖ សុខមាន

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

សហរដ្ឋអាមេរិក៖ សេតវិមានបានព្រមានថា ប្រទេសចិនអាចនឹងឆ្លើយតបចំពោះដំណើរទស្សនកិច្ចរបស់លោកស្រី Nancy Pelosi ប្រធានសភាសហរដ្ឋអាមេរិកទៅកាន់កោះតៃវ៉ាន់ ដោយការបង្កហេតុផ្នែកយោធា។ អ្នកនាំពាក្យលោក John Kirby បាននិយាយថា នេះអាចរួមមានទាំងការបាញ់មីស៊ីលនៅជិតកោះតៃវ៉ាន់ ឬសកម្មភាពដែនអាកាស ឬកងទ័ពជើងទឹកទ្រង់ទ្រាយធំ។ លោកស្រី Pelosi ប្រធានសភាសហរដ្ឋអាមេរិកកំពុងបំពេញទស្សនកិច្ចនៅអាស៊ី។ ប្រព័ន្ធផ្សព្វផ្សាយរបស់កោះតៃវ៉ាន់ និងសហរដ្ឋអាមេរិកបានរាយការណ៍ថា លោកស្រីមានផែនការធ្វើទស្សនកិច្ចទីក្រុងតៃប៉ិ ប៉ុន្តែនេះមិនត្រូវបានបញ្ជាក់ដោយរដ្ឋាភិបាលសហរដ្ឋអាមេរិកនោះទេ។ កោះតៃវ៉ាន់ជាកោះស្វ័យគ្រប់គ្រង ប៉ុន្តែប្រទេសចិនអះអាងថានឹងមានផលវិបាកធ្ងន់ធ្ងរ ប្រសិនបើលោកស្រី Pelosi ទៅទីនោះ។ ទីភ្នាក់ងារសារព័ត៌មាន Reuters បានរាយការណ៍ថា កាលពីថ្ងៃចន្ទបេសកជនប្រចាំអង្គការសហប្រជាជាតិរបស់ប្រទេសចិនលោក Zhang Jun បានព្រមានថា ដំណើរទស្សនកិច្ចនេះនឹងធ្វើឱ្យខូចទំនាក់ទំនងរវាងទីក្រុងប៉េកាំង និងទីក្រុងវ៉ាស៊ីនតោន។ ជាមួយគ្នានេះ រដ្ឋមន្ត្រីការបរទេសសហរដ្ឋអាមេរិកលោក Antony Blinken រំពឹងថា ប្រទេសចិននឹងចាត់វិធានការដោយការទទួលខុសត្រូវ ប្រសិនបើប្រធានសភាលោកស្រី Nancy Pelosi សម្រេចចិត្តធ្វើទស្សនកិច្ចនៅកោះតៃវ៉ាន់ក្នុងដំណើរទៅកាន់អាស៊ី។លោក Blinken និយាយថា ប្រសិនបើប្រធានសភារូបនេះពិតជាសម្រេចចិត្តធ្វើទស្សនកិច្ច ហើយប្រទេសចិនព្យាយាមបង្កើតឲ្យមានវិបត្តិ ឬបង្កើនភាពតានតឹងណាមួយ នោះជារឿងខាងភាគីទីក្រុងប៉េកាំងទាំងស្រុង។ ដំណើរទស្សនកិច្ចនេះនឹងបង្កឱ្យទីក្រុងប៉េកាំងផ្ទុះកំហឹង ដែលបានចាត់ទុកកោះតៃវ៉ាន់ជាដែនដីរបស់ខ្លួន ហើយបានព្រមានជាបន្តបន្ទាប់អំពីផលវិបាកធ្ងន់ធ្ងរ ប្រសិនបើការធ្វើដំណើរនឹងត្រូវបានរាយការណ៍នៅតែបន្ត។ ចិនបានព្រមានពីវិធានការម៉ឺងម៉ាត់ ប្រសិនបើលោកស្រី Pelosi មកដល់កោះតៃវ៉ាន់។ ប៉ុន្តែសេតវិមានបានព្យាយាមធានាទីក្រុងប៉េកាំងថា គ្មានហេតុផលអ្វីត្រូវចំអកនោះទេជុំវិញដំណើរទស្សនកិច្ចរបស់លោកស្រី Pelosi ហើយវាក៏នឹងមិនបង្ហាញពីការផ្លាស់ប្តូរគោលនយោបាយរបស់សហរដ្ឋអាមេរិកដែរ៕អត្ថបទ៖ ប៊ុនថន

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់

ចិន៖ ប្រភពមួយបានរាយការណ៍ទៅសារព័ត៌មាន Reuters ថា យន្តហោះចម្បាំងរបស់ចិនជាច្រើនគ្រឿងបានហោះឆ្វែលជិតខ្សែបន្ទាត់កណ្ដាល ឬមេដ្យាននៃច្រកសមុទ្រតៃវ៉ាន់ដ៏រសើបនៅព្រឹកថ្ងៃអង្គារនេះ ខណៈភាពតានតឹងឡើងកម្ដៅខ្លាំងពាក់ព័ន្ធនឹងដំណឹង ស្ដីពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ដែលគ្រោងទៅទស្សនកិច្ចនៅកោះនេះក្នុងអំឡុងថ្ងៃនេះ។ ប្រភពដដែលនេះបាននិយាយថា យន្តហោះចម្បាំងជាច្រើនគ្រឿងរបស់ចិនបានហោះ នៅជិតខ្សែបន្ទាត់ខណ្ឌចែកព្រំដែនក្រៅផ្លូវការចាប់តាំងពីថ្ងៃចន្ទមក ដោយបន្ថែមថា កោះតៃវ៉ាន់បានបញ្ជូនយន្តហោះរបស់ខ្លួនដើម្បីតាមដានស្ថានការណ៍ដែរ។ ក្រសួងការពារជាតិកោះតៃវ៉ាន់មិនអាចឆ្លើយតបភ្លាមៗ ទៅនឹងសំណើសុំការធ្វើអត្ថាធិប្បាយបានទេ។ ប្រភពខាងលើបាននិយាយថា យន្តហោះចម្បាំង និងយន្តផ្សេងទៀតរបស់ចិនបានហោះរួមគ្នានៅក្បែរខ្សែបន្ទាត់កណ្ដាល ឬខ្សែបន្ទាត់មេដ្យាននៅព្រឹកថ្ងៃអង្គារនេះ ជាសកម្មភាពប្រចាំឆ្នាំដែលគេហៅថា ជាសកម្មភាពបង្ករឿងពិតប្រាកដ។ តាមធម្មតាពុំដែលមានយន្តហោះរបស់ភាគីណាមួយ ឆ្លងកាត់ខ្សែបន្ទាត់មេដ្យាននេះទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អភិបាលខេត្តកំពង់ឆ្នាំង ផ្ដាំផ្ញើដល់បេក្ខជនឱ្យខិតខំប្រឡង ខណៈការប្រឡងបាក់ឌុប កាន់តែមានភាពប្រសើរឡើង និងឈរលើគោលការណ៍ «អ្នកចេះគឺជាប់ »

ភ្លៀងមូសុងកើនឡើងដោយសារព្យុះទីហ្វុងដូហ្វីន បង្កឱ្យមានទឹកជំនន់នៅប្រទេសហ្វីលីពីន

អភិបាលខេត្តបាត់ដំបង អញ្ជើញកាត់កញ្ចប់វិញ្ញាសារជានិមិត្តរូបសម្រាប់ការប្រឡងបាក់ឌុបឆ្នាំ២០២៦ នៅមណ្ឌលប្រឡងវិទ្យាល័យនេត យ៉ង់

បេក្ខជនប្រឡងបំពេញវិជ្ជា បាក់ឌុប នៅមណ្ឌលប្រឡងវិទ្យាល័យ ជា ស៊ីម សន្ធរម៉ុក ប្ដេជ្ញាចិត្តខិតខំប្រឡងឱ្យជាប់

បេក្ខជនស្វ័យរិនប្រឡងសញ្ញាបត្រមធ្យមសិក្សាទុតិយភូមិ បង្ហាញក្តីរំពឹងខ្ពស់ក្នុងការប្រឡងឆ្នាំនេះ

តម្លៃប្រេងកើនឡើង ខណៈការទាមទាររបស់អ៊ីរ៉ង់ធ្វើឱ្យទស្សនវិស័យសម្រាប់ច្រកសមុទ្រហ័រមូសអាប់អួរ

អាណាព្យាបាលសិស្សបង្ហាញក្ដីសង្ឃឹម និងរីករាយ ខណៈជូនកូនៗមកប្រឡងបាក់ឌុបឆ្នាំនេះ

អភិបាលខេត្តស្វាយរៀង ណែនាំបេក្ខជនត្រូវយកចំណេះដឹងដែលខិតខំសិក្សាមកប្រឡងបាក់ឌុបឱ្យទទួលបានជោគជ័យ ហើយបន្តការសិក្សាកម្រិតឧត្តមសិក្សា

អភិបាលរងខេត្ដព្រះវិហារ ណែនាំបេក្ខជនប្រឡងបាក់ឌុប ខិតខំប្រឡង និងគោរពតាមបទបញ្ជាប្រឡងរបស់ក្រសួងអប់រំ

ប្រទេសចិន ជម្លៀសមនុស្សជាងមួយលាននាក់ចេញពីផ្ទះសម្បែង ខណៈព្យុះដ៏ធំមួយមកដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់

ដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នាំឲ្យមានការតវ៉ាប្រឆាំងទាំងក្នុង និងក្រៅអាមេរិក

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

ជនជាតិចិនសញ្ជាតិអាមេរិកបង្ហាញទស្សនៈផ្សេងៗគ្នា ជុំវិញដំណើរទស្សនកិច្ចរបស់លោកស្រី Pelosi នៅកោះតៃវ៉ាន់

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទេស​ចិន​ត្រៀម​ធ្វើ​សមយុទ្ធ​បន្ទាប់ពី​ដំណើរ​ទស្សនកិច្ច​របស់​លោកស្រី Pelosi ទៅកាន់​កោះ​តៃវ៉ាន់​

លោកស្រី Pelosi ទៅកាន់​រដ្ឋសភា​របស់​កោះ​តៃវ៉ាន់​ដោយ​បង្ហាញថា ​អាមេរិក​គឺជា​មិត្ត​ល្អ​របស់​កោះ​តៃវ៉ាន់

ចិន​ហៅ​ដំណើរ​ទស្សនកិច្ច​របស់​លោកស្រី Pelosi ទៅ​កោះ​តៃវ៉ាន់​ថា​ ជា​ដំណើរ​ប្រកបដោយ​គ្រោះ​ថ្នាក់​បំផុត​

អាមេរិក​ព្រមាន​ថា ចិន​អាច​បង្ហាញ​កម្លាំង ប្រសិនបើ​លោកស្រី Pelosi ធ្វើ​ទស្សនកិច្ច​នៅ​កោះ​តៃវ៉ាន់

យន្តហោះ​ចម្បាំង​ចិន​ជាច្រើន​គ្រឿង​ហោះ​ឆ្វែល​ជិត​តំបន់​ខ្សែបន្ទាត់​កណ្ដាល​របស់​ច្រក​សមុទ្រ​តៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសចិនត្រៀមធ្វើសមយុទ្ធបន្ទាប់ពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់

លោកស្រី Pelosi ទៅកាន់រដ្ឋសភារបស់កោះតៃវ៉ាន់ដោយបង្ហាញថា អាមេរិកគឺជាមិត្តល្អរបស់កោះតៃវ៉ាន់

ចិនហៅដំណើរទស្សនកិច្ចរបស់លោកស្រី Pelosi ទៅកោះតៃវ៉ាន់ថា ជាដំណើរប្រកបដោយគ្រោះថ្នាក់បំផុត

អាមេរិកព្រមានថា ចិនអាចបង្ហាញកម្លាំង ប្រសិនបើលោកស្រី Pelosi ធ្វើទស្សនកិច្ចនៅកោះតៃវ៉ាន់

យន្តហោះចម្បាំងចិនជាច្រើនគ្រឿងហោះឆ្វែលជិតតំបន់ខ្សែបន្ទាត់កណ្ដាលរបស់ច្រកសមុទ្រតៃវ៉ាន់