BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

សម្តេចធិបតី៖កម្ពុជាគាំទ្រពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ាន ប្រទេសបូកបី និងដៃគូសន្ទនាដើម្បីបំប្លែងឯកសារទៅជាសកម្មភាពជាក់ស្តែង

ព័ត៌មានសំខាន់ៗ

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានថ្លែងថា ការធ្វើវេទិកាតាមភ្លឺស្រែកាលពីជាង២០ឆ្នាំមុនសម្តេចបានដោះស្រាយបញ្ហាជូនដល់បងប្អូនប្រជាកសិករបានយ៉ាងច្រើន ហើយតាមរយៈវេទិកានេះ មិនត្រឹមតែដោះស្រាយសំណូមពររបស់ប្រជាកសិករប៉ុណ្ណោះទេ ថែមទាំងបានដោះស្រាយសាលារៀន ផ្លូវ ស្ពាន ស្រះទឹក អណ្តូងទឹកវត្តអារាមផងដែរ។ថ្លែងតាមរយៈផេកហ្វេសប៊ុករបស់សម្តេចដោយបានភ្ជាប់នូវរូបថតមួយសន្លឹក ដែលកំពុងធ្វើវេទិកាដោះស្រាយបញ្ហាជូនដល់បងប្អូនប្រជាកសិករតាមភ្លឺស្រែនៅតាមបណ្តាខេត្តមួយចំនួននោះ សម្តេចតេជោ ហ៊ុន សែន បានលើកឡើងថា ដើម្បីមានស្បៀងគ្រប់គ្រាន់ សម្រាប់ចិញ្ចឹមប្រជាជនយើងត្រូវធ្វើវេទិកាតាមភ្លឺស្រែជាមួយប្រជាជន។ ពេលនោះការពិភាក្សាផ្តោតសំខាន់លើការដោះស្រាយទឹក ការប្រើប្រាស់ពូជការប្រើប្រាស់ដី ជី ថ្នាំសម្លាប់សត្វល្អិតការបែងចែកតំបន់ដាំដុះ ការចិញ្ចឹមត្រី និងសត្វ ។ល។សម្តេចបានបន្ថែមថា «ការឆ្លងឆ្លើយរវាងប្រជាជន និងនាយករដ្ឋមន្ត្រីបានធ្វើឲ្យវេទិកាមានជោគជ័យដែលយើងបានដោះស្រាយសំណូមពររបស់ប្រជាជនមិនត្រឹមតែវិស័យកសិកម្មប៉ុណ្ណោះទេ តែយើងបានដោះស្រាយសាលារៀន ផ្លូវ ស្ពាន ស្រះទឹក អណ្តូងទឹកវត្តអារាម។ល។ បានយ៉ាងច្រើនទៀតផង។ ពីប្រទេសដែលខ្វះស្រូវប្រមាណ ១លានតោន នាទសវត្សរ៍ ១៩៩០ និងដើមឆ្នាំ២០០០ពេលនេះយើងសល់ស្រូវជាង៦លានតោនជាមួយដំណាំកសិកម្មផ្សេងទៀត មានការរីកចំរើនយ៉ាងខ្លាំងដែលធ្វើឲ្យយើងដោះស្រាយបានតម្រូវការក្នុងស្រុក និងការនាំចេញផងដែរ។ វេទិកាតាមវាលស្រែធ្វើមិនតិចជាង ១០ដងនោះទេដែលមាននៅខេត្តកណ្តាល កំពង់ស្ពឺ តាកែវ កំពង់ឆ្នាំង ពោធិ៍សាត់ កំពង់ធំ»។ជាមួយគ្នានោះសម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរថា «កូនស្រីច្បងរបស់ខ្ញុំមានទម្លាប់ដើរតាមឪពុកតាំងពីតូច គេធ្លាប់ទៅតាមខ្ញុំបានប៉ុន្មានកន្លែងដែរក្នុងវេទិកាតាមភ្លឺស្រែនេះ។ ស្តាប់ប្រជាជននិយាយ ទទួល ដោះស្រាយ សំណូមពរសមហេតុ សមផលរបស់ប្រជាជនទើបយើងរៀបចំគោលនយោបាយបានត្រឹមត្រូវ។ ត្រូវធ្វើមន្ត្រីជើងពីរមិនត្រូវធ្វើមន្ត្រីជើង១០នោះឡើយ និងត្រូវរត់ទៅរកការងារធ្វើកុំរង់ចាំការងាររត់មករកយើងនោះទេ»៕ អត្ថបទ៖ បាន ចក់

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃចន្ទថា លោកបានត្រៀមរួចរាល់ ដើម្បីចុះកិច្ចព្រមព្រៀងថ្មីជាមួយរុស្ស៊ីស្ដីពីអាវុធនុយក្លេអ៊ែរ និងបានជំរុញឲ្យក្រុង Moscow បង្ហាញឆន្ទៈស្មោះត្រង់ ខណៈសមភាគីរុស្ស៊ីរបស់លោកគឺលោក Vladimir Putin និយាយថា មិនអាចមានអ្នកឈ្នះនៅក្នុងសង្គ្រាមនុយក្លេអ៊ែរណាមួយនោះទេ។ មេដឹកនាំទាំង២ បានចេញសេចក្ដីថ្លែងការណ៍ជាលាយលក្ខណ៍អក្សរ ខណៈក្រុមអ្នកការទូតបានជួបប្រជុំសម្រាប់សន្និសីទពិនិត្យឡើងវិញរយៈពេលមួយខែ ស្ដីពីសន្ធិសញ្ញាមិនរីកសាយអាវុធនុយក្លេអ៊ែរ។ ជំនួបនេះត្រូវបានគ្រោងធ្វើឡើងកាលពីឆ្នាំ2020 ប៉ុន្តែត្រូវបានពន្យារពេលដោយសារជំងឺរាតត្បាតសកល COVID-19។ លោក António Guterres អគ្គលេខាធិការអង្គការសហប្រជាជាតិបានប្រាប់សន្និសីទសារព័ត៌មានថា រឿងនេះកំពុងកើតឡើងចំពេលមានគ្រោះថ្នាក់នៃសង្គ្រាមនុយក្លេអ៊ែរ ដែលគេមិនធ្លាប់បានឃើញចាប់តាំងពីសង្គ្រាមត្រជាក់មក។ មនុស្សជាតិកំពុងយល់ច្រឡំ ហើយការគណនាខុសដែលត្រូវបានកាត់ផ្ដាច់ចេញពីការបំផ្លិចបំផ្លាញដោយនុយក្លេអ៊ែរ។លោកបានព្រមានថា វិបត្តិនានាកើតចេញពីសកម្មភាពនុយក្លេអ៊ែរកំពុងផ្ទុះឡើង ដោយការមើលឃើញស្ថានភាពនៅមជ្ឈិមបូព៌ា កូរ៉េខាងជើង និងសង្គ្រាមរុស្ស៊ីនៅអ៊ុយក្រែន។ រយៈពេលប៉ុន្មានថ្ងៃ ក្រោយការវាយលុករបស់រុស្ស៊ីលើអ៊ុយក្រែនកាលពីថ្ងៃទី២៤ ខែកុម្ភៈ លោក Putin បានដាក់កងកម្លាំងវាយប្រហាររបស់ប្រទេស រួមទាំងអាវុធនុយក្លេអ៊ែរស្ថិតនៅក្នុងការប្រុងប្រយ័ត្នខ្ពស់ ដោយសំដៅដល់អ្វីដែលលោកបានហៅថា ជាសេចក្ដីថ្លែងការណ៍បំពានពីបណ្ដាមេដឹកនាំណាតូ និងទណ្ឌកម្មសេដ្ឋកិច្ចរបស់លោកខាងលិចដាក់លើក្រុង Moscow៕អត្ថបទ៖ សុខមាន

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

សហរដ្ឋអាមេរិក៖ លោកប្រធានាធិបតី Joe Biden បានបញ្ជាក់ថា សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដា (al-Qaeda) លោក Ayman al-Zawahiri នៅក្នុងការវាយប្រហារដោយយានដ្រូនក្នុងប្រទេសអាហ្វហ្គានីស្ថាន។ លោកត្រូវបានសម្លាប់នៅក្នុងប្រតិបត្តិការប្រឆាំងភេរវកម្មធ្វើឡើងដោយ CIA នៅក្នុងរដ្ឋធានីកាប៊ុលកាលពីថ្ងៃអាទិត្យ។ លោក Biden បាននិយាយថា លោក Zawahiri បានបង្កើតផែនការឃាតកម្ម និងអំពើហិង្សាមកលើពលរដ្ឋសហរដ្ឋអាមេរិក។ លោកបានបន្ថែមថា ពេលនេះយុត្តិធម៌ត្រូវបានរកឃើញហើយ ហើយមេដឹកនាំភេរវកររូបនេះលែងមាននៅលើលោកនេះទៀតហើយ។ ក្រុមមន្ត្រីនិយាយថា លោក Zawahiri ស្ថិតនៅលើរៀនហាលនៃផ្ទះដ៏មានសុវត្ថិភាពមួយ នៅពេលយានដ្រូនបានបាញ់មីស៊ីល ២គ្រាប់ទៅលើមេដឹកនាំភេរវកម្មរូបនេះ។ សមាជិកគ្រួសារផ្សេងទៀតក៏នៅក្នុងផ្ទះនោះដែរ ប៉ុន្តែពួកគេទាំងនោះមិនបានរងរបួសទេ ហើយមានតែលោក Zawahiri ម្នាក់ប៉ុណ្ណោះដែលបានស្លាប់។លោក Biden បាននិយាយថា លោកបានផ្ដល់ការអនុម័តចុងក្រោយ សម្រាប់ការវាយប្រហារដោយមីស៊ីលបាញ់ស៊ីបត្រង់គោលដៅលើមេដឹកនាំវ័យ 71ឆ្នាំរបស់ក្រុមអាល់កៃដា។ Zawahiri បានឡើងគ្រប់គ្រងក្រុមភេរវកម្មអាល់កៃដាក្រោយការស្លាប់របស់ Osama bin Laden កាលពីឆ្នាំ2011។ លោក និង Bin Laden បានរៀបចំផែនការវាយប្រហារអគារពាណិជ្ជកម្ម World Trade Center របស់សហរដ្ឋអាមេរិកកាលពីថ្ងៃទី11 ខែកញ្ញា ឆ្នាំ2001 ហើយ Zawahiri គឺជាមនុស្សម្នាក់ក្នុងចំណោមភេរវករជាច្រើន ដែលសហរដ្ឋអាមេរិកតាមរកជាងគេបំផុត៕អត្ថបទ៖ សុខមាន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ

សហរដ្ឋអាមេរិក៖ ប្រភពចំនួន៣ បាននិយាយថា ប្រធានសភាសហរដ្ឋអាមេរិកលោកស្រី Nancy Pelosi គ្រោងនឹងទៅទស្សនកិច្ចកោះតៃវ៉ាន់ ខណៈសហរដ្ឋអាមេរិកនិយាយថា វានឹងមិនត្រូវបានបំភិតបំភ័យដោយការគំរាមកំហែងរបស់ចិន ដែលថានឹងមិននៅស្ងៀមទេ ប្រសិនបើលោកស្រីធ្វើដំណើរទស្សនកិច្ចទៅកាន់កោះស្វ័យគ្រប់គ្រង ដែលក្រុងប៉េកាំងអះអាងថាជាខេត្តមួយរបស់ខ្លួន។ ប្រភពមួយបានប្រាប់សារព័ត៌មាន Reuters ថា សហរដ្ឋអាមេរិកបានផ្ដល់ដំណឹងទៅកាន់សម្ព័ន្ធមិត្តរបស់ខ្លួនមួយចំនួន អំពីដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់។ ចំណែកប្រភពចំនួន ២ទៀតបាននិយាយថា លោកស្រី Pelosi គ្រោងនឹងជួបក្រុមសកម្មជនមួយក្រុមតូច ដែលរិះគន់លើបញ្ហាសិទ្ធិមនុស្សរបស់ប្រទេសចិន អំឡុងការស្នាក់នៅរបស់លោកស្រីនៅកោះតៃវ៉ាន់ ប្រហែលជានៅថ្ងៃពុធស្អែក។ ក្រសួងការបរទេសកោះតៃវ៉ាន់បាននិយាយថា ខ្លួនពុំមានយោបល់លើរបាយការណ៍នៃផែនការធ្វើដំណើររបស់លោកស្រី Pelosi នោះទេ។ សារព័ត៌មានក្នុងស្រុកបានរាយការណ៍ថា ប្រធានសហរដ្ឋអាមេរិករូបនេះអាចនឹងទៅដល់ទីក្រុង Taipei នៅយប់ថ្ងៃអង្គារ និងទៅស្នាក់នៅសណ្ឋាគារ Grand Hyatt Hotel។ក្រោយមកលោកស្រី Pelosi នឹងទៅកាន់សភារបស់កោះតៃវ៉ាន់នៅព្រឹកថ្ងៃពុធ ជាទីដែលលោកស្រីត្រូវបានគេរាយការណ៍ថានឹងជួបមេដឹកនាំរបស់កោះនេះ រួមទាំងមេដឹកនាំដីកោះនេះលោកស្រី Tsai Ing-Wen។ អ្នកនាំពាក្យក្រសួងការពារជាតិចិនលោក Zhao Lijian បាននិយាយនៅសន្និសីទសារព័ត៌មានប្រចាំថ្ងៃកាលពីថ្ងៃចន្ទថា ដំណើរទស្សនកិច្ចរបស់លោកស្រី Pelosi នឹងនាំឲ្យមានផលវិបាកធ្ងន់ធ្ងរ។ កាលពីថ្ងៃចន្ទលោកស្រី Pelosi បានជួបនាយករដ្ឋមន្ត្រីសិង្ហបុរីលោក Lee Hsien Loong, ប្រធានាធិបតីលោកស្រី Halimah Yacob និងសមាជិកគណៈរដ្ឋមន្ត្រីផ្សេងទៀត ក្នុងដំណើរទស្សនកិច្ចរបស់លោកស្រីមកកាន់តំបន់អាស៊ី៕អត្ថបទ៖ សុខមាន

រុស្ស៊ីនិយាយថា អាមេរិក និងណាតូគឺជាការគំរាមកំហែងដ៏ធំបំផុតដល់សន្តិសុខជាតិរបស់ខ្លួន

រុស្ស៊ី៖ យោងតាមគោលការណ៍កងទ័ពជើងទឹកថ្មីរបស់រុស្ស៊ី ដែលត្រូវបានចុះហត្ថលេខាដោយប្រធានាធិបតីលោក Vladimir Putin កាលពីថ្ងៃអាទិត្យ ការព្យាយាមរបស់សហរដ្ឋអាមេរិកក្នុងការដាក់សម្ពាធនៅមហាសមុទ្រ និងការពង្រីកឥទ្ធិពលរបស់សម្ព័ន្ធយោធាណាតូ គឺជាការគំរាមកំហែងដ៏ធំបំផុតដែលរុស្ស៊ីកំពុងប្រឈម។ ឯកសារកម្រាស់ ៥៥ទំព័របាននិយាយថា ការប្រកួតប្រជែង និងការគំរាមកំហែងដល់សន្តិសុខជាតិ និងការអភិវឌ្ឍន៍គឺជាកម្មវត្ថុយុទ្ធសាស្ត្ររបស់ទីក្រុង Washington ក្នុងការប្រើឥទ្ធិពលគ្រប់សង្កត់មហាសមុទ្រនានារបស់ពិភពលោក ហើយរចនាសម្ព័ន្ធយោធាណាតូកំពុងរំកិលទៅរកព្រំដែននានារបស់រុស្ស៊ី។ ឯកសារគោលការណ៍កងទ័ពជើងទឹកថ្មី ដែលបានចុះហត្ថលេខានៅថ្ងៃទិវាកងទ័ពជើងទឹករុស្ស៊ី (Russian Navy Day) បាននិយាយថា បញ្ហាផ្ទៃក្នុងឯករាជ្យ និងគោលនយោបាយខាងក្រៅរបស់រុស្ស៊ី ប្រឈមនឹងវិធានការវាយបកពីសហរដ្ឋអាមេរិក និងសម្ព័ន្ធមិត្តរបស់ខ្លួន ដែលមានគោលបំណងបង្ហាញឥទ្ធិពលរបស់ពួកគេនៅក្នុងពិភពលោក រួមទាំងនៅមហាសមុទ្រនានារបស់ខ្លួនផងដែរ។ទីក្រុង Moscow ចាត់ទុកសម្ព័ន្ធយោធាលោកខាងលិចដែលជាសត្រូវ របស់សហភាពសូវៀតអំឡុងសង្គ្រាមត្រជាក់ថា ជាការគំរាមកំហែងដល់ជាតិរបស់ខ្លួន ដោយការប្រើប្រាស់ក្ដីសង្ឃឹមសមាជិកភាពរបស់អ៊ុយក្រែន ដើម្បីបញ្ជាក់ពីភាពស្របច្បាប់របស់ខ្លួនក្នុងការវាយលុកកាលពីថ្ងៃទី២៤កុម្ភៈ។ ឯកសារនេះនិយាយថា ក្រុង Moscow នឹងព្យាយាមពង្រឹងជំហរឈានមុខរបស់ខ្លួនក្នុងការស្រាវជ្រាវ និងការរុករកធនធានរ៉ែរបស់ខ្លួន និងរក្សាស្ថិរភាពជាយុទ្ធសាស្ត្រនៅទីនោះ តាមរយៈការពង្រីកសក្ដានុពលនៃកងនាវាខាងជើង និងមហាសាគរប៉ាស៊ីហ្វិក៕អត្ថបទ៖ សុខមាន

ប្រធានសភាអាមេរិកចាប់ផ្តើមដំណើរទស្សនកិច្ចមកកាន់តំបន់អាស៊ី តែពុំបានលើកឡើងពីកោះតៃវ៉ាន់ទេ

សហរដ្ឋអាមេរិក៖ ការិយាល័យរបស់ប្រធានសភាសហរដ្ឋអាមេរិកលោកស្រី Nancy Pelosi បាននិយាយថា លោកស្រីចាប់ផ្ដើមដំណើរទស្សនកិច្ចមកកាន់ប្រទេសចំនួន៤ នៅតំបន់អាស៊ីកាលពីថ្ងៃអាទិត្យ ដោយពុំបានលើកឡើងពីកោះតៃវ៉ាន់ទេ ស្របពេលមានមន្ទិលថា លោកស្រីអាចនឹងធ្វើដំណើរទស្សនកិច្ចទៅកាន់កោះស្វ័យគ្រប់គ្រង ដែលត្រូវបានចិនអះអាងថាជាខេត្តរបស់ខ្លួន។ ការិយាល័យរបស់លោកស្រីបាននិយាយនៅក្នុងសន្និសីទសារព័ត៌មានកាលពីថ្ងៃអាទិត្យថា ប្រធានសភាលោកស្រី Nancy Pelosi កំពុងដឹកនាំគណៈប្រតិភូសភាទៅកាន់តំបន់ឥណ្ឌូ-ប៉ាស៊ីហ្វិក រួមទាំងការធ្វើដំណើរទស្សនកិច្ចទៅកាន់ប្រទេសសិង្ហបុរី ម៉ាឡេស៊ី កូរ៉េខាងត្បូង និងជប៉ុន។ សេចក្ដីថ្លែងការណ៍នេះបាននិយាយថា ដំណើរទស្សនកិច្ចនេះអាចនឹងរាប់បញ្ចូលប្រទេសទាំងនោះ ប៉ុន្តែពុំបានបញ្ជាក់ច្បាស់ថា តើលោកស្រី Pelosi ដែលឈរនៅលំដាប់ទី៣ ក្នុងជួរនៃការស្នងតំណែងប្រធានាធិបតីសហរដ្ឋអាមេរិក អាចនឹងបញ្ចប់ដំណើរទស្សនកិច្ចនៅត្រឹមនោះ ឬយ៉ាងណានោះទេ។ ប្រភពដដែលបាននិយាយថា ដំណើរនេះផ្ដោតសំខាន់លើសន្តិសុខទៅវិញទៅមក ភាពជាដៃគូ សេដ្ឋកិច្ច និងអភិបាលកិច្ចប្រជាធិបតេយ្យនៅក្នុងតំបន់ឥណ្ឌូ-ប៉ាស៊ីហ្វិក។ចិនចាត់ទុកការធ្វើដំណើររបស់ក្រុមមន្ត្រីសហរដ្ឋអាមេរិកទៅកាន់កោះតៃវ៉ាន់ថា ជាការបញ្ជូនសញ្ញាលើកទឹកចិត្តឲ្យមានយុទ្ធនាការគាំទ្រឯករាជ្យនៅលើកោះនេះ។ លោកប្រធានាធិបតីចិន Xi Jinping បានព្រមានសមភាគីសហរដ្ឋអាមេរិករបស់លោកគឺលោក Joe Biden កាលពីថ្ងៃព្រហស្បតិ៍សប្ដាហ៍មុនតាមទូរស័ព្ទថា ក្រុង Washington គួរតែប្រកាន់ខ្ជាប់គោលការណ៍ចិនតែមួយ និងអ្នកទាំងឡាយដែលប្រលែងលេងជាមួយភ្លើងនឹងត្រូវវិនាស៕អត្ថបទ៖ សុខមាន

សម្ដេចតេជោ សម្ដែងការសាទរចំពោះកីឡាករតេក្វាន់ដូ WT កម្ពុជា ២រូប ទទួលបានមេដាយមាស ពីការប្រកួត World Police & Fire Games 2022 នៅហូឡង់

ភ្នំពេញ : តាមរយៈហ្វេសប៊ុកនៅថ្ងៃទី៣០ ខែកក្កដា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្ដែងនូវការអបអរសាទរ និងកោតសរសើរចំពោះកីឡាករតេក្វាន់ដូ WTកម្ពុជា ២រូប រួមមានកីឡាករ សំ យូដេត និងកីឡាករ វ៉ា មិថុនា ដែលទទួលបានមេដាយមាស ពីការប្រកួត World Police & Fire Games 2022 នៅប្រទេសហូឡង់។ សម្ដេចតេជោបានគូសបញ្ជាក់ផងដែរថា នេះគឺជាមោទនភាពរបស់ប្រទេសជាតិយើងទាំងមូល ដែលកីឡាករតេក្វាន់ដូ WT ចំនួន ០៣ រូប បានទៅចូលរូមកម្មវិធីប្រកួត World Police & Fire Games 2022 នៅប្រទេសហូឡង់ ចាប់ពីថ្ងៃទី២៦ ដល់ថ្ងៃទី៣១ ខែកក្កដា ឆ្នាំ២០២២ ទទួលបានមេដាយចំនួន០២នាក់ ដោយឡែក កីឡាករ ផល សុវណ្ណាត់ នឹងប្រកួតនៅថ្ងៃស្អែកជាបន្តទៀត។ជាមួយគ្នានេះសម្ដេចតេជោ ក៏បានជូនពរ ដល់កីឡាករ កីឡាការិនី និងប្រតិភូកីឡាទាំងអស់ ដែលបានទៅចូលរូមកម្មវិធីប្រកួត World Police & Fire Games 2022 សូមទទួលបានសុខភាពល្អ និងនាំជោគជ័យដល់កម្ពុជាយើងទាំងមូល៕

ករណីស្លាប់ដំបូងដោយជំងឺអុតស្វានៅខាងក្រៅទ្វីបអាហ្វ្រិកក្នុងប្រទេសប្រេស៊ីល និងអេស្ប៉ាញ

ប្រេស៊ីល៖ ប្រទេសប្រេស៊ីល និងអេស្ប៉ាញបានរាយការណ៍ពីករណីស្លាប់ ដោយជំងឺអុតស្វាជាលើកដំបូង។ បុរសអាយុ 41ឆ្នាំម្នាក់នៅក្នុងប្រទេសប្រេស៊ីល បានក្លាយជាអ្នកស្លាប់ដំបូងគេដោយសារវីរុសនេះនៅខាងក្រៅទ្វីបអាហ្វ្រិក។កាលពីសប្តាហ៍មុនអង្គការសុខភាពពិភពលោក (WHO) បានប្រកាសការផ្ទុះឡើងជំងឺអុតស្វាថា ជាភាពអាសន្នសុខភាពសកល។ ប៉ុន្តែជាធម្មតាករណីឆ្លងមានស្ថានភាពស្រាល ហើយហានិភ័យចំពោះប្រជាជនទូទៅមានកម្រិតទាប។ រហូតមកដល់ពេលនេះប្រទេសប្រេស៊ីល បានរាយការណ៍ករណីដែលបានបញ្ជាក់ចំនួន 1,066ករណី និងករណីសង្ស័យចំនួន 513ករណី។ ទិន្នន័យពីក្រសួងសុខាភិបាលប្រេស៊ីលបង្ហាញថា ជាង 98% នៃករណីដែលបានបញ្ជាក់គឺកើតឡើងចំពោះបុរសរួមភេទជាមួយបុរស។ ក្រោយមកក្រសួងសុខាភិបាលអេស្ប៉ាញ បានបញ្ជាក់ពីករណីស្លាប់ដំបូងនៅអឺរ៉ុបដោយសារវីរុសនេះ។ នៅក្នុងរបាយការណ៍ក្រសួងបាននិយាយថា ក្នុងចំណោមអ្នកជំងឺអុតស្វា 3,750នាក់ដែលព័ត៌មានទទួលបានមាន 120នាក់ ឬ 3.2% ត្រូវបានបញ្ជូនទៅមន្ទីរពេទ្យ ហើយម្នាក់បានស្លាប់។ យោងតាមមជ្ឈមណ្ឌលគ្រប់គ្រង និងបង្ការជំងឺបានឲ្យដឹងថា មានករណីជំងឺអុតស្វាចំនួន 21.148ករណីនៅទូទាំងពិភពលោក។វីរុសជំងឺអុតស្វាគឺជាសមាជិកនៃក្រុមវីរុសដូចគ្នាទៅនឹងជំងឺអុតស្វាយ ឬអុតធំដែរ ទោះបីជាវាមិនធ្ងន់ធ្ងរក៏ដោយ ហើយអ្នកជំនាញនិយាយថា ឱកាសនៃការឆ្លងមានកម្រិតទាប។ កាលពីសប្ដាហ៍មុន អគ្គនាយកអង្គការសុខភាពពិភពលោក លោកវេជ្ជបណ្ឌិត Tedros Adhanom Ghebreyesus បាននិយាយថា ការប្រកាសការផ្ទុះឡើងនៃភាពអាសន្នសុខភាពសកលនឹងជួយពន្លឿនការផលិតវ៉ាក់សាំង និងការអនុវត្តវិធានការដើម្បីកំណត់ការរាលដាលវីរុស។ លោកវេជ្ជបណ្ឌិត Tedros និយាយថា ហានិភ័យនៃជំងឺអុតស្វាមានកម្រិតមធ្យមនៅទូទាំងពិភពលោក ប៉ុន្តែមានកម្រិតខ្ពស់នៅអឺរ៉ុប។ នេះគឺជាការផ្ទុះឡើងដែលអាចបញ្ឈប់បានដោយមានយុទ្ធសាស្ត្រត្រឹមត្រូវ។ អង្គការសុខភាពពិភពលោកកំពុងចេញការណែនាំដែលសង្ឃឹមថា នឹងជំរុញឱ្យប្រទេសនានាចាត់វិធានការដើម្បីបញ្ឈប់ការចម្លងវីរុស និងការពារអ្នកដែលប្រឈមនឹងហានិភ័យបំផុត៕អត្ថបទ៖ ប៊ុនថន

UN សរសើរកិច្ចព្រមព្រៀងនាំចេញគ្រាប់ធញ្ញជាតិ ខណៈលោក Zelenskyy ពិនិត្យនាវានៅកំពង់ផែ

UN៖ អង្គការសហប្រជាជាតិនិយាយថា កិច្ចព្រមព្រៀងដើម្បីសម្រួលដល់ការដឹកជញ្ជូនគ្រាប់ធញ្ញជាតិអ៊ុយក្រែន គឺជាសញ្ញានៃក្តីសង្ឃឹមសម្រាប់មនុស្សជាតិ។ លោកស្រី Rosemary DiCarlo អគ្គលេខាធិការរងទទួលបន្ទុកកិច្ចការនយោបាយ និងការកសាងសន្តិភាព បានបញ្ជាក់លើតម្រូវការសម្រាប់ផែនការមនុស្សធម៌បន្ថែមទៀត នៅមុនរដូវរងាខាងមុខនេះ។ លោកស្រីនិយាយថា ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បានកត់ត្រាករណីស្លាប់ និងរងរបួសជនស៊ីវិលចំនួន ១២.២៧២នាក់ក្នុងប្រទេសអ៊ុយក្រែន ដែលអ្នកស្លាប់មានចំនួន ៥.២៣៧នាក់ និងរងរបួស ៧.០៣៥នាក់គិតត្រឹមថ្ងៃទី២៧ ខែកក្កដា។ នៅទីក្រុងកំពង់ផែ Odesa នាវាបានរង់ចាំ ខណៈក្រុមនាវិករៀបចំចំណតដើម្បីនាំចេញគ្រាប់ធញ្ញជាតិ ដែលជាប់គាំងដោយសង្គ្រាមរុស្ស៊ីរយៈពេលប្រាំខែមកនេះ។ ដោយមានអង្គការសហប្រជាជាតិ និងប្រទេសទួរគីដើរតួជាអ្នកសម្របសម្រួល ប្រទេសរុស្ស៊ី និងអ៊ុយក្រែនបានព្រមព្រៀងគ្នាកាលពីសប្តាហ៍មុន ដើម្បីជួយសម្រួលដល់ការដឹកជញ្ជូនស្រូវសាលី និងគ្រាប់ធញ្ញជាតិផ្សេងទៀតពីកំពង់ផែអ៊ុយក្រែនចំនួនបី ព្រមទាំងជី និងស្បៀងអាហារពីប្រទេសរុស្ស៊ី។អ៊ុយក្រែនគឺជាប្រទេសនាំចេញស្រូវសាលី ស្រូវបាលី ពោត និងប្រេងផ្កាឈូករ័ត្ន ហើយការបាត់បង់ការផ្គត់ផ្គង់ទាំងនេះដោយសារការវាយលុករបស់រុស្ស៊ីមកលើប្រទេសនេះ បណ្តាលឱ្យតម្លៃស្បៀងអាហារពិភពលោកឡើងថ្លៃ ការគំរាមកំហែងអសន្តិសុខនយោបាយ និងបានជំរុញប្រជាជនកាន់តែច្រើនឱ្យធ្លាក់ក្នុងភាពក្រីក្រ និងភាពអត់ឃ្លាននៅក្នុងប្រទេសដែលងាយរងគ្រោះ។ ប្រធានាធិបតីលោក Volodymyr Zelenskyy បានទៅពិនិត្យកំពង់ផែសមុទ្រខ្មៅរបស់អ៊ុយក្រែនកាលពីថ្ងៃសុក្រ មួយសប្តាហ៍បន្ទាប់ពីកិច្ចព្រមព្រៀងមួយត្រូវបានបង្កើតឡើងជាមួយរុស្ស៊ី ទួរគី និងអង្គការសហប្រជាជាតិដើម្បីបង្កើតច្រករបៀងសុវត្ថិភាព សម្រាប់នាវានាំចេញគ្រាប់ធញ្ញជាតិដែលជាប់ក្នុងប្រទេស ចាប់តាំងពីសង្គ្រាមចាប់ផ្តើមរយៈពេល ៥ខែកន្លងទៅនេះ៕អត្ថបទ៖ ប៊ុនថន

លោក Zelenskyy ជំរុញឲ្យ UN ប្រតិកម្មចំពោះការបាញ់ផ្លោងលើពន្ធនាគារ ដែលរុស្ស៊ីនិយាយថា អ្នកទោសអ៊ុយក្រែនបានស្លាប់

អ៊ុយក្រែន៖ ប្រធានាធិបតីអ៊ុយក្រែនកាលពីថ្ងៃសុក្របានអំពាវនាវឱ្យអង្គការសហប្រជាជាតិ និងគណៈកម្មាធិការកាកបាទក្រហមអន្តរជាតិមានប្រតិកម្ម បន្ទាប់ពីការវាយប្រហារដោយមីស៊ីលទៅលើពន្ធនាគារ ដែលគ្រប់គ្រងដោយរុស្ស៊ីបណ្តាលឲ្យអ្នកទោសជាច្រើននាក់ស្លាប់។ លោក Volodymyr Zelenskyy បានថ្លែងលើកឡើងពីការទទួលខុសត្រូវរបស់អង្គការអន្តរជាតិទាំង ក្នុងការដើរតួជាអ្នកធានានៃអាយុជីវិតរបស់កងកម្លាំងចេញពីរោងចក្រ Azovstal ក្នុងការចាប់ជាឈ្លើយសឹករបស់រុស្ស៊ី។ លោក Zelenskyy បាននិយាយនៅក្នុងសុន្ទរកថារបស់លោកថា នៅពេលដែលអ្នកការពារនៅរោងចក្រ Azovstal ចាកចេញពីរោងចក្រ អង្គការសហប្រជាជាតិ និងគណៈកម្មាធិការកាកបាទក្រហមអន្តរជាតិ បានដើរតួនាទីជាអ្នកធានាអាយុជីវិត និងសុខភាពទាហានរបស់យើង។ ពេលនេះអ្នកធានាត្រូវតែមានប្រតិកម្ម។ ពួកគេត្រូវតែការពារអាយុជីវិតអ្នកទោសសង្គ្រាមអ៊ុយក្រែនរាប់រយនាក់។ លោក Zelenskyy បានជំរុញឱ្យពន្លឿនដំណើរការនៃការទទួលស្គាល់រុស្ស៊ីថា ជាអ្នកគាំទ្ររដ្ឋភេរវកម្ម ជាពិសេសសហរដ្ឋអាមេរិកដែលមានចំណាត់ការផ្ទាល់ ក្នុងការធ្វើឲ្យសេដ្ឋកិច្ចរុស្ស៊ីស្ថិតក្នុងភាពឯកោ។ជាមួយគ្នានេះក្រសួងការពារជាតិរុស្ស៊ីកាលពីថ្ងៃសុក្របានអះអាងថា អ្នកទោសយោធាអ៊ុយក្រែនច្រើននាក់បានស្លាប់ និង 75នាក់រងរបួសនៅក្នុងការបាញ់ផ្លោង ដែលក្រសួងបាននិយាយថា ធ្វើឡើងដោយកងកម្លាំងអ៊ុយក្រែន។ ប្រធានអ្នកនាំពាក្យក្រសួងលោក Igor Konashenkov បាននិយាយថា ទាហានទាំងនោះស្ថិតនៅក្នុងមណ្ឌលឃុំខ្លួនបណ្តោះអាសន្នមុនការកាត់ទោស ខណៈអគារនេះត្រូវបានវាយប្រហារនៅក្នុងក្រុង Olenivka។ លោក Konashenkov បាននិយាយថា ទាហានអ៊ុយក្រែន 40នាក់បានស្លាប់។ ប៉ុន្តែទីបញ្ជាការយោធាក្រុមផ្តាច់ខ្លួនដែលគាំទ្រដោយរុស្ស៊ីនៅទីក្រុង Donetsk ក្រោយមកបានរាយការណ៍ថា ចំនួនអ្នកស្លាប់ក្នុងឧបទ្ទវហេតុនេះបានកើនឡើងដល់ 53នាក់។ លោក Konashenkov បានអះអាងថា កងកម្លាំងអ៊ុយក្រែនបានវាយប្រហារអគារនេះដោយគ្រាប់រ៉ុក្កែត HIMARS ផ្គត់ផ្គង់ដោយសហរដ្ឋអាមេរិក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ការប្រឡងក្នុងខេត្តព្រំដែន ឧត្តរមានជ័យ និងព្រះវិហារ ដំណើរការទៅដោយស្ងៀមស្ងាត់ និង រលូនល្អ

បេក្ខជនមានពិការភាពខិតខំប្រឹងប្រែងឆ្លងកាត់ស្ពានបាក់ឌុបឆ្ពោះទៅរកភាពជោគជ័យនាពេលអនាគត

ក្រសួងអប់រំ៖ ដំណើរការសំណេរនាព្រឹកថ្ងៃទីមួយនៃការប្រឡងបាក់ឌុប បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយកើតឡើងគួរឲ្យកត់សម្គាល់ឡើយ

អភិបាលខេត្តកំពង់ឆ្នាំង ផ្ដាំផ្ញើដល់បេក្ខជនឱ្យខិតខំប្រឡង ខណៈការប្រឡងបាក់ឌុប កាន់តែមានភាពប្រសើរឡើង និងឈរលើគោលការណ៍ «អ្នកចេះគឺជាប់ »

ភ្លៀងមូសុងកើនឡើងដោយសារព្យុះទីហ្វុងដូហ្វីន បង្កឱ្យមានទឹកជំនន់នៅប្រទេសហ្វីលីពីន

អភិបាលខេត្តបាត់ដំបង អញ្ជើញកាត់កញ្ចប់វិញ្ញាសារជានិមិត្តរូបសម្រាប់ការប្រឡងបាក់ឌុបឆ្នាំ២០២៦ នៅមណ្ឌលប្រឡងវិទ្យាល័យនេត យ៉ង់

បេក្ខជនប្រឡងបំពេញវិជ្ជា បាក់ឌុប នៅមណ្ឌលប្រឡងវិទ្យាល័យ ជា ស៊ីម សន្ធរម៉ុក ប្ដេជ្ញាចិត្តខិតខំប្រឡងឱ្យជាប់

បេក្ខជនស្វ័យរិនប្រឡងសញ្ញាបត្រមធ្យមសិក្សាទុតិយភូមិ បង្ហាញក្តីរំពឹងខ្ពស់ក្នុងការប្រឡងឆ្នាំនេះ

តម្លៃប្រេងកើនឡើង ខណៈការទាមទាររបស់អ៊ីរ៉ង់ធ្វើឱ្យទស្សនវិស័យសម្រាប់ច្រកសមុទ្រហ័រមូសអាប់អួរ

អាណាព្យាបាលសិស្សបង្ហាញក្ដីសង្ឃឹម និងរីករាយ ខណៈជូនកូនៗមកប្រឡងបាក់ឌុបឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ

រុស្ស៊ីនិយាយថា អាមេរិក និងណាតូគឺជាការគំរាមកំហែងដ៏ធំបំផុតដល់សន្តិសុខជាតិរបស់ខ្លួន

ប្រធានសភាអាមេរិកចាប់ផ្តើមដំណើរទស្សនកិច្ចមកកាន់តំបន់អាស៊ី តែពុំបានលើកឡើងពីកោះតៃវ៉ាន់ទេ

ករណីស្លាប់ដំបូងដោយជំងឺអុតស្វានៅខាងក្រៅទ្វីបអាហ្វ្រិកក្នុងប្រទេសប្រេស៊ីល និងអេស្ប៉ាញ

UN សរសើរកិច្ចព្រមព្រៀងនាំចេញគ្រាប់ធញ្ញជាតិ ខណៈលោក Zelenskyy ពិនិត្យនាវានៅកំពង់ផែ

លោក Zelenskyy ជំរុញឲ្យ UN ប្រតិកម្មចំពោះការបាញ់ផ្លោងលើពន្ធនាគារ ដែលរុស្ស៊ីនិយាយថា អ្នកទោសអ៊ុយក្រែនបានស្លាប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហា​ជូនដល់ប្រជាកសិករ​បានដោយជោគជ័យ

លោក Biden​ និង​លោក​ Putin ព្យាយាម​ផ្សះផ្សា ខណៈ​ការចរចា​អាវុធ​នុយក្លេអ៊ែរ​ចាប់ផ្ដើម​នៅ​អង្គការ​សហប្រជាជាតិ

សហរដ្ឋអាមេរិក​បាន​សម្លាប់​មេដឹកនាំ​ភេរវកម្ម​អាល់​កៃ​ដា​ក្នុង​ការ​វាយប្រហារ​ដោយ​យាន​ដ្រូ​ន​

ប្រភព​មួយ​ចំនួន​និយាយ​ថា លោកស្រី Pelosi នឹង​ទៅ​ទស្សនកិច្ច​កោះ​តៃវ៉ាន់ ទោះ​ក្រុង​ប៉េកាំង​ព្រមាន​ក៏ដោយ

រុស្ស៊ី​និយាយ​ថា ​អាមេរិក និង​ណា​តូ​គឺជា​ការគំរាមកំហែង​ដ៏​ធំ​បំផុត​ដល់​សន្តិសុខ​ជាតិ​របស់ខ្លួន​

ប្រធាន​សភា​អាមេរិក​ចាប់ផ្តើម​ដំណើរ​ទស្សនកិច្ច​មកកាន់​តំបន់​អាស៊ី តែ​ពុំបាន​លើកឡើង​ពី​កោះ​តៃវ៉ាន់​ទេ​

UN សរសើរ​កិច្ចព្រមព្រៀង​នាំចេញ​គ្រាប់​ធញ្ញជាតិ ខណៈ​លោក Zelenskyy ពិនិត្យ​នាវា​នៅ​កំពង់ផែ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន ៖ វេទិកាតាមភ្លឺស្រែដោះស្រាយបញ្ហាជូនដល់ប្រជាកសិករបានដោយជោគជ័យ

លោក Biden និងលោក Putin ព្យាយាមផ្សះផ្សា ខណៈការចរចាអាវុធនុយក្លេអ៊ែរចាប់ផ្ដើមនៅអង្គការសហប្រជាជាតិ

សហរដ្ឋអាមេរិកបានសម្លាប់មេដឹកនាំភេរវកម្មអាល់កៃដាក្នុងការវាយប្រហារដោយយានដ្រូន

ប្រភពមួយចំនួននិយាយថា លោកស្រី Pelosi នឹងទៅទស្សនកិច្ចកោះតៃវ៉ាន់ ទោះក្រុងប៉េកាំងព្រមានក៏ដោយ

រុស្ស៊ីនិយាយថា អាមេរិក និងណាតូគឺជាការគំរាមកំហែងដ៏ធំបំផុតដល់សន្តិសុខជាតិរបស់ខ្លួន

ប្រធានសភាអាមេរិកចាប់ផ្តើមដំណើរទស្សនកិច្ចមកកាន់តំបន់អាស៊ី តែពុំបានលើកឡើងពីកោះតៃវ៉ាន់ទេ

UN សរសើរកិច្ចព្រមព្រៀងនាំចេញគ្រាប់ធញ្ញជាតិ ខណៈលោក Zelenskyy ពិនិត្យនាវានៅកំពង់ផែ