BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

រុស្ស៊ីបណ្ដេញសមាជិកទាហានឯកជនរបស់លោក Putin ជាង ១០០នាក់ចេញពីការងារ ព្រោះមិនព្រមចូលប្រយុទ្ធនៅអ៊ុយក្រែន

រុស្ស៊ី៖ យោងតាមសេចក្ដីរាយការណ៍ព័ត៌មានជាច្រើនបានឲ្យដឹងថា ទាហានជាង ១០០នាក់នៃសមាជិកអង្គភាពឆ្មាំជាតិរុស្ស៊ីត្រូវបានបណ្ដេញចេញពីការងារ ដោយសារតែមិនស្ដាប់បញ្ជាឲ្យចូលប្រយុទ្ធនៅសមរភូមិក្នុងប្រទេសអ៊ុយក្រែន។ សារព័ត៌មាន The Guardian បានរាយការណ៍ថា ក្រុមឆ្មាំជាតិចំនួន ១១៥នាក់គឺជាផ្នែកមួយនៃទាហានសហព័ន្ធរុស្ស៊ី Rosgvardia ជាកងកម្លាំងដាច់ដោយឡែកពីយោធា ដែលជារឿយៗត្រូវបានប្រើប្រាស់ដោយវិមានក្រឹមឡាំង ជាកម្លាំងសន្តិសុខផ្ទៃក្នុងប្រឆាំងនឹងអំពើភេរវកម្ម និងដើម្បីកម្ចាត់ក្រុមប្រឆាំង។ ការបណ្ដេញឆ្មាំទាំង ១១៥នាក់នេះបានកើតឡើងកាលពីថ្ងៃទី២៥ ខែឧសភា បន្ទាប់ពីតុលាការយោធារុស្ស៊ីបានច្រានចោលបណ្ដឹងរបស់ពួកគេ ជំទាស់ទៅនឹងការបញ្ចប់មុខតំណែងការងាររបស់ពួកគេ។ក្នុងសេចក្តីសម្រេចមួយដែលបានបង្ហោះតាមអ៊ីនធឺណិតកាលពីសប្តាហ៍មុន ចៅក្រមបានសម្រេចថា ទាហានទាំងនោះត្រូវបានបណ្តេញចេញដោយស្របច្បាប់។ យោងតាមសារព័ត៌មាន The Guardian តុលាការបាននិយាយថា ទាហានទាំងនោះបានប្រកែកមិនស្ដាប់បញ្ជា ហើយបានវិលត្រឡប់ទៅអង្គភាពវិញ ដោយមិនទទួលបញ្ជាឲ្យចូលរួមការប្រយុទ្ធនៅក្នុងប្រទេសអ៊ុយក្រែន៕អត្ថបទ៖ សុខមាន

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

នេប៉ាល់៖ ទាហាននេប៉ាល់បាននិយាយនៅក្នុងសេចក្ដីថ្លែងការណ៍នៅថ្ងៃចន្ទនេះថា ក្រុមអាជ្ញាធរនេប៉ាល់បានរកឃើញសាកសពចំនួន ១៤នាក់ពីទីតាំងធ្លាក់យន្តហោះខ្នាតតូចដែលបានបាត់ការទាក់ទងដោយមានអ្នកដំណើរ ២២នាក់នៅលើយន្តហោះនោះ ខណៈកិច្ចខិតខំប្រឹងប្រែងជួយសង្គ្រោះបានបន្តនៅថ្ងៃទី២។អ្នកនាំពាក្យទាហានលោក Narayan Silwal បានសរសេរនៅលើបណ្ដាញសង្គម Twitter ថា ទាហានបានរកឃើញទីតាំងដែលយន្តហោះបានធ្លាក់នោះហើយ។ អាជ្ញាធរអាកាសចរណ៍ស៊ីវិលនេប៉ាល់បាននិយាយថា យន្តហោះដែលត្រូវបានធ្វើប្រតិបត្តិការដោយក្រុមហ៊ុនអាកាសចរណ៍ Tara Air របស់ប្រទេសនេប៉ាល់បានហោះចេញពីទីក្រុង Pokhara ទៅកាន់ទីក្រុងទេសចរណ៍ដ៏ពេញនិយម Jomsom ក្នុងប្រទេសនេប៉ាល់ភាគកណ្ដាលកាលពីថ្ងៃអាទិត្យ នៅពេលយន្តហោះបាត់ការទាក់ទងជាមួយប្រព័ន្ធគ្រប់គ្រងដែនអាកាសប្រហែល ១២នាទីពេលកំពុងធ្វើដំណើរ។ ការហោះហើររវាងទីក្រុងទាំង ២ តាមធម្មតាប្រើរយៈពេលចន្លោះពី ២០ ទៅ ២៥នាទីប៉ុណ្ណោះ។យោងតាមលោក Binod B.K មន្ត្រីនៅក្រសួងមាតុភូមិរបស់នេប៉ាល់បានឲ្យដឹងថា ក្រុមអាជ្ញាធរជឿថា ឧបទ្ទវហេតុនេះបណ្ដាលមកពីអាកាសធាតុអាប់អួ។ យោងតាមក្រសួងខាងលើឲ្យដឹងថា មានអ្នកដំណើរនៅលើយន្តហោះចំនួន ១៩នាក់ និងសមាជិកអាកាសយានិក ៣នាក់។ ក្នុងនោះមានជនជាតិអាល្លឺម៉ង់ ២នាក់, ឥណ្ឌា ៤នាក់ និងជនជាតិនេប៉ាល់ ១៣នាក់។ ចំណែកអ្នកដំណើរ ២នាក់ទៀតគេមិនទាន់បានដឹងថាជាជនជាតិអ្វីនៅឡើយទេ៕អត្ថបទ៖ សុខមាន

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

ប្រេស៊ីល៖ អាជ្ញាធរបាននិយាយថា បំណាក់ដីដែលបណ្តាលមកពីភ្លៀងធ្លាក់ខ្លាំងបានសម្លាប់មនុស្សយ៉ាងហោចណាស់ 79នាក់នៅក្នុងរដ្ឋ Pernambuco ភាគឦសានប្រទេសប្រេស៊ីល។ នៅរដ្ឋ Alagoas ជារដ្ឋមួយផ្សេងទៀតនៅក្នុងតំបន់ មនុស្សពីរនាក់បានស្លាប់នៅពេលដែលពួកគេត្រូវបានហូរនាំទៅឆ្ងាយដោយទឹកជំនន់ទន្លេ។ មន្ត្រីការពារស៊ីវិលបាននិយាយថា មនុស្សជាង 1,000នាក់ត្រូវបានបង្ខំឱ្យចាកចេញពីលំនៅឋានរបស់ពួកគេ ដោយសារតែទឹកជំនន់នៅរដ្ឋ Pernambuco។ មន្ត្រីប្រតិបត្តិនៃទីភ្នាក់ងារការពារជនស៊ីវិលនៅរដ្ឋ Pernambuco លោក Leonardo Rodrigues បាននិយាយនៅក្នុងវីដេអូមួយដែលបានបង្ហោះនៅលើបណ្តាញ Instagram ថា ប្រមាណ 32,000គ្រួសារបានរស់នៅក្នុងតំបន់ដែលមានហានិភ័យនៃការបាក់ដី ឬទឹកជំនន់នៅក្នុងរដ្ឋនេះ។ សាលារៀននៅក្នុងទីក្រុង Recife ត្រូវបានបើកដើម្បីទទួលជាទីជម្រកអ្នកភៀសខ្លួន។ នៅក្នុងរដ្ឋ Alagoas រដ្ឋាភិបាលរដ្ឋបាននិយាយថា ក្រុងចំនួន 33 បានប្រកាសអាសន្នដោយសារតែឥទ្ធិពលភ្លៀងធ្លាក់ខ្លាំងក្នុងរយៈពេលប៉ុន្មានថ្ងៃកន្លងមកនេះ។រដ្ឋាភិបាលនិយាយថា មនុស្សជាង 100នាក់កំពុងបាត់ខ្លួន ខណៈបំណាក់ដី និងទឹកជំនន់បង្កឡើងដោយភ្លៀងធ្លាក់ខ្លាំងនៅក្នុងរដ្ឋចំនួន 2 របស់ប្រទេសប្រេស៊ីល។ ប្រធានាធិបតីលោក Jair Bolsonaro បាននិយាយនៅលើបណ្តាញ Twitter ថា ក្រុមមកពីក្រសួងអភិវឌ្ឍន៍ក្នុងតំបន់ និងកងកម្លាំងប្រដាប់អាវុធនឹងត្រូវបញ្ជូនទៅរដ្ឋ Pernambuco និងទៅកាន់រដ្ឋ Alagoas សម្រាប់ការផ្តល់ជំនួយសង្គ្រោះបន្ទាន់ និងជំនួយមនុស្សធម៌៕អត្ថបទ៖ ប៊ុនថន

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

WHO៖ អង្គការសុខភាពពិភពលោកបាននិយាយកាលពីថ្ងៃអាទិត្យថា ជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល បន្ទាប់ពីករណីឆ្លងជាច្រើនត្រូវបានរាយការណ៍នៅក្នុងប្រទេសមួយចំនួន ដែលពុំមានការឆ្លងរាលដាលនៃវីរុសនេះ។ អង្គការសុខភាពពិភពលោកបាននិយាយថា ការគំរាមកំហែងសុខភាពសាធារណៈអាចធ្ងន់ធ្ងរជាងនេះ ប្រសិនបើវីរុសនេះមានឱកាសវិវឌ្ឍន៍ខ្លួនជាភ្នាក់ងារបង្ករោគរបស់មនុស្ស ហើយរាលដាលដល់ក្រុមមនុស្សដែលមានហានិភ័យខ្ពស់នៃជំងឺធ្ងន់ធ្ងរដូចជាកុមារតូច និងអ្នកដែលមានភាពស៊ាំខ្លាំង។ ទីភ្នាក់ងារសុខភាពមួយនេះបាននិយាយនៅក្នុងសេចក្ដីថ្លែងការណ៍ថា គិតត្រឹមថ្ងៃទី26 ខែឧសភាមានករណីឆ្លងសរុបចំនួន 257នាក់ និងករណីសង្ស័យចំនួន 120នាក់ត្រូវបានរាយការណ៍ពីរដ្ឋជាសមាជិក 23ប្រទេសដែលវីរុសនេះមិនមែនជាជំងឺរាតត្បាត។មកដល់ពេលនេះពុំមានរបាយការណ៍ពីករណីស្លាប់នោះទេ។ អង្គការសុខភាពពិភពលោកក៏បាននិយាយផងដែរថា ការផ្ទុះរាលដាលភ្លាមៗនៃជំងឺអុតស្វាក្នុងពេលតែមួយ នៅក្នុងប្រទេសមួយចំនួនដែលពុំមានប្រវត្តិឆ្លងវីរុសនេះ បង្ហាញពីការឆ្លងដែលមិនអាចរកឃើញនៅពេលខ្លះ និងករណីឆ្លងរាលដាលថ្មីៗ៕អត្ថបទ៖ សុខមាន

សហភាពអឺរ៉ុបបរាជ័យកិច្ចព្រមព្រៀងដាក់បម្រាមនាំចូលប្រេងពីរុស្ស៊ី តែនឹងព្យាយាមម្ដងទៀតមុនជំនួបកំពូលនៅថ្ងៃចន្ទនេះ

អឺរ៉ុប៖ ក្រុមមន្ត្រីបាននិយាយកាលពីថ្ងៃអាទិត្យថា សហភាពអឺរ៉ុបមិនអាចឈានដល់កិច្ចព្រមព្រៀងលើការដាក់បម្រាមនាំចូលប្រេងពីប្រទេសរុស្ស៊ីទេ ប៉ុន្តែក្រុមអ្នកការទូតនឹងព្យាយាមជាថ្មីទៀតនៅមុនជំនួបកំពូលដែលនឹងប្រព្រឹត្តទៅនៅថ្ងៃចន្ទ និងអង្គារសប្ដាហ៍នេះ លើការបញ្ឈប់ការបញ្ជូនប្រេងតាមបំពង់បង្ហូរប្រេងទៅកាន់បណ្ដាប្រទេសនៅអឺរ៉ុបកណ្ដាល។ ទោះយ៉ាងណាក៏ដោយ អ្នកការទូតជាន់ខ្ពស់មួយរូបរបស់សហភាពអឺរ៉ុបបាននិយាយថា នៅមានព័ត៌មានលម្អិតច្រើនទៀតក្នុងការដោះស្រាយ ដើម្បីបង្កើតក្ដីសង្ឃឹមសម្រាប់កិច្ចព្រមព្រៀងមួយ មុនពេលក្រុមមេដឹកនាំសហភាពអឺរ៉ុបជួបជុំគ្នាក្នុងទីក្រុង Brussels នៅរសៀលថ្ងៃចន្ទនេះ។ សំណើទណ្ឌកម្មលើការនាំចូលប្រេងនេះគឺជាផ្នែកមួយនៃកញ្ចប់ទណ្ឌកម្មទី៦ របស់សហភាពអឺរ៉ុបដាក់លើប្រទេសរុស្ស៊ី ដោយសារតែការវាយលុករបស់ខ្លួនចូលប្រទេសអ៊ុយក្រែន។កញ្ចប់ទណ្ឌកម្មនេះរួមមានការកាត់ផ្ដាច់ធនាគារ Sberbank ដ៏ធំបំផុតរបស់រុស្ស៊ីចេញពីប្រព័ន្ធទូទាត់ប្រាក់សកល SWIFT, ហាមក្រុមហ៊ុនប្រព័ន្ធផ្សព្វផ្សាយរបស់រុស្ស៊ីផ្សាយចេញពីសហភាពអឺរ៉ុប និងបន្ថែមមនុស្សទៅក្នុងតារាងឈ្មោះបុគ្គលដែលទ្រព្យសម្បត្តិរបស់ពួកគេត្រូវបានបង្កក និងមិនអាចជាន់ទឹកដីសហភាពអឺរ៉ុបបាន៕អត្ថបទ៖ សុខមាន

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow

រុស្ស៊ី៖ ប្រមុខការទូតរុស្ស៊ីលោក Sergei Lavrov បាននិយាយកាលពីថ្ងៃអាទិត្យថា ការរំដោះតំបន់ Donbas របស់អ៊ុយក្រែនគឺជាចំណុចអាទិភាពដោយគ្មានលក្ខខណ្ឌ ចំណែកដែនដីនានារបស់អ៊ុយក្រែនគួរតែសម្រេចអនាគតខ្លួនឯង។ ការថ្លែងរបស់លោក Lavrov ធ្វើឡើងនៅក្នុងបទសម្ភាសន៍មួយជាមួយប៉ុស្តិ៍ទូរទស្សន៍ TF1 របស់បារាំង ខណៈកងកម្លាំងរុស្ស៊ីបង្កើនការវាយរុលទៅមុខ ដើម្បីដណ្ដើមគ្រប់គ្រងទីប្រជុំជនសំខាន់ៗក្នុងតំបន់ Donbas ជាតំបន់ឧស្សាហកម្មប្រពៃណីរបស់អ៊ុយក្រែនដែលរួមមានតំបន់ ២ គឺ Donetsk និងLuhansk។ លោកបានបញ្ជាក់ឡើងវិញលើការអះអាងរបស់ក្រុង Moscow ថា ប្រតិបត្តិការសឹកពិសេសរបស់ខ្លួននៅក្នុងប្រទេសអ៊ុយក្រែន គឺដើម្បីធ្វើឲ្យប្រទេសជិតខាងរបស់ខ្លួនមួយនេះក្លាយជាប្រទេសគ្មានយោធា បន្ទាប់ពីការពង្រីកខ្លួនចូលទៅភាគខាងកើតរបស់សម្ព័ន្ធយោធាណាតូ និងបោសសម្អាតនូវអ្វីដែលខ្លួនមើលឃើញថា ជាតិនិយមខួរក្បាលរបបណាស៊ី។ ទីក្រុង Kyiv និងបណ្ដាប្រទេសលោកខាងលិចមើលឃើញថា ការអះអាងទាំងនោះជាលេសគ្មានមូលដ្ឋានក្នុងការដណ្ដើមទឹកដី។យោងតាមអត្ថបទមួយច្បាប់ចេញផ្សាយដោយក្រសួងការបរទេសរុស្ស៊ីលោក Lavrov បាននិយាយថា ការរំដោះយកតំបន់ Donetsk និង Luhansk ដែលត្រូវបានទទួលស្គាល់ដោយសហព័ន្ធរុស្ស៊ីថា ជារដ្ឋឯករាជ្យគឺជាចំណុចអាទិភាពដោយគ្មានលក្ខខណ្ឌ។ ចំណែកលោកប្រធានាធិបតីរុស្ស៊ី Vladimir Putin វិញបានព្រមានប្រធានាធិបតីបារាំងលោក Emmanuel Macron និងអធិការបតីអាល្លឺម៉ង់លោក Olaf Scholz ទល់នឹងការបង្កើនការផ្គត់ផ្គង់ជំនួយគ្រឿងសព្វាវុធឲ្យទៅអ៊ុយក្រែន ដោយនិយាយថា ការដឹកជញ្ជូនអាវុធនេះអាចនឹងបង្កឲ្យមានអស្ថិរភាពថែមទៀត៕អត្ថបទ៖ សុខមាន

ឯកឧត្តម ហ៊ុន ម៉ាណែត សំណេះសំណាលជាមួយក្រុមជំនួយការលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល

ភ្នំពេញ៖ ឯកឧត្តម ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញសំណេះសំណាលជាមួយក្រុមជំនួយការលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល នៅថ្ងៃទី២៩ ខែឧសភា ឆ្នាំ២០២២។ឯកឧត្តម ហ៊ុន ម៉ាណែត បានអោយដឹងងថា ការជួបជុំនាពេលនេះ បញ្ជាក់អំពីការគោរពស្រលាញ់ និងជំនឿទុកចិត្តរបស់គណបក្សប្រជាជនកម្ពុជា ជូនដល់ថ្នាក់ដឹកនាំ និងសមាជិក សមាជិកា ក្រុមជំនួយការ នៃលេខាធិការដ្ឋាន និងបណ្តាផ្នែកចំណុះ នៃយុវជនគណបក្សប្រជាជនកម្ពុជាថ្នាក់កណ្តាល ដែលបានខិតខំបម្រើស្ថាប័នប្រកបដោយមោទកភាព ភាពស្មោះត្រង់ ព្រមជាមួយនឹងឆន្ទៈប្តូរផ្តាច់បម្រើជាតិ និងប្រជាពលរដ្ឋស្របតាមគោលនយោបាយរបស់គណបក្ស និងមាគ៌ាដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។ឯកឧត្តមបានអោយដឹងថា ទន្ទឹមនឹងនេះ ក៏បានបង្ហាញឱ្យឃើញអំពីភាពរឹងមាំ និងដំណើរការប្រកបដោយប្រសិទ្ធភាព នៃរចនាសម្ព័ន្ធអង្គការចាត់តាំងរបស់យុវជនគណបក្សប្រជាជនកម្ពុជាថ្នាក់កណ្តាល ព្រមទាំងជាការបង្ហាញនូវកិត្តិយស និងមោទកភាពរបស់យុវជនក្នុងការឈានជើងចូលរួមក្នុងជីវភាពនយោបាយជាមួយគណបក្សប្រជាជនកម្ពុជា ដ៏មានឧត្តមភាព និងប្រកបដោយស្នាដៃ និងគុណបំណាច់ធំធេងជាប្រវត្តិសាស្ត្រជាច្រើនមក។ ជាពិសេស គណបក្សយើង គឺជាមហាគ្រួសារដ៏ធំ ដែលតែងបានប្តេជ្ញាបំពេញភារកិច្ចក្នុងបុព្វហេតុរួម គឺការរក្សាការពារសុខសន្តិភាព សិ្ថរភាព និងការអភិវឌ្ឍជាតិលើគ្រប់វិស័យ ដើម្បីភាពសុខសាន្ត និងសេចក្តីចម្រុងចម្រើនជូនប្រជាពលរដ្ឋ។ឯកឧត្តម ហ៊ុន ម៉ាណែត បានបញ្ជាក់ថា យុវជនគណបក្សប្រជាជនកម្ពុជាមានតួនាទីមិនប្រួលប្រែ ជាមួយបុព្វហេតុឥតងាករេ ក្នុងការបម្រើគណបក្សអស់រយៈពេលជាង៧០ឆ្នាំ កន្លងមកនេះ ហើយក៏នឹងបន្តធានាប្រសិទ្ធភាពក្នុងការបំពេញការងាររបស់ខ្លួន ជាពិសេសក្នុងបរិបទនៃការវិវឌ្ឍប្រែប្រួលរបស់សង្គមជាតិ ក្នុងនាមជាកោសិកាបន្តវេន ដែលគណបក្សបានយកចិត្តទុកដាក់រៀបចំថ្នាល ថែទាំ និងកសាងសមត្ថភាពជាប់ជាប្រចាំតាំងពីដើមរៀងមក។ឯកឧត្តមបញ្ជាក់ថា គណបក្សប្រជាជនកម្ពុជា បានខិតខំយកចិត្តទុកដាក់បម្រើប្រជាពលរដ្ឋតាមមូលដ្ឋានជាប់ប្រចាំដូចជាភ្លៀងរលឹម ហើយក៏នឹងបន្តខិតខំប្រឹងប្រែងបន្ថែមទៀតឱ្យស័ក្តិសមទៅនឹងទំនុកទុកចិត្តពីសំណាក់ប្រជាពលរដ្ឋ។ ក្នុងន័យនេះ យុវជនត្រូវចងចាំថា មូលដ្ឋានគឺជាកម្លាំងពិត ដែលតែងបានគាំទ្រគណបក្សយើងនៅគ្រប់ការបោះឆ្នោត ព្រោះប្រជាពលរដ្ឋនៅតាមមូលដ្ឋាននីមួយៗ ជាអ្នកដែលរស់នៅ និងបានឃើញជាក់ស្តែងនូវការអភិវឌ្ឍហេដ្ឋារចនាសម្ព័ន្ធ, បរិយាកាសភូមិ-ឃុំមានសុវត្ថីភាព និងសណ្តាប់ធ្នាប់របៀបរៀបរយ ព្រមទាំងការយកចិត្តផ្តល់សេវាសាធារណៈកាន់តែកៀកជិតនឹងប្រជាពលរដ្ឋ៕

លោក Blinken មានទំនុកចិត្តថា ហ្វាំងឡង់ និងស៊ុយអែតនឹងចូលរួមជាសមាជិក NATO

សហរដ្ឋអាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken និយាយថា លោកជឿជាក់ថា ការស្នើសុំរបស់ប្រទេសហ្វាំងឡង់ និងស៊ុយអែតដើម្បីចូលជាសមាជិកអង្គការសន្ធិសញ្ញាអាត្លង់ទិកខាងជើង ឬ NATO នឹងដំណើរការទៅមុខ ទោះបីជាមានការជំទាស់ពីប្រទេសទួរគីក៏ដោយ។លោក Blinken និយាយថា ប្រទេសហ្វាំងឡង់ និងស៊ុយអែតកំពុងធ្វើការដោយផ្ទាល់ជាមួយប្រទេសទួរគី ដើម្បីដោះស្រាយកង្វល់មួយចំនួនដែលទួរគីបានលើកឡើង។ មានការស្របមតិគ្នាច្រើននៅក្នុងអង្គការ NATO សម្រាប់ការចូលជាសមាជិករបស់ប្រទេសហ្វាំងឡង់ និងស៊ុយអែត ហើយលោក Blinken នៅតែមានទំនុកចិត្តថា នឹងធ្វើការតាមរយៈដំណើរការនេះឱ្យបានឆាប់រហ័ស ហើយអ្វីៗនឹងដំណើរការទៅមុខជាមួយប្រទេសទាំងពីរ។លោក Blinken បានលើកឡើងដូច្នេះ ក្នុងអំឡុងពេលដំណើរទស្សនកិច្ចរបស់រដ្ឋមន្ត្រីការបរទេសហ្វាំងឡង់លោក Pekka Haavisto មកកាន់ក្រសួងការបរទេសសហរដ្ឋអាមេរិកកាលពីថ្ងៃសុក្រ។ បញ្ហានេះបានកើតឡើង ខណៈដែលរដ្ឋមន្ត្រីការបរទេសទួរគីនិយាយថា ប្រទេសស៊ុយអែត និងហ្វាំងឡង់ត្រូវតែមានវិធានការជាក់ស្តែង ដើម្បីកាត់បន្ថយកង្វល់សន្តិសុខរបស់ប្រទេសខ្លួន ដើម្បីយកឈ្នះលើការជំទាស់របស់ទីក្រុងអង់ការ៉ា ចំពោះបំណងក្លាយជាសមាជិកភាពរបស់អង្គការណាតូ៕អត្ថបទ៖ ប៊ុនថន

សម្តេចតេជោ រងការវាយប្រហារផ្លូវចិត្តដោយសារបន្តលាក់បងប្រុសទីមួយមិនអោយដឹងពីមរណភាពសម្តេចទេពញាណ ហ៊ុន ណេង

ភ្នំពេញ ៖ តាមរយៈទំព័រហ្វេសប៊ុកផ្លូវការនៅល្ងាចថ្ងៃទី២៧ ខែឧសភានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហោះរូបភាពជាច្រើនសន្លឹកបង្ហាញពីការនឹករលឹកសួរសុខទុក្ខបងប្រុសទីមួយរបស់សម្តេចគឺឯកឧត្តម ហ៊ុន សាន ដែលទើបតែត្រឡប់មកពីព្យាបាលជំងឺនៅប្រទេសថៃ។ សម្តេចតេជោ នៅតែបង្ហាញអារម្មណ៍រំជួលចិត្ត ខណៈដែលព្យាយាមបន្តលាក់ព័ត៌មានពីមរណភាពសម្តេចទេពញាណ ហ៊ុន ណេង ជាបងប្រុសទី២ មិនអោយបងប្រុសទីមួយដឹងពីរឿងនេះ។សម្តេចតេជោបានបង្ហោះក្នុងខ្លឹមសារដើមទាំងស្រុងថា :« ល្ងាចនេះទៅសួរសុខទុក្ខបងទីមួយដែលទើបវិលត្រឡប់ពីទីក្រុងបាងកកប្រទេសថៃក្រោយការវះកាត់។ទោះបីសុខភាពគាត់ប្រសើរជាងមុនក្តីតែខ្ញុំនៅតែមិនទាន់ហ៊ានប្រាប់គាត់ពីមរណភាពបងប្រុសទីពីរនៅឡើយ។២ថ្ងៃមុននេះជាខួបលើកទី៩ឆ្នាំនៃមរណភាពភរិយារបស់គាត់ដែលត្រូវជាបងថ្លៃរបស់ខ្ញុំ ប្រសិនខ្ញុំជំរាបគាត់ពីរឿងមរណភាពបងទីពីរទៀតប្រហែលគាត់ពិបាកទទួល។ខ្ញុំក៍ទទួលរងនូវការវាយប្រហារខាងផ្លូវចិត្តខ្លាំងណាស់ដែរនៅពេលដែលបងប្រុសខ្ញុំលើកដៃចង្អុលទៅរករូបថតដែលបងប្អូនខ្ញុំទាំង៦នាក់ថតជាមួយឪពុកខ្ញុំហើយនិយាយថាបងប្អូនយើងមាន៦នាក់ប្រុស៣នាក់ស្រី៣នាក់ប្រុស៣នាក់ដំបូងទើបមានស្រី៣នាក់ជាក្រោយដោយពុំមានឆ្លាស់គ្នាស្រីនិងប្រុសនោះទេតែគាត់ពុំបានដឹងថាពេលនេះនៅសល់តែ៥នាក់នោះឡើយ។ទឹកភ្នែកខ្ញុំស្ទើរតែហូរចេញមកហើយខ្ញុំបែរមុខទៅម្ខាងនិងងាកមកវិញបបួលគាត់ដូរនាឡិការដៃដើម្បីបញ្ចប់នូវរឿងសោកសៅ។ទ្រាំរក្សាទុកដំណឹងនេះមិនឱយគាត់ដឹងមួយរយះសិនដើម្បីសុខភាពគាត់។សង្ឃឹមថាបងទីមួយនិងវិញ្ញាក្ខន្ធបងទីពីរនឹងយល់ពីការលំបាករបស់ខ្ញុំនៅពេលនេះ» ៕ អត្ថបទ ៖ រក្សា

លោក ហ៊ុន ម៉ាណែត អញ្ជើញសំណេះសំណាលជាមួយថ្នាក់ដឹកនាំ និងសមាជិក សមាជិកា ក្រុមការងារ និងក្រុមសកម្មជនយុវជនគណបក្សប្រជាជនកម្ពុជាស្រុកស្រីសន្ធរ ខេត្តកំពង់ចាម

កំពង់ចាម៖ លោក ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា និងប្រធានយុវជនគណបក្សថ្នាក់កណ្តាល បានអញ្ជើញសំណេះសំណាលជាមួយថ្នាក់ដឹកនាំ និងសមាជិក សមាជិកា ក្រុមការងារ និងក្រុមសកម្មជនយុវជនគណបក្សក្នុងស្រុកស្រីសន្ធរ ខេត្តកំពង់ចាម នៅព្រឹកថ្ងៃទី២៧ ខែឧសភា ឆ្នាំ២០២២។ លោក ហ៊ុន ម៉ាណែត មានប្រសាសន៍ថា ភាពសកម្មរស់រវើករបស់សមាជិក សមាជិកា និងអ្នកគាំទ្ររបស់គណបក្សប្រជាជនកម្ពុជានៅក្នុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅក្នុងស្រុកស្រីសន្ធរ ក៏ដូចជានៅទូទាំងប្រទេស ពិតជាបានបង្ហាញឱ្យឃើញនូវកម្លាំងថាមពលដ៏ខ្លាំងក្លារបស់គណបក្សយើង ជាពិសេសការគាំទ្រប្រកបដោយការជឿជាក់មកលើការដឹកនាំដ៏ត្រឹមត្រូវរបស់គណបក្សគ្រប់អាណត្តិកន្លងមកនេះ ដោយបាននាំមកភាពសុខសាន្តសម្រាប់ជាតិ និងប្រជាជន។ ពិតណាស់ នៅក្នុងសង្គមប្រជាធិបតេយ្យ យើងអាចមានជម្រើសច្រើន ប៉ុន្តែយើងមិនត្រូវបោះឆ្នោតដើម្បីតែប្រយោជន៍របស់គណបក្សណាមួយនោះឡើយ។គណបក្សនយោបាយ គ្រាន់តែជាបេក្ខភាពដើម្បីបម្រើរាស្ត្រតែប៉ុណ្ណោះ។ ដូច្នេះ គឺជាការចាំបាច់ណាស់ ដែលយើងត្រូវបោះឆ្នោតដើម្បីខ្លួនឯង ដើម្បីគ្រួសារ និងដើម្បីសង្គមជាតិយើង។ លោក ហ៊ុន ម៉ាណែត បានសង្កត់ធ្ងន់ថា គណបក្សដែលល្អបំផុត គឺគណបក្សប្រជាជនកម្ពុជា ដែលជាគណបក្សតែងបានផ្តល់នូវភាពកក់ក្តៅជូនប្រជាពលរដ្ឋដោយគ្មានការរើសអើងបែងចែក និងជាគណបក្សដែលមានស្នាដៃបទពិសោធន៍ក្នុងអតីតកាល, មានសមត្ថភាពថែរក្សាលំនឹងស្ថិរភាពក្នុងបច្ចុប្បន្នកាល និងអាចធានាបាននូវទំនុកចិត្តសម្រាប់អនាគតមួយដ៏ភ្លឺស្វាង។ ជាក់ស្តែង ក្នុងរយៈពេល ៤៣ ឆ្នាំកន្លងមកនេះ ប្រទេសកម្ពុជា បានងើបចេញពីវាលពិឃាត និងគំនរផេះផង់ រហូតក្លាយខ្លួនជាកោះសន្តិភាព, ជាគោលដៅទេសចរណ៍លំដាប់ពិភពលោក, ជាប្រទេសដែលមានកំណើនសេដ្ឋកិច្ចខ្ពស់ជាប់ចំណាត់ថ្នាក់, ជាប្រទេសប្តូរពីមានចំណូលទាបមកជាចំណូលមធ្យម, ជាប្រទេសជាប់ចំណាត់ថ្នាក់លើការងារប្រយុទ្ធនឹងជំងឺកូវីដ-១៩ និងអ្វីដែលសំខាន់ជាប្រទេសដែលផ្តល់ឱកាស និងលំហរសេរីភាពគ្រប់បែបយ៉ាងដល់ប្រជាពលរដ្ឋ ជាពិសេសឱកាសសម្រាប់ការអភិវឌ្ឍខ្លួនដល់យុវជន និងកុមារ ក្នុងនាមជាអ្នកជំនាន់ក្រោយនៃសម័យកាលសង្គ្រាម។លោកបានបញ្ជាក់ថា ជារួម គឺគ្មានគណបក្សណាក្រៅពីគណបក្សប្រជាជនកម្ពុជា ដែលមានបទពិសោធន៍ដឹកនាំប្រទេសជាក់ស្តែង ទាំងថ្នាក់ជាតិ និងថ្នាក់មូលដ្ឋាន ហើយក៏បានចូលរួមនៅក្នុងការប្រកួតប្រជែងតាមបែបប្រជាធិបតេយ្យ ដោយមានការប្តេជ្ញាចិត្ត និងទំនុកចិត្តខ្ពស់បំផុត។ សូមឆ្លៀតឱកាសថ្លែងអំណរគុណចំពោះប្រជាពលរដ្ឋក្នុងស្រុកស្រីសន្ធរ ដែលតែងបានផ្តល់ការគាំទ្រយ៉ាងលើសលប់ និងបានបោះឆ្នោតជូនគណបក្សប្រជាជនក្នុងគ្រប់អាណត្តិកន្លងមក ពីព្រោះមានតែអ្នកស្រុកស្រីសន្ធរផ្ទាល់ ជាអ្នកបានឆ្លងកាត់ផ្ទាល់ និងស្គាល់ច្បាស់អំពីការអភិវឌ្ឍរីកចម្រើនជាក់ស្តែងនៅក្នុងមូលដ្ឋានរបស់ខ្លួន និងសូមបន្តគាំទ្រសំដៅធ្វើយ៉ាងណារក្សាប្រៀបឈ្នះ និងទទួលបានជោគជ័យឱ្យបានលើសលប់បន្តទៀត។ ការអភិវឌ្ឍរីកចម្រើន នៅក្នុងមូលដ្ឋាននេះ ទាំងក្នុងផ្នែកពុទ្ធចក្រ និងអាណាចក្រ រួមមាន វត្តអារាម ផ្លូវបេតុង ស្ពាន សាលារៀន មណ្ឌលសុខភាព ជាដើម ដែលទាំងអស់នេះ បានកើតឡើងពីការដឹកនាំ និងការបង្កលក្ខណៈរបស់រាជរដ្ឋាភិបាល ជាពិសេសការរួមកម្លាំងញើសឈើសឈាម និងកិច្ចខិតខំប្រឹងប្រែងដ៏យូរឆ្នាំរបស់អាជ្ញាធរដែនដី, ក្រុមការងារគ្រប់យន្តការ, សប្បុរសជន និងប្រជាពលរដ្ឋនៅក្នុងមូលដ្ឋានផ្ទាល់ រហូតសម្រេចបាននូវវឌ្ឍនភាពសម្រាប់ភូមិឃុំយើងក្រោមម្លប់និរន្តរភាពនៃសន្តិភាព ស្ថិរភាព ដូចពេលនេះ ដោយមិនអាចកើតឡើងក្នុងត្រឹមមួយប៉ប្រិចភ្នែកបានឡើយ។ទន្ទឹមនឹងនោះលោក ហ៊ុន ម៉ាណែត បានបន្តថា នៅថ្ងៃទី០៥ ខែមិថុនា ឆ្នាំ២០២២ ដែលនឹងឈានមកដល់ឆាប់ៗនេះ សូមបន្តរួមរស់នៅក្នុងភាពកក់ក្តៅ និងបន្តជឿទុកចិត្ត និងបោះឆ្នោតជូនគណបក្សប្រជាជនកម្ពុជា តាមរយៈយុទ្ធការ “សមាជិកបក្សម្នាក់ អ្នកគាំទ្របក្សម្នាក់ មានសន្លឹកឆ្នោតមួយសន្លឹកជូនបក្ស” ដើម្បីប្រើប្រាស់សិទ្ធិក្នុងនាមជាពលរដ្ឋម្ចាស់ប្រទេស ដោយសម្រេចជ្រើសរើសបក្ស ដែលមានការប្តេជ្ញាចិត្ត និងឆន្ទៈក្នុងការបម្រើសេវាជូនប្រជាពលរដ្ឋ និងអភិវឌ្ឍមូលដ្ឋាន ដូចដែលបានធ្វើកន្លងមក ហើយក៏នឹងខិតខំបន្តជំរុញប្រសិទ្ធភាពការងារទៅមុខទៀត តាមរយៈការពង្រឹងចំណុចខ្លាំង និងកែលម្អចំណុចខ្វះខាតដែលមាន ពីព្រោះនៅលើពិភពលោក មិនអាចមានរដ្ឋាភិបាលណាដែលអាចឆ្លើយតបនឹងសំណូមពរប្រជាពលរដ្ឋឱ្យគ្រប់ ១០០% នោះទេ។ រដ្ឋាភិបាលណាក៏ដោយ ទោះបីអាចដោះស្រាយបញ្ហាបានទាំងអស់ ក៏នឹងត្រូវខិតខំប្រឹងប្រែងបន្ថែមទៀត ដើម្បីឱ្យទាន់សំណូមពររបស់ប្រជាពលរដ្ឋដែលបន្តកើនឡើង។ ចំពោះជរដ្ឋាភិបាល និងរដ្ឋបាលថ្នាក់ក្រោមជាតិ ដែលដឹកនាំដោយគណបក្សប្រជាជនវិញ គឺតែងបានធ្វើការបូកសរុប និងវាយតម្លៃលទ្ធផលការងារជាប្រចាំក្នុងគ្រប់អាណត្តិនីមួយៗ ដើម្បីដកពិសោធន៍ចំណុចខ្លាំង ចំណុចខ្សោយ កែលម្អបញ្ហាអវិជ្ជមាន បំពេញបន្ថែមចំណុចខ្វះខាត សំដៅធ្វើយ៉ាងណាបម្រើប្រជាពលរដ្ឋឱ្យបានកាន់តែប្រសើរពីមួយអាណត្តិទៅមួយអាណត្តិ “បេះដូង និងឆន្ទៈរបស់មន្ត្រីបក្ស មានតែមួយប៉ុណ្ណោះ គឺបម្រើជាតិ និងប្រជាជន ដោយឥតរុញរាក្នុងគ្រប់កាលៈទេសៈទាំងអស់”៕

បណ្ដាញសង្គម

ព័ត៌មានថ្មីៗ

ក្តីសង្ឃឹមសម្រាប់កិច្ចព្រមព្រៀងបើកច្រកសមុទ្រ Hormuz រសាត់ឆ្ងាយ ខណៈលោក Trump ទាមទារសំណងពីអ៊ីរ៉ង់

អង់គ្លេស និងបារាំង ត្រៀមទប់ទល់រលកកម្តៅមួយផ្សេងទៀត ខណៈអឺរ៉ុបខាងលិចបង្កើតកំណត់ត្រាសីតុណ្ហភាពខ្ពស់ថ្មី

រៀនឥតគិតថ្លៃ មានប្រាក់ឧបត្ថម្ភប្រចាំខែ! NIEI ផ្ដល់អាហារូបករណ៍លើជំនាញ ៦មុខវិជ្ជា ក្រោមកម្មវិធី TVET 1.5M របស់រាជរដ្ឋាភិបាល

[UPDATE]អតីតសមាជិកសភាថៃសារភាពថា ខ្លួនបានបាញ់សម្លាប់មន្ត្រីមូលដ្ឋាន ដោយសារជម្លោះលុយកាក់

ប្រេងនៅមានតម្លៃខ្ពស់ជិតមួយសប្តាហ៍ ខណៈក្តីសង្ឃឹមនៃកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់ថយចុះ

ចំនួនមនុស្សស្លាប់ក្នុងគ្រោះរញ្ជួយដីនៅប្រទេសកូឡុំប៊ី ឡើងដល់១៣២នាក់ និងជាង ៥៧០នាក់របួស

គណៈបញ្ជាការឯកភាពរាជធានី បន្តបង្ក្រាបអនឡាញស្គេម នៅអគារខុនស្តារស៊ីធី ខណ្ឌសែនសុខ ឃាត់ជនជាតិវៀតណាម១៤នាក់

ស្នងការរាជធានី បន្តផ្តល់ម៉ូតូ០៥គ្រឿង ស្បៀងអាហារ និងសម្ភារមួយចំនួន ជួយគាំទ្រដល់ជួរមុខ ទិសភូមិភាគ៥ជាប់ព្រំដែន

តំបន់ភាគខាងលិចអឺរ៉ុបជួបខែមិថុនា និងខែកក្កដា ក្តៅបំផុតជាប់កំណត់ត្រា

រដ្ឋមន្ត្រីការបរទេសម៉ាឡេស៊ី៖ មីយ៉ាន់ម៉ា មានឆន្ទៈទទួលយកវិញនូវជនភៀសខ្លួន ៥.០០០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីបណ្ដេញសមាជិកទាហានឯកជនរបស់លោក Putin ជាង ១០០នាក់ចេញពីការងារ ព្រោះមិនព្រមចូលប្រយុទ្ធនៅអ៊ុយក្រែន

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow

លោក Blinken មានទំនុកចិត្តថា ហ្វាំងឡង់ និងស៊ុយអែតនឹងចូលរួមជាសមាជិក NATO

សម្តេចតេជោ រងការវាយប្រហារផ្លូវចិត្តដោយសារបន្តលាក់បងប្រុសទីមួយមិនអោយដឹងពីមរណភាពសម្តេចទេពញាណ ហ៊ុន ណេង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុមអាជ្ញាធរនេប៉ាល់រកឃើញសាកសព ​១៤​នាក់​ពី​ការធ្លាក់​​​យន្តហោះ​​​

បំណាក់​ដី និង​ទឹកជំនន់​សម្លាប់​មនុស្ស ​79​នាក់​នៅ​ភាគ​ឦសាន​ប្រទេស​ប្រេ​ស៊ី​ល​

WHO៖ ការ​ផ្ទុះ​ជំងឺ​អុត​ស្វា​បង្ក​ការ​គំរាម​កំហែង​កម្រិត​មធ្យម​ចំពោះ​សុខភាព​សាធារណៈ​សកល​

ប្រមុខ​ការទូត​រុស្ស៊ី​និយាយ​ថា ​តំបន់ Donbas របស់​អ៊ុយ​ក្រែ​ន​គឺជា​អាទិភាព​គ្មាន​លក្ខខណ្ឌ​សម្រាប់​ក្រុង Moscow

លោក Blinken មាន​ទំនុក​ចិត្ត​ថា ហ្វាំ​ង​ឡង់​ និង​ស៊ុយអែត​នឹងចូលរួម​ជា​សមាជិក​ NATO

សម្តេចតេជោ រងការវាយប្រហារផ្លូវចិត្តដោយសារបន្តលាក់បងប្រុសទីមួយមិនអោយដឹងពីមរណភាពសម្តេចទេពញាណ ហ៊ុន ណេង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមអាជ្ញាធរនេប៉ាល់រកឃើញសាកសព ១៤នាក់ពីការធ្លាក់យន្តហោះ

បំណាក់ដី និងទឹកជំនន់សម្លាប់មនុស្ស 79នាក់នៅភាគឦសានប្រទេសប្រេស៊ីល

WHO៖ ការផ្ទុះជំងឺអុតស្វាបង្កការគំរាមកំហែងកម្រិតមធ្យមចំពោះសុខភាពសាធារណៈសកល

ប្រមុខការទូតរុស្ស៊ីនិយាយថា តំបន់ Donbas របស់អ៊ុយក្រែនគឺជាអាទិភាពគ្មានលក្ខខណ្ឌសម្រាប់ក្រុង Moscow

លោក Blinken មានទំនុកចិត្តថា ហ្វាំងឡង់ និងស៊ុយអែតនឹងចូលរួមជាសមាជិក NATO