BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

សម្តេចជោ ហ៊ុន សែន នឹងដឹកនាំគណៈប្រតិភូអញ្ជើញចូលរួមកិច្ចប្រជុំកំពូលពិសេស អាស៊ាន-អាម៉េរិក នៅថ្ងៃស្អែកនេះ

ភ្នំពេញ៖ បើគ្មានការប្រែប្រួលទេ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ានឆ្នាំ២០២២នេះ នឹងដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា អញ្ជើញចូលរួមកិច្ចប្រជុំកំពូលពិសេសអាស៊ាន-អាម៉េរិក នៅរដ្ឋធានីវ៉ាស៊ីនតោន សហរដ្ឋអាម៉េរិក នៅព្រឹកថ្ងៃទី១០ ខែឧសភា ឆ្នាំ២០២២ ស្អែកនេះ។កិច្ចប្រជុំកំពូលពិសេសនេះ គ្រោងធ្វើឡើងនៅថ្ងៃទី១២ -១៣ ខែឧសភា ឆ្នាំ២០២២ រវាងប្រមុខមេដឹកប្រទេសតំបន់អាស៊ាន ជាមួយលោក ចូ បៃឌិន ប្រធានាធិបតីសហរដ្ឋអាមេរិក។កិច្ចប្រជុំដ៏សំខាន់មួយនេះ នឹងជជែកគ្នាលើប្រធានបទ៖ ការឆ្លើយតបនឹងជំងឺកូវីដ-១៩ បញ្ហាសន្តិសុខសកល ,បម្រែបម្រួលអាកាសធាតុ ,ការតភ្ជាប់ទំនាក់ទំនងសេដ្ឋកិច្ចរវាងគ្នា នឹងគ្នា,បញ្ហាតំបន់ និងអន្តរជាតិ ដែលជាប្រយោជន៍ និងកង្វល់រួម៕

បណ្ដាមេដឹកនាំនៃក្រុមប្រទេស G7 ដាក់ទណ្ឌកម្មថ្មីលើរុស្ស៊ីជុំវិញការវាយលុកទៅលើប្រទេសអ៊ុយក្រែន

អ៊ុយក្រែន៖ ក្រុមមេដឹកនាំប្រទេសមានឧស្សាហកម្មលូតលាស់ទាំង៧ ឬ G7 បានងាកចេញពីការពឹងផ្អែកលើថាមពលរុស្ស៊ី ខណៈបណ្ដាមេដឹកនាំទាំងនេះបានប្រកាសដាក់ទណ្ឌកម្មថ្មី ជាផ្នែកមួយនៃកញ្ចប់ទណ្ឌកម្មក្រោមការសម្របសម្រួលមិនធ្លាប់មាន ដើម្បីបង្កើនសម្ពាធកាន់តែខ្លាំងថែមទៀតលើសេដ្ឋកិច្ចរបស់រុស្ស៊ី ដោយសារតែការវាយលុករបស់ទីក្រុង Moscow ចូលប្រទេសអ៊ុយក្រែន។ ប្រទេសសមាជិក G7 ដែលបានបង្រួបបង្រួមប្រទេសមានទ្រព្យសម្បត្តិស្ដុកស្ដម្ភបំផុតទាំង៧ នៅលើពិភពលោករួមមានកាណាដា បារាំង អាល្លឺម៉ង់ អ៊ីតាលី ជប៉ុន ចក្រភពអង់គ្លេស និងសហរដ្ឋអាមេរិកបានបង្កើនយុទ្ធនាការមួយនេះប្រឆាំងនឹងឥស្សរជនរបស់ប្រទេសរុស្ស៊ី ដែលបានជួយគាំទ្រលោកប្រធានាធិបតី Vladimir Putin ដែលក្រុមនេះបានចោទប្រកាន់ថា នាំមកនូវភាពអាម៉ាស់ដល់ការលះបង់ជាប្រវត្តិសាស្ត្ររបស់រុស្ស៊ី ប្រឆាំងនឹងពួកណាស៊ីអាល្លឺម៉ង់ក្នុងសង្គ្រាមលោកលើកទីពីរ។ ក្នុងសេចក្ដីថ្លែងការណ៍រួមរបស់ក្រុមប្រទេស G7 បាននិយាយថា យើងនឹងធានាថា យើងនឹងធ្វើទាន់ពេលវេលា និងតាមដំណាក់កាល ហើយតាមមធ្យោបាយនានាដែលផ្ដល់ពេលវេលាសម្រាប់ពិភពលោក ដើម្បីប្រាកដថាទទួលបានជម្រើសសម្រាប់ការផ្គត់ផ្គង់ថាមពលពីប្រទេសផ្សេងទៀត។សេចក្ដីថ្លែងការណ៍រួមដដែលនិយាយថា យើងនឹងបន្តពង្រឹងយុទ្ធនាការរបស់យើងប្រឆាំងក្រុមឥស្សរជនហិរញ្ញវត្ថុ និងសមាជិកគ្រួសារដែលបានគាំទ្រលោក Putin ក្នុងសង្គ្រាមនេះ និងបំផ្លាញប្រភពប្រាក់ចំណូលនានារបស់ជនជាតិរុស្ស៊ីទាំងនោះ។ សេតវិមាននិយាយថា ទណ្ឌកម្មថ្មីនេះនឹងប៉ះពាល់ខ្លាំងដល់សរសៃឈាមសេដ្ឋកិច្ចដ៏សំខាន់របស់លោក Putin និងកាត់ផ្ដាច់ប្រាក់ចំណូលដែលលោកត្រូវការចាំបាច់ សម្រាប់ការបម្រើឲ្យសកម្មភាពសង្គ្រាមរបស់លោក៕អត្ថបទ៖ សុខមាន

មនុស្សប្រមាណ ៦០នាក់ស្លាប់ ខណៈរុស្ស៊ីបង្កើនការវាយប្រហារខ្លាំងក្លាក្នុងតំបន់ Luhansk របស់អ៊ុយក្រែន

អ៊ុយក្រែន៖ ការវាយប្រយុទ្ធគ្នាដ៏ខ្លាំងក្លាបានកើតឡើង នៅក្នុងប្រទេសអ៊ុយក្រែនភាគខាងកើតកាលពីថ្ងៃអាទិត្យរវាងកងកម្លាំងរុស្ស៊ី និងក្រុមអ្នកតស៊ូរបស់អ៊ុយក្រែន ដែលបានព្យាយាមដណ្ដើមកាន់កាប់ទីក្រុង Severodonetsk ដ៏សំខាន់របស់តំបន់ Luhansk។ អភិបាលតំបន់ Luhansk បាននិយាយថា ការវាយប្រយុទ្ធគ្នាដ៏ខ្លាំងក្លាបានផ្ទុះឡើងនៅទីក្រុងឧស្សាហកម្ម Severodonetsk ដែលមានមនុស្សរស់នៅប្រមាណ ១០០,០០០នាក់ ហើយកងកម្លាំងរុស្ស៊ីកំពុងព្យាយាមវាយដណ្ដើមគ្រប់គ្រងទីក្រុងមួយនេះ។ អភិបាលតំបន់ Luhansk លោក Serhiy Haidai បានសរសេរនៅក្នុងសារ Telegram ថា ការវាយប្រយុទ្ធគ្នាដ៏ខ្លាំងក្លាបំផុតកំពុងឈានទៅរកការដណ្ដើមយកទីក្រុង Severodonetsk ប៉ុន្តែរាល់កាបោះទីលំនៅទាំងឡាយនៅក្នុងតំបន់ Luhansk គឺជាចំណុចគ្រោះថ្នាក់បំផុត។ ពេលនេះមានការបាញ់ប្រហារគ្នានៅក្នុងភូមិ Bilohorivka ភូមិ Voivodivka និងវាយរុលទៅកាន់ទីក្រុង Popasna។លោកនិយាយថា ជនជាតិអ៊ុយក្រែនរាប់សិបនាក់ត្រូវគេបារម្ភថាបានស្លាប់ ក្រោយការវាយប្រហារតាមអាកាសរបស់រុស្ស៊ីបានបំផ្លិចបំផ្លាញសាលារៀនមួយកន្លែង ដែលប្រជាពលរដ្ឋប្រមាណ ៩០នាក់ស្នាក់នៅក្នុងបន្ទប់ក្រោមដីក្នុងភូមិ Bilohorivka។ យ៉ាងណាក៏ដោយប្រភពពីលោកប្រធានាធិបតីអ៊ុយក្រែន Volodymyr Zelensky បាននិយាយថា មនុស្សប្រហែល ៦០នាក់បានស្លាប់ បន្ទាប់ពីគ្រាប់បែកត្រូវចំសាលារៀនមួយកន្លែងក្នុងភាគខាងកើតអ៊ុយក្រែន៕អត្ថបទ៖ សុខមាន

សពសម្តេចឧត្តមទេពញាណ ហ៊ុន ណេង រៀបចំពិធីបញ្ចុះនៅវត្តសុវណ្ណគិរីរតនៈភ្នំប្រុស

កំពង់ចាម៖ នៅព្រឹកថ្ងៃទី៩ ខែឧសភា ឆ្នាំ២០២២នេះ សពសម្តេចឧត្តមទេពញាណ ហ៊ុន ណេង ត្រូវបានដង្ហែចេញពីគេហដ្ឋាននៅភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ឆ្ពោះទៅបញ្ចុះនៅវត្តសុវណ្ណគិរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។ពិធីបញ្ចុះសពសម្តេចឧត្តមទេពញាណ បានប្រារព្ធធ្វើឡើងតាមទំនៀមទម្លាប់ប្រពៃណីសាសនា ដោយមានការនិមន្ត យាង និងអញ្ជើញចូលរួមពីសំណាក់ព្រះសង្ឃ និងឥស្សរជនជាន់ខ្ពស់ជាតិថ្នាក់ដឹកនាំ សមាជិក សមាជិការដ្ឋសភា ព្រឹទ្ធសភា រាជរដ្ឋាភិបាល និងមានការចូលរួមពីកងកម្លំាង អាជ្ញាធរខេត្ត ក្រសួង ស្ថាប័ន មន្រ្តីរាជការ ប្រជាពលរដ្ឋយ៉ាងច្រើនកុះករ ក្នុងសេចក្តីក្តុកក្តួលរំជួលចិត្ត ក្រៀមក្រំឥតឧបមា។ អ្នកចូលរួមទំាងអស់ មានសេចក្តីក្តុកក្តួលរំជួលចិត្តជាខ្លំាងចំពោះការបាត់បង់រូបសម្តេចឧត្តមទេពញាណ គឺជាការបាត់បង់នូវលោកឪពុក លោកឪក្មេក និងជីតា ប្រកបដោយសង្គហធម៌ ព្រហ្មវិហារធម៌ ពិសេសក៏ជាការបាត់បង់ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទះ មនសិកាក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនៃនីតិរដ្ឋប្រកបដោយឧត្តមគតិខ្ពង់ខ្ពស់ជាអនេកប្បការ ជារហូតមក។សម្តេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្រៃ្តយ៍រដ្ឋសភា ប្រធានគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភា និងជាតំណាងរាស្រ្តមណ្ឌលកំពង់ចាម បានទទួលអនិច្ចកម្ម ដោយរោគាពាធ នៅម៉ោង៦៖២៥នាទីល្ងាច ថ្ងៃទី០៥ ខែឧសភា ឆ្នាំ២០២២ ក្នុងជន្មាយុ៧២ឆ្នាំ។សូមបួងសួងឲ្យវិញ្ញាណក្ខន្ធ សម្តេចឧត្តមទេពញាណ បានទៅសោយសុខក្នុងឋានសុគតិភពជានិច្ចនិរន្តកុំបីឃ្លៀងឃ្លាតឡើយ៕

សម្តេចតេជោ ហ៊ុន សែន៖ ថ្ងៃស្អែកបងប្រុសទីពីរ នឹងត្រូវបានបញ្ចុះទៅក្នុងព្រះធរណីដែលជាកន្លែងសម្រាកចុងក្រោយរបស់គាត់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានថ្លែងសារខ្លីដ៏រំជួលចិត្ត សង្វេគពន់ពេកក្រៃ ពីមរណភាពសម្តេចឧត្តមទេពញាណ ហ៊ុន ណេង ដោយរៀបរាប់ថា ព្រឹកថ្ងៃស្អែក ៩ ខែឧសភា ឆ្នាំ២០២២ ដល់ពេលកំណត់ ដែលបងប្រុសទីពីរនឹងត្រូវបានបញ្ចុះទៅក្នុងព្រះធរណីដែលជាកន្លែងសម្រាកចុងក្រោយរបស់គាត់។សម្តេចតេជោ ហ៊ុន សែន រៀបរាប់ថា “បងប្អូនយើងបែកគ្នាដោយមិនបានលាគ្នា និងនិយាយជាមួយគ្នាសូម្បីមួយម៉ាត់ទោះបីជាខ្ញុំបានមកទាន់ដណ្ហើមចុងក្រោយរបស់គាត់ស្រែកហៅគាត់យកដៃទាញអង្រួនជើងរបស់គាត់តែមិនមានលទ្ធផលក្រៅតែពីសម្រក់ទឹកភ្នែកទាំងអស់សង្ឃឹម”។សម្តេចបន្តថា នៅមានរឿងសោកសៅជាងនេះ សម្រាប់បងប្អូនប្រុសស្រីទាំង៦នាក់របស់យើងនោះ គឺអវត្តមានបងប្រុសទីមួយក្នុងពិធីបញ្ចុះសពបងប្រុសទីពីរ។ បងប្រុសទីមួយ មិនត្រឺមតែមិនបានចូលរួមក្នុងពិធីបញ្ចុះសពបងទីពីរប៉ុណ្ណោះទេ តែមកដល់ពេលនេះគាត់មិនទាន់ដឹងថាប្អូនប្រុសរបស់គាត់បាត់បង់ជីវិតទៀតផង។សម្តេចតេជោបញ្ជាក់ថា “ខ្ញុំបានហាមកូនៗរបស់គាត់មិនឱ្យនិយាយប្រាប់គាត់ពីមរណភាពប្អូនរបស់គាត់ដោយបងទីមួយទើបចេញពីបន្ទប់វះកាត់នៅក្រុងបាងកកប្រទេសថៃសុខភាពគាត់នៅខ្សោយ។ខ្ញុំមិនដឹងថានឹងមានអ្វីកើតឡើងក្រោយពេលគាត់ទទួលដំណឹងថាប្អូនរបស់គាត់បាត់បងជីវិតដោយគ្មានអ្នកណាផ្តល់ដំណឹងឱយគាត់?នេះហើយជារឿងសោកសៅនាប៉ុន្មានថ្ងៃខាងមុខ”៕

ប្រតិភូរដ្ឋបាលខេត្តកោះកុង អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង

កំពង់ចាម៖ នៅរសៀលថ្ងៃទី ០៨ខែឧសភា ឆ្នាំ២០២២នេះ ឯកឧត្តម ស្រេង ហុង អភិបាលរងខេត្តកោះកុង បានដឹកនាំមន្ត្រីរដ្ឋបាលខេត្តកោះកុងជាច្រើនរូប អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម ខេត្តកំពង់ចាម៕

ប្រធានាធិបតីឡាវ ផ្ញើសាររំលែកមរណទុក្ខជូនសម្តេចតេជោ ហ៊ុន សែន នាយករដ្ឋមន្រ្តី ចំពោះមរណភាពសម្តេច ឧត្តមទេពញាណ ហ៊ុន ណេង

ភ្នំពេញ៖ ឯកឧត្តម ថងលួន ស៊ីសូលីត ប្រធានាធិបតីឡាវ និងជាអគ្គលេខាធិការគណៈកម្មាធិការមជ្ឈិមបក្សប្រជាជានបដិវត្តដ៍ឡាវ បានផ្ញើសារលិខិតជូនសម្តេចតេជោ ហ៊ុន សែន នាយករដ្ឋមន្រ្តី ចូលរួមរំលែកទុក្ខចំពោះមរណភាពសម្តេចឧត្តមទេពញាណ ហ៊ុន ណេង ប្រធានគណៈកម្មការទី៤នៃរដ្ឋសភា និងជាអ្នកតំណាងរាស្រ្តមណ្ឌលខេត្តកំពង់ចាម ដែលបានទទួលមរណភាពកាលពីល្ងាចថ្ងៃព្រហស្បតិ៍ ទី០៥ ខែឧសភា ឆ្នាំ២០២២។

ប្រតិភូរដ្ឋបាលខេត្តកែប អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង

កំពង់ចាម៖ នៅរសៀលថ្ងៃទី ០៨ខែឧសភា ឆ្នាំ២០២២នេះ ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប បានដឹកនាំមន្ត្រីរដ្ឋបាលខេត្តជាច្រើនរូប អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម ខេត្តកំពង់ចាម៕

ឯកឧត្តម ជៀង អំ និងលោកជំទាវ អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង

កំពង់ចាម៖ នៅរសៀលថ្ងៃទី ០៨ខែឧសភា ឆ្នាំ២០២២នេះ ឯកឧត្តម ជៀង អំ រដ្ឋលេខាធិការក្រសួងការពារជាតិ និងលោកជំទាវ អញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម ខេត្តកំពង់ចាម៕

សម្តេចតេជោ ហ៊ុន សែន អញ្ជើញពិនិត្យទីតាំងបញ្ចុះសពសម្តេច ឧត្តមទេពញាណ ហ៊ុន ណេង នៅវត្តសុវណ្ណគិរីរតនៈភ្នំប្រុស

កំពង់ចាម៖ សម្តេចតេជោ ហ៊ុន សែន អញ្ជើញពិនិត្យទីតាំងបញ្ចុះសព សម្តេច ឧត្តមទេពញាណ ហ៊ុន ណេង នៅរសៀលថ្ងៃទី០៨ ខែឧសភា ឆ្នាំ២០២២នេះ ខណៈពិធីបញ្ចុះសពនឹងប្រព្រឹត្តទៅនៅថ្ងៃចន្ទ ៩កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី៩ ខែឧសភា ឆ្នាំ២០២២ស្អែកនេះ នៅវត្តសុវណ្ណគិរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។

បណ្ដាញសង្គម

ព័ត៌មានថ្មីៗ

អនុប្រធានាធិបតីហ្វីលីពីន លោកស្រី Duterte រងការចោទប្រកាន់បទល្មើសព្រហ្មទណ្ឌ ជុំវិញការគំរាមលើលោក Marcos

អង្គការ NASA អញ្ជើញឥណ្ឌាឱ្យចូលរួមបេសកកម្មសាងមូលដ្ឋានលើឋានព្រះចន្ទរបស់ខ្លួន

ប្រតិបត្តិការស្វែងរកអ្នករស់នៅបន្ត ខណៈមនុស្ស២២៤នាក់ស្លាប់ ២.៧០០នាក់ ត្រូវបានរាយការណ៍ថា បាត់ខ្លួនក្នុងការរញ្ជួយដីកូឡុំប៊ី

នីហ្សេរីយ៉ាកត់ត្រាជំងឺគ្រុនក្តៅឡាសា ១.០០០ករណី និងអ្នកស្លាប់ ២៣៧នាក់ ក្នុងឆ្នាំ២០២៦

ក្រុមហ៊ុនអវកាសវៀតណាម ប្រកាសកិច្ចព្រមព្រៀងជាមួយ SpaceX ដើម្បីបាញ់បង្ហោះផ្កាយរណបលើកដំបូងរបស់ខ្លួន

តំបន់ពាក់កណ្តាលស្វយ័តឃើដនៅអ៊ីរ៉ាក់រងគ្រោះ ខណៈសង្រ្គាមអាមេរិក-អ៊ីរ៉ង់ នៅតែអូសបន្លាយពេល

ការគាំងបេះដូង និងបញ្ហាផ្លូវដង្ហើម គឺជាស្ថានភាពបន្ទាន់ដែលតម្រូវឱ្យមានការសង្គ្រោះទាន់ពេលវេលា

មោទនភាពសិល្បៈដូនតា សាលាមធ្យមវិចិត្រសិល្បៈ បើកការប្រឡងយកសញ្ញាបត្រសិល្បៈ និងស្នាតកបត្រសិល្បៈ

កម្មករថ្នំាជក់ម៉ាសេដូនីខាងជើងប្រមូលផលដំណាំក្រោមពន្លឺព្រះចន្ទ ស្របពេលកើតមានរលកកម្តៅ

កៀហ្ស៊ីស៊ីស្ថាន និងរុស្ស៊ី ចាប់ផ្តើមសមយុទ្ធយោធា Center-2026 រួមគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877