BTV NEWS

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «ស្វាដោះសំណាញ់!»

ព័ត៌មានសំខាន់ៗ

រដ្ឋមន្ត្រីក្រសួងវប្បធម៌ និងវិចិត្រសិល្បៈ ស្នើភាគីពាក់ព័ន្ធ ឬបុគ្គលជាអ្នកផលិតមាតិកាកម្សាន្តលើបណ្តាញសង្គមប្រកាន់ភ្ជាប់នូវវប្បធម៌អហិង្សា

ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានស្នើដល់ភាគីពាក់ព័ន្ធទាំងអស់ ពិសេសក្រុម ឬបុគ្គល ជាអ្នកផលិតមាតិកាកម្សាន្តលើបណ្តាញ សង្គម ត្រូវខិតខំបន្ថែមទៀត ក្នុងការបញ្ចូលខ្លឹមសារអប់រំខ្លីៗ ទាក់ទងនឹងការលើក កម្ពស់សីល ធម៌ សង្គម និងតម្លៃស្ត្រី ទៅក្នុងបណ្តាភាពយន្ត ចម្រៀង ភាពយន្តខ្នាតធំ ភាពយន្តភាគ ឬវីដេអូរបស់ខ្លួន ហើយសូមប្រកាន់ភ្ជាប់នូវវប្បធម៌អហិង្សា និងលើកកម្ពស់ការរស់នៅប្រកបដោយភាពស៊ីវីល័យ ឱ្យសាកសមជាប្រទេសមានសុខសន្តិភាព និងការអភិវឌ្ឍ។ថ្លែងក្នុងពិធីបើកសិក្ខាសាលាស្តីពី « តួនាទីផលិតករ សិល្បករ រួមចំណែកក្នុងការ លើកកម្ពស់ សីលធម៌សង្គម និងទប់ស្កាត់អំពើហិង្សាលើស្ត្រីនិងកុមារ តាមរយៈវីដេអូខ្លី» នៅទីស្ដីការក្រសួងវប្បធម៌និងវិចិត្រសិល្បៈ នា ថ្ងៃទី១០ ខែឧសភា ឆ្នាំ២០២២នេះ លោកជំទាវបណ្ឌិតសភាចារ្យ ភឿង សកុណា បានលើកឡើងថា បច្ចុប្បន្នវិស័យភាពយន្ត នៅកម្ពុជា មានការរីកលូតលាស់គួរជាទីមោទនៈ ក្នុងនោះការផលិតវីដេអូកម្សាន្តនៅលើបណ្ដាញ សង្គមនានា ជាលក្ខណៈ ក្រុមឬបុគ្គល ក៏មានច្រើនគួរឱ្យកត់សម្គាល់។ ការផលិតភាពយន្តខ្លី ឬវីដេអូខ្លីទាំងនេះ គឺដើម្បីបម្រើដល់ការកម្សាន្តដល់មនុស្សគ្រប់វ័យ តែមានភាពយន្ត និងវីដេអូមួយចំនួនបានបង្កើត ឱ្យមាន វប្បធម៌ហិង្សា ការសងសឹក ការប្រើប្រាស់គ្រឿងស្រវឹង គ្រឿងញៀន និងអំពើហិង្សា ក្នុងទម្រង់ធ្ងន់ធ្ងរ ដែលជាវប្បធម៌មួយមិនល្អ នាំអោយក្មេងៗជំនាន់ក្រោយបែរជាយកមកចម្លង និងអនុវត្តតាម។លោកជំទាវ ក៏បានឃើញពីការខិតខំប្រឹងប្រែងរបស់ផលិតករ អ្នកនិពន្ធ ម្ចាស់ផលិតកម្ម និងអ្នកផលិតមាតិកាកម្សាន្តលើបណ្ដាញសង្គមជាច្រើន ដែលបានផលិត ភាពយន្ត ឬវីដេអូដែលមានការបញ្ចូលខ្លឹមសារអប់រំ លើកកម្ពស់តម្លៃស្រ្តី និងទប់ស្កាត់ហិង្សា លើកុមារជាដើម តែនៅក្នុងកម្រិតមួយដែលមានចំនួនតិចនៅឡើយ ដែលទាមទារឱ្យយើងត្រូវរកប្រភពធនធានច្រើនក្នុងការយកមកផលិត ព្រោះផលិតករគាត់ផលិតអាស្រ័យលើទីផ្សារ និងចំណូល ត្រលប់មកវិញ។លោកជំទាវ បានណែនាំ និងសូម ផ្ដល់ជាអនុសាសន៍មួយចំនួនដូចខាងក្រោម អង្គភាពពាក់ព័ន្ធក្រោមឱវាទក្រសួង វប្បធម៌និង វិចិត្រ សិល្បៈត្រូវតាមដានលើមាតិកា ខ្លឹមសារ រូបភាព និងការសម្ដែងតាមកម្មវិធីនានា ក៏ដូចជា ប្រព័ន្ធផ្សព្វផ្សាយគ្រប់រូបភាព និងការសម្ដែងផ្ទាល់ ដែលមានលក្ខណៈអាសអាភាស ប៉ះពាល់ដល់សីលធម៌សង្គម និងតម្លៃស្ត្រី, ត្រូវចាត់វិធានការរដ្ឋបាលនានា ក្នុងគោលដៅអប់រំណែនាំដល់ក្រុមគោលដៅ ឬបុគ្គល ដែលបង្កហេតុ, ក្នុងករណីមិនរៀងចាល អង្គភាព ឬមន្ទីរ ត្រូវធ្វើរបាយការណ៍បញ្ជូនមកក្រសួង ដើម្បីក្រសួងស្នើសុំកិច្ចសហការជាមួយក្រសួង-ស្ថាប័នមានសមត្ថកិច្ចផ្សេងទៀតចាត់វិធានការបន្ត។ លោកទាវជំរុញផលិតករ អ្នកនិពន្ធ សិល្បករ សិល្បការិនី អ្នកផលិតមាតិ ការសម្សាន្ត លើបណ្ដាញ សង្គម ត្រូវបញ្ជ្រាបខ្លឹមសារអប់រំក្នុងភាពយន្ត ឬវីដេអូ ដើម្បីចូលរួមទប់ស្កាត់ ការប្រើប្រាស់ អំពើ ហិង្សា លើ ស្ត្រីនិងកុមារ, ប្រកាន់ភ្ជាប់នូវសីលធម៌ វិជ្ជាជីវៈរបស់ខ្លួន ក្នុងការផលិតស្នាដៃដើម្បីយក ទៅផ្សព្វផ្សាយ នៅតាមបណ្ដាញសង្គម, ត្រូវបង្កប់ន័យអប់រំដល់ទស្សនិកជន អ្នកគាំទ្រ ជាពិសេសយុវជន និងកុមារ, ត្រូវបញ្ឈប់រាល់ខ្លឹមសារ ឬរូបភាព ដែលបង្កឱ្យមានការប៉ះពាល់ដល់ សីលធម៌សង្គម ប្រពៃណី ទំនៀមទម្លាប់ និងតម្លៃស្ត្រី, ត្រូវបង្កើតស្នាដៃដែលមានផលវិជ្ជមានដល់បុគ្គល ក្រុម សហគមន៍ និងសង្គមជាតិផងដែរ៕ (អត្ថបទ និងរូបភាប៖ ហួត រដ្ឋា)

ទណ្ឌកម្មបានបង្ខំឲ្យរុស្ស៊ីកាត់បន្ថយផលិតផលប្រេងរបស់ខ្លួន ១លានបារ៉ែលក្នុងមួយថ្ងៃ

រុស្ស៊ី៖ យោងតាមលោក Mike Muller ដែលជាប្រធានទីភ្នាក់ងារថាមពល Vitol អាស៊ី ដែលជាពាណិជ្ជករប្រេងឆៅឯករាជ្យធំបំផុតរបស់ពិភពលោក ការដាក់ទណ្ឌកម្មប្រឆាំងនឹងរុស្ស៊ីបានកាត់បន្ថយការផលិតប្រេងឆៅ ១លានបារ៉ែលចេញពីការផលិតរបស់ខ្លួនជារៀងរាល់ថ្ងៃ ប៉ុន្តែនោះគ្រាន់តែជាការធ្លាក់ចុះតិចតួច បើប្រៀបធៀបទៅនឹងផលប៉ះពាល់ដែលបានព្យាករណ៍។ រុស្ស៊ីកំពុងផលិតប្រេងឆៅបានប្រហែល ១១លានបារ៉ែលក្នុងមួយថ្ងៃរហូតដល់ថ្ងៃដែលខ្លួនបានលុកលុយអ៊ុយក្រែនកាលពីចុងខែកុម្ភៈ។ ក្នុងនោះបាននាំចេញប្រមាណ ៧លានបារ៉ែលក្នុងមួយថ្ងៃ។ ប៉ុន្តែការដាក់ទណ្ឌកម្ម និងពហិការផលិតផលរបស់ខ្លួនបានរំខានដល់ពាណិជ្ជកម្ម និងកាត់បន្ថយតម្រូវការ ដោយបង្ខំឲ្យរុស្ស៊ីកាត់បន្ថយការផ្គត់ផ្គង់របស់ខ្លួន។ សហភាពអឺរ៉ុបក៏កំពុងរៀបចំផែនការលើបម្រាមនាំចូលប្រេងឆៅពីរុស្ស៊ីទាំងស្រុងផងដែរ។ រុស្ស៊ីរកចំណូលបាន ៦៦ពាន់លានដុល្លារពីការនាំចេញឥន្ធនៈហ្វូស៊ីលក្នុងរយៈពេល ២ខែចាប់តាំងពីចូលវាយប្រហារអ៊ុយក្រែន នេះបើយោងតាមរបាយការណ៍របស់មជ្ឈមណ្ឌលស្រាវជ្រាវថាមពល និងខ្យល់ស្អាតដែលចេញផ្សាយកាលពីសប្តាហ៍មុន។ ប្រហែលពាក់កណ្ដាលនៃប្រាក់ចំណូលចំនួន ១៤៧ពាន់លានដុល្លារដែលខ្លួនបានកត់ត្រាគឺសម្រាប់តែក្នុងឆ្នាំ២០២១ ប៉ុណ្ណោះ ខណៈតម្លៃថាមពលបានហក់ឡើងនៅឆ្នាំនេះ។ លោក Muller បាននិយាយនៅក្នុងបណ្ដាញសង្គមថា នៅមានប្រទេសជាច្រើននៅអាស៊ី អាហ្វ្រិក និងអាមេរិកឡាទីនដែលមិនបានដាក់ទណ្ឌកម្មប្រឆាំងនឹងរុស្ស៊ី៕អត្ថបទ៖ សុខមាន

សម្តេចអគ្គមហាពញាចក្រី ហេង សំរិន ប្រធានរដ្ឋសភា អនុញ្ញាតឱ្យឯកអគ្គរដ្ឋទូតថ្មីប្រទេសឡាវចូលជួបសម្តែងការគួរសម

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យ ឯកឧត្តម បួកែវ ភុំវង្សសាយ (Buakeo PHUMVONGSAY) ឯកអគ្គរដ្ឋទូតថ្មី នៃសាធារណរដ្ឋប្រជាធិបតេយ្យប្រជាមានិតឡាវ ប្រចំាព្រះរាជាណាចក្រកម្ពុជា ជួបសម្តែងការគួរសម នៅវិមានរដ្ឋសភា នាព្រឹកថ្ងៃទី១០ ខែឧសភា ឆ្នាំ២០២២។ឯកឧត្តម បួកែវ ភុំវង្សសាយ បានពាំនាំការផ្តាំផ្ញើរសាកសួរសុខទុក្ខជូន សម្តេចប្រធានរដ្ឋសភា ពីសំណាក់ថ្នាក់ដឹកនាំបក្ស រដ្ឋ រដ្ឋសភានៃប្រទេសឡាវ។ ឯកឧត្តមបានលើកឡើងពីចំណងមិត្តភាព និងកិច្ចសហប្រតិបត្តិការល្អ ជាលក្ខណៈបងប្អូនរវាងប្រទេសទំាងពីរដែលមានតំាងពីយូរមក។ តំណាងឱ្យប្រទេសឡាវ ឯកឧត្តមឯកអគ្គរដ្ឋទូត បានអរគុណរាជរដ្ឋាភិបាលនិងប្រជាជនកម្ពុជា ដែលបានផ្តល់ជំនួយវ៉ាក់សំាងកូវីដ១៩ និងសម្ភារៈបរិក្ខារពេទ្យជាច្រើនទៀតជូនដល់ប្រទេសឡាវនាពេលកន្លងមក។ឯកឧត្តមឯកអគ្គរដ្ឋទូតបានជម្រាបសម្តេចប្រធានរដ្ឋសភាថា នៅក្នុងពេលចាប់ផ្តើមបំពេញបេសកកម្មការទូតនៅកម្ពុជានេះ ក្រោយពីបានជូនសារតំាងដល់ប្រមុខរដ្ឋស្តីទីសម្តេចវិបុលសេនាភក្តី សាយ ឈុំ រួចមក ឯកឧត្តមបានជួបសម្តែងការគួរសមនិងពិភាក្សាការងារជាមួយភាគីកម្ពុជាជាច្រើន ដើម្បីធ្វើយ៉ាងណាឱ្យបេសកកម្មការទូតរបស់ឯកឧត្តមទទួលបានជោគជ័យបម្រើផលប្រយោជន៍ប្រទេសទំាងពីរ។សម្តេចអគ្គមហាពញាចក្រី ហេង សំរិន បានស្វាគមន៍ និងវាយតម្លៃខ្ពស់ចំពោះបេសកកម្មការទូតរបស់ឯកឧត្តមនៅម្ពុជានាពេលនេះ ពិតជាមានសារសំខាន់ ក្នុងការបន្តលើកកម្ពស់ទំនាក់ទំនងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការដ៏ល្អ ដែលមានស្រាប់នេះ ឱ្យកាន់តែប្រសើរថែមមួយកម្រិតទៀត ទាំងក្នុងក្របខណ្ឌ បក្ស រដ្ឋាភិបាល និងរដ្ឋសភា ។សម្តេចបានមានប្រសាសន៍បន្តថា ទោះបីនៅក្នុងកាលៈទេសៈជំងឺកូវីដ-១៩ រាតត្បាតជាង២ឆ្នាំមកនេះយ៉ាងណាក្តី តែទំនាក់ទំនង កិច្ចសហប្រតិបត្តិការប្រទេសទំាងពីរនៅតែបន្តធ្វើឡើងជាប្រក្រតី ហើយការផ្លាស់ប្តូរដំណើរទស្សនកិច្ច និងការជួបសន្ទនារវាងថ្នាក់ដឹកនាំប្រទេសទំាងពីរបានធ្វើឡើងជាប្រចំា។ ជាក់ស្តែង ដូចជាជំនួប សម្តេចនិងឯកឧត្តម ប្រធានរដ្ឋសភា តាមប្រព័ន្ធវីដេអូ និងដំណើរទស្សនកិច្ចរបស់ ឯកឧត្តម នាយករដ្ឋមន្រ្តីឡាវ មកកាន់ព្រះរាជាណាចក្រកម្ពុជា ជាដើម ។សម្តេចប្រធានបានលើកឡើងថា នៅខែវិច្ឆិកា ឆ្នាំ២០២២នេះ រដ្ឋសភា និងរាជរដ្ឋាភិបាលកម្ពុជា ក្នុងឋានៈជាប្រធានប្តូរវេន នឹងរៀបចំមហាសន្និបាតអាយប៉ា និងជំនួបកំពូលអាស៊ាន។ កម្ពុជាជឿជាក់ថា ប្រទេសឡាវនិងមានវត្តមាននៅក្នុងមហាសន្និបាតនិងជំនួបដ៏សំខាន់នោះ។ សម្តេចអគ្គមហាពញាចក្រី ហេង សំរិន បានគូសបញ្ជាក់ថា រដ្ឋសភា និងរដ្ឋាភិបាលឡាវ នឹងបន្តគាំទ្រតួនាទីលើឆាកអន្តរជាតិដ៏មានសារៈសំខាន់នេះរបស់រដ្ឋសភា និងរាជរដ្ឋាភិបាលកម្ពុជា ដើម្បីនាំមកនូវជោគជ័យ និងវិបុលភាព ប្រជាជាតិទាំងពីរ និងតំបន់អាស៊ានទាំងមូលផងដែរ៕

សុន្ទរកថាទិវាជ័យជម្នះរបស់លោក Putin ពុំបានលើកឡើងពីតម្រុយនៃភាពតានតឹងនាពេលអនាគតនោះទេ

រុស្ស៊ី៖ លោកប្រធានាធិបតីរុស្ស៊ី Vladimir Putin បានដាស់តឿនប្រជាជនរុស្សីឲ្យប្រយុទ្ធនៅក្នុងសុន្ទរកថាថ្ងៃជ័យជម្នះកាលពីថ្ងៃចន្ទ ៩ ឧសភា ប៉ុន្តែពុំបានលើកឡើងអំពីផែនការ សម្រាប់ការកើនឡើងភាពតានតឹងណាមួយនៅក្នុងប្រទេសអ៊ុយក្រែននោះទេ ទោះបីជាមានការព្រមានពីលោកខាងលិចថា លោកអាចនឹងប្រើសុន្ទរកថានៅទីលានចតុរង្គក្រហម ដើម្បីបញ្ជាឲ្យមានចល័តកម្លាំងទូទាំងប្រទេសក៏ដោយ។ នៅក្នុងប្រទេសអ៊ុយក្រែននៅតែមានការប្រយុទ្ធគ្នាឥតឈប់ឈរនៅឡើយ ដោយមានការវាយប្រហារដោយមីស៊ីល ដែលបានបំផ្លិចបំផ្លាញអគារនានានៅកំពង់ផែភាគខាងត្បូងទីក្រុង Odesa និងការវាយរុលទៅមុខជាថ្មីពីសំណាក់កងកម្លាំងរុស្ស៊ីដើម្បីកម្ចាត់កងទ័ពអ៊ុយក្រែនចុងក្រោយ ដែលគ្រប់គ្រងនៅក្នុងរោងចក្រដែកថែបនៅក្នុងទីក្រុង Mariupol ដែលត្រូវបានបំផ្លាញ។ ក្បួនព្យុហយាត្រាប្រចាំឆ្នាំកាលពីថ្ងៃចន្ទនៅទីក្រុង Moscow អមដោយមីស៊ីលផ្លោងបាលីស្ទិក និងរថក្រោះធម្មតាត្រូវបានគេមើលយ៉ាងច្បាស់បំផុត ចាប់តាំងពីការបរាជ័យរបស់ពួកណាស៊ីឆ្នាំ១៩៤៥ ដែលរុស្ស៊ីតែងប្រារព្ធនាពេលកន្លងមក។បណ្ដារដ្ឋធានីលោកខាងលិចបានប៉ាន់ប្រមាណដោយបើកចំហជាច្រើនសប្តាហ៍មកនេះថា លោក Putin កំពុងជំរុញកងកម្លាំងរបស់លោកសម្រេចឲ្យបាននូវវឌ្ឍនភាពគ្រប់គ្រាន់ ត្រឹមកាលបរិច្ឆេទជានិមិត្តរូបថ្ងៃទី៩ ឧសភាដើម្បីប្រកាសជ័យជម្នះក្នុងសង្គ្រាមអ៊ុយក្រែន។ ប្រធានាធិបតីរុស្ស៊ីពុំបានប្រកាសអ្វីទេ ក្រៅតែពីការអះអាងដដែលៗថា កម្លាំងរបស់លោកកំពុងប្រយុទ្ធប្រឆាំងនឹងពួកណាស៊ីជាថ្មីទៀត។ នៅក្នុងសុន្ទរកថាទិវាជ័យជម្នះនោះដែរ លោក Putin បានស្ដីបន្ទោសបណ្ដាប្រទេសលោកខាងលិចថា ជាដើមហេតុនាំឲ្យមានសង្គ្រាមនៅអ៊ុយក្រែន៕អត្ថបទ៖ សុខមាន

ឯកឧត្តម ហ៊ុន ម៉ានី៖ ជិវិតរបស់ពុក បានលះបង់សម្រាប់ជាតិ និងប្រជាជនជារៀងរហូត

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងពីទំនួសខុសត្រូវ និងការគិតគូរចំពោះជាតិ មាតុភូមិ ទឹកដី និងប្រជាជនកម្ពុជា របស់សម្តេចតេជោ ហ៊ុន សែន នាយករដ្ឋមន្ត្រី។យោងតាមPage ផ្លូវការរបស់ឯកឧត្តម ហ៊ុន ម៉ានី បាចេញផ្សាយនៅព្រឹកថ្ងៃទី១០ ខែឧសភា ឆ្នាំ២០២២នេះបញ្ជាក់ថា «ពុក(សម្តេចតេជោ ហ៊ុន សែន)ប្រាកដជានឿយហត់ តែនោះមិនមានអ្វីចម្លែកសម្រាប់ពុកទេ ព្រោះជីវិតរបស់ពុកបានលះបង់សម្រាប់ជាតិ និងប្រជាជនជារៀងរហូតមកហើយ»។ឯកឧត្តម ហ៊ុន ម៉ានី ក៏បានបញ្ជាក់ថា ដោយតបតាមការអញ្ជើញរបស់លោកប្រធានាធិបតី Joe Biden សម្តេចតេជោនាយករដ្ឋមន្រ្តី នៃកម្ពុជា ដែលកំពុងកាន់តំណែងជាប្រធានអាស៊ាន បានចេញដំណើរទៅសហរដ្ឋអាមេរិកនៅថ្ងៃទី១០ ខែឧសភានេះ។ ឯកឧត្តម ហ៊ុន ម៉ានី បញ្ជាក់ថា «ទោះជាពុកមានទំនួលខុសត្រូវជាច្រើនដែលក្នុងនោះរួមមាន ការប្រយុទ្ធនឹងជំងឺកូវីដ-១៩ ឈានឆ្ពោះទៅកាន់ការស្តារឡើងវិញនៃស្ថានភាពសេដ្ឋកិច្ច-សង្គមក្រោយវិបត្តិ ការខិតជិតមកដល់នៃការបោះឆ្នោតក្រុមប្រឹក្សាឃុំ-សង្កាត់, ទុក្ខសោកនៃការបាត់បង់បងប្រុសបង្កើតដោយសារជំងឺគាំងបេះដូង, កាតព្វកិច្ចចំពោះជាតិ និងប្រជាជននៅតែបន្ត។ ក្នុងនាមប្រជាពលរដ្ឋទាំង ១៧ លាននាក់ និងក្នុងនាមជាប្រធានអាស៊ាន ដើម្បីជំរុញទំនាក់ទំនង អាស៊ាន-អាមេរិក ពុកត្រូវធ្វើដំណើរឆ្ងាយពីផ្ទះ ដើម្បីដឹកនាំ និងចូលរួមកិច្ចប្រជុំជាច្រើន ក្នុងនោះមានការធ្វើជាសហប្រធានដឹកនាំកិច្ចប្រជុំកំពូលអាស៊ានអាមេរិក ជាមួយប្រធានាធិបតីអាមេរិក លោក Joe Biden ផងដែរ»។ទន្ទឹមជាមួយគ្នានោះ បងប្អូនខ្មែរជាច្រើននៅសហរដ្ឋអាមេរិក និងប្រទេសកាណាដា កំពុងរង់ចាំជួបសម្តេចក្នុងបរិយាកាសជាមហាគ្រួសារខ្មែរតែមួយ៕

សម្ដេចតេជោ ហ៊ុន សែន នាយករដ្ឋមន្ត្រី អញ្ជើញដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលពិសេសអាស៊ាន-អាមេរិក ទីក្រុងវ៉ាស៊ីនតោន

ភ្នំពេញៈ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំកំពូលពិសេសអាស៊ាន-អាមេរិក ទីក្រុងវ៉ាស៊ីនតោន សហរដ្ឋអាមេរិក នៅព្រឹកថ្ងៃទី១០ ខែឧសភា ឆ្នាំ២០២២នេះ។យោងតាមទំព័រFacebookសម្តេចតេជោ ហ៊ុន សែន ចេញផ្សាយនៅមុននេះបន្តិចថា “ថ្ងៃទី១០ ឧសភា នេះខ្ញុំដឹកនាំគណៈប្រតិភូជាន់ខ្ពស់កម្ពុជាទៅចូលរួមកិច្ចប្រជុំកំពូលពិសេសអាស៊ាន-អាមេរិក នៅទីក្រុងវ៉ាស៊ីនតោន ចាប់ពីថ្ងៃទី១២-១៣ ខែឧសភា ឆ្នាំ២០២២” ។ សម្តេចតេជោ ហ៊ុន សែន. បញ្ជាក់ថា ក្នុងនាមជាប្រធានអាស៊ាន កម្ពុជាត្រូវធ្វើជាសហប្រធាននៃកិច្ចប្រជុំកំពូលពិសេសអាស៊ាន-អាមេរិក និងដើម្បីរំព្ញកខួបអនុស្សាវរីយ៍លើកទី៤៥ នៃទំនាក់ទំនងដៃគូសន្ទនាអាស៊ាន-សហរដ្ឋអាមេរិកផងដែរ។ ស្ថិតនៅទឹកដីសហរដ្ឋអាមេរិក សម្តេចនឹងជួបជាមួយមេដឹកនាំសំខាន់ៗមួយចំនួនព្រមទាំងបងប្អូនខ្មែរអាមេរិកាំងដែលរស់នៅទីនោះកំពុងរងចាំទទួលសម្តេច។ សម្តេចតេជោ ហ៊ុន សែន អំពាវនាវសូមបងប្អូនជនរួមជាតិបន្តយកចិត្តទុកដាក់ថែរក្សាសុខភាពអោយបានល្អ កុំអោយឆ្លងកូវីដ១៩ និងសូមជូនពរបងប្អូនប្រជាពលរដ្ឋខ្មែរទាំងក្នុងនិងក្រៅប្រទេស ជួបតែសេចក្តីសុខ និងសំណាងល្អគ្រប់ៗគ្នា៕

សម្តេចតេជោ ហ៊ុន សែន ប្រកាសជាថ្មីពីភាពជោគជ័យលើសមរភូមិប្រឆាំងកូវីដ-១៩ (បីថ្ងៃជាប់ៗគ្នាមិនមានករណីឆ្លងថ្មីទេ)

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា អ្នកកើតជំងឺកូវីដ-១៩ នៅកម្ពុជានាពេលបច្ចុប្បន្នគឺនៅសល់តែជាង២០នាក់ប៉ុណ្ណោះនៅទូទាំងប្រទេស ខណៈកម្ពុជាគ្មានករណីឆ្លងរយៈពេលបីថ្ងៃជាប់ៗគ្នា។យោងតាមសារសំឡេងពិសេសនៅព្រឹកថ្ងៃទី១០ ខែឧសភានេះ សម្ដេចតេជោ ហ៊ុន សែន បានបញ្ជាក់ថា ជាភាពជោគជ័យធំបំផុតរបស់កម្ពុជា ប៉ុន្តែទោះជាយ៉ាងណាសម្តេចតេជោ ហ៊ុន សែន នៅតែបន្តអំពាវនាវដល់បងប្អូនជនរួមជាតិបន្តឲ្យមានការប្រុងប្រយ័ត្នខ្ពស់ដោយមិនត្រូវនាំមកវិញនូវ ជំងឺកាចសាហាវនេះ ដោយគ្មានការប្រុងប្រយ័ត្ននោះឡើយ។សម្តេចតេជោ ហ៊ុន សែន បានថ្លែងអំណរគុណដល់បងប្អូនជនរួមជាតិ ដែលបានចូលរួមសហការ និងបរិច្ចាគថវិកាដើម្បីទប់ស្កាត់ការរីករាលដាលជំងឺកូវីដ-១៩ និងបានចូលរួមយ៉ាងសស្រាក់សស្រាំក្នុងការចាក់វ៉ាក់សាំងប្រឆាំងកូវីដ-១៩ស្របតាមការណែនាំរបស់អាជ្ញាធរ ខណៈការ ចាក់វ៉ាក់សាំងនេះហើយបានធ្វើឲ្យកម្ពុជារួចផុតពីគ្រោះមហន្តរាយដោយសារមេរោគកូវីដ-១៩៕

សម្តេចតេជោ ហ៊ុន សែន ៖ ឈាមពិតជាខាប់ជាងទឹក បើទោះបីជាទឹកអាចធ្វើអោយឈាមរលាយជាទឹកបានក៏ដោយ

ភ្នំពេញ ៖ តាមរយៈផេកហ្វេសប៊ុកផ្លូវការនៅថ្ងៃទី០៩ ខែឧសភានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងថា ៖«ឈាមពិតជាខាប់ជាងទឹក បើទោះបីជាទឹកអាចធ្វើអោយឈាមរលាយជាទឹកបានក៏ដោយ ខ្ញុំចង់និយាយដល់មនោសញ្ចេតនាបងប្អូនដែលប្រសូត្រពីផ្ទៃម្តាយតែមួយ ដែលករណីជាក់ស្តែងគឺមរណៈភាពបងប្រុសខ្ញុំដែលទើបធ្វើបុណ្យបញ្ចុះនៅព្រឹកមុិញនេះ។ទោះបីខ្ញុំបានបំពេញភារកិច្ចជាប្អូនប្រុស ជាប្អូនថ្លៃ ជាឪពុកមារអស់រយៈពេល៥ថ្ងៃរួចមកហើយក្តី តែខ្ញុំហាក់នៅមិនទាន់បានសម្រេចរួចនូវកិច្ចការដែលខ្ញុំត្រូវធ្វើនៅឡើយ នោះគឺខួប៧ថ្ងៃនៃថ្ងៃមរណៈភាពរបស់បងប្រុសខ្ញុំ។ទោះបីភរិយាខ្ញុំ កូនខ្ញុំបន្តស្ថិតនៅជាមួយបងថ្លៃ ក្មួយៗនិងចៅៗខ្ញុំក៏ដោយ ក៏ខ្ញុំពិតជាពិបាកឈានជើងចេញនៅពេលក្រឡេកឃើញមុខបងថ្លៃ ក្មួយៗដែលហៅខ្ញុំថាពុក ចៅៗដែលហៅខ្ញុំថាតាមានទឹកមុខក្រៀមក្រំលាយឡំដោយទឹកភ្នែក។ភារកិច្ចប្រទេសជាតិតម្រូវអោយខ្ញុំចាកចេញដោយខានមិនបាននោះគឺដឹកនាំប្រតិភូទៅចូលរួមប្រជុំអាស៊ាន-អាមេរិកនៅវ៉ាស៊ីនតោន។កាលពីឆ្នាំ២០១៩ ខ្ញុំអាក់ខានទៅប្រជុំអាស៊ាន-កូរ៉េ និង មេគង្គ-កូរ៉េ ម្តងរួចហើយ ដោយសារពេលនោះម្តាយក្មេកខ្ញុំកំពុងសង្រ្គោះបន្ទាន់នៅមន្ទីរពេទ្យ។ លើកនេះមិនអាចអាក់ខានបានទេ ដោយខ្ញុំមានតួនាទីជាប្រធានអាស៊ានដែលត្រូវមានមុខគ្រប់អង្គប្រជុំដែលរៀបចំឡើងដោយប្រទេសម្ចាស់ផ្ទះ។ខ្ញុំមិនអាចចាត់តាំងតំណាងអោយចូលរួមប្រជុំដូចកាលមិនទាន់ធ្វើជាប្រធានអាស៊ានបានឡើយ។ ដោយមិនអស់អាល័យនិងនឹកដល់បងប្រុស ខ្ញុំបញ្ជាអោយអាកាសយានិកហោះឧទ្ធម្ភាគចក្រហោះឆ្វែលមួយជុំជាការគោរពលាទាំងអាល័យ។ខ្ញុំធ្លាប់បាត់បង់កូនបង្កើត ឪពុកម្តាយបង្កើត ពេលនេះបាត់បងបង្កើត រស់ជាតិនៃការឈឺចាប់គឺដូចគ្នា។ នោះហើយដែលខ្ញុំចង់និយាយថាឈាមខាប់ជាងទឹក៕»

ឯកឧត្តមទេសរដ្ឋមន្រ្តី លី ធុជ ស្នើសុំឲ្យ UNESCAP ពិចារណាគាំទ្រលើការផ្តល់ជំនួយបច្ចេកទេសដល់វិស័យសកម្មភាពមីននៅកម្ពុជា

ភ្នំពេញ៖ ក្នុងនាមឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តមទេសរដ្ឋមន្ត្រី លី ធុជ ប្រធានគណៈកម្មាធិការជាតិអេស្កាប់ បានទទួលជួបពិភាក្សាការងារជាមួយ លោកជំទាវ Armida Salsiah Alisjahbana អគ្គលេខាធិការរងអង្គការសហប្រជាជាតិ និងជាអគ្គលេខាធិការប្រតិបត្តិ UN ESCAP នាថ្ងៃទី ៩ ខែឧសភា ឆ្នាំ ២០២២។ជំនួបពិភាក្សានេះ បានផ្តោតទៅលើការបង្កើនកិច្ចសហប្រតិបត្តិការ និងការចូលរួមរបស់កម្ពុជា ក្នុងសន្និបាតប្រចាំឆ្នាំលើកទី ៧៨ របស់ UN ESCAP ដែលនឹងប្រព្រឹត្តទៅពីថ្ងៃទី ២៣ ដល់ ២៧ ខែឧសភា ឆ្នាំ២០២០ ខាងមុខ ក្រោមប្រធានបទ “របៀបវារៈរួមដើម្បីជំរុញការអភិវឌ្ឍប្រកបដោយចីរភាពនៅក្នុងតំបន់អាស៊ី និងប៉ាស៊ីហ្វិក” ដែលសន្និបាតនេះផងដែរ នឹងមានការអញ្ជើញចូលរួមថ្លែងសុន្ទរកថាបើកម្មវិធីតាមរយៈសារវីដេអូថតទុកពីសំណាក់សម្តេចតេជោ ហ៊ុន សែន នាយករដ្ឋមន្ត្រី។ឯកឧត្តមទេសរដ្ឋមន្ត្រី លី ធុជ បានពាំនាំនូវពាក្យពេចន៍សួរសុខទុក្ខ និងថ្លែងអំណរគុណរបស់ ឯកឧត្តម ប្រាក់ សុខុន ជូនលោកជំទាវ Armida Salsiah Alisjahbana ចំពោះការដឹកនាំដ៏ឆ្លើមរបស់លោកជំទាវ និងកិច្ចសហប្រតិបត្តិការដ៏ល្អរវាង UN ESCAP និងរាជរដ្ឋាភិបាលកម្ពុជា។ឯកឧត្តមទេសរដ្ឋមន្ត្រី ក៏បានលើកឡើងអំពីកិច្ចសហប្រតិបត្តិការបច្ចុប្បន្នរវាងកម្ពុជា និង UN ESCAP នៅក្នុងវិស័យចំនួន ០៨ រួមមាន (១)អភិវឌ្ឍសង្គម, (២)ពាណិជ្ជកម្ម វិនិយោគ និងនវានុវត្តន៍, (៣)ស្ថិតិ, (៤)បរិស្ថាន និងអភិវឌ្ឍន៍, (៥)គោលនយោបាយម៉ាក្រូសេដ្ឋកិច្ច និងហិរញ្ញប្បទានសម្រាប់អភិវឌ្ឍន៍, (៦)បច្ចេកវិទ្យាព័ត៌មាន និងទំនាក់ទំនង និងការគ្រប់គ្រងគ្រោះមហន្តរាយ, (៧)ដឹកជញ្ជូន, និង (៨)ថាមពល។ឯកឧត្តមបានបង្ហាញពីឆន្ទៈរបស់កម្ពុជា ក្នុងការចូលរួមចំណែកក្នុងសន្និបាតប្រចាំឆ្នាំលើកទី ៧៨ របស់ UN ESCAP ដែលក្នុងនោះរួមមាន៖ ការអញ្ជើញចូលរួមថ្លែងសុន្ទរកថាបើកម្មវិធីតាមរយៈសារវីដេអូថតទុកពីសំណាក់ សម្តេចតេជោ ហ៊ុន សែន, ការចូលរួមធ្វើបទអន្តរាគមន៍ក្នុងកិច្ចប្រជុំអនុតំបន់ជាមួយអាស៊ាន និងព្រឹត្តិការណ៍អមដែលរៀបចំដោយប្រទេសកូរ៉េ និងវៀតណាម។ឯកឧត្តមទេសរដ្ឋមន្ត្រី បានស្នើសុំឱ្យមានកិច្ចសហប្រតិបត្តិការ និងការគាំទ្រផ្នែកហិរញ្ញវត្ថុ និងបច្ចេកទេស ក្នុងវិស័យមីន ជាពិសេសក្នុងការរៀបចំគោលនយោបាយជាតិស្តីពីវិស័យមីននៅកម្ពុជា ដែលវិស័យមីនជាគោលដៅទី ១៨៖ កម្ពុជាគ្មានគ្រាប់មីន និងសំណល់ជាតិផ្ទុះពីសង្គ្រាម នៃក្របខ័ណ្ឌគោលដៅអភិវឌ្ឍប្រកបដោយចីរភាពកម្ពុជា ឆ្នាំ ២០១៦-២០៣០។ឯកឧត្តមទេសរដ្ឋមន្ត្រី បានមានប្រសាសន៍ថា ការបោសសំអាតមីនពិតជាសំខាន់ក្នុងការចូលរួមចំណែកដល់ការកាត់បន្ថយភាពក្រីក្រ និងជំរុញដល់ការអភិវឌ្ឍសេដ្ឋកិច្ច និងសង្គម ព្រមទាំងជួយលើកកម្ពស់សមភាពយេនឌ័រ ជារួមជួយជំរុញការសម្រចបានរបៀបវារៈឆ្នាំ២០៣០ គោលដៅអភិវឌ្ឍប្រកបដោយចីរភាពកម្ពុជា ឆ្នាំ ២០១៦-២០៣០។ ឯកឧត្តមក៏បានស្នើអញ្ជើញលោកជំទាវ ចូលរួមក្នុងសន្និសីទសកល ស្តីពីជំនួយដល់ជនរងគ្រោះ ដែលគ្រោងនឹងរៀបចំឡើងនៅឆ្នាំក្រោយ ដោយកម្ពុជា។លោកជំទាវ Armida Salsiah Alisjahbana បានបង្ហាញពីសេចក្តីសោមនស្ស និងថ្លែងអំណរគុណចំពោះរាជរដ្ឋាភិបាលកម្ពុជាចំពោះកិច្ចសហប្រតិបត្តិការដ៏ជិតស្និទ្ធជាមួយ UN ESCAP ជាពិសេសការអញ្ជើញចូលរួមថ្លែងសុន្ទរកថាគន្លឹះរបស់សម្តេចតេជោនាយករដ្ឋមន្ត្រី កាលពីសន្និបាតប្រចាំឆ្នាំលើកទី៧៧ និងសន្និបាតលើកទី៧៨ នាពេលខាងមុខ។ លោកជំទាវបានលើកឡើងថា សុន្ទរកថារបស់សម្តេចតេជោ គឺជាធាតុចូលដ៏សំខាន់សម្រាប់ការរៀបចំផែនទីបង្ហាញទិសរបស់ UN ESCAP ជាពិសេសក្នុងនាមកម្ពុជាជាប្រធានអាស៊ាន។ លោកជំទាវ បានបន្ថែមថា កិច្ចសហប្រតិបត្តិការរវាងកម្ពុជា និង UN ESCAP មានការកើនឡើងជាទីកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ ហើយលោកជំទាវ នឹងពិចារណាលើការពង្រីកកិច្ចសហប្រតិបត្តិការទៅលើវិស័យសកម្មភាពមីន តាមការស្នើសុំរបស់ឯកឧត្តមទេសរដ្ឋមន្ត្រី លី ធុជ។លោកជំទាវ Armida Salsiah Alisjahbana នឹងជួបទ្វេភាគីដោយផ្ទាល់ជាមួយឯកឧត្តមទេសរដ្ឋមន្ត្រី លី ធុជ នៅក្នុងឱកាសសន្និបាតប្រចាំឆ្នាំខាងមុខ៕

ពិធីបញ្ចុះសពសម្តេចឧត្តម ទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម

កំពង់ចាម៖ បន្ទាប់ពីបានតម្កល់ធ្វើបុណ្យទក្ខិណានុប្បទាន តាមប្រពៃណីព្រះពុទ្ធសាសនា អស់រយៈពេល ៣ថ្ងៃរួចមក នៅវេលាព្រឹកថ្ងៃចន្ទ ៩កើត ខែពិសាខ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី ៩ ខែឧសភា ឆ្នាំ ២០២២ សពសម្តេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា ជាតំណាងរាស្ត្រមណ្ឌលកំពង់ចាម និងជាប្រធានគណៈកម្មការទី៤ នៃរដ្ឋសភា ដែលត្រូវជាបងប្រុសបង្កើត សម្តេចតេជោតេជោ ហ៊ុន សែន នាយករដ្ឋមន្ត្រី ត្រូវបានក្រុមគ្រួសារសព រៀបចំពិធីដង្ហែចេញពីគេហដ្ឋាន នៃសព ក្នុងភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ឆ្ពោះទៅបញ្ចុះនៅវត្តសុវណ្ណគិរីរតនៈ ភ្នំប្រុស ថិតក្នុងភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

បណ្ដាញសង្គម

ព័ត៌មានថ្មីៗ

កម្មករថ្នំាជក់ម៉ាសេដូនីខាងជើងប្រមូលផលដំណាំក្រោមពន្លឺព្រះចន្ទ ស្របពេលកើតមានរលកកម្តៅ

កៀហ្ស៊ីស៊ីស្ថាន និងរុស្ស៊ី ចាប់ផ្តើមសមយុទ្ធយោធា Center-2026 រួមគ្នា

ក្តីសង្ឃឹមលាយឡំមន្ទិលសង្ស័យក្នុងចំណោមជនជាតិឃើដ ពេលសភាទួរគីអនុម័តច្បាប់ជំរុញដំណើរការសន្តិភាពជាមួយក្រុម PKK

កាតា៖ កិច្ចពិភាក្សារវាងអូម៉ង់ និងអ៊ីរ៉ង់ ស្តីពីច្រកសមុទ្រ Hormuz ស្ថិតក្នុងដំណាក់កាលសំខាន់

ប្រធានាធិបតី៖ ការចរចាកំពុងដំណើរការទៅមុខ ហើយសន្យាមិនឱ្យមានកងទ័ពអ៊ីស្រាអែល នៅលីបង់

ក្រុមស៊ើបអង្កេត UN៖ យោធាមីយ៉ាន់ម៉ាបានបង្កើនការវាយប្រហារតាមអាកាស និងការរំលោភបំពាន មុនការបោះឆ្នោត

នាវាដឹកទំនិញមួយគ្រឿង រងការវាយប្រហារនៅច្រកសមុទ្រ Bab el-Mandeb

អឺរ៉ុប និងចក្រភពអង់គ្លេសប្រឈមនឹងហានិភ័យសេដ្ឋកិច្ចកាន់តែខ្ពស់ ក្នុងអំឡុងពេលមានរលកកម្ដៅ

លោក TRUMP រំពឹងថា សេដ្ឋកិច្ចអ៊ីរ៉ង់ នឹងដួលរលំ ក្រោមសម្ពាធរបស់សហរដ្ឋអាមេរិក

យេម៉ែនដាក់គោលដៅលើទីតាំងនានា ដើម្បីឆ្លើយតបទៅនឹងការវាយប្រហាររបស់ក្រុមហ៊ូទី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទណ្ឌកម្ម​បាន​បង្ខំ​ឲ្យ​រុស្ស៊ី​កាត់បន្ថយ​ផលិតផល​ប្រេង​របស់​ខ្លួន​ ១​លាន​បារ៉ែល​ក្នុង​មួយថ្ងៃ​

សុន្ទរកថា​ទិវា​ជ័យជម្នះ​របស់​លោក ​Putin ពុំបាន​លើកឡើង​ពី​តម្រុយ​នៃ​ភាព​តានតឹង​នា​ពេល​អនាគត​នោះ​ទេ