BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

រុស្ស៊ី៖ ទាហានរបស់ខ្លួនចំនួន ៤៩៨នាក់បានស្លាប់ និង ១.៥៩៧នាក់រងរបួសក្នុងសង្គ្រាមនៅអ៊ុយក្រែន

រុស្ស៊ី៖ ទីភ្នាក់ងារសារព័ត៌មាន RIA របស់រុស្ស៊ីបានរាយការណ៍ថា ក្រសួងការពារជាតិរុស្ស៊ីបាននិយាយកាលពីថ្ងៃពុធថា ទាហានរុស្ស៊ីចំនួន ៤៩៨នាក់បានស្លាប់ក្នុងសង្គ្រាមនៅប្រទេសអ៊ុយក្រែន និង ១.៥៩៧នាក់ផ្សេងទៀតរងរបួស ចាប់តាំងពីការចាប់ផ្ដើមប្រតិបត្តិការយោធារបស់ទីក្រុង Moscow នៅទីនោះ។នេះគឺជាលើកដំបូងហើយដែលក្រុង Moscow បានដាក់ចំនួនអ្នកស្លាប់របស់ខ្លួន។ ក្រសួងនេះក៏បាននិយាយផងដែរថា ទាហានអ៊ុយក្រែន និងអ្នកជាតិនិយមជាង ២,៨៧០នាក់បានស្លាប់ និងប្រហែល ៣,៧០០នាក់បានរងរបួស នេះបើយោងតាមទីភ្នាក់ងារសារព័ត៌មាន Interfax របស់រុស្ស៊ី។ ចំនួននេះមិនអាចស្វែងរកការផ្ទៀងផ្ទាត់ឲ្យបានជាក់លាក់បានទេ ហើយក៏ពុំមានការអត្ថាធិប្បាយភ្លាមៗពីខាងភាគីអ៊ុយក្រែនដែរ។ បើយោងតាមការឲ្យដឹងពីក្រុមអាជ្ញាធរអ៊ុយក្រែនវិញ ជនស៊ីវិលជាង ២,០០០នាក់បានស្លាប់ចាប់តាំងពីរុស្ស៊ីបើកប្រតិបត្តិការសង្គ្រាមរបស់ខ្លួន ទៅលើអ៊ុយក្រែនកាលពីថ្ងៃព្រហស្បតិ៍ ទី២៤ ខែកុម្ភៈ ខណៈដែលទីភ្នាក់ងារជនភៀសខ្លួនរបស់អង្គការសហប្រជាជាតិបានប៉ាន់ប្រមាណថា មនុស្សជាង ៨៧៤,០០០នាក់បានរត់ភៀសខ្លួនចេញពីប្រទេសអ៊ុយក្រែន ចូលទៅក្នុងប្រទេសជិតខាងផ្សេងៗ៕អត្ថបទ៖ សុខមាន

រុស្ស៊ី៖ ការចរចាជុំថ្មីរវាងអ៊ុយក្រែន និងរុស្ស៊ីគ្រោងនឹងធ្វើឡើងនៅព្រឹកថ្ងៃព្រហស្បតិ៍នេះ

រុស្ស៊ី៖ មន្ត្រីរុស្ស៊ីមួយរូបបានប្រកាសកាលពីល្ងាចថ្ងៃពុធថា ជុំទី២ នៃការចរចារវាងរុស្ស៊ី និងអ៊ុយក្រែននឹងត្រូវធ្វើឡើងនៅព្រឹកថ្ងៃព្រហស្បតិ៍នេះ។ យោងតាមលោក Vladimir Medinsky ប្រមុខដឹកនាំគណៈប្រតិភូរុស្ស៊ី ភាគីទាំង២ នឹងជួបគ្នានៅក្នុងតំបន់ Belovezhskaya Pushcha ក្នុងទីក្រុង Brest របស់ប្រទេសបេឡារុសជិតព្រំដែនប៉ូឡូញ។ទីភ្នាក់ងារសារព័ត៌មានរដ្ឋរុស្ស៊ី TASS បានរាយការណ៍ថា លោក Vladimir Medinsky ថា ក្រុមអ្នកចរចារបស់រុស្ស៊ីបានទៅដល់សម្រាប់ការចរចាក្នុងជំហរដដែល ខណៈគណៈប្រតិភូអ៊ុយក្រែនបានចាកចេញពីរដ្ឋធានីគីវ និងត្រូវគេរំពឹងថានឹងទៅដល់នៅព្រឹកថ្ងៃព្រហស្បតិ៍នេះ។ លោក Medinsky និយាយថា ការពិភាក្សានេះនឹងផ្ដោតលើបញ្ហាជាច្រើនទាក់ទងនឹងបទឈប់បាញ់ និងភាពចាំបាច់សម្រាប់ច្រករបៀងមនុស្សធម៌។ កាចរចាជុំទី១ រវាងរុស្ស៊ី និងអ៊ុយក្រែនដែលត្រូវបានធ្វើឡើងកាលពីថ្ងៃចន្ទបានបញ្ចប់ដោយគ្មានលទ្ធផលជាផ្លែផ្កា បន្ទាប់ពីការពិភាក្សាដែលបានបន្តរយៈពេល ៥ម៉ោង៕អត្ថបទ៖ សុខមាន

រុស្ស៊ីនឹងបន្តប្រតិបត្តិការយោធាពិសេសរបស់ខ្លួននៅអ៊ុយក្រែនរហូតសម្រេចបានគោលដៅចម្បង

រុស្ស៊ី៖ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយកាលពីថ្ងៃអង្គារថា រុស្ស៊ីនឹងបន្តប្រតិបត្តិការយោធាពិសេសរបស់ខ្លួននៅក្នុងប្រទេសអ៊ុយក្រែន រហូតសម្រេចបាននូវគោលដៅសំខាន់របស់ខ្លួនក្នុងការការពារប្រទេសរុស្ស៊ី ពីការគំរាមកំហែងរបស់ប្រទេសលោកខាងលិច។លោក Shoigu បាននិយាយថា មូលហេតុចម្បងនៅពីក្រោយសកម្មភាពរបស់រុស្ស៊ី គឺដើម្បីការពារប្រទេសរុស្ស៊ីពីការគំរាមកំហែងផ្នែកយោធាបង្កឡើងដោយបណ្ដាប្រទេសលោកខាងលិច ដែលកំពុងព្យាយាមប្រើប្រាស់ប្រជាជនអ៊ុយក្រែន។ លោកបានបញ្ជាក់ជាថ្មីថា យោធារុស្ស៊ីមិនកាន់កាប់ទឹកដីអ៊ុយក្រែននោះទេ ហើយកំពុងចាត់វិធានការទាំងអស់ដើម្បីការពារអាយុជីវិត និងសុវត្ថិភាពជនស៊ីវិល។ អ្នកនាំពាក្យក្រសួងការពារជាតិរុស្ស៊ីលោក Igor Konashenkov និយាយកាលពីថ្ងៃអង្គារថា កងកម្លាំងប្រដាប់អាវុធរុស្ស៊ីបានបំផ្លាញគោលដៅហេដ្ឋារចនាសម្ព័ន្ធយោធាអ៊ុយក្រែនចំនួន ១.៣២៥ទីតាំងចាប់តាំងពីការចាប់ផ្ដើមប្រតិបត្តិការ។ជុំទីមួយនៃកិច្ចចរចាសន្តិភាពរុស្ស៊ី-អ៊ុយក្រែនដែលបានបញ្ចប់នៅក្នុងទីក្រុង Gomel ប្រទេសបេឡារុស និងមានរយៈពេលប្រាំម៉ោងកាលពីថ្ងៃចន្ទនោះ មិនបានឈានដល់ការទម្លាយភាពទាល់ច្រកយ៉ាងច្បាស់ណាមួយឡើយ។ រុស្ស៊ីបានបញ្ជាក់ពីគោលជំហរ និងលក្ខខណ្ឌរបស់ខ្លួនសម្រាប់ការបញ្ចប់សង្គ្រាម ហើយគណៈប្រតិភូអ៊ុយក្រែននឹងវាយតម្លៃដើម្បីបញ្ជាក់នៅក្នុងកិច្ចចរចាជុំទីពីរ៕អត្ថបទ៖ ប៊ុនថន

UN៖ ជនភៀសខ្លួនប្រមាណ ៦៦០,០០០នាក់ភៀសខ្លួនពីអ៊ុយក្រែនចូលទៅប្រទេសជិតខាង

អ៊ុយក្រែន៖ ទីភ្នាក់ងារជនភៀសខ្លួនអង្គការសហប្រជាជាតិ (UNCHR) និយាយថា ទីភ្នាក់ងារកំពុងប្រមូលធនធានដើម្បីឆ្លើយតបឲ្យបានលឿន និងមានប្រសិទ្ធភាពតាមដែលអាចធ្វើទៅបាន ដល់ប្រជាជនដែលកំពុងភៀសខ្លួនពីការវាយប្រហាររបស់យោធារុស្ស៊ី នៅក្នុងប្រទេសអ៊ុយក្រែន។យោងតាមទិន្នន័យថ្មីរដ្ឋាភិបាលចងក្រងដោយទីភ្នាក់ងារបានឲ្យដឹងថា ជនភៀសខ្លួនប្រមាណ ៦៦០,០០០នាក់ ពេលនេះបានភៀសខ្លួនពីប្រទេសអ៊ុយក្រែនចូលទៅកាន់ប្រទេសជិតខាង ក្នុងរយៈពេល ៦ថ្ងៃកន្លងទៅនេះ។ បណ្តាប្រទេសជិតខាងរហូតមកដល់ពេលនេះនៅតែបើកព្រំដែនរបស់ពួកគេ សម្រាប់ជនភៀសខ្លួនចាកចេញពីសង្គ្រាមនៅអ៊ុយក្រែន។ ប្រជាជនភាគច្រើនភៀសខ្លួនទៅកាន់ប្រទេសប៉ូឡូញ ហុងគ្រី ម៉ុលដូវ៉ា រ៉ូម៉ានី ស្លូវ៉ាគី ខណៈប្រជាជនភៀសខ្លួនមួយចំនួនទៀតធ្វើដំណើរទៅកាន់ប្រទេសនៅអឺរ៉ុបផ្សេងទៀត។ ចំនួនប្រជាជនដ៏ច្រើនក៏បានចូលទៅកាន់សហព័ន្ធរុស្សី។បណ្តាអាជ្ញាធររបស់ប្រទេសកំពុងទទួលបន្ទុកទទួលខុសត្រូវ សម្រាប់ការចុះឈ្មោះ ការទទួលផ្តល់កន្លែងស្នាក់នៅ និងការពារប្រជាជនភៀសខ្លួនទាំងនេះ។ ទីភ្នាក់ងារជនភៀសខ្លួនអង្គការសហប្រជាជាតិ (UNCHR) មានវត្តមានឈរជើងយូរអង្វែងនៅក្នុងតំបន់រួមមានប្រទេសប៉ូឡូញ ហុងគ្រី ម៉ុលដូវ៉ា រ៉ូម៉ានី ស្លូវ៉ាគី ហើយកំពុងសម្របសម្រួលការឆ្លើយតបចំពោះជនភៀសខ្លួន ជាមួយទីភ្នាក់ងារអង្គការសហប្រជាជាតិដទៃទៀត និងដៃគូអង្គការក្រៅរដ្ឋាភិបាលក្នុងការគាំទ្ររបស់អាជ្ញាធរប្រទេស៕អត្ថបទ៖ ប៊ុនថន

លោក Biden ប្ដេជ្ញាធ្វើឲ្យលោក Putin សងសំណងចំពោះការឈ្លានពានអ៊ុយក្រែនក្នុងសុន្ទរកថាប្រចាំឆ្នាំ

សហរដ្ឋអាមេរិក៖ លោកប្រធានាធិបតីសហរដ្ឋអាមេរិក Joe Biden បានប្ដេជ្ញាថា នឹងធ្វើឲ្យលោកប្រធានាធិបតីរុស្ស៊ី Vladimir Putin សងសំណងរាល់ការខូចខាត ចំពោះសកម្មភាពឈ្លានពានរបស់ខ្លួនលើអ៊ុយក្រែន នៅក្នុងសុន្ទរកថាប្រចាំឆ្នាំលើកដំបូងរបស់លោក។ជាការបន្ថែមពីលើការដាក់ទណ្ឌកម្មសេដ្ឋកិច្ចរបស់សហរដ្ឋអាមេរិក និងសម្ព័ន្ធមិត្តប្រឆាំងនឹងប្រទេសរុស្ស៊ី លោក Biden បានប្រកាសថា សហរដ្ឋអាមេរិកកំពុងចូលរួមជាមួយប្រទេសកាណាដា និងសហភាពអឺរ៉ុបលើបម្រាមដែនអាកាសសម្រាប់រុស្ស៊ី ជាការសងសឹកទៅនឹងការឈ្លានពានលើប្រទេសអ៊ុយក្រែន។ លោកបាននិយាយថា ក្រុមមេដឹកនាំធុរកិច្ចកំពូលៗមានទ្រព្យសម្បត្តិស្ដុកស្ដម្ភដែលជួយដល់លោក Putin នឹងត្រូវបានក្លាយជាគោលដៅ។លោកថា ក្រសួងយុត្តិធម៌អាមេរិកកំពុងប្រមូលព័ត៌មាន បន្ទាប់ពីឧក្រិដ្ឋកម្មនៃការប្រព្រឹត្តិឡើងដោយក្រុមមេដឹកនាំធុរកិច្ចធំរបស់រុស្ស៊ី។យើងកំពុងចូលរួមជាមួយសម្ព័ន្ធមិត្ត សហភាពអឺរ៉ុប ដើម្បីស្វែងរក និងចាប់នាវាកម្សាន្តរបស់ពួកគេ អឹផាតមិនប្រណីតៗ និងយន្តហោះឯកជនរបស់ពួកគេ។ លោកប្រធានាធិបតី Biden និយាយថា ទណ្ឌកម្មសេដ្ឋកិច្ចលើរុស្ស៊ីកំពុងចូលជាធរមានហើយ។ យើងកំពុងកាត់ផ្ដាច់ធនាគារធំបំផុត និងប្រព័ន្ធហិរញ្ញវត្ថុអន្តរជាតិរបស់រុស្ស៊ី ជាការទប់ស្កាត់ធនាគារកណ្ដាលរបស់រុស្ស៊ីមិនឲ្យមានឱកាសការពារប្រាក់រូប្លិ៍រុស្ស៊ី ដែលធ្វើឲ្យមូលនិធិសង្គ្រាមរបស់លោក Putin ក្នុងទំហំទឹកប្រាក់ ៦៣០ពាន់លានដុល្លារអាមេរិកក្លាយជាឥតន័យ៕អត្ថបទ៖ សុខមាន

តុលាការកំពូលអង្គការសហប្រជាជាតិនឹងបើកសវនាការស្ដីពីសង្គ្រាមអ៊ុយក្រែននៅថ្ងៃទី៧ ដល់ថ្ងៃទី៨ ខែមីនានេះ

UN៖ តុលាការយុត្តិធម៌អន្តរជាតិ (ICJ) បានប្រកាសកាលពីថ្ងៃអង្គារថា ខ្លួននឹងចាប់ផ្ដើមបើកសវនាការលើកដំបូងនៃសំណុំរឿងប្រឆាំងនឹងរុស្ស៊ី ជុំវិញសង្គ្រាមរបស់ខ្លួនជាមួយប្រទេសអ៊ុយក្រែននៅថ្ងៃទី៧ មីនាខាងមុខនេះ។សេចក្ដីថ្លែងការណ៍របស់តុលាការយុត្តិធម៌អន្តរជាតិនិយាយថា តុលាការកំពូលរបស់អង្គការសហប្រជាជាតិ នឹងបើកសវនាការជាសាធារណៈចំនួន ២ថ្ងៃក្នុងសំណុំរឿងដែលត្រូវបានដាក់ជូនដោយប្រទេសអ៊ុយក្រែន ដោយចោទប្រកាន់ក្រុងមូស្គូថា បានរំលោភអនុសញ្ញាស្ដីពីអំពើប្រល័យពូជសាសន៍ឆ្នាំ១៩៤៨។ អនុសញ្ញានោះនិយាយពីការទប់ស្កាត់ និងការដាក់ទណ្ឌកម្មនៃឧក្រិដ្ឋកម្មប្រល័យពូជសាសន៍។កាលពីថ្ងៃអាទិត្យលោកប្រធានាធិបតីអ៊ុយក្រែន Volodymyr Zelenskyy បានប្រកាសពីពាក្យបណ្ដឹងរបស់ទីក្រុងគីវ ទៅកាន់តុលាការយុត្តិធម៌អន្តរជាតិសម្រាប់ទីក្រុងមូស្គូ ដើម្បីទទួលខុសត្រូវចំពោះការផ្ដួចផ្ដើមគំនិតនៃអំពើប្រល័យពូជសាសន៍ ដើម្បីបង្ហាញអំពីភាពត្រឹមត្រូវនៃការឈ្លានពាន។ លោក Zelenskyy បាននិយាយនៅលើបណ្ដាញសង្គម Twitter ថា យើងបានស្នើឲ្យមានការសម្រេចចិត្តបន្ទាន់លើប្រទេសរុស្ស៊ី ដើម្បីបញ្ឈប់សកម្មភាពយោធានៅពេលនេះ និងរំពឹងថានឹងចាប់ផ្ដើមសំណុំរឿងនេះនៅសប្ដាហ៍ក្រោយ៕ អត្ថបទ៖ សុខមាន

ប្រជាពលរដ្ឋក្នុងប្រទេសជាច្រើនលើពិភពលោកបន្តតវ៉ាប្រឆាំងការឈ្លានពានរបស់រុស្ស៊ីលើអ៊ុយក្រែន

ពិភពលោក៖ ការឈ្លានពានរបស់រុស្ស៊ីចូលអ៊ុយក្រែនបានឈានដល់ថ្ងៃទី៧ ហើយនៅថ្ងៃពុធនេះ ខណៈការវាយប្រហារពីរុស្ស៊ីនៅតែបន្ត។ ការឈ្លានពាន និងការវាយរុលទៅមុខរបស់រុស្ស៊ីបានបង្កឲ្យមានការតវ៉ាប្រឆាំងស្ទើររាល់ថ្ងៃនៅជុំវិញពិភពលោក។សមាគមអ៊ុយក្រែននៅអាហ្វ្រិកខាងត្បូងបានចេញតវ៉ាដោយស្ងៀមស្ងាត់ នៅខាងក្រៅនាយកដ្ឋានទំនាក់ទំនងអន្តរជាតិក្នុងទីក្រុង Pretoria របស់ប្រទេសនេះកាលពីថ្ងៃអង្គារ ដោយអំពាវនាវឲ្យរដ្ឋាភិបាលអាហ្វ្រិកខាងត្បូងថ្កោលទោស ការឈ្លានពានរបស់ទាហានរុស្ស៊ីចូលអ៊ុយក្រែន។ នៅទីក្រុង Tbilisi របស់ប្រទេសហ្ស៊កហ្ស៊ី ពលរដ្ឋហ្ស៊កហ្ស៊ីរាប់ពាន់នាក់បានប្រមូលផ្ដុំគ្នានៅថ្ងៃទី៥ ជាប់ៗគ្នាអំពាវនាវឲ្យរដ្ឋាភិបាលបង្ហាញសាមគ្គីភាពជាមួយជនជាតិអ៊ុយក្រែន និងថ្កោលទោសការឈ្លានពានរបស់រុស្ស៊ី ព្រមទាំងចូលរួមការដាក់ទណ្ឌកម្មជាមួយប្រទេសនានាប្រឆាំងនឹងរុស្ស៊ីផងដែរ។ ពលរដ្ឋអ៊ុយក្រែនដែលរស់នៅក្នុងទីក្រុង Irbil ក្នុងតំបន់គ្រប់គ្រងដោយក្រុមឃើដរបស់ប្រទេសអ៊ីរ៉ាក់ បានចេញតវ៉ាតាមដងផ្លូវនានាដើម្បីតវ៉ាប្រឆាំងទៅនឹងការឈ្លានពានរបស់រុស្ស៊ីលើអ៊ុយក្រែន។ ក្រុមអ្នកតវ៉ាបានប្រមូលផ្ដុំគ្នានៅខាងមុខមូលដ្ឋានអង្គការសហប្រជាជាតិក្នុងទីក្រុងនេះ ស្រែកខ្លាំងៗ និងក្រវីទង់ជាតិ ខណៈដែលពួកគេបានអំពាវនាវឲ្យលោកប្រធានាធិបតីរុស្ស៊ី Vladimir Putin បញ្ឈប់សង្គ្រាម។ចំណែកនៅក្នុងប្រទេសអេស្ប៉ាញវិញ មនុស្សរាប់ម៉ឺននាក់បានប្រមូលផ្ដុំគ្នាក្នុងរដ្ឋធានី Madrid ដើម្បីតវ៉ាប្រឆាំងទៅនឹងការឈ្លានពានរបស់រុស្ស៊ីចូលអ៊ុយក្រែនដោយការក្រវីទង់ជាតិ និងបដាផ្សេងៗ។ នៅរដ្ឋធានីអាតែនប្រទេសក្រិកវិញ អ្នកតវ៉ាប្រឆាំងសង្គ្រាមរាប់ពាន់នាក់បានប្រមូលផ្ដុំគ្នាកាលពីថ្ងៃអង្គារ បង្ហាញការគាំទ្រដល់ពលរដ្ឋអ៊ុយក្រែន។ ពួកគេបានកាន់ទង់ជាតិអ៊ុយក្រែន ក្រិក និងសហភាពអឺរ៉ុប និងប័ណ្ណប្រកាស និងបដានានាដោយខ្លះបានយំប្រឆាំងទៅនឹងប្រទេសរុស្ស៊ី និងប្រធានាធិបតីរុស្ស៊ីលោក Vladimir Putin៕អត្ថបទ៖ សុខមាន

ប្រធានាធិបតីអ៊ុយក្រែនលោក Zelenskyy បានប្រាប់ទៅសហភាពអឺរ៉ុបថា សូមបង្ហាញឲ្យឃើញថា អ្នកនៅជាមួយយើង

អឺរ៉ុប៖ លោកប្រធានាធិបតីអ៊ុយក្រែន Volodymyr Zelenskyy បានជំរុញដល់សហភាពអឺរ៉ុបឲ្យបង្ហាញថា ខ្លួនឈរនៅខាងអ៊ុយក្រែនក្នុងសង្គ្រាមជាមួយរុស្ស៊ី មួយថ្ងៃបន្ទាប់ពីការចុះហត្ថលេខាលើសំណើជាផ្លូវការ ចូលរួមជាសមាជិករបស់ប្លុកនេះ។លោក Zelenskyy បានប្រាប់សម័យប្រជុំបន្ទាន់នៃសភាអឺរ៉ុបកាលពីថ្ងៃអង្គារតាមរយៈ video link ថា យើងកំពុងតតាំងដើម្បីក្លាយជាសមាជិកស្មើភាពរបស់អឺរ៉ុប។ លោកបាននិយាយជាភាសាអ៊ុយក្រែននៅក្នុងសុន្ទរកថា ដែលបកប្រែជាភាសាអង់គ្លេសដោយអ្នកបកប្រែម្នាក់និយាយទាំងទឹកភ្នែក ខណៈដែលលោកកំពុងមានអារម្មណ៍ក្ដុកក្ដួលក្នុងសភាថា សូមបង្ហាញថា អ្នកនៅជាមួយយើង។សូមបញ្ជាក់ថា អ្នកនឹងមិនទៅណាចោលយើងឡើយ។ ចូរបង្ហាញថា អ្នកពិតជាជនជាតិអឺរ៉ុប ហើយបន្ទាប់មកជីវិតនឹងឈ្នះលើសេចក្តីស្លាប់ ហើយពន្លឺនឹងឈ្នះលើភាពងងឹត៕អត្ថបទ៖ សុខមាន

UN និយាយពីសង្គ្រាមនៅអ៊ុយក្រែនថា គ្រប់គ្រាន់ ខណៈបារាំងនិយាយថា រុស្ស៊ីត្រូវតែបញ្ចប់សង្គ្រាម

UN៖ មហាសន្និបាតអង្គការសហប្រជាជាតិដែលមានប្រទេសចំនួន ១៩៣ បានជួបប្រជុំគ្នាកាលពីថ្ងៃចន្ទ សម្រាប់កិច្ចប្រជុំបន្ទាន់ដំបូងនៃមហាសន្និបាតក្នុងរយៈពេលជាច្រើនទសវត្សមកនេះ ខណៈកងកម្លាំងរុស្ស៊ីបានវាយប្រហារអ៊ុយក្រែន ហើយមេដឹកនាំរុស្ស៊ីលោក Vladimir Putin បានដាក់កងកម្លាំងនុយក្លេអ៊ែររបស់លោកស្ថិតក្នុងការប្រុងប្រៀប។កិច្ចប្រជុំផ្តល់ឱកាសឱ្យសមាជិកអង្គការសហប្រជាជាតិទាំងអស់និយាយអំពីសង្គ្រាម និងបោះឆ្នោតលើសេចក្តីសម្រេចមួយ ដើម្បីឲ្យរុស្ស៊ីទទួលខុសត្រូវចំពោះសកម្មភាពរបស់ខ្លួន។ លោក Antonio Guterres អគ្គលេខាធិការអង្គការសហប្រជាជាតិបាននិយាយថា គ្រប់គ្រាន់គឺគ្រប់គ្រាន់។ លោកសង្ឃឹមថា កិច្ចចរចាផ្ទាល់ដែលធ្វើឡើងរវាងគណៈប្រតិភូអ៊ុយក្រែន និងរុស្ស៊ីនឹងមិនត្រឹមតែអាចបញ្ឈប់ការប្រយុទ្ធគ្នាភ្លាមៗប៉ុណ្ណោះទេ ប៉ុន្តែថែមទាំងជាសន្តិភាពឆ្ពោះទៅរកដំណោះស្រាយការទូត។ តំណាងប្រទេសបារាំងប្រចាំអង្គការសហប្រជាជាតិបាននិយាយថា រុស្ស៊ីត្រូវតែបញ្ចប់ការបំផ្លាញរបស់ខ្លួនលើអ៊ុយក្រែន។លោក Nicolas de Rivière បាននិយាយទៅកាន់មហាសន្និបាតអង្គការសហប្រជាជាតិ ក្នុងអំឡុងពេលសម័យប្រជុំពិសេសកាលពីថ្ងៃចន្ទថា មេដឹកនាំពិភពលោកមានទំនួលខុសត្រូវជាប្រវត្តិសាស្ត្រ ដើម្បីគាំទ្រពលរដ្ឋអ៊ុយក្រែនដែលអំពាវនាវឱ្យរុស្ស៊ីបញ្ឈប់សង្គ្រាម និងដកកងទ័ពរបស់ខ្លួនចេញពីទឹកដីអ៊ុយក្រែន។ លោក De Rivière និយាយថា ប្រទេសបារាំង និងម៉ិចស៊ិកកំពុងធ្វើការដើម្បីពង្រាងសេចក្តីសម្រេច ដែលនឹងធានាការការពារជនស៊ីវិល និងប្រតិបត្តការមនុស្សធម៌។ ដោយឡែកលោកបានស្នើឱ្យរដ្ឋជាសមាជិកទាំងអស់ គាំទ្រសេចក្តីសម្រេចដែលអំពាវនាវឱ្យរុស្ស៊ីបញ្ឈប់សង្គ្រាម និងចាកចេញពីអ៊ុយក្រែន៕អត្ថបទ៖ ប៊ុនថន

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម

រុស្ស៊ី៖ រូបិយប័ណ្ណរបស់រុស្ស៊ីបានធ្លាក់ចុះប្រមាណ ៣០% ទល់នឹងប្រាក់ដុល្លារអាមេរិកកាលពីថ្ងៃចន្ទ បន្ទាប់ពីបណ្ដាប្រទេសលោកខាងលិចបានប្រកាសពីវិធានការ ដែលមិនធ្លាប់មានពីមុនមកដើម្បីរារាំងធនាគាររុស្ស៊ីមួយចំនួន ពីប្រព័ន្ធទូទាត់ប្រាក់អន្តរជាតិ SWIFT និងដើម្បីរឹតត្បិតការប្រើប្រាស់ទុនបម្រុងរូបិយប័ណ្ណបរទេសច្រើនរបស់រុស្ស៊ី។ក្រោយមកអត្រាប្តូរប្រាក់បានងើបឡើងវិញ បន្ទាប់ពីមានសកម្មភាពដោយធនាគារកណ្តាលរបស់រុស្ស៊ី។ ប៉ុន្តែមានការដាក់គំនាបសេដ្ឋកិច្ចកាន់តែតឹងរ៉ឹង នៅពេលសហរដ្ឋអាមេរិកបន្ថែមទណ្ឌកម្មដើម្បីបង្កកទ្រព្យសម្បត្តិ របស់ធនាគារកណ្ដាលរុស្ស៊ីនៅក្នុងសហរដ្ឋអាមេរិក ឬគ្រប់គ្រងដោយជនជាតិអាមេរិក។ រដ្ឋបាលលោក Biden បានប៉ាន់ប្រមាណថា វិធានការនេះអាចប៉ះពាល់ដល់ប្រាក់រាប់រយលានដុល្លារនៃមូលនិធិរបស់រុស្ស៊ី។ក្រសួងដឹកជញ្ជូនសាធារណៈរបស់ទីក្រុងមូស្គូបានព្រមានពលរដ្ឋរស់នៅក្នុងទីក្រុងថា ពួកគេអាចជួបប្រទះបញ្ហាក្នុងការប្រើប្រាស់ Apple Pay, Google Pay និង Samsung Pay ដើម្បីបង់ថ្លៃសេវាផ្សេងៗដោយសារតែធនាគារ VTB ដែលជាធនាគាររុស្ស៊ីមួយផ្សេងទៀតប្រឈមនឹងទណ្ឌកម្ម។ កាលពីថ្ងៃចន្ទ ធនាគារកណ្ដាលរបស់រុស្ស៊ីបានដំឡើងអត្រាការប្រាក់របស់ខ្លួនដល់ ២០% ពី ៩.៥% នៅក្នុងបំណងដែលអស់សង្ឃឹមដើម្បីរក្សាអត្រាប្រាក់រូប្លិ៍របស់រុស្សី និងបន្តឲ្យនៅធនាគារជាច្រើន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ទឹកឡើងក្នុងបឹង Tanganyika បានជន់លិចផ្ទះសម្បែងប្រជាពលរដ្ឋនៅភាគខាងកើតកុងហ្គោ

ពលរដ្ឋព័រតូរីកូស្វែងរកទឹក ស្របពេលគ្រោះរាំងស្ងួត បង្កការរឹតត្បិតការបែងចែកទឹកប្រើប្រាស់ប្រចាំថ្ងៃ

អតីតប្រធានាធិបតីកូរ៉េខាងត្បូង លោក Yoon ត្រូវបានចោទប្រកាន់ផ្លូវការ ជុំវិញយុទ្ធនាការការពារច្បាប់អាជ្ញាសឹក

ដាណឺម៉ាកនឹងចាត់វិធានការតាមព្រំដែន បើលំហូរអន្តោប្រវេសន៍នៅតែបន្តមានពីដែនដី Ceuta របស់អេស្ប៉ាញ

ផេះពីបន្ទុះភ្នំភ្លើង Etna នាំឲ្យបិទអាកាសយានដ្ឋានអ៊ីតាលី និងបង្អាក់រដូវកាលដើរកម្សាន្ត

មេបញ្ជាការជាន់ខ្ពស់អ៊ីរ៉ង់ បំពេញទស្សនកិច្ចទៅកាន់អ៊ីរ៉ាក់ ដើម្បីពិភាក្សាលើផែនការរំសាយអាវុធក្រុមប្រដាប់អាវុធ

IEA កាត់បន្ថយការព្យាករតម្រូវការប្រេងឆ្នាំ ២០២៦ម្តងទៀត ស្របពេលច្រកសមុទ្រ Hormuz នៅតែបិទ

យន្តហោះ C919 របស់ចិន ធ្វើការហោះហើរពាណិជ្ជកម្មអន្តរជាតិជាលើកដំបូង

មន្ត្រីជាន់ខ្ពស់៖ អ៊ីរ៉ង់ និងសហរដ្ឋអាមេរិក មិនបានពិភាក្សាអំពីការបន្តបទឈប់បាញ់ទេ

ការវាយប្រហារយានដ្រូនអ៊ុយក្រែន បង្កការខូចខាត ស្លាប់មនុស្សនៅទីក្រុង Novorossiysk របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ី៖ ទាហានរបស់ខ្លួនចំនួន ៤៩៨នាក់បានស្លាប់ និង ១.៥៩៧នាក់រងរបួសក្នុងសង្គ្រាមនៅអ៊ុយក្រែន

រុស្ស៊ី៖ ការចរចាជុំថ្មីរវាងអ៊ុយក្រែន និងរុស្ស៊ីគ្រោងនឹងធ្វើឡើងនៅព្រឹកថ្ងៃព្រហស្បតិ៍នេះ

រុស្ស៊ីនឹងបន្តប្រតិបត្តិការយោធាពិសេសរបស់ខ្លួននៅអ៊ុយក្រែនរហូតសម្រេចបានគោលដៅចម្បង

UN៖ ជនភៀសខ្លួនប្រមាណ ៦៦០,០០០នាក់ភៀសខ្លួនពីអ៊ុយក្រែនចូលទៅប្រទេសជិតខាង

លោក Biden ប្ដេជ្ញាធ្វើឲ្យលោក Putin សងសំណងចំពោះការឈ្លានពានអ៊ុយក្រែនក្នុងសុន្ទរកថាប្រចាំឆ្នាំ

តុលាការកំពូលអង្គការសហប្រជាជាតិនឹងបើកសវនាការស្ដីពីសង្គ្រាមអ៊ុយក្រែននៅថ្ងៃទី៧ ដល់ថ្ងៃទី៨ ខែមីនានេះ

ប្រជាពលរដ្ឋក្នុងប្រទេសជាច្រើនលើពិភពលោកបន្តតវ៉ាប្រឆាំងការឈ្លានពានរបស់រុស្ស៊ីលើអ៊ុយក្រែន

ប្រធានាធិបតីអ៊ុយក្រែនលោក Zelenskyy បានប្រាប់ទៅសហភាពអឺរ៉ុបថា សូមបង្ហាញឲ្យឃើញថា អ្នកនៅជាមួយយើង

UN និយាយពីសង្គ្រាមនៅអ៊ុយក្រែនថា គ្រប់គ្រាន់ ខណៈបារាំងនិយាយថា រុស្ស៊ីត្រូវតែបញ្ចប់សង្គ្រាម

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​នឹង​បន្ត​ប្រតិបត្តិការ​យោធា​ពិសេស​របស់​ខ្លួន​នៅ​អ៊ុយ​ក្រែ​ន​រហូត​សម្រេច​បាន​គោលដៅ​ចម្បង​

UN៖ ជនភៀសខ្លួន​ប្រមាណ ​៦៦០,០០០នាក់​ភៀសខ្លួន​ពី​អ៊ុយ​ក្រែ​ន​ចូល​ទៅ​ប្រទេស​ជិតខាង​

លោក Biden ប្ដេជ្ញា​ធ្វើ​ឲ្យ​លោក Putin សង​សំណង​ចំពោះ​ការឈ្លានពាន​អ៊ុយ​ក្រែ​ន​ក្នុង​សុន្ទរកថា​ប្រចាំ​ឆ្នាំ

ប្រជាជន​រុស្ស៊ីចាប់ផ្ដើម​មាន​អារម្មណ៍​ថា ​កំពុង​រង​សម្ពាធ​ពី​ទណ្ឌកម្ម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីនឹងបន្តប្រតិបត្តិការយោធាពិសេសរបស់ខ្លួននៅអ៊ុយក្រែនរហូតសម្រេចបានគោលដៅចម្បង

UN៖ ជនភៀសខ្លួនប្រមាណ ៦៦០,០០០នាក់ភៀសខ្លួនពីអ៊ុយក្រែនចូលទៅប្រទេសជិតខាង

លោក Biden ប្ដេជ្ញាធ្វើឲ្យលោក Putin សងសំណងចំពោះការឈ្លានពានអ៊ុយក្រែនក្នុងសុន្ទរកថាប្រចាំឆ្នាំ

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម