BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានចោទប្រកាន់រុស្ស៊ីពីការបន្តយុទ្ធនាការបាញ់ផ្លោងរបស់ខ្លួន ក្នុងពេលមានការចរចាក្នុងគោលបំណងបញ្ចប់សង្គ្រាមដែលកំពុងបន្ត។ ក្នុងសុន្ទរកថាតាមវីដេអូលោក Zelenskyy បាននិយាយថា រុស្ស៊ីបានបាញ់ផ្លោងមកលើទឹកដីអ៊ុយក្រែន ខណៈគណៈប្រតិភូប្រទេសទាំងពីរបានបញ្ចប់កិច្ចពិភាក្សាក្នុងប្រទេសបេឡារុស។លោកនិយាយថា ការចរចាដោយស្មើភាពអាចកើតឡើង នៅពេលដែលភាគីម្ខាងមិនវាយប្រហារភាគីម្ខាងទៀតដោយមីស៊ីល រ៉ុក្កែត ក្នុងអំឡុងពេលចរចា។ លោក Zelenskyy និយាយថា ការធ្វើសកម្មភាពនៃការបាញ់កាំភ្លើងធំជាមួយនឹងការចរចា គឺជាការប៉ុនប៉ងរបស់វិមានក្រឹមឡាំងដើម្បីដាក់សម្ពាធលើទីក្រុងគីវ។ ជុំទីមួយនៃកិច្ចចរចាអ៊ុយក្រែន-រុស្ស៊ីក្នុងគោលបំណងបញ្ចប់ការប្រយុទ្ធគ្នារវាងទីក្រុងមូស្គូ និងប្រទេសជិតខាងតូចរបស់ខ្លួនបានបញ្ចប់ដោយគ្មានកិច្ចព្រមព្រៀងភ្លាមៗ៕អត្ថបទ៖ ប៊ុនថន

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

អ៊ុយក្រែន៖ កិច្ចចរចាលើកដំបូងក្នុងគោលបំណងបញ្ឈប់ការប្រយុទ្ធគ្នារវាងអ៊ុយក្រែន និងរុស្ស៊ីបានបញ្ចប់កាលពីថ្ងៃចន្ទ ដោយគ្មានកិច្ចព្រមព្រៀងណាមួយក្រៅពីការបន្តការពិភាក្សា ខណៈទីក្រុងមូស្គូដែលកាន់តែឯកោបានទប់ទល់យ៉ាងខ្លាំងមិននឹកស្មានដល់នៅលើដី និងខាតបង់សេដ្ឋកិច្ចនៅក្នុងប្រទេស។នៅក្នុងទីក្រុងរមណីយដ្ឋាន Berdyansk នៅសមុទ្រ Azov ក្រុមអ្នកតវ៉ារាប់សិបនាក់បានស្រែកយ៉ាងខឹងសម្បារ នៅទីលានធំមួយប្រឆាំងអ្នកឈ្លានពានរុស្ស៊ី ដែលបានចូលកាន់កាប់ទីក្រុងកាលពីថ្ងៃអាទិត្យ។ វីដេអូដែលថតបានដោយប្រជាជនក្នុងតំបន់ បានបង្ហាញឲ្យឃើញរថយន្តយោធារុស្ស៊ីនៅក្នុងទីក្រុង ដោយមានមនុស្សជាច្រើនកំពុងឡោមព័ទ្ធរថយន្ត ហើយស្រែកថា ទៅប្រទេសវិញ ត្រឡប់ទៅប្រទេសវិញ។ខ្សែអាត់វីដេអូក៏បានបង្ហាញពីប្រជាជនទីក្រុង Berdyansk កាន់ទង់ជាតិអ៊ុយក្រែន និងច្រៀងចម្រៀងជាតិអ៊ុយក្រែននៅពេលពួកគេប្រឈមមុខទៅនឹងទាហានរុស្ស៊ី។ យោធារុស្ស៊ីបានបដិសេធមិនកំណត់គោលដៅលើតំបន់លំនៅឋាន ទោះបីជាមានភស្តុតាងជាច្រើននៃការបាញ់ផ្លោងមកលើលំនៅឋាន សាលារៀន និងមន្ទីរពេទ្យក៏ដោយ៕អត្ថបទ៖ ប៊ុនថន

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

រុស្ស៊ី៖ ឯកអគ្គរដ្ឋទូតរុស្ស៊ីបានប្រាប់មហាសន្និបាតអង្គការសហប្រជាជាតិថា ទីក្រុងមូស្គូព្យាយាមធ្វើឲ្យអ៊ុយក្រែនក្លាយជាប្រទេសគ្មានកងទ័ព និងលុបបំបាត់ឥរិយាបថណាស៊ីនិយម។បេសកជនប្រចាំអង្គការសហប្រជាជាតិរបស់ទីក្រុងមូស្គូលោក Vasily Nebenzia និយាយទៅកាន់មហាសន្និបាតអំឡុងកិច្ចប្រជុំ ដែលបានអំពាវនាវដើម្បីប្រកាសបដិសេធការឈ្លានពានលើអ៊ុយក្រែនថា ប្រទេសរុស្សីព្យាយាមសង្គ្រោះអាយុជីវិតប្រជាជននៅក្នុងតំបន់ Donbass និងដាក់ទណ្ឌកម្មអ្នកទាំងឡាយដែលទទួលខុសត្រូវ នៃការប្រល័យពូជសាសន៍ និងអំពើឃោរឃៅរយៈពេល ៨ឆ្នាំ។ ការឈ្លានពានលើអ៊ុយក្រែនមិនមែនជាផ្នែកនៃផែនការរបស់យើងនោះទេ។លោក Nebenzia និយាយថា បំណងនៃប្រតិបត្តិការពិសេសនេះគឺត្រូវការពារប្រជាជន ដែលជាគោលដៅក្នុងការធ្វើទុកបុកម្នេញ និងប្រល័យពូជសាសន៍ដោយរបបទីក្រុងគីវសម្រាប់រយៈពេល ៨ឆ្នាំកន្លងទៅនេះ។ នេះគឺជាមូលហេតុដែលវាចាំបាច់ដើម្បីធ្វើឲ្យអ៊ុយក្រែនគ្មានយោធា និងបំបាត់ឥរិយាបថណាស៊ីនិយម។ លោក Putin បានបញ្ជាក់ឡើងវិញពីការទាមទាររបស់លោក ដែលតម្រូវឲ្យអ៊ុយក្រែនធ្វើជាប្រទេសគ្មានកងទ័ព និងជាប្រទេសអព្យាក្រឹត ជាលក្ខខណ្ឌសម្រាប់បទឈប់បាញ់នៅក្នុងប្រទេសនេះ៕អត្ថបទ៖ សុខមាន

ភាពឯការបស់រុស្ស៊ីកើនឡើងកាន់តែខ្លាំង ខណៈលោក Putin ពុំបានបង្ហាញការបញ្ឈប់ការឈ្លានពានអ៊ុយក្រែន

រុស្ស៊ី៖ ទីក្រុងមូស្គូបានប្រឈមភាពឯកាកាន់តែខ្លាំងនៅថ្ងៃអង្គារនេះ ខណៈលោកប្រធានាធិបតី Vladimir Putin ពុំបានបង្ហាញសញ្ញានៃការបញ្ចប់សកម្មភាពឈ្លានពានចូលប្រទេសអ៊ុយក្រែន ជាទីដែលការវាយប្រយុទ្ធគ្នាដ៏ខ្លាំងក្លា និងការទម្លាក់គ្រាប់បែករបស់រុស្ស៊ីបានឆក់យកជីវិតមនុស្សរាប់សិបនាក់ និងបណ្ដាលឲ្យមានវិបត្តិជនភៀសខ្លួន។ការឈ្លានពានរបស់រុស្ស៊ីកាលពីសប្ដាហ៍មុនបានបរាជ័យ ក្នុងការសម្រេចបានតាមគោលដៅឆាប់រហ័សដូចបំណងដែលលោក Putin បានសង្ឃឹមទុក។ ការចរចាស្វែងរកបទឈប់បាញ់ដែលបានធ្វើឡើងកាលពីថ្ងៃចន្ទ នៅក្នុងប្រទេសបេឡារុសបានបរាជ័យក្នុងសម្រេចបានលទ្ធផលជាផ្លែផ្កា ហើយក្រុមអ្នកចរចាពុំបាននិយាយថា តើជុំថ្មីនឹងធ្វើឡើងនៅពេលណាទេ។សហរដ្ឋអាមេរិក និងសម្ព័ន្ធមិត្តបានព្យាយាមដាក់ទណ្ឌកម្មលើសេដ្ឋកិច្ចរបស់រុស្ស៊ី ចំពោះការឈ្លានពានលើអ៊ុយក្រែន ដែលជាការវាយប្រហារដ៏ធ្ងន់ធ្ងរបំផុតលើរដ្ឋនៅអឺរ៉ុបខាងកើតមួយនេះ ចាប់តាំងពីសង្គ្រាមលោកលើកទី២ មក។ ទណ្ឌកម្មទាំងនោះត្រូវបានដាក់លើវិស័យពាណិជ្ជកម្មធំៗ និងក្រុមមន្ត្រីកំពូលៗរបស់រុស្ស៊ីរួមទាំងលោក Putin ផងដែរ៕អត្ថបទ៖ សុខមាន

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

អ៊ុយក្រែន៖ ខណៈជនភៀសខ្លួនរាប់សែននាក់កំពុងចាកចេញពីប្រទេសអ៊ុយក្រែន ក្នុងពេលមានការវាយប្រហាររបស់រុស្ស៊ីមកលើប្រទេសនេះ បុរស និងស្ត្រីអ៊ុយក្រែនមួយចំនួនកំពុងត្រលប់មកប្រទេសវិញពីទូទាំងទ្វីបអឺរ៉ុប ដើម្បីជួយការពារទឹកដីរបស់ពួកគេ។ឆ្មាំព្រំដែនប្រទេសប៉ូឡូញនិយាយថា ប្រជាជនប្រមាណ ២២,០០០នាក់បានឆ្លងចូលទៅក្នុងប្រទេសអ៊ុយក្រែនចាប់តាំងពីថ្ងៃព្រហស្បតិ៍ ក្នុងពេលរុស្ស៊ីឈ្លានពានប្រទេសនេះ។ នៅខាងក្រៅការិយាល័យល្បាតព្រំដែនក្នុងទីក្រុង Przemysl ប្រទេសប៉ូឡូញនៅស្ថានីយ៍រថភ្លើងធំ ប្រជាជនរាប់រយនាក់បានតម្រង់ជួរដើម្បីត្រឡប់ចូលប្រទេសអ៊ុយក្រែនវិញ។ ពួកគេភាគច្រើនជាបុរស។ មនុស្សជាច្រើននៅក្នុងជួរបានដាក់ត្រឹមតែនាមត្រកូលរបស់ពួកគេ ដោយលើកឡើងពីសុវត្ថិភាព។ មុនពេលការនាំគ្នាចាកចេញនាពេលថ្មីៗនេះ ប្រជាជនអ៊ុយក្រែនប្រមាណមួយលាននាក់នៅក្នុងប្រទេសប៉ូឡូញកំពុងធ្វើការ ឬសិក្សា។ប្រធានាធិបតីអ៊ុយក្រែនលោក Volodymyr Zelenskyy ស្ថិតនៅក្នុងរដ្ឋធានីគីវដើម្បីជំរុញទឹកចិត្តយុទ្ធជនអ៊ុយក្រែន ខណៈកងទ័ពរុស្ស៊ីកំពុងចូលក្នុងទីក្រុង ហើយការផ្ទុះគ្រាប់ផ្លោងភ្លឺពេញផ្ទៃអាកាសកាលពីថ្ងៃអាទិត្យ។ លោក Zelenskyy ហាមបុរសដែលមានអាយុពី ១៨ ដល់ ៦០ឆ្នាំមិនឱ្យចាកចេញពីប្រទេស។ អាជ្ញាធរអ៊ុយក្រែនបានអំពាវនាវឲ្យអ្នកស្ម័គ្រចិត្តបរទេសមកប្រយុទ្ធ ក្នុងការការពារប្រទេសអ៊ុយក្រែន។ ទីភ្នាក់ងារជនភៀសខ្លួនអង្គការសហប្រជាជាតិ UNHCR និយាយកាលពីថ្ងៃអាទិត្យថា យ៉ាងហោចណាស់ប្រជាជន ៣៦៨,០០០នាក់បានភៀសខ្លួនចេញពីអ៊ុយក្រែនចូលទៅប្រទេសប៉ូឡូញ និងប្រទេសជិតខាងផ្សេងទៀត បន្ទាប់ពីមានការឈ្លានពានរបស់រុស្ស៊ី៕អត្ថបទ៖ ប៊ុនថន

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

រុស្ស៊ី៖ រូបភាពផ្កាយរណបបង្ហាញពីការដាក់កងកម្លាំងរបស់រុស្ស៊ីចម្ងាយ ៥គីឡូម៉ែត្រកំពុងវាយសម្រុករុលទៅមុខកាលពីថ្ងៃអាទិត្យ ជាការវាយប្រហារទៅកាន់ភាគពាយ័ព្យនៃរដ្ឋធានីគីវ និងការប៉ុនប៉ងឈ្លានពានចូលទៅកាន់ទីក្រុងគីវភាគខាងកើត។នៅក្នុងតំបន់ឆ្នេរភាគខាងត្បូង យោធារបស់ប្រទេសរុស្ស៊ីទំនងជាកំពុងបង្កើនកម្លាំង និងមានសញ្ញានានានៃការផ្លាស់ប្ដូរវិធីសាស្ត្រ ខណៈការវាយប្រហារដោយមីស៊ីលត្រូវបានដាក់ពង្រាយប្រឆាំងគោលដៅ។ វីដេអូបង្ហាញពីហេតុការណ៍នៃការប៉ះទង្គិចគ្នានៅក្នុងតំបន់ Bucha នៃជាយរដ្ឋធានីគីវ ជាទីដែលរុស្ស៊ីបានបរាជ័យធ្ងន់ធ្ងរត្រូវបានផ្សព្វផ្សាយពេញបណ្ដាញសង្គមកាលពីថ្ងៃអាទិត្យ៕អត្ថបទ៖ សុខមាន

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុប៖ ក្រុមអ្នកតវ៉ាបានប្រមូលផ្តុំគ្នានៅក្នុងទីក្រុងជាច្រើនទូទាំងប្រទេសអ៊ីតាលី ដោយអំពាវនាវរកសន្តិភាពនៅអ៊ុយក្រែន។ នៅក្នុងទីក្រុងរ៉ូម បាតុកររាប់ពាន់នាក់ធ្វើបាតុកម្មដោយមានកាន់ទង់ជាតិអ៊ុយក្រែន និងកាន់បដាគាំទ្រអ៊ុយក្រែន និងបដាប្រឆាំងរុស្សី។នៅក្នុងទីក្រុងមីឡាន ក្រុមបារុករបានប្រមូលផ្តុំគ្នាដោយមានក្រវីទង់ជាតិអ៊ុយក្រែន និងស្រែកអំពាវនាវឲ្យបញ្ចប់ការឈ្លានពានរបស់រុស្សី។ បាតុកម្មក្នុងការគាំទ្រប្រទេសអ៊ុយក្រែនបានធ្វើឡើងក្នុងទីក្រុងជាច្រើន នៅទូទាំងពិភពលោក។ នៅប្រទេសបារាំង ខណៈប្រទេសអ៊ុយក្រែនកាលពីថ្ងៃអាទិត្យបានប្រកាសថា គណៈប្រតិភូមកពីប្រទេសនេះបានព្រមព្រៀងជួបជាមួយមន្ត្រីរុស្សីសម្រាប់កិច្ចសន្ទនា ក្រុមអ្នកតវ៉ារាប់រយនាក់បានប្រមូលផ្តុំគ្នាក្នុងទីក្រុងប៉ារីស ដើម្បីទាមទារសន្តិភាព និងបញ្ចប់ការឈ្លានពានរបស់រុស្សី។ ភាគច្រើនបានស្វាគមន៍គំនិតនៃកិច្ចសន្ទនា ដោយសង្ឃឹមថាវានឹងនាំឲ្យមានការបញ្ចប់ការប្រយុទ្ធគ្នា។ ក្នុងចំណោមក្រុមអ្នកតវ៉ាក៏មានប្រជាជនរុស្សីមួយចំនួន រស់នៅក្នុងប្រទេសបារាំង។ នៅក្នុងប្រទេសអាល្លឺម៉ង់ ក្រុមមនុស្សជាច្រើនបានប្រមូលផ្តុំគ្នាក្នុងទីក្រុងប៊ែរឡាំង ខណៈពួកគេចូលរួមក្នុងបាតុកម្មសាមគ្គីភាពដើម្បីបង្ហាញពីការគាំទ្រប្រទេសអ៊ុយក្រែន។ក្រុមអ្នកតវ៉ាបានដើរជាជួរលើដងផ្លូវក្នុងរដ្ឋធានីប្រទេសអាល្លឺម៉ង់ មានកាន់បដា និងក្រវីទង់ជាតិអ៊ុយក្រែន ដែលពួកគេអំពាវនាវឲ្យរុស្សីបញ្ឈប់ការឈ្លានពានលើប្រទេសជិតខាង។ នៅក្នុងប្រទេសអេស្បាញ មនុស្សរាប់ម៉ឺននាក់បានចូលរួមក្នុងការតវ៉ានៅទីក្រុង Madrid ជាការធ្វើបាតុកម្មប្រឆាំងការឈ្លានពានរបស់រុស្សីលើអ៊ុយក្រែន។ ក្រុមអ្នកតវ៉ាបានប្រមូលផ្តុំគ្នានៅរដ្ឋធានីប្រទេសអេស្បាញ ដោយក្រវីទង់ជាតិ និងកាន់បដាលើកយ៉ាងខ្ពស់។ អ្នកតវ៉ាជនជាតិអ៊ុយក្រែន ម្នាក់ដែលចូលរួមក្នុងបាតុកម្មនិយាយថា ប្រជាជនប្រទេសរបស់ខ្ញុំភ័យខ្លាចយ៉ាងខ្លាំង។ ទន្ទឹមនឹងនេះដែរ ក្រុមបាតុកររាប់ពាន់នាក់បានប្រមូលផ្តុំគ្នាក្នុងទីក្រុង Amsterdam ប្រទេសហូឡង់ដោយមានបដា និងទង់ជាតិប្រទេសអ៊ុយក្រែន ដើម្បីថ្កោលទោសការឈ្លានពានរបស់រុស្សីលើអ៊ុយក្រែន។ ការធ្វើបាតុកម្មនៅទីលាន Dam រដ្ឋធានីប្រទេសហូឡង់ ជាផ្នែកមួយនៃបាតុកម្មជាបន្តបន្ទាប់នៅជុំវិញពិភពលោក ប្រឆាំងការវាយប្រហាររបស់ទីក្រុងមូស្គូលើប្រទេសជិតខាងរបស់ខ្លួន៕អត្ថបទ៖ ប៊ុនថន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន

អឺរ៉ុប៖ យោងតាមលោក Josep Borrell ប្រធានគោលនយោបាយការបរទេសរបស់ប្លុកសហភាពអឺរ៉ុបបានឲ្យដឹងថា បណ្ដារដ្ឋមន្ត្រីការបរទេសរបស់សហភាពអឺរ៉ុប បានឯកភាពបញ្ជូនជំនួយយោធាដែលមានទំហំទឹកប្រាក់ ៤៥០លានអឺរ៉ូស្មើនឹង ៥០០លានដុល្លារអាមេរិកទៅកាន់ប្រទេសអ៊ុយក្រែន សម្រាប់ទិញអាវុធសង្គ្រាម។លោក Borrell បាននិយាយនៅសន្និសីទសារព័ត៌មានក្នុងទីក្រុង Brussels កាលពីថ្ងៃអាទិត្យថា ជំនួយនេះនឹងត្រូវផ្ដល់ដោយមជ្ឈមណ្ឌលសន្តិភាពរបស់សហភាពអឺរ៉ុប ហើយនឹងមើលឃើញការផ្គត់ផ្គង់អាវុធរបស់ប្លុកនេះ ទៅកាន់ប្រទេសដែលមានសង្គ្រាមជាលើកដំបូងក្នុងប្រវត្តិសាស្ត្រ។ ចំណែកថវិកាចំនួន ៥០លានអឺរ៉ូផ្សេងទៀតនឹងត្រូវបានផ្ដល់ សម្រាប់គោលបំណងក្រៅពីការទិញអាវុធធ្វើសង្គ្រាម។លោក Borrell បាននិយាយថា កញ្ចប់ជំនួយយោធារបស់សហភាពអឺរ៉ុប អាចរួមទាំងការផ្គត់ផ្គង់យន្តហោះចម្បាំងសម្រាប់កងកម្លាំងអាកាសរបស់អ៊ុយក្រែន។ លោកថា សហភាពអឺរ៉ុបបានពិភាក្សារួចរាល់ហើយជាមួយរដ្ឋមន្ត្រីការបរទេសអ៊ុយក្រែនលោក Dmytro Kuleba អំពីប្រភេទយន្តហោះចម្បាំងដែលយោធាអ៊ុយក្រែនត្រូវការ និងមានរដ្ឋជាសមាជិកដែលអាចផ្គត់ផ្គង់យន្តហោះចម្បាំងទាំងនោះបាន៕អត្ថបទ៖ សុខមាន

បណ្ដាមេដឹកនាំសហភាពអឺរ៉ុបបន្ថែមទៀតគាំទ្រកាត់ផ្ដាច់រុស្ស៊ីចេញពីប្រព័ន្ធសេវាធនាគារ Swift

អឺរ៉ុប៖ បណ្ដាប្រទេសនៅអឺរ៉ុបបន្ថែមទៀតរួមទាំងបារាំង អ៊ីតាលី អេស្ប៉ាញ និងក្រិកជាដើមបាននិយាយថា ពួកគេគាំទ្របម្រាមលើប្រទេសរុស្ស៊ីមិនឲ្យប្រើបណ្ដាញទូទាត់ប្រាក់សកល Swift ដើម្បីដាក់សម្ពាធបន្ថែមទៀតលើប្រទេសនេះ បន្ទាប់ពីការឈ្លានពានរបស់ខ្លួនទៅលើប្រទេសជិតខាងអ៊ុយក្រែន។ចំណាត់ការដែលខ្លួនរំពឹងថានឹងប៉ះពាល់ដល់ពាណិជ្ជកម្មរបស់រុស្ស៊ី ដែលនឹងធ្វើឲ្យកាន់តែធ្ងន់ធ្ងរថែមទៀតដល់ប្រតិបត្តិការរបស់ក្រុមហ៊ុននានានៅក្នុងប្រទេស កំពុងត្រូវបានពិចារណាពង្រីកការដាក់ទណ្ឌលើរបបរបស់លោកប្រធានាធិបតី Vladimir Putin។ រដ្ឋមន្ត្រីការបរទេសអ៊ុយក្រែនលោក Dmytro Kuleba បានព្រមានថា អ្នកនយោបាយរបស់សហភាពអឺរ៉ុប និងអាមេរិកនឹងមានឈាមប្រឡាក់បាតដៃរបស់ពួកគេ ប្រសិនបើមិនគាំទ្រលើបម្រាមនេះទេនោះ។ មួយថ្ងៃក្រោយមក ប្រធានគោលនយោបាយការបរទេសសហភាពអឺរ៉ុបលោក Josep Borrell បាននិយាយថា បម្រាមនោះមិនចាំបាច់តែទទួលការឯកភាពជាឯកច្ឆន្ទទេ ប៉ុន្តែវានឹងនៅតែមានលទ្ធភាពសម្រាប់ការពិចារណានាពេលអនាគត។ចំណែករដ្ឋមន្ត្រីការបរទេសអាល្លឺម៉ង់លោកស្រី Annalena Baerbock បាននិយាយកាលពីចុងសប្ដាហ៍នេះថា លោកស្រីមិនជឿថា បម្រាមនេះគឺជាជម្រើសល្អបំផុតនោះទេ ហើយរដ្ឋមន្ត្រីហិរញ្ញវត្ថុបារាំងលោក Bruno Le Maire បាននិយាយថា បម្រាមនោះគួរតែត្រូវបានប្រើប្រាស់ តែជាជម្រើសចុងក្រោយប៉ុណ្ណោះ៕អត្ថបទ៖ សុខមាន

អាមេរិករិះគន់ការបញ្ជាឲ្យត្រៀមកម្លាំងនុយក្លេអ៊ែរថា ជារឿងមិនអាចទទួលយកបាន និងពិចារណាទណ្ឌកម្មថែមទៀត

សហរដ្ឋអាមេរិក៖ សហរដ្ឋអាមេរិក និងអង្គការណាតូកាលពីថ្ងៃអាទិត្យបានថ្កោលទោស បទបញ្ជារបស់លោកប្រធានាធិបតីរុស្ស៊ី Vladimir Putin ក្នុងការត្រៀមកម្លាំងនុយក្លេអ៊ែររបស់លោកក្នុងកម្រិតខ្ពស់ថា ជារឿងគ្រោះថ្នាក់ និងជាទង្វើមិនអាចទទួលយកបាន ខណៈដែលសេតវិមានបាននិយាយថា ខ្លួននឹងមិនរុញរាក្នុងការដាក់ទណ្ឌកម្មថ្មីលើវិស័យថាមពលរបស់រុស្ស៊ីនោះទេ។ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោកស្រី Linda Thomas-Greenfield បានប្រាប់កម្មវិធី Face the Nation របស់ទូរទស្សន៍ CBS ថា សកម្មភាពរបស់លោក Putin បានធ្វើឲ្យជម្លោះរីកកាន់តែធំ និងជាទង្វើមិនអាចទទួលយកបានឡើយ។ លោកស្រី Thomas-Greenfield បាននិយាយថា សហរដ្ឋអាមេរិកកំពុងបន្តសម្លឹងរកការចាត់វិធានការថ្មីៗ និងកាន់តែធ្ងន់ធ្ងរជាងមុនប្រឆាំងនឹងរុស្ស៊ី។ កាលពីថ្ងៃអាទិត្យម្សិលមិញនេះដែរ ក្រុមប្រឹក្សាសន្តិសុខអង្គការសហប្រជាជាតិបានអំពាវនាវ ឲ្យមានសម័យប្រជុំបន្ទាន់ពិសេសមួយនៃមហាសន្និបាតដែលមានសមាជិក ១៩៣ប្រទេសស្ដីពីការឈ្លានពានរបស់រុស្ស៊ីដែលនឹងធ្វើឡើងនៅថ្ងៃចន្ទនេះ ខណៈសម្ព័ន្ធមិត្តលោកខាងលិចបង្កើនយុទ្ធនាការការទូត ដើម្បីធ្វើឲ្យក្រុងមូស្គូឯកាពីពិភពលោក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ទឹកឡើងក្នុងបឹង Tanganyika បានជន់លិចផ្ទះសម្បែងប្រជាពលរដ្ឋនៅភាគខាងកើតកុងហ្គោ

ពលរដ្ឋព័រតូរីកូស្វែងរកទឹក ស្របពេលគ្រោះរាំងស្ងួត បង្កការរឹតត្បិតការបែងចែកទឹកប្រើប្រាស់ប្រចាំថ្ងៃ

អតីតប្រធានាធិបតីកូរ៉េខាងត្បូង លោក Yoon ត្រូវបានចោទប្រកាន់ផ្លូវការ ជុំវិញយុទ្ធនាការការពារច្បាប់អាជ្ញាសឹក

ដាណឺម៉ាកនឹងចាត់វិធានការតាមព្រំដែន បើលំហូរអន្តោប្រវេសន៍នៅតែបន្តមានពីដែនដី Ceuta របស់អេស្ប៉ាញ

ផេះពីបន្ទុះភ្នំភ្លើង Etna នាំឲ្យបិទអាកាសយានដ្ឋានអ៊ីតាលី និងបង្អាក់រដូវកាលដើរកម្សាន្ត

មេបញ្ជាការជាន់ខ្ពស់អ៊ីរ៉ង់ បំពេញទស្សនកិច្ចទៅកាន់អ៊ីរ៉ាក់ ដើម្បីពិភាក្សាលើផែនការរំសាយអាវុធក្រុមប្រដាប់អាវុធ

IEA កាត់បន្ថយការព្យាករតម្រូវការប្រេងឆ្នាំ ២០២៦ម្តងទៀត ស្របពេលច្រកសមុទ្រ Hormuz នៅតែបិទ

យន្តហោះ C919 របស់ចិន ធ្វើការហោះហើរពាណិជ្ជកម្មអន្តរជាតិជាលើកដំបូង

មន្ត្រីជាន់ខ្ពស់៖ អ៊ីរ៉ង់ និងសហរដ្ឋអាមេរិក មិនបានពិភាក្សាអំពីការបន្តបទឈប់បាញ់ទេ

ការវាយប្រហារយានដ្រូនអ៊ុយក្រែន បង្កការខូចខាត ស្លាប់មនុស្សនៅទីក្រុង Novorossiysk របស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

ភាពឯការបស់រុស្ស៊ីកើនឡើងកាន់តែខ្លាំង ខណៈលោក Putin ពុំបានបង្ហាញការបញ្ឈប់ការឈ្លានពានអ៊ុយក្រែន

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន

បណ្ដាមេដឹកនាំសហភាពអឺរ៉ុបបន្ថែមទៀតគាំទ្រកាត់ផ្ដាច់រុស្ស៊ីចេញពីប្រព័ន្ធសេវាធនាគារ Swift

អាមេរិករិះគន់ការបញ្ជាឲ្យត្រៀមកម្លាំងនុយក្លេអ៊ែរថា ជារឿងមិនអាចទទួលយកបាន និងពិចារណាទណ្ឌកម្មថែមទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក​ Zelenskyy ចោទ​ប្រកាន់​រុស្ស៊ី​ពី​ការ​បាញ់​ផ្លោង​បន្ទាប់ពី​ការចរចា​

ប្រជាជន​អ៊ុយ​ក្រែ​ន​ប្រឈមមុខ​នឹង​កងទ័ព​រុស្ស៊ី​នៅ​ទីក្រុង Berdyansk

​រុស្ស៊ី​ប្រាប់​អង្គការ​សហប្រជាជាតិ​ថា ខ្លួន​គ្មាន​ផែនការ​ចូល​កាន់​កាប់​ប្រទេស​អ៊ុយ​ក្រែ​ន​ទេ​

ពលរដ្ឋ​អ៊ុយ​ក្រែ​ន​ត្រឡប់​មក​ប្រទេស​វិញ​ដើម្បី​ប្រយុទ្ធ​នឹង​ការឈ្លានពាន​របស់​រុស្ស៊ី

កងកម្លាំង​រុស្ស៊ី​កំពុង​វាយ​សម្រុក​ទៅកាន់​រដ្ឋធានី​គី​វ ខណៈ​ការឈ្លានពាន​ឈាន​ដល់​ថ្ងៃ​ទី​៤

មាន​បាតុកម្ម​ធ្វើឡើង​ក្នុង​ប្រទេស​អ៊ីតាលី បារាំង អាល្លឺម៉ង់ និង​ហូ​ឡង់ដើម្បី​គាំទ្រ​អ៊ុយ​ក្រែ​ន

អឺរ៉ុប​អនុម័ត​ថវិកា ៤៥០​លាន​អឺរ៉ូសម្រាប់​ការ​ផ្គត់ផ្គង់​អាវុធ​ដល់​អ៊ុយ​ក្រែ​ន​

បណ្ដា​មេដឹកនាំ​សហភាព​អឺរ៉ុប​បន្ថែម​ទៀត​គាំទ្រ​កាត់ផ្ដាច់​រុស្ស៊ី​ចេញពី​ប្រព័ន្ធ​សេវា​ធនាគារ Swift

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន

បណ្ដាមេដឹកនាំសហភាពអឺរ៉ុបបន្ថែមទៀតគាំទ្រកាត់ផ្ដាច់រុស្ស៊ីចេញពីប្រព័ន្ធសេវាធនាគារ Swift