BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ឥណ្ឌា៖ ក្រុមអ្នកជួយសង្គ្រោះបានដើរកាត់ល្បាប់ជម្រៅត្រឹមចង្កេះ នៅភាគខាងលិចប្រទេសឥណ្ឌាកាលពីថ្ងៃចន្ទ ទី២៦ ខែកក្កដាដើម្បីទៅដល់ប្រជាជនដែលរងរបួស និងចាប់ផ្ដើមសម្អាត ខណៈចំនួនអ្នកស្លាប់ដោយសារបំណាក់ដីបង្កឡើងដោយភ្លៀងរដូវមូសុង និងទឹកជំនន់ឡើងដល់ ១៩៨នាក់។នៅក្នុងរដ្ឋដែលរងគ្រោះខ្លាំងជាងគេគឺរដ្ឋ Maharashtra ក្រុមអ្នកជួយសង្គ្រោះបានបញ្ឈប់ប្រតិបត្តិការស្វែងរកនៅក្នុងភូមិភ្នំ Taliye ភាគអាគ្នេយ៍នៃទីក្រុង Mumbai ដែលមានសាកសព ៥៣នាក់ត្រូវបានរកឃើញ។ ក្រុមអាជ្ញាធរមូលដ្ឋានបាននិយាយថា កិច្ចប្រឹងប្រែងដើម្បីរកសាកសពមនុស្ស ៣១នាក់ផ្សេងទៀតដែលកំពុងបាត់ខ្លួន បន្ទាប់ពីបំណាក់ដីដ៏ធំមួយបានបំផ្លាញផ្ទះរាប់សិបខ្នងកាលពីថ្ងៃព្រហស្បតិ៍នឹងត្រូវបញ្ចប់ បន្ទាប់ពីគ្រប់ឈ្មោះរបស់ពួកគេត្រូវបានរាប់ក្នុងចំណោមអ្នកស្លាប់។ឆ្នេរសមុទ្រភាគខាងលិចរបស់ប្រទេសឥណ្ឌា ត្រូវបានវាយប្រហារដោយព្យុះភ្លៀងយ៉ាងខ្លាំងក្នុងរយៈពេលជាច្រើនថ្ងៃ ដោយប្រជាជនរាប់សែននាក់ត្រូវបានជម្លៀសចេញពីផ្ទះរបស់ពួកគេ នៅក្នុងរដ្ឋចំនួន ៣ និងមានការដាច់ចរន្តអគ្គិសនីនៅទូទាំងតំបន់ធំៗ៕អត្ថបទ៖ សុខមាន

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ម៉ាឡេស៊ី៖ ករណីឆ្លងវីរុស COVID-19 សរុបនៅក្នុងប្រទេសម៉ាឡេស៊ីបានហក់ឡើងជាង ១លាននាក់កាលពីថ្ងៃអាទិត្យ បន្ទាប់ពីក្រសួងសុខាភិបាលរបស់ប្រទេសនេះបានរាយការណ៍ថា មានករណីឆ្លងថ្មីចំនួន ១៧,០៤៥នាក់បន្ថែមទៀត។គិតត្រឹមថ្ងៃចន្ទនេះ យោងតាមប្រភពពីគេហទំព័រ Worldometer ចំនួនអ្នកឆ្លងសរុបនៅក្នុងប្រទេសនេះមាន ១,០១៣,៤៣៨នាក់ ស្លាប់ចំនួន ៧,៩៩៤នាក់ និងអ្នកជាសះស្បើយចំនួន ៨៤៤,៥៤១នាក់។ ករណីឆ្លងថ្មីបានហក់ឡើងដល់ទៅ ១៥,៩០២នាក់កាលពីថ្ងៃសៅរ៍ ដែលជាចំនួនករណីឆ្លងខ្ពស់បំផុតប្រចាំថ្ងៃ ចាប់តាំងពីវីរុសរាតត្បាតសកលនេះបានចាប់ផ្ដើម។ តំបន់ Klang Valley បានកើនឡើងជាថ្មី ដែលមានចំនួនច្រើនជាងពាក់កណ្តាលនៃការឆ្លងថ្មីដែលមាន ៨.៥០០នាក់នៅក្នុងរដ្ឋ Selangor និង ២,០៤៥នាក់នៅរដ្ឋធានី Kuala Lumpur។ ហើយក៏មានករណីឆ្លងថ្មីចំនួន ១,២១៦នាក់នៅក្នុងរដ្ឋ Kedah និងករណីឆ្លងថ្មីចំនួន ៩៥០នាក់នៅក្នុងរដ្ឋ Johor ផងដែរ។ ប្រទេសម៉ាឡេស៊ីក៏មានករណីឆ្លងនៃវីរុស COVID-19 នាំចូលចំនួន ៦នាក់ផងដែរកាលពីថ្ងៃអាទិត្យ៕អត្ថបទ៖ សុខមាន

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

អាមេរិក៖ ភ្លើងឆេះព្រៃដ៏ធំបំផុតនៅរដ្ឋ California បានរួមបញ្ចូលគ្នាជាមួយអណ្តាតភ្លើងតូចៗ និងបានបំផ្លាញផ្ទះសម្បែងជាច្រើនខ្នងនៅតំបន់ដាច់ស្រយាល ដែលមានការកំណត់ចំនួនចូលសម្រាប់អ្នកពន្លត់អគ្គិភ័យ ខណៈភ្លើងជាច្រើនបានកើនកម្លាំង និងគំរាមកំហែងដល់ទ្រព្យសម្បត្តិនៅទូទាំងភាគខាងលិចសហរដ្ឋអាមេរិក។ភ្លើងឆេះព្រៃដែលមានឈ្មោះថា Dixie Fire ដ៏ធំដែលបានចាប់ផ្តើមកាលពីថ្ងៃទី១៤ ខែកក្កដា បានឆេះបំផ្លាញផ្ទះ និងសំណង់ផ្សេងៗរាប់សិបកន្លែងរួចទៅហើយ នៅពេលរួមបញ្ចូលគ្នាជាមួយភ្លើងឆេះព្រៃដែលមានឈ្មោះថា Fly Fire និងឆេះរាលដាលតាមសហគមន៍តូច Indian Falls ភាគខាងជើងរដ្ឋ California បន្ទាប់ពីមេឃចាប់ផ្ដើមងងឹតកាលពីថ្ងៃសៅរ៍។ ការប៉ាន់ប្រមាណពីការខូចខាតមិនទាន់អាចធ្វើទៅបានទេកាលពីថ្ងៃអាទិត្យ ទោះបីជាមន្ត្រីពន្លត់អគ្គិភ័យបាននិយាយថា អគ្គិភ័យបានឆាបឆេះព្រៃឈើ និងគុម្ពោតព្រៃជិត ៧៧២គីឡូម៉ែត្រក្រឡានៅក្នុងតំបន់ Plumas និង Butte យ៉ាងណាក្ដី។ អាជ្ញាធរទើបតែពន្លត់បានប្រមាណ ២១% ប៉ុណ្ណោះ។អ្នកនាំពាក្យនាយកដ្ឋានព្រៃឈើ និងការពារអគ្គិភ័យ លោក Rick Carhart បាននិយាយថា ក្រុមអ្នកពន្លត់អគ្គិភ័យដែលកំពុងកាន់ឧបករណ៍ប្រើដោយដៃ ត្រូវបានបង្ខំឱ្យឡើងភ្នំទៅកាន់កន្លែងដែលគ្រឿងម៉ាស៊ីនមិនអាចទៅបាន៕អត្ថបទ៖ សុខមាន

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា បំណាក់ដី និងទឹកជំនន់បង្កឡើងដោយជំនន់ទឹកភ្លៀងរដូវមូសុងនៅរដ្ឋ Maharashtra ប្រទេសឥណ្ឌាភាគខាងលិចបានសម្លាប់មនុស្សយ៉ាងហោចណាស់ ១៥៩នាក់ និងរងរបួស ៥០នាក់ ខណៈក្រុមជួយសង្គ្រោះបានប្រញាប់ប្រញាល់ស្វែងរកមនុស្សបាត់ខ្លួនយ៉ាងតិច ១០០នាក់។អ្នកនាំពាក្យរដ្ឋាភិបាល លោក Sandhya Garware បាននិយាយថា មនុស្សជាង ១៣ម៉ឺននាក់ត្រូវបានជួយសង្គ្រោះពីភូមិដែលរងផលប៉ះពាល់ជិត ៩០០ភូមិនៅទូទាំងរដ្ឋ។ មនុស្សជាច្រើនបានជាប់នៅលើដំបូលផ្ទះ ឬលើដំបូលរថយន្តក្រុងនៅលើផ្លូវហាយវេនានា។ កងទ័ពជើងទឹកឥណ្ឌាក៏បាននិយាយផងដែរថា ខ្លួនបានពង្រាយឧទ្ធម្ភាគចក្រដើម្បីជម្លៀសប្រជាជនដែលជាប់គាំង ហើយបានបញ្ជូនក្រុមជួយសង្គ្រោះរួមជាមួយទូកទៅកាន់តំបន់នោះ។ក្រុមមន្ត្រីបាននិយាយថា ភូមិមួយក្នុងចំណោមភូមិជាច្រើនដែលរងគ្រោះខ្លាំងជាងគេគឺភូមិ Talai ចម្ងាយ ២៧០គីឡូម៉ែត្រខាងត្បូងក្រុង Mumbai ដែលជារដ្ឋធានីរបស់រដ្ឋ Maharashtra និងជាមជ្ឈមណ្ឌលហិរញ្ញវត្ថុ និងកម្សាន្តរបស់ឥណ្ឌាផងដែរ។ មន្ត្រីក្នុងរដ្ឋ លោក Sagar Pathak បាននិយាយថា លំនៅឋានចំនួន ៥៩ខ្នងក្នុងភូមិនោះត្រូវបានកប់ដោយសារបំណាក់ដីដ៏ធំកាលពីថ្ងៃព្រហស្បតិ៍៕អត្ថបទ៖ សុខមាន

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

អូឡាំពិក៖ កីឡាអូឡាំពិកឆ្នាំ២០២០ ដែលបានពន្យារពេលកាលពីឆ្នាំមុន បានបើកជាផ្លូវការហើយកាលពីថ្ងៃសុក្រ ដោយមានការបាញ់កាំជ្រួចបង្ហាញប្រវត្តិសាស្ត្រ និងវប្បធម៌របស់ប្រទេសជប៉ុន និងការបង្ហាញយន្តហោះដ្រូនដ៏គួរឲ្យចាប់អារម្មណ៍ នៅលើអាកាសពេលយប់ក្នុងទីក្រុងតូក្យូ។ជាការពិតគ្មានអ្នកគាំទ្រនៅទីនោះត្រូវបានអនុញ្ញាតឲ្យចូលទស្សនាឡើយ។ ព្រឹត្តិការណ៍ដែលត្រូវបានធ្វើឡើង ប្រឆាំងនឹងឆន្ទៈរបស់មនុស្សជាច្រើននៅក្នុងប្រទេសជប៉ុន និងហានិភ័យនៃការឆ្លងវីរុសសម្រាប់អ្នកដែលពាក់ព័ន្ធ។ អត្តពលិកបានដើរក្បួនចូលក្នុងពហុកីឡដ្ឋានជាតិទីក្រុងតូក្យូនៅយប់ថ្ងៃសុក្រ ដោយទទួលបានការអបអរសាទរពីអ្នកប្រកួតប្រជែង ឬអ្នកសំដែងដែលកំពុងឈរតម្រង់ជួរ។ កាំជ្រួចបានបាញ់ឡើងនៅលើដំបូលវេទិកា ហើយតន្ត្រីបានបន្លឺឡើងក្នុងការស្វាគមន៍អត្តពលិក និងក្រុមអ្នកចូលរួម៕អត្ថបទ៖ ប៊ុនថន

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

WHO៖ អង្គការសុខភាពពិភពលោកបាននិយាយកាលពីថ្ងៃព្រហស្បតិ៍ថា ផលប៉ះពាល់សុខភាពខួរក្បាលនៃជំងឺរាតត្បាតសកលនឹងមានរយៈពេលវែង និងយូរអង្វែង ខណៈក្រុមអ្នកជំនាញ និងមេដឹកនាំអំពាវនាវឲ្យចាត់វិធានការលើការថប់បារម្ភ និងភាពតានតឹង ឬស្ត្រេសដែលទាក់ទងនឹងជំងឺរាតត្បាតសកលមួយនេះ។អង្គការសុខភាពពិភពលោកបាននិយាយនៅក្នុងសេចក្ដីថ្លែងការណ៍មួយ នៅឯការចាប់ផ្ដើមកិច្ចប្រជុំរយៈពេល ២ថ្ងៃនៅទីក្រុងអាតែនប្រទេសក្រិក ជាមួយនឹងរដ្ឋមន្ត្រីសុខាភិបាលមកពីប្រទេសនានារាប់សិបនាក់ថា មនុស្សគ្រប់គ្នារងផលប៉ះពាល់តាមរបៀបតែមួយ ឬរបៀបមួយផ្សេងទៀត។ អង្គការនេះបាននិយាយថា ការថប់បារម្ភជុំវិញការឆ្លងវីរុស ផលប៉ះពាល់ខួរក្បាល ឬផ្លូវចិត្តដោយសារតែវិធានការបិទខ្ទប់ និងការដាក់ខ្លួនឯងឲ្យនៅដាច់ដោយឡែក បានរួមចំណែកដល់វិបត្តិសុខភាពផ្លូវចិត្ត រួមជាមួយភាពតានតឹង ឬស្ត្រេស ដែលជាប់ទាក់ទងនឹងភាពអត់ការងារធ្វើ ការព្រួយបារម្ភផ្នែកហិរញ្ញវត្ថុ និងការបែកបាក់សង្គម។នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុប លោក Hans Kluge បាននិយាយថា សុខភាពផ្លូវចិត្តគួរតែត្រូវបានគេចាត់ទុកថាជា “សិទ្ធិជាមូលដ្ឋានរបស់មនុស្ស” ដោយសង្កត់ធ្ងន់ទៅលើរបៀបដែលវីរុសនេះ បានបំផ្លិចបំផ្លាញជីវិតមនុស្ស។ អង្គការសុខភាពពិភពលោកបានអំពាវនាវ ឱ្យមានការពង្រឹងសេវាសុខភាពផ្លូវចិត្តជាទូទៅ និងការកែលម្អលទ្ធភាពទទួលបានការថែទាំតាមរយៈបច្ចេកវិទ្យា៕អត្ថបទ៖ សុខមាន

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ចិន៖ ទិន្នន័យរបស់រដ្ឋាភិបាលក្រុងប៉េកាំងបានបង្ហាញថា ទីក្រុងប៉េកាំងរបស់ប្រទេសចិនបានចាក់វ៉ាក់សាំងគ្រប់ដូសជិត ៩១% នៃប្រជាជនពេញវ័យរបស់ខ្លួនប្រឆាំងនឹងជំងឺ COVID-19 ខណៈដែលប្រទេសចិនពង្រីកកិច្ចខិតខំប្រឹងប្រែង ចាក់វ៉ាក់សាំងទូទាំងប្រទេសរបស់ខ្លួន។ក្រុមអាជ្ញាធរក្រុងបាននិយាយកាលពីថ្ងៃព្រហស្បតិ៍ ទី២២ ខែកក្កដា តាមបណ្ដាញសង្គមថា មនុស្សប្រហែល ១៧លាន ៧សែននាក់ ឬ ៩០,៨% នៃប្រជាជនពេញវ័យនៅក្នុងទីក្រុងប៉េកាំង ត្រូវបានទទួលវ៉ាក់សាំងរួចរាល់គិតត្រឹមថ្ងៃទី២១ ខែកក្កដា។ ចំនួននេះប្រហែល ៨០,៨% នៃប្រជាជនសរុបរបស់ខ្លួនក្នុងរដ្ឋធានីនេះដែលមានចំនួន ២១លាន ៩សែននាក់។ ក្រុមអាជ្ញាធរមូលដ្ឋានបាននិយាយថា ការចាក់វ៉ាក់សាំងបង្ការវីរុសគ្រប់ដូសរបស់មនុស្សពេញវ័យ នៅក្នុងទីក្រុងធំៗផ្សេងទៀតរបស់ប្រទេសចិនក៏មានសន្ទុះកើនឡើងផងដែរ ក្នុងនោះទីក្រុងស៊ាងហៃ និងអ៊ូហានបានលើសអត្រា ៨០% និង ៧៧% រៀងៗខ្លួន។ប្រទេសចិនបាននិយាយកាលពីថ្ងៃព្រហស្បតិ៍ថា ខ្លួនបានប្រើប្រាស់វ៉ាក់សាំងបង្ការជំងឺ COVID-19 ចំនួន ១,៤៩ពាន់លានដូសគិតត្រឹមថ្ងៃទី២១ ខែកក្កដា ប៉ុន្តែមិនបានបង្ហាញពីទិន្នន័យទូទាំងប្រទេសអំពីចំនួនមនុស្សប៉ុន្មាន ដែលបានចាក់វ៉ាក់សាំងពេញលេញ ឬបានគ្រប់ដូសនោះទេ៕អត្ថបទ៖ សុខមាន

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់

ឥណ្ឌា៖ ក្រសួងសុខាភិបាលបាននិយាយថា ប្រទេសឥណ្ឌាបានកត់ត្រាករណីឆ្លងជំងឺផ្សិតខ្មៅដ៏សាហាវជាង ៤៥.០០០នាក់ក្នុងរយៈពេលពីរខែចុងក្រោយនេះ ខណៈដែលការផ្ទុះរាលដាលនៅទូទាំងប្រទេសបានរាតត្បាតដល់អ្នកជំងឺ COVID-19។រដ្ឋមន្ត្រីជាន់ខ្ពស់នៃក្រសួងសុខាភិបាលឥណ្ឌា លោក Bharati Pravin Pawar បានប្រាប់សភាកាលពីថ្ងៃអង្គារ ទី២០ ខែកក្កដាថា មនុស្សជាង ៤.២០០នាក់បានស្លាប់ដោយសារជំងឺផ្សិត នេះ ដែលមានឈ្មោះតាមវិទ្យាសាស្ត្រថា មូសខុមមីកូស៊ីស (mucormycosis.)។ កាលពីកន្លងទៅការឆ្លងនេះត្រូវបានគេចាត់ទុកថា ជាករណីកម្រមានណាស់ ប៉ុន្តែករណីនេះបានផ្ទុះឡើងក្នុងកំឡុងពេលជំងឺរាតត្បាតសកលជាធម្មតា វាយប្រហារលើអ្នកជំងឺបន្ទាប់ពីការជាសះស្បើយពីជំងឺ COVID-19។ វាគឺជាជំងឺដ៏កាចសាហាវ ហើយត្រូវបង្ខំឲ្យវះកាត់យកភ្នែក ច្រមុះ និងថ្គាមចេញពីអ្នកជំងឺ ដើម្បីកុំឲ្យរាលដាលចូលទៅដល់ខួរក្បាល។ ហើយអត្រាស្លាប់នៃជំងឺនេះមានជាង ៥០%៕អត្ថបទ៖ សុខមាន

ម៉ាឡេស៊ីកត់ត្រាករណីស្លាប់ប្រចាំថ្ងៃដោយសារជំងឺ COVID-19 ខ្ពស់បំផុត ១៩៩នាក់ ខណៈករណីឆ្លងធ្លាក់ចុះ

ម៉ាឡេស៊ី៖ យោងតាមអគ្គនាយកចាត់ការទូទៅផ្នែកសុខភាព លោកវេជ្ជបណ្ឌិត Noor Hisham Abdullah ករណីឆ្លងថ្មីនៃជំងឺ Covid-19 របស់ប្រទេសម៉ាឡេស៊ីបានធ្លាក់ចុះបន្តិចមកត្រឹម ១១.៩៨៥នាក់ពីចំនួន ១២.៣៦៦នាក់កាលពីម្សិលមិញ ខណៈដែលមានអ្នកស្លាប់ប្រចាំថ្ងៃខ្ពស់បំផុតដល់ទៅ ១៩៩នាក់។មានការកើនឡើងចំនួន ៩៥១,៨៨៤ករណីត្រូវបានគេរកឃើញនៅក្នុងប្រទេសនេះ ចាប់តាំងពីជំងឺរាតត្បាតសកលចាប់ផ្ដើមផ្ទុះ។ រដ្ឋ Selangor នៅតែជារដ្ឋឆមានចំនួនអ្នកឆ្លងខ្ពស់បំផុតនៅថ្ងៃនេះគឺ ៥.៥៥០នាក់ ដែលនាំឱ្យករណីឆ្លងសរុបនៅក្នុងរដ្ឋកើនឡើងដល់ទៅ ៣៣៧.៨៩៧នាក់ដែលស្មើនឹង ៣៥.៥% នៃករណីឆ្លងសរុបនៅក្នុងប្រទេសម៉ាឡេស៊ី។ ទីក្រុងកូឡាឡាំពួរ ក៏បានរាយការណ៍ពីករណីឆ្លងថ្មីនៃវីរុស Covid-19 ចំនួនបួនខ្ទង់ផងដែរដោយមានចំនួន ១,១៧៤នាក់ ដែលនាំឱ្យការឆ្លងសរុបនៅក្នុងទីក្រុងនេះហក់ឡើងដល់ ១០១.៩២៦ករណី។ចំនែកនៅរដ្ឋ Kedah មានករណីឆ្លងថ្មីចំនួន ៨០០នាក់ បន្ទាប់មករដ្ឋ Negeri Sembilan ចំនួន ៧៤៥នាក់, រដ្ឋ Johor ចំនួន ៦៤៤នាក់, រដ្ឋ Pahang ចំនួន ៦០៣នាក់, រដ្ឋ Sabah ចំនួន ៤៧៤នាក់, រដ្ឋ Melaka ចំនួន ៤៥៣នាក់, រដ្ឋ Kelantan ចំនួន ៣៨៦នាក់, រដ្ឋ Penang ចំនួន ៣៦២នាក់, រដ្ឋ Perak ចំនួន ២៧៤នាក់, រដ្ឋ Sarawak ចំនួន ២៦១នាក់ និងរដ្ឋ Terengganu មានចំនួន ១៧១នាក់។ គិតត្រឹមព្រឹកថ្ងៃព្រហស្បតិ៍នេះ ប្រទេសម៉ាឡេស៊ីមានករណីឆ្លងវីរុស Covid-19 សរុបចំនួន ៩៥១,៨៨៤នាក់ និងស្លាប់ចំនួន ៧,៤៤០នាក់៕អត្ថបទ៖ សុខមាន

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត

WHO៖ អង្គការសុខភាពពិភពលោក (WHO) បាននិយាយកាលពីថ្ងៃពុធថា វីរុស COVID-19 បម្លែងខ្លួនថ្មី Delta ដែលមានការរីករាលដាលខ្លាំងត្រូវបានគេរំពឹងថា នឹងក្លាយជាវីរុសដែលមានឥទ្ធិពលចម្លងខ្លាំងក្នុងប៉ុន្មានខែខាងមុខទៀតនេះ។អង្គការសុខភាពពិភពលោកបាននិយាយថា វីរុសបម្លែងខ្លួនថ្មី Delta ដែលត្រូវបានរកឃើញដំបូងបង្អស់នៅក្នុងប្រទេសឥណ្ឌា ឥឡូវនេះត្រូវបានគេកត់ត្រានៅក្នុងដែនដីចំនួន ១២៤ ដែលបានកើនឡើង ១៣ប្រទេសលើសកាលពីសប្ដាហ៍មុន។ ចំនួននេះច្រើនជាងបីភាគបួននៃគំរូជាបន្តបន្ទាប់នៅក្នុងប្រទេសធំៗជាច្រើន។ ទីភ្នាក់ងារសុខភាពអង្គការសុខភាពពិភពលោក បាននិយាយនៅក្នុងការធ្វើបច្ចុប្បន្នភាពស្ដីពីវីរុសប្រចាំសប្ដាហ៍របស់ខ្លួនថា គេរំពឹងថាវីរុសនេះនឹងប្រកួតប្រជែងជាមួយវីរុសបម្លែងខ្លួនថ្មីដទៃទៀតយ៉ាងឆាប់រហ័ស និងក្លាយជាខ្សែស្រឡាយដែលកំពុងរីករាលដាលខ្លាំងនៅក្នុងប៉ុន្មានខែខាងមុខនេះ។ក្នុងចំណោមការព្រួយបារម្ភ ទាក់ទងនឹងវីរុសផ្លូវដង្ហើមកូរ៉ូណាបម្លែងខ្លួនថ្មីចំនួន ៣ផ្សេងទៀតគឺ Alpha ដែលត្រូវបានគេរកឃើញដំបូងនៅក្នុងចក្រភពអង់គ្លេស ត្រូវបានគេរាយការណ៍កំពុងឆ្លងរាលដាលនៅក្នុងដែនដីចំនួន ១៨០ កើនឡើងចំនួន ៦ប្រទេសលើសពីសប្ដាហ៍មុន។ វីរុសបម្លែងខ្លួនថ្មី Beta ដែលត្រូវបានរកឃើញដំបូងនៅអាហ្វ្រិកខាងត្បូង ត្រូវបានគេរាយការណ៍នៅក្នុងដែនដីចំនួន ១៣០ កើនឡើង ៧ប្រទេស និងដែនដី រីឯវីរុសបម្លែងខ្លួនថ្មី Gamma ដែលត្រូវបានរកឃើញដំបូងនៅក្នុងប្រេស៊ីល កំពុងឆ្លងរាលដាលនៅក្នុងប្រទេស និងដែនដីចំនួន ៧៨ កើនឡើង ៣ប្រទេស៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់

ម៉ាឡេស៊ីកត់ត្រាករណីស្លាប់ប្រចាំថ្ងៃដោយសារជំងឺ COVID-19 ខ្ពស់បំផុត ១៩៩នាក់ ខណៈករណីឆ្លងធ្លាក់ចុះ

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ្នក​ស្លាប់​ដោយសារ​ទឹកជំនន់ និង​បំណាក់​ដី​បង្ក​ពី​ភ្លៀង​រដូវ​មូសុង​នៅ​ឥណ្ឌា​ឡើង​ដល់ ​១៩៨​នាក់​

ប្រទេស​ម៉ាឡេស៊ី​មាន​ករណី​ឆ្លង​វីរុស COVID-19 ជាង ​១​លាន​នាក់

ភ្លើង​ឆេះ​ព្រៃ​ដ៏​ធំ​បំផុត​នៅ​រដ្ឋ California បាន​ឆេះ​បំផ្លាញ​លំនៅឋាន​ជាច្រើន​ខ្នង​

មនុស្ស​ ១៥៩​នាក់​ស្លាប់​ក្នុង​បំណាក់​ដី​ និង​ទឹក​ជំនន់​រដូវ​មូសុង​នៅ​ប្រទេស​ឥណ្ឌា​ភាគ​ខាងលិច​

កីឡា​អូឡាំពិក​ក្រុង​តូ​ក្យូ​២០២០​ ដែល​ពន្យារពេលបើក​ជា​ផ្លូវការ​

WHO៖ ព្រមាន​ពី​ផល​ប៉ះ​ពាល់​រយៈពេល​វែង​មក​លើ​សុខភាព​ខួរក្បាល​ពី​ការ​ឆ្លង​វីរុស COVID-19

ប្រជាពលរដ្ឋ​ពេញវ័យ​ក្រុង​ប៉េកាំង​ជាង ៩០% បាន​ចាក់​វ៉ាក់សាំង​ប្រឆាំង​ជំងឺ COVID-19 គ្រប់​ដូ​ស​

ប្រទេស​ឥណ្ឌា​កត់ត្រា​ករណី​ឆ្លង​ជំងឺ​ផ្សិត​ខ្មៅ​ជាង ៤៥.០០០​នាក់​

WHO៖​ វីរុស COVID-19 ប​ម្លែ​ង​ខ្លួន​ថ្មី Delta នឹង​មាន​ឥទ្ធិពល​ចម្លង​ខ្លាំង​ក្នុង​ប៉ុន្មាន​ខែ​ខាងមុខ​ទៀត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត