BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ចិន៖ អ្នកនាំពាក្យក្រសួងការបរទេសចិន បានបញ្ជាក់ជាថ្មីម្តងទៀតនូវការជំទាស់របស់ប្រទេសខ្លួន ចំពោះផែនការរបស់អង្គការសុខភាពពិភពលោក ក្នុងការសិក្សាបន្ថែមទៀតនៅក្នុងប្រទេសចិនអំពីប្រភពដើមនៃវីរុសកូរ៉ូណា។លោក Zhao Lijian បានពិភាក្សាអំពីបញ្ហានេះកាលពីថ្ងៃព្រហស្បតិ៍ បន្ទាប់ពីរដ្ឋមន្ត្រីការបរទេសអាមេរិក លោក Antony Blinken បានបង្ហាញការគាំទ្រចំពោះផែនការរបស់អង្គការសុខភាពពិភពលោកកាលពីថ្ងៃពុធ។ លោក Zhao បានចង្អុលបង្ហាញថា ក្រុមអ្នកជំនាញរបស់អង្គការសុខភាពពិភពលោក បានធ្វើការសិក្សានៅទីក្រុងអ៊ូហានកាលពីដើមឆ្នាំនេះ និងបានចេញផ្សាយរបាយការណ៍មួយរួចហើយកាលពីខែមីនា។ លោកបាននិយាយថា ចាប់តាំងពីពេលនោះមកប្រទេសចិនបានណែនាំដល់ទីភ្នាក់ងារ និងក្រុមអ្នកវិទ្យាសាស្ត្រដែលពាក់ព័ន្ធរបស់ខ្លួន ពិនិត្យមើលព័ត៌មានបន្ថែមណាមួយដែលអាចត្រូវការ។លោកបានសង្កត់ធ្ងន់ថា របាយការណ៍របស់អង្គការសុខភាពពិភពលោកកាលពីខែមីនា បានបង្ហាញការសន្និដ្ឋានយ៉ាងច្បាស់រួចហើយ ហើយវិធាននេះបង្ហាញថា មិនចាំបាច់តម្រូវឲ្យមានការសិក្សាបន្ថែមទៀតទេ។ លោកបានចង្អុលបង្ហាញថា វាអាចទៅរួចដែលថា វីរុសនេះពិតជាអាចធ្លាយចេញពីមន្ទីរពិសោធន៍មួយនៅសហរដ្ឋអាមេរិក។ លោកបន្ថែមថា ប្រសិនបើសហរដ្ឋអាមេរិកគាំទ្រកិច្ចខិតខំប្រឹងប្រែងរបស់ WHO ដោយស្មោះដើម្បីកំណត់ប្រភពដើមវីរុសនេះ នោះអាមេរិកគួរតែទទួលយកក្រុមការងាររបស់ WHO ចូលក្នុងប្រទេសរបស់ខ្លួនទៅ៕អត្ថបទ៖ សុខមាន

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

អាហ្វហ្គានីស្ថាន៖ ប្រជាជននៅតំបន់ដាច់ស្រយាលមួយ នៃភាគខាងកើតប្រទេសអាហ្វហ្គានីស្ថានត្រូវបានកប់ក្រោមល្បប់ និងកម្ទេចកំទី ខណៈដែលមានភ្លៀងធ្លាក់ខ្លាំងបង្កជាទឹកជំនន់ភ្លាមៗនៅពេលយប់។គេនិយាយថា កុមារ និងស្ត្រីស្ថិតក្នុងចំណោមជនរងគ្រោះនៅក្នុងទីក្រុង Kamdesh ហើយយ៉ាងហោចណាស់មានមនុស្ស ៦០នាក់បានស្លាប់ និងរាប់សិបនាក់ទៀតកំពុងបាត់ខ្លួន និងផ្ទះជាច្រើនខ្នងត្រូវបានបំផ្លាញ។ តំបន់គ្រោះមហន្តរាយនេះត្រូវបានកាន់កាប់ដោយពួកសកម្មប្រយុទ្ធតាលីបង់ ដែលកំពុងប្រយុទ្ធជាមួយរដ្ឋាភិបាល។ កិច្ចពិភាក្សាកំពុងត្រូវបានធ្វើឡើង ដើម្បីព្យាយាមបញ្ជូនក្រុមជួយសង្គ្រោះចូលទៅក្នុងតំបន់ ដែលធម្មតាពិបាកទៅដល់។ ទីភ្នាក់ងារព័ត៌មាន AP រាយការណ៍ថា មន្ត្រីអាហ្វហ្គានីស្ថានបានប្រាប់ឲ្យដឹងថា មានមនុស្សស្លាប់ចំនួន ៦០នាក់ ប៉ុន្តែក្រុមតាលីបង់និយាយថា មនុស្ស ១៥០នាក់បានស្លាប់នៅក្នុងគ្រោះទឹកជំនន់នេះ។វិស្វករម្នាក់ដែលកំពុងធ្វើការនៅខេត្ត Nuristan របស់ទីក្រុង Kamdesh បានប្រាប់អ្នកកាសែតអាហ្វហ្គានីស្ថានថា ចំនួនអ្នកស្លាប់ចុងក្រោយអាចលើសពី ២០០នាក់។ សារព័ត៌មាន AP បានរាយការណ៍ថា ក្រុមតាលីបង់និយាយថា ពួកគេបានបញ្ជូនក្រុមជួយសង្គ្រោះផ្ទាល់ខ្លួនរបស់ពួកគេទៅជួយ ដោយសន្យាផ្ដល់មូលនិធិជួយសង្គ្រោះដែលមានទំហំទឹកប្រាក់ប្រហែល ៦២.០០០ដុល្លារអាមេរិក៕អត្ថបទ៖ សុខមាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ភ្នំពេញ៖ វ៉ាក់សាំងកូវីដ-១៩ Johnson & Johnson ដែលជាជំនួយរបស់រដ្ឋាភិបាល និងប្រជាជនអាមេរិក តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជាយើងហើយ នៅថ្ងៃទី៣០ ខែកក្កដា ឆ្នាំ២០២១នេះ។តាមរយៈមជ្ឈមណ្ឌលកូវ៉ាក់ សហរដ្ឋអាមេរិក បានប្រកាសផ្តល់វ៉ាក់សាំងចំនួន ១លានដូសដល់រាជរដ្ឋាភិបាល និងប្រជាជនកម្ពុជា។ វ៉ាក់សាំងដែលមកដល់ថ្ងៃនេះ មានចំនួន ៥០ម៉ឺនដូស ដោយឡែកចំនួន ៥០ម៉ឺនដូស នឹងដឹកមកដល់នៅថ្ងៃទី០២ ខែសីហាខាងមុខ។ អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅក្នុងតំបន់ ក្នុងពេលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។វ៉ាក់សាំង គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ១៩ ដែលកំពុងរីករាលដាលលើពិភពលោក។ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខនោះ ក៏បានដាក់ចេញផែនការផ្តល់វ៉ាក់សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំងនឹងជំងឺកូវីដ-១៩។ កម្ពុជា ក៏បានស្វះស្វែងយ៉ាងខ្លាំងក្នុងការរកវ៉ាក់សាំងមកចាក់ជូនប្រជាពលរដ្ឋ។ មកដល់ពេលពេលបច្ចុប្បន្ននេះ រកបានវ៉ាក់សាំងជាង ១៧លានដូសហើយ ដែលក្នុងនោះមានទាំងការផ្តល់ជំនួយ និងការបញ្ជាទិញ។ដើម្បីចូលរួមប្រយុទ្ធប្រឆាំងនឹងការរាតត្បាតជំងឺកូវីដ១៩នៅកម្ពុជា មានប្រទេសជាមិត្តចំនួន៤ហើយ បានផ្តល់ និងប្រកាសផ្តល់ជំនួយវ៉ាក់សាំងមកកម្ពុជា។ ប្រទេសដែលបានផ្តល់ និងបានប្រកាសផ្តល់រួមមាន៖ ចិន ផ្តល់វ៉ាក់សាំងជាង ២លានដូស ជប៉ុន ១លានដូស អាមេរិក ១លានដូស និងអង់គ្លេស ៤១ម៉ឺន ៥ពាន់ដូស៕

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

គុយវ៉ែត៖ រដ្ឋមន្ត្រីក្រសួងការបរទេសសហរដ្ឋអាមេរិក លោក Antony Blinken បានជួបជាមួយប្រមុខអង្គការសុខភាពពិភពលោកគឺលោក Tedros Adhanom Ghebreyesus នៅប្រទេសគុយវ៉ែតកាលពីថ្ងៃពុធ ទី២៨ ខែកក្កដា ជាទីដែលលោកបានសន្យាគាំទ្រដល់ការស៊ើបអង្កេត របស់ទីភ្នាក់ងារអង្គការសហប្រជាជាតិនៅប្រទេសចិន ចំពោះប្រភពដើមនៃវីរុសរាតត្បាតកូរ៉ូណា។ លោក Blinken បានសរសេរនៅលើបណ្ដាញធ្វីតធ័រ បន្ទាប់ពីបានទៅដល់រដ្ឋឈូងសមុទ្រអារ៉ាប់ថា សហរដ្ឋអាមេរិកគាំទ្រផែនការរបស់អង្គការសុខភាពពិភពលោក សម្រាប់ការសិក្សាបន្ថែមអំពីប្រភពដើមនៃវីរុស Covid-19 រួមទាំងនៅក្នុង (សាធារណរដ្ឋប្រជាមានិតចិន) ដើម្បីស្វែងយល់ឲ្យកាន់តែច្បាស់ពីជំងឺរាតត្បាតសកលនេះ និងទប់ស្កាត់ការឆ្លងរាលដាលនានានៅពេលអនាគត។ ជំនួបជាមួយលោក Tedros មិនស្ថិតនៅក្នុងកាលវិភាគ ដែលបានចេញផ្សាយរបស់អ្នកការទូតអាមេរិកទេ។ នៅក្នុងសេចក្ដីថ្លែងការណ៍មួយ អ្នកនាំពាក្យក្រសួងការបរទេសអាមេរិក លោក Ned Price បាននិយាយថា លោក Blinken បានសង្កត់ធ្ងន់លើភាពចាំបាច់សម្រាប់ដំណាក់កាលបន្ទាប់ នៃការស៊ើបអង្កេតនេះឱ្យបានទាន់ពេលវេលា ផ្អែកលើភស្តុតាង តម្លាភាព ប្រកបដោយជំនាញ និងគ្មានការជ្រៀតជ្រែក។អង្គការសុខភាពពិភពលោកគ្រាន់តែអាចបញ្ជូន ក្រុមអ្នកជំនាញអន្តរជាតិឯករាជ្យទៅទីក្រុងអ៊ូហាន ក្នុងខែមករាជាងមួយឆ្នាំបន្ទាប់ពីវីរុស Covid-19 បានផ្ទុះជាលើកដំបូងនៅទីនោះ ដើម្បីជួយសមភាគីចិនស៊ើបអង្កេតប្រភពដើម នៃជំងឺរាតត្បាតសកលនេះ។ កាលពីថ្ងៃទី២២ ខែកក្កដាកន្លងទៅនេះ មន្ត្រីជាន់ខ្ពស់សុខាភិបាលចិនបាននិយាយថា ប្រទេសចិនមិនអាចទទួលយកផែនការរបស់អង្គការសុខភាពពិភពលោក សម្រាប់ដំណាក់កាលទី២ នៃការសិក្សាអំពីប្រភពដើមនៃវីរុស Covid-19 ឡើយ៕អត្ថបទ៖ សុខមាន

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

ទ្វីបអាមេរិក៖ អង្គការសុខភាពប្រចាំទ្វីបអាមេរិក (PAHO) បាននិយាយកាលពីថ្ងៃពុធថា ជំងឺ COVID-19 នៅតែបន្តបង្កមហន្តរាយនៅទ្វីបអាមេរិក ខណៈប្រទេសអាហ្សង់ទីន កូឡុំប៊ី គុយបា អេក្វាឌ័រ និងប៉ារ៉ាហ្គាយស្ថិតក្នុងចំណោមបណ្ដាប្រទេស ដែលមានអត្រាអ្នកស្លាប់ប្រចាំសប្ដាហ៍ខ្ពស់បំផុតនៅលើពិភពលោក។លោកស្រី Carissa Etienne នាយកអង្គការសុខភាពប្រចាំទ្វីបអាមេរិក បាននិយាយនៅក្នុងសន្និសីទសារព័ត៌មានខ្លីមួយថា ករណីឆ្លងជាច្រើនបានកើនឡើងទ្វេដងនៅក្នុងសហរដ្ឋអាមេរិកក្នុងរយៈពេលមួយសប្ដាហ៍កន្លងមកនេះ ជាពិសេសក្នុងចំណោមមនុស្សដែលមិនបានចាក់វ៉ាក់សាំង។ លោកស្រីបាននិយាយថា ការឆ្លងវីរុសកូរ៉ូណាបម្លែងខ្លួនថ្មី Delta កាន់តែច្រើនត្រូវបានគេរកឃើញនៅក្នុងប្រទេសចំនួន ២០ ក្នុងចំណោម ៣៥ប្រទេសនៅក្នុងទ្វីបអាមេរិក។ លោកស្រីថា ប្រទេសគុយបាកំពុងមើលឃើញអត្រាឆ្លងវីរុស COVID-19 ខ្ពស់ជាងគេ និងអត្រាមរណភាពខ្ពស់ជាងចំណុចផ្សេងទៀត នៃជំងឺរាតត្បាតសកលនៅទីនោះ។ លោកស្រីបន្ថែមថា អនីតិជនជាង ៧.០០០នាក់ និងស្ត្រីមានផ្ទៃពោះជិត ៤០០នាក់បានធ្វើតេស្តវិជ្ជមាននៅក្នុងប្រទេសនោះកាលពីសប្ដាហ៍មុន។ក្នុងរយៈពេលមួយសប្តាហ៍ចុងក្រោយនេះមានករណីឆ្លងជំងឺ COVID-19 ចំនួន ១លាន ២៦ម៉ឺននាក់ ហើយមានអ្នកស្លាប់ជិត ២៩.០០០នាក់នៅក្នុងទ្វីបអាមេរិក។ ការឆ្លងវីរុសដ៏ខ្លាំងក្លាបំផុតត្រូវបានគេរាយការណ៍នៅក្នុងខេត្តមួយចំនួនរបស់ប្រទេសអាហ្សង់ទីន ដែលមានព្រំដែនជាប់ប្រទេសបូលីវី និងឈីលី និងនៅតំបន់អាម៉ាហ្សូនរបស់ប្រទេសកូឡុំប៊ី៕ អត្ថបទ៖ សុខមាន

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

មីយ៉ាន់ម៉ា៖ ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃពុធ ទី២៨ ខែកក្កដាថា ក្រុមអាជ្ញាធរយោធានៅសហភាពមីយ៉ាន់ម៉ា កំពុងស្វែងរកជំនួយពីសហគមន៍អន្តរជាតិដើម្បីប្រយុទ្ធប្រឆាំងនឹងវីរុសកូរ៉ូណា ខណៈប្រទេសក្រីក្រមួយនេះសម្លឹងហួសពីសម្ព័ន្ធមិត្តចិន ក្នុងការតស៊ូដើម្បីយកឈ្នះរលកថ្មី។ប្រទេសនេះស្ថិតក្នុងភាពច្របូកច្របល់ ចាប់តាំងពីយោធាបានដណ្ដើមកាន់កាប់អំណាចកាលពីខែកុម្ភៈ ដោយមានមន្ទីរពេទ្យជាច្រើនខ្វះសម្ភារៈបរិក្ខារពេទ្យ ក្នុងការទប់ទល់នឹងករណីឆ្លងចេះតែកើនឡើង បន្ទាប់ពីបុគ្គលិកពេទ្យជាច្រើន បានដើរចូលក្នុងក្បួនតវ៉ាប្រឆាំងរដ្ឋប្រហារ។ ការបញ្ជាឱ្យស្នាក់នៅផ្ទះដែលប៉ះពាល់ដល់មនុស្សរាប់លាននាក់ បានបរាជ័យក្នុងការបញ្ឈប់ការកើនឡើងនេះ ដោយការបូជាសពកំពុងធ្វើការតាមសមត្ថភាព និងក្រុមអ្នកស្ម័គ្រចិត្តកំពុងដើរប្រមូលសាកសព មនុស្សដែលបានស្លាប់នៅក្នុងផ្ទះរបស់ពួកគេ។មេដឹកនាំរបបយោធា លោក Min Aung Hlaing កំពុងប្រាប់កិច្ចប្រជុំដែលមានការសម្របសម្រួល ដើម្បីបង្កើនកិច្ចសហប្រតិបត្តិការជាមួយសហគមន៍អន្តរជាតិថា មីយ៉ាន់ម៉ាគួរតែស្វែងរកថវិកាពីមូលនិធិឆ្លើយនឹងវីរុស COVID-19 ដែលបង្កើតឡើងដោយអាស៊ាន។ គួរឲ្យដឹងថា គិតត្រឹមព្រឹកថ្ងៃព្រហស្បតិ៍នេះ សហភាពមីយ៉ាន់ម៉ាមានករណីឆ្លងវីរុស COVID-19 ចំនួន ២៨៤,០៩៩នាក់បន្ទាប់ពីមានករណីឆ្លងថ្មី ៤,៩៨០នាក់ និងស្លាប់ចំនួន ៨,២១០នាក់បន្ទាប់ពីមានមនុស្សស្លាប់ចំនួន ៣៦៥នាក់បន្ថែមទៀត៕អត្ថបទ៖ សុខមាន

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស

បង់ក្លាដែស៖ មន្ត្រីម្នាក់បាននិយាយកាលពីថ្ងៃអង្គារថា យ៉ាងហោចណាស់មានជនភៀសខ្លួនរ៉ូហ៊ីងយ៉ា ៥នាក់បានស្លាប់នៅក្នុងបំណាក់ដី ដែលបង្កឡើងដោយភ្លៀងធ្លាក់ខ្លាំងនៅក្នុងជំរំមួយនៅភាគខាងត្បូងប្រទេសបង់ក្លាដែស ដែលជាកន្លែងជនភៀសខ្លួនជាង ១លាននាក់មកពីប្រទេសជិតខាងមីយ៉ាន់ម៉ាត្រូវបានជ្រកកោន។លោក Shamsud Douza ស្នងការទទួលបន្ទុកជនភៀសខ្លួនការផ្តល់ជំនួយសង្គ្រោះ និងការធ្វើមាតុភូមិនិវត្តន៍បាននិយាយថា ក្មេងម្នាក់ក៏ត្រូវបានទឹកជំនន់ហូរនាំទៅនៅក្នុងប្រឡាយមួយនៅអ៊ុយគីយ៉ា (Ukhiya) ផងដែរ។ ការិយាល័យអាកាសធាតុរបស់ប្រទេសបង់ក្លាដែសបានព្យាករណ៍ថា នឹងមានភ្លៀងធ្លាក់បន្ថែមទៀតនៅប៉ុន្មានសប្ដាហ៍ខាងមុខនេះ។ ជនជាតិភាគតិចរ៉ូហ៊ីងយ៉ាប្រមាណ ៧០ម៉ឺននាក់បានភៀសខ្លួនទៅកាន់ជំរំជនភៀសខ្លួន Cox's Bazar ក្នុងប្រទេសបង់ក្លាដែសបន្ទាប់ពីខែសីហា ឆ្នាំ២០១៧ នៅពេលដែលយោធាសហភាពមីយ៉ាន់ម៉ាកាន់ព្រះពុទ្ធសាសនាភាគច្រើន បានចាប់ផ្ដើមការបង្ក្រាបយ៉ាងសាហាវទៅលើក្រុមមូស្លីម បន្ទាប់ពីការវាយប្រហាររបស់ក្រុមបះបោរ។ ការបង្ក្រាបនេះរួមមានការចាប់រំលោភ ការសម្លាប់ និងការដុតបំផ្លាញផ្ទះសម្បែងរាប់ពាន់ខ្នង និងត្រូវបានក្រុមសិទ្ធិមនុស្សសកល និងអង្គការសហប្រជាជាតិហៅថា ជាការសម្លាប់ផ្ដាច់ពូជ៕អត្ថបទ៖ សុខមាន

កូរ៉េខាងត្បូងរាយការណ៍ករណីឆ្លងថ្មីជំងឺ COVID-19 ប្រចាំថ្ងៃខ្ពស់បំផុត ខណៈរលកទី៤ វាយលុក

កូរ៉េខាងត្បូង៖ កូរ៉េខាងត្បូងនៅថ្ងៃពុធនេះបានរាយការណ៍ករណីឆ្លងថ្មីនៃជំងឺ COVID-19 ចំនួន ១,៨៩៦នាក់កាលពីថ្ងៃអង្គារ ជាការហក់ឡើងខ្ពស់បំផុតនៃចំនួនឆ្លងប្រចាំថ្ងៃមិនធ្លាប់មាន ខណៈប្រទេសនេះព្យាយាមទប់ទល់នឹងរលកទី៤ នៃការផ្ទុះរាលដាលបង្កឡើងដោយវីរុសកូរ៉ូណាបម្លែងខ្លួនថ្មី Delta។ចំនួនករណីឆ្លងសរុបប្រចាំថ្ងៃបានបំបែកកំណត់ត្រាចាស់កាលពីថ្ងៃទី២២ ខែកក្កដា ខណៈការឆ្លងបានរីករាលដាលហួសពីរដ្ឋធានីសេអ៊ូល និងតំបន់ជិតខាងនានារបស់ខ្លួន ជាទីដែលវិធានការគម្លាតសុវត្ថិភាពសង្គមតឹងរ៉ឹងបំផុតត្រូវបានដាក់ចេញ។ យោងតាមទីភ្នាក់ងារគ្រប់គ្រង និងបង្ការជំងឺកូរ៉េ (KDCA) មានករណីឆ្លងក្នុងស្រុកចំនួន ១.៨២៣នាក់កាលពីថ្ងៃអង្គារ និង ៣៣.៥% ឬ ៦១១ករណីមកពីតំបន់ផ្សេងៗក្រៅរាជធានី។នេះជាលើកទី១ ហើយដែលករណីឆ្លងនៅក្រៅតំបន់ទីក្រុងសេអ៊ូលមានចំនួនលើសពី ៦០០នាក់ចាប់តាំងពីរលកវីរុស COVID-19 ដំបូងផ្ទុះឡើងពីព្រះវិហារមួយនៅភាគអាគ្នេយ៍ទីក្រុង Daegu។ គិតត្រឹមព្រឹកថ្ងៃពុធនេះ ប្រទេសកូរ៉េខាងត្បូងមានករណីឆ្លងវីរុស COVID-19 ចំនួន ១៩១,៥៣១នាក់បន្ទាប់ពីមានករណីឆ្លងថ្មី ១,៣៦៥នាក់ និងស្លាប់ចំនួន ២,០៧៩នាក់៕អត្ថបទ៖ សុខមាន

UN ព្រមានពីការស្លាប់ជនស៊ីវិលអាហ្វហ្គានីស្ថានដែលមិនធ្លាប់មានពីការវាយលុករបស់ពួកតាលីបង់

អាហ្វហ្គានីស្ថាន៖ អង្គការសហប្រជាជាតិបានព្រមានកាលពីថ្ងៃចន្ទ ទី២៦ ខែកក្កដាថា ប្រទេសអាហ្វហ្គានីស្ថានអាចមើលឃើញពីចំនួនជនស៊ីវិលស្លាប់ ខ្ពស់បំផុតក្នុងរយៈពេលជាងមួយទសវត្សរ៍ ប្រសិនបើការវាយលុករបស់ក្រុមតាលីបង់នៅទូទាំងប្រទេស មិនត្រូវបានបញ្ឈប់ទេនោះ។អំពើហិង្សាបានកើនឡើងចាប់តាំងពីដើមខែឧសភា នៅពេលក្រុមបះបោរបានបើកប្រតិបត្តិការ ស្របពេលនឹងការដកទ័ពចុងក្រោយរបស់កងកម្លាំងបរទេស ដឹកនាំដោយសហរដ្ឋអាមេរិក។ នៅក្នុងរបាយការណ៍មួយដែលបានចេញផ្សាយកាលពីថ្ងៃចន្ទ ស្តីពីការស្លាប់ជនស៊ីវិលសម្រាប់ឆមាសទី១ នៃឆ្នាំ២០២១ បេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន (UNAMA) បាននិយាយថា ខ្លួនរំពឹងថា តួលេខនេះនឹងដល់កម្រិតខ្ពស់បំផុតក្នុងរយៈពេល ១ឆ្នាំរបស់ពួកគេ ចាប់តាំងពីបេសកកម្មបានចាប់ផ្ដើមរាយការណ៍ អស់រយៈពេលជាង ១ទសវត្សរ៍កន្លងមក។ ប្រមុខបេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន លោកស្រី Deborah Lyons បាននិយាយនៅក្នុងសេចក្ដីថ្លែងការអមជាមួយរបាយការណ៍ថា ចំនួនជនស៊ីវិលអាហ្វហ្គានីស្ថានដ៏ច្រើនមិនធ្លាប់មាននឹងត្រូវបាត់បង់ ហើយនឹងនៅតែបន្តនៅឆ្នាំនេះប្រសិនបើអំពើហិង្សា ដែលចេះតែកើនឡើងមិនត្រូវបានទប់ស្កាត់ទេនោះ។ខ្ញុំសូមអង្វរដល់មេដឹកនាំតាលីបង់ និងអាហ្វហ្គានីស្ថានឲ្យយកចិត្តទុកដាក់លើភាពធ្ងន់ធ្ងរក្នុងជម្លោះ និងការប៉ះទង្គិចដ៏សាហាវ និងការបង្កមហន្តរាយដល់ជនស៊ីវិល។ របាយការណ៍របស់ UNAMA បាននិយាយថា ក្នុងឆមាសទី១ នៃឆ្នាំ២០២១ ជនស៊ីវិលប្រមាណ ១.៦៥៩នាក់បានស្លាប់ និង ៣.២៥៤នាក់ទៀតរងរបួស កើនឡើង ៤៧% បើធៀបនឹងរយៈពេលដូចគ្នាកាលពីឆ្នាំមុន៕អត្ថបទ៖ សុខមាន

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ

អឺរ៉ុប៖ ខណៈល្បឿននៃការចាក់វ៉ាក់សាំងបង្ការវីរុស Covid-19 នៅសហភាពអឺរ៉ុបបង្ហាញពីសញ្ញានៃការធ្លាក់ចុះ បណ្ដាមេដឹកនាំកំពុងប្រជែងគ្នាដើម្បីស្វែងរកចម្លើយ ចំពោះភាពលំបាកនៃដំណាក់កាលចាក់វ៉ាក់សាំង បន្ទាប់អំពីវិធីសាស្ត្របញ្ចុះបញ្ចូលពលរដ្ឋដែលមានការស្ទាក់ស្ទើរ ក្នុងការទទួលយកវ៉ាក់សាំង។ឥលូវនេះ ខណៈដែលវីរុសបម្លែងខ្លួនថ្មី Delta បានរាលដាលពាសពេញទ្វីបនេះដោយគំរាមកំហែង ធ្វើឱ្យមានការអនុវត្តន៍វិធានការបិទខ្ទប់ម្តងទៀត នៅរដូវក្តៅជាពេលមានការឆ្លងខ្លាំង បណ្ដាមេដឹកនាំខ្លះកំពុងព្យាយាមចាកចេញពីការបិទខ្ទប់នេះ។ កាលពីព្រឹកថ្ងៃចន្ទ សភាបារាំងអនុម័តច្បាប់ដែលតម្រូវឲ្យមាន “កាតសុខភាព” ដែលបង្ហាញពីភស្តុតាងនៃការចាក់វ៉ាក់សាំង ឬការធ្វើតេស្ត PCR អវិជ្ជមានដើម្បីចូលភោជនីយដ្ឋាន បារ និងសម្រាប់ការធ្វើដំណើរតាមរថភ្លើង និងយន្តហោះផ្លូវឆ្ងាយដោយចាប់ផ្ដើមពីខែសីហា។ ប្រធានាធិបតីបារាំង លោក Emmanel Macron បានពន្យល់កាលពីពាក់កណ្ដាលខែកក្កដា នៅពេលដែលលោកបានប្រកាសច្បាប់នេះថា “យើងនឹងបន្ថែមពេលវេលាតម្រូវឲ្យមានកាតសុខភាពឱ្យបានច្រើនតាមដែលអាចធ្វើទៅបាន ដើម្បីជំរុញឱ្យមនុស្សជាច្រើនអាចទៅទទួលវ៉ាក់សាំង។ លោកក៏បាននិយាយផងដែរថា ការចាក់វ៉ាក់សាំងនឹងត្រូវការចាំបាច់ សម្រាប់បុគ្គលិកសុខាភិបាលចាប់ពីថ្ងៃទី១៥ ខែកញ្ញា ហើយបានណែនាំអំពីលទ្ធភាពនៃការចាក់វ៉ាក់សាំងបង្ការសម្រាប់មនុស្សគ្រប់គ្នា ប្រសិនបើការរីករាលដាលកាន់តែធ្ងន់ធ្ងរ។ប្រទេសក្រិកដែលកំពុងប្រឈមនឹងការឆ្លងខ្ពស់ ដែលកំពុងគំរាមកំហែងដល់ការរីកលូតលាស់ នៃឧស្សាហកម្មទេសចរណ៍ដ៏សំខាន់របស់ខ្លួន បានឈានមួយជំហានហួសប្រទេសបារាំង នៅពាក់កណ្ដាលខែកក្កដាមនុស្សដែលមិនបានចាក់វ៉ាក់សាំង មិនឲ្យចូលក្នុងភោជនីយដ្ឋាន បារ ហាងកាហ្វេ និងរោងភាពយន្ត។ ប្រទេសនេះក៏បានបញ្ជាឱ្យចាក់វ៉ាក់សាំងចាំបាច់ សម្រាប់បុគ្គលិកសុខាភិបាលផងដែរ។ ប្រទេសអ៊ីតាលីដែលបានចាក់វ៉ាក់សាំងការពារបុគ្គលិកសុខាភិបាល និងឱសថការីកាលពីខែមេសាបានប្រកាសកាលពីថ្ងៃព្រហស្បតិ៍ថា ខ្លួនក៏នឹងដាក់ការរឹតត្បិតស្រដៀងគ្នានៅក្នុងតំបន់ សម្រាប់ប្រជាជនរបស់ខ្លួនផងដែរ។ សារដែលក្នុងនាមជារដ្ឋាភិបាលគឺយើងចង់ឲ្យប្រជាជនទៅចាក់វ៉ាក់សាំង! ចាក់វ៉ាក់សាំង! ចាក់វ៉ាក់សាំង! នេះបើតាមការឲ្យដឹងពីរដ្ឋមន្ត្រីក្រសួងសុខាភិបាលរបស់ប្រទេសនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស

កូរ៉េខាងត្បូងរាយការណ៍ករណីឆ្លងថ្មីជំងឺ COVID-19 ប្រចាំថ្ងៃខ្ពស់បំផុត ខណៈរលកទី៤ វាយលុក

UN ព្រមានពីការស្លាប់ជនស៊ីវិលអាហ្វហ្គានីស្ថានដែលមិនធ្លាប់មានពីការវាយលុករបស់ពួកតាលីបង់

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​៖​ មិន​ចាំ​បាច់​មាន​ការ​ស៊ើបអង្កេត​រក​ប្រភព​ដើម​វីរុស COVID-19 ​ដំណាក់កាល​ទី​២ ​របស់ WHO ទេ​

ទឹកជំនន់​សម្លាប់​មនុស្ស​ ៦០​នាក់​នៅ​ខេត្ត​ដាច់ស្រយាល​របស់​អា​ហ្វ​ហ្គា​នី​ស្ថាន​

វ៉ាក់សាំងកូវីដ-១៩ ជាជំនួយ​របស់​សហរដ្ឋ​អាមេរិក​បាន​មក​ដល់​កម្ពុជា​ហើយ​

ប្រមុខ​ការទូត​អាមេរិក​ជួប​ប្រមុខ WHO គាំទ្រ​ដល់​ការសិក្សា​ប្រភព​ដើម​នៃ​វីរុស​ COVID-19

ទីភ្នាក់ងារ​សុខភាព​៖ ​វីរុស COVID-19 នៅតែ​កំពុង​បង្ក​មហន្តរាយ​ខ្លាំង​នៅ​ក្នុង​ទ្វីប​អាមេរិក​

មី​យ៉ាន់​ម៉ា​ស្វះ​ស្វែងរក​ជំនួយ​អន្តរជាតិ ខណៈ​វីរុស COVID-19 វាយលុក​កាន់​តែ​ខ្លាំង​

ជនជាតិភាគតិច​រ៉ូ​ហ៊ីង​យ៉ា​ ៥​នាក់​ស្លាប់​ក្នុង​បំណាក់​ដី​នៅ​ជំរំ​ជនភៀសខ្លួន​បង់​ក្លា​ដែ​ស​

កូរ៉េខាងត្បូង​រាយការណ៍​ករណី​ឆ្លង​ថ្មី​ជំងឺ COVID-19​ ប្រចាំថ្ងៃ​ខ្ពស់​បំផុត ខណៈ​រលក​ទី​៤ ​វាយលុក​

បណ្ដា​មេដឹកនាំ​អឺរ៉ុប​គំរាម​អនុវត្តន៍​វិធាន​ការ​បិទ​ខ្ទប់​ ខណៈ​ដំណើរ​ការ​ចាក់​វ៉ាក់សាំង​យឺតយ៉ាវ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិន៖ មិនចាំបាច់មានការស៊ើបអង្កេតរកប្រភពដើមវីរុស COVID-19 ដំណាក់កាលទី២ របស់ WHO ទេ

ទឹកជំនន់សម្លាប់មនុស្ស ៦០នាក់នៅខេត្តដាច់ស្រយាលរបស់អាហ្វហ្គានីស្ថាន

វ៉ាក់សាំងកូវីដ-១៩ ជាជំនួយរបស់សហរដ្ឋអាមេរិកបានមកដល់កម្ពុជាហើយ

ប្រមុខការទូតអាមេរិកជួបប្រមុខ WHO គាំទ្រដល់ការសិក្សាប្រភពដើមនៃវីរុស COVID-19

ទីភ្នាក់ងារសុខភាព៖ វីរុស COVID-19 នៅតែកំពុងបង្កមហន្តរាយខ្លាំងនៅក្នុងទ្វីបអាមេរិក

មីយ៉ាន់ម៉ាស្វះស្វែងរកជំនួយអន្តរជាតិ ខណៈវីរុស COVID-19 វាយលុកកាន់តែខ្លាំង

ជនជាតិភាគតិចរ៉ូហ៊ីងយ៉ា ៥នាក់ស្លាប់ក្នុងបំណាក់ដីនៅជំរំជនភៀសខ្លួនបង់ក្លាដែស

កូរ៉េខាងត្បូងរាយការណ៍ករណីឆ្លងថ្មីជំងឺ COVID-19 ប្រចាំថ្ងៃខ្ពស់បំផុត ខណៈរលកទី៤ វាយលុក

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ