BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ៥២នាក់ស្លាប់ និង ២២នាក់រងរបួសក្នុងហេតុការណ៍អគ្គិភ័យឆេះមន្ទីរពេទ្យព្យាបាលអ្នកជំងឺ COVID-19 នៅអ៊ីរ៉ាក់

អ៊ីរ៉ាក់៖ មន្ត្រីសុខាភិបាល និងនគរបាលបាននិយាយកាលពីថ្ងៃចន្ទថា មនុស្សយ៉ាងហោចណាស់ ៥២នាក់បានស្លាប់ និង ២២នាក់បានរងរបួសនៅក្នុងអគ្គិភ័យ ដែលទំនងជាបណ្ដាលមកពីការផ្ទុះធុងអុកស៊ីសែននៅមន្ទីរពេទ្យព្យាបាលវីរុសកូរ៉ូណា ក្នុងទីក្រុង Nassiriya ភាគខាងត្បូងរបស់ប្រទេសអ៊ីរ៉ាក់។ការិយាល័យនាយករដ្ឋមន្ត្រីបាននិយាយនៅក្នុងសេចក្ដីថ្លែងការណ៍មួយថា ខណៈក្រុមអ្នកជួយសង្គ្រោះបានចូលទៅក្នុងអគារដែលគ្របដណ្ដប់ដោយផ្សែង ដើម្បីស្វែងរកសាកសពបន្ថែមទៀតនោះ លោកនាយករដ្ឋមន្ត្រី Mustafa al-Kadhimi បានជួបប្រជុំជាបន្ទាន់ជាមួយរដ្ឋមន្ត្រីជាន់ខ្ពស់ និងបានបញ្ជាឲ្យផ្អាក និងចាប់ខ្លួនអ្នកគ្រប់គ្រងមន្ទីរពេទ្យ និងការពារស៊ីវិលនៅក្នុងទីក្រុង Nassiriya។ដោយត្រូវបានបំផ្លាញរួចទៅហើយដោយសារសង្គ្រាម និងទណ្ឌកម្ម ប្រព័ន្ធសុខាភិបាលនៅអ៊ីរ៉ាក់បានតស៊ូដើម្បីដោះស្រាយវិបត្តិវីរុសកូរ៉ូណា ដែលបានសម្លាប់មនុស្សចំនួន ១៧.៥៩២នាក់ និងឆ្លងជាង ១លាន ៤សែននាក់។ អ្នកយកសារព័ត៌មាន Reuters បាននិយាយថា ក្រុមសាច់ញាតិដែលពោរពេញដោយកំហឹង បានប្រមូលផ្ដុំគ្នានៅខាងមុខមន្ទីរពេទ្យ និងប៉ះទង្គិចជាមួយនគរបាល ដោយបានដុតបំផ្លាញរថយន្តនគរបាលចំនួន ២គ្រឿង៕ អត្ថបទ៖ សុខមាន

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

ភ្នំពេញ៖ អគ្គរាជទូតជប៉ុនប្រចាំកម្ពុជា លោក មិកាមិ ម៉ាសាហ៊ីរ៉ូ បានបញ្ជាក់ថា រដ្ឋាភិបាលជប៉ុនបានសម្រេចផ្ដល់ជំនួយវ៉ាក់សាំងបង្ការជំងឺកូវីដ-១៩ចំនួន ១លានដូសមកដល់កម្ពុជាដោយផ្អែកលើស្ថានភាពកូវីដ-១៩នាពេលបច្ចុប្បន្ន។អគ្គរាជទូតជប៉ុនរូបនេះ បានបញ្ជាក់បែបនេះនៅក្នុងសេចក្ដីប្រកាសព័ត៌មានចេញនៅថ្ងៃនេះដោយស្ថានទូតជប៉ុនប្រចាំនៅកម្ពុជា។ក្នុងសេចក្ដីប្រកាសព័ត៌មានដដែល ស្ថានទូតជប៉ុនបញ្ជាក់ថា វ៉ាក់សាំងដែលជប៉ុនសម្រេចផ្ដល់ជាជំនួយមកកម្ពុជានេះ គឺជាវ៉ាក់សាំង AstraZeneca ដែលនឹងផ្ដល់មកកម្ពុជាតាមរយៈមជ្ឈមណ្ឌលសម្របសម្រួលការបែងចែកវ៉ាក់សាំងរបស់អង្គការសុខភាពពិភពលោក។លោក មិកាមិ ម៉ាស៊ីហ៊ីរ៉ូ និយាយនៅក្នុងសេចក្ដីប្រកាសព័ត៌មានថា៖ «ខ្ញុំសង្ឃឹមថា ជំនួយនេះនឹងជួយគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងកូវីដ-១៩ ក៏ដូចជាកាត់បន្ថយការព្រួយបារម្ភមួយចំនួនរបស់ប្រជាជនកម្ពុជា»។ស្ថានទូតជប៉ុនបញ្ជាក់ផងដែរថា ជប៉ុនបានផ្ដល់ជំនួយផ្សេងៗមានតម្លៃជាង ៥០លានដុល្លារមកដល់កម្ពុជារួចហើយ ដូចជាការបរិក្ខាពេទ្យ ការកែលម្អមន្ទីរពេទ្យ ការគាំទ្រដល់គម្រោងរបស់អង្គការនានាសម្រាប់ទប់ស្កាត់ការចម្លងជំងឺតាមព្រំដែន និងបរិក្ខាសម្រាប់ដឹកជញ្ជូន និងរក្សាទុកវ៉ាក់សាំង។ស្ថានទូតជប៉ុន បានឱ្យដឹងទៀតថា ជប៉ុនក៏បានផ្ដល់កម្ចីទំហំ ២២៧លានដុល្លារដល់កម្ពុជាផងដែរសម្រាប់ប្រើប្រាស់ក្នុងកម្មវិធីឧបត្ថម្ភសាច់ប្រាក់ដល់ប្រជាជនរងផលប៉ះពាល់ដោយសារកូវីដ-១៩ និងសម្រាប់ពង្រឹងប្រព័ន្ធសុខាភិបាល៕

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

អឺរ៉ុប៖ រលកមួយផ្សេងទៀតនៃការឆ្លងជំងឺ COVID-19 ដែលភាគច្រើនត្រូវបានបង្កឡើងដោយវីរុស COVID-19 បម្លែងខ្លួនថ្មី Delta ត្រូវបានឆ្លងរាតត្បាតទូទាំងទ្វីបអឺរ៉ុប បន្ទាប់ពីការបន្ធូរបន្ថយវិធានការរឹតត្បិត និងការបន្តដំណើរឆ្លងកាត់ព្រំដែន។ស្របពេលដែលប្រទេសមួយចំនួនដែលមិនមានសញ្ញាគួរឱ្យព្រួយបារម្ភ បានសម្រេចចិត្តបន្ធូរបន្ថយវិធានការរឹតត្បិតបន្ថែមទៀត ប្រទេសជាច្រើនបានរឹតបន្តឹងវិធានការអនាម័យ ចំពោះការខកចិត្តរបស់ហ្វូងមនុស្សដែលដើរកម្សាន្តនៅថ្ងៃឈប់សម្រាក ខណៈក្រុមអាជ្ញាធរមិនមានដំណោះស្រាយអ្វីផ្សេងទៀត ទោះបីជាពួកគេពឹងផ្អែកយ៉ាងខ្លាំងលើវិស័យទេសចរណ៍ក៏ដោយ។ ដោយត្រូវបានធានាដោយការចាក់វ៉ាក់សាំងច្រើន មានអ្នកជំងឺចូលសម្រាកព្យាបាលក្នុងបន្ទប់សង្គ្រោះបន្ទាន់កាន់តែតិចជាងមុន និងចំនួនអ្នកស្លាប់ថយចុះចាប់តាំងពីចុងនិទាឃរដូវថ្មីៗនេះ បណ្ដាប្រទេសនៅអឺរ៉ុបជាច្រើនបានប្រកាសបន្ធូរបន្ថយការរឹតត្បិត ដែលត្រូវបានណែនាំដើម្បីបន្ថយការឆ្លងរាលដាលនៃជំងឺ COVID-19។ការសម្រេចចិត្តបែបនេះត្រូវបានអបអរសាទរ ដោយឧស្សាហកម្មទេសចរណ៍ និងបដិសណ្ឋារកិច្ចដែលបានបង្កើតយុទ្ធនាការមួយដែលមានឈ្មោះថា #OpenUpToEurope ខណៈរដូវក្តៅបានចាប់ផ្ដើម។ លោកវេជ្ជបណ្ឌិត Hans Kluge នាយកប្រចាំតំបន់អឺរ៉ុបរបស់អង្គការសុខភាពពិភពលោក បាននិយាយនៅក្នុងសេចក្ដីថ្លែងការណ៍កាលពីថ្ងៃព្រហស្បតិ៍ថា កាលពីសប្ដាហ៍មុនចំនួនករណីឆ្លងបានកើនឡើង ១០% ដោយសារការកើនឡើងនៃការលាយបញ្ចូលគ្នា ការធ្វើដំណើរ ការជួបជុំ និងការបន្ធូរបន្ថយការរឹតត្បិតសង្គម៕អត្ថបទ៖ សុខមាន

ឥណ្ឌូនេស៊ីប្រឈមវិបត្តិកង្វះអុកស៊ីសែន និងអំពាវនាវរកជំនួយបរទេស ខណៈអ្នកស្លាប់ និងឆ្លង COVID-19 ឡើងខ្ពស់

ឥណ្ឌូនេស៊ី៖ ឥណ្ឌូនេស៊ីដែលជាប្រទេសមានប្រជាជនច្រើនជាងគេលំដាប់ទី៤ នៅលើពិភពលោក បច្ចុប្បន្នកំពុងកង្វះការផ្គត់ផ្គង់អុកស៊ីសែនយ៉ាងធ្ងន់ធ្ងរ ក្នុងការព្យាបាលអ្នកជំងឺ Covid-19 ដែលមានស្ថានភាពធ្ងន់ធ្ងរ។នេះគឺជាស្ថានភាពប្រែប្រួលខ្លាំងដូចកាលពី ២ខែមុនក្នុងខែឧសភា ប្រទេសឥណ្ឌូនេស៊ីបានផ្តល់ការផ្គត់ផ្គង់អុកស៊ីសែនដល់ប្រទេសឥណ្ឌា នៅពេលដែលប្រទេសនេះរងការវាយប្រហារយ៉ាងខ្លាំង ពីជំងឺរាតត្បាតសកលរលកទី២។ ប្រទេសឥណ្ឌូនេស៊ីបានផ្គត់ផ្គង់ស៊ីឡាំងអុកស៊ីសែនប្រមាណ ៣.៤០០ស៊ីឡាំង និងម៉ាស៊ីនផលិតអុកស៊ីសែនទៅប្រទេសឥណ្ឌា។ មន្ត្រីមន្ទីរពេទ្យមួយរូបបាននិយាយកាលពីថ្ងៃអាទិត្យថា អ្នកជំងឺវីរុសកូរ៉ូណាចំនួន ៣៣នាក់បានស្លាប់បន្ទាប់ពីមន្ទីរពេទ្យរដ្ឋមួយនៅលើកោះជ្វាដ៏សំខាន់ របស់ប្រទេសឥណ្ឌូនេស៊ីបានអស់អុកស៊ីសែនរាវ ស្របពេលករណីឆ្លង COVID-19 ហក់ឡើងខ្ពស់ទូទាំងប្រទេស។រដ្ឋាភិបាលឥណ្ឌូនេស៊ីបានស្នើដល់បណ្ដាប្រទេសជាច្រើន រួមមានប្រទេសចិន សិង្ហបូរី អូស្ត្រាលី ដើម្បីជួយដោះស្រាយកង្វះអុកស៊ីសែន។ ការដឹកជញ្ជូនស៊ីឡាំងអុកស៊ីសែនជាង ១.០០០ស៊ីឡាំង ម៉ាស៊ីនផលិតអុកស៊ីសែន និងឧបករណ៍សុខភាពផ្សេងទៀត បានទៅដល់ពីប្រទេសសិង្ហបុរីកាលពីថ្ងៃសុក្រ បន្ទាប់មកទៀតមានម៉ាស៊ីនជំនួយខ្យល់ដកដង្ហើមចំនួន ១.០០០គ្រឿងផ្សេងទៀតមកពីប្រទេសអូស្ត្រាលី។ គិតត្រឹមព្រឹកថ្ងៃចន្ទនេះ ប្រទេសឥណ្ឌូនេស៊ីមានករណីឆ្លងវីរុសកូរ៉ូណាចំនួន ២,៥២៧,២០៣នាក់ និងស្លាប់ ៦៦,៤៦៤នាក់៕អត្ថបទ៖ សុខមាន

ការស្វែងរកក្នុងអគារខុនដូបាក់រលំនៅរដ្ឋ Florida នឹងប្រើពេលច្រើនសប្ដាហ៍ទៀត ខណៈអ្នកស្លាប់កើនដល់ ៩០នាក់

អាមេរិក៖ ក្រុមអាជ្ញាធរដែលកំពុងស្វែងរកជនរងគ្រោះ ពីការដួលរលំដ៏សោកនាដកម្មនៅក្នុងរដ្ឋ Florida បាននិយាយកាលពីថ្ងៃអាទិត្យថា ពួកគេសង្ឃឹមថានឹងបញ្ចប់ការងារយ៉ាងយកចិត្តទុកដាក់របស់ពួកគេ នៅប៉ុន្មានសប្ដាហ៍ខាងមុខនេះ ស្របពេលក្រុមឆ្លើយតបដំបូងមកពីអ៊ីស្រាអែលបានចាកចេញពីកន្លែងកើតហេតុ។អភិបាលក្រុង លោកស្រី Daniella Levine Cava បាននិយាយថា ចំនួនអ្នកស្លាប់ ៩០នាក់ឥឡូវត្រូវបានបញ្ជាក់នៅក្នុងការបាក់រលំអគារ Champlain Towers South កម្ពស់ ១២ជាន់កាលពីខែមុនបានកើនឡើងពី ៨៦នាក់មួយថ្ងៃមុន។ ក្នុងនោះមានសាកសពចំនួន ៧១នាក់ត្រូវបានគេស្គាល់អត្តសញ្ញាណ ហើយគ្រួសាររបស់ពួកគេត្រូវបានគេជូនដំណឹង។ មនុស្សប្រហែល ៣១នាក់នៅតែបន្តចុះបញ្ជីជាអ្នកបាត់ខ្លួន។ ស្នងការនគរបាលតំបន់មៃអាមីនិយាយថា កុមារចំនួន ៣នាក់ស្ថិតក្នុងចំណោមអ្នកដែលត្រូវបានគេកំណត់អត្តសញ្ញាណទាំងនោះ។លោកស្រីបាននិយាយថា ក្រុមអ្នកសង្គ្រោះនៅតែបន្តស្វែងរកក្នុងគំនរថ្ម តាមស្រទាប់ជាន់នីមួយៗដើម្បីស្វែងរកសាកសព។ ការស្វែងរកទាំងគ្មានសង្ឃឹមថានឹងរកឃើញអ្នកនៅមានជីវិត បានជីកកាយគំនរកម្ទេចបេតុង និងកម្ទេចកំទីផ្សេងៗជាង ៦លាន ៤សែនគីឡូក្រាម៕អត្ថបទ៖ សុខមាន

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

រុស្ស៊ី៖ ចំនួនអ្នកស្លាប់ដោយសារវីរុសកូរ៉ូណានៅក្នុងប្រទេសរុស្ស៊ី បានឈានដល់កំណត់ត្រាប្រចាំថ្ងៃមួយផ្សេងទៀត ខណៈដែលក្រុមអាជ្ញាធរបានរាយការណ៍ថា មានអ្នកស្លាប់ចំនួន ៧៥២នាក់ ស្របពេលករណីឆ្លងនៅតែបន្តហក់ឡើងខ្ពស់។ក្រុមការងារពិសេសទទួលបន្ទុកការប្រយុទ្ធប្រឆាំងវីរុសកូរ៉ូណា របស់ប្រទេសរុស្ស៊ីកាលពីថ្ងៃសៅរ៍បានរាយការណ៍ករណីឆ្លងថ្មីនៃវីរុសកូរ៉ូណាចំនួន ២៥,០៨២នាក់ ចំនួនសរុបនៃការឆ្លងវីរុសដែលបានបញ្ជាក់បានកើនឡើងពីប្រហែល ៩.០០០នាក់នៅដើមខែមិថុនាដល់ជាង ២៣.០០០នាក់នៅដើមខែកក្កដានេះ។ ក្រុមមន្ត្រីបានសន្មតថា មានការកើនឡើងជាលំដាប់នៃការឆ្លង និងការកើនឡើងនៃមរណភាព គឺដោយសារតែការរីករាលដាលនៃវីរុសបម្លែងខ្លួនថ្មី Delta។ ទោះបីជាមានការកើនឡើងក៏ដោយ ក៏វិមានក្រឹមឡាំងបាននិយាយថា មិនមានផែនការអនុវត្តន៍វិធានការបិទខ្ទប់ផ្សេងទៀតទេ។ប្រទេសរុស្ស៊ីធ្លាប់បានបិទខ្ទប់ទូទាំងប្រទេសកាលពីនិទាឃរដូវឆ្នាំ២០២០ ដែលមានរយៈពេល ៦សប្តាហ៍ ហើយរដ្ឋាភិបាលបានប្រឆាំងនឹងវិធានការបិទខ្ទប់មួយផ្សេងទៀត ដើម្បីចៀសវាងការប៉ះពាល់សេដ្ឋកិច្ច។ ក្រុមការងារពិសេសទទួលបន្ទុកការប្រយុទ្ធប្រឆាំងវីរុសកូរ៉ូណា របស់ប្រទេសរុស្ស៊ីបានរាយការណ៍ថា មានអ្នកឆ្លងវីរុសនេះជាង ៥លាន ៧សែននាក់ ហើយមានអ្នកស្លាប់សរុបចំនួន ១៤២.២៥៣នាក់ដោយសារជំងឺរាតត្បាតសកលនេះ៕អត្ថបទ៖ សុខមាន

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់

អាមេរិក៖ ចំនួនអ្នកស្លាប់នៅក្នុងការដួលរលំអគារខុនដូមួយ នៅតំបន់ម៉ៃអាមីបានកើនឡើងដល់ ៨៦នាក់កាលពីថ្ងៃសុក្រ បន្ទាប់ពីបុគ្គលិកសង្គ្រោះបានទាញយកសាកសពចំនួន ១៤នាក់បន្ថែមទៀតពីកម្ទេចអគារបែកបាក់ ហើយបាននិយាយថា ពួកគេបានកាយគំនរកម្ទេចកំទីស្ទើររាបដល់ដី។ អភិបាលក្រុងលោកស្រី Daniella Levine Cava បានប្រាប់សន្និសីទសារព័ត៌មានថា មនុស្ស ៦១នាក់នៅតែបាត់ខ្លួន និងត្រូវគេបារម្ភថាស្លាប់នៅក្នុងគំនរបាក់បែកបេតុង និងដែកថែបនៃអគារជាប់មាត់សមុទ្រកម្ពស់ ១២ជាន់នៅតំបន់ Surfside។ ក្រុមអ្នកសង្គ្រោះកំពុងធ្វើការប្រហែលម៉ោង ១៦ថ្ងៃដែលបានកាត់បន្ថយទំហំគំនរបាក់បែកពី ៤ ទៅ ៥ជាន់ជិតដល់ជាន់ផ្ទាល់ដី។ ក្រុមអ្នកស៊ើបអង្កេតពុំទាន់អាចកំណត់បាននៅឡើយទេ ពីមូលហេតុនាំឲ្យអគារ Champlain Towers South បាក់រលំដោយគ្មានការព្រមានជាមុន៕អត្ថបទ៖ សុខមាន

សម្តេចតេជោ៖ កាលៈទេសៈណាក៏ដោយរាជរដ្ឋាភិបាលនៅតែបន្តផ្តល់អាទិភាពដល់វិស័យសុខភាពសាធារណៈ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់ថា ទោះក្នុងកាលៈទេសៈណាក៏ដោយ រាជរដ្ឋាភិបាលនៅតែផ្ដល់អាទិភាពខ្ពស់លើវិស័យសុខភាពសាធារណៈ តាមរយៈការបង្កើនកិច្ចអន្តរាគមន៍ និងការបង្កើនថវិកាជាតិរៀងរាល់ឆ្នាំ។តាមរយៈសារលិខិតផ្ញើជូនជនរួមជាតិ នៅលើហ្វេសប៊ុកផ្លូវការរបស់សម្តេចព្រឹកថ្ងៃទី១១កក្កដា ក្នុងឱកាសទិវាប្រជាជនពិភពលោកលើកទី៣២ ថ្ងៃទី១១ ខែកក្កដា ឆ្នាំ២០២១នេះ សម្តេចបញ្ជាក់ថា កាលៈទេសៈណាក៏ដោយ រាជរដ្ឋាភិបាលនៅតែផ្ដល់អាទិភាពខ្ពស់ដល់វិស័យសុខភាពសាធារណៈ តាមរយៈការបង្កើនកិច្ចអន្តរាគមន៍ និងការបង្កើនថវិកាជាតិរៀងរាល់ឆ្នាំ ជាពិសេសលើវិស័យសុខភាពបន្តពូជ និងសុខភាពផ្លូវភេទ សំដៅពង្រឹងការលើកកម្ពស់សុខភាពបន្តពូជ និងសុខភាពផ្លូវភេទ ដែលជាមធ្យោបាយមួយនៃការឈានទៅសម្រេចបាន គោលដៅការកាត់បន្ថយអត្រាមរណភាពមាតា និងទារក ដែលបានកំណត់ក្នុងផែនការយុទ្ធសាស្ត្រសុខាភិបាល ផែនការយុទ្ធសាស្ត្រអភិវឌ្ឍន៍ជាតិ និងគោលដៅអភិវឌ្ឍប្រកបដោយចីរភាព។ ឆ្លៀតឱកាសដ៏មានតម្លៃនេះ សម្តេចបានថ្លែងអំណរគុណដល់ជនរួមជាតិទាំងអស់ ជាពិសេសមន្ត្រីសុខាភិបាលជួរមុខ កងកម្លាំងប្រដាប់អាវុធ និងមន្ត្រីរាជការគ្រប់លំដាប់ថ្នាក់ដែលបានចូលរួមគាំទ្រ និងរួមចំណែកជាមួយនឹងរាជរដ្ឋាភិបាល ក្នុងការប្រយុទ្ធប្រឆាំងនឹងជំងឺកូវីដ-១៩ និងសូមជនរួមជាតិទាំងអស់បន្តអនុវត្តឱ្យបានខ្ជាប់ខ្ជួននូវវិធានការ ៣កុំ និង ៣ការពារ ដើម្បីរួមចំណែកក្នុងការបញ្ឈប់ការរីករាលដាលជំងឺកូវីដ-១៩ ទាំងស្រុងនៅក្នុងប្រទេសកម្ពុជា។ឆ្លៀតក្នុងឱកាសនេះ សម្តេចក៏បានថ្លែងអំណរគុណដ៏ជ្រាលជ្រៅបំផុតចំពោះអង្គការសហប្រជាជាតិ ជាពិសេសអង្គការសុខភាពពិភពលោក និងបណ្ដាប្រទេសជាមិត្តទាំងអស់ដែលបានគាំទ្រដល់កម្ពុជា ទាំងស្មារតី ទាំងសម្ភារៈសុខាភិបាល និងវិធីសាស្ត្រព្យាបាល និងទប់ស្កាត់ការឆ្លងកូវីដ-១៩ នៅក្នុងស្ថានភាពដ៏លំបាកនេះ ជាពិសេសសាធារណរដ្ឋប្រជាមានិតចិន ប្រទេសជប៉ុន និងសហរដ្ឋអាមេរិក។ សម្តេចបានលើកឡើងក្នុងនៅក្នុងសារលិខិតនេះថា អង្គការសហប្រជាជាតិតែងតែលើកទឹកចិត្តដល់បណ្ដារដ្ឋភាគីទាំងអស់ ឱ្យប្រារព្ធទិវាប្រជាជនពិភពលោកជារៀងរាល់ឆ្នាំនៅថ្ងៃទី១១ ខែកក្កដា ដោយផ្តោតលើប្រធានបទផ្សេងៗគ្នា ហើយប្រធានបទឆ្នាំ២០២១នេះគឺ “សិទ្ធិ និងជម្រើសគឺជាចម្លើយ មិនចំពោះថាក្នុងដំណាក់កាលបន្ទុះ ឬសម្រុតទារកនោះទេ ដំណោះស្រាយគឺស្ថិតនៅលើការផ្តល់អាទិភាពដល់សិទ្ធិ និងសុខភាពបន្តពូជសម្រាប់មនុស្សគ្រប់រូប។ ប្រធានបទនេះពិតជាមានអត្ថន័យធំធេង ក្នុងស្ថានភាពដែលពិភពលោកទាំងមូលកំពុងប្រយុទ្ធប្រឆាំង នឹងការរីករាលដាលនៃជំងឺផ្លូវដង្ហើមធ្ងន់ធ្ងរ (កូវីដ-១៩) ដែលប៉ះពាល់យ៉ាងធ្ងន់ធ្ងរដល់ជីវិតមនុស្ស សហគមន៍ សេដ្ឋកិច្ចសង្គម និងសុខភាពសាធារណៈនៅគ្រប់ទិសទីទូទាំងពិភពលោក។ ស្ត្រី និងក្មេងស្រីគឺជាក្រុមជនដែលងាយរងគ្រោះជាងគេ ដោយសារជំងឺរាតត្បាតកូវីដ-១៩ ជាពិសេសលើបញ្ហាសុខភាពបន្តពូជ និងសុខភាពផ្លូវភេទ៕អត្ថបទ៖ មុត សុទ្ធ

ក្មេងជំទង់ម្នាក់ស្លាប់ និងមនុស្ស ១១នាក់របួសក្នុងការបាញ់ប្រហារក្នុងពិធីជប់លៀងនៅរដ្ឋ Ohio

អាមេរិក៖ វីដេអូកាមេរ៉ានៅលើខ្លួននៃការបាញ់ប្រហារដ៏ធំមួយក្នុងទីក្រុង Toledo រដ្ឋ Ohio បង្ហាញពីមន្ត្រីពីរនាក់កំពុងរត់សំដៅទៅរកសំឡេងនៃការបាញ់កាំភ្លើង ខណៈពួកគេស្រែកទៅកាន់ប្រជាជនឱ្យក្រាបចុះ។យុវជនវ័យជំទង់ម្នាក់អាយុ ១៨ឆ្នាំឈ្មោះ Stephon Johnson ត្រូវបានបាញ់សម្លាប់ក្នុងពិធីជប់លៀងមួយនៅក្នុងក្រុង Toledo និងបណ្ដាលឲ្យមនុស្ស ១១នាក់ដែលមានអាយុចាប់ពី ១១ ដល់ ៥១ឆ្នាំបានរងរបួស។ បុរសអាយុ ៥១ឆ្នាំ និង ១៩ឆ្នាំម្នាក់ត្រូវបានបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរ។ នគរបាលក្រុង Toledo បានចេញវីដេអូនៃការបាញ់ប្រហារនេះ។ មន្ត្រីបានឆ្លើយតបទៅនឹងការហៅទូរស័ព្ទប្រាប់ថា មានការបាញ់កាំភ្លើងទៅលើអាកាស និងមានមនុស្សកំពុងប្រយុទ្ធគ្នា។នគរបាលនិយាយថា គ្រាប់កាំភ្លើងប្រហែល ៨០គ្រាប់ត្រូវបានបាញ់ដោយអ្នកបាញ់ជាច្រើននាក់ ខណៈគ្រាប់កាំភ្លើងត្រូវបានគេរកឃើញនៅតាមជញ្ជាំងផ្ទះជិតខាង។ គ្មានការចាប់ខ្លួនណាមួយត្រូវបានធ្វើឡើងឡើយ។ ការិយាល័យទទួលបន្ទុកគ្រឿងស្រវឹង ថ្នាំជក់ អាវុធ និងគ្រឿងផ្ទុះកំពុងផ្តល់រង្វាន់ចំនួន ៥,០០០ដុល្លារ សម្រាប់ព័ត៌មានអំពីជនសង្ស័យដែលបានបាញ់កាំភ្លើង៕អត្ថបទ៖ ប៊ុនថន

BREAKING NEWS !! ជនជាតិអាមេរិក ២ នាក់ស្ថិតក្នុងចំណោមអ្នកដែលត្រូវឃុំឃាំងពីបទធ្វើឃាតប្រធានាធិបតីហៃទី

មន្ត្រីរដ្ឋាភិបាលជាន់ខ្ពស់ម្នាក់បាននិយាយកាលពីថ្ងៃព្រហស្បតិ៍ថាបុរសម្នាក់ដែលត្រូវបានគេជឿជាក់ថា ជាពលរដ្ឋអាមេរិកស្ថិតក្នុងចំណោមមនុស្ស ៦ នាក់ដែលត្រូវបានចាប់ខ្លួននៅក្នុងប្រទេសហៃទីពាក់ព័ន្ធនឹងការធ្វើឃាតប្រធានាធិបតី Jovenel Moise ។នគរបាលនិយាយថា យ៉ាងហោចណាស់មានមនុស្ស ២៨ នាក់បានចូលរួមគម្រងការធ្វើឃាតប្រធានាធិបតី Jovenel Moise ដោយបន្ថែមថា ២៦ នាក់ក្នុងចំណោមពួកគេជាជនជាតិកូឡុំប៊ី និង ២ នាក់ជាជនជាតិអាមេរិកដើមកំណើតហៃទី។រដ្ឋមន្រ្តីក្រសួងរៀបចំការបោះឆ្នោតលោក Mathias Pierre បានប្រាប់សារព័ត៌មាន CNN ថាបុរសដែលរូបគេបានបញ្ជាក់អត្តសញ្ញាណមានឈ្មោះថា James Solages គឺជា“ សមាជិកក្រុម” ដែលជាប់ទាក់ទងនឹងការវាយប្រហារកាលពីថ្ងៃពុធ។នៅពេលត្រូវបានសួរដោយទូរទស្សន៍ CNN ថាតើជនសង្ស័យជាពលរដ្ឋអាមេរិក ឬយ៉ាងណា លោក Pierre បាននិយាយថា "រហូតមកដល់ពេលនេះ គឺយើងទទួលបានតែព័ត៌មានប៉ុណ្ណឹងទេ ។លោកនាយករដ្ឋមន្រ្តីស្តីទី Claude Joseph បាននិយាយថាជនជាតិកូឡុំប៊ី ៦ នាក់និងជនជាតិហៃទី ២ នាក់បានជាប់ពាក់ព័ន្ធក្នុងការសម្លាប់នេះ។លោកJoseph បាននិយាយថាក្រុមអាជ្ញាធរបានចាប់ខ្លួនពួកវាយប្រហារភាគច្រើនដែលពាក់ព័ន្ធនិងបានស្នើសុំឱ្យសាធារណៈជនបន្ត ជួយយើង ហើយ ប្រសិនបើអ្នកឃើញអ្វី និយាយនឹងទៅ ។នៅសន្និសីទសារព័ត៌មានមួយនៅរដ្ឋធានី Port-au-Prince ស្នងការនគរបាល ហៃទី បាននិយាយថាមនុស្ស ៦ នាក់កំពុងស្ថិតក្នុងការឃុំឃាំង។ លោកបាននិយាយថាអាជ្ញាធរហៃទីបានចាប់អ្នកដែលបានប្រព្រឹត្តិការវាយប្រហារហើយឥឡូវនេះកំពុងស្វែងរកមេក្លោងនៅពីក្រោយការធ្វើឃាតនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៥២នាក់ស្លាប់ និង ២២នាក់រងរបួសក្នុងហេតុការណ៍អគ្គិភ័យឆេះមន្ទីរពេទ្យព្យាបាលអ្នកជំងឺ COVID-19 នៅអ៊ីរ៉ាក់

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

ឥណ្ឌូនេស៊ីប្រឈមវិបត្តិកង្វះអុកស៊ីសែន និងអំពាវនាវរកជំនួយបរទេស ខណៈអ្នកស្លាប់ និងឆ្លង COVID-19 ឡើងខ្ពស់

ការស្វែងរកក្នុងអគារខុនដូបាក់រលំនៅរដ្ឋ Florida នឹងប្រើពេលច្រើនសប្ដាហ៍ទៀត ខណៈអ្នកស្លាប់កើនដល់ ៩០នាក់

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់

សម្តេចតេជោ៖ កាលៈទេសៈណាក៏ដោយរាជរដ្ឋាភិបាលនៅតែបន្តផ្តល់អាទិភាពដល់វិស័យសុខភាពសាធារណៈ

ក្មេងជំទង់ម្នាក់ស្លាប់ និងមនុស្ស ១១នាក់របួសក្នុងការបាញ់ប្រហារក្នុងពិធីជប់លៀងនៅរដ្ឋ Ohio

BREAKING NEWS !! ជនជាតិអាមេរិក ២ នាក់ស្ថិតក្នុងចំណោមអ្នកដែលត្រូវឃុំឃាំងពីបទធ្វើឃាតប្រធានាធិបតីហៃទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ជប៉ុន​ផ្ដល់​ជំនួយ​វ៉ាក់សាំង​បង្ការ​ជំងឺ​កូវីដ-១៩​ប្រភេទ​​ AstraZeneca ចំនួន ១​លាន​ដូស​ដល់​កម្ពុជា​

វីរុស COVID-19 ប​ម្លែ​ង​ខ្លួន​ថ្មី Delta រាតត្បាត​ពាសពេញ​ទ្វីប​អឺរ៉ុប ​ខណៈ​បន្ធូរបន្ថយ​វិធានការ​ទប់ស្កាត់​

រុស្ស៊ី​មាន​កំណត់​ត្រា​ករណី​ឆ្លង​ជំងឺ COVID-19 ខ្ពស់​បំផុត​ប្រចាំ​ថ្ងៃ​មួយ​ផ្សេង​ទៀត​

អ្នក​ស្លាប់​ក្នុង​ហេតុការណ៍​បាក់​រលំ​អគារ​ខុន​ដូ​នៅ​រដ្ឋ Florida ឡើង​ដល់​ ៨៦​នាក់​

សម្តេច​តេ​ជោ​៖ កាលៈទេសៈ​ណា​ក៏​ដោយ​រាជរដ្ឋាភិបាល​នៅតែ​បន្ត​ផ្តល់​អាទិភាព​ដល់​វិស័យ​សុខភាព​សាធារណៈ​

ក្មេង​ជំទង់​ម្នាក់​ស្លាប់ និង​មនុស្ស​ ១១​នាក់​របួស​ក្នុង​ការ​បាញ់​ប្រហារ​ក្នុង​ពិធី​ជប់លៀង​នៅ​រដ្ឋ​ Ohio

BREAKING NEWS !! ជនជាតិអាមេរិក ២ នាក់ស្ថិតក្នុងចំណោមអ្នកដែលត្រូវឃុំឃាំងពីបទធ្វើឃាតប្រធានាធិបតីហៃទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់

សម្តេចតេជោ៖ កាលៈទេសៈណាក៏ដោយរាជរដ្ឋាភិបាលនៅតែបន្តផ្តល់អាទិភាពដល់វិស័យសុខភាពសាធារណៈ

ក្មេងជំទង់ម្នាក់ស្លាប់ និងមនុស្ស ១១នាក់របួសក្នុងការបាញ់ប្រហារក្នុងពិធីជប់លៀងនៅរដ្ឋ Ohio