BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

WHO៖ វីរុសបម្លែងខ្លួនថ្មី Delta ត្រូវបានរកឃើញនៅក្នុងប្រទេស និងដែនដីជាង ១០០

WHO៖ អង្គការសុខភាពពិភពលោកនិយាយថា ករណីឆ្លងវីរុស COVID-19 បម្លែងខ្លួនថ្មី Delta ដែលត្រូវបានគេអះអាងថាបានរកឃើញដំបូងនៅក្នុងប្រទេសឥណ្ឌា ត្រូវបានគេរាយការណ៍ថាបានឆ្លងរាលដាលដល់ប្រទេស និងដែនដីជាង ១០០។របាយការណ៍ចុងក្រោយរបស់អង្គការសុខភាពពិភពលោកនិយាយថា ប្រទេស និងដែនដីចំនួន ១០៤ បានបញ្ជាក់ពីករណីឆ្លងវីរុសបម្លែងខ្លួនថ្មី Delta គិតត្រឹមថ្ងៃអង្គារគឺកើនឡើងចំនួន ៧ប្រទេសពីសប្ដាហ៍មុន។ អង្គការសុខភាពពិភពលោកបានផ្តល់ព័ត៌មានថ្មីៗ ស្ដីពីការឆ្លងរាលដាលនៃវីរុសបម្លែងខ្លួនថ្មីនេះចាប់តាំងពីខែមេសាឆ្នាំនេះ។ គិតត្រឹមថ្ងៃទី២៧ ខែមេសា យ៉ាងហោចណាស់មានប្រទេសចំនួន ១៧ រួមទាំងប្រទេសឥណ្ឌា និងសហរដ្ឋអាមេរិកបានរាយការណ៍ពីករណីឆ្លងវីរុសបម្លែងខ្លួនថ្មីនេះ។ បន្ទាប់មកនៅចុងខែឧសភា ប្រទេស និងដែនដីចំនួន ៦០ បានរាយការណ៍អំពីករណីឆ្លងបែបនេះ ហើយនៅចុងខែមិថុនាមានចំនួន ៩៦ប្រទេស។ក្រឡេកមើលវីរុសបម្លែងខ្លួនផ្សេងទៀតគិតត្រឹមថ្ងៃអង្គារបណ្តាប្រទេស និងដែនដីដែលបានរាយការណ៍ពីវីរុសបម្លែងខ្លួនថ្មី Alpha ដែលត្រូវបានបញ្ជាក់ដំបូងនៅចក្រភពអង់គ្លេស បានឡើងដល់ចំនួន ១៧៣ប្រទេស និងដែនដីគឺកើនឡើងមួយប្រទេសពីសប្ដាហ៍មុន។ ប្រទេសដែលបានរាយការណ៍ពីវីរុសបម្លែងខ្លួនថ្មី Beta ដែលត្រូវបានបញ្ជាក់ដំបូងនៅអាហ្វ្រិកខាងត្បូងបានកើនឡើង ៣ប្រទេសបន្ថែមទៀតដែលកើនឡើងដល់ ១២២ប្រទេស និងដែនដី ហើយប្រទេសដែលបានរាយការណ៍ពីវីរុសបម្លែងខ្លួនថ្មី Gamma ដែលត្រូវបានបញ្ជាក់ដំបូងនៅក្នុងប្រទេសប្រេស៊ីលគឺកើនឡើង ២ប្រទេសថែមទៀត នាំឲ្យកើនឡើងសរុបដល់ ៧៤ប្រទេស និងដែនដី៕អត្ថបទ៖ សុខមាន

ប្រទេសហៃទីប្រកាសដាក់ប្រទេសក្នុងគ្រាអាសន្ន បន្ទាប់ពីការធ្វើឃាតប្រធានាធិបតី

ហៃទី៖ ប្រទេសហៃទីបានប្រកាសដាក់ប្រទេសក្នុងគ្រាអាសន្ន បន្ទាប់ពីការធ្វើឃាតប្រធានាធិបតីរបស់ខ្លួនគឺលោក Jovenel Moïse ដែលត្រូវបានគេបាញ់សម្លាប់ទាំងយប់ នៅក្នុងលំនៅឋានឯកជនរបស់លោកនៅជាយក្រុងរដ្ឋធានី Port-au-Prince។នាយករដ្ឋមន្ត្រីបណ្ដោះអាសន្ន លោក Claude Joseph បាននិយាយនៅក្នុងសេចក្ដីថ្លែងការណ៍មួយថា នៅប្រហែលម៉ោង ១ព្រឹក ក្រុមមនុស្សមិនស្គាល់អត្តសញ្ញាណដែលអ្នកខ្លះនិយាយភាសាអេស្ប៉ាញ បានវាយប្រហារគេហដ្ឋានឯកជនប្រធានាធិបតីរបស់សាធារណរដ្ឋមួយនេះ និងបានធ្វើឱ្យប្រមុខរដ្ឋរងរបួសធ្ងន់។ ក្រោយមកលោកបាននិយាយថា ក្រុមឃាតកក៏និយាយភាសាអង់គ្លេសដែរ។ លោក Joseph បានអំពាវនាវដល់ប្រជាជនចំនួន ១១លាននាក់របស់ប្រទេសស្ថិតក្នុងតំបន់ការ៉ាអ៊ីបមួយនេះ ឲ្យរក្សាភាពស្ងៀមស្ងាត់ និងថ្កោលទោសចំពោះអ្វីដែលលោកហៅថា អំពើគួរអោយស្អប់ខ្ពើមអមនុស្សធម៌ និងសាហាវដែលបណ្ដាលឲ្យស្ត្រីទី១ របស់លោក Moïse Martine រងរបួសយ៉ាងធ្ងន់ធ្ងរ។ លោកបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ ពិភាក្សាពីស្ថានភាពនៅហៃទីឱ្យបានឆាប់បំផុត។ឃាតកម្មលើលោកប្រធានាធិបតីហៃទី បានជំរុញឱ្យមានការថ្កោលទោស និងការព្រួយបារម្ភជាអន្តរជាតិ។ ប្រធានាធិបតីអាមេរិកលោក Joe Biden បានហៅស្ថានភាពនៅក្នុងប្រទេសហៃទីថាជា “គួរឱ្យព្រួយបារម្ភណាស់” ហើយបាននិយាយថា ទីក្រុងវ៉ាស៊ីនតោនត្រៀមខ្លួនជាស្រេចដើម្បីជួយ។ អគ្គលេខាធិការអង្គារសហប្រជាជាតិ លោក António Guterres បានអំពាវនាវឲ្យប្រជាជនហៃទីរក្សាសាមគ្គីភាពចំពោះមុខអំពើគួរស្អប់ខ្ពើមនេះ និងការពារបទបញ្ជារដ្ឋធម្មនុញ្ញ។ អង្គការអាមេរិកាំងបានថ្កោលទោសថា ជាការប្រមាថចំពោះសហគមន៍ប្រជាជាតិប្រជាធិបតេយ្យ៕អត្ថបទ៖ សុខមាន

ភាគីថៃបំភ្លឺមកកម្ពុជាថា សំណង់ប្រាសាទថ្មីកំពុងសាងសង់នៅខេត្តបុរីរម្យ មិនបានយកលំនាំតាមរចនាបថប្រាសាទអង្គរវត្តទេ

ភ្នំពេញ៖ ក្រសួងវប្បធម៌ និងវិចិត្រសិល្បៈ បានឱ្យដឹងថា សំណង់ប្រាសាទដែលត្រូវបានអះអាងថា សាងសង់ឡើងតាមរចនាបថនៃប្រាសាទបុរាណកម្ពុជានោះ ត្រូវបានសាងសង់ឡើងតាមរចនាបថសំណង់ប្រាសាទបុរាណស្ថិតនៅក្នុងប្រទេសថៃ។ក្រសួងវប្បធម៌ និងវិចិត្រសិល្បៈ បានបញ្ជាក់បែបនេះនៅក្នុងសេចក្ដីប្រកាសព័ត៌មានមួយចេញនៅថ្ងៃនេះ បន្ទាប់ពីទទួលបានការបំភ្លឺពីក្រុមអ្នកសាងសង់សំណង់មួយនេះ។សំណង់ប្រាសាទដែលកំពុងស្ថិតក្នុងដំណើរការសាងសង់ពីថ្ម ស្ថិតនៅក្នុងខេត្តបុរីរម្យ ក្នុងប្រទេសថៃ បានក្លាយជាប្រធានបទនៃការជជែក និងចោទសួរថា តើរចនាបថនៃសំណង់ថ្មីនោះ បានចម្លងតាមទ្រង់ទ្រាយនៃប្រាសាទអង្គរវត្តរបស់កម្ពុជា ឬក៏យ៉ាងណា។ក្នុងសេចក្ដីប្រកាសព័ត៌មានដដែល ក្រសួងវប្បធម៌ និងវិចិត្រសិល្បៈ បានបញ្ជាក់ថា ក្រសួងបានស្វែងរកព័ត៌មានលម្អិតអំពីសំណង់ថ្មីនេះតាមរយៈការសហការជាមួយនឹងស្ថានទូតថៃប្រចាំនៅកម្ពុជា និងទទួលបានការបំភ្លឺពីម្ចាស់សំណង់នោះ។ក្រសួងឱ្យដឹងទៀតថា ម្ចាស់សំណង់បានបំភ្លឺថា សំណង់ប្រាសាទនោះ មិនបានចម្លងរចនាបថស្ថាបត្យកម្មប្រាសាទអង្គរវត្ត ឬសំណង់ប្រាសាទណាមួយនៅក្នុងប្រទេសកម្ពុជាទេ។ផ្ទុ្ទុយទៅវិញ ម្ចាស់សំណង់ប្រាសាទថ្មីនេះ ដែលជាព្រះចៅអធិការវត្តមួយអង្គ បានបំភ្លឺទៀតថា រចនាបថនៃសំណង់ថ្មីនេះ យកលំនៅតាមស្ថាបត្យកម្មប្រាសាទមួយចំនួននៅក្នុងតំបន់។ក្រសួងវប្បធម៌ និងវិចិត្រសិល្បៈ ក៏បានឱ្យដឹងផងដែរថា ម្ចាស់សំណង់ថ្មីនេះ ក៏ស្វាគមន៍ការចុះទៅត្រួតពិនិត្យរបស់មន្ត្រីជំនាញកម្ពុជាទៅលើសំណង់ថ្មីនេះផងដែរ ប្រសិនបើកម្ពុជានៅតែមានមន្ទិលសង្ស័យ។ដំណើរការសំណង់ប្រាសាទថ្មី ដែលស្ថិតលើផ្ទៃដីទំហំប្រហែល ២០០រ៉ៃ ឬប្រហែល ៣២ហិកតា បានចាប់តាំងពីខែមេសាកន្លងមក ហើយសំណង់ប្រាសាទថ្មីនេះ ត្រូវបានគេប្រសិទ្ធនាមថា «សីហណៈខន» ឬអានតាមភាសាខ្មែរថា «សីហនគរ»៕

អង្គការសហប្រជាជាតិ៖ ស្ថានការណ៍មហន្តរាយនៅមីយ៉ាន់ម៉ាបង្កបញ្ហាប្រឈមកាន់តែធំនៅក្នុងតំបន់

មីយ៉ាន់ម៉ា៖ ប្រធានផ្នែកសិទ្ធិមនុស្សរបស់អង្គការសហប្រជាជាតិ បានព្រមានកាលពីថ្ងៃអង្គារទី៦ ខែកក្កដាថា ស្ថានភាពដ៏ធ្ងន់ធ្ងរនៅសហភាពមីយ៉ាន់ម៉ាចាប់តាំងពីរដ្ឋប្រហារខែកុម្ភៈ កំពុងជំរុញប្រទេសទៅរកសង្គ្រាមស៊ីវិលដែលអាចកើតមាន ហើយអាចបង្កអសន្តិសុខក្នុងតំបន់ទៀតផង។ថ្លែងនៅចំពោះមុខក្រុមប្រឹក្សាសិទ្ធិមនុស្សរបស់អង្គការសហប្រជាជាតិ លោកស្រី Michelle Bachelet បានពណ៌នាថា សហភាពមីយ៉ាន់ម៉ាក្នុងប៉ុន្មានខែថ្មីៗនេះ បានវិវត្តពីវិបត្តិនយោបាយទៅជាមហន្តរាយសិទ្ធិមនុស្សដ៏ធ្ងន់ធ្ងរ។ លោកស្រីបាននិយាយថា “ការឈឺចាប់ និងអំពើហិង្សានៅទូទាំងប្រទេសគឺជាការរំពឹងទុកដ៏អាក្រក់ សម្រាប់ការអភិវឌ្ឍប្រកបដោយចីរភាព ហើយបង្កើនលទ្ធភាពនៃការបរាជ័យរបស់រដ្ឋ ឬការរីកកាន់តែធំនៃសង្គ្រាមស៊ីវិល។ បន្ថែមពីលើនេះលោកស្រីបានព្រមានថា ការវិវឌ្ឍន៍ដ៏មហន្តរាយនៅក្នុងសហភាពមីយ៉ាន់ម៉ា ចាប់តាំងពីរដ្ឋប្រហារកំពុងបង្កយ៉ាងច្បាស់ដល់អសន្តិសុខដ៏ធំធេង ដែលនឹងរីកកាន់តែធំនៅក្នុងតំបន់៕អត្ថបទ៖ សុខមាន

មនុស្សជាង ២៣០នាក់ត្រូវបានបាញ់សម្លាប់ក្នុងការបាញ់ប្រហារកាលពីថ្ងៃទី៤ ខែកក្កដាចុងសប្ដាហ៍មុន

អាមេរិក៖ មនុស្សយ៉ាងហោចណាស់ ២៣៣នាក់បានស្លាប់ និង ៦១៨នាក់រងរបួសក្នុងអំពើហិង្សាដោយអាវុធ ក្នុងការបាញ់ប្រហារជាង ៥០០លើកនៅទូទាំងប្រទេសក្នុងអំឡុងថ្ងៃទី៤ ខែកក្កដាចុងសប្ដាហ៍មុន ដែលជាការធ្លាក់ចុះ ២៦% ពីថ្ងៃឈប់សម្រាកកាលពីចុងសប្ដាហ៍ឆ្នាំមុន នេះបើយោងតាមទិន្នន័យចុងក្រោយ ដែលបានចងក្រងដោយទីភ្នាក់ងារមិនស្វែងរកប្រាក់ចំណេញ Gun Violence Archive។ទីភ្នាក់ងារមិនស្វែងរកប្រាក់ចំណេញ Gun Violence Archive បាននិយាយថា យោងតាមទិន្នន័យដែលបានចេញផ្សាយកាលពីព្រឹកថ្ងៃអង្គារ ដែលមើលទៅលើការបាញ់ប្រហារពីម៉ោង ៥ល្ងាចថ្ងៃសុក្រដល់ថ្ងៃចន្ទ មានការបាញ់សម្លាប់មនុស្សចំនួន ៣១៤នាក់ ដោយមានមនុស្សចំនួន ៧៥១នាក់រងរបួសធៀបទៅនឹងរយៈពេលដូចគ្នាកាលពីឆ្នាំមុន។ ការថយចុះគួរឱ្យកត់សម្គាល់នៃការបាញ់ប្រហារ និងជនរងគ្រោះពីការបាញ់ប្រហារកើតឡើង ខណៈដែលទីក្រុងធំៗនៅទូទាំងប្រទេសប្រឈមនឹងឧក្រិដ្ឋកម្មហិង្សាកើនឡើង។ ថ្ងៃឈប់សម្រាកចុងសប្ដាហ៍កាលពីឆ្នាំមុនបានកើតឡើង ស្របពេលដែលប្រទេសនេះបានចាប់ផ្ដើមបើកឡើងវិញ បន្ទាប់ពីការបញ្ជាឲ្យស្នាក់នៅក្នុងផ្ទះដោយសារតែជំងឺរាតត្បាតសកល និងស្របពេលមានការតវ៉ាទ្រង់ទ្រាយធំទាក់ទងនឹងការសម្លាប់បុរសស្បែកខ្មៅ George Floyd។ស្នងការនគរបាលក្រុង New York បាននិយាយថា នៅក្នុងទីក្រុង New York ជាទីដែលអំពើហិង្សាដោយអាវុធបានកើនឡើង ដល់កម្រិតខ្ពស់មួយមិនធ្លាប់មាននៅក្នុងរយៈពេលប៉ុន្មានឆ្នាំមកនេះ មានជនរងគ្រោះចំនួន ៣៥នាក់ក្នុងនោះស្លាប់ចំនួន ២នាក់ពីការបាញ់ប្រហារចំនួន ២៩លើកដែលបានកើតឡើងកាលពីថ្ងៃសុក្រដល់ថ្ងៃចន្ទ ជាការថយចុះពីរយៈពេលដូចគ្នាកាលពីឆ្នាំមុន នៅពេលមនុស្ស ៧៨នាក់ត្រូវបានបាញ់សម្លាប់ក្នុងការបាញ់ប្រហារចំនួន ៥៥លើក៕អត្ថបទ៖ សុខមាន

មនុស្ស ១៥០នាក់ត្រូវបានបាញ់សម្លាប់ក្នុងការបាញ់ប្រហារជាង ៤០០លើកកាលពីថ្ងៃទី៤ ខែកក្កដាចុងសប្ដាហ៍

អាមេរិក៖ យ៉ាងហោចណាស់មនុស្ស ១៥០នាក់ត្រូវបានសម្លាប់ក្នុងអំពើហិង្សាដោយអាវុធ ក្នុងការបាញ់ប្រហារជាង ៤០០លើកនៅទូទាំងប្រទេសក្នុងអំឡុងថ្ងៃទី៤ ខែកក្កដាចុងសប្តាហ៍នេះ ខណៈទីក្រុងធំៗនៅទូទាំងប្រទេសប្រឈមនឹងឧក្រិដ្ឋកម្មហិង្សាកើនឡើង នេះបើយោងតាមទិន្នន័យចងក្រង ដោយភ្នាក់ងារស្រាវជ្រាវមិនស្វែងរកប្រាក់ចំណេញ Gun Violence Archive។ទិន្នន័យដែលរួមទាំងចំនួនឧបទ្ទវហេតុនៃការបាញ់ប្រហារ និងជនរងគ្រោះដោយអំពើហិង្សាដោយអាវុធក្នុងរយៈពេល ៧២ម៉ោងចាប់ពីថ្ងៃសុក្រដល់ថ្ងៃអាទិត្យនៅតែមានការវិវត្ត ហើយនឹងត្រូវបានធ្វើបច្ចុប្បន្នភាព។ ស្នងការនគរបាលក្រុង New York បាននិយាយថា នៅក្នុងទីក្រុង New York ជាទីដែលអំពើហិង្សាដោយអាវុធបានកើនឡើង ដល់កម្រិតដែលមិនធ្លាប់មាននៅក្នុងរយៈពេលប៉ុន្មានឆ្នាំមកនេះ មានជនរងគ្រោះចំនួន ២៦នាក់ពីការបាញ់ប្រហារចំនួន ២១លើកកាលពីថ្ងៃសុក្រដល់ថ្ងៃអាទិត្យ ដែលជាការថយចុះពីរយៈពេលដូចគ្នាកាលពីឆ្នាំមុន នៅពេលដែលមនុស្ស ៣០នាក់ត្រូវបានបាញ់សម្លាប់ក្នុងការបាញ់ប្រហារចំនួន ២៥លើក។រហូតមកដល់ឆ្នាំនេះឧបទ្ទវហេតុអំពើហិង្សា ដោយកាំភ្លើងនៅទីក្រុងញូវយ៉កបានកើនឡើងជិត ៤០ភាគរយក្នុងរយៈពេលដូចគ្នាកាលពីឆ្នាំ២០២០ ដោយមានការបាញ់ប្រហារចំនួន ៧៦៧លើក និងមានជនរងគ្រោះចំនួន ៨៨៥នាក់៕អត្ថបទ៖ សុខមាន

អ្នកស្លាប់ដោយសារការបាក់រលំអគារក្នុងរដ្ឋ Florida កើនឡើងដល់ ២៨នាក់ ខណៈរងការគំរាមពីព្យុះ

អាមេរិក៖ ក្រុមមន្ត្រីបាននិយាយថា ចំនួនអ្នកស្លាប់ដោយសារអគារខុនដូ ដែលដួលរលំនៅតំបន់ម៉ៃអាមីបានកើនឡើងដល់ ២៨នាក់កាលពីថ្ងៃចន្ទ ក្រោយការរកឃើញសាកសពបន្ថែមទៀត បន្ទាប់ពីការវាយកម្ទេចចោលកាលពីយប់ថ្ងៃអាទិត្យនៃអគារដែលនៅសល់ ដែលអាចឱ្យក្រុមអ្នកជួយសង្គ្រោះពង្រីកការស្វែងរក។មនុស្សចំនួន ១១៧នាក់ផ្សេងទៀតនៅតែបន្តបាត់ខ្លួនរយៈពេល ១១ថ្ងៃបន្ទាប់ពីអគារលំនៅដ្ឋានកម្ពស់ ១២ជាន់បានដួលរលំនៅតំបន់ Surfside រដ្ឋ Florida ដែលជំរុញឱ្យមានកិច្ចប្រឹងប្រែងស្វែងរក និងជួយសង្គ្រោះដែលបានបន្តស្ទើរតែពេញ ២៤ម៉ោងចាប់តាំងពីពេលហេតុការណ៍នោះកើតឡើងមក។ ការស្វែងរកជនរងគ្រោះត្រូវបានផ្អាកកាលពីយប់ថ្ងៃអាទិត្យ សម្រាប់ការវាយកម្ទេចទាំងយប់លើអគារពាក់កណ្ដាលទៀត ដែលនៅសល់ពីការបាក់រំលំនោះ។ក្រុមមន្ត្រីបានសម្រេចចិត្តផ្ដួលរំលំអគារនៅសេសសល់ដែលមិនស្ថិតស្ថេរនេះ ព្រោះវាបង្កការគំរាមកំហែងដល់ក្រុមអ្នកជួយសង្គ្រោះ។ ព្យុះត្រូពិកអេលសា (Storm Elsa) នៅតំបន់ការ៉ាអ៊ីបក៏បានគំរាមបក់បោកផងដែរ បើទោះបីជាការព្យាករណ៍ថ្មីៗបង្ហាញថា តំបន់ Surfside ទំនងជានឹងចៀសផុតពីខ្យល់ព្យុះ ដែលបោកបក់ទៅកាន់ភាគខាងជើងពីប្រទេសគុយបា៕អត្ថបទ៖ សុខមាន

៧០% នៃចំនួនករណីឆ្លងជំងឺ COVID-19 នៅទីក្រុងបាងកកគឺជាវីរុសបម្លែងខ្លួនថ្មី Delta

ថៃ៖ ការសិក្សាដោយមជ្ឈមណ្ឌលឧត្ដមភាពផ្នែករោគសាស្ត្រ នៅសាកលវិទ្យាល័យជូឡាឡុងកនបង្ហាញថា វីរុសបម្លែងខ្លួនថ្មី Delta មានចំណែក ៧០% នៃចំនួនករណីឆ្លងអ្នកក្រុងបាងកកដោយធ្លាក់ខ្លួនឈឺដោយសារជំងឺ COVID-19។គំហើញនេះត្រូវបានបង្ហាញដោយ លោក យ៉ុងផូ វ៉ូរ៉ាវាន់ ប្រធានមជ្ឈមណ្ឌលនៅលើទំព័រ Facebook របស់លោក។ លោកបាននិយាយថា ការផ្ទុះឡើងដំបូងនៃវីរុស Covid-19 បានកើតឡើងកាលពីដើមឆ្នាំមុន ដោយវីរុសអ៊ូហានដែលបានរាលដាលពាសពេញពិភពលោក។ ជំងឺនេះបានវិលត្រឡប់មកជាថ្មីក្នុងការផ្ទុះឡើងជាលើកទី២ កាលពីចុងឆ្នាំមុន ដោយមានចំណុចឆ្លងរាលដាលខ្លាំងមួយត្រូវបានគេរកឃើញ នៅផ្សារលក់បង្កងនៅខេត្តសាមុតសាខន។ វីរុសនេះត្រូវគេគិតថា បានឆ្លងរាលដាលចេញមកពីសហភាពមីយ៉ាន់ម៉ា។ការផ្ទុះលើកទី៣ នាពេលបច្ចុប្បន្ននេះត្រូវបានគ្របដណ្ដប់ ដោយវីរុសបម្លែងខ្លួនថ្មីឈ្មោះអាល់ហ្វា ជាវីរុសដែលត្រូវបានរកឃើញដំបូងនៅចក្រភពអង់គ្លេស ដែលមានសមត្ថភាពចម្លងលឿនជាងវីរុសអ៊ូហានដល់ទៅ ១,៧ដង៕អត្ថបទ៖ សុខមាន

មនុស្ស ៤៧នាក់ស្លាប់ និង ៤៩នាក់របួសក្នុងហេតុការណ៍ធ្លាក់យន្តហោះយោធានៅហ្វីលីពីន

ហ្វីលីពីន៖ ក្រសួងការពារជាតិហ្វីលីពីនបាននិយាយថា ចំនួនអ្នកស្លាប់នៅក្នុងការធ្លាក់យន្តហោះយោធា ដែលបានកើតឡើងនៅភាគខាងត្បូងប្រទេសហ្វីលីពីន កាលពីថ្ងៃអាទិត្យបានកើនឡើងដល់ ៤៧នាក់។ យោធា ៤៤នាក់ និងជនស៊ីវិល ៣នាក់បានស្លាប់ បន្ទាប់ពីយន្តហោះយោធាដឹកបុគ្គលិកកងទ័ពបានធ្លាក់ និងផ្ទុះឆេះពេលធ្លាក់នៅលើកោះ Jolo ក្នុងខេត្ត Sulu។ក្រសួងបាននិយាយថា មនុស្ស ៤៩នាក់ផ្សេងទៀតបានរងរបួសនៅក្នុងគ្រោះថ្នាក់នោះ រួមមានទាហាន ៤៩នាក់ និងជនស៊ីវិល ៤នាក់។ ក្រសួងនិយាយថា ប្រតិបត្តិការស្វែងរកកំពុងបន្ត ខណៈទាហាន ៥នាក់ទៀតនៅបាត់ខ្លួន។ រយៈពេលប៉ុន្មាននាទីបន្ទាប់ពីការធ្លាក់យន្តហោះ កងទ័ព និងអ្នកស្ម័គ្រចិត្តស៊ីវិលបានប្រញាប់ប្រញាល់ ទៅកាន់កន្លែងកើតហេតុដើម្បីស្វែងរក និងជួយសង្គ្រោះ។ តាមសាក្សីដែលឃើញហេតុការណ៍បាននិយាយថា ទាហានមួយចំនួនត្រូវបានគេឃើញលោតចេញពីយន្តហោះ មុនពេលវាធ្លាក់ដល់ដី។យោងតាមឯកសាររបស់កងទ័ពអាកាសហ្វីលីពីនបាននិយាយថា យន្តហោះដែលធ្លាក់គឺជាយន្តហោះប្រើហើយប្រភេទ C-130 Hercules ដែលទើបទិញពីយោធាសហរដ្ឋអាមេរិក។ ឯកសារយោធាបានបង្ហាញថា យន្តហោះបានមកដល់ប្រទេសកាលពីខែមករាឆ្នាំនេះ។ សហរដ្ឋអាមេរិកបានប្រគល់យន្តហោះជាផ្លូវការក្នុងពិធីមួយនៅខែកុម្ភៈ៕អត្ថបទ៖ ប៊ុនថន

ករណីឆ្លងជំងឺ COVID-19 នៅរុស្ស៊ីកើនឡើងជាថ្មី ខណៈវីរុសបម្លែងខ្លួនថ្មី Delta ឆ្លងរាលដាលខ្លាំង

រុស្ស៊ី៖ ប្រទេសរុស្ស៊ីកាលពីថ្ងៃអាទិត្យបានកត់ត្រាករណីឆ្លងថ្មីនៃជំងឺ COVID-19 ប្រចាំថ្ងៃខ្ពស់បំផុត បន្ទាប់ពីចំនួនអ្នកស្លាប់បានកើនឡើងខ្ពស់ក្នុងរយៈពេល ១សប្ដាហ៍ ខណៈដែលការឆ្លងវីរុសបម្លែងខ្លួនថ្មី Delta ដ៏ឆាប់រហ័សកំពុងឆ្លងរាលដាលទូទាំងពិភពលោក។វីរុសកូរ៉ូណាបានសម្លាប់មនុស្សជាង ៤លាននាក់នៅទូទាំងពិភពលោក ដោយបង្ខំប្រទេសជាច្រើនអនុវត្តន៍វិធានការតឹងរ៉ឹងជាថ្មីជាងមួយឆ្នាំមកនេះ បន្ទាប់ពីការផ្ទុះរាលដាលវីរុសរាតត្បាតសកលនេះ។ ទីក្រុងម៉ូស្គូបានទាត់ចោលការបិទខ្ទប់ជាថ្មី ប៉ុន្តែការឆ្លងចំនួន ២៥,១៤២នាក់កាលពីថ្ងៃអាទិត្យគឺជាចំនួនខ្ពស់បំផុតចាប់តាំងពីថ្ងៃទី២ ខែមករាមក។ ចំនួនអ្នកស្លាប់ខ្ពស់ដោយសារវីរុសនេះត្រូវបានកត់ត្រារយៈពេល ៥ថ្ងៃជាប់ៗគ្នាដែលកើនឡើងដល់ ៦៩៧នាក់កាលពីថ្ងៃសៅរ៍ មុនពេលធ្លាក់ចុះមកនៅត្រឹម ៦៦៣នាក់កាលពីថ្ងៃអាទិត្យ។ការមន្ទិលសង្ស័យដែលចេះតែកើនឡើង និងយុទ្ធនាការចាក់វ៉ាក់សាំងយឺតយ៉ាវ មកដល់ពេលនេះប្រទេសរុស្ស៊ីមានអត្រាចំនួនអ្នកចាក់វ៉ាក់សាំងត្រឹមតែ ១៦%ប៉ុណ្ណោះក្នុងចំណោមប្រជាជនសរុបចំនួន ១៤៦លាននាក់។ លោកប្រធានាធិបតីរុស្ស៊ី Vladimir Putin កំពុងជំរុញឲ្យប្រជាពលរដ្ឋរុស្ស៊ីទៅទទួលវ៉ាក់សាំង និងស្ដាប់ក្រុមអ្នកជំនាញជាជាងស្ដាប់ពាក្យចចាមអារ៉ាម៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO៖ វីរុសបម្លែងខ្លួនថ្មី Delta ត្រូវបានរកឃើញនៅក្នុងប្រទេស និងដែនដីជាង ១០០

ប្រទេសហៃទីប្រកាសដាក់ប្រទេសក្នុងគ្រាអាសន្ន បន្ទាប់ពីការធ្វើឃាតប្រធានាធិបតី

អង្គការសហប្រជាជាតិ៖ ស្ថានការណ៍មហន្តរាយនៅមីយ៉ាន់ម៉ាបង្កបញ្ហាប្រឈមកាន់តែធំនៅក្នុងតំបន់

មនុស្សជាង ២៣០នាក់ត្រូវបានបាញ់សម្លាប់ក្នុងការបាញ់ប្រហារកាលពីថ្ងៃទី៤ ខែកក្កដាចុងសប្ដាហ៍មុន

មនុស្ស ១៥០នាក់ត្រូវបានបាញ់សម្លាប់ក្នុងការបាញ់ប្រហារជាង ៤០០លើកកាលពីថ្ងៃទី៤ ខែកក្កដាចុងសប្ដាហ៍

អ្នកស្លាប់ដោយសារការបាក់រលំអគារក្នុងរដ្ឋ Florida កើនឡើងដល់ ២៨នាក់ ខណៈរងការគំរាមពីព្យុះ

៧០% នៃចំនួនករណីឆ្លងជំងឺ COVID-19 នៅទីក្រុងបាងកកគឺជាវីរុសបម្លែងខ្លួនថ្មី Delta

មនុស្ស ៤៧នាក់ស្លាប់ និង ៤៩នាក់របួសក្នុងហេតុការណ៍ធ្លាក់យន្តហោះយោធានៅហ្វីលីពីន

ករណីឆ្លងជំងឺ COVID-19 នៅរុស្ស៊ីកើនឡើងជាថ្មី ខណៈវីរុសបម្លែងខ្លួនថ្មី Delta ឆ្លងរាលដាលខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO៖ វីរុស​ប​ម្លែ​ង​ខ្លួន​ថ្មី Delta ត្រូវ​បាន​រក​ឃើញ​នៅ​ក្នុង​ប្រទេស និង​ដែនដី​ជាង​ ១០០

ប្រទេស​ហៃ​ទី​ប្រកាស​ដាក់​ប្រទេស​ក្នុង​គ្រាអាសន្ន បន្ទាប់ពី​ការ​ធ្វើ​ឃាត​ប្រធានាធិបតី​

អង្គការសហប្រជាជាតិ​៖ ​ស្ថានការណ៍​មហន្តរាយ​នៅ​មី​យ៉ាន់​ម៉ា​បង្ក​បញ្ហា​ប្រឈម​កាន់តែ​ធំ​នៅ​ក្នុង​តំបន់

អ្នក​ស្លាប់​ដោយសារ​ការ​បាក់​រលំ​អ​គារ​ក្នុង​រដ្ឋ Florida កើន​ឡើង​ដល់​ ២៨នាក់ ​ខណៈ​រង​ការ​គំរាម​ពី​ព្យុះ

៧០%​ នៃ​ចំនួន​ករណី​ឆ្លង​ជំងឺ COVID-19 នៅ​ទីក្រុង​បាងកក​គឺជា​វីរុស​ប​ម្លែ​ង​ខ្លួន​ថ្មី Delta

មនុស្ស ៤៧នាក់​ស្លាប់ និង ៤៩នាក់​របួស​ក្នុង​ហេតុការណ៍​ធ្លាក់​យន្តហោះ​យោធា​នៅ​ហ្វីលីពីន

ករណី​ឆ្លង​ជំងឺ COVID-19 នៅ​រុស្ស៊ី​កើន​ឡើង​ជាថ្មី​ ខណៈ​វីរុស​ប​ម្លែ​ង​ខ្លួន​ថ្មី Delta ឆ្លង​រាល​ដាល​ខ្លាំង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO៖ វីរុសបម្លែងខ្លួនថ្មី Delta ត្រូវបានរកឃើញនៅក្នុងប្រទេស និងដែនដីជាង ១០០

ប្រទេសហៃទីប្រកាសដាក់ប្រទេសក្នុងគ្រាអាសន្ន បន្ទាប់ពីការធ្វើឃាតប្រធានាធិបតី

អង្គការសហប្រជាជាតិ៖ ស្ថានការណ៍មហន្តរាយនៅមីយ៉ាន់ម៉ាបង្កបញ្ហាប្រឈមកាន់តែធំនៅក្នុងតំបន់

អ្នកស្លាប់ដោយសារការបាក់រលំអគារក្នុងរដ្ឋ Florida កើនឡើងដល់ ២៨នាក់ ខណៈរងការគំរាមពីព្យុះ

៧០% នៃចំនួនករណីឆ្លងជំងឺ COVID-19 នៅទីក្រុងបាងកកគឺជាវីរុសបម្លែងខ្លួនថ្មី Delta

មនុស្ស ៤៧នាក់ស្លាប់ និង ៤៩នាក់របួសក្នុងហេតុការណ៍ធ្លាក់យន្តហោះយោធានៅហ្វីលីពីន

ករណីឆ្លងជំងឺ COVID-19 នៅរុស្ស៊ីកើនឡើងជាថ្មី ខណៈវីរុសបម្លែងខ្លួនថ្មី Delta ឆ្លងរាលដាលខ្លាំង