BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ៣នាក់ស្លាប់ និង ១១៣នាក់បាត់ខ្លួនដោយសារបំណាក់ដីនៅប្រទេសជប៉ុន

ជប៉ុន៖ ក្រុមការងារជួយសង្គ្រោះក្នុងខេត្ត Shizuoka ប្រទេសជប៉ុនភាគកណ្ដាល កំពុងបង្កើនកិច្ចខិតខំប្រឹងប្រែងស្វែងរកអ្នកបាត់ខ្លួន ដោយសារបំណាក់ដីដ៏ធ្ងន់ធ្ងរកាលពីចុងសប្ដាហ៍នេះ។ អភិបាលក្រុង Atami ដែលជាទីក្រុងរមណីយដ្ឋានឆ្នេរសមុទ្រក្នុងខេត្តនេះនិយាយថា មនុស្ស ១១៣នាក់នៅតែបាត់ខ្លួននៅឡើយ។មុននេះក្រុមអ្នកជួយសង្គ្រោះបានបញ្ជូនទារកដែលរុំក្នុងក្រណាត់ ឲ្យទៅបុគ្គលិកសង្គ្រោះបន្ទាន់ដោយយកចិត្តទុកដាក់។ ទារក និងម្តាយរបស់នាងត្រូវបានគេជួយសង្គ្រោះពីអគារមួយដែលជាន់ទី១ បានកប់ក្នុងល្បប់។ អ្នកទាំងពីរមិនបានរងរបួសធ្ងន់ធ្ងរទេ។ ក្រុមមន្ត្រីខេត្តនិយាយថា ល្បប់លាយជាមួយទឹកបានហូរកួចនាំផ្ទះ និងអគារយ៉ាងតិចចំនួន ១៣០ខ្នងនៅទីក្រុង Atami កាលពីថ្ងៃសៅរ៍។ មនុស្ស ២២នាក់ដែលជាប់នៅក្នុងទឹកជំនន់ត្រូវបានជួយសង្គ្រោះកាលពីចុងសប្តាហ៍។មនុស្ស ៣នាក់ត្រូវបានបញ្ជាក់ថាបានស្លាប់។ ក្រុមមន្ត្រីនិយាយថា មនុស្សចំនួន ២១៥នាក់រស់នៅក្នុងតំបន់ដែលរងការបំផ្លិចបំផ្លាញ។ ពួកគេបានបញ្ជាក់ពីទីកន្លែងរបស់មនុស្សចំនួន ១០២នាក់ ហើយកំពុងធ្វើការដើម្បីស្វែងរកទីតាំងអ្នកដែលនៅសល់ផេងទៀត៕អត្ថបទ៖ សុខមាន

អង្គការសុខភាពពិភពលោកព្រមានថា សហភាពអឺរ៉ុបប្រឈមនឹងរលកថ្មីនៃជំងឺ COVID-19

WHO៖ អង្គការសុខភាពពិភពលោកបាននិយាយថា ការឆ្លងជំងឺ COVID-19 បានហក់ឡើង ១០% ក្នុងមួយសប្ដាហ៍នៅសហភាពអឺរ៉ុប បន្ទាប់ពីការស្រុតចុះរយៈពេល ២ខែ និងការប្រឈមនឹងរលកនៃការឆ្លងថ្មីដែលកំពុងកើនឡើង។នាយកអង្គការសុខភាពពិភពលោកប្រចាំតំបន់អឺរ៉ុប លោក Hans Kluge បាននិយាយថា ការប្រឈមថ្មីនេះបង្កឡើងដោយសារតែយុទ្ធនាការចាក់វ៉ាក់សាំងយឺតយ៉ាវ ការឆ្លងវីរុសបម្លែងខ្លួនថ្មី និងសកម្មភាពសង្គមចេះតែកើនឡើង។ វាក៏បង្កឲ្យមានគ្រោះថ្នាក់ផងដែរ ដែលព្រឹត្តិការណ៍ប្រកួតបាល់ទាត់ Euro 2020 អាចជាមេចម្លងដ៏ធំបំផុត។ ក្រុមអ្នកគាំទ្ររាប់រយនាក់ដែលត្រឡប់មកពីទីក្រុងឡុងដ៍ និងសេនភីធ័រស្ប៊កបានធ្វើតេស្តវិជ្ជមាន។មន្ត្រីផ្នែកគ្រាអាសន្នសុខភាពសាធារណៈជាន់ខ្ពស់ របស់អង្គការសុខភាពពិភពលោក លោកស្រី Catherine Smallwood បានអំពាវនាវដល់ទីក្រុងនានាដែលកំពុងធ្វើជាម្ចាស់ផ្ទះនៃព្រឹត្តិការណ៍ ចាត់វិធានការឲ្យបានហ្មត់ចត់បន្ថែមទៀត ដើម្បីតាមដានសកម្មភាពរបស់ក្រុមអ្នកគាំទ្រ។ វីរុសបម្លែងខ្លួនថ្មីដែលរកឃើញដំបូងនៅក្នុងប្រទេសឥណ្ឌា ត្រូវគេមើលឃើញថា ជាការគំរាមកំហែងធំបំផុតដល់ប្រទេសជាច្រើននៅអឺរ៉ុប៕អត្ថបទ៖ សុខមាន

មនុស្សរាប់រយនាក់នៅកាណាដា និងអាមេរិក ត្រូវគេជឿថាបានស្លាប់ដោយសាររលកកម្ដៅ

អាមេរិក៖ ភាគច្រើននៃការស្លាប់ត្រូវបានរកឃើញនៅតែឯង នៅក្នុងលំនៅឋានដោយគ្មានម៉ាស៊ីនត្រជាក់ ឬកង្ហារ។ អ្នកស្លាប់មួយចំនួនជាមនុស្សចាស់ជរា ក្នុងនោះមានម្នាក់មានអាយុ ៩៧ឆ្នាំ។ សាកសពរបស់ពលករអន្តោប្រវេសន៍នៅកសិដ្ឋាន ត្រូវបានរកឃើញនៅមណ្ឌលចាស់ជរារដ្ឋ Oregon។ ខណៈដែលក្រុមអ្នកព្យាករណ៍អាកាសធាតុ បានព្រមានពីរលកកម្ដៅបំបែកកំណត់ត្រានៅក្នុងតំបន់ Pacific Northwest និងប្រទេសកាណាដាភាគខាងលិចកាលពីសប្ដាហ៍មុន ដែលក្រុមមន្ត្រីបានបង្កើតមណ្ឌលត្រជាក់ដោយផ្ដល់ទឹកដល់អ្នកគ្មានផ្ទះសម្បែង និងចាត់វិធានការផ្សេងទៀត។ ទីភ្នាក់ងារត្រួតពិនិត្យឱសថរដ្ឋ Oregon បាននិយាយកាលពីថ្ងៃព្រហស្បតិ៍ថា ចំនួនអ្នកស្លាប់នៅក្នុងរដ្ឋ Oregon តែមួយបានកើនឡើងដល់ ៧៩នាក់ដោយភាគច្រើនកើតឡើងនៅក្នុងតំបន់ Multnomah ដែលស្ថិតក្នុងទីក្រុង Portland។នៅប្រទេសកាណាដា ប្រធានក្រុមអ្នកស៊ើបអង្កេតខេត្ត British Columbia លោកស្រី Lisa Lapointe, បាននិយាយថា ការិយាល័យរបស់លោកស្រីបានទទួលរបាយការណ៍យ៉ាងហោចណាស់ចំនួន ៤៨៦នាក់នៃការស្លាប់ភ្លាមៗ និងមិននឹកស្មានដល់ពីចន្លោះថ្ងៃសុក្រ និងរសៀលថ្ងៃពុធ។ ជាធម្មតាលោកស្រីបាននិយាយថា មនុស្សប្រហែល ១៦៥នាក់នឹងស្លាប់នៅក្នុងខេត្តក្នុងរយៈពេល ៥ថ្ងៃទៀត៕អត្ថបទ៖ សុខមាន

មនុស្ស ១៧នាក់រងរបួសបន្ទាប់ពីការបំផ្ទុះកាំជ្រួចភ្ញីខុសច្បាប់ដែលបានរឹបអូសនៅតំបន់ Los Angeles ខាងត្បូង

អាមេរិក៖ ការផ្ទុះដ៏ខ្លាំងក្លាមួយនៅតំបន់ South Los Angeles កាលពីល្ងាចថ្ងៃពុធបានធ្វើឱ្យខូចខាតលំនៅឋានជាច្រើនខ្នង និងបណ្ដាលឲ្យមនុស្សចំនួន ១៧នាក់រងរបួសរួមទាំងមន្ត្រីនគរបាលផងដែរ ខណៈដែលក្រុមអ្នកជំនាញគ្រឿងផ្ទុះបានប៉ុនប៉ងបំផ្ទុះគ្រឿងផ្ទុះដោយសុវត្ថិភាព ដែលត្រូវបានរឹបអូសចេញពីលំនៅឋានមួយ ដោយមានកាំជ្រួចភ្ញីខុសច្បាប់ប្រមាណ ៥.០០០ផោន។ការបំផ្ទុះនេះបានធ្វើឱ្យខូចខាតដល់រថយន្ត នៅក្នុងតំបន់លំនៅឋានប្រជាពលរដ្ឋ និងកំទេចកំទីរាយប៉ាយពេញដងផ្លូវ។ រថយន្តធុនធំដែលកំពុងត្រូវបានប្រើ ដើម្បីប្រមូលសំណល់គ្រឿងផ្ទុះក៏ទំនងជាខូចខាតយ៉ាងធ្ងន់ធ្ងរដែរ។ ក្រុមអាជ្ញាធរនិយាយថា ឃ្លាំងស្តុកកាំជ្រួចកែច្នៃសម្ងាត់នេះបានផ្ទុះ ខណៈដែលត្រូវបានកម្ទេចដោយក្រុមបំផ្ទុះគ្រាប់បែក។ នៅក្នុងសន្និសីទសារព័ត៌មានស្នងការនគរបាលទីក្រុង Los Angeles លោក Michel Moore បាននិយាយថា ក្រុមមន្ត្រីបានឆ្លើយតបទៅនឹងលំនៅឋានមួយនៅប្លុក ៧០០ នៃផ្លូវ ២៧ ខាងកើតបានរកឃើញកាំជ្រួចភ្ញីខុសច្បាប់រាប់ពាន់ផោន ក៏ដូចជាគ្រឿងផ្ទុះកែច្នៃដែលមិនមានសុវត្ថិភាព៕អត្ថបទ៖ សុខមាន

UN ជំរុញឲ្យយោធាមីយ៉ាន់ម៉ាដោះលែងលោកស្រី Aung San Suu Kyi ជាបន្ទាន់ ក្រោយដោះលែងមនុស្សជាង ២ពាន់នាក់

UN៖ អ្នកនាំពាក្យអង្គការសហប្រជាជាតិបាននិយាយកាលពីថ្ងៃព្រហស្បតិ៍ថា អគ្គលេខាធិការអង្គការសហប្រជាជាតិលោក Antonio Guterres បានទទូចដល់យោធាមីយ៉ាន់ម៉ាកាលពីថ្ងៃព្រហស្បតិ៍ ទី១ ខែកក្កដា ឲ្យដោះលែងម្ចាស់ពានរង្វាន់ណូបែលលោកស្រី Aung San Suu Kyi និងប្រធានាធិបតី Win Myint ឥឡូវនេះ មួយថ្ងៃបន្ទាប់ពីអ្នកជាប់ឃុំរាប់ពាន់នាក់ផ្សេងទៀតត្រូវបានដោះលែង។លោកស្រី Eri Kaneko អ្នកនាំពាក្យរងរបស់ Guterres បាននិយាយថា យើងសូមអំពាវនាវម្តងទៀតឱ្យដោះលែងជាបន្ទាន់ គ្រប់អ្នកទាំងអស់ដែលត្រូវបានឃុំឃាំងតាមអំពើចិត្ត ដែលរួមមានប្រធានាធិបតី Win Myint និងទីប្រឹក្សារដ្ឋលោកស្រី Aung San Suu Kyi។ ប្រព័ន្ធផ្សព្វផ្សាយក្នុងស្រុកបានរាយការណ៍ថា សហភាពមីយ៉ាន់ម៉ាបានដោះលែងអ្នកជាប់ឃុំជាង ២.០០០នាក់កាលពីថ្ងៃពុធក្នុងនោះមានអ្នកសារព័ត៌មាន និងអ្នកផ្សេងទៀត ដែលយោធាកំពុងកាន់អំណាចបានចោទប្រកាន់ពីបទញុះញង់ ឲ្យចូលរួមក្នុងការតវ៉ា។ ក្រុមប្រឆាំងយោធាជាច្រើនត្រូវបានឃុំខ្លួន ខ្លះត្រូវបានផ្ដន្ទាទោសក្រោមច្បាប់ដែលកំណត់ទោសបទឧក្រិដ្ឋ ដល់ការអត្ថាធិប្បាយទាំងឡាយណាដែលនាំឱ្យមានការភ័យខ្លាច ឬផ្សព្វផ្សាយព័ត៌មានមិនពិត។ លោកស្រី Aung San Suu Kyi កំពុងត្រូវបានកាត់ទោសពីបទឧក្រិដ្ឋស្រដៀងគ្នានេះ ក្នុងចំណោមជនទាំងនោះ និងកំពុងស្ថិតក្នុងការឃុំខ្លួននៅឡើយ៕អត្ថបទ៖ សុខមាន

សម្ដេចតេជោ៖ មនុស្សមួយចំនួននិយាយថា ខ្ញុំស្លាប់ គួរតែគិតពីសុខភាពខ្លួនឯងវិញ វាប្រសើជាង

សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាបានឆ្លើយតបទៅនឹងជនអគតិមួយក្តាប់តូចបាននិយាយថា សម្ដេចស្លាប់នោះ គួរតែគិតគូរពីសុខភាពរបស់ខ្លួនឯងវិញល្អប្រសើជាង ព្រោះការស្លាប់របស់មេដឹកនាំប្រទេស ត្រូវជូនដំណឹងដល់ប្រជាជនបានដឹងគ្រប់ៗគ្នា។ការឆ្លើយតបរបស់សម្ដេចតេជោបែបនេះ បន្ទាប់ពីពួកក្រុមប្រឆាំងដែលភាគច្រើនរត់ចោលស្រុកទាំងនោះបាននាំគ្នាលើកឡើងថា សម្ដេចតេជោ ហ៊ុន សែន បានស្លាប់ហើយ មិនឲ្យប្រជាជនបានដឹង ។ក្នុងឱកាសកិច្ចប្រជុំ និងថ្លែងសារពិសេសដោះស្រាយបញ្ហាជំងឺកូវីដ-១៩ដែលកំពុងរីករាលដាលនៅកម្ពុជា តាមប្រព័ន្ធវីដេអូ នាព្រឹកថ្ងៃទី១ ខែកក្កដា ឆ្នាំ២០២១ សម្ដេចតេជោ មានប្រសាសន៍ថា សម្តេចមិននឹកស្មានថា មកដល់ពេលនេះ មានពាក្យចចាមរាមអាក្រក់ពីខាងក្រៅថា សម្តេចបានស្លាប់ តាំងពីថ្ងៃទី២៣ មិថុនា ម៉ោង៤ល្ងាច ឯណោះ ក្នុងពេលដែលសម្តេចកំពុងជាប់ធ្វើចត្តាឡីស័កនោះ។ជាមួយគ្នានោះដែរសម្ដេចតេជោនាយករដ្ឋមន្ត្រីបានបន្ដទៀតថា ប្រសិនបើមានការស្លាប់មែន ត្រូវចាំបាច់លាក់សពសម្ដេច ធ្វើអ្វី? ប្រសិនបើមានការស្លាប់ ពិតមែននោះ មកដល់ពេលនេះ មានរយៈពេល៧ថ្ងៃទៅហើយ ប្រហែលជារដ្ឋសភា ក៏ដូចជា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា តែងតាំងនាយករដ្ឋមន្ដ្រីថ្មី ដើម្បីដំណើរការរៀបរដ្ឋាភិបាលថ្មីផងដែរ។សម្ដេចតេជោ ក៏បានពន្យល់ដល់ពួកក្រុមប្រឆាំងនៅក្រៅប្រទេសថា របៀបស្លាប់របស់មេដឹកនាំប្រទេស ត្រូវជូនដំណឹងដល់ប្រជាជាតិឲ្យបានដឹង ហើយពិធីបុណ្យសពរបស់មេដឹកនាំកម្រិតដូចសម្ដេច ប្រហែលមានកងកិត្តិយសដ៏ច្រើនមកអមសាកសពរបស់សម្ដេច ហើយប្រហែលជានាយករដ្ឋមន្ដ្រីថ្មី ឬក៏គណៈកម្មាធិការជាតិរៀបចំបុណ្យ តម្រូវឲ្យមានការទម្លាក់ទង់ជាតិ ដាក់កណ្ដាលដង ក៏អាចថាបាន តាមអ្វីមេដឹកនាំគ្រប់ប្រទេស ៕ អត្ថបទ៖ បានចក់

មនុស្ស ៦នាក់ស្លាប់ និងមួយចំនួនបាត់ខ្លួនក្នុងឧបទ្ទវហេតុលិចនាវាចម្លងនៅកោះបាលីប្រទេសឥណ្ឌូនេស៊ី

ឥណ្ឌូនេស៊ី៖ ក្រុមមន្ត្រីបាននិយាយថា ក្រុមអ្នកសង្គ្រោះបានស្វែងរកមនុស្ស ៧នាក់កាលពីថ្ងៃអង្គារដែលបានបាត់ខ្លួន បន្ទាប់ពីនាវាចម្លងមួយគ្រឿងបានលិចដោយមានមនុស្សជាង ៥០នាក់នៅលើនោះ នៅក្នុងសមុទ្រជិតរមណីយដ្ឋានកោះបាលីរបស់ប្រទេសឥណ្ឌូនេស៊ី ដែលបានសម្លាប់មនុស្សចំនួន ៦នាក់។ក្រុមអាជ្ញាធរនិយាយថា នាវាចម្លងដែលមានឈ្មោះថា KMP Yunice បានលិចប្រហែលកន្លះម៉ោងបន្ទាប់ពីចេញដំណើរពីកំពង់ផែ Ketapang របស់កោះជ្វាខាងកើតប្រហែលកន្លះម៉ោង។ នាវានេះបានចេញដំណើរទៅកាន់កំពង់ផែ Gilimanuk របស់កោះបាលី ចម្ងាយ ៥០គីឡូម៉ែត្រ ដែលមានអ្នកដំណើរចំនួន ៤១នាក់ និងសមាជិកក្រុមនាវិក ១២នាក់។ ក្រុមមន្ត្រីបាននិយាយថា មនុស្ស ៤០នាក់ភាគច្រើនសន្លប់ បន្ទាប់ពីអណ្ដែតក្នុងទឹកដែលមានរលកធំៗ ៤ម៉ោងត្រូវបានជួយសង្គ្រោះ និងសាកសពចំនួន ៦នាក់ត្រូវបានស្រង់ចេញពីទឹក។ ក្រុមអ្នកសង្គ្រោះបានកំពុងប្រឹងប្រែងការងារសង្គ្រោះក្នុងទឹករលកកម្ពស់ ៤ម៉ែត្រទាំងយប់ងងឹតដើម្បីស្វែងរកមនុស្សបាត់ខ្លួនចំនួន ៩នាក់៕ អត្ថបទ៖ សុខមាន

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

អាមេរិក៖ អភិបាលរដ្ឋបាននិយាយថា សាកសពមួយទៀតត្រូវបានរកឃើញពីគំនរបាក់បែកនៃប៉មអគារខុនដូរដ្ឋ Florida កាលពីថ្ងៃអង្គារ ទី២៩ ខែមិថុនា ដែលនាំឲ្យចំនួនអ្នកស្លាប់ក្នុងហេតុការណ៍បាក់រលំអគារបានកើនឡើងដល់ ១២នាក់ និង ១៤៩នាក់នៅតែបាត់ខ្លួន។ហេតុការណ៍នៃគ្រោះមហន្តរាយចុងក្រោយ ដែលទីបំផុតអាចចាត់ថ្នាក់ជាឧបទ្ទវហេតុដួលរលំអគារដ៏ធ្ងន់ធ្ងរបំផុតនៅក្នុងប្រវត្តិសាស្ត្រអាមេរិក មិនត្រូវបានកំណត់អត្តសញ្ញាណភ្លាមៗដោយអភិបាលក្រុង Miami លោកស្រី Daniella Levine Cava ទេ អំឡុងពេលសន្និសីទសារព័ត៌មាននៅពេលរសៀល។ ក្រុមអ្នកស៊ើបអង្កេតមិនទាន់បានកំណត់នៅឡើយទេ ពីដើមហេតុនាំឲ្យផ្នែកសំខាន់នៃអគារមានអាយុកាល ៤០ឆ្នាំដួលរលំភ្លាមៗ។ការយកចិត្តទុកដាក់ដំបូងបានផ្តោតលើកង្វះរចនាសម្ព័ន្ធ ដែលត្រូវបានរៀបរាប់លម្អិតនៅក្នុងរបាយការណ៍វិស្វករឆ្នាំ២០១៨។ ប្រព័ន្ធផ្សព្វផ្សាយបានរាយការណ៍ថា កាលពីខែមេសា ឆ្នាំ២០២១ ប្រធានសមាគមខុនដូបានព្រមានអ្នកស្រុកថា ការប្រះខូចបេតុងកាន់តែធ្ងន់ធ្ងរទៅៗ ហើយបានជំរុញឱ្យពួកគេបង់ប្រាក់ប្រហែល ១៥លានដុល្លារក្នុងការវាយតម្លៃដែលត្រូវការសម្រាប់ធ្វើការជួសជុល៕អត្ថបទ៖ សុខមាន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

ឥណ្ឌូនេស៊ី៖ កាកបាទក្រហមបាននិយាយកាលពីថ្ងៃអង្គារថា ការកើនឡើងករណីឆ្លងជំងឺCOVID-19 របស់ប្រទេសឥណ្ឌូនេស៊ី គឺជិតដល់ចំណុចគ្រោះមហន្តរាយហើយ ខណៈការឆ្លងវីរុសបម្លែងខ្លួនថ្មី Delta រាលដាលកាន់តែច្រើន និងពេញមន្ទីរពេទ្យនៅក្នុងការរីករាលដាលដ៏ធ្ងន់ធ្ងរបំផុត នៅអាស៊ីអាគ្នេយ៍មួយនេះ។ប្រទេសឥណ្ឌូនេស៊ីបានរាយការណ៍ករណីឆ្លងជំងឺ COVID-19 ប្រចាំថ្ងៃខ្ពស់បំផុតដែលមានជាង ២ម៉ឺននាក់នៅក្នុងប៉ុន្មានថ្ងៃថ្មីៗនេះ នៅក្នុងរលកថ្មីនៃការឆ្លងដែលបង្កឡើងដោយវីរុសបម្លែងខ្លួនថ្មី ដែលមានសមត្ថភាពចម្លងខ្ពស់ និងការកើនឡើងយ៉ាងឆាប់រហ័ស បន្ទាប់ពីខែតមអាហាររបស់អ៊ីស្លាមសាសនិក។ តម្លៃអុកស៊ីសែននៅរដ្ឋធានីរបស់ឥណ្ឌូនេស៊ីបានកើនឡើងទ្វេដង ហើយក្រុមហ៊ុនផ្គត់ផ្គង់មួយចំនួនបានរាយការណ៍ អំពីការខ្វះខាតកាលពីថ្ងៃអង្គារ បន្ទាប់ពីមានការកើនឡើងករណីឆ្លងជំងឺ COVID-19។ លោក Jan Gelfand ប្រធានប្រតិភូសហព័ន្ធអន្តរជាតិកាកបាទក្រហម និងអឌ្ឍចន្ទក្រហម (IFRC) ឥណ្ឌូនេស៊ីបាននិយាយថា "ជារៀងរាល់ថ្ងៃយើងកំពុងមើលឃើញវីរុសបម្លែងខ្លួនថ្មី Delta កំពុងរុញប្រទេសឥណ្ឌូនេស៊ីឲ្យខិតចូលកាន់តែជិតទៅនឹងមហន្តរាយជំងឺ COVID-19 ដោយជំរុញឲ្យមានការចែកចាយវ៉ាក់សាំងសកលទូលំទូលាយ។មន្ទីរពេទ្យនានាក្នុងតំបន់មួយចំនួន ដែលត្រូវបានចាត់ថ្នាក់ជាតំបន់ក្រហមបានរាយការណ៍ថា មានអ្នកជំងឺចូលសម្រាកព្យាបាលច្រើនលើសចំណុះ រួមទាំងរដ្ឋធានីហ្សាកាតាដែលមានគ្រែដាច់ដោយឡែកពីគ្នា ៩៣% ត្រូវបានពេញដោយអ្នកជំងឺកាលពីថ្ងៃអាទិត្យ។ គិតត្រឹមព្រឹកថ្ងៃពុធនេះ ប្រទេសឥណ្ឌូនេស៊ីមានករណីឆ្លងជំងឺ COVID-19 ចំនួន ២,១៥៦,៤៦៥នាក់ និងស្លាប់ចំនួន ៥៨,០២៤នាក់៕អត្ថបទ៖ សុខមាន

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ

ចិន៖ ប្រធានាធិបតីចិន លោក Xi Jinping នៅថ្ងៃអង្គារនេះបានជំរុញដល់សមាជិកបក្សកុំម្មុយនីសចិនទាំងអស់បន្តភាពស្មោះត្រង់ និងបន្តបម្រើប្រជាពលរដ្ឋ ខណៈលោកបានប្រគល់មេដាយកិត្តិយសថ្មីដល់សមាជិក ២៩រូបជាផ្នែកមួយនៃការប្រារព្ធលើកទី ១០០ឆ្នាំនៃការបង្កើតបក្សកាន់អំណាចនេះ។ពិធីប្រគល់មេដាយកិត្តិយសនេះបានធ្វើឡើងនៅក្នុងសាលអគាររដ្ឋ Great Hall របស់ទីក្រុងប៉េកាំង ជាមួយពិធីត្រែទ័ព និងត្រូវបានផ្សាយផ្ទាល់តាមកញ្ចក់ទូរទស្សន៍រដ្ឋ ខណៈគណបក្សនេះត្រៀមប្រារព្ធខួបលើកទី១០០ នៅថ្ងៃព្រហស្បតិ៍សប្ដាហ៍នេះ។ ពិធីប្រគល់មេដាយថ្ងៃទី១ ខែកក្កដាបានប្រកាសកាលពីឆ្នាំ២០១៧ និងបានធ្វើឡើងលើកដំបូងនៅថ្ងៃអង្គារនេះ គឺជាផ្នែកមួយនៃកិច្ចខិតខំប្រឹងប្រែងរបស់លោក Xi ក្នុងការកសាងកេរ្តិ៍ឈ្មោះជាគណបក្សនយោបាយដ៏មានឥទ្ធិពលមួយ ក្នុងចំណោមបក្សនយោបាយដ៏មានឥទ្ធិពលបំផុតលើពិភពលោក។លោកប្រធានាធិបតីចិនបានជំរុញសមាជិកទាំងអស់ ឲ្យបន្តភាពស្មោះស្ម័គ្រជារៀងរហូត និងស្រឡាញ់គណបក្ស និងប្រជាជន ចិត្តមួយថ្លើមមួយ ដោយប្រែក្លាយវាទៅជាសកម្មភាពពាក់លីគ្រប់យ៉ាង សូម្បីជីវិតដ៏មានតម្លៃរបស់អ្នកចំពោះគណបក្ស និងប្រជាជន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៣នាក់ស្លាប់ និង ១១៣នាក់បាត់ខ្លួនដោយសារបំណាក់ដីនៅប្រទេសជប៉ុន

អង្គការសុខភាពពិភពលោកព្រមានថា សហភាពអឺរ៉ុបប្រឈមនឹងរលកថ្មីនៃជំងឺ COVID-19

មនុស្សរាប់រយនាក់នៅកាណាដា និងអាមេរិក ត្រូវគេជឿថាបានស្លាប់ដោយសាររលកកម្ដៅ

មនុស្ស ១៧នាក់រងរបួសបន្ទាប់ពីការបំផ្ទុះកាំជ្រួចភ្ញីខុសច្បាប់ដែលបានរឹបអូសនៅតំបន់ Los Angeles ខាងត្បូង

UN ជំរុញឲ្យយោធាមីយ៉ាន់ម៉ាដោះលែងលោកស្រី Aung San Suu Kyi ជាបន្ទាន់ ក្រោយដោះលែងមនុស្សជាង ២ពាន់នាក់

សម្ដេចតេជោ៖ មនុស្សមួយចំនួននិយាយថា ខ្ញុំស្លាប់ គួរតែគិតពីសុខភាពខ្លួនឯងវិញ វាប្រសើជាង

មនុស្ស ៦នាក់ស្លាប់ និងមួយចំនួនបាត់ខ្លួនក្នុងឧបទ្ទវហេតុលិចនាវាចម្លងនៅកោះបាលីប្រទេសឥណ្ឌូនេស៊ី

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ៣​នាក់​ស្លាប់ និង​ ១១៣​នាក់​បាត់​ខ្លួន​ដោយសារ​បំណាក់​ដី​នៅ​ប្រទេស​ជប៉ុន​

អង្គការ​សុខភាព​ពិភពលោក​ព្រមាន​ថា ​សហភាព​អឺរ៉ុប​ប្រឈម​នឹង​រលក​ថ្មី​នៃ​ជំងឺ​ COVID-19

មនុស្ស​រាប់​រយ​នាក់​នៅ​កាណាដា និង​អាមេរិក ត្រូវ​គេ​ជឿ​ថា​បាន​ស្លាប់​ដោយសារ​រលក​កម្ដៅ​​

UN ជំរុញ​ឲ្យ​យោធា​មី​យ៉ាន់​ម៉ា​ដោះ​លែង​លោកស្រី Aung San Suu Kyi ជា​បន្ទាន់ ក្រោយ​ដោះលែង​មនុស្ស​ជាង ​២​ពាន់​នាក់​

សម្ដេចតេជោ៖ មនុស្សមួយ​ចំនួន​និយាយ​ថា ​ខ្ញុំស្លាប់ ​គួរ​តែ​គិត​ពី​សុខ​ភាព​ខ្លួន​ឯង​វិញ ​វា​ប្រសើជាង​

ចំនួន​អ្នក​ស្លាប់​ដោយ​សារ​បាក់​រលំ​អគារ​នៅ​រដ្ឋ Florida​ ​កើន​ឡើង​ដល់ ​១២​នាក់ និង​ ១៤៩​នាក់​បាត់​ខ្លួន​

កាក​បាទក្រហម​លើក​ឡើង​ថា ស្ថានភាព COVID-19 នៅ​ប្រទេស​ឥណ្ឌូនេស៊ី​ជិត​ដល់​មហន្តរាយ​ហើយ​

លោក Xi Jinping ថ្លែង​ពី​ភាព​ស្មោះស្ម័គ្រ ខណៈ​បក្ស​កុំ​ម្មុយ​នី​ស​ចិន​ត្រៀម​ប្រារព្ធ​ខួប​ទី​ ១០០​ឆ្នាំ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៣នាក់ស្លាប់ និង ១១៣នាក់បាត់ខ្លួនដោយសារបំណាក់ដីនៅប្រទេសជប៉ុន

អង្គការសុខភាពពិភពលោកព្រមានថា សហភាពអឺរ៉ុបប្រឈមនឹងរលកថ្មីនៃជំងឺ COVID-19

មនុស្សរាប់រយនាក់នៅកាណាដា និងអាមេរិក ត្រូវគេជឿថាបានស្លាប់ដោយសាររលកកម្ដៅ

UN ជំរុញឲ្យយោធាមីយ៉ាន់ម៉ាដោះលែងលោកស្រី Aung San Suu Kyi ជាបន្ទាន់ ក្រោយដោះលែងមនុស្សជាង ២ពាន់នាក់

សម្ដេចតេជោ៖ មនុស្សមួយចំនួននិយាយថា ខ្ញុំស្លាប់ គួរតែគិតពីសុខភាពខ្លួនឯងវិញ វាប្រសើជាង

ចំនួនអ្នកស្លាប់ដោយសារបាក់រលំអគារនៅរដ្ឋ Florida កើនឡើងដល់ ១២នាក់ និង ១៤៩នាក់បាត់ខ្លួន

កាកបាទក្រហមលើកឡើងថា ស្ថានភាព COVID-19 នៅប្រទេសឥណ្ឌូនេស៊ីជិតដល់មហន្តរាយហើយ

លោក Xi Jinping ថ្លែងពីភាពស្មោះស្ម័គ្រ ខណៈបក្សកុំម្មុយនីសចិនត្រៀមប្រារព្ធខួបទី ១០០ឆ្នាំ