BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

វីរុស COVID-19 បម្លែងខ្លួនថ្មី Delta Plus បានឆ្លងរាលដាលដល់ប្រទេសចំនួន ៩ លើពិភពលោក

ឥណ្ឌា៖ ប្រទេសឥណ្ឌាកាលពីថ្ងៃអង្គារបាននិយាយថា ខ្លួនមានករណីឆ្លងវីរុស COVID-19 បម្លែងខ្លួនថ្មី Delta បូក ឬ Delta plus យ៉ាងហោចណាស់ ២២នាក់ដែលរដ្ឋាភិបាលបានចាត់ថ្នាក់ជាវីរុសផ្លូវដង្ហើមដ៏ធ្ងន់ធ្ងរកន្លងមក។ វីរុសបម្លែងខ្លួនប្រភេទថ្មីចុងក្រោយនេះ ដែលវិវឌ្ឍន៍ចេញពីវីរុសបម្លែងខ្លួនថ្មី Delta ត្រូវបានចុះបញ្ជីជាវីរុសផ្លូវដង្ហើមដ៏ធ្ងន់ធ្ងរបំផុត របស់អង្គការសុខភាពពិភពលោក។ទោះបីជាប្រទេសនានាប្រញាប់ប្រញាល់ ចាក់វ៉ាក់សាំងទ្រង់ទ្រាយធំដល់ប្រជាជនយ៉ាងច្រើន ខណៈដែលពួកគេប្រណាំងប្រឆាំងនឹងវីរុសកូរ៉ូណាក៏ដោយ ក៏ជំងឺ COVID-19 បម្លែងខ្លួនថ្មីដែលគេដាក់ឈ្មោះថា Delta plus បានស្ថិតនៅក្រោមក្រសែភ្នែករបស់ពិភពលោកដែរ។ ទោះបីជាប្រទេសនានានៅតែរក្សាជំហរប្រយុទ្ធប្រឆាំង នឹងការចម្លងយ៉ាងឆាប់រហ័សរបស់វីរុសបម្លែងខ្លួនថ្មី វីរុសដែលត្រូវបានគេរកឃើញដំបូងនៅក្នុងប្រទេសឥណ្ឌា យ៉ាងហោចណាស់ក៏មានប្រទេសចំនួន ៩ ដែរបានចាប់ផ្ដើមរាយការណ៍អំពីករណីឆ្លងជំងឺ COVID-19 បម្លែងខ្លួនថ្មីប្រភេទ Delta plus នេះ។ ប្រទេសទាំងនោះរួមមានសហរដ្ឋអាមេរិក ចក្រភពអង់គ្លេស ព័រទុយហ្កាល់ ស្វីស ជប៉ុន ប៉ូឡូញ នេប៉ាល់ ចិន និងរុស្ស៊ី។ក្រសួងសុខាភិបាលឥណ្ឌាបាននិយាយថា ករណីឆ្លងវីរុសបម្លែងខ្លួនថ្មីប្រភេទ Delta Plus ប្រហែលជា ៤០នាក់ដែលត្រូវបានចាត់ថ្នាក់ជាវីរុសផ្លូវដង្ហើមធ្ងន់ធ្ងរបំផុត ត្រូវបានរកឃើញនៅក្នុងប្រទេសឥណ្ឌាកន្លងមក។ វីរុស Covid-19 បម្លែងខ្លួនថ្មី Delta Plus ត្រូវបានគេរាយការណ៍នៅរដ្ឋចំនួន៣ គឺ Maharashtra រដ្ឋ Kerala និងរដ្ឋ Madhya Pradesh៕អត្ថបទ៖ សុខមាន

អតីតប្រធានាធិបតីហ្វីលីពីន លោក Benigno Aquino III ទទួលមរណភាពក្នុងវ័យ ៦១ឆ្នាំ

ហ្វីលីពីន៖ អតីតប្រធានាធិបតីហ្វីលីពីន លោក Benigno Simeon ឬ Noynoy Aquino III ដែលត្រូវគេស្គាល់ថា ជាមនុស្សដែលហៅប្រជាពលរដ្ឋហ្វីលីពីនថា ជាចៅហ្វាយនាយរបស់លោក នៅពេលលោកឡើងកាន់តំណែងនោះ បានទទួលមរណភាពហើយនៅថ្ងៃព្រហស្បតិ៍នេះ នេះបើយោងតាមសមាជិកក្រុមគ្រួសាររបស់លោក ដែលសុំមិនបញ្ចេញឈ្មោះនៅក្នុងសេចក្ដីប្រកាសជាផ្លូវការមួយ។លោក Aquino ដែលបានកាន់តំណែងជាប្រធានាធិបតីចាប់ពីឆ្នាំ២០១០ ដល់ ២០១៦ បានបាត់វត្តមានពីភ្នែកមហាជន ចាប់តាំងពីការបញ្ចប់អាណត្តិរបស់លោកមក ទោះបីជារងការរិះគន់ពីអ្នកស្នងតំណែងរបស់លោកម្ដងហើយម្ដងទៀតក៏ដោយ។ អតីតប្រធានាធិបតីដែលត្រូវគេស្គាល់ថា ជាអ្នកពិសាបារីច្រើនបំផុត ត្រូវបានចូលសម្រាកក្នុងមន្ទីរពេទ្យកាលពីព្រឹកថ្ងៃព្រហស្បតិ៍។ ក្រុមគ្រួសាររបស់លោកមិនបានប្រកាសពីព័ត៌មានលម្អិតទេ៕អត្ថបទ៖ សុខមាន

មន្ត្រីអាមេរិក៖ ពុំមានគម្រោងជួបគ្នារវាងលោក Blinken និងរដ្ឋមន្ត្រីការបរទេសចិននៅជំនួបកំពូល G20 ទេ

អាមេរិក៖ មន្ត្រីក្រសួងការបរទេសអាមេរិកបាននិយាយកាលពីថ្ងៃពុធថា ពុំមានកិច្ចប្រជុំណាមួយត្រូវបានគ្រោងទុករវាងរដ្ឋមន្ត្រីក្រសួងការបរទេសអាមេរិក លោក Antony Blinken និងរដ្ឋមន្ត្រីការបរទេសចិន លោក Wang Yi នៅជំនួបកំពូល G20 ក្នុងប្រទេសអ៊ីតាលីនៅសប្ដាហ៍ក្រោយទេ បន្ទាប់ពីកាសែត Financial Times បានរាយការណ៍ថា ទីក្រុងប៉េកាំង និងទីក្រុងវ៉ាស៊ីនតោនកំពុងពិភាក្សាគ្នាពីជំនួបនោះ។កាសែតនេះបានដកស្រង់សំដីរបស់បុគ្គល ដែលបានបង្ហើបអំពីកិច្ចពិភាក្សានេះដោយនិយាយថា រដ្ឋបាលរបស់ប្រធានាធិបតីអាមេរិក លោក Joe Biden ក៏បានជូនដំណឹងដល់សមភាគីនៅក្នុងទីក្រុងប៉េកាំងថា ខ្លួនចង់ឲ្យលោកស្រី Wendy Sherman អនុរដ្ឋមន្ត្រីការបរទេសអាមេរិក មកបំពេញទស្សនកិច្ចក្នុងប្រទេសចិននៅរដូវក្តៅនេះ។ សារព័ត៌មានអង់គ្លេសបានរាយការណ៍ថា សេតវិមានក៏បានរៀបចំកិច្ចពិភាក្សាផ្ទៃក្នុងបឋមអំពីការបញ្ជូន លោក Blinken ឬលោក Jake Sullivan ទីប្រឹក្សាសន្តិសុខជាតិទៅកាន់ប្រទេសចិននៅចុងឆ្នាំនេះ ដែលអាចជាការបើកឆាកសម្រាប់ លោក Biden និងមេដឹកនាំចិន លោក Xi Jinping ក្នុងការរៀបចំកិច្ចប្រជុំកំពូលទ្វេភាគី នៅជំនួបកំពូលក្រុមប្រទេសមានឧស្សាហកម្មលូតលាស់ទាំង២០ ឬ G20 នៅទីក្រុងរ៉ូមក្នុងខែតុលា។ អ្នកនាំពាក្យក្រសួងការបរទេសចិន លោក Zhao Lijian ត្រូវបានគេសួរនៅឯសន្និសីទសារព័ត៌មានប្រចាំថ្ងៃមួយ អំពីរបាយការណ៍របស់កាសែត Financial Times ទាក់ទងនឹងការជួបគ្នារវាងលោក Blinken និងមន្ត្រីចិននៅឯរដ្ឋមន្ត្រីនៅជំនួប G20 ហើយបានឆ្លើយតបថា ខ្ញុំគ្មានព័ត៌មានផ្តល់ជូនអ្នកទេនៅពេលនេះ៕អត្ថបទ៖ សុខមាន

រុស្ស៊ីកត់ត្រាករណីស្លាប់ប្រចាំថ្ងៃខ្ពស់បំផុតដោយសារជំងឺ COVID-19 ចាប់តាំងពីខែកុម្ភៈមក

រុស្ស៊ី៖ ប្រទេសរុស្ស៊ីបានកត់ត្រាករណីស្លាប់ខ្ពស់បំផុតដោយសារជំងឺ COVID-19 ក្នុងរយៈពេល ១ថ្ងៃចាប់តាំងពីដើមខែកុម្ភៈមក ខណៈករណីឆ្លងថ្មីនៃវីរុសបម្លែងខ្លួនថ្មី Delta ហក់ឡើងខ្ពស់នៅក្នុងប្រទេសនេះ។យោងតាមអង្គភាពទទួលបន្ទុកគ្រាអាសន្ន វីរុសកូរ៉ូណារបស់ប្រទេសនេះឲ្យដឹងថា មនុស្សស្លាប់ចំនួន ៥៤៦នាក់ត្រូវបានកត់ត្រាកាលពីថ្ងៃអង្គារ ដែលនាំឲ្យចំនួនមនុស្សស្លាប់ផ្លូវការដោយសារវីរុសកូរ៉ូណាកើនឡើងដល់ ១៣០,៣៤៧នាក់ ជាចំនួនខ្ពស់បំផុតលំដាប់ទី៦ នៅលើពិភពលោក។ ចំនួនករណីឆ្លងថ្មី ១៦,៧១៥នាក់ត្រូវបានកត់ត្រាកាលពីថ្ងៃអង្គារ ជាតួលេខទ្វេដងខ្ពស់ដូចជាកាលពីខែមុនដែរ។ ប្រទេសរុស្ស៊ីបានអនុម័តឲ្យប្រើប្រាស់វ៉ាក់សាំងផលិតក្នុងស្រុកចំនួន ៤ក្រុមហ៊ុន ប៉ុន្តែនៅត្រឹមថ្ងៃទី២ ខែមិថុនាមានមនុស្សត្រឹមតែ ១៨លាននាក់ក្នុងចំណោមប្រជាជនសរុប ១៤៤លាននាក់ដែលទទួលបានវ៉ាក់សាំងយ៉ាងហោចណាស់ ១ដូស។ យោងតាមគេហទំព័រ Worldometers គិតត្រឹមព្រឹកថ្ងៃពុធនេះមានករណីឆ្លងចំនួន ៥,៣៥០,៩១៩នាក់ និងស្លាប់ចំនួន ១៣០,៣៤៧នាក់៕អត្ថបទ៖ សុខមាន

WHO៖ វ៉ាក់សាំងបង្ការជំងឺ COVID-19 ចាប់ផ្ដើមអស់បណ្ដើរៗនៅប្រទេសក្រីក្រមួយចំនួន

WHO៖ អង្គការសុខភាពពិភពលោកបាននិយាយថា ប្រទេសក្រីក្រមួយចំនួនធំដែលបានទទួលវ៉ាក់សាំង Covid-19 តាមរយៈកម្មវិធីចែករំលែកសកល មានមិនគ្រប់គ្រាន់ក្នុងការបន្តកម្មវិធីចាក់ជូនពលរដ្ឋខ្លួនទេ។ទីប្រឹក្សាជាន់ខ្ពស់របស់អង្គការសុខភាពពិភពលោក គឺលោកវេជ្ជបណ្ឌិត Bruce Aylward បាននិយាយថា កម្មវិធី Covax បានចែកចាយចំនួន ៩០លានដូសទៅកាន់ ១៣១ប្រទេស។ ប៉ុន្តែលោកបាននិយាយថា ចំនួននេះមិនគ្រប់គ្រាន់ដើម្បីការពារប្រជាជនពីវីរុស ដែលនៅតែបន្តរីករាលដាលពាសពេញពិភពលោកនោះទេ។ ការខ្វះខាតកើតឡើង ស្របពេលដែលប្រទេសមួយចំនួននៅទ្វីបអាហ្វ្រិកបានមើលឃើញរលកឆ្លងទីបី។ កាលពីថ្ងៃចន្ទ ប្រធានាធិបតីអាហ្វ្រិកខាងត្បូង លោក Cyril Ramaphosa បានអំពាវនាវឲ្យប្រទេសអ្នកមានបញ្ឈប់ការចាក់វ៉ាក់សាំងទ្រង់ទ្រាយធំ ខណៈរដ្ឋាភិបាលរបស់លោកបានរឹតត្បិតទប់ស្កាត់ករណីឆ្លង ដែលកំពុងកើនឡើងខ្លាំង។លោក Ramaphosa បាននិយាយថា ក្នុងកម្រិតទ្វីបមួយមានតែវ៉ាក់សាំងចំនួន ៤០លានដូសប៉ុណ្ណោះដែលត្រូវបានប្រើក្នុងទ្វីបអាហ្វ្រិក ដែលមានចំនួនតិចជាង ២% នៃចំនួនប្រជាជន។ ដើម្បីដោះស្រាយបញ្ហានេះលោកបាននិយាយថា រដ្ឋាភិបាលរបស់លោកកំពុងធ្វើការជាមួយគម្រោង Covax ដើម្បីបង្កើតមជ្ឈមណ្ឌលប្រចាំតំបន់មួយ ក្នុងការផលិតវ៉ាក់សាំងបន្ថែមទៀតនៅអាហ្វ្រិកខាងត្បូង។ គម្រោងចែកចាយសកល Covax ត្រូវបានបង្កើតឡើងកាលពីឆ្នាំមុនដើម្បីធានាថា វ៉ាក់សាំងបង្ការជំងឺ Covid-19 ត្រូវបានទទួលនៅទូទាំងពិភពលោក ដោយមានបណ្ដាប្រទេសអ្នកមានឧបត្ថម្ភធនបម្រុង សម្រាប់ប្រទេសក្រីក្រនានា៕អត្ថបទ៖ សុខមាន

ចិនចាក់វ៉ាក់សាំងបង្ការជំងឺ COVID-19 ជូនប្រជាពលរដ្ឋបានជាង ១ពាន់លានដូស

ចិន៖ ប្រទេសចិនបានចាក់វ៉ាក់សាំងបង្ការជំងឺ Covid-19 ជូនពលរដ្ឋរបស់ខ្លួនបានជាង ១ពាន់លានដូសជាចំនួនខ្ពស់បំផុត ខណៈប្រទេសនេះបង្កើនយុទ្ធនាការចាក់វ៉ាក់សាំងកាន់តែច្រើនជាងមុន។គណៈកម្មការសុខភាពជាតិរបស់ចិន (NHC) បាននិយាយនៅក្នុងសេចក្ដីថ្លែងការណ៍មួយថា វ៉ាក់សាំងចំនួន 1,010,489,000ដូសត្រូវបានផ្ដល់ឲ្យប្រជាពលរដ្ឋគិតត្រឹមថ្ងៃសៅរ៍។ ដូសវ៉ាក់សាំងទាំងនោះស្មើជិតចំនួន 40% នៃវ៉ាក់សាំងសរុបជាង 2.5ពាន់លានដូសដែលបានចាក់នៅទូទាំងពិភពលោក។ យោងតាមទីភ្នាក់ងារសារព័ត៌មានចិនស៊ីនហួ គណៈកម្មការខាងលើបាននិយាយថា វ៉ាក់សាំងជាង ១០០លានដូសត្រូវបានចាក់ក្នុងរយៈពេល ៥ថ្ងៃរួមទាំងថ្ងៃសៅរ៍ចុងសប្ដាហ៍មុន។ យោងតាមគណៈកម្មការសុខភាពជាតិចិនឲ្យដឹងថា ប្រទេសចិនបានឈានដល់ ១លានដូសលើកដំបូងកាលពីថ្ងៃទី២៧ ខែមីនា ២សប្ដាហ៍បន្ទាប់ពីសហរដ្ឋអាមេរិក។ប៉ុន្តែចំនួននេះបានកើនឡើងខ្ពស់កាលពីខែឧសភា ដោយមានវ៉ាក់សាំងជាង ៥០០លានដូសត្រូវបានចាក់ជូនដល់ប្រជាពលរដ្ឋកាលពីខែកន្លងទៅ។ សារព័ត៌មានស៊ីនហួបានរាយការណ៍ថា ប្រទេសចិនបានប្រើពេល ២៥ថ្ងៃទើបសម្រេចបានពីចំនួន ១០០លានដូសដល់ ២០០លានដូស ដោយក្នុងរយៈពេល ១៦ថ្ងៃបានកើនឡើងដល់ចំនួនពី ២០០លានទៅ ៣០០លានដូស និងរយៈពេល ៦ថ្ងៃពី ៨០០ ទៅ ៩០០ដូស៕ អត្ថបទ៖ សុខមាន

អ្នកស្លាប់ដោយសារ COVID-19 នៅប្រេស៊ីលកើនឡើងដល់ជាង ៥០ម៉ឺននាក់ ខណៈអ្នកជំនាញព្រមានពីស្ថានភាពកាន់តែធ្ងន់ធ្ងរ

ប្រេស៊ីល៖ ចំនួនអ្នកស្លាប់ទាក់ទងនឹងជំងឺ Covid-19 បានកើនឡើងជាង ៥០ម៉ឺននាក់នៅក្នុងប្រទេសប្រេស៊ីល ជាប្រទេសមានអ្នកស្លាប់ខ្ពស់ជាងគេបំផុតទី២ នៅក្នុងពិភពលោក ខណៈដែលក្រុមអ្នកជំនាញនិយាយថា ការផ្ទុះរាលដាលនេះអាចកាន់តែធ្ងន់ធ្ងរថែមទៀតនៅពេលខាងមុខ ខណៈដំណើរការចាក់វ៉ាក់សាំងយឺតយ៉ាវ និងការចាប់ផ្ដើមនៃរដូវរងា។វីរុសនៅតែបន្តរីករាលដាល ខណៈដែលលោកប្រធានាធិបតី Jair Bolsonaro ច្រានចោលវិធានការនានាដូចជាគម្លាតសុវត្ថិភាពជាដើម។ វិទ្យាសាស្ត្រសុខាភិបាល Fiocruz បាននិយាយថា ស្ថានភាពធ្ងន់ធ្ងរណាស់។ មានយុវជនតែ ១១%ប៉ុណ្ណោះដែលទទួលបានវ៉ាក់សាំងគ្រប់ដូស។ ប្រជាជនប្រេស៊ីលរាប់ម៉ឺននាក់ បានចូលរួមបាតុកម្មប្រឆាំងនឹងរដ្ឋាភិបាលកាលពីថ្ងៃសៅរ៍។ លោកប្រធានាធិបតី Bolsonaro បានរងការរិះគន់យ៉ាងខ្លាំង ចំពោះការមិនអនុវត្តការឆ្លើយតបថ្នាក់ជាតិដែលមានការសម្របសម្រួល និងការសង្ស័យរបស់លោកចំពោះវ៉ាក់សាំង ការបិទប្រទេស និងការត្រូវឲ្យពាក់ម៉ាស់មុខដែលលោកបានព្យាយាមបន្ធូរបន្ថយ។ប្រទេសនេះបានរាយការណ៍ករណីឆ្លងមធ្យមជាង ៧ម៉ឺននាក់ និងមានអ្នកស្លាប់ប្រចាំថ្ងៃ ២ពាន់នាក់ក្នុងសប្ដាហ៍កន្លងទៅ។ វិទ្យាសាស្ត្រ Fiocruz បាននិយាយថា ការឆ្លង និងការស្លាប់ថ្មីៗភាគច្រើនស្ថិតក្នុងចំណោមមនុស្សដែលមានអាយុពី ២០ដល់ ៥៩ឆ្នាំ ដោយព្រមានថា ការចាប់ផ្ដើមរដូវរងានៅអឌ្ឍគោលខាងត្បូងនៅសប្ដាហ៍ក្រោយ អាចបណ្ដាលឱ្យមានការឆ្លងកាន់តែច្រើន៕អត្ថបទ៖ សុខមាន

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

អាមេរិក៖ ព្យុះត្រូពិកសម្ពាធទាប Claudette បានឆក់យកជីវិតមនុស្ស ១២នាក់នៅរដ្ឋ Alabama ខណៈព្យុះបានបោកបក់ពាសពេញភាគអាគ្នេយ៍សហរដ្ឋអាមេរិក បណ្ដាលឱ្យមានទឹកជំនន់ភ្លាមៗ និងព្យុះកួចដែលបំផ្លាញផ្ទះសម្បែងរាប់សិបខ្នង។ នៅមានមនុស្សមួយចំនួនទៀតក៏ត្រូវបានរងរបួសដែរ។យោងតាមអាជ្ញាធរការិយាល័យ Butler County Coroner លោក Wayne Garlock បានអោយដឹងថា មនុស្ស ១០នាក់ក្នុងនោះមានកុមារ ៩នាក់បានស្លាប់កាលពីថ្ងៃសៅរ៍ ទី១៩ ខែមិថុនា នៅក្នុងគ្រោះថ្នាក់រថយន្តបុកគ្នាជាច្រើនគ្រឿង នៅចម្ងាយប្រហែល ៥៥គីឡូម៉ែត្រខាងត្បូងទីក្រុង Montgomery នៅលើផ្លូវឆ្លងកាត់រដ្ឋលេខ ៦៥។ លោកបាននិយាយថា យានជំនិះទាំងនេះទំនងជារថយន្តកែច្នៃររត់លើផ្លូវសើម ដែលមានកុមារជិះចំនួន ៨នាក់មានអាយុចាប់ពី ៤ ទៅ ១៧ឆ្នាំបានស្លាប់នៅក្នុងរថយន្តមួយ ដែលជាកម្មសិទ្ធិរបស់យុវជនម្នាក់ដែលប្រតិបត្តិការដោយក្លឹបអាឡាបាម៉ា ដោយសារតែបណ្ដោយឲ្យក្មេងជិះ។លោក Garlock បានប្រាប់ភ្នាក់ងារព័ត៌មានក្នុងស្រុកថា មនុស្ស ២នាក់បានស្លាប់នៅក្នុងយានយន្តដាច់ដោយឡែកពីគ្នាគឺលោក Cody Fox អាយុ ២៩ឆ្នាំ និងកូនស្រីអាយុ ៩ខែរបស់លោកឈ្មោះ Ariana អ្នកទាំងពីររស់នៅក្នុងតំបន់ Marion County រដ្ឋ Tennessee៕អត្ថបទ៖ សុខមាន

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

WHO៖ ប្រធានអ្នកវិទ្យាសាស្ត្ររបស់អង្គការសុខភាពពិភពលោកនិយាយថា មេរោគបំប្លែងថ្មី Delta នៃមេរោគកូរ៉ូណា ដែលត្រូវបានកំណត់ដំបូងនៅក្នុងប្រទេសឥណ្ឌា បានក្លាយជាមេរោគបំប្លែងថ្មីមានការព្រួយបារម្ភខ្លាំងជាសកល។ចក្រភពអង់គ្លេសបានរាយការណ៍ ការកើនឡើងការឆ្លងមេរោគបំប្លែងថ្មី Delta ខណៈមន្ត្រីសុខាភិបាលសាធារណៈកំពូលរបស់អាល្លឺម៉ង់បានព្យាករណ៍ថា វានឹងក្លាយជាមេរោគបំប្លែងថ្មីលើសលប់លឿនបំផុត ទោះបីមានការកើនឡើងអត្រានៃការចាក់វ៉ាក់សាំងក៏ដោយ។ វិមានក្រឹមឡាំងបានដាក់កំហុសនៃការកើនឡើងករណីវីរុស Covid-19 លើភាពស្ទាក់ស្ទើរក្នុងការឲ្យមានវ៉ាក់សាំង បន្ទាប់ពីកំណត់ត្រាឆ្លងថ្មីក្នុងទីក្រុងមូស្គូភាគច្រើនឆ្លងវីរុសបំប្លែងថ្មី Delta ដែលបង្កើនការព្រួយបារម្ភចំពោះរលកទី៣។មេរោគបំប្លែងថ្មីត្រូវបានលើកឡើងមកនិយាយដោយក្រុមហ៊ុន CureVac ខណៈក្រុមហ៊ុនអាល្លឺម៉ង់មួយនេះបានរាយការណ៍ថា វ៉ាក់សាំងរបស់ខ្លួនបង្ហាញប្រសិទ្ធភាព ៤៧% ក្នុងការការពារវីរុសបំប្លែងនេះ។ អង្គការសុខភាពពិភពលោកនិយាយថា ប្រទេសអាហ្វ្រិកនៅតែជាតំបន់មួយនៃក្តីបារម្ភ ខណៈដំណើរការចាក់វ៉ាក់សាំងមានចំនួនតិចបំផុត ដូចជាករណីថ្មីៗនៅប្រទេសណាំមីប៊ី សេរ៉ាលីអូន និងរវ៉ាន់ដា ដែលបានកើនឡើងការឆ្លងទ្វេដងកាលពីសប្ដាហ៍មុន៕អត្ថបទ៖ ប៊ុនថន

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា

UN៖ មហាសន្និបាតអង្គការសហប្រជាជាតិ បានអនុម័តដំណោះស្រាយការថ្កោលទោសរបបយោធាមីយ៉ាន់ម៉ា ដែលបានផ្ដួលរំលំរដ្ឋាភិបាលជាប់ឆ្នោតរបស់ប្រទេសកាលពីថ្ងៃទី១ ខែកុម្ភៈ។ ទន្ទឹមមនឹងនេះ អង្គការសហប្រជាជាតិបានអំពាវនាវ ឲ្យមានការដោះលែងអ្នកជាប់ឃុំនយោបាយ រួមទាំងមេដឹកនាំជាប់ឆ្នោតលោកស្រី អ៊ុង សានស៊ូជី ព្រមទាំងបញ្ចប់អំពើហិង្សាលើអ្នកតវ៉ាដោយសន្តិវិធី។បេសកជនពិសេសអង្គការសហប្រជាជាតិ ប្រចាំសហភាពមីយ៉ាន់ម៉ា លោកស្រី Christine Schraner Burgener និយាយទៅកាន់មហាសន្និបាតថា ហានិភ័យនៃសង្គ្រាមទ្រង់ទ្រាយធំមានពិតប្រាកដ ខណៈឱកាសក្នុងការវិលត្រឡប់របបយោធា ដែលបានធ្វើរដ្ឋប្រហារដណ្ដើមអំណាចគឺមានតិច។ ការអំពាវនាវរបស់អង្គការសហប្រជាជាតិ ត្រូវបានគាំទ្រដោយបណ្ដាប្រទេសចំនួន ១១៩ ហើយមានតែប្រទេសបេឡារុសមួយគត់ដែលបោះឆ្នោតប្រឆាំង ខណៈ ៣៦ប្រទេសផ្សេងទៀតអនុបវាទរួមមានទាំងប្រទេសរុស្សី និងប្រទេសចិន ដែលជាប្រទេសផ្គត់ផ្គង់អាវុធដ៏ធំរបស់យោធាមីយ៉ាន់ម៉ា។ បណ្ដាប្រទេសអនុបវាទនិយាយថា វិបត្តិគឺជាបញ្ហាផ្ទៃក្នុងរបស់សហភាពមីយ៉ាន់ម៉ា ខណៈបណ្ដាប្រទេសដ៏ទៃទៀតនិយាយថា ដំណោះស្រាយមិនបានដោះស្រាយការបង្ក្រាបដ៏ឃោរឃៅរបស់យោធា លើជនមូស្លីមរ៉ូហ៊ីងយ៉ារយៈពេល ៤ឆ្នាំមកនេះ ដែលបានបង្ខំឲ្យប្រជាជនរាប់លាននាក់រត់ភៀសខ្លួនចេញពីប្រទេស។ ឯកអគ្គរដ្ឋទូតអង្គការសហប្រជាជាតិរបស់សហភាពមីយ៉ាន់ម៉ា ដែលតំណាងឲ្យរដ្ឋាភិបាលស៊ីវិលជាប់ឆ្នោតនិយាយថា លោកខកចិត្តរយៈពេល យូរអង្វែង សម្រាប់មហាសន្និបាតអង្គការសហប្រជាជាតិ ដើម្បីអនុម័តដំណោះស្រាយ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

វីរុស COVID-19 បម្លែងខ្លួនថ្មី Delta Plus បានឆ្លងរាលដាលដល់ប្រទេសចំនួន ៩ លើពិភពលោក

អតីតប្រធានាធិបតីហ្វីលីពីន លោក Benigno Aquino III ទទួលមរណភាពក្នុងវ័យ ៦១ឆ្នាំ

មន្ត្រីអាមេរិក៖ ពុំមានគម្រោងជួបគ្នារវាងលោក Blinken និងរដ្ឋមន្ត្រីការបរទេសចិននៅជំនួបកំពូល G20 ទេ

រុស្ស៊ីកត់ត្រាករណីស្លាប់ប្រចាំថ្ងៃខ្ពស់បំផុតដោយសារជំងឺ COVID-19 ចាប់តាំងពីខែកុម្ភៈមក

WHO៖ វ៉ាក់សាំងបង្ការជំងឺ COVID-19 ចាប់ផ្ដើមអស់បណ្ដើរៗនៅប្រទេសក្រីក្រមួយចំនួន

ចិនចាក់វ៉ាក់សាំងបង្ការជំងឺ COVID-19 ជូនប្រជាពលរដ្ឋបានជាង ១ពាន់លានដូស

អ្នកស្លាប់ដោយសារ COVID-19 នៅប្រេស៊ីលកើនឡើងដល់ជាង ៥០ម៉ឺននាក់ ខណៈអ្នកជំនាញព្រមានពីស្ថានភាពកាន់តែធ្ងន់ធ្ងរ

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

វីរុស ​COVID-19 ប​ម្លែ​ង​ខ្លួន​ថ្មី Delta Plus បាន​ឆ្លង​រាលដាល​ដល់​ប្រទេស​ចំនួន ៩ លើ​ពិភពលោក

អតីត​ប្រធានាធិបតី​ហ្វីលីពីន ​លោក Benigno Aquino III ទទួលមរណភាព​ក្នុង​វ័យ ​៦១​ឆ្នាំ

រុស្ស៊ី​កត់ត្រា​ករណី​ស្លាប់​ប្រចាំថ្ងៃ​ខ្ពស់​បំផុត​ដោយសារ​ជំងឺ COVID-19 ចាប់​តាំង​ពី​ខែ​កុម្ភៈ​មក​

WHO៖ វ៉ាក់សាំង​បង្ការ​ជំងឺ COVID-19 ចាប់ផ្ដើម​អស់​បណ្ដើរៗ​នៅ​ប្រទេស​ក្រីក្រ​មួយ​ចំនួន​

ចិន​ចាក់​វ៉ាក់សាំង​បង្ការ​ជំងឺ COVID-19 ជូន​ប្រជា​ពលរដ្ឋ​បាន​ជាង ​១​ពាន់​លាន​ដូ​ស​

មនុស្ស​ ១២​នាក់​ស្លាប់រួម​ទាំង​កុមារ ១០​នាក់​នៅ​រដ្ឋ​ Alabama​ ដោយសារតែ​ព្យុះ​ត្រូ​ពិ​ក​សម្ពាធ​ទាប Claudette

មេរោគ​ COVID-19 បំប្លែង​ថ្មី Delta ក្លាយ​ជា​បញ្ហា​ធំ​ជាស​កល​

អង្គការ​សហប្រជាជាតិ​អំពាវនាវ​ឲ្យ​មានការ​ហាមឃាត់​អាវុធ​ប្រឆាំង​យោធា​មី​យ៉ាន់​ម៉ា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វីរុស COVID-19 បម្លែងខ្លួនថ្មី Delta Plus បានឆ្លងរាលដាលដល់ប្រទេសចំនួន ៩ លើពិភពលោក

អតីតប្រធានាធិបតីហ្វីលីពីន លោក Benigno Aquino III ទទួលមរណភាពក្នុងវ័យ ៦១ឆ្នាំ

រុស្ស៊ីកត់ត្រាករណីស្លាប់ប្រចាំថ្ងៃខ្ពស់បំផុតដោយសារជំងឺ COVID-19 ចាប់តាំងពីខែកុម្ភៈមក

WHO៖ វ៉ាក់សាំងបង្ការជំងឺ COVID-19 ចាប់ផ្ដើមអស់បណ្ដើរៗនៅប្រទេសក្រីក្រមួយចំនួន

ចិនចាក់វ៉ាក់សាំងបង្ការជំងឺ COVID-19 ជូនប្រជាពលរដ្ឋបានជាង ១ពាន់លានដូស

មនុស្ស ១២នាក់ស្លាប់រួមទាំងកុមារ ១០នាក់នៅរដ្ឋ Alabama ដោយសារតែព្យុះត្រូពិកសម្ពាធទាប Claudette

មេរោគ COVID-19 បំប្លែងថ្មី Delta ក្លាយជាបញ្ហាធំជាសកល

អង្គការសហប្រជាជាតិអំពាវនាវឲ្យមានការហាមឃាត់អាវុធប្រឆាំងយោធាមីយ៉ាន់ម៉ា