BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

UN៖ មហាសន្និបាតអង្គការសហប្រជាជាតិ (UNGA) កាលពីថ្ងៃសុក្របានតែងតាំងលោក Antonio Guterres ជាអគ្គលេខាធិការអង្គការសហប្រជាជាតិ សម្រាប់អាណត្តិទី២ ក្នុងរយៈពេល ៥ឆ្នាំដោយចាប់ផ្ដើមពីថ្ងៃទី១ ខែមករា ឆ្នាំ២០២២។ ប្រធានសម័យប្រជុំមហាសន្និបាតអង្គការសហប្រជាជាតិលើកទី៧៥ លោក Volkan Bozkir បានប្រកាសការតែងតាំងនេះជាផ្លូវការក្នុងមហាសន្និបាត។ថ្លែងទៅកាន់ក្រុមអ្នកសារព័ត៌មានបន្ទាប់ពីការតែងតាំង លោក Guterres និយាយថា លោកនឹងទទួលយកការទទួលខុសត្រូវក្នុងការបម្រើការ ជាអគ្គលេខាធិការក្នុងអាណត្តិទី២ ជាមួយនឹងការអរគុណ និងការប្តេជ្ញាចិត្តខ្ពស់ក្នុងការធ្វើការជាមួយគ្នា ដើម្បីជំរុញធម្មនុញ្ញអង្គការសហប្រជាជាតិ។ ក្នុងពិធីស្បថចូលកាន់តំណែងនៅសាលមហាសន្និបាត លោក Guterres បាននិយាយថា ខ្ញុំដឹងច្បាស់អំពីទំនួលខុសត្រូវធំធេង ដែលអ្នកបានប្រគល់ដល់ខ្ញុំនៅគ្រាលំបាកក្នុងប្រវត្តិសាស្ត្រ។ យើងកំពុងស្ថិតនៅផ្លូវលើបំបែក ហើយមានជម្រើសជាច្រើននៅពីមុខយើង។ ដោយបញ្ជាក់ពីការរីករាលដាលវីរុស Covid-19 បានបង្ហាញពីតម្រូវការដាច់ខាតសម្រាប់សកម្មភាពសមូហភាព លោក Guterres បានសន្យាថា នឹងបន្តជួយដល់ការរៀបចំផែនការពិភពលោកឱ្យរួចផុតពីរោគរាតត្បាត។អ្នកនយោបាយជនជាតិព័រទុយហ្កាល់អាយុ ៧២ឆ្នាំរូបនេះបានកាន់តំណែងជាប្រធានអង្គការសហប្រជាជាតិតាំងពីឆ្នាំ២០១៧។ អាណត្តិទី២ របស់លោកក្នុងនាមជាអគ្គលេខាធិការអង្គការសហប្រជាជាតិទី៩ នឹងចាប់ផ្ដើមនៅថ្ងៃទី១ ខែមករា ឆ្នាំ២០២២។ ប្រធានាធិបតីចិន លោក Xi Jinping បានផ្ញើសារអបអរសាទរដល់ប្រមុខអង្គការសហប្រជាជាតិ និងប្រធានាធិបតីព័រទុយ ហ្កាល់ លោក Marcelo Rebelo de Sousa ជុំវិញការជាប់ឆ្នោតជាថ្មីរបស់លោក Guterres។ នៅក្នុងសារលោក Xi បាននិយាយថា ក្នុងនាមជាអង្គការអន្តរជាតិ អន្តររដ្ឋាភិបាលដែលមានលក្ខណៈជាអ្នកតំណាង និងជាអ្នកផ្តល់សិទ្ធិអំណាចបំផុត អង្គការសហប្រជាជាតិដើរតួនាទីយ៉ាងសំខាន់ក្នុងកិច្ចការអន្តរជាតិ៕អត្ថបទ៖ ប៊ុនថន

កូរ៉េខាងត្បូងសន្យាផ្តល់ថវិកា ២០០លានដុល្លារអាមេរិកដល់កិច្ចប្រឹងប្រែងផ្គត់ផ្គង់វ៉ាក់សាំង COVID-19 ជាអន្តរជាតិ

កូរ៉េខាងត្បូង៖ សម្ព័ន្ធភាពសកលសម្រាប់វ៉ាក់សាំង និងការចាក់វ៉ាក់សាំង (GAVI) និយាយកាលពីថ្ងៃសុក្រថា ប្រទេសកូរ៉េខាងត្បូងសន្យាផ្តល់ថវិកាចំនួន ២០០លានដុល្លារអាមេរិកដល់កម្មវិធីវ៉ាក់សាំងរបស់មជ្ឈមណ្ឌល COVAX ដែលកំពុងផ្គត់ផ្គង់វ៉ាក់សាំងសម្រាប់បណ្ដាប្រទេសមានប្រាក់ចំណូលទាប។មជ្ឈមណ្ឌល COVAX ដែលគាំទ្រដោយសម្ព័ន្ធភាពសកល (GAVI) និងអង្គការសុខភាពពិភពលោក (WHO) មានគោលបំណងធានាបាននូវវ៉ាក់សាំងចំនួន ២ពាន់លានដូសនៅចុងឆ្នាំ ២០២១។ សេចក្ដីថ្លែងការណ៍របស់សម្ព័ន្ធភាពសកល (GAVI) និយាយថា ប្រធានាធិបតីកូរ៉េខាងត្បូងលោក Moon Jae-in បាននិយាយនៅក្នុងសេចក្ដីថ្លែងការណ៍ថា សាធារណរដ្ឋកូរ៉េសន្យាផ្តល់ការរួមចំណែកសរុបចំនួន ១០០លានដុល្លារអាមេរិកនៅឆ្នាំនេះ ហើយនៅឆ្នាំ២០២២ ចំនួន ១០០លានដុល្លារទៀតជាទម្រង់នៃការរួមបញ្ចូលគ្នានូវហិរញ្ញវត្ថុ និងជាការចូលរួមចំណែកដ៏ប្រសើរ។ ខណៈពេលដែលប្រទេសអ្នកមានដែលមានយុទ្ធនាការចាក់វ៉ាក់សាំងដល់ប្រជាជនយ៉ាងច្រើននោះ ពិភពលោកភាគច្រើននឹងនៅឆ្ងាយពីក្តីបារម្ភនៃរលកបន្ថែមទៀត ដែលអាចបង្កឡើងដោយវីរុសបំប្លែងថ្មី។ទន្ទឹមនឹងនេះ មេដឹកនាំមកពីក្រុមប្រទេសមានឧស្សាហកម្មរីកចម្រើន (G7) បានព្រមព្រៀងគ្នាកាលពីចុងសប្ដាហ៍មុន ក្នុងការសន្យាផ្តល់នូវវ៉ាក់សាំងចំនួន ៨៧០លានដូស ដោយមានគោលបំណងផ្តល់ឲ្យយ៉ាងហោចណាស់ពាក់កណ្ដាល នៃដូសវ៉ាក់សាំងនៅចុងឆ្នាំនេះ។ លោក Tedros Adhanom Ghebreyesus អគ្គនាយកអង្គការសុខភាពពិភពលោក បានស្វាគមន៍ចំពោះការជួយផ្គត់ផ្គង់នេះ ប៉ុន្តែបាននិយាយថា ត្រូវការដូសវ៉ាក់សាំងជាច្រើនទៀតដែលចាំបាច់ និងឆាប់រហ័ស៕អត្ថបទ៖ ប៊ុនថន

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

ពិភពលោក៖ យោងតាមសារព័ត៌មាន Reuters ចំនួនអ្នកស្លាប់ទាក់ទងនឹងវីរុសកូរ៉ូណា នៅទូទាំងពិភពលោកបានហក់ឡើងជាង ៤លាននាក់កាលពីថ្ងៃព្រហស្បតិ៍ ខណៈដែលប្រទេសជាច្រើនកំពុងស្វះស្វែងធានាឲ្យបានវ៉ាក់សាំងគ្រប់គ្រាន់ សម្រាប់ចាក់ដល់ពលរដ្ឋរបស់ខ្លួន។ខណៈចំនួនករណីឆ្លង និងស្លាប់ថ្មីបានធ្លាក់ចុះនៅក្នុងប្រទេសមួយចំនួន ដូចជាសហរដ្ឋ អាមេរិក ចក្រភពអង់គ្លេសជាដើមនោះ ប្រទេសមួយចំនួនបានខ្វះវ៉ាក់សាំង ខណៈវីរុសបម្លែងខ្លួនថ្មី Delta ក្លាយជាវីរុសឆ្លងរាតត្បាតខ្លាំងនៅជុំវិញពិភពលោក។ យោងតាមការវិភាគរបស់សារព័ត៌មាន Reuters អ្នកស្លាប់ដោយសារជំងឺ COVID-19 បានហក់ឡើងជាង ២លាននាក់ត្រឹមរយៈពេលជាង ១ឆ្នាំ ខណៈចំនួន ២លាននាក់ទៀតត្រូវបានកត់ត្រាក្នុងរយៈពេលត្រឹមតែ ១៦៦ថ្ងៃ។ប្រទេសចំនួន ៥ ដែលមានមនុស្សស្លាប់សរុបខ្ពស់បំផុតគឺសហរដ្ឋអាមេរិក ប្រេស៊ីល ឥណ្ឌា រុស្ស៊ី និងម៉ិកស៊ិកស្មើប្រហែល ៥០% នៃចំនួនអ្នកស្លាប់ទាំងអស់ក្នុងពិភពលោក ខណៈដែលប្រទេសប៉េរូ ហុងគ្រី បូស្នៀ សាធារណៈរដ្ឋឆែក និងដែនដីហ្គីប្រាលតា មានអត្រាស្លាប់ខ្ពស់បំផុតគិតតាមចំនួនប្រជាជនសរុបរបស់ខ្លួន៕អត្ថបទ៖ សុខមាន

សេតវិមាននឹងពិចារណាពីជំនួបរវាងលោក Biden និងលោក Xi Jinping

អាមេរិក៖ មន្ត្រីជាន់ខ្ពស់មួយរូបបាននិយាយកាលពីថ្ងៃព្រហស្បតិ៍ថា សេតវិមាននឹងពិចារណាការរៀបចំជំនួបពិភាក្សារវាងលោកប្រធានាធិបតី Joe Biden និងសមភាគីចិនរបស់លោកគឺលោក Xi Jinping ខណៈប្រទេសទាំង២ មានភាពចម្រូងចម្រាសលើបញ្ហាជាច្រើន រួមទាំងបញ្ហាសិទ្ធិមនុស្ស។ទីប្រឹក្សាសន្តិសុខជាតិរបស់លោក Biden គឺលោក Jake Sullivan បាននិយាយថា មេដឹកនាំទាំង២ គ្រោងនឹងសម្រេចថា តើទំនាក់ទំនងរវាងប្រទេសទាំង២ ស្ថិតនៅត្រង់ចំណុចណា។ ទីក្រុងប៉េកាំងបានបង្ហាញការមិនពេញចិត្ត ចំពោះសេចក្ដីថ្លែងការណ៍រួមដែលបានចេញតាមការទាមទាររបស់លោក Biden ដោយក្រុមមេដឹកនាំនៃក្រុមប្រទេសទាំង៧ ឬ (G7) កាលពីថ្ងៃអាទិត្យ។ ជំនួបនោះបានស្តីបន្ទោសប្រទេសចិន អំពីសិទ្ធិមនុស្សនៅក្នុងតំបន់ស៊ីនជាំង និងទីក្រុងហុងកុងរបស់ខ្លួន ខណៈទាមទារឲ្យមានការស៊ើបអង្កេតយ៉ាងពេញលេញ និងហ្មត់ចត់អំពីប្រភពដើមនៃវីរុសកូរ៉ូណានៅក្នុងប្រទេសចិន។លោក Sullivan បានប្រាប់ក្រុមអ្នកសារព័ត៌មាន នៅសន្និសីទសារព័ត៌មានតាម Video ថា មិនយូរទៀតទេ យើងនឹងអង្គុយធ្វើការដោយស្មើភាព សម្រាប់ប្រធានាធិបតីទាំង២។ វាអាចជាការសន្ទនាតាមទូរស័ព្ទ វាអាចជាជំនួបក្នុងពេលមានជំនួបកំពូលអន្តរជាតិ ឬអាចនៅពេលណាមួយផ្សេងទៀត។ ទាំងលោក Biden ទាំងលោក Xi ត្រូវគេរំពឹងថានឹងចូលរួមជំនួប G20 នៅខែតុលា ដែលរៀបចំឡើងដោយប្រទេសអ៊ីតាលី ដែលអាចជាវេទិកាសម្រាប់ជំនួបនោះ។ យ៉ាងណា លោក Sullivan ពុំបានផ្ដល់ការសម្រេចចុងក្រោយណាមួយនោះទេ៕អត្ថបទ៖ សុខមាន

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

រុស្ស៊ី៖ លោកប្រធានាធិបតីរុស្ស៊ី Vladimir Putin កាលពីថ្ងៃព្រហស្បតិ៍បានកោតសរសើរលទ្ធផល នៃកិច្ចប្រជុំកំពូលរបស់លោកជាមួយប្រធានាធិបតីអាមេរិកលោក Joe Biden ហើយបានហៅលោកថា ជាអ្នកចរចាវាងវៃ និងហ្មត់ចត់។មេដឹកនាំទាំងពីរបានបញ្ចប់កិច្ចពិភាក្សារយៈពេល ៣ម៉ោងកាលពីថ្ងៃពុធនៅឯវីឡាដ៏ប្រណីតមួយទល់មុខបឹងហ្សឺណែវ ដោយផ្លាស់ប្ដូរការបង្ហាញការគោរពគ្នាទៅវិញទៅមក ប៉ុន្តែបានបង្ហាញនូវទស្សនៈខ្វែងគំនិតគ្នាយ៉ាងខ្លាំង ទៅលើការវាយប្រហារតាមប្រព័ន្ធបច្ចេកវិទ្យា ជម្លោះនៅអ៊ុយក្រែន ជម្លោះនយោបាយ និងបញ្ហាផ្សេងៗទៀត។ ក្នុងពេលជាមួយគ្នានោះ មេដឹកនាំទាំង២ បានប្រកាសពីកិច្ចព្រមព្រៀង ឈានដល់ការបញ្ជូនឯកអគ្គរដ្ឋទូតរបស់ខ្លួន ទៅកាន់ប្រទេសទាំង២ និងរៀបចំផែនការពិភាក្សាបន្ថែមទៀត ស្ដីពីការគ្រប់គ្រងអាវុធ និងសន្តិសុខប្រព័ន្ធបច្ចេកវិទ្យា។ លោក Putin ដែលបានសាទរលោក Biden ថា ជាអ្នកអន្តរការីពោរពេញដោយបទពិសោធន៍ និងមានលក្ខណៈស្ថាបនា នៅក្នុងសន្និសីទសារព័ត៌មានមួយនៅទីក្រុងហ្សឺណែវ បានផ្តល់ការកោតសរសើរដល់មេដឹកនាំសហរដ្ឋអាមេរិក កាលពីថ្ងៃព្រហស្បតិ៍នៅក្នុង video call ជាមួយនិស្សិតបញ្ចប់ការសិក្សា នៅសាលាគ្រប់គ្រងរបស់រដ្ឋាភិបាល។លោក Putin បាននិយាយថា លោកដឹងរឿងនេះច្បាស់ណាស់។ លោកផ្ដោតលើការងារខ្លាំងណាស់ ហើយដឹងថា អ្វីដែលលោកចង់សម្រេចបាន។ ហើយលោកធ្វើការងារនោះប្រកបដោយស្មារតីវាងវៃ។ លោកបានច្រានចោលនូវអ្វីដែលលោកបានពិពណ៌នាថា ជាការប៉ុនប៉ងតាមប្រព័ន្ធផ្សព្វផ្សាយក្នុងការវាយប្រហារលោក Biden ថា ជាមនុស្សចាស់ទន់ខ្សោយដោយបញ្ជាក់ថា ប្រធានាធិបតីអាមេរិកវ័យ ៧៨ឆ្នាំរូបនេះមានជំហររឹងមាំ សូម្បីតែនៅក្នុងកិច្ចប្រជុំជាមួយរូបលោក និងជំនួបដែលបានបញ្ចប់ដំណើរទស្សនកិច្ចនៅអឺរ៉ុបសម្រាប់លោក Biden ដែលរួមមានកិច្ចប្រជុំកំពូល G-7 និង NATO៕អត្ថបទ៖ សុខមាន

ឥណ្ឌារាយការណ៍ករណីឆ្លងថ្មីនៃវីរុស COVID-19 ជាង ៦ម៉ឺននាក់ ដែលនាំឲ្យអ្នកឆ្លងសរុបឡើងជាង ២៩លាននាក់

ឥណ្ឌា៖ ក្រសួងសុខាភិបាលសហព័ន្ធបាននិយាយថា ករណីឆ្លងជំងឺ COVID-19 នៅក្នុងប្រទេសឥណ្ឌាបានកើនឡើងដល់ ២៩,៧០០,៣១៣នាក់នៅថ្ងៃព្រហស្បតិ៍នេះ បន្ទាប់ពីមានករណីឆ្លងថ្មីចំនួន ៦៧,២០៨នាក់ត្រូវបានកត់ត្រាក្នុងរយៈពេល ២៤ម៉ោង។ចំណែកអ្នកជំងឺជាង ២,៣៣០នាក់ទៀតបានស្លាប់ចាប់តាំងពីព្រឹកថ្ងៃពុធ ដែលនាំឲ្យអ្នកស្លាប់សរុបកើនឡើងដល់ ៣៨១,៩០៣នាក់។ នេះជាថ្ងៃទី១០ ជាប់ៗគ្នា នៅពេលមានការឆ្លងតិចជាង ១០ម៉ឺននាក់ត្រូវបានកត់ត្រាទូទាំងប្រទេស បន្ទាប់ពីបានហក់ឡើងដល់ចំណុចកំពូលជាង ៤០ម៉ឺននាក់ក្នុងរយៈពេលប៉ុន្មានថ្ងៃកាលពីខែមេសា និងឧសភា។ មនុស្សសរុបចំនួន ២៨,៤៩១,៦៧០នាក់បានជាសះស្បើយ និងត្រូវបានអនុញ្ញាតឲ្យចាកចេញពីមន្ទីរពេទ្យនៅទូទាំងប្រទេស បន្ទាប់ពីមានអ្នកជំងឺចំនួន ១០៣,៥៧០នាក់ត្រូវបានអនុញ្ញាតឲ្យចេញពីមន្ទីរពេទ្យកាលពីព្រឹកថ្ងៃពុធ៕អត្ថបទ៖ សុខមាន

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ

ចិន៖ នៅព្រឹកថ្ងៃព្រហស្បតិ៍នេះ ប្រទេសចិនបានបាញ់បង្ហោះយាន Shenzhou-12 មានអវកាសយានិក ៣រូបដោយជោគជ័យ ដែលជាបេសកកម្មមានផ្ទុកដោយអវកាសយានិកដំបូង អំឡុងពេលសាងសង់ស្ថានីយអវកាសរបស់ប្រទេសចិន។អនុប្រធានបេសកកម្មយោធាកណ្ដាល លោក Xu Qiliang បានជួប និងជូនដំណើរអវកាសយានិកទាំង ៣នាក់មានលោក Nie Haisheng, Liu Boming និង Tang Hongbo នៅមូលដ្ឋានបាញ់បង្ហោះផ្កាយរណប Jiuquan មុនពេលបាញ់បង្ហោះ ដែលលោកបានជូនពរឲ្យបេសកកម្មទទួលបានជោគជ័យ និងត្រឡប់មកវិញដោយសុវត្ថិភាពតាមផែនការ។ អវកាសយានិកចិនទាំង ៣រូបបានចេញដំណើរទៅកាន់ទីតាំងបាញ់បង្ហោះ បន្ទាប់ពីទទួលបទបញ្ជាពីបញ្ជាការកម្មវិធីអវកាសរបស់ប្រទេសចិន លោក Li Shangfu។ អវកាសយានិកទាំង ៣រូបបានទទួលបានការសាទរពីប្រជាជនជាច្រើន ដែលបានមកជួបជុំគ្នាពេលជូនដំណើរពួកគេ។ការបាញ់បង្ហោះយានផ្ទុកអវកាសយានិកទាំង ៣រូបនេះត្រូវបានធ្វើឡើងនៅអំឡុងម៉ោងជាង ៩ព្រឹកថ្ងៃព្រហស្បតិ៍នេះ (ម៉ោងនៅទីក្រុងប៉េកាំង) ចេញពីមូលដ្ឋានបាញ់បង្ហោះ Jiuquan ភាគពាយព្យប្រទេសចិន។ អវកាសយានិកទាំង ៣រូបដែលត្រូវជាក្រុមដំបូងគេនៃបេសកកម្មនេះ នឹងត្រូវស្នាក់នៅក្នុងបន្ទប់ស្ថានីយអវកាសចិន ដែលកំពុងស្ថិតក្នុងដំណាក់កាលសាងសង់រយៈពេល ៣ខែ។ យានអវកាស Shenzhou-12 ត្រូវបានផ្តាច់ខ្លួនចេញពីគ្រាប់រ៉ុក្កែត Long March-2F Y12 នៅក្រោយរយៈពេល ៥៧៣វិនាទីនៃការបាញ់បង្ហោះចេញពីផ្ទៃផែនដី។ យាន Shenzhou-12 និងអវកាសយានិក ៣រូបនេះត្រូវបំពេញបេសកកម្ម ដើម្បីកសាងស្ថានីយអវកាសថ្មីឲ្យរួចរាល់នៅអំឡុងចុងឆ្នាំ២០២២៕អត្ថបទ៖ ប៊ុនថន

ទាហានរបស់យោធាមីយ៉ាន់ម៉ាដុតកម្ទេចភូមិអ្នកស្រុកក្នុងអំពើហិង្សាដែលកំពុងរីកធំ

មីយ៉ាន់ម៉ា៖ ប្រជាពលរដ្ឋម្នាក់បាននិយាយកាលពីថ្ងៃពុធ ដែលបញ្ជាក់សេចក្ដីរាយការណ៍ដោយសារព័ត៌មានឯករាជ និងបណ្ដាញសង្គមនានាថា រដ្ឋាភិបាលក្នុងសហភាពមីយ៉ាន់ម៉ាបានដុតបំផ្លាញភូមិមួយស្ទើរតែទាំងស្រុង នៅក្នុងដែនដីភាគកណ្ដាលរបស់ប្រទេសនេះ។សកម្មភាពនេះទំនងជាការប៉ុនប៉ងក្នុងការបង្ក្រាប ការតស៊ូប្រឆាំងនឹងយោធាដែលកំពុងកាន់អំណាច។ ការវាយប្រហារនេះគឺជាឧទាហរណ៍ចុងក្រោយ នៃរបៀបដែលអំពើហិង្សាបានរាលដាលនៅក្នុងសហភាពមីយ៉ាន់ម៉ាក្នុងប៉ុន្មានខែថ្មីៗនេះ នៅពេលដែលរបបយោធាព្យាយាមបង្ក្រាបការបះបោរនៅទូទាំងប្រទេស។ រូបភាព និងវីដេអូនៃភាពហិនហោចក្នុងភូមិ Kinma ក្នុងតំបន់ Magway ដែលត្រូវបានចែកចាយយ៉ាងទូលំទូលាយ នៅលើបណ្ដាញសង្គមកាលពីថ្ងៃពុធ បង្ហាញពីផ្នែកភាគច្រើននៃភូមិមួយនេះត្រូវបានឆេះរាបដល់ដី និងសាកសពសត្វងាប់ក្នុងកសិដ្ឋាន។ មានអ្នកភូមិម្នាក់ត្រូវបានទាក់ទងតាមទូរស័ព្ទដោយនិយាយថា មានលំនៅឋានតែ ១០ខ្នងប៉ុណ្ណោះក្នុងចំណោម ២៣៧ខ្នងមិនត្រូវបានបំផ្លិចបំផ្លាញ៕អត្ថបទ៖ សុខមាន

លោក Biden និងលោក Putin សរសើរកិច្ចពិភាក្សាកំពូលនៅទីក្រុងហ្សឺណែវ ប៉ុន្តែនៅតែមានការខ្វែងគំនិតគ្នា

ស្វីស៖ ប្រធានាធិបតីសហរដ្ឋអាមេរិក និងរុស្ស៊ីបានកោតសរសើរ ចំពោះកិច្ចចរចារបស់ពួកគេនៅទីក្រុងហ្សឺណែវ ប៉ុន្តែមានភាពជឿនលឿនតិចតួចនៅក្នុងកិច្ចប្រជុំលើកដំបូងចាប់តាំងពីឆ្នាំ២០១៨ មក។ប្រធានាធិបតីសហរដ្ឋអាមេរិក លោក Joe Biden បាននិយាយថា ការខ្វែងគំនិតគ្នាត្រូវបានបញ្ជាក់ ប៉ុន្តែមិនមានលក្ខណៈហួសហេតុទេ ហើយលោកបាននិយាយថា ប្រទេសរុស្ស៊ីមិនចង់បានសង្គ្រាមត្រជាក់ថ្មីទៀតដែរ។ ប្រធានាធិបតីរុស្ស៊ី លោក Vladimir Putin បាននិយាយថា លោក Biden គឺជារដ្ឋបុរសពោរពេញដោយបទពិសោធន៍ ហើយមេដឹកនាំទាំងពីរបាននិយាយភាសាដូចគ្នា។ កិច្ចពិភាក្សាមានរយៈពេលប្រហែល ៣ម៉ោងតិចជាងពេលវេលាដែលបានគ្រោងទុក។ លោក Biden បាននិយាយថា ពួកលោកមិនចាំបាច់ចំណាយពេលនិយាយច្រើនទេ ហើយឥឡូវនេះមានទស្សនវិស័យពិតប្រាកដមួយ ដើម្បីធ្វើឱ្យប្រសើរឡើងវិញនូវទំនាក់ទំនងជាមួយរុស្ស៊ី។ជាអំណោយដល់មេដឹកនាំរុស្ស៊ី លោក Biden បានបញ្ជាក់ពីទឹកចិត្តដោយជូនវ៉ែនតាការពារខ្យល់ដែលមានលក្ខណៈផ្ទាល់ខ្លួន ជាស្ទីលដែលប្រធានាធិបតីអាមេរិកចូលចិត្ត។ គេមិនទាន់ច្បាស់ថា តើលោក Putin បានជូនអំណោយដល់លោក Biden ដែរ ឬអត់នោះទេ។ កាលពីឆ្នាំ២០១៨ មេដឹកនាំរុស្ស៊ីរូបនេះបានជូនបាល់ដល់អតីតប្រធានាធិបតី លោក Donald Trump បន្ទាប់ពីជំនួបនៅទីក្រុងហែលស៊ីនគីប្រទេសហ្វាំងឡង់៕អត្ថបទ៖ សុខមាន

គេរំពឹងថា ជំនួបរវាងលោក Biden និងលោក Putin អាចនឹងចាប់ផ្ដើមនៅម៉ោង ១រសៀល និងមានរយៈពេល ៥ម៉ោង

ស្វីស៖ លោកប្រធានាធិបតីអាមេរិក Joe Biden បានធ្វើដំណើរទៅដល់ទីក្រុងហ្សឺណែវប្រទេសស្វីសកាលពីថ្ងៃអង្គារ សម្រាប់ជំនួបដំបូងរបស់លោកជាមួយលោកប្រធានាធិបតីរុស្ស៊ី Vladimir Putin ជាជំនួបដែលខាងសេតវិមានសង្ឃឹមថា នឹងគូសបន្ទាត់ក្រហមឲ្យបានច្បាស់លាស់ ទប់ស្កាត់កុំឲ្យទំនាក់ទំនងដ៏ផុយស្រួយរវាងសហរដ្ឋអាមេរិក និងរុស្ស៊ីធ្លាក់ចុះដុនដាបកាន់តែខ្លាំងថែមទៀត។នៅពេលដែលត្រូវបានសួរថា តើលោកត្រៀមខ្លួនសម្រាប់ការប្រឈមដ៏តានតឹងនោះហើយ ឬនៅ? ប្រធានាធិបតីសហរដ្ឋអាមេរិកបានប្រាប់អ្នកយកព័ត៌មាន ដោយទឹកមុខញញឹមថា “ខ្ញុំត្រៀមខ្លួនជានិច្ច”។ លោក Biden និងលោក Putin នឹងពិភាក្សាគ្នាជាច្រើនម៉ោងនៅថ្ងៃពុធនេះ នៅវីឡាមាត់បឹងដ៏ប្រណីតមួយក្នុងទីក្រុងហ្សឺណែវ ដែលជាការរំលឹកពីកិច្ចប្រជុំកំពូលសង្គ្រាមត្រជាក់រវាងប្រធានាធិបតីអាមេរិក Ronald Reagan និងមេដឹកនាំសូវៀត លោក Mikhail Gorbachev នៅទីក្រុងស្វីសកាលពីឆ្នាំ១៩៨៥។ កិច្ចពិភាក្សានៅវីឡា La Grange ត្រូវបានគេរំពឹងថា នឹងចាប់ផ្ដើមនៅម៉ោងប្រហែល ១រសៀលម៉ោងនៅស្វីស និងមានរយៈពេលរហូតដល់ ៥ម៉ោង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

កូរ៉េខាងត្បូងសន្យាផ្តល់ថវិកា ២០០លានដុល្លារអាមេរិកដល់កិច្ចប្រឹងប្រែងផ្គត់ផ្គង់វ៉ាក់សាំង COVID-19 ជាអន្តរជាតិ

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

សេតវិមាននឹងពិចារណាពីជំនួបរវាងលោក Biden និងលោក Xi Jinping

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

ឥណ្ឌារាយការណ៍ករណីឆ្លងថ្មីនៃវីរុស COVID-19 ជាង ៦ម៉ឺននាក់ ដែលនាំឲ្យអ្នកឆ្លងសរុបឡើងជាង ២៩លាននាក់

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ

ទាហានរបស់យោធាមីយ៉ាន់ម៉ាដុតកម្ទេចភូមិអ្នកស្រុកក្នុងអំពើហិង្សាដែលកំពុងរីកធំ

លោក Biden និងលោក Putin សរសើរកិច្ចពិភាក្សាកំពូលនៅទីក្រុងហ្សឺណែវ ប៉ុន្តែនៅតែមានការខ្វែងគំនិតគ្នា

គេរំពឹងថា ជំនួបរវាងលោក Biden និងលោក Putin អាចនឹងចាប់ផ្ដើមនៅម៉ោង ១រសៀល និងមានរយៈពេល ៥ម៉ោង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Antonio Guterres ត្រូវ​បាន​តែង​តាំង​ជា​អគ្គលេខាធិការ​ UN សម្រាប់​អាណត្តិ​​ទី​២

ចំនួន​អ្នក​ស្លាប់​ដោយសារ​ជំងឺ ​COVID-19 លើ​ពិភព​លោក​បាន​កើន​ឡើង​ជាង ​៤​លាន​នាក់​

សេត​វិមាន​នឹង​ពិចារណា​ពី​ជំនួប​រវាង​លោក Biden និង​លោក Xi Jinping

លោក Putin កោត​សរសើរ​លទ្ធផល​ជំនួប​កំពូល និង​ហៅ​លោក Biden ថា​ ជា​អ្នក​ចរចា​ប្រកាន់​ជំហរ​តឹងរ៉ឹង

ចិន​បាញ់​បង្ហោះ​យាន​ផ្ទុក​អវកាស​យានិក ​៣​រូប​ឡើង​ទៅ​កាន់​ទី​អវកាស​ដោយ​ជោគជ័យ​

ទាហានរបស់​យោធា​មី​យ៉ាន់​ម៉ា​ដុត​កម្ទេច​ភូមិ​អ្នកស្រុក​ក្នុង​អំពើ​ហិង្សា​ដែល​កំពុង​រីក​ធំ​

គេ​រំពឹង​ថា ​ជំនួប​រវាង​លោក Biden និង​លោក​ Putin​ អាច​នឹង​ចាប់ផ្ដើម​នៅ​ម៉ោង ​១រ​សៀ​ល និង​មាន​រយៈ​ពេល​ ៥​ម៉ោង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Antonio Guterres ត្រូវបានតែងតាំងជាអគ្គលេខាធិការ UN សម្រាប់អាណត្តិទី២

ចំនួនអ្នកស្លាប់ដោយសារជំងឺ COVID-19 លើពិភពលោកបានកើនឡើងជាង ៤លាននាក់

សេតវិមាននឹងពិចារណាពីជំនួបរវាងលោក Biden និងលោក Xi Jinping

លោក Putin កោតសរសើរលទ្ធផលជំនួបកំពូល និងហៅលោក Biden ថា ជាអ្នកចរចាប្រកាន់ជំហរតឹងរ៉ឹង

ចិនបាញ់បង្ហោះយានផ្ទុកអវកាសយានិក ៣រូបឡើងទៅកាន់ទីអវកាសដោយជោគជ័យ

ទាហានរបស់យោធាមីយ៉ាន់ម៉ាដុតកម្ទេចភូមិអ្នកស្រុកក្នុងអំពើហិង្សាដែលកំពុងរីកធំ

គេរំពឹងថា ជំនួបរវាងលោក Biden និងលោក Putin អាចនឹងចាប់ផ្ដើមនៅម៉ោង ១រសៀល និងមានរយៈពេល ៥ម៉ោង