BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ៤នាក់ស្លាប់ និង ៤នាក់រងរបួសក្នុងការបាញ់ប្រហារនៅតំបន់ South Side ទីក្រុង Chicago

អាមេរិក៖ នគរបាលនិយាយថា ជម្លោះនៅក្នុងលំនៅឋានមួយខ្នងនៅតំបន់ South Side របស់ទីក្រុង Chicago សហរដ្ឋអាមេរិក បានបង្កឲ្យមានការផ្ទុះអាវុធកាលពីព្រឹកថ្ងៃអង្គារ បណ្ដាលឲ្យមនុស្ស ៤នាក់ស្លាប់ និង ៤នាក់ផ្សេងទៀតរងរបួស។នគរបាលនិយាយថា ការបាញ់ប្រហារបានកើតឡើងនៅម៉ោងប្រហែល ៥ និង ៤៥នាទីព្រឹកនៅក្នុងសង្កាត់ Englewood។ គ្មាននរណាម្នាក់ត្រូវបានចាប់ខ្លួនទេ ហើយនគរបាលបានផ្តល់ព័ត៌មានតិចតួចអំពីការបាញ់ប្រហារនេះ។ គ្មានជនរងគ្រោះណាម្នាក់ត្រូវបានគេមើលឃើញថា ជាអនីតិជនទេ។ នៅក្នុងសន្និសីទសារព័ត៌មាននាព្រឹកថ្ងៃអង្គារ ស្នងការនគរបាលលោក David Brown បាននិយាយថា ក្នុងចំណោមជនរងគ្រោះទាំង ៤នាក់ដែលបានស្លាប់គឺមានស្រី ៣នាក់ និងប្រុសម្នាក់។ ស្នងការនគរបាលបានរាយការណ៍ដំបូងថា ពួកគេទាំង ៤នាក់ជាស្ត្រី។ក្រុមអាជ្ញាធរពុំបានបញ្ចេញឈ្មោះ និងអាយុរបស់ស្ត្រី ៣នាក់ និងបុរសម្នាក់ដែលត្រូវបានគេបាញ់សម្លាប់នោះទេ។ អ្នកនាំពាក្យនគរបាល លោក Tom Ahern បាននិយាយថា ក្រុមអ្នកស៊ើបអង្កេតកំពុងព្យាយាមកំណត់ថា តើមានអ្នកបាញ់លើសពីម្នាក់ទេ។ លោកបាននិយាយថា ក្មេងអាយុ ២ឆ្នាំម្នាក់ត្រូវបានគេយកចេញពីផ្ទះដោយសុវត្ថិភាព ហើយត្រូវបានដាក់នៅក្នុងកន្លែងដែលមានការការពារសុវត្ថិភាពយ៉ាងល្អ។ គួររម្លឹកថា មានករណីឃាតកម្មចំនួន ២៨២លើកនៅក្នុងទីក្រុង Chicago គិតត្រឹមថ្ងៃទី១៣ ខែមិថុនា ធៀបទៅនឹងចំនួន ២៦៩ ក្នុងរយៈពេលដូចគ្នាកាលពីឆ្នាំមុន៕អត្ថបទ៖ សុខមាន

លោកស្រី Suu Kyi ប្រឈមនឹងការចោទប្រកាន់អំពីការបះបោរនៅថ្ងៃទី២ នៃការជំនុំជម្រះក្តី

មីយ៉ាន់ម៉ា៖ ការកាត់ក្ដីលើមេដឹកនាំដែលត្រូវបានទម្លាក់ពីតំណែង របស់សហភាពមីយ៉ាន់ម៉ា លោកស្រី Aung San Suu Kyi បានឈានចូលថ្ងៃទី២ កាលពីថ្ងៃអង្គារ ទី១៥ ខែមិថុនា ដោយតុលាការបានបង្ហាញអំណះអំណាងដែលថា លោកស្រីបានញុះញង់ឱ្យមានភាពច្របូកច្របល់ជាសាធារណៈ និងបានបដិសេធវិធានការរឹតត្បិតទប់ស្កាត់ការឆ្លងរាលដាលជំងឺ COVID-19 ជាផ្នែកមួយនៃការចោទប្រកាន់ដោយរបបយោធាកំពុងកាន់អំណាច ដែលត្រូវបានគេមើលឃើញថា ជាលេសដើម្បីទម្លាក់កិត្តិយសរបស់លោកស្រី និងពង្រឹងការគ្រប់គ្រងរបស់ខ្លួន។លោកស្រី Aung San Suu Kyi និងសមាជិកដទៃទៀតនៃរដ្ឋាភិបាល និងគណបក្សរបស់លោកស្រីត្រូវបានចាប់ខ្លួនដោយយោធា បន្ទាប់ពីរដ្ឋប្រហារថ្ងៃទី១ ខែកុម្ភៈ ដោយការចោទប្រកាន់ពីបទព្រហ្មទណ្ឌប្រឆាំងនឹងឥស្សរជនកំពូលៗមួយចំនួន ដែលទាំងអ្នកគាំទ្រ និងអ្នកសង្កេតការណ៍ឯករាជ្យនិយាយថា ជារឿងមិនពិត។ រដ្ឋប្រហារបានផ្លាស់ប្ដូរកំណែទម្រង់ ប្រជាធិបតេយ្យជាច្រើនឆ្នាំនៅក្នុងសហភាពមីយ៉ាន់ម៉ា បន្ទាប់ពីការគ្រប់គ្រងដោយរបបសឹកជាច្រើនទសវត្ស និងបានបង្កឱ្យមានការតវ៉ារីករាលដាល និងការថ្កោលទោសអន្តរជាតិ។លោកស្រី Suu Kyi និងគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រីគ្រោងនឹងចាប់ផ្ដើមអាណត្តិទី២ មានរយៈពេល ៥ឆ្នាំបន្ទាប់ពីទទួលបានជ័យជម្នះដ៏ច្រើនលើសលុប នៅក្នុងការបោះឆ្នោតសកលកាលពីខែវិច្ឆិកា។ លោកស្រី Suu Kyi មិនត្រូវបានគេមើលឃើញជាសាធារណៈទេ ចាប់តាំងពីមានការចាប់ខ្លួនលោកស្រី ហើយមេធាវីរបស់លោកស្រីនិយាយថា ពួកគេមិនដឹងច្បាស់ថា លោកស្រីត្រូវបានគេឃុំឃាំងនៅទីណាទេ។ លោកស្រីក៏មានពេលវេលាកំណត់ ដើម្បីពិគ្រោះយោបល់ជាមួយក្រុមមេធាវីរបស់ខ្លួនដែរ៕អត្ថបទ៖ សុខមាន

សម្ដេចតេជោ ហ៊ុន សែន ប្រកាសថា ស្ត្រីមេម៉ាយម្នាក់គឺជាបុគ្គលទទួលវ៉ាក់សាំងលំដាប់ទី៣លាន នឹងទទួលបានប្រាក់ឧបត្ថម្ភ១០លានរៀល

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានប្រកាសថា ស្ត្រីមេម៉ាយម្នាក់អាយុ ៤៨ឆ្នាំ គឺជាបុគ្គលទី៣លាន ដែលទទួលបានការចាក់វ៉ាក់សាំងបង្ការជំងឺកូវីដ-១៩ ហើយនឹងត្រូវទទួលបានទឹកប្រាក់ឧបត្ថម្ភចំនួន ១០លានរៀល។សម្ដេចតេជោ ហ៊ុន សែន បានប្រកាសឱ្យដឹងបែបនេះនៅលើទំព័រហ្វេសប៊ុកផ្លូវការរបស់សម្ដេចកាលពីយប់មិញនេះ។សម្ដេចតេជោ ហ៊ុន សែន បានឱ្យដឹងទៀតថា ស្ត្រីលំដាប់ទី៣លានរូបនេះ គឺជាស្ត្រីមេម៉ាយដែលរស់នៅក្នុងមន្ទីរពេទ្យជ័យជំនះខេត្តកណ្ដាល។សម្ដេចតេជោបញ្ជាក់ថា ដូចទៅនឹងបុគ្គលទី១លាន និងបុគ្គលទី២លានដែរ អ្នកស្រី ស៊ុំ សំអឿន នឹងទទួលបានប្រាក់ឧបត្ថម្ភចំនួន ១០លានរៀល ដែលនឹងផ្ដល់ជូនដោយលោកជំទាវ ឱ វណ្ណឌីន នៅថ្ងៃនេះ។ប្រមុខរាជរដ្ឋាភិបាលកម្ពុជា បានបញ្ជាក់ថា គិតត្រឹមល្ងាចថ្ងៃម្សិលមិញនេះ ចំនួនពលរដ្ឋចាក់វ៉ាក់សាំងបង្ការជំងឺកូវីដ-១៩ បានកើនឡើងលើសពី ៣លាននាក់ហើយនៅក្នុងយុទ្ធនាការចាក់វ៉ាក់សាំងទូទាំងប្រទេសរយៈពេលជាង ៤ខែកន្លងមកនេះ។គិតត្រឹមថ្ងៃនេះ កម្ពុជាសម្រេចបានការចាក់វ៉ាក់សាំងជូនពលរដ្ឋបាន ៣០ភាគរយហើយ បើធៀបនឹងចំនួនពលរដ្ឋ ១០លាននាក់ ដែលរាជរដ្ឋាភិបាលកំណត់សម្រាប់ចាក់វ៉ាក់សាំងនៅក្នុងឆ្នាំនេះ៕

មេដឹកនាំពិភពលោកបង្ហាញប្រតិកម្មចំពោះរដ្ឋាភិបាលថ្មីនៅក្នុងប្រទេសអ៊ីស្រាអែល

ពិភពលោក៖ បណ្ដាមេដឹកនាំពិភពលោក បានស្វាគមន៍រដ្ឋាភិបាលថ្មីរបស់អ៊ីស្រាអែល ប៉ុន្តែពលរដ្ឋប៉ាឡេស្ទីននៅតែមិនទាន់អស់ចិត្ត នូវអ្វីដែលពួកគេយល់ថា ជាការបន្តនៃរដ្ឋបាលចាស់។ លោកប្រធានាធិបតីអាមេរិក Joe Biden បាននិយាយថា សហរដ្ឋអាមេរិកនៅតែធ្វើចំពោះសន្តិសុខរបស់ប្រទេសអ៊ីស្រាអែល ហើយនឹងធ្វើការជាមួយរដ្ឋាភិបាលថ្មី។នៅក្នុងសេចក្ដីថ្លែងការណ៍មួយ ប្រធានាធិបតីអាមេរិករូបនេះបានស្វាគមន៍ រដ្ឋាភិបាលចម្រុះថ្មី ដឹកនាំដោយអ្នកជាតិនិយមប្រកាន់ស្ដាំ លោក Naftali Bennett និងបានព្យាយាមបញ្ជាក់ជាថ្មីពីទំនាក់ទំនងអាមេរិក-អ៊ីស្រាអែល។ លោកស្រីអធិការបតីអាល្លឺម៉ង់ Angela Merkel បាននិយាយថា លោកស្រីកំពុងទន្ទឹងរង់ចាំរកការធ្វើការកាន់តែជិតស្និទ្ធថែមទៀត ជាមួយនាយករដ្ឋមន្ត្រីថ្មីរបស់អ៊ីស្រាអែល។ចំណែកការិយាល័យមេដឹកនាំប៉ាឡេស្ទីន លោក Mahmoud Abbas បាននិយាយថា ការផ្លាស់ប្ដូរក្នុងរដ្ឋាភិបាលនៅតែជាបញ្ហារបស់អ៊ីស្រាអែល ហើយការទាមទាររបស់ប៉ាឡេស្ទីននៅតែដដែល។ រីឯអ្នកនាំពាក្យក្រុមហាម៉ាស់វិញគឺលោក Fawzi Barhoum បានទទូចថា មិនថា ពណ៌សម្បុរនៃរដ្ឋាភិបាលនោះយ៉ាងណាទេ អ៊ីស្រាអែលនៅតែស្ថិតតែក្រោមអាណានិគមដដែល។ ក្រៅពីនេះក៏នៅមានមេដឹកនាំជាច្រើនទៀតផងដែរ ដែលបានបញ្ចេញប្រតិកម្មដោយអបអរសារទរ និងប្ដេជ្ញាធ្វើការជាមួយគ្នា៕អត្ថបទ៖ សុខមាន

ការព្រមានលើកិច្ចព្រមព្រៀងនុយក្លេអ៊ែរអ៊ីរ៉ង់ ខណៈបណ្ដាមេដឹកនាំ G7 ប្ដេជ្ញាបញ្ឈប់ការផលិតអាវុធនុយក្លេអ៊ែរ

អឺរ៉ុប៖ ក្រុមអ្នកការទូតមកពីខាងក្រៅប្លុកសហភាពអឺរ៉ុប បានព្រមានកាលពីថ្ងៃអាទិត្យថា ការចរចាជាមួយអ៊ីរ៉ង់ដើម្បីស្រោចស្រង់កិច្ចព្រមព្រៀងនុយក្លេអ៊ែរ នៅតែត្រូវការពេលវេលាបន្ថែមទៀត ខណៈដែលមេដឹកនាំក្រុមប្រទេសមានសេដ្ឋកិច្ចលូតលាស់ទាំង៧ ឬ G7 បានបង្ហាញការប្ដេជ្ញាចិត្តជាថ្មីក្នុងការបញ្ឈប់ សាធារណរដ្ឋអ៊ីស្លាមមួយនេះពីការផលិតអាវុធនុយក្លេអ៊ែរ។ក្រុមប្រេសិតអ៊ីរ៉ង់បានជួបចរចាជុំមួយផ្សេងទៀត ជាមួយក្រុមគណៈប្រតិភូក្នុងទីក្រុងវីយែន មួយថ្ងៃបន្ទាប់ពីក្រុមអ្នកសម្របសម្រួលសហភាពអឺរ៉ុបបានលើកឡើងថា ការខ្វែងគំនិតគ្នាជុំវិញកិច្ចព្រមព្រៀងឆ្នាំ២០១៥ ដែលជាការដាក់កម្រិតសកម្មភាពនុយក្លេអ៊ែរឲ្យកាន់តែតិច។ ប៉ុន្តែអនុរដ្ឋមន្ត្រីការបរទេសអ៊ីរ៉ង់ លោក Abbas Araghchi បានប្រាប់សារព័ត៌មានរដ្ឋអ៊ីរ៉ង់ថា លោកគិតថា កិច្ចព្រមព្រៀងមួយទំនងជាមិនលេចចេញជារូបរាង នៅសប្ដាហ៍ខាងមុខនេះទេ។ អ្នកការទូតមួយរូបមកពីប្រទេសរុស្ស៊ីក៏បាននិយាយផងដែរថា គេត្រូវការពេលវេលាច្រើនថែមទៀត ដើម្បីធ្វើការឲ្យបានលម្អិតលើការងារនេះ។ជំនួបនៅទីក្រុងវីយែនប្រទេសអូទ្រីស ក្នុងគោលបំណងស្រោចស្រង់កិច្ចព្រមព្រៀងនុយក្លេអ៊ែរ ដែលមានស្រាប់នោះឡើងវិញរវាងអ៊ីរ៉ង់ និងប្រទេសមហាអំណាចសំខាន់ៗ ដែលរដ្ឋបាលលោក Trump បានដកសហរដ្ឋអាមេរិកចេញកាលពីឆ្នាំ២០១៨៕អត្ថបទ៖ សុខមាន

បណ្ដាមេដឹកនាំនៃក្រុមប្រទេស G7 រិះគន់ប្រទេសចិន និងទាមទារឲ្យមានការស៊ើបអង្កេតរកប្រភពវីរុស COVID-19

អង់គ្លេស៖ កាលពីថ្ងៃអាទិត្យបណ្ដាមេដឹកនាំនៃក្រុមប្រទេស G7 បានស្តីបន្ទោសប្រទេសចិន អំពីសិទ្ធិមនុស្សនៅក្នុងតំបន់ស្វយ័តស៊ីនជាំង ដោយបានអំពាវនាវឱ្យហុងកុងរក្សាស្វ័យភាពខ្ពស់ និងទាមទារឱ្យមានការស៊ើបអង្កេតពេញលេញ និងហ្មត់ចត់អំពីប្រភពដើមនៃវីរុសកូរ៉ូណានៅក្នុងប្រទេសចិន។បន្ទាប់ពីបានពិភាក្សាអំពីវិធីដើម្បីបង្កើតជំហររួមទល់នឹងប្រទេសចិន មេដឹកនាំបានចេញសេចក្ដីថ្លែងការណ៍ចុងក្រោយដ៏សំខាន់មួយ ដែលបានឯកភាពគ្នានូវអ្វីដែលមានសម្រាប់ប្រទេសចិន ទាក់ទងនឹងបញ្ហារសើបបំផុតរួមទាំងកោះតៃវ៉ាន់ផងដែរ។ ការកើនឡើងឥទ្ធិពលជាថ្មីរបស់ប្រទេសចិន ក្នុងនាមជាមហាអំណាចពិភពលោកឈានមុខគេ ត្រូវបានគេចាត់ទុកថា ជាព្រឹត្តិការណ៍ភូមិសាស្ត្រនយោបាយសំខាន់បំផុតមួយ នៃព្រឹត្តិការណ៍ថ្មីៗរួមជាមួយការដួលរលំនៃសហភាពសូវៀតឆ្នាំ១៩៩១ ដែលបានបញ្ចប់សង្គ្រាមត្រជាក់។ការកើនឡើងរបស់ប្រទេសចិន ក៏បានធ្វើឱ្យសហរដ្ឋអាមេរិកមិនពេញចិត្តដែរ ដោយលោកប្រធានាធិបតី Joe Biden បានចាត់ទុកប្រទេសចិនជាគូប្រជែងខាងយុទ្ធសាស្ត្រដ៏សំខាន់ ហើយបានប្ដេជ្ញាតទល់នឹង “ការរំលោភបំពានសេដ្ឋកិច្ច” របស់ចិន និងជំរុញឱ្យមានការប្រឆាំងនឹងការរំលោភសិទ្ធិមនុស្ស៕អត្ថបទ៖ សុខមាន

លោក Netanyahu ត្រូវចាកចេញ ខណៈរដ្ឋាភិបាលថ្មីអ៊ីស្រាអែលត្រូវបានអនុម័ត

អ៊ីស្រាអែល៖ លោកនាយករដ្ឋមន្ត្រី Benjamin Netanyahu បានបាត់បង់អំណាចដែលបានកាន់រយៈពេល ១២ឆ្នាំរបស់លោកនៅក្នុងប្រទេសអ៊ីស្រាអែល បន្ទាប់ពីសភារបស់ប្រទេសនេះបានបោះឆ្នោតអនុម័តរដ្ឋាភិបាលចម្រុះថ្មីមួយ។អ្នកជាតិនិយមប្រកាន់ស្ដាំ លោក Naftali Bennett បានស្បថចូលកាន់តំណែងជានាយករដ្ឋមន្ត្រីរួចរាល់ហើយ ដែលនឹងដឹកនាំរដ្ឋាភិបាលថ្មីនេះ។ លោកនឹងដឹកនាំសម្ព័ន្ធគណបក្សមិនធ្លាប់មានពីមុន ដែលត្រូវបានអនុម័តដោយសំឡេងភាគច្រើនស្ដួចស្ដើង ៦០ទល់នឹង៥៩សំឡេង។ លោក Bennett នឹងកាន់តំណែងជានាយករដ្ឋមន្ត្រីរហូតដល់ខែកញ្ញា ឆ្នាំ២០២៣ តាមកិច្ចព្រមព្រៀងចែករំលែកអំណាច។បន្ទាប់មកលោកនឹងផ្ទេរអំណាចជូន លោក Yair Lapid មេដឹកនាំបក្សនិយមកណ្ដាល Yesh Atid សម្រាប់ការកាន់អំណាច ២ឆ្នាំបន្ថែមទៀត។ លោក Netanyahu ជាមេដឹកនាំកាន់អំណាចយូរជាងគេបំផុតរបស់អ៊ីស្រាអែល ដែលបានឈ្នះការបោះឆ្នោតសំឡេងច្រើនលើសលុបរយៈពេលជាច្រើនឆ្នាំមកនេះ នឹងនៅតែដឹកនាំគណបក្សស្ដាំនិយម Likud ដដែល និងក្លាយជាមេដឹកនាំគណបក្សប្រឆាំងវិញម្ដង៕អត្ថបទ៖ សុខមាន

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

មីយ៉ាន់ម៉ា៖ ប្រធានអង្គការសហប្រជាជាតិបាននិយាយថា អំពើហិង្សាកំពុងរាលដាលទូទាំងសហភាពមីយ៉ាន់ម៉ា ដោយព្រមានថា សហភាពនេះបានធ្លាក់ចូលក្នុងមហន្តរាយសិទ្ធិមនុស្ស ចាប់តាំងពីមានរដ្ឋប្រហារថ្ងៃទី១ ខែកុម្ភៈ។ដោយបញ្ជាក់អំពីការកសាងកម្លាំងយោធានៅក្នុងតំបន់ជាច្រើន ឧត្ដមស្នងការសិទ្ធិមនុស្ស អង្គការសហប្រជាជាតិ លោកស្រី Michelle Bachelet អំពាវនាវឱ្យបញ្ឈប់នូវអំពើហិង្សាដែលកំពុងកើតមានរួចទៅ និងដើម្បីបញ្ចៀសការបាត់បង់ជីវិត និងដោះស្រាយភាពបន្ទាន់ផ្នែកមនុស្សធម៌។ ក្នុងរយៈពេលតែជាង ៤ខែប៉ុណ្ណោះ សហភាពមីយ៉ាន់ម៉ាបានចេញពីលទ្ធិប្រជាធិបតេយ្យផុយស្រួយ ទៅជាមហន្តរាយសិទ្ធិមនុស្ស។ លោកស្រីបាននិយាយនៅក្នុងសេចក្ដីថ្លែងការណ៍ថា មេដឹកនាំយោធាត្រូវមានការទទួលខុសត្រូវចំពោះវិបត្តិនេះ។ ការិយាល័យសិទ្ធិមនុស្សរបស់អង្គការសហប្រជាជាតិ បានបញ្ជាក់កាលពីថ្ងៃសុក្រចំពោះរបាយការណ៍ ដែលអាចជឿទុកចិត្តបានដែលបង្ហាញថា យ៉ាងហោចណាស់ជនស៊ីវិល ៨៦០នាក់ត្រូវបានសម្លាប់ នៅក្នុងការបង្ក្រាបដ៏ឃោរឃៅ ដោយកម្លាំងសន្តិសុខនៅលើការតវ៉ាស្ទើរតែរាល់ថ្ងៃ ប្រឆាំងនឹងរដ្ឋប្រហារ។លោកស្រីនិយាយថា ការប្រយុទ្ធបានផ្ទុះឡើងនៅក្នុងសហគមន៍ជាច្រើន ជាពិសេសនៅតាមទីប្រជុំជនដែលមានចំនួនអ្នកស្លាប់ច្រើន ដោយសារស្នាដៃនគរបាល ហើយអ្នកស្រុកមួយចំនួនបានបង្កើតជាកម្លាំងការពារ។ កម្លាំងសន្តិសុខរដ្ឋបានបន្តប្រើប្រាស់អាវុធធុនធ្ងន់ រួមមានទាំងការវាយប្រហារតាមអាកាសទៅលើក្រុមប្រដាប់អាវុធ និងក្រុមជនស៊ីវិល រួមទាំងព្រះវិហារគ្រិស្ត។ ប្រធានសិទ្ធិមនុស្សអង្គការសហប្រជាជាតិ បាននិយាយក្នុងរបាយការណ៍ដែលអាចជឿទុកចិត្តបានថា កម្លាំងសន្តិសុខបានប្រើប្រាស់ជនស៊ីវិលជាខែល បាញ់ផ្លោងចូលផ្ទះជនស៊ីវិល និងព្រះវិហារ និងបានរារាំងដំណើរការចូលរបស់អង្គការមនុស្សធម៌ ព្រមទាំងបានវាយប្រហារលើបុគ្គលិកផ្តល់ជំនួយ។ លោកស្រីបាននិយាយថា មនុស្សជាង ១០៨,០០០នាក់បានភៀសខ្លួនចេញពីផ្ទះរបស់ពួកគេនៅក្នុងរដ្ឋ Kayah ក្នុងរយៈពេល ៣សប្តាហ៍ចុងក្រោយនេះ ហើយមនុស្សជាច្រើនទៀតបានភៀសខ្លួន ចូលទៅក្នុងតំបន់ព្រៃដោយខ្វះអាហារ ទឹក អនាម័យ ឬការថែទាំសុខភាព។លោកស្រីបានអំពាវនាវឱ្យមានកងកម្លាំងការពារប្រជាជន និងក្រុមប្រដាប់អាវុធដទៃទៀតចាត់វិធានការ ដែលអាចធ្វើបានទាំងអស់ដើម្បីការពារជនស៊ីវិល។ លោកស្រី Bachelet បានរិះគន់ការចាប់ខ្លួនជាបន្ដបន្ទាប់នូវសកម្មជន អ្នកសារព័ត៌មាន និងអ្នកប្រឆាំងរបបយោធា ខណៈប្រភពដែលអាចជឿទុកចិត្តបាននិយាយថា យ៉ាងហោចណាស់មនុស្ស ៤.៨០៤នាក់កំពុងស្ថិតនៅក្នុងការឃុំឃាំងដោយខុសច្បាប់៕អត្ថបទ៖ ប៊ុនថន

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19

ឥណ្ឌា៖ ខណៈដែលមានការកែតួលេខ និងកំណត់ចំនួនអ្នកស្លាប់សរុបដោយសារជំងឺ COVID-19 នៅក្នុងរដ្ឋប៊ីហាដល់ចំនួន ៩,៤២៩នាក់ ប្រទេសឥណ្ឌាបានរាយការណ៍ករណីស្លាប់ខ្ពស់បំផុត ក្នុងរយៈពេលតែមួយថ្ងៃដល់ទៅ ៦,១៤៨នាក់ ខណៈមានករណីឆ្លងថ្មីចំនួន ៩៤,០៥២នាក់ ដែលនាំឲ្យអ្នកឆ្លងសរុបក្នុងប្រទេសនេះឡើងដល់ ២៩,២៧៣,៣៣៨នាក់ នេះបើយោងតាមទិន្នន័យរបស់ក្រសួងសុខាភិបាលសហព័ន្ធ ដែលត្រូវបានកែសម្រួលថ្មីកាលពីថ្ងៃព្រហស្បតិ៍។ក្រសួងខាងលើនិយាយថា ករណីឆ្លងសកម្មបានធ្លាក់ចុះដល់ត្រឹម ១,១៦៧,៩៥២នាក់ស្មើ ៤%នៃចំនួនការឆ្លងសរុប ខណៈដែលអត្រាអ្នកជាសះស្បើយទូទាំងប្រទេស បានកើនឡើងដល់ ៩៤.៧៧%។ ទិន្នន័យវិវឌ្ឍន៍ដែលបានបង្ហាញកាលពីម៉ោង ៨ព្រឹកថ្ងៃព្រហស្បតិ៍ ករណីឆ្លងធ្លាក់ចុះមកនៅត្រឹមចំនួន ៦៣,៤៦៣នាក់ត្រូវបានកត់ត្រាចូលទៅក្នុងចំនួនករណីឆ្លងសរុបនៃជំងឺ COVID-19 ក្នុងរយៈពេល ២៤ម៉ោង។ ក្រសួងសុខាភិបាលនិយាយថា ការធ្វើតេស្តមនុស្សចំនួន ២,០០៤,៦៩០នាក់ក៏ត្រូវបានធ្វើផងដែរកាលពីថ្ងៃពុធ ដែលនាំឲ្យការធ្វើតេស្តសរុបរកវីរុស Covid-19 នៅក្នុងប្រទេសនេះឡើងដល់ ៣,៧២១,១៩៨,២៥៣នាក់ ខណៈអត្រាវិជ្ជមានប្រចាំថ្ងៃត្រូវបានកត់ត្រាចំនួន ៤.៦៩%។ចំនួននេះមានតិចជាង ១០% ក្នុងរយៈពេល ១៧ថ្ងៃជាប់ៗគ្នា។ អត្រាវិជ្ជមានប្រចាំសប្ដាហ៍ត្រូវបានកត់ត្រាចំនួន ៥.៤៣%។ ចំនួនអ្នកជំងឺជាសះស្បើយបន្តកើនឡើងខ្ពស់ ជាងករណីឆ្លងប្រចាំថ្ងៃរយៈពេល ២៨ថ្ងៃជាប់ៗគ្នា៕អត្ថបទ៖ សុខមាន

រដ្ឋាភិបាលស៊ីរីវាយប្រហារដោយកាំភ្លើងធំលើតំបន់ហ៊ុមព័ទ្ធរបស់ក្រុមឧទ្ទាមសម្លាប់មនុស្ស ១១នាក់

ស៊ីរី៖ ក្រុមសកម្មជន និងក្រុមអ្នកសង្គ្រោះនិយាយថា កាលពីថ្ងៃព្រហស្បតិ៍កងកម្លាំងរដ្ឋាភិបាលស៊ីរីបានវាយប្រហារ ដោយគ្រាប់កាំភ្លើងធំទៅលើភូមិមួយចំនួន ក្នុងតំបន់គ្រប់គ្រងរបស់ក្រុមឧទ្ទាមចុងក្រោយនៅភាគឦសានរបស់ប្រទេសនេះ ដោយបានសម្លាប់មនុស្សយ៉ាងហោចណាស់ ១១នាក់ និងបណ្ដាលឲ្យមនុស្សរាប់រយនាក់រត់ភៀសខ្លួន។ការបាញ់ផ្លោងកាំភ្លើងធំនេះបានប៉ះលើតំបន់ពលរដ្ឋក្នុងតំបន់ Ablin ដែលជាភូមិមួយស្ថិតក្នុងខេត្ត Idlib ជាទីដែលក្រុមយុទ្ធជនប្រឆាំងនឹងរដ្ឋាភិបាលលោក អាសាត និងក្រុមសកម្មប្រយុទ្ធនៅតែកាន់កាប់ដែនដីនោះនៅឡើយ។ ក្រុមបុគ្គលិកសង្គ្រោះត្រូវគេស្គាល់ថាជាក្រុមមួក ស ដែលបានធ្វើប្រតិបត្តិការនៅក្នុងតំបន់នានា ប្រឆាំងនឹងរដ្ឋាភិបាលបាននិយាយថា ម្ដាយ និងកូនស្រីរបស់គាត់ និងយ៉ាងហោចណាស់ជនស៊ីវិល ៥នាក់ផ្សេងទៀតស្ថិតក្នុងចំណោមអ្នកស្លាប់ក្នុងភូមិនេះ ជាទីដែលគ្រាប់កាំភ្លើងធំយ៉ាងតិច ១០គ្រាប់បានធ្លាក់ចំ។សេចក្ដីថ្លែងការណ៍មួយពីក្រុមមួក ស បាននិយាយថា យ៉ាងហោចណាស់មនុស្ស ៦នាក់ផ្សេងទៀតបានរងរបួសនៅក្នុងភូមិខាងលើនោះ ខណៈដែលគ្រាប់កាំភ្លើងធំជិត ៤០គ្រាប់បានធ្លាក់នៅភូមិក្បែរៗនោះ។ លោក Mohammed Halaj បុគ្គលិកផ្ដល់ជំនួយដែលធ្វើការសម្របស្រួល រវាងក្រុមក្នុងតំបន់ និងការឆ្លើយតបបន្ទាន់របស់អង្គការសហប្រជាជាតិ បាននិយាយថា យ៉ាងហោចណាស់មានមនុស្សចំនួន ១១០គ្រួសារ ដែលមានសមាជិកជាង ៦០០នាក់បានរត់ភៀសខ្លួនពីការបាញ់ផ្លោងគ្រាប់កាំភ្លើងធំនេះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៤នាក់ស្លាប់ និង ៤នាក់រងរបួសក្នុងការបាញ់ប្រហារនៅតំបន់ South Side ទីក្រុង Chicago

លោកស្រី Suu Kyi ប្រឈមនឹងការចោទប្រកាន់អំពីការបះបោរនៅថ្ងៃទី២ នៃការជំនុំជម្រះក្តី

មេដឹកនាំពិភពលោកបង្ហាញប្រតិកម្មចំពោះរដ្ឋាភិបាលថ្មីនៅក្នុងប្រទេសអ៊ីស្រាអែល

ការព្រមានលើកិច្ចព្រមព្រៀងនុយក្លេអ៊ែរអ៊ីរ៉ង់ ខណៈបណ្ដាមេដឹកនាំ G7 ប្ដេជ្ញាបញ្ឈប់ការផលិតអាវុធនុយក្លេអ៊ែរ

បណ្ដាមេដឹកនាំនៃក្រុមប្រទេស G7 រិះគន់ប្រទេសចិន និងទាមទារឲ្យមានការស៊ើបអង្កេតរកប្រភពវីរុស COVID-19

លោក Netanyahu ត្រូវចាកចេញ ខណៈរដ្ឋាភិបាលថ្មីអ៊ីស្រាអែលត្រូវបានអនុម័ត

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19

រដ្ឋាភិបាលស៊ីរីវាយប្រហារដោយកាំភ្លើងធំលើតំបន់ហ៊ុមព័ទ្ធរបស់ក្រុមឧទ្ទាមសម្លាប់មនុស្ស ១១នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស ​៤​នាក់​ស្លាប់​ និង​ ៤​នាក់​រង​របួស​ក្នុង​ការ​បាញ់​ប្រហារ​នៅ​តំបន់ South Side ​ទីក្រុង Chicago

លោកស្រី Suu Kyi ប្រឈម​នឹង​ការ​ចោទ​ប្រកាន់​អំពី​ការ​បះបោរ​នៅ​ថ្ងៃ​ទី​២ នៃ​ការ​ជំនុំ​ជម្រះ​ក្តី​

មេដឹកនាំ​ពិភពលោក​បង្ហាញ​ប្រតិកម្ម​ចំពោះ​រដ្ឋាភិបាល​ថ្មី​នៅ​ក្នុង​ប្រទេស​អ៊ីស្រាអែល​

លោក Netanyahu ត្រូវ​ចាកចេញ ខណៈ​រដ្ឋាភិបាល​ថ្មី​អ៊ីស្រាអែល​ត្រូវ​បាន​អនុម័ត​

អំពើ​ហិង្សា​នៅ​សហភាព​មី​យ៉ាន់​ម៉ា​កើន​ឡើង​បង្កើត​មហន្តរាយ​សិទ្ធិមនុស្ស​

ឥណ្ឌា​រាយការណ៍​ករណី​ស្លាប់​ជាង ​៦​ពាន់​នាក់​ក្នុង​ពេល​តែ​មួយ​ថ្ងៃ​ដោយសារ​ជំងឺ COVID-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៤នាក់ស្លាប់ និង ៤នាក់រងរបួសក្នុងការបាញ់ប្រហារនៅតំបន់ South Side ទីក្រុង Chicago

លោកស្រី Suu Kyi ប្រឈមនឹងការចោទប្រកាន់អំពីការបះបោរនៅថ្ងៃទី២ នៃការជំនុំជម្រះក្តី

មេដឹកនាំពិភពលោកបង្ហាញប្រតិកម្មចំពោះរដ្ឋាភិបាលថ្មីនៅក្នុងប្រទេសអ៊ីស្រាអែល

លោក Netanyahu ត្រូវចាកចេញ ខណៈរដ្ឋាភិបាលថ្មីអ៊ីស្រាអែលត្រូវបានអនុម័ត

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19