BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

ក្រុមអ្នកជំនាញ៖ វីរុស COVID-19 បម្លែងខ្លួនថ្មី B1617 កំពុងឆ្លងរាលដាលពាសពេញពិភពលោក

ពិភពលោក៖ ក្រុមអ្នកជំនាញបាននិយាយក្នុងការវាយតម្លៃចុងក្រោយបំផុត នៃស្ថានភាពរបស់វីរុសថា ជំងឺ COVID-19 បម្លែងខ្លួនថ្មីប្រភេទ B1617 កំពុងក្លាយជាវីរុសឆ្លងរាលដាលកាន់តែខ្លាំងពាសពេញពិភពលោក និងអាចធ្វើឲ្យជំងឺរាតត្បាតសកលនេះកាន់តែធ្ងន់ធ្ងរ ជាពិសេសនៅក្នុងបណ្ដាប្រទេស ដែលមានអត្រាការចាក់វ៉ាក់សាំងកម្រិតទាប។ក្រុមអ្នកជំនាញបានបន្ថែមថា នេះមិនមែនជាលើកចុងទេដែលវីរុសនេះបម្លែងខ្លួន។ លោកសាស្ត្រាចារ្យ Teo Yik Ying ដែលជាព្រឹទ្ធបុរសសាលាសុខភាពសាធារណៈ Saw Swee Hock នៃសាកលវិទ្យាល័យជាតិសិង្ហបុរី (NUS) បានប្រាប់សារព័ត៌មាន Straits Times កាលពីថ្ងៃសៅរ៍ថា អ្វីដែលកំពុងបង្កភាពភ័យខ្លាចគឺល្បឿន នៃការឆ្លងរបស់វីរុសបម្លែងខ្លួនថ្មីនេះអាចឆ្លងរាលដាល និងរាតត្បាតយ៉ាងទូលំទូលាយនៅក្នុងសហគមន៍ ដែលជារឿយៗវាមានសមត្ថភាពឆ្លងហួសពីសមត្ថភាពរបស់អង្គភាពទំនាក់ទំនង - តាមដាន និងកាត់ផ្ដាច់ការប្រាស្រ័យទាក់ទំង ដែលបានប៉ះពាល់ដើម្បីបញ្ឈប់ការឆ្លងជាប្រព័ន្ធ។វីរុសបម្លែងខ្លួនដែលបានឆ្លងរាលដាលដំបូង នៅក្នុងប្រទេសឥណ្ឌាកាលពីខែតុលា ឆ្នាំ២០២០ ពេលនេះត្រូវបានរកឃើញនៅគ្រប់ទីកន្លែងពាសពេញពិភពលោក។ ប្រធានផ្នែកវិទ្យាសាស្ត្ររបស់អង្គការសុខភាពពិភពលោក លោកស្រី Soumya Swaminathan បាននិយាយថា វីរុសបម្លែងខ្លួន B1617 មានសមត្ថភាពចម្លងចាប់ពី ១,៥ ដល់ ២ដងខ្លាំងជាងវីរុសដែលបានផ្ទុះដំបូង នៅក្នុងទីក្រុងអ៊ូហានកាលពី ១៨ខែមុន៕អត្ថបទ៖ សុខមាន

នគរបាលអាមេរិក៖ មនុស្ស ២នាក់ស្លាប់ និង ២២នាក់របួសក្នុងហេតុការណ៍ផ្ទុះអាវុធនៅក្លឹបកម្សាន្តមួយក្នុងរដ្ឋ Florida

អាមេរិក៖ ស្នងការនគរបាលទីក្រុង Miami លោក Alfredo Ramirez III បាននិយាយថា នគរបាលកំពុងស្នើដល់សាធារណជន ជួយស្វែងរកជនដែលបានបាញ់ប្រហារនៅក្លឹបកម្សាន្តក្នុងរដ្ឋ Florida សហរដ្ឋអាមេរិកកាលពីព្រឹកថ្ងៃអាទិត្យ ដោយបានសម្លាប់មនុស្ស ២នាក់ និងយ៉ាងហោចណាស់ ២២នាក់រងរបួស។លោក Ramirez បាននិយាយថា មិនយូរប៉ុន្មានបន្ទាប់ពីយប់រំលងអធ្រាត្រ មានរថយន្តពណ៌សម៉ាកឈ្មោះ Nissan Pathfinder ត្រូវបានបើកសំដៅទៅកាន់សាលពិធីជប់លៀង El Mula Banquet Hall ជិតឧទ្យាន Hialeah និងមនុស្ស ៣នាក់បានចេញពីរថយន្តប្រដាប់ដោយអាវុធវែង ខ្លី ហើយក៏ចាប់ផ្ដើមបាញ់រះទាំងកម្រោលទៅលើហ្វូងមនុស្សតែម្ដង។ លោកថា ហេតុការណ៍បាញ់បោះសេរីនេះបណ្ដាលឲ្យជនរងគ្រោះចន្លោះពី ២០នាក់ទៅ ២៥នាក់រងរបួសដោយសារគ្រាប់កាំភ្លើង និង ២នាក់ទៀតស្លាប់នៅនឹងកន្លែង៕អត្ថបទ៖ សុខមាន

កម្ពុជារកឃើញមនុស្ស៥៨៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៧នាក់ទៀតបានស្លាប់

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៨៨នាក់ទៀត ត្រូវបានរកឃើញឆ្លងមេរោគកូវីដ-១៩ ហើយអ្នកជំងឺកូវីដ-១៩ចំនួន ៤១៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីដល់ទៅ ៥៦៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ២០នាក់ទៀត គឺជាករណីនាំចូល។ គិតត្រឹមថ្ងៃនេះ កម្ពុជាបានរកឃើញមនុស្សសរុប ២៨ ៨២៥នាក់ហើយ ឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០កន្លងមក។ក្រសួងសុខាភិបាលក៏បានប្រកាសផងដែរថា មនុស្ស ៧នាក់បន្ថែមទៀត បានស្លាប់បាត់បង់ជីវិតដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២០៣នាក់ហើយគិតចាប់តាំងពីពេលកម្ពុជាបានប្រកាសពីករណីស្លាប់ដោយសារជំងឺកូវីដ-១៩ជាលើកដំបូងកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ២១ ៣១៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ៤១៥នាក់ទៀត ដែលក្រសួងប្រកាសនៅថ្ងៃនេះផងដែរ៕

មនុស្ស ៨នាក់ និងជនសង្ស័យម្នាក់ត្រូវបានសម្លាប់ក្នុងហេតុការណ៍បាញ់ប្រហារលើហ្វូងមនុស្សក្នុងទីក្រុង San Jose រដ្ឋ Califonia

អាមេរិក៖ យោងតាមក្រុមអាជ្ញាធរក្នុងតំបន់ឲ្យដឹងថា មនុស្ស ៩នាក់រួមទាំងជនសង្ស័យត្រូវបានស្លាប់ និងយ៉ាងហោចណាស់មនុស្សម្នាក់បានរងរបួសកាលពីព្រឹកថ្ងៃពុធ បន្ទាប់ពីការបាញ់ប្រហារនៅបរិវេណសេវាដឹកជញ្ជូនសាធារណៈហៅកាត់ថា VTA (Valley Transportation Authority) នៅភាគខាងជើងទីក្រុង San Jose រដ្ឋ California។ការិយាល័យស្នងការនគរបាលប្រចាំតំបន់ Santa Clara បានបញ្ជាក់ថា មនុស្ស ៨នាក់បានស្លាប់នៅនឹងកន្លែងកើតហេតុ និងមនុស្សម្នាក់ត្រូវបានបញ្ជូនទៅកាន់មន្ទីរពេទ្យ ប៉ុន្តែពុំមានការបញ្ជាក់ពីស្ថានភាពយ៉ាងណានោះទេ។ ខ្មាន់កាំភ្លើងក៏បានស្លាប់នៅនឹងកន្លែងកើតហេតុផងដែរ។ ក្រុមមន្ត្រីអនុវត្តច្បាប់បានបញ្ជាក់ថា ខ្មាន់កាំភ្លើងឈ្មោះ Samuel Cassidy វ័យ ៥៧ឆ្នាំជាបុគ្គលិកផ្នែកថែទាំ ហើយគេមិនទាន់ដឹងនៅឡើយទេ ពីមូលហេតុឈានដល់ការបាញ់ប្រហារនេះ។ ការិយាល័យស្នងការនគរបាលតំបន់ និងក្រុមមន្ត្រីសេវាដឹកជញ្ជូនខាងលើបានបញ្ជាក់ថា ការបាញ់ប្រហារនេះបានកើតឡើងនៅវិថី 101 Younger Avenue ហើយជនរងគ្រោះមួយចំនួនជាបុគ្គលិកសេវាដឹកជញ្ជូន VTA។នៅម៉ោងប្រហែល ៦:៣៥នាទីព្រឹក នគរបាលទីក្រុង San Jose បានទទួលទូរស័ព្ទបន្ទាន់ 911 រាយការណ៍អំពីហេតុការណ៍ផ្ទុះអាវុធនៅទីតាំងខាងលើ ហើយក្រុមអង្គភាពមួយចំនួនបានទៅកាន់កន្លែងកើតហេតុភ្លាមៗ។ ខ្មាន់កាំភ្លើងត្រូវបានបញ្ជាក់ថាបានស្លាប់នៅម៉ោងប្រហែល ៨:១០នាទីព្រឹក៕អត្ថបទ៖ សុខមាន

វៀតណាមបង្កើនវិធានការបិទខ្ទប់ដោយសារជំងឺ COVID-19 ខណៈការឆ្លងហក់ឡើងខ្ពស់

វៀតណាម៖ ប្រទេសវៀតណាមបានបន្ថែមពេលវេលាន នៃការអនុវត្តន៍វិធានការបិទខ្ទប់នៅក្នុងតំបន់ឧស្សាហកម្មភាគខាងជើងកាលពីថ្ងៃអង្គារ ដើម្បីប្រយុទ្ធប្រឆាំងនឹងការផ្ទុះរាលដាលជំងឺ COVID-19 ដ៏ធ្ងន់ធ្ងរបំផុត ខណៈដែលក្រុមអាជ្ញាធរបានរាយការណ៍ករណីឆ្លងថ្មី ប្រចាំថ្ងៃខ្ពស់បំផុតដែលជាចំនួនកើនឡើងខ្ពស់ទ្វេដង។ក្រសួងសុខាភិបាលបានប្រកាសថា មានករណីឆ្លងថ្មីនៃជំងឺ COVID-19 ចំនួន ៤៥៧នាក់កាលពីថ្ងៃអង្គារដែលជាការហក់ឡើងខ្ពស់បំផុត ចាប់តាំងពីមានករណីឆ្លងចំនួន ១៩០នាក់កាលពីថ្ងៃទី៦ ខែឧសភា ដែលជាការឆ្លងរាលដាលជាក្រុមនៅក្នុងរោងចក្រចំនួន២ នៅខេត្តភាគខាងជើង។ សារព័ត៌មានរដ្ឋបានរាយការណ៍ថា ខេត្ត Bac Ninh ដែលជាតំបន់ផលិតកម្មនៃគ្រឿងអេឡិចត្រូនិកផលិតផល Samsung បានចាប់ផ្ដើមអនុវត្តន៍បម្រាមគោចរ និងរឹតត្បិតការធ្វើដំណើរផ្សេងទៀតចាប់ពីថ្ងៃអង្គារតទៅ។ បច្ចុប្បន្នប្រទេសវៀតណាមមានករណីឆ្លងចំនួន ៥,៧៧៣នាក់ និងស្លាប់ចំនួន ៤៤នាក់៕អត្ថបទ៖ សុខមាន

លោកស្រី Aung San Suu Kyi បង្ហាញខ្លួនដោយផ្ទាល់ជាលើកដំបូងនៅតុលាការ

មីយ៉ាន់ម៉ា៖ មេដឹកនាំដែលត្រូវបានបណ្ដេញចេញពីអំណាច លោកស្រី Aung San Suu Kyi បានបង្ហាញខ្លួននៅតុលាការដោយផ្ទាល់ជាលើកដំបូង ចាប់តាំងពីយោធាបានចាប់ខ្លួនលោកស្រី នៅពេលដណ្ដើមអំណាចកាលពីថ្ងៃទី១ ខែកុម្ភៈ។មេធាវីរបស់លោកស្រីម្នាក់ លោក Min Min Soe និយាយថា លោកស្រី Suu Kyi អាចជួបជាមួយក្រុមអ្នកការពារក្តីរបស់លោកស្រីប្រហែល ៣០នាទី មុនសវនាការចាប់ផ្ដើមនៅតុលាការពិសេសមួយ ដែលបង្កើតដោយក្រុមប្រឹក្សាទីក្រុងក្នុងរដ្ឋធានីណៃពីដោ។ ក្រុមមេធាវីបានជួបជាមួយលោក Win Myint ដែលជាប្រធានាធិបតីរបស់រដ្ឋាភិបាលលោកស្រី Suu Kyi ខណៈទីប្រឹក្សារដ្ឋ និងលោកប្រឈមមុខបទចោទប្រកាន់ដូចគ្នា។ ការបង្ហាញខ្លួនរបស់លោកស្រី Suu Kyi កាលពីលើកមុនធ្វើឡើងតាមរយៈបណ្ដាញវីដេអូ ហើយលោកស្រីមិនត្រូវបានអនុញ្ញាតឲ្យជួបមេធាវីរបស់លោកស្រីណាម្នាក់ឡើយ។ លោក Min Min Soe និយាយថា លោកស្រី Suu Kyi ចង់ប្រាប់ទៅកាន់ប្រជាជនមីយ៉ាន់ម៉ាថា គណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រី នឹងឈរនៅជាមួយពួកគេ។លោក Min Min Soe និយាយបន្ទាប់ពីសវនាការថា លោកស្រីនិយាយថា ចាប់តាំងពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ ត្រូវបានបង្កើតសំរាប់ប្រជាជន គណបក្សនេះនឹងនៅតែមាន ដរាបណាមានប្រជាជន។ លោកស្រីបានបង្ហាញខ្លួនដោយសំដៅទៅលើ ការគំរាមរបស់របបយោធាក្នុងការរំលាយគណបក្ស។ សវនាការរបស់លោកស្រីពាក់ព័ន្ធទៅនឹងបទចោទប្រកាន់ចំនួន ៦ រួមមានមានការរំលោភលើច្បាប់គ្រប់គ្រងគ្រោះមហន្តរាយធម្មជាតិ, ការចោទប្រកាន់បំពានការរឹតត្បិតការឆ្លងរាលដាលជំងឺកូវិត-19 អំឡុងយុទ្ធនាការបោះឆ្នោតឆ្នាំ២០២០, ការនាំចូលដោយខុសច្បាប់វិទ្យុទាក់ទងសំរាប់អង្គរក្សរបស់លោកស្រី, ការប្រើប្រាស់ដោយគ្មានអាជ្ញាប័ណ្ណវិទ្យុទាក់ទង និងការផ្សព្វផ្សាយព័ត៌មានដែលអាចបង្កឲ្យមានភាពវឹកវរជាសាធារណៈ៕អត្ថបទ៖ ប៊ុនថន

អង្គការសហប្រជាជាតិនិយាយថា បទឈប់បាញ់កើតមាន ប៉ុន្តែជំនួយជាប់គាំងនៅព្រំដែនឆ្លងកាត់

UN៖ អង្គការសហប្រជាជាតិនិយាយថា បទឈប់បាញ់នៅតំបន់ហ្គាហ្សាកើតមានហើយ។ អ្នកនាំពាក្យអង្គការសហប្រជាជាតិ លោក Stephane Dujarric និយាយថា ជីវិតប្រចាំថ្ងៃកំពុងស្តារឡើងវិញទូទាំងតំបន់ហ្គាហ្សា។កាលពីល្ងាចថ្ងៃចន្ទ ស្ថាប័នទទួលបន្ទុកឆ្លងកាត់ព្រំដែនរបស់ក្រសួងការពារជាតិ ប្រទេសអ៊ីស្រាអែលជាមួយតំបន់ហ្គាហ្សានិយាយថា ស្ថាប័ននេះនឹងអនុញ្ញាតឲ្យជំនួយមនុស្សធម៌ ចូលទៅក្នុងរដ្ឋប៉ាឡេស្ទីននៅថ្ងៃអង្គារនេះ។ ទោះជាយ៉ាងណាអ្នកនាំពាក្យ លោក Dujarric និយាយថា វាហាក់ដូចជាមានកង្វះភាពច្បាស់លាស់លើប្រភេទទំនិញ ដែលអាចឆ្លងកាត់ចំណុចនេះបាន។ បទឈប់បាញ់បានប្រកាសកាលពីថ្ងៃសុក្រ ដែលបានបញ្ឈប់ការបាញ់គ្រាប់រ៉ុក្កែតរាប់រយគ្រាប់ ជាសង្គ្រាមរយៈពេល ១១ថ្ងៃពីតំបន់ហ្គាហ្សា និងការវាយប្រហារតាមអាកាសរបស់អ៊ីស្រាអែល ដែលតាមរបាយការណ៍បានឲ្យដឹងថា មនុស្សជាង ២៥០នាក់ត្រូវបានសម្លាប់ភាគច្រើនជាប្រជាជនប៉ាឡេស្ទីន៕អត្ថបទ៖ ប៊ុនថន

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២៨១០លានរៀល (២,៨១០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី២៤ រហូតដល់ថ្ងៃទី៣០ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាននារសៀលថ្ងៃទី២៤ ខែឧសភានេះថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២២ ដូចខាងក្រោម៖១.ខេត្តបាត់ដំបង ទទួលបានថវិកា២៧០លានរៀល២.ខេត្តបន្ទាយមានជ័យ ទទួលបានថវិកា៣៥០លានរៀល៣.ខេត្តឧត្តរមានជ័យ ទទួលបានថវិកា ៥០លានរៀល៤.ខេត្តប៉ៃលិន ទទួលបានថវិកា ៤០លានរៀល៥.ខេត្តពោធិ៍សាត់ ទទួលបានថវិកា ៣៥០លានរៀល៦.ខេត្តព្រះវិហារ ទទួលបានថវិកា ៣០លានរៀល៧.ខេត្តកណ្តាល ទទួលបានថវិកា ១៥០លានរៀល៨.ខេត្តស្វាយរៀង ទទួលបានថវិកា ៥០លានរៀល៩.ខេត្តព្រៃវែង ទទួលបានថវិកា ២៨០លានរៀល១០.ខេត្តត្បូងឃ្មុំ ទទួលបានថវិកា ៦០លានរៀល១១.ខេត្តក្រចេះ ទទួលបានថវិកា ៤០លានរៀល១២.ខេត្តរតនគិរី ទទួលបានថវិកា ២០លានរៀល១៣.ខេត្តកំពត ទទួលបានថវិកា ១០លានរៀល១៤.ខេត្តតាកែវ ទទួលបានថវិកា ៦០លានរៀល១៥.ខេត្តកំពង់ចាម ទទួលបានថវិកា ៣៥០លានរៀល១៦.ខេត្តកំពង់ឆ្នាំង ទទួលបានថវិកា ៤០លានរៀល១៧.ខេត្តកែប ទទួលបានថវិកា ១០លានរៀល១៨.ខេត្តកំពង់ស្ពឺ ទទួលបានថវិកា ២៥០លានរៀល១៩.ខេត្តកំពង់ធំ ទទួលបានថវិកា ១៨០លានរៀល២០.ខេត្តស្ទឹងត្រែង ទទួលបានថវិកា ១០លានរៀល២១.ខេត្តព្រះសីហនុ ទទួលបានថវិកា ៦០លានរៀល២២.ខេត្តសៀមរាប ទទួលបានថវិកា ១៥០លានរៀល។ ទន្ទឹមនឹងនោះសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២២ខេត្តនេះ មានអ្នកកំពុងធ្វើចត្តាឡីស័ក ចំនួនសរុប ៧២១៣៦នាក់៕អត្ថបទ ៖ រដ្ឋា

មនុស្ស ១៥នាក់ស្លាប់ និងមនុស្សជាច្រើននាក់ទៀតបាត់បង់ទីលំនៅបន្ទាប់ពីការផ្ទុះភ្នំភ្លើងនៅកុងហ្គោ

កុងហ្គោ៖ ប្រជាពលរដ្ឋនៅក្នុងសាធារណរដ្ឋប្រជាធិបតេយ្យកុងហ្គោ បានត្រឡប់ទៅកាន់លំនៅឋានដែលត្រូវបានបំផ្លិចបំផ្លាញ បន្ទាប់ពីភ្នំភ្លើងដ៏ធំមួយបានផ្ទុះ ហើយក្រុមគ្រួសារជាច្រើនកំពុងតាមរកមនុស្សជាទីស្រឡាញ់ ដែលកំពុងបាត់ខ្លួន។ភ្នំភ្លើង Nyiragongo បានធ្វើឲ្យផ្ទៃមេឃក្លាយជាពណ៌ក្រហមឆ្អិនឆ្អៅ និងបានព្រួសកម្ទេចផេះចូលក្នុងទន្លេកាលពីថ្ងៃសៅរ៍ ប៉ុន្តែបានឈប់ភ្លាមៗនៅទីក្រុងហ្គោម៉ា ដែលមានប្រជាជនជាង ២លាននាក់នៅភាគខាងត្បូងភ្នំភ្លើង។ យ៉ាងហោចណាស់មានមនុស្ស ១៥នាក់ត្រូវគេបញ្ជាក់ថាបានស្លាប់ ប៉ុន្តែចំនួននេះទំនងជានឹងកើនឡើង ខណៈក្រុមមន្ត្រីនៅតែបន្តតាមស្វែងរកក្នុងតំបន់នានា ដែលរងផលប៉ះពាល់ខ្លាំង។ មនុស្សចំនួន ៩នាក់ក្នុងចំណោមជនរងគ្រោះបានស្លាប់ក្នុងគ្រោះថ្នាក់ចរាចរណ៍ ខណៈដែលមនុស្សកំពុងរត់ភៀសខ្លួន។អ្នកនាំពាក្យរដ្ឋាភិបាល លោក Patrick Muyaya បាននិយាយនៅថ្ងៃច័ន្ទនេះថា មនុស្សចំនួន ៤នាក់ផ្សេងទៀតបានស្លាប់ ខណៈពួកគេព្យាយាមរត់គេចពីពន្ធនាគារមួយកន្លែង ស្របពេលមនុស្ស ២នាក់ទៀតត្រូវបានភ្លើងឆេះស្លាប់។ យោងតាមអង្គការ Unicef ដែលបាននិយាយថា មជ្ឈមណ្ឌលមួយចំនួននឹងត្រូវបង្កើតឡើង ដើម្បីជួយដល់អនីតិជនដែលគ្មានក្រុមគ្រួសារនៅជាមួយ៖ កុមារជាង ១៧០នាក់ត្រូវគេបារម្ភថាអាចនឹងកំពុងបាត់ខ្លួន និង ១៥០នាក់ទៀតបានបែកចេញពីក្រុមគ្រួសារ៕អត្ថបទ៖ សុខមាន

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី

អ៊ីតាលី៖ មនុស្ស ១៤នាក់រួមទាំងកុមារម្នាក់បានស្លាប់ និងកុមារម្នាក់រងរបួសធ្ងន់ បន្ទាប់ពីឡានខ្សែកាប្លិ៍មួយបានធ្លាក់លើភ្នំមួយជិតបឹង Lake Maggiore ក្នុងប្រទេសអ៊ីតាលីភាគខាងជើងកាលពីថ្ងៃអាទិត្យ។ឧបទ្ទវហេតុនេះបានកើតឡើងលើសេវាចម្លងអ្នកដំណើរមួយ ចេញពីរមណីយដ្ឋានទីក្រុង Stresa ក្បែរភ្នំ Mottarone នៅក្នុងតំបន់ Piedmont។ ក្រសួងការបរទេសអ៊ីស្រាអែលនិយាយថា ជនជាតិអ៊ីស្រាអែល ៥នាក់ស្ថិតក្នុងចំណោមអ្នកស្លាប់ទាំងអស់។ ជនរងគ្រោះភាគច្រើនបានស្លាប់នៅកន្លែងកើតហេតុ ខណៈដែលចំនួនអ្នកស្លាប់បានកើនឡើងជាបន្តបន្ទាប់ កាលពីរសៀលថ្ងៃអាទិត្យ ខណៈដែលក្រុមអ្នកសង្គ្រោះតាមរុករកក្នុងបំណែកបែកបាក់។ក្រុមមន្ត្រីនិយាយថា អ្នកនៅរស់រានមានជីវិត ២នាក់ជាកុមារអាយុ ៥ឆ្នាំ និង ៩ឆ្នាំត្រូវបានដឹកតាមយន្តហោះទៅកាន់មន្ទីរពេទ្យក្នុងទីក្រុង Turin ប៉ុន្តែកុមារដែលមានអាយុច្រើនជាងគេបានស្លាប់នៅពេលបន្ទាប់។ រីឯកុមារដែលអាយុតិចជាងគេ ដែលជាជនជាតិអ៊ីស្រាអែលផងដែរនោះ កំពុងសង្គ្រោះបន្ទាន់ និងស្ថិតនៅក្នុងស្ថានភាពធ្ងន់ធ្ងរ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមអ្នកជំនាញ៖ វីរុស COVID-19 បម្លែងខ្លួនថ្មី B1617 កំពុងឆ្លងរាលដាលពាសពេញពិភពលោក

នគរបាលអាមេរិក៖ មនុស្ស ២នាក់ស្លាប់ និង ២២នាក់របួសក្នុងហេតុការណ៍ផ្ទុះអាវុធនៅក្លឹបកម្សាន្តមួយក្នុងរដ្ឋ Florida

កម្ពុជារកឃើញមនុស្ស៥៨៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៧នាក់ទៀតបានស្លាប់

វៀតណាមបង្កើនវិធានការបិទខ្ទប់ដោយសារជំងឺ COVID-19 ខណៈការឆ្លងហក់ឡើងខ្ពស់

លោកស្រី Aung San Suu Kyi បង្ហាញខ្លួនដោយផ្ទាល់ជាលើកដំបូងនៅតុលាការ

អង្គការសហប្រជាជាតិនិយាយថា បទឈប់បាញ់កើតមាន ប៉ុន្តែជំនួយជាប់គាំងនៅព្រំដែនឆ្លងកាត់

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

មនុស្ស ១៥នាក់ស្លាប់ និងមនុស្សជាច្រើននាក់ទៀតបាត់បង់ទីលំនៅបន្ទាប់ពីការផ្ទុះភ្នំភ្លើងនៅកុងហ្គោ

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុម​អ្នក​ជំនាញ​៖ ​វីរុស ​COVID-19​ ប​ម្លែ​ង​ខ្លួន​ថ្មី B1617 កំពុង​ឆ្លង​រាលដាល​ពាសពេញ​ពិភព​លោក​

កម្ពុជា​រក​ឃើញ​មនុស្ស​៥៨៨​​នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​​ជំងឺ​៧​នាក់​ទៀត​បាន​ស្លាប់

វៀតណាម​បង្កើន​វិធាន​ការ​បិទ​ខ្ទប់​ដោយសារ​ជំងឺ​ COVID-19 ខណៈ​ការ​ឆ្លង​ហក់​ឡើង​ខ្ពស់​

លោកស្រី Aung San Suu Kyi បង្ហាញខ្លួន​ដោយ​ផ្ទាល់​ជា​លើកដំបូង​នៅ​តុលាការ​

អង្គការសហប្រជាជាតិ​និយាយ​ថា បទ​ឈប់​បាញ់​កើតមាន ប៉ុន្តែ​ជំនួយ​ជាប់​គាំង​នៅ​ព្រំដែន​ឆ្លង​កាត់​

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២២ខេត្ត

មនុស្ស​ ១៤​នាក់​ស្លាប់​នៅ​ពេល​មាន​ឧបទ្ទវហេតុ​ធ្លាក់​ឡាន​ខ្សែកាប្លិ៍​លើ​ភ្នំ​នៅ​ប្រទេស​អ៊ីតាលី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមអ្នកជំនាញ៖ វីរុស COVID-19 បម្លែងខ្លួនថ្មី B1617 កំពុងឆ្លងរាលដាលពាសពេញពិភពលោក

កម្ពុជារកឃើញមនុស្ស៥៨៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៧នាក់ទៀតបានស្លាប់

វៀតណាមបង្កើនវិធានការបិទខ្ទប់ដោយសារជំងឺ COVID-19 ខណៈការឆ្លងហក់ឡើងខ្ពស់

លោកស្រី Aung San Suu Kyi បង្ហាញខ្លួនដោយផ្ទាល់ជាលើកដំបូងនៅតុលាការ

អង្គការសហប្រជាជាតិនិយាយថា បទឈប់បាញ់កើតមាន ប៉ុន្តែជំនួយជាប់គាំងនៅព្រំដែនឆ្លងកាត់

មនុស្ស ១៤នាក់ស្លាប់នៅពេលមានឧបទ្ទវហេតុធ្លាក់ឡានខ្សែកាប្លិ៍លើភ្នំនៅប្រទេសអ៊ីតាលី