BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មនុស្ស ២០នាក់ស្លាប់ ខណៈអ៊ីស្រាអែលវាយប្រហារតំបន់ហ្គាហ្សា បន្ទាប់ពីការវាយប្រហារដោយគ្រាប់រ៉ូកែតពីសំណាក់ក្រុមហាម៉ាស់

អ៊ីស្រាអែល៖ អ៊ីស្រាអែលបានបើកការវាយប្រហារតាមអាកាសដ៏ខ្លាំងក្លា ទៅលើតំបន់ហ្គាហ្សាកាលពីថ្ងៃចន្ទ ជាការឆ្លើយតបចំពោះការវាយប្រហារដោយគ្រាប់រ៉ូកែត ដោយក្រុមហាម៉ាស់ និងពួកសកម្មប្រយុទ្ធប៉ាឡេស្ទីនដទៃទៀត ស្របពេលមានអំពើហិង្សាកាន់តែរីកធំ ដែលបង្កឡើងដោយការរំជើបរំជួលនៅបរិវេណវិហារអ៊ីស្លាម Al-Aqsa ដែលត្រូវបានគេស្គាល់ថា ជាវិហារភ្នំផងដែរ។ក្រុមអាជ្ញាធរតំបន់ហ្គាហ្សាបាននិយាយថា មនុស្សយ៉ាងហោចណាស់ ២០នាក់បានស្លាប់រួមទាំងក្មេង ៩នាក់ និងមេបញ្ជាការជាន់ខ្ពស់របស់ក្រុមហាម៉ាស់ និង ៦៥នាក់ផ្សេងទៀតរងរបួស។ នាយករដ្ឋមន្ត្រីអ៊ីស្រាអែល លោក Benjamin Netanyahu បានព្រមានថា ក្រុមហាម៉ាស់បានឆ្លង "បន្ទាត់ក្រហម" ដោយការតម្រង់មីស៊ីលទៅរកទីក្រុង Jerusalem ហើយរដ្ឋជ្វីហ្វមួយនេះនឹងឆ្លើយតបវិញដោយកម្លាំង។ លោក Netanyahu ដែលបានជួបប្រជុំជាមួយប្រមុខកងទ័ព និងភ្នាក់ងារសន្តិសុខ Shin Bet បាននិយាយថា "យើងនឹងមិនអត់ធ្មត់ចំពោះការវាយប្រហារលើទឹកដីរបស់យើង រដ្ឋធានីរបស់យើង ប្រជាជន និងទាហានរបស់យើងឡើយ។ អ្នកដែលវាយប្រហារយើង នឹងត្រូវតែទូទាត់សងយើងវិញយ៉ាងស័ក្ដិសម។កងទ័ពអ៊ីស្រាអែលបាននិយាយថា រ៉ូកែតចំនួន ១៥០គ្រាប់ត្រូវបានបាញ់ចេញពីតំបន់ហ្គាហ្សា ដែលរាប់សិបគ្រាប់ត្រូវបានស្ទាក់ចាប់ដោយប្រព័ន្ធការពារដែនអាកាស Iron Dome ដោយពុំមានរបាយការណ៍ពីការស្លាប់ និងរបួសនោះទេ៕ អត្ថបទ៖ សុខមាន

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២២៨០លានរៀល (២,២៨០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី០៩ រហូតដល់ថ្ងៃទី១៥ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាន ថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២១ ដូចខាងក្រោម១.ខេត្តបាត់ដំបង ទទួលបានថវិកា២០០លានរៀល២.ខេត្តបន្ទាយមានជ័យ ទទួលបានថវិកា១៦០លានរៀល៣.ខេត្តឧត្តរមានជ័យ ទទួលបានថវិកា ៥០លានរៀល៤.ខេត្តប៉ៃលិន ទទួលបានថវិកា ៥០លានរៀល៥.ខេត្តពោធិ៍សាត់ ទទួលបានថវិកា ២៥០លានរៀល៦.ខេត្តព្រះវិហារ ទទួលបានថវិកា ៥០លានរៀល៧.ខេត្តកណ្តាល ទទួលបានថវិកា ២៥០លានរៀល៨.ខេត្តស្វាយរៀង ទទួលបានថវិកា ២០លានរៀល៩.ខេត្តព្រៃវែង ទទួលបានថវិកា ១៤០លានរៀល១០.ខេត្តត្បូងឃ្មុំ ទទួលបានថវិកា ១៥០លានរៀល១១.ខេត្តក្រចេះ ទទួលបានថវិកា ១០លានរៀល១២.ខេត្តរតនគិរី ទទួលបានថវិកា ២០លានរៀល១៣.ខេត្តតាកែវ ទទួលបានថវិកា ១០០លានរៀល១៤.ខេត្តកំពង់ចាម ទទួលបានថវិកា ១៣០លានរៀល១៥.ខេត្តកំពង់ឆ្នាំង ទទួលបានថវិកា ១៤០លានរៀល១៦.ខេត្តកែប ទទួលបានថវិកា ២០លានរៀល១៧.ខេត្តកំពង់ស្ពឺ ទទួលបានថវិកា ១៥០លានរៀល១៨.ខេត្តកំពង់ធំ ទទួលបានថវិកា ២២០លានរៀល១៩.ខេត្តស្ទឹងត្រែង ទទួលបានថវិកា ១០លានរៀល២០.ខេត្តព្រះសីហនុ ទទួលបានថវិកា ១៣០លានរៀល២១.ខេត្តសៀមរាប ទទួលបានថវិកា ៨០លានរៀល។ ដោយឡែកសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២១ខេត្តនេះ មានអ្នកកំពុងធ្វើចត្តាឡីស័ក ចំនួនសរុប ៥២៥០៥នាក់៕

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

តំបន់អាស៊ី៖ ប្រទេសមួយចំនួននៅតំបន់អាស៊ី កំពុងប្រឈមនឹងរលកថ្មីនៃវីរុសកូរ៉ូណា ខណៈដែលប្រទេសខ្លះកំពុងព្យាយាមទប់ទល់គ្រប់គ្រងការផ្ទុះដ៏ធ្ងន់ធ្ងរ បំផុតចាប់តាំងពីចាប់ផ្ដើមផ្ទុះជំងឺរាតត្បាតសកលនេះ។យោងតាមរបាយការណ៍របស់ CNN ខណៈដែលប្រទេសឥណ្ឌាមានករណីឆ្លងពាក់កណ្ដាល នៃចំនួនអ្នកឆ្លងសកលកាលពីសប្ដាហ៍កន្លងទៅ អង្គការសុខភាពពិភពលោកនិយាយថា ករណីឆ្លងកំពុងហក់ឡើងខ្លាំងនៅក្នុងបណ្ដាប្រទេសមួយចំនួនដូចជា ប្រទេសនេប៉ាល់, ស្រីលង្កា, ថៃ និងកម្ពុជា។ អង្គការសុខភាពពិភពលោកបាននិយាយ នៅក្នុងសន្និសីទសារព័ត៌មាននៅដើមសប្ដាហ៍នេះថា តំបន់អាស៊ីអាគ្នេយ៍បានរាយការណ៍ករណីឆ្លងថ្មីជាង ២លាន ៧សែននាក់ និងស្លាប់ថ្មីជាង ២៥,០០០នាក់ កើនឡើងជាលំដាប់ចំនួន ១៩% និង ៤៨% បើធៀបទៅនឹងសប្ដាហ៍កន្លងទៅ។ ប្រទេសនេប៉ាល់បានរាយការណ៍ករណីឆ្លងថ្មីជាង ៩,៧០០នាក់ កាលពីថ្ងៃសុក្រ បន្ទាប់ពីមានជិត ៥០០ករណីកាលពីពាក់កណ្ដាលខែមេសាកន្លងទៅ។ យោងតាមការចុះផ្សាយរបស់ CNN ផ្អែកលើទិន្នន័យរដ្ឋាភិបាលស្រីលង្កាបានរាយការណ៍ករណីឆ្លងជិត ១,៩០០នាក់កាលពីថ្ងៃសុក្រ ជាចំនួនកើនឡើង ៥ដងនៃករណីឆ្លងប្រចាំថ្ងៃ ដែលខ្លួនបានរាយការណ៍កាលពីដើមខែមេសា។យោងតាមសកលវិទ្យាល័យ Johns Hopkins ឲ្យដឹងថា ប្រទេសថៃបានរាយការណ៍ករណីឆ្លងថ្មីជាង ២ពាន់នាក់កាលពីថ្ងៃសុក្រ។ ប្រទេសវៀតណាមបានរាយការណ៍ករណីឆ្លងថ្មីចំនួន ៨៧នាក់កាលពីល្ងាចថ្ងៃអាទិត្យ។ នៅព្រឹកថ្ងៃច័ន្ទនេះ ប្រទេសវៀតណាមបានមើលឃើញករណីឆ្លងថ្មីចំនួន ៨០នាក់ រួមទាំងករណីឆ្លងនាំចូល ២នាក់ផង។ នាយិកាវិទ្យាស្ថានជាតិអនាម័យ និងជំងឺឆ្លងរបស់ប្រទេសវៀតណាមបានប្រាប់សារព័ត៌មានជីវិត និងសុខភាពកាលពីថ្ងៃសៅរ៍ថា វីរុស Covid-19 បម្លែងខ្លួនថ្មី ៤ប្រភេទកំពុងធ្វើចរាចរណ៍យ៉ាងសកម្ម នៅក្នុងប្រទេសវៀតណាម និងកំពុងធ្វើឲ្យផ្លាស់ប្ដូរស្ថានភាពឆ្លងរាលដាលនេះ៕អត្ថបទ៖ សុខមាន

ចំនួនអ្នកស្លាប់ក្នុងការបំផ្ទុះគ្រាប់បែកនៅទីក្រុងកាប៊ុលប្រទេសអាហ្វហ្គានីស្ថានកើនឡើងដល់ ៦៨នាក់

អាហ្វហ្គានីស្ថាន៖ រដ្ឋាភិបាលអាហ្វហ្គានីស្ថាននិយាយថា ចំនួនអ្នកស្លាប់ដោយសារការផ្ទុះថ្មីៗនេះ នៅជិតសាលាមួយក្នុងរដ្ឋធានីកាប៊ុលបានកើនឡើងដល់ ៦៨នាក់ និងជាង ១៥០នាក់ផ្សេងទៀតរងរបួស។ ក្រុមមន្ត្រីនិយាយថា អ្នកស្លាប់ភាគច្រើនជានិស្សិតស្រី។ក្រុមមន្ត្រីសន្តិសុខនិយាយថា រថយន្តមួយគ្រឿងដែលផ្ទុកដោយគ្រឿងផ្ទុះ ត្រូវបានបំផ្ទុះនៅជិតខ្លោងទ្វារចូលសាលារៀនកាលពីថ្ងៃសៅរ៍ បន្ទាប់មកមានការបំផ្ទុះគ្រាប់បែកជាច្រើននៅក្បែរនោះ។ លោកប្រធានាធិបតី Ashraf Ghani បានចេញសេចក្ដីថ្លែងការណ៍មួយ នៅពេលក្រោយមកដោយស្តីបន្ទោសពួកសកម្មប្រយុទ្ធតាលីបង់ ចំពោះការផ្ទុះនេះ។ លោកបានថ្កោលទោសការផ្ទុះនេះជាបទឧក្រិដ្ឋប្រឆាំងនឹងមនុស្សជាតិ។ ក្រុមតាលីបង់បានបដិសេធទទួលខុសត្រូវ ចំពោះការវាយប្រហារទាំងនេះ។កងកម្លាំងប្រឆាំងរដ្ឋាភិបាលបានបន្តយុទ្ធនាការភេរវកម្ម របស់ពួកគេនៅក្នុងប្រទេសអាហ្វហ្គានីស្ថាន ទោះបីជាការដកកងទ័ពទាំងអស់របស់ទីក្រុងវ៉ាស៊ីនតោន ចេញពីប្រទេសនឹងធ្វើឡើងនៅត្រឹមថ្ងៃទី១១ ខែកញ្ញា ដែលមានរយៈពេល ២០ឆ្នាំចាប់តាំងពីការវាយប្រហារភេរវកម្មលើសហរដ្ឋអាមេរិកក៏ដោយ។ ក្រុមអ្នកជំនាញបារម្ភថា ស្ថានភាពសន្តិសុខនៅអាហ្វហ្គានីស្ថានអាចនឹងកាន់តែយ៉ាប់យ៉ឺនថែមទៀត៕អត្ថបទ៖ សុខមាន

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

អាមេរិក៖ នគរបាលសហរដ្ឋអាមេរិកបាននិយាយថា ខ្មាន់កាំភ្លើងម្នាក់បានបាញ់សម្លាប់មនុស្ស ៦នាក់ ហើយបន្ទាប់មកបាញ់សម្លាប់ខ្លួនឯង នៅក្នុងពិធីខួបកំណើតមួយក្នុងតំបន់ Colorado Springs កាលពីថ្ងៃអាទិត្យ។ ការបាញ់ប្រហារនេះបានកើតឡើងនៅឧទ្យានផ្ទះចល័ត ជាទីដែលក្រុមគ្រួសារជាច្រើនបានប្រមូលផ្ដុំគ្នា នៅក្នុងរថយន្តចល័តមួយដើម្បីធ្វើពិធីនេះ។ស្នងការនគរបាលតំបន់ Colorado Springs បាននិយាយថា ជនសង្ស័យជាមិត្តប្រុសម្នាក់ក្នុងចំណោមជនរងគ្រោះជាស្ត្រី បានបើកបររថយន្តទៅកាន់អគារស្នាក់នៅ រួចដើរចូល និងចាប់ផ្ដើមបាញ់ស្រោចលើមនុស្សនៅក្នុងពិធីជប់លៀងនោះ មុនពេលបាញ់សម្លាប់ខ្លួនឯង។ ទោះយ៉ាងណាគេនៅមិនទាន់ដឹងពីមូលហេតុ នាំឲ្យមានការបាញ់ប្រហារនេះនៅឡើយទេ។ ជនរងគ្រោះទាំងអស់សុទ្ធតែជាមនុស្សពេញវ័យ ប៉ុន្តែមានកុមារមួយចំនួនក៏កំពុងមានវត្តមាន នៅក្នុងរថយន្តចល័តនៅពេលនេះដែរ។ ចំណែកអត្តសញ្ញាណរបស់ក្រុមជនរងគ្រោះ និងខ្មាន់វាយប្រហារនៅមិនទាន់ត្រូវបានបញ្ចេញនៅឡើយទេ។ដោយឡែកកាលពីរសៀលថ្ងៃសៅរ៍ ក្រុមអាជ្ញាធរបាននិយាយថា មនុស្ស ៣នាក់ត្រូវបានគេបាញ់ឲ្យរងរបួសនៅក្នុងទីលានចតុរង្គដ៏មមាញឹក Times Square របស់ទីក្រុង New York ហើយនគរបាលកំពុងតាមចាប់ខ្លួនខ្មាន់កាំភ្លើងនៅឡើយ។ គួររម្លឹកថា កាលពីខែមីនា មនុស្ស ១០នាក់បានស្លាប់ក្នុងការបាញ់ប្រហារដ៏ធំមួយ នៅក្នុងហាងលក់គ្រឿងទេសមួយនៅទីក្រុង Boulder របស់រដ្ឋ Colorado។ ក្រោយមកជនសង្ស័យខ្មាន់កាំភ្លើងត្រូវបានចាប់ខ្លួន។ បច្ចុប្បន្នប្រឈមនឹងបទចោទប្រកាន់ឃាតកម្មចំនួន ១០ករណី៕អត្ថបទ៖ សុខមាន

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា

ឥណ្ឌា៖ ចំនួនអ្នកស្លាប់ប្រចាំថ្ងៃដោយសារជំងឺ COVID-19 នៅក្នុងប្រទេសឥណ្ឌាបានកើនឡើងជាង ៤ពាន់នាក់ក្នុងរយៈពេល ២ថ្ងៃជាប់គ្នា។ ការហក់ឡើងនៃករណីឆ្លងនេះកំពុងដាក់បន្ទុកកាន់តែធ្ងន់បន្ថែមទៀត លើប្រព័ន្ធថែទាំសុខភាពរបស់ប្រទេសនេះ។ រដ្ឋាភិបាលឥណ្ឌាបានរាយការណ៍អ្នកស្លាប់ចំនួន ៤,០៩២នាក់កាលពីថ្ងៃអាទិត្យ។ ចំនួនឆ្លងថ្មីប្រចាំថ្ងៃបានកើនឡើងដល់ជាង ៤សែននាក់រយៈពេល ៤ថ្ងៃជាប់គ្នា។អ្នកជំងឺជាច្រើនបានស្លាប់ជាបន្តបន្ទាប់ ខណៈអុកស៊ីសែន និងគ្រែមន្ទីរពេទ្យជិតអស់។ មន្ត្រីរដ្ឋាភិបាលក្នុងតំបន់និយាយថា ស្ថានភាពទាក់ទងនឹងការផ្គត់ផ្គង់អុកស៊ីសែន កំពុងមានភាពប្រសើរឡើង។ ពួកគេនិយាយថា រោងចក្រផលិតអុកស៊ីសែនដែលបញ្ជូនដោយសហគមន៍អន្តរជាតិ កំពុងត្រូវបានដំឡើងនៅតាមមន្ទីរពេទ្យនានា។ ប៉ុន្តែបរិមាណអុកស៊ីសែនដែលត្រូវបានផ្គត់ផ្គង់នៅក្នុងទីក្រុងញូវដេលី គិតត្រឹមថ្ងៃព្រហស្បតិ៍សប្ដាហ៍មុនបានបន្ថែមត្រឹមតែ ៦០% ប៉ុណ្ណោះនៃតម្រូវការជាក់ស្ដែង។មន្ត្រីរដ្ឋាភិបាលកំពុងប្រឹងប្រែងដើម្បីពង្រឹងប្រព័ន្ធវេជ្ជសាស្ត្រ ដោយចែកចាយការផ្គត់ផ្គង់ដែលបានមកពីបរទេសទៅកាន់គ្រប់រដ្ឋទាំងអស់។ គិតត្រឹមព្រឹកថ្ងៃច័ន្ទនេះ ប្រទេសឥណ្ឌាមានអ្នកឆ្លងជំងឺ COVID-19 សរុប ២២,៦៦២,៤១០នាក់ និងស្លាប់ ២៤៦,១៤៦នាក់៕អត្ថបទ៖ សុខមាន

ការសិក្សា៖ ជំងឺរាតត្បាតសកល COVID-19 បណ្ដាលឲ្យមនុស្សប្រមាណ ២៣០លាននាក់នៅឥណ្ឌាធ្លាក់ចូលក្នុងភាពក្រីក្រ

ឥណ្ឌា៖ ការសិក្សាស្រាវជ្រាវថ្មីមួយបានបង្ហាញថា ប្រជាជនឥណ្ឌាប្រមាណ ២៣០លាននាក់ បានធ្លាក់ចូលក្នុងភាពក្រីក្រ ដោយសារតែជំងឺរាតត្បាតសកល COVID-19 កាលពីឆ្នាំមុន ព្រោះជំងឺនេះបានប៉ះពាល់ខ្លាំងលើយុវជន និងស្ត្រី ហើយរលកទី២ បច្ចុប្បន្នបានគំរាមកំហែងធ្វើឲ្យបញ្ហាកាន់តែយ៉ាប់យ៉ឺនថែមទៀត។របាយការណ៍ចេញផ្សាយដោយសាកលវិទ្យាល័យ Azim Premji ដែលមានមូលដ្ឋាននៅទីក្រុង Bangalore បាននិយាយថា ការបិទប្រទេសរយៈពេលជាច្រើនខែ របស់ប្រទេសឥណ្ឌាចាប់ពីខែមីនាឆ្នាំមុនបានបណ្ដាលឲ្យមនុស្សប្រហែល ១០០លាននាក់គ្មានការងារធ្វើ ក្នុងនោះ ១៥% មិនអាចរកការងារធ្វើបានសូម្បីនៅត្រឹមដំណាច់ឆ្នាំមុន។ យោងតាមការសិក្សាដែលបានចេញផ្សាយកាលពីថ្ងៃពុធ ផ្ដោតលើស្ត្រីប្រមាណ ៤៧% នៃកម្មការិនីមិនអាចធានាបានការងារ សូម្បីតែក្រោយពីការដកវិធានការរឹតត្បិតក៏ដោយ។របាយការណ៍ដែលបានបញ្ជាក់ថា មនុស្សស្ថិតក្នុងភាពក្រីក្រ ខណៈដែលប្រជាជនទាំងនោះកំពុងរស់ដោយមានប្រាក់ចំណូលក្រោម ៣៧៥រ៉ូពីស្មើ ៥ដុល្លារអាមេរិកក្នុងមួយថ្ងៃបាននិយាយថា ប្រាក់ចំណូលតិចតួចពិបាករកបានធ្លាក់ចុះទូទាំងប្រទេស ខណៈដែលជំងឺរាតត្បាតសកលនេះបានវាយលុកកាន់តែខ្លាំងដល់ក្រុមគ្រួសារក្រីក្រ៕អត្ថបទ៖ សុខមាន

ប្រទេសកាន់តែច្រើនគាំទ្រឲ្យបន្ធូរបន្ថយប្រកាសនីយបត្រវ៉ាក់សាំងបង្ការជំងឺ COVID-19 ប៉ុន្តែបញ្ហានៅតែមាន

ពិភពលោក៖ ប្រទេសបារាំងបានចូលរួមជាមួយសហរដ្ឋអាមេរិកកាលពីថ្ងៃព្រហស្បតិ៍ ក្នុងការគាំទ្រឲ្យមានការបន្ធូរបន្ថយការការពារ ប្រកាសនីយបត្រលើវ៉ាក់សាំងបង្ការជំងឺ COVID-19 ដែលអាចជួយដល់បណ្ដាប្រទេសក្រីក្រ ឲ្យទទួលបានដូសវ៉ាក់សាំងកាន់តែច្រើន និងបង្កើនល្បឿនដើម្បីបញ្ចប់ការរាតត្បាតជំងឺសកល។ខណៈដែលទទួលបានការគាំទ្រពីប្រទេស២ ជាមួយនឹងក្រុមហ៊ុនផលិតឱសថធំៗគឺជារឿងសំខាន់ តែឧបសគ្គជាច្រើននៅតែមាន។ ការគាំទ្រសម្រាប់ការការពារ ប្រកាសនីយបត្រវ៉ាក់សាំងរបស់សហរដ្ឋអាមេរិក បានធ្វើឲ្យមានការផ្លាស់ប្ដូរជាច្រើនក្នុងជំហររបស់ខ្លួន ប៉ុន្តែមានប្រទេសមួយកំពុងបោះឆ្នោតប្រឆាំង នឹងការលើកលែងប្រកាសនីយបត្រ នឹងគ្រប់គ្រាន់ក្នុងការរារាំងកិច្ចខិតខំប្រឹងប្រែង នៅអង្គការពាណិជ្ជកម្មពិភពលោក។ ខណៈមានសេចក្តីប្រកាសរបស់រដ្ឋបាលលោក Biden កាលពីថ្ងៃពុធ សហរដ្ឋអាមេរិកបានក្លាយជាប្រទេសដំបូងគេនៅលើពិភពលោក ដែលមានក្រុមហ៊ុនផលិតវ៉ាក់សាំងធំៗបានប្រកាសគាំទ្រជាសាធារណៈ នូវគំនិតតម្រូវឲ្យមានការលើកលែង ដែលលើកឡើងដោយប្រទេសឥណ្ឌា និងអាហ្វ្រិកខាងត្បូងកាលពីខែតុលានៅឯអង្គការពាណិជ្ជកម្មពិភពលោក។ លោកប្រធានាធិបតីបារាំង Emmanuel Macron បាននិយាយកាលពីថ្ងៃព្រហស្បតិ៍ នៅពេលចុះពិនិត្យមជ្ឈមណ្ឌលវ៉ាក់សាំងមួយកន្លែងថា លោកគាំទ្រយ៉ាងពេញទំហឹងលើឲ្យការបើក ឲ្យមានការបន្ធូរបបន្ថយកម្មសិទ្ធិបញ្ញានេះ។លោកនាយករដ្ឋមន្ត្រីអូស្ត្រាលី Scott Morrison បានហៅជំហររបស់សហរដ្ឋអាមេរិកថា ជាដំណឹងដ៏ល្អ ប៉ុន្តែពុំបានឆ្លើយតបដោយផ្ទាល់ ចំពោះសំណួរទាក់ទងនឹងថា តើប្រទេសរបស់លោកនឹងគាំទ្រការប្រកាសនីយបត្រនេះដែរ ឬយ៉ាងណា។ ប្រធានាធិបតីរុស្ស៊ីលោក Vladimir Putin បាននិយាយថា ប្រទេសរបស់លោកនឹងគាំទ្រសំណើការប្រកាសនីយបត្រនេះ។ ក្រុមមន្ត្រីបាននិយាយថា ប្រទេសចំនួន៨០ ភាគច្រើនជាប្រទេសកំពុងអភិវឌ្ឍន៍បានគាំទ្រសំណើនេះ។ ប្រទេសចិន និងរុស្ស៊ីជាប្រទេសផលិតវ៉ាក់សាំងបង្ការជំងឺ COVID-19 ដ៏សំខាន់ ២ផ្សេងទៀតពុំបានបង្ហាញជំហរទេ ប៉ុន្តែយល់ព្រមបើកឲ្យមានការពិភាក្សាបន្ថែមទៀត៕អត្ថបទ៖ សុខមាន

សាលារាជធានីភ្នំពេញបន្តបិទផ្សាររដ្ឋ និងផ្សារមិនរៀបរយទាំងអស់រយៈពេល១សប្ដាហ៍ទៀត

ភ្នំពេញ៖ សាលារាជធានីភ្នំពេញ សម្រេចបន្តផ្អាកដំណើរការផ្សាររដ្ឋ និងផ្សារមិនរៀបរយទាំងអស់ ១សប្ដាហ៍ទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩នៅរាជធានីភ្នំពេញ។ក្នុងសេចក្ដីសម្រេចចេញនៅយប់នេះ អភិបាលរាជធានីភ្នំពេញ លោក ឃួង ស្រេង បានសម្រេចឱ្យបន្តផ្អាកដំណើរការផ្សាររដ្ឋ និងផ្សារមិនរៀបរយទាំងអស់ចាប់ពីថ្ងៃទី០៨ រហូតដល់ថ្ងៃទី១៤ ខែឧសភាខាងមុខនេះ។អាជ្ញាធររាជធានីភ្នំពេញ បានសម្រេចផ្អាកដំណើរការផ្សាររដ្ឋ និងផ្សារមិនរៀបរយរយៈពេល ២សប្ដាហ៍ម្ដងរួចមកហើយចាប់ពីថ្ងៃទី២៤ ខែមេសា រហូតដល់ថ្ងៃទី០៧ ខែឧសភានេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។រាជធានីភ្នំពេញ បានមើលឃើញកំណើនចំនួនអ្នកឆ្លងមេរោគកូវីដ-១៩យ៉ាងច្រើនអស់រយៈពេលជាច្រើនថ្ងៃមកហើយ ដែលការឆ្លងទាំងនោះសុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ៕

សម្ដេចតេជោ ហ៊ុន សែន បញ្ជាក់ថា ការតម្រូវឱ្យពលរដ្ឋចូលទៅខេត្តមួយធ្វើចត្តាឡីស័ក១៤ថ្ងៃ ស្មើនឹងបិទប្រទេសឡើងវិញ

ភ្នំពេញ៖ ប្រមុខរាជរដ្ឋាភិបាល សម្ដេចតេជោ ហ៊ុន សែន បានមានប្រសាសន៍ថា ការតម្រូវឱ្យពលរដ្ឋធ្វើចត្តាឡីស័ក ១៤ថ្ងៃនៅពេលធ្វើដំណើរទៅខេត្តមួយ ស្មើនឹងការបិទប្រទេសឡើងវិញ និងធ្វើឱ្យដំណើរការសេដ្ឋកិច្ច-សង្គមជាប់គាំង។សម្ដេចតេជោ ហ៊ុន សែន បានបញ្ជាក់បែបនេះនៅក្នុងសារជាសំឡេងដែលសម្ដេចផ្ញើទៅអភិបាលរាជធានី-ខេត្តទូទាំងប្រទេសនៅថ្ងៃនេះ។ក្នុងសារជាសំឡេងនោះ សម្ដេចតេជោ ហ៊ុន សែន បានបញ្ជាក់ទៅអភិបាលរាជធានី-ខេត្តទាំងអស់ ឱ្យអនុញ្ញាតឱ្យពលរដ្ឋអាចធ្វើដំណើរទៅចេញ-ចូលខេត្តរបស់ខ្លួនបាន ដោយមិនតម្រូវឱ្យធ្វើចត្តាឡីស័ក ១៤ថ្ងៃទៀតទេ។សម្ដេចតេជោ ហ៊ុន សែន មានប្រសាសន៍ថា៖ «អ៊ីចឹង ខ្ញុំសូមស្នើឱ្យឯកឧត្ដម លោកជំទាវអភិបាលខេត្ត-រាជធានី ត្រូវធ្វើការកែសេចក្ដីសម្រេចជាបន្ទាន់របស់ខ្លួន។ បើមិនដូច្នេះ យើងគ្រប់គ្រងប្រជាជននៅក្នុងខេត្តរបស់ខ្លួន ហើយប្រជាជនខេត្តដទៃ ដែលទៅរកស៊ី ធ្វើការចូលទៅក្នុងខេត្តរបស់ខ្លួន ត្រូវតែធ្វើចត្តាឡីស័ក។ ដល់ប្រជាជនខ្លួនត្រូវចេញទៅខេត្តដទៃក៏ត្រូវធ្វើចត្តាឡីស័ក។ បើដូច្នោះ ចត្តាឡីស័កទូទាំងប្រទេសតែម្ដង។ វាមិនខុសពីការដែលធ្វើបិទប្រទេស បិទក្រុងបិទស្អីក្នុងរយៈពេលកន្លងទៅទេ។ ហ្នឹងធ្វើឱ្យគាំងទៅដល់ក្បាលម៉ាស៊ីននៃដំណើរការសេដ្ឋកិច្ច-សង្គមរបស់ប្រជាជនតែម្ដង»។សម្ដេចតេជោ ហ៊ុន សែន ក៏បានបញ្ជាក់ផងដែរថា អភិបាលរាជធានី-ខេត្ត អាចអនុវត្តការធ្វើចត្តាឡីស័កបានតែលើករណីសង្ស័យថា ពលរដ្ឋណាម្នាក់អាចឆ្លងមេរោកកូវីដ-១៩ ដែលបង្កហានិភ័យសម្រាប់ចម្លងមេរោគនេះ។សម្ដេចតេជោ ហ៊ុន សែន មានប្រសាសន៍បន្តថា៖ «ហើយខ្ញុំនិយាយនេះមិនសំដៅមិនឱ្យទប់ស្កាត់ចំពោះអ្នកដែលមានករណីសង្ស័យដែលយើងតម្រូវឱ្យយកសំណាក និងនាំទៅដល់ការធ្វើចត្តាឡីស័កដែលជៀសវាងមិនបាននោះទេ ក៏ប៉ុន្តែ ការធ្វើនេះគឺសំដៅដើម្បីឱ្យកែសម្រួលនូវសេចក្ដីសម្រេចដើម្បីបើកឱ្យប្រជាពលរដ្ឋអាចធ្វើដំណើរបាន។ បើមិនដូច្នោះទេ ខេត្តនីមួយៗដាក់ឱ្យធ្វើចត្តាឡីស័ក ១៤ថ្ងៃ វាមិនខុសពីការចែកកម្ពុជាទៅជា ២៥ប្រទេស ឆ្លងពីខេត្តមួយទៅខេត្តមួយ ធ្វើចត្តាឡីស័ក ចេញពីខេត្តហ្នុងចូលមកខេត្តនេះវិញ ធ្វើចត្តាឡីស័ក។ បើដូច្នោះ តើយើងរស់របៀបម៉េច?»។ប្រមុខរាជរដ្ឋាភិបាលបានចេញសារជាសំឡេងបែបនេះ បន្ទាប់ពីបានសង្កេតឃើញខេត្តមួយចំនួន ចេញសេចក្ដីសម្រេចតម្រូវឱ្យប្រជាជនធ្វើដំណើរចូលទៅខេត្តរបស់ខ្លួន ត្រូវធ្វើចត្តាឡីស័ក ១៤ថ្ងៃ៕

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

ចំនួនអ្នកស្លាប់ក្នុងការបំផ្ទុះគ្រាប់បែកនៅទីក្រុងកាប៊ុលប្រទេសអាហ្វហ្គានីស្ថានកើនឡើងដល់ ៦៨នាក់

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា

ការសិក្សា៖ ជំងឺរាតត្បាតសកល COVID-19 បណ្ដាលឲ្យមនុស្សប្រមាណ ២៣០លាននាក់នៅឥណ្ឌាធ្លាក់ចូលក្នុងភាពក្រីក្រ

ប្រទេសកាន់តែច្រើនគាំទ្រឲ្យបន្ធូរបន្ថយប្រកាសនីយបត្រវ៉ាក់សាំងបង្ការជំងឺ COVID-19 ប៉ុន្តែបញ្ហានៅតែមាន

សាលារាជធានីភ្នំពេញបន្តបិទផ្សាររដ្ឋ និងផ្សារមិនរៀបរយទាំងអស់រយៈពេល១សប្ដាហ៍ទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន ឧបត្ថម្ភថវិកា ជូនទៅខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត

តំបន់​អាស៊ី​ប្រឈម​នឹង​ការ​ហក់​ឡើង​ខ្លាំង​នូវ​ករណី​ឆ្លង​ថ្មី​នៃ​ជំងឺ COVID-19

ខ្មាន់កាំភ្លើង​ម្នាក់​បាញ់សម្លាប់​មនុស្ស​ ៦​នាក់​ក្នុង​ពិធី​ខួបកំណើត​មួយ​នៅ​រដ្ឋ Colorado សហរដ្ឋអាមេរិក​

ឥណ្ឌា​មាន​អ្នក​ស្លាប់​ប្រចាំថ្ងៃ​ដោយសារ​ជំងឺ COVID-19 ជាង​ ៤​ពាន់​នាក់​រយៈពេល ​២​ថ្ងៃ​ជាប់​គ្នា​

សាលា​រាជ​ធានី​ភ្នំពេញ​បន្ត​បិទ​ផ្សារ​រដ្ឋ និង​ផ្សារ​មិន​រៀប​រយ​ទាំង​អស់​រយៈ​ពេល​១​សប្ដាហ៍​ទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តំបន់អាស៊ីប្រឈមនឹងការហក់ឡើងខ្លាំងនូវករណីឆ្លងថ្មីនៃជំងឺ COVID-19

ខ្មាន់កាំភ្លើងម្នាក់បាញ់សម្លាប់មនុស្ស ៦នាក់ក្នុងពិធីខួបកំណើតមួយនៅរដ្ឋ Colorado សហរដ្ឋអាមេរិក

ឥណ្ឌាមានអ្នកស្លាប់ប្រចាំថ្ងៃដោយសារជំងឺ COVID-19 ជាង ៤ពាន់នាក់រយៈពេល ២ថ្ងៃជាប់គ្នា

សាលារាជធានីភ្នំពេញបន្តបិទផ្សាររដ្ឋ និងផ្សារមិនរៀបរយទាំងអស់រយៈពេល១សប្ដាហ៍ទៀត