BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាក់ឡើងវិញថា ពលរដ្ឋទាំងអស់អាចធ្វើដំណើរទៅខេត្តដោយមិនតម្រូវឱ្យធ្វើចត្តាឡីស័ក១៤ថ្ងៃទេ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ឡើងវិញទៅអាជ្ញាធររាជធានី និងខេត្តទាំងអស់ ឱ្យអនុញ្ញាតឱ្យពលរដ្ឋទាំងអស់ធ្វើដំណើរទៅខេត្ត ឬឆ្លងកាត់ខេត្តឡើងវិញបានប៉ុន្តែ អាចតម្រូវឱ្យធ្វើចត្តាឡីស័ក ១៤ថ្ងៃសម្រាប់ពលរដ្ឋមួយចំនួនដែលសង្ស័យថាមានហានិភ័យសម្រាប់ការឆ្លងមេរោគកូវីដ-១៩។សម្ដេចតេជោ ហ៊ុន សែន បានបញ្ជាក់ឡើងវិញបែបនេះនៅក្នុងសារជាសំឡេងដែលសម្ដេចផ្ញើទៅអភិបាលរាជធានី និងខេត្តទាំងអស់នៅទូទាំងប្រទេស។សម្ដេចតេជោ ហ៊ុន សែន មានប្រសាសន៍ថា៖ «យើងត្រូវបន្តគ្រប់គ្រង និងការធ្វើចត្តាឡីស័កចំពោះអ្នកដែលសង្ស័យថាមានហានិភ័យអាចនឹងមានកូវីដ-១៩ ដើម្បីទៅយកសំណាក ហើយឱ្យធ្វើចត្តាឡីស័ក ប៉ុន្តែ មិនមែនធ្វើគ្រប់មនុស្សទាំងអស់ដែលឆ្លងកាត់ខេត្តរបស់ខ្លួននោះទេ។ បើធ្វើយ៉ាងដូច្នេះ ប្រជាជនហាក់ដូចនៅក្នុងទ្រុងដដែល។សម្ដេចតេជោ ហ៊ុន សែន មានប្រសាសន៍បន្តថា៖ «អ៊ីចឹង សូមឱ្យឯកឧត្ដម លោកជំទាវអភិបាលខេត្តណាដែលបានចេញសេចក្ដីសម្រេចហួសទៅហើយ ត្រូវកែប្រែនូវសេចក្ដីសម្រេចនោះវិញជាបន្ទាន់ ដើម្បីសម្រួលឱ្យមានការចរាចរណ៍សម្រាប់ប្រជាពលរដ្ឋ»។សម្ដេចប្រមុខរាជរដ្ឋាភិបាលកម្ពុជា បានបញ្ជាក់ឡើងវិញបែបនេះ បន្ទាប់ពីសម្ដេចបានសង្កេតឃើញអភិបាលខេត្តមួយចំនួន បានចេញសម្រេចសម្រេចដែលតម្រូវឱ្យធ្វើចត្តាឡីស័ករយៈពេល ១៤ថ្ងៃសម្រាប់ពលរដ្ឋណាដែលធ្វើដំណើរចូលទៅខេត្តបស់ខ្លួន៕ អត្ថបទ ៖ សុធី

ឥណ្ឌាមើលឃើញអ្នកស្លាប់ដោយសារជំងឺ COVID-19 និងករណីឆ្លងខ្ពស់បំផុតក្នុងរយៈពេល ២៤ម៉ោង

ឥណ្ឌា៖ ប្រទេសឥណ្ឌាបានមើលឃើញករណីឆ្លង និងស្លាប់ដោយសារជំងឺ COVID-19 ហក់ឡើងខ្ពស់បំផុតនៅថ្ងៃព្រហស្បតិ៍នេះ ដែលធ្វើឲ្យប៉ះពាល់ដល់ក្ដីសង្ឃឹមដែលថា ចំនួនអ្នកឆ្លងបានកំពុងធ្លាក់ចុះ។ក្រសួងសុខាភិបាលបានបង្ហាញពីចំនួនអ្នកស្លាប់ចំនួន ៣,៩៨០នាក់ក្នុងរយៈពេល ២៤ម៉ោងចុងក្រោយ ដែលនាំឲ្យអ្នកស្លាប់សរុបនៅប្រទេសនេះកើនឡើងដល់ ២៣០,១៦៨នាក់ និងករណីឆ្លងថ្មីចំនួន ៤១២,២៦២នាក់ ដែលនាំឲ្យករណីឆ្លងសរុបហក់ឡើងដល់ជាង ២១លាន ១សែននាក់ចាប់តាំងពីជំងឺនេះបានចាប់ផ្ដើមផ្ទុះ។ ការហក់ឡើងនេះកើតឡើងប៉ុន្មានថ្ងៃនៃការធ្លាក់ចុះករណីឆ្លង ដែលនាំឲ្យរដ្ឋាភិបាលបង្កើនក្ដីរំពឹងថា ករណីឆ្លងខ្ពស់អាចនឹងធ្លាក់ចុះ៕អត្ថបទ៖ សុខមាន

សាកសពនៅគរខ្វះកន្លែងបូជា កង្វះអុកស៊ីសែន និងដំណើរការចាក់វ៉ាក់សាំងត្រូវបានអាក់ខាននៅឥណ្ឌា

ឥណ្ឌា៖ សាកសពនៅគរក្នុងឈាបនដ្ឋាន ក្នុងរដ្ឋធានីញូដេលីរបស់ប្រទេសឥណ្ឌាកាលពីថ្ងៃពុធ ខណៈដែលសាច់ញាតិជនរងគ្រោះដោយសារវីរុសកូរ៉ូណា បានប្រញាប់ប្រញាល់ស្វែងរកអ៊ុកស៊ីសែន។សម្រាប់អ្នកទាំងឡាយដែលបានឆ្លងវីរុស ប៉ុន្តែនៅមានជីវិតនៅឡើយការទទួលបានអុកស៊ីសែននៅតែជាបញ្ហា។ លោក Akshay ដែលបានទៅបញ្ចូលអុកស៊ីសែន ឲ្យសាច់ញាតិរបស់លោកបាននិយាយថា លោកបានរង់ចាំទីនោះតាំងពីម៉ោង ៥ព្រឹកមកម្ល៉េះ។ អណ្ដាតភ្លើងបានឆាបឆេះឡើងចេញពីគំនរអុសបូជាសព ដែលបានដាក់ក្បែរនោះ ខណៈសមាជិកក្រុមគ្រួសារបានធ្វើពិធីលាជាលើកចុងក្រោយ។ ខណៈករណីឆ្លងថ្មីប្រចាំថ្ងៃនៃជំងឺ COVID-19 មានចំនួន ៣៨២,៣១៥នាក់ ប្រទេសឥណ្ឌាមានករណីឆ្លងជាង ២១លាននាក់ចាប់តាំងពីចាប់ផ្ដើមផ្ទុះជំងឺរាតត្បាតសកល ខណៈរដ្ឋាភិបាលបានប្រឈមនឹងការអំពាវនាវ ឲ្យការបិទប្រទេសយ៉ាងតឹងរ៉ឹង។ កិច្ចខិតខំប្រឹងប្រែងបង្កើនយុទ្ធនាការចាក់វ៉ាក់សាំង ត្រូវបានបង្អាក់ដោយកង្វះដូសវ៉ាក់សាំង។ ប្រទេសឥណ្ឌាដែលមានប្រជាជនជាង ១,៣ពាន់លាននាក់បានចាក់វ៉ាក់សាំងជាង ១៦០លានដូស៕អត្ថបទ៖ សុខមាន

ខ្មាន់កាំបិតសម្លាប់ក្មេង ៣នាក់ និងគ្រូពេទ្យម្នាក់ក្នុងមជ្ឈមណ្ឌលថែទាំទារកនៅភាគខាងត្បូងប្រទេសប្រេស៊ីល

ប្រេស៊ីល៖ ក្រុមមន្ត្រីនៅភាគខាងត្បូងប្រទេសប្រេស៊ីលបាននិយាយថា ខ្មាន់កាំបិតម្នាក់បានសម្លាប់ក្មេងៗ ៣នាក់ និងគ្រូពេទ្យម្នាក់ក្នុងមជ្ឈមណ្ឌលថែទាំទារក ស្ថិតក្នុងទីក្រុងសូដាដេសកាលពីថ្ងៃអង្គារ។អំឡុងបទសម្ភាសន៍ជាមួយវែបសាយ G1 លោកស្រី ហ្គីសេឡា ហឺម៉ាន់ រដ្ឋមន្ត្រីក្រសួងសុខាភិបាលក្រុងសូដាដេស បានចាត់ទុកហេតុការណ៍នេះថា ជាហេតុការណ៍ដ៏គួរឲ្យរន្ធត់បំផុតនៅក្នុងសាលារៀន។ លោកស្រីបាននិយាយថា បុរសម្នាក់ដេកដួលក្នុងថ្លុកឈាមនៅលើឥដ្ឋ ប៉ុន្តែគាត់នៅរស់ទេ គ្រូបង្រៀនម្នាក់បានស្លាប់ ហើយក្មេងៗក៏បានស្លាប់ផងដែរ។ ដោយឡែក អភិបាលក្រុងសូដាដេស បាននិយាយប្រាប់ទូរទស្សន៍ Globo News ថា យុវជនម្នាក់អាយុចន្លោះពី ១៤ឆ្នាំទៅ ១៨ឆ្នាំបានកាន់កាំបិតដើរចូលមជ្ឈមណ្ឌលថែទាំងទារក។ ខណៈពេលនោះដែរ ស្នងការដ្ឋាននគរបាលក្រុងសូដាដេស មិនទាន់ចេញសេចក្ដីថ្លែងការណ៍ភ្លាមៗនោះទេ៕អត្ថបទ៖ សារ៉ាត់

ប្រធានាធិបតីម៉ិកស៊ិកសន្យាបើកការស៊ើបអង្កេត ក្រោយមនុស្ស ២៤នាក់ស្លាប់ក្នុងឧប្បត្តិហេតុដាច់ខ្សែកាបយោងរថភ្លើង

ម៉ិកស៊ិក៖ កាលពីថ្ងៃអង្គារប្រធានាធិបតីម៉ិកស៊ិក លោក អាន់ដ្រេស ម៉ានូអែល ឡូប៉េស អូប្រាដ័រ បានសន្យាថា នឹងបើកការស៊ើបអង្កេតស៊ីជម្រៅ ដើម្បីស្វែងរកឲ្យឃើញអ្នកទទួលខុសត្រូវចំពោះអ្នកស្លាប់ ២៤នាក់នៅក្នុងឧប្បត្តិហេតុដាច់ខ្សែកាបយោងរថភ្លើង ដែលធ្លាប់មានប្រវត្តិបញ្ហា។ការសន្យាបែបនេះបានធ្វើឡើង ស្របពេលដែលក្រុមជួយសង្គ្រោះបន្ទាន់នៅក្នុងរដ្ឋធានីម៉ិកស៊ិកកូ បានប្រឹងប្រែងទាយយកសាកសពជនរងគ្រោះ ដែលជាប់ខ្លួននៅក្នុងបំណែកទូររថភ្លើង ដែលបានធ្លាក់ដល់ដីកាលពីយប់ថ្ងៃចន្ទ។ មនុស្សរាប់សិបនាក់បានរងរបួសក្នុងឧប្បត្តិហេតុមួយនេះ ដែលស្ថិតនៅក្នុងចំណោមឧប្បត្តិហេតុរថភ្លើងខ្សែកាប ដ៏អាក្រក់បំផុតកើតឡើងនៅក្នុងទីក្រុងម៉ិកស៊ិកកូ ធ្វើឲ្យមានការចោទសួរដល់បទដ្ឋានសាងសង់ និងថែទាំងបណ្ដាញទូរគមនាគមន៍ ដែលប្រើប្រាស់ដោយពលរដ្ឋរាប់លាននាក់ ជារៀងរាល់ថ្ងៃមួយនេះ។លោក ឡូប៉េស អូប្រាដ័រ បាននិយាយប្រាប់សន្និសីទសារព័ត៌មានថា ការស៊ើបអង្កេតយ៉ាងហ្មត់ចត់មួយនឹងធ្វើឡើងដើម្បីដឹងពីការពិត ហើយក្រុមអ្នកជំនាញអន្តរជាតិឯករាជ្យ នឹងជួយស៊ើបអង្កេតក្រុមរដ្ឋអាជ្ញាសហព័ន្ធ។ លោកបន្តថា ពួកយើងមិនអាចចេះតែស្មានស្មានបាននោះទេ រួចបន្ទោសតិចតួចអ្នកប្រព្រឹត្តកំហុសដោយគ្មានភស្តុតាងបាននោះទេ៕អត្ថបទ៖ សារ៉ាត់

ការទទួលបានការថែទាំផ្នែកវេជ្ជសាស្ត្រត្រូវបានពន្យារពេលដោយសារលទ្ធផលតេស្ត COVID-19 យឺតយ៉ាវនៅឥណ្ឌា

ឥណ្ឌា៖ ខណៈដែលរលកទី២ នៃការឆ្លងរាតត្បាតដ៏ធ្ងន់ធ្ងរនៅប្រទេសឥណ្ឌា ប្រជាជននៅទូទាំងប្រទេសកំពុងរង់ចាំរហូតដល់ ៣ថ្ងៃទើបទទួលបានលទ្ធផលនៃការធ្វើតេស្ត តាមរបៀបបម្លែង DNA ដែលមានឈ្មោះថា RT-PCR របស់ពួកគេរកវីរុសកូរ៉ូណា។ក្រុមអ្នកជំនាញនិយាយថា ការពន្យារពេលនេះអាចជះឥទ្ធិពលដោយផ្ទាល់ ដល់ការទទួលបានការព្យាបាលខាងវេជ្ជសាស្ត្ររបស់អ្នកជំងឺ ព្រមទាំងឱកាសនៃការរស់រានមានជីវិតរបស់ពួកគេ។ បន្ទាប់ពីយកសំណាកតាមច្រមុះ និងបំពង់កត្រូវបានប្រមូលសម្រាប់ការធ្វើតេស្តតាមRT-PCR អ្នកជំងឺត្រូវរង់ចាំចន្លោះពី ៤៨ ទៅ ៧២ម៉ោងទើបទទួលបានលទ្ធផល។ ក្នុងករណីភាគច្រើន ម៉ាស៊ីនជំនាញសម្រាប់ការធ្វើតេស្ត RT-PCR អាចបង្កើតលទ្ធផលក្នុងពេលប្រហែល ១ ទៅ ២ម៉ោង។ ប្រសិនបើសំណាកចាំបាច់ត្រូវការដឹកជញ្ជូននោះ ពេលវេលាកាន់តែយូរថែមទៀត។ខណៈដែលរដ្ឋភាគច្រើនបែងចែកគ្រែមន្ទីរពេទ្យ សម្រាប់តែអ្នកដែលធ្វើតេស្តវិជ្ជមានជំងឺ Covid-19 អ្នកជំងឺជាច្រើនដែលមានរោគសញ្ញាធ្ងន់ធ្ងរ ត្រូវរង់ចាំលទ្ធផលយ៉ាងអស់សង្ឃឹម។ មន្ទីរពិសោធន៍ និងមន្ទីរពេទ្យនានាបានស្ដីបន្ទោស លើការពន្យារពេលចេញលទ្ធផលតេស្តដោយសារកង្វះឧបករណ៍ធ្វើតេស្ត កម្លាំងពលកម្ម និងសមត្ថភាពមិនគ្រប់គ្រាន់របស់ពួកគេ ក្នុងការដោះស្រាយបរិមាណសំណាកដ៏ច្រើន៕អត្ថបទ៖ សុខមាន

សម្ដេចតេជោ ហ៊ុន សែន បញ្ជាក់ថា នឹងចាក់វ៉ាក់សាំងជូនពលរដ្ឋក្នុងតំបន់ក្រហមគ្រប់គ្នាដោយមិនទុកចោលនរណាម្នាក់ឡើយ

ភ្នំពេញ៖ ប្រមុខរាជរដ្ឋាភិបាលសម្ដេចតេជោ ហ៊ុន សែន បានថ្លែងថា រដ្ឋាភិបាលនឹងបន្តចាក់វ៉ាក់សាំងជូនប្រជាជនក្នុង«តំបន់ក្រហម»រហូតទាល់តែគ្រប់ប្រជាជនទាំងអស់ ដោយមិនទុកចោលប្រជាជនណាម្នាក់ដោយមិនទទួលបានវ៉ាក់សាំងនោះឡើយ។សម្ដេចតេជោ ហ៊ុន សែន បានប្រកាសពីការប្ដេជ្ញាចិត្តរបស់រាជរដ្ឋាភិបាលបែបនេះនៅក្នុងសារជាសំឡេងរយៈពេលជាង ១៤នាទី ដែលសម្ដេចផ្ញើជូនទៅក្រុមការងារចាក់វ៉ាក់សាំងជូនប្រជាជននៅតំបន់ក្រហមនៅព្រឹកនេះ។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំសូមបញ្ជាក់ថា នៅក្នុងតំបន់ក្រហមនេះ ដរាបណានៅមិនទាន់ចាក់អស់ប្រជាជន គឺយើងមិនដើរចេញចោលប្រជាជនណាម្នាក់នោះទេ»។រាជរដ្ឋាភិបាលបានសម្រេចបង្វែរការចាក់វ៉ាក់សាំងមកកាន់ត«តំបន់ក្រហម» ដែលជាតំបន់ប្រឈមមុខនឹងការផ្ទុះការឆ្លងរីករាលដាលនៃមេរោគកូវីដ-១៩ធ្ងន់ធ្ងរនៅរាជធានីភ្នំពេញចាប់ផ្ដើមនៅថ្ងៃទី០១ ខែឧសភានេះ។បើតាមការប៉ាន់ស្មានបឋម ប្រជាជនដែលមានអាយុចាប់ពី ១៨ឆ្នាំឡើងនៅក្នុងតំបន់ក្រហម មានចំនួនប្រហែល ៥២នាក់ម៉ឺននាក់។សម្ដេចតេជោ ហ៊ុន សែន បានបញ្ជាក់ថា រាជរដ្ឋាភិបាលបានបង្វែរវ៉ាក់សាំងបង្ការជំងឺកូវីដ-១៩ចំនួន ៩០ម៉ឺនដូសសម្រាប់ចាក់ជូនប្រជាជនក្នុងតំបន់ក្រហមនៅរាជធានីភ្នំពេញ ដែលសម្ដេចថា អាចផ្ដល់ជូនប្រជាជនជាង ៤០ម៉ឺននាក់។ថ្វីបើបែបនេះក្ដី សម្ដេចតេជោ ហ៊ុន សែន បញ្ជាក់ឡើងវិញថា វ៉ាក់សាំងចំនួន ១លានដូសទៀត នឹងមកដល់កម្ពុជាជាបន្តបន្ទាប់ ក្នុងនោះវ៉ាក់សាំង ៥០ម៉ឺនដូស នឹងមកដល់កម្ពុជានៅថ្ងៃទី១១ ខែឧសភា ហើយបន្ទាប់ទៀត វ៉ាក់សាំង ៥០ម៉ឺនដូសទៀត នឹងមកដល់នៅថ្ងៃទី១៥ ខែឧសភាខាងមុខនេះ។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំសូមបញ្ជាក់ឱ្យបានច្បាស់ថា វ៉ាក់សាំងសម្រាប់ចាក់ចំនួន ៥២ម៉ឺននាក់នៅក្នុងតំបន់ក្រហម គឺមិនខ្វះទេ។ថ្ងៃទី១១ នឹងមកដល់ ៥០ម៉ឺនដូស ថ្ងៃទី១៥ នឹងមកដល់ ៥០ម៉ឺនដូសទៀត គឺមាន ១លានដូសនៅក្នុងដៃបន្ថែមទៀត»៕

ក្រុមគ្រូពេទ្យ TYDA ប្រកាសថា អ្នកជំងឺកូវីដ-១៩ចំនួន ១២៧នាក់ទៀតនៅមណ្ឌលព្យាបាលកោះពេជ្រជាសះស្បើយឡើងវិញ

ភ្នំពេញ៖ សមាគមពេទ្យស្ម័គ្រចិត្តយុវជនសម្ដេចតេជោ បានអះអាងថា អ្នកជំងឺកូវីដ-១៩ចំនួន ១២៧នាក់ទៀត នៅមណ្ឌលព្យាបាលកោះពេជ្រ ត្រូវបានអនុញ្ញាតឱ្យចាកចេញត្រឡប់ទៅផ្ទះវិញហើយនៅព្រឹកថ្ងៃនេះ បន្ទាប់ពីជាសះស្បើយពីជំងឺ។ក្រុមពេទ្យស្ម័គ្រចិត្តយុវជនសម្ដេចតេជោ ឬហៅកាត់ថា TYDA បានអះអាងបែបនេះនៅលើទំព័រហ្វេសប៊ុករបស់ខ្លួននៅយប់នេះ។ទំព័រហ្វេសប៊ុកក្រុមពេទ្យស្ម័គ្រយុជនស្ម័គ្រចិត្តសម្ដេចតេជោ បានបញ្ជាក់ផងដែរថា អ្នកជាសះស្បើយថ្មីទាំង ១២៧នាក់នោះ ត្រូវបានក្រុមគ្រូពេទ្យណែនាំឱ្យបន្តធ្វើចត្តាឡីស័ក ឬរក្សាខ្លួននៅដាច់ដោយឡែកនៅផ្ទះដោយខ្លួនឯងរយៈពេល ១៤ថ្ងៃបន្ថែមទៀត ដើម្បីតាមដានសុខភាព៕

កាកបាទក្រហមអំពាវនាវដល់សប្បុរសជន បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបានអំពាវនាវដល់ស ប្បរសជនជាតិនិងអន្តរជាតិបន្តស្មារតីវប្បធម៌ចែករម្លែកជួយដល់សកម្មភាពកាកបាទក្រហមកម្ពុជា ជាពិសេសក្នុងគ្រាដ៏លំបាកដែលយើងបាននិងកំពុងប្រឈមជាមួយនឹងជម្ងឺរាតត្បាតសកលកូវីដ១៩។តាមរយៈសាលិខិតរបស់សម្តេចប្រធានកាកបាទក្រហមកម្ពុជា ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២១ក្រោម ប្រធានបទ "ទាំងអស់គ្នារួមជាមួយកាក បាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ និងបានបង្ហាញពីការ ប្តេជ្ញាចិត្តរបស់កាកបាទក្រហមកម្ពុជាក្នុងសកម្មភាពមនុស្សធម៌ជាពិសេសក្នុងគ្រាដ៏លំបាកនៃការរាត ត្បាតជាសកលជម្ងឺកូវីដ១៩ និងបានសំដែងអំណរព្រះគុណដល់អង្គព្រះមហាក្សត្រ និងសម្តចម៉ែដែលតែងតែប្រទានព្រះរាជទ្រព្យប្រចាំខែដល់កាកកាទក្រហមនិងលើកឡើងពីសមិទ្ធផលធំៗដែលកាកបាទក្រហមសម្រេចបានក្នុងឆ្នាំកន្លងមក សម្តេចកិត្តិព្រឹទ្ធបណ្ឌិតក៏បានបន្តអំពាវនាវដល់សប្បុរសជនជាតិនិងអន្តរជាតិចូលរួមគាំទ្រតាមស្មារតីចែករម្លែកជួយដល់កាកបាទក្រហមកម្ពុជាបន្តទៀតជាពិសេស ក្នុងស្ថានភាពដ៏លំបាកធ្ងន់ធ្ងរនៃការឆ្លងរីករាលដាលកូវីដ១៩។សារលិខិតសម្តេចដដែលបន្តថា សម្រាប់ឆ្នាំ២០២១នេះ ក្នុងបរិការណ៍នៃការទប់ស្កាត់ការរាតត្បាតជា សកលជំងឺកូវីដ- ១៩ និង ផលប៉ះពាល់បង្កឡើងដោយការប្រែប្រួលអាកាសធាតុ កាកបាទក្រហមកម្ពុជាគ្រប់លំដាប់ថ្នាក់ ត្រូវត្រៀមទុកជាមុននូវមធ្យោបាយជាសម្ភារ ស្បៀង និងថវិកាសម្រាប់និរន្តរភាពដល់ក្រុមអ្នកងាយរងគ្រោះដោយជំងឺកូវីដ-១៩ ត្រូវអប់រំ កសាងសមត្ថភាពដល់ក្រុមទាំងនោះ ដើម្បីរៀ នបន្ស៊ាំទៅនឹងគ្រប់ស្ថានភាពនៃគ្រោះមហន្តរាយឱ្យបានប្រសើរជាងមុន។ ជាមួយនេះ ក៏ត្រូវបន្តអនុវត្តវិស័យអាទិភាពទាំង ៤ ដែលជាភារកិច្ចស្នូល របស់កាកបាទក្រហមកម្ពុជា រួមមាន ៖ ១.ការគ្រប់គ្រងគ្រោះមហន្តរាយ និងការប្រែប្រួលអាកាសធាតុ, ២.សុខភាព និងការថែទាំសុខភាពក្នុងសហគមន៍, ៣.លើកកម្ពស់អំពីគុណតម្លៃរបស់ចលនា សេចក្ដីថ្លៃថ្នូរ របស់មនុស្សជាតិ វប្បធម៌អហិង្សានិងសន្តិភាព ប្រកបដោយបរិយាប័ន្ន និងចីរភាព, ៤.ការអភិវឌ្ឍស្ថាប័ន។សម្តេចបានអំពាវនាវប្រកបដោយក្តីសង្ឃឹមយ៉ាងមុតមាំថា ក្នុងគ្រាដ៏លំបាកដែលយើងទាំងអស់គ្នា បាន និងកំពុងប្រឈមជាមួយជំងឺរាតត្បាតសកលកូវីដ-១៩ ពិតណាស់ សម្តេច ឯកឧត្តម លោក ជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន នឹងបន្តឧបត្ថម្ភគាំទ្រដោយសទ្ធាជ្រះថ្លា និងក្នុងស្មារតីនៃវប្បធម៌ចែករំលែកដល់កាក បាទ ក្រហមកម្ពុជា ដើម្បីសមាគមជាតិបន្តផ្តល់សេវាកម្មមនុស្សធម៌ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ ដើម្បីរួមចំណែកក្នុងការធ្វើឱ្យប្រក្រតីភាពជីវិតរស់នៅតាមគន្លងថ្មី។ទន្ទឹមនឹងនេះ សម្តេចប្រធានបានអំពាវនាវដល់បងប្អូនរួមជាតិ សូមចូលរួមយុទ្ធនាការចាក់វ៉ាក់សាំងកូវីដ-១៩ អនុវត្តឱ្យបានខ្ជាប់ខ្ជួនជាប្រចាំនូវវិធានការបង្ការ និងទប់ស្កាត់ការរីករាលដាលនៃជំងឺកូវីដ-១៩ តាមរយៈការអនុវត្តវិធាន ៣ការពារ និង ៣កុំ។ សូមបងប្អូនជ្រាបថា ការចូលរួមដ៏សកម្មពីបងប្អូនក្នុងការអនុវត្តរាល់វិធានការសុខាភិបាល គឺជាប្រការដ៏សំខាន់បំផុតនាំឱ្យយើងជម្នះបានគ្រាដ៏សែនលំបាកនេះទាំងអស់គ្នា៕ អត្ថបទ៖ មុត សុទ្ធ

ប្រមុខរាជរដ្ឋាភិបាលសម្ដេចតេជោ ហ៊ុន សែន ចេញសេចក្ដីណែនាំបន្ថែម ដើម្បីពង្រឹងការទប់ស្កាត់ការឆ្លងមេរោគកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានចេញសេចក្ដីណែនាំបន្ថែមទៅអាជ្ញាធររាជធានី និងខេត្ត បន្ទាប់ពីសម្ដេចសម្រេចបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅចាប់ពីថ្ងៃព្រហស្បតិ៍ខានស្អែកនេះ។ក្នុងសេចក្ដីណែនាំចេញនៅថ្ងៃនេះ សម្ដេចតេជោ ហ៊ុន សែន បានចង្អុលបង្ហាញទៅអភិបាលរាជធានីភ្នំពេញ និងខេត្តកណ្ដាល ឱ្យសម្របសម្រួល និងផ្ដល់ការគាំទ្រចាំបាច់នានាទៅដល់គណៈកម្មការចំពោះកិច្ចចាក់វ៉ាក់សាំង ដើម្បីជំរុញការចាក់វ៉ាក់សាំងដល់ប្រជាពលរដ្ឋស្ថិតក្នុងភូមិសាស្ត្រទាំងពីរនេះ។ប្រមុខរាជរដ្ឋាភិបាល បានណែនាំទៅគ្រប់អភិបាលរាជធានី និងខេត្តទាំងអស់ ឱ្យរៀបចំតំបន់បិទខ្ទប់ជា ៣សំខាន់ រួមមាន«តំបន់ក្រហម» ដែលសំដៅដល់តំបន់មានការផ្ទុះការឆ្លងមេរោគកូវីដ-១៩កម្រិតធ្ងន់ធ្ងរ «តំបន់លឿងទុំ» សំដៅដល់តំបន់ប្រឈមមុខនឹងការឆ្លងមេរោគកូវីដ-១៩កម្រិតមធ្យម និង«តំបន់លឿង» ដែលសំដៅដល់តំបន់ប្រឈមមុខនឹងការឆ្លងមេរោគកូវីដ-១៩កម្រិតស្រាល។សម្រាប់«តំបន់ក្រហម» និង«តំបន់លឿង» សម្ដេចតេជោ ហ៊ុន សែន បានប្រាប់ទៅអាជ្ញាធរទាំងអស់ ឱ្យពង្រឹងការត្រួតពិនិត្យចរាចរណ៍ចេញ-ចូលក្នុងតំបន់ទាំងពីរនេះ ដើម្បីបង្ការការឆ្លងរាលដាលនៃមេរោគកូវីដ-១៩។សម្ដេចតេជោ ហ៊ុន សែន ក៏បានប្រាប់ឱ្យត្រៀមបម្រុងស្បៀងអាហារទុកជាមុន សម្រាប់ផ្គត់ផ្គង់ដល់ប្រជាពលរដ្ឋនៅតំបន់ណាមួយដែលអាជ្ញាធរខេត្តនីមួយៗរៀបចំជាតំបន់បិទខ្ទប់៕

បណ្ដាញសង្គម

ព័ត៌មានថ្មីៗ

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

ប្រជាជនវ៉េណេស៊ុយអេឡាកំពុងជួបការលំបាក ត្រៀមជួបនឹងការដាច់ចរន្តអគ្គិសនី និងទឹកកាន់តែខ្លាំង

ក្រសួងការពារជាតិ៖ កតិកាសញ្ញាការពារជាតិទួរគី-ប៉ាគីស្ថាន-អារ៉ាប៊ីសាអ៊ូឌីត ចង់ជំរុញសមត្ថភាពយោធារួម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ឥណ្ឌាមើលឃើញអ្នកស្លាប់ដោយសារជំងឺ COVID-19 និងករណីឆ្លងខ្ពស់បំផុតក្នុងរយៈពេល ២៤ម៉ោង

សាកសពនៅគរខ្វះកន្លែងបូជា កង្វះអុកស៊ីសែន និងដំណើរការចាក់វ៉ាក់សាំងត្រូវបានអាក់ខាននៅឥណ្ឌា

ខ្មាន់កាំបិតសម្លាប់ក្មេង ៣នាក់ និងគ្រូពេទ្យម្នាក់ក្នុងមជ្ឈមណ្ឌលថែទាំទារកនៅភាគខាងត្បូងប្រទេសប្រេស៊ីល

ការទទួលបានការថែទាំផ្នែកវេជ្ជសាស្ត្រត្រូវបានពន្យារពេលដោយសារលទ្ធផលតេស្ត COVID-19 យឺតយ៉ាវនៅឥណ្ឌា

ក្រុមគ្រូពេទ្យ TYDA ប្រកាសថា អ្នកជំងឺកូវីដ-១៩ចំនួន ១២៧នាក់ទៀតនៅមណ្ឌលព្យាបាលកោះពេជ្រជាសះស្បើយឡើងវិញ

កាកបាទក្រហមអំពាវនាវដល់សប្បុរសជន បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ឥណ្ឌា​មើល​ឃើញ​អ្នក​ស្លាប់​ដោយសារ​ជំងឺ​ COVID-19 ​និង​ករណី​ឆ្លង​ខ្ពស់​បំផុត​ក្នុង​រយៈ​ពេល​ ២៤​ម៉ោង

សាកសព​នៅ​គរ​ខ្វះ​កន្លែង​បូជា កង្វះ​អុកស៊ីសែន និង​ដំណើរ​ការ​ចាក់​វ៉ាក់សាំង​ត្រូវ​បាន​អាក់ខាន​នៅ​ឥណ្ឌា​

កាកបាទក្រហមអំពាវនាវដល់សប្បុរសជន​ បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឥណ្ឌាមើលឃើញអ្នកស្លាប់ដោយសារជំងឺ COVID-19 និងករណីឆ្លងខ្ពស់បំផុតក្នុងរយៈពេល ២៤ម៉ោង

សាកសពនៅគរខ្វះកន្លែងបូជា កង្វះអុកស៊ីសែន និងដំណើរការចាក់វ៉ាក់សាំងត្រូវបានអាក់ខាននៅឥណ្ឌា

កាកបាទក្រហមអំពាវនាវដល់សប្បុរសជន បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ