BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

សម្ដេចតេជោ ហ៊ុន សែន បញ្ជាទៅសមត្ថកិច្ចឱ្យរឹតបន្តឹងការអនុវត្តវិធានការបិទខ្ទប់រាជធានីភ្នំពេញ និងក្រុងតាខ្មៅ

ភ្នំពេញ៖ ប្រមុខរាជរដ្ឋាភិបាលសម្ដេចតេជោ ហ៊ុន សែន បានចេញសេចក្ដីណែនាំបន្ថែមទៀតទៅអាជ្ញាធរ ដើម្បីរឹតបន្តឹងការអនុវត្តវិធានការបិទខ្ទប់នៅរាជធានីភ្នំពេញ និងក្រុងតាខ្មៅ។ក្នុងសេចក្ដីណែនាំនោះ សម្ដេចតេជោ ហ៊ុន សែន បានបញ្ជាទៅអាជ្ញាធរឱ្យបិទផ្សារ ឬទីតាំងទាំងឡាយណាដែលមិនរៀបរយ និងបង្កជាហានិភ័យខ្ពស់ចំពោះការឆ្លងរីករាលដាលនៃមេរោគកូវីដ១៩។ប្រមុខរាជរដ្ឋាភិបាលក៏បានបញ្ជាទៅសមត្ថកិច្ចផងដែរឱ្យរឹតបន្តឹងការត្រួតពិនិត្យនៅតាមផ្សារ ទីកន្លែងលក់ស្បៀងអាហារ ភោជនីយដ្ឋាន ឬអាហារដ្ឋានលក់អាហារវេចខ្ចប់។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចឱ្យបិទខ្ទប់រាជធានីភ្នំពេញ និងក្រុងតាខ្មៅរយៈពេល ២សប្ដាហ៍ ចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីកាត់ផ្ដាច់ការចម្លងមេរោគកូវីដ១៩នៅក្នុងភូមិសាស្ត្រទាំងពីរនេះ៕អត្ថបទ ៖ សុធី

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

ពិភពលោក៖ ករណីស្លាប់សកលដោយសារជំងឺ COVID-19 បានកើនឡើងដ៏គួរភ្ញាក់ផ្អើលរហូតដល់ ៣លាននាក់ ខណៈដែលមានដំណើរថយក្រោយ នៃយុទ្ធនាការចាក់វ៉ាក់សាំងនៅទូទាំងសកលលោក ធ្វើឲ្យវិបត្តិកាន់តែលិចលង់ខ្លាំងឡើងនៅតាមប្រទេសជាច្រើន ដូចជាប្រេស៊ីល ឥណ្ឌា និងបារាំង។ចំនួនអ្នកស្លាប់ដូចដែលបានចងក្រងឡើងដោយសាកលវិទ្យាល័យ Johns Hopkins គឺប្រហាក់ប្រហែលស្មើនឹងចំនួនពលរដ្ឋនៅទីក្រុងកៀវរបស់អ៊ុយក្រែន, ទីក្រុងការ៉ាកាសរបស់វែណេហ្ស៊ុយអេឡា ឬរដ្ឋធានីលីស្បុនរបស់ព័រទុយហ្គាល់។ វាមានចំនួនច្រើនជាងពលរដ្ឋរបស់ទីក្រុងឈីកាហ្គោ និងពលរដ្ឋរួមគ្នារវាងទីក្រុងហ្វីឡាដែលហ្វៀ និងទីក្រុងដាឡាស់របស់សហរដ្ឋអាមេរិក។ ទោះបីជាយ៉ាងណាក៏ដោយ ចំនួនពិតប្រាកដនៃករណីឆ្លងស្លាប់អាចនឹងខ្ពស់ជាងនេះ ដោយសារតែការបិទបាំងទិន្នន័យរបស់រដ្ឋាភិបាលមួយចំនួន ដូចជាករណីដែលគេមើលរំលងនៅដំណាក់កាលដំបូង នៃការរីករាលដាលឆ្លងចាប់ផ្ដើមនៅទីក្រុងអ៊ូហាន ប្រទេសចិន កាលពីដំណាច់ឆ្នាំ២០១៩។ពេលដែលពិភពលោកមើលឃើញករណីស្លាប់កើនឡើងដល់ ២លាននាក់កាលពីខែមករាកន្លងទៅ កិច្ចខិតខំចាក់វ៉ាក់សាំងបង្ការទើបចាប់ផ្ដើមនៅអឺរ៉ុប និងសហរដ្ឋអាមេរិក។ នៅថ្ងៃនេះការចាក់វ៉ាក់សាំងបានចាប់ផ្ដើមនៅជាង ១៩០ប្រទេស ថ្វីត្បិតតែការគ្រប់គ្រងវីរុសមានភាពខុសប្លែកគ្នាក៏ដោយ។ ស្របពេលដែលយុទ្ធនាការប្រយុទ្ធប្រឆាំងនឹងជំងឺ COVID-19 នៅសហរដ្ឋអាមេរិក និងអង់គ្លេសរងផលប៉ះពាល់យ៉ាងណាក្តី ប្រជាពលរដ្ឋ និងវិស័យធុរកិច្ចនៅទីនោះចាប់ផ្ដើមមានសង្ឃឹមឡើងវិញ ក្រោយការរីករាលដាលឆ្លងសកល ប៉ុន្តែបណ្ដាប្រទេសអ្នកមានមួយចំនួនមិនអាច ឈានដល់គោលដៅចង់បានរបស់ពួកគេនោះឡើយ និងបានបិទប្រទេសឡើងវិញ និងការរឹតត្បិតផ្សេងទៀត ខណៈដែលករណីឆ្លងនៅតែហក់ឡើងខ្ពស់៕អត្ថបទ៖ សារ៉ាត់

តម្រូវការអុកហ្ស៊ីសែន និងគ្រែមន្ទីរពេទ្យកាន់តែច្រើន ស្របពេលវិបត្តិជំងឺ COVID-19 កាន់តែធ្ងន់ធ្ងរនៅឥណ្ឌា

ឥណ្ឌា៖ ក្រសួងសុខាភិបាលឥណ្ឌាបាននិយាយកាលពីថ្ងៃអាទិត្យថា គ្រែមន្ទីរពេទ្យរដ្ឋច្រើនជាងមុននឹងមានសម្រាប់អ្នកជំងឺ COVID-19 ស្របពេលដែលប្រទេសមួយនេះជួបវិបត្តិសុខភាពកាន់តែអាក្រក់ទៅ ហើយរដ្ឋជាច្រើនបានអំពាវនាវឲ្យមានការផ្គត់ផ្គង់អុកហ្ស៊ីសែន និងឱសថព្យាបាលបន្ថែមទៀត។ពួកគេបាននិយាយថា ប្រទេសដែលមានពលរដ្ឋជាង ១.៣ពាន់លាននាក់មួយនេះ បានរាយការណ៍ករណីឆ្លងថ្មីជំងឺ COVID-19 ចំនួន ២៦១.៥០០នាក់កាលពីថ្ងៃអាទិត្យ ក្នុងនោះពលរដ្ឋម្នាក់ក្នុងចំណោម ៦នាក់ដែលបានធ្វើតេស្តរកឃើញករណីវិជ្ជមាន។ ឥណ្ឌាគឺជាប្រទេសទី២ ដែលរងផលប៉ះពាល់ខ្លាំងជាងគេបំផុត នៅលើពិភពលោកបន្ទាប់ពីសហរដ្ឋអាមេរិក ជាមួយនឹងករណីឆ្លងជិត ១៤.៨លាននាក់។ រដ្ឋាភិបាលបាននិយាយថា មន្ទីរពេទ្យដែលធម្មតាប្រើប្រាស់សម្រាប់មន្ត្រីរដ្ឋការ ក្រុមហ៊ុនរដ្ឋ គួរតែផ្លាស់ប្ដូរអគាររបស់ពួកគេមកជាទីតាំងព្យាបាលអ្នកជំងឺ COVID-19 បំពាក់ដោយបន្ទប់ថែទាំសុខភាព គ្រែមានអុកហ្ស៊ីសែន ម៉ាស៊ីនជំនួយផ្លូវដង្ហើម មន្ទីរពិសោធន៍ និងបុគ្គលិកថែទាំសុខភាព។ពួកគេបានបន្តថា វានឹងក្លាយជាផ្លូវដ៏វែងឆ្ងាយមួយ ក្នុងការលើកឡើងពីកង្វះខាតគ្រែមន្ទីរពេទ្យនៅតាមរដ្ឋមួយចំនួន បើសិនជាពួកយើងធ្វើដូច្នេះ។ រថភ្លើងពិសេសនឹងដឹកជញ្ជូនបំពង់អុកហ្ស៊ីសែនទៅកាន់រដ្ឋត្រូវការ ខណៈដែលរដ្ឋាភិបាលនិយាយថា ការប្រើប្រាស់អុកហ្ស៊ីសែនក្នុងគោលដៅឧស្សាហកម្មត្រូវមានកំហិត។ នៅក្នុងទីក្រុងញូវដែល្លី ដែលជារដ្ឋធានីរងផលប៉ះពាល់ខ្លាំងបំផុតនៅក្នុងប្រទេសឥណ្ឌា បានរាយការណ៍ករណីឆ្លងថ្មីជំងឺ COVID-19 ចំនួន ២៥.៥០០នាក់ក្នុងរយៈពេល ២៤ម៉ោងចុងក្រោយ៕អត្ថបទ៖ សារ៉ាត់

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

ភ្នំពេញ៖ ក្រសួងសុខាភិបាលប្រកាសនៅយប់ថ្ងៃនេះថា បុរសជនជាតិខ្មែរ ២នាក់ទៀត បានស្លាប់ដោយសារជំងឺកូវីដ១៩នៅថ្ងៃនេះ ដែលនាំឱ្យតួលេខអ្នកស្លាប់ដោយសារមេរោគផ្លូវដង្ហើមនេះ កើនដល់ ៤៥នាក់ហើយ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាលនិយាយថា បុរសជនជាតិខ្មែរម្នាក់អាយុ ៥៥ឆ្នាំ ដែលរស់នៅសង្កាត់អូរឫស្សី ខណ្ឌ៧មករា បានស្លាប់នៅម៉ោងជិត ១រសៀលថ្ងៃទី១៨ ខែមេសានេះ នៅឯមន្ទីរពេទ្យហ្លួងម៉ែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅព្យាបាលនៅមណ្ឌលព្យាបាលបុរី ១០០ខ្នង កាលពីថ្ងៃទី១៥ ខែមេសា បន្ទាប់ពីរកឃើញឆ្លងមេរោគកូវីដ១៩ ហើយបន្ទាប់មកបញ្ជូនទៅព្យាបាលនៅមន្ទីរពេទ្យហ្លួងម៉ែនៅថ្ងៃនេះ។ចំណែកឯបុរសម្នាក់ទៀតអាយុ ៤៩ឆ្នាំ ដែលរស់នៅក្នុងសង្កាត់ឫស្សីកែវ ខណ្ឌឫស្សីកែវ បានស្លាប់នៅម៉ោងជិត ៣រសៀលថ្ងៃនេះ នៅឯមណ្ឌលសុខភាពចាក់អង្រែ។បើតាមក្រសួងសុខាភិបាល បុរសរូបនេះ ត្រូវបានបញ្ជូនទៅសម្រាកព្យាបាលនៅមណ្ឌលសុខភាពចាក់អង្រែកាលពីថ្ងៃទី១៥ ខែមេសានេះ ក្រោយពីត្រូវបានរកឃើញឆ្លងមេរោគកូវីដ១៩។ក្រសួងបញ្ជាក់ថា បុរសទាំង ២នាក់នេះ បានស្លាប់បាត់បង់ជីវិត បន្ទាប់ពីសួតរបស់ពួកគេរងការវាយប្រហារធ្ងន់ធ្ងរពីមេរោគកូវីដ ខណៈពួកគាត់សុទ្ធតែមានមានជំងឺទឹកនោមផ្អែមប្រចាំកាយផងដែរ។តួលេខផ្លូវការប្រកាសដោយក្រសួងសុខាភិបាល បង្ហាញថា ចំនួនមនុស្សស្លាប់ដោយសារមេរោគកូវីដ១៩សរុបរហូតមកដល់ថ្ងៃនេះ បានកើនឡើងដល់ ៤៥នាក់ហើយនៅក្នុងរយៈពេល ៣៧ថ្ងៃចុងក្រោយនេះ៕

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចឱ្យបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់មរណីយដ្ឋានទេសចរណ៍ទាំងអស់នៅទូទាំងប្រទេសរយៈពេល ៨ថ្ងៃបន្ថែមទៀត។វិធានការបន្តបិទការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់នេះ ត្រូវបានធ្វើឡើងដោយសេចក្ដីសម្រេចដែលចេញដោយសម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី១៧ ខែមេសានេះ។ក្នុងសេចក្ដីសម្រេចនេះ ការធ្វើដំណើរឆ្លងពីខេត្តមួយទៅខេត្តមួយ និងតំបន់ទេសចរណ៍ទាំងអស់ ត្រូវបិទបន្តទៀតរយៈពេល ៨ថ្ងៃចាប់ពីថ្ងៃទី២១ រហូតទៅដល់ថ្ងៃទី២៨ ខែមេសា។ប្រមុខរាជរដ្ឋាភិបាលកម្ពុជាបានសម្រេចឱ្យបិទការធ្វើដំណើរឆ្លងខេត្ត និងតំបន់ទេសចរណ៍រយៈពេល ២សប្ដាហ៍ម្ដងរួចមកហើយចាប់ពីថ្ងៃទី៧ រហូតដល់ថ្ងៃទី២០ ខែមេសានេះ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចដាក់ចេញវិធានការទាំងពីរនេះ បន្ទាប់ពីមើលឃើញកំណើននៃករណីឆ្លងមេរោគកូវីដ១៩នៅទូទាំងប្រទេស ដែលបានកើនឡើងរហូតដល់ ៥ ៧៧១ករណីហើយនៅត្រឹមថ្ងៃនេះ៕

ប្រមុខរាជរដ្ឋាភិបាលសម្រេចកែសម្រួលវិធានការបិទខ្ទប់ភ្នំពេញ និងក្រុងតាខ្មៅដើម្បីទប់ស្កាត់ការរីករាលដាលនៃកូវីដ១៩

ភ្នំពេញ៖ ប្រមុខរាជរដ្ឋាភិបាល សម្ដេចតេជោ ហ៊ុន សែន បានសម្រេចហាមឃាត់បុគ្គលគ្រប់រូបមិនឱ្យចាកចេញពីលំនៅឋាន ឬទីស្នាក់អាស្រ័យបច្ចុប្បន្នរបស់ពួកគេនោះឡើយ ដោយតម្រូវឱ្យមានការអនុវត្តវិធានការបិទខ្ទប់ឱ្យបានម៉ឺងម៉ាត់។សម្ដេចតេជ ហ៊ុន សែន បានសម្រេចដាក់ចេញវិធាការបែបនេះបន្ថែមទៀត នៅក្នុងសេចក្ដីសម្រេចកែសម្រួលវិធានការបិទខ្ទប់ភូមិសាស្ត្ររាជធានីភ្នំពេញ និងទីក្រុងតាខ្មៅ ដែលចេញនៅយប់នេះ។ក្នុងសេចក្ដីសម្រេចនោះ ប្រមុខរាជរដ្ឋាភិបាលបានបញ្ជាឱ្យហាមឃាត់បុគ្គលគ្រប់រូបមិនឱ្យចាកចេញពីលំនៅឋាន ឬទីស្នាក់អាស្រ័យបច្ចុប្បន្ននោះឡើយ។ប្រមុខរាជរដ្ឋាភិបាល សម្ដេចតេជោ ហ៊ុន សែន បានបញ្ជាឱ្យអនុវត្តវិធានការបិទខ្ទប់នេះឱ្យបានម៉ឺងម៉ាត់ ក្នុងរួមបញ្ចូលទាំងការឃាត់ទុកមធ្យោបាយធ្វើដំណើរជាបណ្ដោះអាសន្នផងដែរ។ក្រៅពីហាមឃាត់មនុស្សមិនឱ្យចាកចេញពីផ្ទះសម្បែងហើយនោះ ប្រមុខរាជរដ្ឋាភិបាលក៏បានសម្រេចបិទរាល់សកម្មភាពការងារ មុខរបរ ឬអាជីវកម្មទាំងអស់ ដែលត្រូវបានចាត់ទុកថាមិនមែនជាតម្រូវការចាំបាច់ប្រចាំថ្ងៃ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចកាលយប់ថ្ងៃទី១៤ ខែមេសា ឱ្យបិទខ្ទប់រាជធានីភ្នំពេញ និងក្រុងតាខ្មៅ ដែលត្រូវបានចាត់បញ្ចូលជាភូមិសាស្ត្រតែមួយជាមួយរាជធានីភ្នំពេញ នៅក្នុងរយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសា ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩។គិតត្រឹមថ្ងៃនេះ កម្ពុជារកឃើញអ្នកឆ្លងមេរោគកូវីដ១៩នៅទូទាំងប្រទេសរហូតដល់ទៅ ៥ ៧៧១នាក់ ក្នុងនោះករណីឆ្លងដល់ទៅ ៥ ២២៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ៕

ប្រមុខរាជរដ្ឋាភិបាលហាមដាច់ខាតរថយន្តអាទិភាពលួចលាក់ដឹកមនុស្សឆ្លងខេត្ត និងចេញ-ចូលតំបន់បិទខ្ទប់

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានណែនាំទៅរថយន្តមានអាទិភាពក្នុងការធ្វើដំណើរ អំឡុងពេលបិទខ្ទប់រាជធានីភ្នំពេញ និងក្រុងតាខ្មៅនេះ កុំឱ្យលួចដឹកមនុស្សចេញចូលតាមមធ្យោបាយរបស់ពួកគេ។សម្ដេចតេជោបានលើកឡើងបែបនេះនៅក្នុងសារជាសំឡេង ដែលត្រូវបានផ្ញើចេញតាមប្រព័ន្ធតេឡេក្រាមបញ្ជូនទៅមហាជននៅល្ងាចថ្ងៃនេះ។ សម្ដេចតេជោ ហ៊ុន សែន មានប្រសាសន៍ថា៖ «ហើយខ្ញុំបានទទួលដំណឹងមិនផ្លូវការថា មានការរត់ពន្ធមនុស្សនៅតាមការធ្វើដំណើរមួយចំនួន ក្នុងហ្នឹងមានការប្រើប្រាស់ឡានពេទ្យ តែខ្ញុំមិនជឿនោះទេ»។ ក្រៅពីឡានពេទ្យ ប្រមុខរាជរដ្ឋាភិបាលក៏បានបញ្ជាក់ប្រាប់ទៅ អ្នកបើកបររថយន្តអាទិភាពមួយចំនួនទៀតដូចជាឡានយោធា នគរបាល និងមន្ត្រីជាន់ខ្ពស់ផងដែរ។សម្ដេចតេជោ ហ៊ុន សែន មានប្រសាសន៍បន្តថា៖ «តែខ្ញុំត្រូវតែពន្យល់ប្រាប់ទៅរថយន្តពេទ្យទាំងឡាយដែលត្រូវធ្វើដំណើរ មិនអាចដាក់អ្នកដំណើរដោយលួចលាក់តាមរថយន្តពេទ្យ ឬក៏រថយន្តយោធា ឬក៏រថយន្តនគរបាលនោះ ឬរថយន្តរបស់អ្នកធំណាម្នាក់ដែលត្រូវបានទទួលការអនុញ្ញាតឱ្យធ្វើដំណើរនោះទេ។ សូមបញ្ជាក់ជូនអំពីចំណុចនេះឱ្យបានច្បាស់»។ ប្រមុខរាជរដ្ឋាភិបាលកម្ពុជាបានសម្រេចកាលពីរាត្រីថ្ងៃទី១៤ ខែមេសានេះ ឱ្យបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅទាំងមូលចាប់ពីថ្ងៃទី១៥ ដល់ថ្ងៃទី២៨ ខែមេសា ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ដែលបានកើនឡើងដល់ចំនួន ៥.៤៨០នាក់ហើយនៅត្រឹមថ្ងៃនេះ៕អត្ថបទ៖ សុខធី

សម្ដេចតេជោ ហ៊ុន សែន ដាក់បញ្ជាឱ្យសាលារាជធានីភ្នំពេញ និងសមត្ថកិច្ចអនុវត្តវិធានការបិទខ្ទប់ឱ្យបានហ្មត់ចត់

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានដាក់បញ្ជាផ្ទាល់មាត់ដាច់ខាតទៅសាលារាជធានីភ្នំពេញ និងកម្លាំងមានសមត្ថកិច្ចគ្រប់លំដាប់ថ្នាក់ ឱ្យអនុវត្តឱ្យខានតែបាននូវវិធានការបិទខ្ទប់រាជធានីភ្នំពេញ និងក្រុងតាខ្មៅ។សម្ដេចតេជោនាយករដ្ឋមន្ត្រីកម្ពុជា បានចេញបញ្ជាផ្ទាល់មាត់បែបនេះតាមរយៈសារជាសំឡេង ត្រូវបានបញ្ជូនចេញតាមតេឡេក្រាមទៅកាន់ជនរួមជាតិនៅល្ងាចថ្ងៃនេះ។ សម្ដេចតេជោ ហ៊ុន សែន មានប្រសាសន៍ថា៖ «សូមសាលារាជធានីភ្នំពេញក៏ដូចជាកម្លាំងប្រដាប់អាវុធគ្រប់ប្រភេទ ពិនិត្យបញ្ហានេះឱ្យបានហ្មត់ចត់ ដើម្បីជៀសវាងការចម្លងចេញ-ចូលពីខេត្តមកទីក្រុង ហើយពីទីក្រុងទៅកាន់ខេត្ត»។ ប្រមុខរាជរដ្ឋាភិបាលបានបញ្ជាក់បន្ថែមថា៖ «ឥឡូវ បញ្ជាដាច់ណាត់ដាច់ខាតមិនឱ្យមានមនុស្សចេញពីទីក្រុងភ្នំពេញ ហើយក៏មិនអនុញ្ញាតឱ្យមនុស្សដែលទៅស្រុក ហើយត្រឡប់មកវិញដើម្បីចូលទីក្រុងភ្នំពេញទេ»។ សម្ដេចតេជោ ហ៊ុន សែន បានសង្កត់ធ្ងន់ថា វិធានការបិទខ្ទប់រាជធានីភ្នំពេញ និងក្រុងតាខ្មៅរយៈពេល ១៤ថ្ងៃនេះ គឺដើម្បីកាត់ផ្ដាច់ការចម្លងមេរោគកូវីដ១៩ ពីផ្ទះមួយទៅផ្ទះមួយ និងកាត់ផ្ដាច់ការចម្លងពីរាជធានីភ្នំពេញទៅខេត្ត និងការចម្លងពីខេត្តចូលមករាជធានីភ្នំពេញ។សម្ដេចតេជោ ហ៊ុន សែន បញ្ជាក់ថា វិធានការបិទខ្ទប់អាចនឹងអូសបន្លាយពេលថែមទៀត ហើយខេត្តមួយចំនួនក៏អាចដាក់ឱ្យស្ថិតក្រោមវិធានការបិទខ្ទប់ផងដែរ ប្រសិនបើរាជធានីភ្នំពេញ និងក្រុងតាខ្មៅរយៈពេល ១៤ថ្ងៃនៅតែពុំអាចទប់ស្កាត់ការឆ្លងរីករាលដាលកាន់តែខ្លាំងនៃមេរោគកូវីដ១៩នោះ។ កាលពីរាត្រីថ្ងៃទី១៤ ខែមេសា ប្រមុខរាជរដ្ឋាភិបាលបានសម្រេចឱបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅរបស់ខេត្តកណ្ដាលផងដែររយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ដែលគេមើលឃើញថា បានកើនឡើងដល់ចំនួន ៥.៤៨០នាក់ហើយមកដល់ថ្ងៃនេះ៕អត្ថបទ៖ សុខធី

សម្ដេចតេជោ ហ៊ុន សែន ចេញបញ្ជាបន្ថែមទៀតទៅអាជ្ញាធរឱ្យអនុវត្តវិធានការបិទខ្ទប់«ពលរដ្ឋនៅផ្ទះណា គឺនៅផ្ទះនោះ»

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ឡើងវិញពីការអនុវត្តវិធានបិទខ្ទប់ឱ្យបានតឹងរឹង ដោយសម្ដេចសង្កត់ធ្ងន់ថា «នៅផ្ទះណា គឺនៅផ្ទះនោះ ហើយហាមចេញ និងហាមចូលរាជធានីភ្នំពេញ»។សម្ដេចតេជោ ហ៊ុន សែន បានបញ្ជាក់ឡើងវិញពីការអនុវត្តវិធានការតឹងរឹងបែបនេះ នៅក្នុងសារជាសំឡេងដែលត្រូវបានបញ្ជូនតាមប្រព័ន្ធតេឡេក្រាមនៅល្ងាចថ្ងៃទី១៦ ខែមេសានេះ។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំករុណាខ្ញុំសូមយកឱកាសនេះបញ្ជាក់ទៅអាជ្ញាធរគ្រប់ជាន់ថ្នាក់ដើម្បីបញ្ជាក់សារជាថ្មីម្ដងទៀត។សម្រាប់ពលរដ្ឋរបស់យើងពេលនេះ នៅផ្ទះណា គឺនៅផ្ទះនោះ នៅភូមិណា គឺនៅភូមិនោះ នៅស្រុកណា គឺនៅស្រុកនោះ នៅទីកន្លែងណា គឺនៅកន្លែងនោះក្នុងរយៈពេល ១៤ថ្ងៃ»។ប្រមុខរាជរដ្ឋាភិបាល បានដាក់បញ្ជាឱ្យអនុវត្តវិធានការបិទខ្ទប់ឱ្យបានតឹងរឹងបែបនេះ បន្ទាប់ពីពលរដ្ឋមួយចំនួន បានធ្វើដំណើរចាកចេញពីរាជធានីភ្នំពេញទៅដល់ខេត្តព្រៃវែង និងខេត្តក្រចេះ ដែលត្រូវបានរកឃើញឆ្លងកូវីដ១៩។រាជរដ្ឋាភិបាល បានសម្រេចបិទខ្ទប់រាជធានីភ្នំពេញ និងក្រុងតាខ្មៅរយៈពេល ១៤ថ្ងៃចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីទប់ស្កាត់ការឆ្លងរីករាលដាលនៃមមេរោគកូវីដ-១៩៕

សម្ដេចតេជោ ហ៊ុន សែន៖ វិធានការបិទខ្ទប់អាចនឹងអូសបន្លាយពេល បើពុំអាចទប់ស្កាត់ការឆ្លងរាលដាលនៃមេរោគកូវីដ១៩

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានសង្កត់ធ្ងន់ថា ការបិទខ្ទប់រាជធានីភ្នំពេញ និងក្រុងតាខ្មៅ អាចនឹងត្រូវពន្យារពេលវេលាបន្ថែមទៀត ប្រសិនបើការបិទខ្ទប់ភូមិសាស្ត្រទាំងពីរនេះនាពេលនេះ នៅតែមិនអាចទប់ស្កាត់ការឆ្លងរីករាលដាលនៃមេរោគកូវីដ១៩។ប្រមុខរាជរដ្ឋាភិបាល បានថ្លែងសង្កត់ធ្ងន់បែបនេះ នៅក្នុងសារជាសំឡេងដែលត្រូវបានផ្ញើចេញតាមប្រព័ន្ធតេឡេក្រាមនៅល្ងាចថ្ងៃនេះ ដែលលោកបានដាក់បញ្ជាផ្ទាល់មាត់បន្ថែមទៀតទៅអាជ្ញាធរគ្រប់ជាន់ថ្នាក់ឱ្យពង្រឹងវិធានការបិទខ្ទប់។សម្ដេចតេជោ ហ៊ុន សែន មានប្រសាសន៍ថា៖ «ខ្ញុំព្រះករុណខ្ញុំសូមបញ្ជាក់ជូនថា ប្រសិនបើ ១៤ថ្ងៃហើយ បងប្អូនយើងនៅតែបំពាន ហើយសភាពការណ៍មិនថយចុះ ខ្ញុំព្រះករុណាខ្ញុំនឹងអូសបន្លាយពេលនៃការបិទទីក្រុងភ្នំពេញ និងក្រុងតាខ្មៅរបស់ខេត្តកណ្ដាល។ អាចនឹងបិទខេត្តមួយចំនួនទៀតយោងទៅលើការចាំបាច់»។សម្ដេចតេជោ ហ៊ុន សែន បានបញ្ជាក់ថា ការទប់ស្កាត់ការឆ្លងរីករាលដាលនៃមេរោគកូវីដ១៩នៅអំឡុងពេលបិទខ្ទប់នេះ ទាមទារឱ្យមានការចូលអនុវត្តពីសំណាក់ប្រជាពលរដ្ឋទូទៅ និងមានការអនុវត្តយ៉ាងម៉ឺងម៉ាត់នូវវិធានការនេះពីសំណាក់អាជ្ញាធរមានសមត្ថកិច្ចមាននគរបាល និងកម្លាំងកងរាជអាវុធហត្ថ។ប្រមុខរាជរដ្ឋាភិបាលបញ្ជាក់ថា ប្រសិនបើគ្មានការចូលពីពលរដ្ឋក្នុងការទប់ស្កាត់ ហើយសមត្ថកិច្ចគ្មានការអនុវត្តវិធានការនេះឱ្យបាត់ម៉ឺងម៉ាត់ទេ ការទប់ស្កាត់ការឆ្លងរីករាលដាលនៃមេរោគកូវីដ១៩អំឡុងពេល ១៤ថ្ងៃនេះ អាចនឹងមិនទទួលបានជោគជ័យនោះឡើយ។ប្រមុខរាជរដ្ឋាភិបាលកម្ពុជា បានសម្រេចឱ្យបិទខ្ទប់ភូមិសាស្ត្ររាជធានីភ្នំពេញទាំងមូល និងក្រុងតាខ្មៅរបស់ខេត្តកណ្ដាល ដើម្បីទប់ស្កាត់ការឆ្លងរីករាលដាលនៃមេរោគកូវីដ១៩ ដែលមកដល់ថ្ងៃនេះ ចំនួនមនុស្សឆ្លងមេរោគកូវីដ១៩បានកើនឡើងដល់ ៥ ៤៨០នាក់ហើយ៕

បណ្ដាញសង្គម

ព័ត៌មានថ្មីៗ

ក្រសួងបរិស្ថាន រៀបចំពង្រឹង «ការសរសេរព័ត៌មាន ការឆ្លើយតប និងប្រតិកម្មរហ័សក្នុងវិស័យបរិស្ថាន»

កងរាជអាវុធហត្ថលើផ្ទៃប្រទេសប្រកាសស្វែងរកឈ្មោះ ប៉េង ជីវ៉ា ដែលគ្រងឯកសណ្ឋានកងកម្លាំងប្រដាប់អាវុធដោយខុសច្បាប់

មនុស្ស ២នាក់ស្លាប់ និង ១៥នាក់របួស អំឡុងការវាយប្រហារដោយយានដ្រូនរបស់ក្រុមហ៊ូទី នៅភាគខាងកើតយេម៉ែន

ការផ្ទុះគ្រាប់បែក សម្លាប់មន្ត្រីយោធារុស្ស៊ី នៅតំបន់ Crimea ខណៈរបាយការណ៍ហៅរូបលោកថា ជាជនរត់ពីអ៊ុយក្រែន

បំណាក់ដីសម្លាប់មនុស្សយ៉ាងហោចណាស់ ៥នាក់ នៅឯអណ្តូងរ៉ែមាសខុសច្បាប់ នៅឥណ្ឌូនេស៊ី

បង់ក្លាដែសកម្រិតការប្រើប្រាស់ថាមពល ខណៈកង្វះខាតឧស្ម័នកាន់តែអាក្រក់ទៅៗ

ជប៉ុនកោះអញ្ជើញបេសកជនរុស្ស៊ី ជុំវិញដំណើររបស់លោក Putin ទៅកាន់កោះមានជម្លោះ

ក្រុមហ៊ុនពាណិជ្ជកម្មរុស្ស៊ីដ៏ធំមួយមានបំណងវិនិយោគនៅកម្ពុជាក្នុងការផលិតរថយន្ត និងគ្រឿងបន្លាស

រុស្ស៊ី និងអ៊ុយក្រែន ប្រគល់សាកសពទាហានទៅវិញទៅមក ជាការដោះដូរចុងក្រោយបង្អស់

UN៖ ការស្លាប់ជនស៊ីវិលក្នុងខែកក្កដា នៅអ៊ុយក្រែន ឈានដល់កម្រិតខ្ពស់បំផុត ចាប់តាំងពីខែឧសភា ឆ្នាំ២០២២

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

តម្រូវការអុកហ្ស៊ីសែន និងគ្រែមន្ទីរពេទ្យកាន់តែច្រើន ស្របពេលវិបត្តិជំងឺ COVID-19 កាន់តែធ្ងន់ធ្ងរនៅឥណ្ឌា

បុរសជនជាតិខ្មែរ២នាក់ទៀតស្លាប់ដោយសារកូវីដ១៩ថ្ងៃនេះ នាំឱ្យចំនួនអ្នកស្លាប់សរុបឡើងដល់៤៥នាក់

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត

ប្រមុខរាជរដ្ឋាភិបាលហាមដាច់ខាតរថយន្តអាទិភាពលួចលាក់ដឹកមនុស្សឆ្លងខេត្ត និងចេញ-ចូលតំបន់បិទខ្ទប់

សម្ដេចតេជោ ហ៊ុន សែន ដាក់បញ្ជាឱ្យសាលារាជធានីភ្នំពេញ និងសមត្ថកិច្ចអនុវត្តវិធានការបិទខ្ទប់ឱ្យបានហ្មត់ចត់

សម្ដេចតេជោ ហ៊ុន សែន ចេញបញ្ជាបន្ថែមទៀតទៅអាជ្ញាធរឱ្យអនុវត្តវិធានការបិទខ្ទប់«ពលរដ្ឋនៅផ្ទះណា គឺនៅផ្ទះនោះ»

សម្ដេចតេជោ ហ៊ុន សែន៖ វិធានការបិទខ្ទប់អាចនឹងអូសបន្លាយពេល បើពុំអាចទប់ស្កាត់ការឆ្លងរាលដាលនៃមេរោគកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណី​ស្លាប់​ដោយសារ​ ​COVID-19 នៅ​លើ​ពិភព​លោក​កើន​ឡើង​ដល់ ​៣​លាន​នាក់

សម្ដេច​តេជោ ហ៊ុន សែន សម្រេច​ឱ្យ​បិទ​ការ​ធ្វើ​ដំណើរ​ឆ្លង​ខេត្ត និង​ទីតាំង​ទេសចរណ៍​រយៈ​ពេល​៨​ថ្ងៃ​ទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីស្លាប់ដោយសារ COVID-19 នៅលើពិភពលោកកើនឡើងដល់ ៣លាននាក់

សម្ដេចតេជោ ហ៊ុន សែន សម្រេចឱ្យបិទការធ្វើដំណើរឆ្លងខេត្ត និងទីតាំងទេសចរណ៍រយៈពេល៨ថ្ងៃទៀត