BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

អឺរ៉ុបបែកបាក់គ្នាជុំវិញការផ្អាកប្រើប្រាស់វ៉ាក់សាំង AstraZeneca ខណៈការស៊ើបអង្កេតនៅតែបន្ត

អឺរ៉ុប៖ បណ្ដាប្រទេសជាសមាជិកសហភាពអឺរ៉ុបចំនួន ១៧ បានបែកបាក់គ្នាក្នុងប្លុកដែលមានសមាជិកសរុបចំនួន ២៧ ដោយសារវ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca របស់អង់គ្លេស។ ព្រោះតែការបារម្ភពីការកកឈាមនៅក្នុងសរសៃឈាម ក្រោយចាក់វ៉ាក់សាំងរួច ប្រទេសធំៗនៅអឺរ៉ុបបានផ្អាកការប្រើប្រាស់វ៉ាក់សាំងនេះ។ ប្រទេសអាល្លឺម៉ង់ បារាំង អ៊ីតាលី និងអេស្ប៉ាញស្ថិតក្នុងចំណោមប្រទេសប្រមាណ ២០ ដែលបានផ្អាកចាក់វ៉ាក់សាំងនេះ។នៅទូទាំងពិភពលោកយ៉ាងហោចណាស់មានប្រទេសចំនួន ២០ ហើយដែលបានផ្អាកយុទ្ធនាការចាក់វ៉ាក់សាំងរបស់ខ្លួន។ ពួកគេចង់បានភាពច្បាស់លាស់បន្ថែមទៀត អំពីសុវត្ថិភាពរបស់វ៉ាក់សាំងនេះ។ វាជាផលប៉ះពាល់ដ៏ធំធេង ចំពោះដំណើរការចាក់វ៉ាក់សាំងសកល។ បច្ចុប្បន្នក្រុមហ៊ុន AstraZeneca នៅតែត្រូវផ្អាក ជីវិតមនុស្សនៅតែបាត់បង់។ យោបល់របស់អ្នកជំនាញបានបង្ហាញច្បាស់ហើយថា កំណកឈាមនៅក្នុងសរសៃឈាម មិនទាក់ទងនឹងវ៉ាក់សាំងនេះទេ។ អត្ថប្រយោជន៍នៃការចាក់វ៉ាក់សាំងបង្ការនេះខ្ពស់ជាងហានិភ័យ។លោកស្រី Emer Cooke នាយកប្រតិបត្តិទីភ្នាក់ងារឱសថអឺរ៉ុបបានលើកឡើងថា ខណៈពេលដែលការស៊ើបអង្កេតកំពុងបន្តនៅឡើយ យើងនៅតែជឿជាក់យ៉ាងមុតមាំថា អត្ថប្រយោជន៍នៃវ៉ាក់សាំង AstraZeneca ក្នុងការបង្ការការឆ្លងវីរុស Covid-19 ទន្ទឹមនឹងមានហានិភ័យជាប់ទាក់ទង ការចូលសម្រាកព្យាបាលនៅមន្ទីរពេទ្យ និងការស្លាប់មានច្រើនជាងហានិភ័យ នៃផលប៉ះពាល់ទាំងនេះ៕អត្ថបទ៖ សុខមាន

សម្តេចតេជោ ហ៊ុន សែន បានឧបត្ថម្ភថវិកា និងឃីត ជូនទៅកាន់បណ្តាខេត្តនានា ដើម្បីរៀបចំចាត់ចែងធ្វើចត្តាឡីស័ក

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅថ្ងៃទី១៧ ខែមីនា ឆ្នាំ២០២១នេះ បានផ្គត់ផ្គង់នូវថវិកា ឃីត និងទឹកបរិសុទ្ធបន្ថែម ជូនទៅបណ្តាខេត្តនានា សរុបចំនួនជិត២០ខេត្ត ដើម្បីដោះស្រាយដល់ប្រជាពលរដ្ឋ និងពលករខែ្មរយើង ត្រឡប់ពីប្រទេសថៃ ដើម្បីរៀបចំចាត់ចែងធ្វើចត្តាឡីស័ក។បើតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ប្រាប់BTV ព័ត៌មាន នារសៀលនេះថា ដោយទទួលបានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន បានឲ្យរៀបចំ ថវិកា បន្ថែមជូនទៅកាន់បណ្តាខេត្តនានា សរុបចំនួនជិត២០ខេត្ត សម្រាប់ត្រៀមពីថ្ងៃទី១៧ រហូតដល់ថ្ងៃទី២៧ ខែមីនា ឆ្នាំ២០២១។ ហើយបើយើងនិយាយពីខេត្តទាំង២៤នោះវិញ បច្ចុប្បន្នមានអ្នកកំពុងធ្វើចត្តាឡីស័ក សរុបចំនួន២២,៧៦៥នាក់។ លោកជំទាវ វេជ្ជបណ្ឌិត យក់ សម្បតិ្ត បានបញ្ជាក់ទៀតថា ខេត្តទាំង១៦ ដែលទទួលបានឧបត្ថម្ភថវិកាបន្ថែមរបស់សម្តេចតេជោ រួមមាន ៖ ខេត្តបាត់ដំបង ទទួលបានថវិកា ៣០០លានរៀល និងឃីត ចំនួន៣០០ ទឹកបរិសុទ្ធ១០០០, ខេត្តបន្ទាយមានជ័យ ទទួលបានថវិកា ៤៥០លានរៀល និងឃីត ចំនួន៣០០ ទឹកបរិសុទ្ធ១០០០, ខេត្តឧត្តរមានជ័យ ទទួលបានថវិកា ២០០លានរៀល និងឃីត៣០០ ទឹកបរិសុទ្ធ៥០០, ខេត្តប៉ៃលិន ទទួលបានថវិកា ១០០លានរៀល និងទឹកបរិសុទ្ធ៥០០, ខេត្តកោះកុង ទទួលបានឃីតចំនួន២០០, ខេត្តពោធិ៍សាត់ ទទួលបានថវិកា ៨០លានរៀល និងឃីតចំនួន៥០០ ទឹកបរិសុទ្ធ៨០០, ខេត្តព្រះវិហារ ទទួលបានថវិកា ៣០លានរៀល និងទឹកបរិសុទ្ធ២០០, ខេត្តកណ្តាល ទទួលបានថវិកា ២០០លានរៀល និងឃីតចំនួន១០០០, ខេត្តស្វាយរៀង ទទួលបានថវិកា ២០លានរៀល, ខេត្តព្រៃវែង ទទួលបានថវិកា ៣៥០លានរៀល និងឃីតចំនួន១០០០, ខេត្តត្បូងឃ្មុំ ទទួលបានថវិកា ១៥០លានរៀល និងឃីតចំនួន១០០០, ខេត្តក្រចេះ ទទួលបានថវិកា ២០លានរៀល, ខេត្តតាកែវ ទទួលបានថវិកា ៨០លានរៀល, ខេត្តកំពង់ចាម ទទួលបានថវិកា ៤០លានរៀល, ខេត្តកំពង់ឆ្នាំង ទទួលបានថវិកា៥០លានរៀល, ខេត្តកំពង់ស្ពឺ ទទួលបានថវិកា ៨០លានរៀល និងខេត្តសៀមរាប ទទួលបានថវិកា ៣០០លានរៀល។ ថវិកា ឃីត និងទឹកបរិសុទ្ធ ដែលផ្តល់ជូនបណ្តាខេត្តទាំងអស់ មានចំនួនសរុប ២,៤៥០,០០០,០០០រៀល (ពីរពាន់បួនរយហាសិបលានរៀល)សម្ភារៈឃីត ចំនួន៤៦០០ និងទឹកបរិសុទ្ធ៤០០០កេស៕អត្ថបទ រដ្ឋា

មនុស្ស ៨នាក់ស្លាប់ក្នុងហេតុការណ៍បាញ់ប្រហារ ៣កន្លែងដាច់ដោយឡែកពីគ្នាក្នុងទីក្រុងអាត្លង់តា

អាមេរិក៖ ក្រុមអាជ្ញាធរនៅក្នុងទីក្រុងអាត្លង់តា រដ្ឋចចជា សហរដ្ឋអាមេរិក កំពុងបើកការស៊ើបអង្កេតក្នុងករណីបាញ់ប្រហារដ៏សាហាវ នៅហាងស្ប៉ាក្នុងស្រុកចំនួន ៣កន្លែងដាច់ដោយឡែកពីគ្នាដែលបានបណ្ដាលឲ្យមនុស្ស ៨នាក់ស្លាប់ និងម្នាក់រងរបួស។ នគរបាលបានចាប់ខ្លួនជនសង្ស័យម្នាក់ និងកំពុងឃុំខ្លួន។នៅពេលនេះគេមិនទាន់ដឹងពីមូលហេតុច្បាស់លាស់ទេថា តើការបាញ់ប្រហារទាំង ៣កន្លែងនោះមានជាប់ពាក់ព័ន្ធគ្នា ឬមានមូលហេតុអ្វីពិតប្រាកដ ដែលនាំឲ្យមានការបាញ់ប្រហារនេះកើតឡើង។ យោងតាមរបាយការណ៍ពីសារព័ត៌មាន CNN ជនរងគ្រោះយ៉ាងហោចណាស់ ៤នាក់ទំនងជាស្ត្រីជនជាតិអាស៊ី។ សារព័ត៌មាន CNN បានរាយការណ៍ថា ការបាញ់ប្រហារចំនួន២ករណីបានធ្វើឡើងនៅហាងស្ប៉ា ស្ថិតនៅតាមបណ្ដោយផ្លូវនៅក្នុងភាគឦសាន ទីក្រុងអាត្លង់តា ចំណែកមួយករណីទៀតនៅតំបន់ឆេរ៉ូកេ ភាគខាងលិចទីក្រុងនេះ។ភ្លាមៗបន្ទាប់ពីកើតឡើងមនុស្សចំនួន ៤នាក់ត្រូវបានសម្លាប់ នៅហាងម៉ាស្សាក្នុងសង្កាត់វ៉ូដស្តុក មនុស្ស ៣នាក់ត្រូវបានបាញ់សម្លាប់ នៅហាងស្ប៉ាក្នុងភាគឦសានទីក្រុងអាត្លង់តា ចំណែកជនរងគ្រោះទី៤ ត្រូវបានសម្លាប់នៅហាងស្ប៉ាមួយផ្សេងទៀត នៅទល់នឹងផ្លូវនោះ៕អត្ថបទ៖ សុខមាន

សម្តេចតេជោ សម្រេចបង្កើតគណៈកម្មការចំពោះកិច្ចចាក់វ៉ាក់សាំងកូវីដ១៩ ក្រងខណ្ឌទូទាំង ប្រទេសចំនួន៤៧នាក់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រេចបង្កើតគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសចំនួន៤៧នាក់ ដោយក្នុងនោះ លោកជំទាវ ឱ វណ្ណឌីន អ្នកនាំពាក្យ និងជារដ្ឋលេខាធិការក្រសួង សុខាភិបាលជាប្រធាន។ នេះបើតាមសេចក្តីសម្រេច ដែលចុះហត្ថលេខាដោយសម្តេចតេជោ នាព្រឹក ថ្ងៃទី១៧ ខែមីនា ឆ្នាំ២០២១នេះ។ការស្រេចបង្កើតគណៈកម្មការចំពោះកិច្ចនៃការចាក់វ៉ាក់សាំងនេះ ខណៈកម្ពុជានឹងទទួលវ៉ាក់សាំងការពារមេរោគកូវីដ១៩ ចំនួនមួយលានប្រាំសែនដូសទៀត នាពេលឆាប់ៗខាងមុខនេះ ហើយវ៉ាក់សាំងស៊ីណូហ្វាម និងអាស្រាហ្ស៊ីនីការ ក៏មកជាបន្តបន្ទាប់ ហើយនិងក៏កំពុងស្វះស្វែងរកទិញវ៉ាក់សាំង របស់អាមេរិក ផងដែរ។សេចក្តីសម្រេចរបស់សម្តេចតេជោ បានឲ្យដឹងថា គណៈកម្មការចំពោះកិច្ច នៃការចាក់វ៉ាក់សាំងនេះ គឺជាមន្ត្រីមកពីគ្រប់ស្ថាប័នទាំងអស់ ហើយពួកគេមានតួនាទីចាត់ចែងទូទៅនៃការរៀបចំចាក់វ៉ាក់សាំង គ្រប់រាជធានី-ខេត្តទាំងអស់នៅប្រទេសកម្ពុជា ហើយក៏អាចធ្វើជាដៃគូជាមួយអង្គការជាតិ អន្តរជាតិ និងស្ថានទូតនានា ប្រចាំនៅកម្ពុជា ដើម្បីផ្តល់ប្រឹក្សាយោបល់ផងដែរ។សេចក្តីសម្រេចរបស់សម្តេចតេជោ ក្នុងប្រការ២ បានផ្តល់ភារកិច្ចឲ្យក្រុមការងារនៃគណៈកម្មការនេះ«គ្រប់គ្រងដឹកនាំ ចាត់ចែង ការងារចាក់វ៉ាក់សាំងកូវីដ១៩ នៅក្នុងក្របខណ្ឌទូទាំងប្រទេស, ពិនិត្យរៀបចំផែនការចាក់វ៉ាក់សាំងកូវីដ១៩ នៅទូទាំងប្រទេស, បណ្តុះបណ្តាលក្រុមគ្រួពេទ្យ សម្រាប់បម្រើការងារចាក់វ៉ាក់សាំងកូវីដ១៩, បែងចែកវ៉ាក់សាំងកូវីដ១៩ ទៅតាមទីកន្លែងចាក់វ៉ាក់សាំងនៅក្នុងក្របខណ្ឌទូទាំងប្រទេស, ផ្គត់ផ្គង់ថវិកា សម្ភារៈ បរិក្ខារចាំបាច់សម្រាប់បម្រើការងារចាក់វ៉ាក់សាំងកូវីដ១៩, ត្រួតពិនិត្យតាមដាន និងវាយតម្លៃពីវឌ្ឍនភាពនៃការចាក់វ៉ាក់សាំងកូវីដ១៩នៅទូទាំងប្រទេស,សម្របសម្រួលកិច្ចការចាក់វ៉ាក់សាំង និងការងារពាក់ព័ន្ធ, សម្របសម្រួលជាមួយដៃគូជាតិ និងអន្តរជាតិ ព្រមទាំងអង្គការសហប្រជាជាតិ អង្គការអន្តរជាតិ អង្គការក្រៅរាជរដ្ឋាភិបាល និងបណ្តាស្ថានទូតនានា ប្រចាំនៅកម្ពុជា លើការងារ ចាក់វ៉ាក់សាំងកូវីដ១៩ ,រៀបចំរបាយការណ៍ និងរាយការណ៍ជូនប្រមុខរាជរដ្ឋាភិបាល និងកិច្ចការផ្សេងៗទៀត ដែលពាក់ព័ន្ធនឹងការងារចាក់វ៉ាក់សាំងកូវីដ១៩នេះ»។នៅក្នុងសេចក្តីសម្រេចរបស់សម្តេចតេជោ នៃប្រការ៣បានអនុញ្ញាតឲ្យគណៈកម្មការនេះ មានសិទ្ធិរៀបចំអនុគណៈកម្មការចំពោះកិច្ច និងលេខាធិការដ្ឋាន សម្រាប់គាំទ្រដំណើរការនៃគណៈកម្មការចំពោះកិច្ចនេះ និងអាចស្នើសុំបន្ថែមនូវសមាជិក-សមាជិកា ទៅតាមការចាំបាច់ ហើយសមាជិកទាំងអស់នៃគណៈកម្មការនេះ ត្រូវចូលរួមប្រជុំតាមការអញ្ជើញ របស់ប្រធាន និងអនុវត្តភារកិច្ចទៅតាមការចាត់ចែងរបស់ប្រធានផងដែរ។នៅក្នុងប្រការ៤ នៃសេចក្កីសម្រេច សម្តេចតេជោ បានអនុញ្ញាតឲ្យគណៈកម្មការអាចប្រើប្រាស់ត្រារបស់ក្រសួងសុខាភិបាលបានដោយសេរីផងដែរ ហើយនៅតាមក្រសួងស្ថាប័ន និងរាជធានី-ខេត្ត ត្រូវរៀបចំអនុគណៈកម្មការចំពោះកិច្ចចាក់វ៉ាក់សាំងកូវីដ១៩ ដែលទទួលខុសត្រូវលើសម្រង់ស្ថិតិអ្នកស្ម័គ្រចិត្តចាក់វ៉ាក់សាំងកូវីដ១៩ ក្រោមសមត្ថកិច្ចរបស់ខ្លួន និងការងារប្រតិបត្តិការចាក់វ៉ាក់សាំង នៅតាមក្រសួង ស្ថាប័ននានាផងដែរ៕អត្ថបទ ៖ បាន ចក់

UN៖ មនុស្ស ១៤៩នាក់សា្លប់ និងរាប់រយនាក់ទៀតបានបាត់ខ្លួននៅសហភាពមីយ៉ាន់ម៉ា

មីយ៉ាន់ម៉ា៖ អង្គការសហប្រជាជាតិកាលពីថ្ងៃអង្គារ បានថ្កោលទោសចំពោះការស្លាប់យ៉ាងច្រើន នៅក្នុងសហភាពមីយ៉ាន់ម៉ាចាប់តាំងពីរដ្ឋប្រហារថ្ងៃទី១ ខែកុម្ភៈដោយព្រមានថា ក្រុមអ្នកតវ៉ាដែលត្រូវបានឃុំខ្លួន កំពុងប្រឈមនឹងការធ្វើទារុណកម្ម ហើយមនុស្សរាប់រយនាក់បានបាត់ខ្លួន។អ្នកនាំពាក្យការិយាល័យសិទ្ធិមនុស្ស របស់អង្គការសហប្រជាជាតិ លោកស្រី Ravina Shamdasani បានប្រាប់ក្រុមអ្នកយកព័ត៌មានថា ចំនួនអ្នកស្លាប់បានកើនឡើងយ៉ាងខ្ពស់ ក្នុងរយៈពេល ១សប្តាហ៍កន្លងមកនៅក្នុងសហភាពមីយ៉ាន់ម៉ា ជាទីដែលកងកម្លាំងសន្តិសុខកំពុងប្រើប្រាស់កម្លាំងដ៏សាហាវ ប្រឆាំងនឹងក្រុមបាតុករកំពុងតវ៉ាស្ងៀមស្ងាត់។ លោកស្រីនិយាយថា បើសរុបទាំងអស់ការិយាល័យបានបញ្ជាក់ថា មនុស្សសរុបចំនួន ១៤៩នាក់បានស្លាប់នៅក្នុងការបង្ក្រាបការតវ៉ាចាប់តាំងពីថ្ងៃទី១ ខែកុម្ភៈ ប៉ុន្តែបានសង្កត់ធ្ងន់ថា ចំនួនពិតប្រាកដគឺពិតជាខ្ពស់ជាងនេះ។បើយោងតាមសមាគមជំនួយសម្រាប់អ្នកទោសនយោបាយ (AAPP) មនុស្សជាង ១៨០នាក់ត្រូវបានសម្លាប់ រួមទាំង ៧៤នាក់នៅថ្ងៃអាទិត្យតែមួយថ្ងៃប៉ុណ្ណោះ។ ការិយាល័យសិទ្ធិមនុស្សរបស់អង្គការសហប្រជាជាតិបាននិយាយថា ចំនួនអ្នកស្លាប់បានកើនឡើងយ៉ាងឆាប់រហ័ស ក្នុងពេលប៉ុន្មានថ្ងៃថ្មីៗនេះ ក្នុងនោះកាលពីថ្ងៃច័ន្ទមានមនុស្សស្លាប់ចំនួន ១១នាក់, ថ្ងៃអាទិត្យមាន ៣៩នាក់ និងថ្ងៃសៅរ៍មាន ១៨នាក់៕អត្ថបទ៖ សុខមាន

កូរ៉េខាងជើងព្រមានរដ្ឋបាលថ្មីរបស់អាមេរិកថា ប្រសិនបើចង់បានសន្តិភាពត្រូវតែចៀសវាងការបង្កជម្លោះ

កូរ៉េខាងជើង៖ សារព័ត៌មានរដ្ឋកូរ៉េខាងជើង បានរាយការណ៍នៅថ្ងៃអង្គារនេះថា ប្អូនស្រីរបស់មេដឹកនាំកូរ៉េខាងជើងគឺ លោកស្រី Kim Yo Jong បានរិះគន់សមយុទ្ធយោធាដែលកំពុងបន្តនៅប្រទេសកូរ៉េខាងត្បូង និងបានព្រមានរដ្ឋបាលថ្មីរបស់សហរដ្ឋអាមេរិក ទល់នឹងការបង្កជម្លោះប្រសិនបើខ្លួនចង់បានសន្តិភាព។សេចក្តីថ្លែងការណ៍នេះធ្វើឡើង មួយថ្ងៃមុនពេលដែលប្រមុខការទូត និងរដ្ឋមន្ត្រីការពារជាតិអាមេរិកគ្រោងនឹងទៅដល់ទីក្រុងសេអ៊ូល សម្រាប់កិច្ចពិភាក្សាលើកដំបូងជាមួយសមភាគីកូរ៉េខាងត្បូង។ លោកស្រី Kim បាននិយាយនៅក្នុងសេចក្ដីថ្លែងការណ៍មួយ ដែលត្រូវបានចេញផ្សាយដោយទីភ្នាក់ងារសារព័ត៌មានរដ្ឋ KCNA ថា យើងឆ្លៀតយកឱកាសនេះដើម្បីព្រមានរដ្ឋបាលថ្មីរបស់សហរដ្ឋអាមេរិក ដែលកំពុងព្យាយាមយ៉ាងខ្លាំងក្នុងការបាចពង្រាយក្លិនម្សៅ នៅក្នុងទឹកដីរបស់យើង។ ប្រសិនបើខ្លួនចង់រស់នៅក្នុងសន្តិភាពរយៈពេល ៤ឆ្នាំខាងមុខ ខ្លួនគួរតែចៀសវាងការបង្កឲ្យមានក្លិនស្អុយ នៅជំហានដំបូងរបស់ខ្លួន។ សេតវិមានបាននិយាយកាលពីថ្ងៃច័ន្ទថា កូរ៉េខាងជើងបានបដិសេធការទទូចរបស់សហរដ្ឋអាមេរិកឲ្យចូលរួមការសន្ទនា ខណៈដែលភាពប្រេះស្រាំនៅក្នុងទំនាក់ទំនង ដែលបានចាប់ផ្ដើមនៅក្នុងរដ្ឋបាលប្រធានាធិបតី Donald Trump បន្តមកដល់ប្រធានាធិបតីរបស់លោក Joe Biden៕ អត្ថបទ៖ សុខមាន

WHO ជំរុញពិភពលោកកុំឲ្យផ្អាកចាក់វ៉ាក់សាំងបង្ការ COVID-19 ខណៈអឺរ៉ុបបែកបាក់គ្នាក្នុងការប្រើវ៉ាក់សាំងក្រុមហ៊ុន AstraZeneca

ស្វីស៖ អង្គការសុខភាពពិភពលោកបានអំពាវនាវ ដល់ប្រទេសនានាកាលពីថ្ងៃច័ន្ទ កុំឲ្យផ្អាកយុទ្ធនាការចាក់វ៉ាក់សាំង បន្ទាប់ពីបណ្ដាប្រទេសនៅតំបន់អឺរ៉ុប និងប្រទេសមួយនៅអាស៊ីបានចូលរួមផ្អាក ការប្រើប្រាស់វ៉ាក់សាំងបង្ការវីរុស COVID-19 របស់ក្រុមហ៊ុន AstraZeneca ក្នុងចំនួនតិចតួចដោយសារការព្រួយបារម្ភពីសុវត្ថិភាព។ប្រទេសថៃបានប្រកាសពីផែនការនានាកាលពីថ្ងៃច័ន្ទ ដើម្បីបន្តការចាក់វ៉ាក់សាំងរបស់ក្រុមហ៊ុន រួមសហការផលិតរវាងអង់គ្លេស និងស៊ុយអ៊ែត ប៉ុន្តែប្រទេសឥណ្ឌូនេស៊ីបាននិយាយថា ខ្លួននឹងរង់ចាំមើលស្ថានការណ៍សិន បន្ទាប់ពីប្រទេសអៀរឡង់ និងហូឡង់បានប្រកាសផ្អាកកាលពីថ្ងៃអាទិត្យ។ អាល្លឺម៉ង់កាលពីថ្ងៃច័ន្ទបានប្រកាសថា ខ្លួននឹងផ្អាកការចាក់វ៉ាក់សាំងរបស់ក្រុមហ៊ុន AstraZeneca តាមការណែនាំរបស់វិទ្យាស្ថាន Paul Ehrlich ដែលជាអាជ្ញាធរទទួលបន្ទុកការប្រើប្រាស់វ៉ាក់សាំងរបស់ខ្លួន។ ប្រទេសបារាំង និងអ៊ីតាលីក៏បានសម្រេចចិត្ត ផ្អាកដំណើរការចាក់វ៉ាក់សាំងនេះផងដែរ។ ប្រធានាធិបតីបារាំង លោក Emmanuel Macron បាននិយាយថា បារាំងនឹងផ្អាកប្រើវ៉ាក់សាំងដោយរង់ចាំ ការវាយតំលៃពីនិយតកររបស់សហភាពអឺរ៉ុប នៅថ្ងៃអង្គារនេះ។នាយករដ្ឋមន្ត្រីអ៊ីតាលី លោក Mario Draghi បាននិយាយថា លោកបានសម្រេចផ្អាកការប្រើប្រាស់វ៉ាក់សាំង បន្ទាប់ពីមានការពិភាក្សាជាមួយរដ្ឋមន្ត្រីក្រសួងសុខាភិបាលរបស់លោក។ ប្រទេសដាណឺម៉ាក និងន័រវែសបានរាយការណ៍ករណីដាច់ដោយឡែក ពីការហូរឈាម ឈាមកកក្នុងសរសៃឈាម និងចំនួនផ្លាកែតទាបបន្ទាប់ពីការចាក់វ៉ាក់សាំង AstraZeneca។ ប្រទេសអ៊ីស្លង់ និងប៊ុលហ្គារីបានផ្អាកការប្រើប្រាស់របស់ខ្លួន ខណៈដែលអូទ្រីសបានឈប់ប្រើវ៉ាក់សាំងនេះជាច្រើនវគ្គ៕អត្ថបទ៖ សុខមាន

ការព្រួយបារម្ភសកលចេះតែកើនឡើង ខណៈអ្នកតវ៉ាស្លាប់កាន់តែច្រើនក្នុងការបង្ក្រាបនៅមីយ៉ាន់ម៉ា

មីយ៉ាន់ម៉ា៖ សហគមន៍អន្តរជាតិបានទទូចសុំ ឲ្យមានការអត់ធ្មត់កាលពីថ្ងៃច័ន្ទ បន្ទាប់ពីក្រុមបាតុករប្រឆាំងរដ្ឋប្រហារយ៉ាងហោចណាស់ ១១នាក់ទៀរតត្រូវបានសម្លាប់នៅក្នុងសហភាពមីយ៉ាន់ម៉ា ខណៈក្រុមបាតុករបានវិលត្រឡប់ទៅតវ៉ា នៅតាមដងផ្លូវនានាជាថ្មីទាមទារឲ្យរស្តារឡើងវិញនូវលទ្ធិប្រជាធិបតេយ្យ ទោះបីមានការបង្ក្រាបយ៉ាងបង្ហូរឈាម ពីសំណាក់រដ្ឋាភិបាលយោធាក៏ដោយ។អង្គការសហប្រជាជាតិ សហរដ្ឋអាមេរិក ចិន និងអង់គ្លេសបានថ្កោលទោសចំពោះអំពើហិង្សា ដែលអង្គការសហប្រជាជាតិបាននិយាយថា អំពើហិង្សានេះបានឆក់យកជីវិតអ្នកតវ៉ា ដោយស្ងៀមស្ងាត់យ៉ាងហោចណាស់ ១៣៨នាក់រួមទាំងស្ត្រី និងកុមារ ចាប់តាំងពីក្រុមឧត្ដមសេនីយ៍បានបណ្ដេញមេដឹកនាំស៊ីវិល លោកស្រី Aung San Suu Kyi ចេញពីតំណែងកាលពីខែកុម្ភៈ។ រហូតមកដល់ពេលនេះ ឧត្ដមសេនីយ៍មីយ៉ាន់ម៉ាមិនបានបង្ហាញសញ្ញាណាមួយ ពីការយកចិត្តទុកដាក់ចំពោះការអំពាវនាវឲ្យមានការអត់ធ្មត់នោះទេ។ ថ្ងៃដ៏អាក្រក់បំផុតបានកើតឡើងកាលពីថ្ងៃអាទិត្យ នៅពេលក្រុមបាតុករជាងជិត ៤០នាក់ត្រូវបានសម្លាប់ នៅពេលដែលកម្លាំងសន្តិសុខបានបង្ក្រាបការប្រមូលផ្តុំគ្នានានា គាំទ្រលទ្ធិប្រជាធិបតេយ្យ។ ប៉ុន្តែការសម្លាប់ទាំងនេះមិនបានបញ្ឈប់ក្រុមបាតុករ ដែលបានចេញតវ៉ាម្តងទៀតកាលពីថ្ងៃច័ន្ទ ដោយប្រឈមគ្រោះថ្នាក់ជាថ្មី ដូចអ្វីដែលក្រុមអ្នកឃើញហេតុការណ៍និយាយថា ជាការបង្ក្រាបដ៏សាហាវរបស់រដ្ឋាភិបាលយោធា។ អ្នកដែលត្រូវបានសម្លាប់កាលពីថ្ងៃច័ន្ទ ត្រូវបានគេបាញ់សម្លាប់នៅទីតាំងជាច្រើន ក្នុងតំបន់ភាគកណ្ដាលរបស់ប្រទេសនេះ៕អត្ថបទ៖ សុខមាន

មនុស្ស ៣៩នាក់បានស្លាប់នៅមីយ៉ាន់ម៉ា ក្នុងថ្ងៃបង្ក្រាបដ៏បង្ហូរឈាមបំផុតចាប់តាំងពីរដ្ឋប្រហារយោធាចាប់ផ្ដើម

មីយ៉ាន់ម៉ា៖ ក្រុមបាតុករប្រឆាំងនឹងរដ្ឋប្រហារយ៉ាងហោចណាស់ ២២នាក់បន្ថែមទៀតនៅសហភាពមីយ៉ាន់ម៉ាត្រូវបានគេរាយការណ៍ថា ត្រូវបានបាញ់សម្លាប់ដោយកងកម្លាំងសន្តិសុខ ស្របពេលដែលយោធាបានប្រកាសច្បាប់អាជ្ញាសឹក នៅតាមតំបន់មួយចំនួនក្នុងទីក្រុងយ៉ាងហ្គោន ដែលជាទីក្រុងធំបំផុតរបស់ប្រទេសនេះ។ ចំណែកក្រុមអ្នកតវ៉ាចំនួន ១៦នាក់បន្ថែមទៀត ព្រមទាំងមន្ត្រីនគរបាលម្នាក់បានស្លាប់នៅក្នុងកន្លែងផ្សេងៗទៀត។ ប្រព័ន្ធផ្សព្វផ្សាយក្នុងស្រុកបាននិយាយថា កម្លាំងសន្តិសុខបានបើកការបាញ់ប្រហារ ទៅលើក្រុមបាតុករនៅក្នុងទីក្រុងយ៉ាងហ្គោន តំបន់ភាគកណ្ដាលនៃទីក្រុងបាហ្គោ និងកន្លែងផ្សេងទៀតកាលពីថ្ងៃអាទិត្យ។ ចំនួនអ្នកស្លាប់ចាប់តាំងពីការជួបជុំគ្នាតវ៉ា កាលពីខែមុនរហូតមកដល់ពេលនេះត្រូវបានគេជឿថាមានជាង ១០០នាក់។ ក្នុងនោះមានអ្នកស្លាប់យ៉ាងតិចចំនួន ៧០នាក់ដែលបានប្រកាសកាលពីថ្ងៃព្រហស្បតិ៍ ដោយក្រុមអ្នកស៊ើបអង្កេតឯករាជ្យរបស់អង្គការសហប្រជាជាតិ និងយ៉ាងហោចណាស់មានមនុស្សស្លាប់ ១០នាក់បានស្លាប់កាលពីថ្ងៃសៅរ៍ចុងសប្ដាហ៍មុន។កាលពីយប់ថ្ងៃអាទិត្យ ច្បាប់អាជ្ញាសឹកត្រូវបានដាក់អនុវត្តន៍នៅសង្កាត់លាំងថាយ៉ា និងកន្លែងផ្សេងទៀតនៅក្នុងទីក្រុងយ៉ាងហ្គោន បន្ទាប់ពីកម្លាំងសន្តិសុខបានចាប់ផ្ដើមបង្ក្រាបក្រុមបាតុករ ហើយរោងចក្រកាត់ដេរសម្លៀកបំពាក់ជាច្រើនត្រូវបានឆាបឆេះ។ នៅក្នុងតំបន់ដែលស្ថិតក្រោមច្បាប់អាជ្ញាសឹក អាជ្ញាធរ តុលាការត្រូវបានផ្ទេរទៅឲ្យមេបញ្ជាការយោធា។ សកម្មភាពនេះបង្ហាញពីការត្រៀមខ្លួនរបស់យោធា ក្នុងការចាត់វិធានការបង្ក្រាប ដែលមុននេះត្រូវបានធ្វើឡើងដោយនគរបាល៕អត្ថបទ៖ សុខមាន

ក្រុមហ៊ុន AstraZeneca រកមិនឃើញភស្តុតាងដែលបញ្ជាក់ថា វ៉ាក់សាំងរបស់ខ្លួនមានបញ្ហាប្រឈមខ្ពស់នៃការកកឈាម

អង់គ្លេស៖ ក្រុមហ៊ុន AstraZeneca បាននិយាយកាលពីថ្ងៃអាទិត្យថា ការពិនិត្យឡើងវិញនូវទិន្នន័យសុវត្ថិភាពរបស់មនុស្ស ដែលបានចាក់វ៉ាក់សាំងបង្ការជំងឺ COVID-19 របស់ខ្លួនមិនបានបង្ហាញពីភស្តុតាងនៃការកើនឡើងបញ្ហាប្រឈម នៃការកកឈាមក្នុងសរសៃឈាមនោះទេ។ការពិនិត្យឡើងវិញរបស់ក្រុមហ៊ុន AstraZeneca ដែលគ្របដណ្តប់លើមនុស្សជាង ១៧លាននាក់ដែលបានចាក់វ៉ាក់សាំងនៅចក្រភពអង់គ្លេស និងសហភាពអឺរ៉ុបកើតឡើង បន្ទាប់ពីក្រុមអាជ្ញាធរសុខាភិបាលនៅប្រទេសមួយចំនួន បានផ្អាកការប្រើប្រាស់វ៉ាក់សាំងរបស់ខ្លួនដោយសារមានរបាយការណ៍ថា មានឈាមកកក្នុងសរសៃឈាមក្រោយចាក់វ៉ាក់សាំងនេះរួច។ ក្រុមហ៊ុននេះបាននិយាយថា ការពិនិត្យឡើងវិញយ៉ាងប្រុងប្រយ័ត្ន រាល់ទិន្នន័យសុវត្ថិភាពលើមនុស្សជាង ១៧លាននាក់ដែលបានចាក់វ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca នៅសហភាពអឺរ៉ុប និងចក្រភពអង់គ្លេសមិនបានបង្ហាញពីភស្តុតាង នៃការកើនឡើងហានិភ័យនៃការស្ទះសរសៃឈាមសួត ការស្ទះសរសៃឈាមវ៉ែនធ្ងន់ធ្ងរ ឬការស្ទះសរសៃឈាមសួតក្នុងក្រុមអាយុភេទ វគ្គណាមួយឡើយ ឬនៅក្នុងប្រទេសជាក់លាក់ណាមួយ។ ក្រុមអាជ្ញាធរក្នុងប្រទេសអៀរឡង់ ដាណឺម៉ាក ន័រវែស អ៊ីស្លង់ និងហូឡង់បានផ្អាកការប្រើប្រាស់វ៉ាក់សាំង ដោយសារតែបញ្ហាឈាមកកក្នុងសរសៃឈាម ខណៈដែលអូទ្រីសបានឈប់ប្រើវ៉ាក់សាំងក្រុមហ៊ុន AstraZeneca មួយវគ្គដែលបានចាក់កាលពីសប្តាហ៍មុន ស្របពេលដែលការស៊ើបអង្កេតអំពីករណីស្លាប់ ដោយសារជំងឺកកឈាម។ទីភ្នាក់ងារឱសថរបស់សហភាពអឺរ៉ុបបាននិយាយថា គ្មានការបង្ហាញណាមួយដែលថា ព្រឹត្តិការណ៍នានាបណ្ដាលមកពីការចាក់វ៉ាក់សាំងនេះនោះទេ ជាទស្សនៈមួយដែលត្រូវបានគាំទ្រ ដោយអង្គការសុខភាពពិភពលោកកាលពីថ្ងៃសុក្រ។ គួរឲ្យដឹងថា វ៉ាក់សាំងបង្ការវីរុស COVID-19 របស់ក្រុមងហ៊ុន AstraZeneca របស់អង់គ្លេស ដែលត្រូវបានផលិតឡើងដោយសហការ ជាមួយសាកលវិទ្យាល័យ Oxford ត្រូវបានអនុញ្ញាតឲ្យប្រើប្រាស់នៅសហភាពអឺរ៉ុប និងបណ្ដាប្រទេសជាច្រើន ប៉ុន្តែមិនទាន់ត្រូវបានអនុម័តដោយក្រុមនិយតករអាមេរិកនៅឡើយទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

សមត្ថកិច្ចពិន័យយានយន្តលើ្មសជាង ១ម៉ឺនគ្រឿង និងដកពិន្ទុបណ្ណបើកបរជាង ១ម៉ឺនពិន្ទុ ក្នុងឆមាសទី១ ឆ្នាំ២០២៦

លោក Trump ប្រកាសពន្ធរហូតដល់ ១០០ ភាគរយលើយានដ្រូនដែលនាំចូលសហរដ្ឋអាមេរិក

ភ្នំពេញក្រោន ចេញទៅប្រកួតពានរង្វាន់ Pre-Season នៅម៉ាឡេស៊ី ដែលមាន ៤ប្រទេសចូលរួម

សមាជិកសភាអាស៊ី-ប៉ាស៊ីហ្វិក ១៦ ប្រទេស អនុម័ត «សេចក្តីថ្លែងការណ៍រួមភ្នំពេញ» ជំរុញសមធម៌ សុខាភិបាលក្នុងយុគសម័យ AI និងការប្រែប្រួលអាកាសធាតុ

កម្ពុជាទទួលបានគម្រោងវិនិយោគ ៣៣ ទុនវិនិយោគ ៥២៥លានដុល្លារអាមេរិកក្នុងខែកក្កដា

វិទ្យាស្ថានជាតិពហុបច្ចេកទេសអង្គរ ផ្តល់ឱកាសឱ្យសិស្សស្គាល់រោងជាង ឧបករណ៍ទំនើប និងការងារជាក់ស្តែង

មន្រ្ដីជាន់ខ្ពស់ក្រសួងធនធានទឹកដឹកនាំក្រុមការងារអន្តរក្រសួង ចុះពិនិត្យ វាយតម្លៃ បញ្ចប់សុពលភាពគម្រោងការពារច្រាំងទន្លេមេគង្គ ចំនួន ៣កន្លែង ក្នុងភូមិសាស្ដ្រខេត្តកណ្តាល

អ្នកគាំទ្ររំពឹងលីគរដូវកាលថ្មីកាន់តែកក្រើក ក្រោយក្លិបបានពង្រឹង និងនាំចូលកីឡាករល្អៗកាន់តែច្រើន

ក្រសួងពាណិជ្ជកម្ម បន្តលើកលែងការពិន័យចំពោះក្រុមហ៊ុនខកខានតម្កល់ប្រតិវេទន៍ប្រចាំឆ្នាំ បន្ថែមទៀត

មន្រ្ដីជំនាញក្រសួងឧស្សាហកម្ម៖ កម្មសិទ្ធិបញ្ញាជាមូលដ្ឋានគ្រឹះបង្កើនទំនុកចិត្ត និងទាក់ទាញអ្នកវិនិយោគ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អឺរ៉ុបបែកបាក់គ្នាជុំវិញការផ្អាកប្រើប្រាស់វ៉ាក់សាំង AstraZeneca ខណៈការស៊ើបអង្កេតនៅតែបន្ត

សម្តេចតេជោ ហ៊ុន សែន បានឧបត្ថម្ភថវិកា និងឃីត ជូនទៅកាន់បណ្តាខេត្តនានា ដើម្បីរៀបចំចាត់ចែងធ្វើចត្តាឡីស័ក

មនុស្ស ៨នាក់ស្លាប់ក្នុងហេតុការណ៍បាញ់ប្រហារ ៣កន្លែងដាច់ដោយឡែកពីគ្នាក្នុងទីក្រុងអាត្លង់តា

សម្តេចតេជោ សម្រេចបង្កើតគណៈកម្មការចំពោះកិច្ចចាក់វ៉ាក់សាំងកូវីដ១៩ ក្រងខណ្ឌទូទាំង ប្រទេសចំនួន៤៧នាក់

UN៖ មនុស្ស ១៤៩នាក់សា្លប់ និងរាប់រយនាក់ទៀតបានបាត់ខ្លួននៅសហភាពមីយ៉ាន់ម៉ា

កូរ៉េខាងជើងព្រមានរដ្ឋបាលថ្មីរបស់អាមេរិកថា ប្រសិនបើចង់បានសន្តិភាពត្រូវតែចៀសវាងការបង្កជម្លោះ

ការព្រួយបារម្ភសកលចេះតែកើនឡើង ខណៈអ្នកតវ៉ាស្លាប់កាន់តែច្រើនក្នុងការបង្ក្រាបនៅមីយ៉ាន់ម៉ា

មនុស្ស ៣៩នាក់បានស្លាប់នៅមីយ៉ាន់ម៉ា ក្នុងថ្ងៃបង្ក្រាបដ៏បង្ហូរឈាមបំផុតចាប់តាំងពីរដ្ឋប្រហារយោធាចាប់ផ្ដើម

ក្រុមហ៊ុន AstraZeneca រកមិនឃើញភស្តុតាងដែលបញ្ជាក់ថា វ៉ាក់សាំងរបស់ខ្លួនមានបញ្ហាប្រឈមខ្ពស់នៃការកកឈាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អឺរ៉ុប​បែកបាក់​គ្នា​ជុំវិញ​ការ​ផ្អាក​ប្រើប្រាស់​វ៉ាក់សាំង AstraZeneca ខណៈ​ការស៊ើបអង្កេត​នៅតែ​បន្ត​

UN៖​ មនុស្ស ​១៤៩​នាក់​សា្លប់ និង​រាប់​រយ​នាក់​ទៀត​បាន​បាត់​ខ្លួន​នៅ​សហភាព​មី​យ៉ាន់​ម៉ា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អឺរ៉ុបបែកបាក់គ្នាជុំវិញការផ្អាកប្រើប្រាស់វ៉ាក់សាំង AstraZeneca ខណៈការស៊ើបអង្កេតនៅតែបន្ត

UN៖ មនុស្ស ១៤៩នាក់សា្លប់ និងរាប់រយនាក់ទៀតបានបាត់ខ្លួននៅសហភាពមីយ៉ាន់ម៉ា