BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

មរណភាពវេជ្ជបណ្ឌិត បីច រីចច្នឺ គឺជាការបាត់បង់ឥស្សរជនមនុស្សធម៌ដ៏ឆ្នើមក្នុងការជួយសង្គ្រោះជីវិតកុមារកម្ពុជា

ភ្នំពេញ ៖ ក្រសួងសុខាភិបាលកម្ពុជា បានថ្លែងថា មរណភាពរបស់ លោកវេជ្ជបណ្ឌិត បីច រីចច្នឺ ដែលជាស្ថាបនិកមន្ទីរពេទ្យគន្ធបុប្ផា ឬ គេហៅថា ពេទ្យទេវតាជួយដល់កុមារកម្ពុជារាប់លាននាក់ឲ្យរួចផុតពីសេចក្តីស្លាប់នោះ គឺជាការបាត់បង់ឥស្សរជនមនុស្សធម៌ ដ៏ឆ្នើម ក្នុងការជួយសង្គ្រោះអាយុជីវិតកុមារកម្ពុជា។យោងតាមគេហទំព័ររបស់ក្រសួងសុខាភិបាល ដែលបានចេញនូវព្រឹកថ្ងៃទី១០ ខែកញ្ញា ឆ្នាំ២០១៨នេះបានលើកឡើងថា ក្រសួងសុខាភិបាលមានការសោកស្តាយជាអនេក និងការចូលរួមមរណៈចំពោះការបាត់បង់ឥស្សរជនមនុស្សធម៌ដ៏ឆ្នើមក្នុងការជួយសង្គ្រោះអាយុជីវិតកុមារកម្ពុជាពីជំងឺដង្កាត់ផ្សេងៗ ហើយក្រសួងសុខាភិបាល នៃព្រះរាជាណាចក្រកម្ពុជាបានទទួលព័ត៌មានប្រកបដោយក្តីរន្ធត់ក្រៀមក្រំជាទីបំផុត អំពីមរណភាពរបស់លោកសាស្ត្រាចារ្យវេជ្ជបណ្ឌិត បីច រីចច្នឺ (Prof. Dr. Beat Reachner) ស្ថាបនិកមន្ទីរពេទ្យគន្ធបុប្ផាកម្ពុជា កាលពីព្រឹកថ្ងៃអាទិត្យ ទី៩ ខែកញ្ញា ឆ្នាំ២០១៨ (ពេលវេលានៅទីក្រុងហ្សឺណែវ) ក្នុងជន្មាយុ ៧១ ឆ្នាំ ដោយរោគាពាធ នៅប្រទេសស្វីស។គេហទំព័រ បានបន្តថា ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល តាងនាមឲ្យថ្នាក់ដឹកនាំ បុគ្គលិក-មន្ត្រីសុខាភិបាល លោកគ្រូពេទ្យ អ្នកគ្រូពេទ្យ នៃក្រសួងសុខាភិបាលជាពិសេស នៃមន្ទីរពេទ្យគន្ធបុប្ផាទាំងអស់ និងក្នុងនាមឯកឧត្តមរដ្ឋមន្ត្រីផ្ទាល់ សូមសំដែងនូវការសោកស្តាយជាទីបំផុតចំពោះមរណភាព និងការបាត់បង់ស្ថាបនិកមន្ទីរពេទ្យកុមារគន្ធបុប្ផារូបនេះ« ដែលនេះមិនត្រឹមតែជាការបាត់បង់នូវឥស្សរជនជួយសុខភាពកុមារកម្ពុជាប៉ុណ្ណោះទេ តែជាការបាត់បង់ដ៏ធំធេងសម្រាប់វិស័យសុខាភិបាលកម្ពុជា និងជាការបាត់បង់លោកគ្រូពេទ្យដ៏ឆ្នើមកម្ររកបានផងដែរ»។គេហទំព័រដដែល បានបន្តទៀតថា ២៥ឆ្នាំកន្លងទៅនេះ ឯកឧត្តមវេជ្ជបណ្ឌិត បីច រីចច្នឺ បានបង្កើតស្នាដៃមនុស្សធម៌ដ៏ធំធេង នៅក្នុងប្រវត្តិនៃការអភិវឌ្ឍន៍ វិស័យសុខាភិបាលកម្ពុជាក្រោយពីថ្ងៃរំដោះ៧ មករា ១៩៧៩មក គឺការបង្កើតពង្រីក និងអភិវឌ្ឍមន្ទីរពេទ្យគន្ធបុប្ផានៅរាជធានីភ្នំពេញ និងនៅទីរួមខេត្តសៀមរាប ហើយ លោកសាស្ត្រាចារ្យ បីច រីចច្នឺ បានបង្ហាត់បង្ហាញដឹកនាំការពិនិត្យព្យាបាលជំងឺកុមារនៅកម្ពុជា ទោះជាស្ថិតនៅក្នុងដំណើរដ៏លំបាកលំបិនក៏ដោយក៏លោកសាស្ត្រាចារ្យ វេជ្ជបណ្ឌិត បីច រីចច្នឺ មិនរួញរាឡើយ ថែមទាំងបានលះបង់ទាំងកម្លាំងកាយ-ចិត្ត ប្រាជ្ញាស្មារតីតម្រិះវេជ្ជសាស្ត្រ និងសន្តានចិត្តមនុស្សធម៌ដ៏ល្អប្រពៃ ព្រមទាំងស្វែងរក និងប្រមូលវិភាគទានសម្រាប់ប្រតិបត្តិការមន្ទីរពេទ្យគន្ធបុប្ផា នៅកម្ពុជាដោយកម្លាំងផ្ទាល់ខ្លួនដោយមិនមានការនឿយហត់ដើម្បីសុខភាពកុមារកម្ពុជាទាំងមូល។ទង្វើខាងលើរបស់លោក សាស្ត្រាចារ្យ បីច រីចច្នឺ គឺពិតជាគំរូវីរភាពដែលយើងទាំងអស់គ្នាមិនអាចបំភ្លេចបានឡើយ ហើយតាមរយៈស្នាដៃរបស់លោកសាស្ត្រាចារ្យ បីច រីចច្នឺ ខាងលើនេះដែរ កុមារកម្ពុជាជាច្រើននាក់ទទួលបាននូវការពិនិត្យព្យាបាលជំងឺដោយឥតគិតថ្លៃ ហើយសមិទ្ធផលដែលបានកើតចេញពីស្នាដៃរបស់លោកសាស្ត្រាចារ្យ បីច រីចច្នឺ នៅលើទឹកដីកម្ពុជានេះ និងពិតជាបានបន្សល់ទុកឲ្យជាផលប្រយោជន៍ សម្រាប់កុមារកម្ពុជាជាបន្ត និងនៅស្ថិតស្ថេរជានិរន្ត។ជាមួយគ្នានោះក្រសួងសុខាភិបាលបានសន្យាថា និងខិតខំបន្តនូវបេសកកម្មមនុស្សធម៌របស់ឯកឧត្តមសាស្ត្រាចារ្យ បីច រីចច្នឺ ជាបន្តទៀត ដើម្បីសុខភាពកុមារកម្ពុជា មិនឲ្យសាបសូន្យឡើយ។លើសពីនេះ យើងខ្ញុំទាំងអស់គ្នា និងចារិកទុកក្នុងចិត្តនូវទង្វើមនុស្សធម៌ដ៏ល្អប្រពៃរបស់ឯកឧត្តមសាស្ត្រាចារ្យ បីច រីចច្នឺ ដូចបានរៀបរាប់ខាងលើ និងដើម្បីជាសក្ខីភាពនៃការគោរពនូវវីរភាពរបស់លោកសាស្ត្រាចារ្យ បីច រីចច្នឺ នេះ ក្រសួងសុខាភិបាលកម្ពុជា បានចាត់ចែងរៀបចំពិធីគោរពវិញ្ញាណក្ខន្ធលោកសាស្ត្រាចារ្យ បីច រីចច្នឺ ដែលនឹងប្រព្រឹត្តទៅនៅទីស្តីការក្រសួងសុខាភិបាលនៅថ្ងៃទី១០ខែកញ្ញា ឆ្នាំ២០១៨ វេលាម៉ោង៣:០០រសៀលផងដែរ។សូមរំលឹកថា ឯកឧត្តមវេជ្ជបណ្ឌិត បីច រីចច្នឺ (កើតនៅថ្ងៃទី១៣ ខែមីនា ឆ្នា១៩៤៧) ជាជនជាតិ ស្វីស។ គាត់ជាពេទ្យកុមារ អ្នកលេងសូរឡោ និងជាអ្នកបង្កើត មន្ទីរពេទ្យកុមារ នៅ ព្រះរាជាណាចក្រកម្ពុជា ហើយគាត់ជានាយកនៃមន្ទីរពេទ្យគន្ធបុប្ផាផងដែរ។បន្ទាប់ពីទទួលបាន បរិញ្ញាបត្រវេជ្ជសាស្ត្រ ក្នុងឆ្នាំ១៩៧៣ លោកវេជ្ជបណ្ឌិត បេអាត រិចន័រ ធ្វើជាអ្នកឯកទេស ថែរទាំកុមារ នៅឯមន្ទីរពេទ្យកុមារនៅស៊ូរិច។បន្ទាប់មក លោក បីច រីចច្នឺ បានធ្វើការអោយកាកបាទក្រហមស្វីស និងត្រូវបានបញ្ជូនមកប្រទេសកម្ពុជាជាទីដែលលោកបានធ្វើការ នៅមន្ទីរពេទ្យ គន្ធបុប្ផា ទីក្រុងភ្នំពេញចន្លោះឆ្នាំ១៩៧៤ និងឆ្នាំ១៩៧៥។ មន្ទីរពេទ្យនេះ ត្រូវបានប្រសិទ្ធភាពនាម ដើម្បីជាការចងចាំដល់សម្តេចព្រះអង្គម្ចាស់នរោត្តម គន្ធបុប្ផា (១៩៤៨-១៩៥២) ដែលជាព្រះរាជបុត្រី នៃព្រះបរមរតនកោដ្ឋ សម្តេចព្រះនរោត្តម សីហនុ ដែលបានសោយវិលាល័យក្នុងព្រះជន្មក្មេងវស្សា។នៅពេលដែលខ្មែរក្រហមបានកាន់កាប់ប្រទេសកម្ពុជា លោកត្រូវបានបង្ខំអោយចាកចេញទៅប្រទេសស្វីសវិញ ដែលជាទីដែលលោកបានបន្តការងាររបស់លោកនៅទីក្រុងហ្ស៉ូរ៉ិច។ ក្នុងដំណើរការស្វែងរកអាជីពវេជ្ជសាស្ត្ររបស់គាត់ និង ចំណាប់អារម្មណ៍ខាងតន្ត្រី និង ការកម្សាន្តលោក បីច រីចច្នឺ បានអភិវឌ្ឍន៍ចារិកលក្ខណៈនៃ “Beatocello” ត្លុកកំប្លែងសិល្បៈ ដែលលេងសេឡូ។ ស្របគ្នាជាមួយមុខនាទីនេះ ឯកឧត្តមបីច រីចច្នឺ ក៏បានបោះពុម្ពសៀវភៅកុមារជាច្រើនដែលផ្អែកលើ “Beatocello” ។នៅខែធ្នូ ១៩៩១លោក បីច រីចច្នឺ បានត្រឡប់មក កម្ពុជា និងបានឃើញការបំផ្លិចបំផ្លាញ ដែលបានកើតឡើង ដោយសារសង្គ្រាមស៊ីវិល។ លោក ត្រូវបានសុំឲ្យបើក និងសាងសង់មន្ទីរពេទ្យគន្ធបុប្ផាឡើងវិញ ដោយរដ្ឋាភិបាលកម្ពុជា។ ការបង្កើតមូលនិធិគន្ធបុប្ផា នៅខែមីនា ១៩៩២ និងត្រូវបានបើកទ្វារ ឡើងវិញនៅខែ វិច្ឆិកា ១៩៩២ផងដែរ៕

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

រុស្ស៊ី៖ ក្រសួងការបរទេសរុស្ស៊ីបាននិយាយកាលពីថ្ងៃចន្ទថា ទណ្ឌកម្មថ្មីរបស់សហរដ្ឋអាមេរិកមកលើរុស្ស៊ី នឹងធ្វើឲ្យឱកាសកាន់តែស្មុគស្មាញ សម្រាប់កិច្ចពិភាក្សារវាងប្រទេសទាំង២ លើបញ្ហាជាច្រើន។លោកស្រី ម៉ារី ហ្សាខារ៉ូវ៉ា គឺជាស្ត្រីនាំពាក្យក្រសួងការបរទេសរុស្ស៊ី បាននិយាយនៅក្នុងសេចក្ដីថ្លែងការណ៍ថា ទណ្ឌកម្មទាំងនេះនឹងមិនអាចបង្ខំឲ្យរុស្ស៊ី ដកថយពីផ្លូវដែលបានជ្រើសរើស ដើម្បីការពារផលប្រយោជន៍ជាតិរបស់ខ្លួននោះទេ។ លោកស្រីបន្តថា ជំហានបែបនេះរបស់សហរដ្ឋអាមេរិក នឹងមិនចែករំលែកកិច្ចសន្ទនា និងអន្តរកម្មទ្វេភាគីប្រកបដោយការគោរព និងរីកចម្រើននោះទេ។ សូមបញ្ជាក់ថា រដ្ឋបាលសហរដ្ឋអាមេរិកបានដាក់ទណ្ឌកម្មថ្មីលើរុស្ស៊ី ពាក់ព័ន្ធនឹងការវាយប្រហារដោយសារធាតុគីមី លើអតីតមន្ត្រីចារកម្មរុស្ស៊ី លោក សឺហ្គេ ស្គ្រីប៉ាល់ និងកូនស្រី យូលី នៅក្នុងទីក្រុងសាលីបេរីប្រទេសអង់គ្លេសកាលពីខែមិនាកន្លងទៅ។ ទោះបីជាយ៉ាងណាក៏ដោយរុស្ស៊ីបានធ្វើការ ច្រានចោលទាំងស្រុងរាល់ការជាប់ពាក់ព័ន្ធទាំងអស់៕អត្ថបទ៖ សារ៉ាត់

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

ភ្នំពេញ៖ អង្គភាពជំនាញ បានប្រមូលប្រភេទពន្ធលើប្រាក់ចំណូល និងប្រាក់ចំណេញ សរុបបានប្រមាណជាង ៣៦៣១ប៊ីលានរៀល ត្រូវប្រមាណជាង ៧១%, ខណៈនៅ ឆ្នាំ២០១៩ ការប្រមូលពន្ធប្រភេទនេះ សរុបបានជាង ២៩១៧ ប៊ីលានរៀល ស្មើប្រមាណជាង ៦៧% ប៉ុណ្ណោះ។តាមរបាយការណ៍ស្ថិតិហិរញ្ញវត្ថុរដ្ឋាភិបាលថ្នាក់ជាតិ បានបង្ហាញឲ្យដឹងថា នៅក្នុងខែកក្កដា ឆ្នាំ២០២០ ការប្រមូលពន្ធលើប្រាក់ចំណូល និងប្រាក់ចំណេញ បានប្រមាណជាង ៣១២ ប៊ីលានរៀល បើគិតរយៈពេល ៧ ខែ ដើមឆ្នាំ២០២០ នេះ ការប្រមូលចំណូលពន្ធប្រភេទនេះ សរុបបានប្រមាណជាង ៣៦៣១ប៊ីលានរៀល ត្រូវប្រមាណជាង ៧១% នៃច្បាប់ហិរញ្ញវត្ថុ ដែលបានកំណត់ការប្រមូលចំណូលពន្ធប្រភេទនេះ ក្នុងរង្វង់ទឹកប្រាក់ប្រមាណជា ៥ ០៨០ប៊ីលានរៀល ក្នុងនោះ ការប្រមូលចំណូលពន្ធខាងលើ សម្រាប់ការប្រមូលពន្ធពីរូបវន្តបុគ្គល បានចំនួនប្រមាណជាង ៥៤៦ប៊ីលានរៀល និងការប្រមូលចំណូលពីនីតិបុគ្គលបានជាង ៣ ០៨៥ ប៊ីលានរៀល ។ជុំវិញនិងការប្រមូលពន្ធខាងលើនេះ បើគិតក្នុងរយៈពេលដូចគ្នាទៅឆ្នាំ២០១៩ ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់ជាង ៥% ខណៈនៅឆ្នាំ២០១៩ ប្រមូលបានជាង ២ ៩១៧ ប៊ីលានរៀល ត្រូវជា ៦៧% ប៉ុណ្ណោះ ក្នុងនោះ ការប្រមូលចំណូលពន្ធពីរូបវន្តបុគ្គលបានជាង ៥១៧ប៊ីលានរៀល និងការប្រមូលពន្ធពីនីតិបុគ្គលបានជាង ២ ៤០០ ប៊ីលានរៀល ។សូមបញ្ជាក់ថា នៅក្នុងរយៈពេល ៧ ខែ ដើមឆ្នាំ២០២០ នេះ ទោះជាការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់ជាងឆ្នាំ ២០១៩ ក្នុងរង្វង់ប្រមាណជា ៥% ក៏ដោយ, តែចំពោះការប្រមូលចំណូលពន្ធរួមមាន៖ ពន្ធលើមុខទំនិញ និងសេវាប្រាស់, ប្រភេទពន្ធលើពាណិជ្ជកម្មអន្តរជាតិ, ពន្ធផ្សេងៗ, អំណោយ, និងចំណូលផ្សេងៗទៀត បានបន្តស្រុតចុះ, ខណៈនៅក្នុងឆ្នាំ២០១៩ ការប្រមូលចំណូលពន្ធប្រភេទនេះទទួលបានលទ្ធផលល្អ៕ អត្ថបទ៖ សុន រ៉ាឌី

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ

អាល្លឺម៉ង់៖ អធិការបតីអាល្លឺម៉ង់លោកស្រី អែនជីឡា មឺគែល បានអំពាវនាវឲ្យពង្រីករដ្ឋសមាជិកនានា នៅក្នុងក្រុមប្រឹក្សាសន្តិសុខអង្គការសហប្រជាជាតិ នៅក្នុងសុន្ទរកថាបើករបស់លោកស្រី នៅឯមហាសន្និបាតអង្គការសហប្រជាជាតិ។លោកស្រីបានថ្លែងថា ក្រុមប្រឹក្សាសន្តិសុខជាញឹកញាប់ជាប់គាំង នៅពេលដែលអំពាវនាវសុំឲ្យមានសេចក្ដីសម្រេចច្បាស់លាស់ យើងត្រូវការធ្វើកំណែទម្រង់ អង្គការសហប្រជាជាតិត្រូវតែបន្តអភិវឌ្ឍន៍ដើម្បីស្ថិតក្នុងជំហរមួយ ក្នុងបំណងធ្វើជាម្ចាស់បញ្ហាប្រឈមជាសកល នៃសតវត្សទី២១ នេះ។ កាលពីថ្ងៃចន្ទម្សិលមិញ លោកស្រី មឺគែល ក៏បានចូលរួមជាមួយប្រទេសនានា ដែលអំពាវនាវឲ្យមានការកែទម្រង់រចនាសម្ព័ន្ធរបស់អង្គការនេះ ដែលនឹងលើកទឹកចិត្តដល់ពហុភាគីនិយម។ លោកស្រីបន្តថា នៅចុងបញ្ចប់នៃថ្ងៃនេះ អង្គការសហប្រជាជាតិអាចមានប្រសិទ្ធភាពបាន លុះត្រាតែសមាជិកទាំងអស់រួបរួមគ្នា៕អត្ថបទ៖ រិទ្ធី

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ភ្នំពេញ៖ ឥទ្ធិពលព្យុះទី១១មានឈ្មោះថា NOUL(នូល) ដែលបាននាំទឹកភ្លៀងធ្លាក់ខ្លាំង និងខ្យល់បោកបក់ខ្លាំង មកលើប្រទេសកម្ពុជា ចាប់ពីថ្ងៃទី១៨ ដល់ថ្ងៃទី២០ ខែកញ្ញា ឆ្នាំ២០២០នេះ គឺបានបង្កអោយប៉ះពាល់ការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍សំខាន់ៗមួយចំនួន ជាពិសេសគោលដៅទេសចរណ៍ខេត្តព្រះសីហនុ បាត់ដំបង និងខេត្តសៀមរាបជាដើម។បើតាមឯកឧត្ដម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២១ ខែកញ្ញានេះថា នៅក្នុងអំឡុងពេលកម្ពុជា បានជួបរងនូវឥទ្ធិពលព្យុះ NOUL បានធ្វើអោយការធ្វើដំណើរកម្សាន្តនៃភ្ញៀវទេសចរក្នុងស្រុក នៅក្នុងឱកាសថ្ងៃឈប់សំរាកបុណ្យភ្ជុំបិណ្ឌចំនួន៣ថ្ងៃ និងថ្ងៃឈប់សម្រាកចុងសប្តាហ៍ចំនួន២ថ្ងៃនេះ បានជាប់គាំង ជាពិសេសបណ្តាភ្ញៀវទេសចរដែលធ្វើដំណើរទៅលេងកម្សាន្តនៅតាមបណ្តាកោះនានា នៅក្នុងខេត្តព្រះសីហនុ និងគោលដៅទេសចរណ៍មួយចំនួនទៀត នៅខេត្តបាត់ដំបងជាដើម។ឯកឧត្ដម តុប សុភ័ក បន្តថា ទោះយ៉ាងណាក៏ដោយនៅក្នុងឱកាសថ្ងៃឈប់សម្រាកបុណ្យភ្ជុំបិណ្ឌ ៣ថ្ងៃ នៅទូទាំងប្រទេសមានភ្ញៀវទេសចរក្នុងចេញដើរកម្សាន្តនៅតាមគោលដៅទេសចរណ៍នានា មានប្រមាណជាង១លាន១សែននាក់ ហើយរហូតមកដល់ថ្ងៃឈប់សម្រាកចុងសប្ដាហ៍ពីរថ្ងៃនេះទៀត គឺមានភ្ញៀវទេសចរចេញដើរកម្សាន្តបានកើនឡើង ប្រមាណ១លាន៥សែននាក់។ឯកឧត្ដម បន្តថា បច្ចុប្បន្ននៅទូទាំងប្រទេសគោលដៅទេសចរណ៍រួមមាន រមណីយដ្ឋានទេសចរណ៍ សហគមន៍ទេសចរណ៍ សហគមន៍អេកូទេសចរណ៍ និងតំបន់ដែលមានសក្តានុពលទេសចរណ៍ គឺមានប្រមាណ៥៥៧គោលដៅទេសចរណ៍ដែលអាចអោយភ្ញៀវទេសចរទៅទស្សនាកម្សាន្តបាន។ដោយឡែកបញ្ហាតម្លៃសេវានៅតាមគោលដៅទេសចរណ៍ ជារួមឯកឧត្តម បានវាយតំលៃថា គឺមានគ្រប់គ្រងបានល្អជាងមុនច្រើន ពីសំណាក់អាជ្ញាធរមូលដ្ឋាន ពោលគឺតំលៃលក់ម្ហូបអាហារ សេវាធ្វើដំណើរកម្សាន្ត និងការស្នាក់នៅជាដើម គឺភាគច្រើនមិនមានតំឡើងថ្លៃខ្ពស់ នៅក្នុងអំឡុងពេលឈប់សម្រាកកន្លងមកនេះទេ៕ អត្ថបទ៖ ស៊ុម សុខជា

ដំណើរទស្សនកិច្ចរបស់មន្ត្រីអាមេរិកទៅកោះតៃវ៉ាន់ជាការបង្ករឿងខាងនយោបាយដល់ប្រទេសចិន

ចិន៖ កាលពីថ្ងៃចន្ទម្សិលមិញ ចិនបានថ្កោលទោសដំណើរទស្សនកិច្ចជាន់ខ្ពស់ ដោយមន្ត្រីអាមេរិកទៅកាន់កោះតៃវ៉ាន់ថាជា ”ការបង្កហេតុនយោបាយ” និងបានព្រមានថា វិធានការតបតវិញនឹងត្រូវធ្វើឡើង ប្រឆាំងនឹងសហរដ្ឋអាមេរិក។អ្នកនាំពាក្យការបរទេសចិន លោក វ៉ាង វេនប៊ីន បាននិយាយថា ចិននឹងចាត់វិធានការសមស្រប វិធានការតបតទប់ទល់ប្រឆាំងនឹងបុគ្គលដែលពាក់ព័ន្ធ ដោយព្រមានថា ដំណើរទស្សនកិច្ចនេះនឹងធ្វើឲ្យខូចខាតថែមទៀត ដល់ការសម្របសម្រួលនឹងកិច្ចសហប្រតិបត្តិការរវាងចិន និងសហរដ្ឋអាមេរិកលើបញ្ហាអន្តរជាតិ និងក្នុងតំបន់សំខាន់ៗ។ អនុរដ្ឋមន្ត្រីសហរដ្ឋអាមេរិក លោក ខេត ក្រាច ដែលដោះស្រាយកំណើនសេដ្ឋកិច្ច និងថាមពល និងផលប្រយោជន៍បរិស្ថានបានជួបជាមួយមេដឹកនាំកោះតៃវ៉ាន់ លោកស្រី សៃ អ៊ីងវិន ក៏ដូចជារដ្ឋមន្ត្រីក្រសួងសេដ្ឋកិច្ច និងឧបនាយករដ្ឋមន្ត្រីកាលពីថ្ងៃសុក្រកន្លងទៅ។ដំណើរទស្សនកិច្ចរបស់លោក ក្រាច បានធ្វើឡើងបន្ទាប់ពីដំណើរទស្សនកិច្ចដ៏សំខាន់មួយ កាលពីក្នុងខែសីហារបស់រដ្ឋមន្ត្រីជាន់ខ្ពស់នៅក្នុងគណៈរដ្ឋមន្ត្រីអាមេរិក ដែលបានធ្វើទស្សនកិច្ចចាប់តាំងពីទីក្រុងវ៉ាស៊ីនតោន បានប្តូរទំនាក់ទំនងផ្លូវការពីកោះតៃវ៉ាន់ទៅប្រទេសចិនក្នុងឆ្នាំ១៩៧៩។ ទីក្រុងប៉េកាំងចាត់ទុកកោះតៃវ៉ាន់ជាខេត្តរបស់ខ្លួន និងប្រឆាំងរាល់ទំនាក់ទំនងផ្លូវការរវាងប្រទេសផ្សេងទៀត និងកោះស្វ័យគ្រប់គ្រងមួយនេះ៕អត្ថបទ៖ រិទ្ធី

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

ស្វាយរៀង ៖ សុខភាព និងម្ហូបអាហារ មនុស្សគ្រប់រូបប្រាថ្នាចង់បានទាំងអស់គ្នា ដើម្បីទ្រទ្រង់រាងកាយ គប្បីមន្ត្រី ជំនាញបន្ថែមការចុះត្រួតពិនិត្យរកសារធាតុគីមី នៅលើម្ហូបអាហារឱ្យបានញឹកញាប់ ដែលអាចធ្វើបាន ដើម្បី សុខភាពទាំងអស់គ្នា។ក្រុមអ្នកលក់ដូរនៅផ្សារជីភូ សង្កាត់ព្រៃអង្គុញ ក្រុងបាវិត ខេត្តស្វាយរៀង បានសម្ដែងអំណរគុណ ចំពោះសាខាកាំកុងត្រូលខេត្ត ដែលបានចុះពិនិត្យគ្រឿងឧបភោគ បរិភោគ ចំណីអាហារ និងបានសំណូមពរ បន្ថែមដល់សាខា បើមានឱកាស គួរចុះពិនិត្យបន្ថែមទៀត ដើម្បីស្វែងរកសារធាតុគីមីនៅលើចំណីអាហារ សំដៅបញ្ចៀសការមានបញ្ហាសុខភាពចំពោះអ្នកទទួលទាន។ពួកគេ បានឱ្យដឹងថា បច្ចុប្បន្ន ការដាក់តាំងលក់បន្លែ ផ្លែឈើ គ្រឿងឧបភោគ បរិភោគ នៅតាមផ្សារ នៅខ្វះអនាម័យ ដោយអ្នកលក់ មិនបានរៀបចំឱ្យបានសមរម្យ ឯគ្រឿងកំប៉ុង ត្រូវបានដាក់តាំងលក់ដោយ គ្មានសណ្តាប់ធ្នាប់។ក្រុមអាជីវករ បានសំណូមពរដល់មន្ត្រីជំនាញ បន្តអប់រំអាជីវករ ឱ្យរៀបតាំងលក់ផលិតផលឱ្យមាន សណ្តាប់ធ្នាប់បើអាចធ្វើបាន ពីព្រោះទីតាំងលក់សម ល្មម អាចរៀបចំបាន ពិសេស ឧស្សាហ៍លាងសម្អាត បរិវេណក្នុងផ្សារផង ដោយកន្លងមកទីលានបរិវេណផ្សារធុំក្លិនឆ្អេះឆ្អាបខ្លាំងណាស់។នៅពេលចុះពិនិត្យទំនិញ គ្រឿងឧបភោគ បរិភោគ ចំណីអាហារ ក្នុងផ្សារជីភូ ក្រុងបាវិត កាលពីម្សិល មិញ មន្ត្រីរសាខាកាំកុងត្រូល បាននាំគ្រឿងឧបភោគ បរិភោគ គ្រឿងកំប៉ុង ចំនួន១៧សំណាក ទៅវិភាគ ពិសោធន៍ តាមបទដ្ឋានបច្ចេកទេស រកសារធាតុគីមី ដោយទទួលបានលទ្ធផលវិជ្ជមានល្អ និងប្រកាសឱ្យពល រដ្ឋប្រើប្រាស់តាមតម្រូវការ៕

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

ភ្នំពេញ ៖ ក្រសួងបរិស្ថាន និង USAID នៅព្រឹកថ្ងៃទី ២២ កញ្ញាឆ្នាំ ២០២០នេះ បានបើកយុទ្ធនាការការពារព្រៃឡង់ តាមរយៈ ការទំនាក់ទំនងផ្លាស់ប្ដូរឥរិយាបទសង្គម។ តាមរយៈយុទ្ធនាការនេះ គឺធ្វើឡើងដោយមានការផ្សព្វផ្សាយតាមបណ្ដាញសង្គម ដើម្បីលើកកម្ពស់ការយល់ដឹងពីសារៈសំខាន់ ក៏ដូចជាការចូលរួមក្នុងការថែរក្សាសម្បត្តិធម្មជាតិ។សម្រាប់ការបើកយុទ្ធនាការ នាព្រឹកនេះ លោកស្រី វីណា រេដឌី នាយិកាបេសកកម្ម USAID លើកឡើងថា យុទ្ធនាការនេះគឺបង្ហាញពីភាពជាដៃគូរបស់ទីភ្នាក់ងារជំនួយអាមេរិក USAID នៅក្នុងវិស័យបរិស្ថាននៅកម្ពុជា ក៏ដូចជាការបន្តប្ដេជ្ញាចិត្ត ក្នុងការអភិរក្សជីវៈចម្រុះដ៏មានសារសំខាន់នៅកម្ពុជា។ លោកស្រី សង្ឃឹមថា យុទ្ធនាការនេះនឹងមានការចូលរួមជាច្រើនពីប្រជាពលរដ្ឋគ្រប់រូប ជាពិសេសយុវជន ដើម្បីលើកកម្ពស់ការយល់ដឹង និងជួយលើកទឹកចិត្តឱ្យប្រជាពលរដ្ឋកម្ពុជាកាន់តែច្រើន ចូលរួមការពារសម្បត្តិធម្មជាតិ។យុទ្ធនាការការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម នេះគឺនឹងធ្វើឡើងដោយប្រើប្រាស់បណ្ដាញទំនាក់ទំនងសង្គមក្នុងការផ្សព្វផ្សាយ ។ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានបញ្ជាក់ថា យុទ្ធនាការនេះ គឺស្របទៅនឹងផែនការសកម្មភាព នយុទ្ធសាស្ត្រគាំពារបរិស្ថានរបស់រាជរដ្ឋាភិបាលកម្ពុជា ហើយយុទ្ធនាការនេះ នឹងផ្សព្វផ្សាយពីសម្រស់ ក៏ដូចជាមុខងារ និងតម្លៃរបស់ប្រព័ន្ធអេកូឡេស៊ី និងបង្ហាញពីការរស់នៅរបស់ប្រជាជនក្នុងសហគមន៍ផងដែរ។ឯកឧត្តម រដ្ឋលេខាធិការ បានលើកឡើងដែរថា ក្រៅពីយុទ្ធនាការដើម្បីជំរុញការផ្សព្វផ្សាយនេះ ក្រសួងក៏មានមន្ត្រីឧទ្យានុរក្សប្រចាំការ ការពារតំបន់ទាំងនោះផងដែរ។តាមទិន្នន័យរបស់ USAID បង្ហាញថា តំបន់ទេសភាពព្រៃឡង់ និងតំបន់ជុំវិញលាតសន្ធឹងលើផ្ទៃដីប្រមាណ ៣,៣ លានហិកតា គ្របដណ្ដប់លើខេត្តចំនួន ៤ រួមមាន ខេត្ត ព្រះវិហារ ខេត្តកំពង់ធំ ក្រចេះ និងខេត្តស្ទឹងត្រែង។ តំបន់ព្រៃឡង់នេះ មានព្រៃស្រោង ការប្រើប្រាស់ដីចម្រុះ តំបន់ការពារ ដីឯកជន និងរដ្ឋ សហគមន៍តំបន់ការពារធម្មជាតិ តំបន់ទាំងនេះ កំពុងប្រឈមការគំរាមកំហែងពីការកាប់បំផ្លាញព្រៃឈើ ការកាប់ឈើខុសច្បាប់ ក៏ដូចជាការបរបាញ់និងការជួញដូរសត្វព្រៃ និងការប្រែប្រួលអាកាសធាតុផងដែរ៕

កម្ពុជាចំណាយថវិកាសម្រាប់ជំនួយសង្គម លើផែនការដែលបានគ្រោងទុក

ភ្នំពេញ ៖ រាជរដ្ឋាភិបាលកម្ពុជាចំណាយថវិកា សម្រាប់ជំនួយសង្គម ក្នុងទំហំទឹកប្រាក់ប្រមាណជាង ៨៥៧ ប៊ីលានរៀល ត្រូវប្រមាណជាង ១៦៧% ពោលគឺលើសផែនការដែលបានគ្រោងទុក ក្នុងគោលដៅ លើកកម្ពស់កម្រិតជីវភាពរស់នៅរបស់ប្រជាជនក្រីក្រ និងងាយរងគ្រោះ ដើម្បីពង្រឹងសមត្ថភាពប្រជាពលរដ្ឋទាំងនោះ រក្សាបាននូវស្ថិរភាពប្រាក់ចំណូល ក្នុងស្ថានភាពសេដ្ឋកិច្ច ដែលមានការប្រកួតប្រជែងខ្លាំង។តាមរបាយការណ៍ស្ថិតិហិរញ្ញវត្ថុរដ្ឋាភិបាលថ្នាក់ជាតិ ប្រចាំខែ កក្កដា ឆ្នាំ ២០២០ បានបង្ហាញឲ្យដឹងថា ពាក់ព័ន្ធអត្ថប្រយោជន៍ជំនួយសង្គម ដោយកម្ពុជាក៏ដូចពិភពលោកកំពុងរងនូវផលប៉ះពាល់នៃជំងឺកូវីដ–១៩ នេះ, គិតត្រឹមរយៈពេល ៧ខែ ដើមឆ្នាំ២០២០ នេះ រាជរដ្ឋាភិបាលបានចំណាយថវិកាសរុបជាង ៨៥៧ ប៊ីលានរៀល ត្រូវប្រមាណជាង ១៦៧% នៃច្បាប់ហិរញ្ញវត្ថុឆ្នាំ២០២០ ក្នុងនោះបើគិតក្នុងរយៈពេលដូចគ្នាទៅឆ្នាំ២០១៩ បានចំណាយថវិកា ប្រមាណជាង ២៣០ ប៊ីលានរៀល ត្រូវប្រមាណជាង ៤៥% ប៉ុណ្ណោះ ។ទាក់ទងនិងការចំណាយថវិកា សម្រាប់ជំនួយសង្គមនេះ ក្នុងនោះនៅក្នុងខែ មករា ចំណាយប្រមាណជិត ៤០០ លានរៀល, ខែ កុម្ភៈ ជាង ៣ ប៊ីលានរៀល, ខែ មីនា ជាង ២៩ ប៊ីលានរៀល, ខែ មេសា ជាង ១៤៥ ប៊ីលានរៀល, ខែ ឧសភា ជាង ៣៧ ប៊ីលានរៀល, ខែ មិថុនា ជិត ៥៥០ ប៊ីលានរៀល និងក្នុងខែ កក្កដា មានចំនួនជាង ៩១ ប៊ីលានរៀល សរុបទាំងមានទំហំទឹកប្រាក់ជាង ៨៥៧ ប៊ីលានរៀល ។សូមបញ្ជាក់ថា ៖ សម្រាប់ការចំណាយថវិកា ជំនួយសង្គម គឺជាកម្មវិធីគាំទ្រដល់ការសម្រេចគោលដៅអភិវឌ្ឍន៍ជាអាទិភាពរបស់កម្ពុជា រួមមាន ៖ កំណើនប្រកបដោយបរិយាប័ន្ន ការកាត់បន្ថយភាពក្រីក្រ និងពិពិធកម្មសេដ្ឋកិច្ច។ វត្តមានរបស់ប្រព័ន្ធជំនួយសង្គម រួមចំណែកក្នុងការជំរុញកំណើនផលិតភាពក្នុងសេដ្ឋកិច្ច តាមរយៈការផ្លាស់ប្តូរជីវភាពរបស់ប្រជាជនក្រីក្រ និងងាយរងគ្រោះ ទៅជាប្រជាជនដែលមានចំណូលសមរម្យ ពោលគឺការបង្វែរក្រុមប្រជាជននៃវិស័យសេដ្ឋកិច្ចក្រៅប្រព័ន្ធទៅក្នុងប្រព័ន្ធ។ កម្មវិធីក្នុងប្រព័ន្ធជំនួយសង្គម ផ្តោតលើការផ្តល់ការគាំពារដល់ប្រជាជនក្រីក្រនិងងាយរងគ្រោះ ក្នុងនោះត្រូវបានបែងចែកជាបីក្រុមគឺ (១) ប្រជាជនដែលរស់នៅក្រោមបន្ទាត់នៃភាពក្រីក្រ (២) ប្រជាជនរស់នៅក្បែរបន្ទាត់នៃភាពក្រីក្រ ដែលមានការប្រឈមខ្ពស់ពេលមានវិបត្ដិ និង (៣) ប្រជាជនដែលងាយរងគ្រោះ ដែលរួមមាន ៖ ទារកនិងកុមារ ស្ត្រីមានផ្ទៃពោះ គ្រួសារដែលខ្វះអាហារូបត្ថម្ភ ជនពិការ និងជនចាស់ជរាគ្មានទីពឹង ជាពិសេសប្រព័ន្ធជំនួយសង្គម គឺការឆ្លើយតបនឹងគ្រោះអាសន្នជាដើម ៕

នាយកដ្ឋានជំនាញ៤ កំពុងបន្តរួមចំណែក ថែរក្សាសម្បត្តិបេតិកភណ្ឌជាតិ ប្រកបដោយប្រសិទ្ធភាព

ភ្នំពេញ៖ បច្ចុប្បន្ន នាយកដ្ឋានជំនាញទាំង៤របស់អគ្គនាយកដ្ឋានបេតិកភណ្ឌ នៃក្រសួងវប្បធម៌ និងវិចិត្រសិល្បៈ រួមមាននាយកដ្ឋានសារមនី្ទរ នាយកដ្ឋានគាំពារ និងអភិរក្សសំណង់បុរាណ នាយកដ្ឋានបុរាណវត្ថុ និងនាយកដ្ឋាន បុរាណវិទ្យា និងបុរេប្រវតិ្តកំពុងបន្តរួមចំណែក ការពារថែរក្សាអភិរក្សសម្បត្តិបេតិកភណ្ឌជាតិ បានរួមចំណែកការពារ ថែរក្សា អភិរក្ស សម្បតិ្តបេតិកភណ្ឌជាតិ។នាយកដ្ឋានជំនាញ៤ របស់អគ្គនាយកដ្ឋានបេតិកភណ្ឌ នៃក្រសួងវប្បធម៌ និងវិចិត្រសិល្បៈ រួមមាននាយកដ្ឋានសារមនី្ទរ នាយកដ្ឋានគាំពារ និងអភិរក្សសំណង់បុរាណ នាយកដ្ឋានបុរាណវត្ថុ និងនាយកដ្ឋាន បុរាណវិទ្យា និងបុរេប្រវត្តិ បានរួមចំណែកការពារថែរក្សាអភិរក្សសម្បតិ្តបេតិកភណ្ឌជាតិ បានរួមចំណែកការពារ ថែរក្សា អភិរក្ស សម្បតិ្តបេតិកភណ្ឌជាតិ។ លោក អ៊ុក សុខា អគ្គនាយកស្តីទី នៃអគ្គនាយកដ្ឋានបេតិកភណ្ឌ ប្រាប់ព្រឹកថ្ងៃទី៣០ កក្កដា ២០១៩នេះ ថា ជាក់ស្តែងក្នុងឆមាសទី១ ឆ្នាំ២០១៩នេះ អគ្គនាយកដ្ឋានបេតិកភណ្ឌ បានជួសជុលស្ពានទ័ព ប្រាសាទបន្ទាយឆ្មារ ប្រាសាទភ្នំជីសូរ ប្រាសាទទន្លេបាទី វត្តរកាជន្លឹង វត្តស្រីទួល និងវត្តកំពង់ព្រះ។ដោយឡែកសម្រាប់កិច្ចការពារ ថែរក្សា អភិរក្សវត្តបុរាណនេះ គោលការដែលសំខាន់ គឺរក្សាតម្លៃរបស់ជាតិ ប្រសិនបើយើងគ្មានការអភិរក្សនោះទេ តម្លៃរបស់វានឹងបាត់បង់បន្តិចម្តងៗ ហើយការងារអភិរក្សនេះ វាមានតម្លៃធំធេងដែលយើងគ្រប់គ្នាមិនអាចប៉ាន់ស្មានបានថា របស់នោះតូច ឬធំទេ ប៉ុន្តែនេះជាស្នាដៃរបស់បុព្វជំនាន់មុន បានបន្សល់ទុក ហើយយើងជាមនុស្សជំនាន់ក្រោយ ត្រូវតែធ្វើកិច្ចការងារនេះបន្ត ទុកជូនដល់មនុស្សជំនាន់ក្រោយឲ្យបានយល់ដឹងអំពីតម្លៃដែលដូនយើងបានបន្សល់ទុក។បើតាមលោក វឿន វុទី្ធ នាយកដ្ឋាន បុរាណវិទ្យា និងបុរេប្រវតិ្ត បានធ្វើបទបង្ហាញស្តីពីការគ្រប់គ្រង និងការដោះស្រាយវិវាទស្ថានីយ៍បុរាណ ថា សម្រាប់ការជួបជុំគ្នានាពេល គឺចង់ចែករំលែកបទពិសោធន៍ក្នុងការដោះស្រាយគ្រប់គ្រងស្ថានីយ ប៉ុន្តែក្នុងនាមយើងជាមន្រី្តអនុវត្តន៍ មុនឈានដល់ការគ្រប់គ្រងស្ថានីយបុរាណ ត្រូវស្វែងយល់ថា ដូម្តេចហៅថាបុរាណដ្ឋាន ទួលបុរាណ ឬស្ថានីយបុរាណវិទ្យា។ ជាចុងក្រោយអគ្គនាយកស្តីទី នៃអគ្គនាយកដ្ឋានបេតិកភណ្ឌ រូបនោះ ថា កិច្ចការទាំងអស់នេះមិនមែនតែក្រសួងវប្បធម៌ និងវិចិត្រសិល្បៈ សម្រាប់ធ្វើកិច្ចការងារអភិរក្សពីតម្លៃរបស់ជាតិ តែម្នាក់ឯងនោះទេ គឺត្រូវមានការចូលរួមពីប្រជាពលរដ្ឋទូទៅ ពិព្រោះថាទ្រព្យសម្បតិ្តនោះមិនមែនជារបស់អ្នកណាម្នាក់ទេ គឺជារបស់មនុស្សទូទៅ របស់សង្គមទូទៅ ដែលយើងត្រូវប្រតិបតិ្តទាំងអស់គ្នា៕

បណ្ដាញសង្គម

ព័ត៌មានថ្មីៗ

ក្រសួងប្រៃសណីយ៍ អំពាវនាវពលរដ្ឋបង្កើនការប្រុងប្រយ័ត្នចំពោះការឆបោកតាមបណ្ដាញសង្គមនានា ក្រោមរូបភាព “មើលវីដេអូដើម្បីទទួលបានប្រាក់”

Haaland ទទួលវិញ្ញាបនបត្រ Guinness World Records ចំនួន ៧ មុនរដូវកាលថ្មី

អ៊ីរ៉ង់ នឹងផ្លាស់ប្តូរសង្គ្រាមទៅជាដំណាក់កាលវាយលុក ប្រសិនបើលក្ខខណ្ឌនានាមិនត្រូវបានបំពេញ

ភ្លៀងធ្លាក់ខ្លាំងបណ្តាលឲ្យមានមនុស្សស្លាប់ និងមនុស្សរាប់ពាន់នាក់ជាប់គាំងនៅអាកាសយានដ្ឋានអន្តរជាតិ ប្រទេសជប៉ុន

តម្លៃប្រេងកើនឡើងបន្តិចវិញ ក្រោយការគំរាមរក្សាការបិទផ្លូវដោយកងទ័ពជើងទឹកអាមេរិកប្រឆាំងអ៊ីរ៉ង់

រុស្ស៊ី ទាមទារឱ្យមានការដកចេញការបិទផ្លូវសមុទ្រ និងដីគោករបស់ប្រទេសយេម៉ែន

លោក Jared Kushner នឹងទៅកាន់អ៊ីស្រាអែល និងអេហ្ស៊ីបសប្តាហ៍ក្រោយ ដើម្បីពិភាក្សាពីផែនការសន្តិភាពហ្កាហ្សា

សហរដ្ឋអាមេរិក ប៉ាណាម៉ា និងដៃគូក្នុងតំបន់ បញ្ចប់សមយុទ្ធការពារព្រែកជីកពហុជាតិសាសន៍

ប្រធានាធិបតីម៉ិកស៊ិក៖ ប្រទេសកូឡុំប៊ី បានច្រានចោលក្រុមជួយសង្គ្រោះរញ្ជួយដីរបស់ខ្លួន

Doku បន្តកិច្ចសន្យា ៥ ឆ្នាំជាមួយ Manchester City និងសរសើររបៀបដឹកនាំរបស់ Maresca

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ដំណើរទស្សនកិច្ចរបស់មន្ត្រីអាមេរិកទៅកោះតៃវ៉ាន់ជាការបង្ករឿងខាងនយោបាយដល់ប្រទេសចិន

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

កម្ពុជាចំណាយថវិកាសម្រាប់ជំនួយសង្គម លើផែនការដែលបានគ្រោងទុក

នាយកដ្ឋានជំនាញ៤ កំពុងបន្តរួមចំណែក ថែរក្សាសម្បត្តិបេតិកភណ្ឌជាតិ ប្រកបដោយប្រសិទ្ធភាព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​អះ​អាង​ថា ទណ្ឌកម្ម​ថ្មី​របស់​សហរដ្ឋ​អាមេរិក​នឹង​រារាំង​ដល់​កិច្ច​ប្រជុំ​រុស្ស៊ី​-​អាមេរិក

ការ​ប្រមូល​ពន្ធ​លើ​ប្រាក់ចំណូល និង​ប្រាក់ចំណេញ បាន​ហក់​ឡើង​ខ្ពស់

លោក​ស្រី មឺគែល ​​អំពាវនាវ​ឲ្យ​មាន​ការ​ពង្រីក​ក្រុម​ប្រឹក្សា​​សន្តិសុខ​​អង្គការ​សហប្រជាជាតិ​

ដំណើរ​ទស្សនកិច្ច​​របស់​​មន្ត្រី​អាមេរិក​ទៅ​កោះ​តៃវ៉ាន់​ជា​ការ​បង្ក​រឿង​​ខាង​នយោបាយ​ដល់​ប្រទេស​ចិន​

ពលរដ្ឋ​ខេត្តស្វាយរៀង ស្នើឱ្យ​មន្ត្រី​ជំនាញ​ចុះ​ពិនិត្យ​ចំណីអាហារ​ឱ្យ​បាន​ញឹកញាប់​

កម្ពុជា​ចំណាយ​ថវិកា​សម្រាប់​ជំនួយ​សង្គម ​លើ​ផែន​ការដែល​បាន​គ្រោង​ទុក

នាយកដ្ឋាន​ជំនាញ​៤ កំពុង​បន្ត​រួមចំណែក ថែរក្សា​សម្បត្តិ​បេតិកភណ្ឌ​ជាតិ ប្រកបដោយ​ប្រសិទ្ធភាព​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ

ដំណើរទស្សនកិច្ចរបស់មន្ត្រីអាមេរិកទៅកោះតៃវ៉ាន់ជាការបង្ករឿងខាងនយោបាយដល់ប្រទេសចិន

ពលរដ្ឋខេត្តស្វាយរៀង ស្នើឱ្យមន្ត្រីជំនាញចុះពិនិត្យចំណីអាហារឱ្យបានញឹកញាប់

កម្ពុជាចំណាយថវិកាសម្រាប់ជំនួយសង្គម លើផែនការដែលបានគ្រោងទុក

នាយកដ្ឋានជំនាញ៤ កំពុងបន្តរួមចំណែក ថែរក្សាសម្បត្តិបេតិកភណ្ឌជាតិ ប្រកបដោយប្រសិទ្ធភាព