BTV NEWS

សម្ដេចធិបតី៖ មន្ត្រីជាអ្នកបម្រើរាស្ត្រ មិនមែនជាចៅហ្វាយរាស្ត្រទេ

សម្ដេចតេជោ ហ៊ុន សែន ចែករំលែកអត្ថបទអ្នកស្រាវជ្រាវថៃ ក្រោមចំណងជើងថា «មនុស្សធម៌ខ្វះការអាណិតអាសូរ»

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ព័ត៌មានសំខាន់ៗ

សម្តេច ស ខេង ថ្លែងថា គ្មានការលើកលែងចំពោះបុគ្គលដែលផ្តល់ និងកាន់នូវឯកសារកម្ពុជាមិនត្រឹមត្រូវ

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានថ្លែងអះអាងថា ចាប់ពីពេលនេះតទៅគ្មានការលើកលែងចំពោះមន្រ្តីណា ដែលបានផ្តល់នូវឯកសារសញ្ជាតិ កម្ពុជាមិនត្រឹមត្រូវដល់ជនបរទេសនោះឡើយ ខណៈរហូតមកដល់ពេលនេះអគ្គនាយដ្ឋានអន្តោប្រវេសន្តដកហូតឯកសាររដ្ឋបាលកម្ពុជាមិនប្រក្រតី ដែលកាន់កាប់ដោយជនបរទេសបានចំនួន ៣៧,៤៤១ច្បាប់ និងបណ្ដេញទៅប្រទេសគេវិញជិតពីរម៉ឺននាក់ហើយនោះ។ថ្លែងនៅក្នុងកម្មវិធីប្រជុំផ្សព្វផ្សាយលទ្ធផលការងារ ដកហូតឯកសាររដ្ឋបាលកម្ពុជាមិនប្រក្រតីដែលជនបរទេសកាន់កាប់ប្រើប្រាស់ និងការទទួលពាក្យសុំប្រកាសទទួលស្គាល់ជាជនបរទេសអន្តោរប្រវេសន្ត និងប័ណ្ណស្នាក់នៅអចិន្រ្តៃយ៍នាព្រឹកថ្ងៃទី១៧ ខែកក្កដា ឆ្នាំ២០១៩ នៅក្រសួងមហាផ្ទៃសម្តេចក្រឡាហោម ស ខេង បានលើកឡើងថា ចាប់ពីពេលនេះតទៅត្រូវតែលុបបំបាត់ចំពោះការផ្តល់នូវឯកសារឬអត្តសញ្ញាណដល់ជនបរទេសដោយគ្មានអនុក្រឹត្យឬរាជក្រឹត្យ បើពុំដូច្នេះទេនឹងទទួលទោសទៅតាមច្បាប់ជាធរមាន។សម្តេចបានសង្កត់ធ្ងន់ថា«កាលពីកន្លងទៅមានករណីនេះច្រើនណាស់ ចំពោះការផ្តល់ នូវឯកសារគ្មានរាជក្រឹត្យត្រឹមត្រូវដល់ជនបរទេស ហើយក្នុងនាមជាមន្រ្តីអនុវត្តន៍ច្បាប់ត្រូវ បញ្ឈប់ដាច់ខាត់បើពុំដូច្នេះទេនឹងត្រូវទទួលទោសទៅតាមច្បាប់»។ទាក់ទងនឹងករណីនៃការផ្តល់នូវឯកសារមិនប្រក្រតីនេះដែរឯកឧត្តម គៀត ច័ន្ទថារិទ្ធ អគ្គនាយកនៃអគ្គនាយកដ្ឋាននគរបាលអន្តរប្រវេសន្តបានបញ្ជាក់ថា នាពេលកន្លងទៅ មានមន្រ្តីខិលខូចបានផ្តល់នូវឯកសារមិនប្រក្រតីទាំងនោះច្រើនដល់ជនបរទេសជា ពិសេសគឺជនជាតិវៀតណាមតែម្តង។ តែយ៉ាងណាក៏ដោយចាប់ពីពេលនេះតទៅគឺនឹងគ្មានបន្តទៀតនោះឡើយ។យោងតាមឯកសាររបស់អគ្គនាយកដ្ឋានអន្តោរប្រវេសន្តបានឲ្យដឹងថារហូតមកដល់ពេលនេះអាជ្ញាធរបានដកហូតឯកសាររដ្ឋបាលកម្ពុជាមិនប្រក្រតីដែលកាន់កាប់និងប្រើប្រាស់ដោយជនបរទេសគឺមានចំនួន៣៧,៤៤១ច្បាប់ ក្នុងចំនួន២០,០៩៣គ្រួសារ មនុស្សរួមចំនួន៦៩,៨៧១នាក់។ ជាមួយគ្នានោះឯកសារដដែលបានឲ្យដឹងផងដែរថា នគរបាលអន្តប្រវេសន្តក៏បានទទួលពាក្យ សុំប្រកាសទទួលស្គាល់ជនបរទេសអន្តោប្រវេសន្ត និងប័ណ្ណស្នាក់នៅអចិន្ត្រៃយ៍នៅកម្ពុជាចំនួន៦០៥៦១ឯកសារ ដោយមានមនុស្ស២៨៥៧២ គ្រួសារ និងមានសមាជិកសរុប ៨៨,១១២នាក់ មាន ១១សញ្ជាតិ ហើយតជនបរទេសរស់នៅកម្ពុជាសព្វថ្ងៃមានចំនួន៨៨,១១២នាក់ បើបូកទាំងជនបរទេស កំពុងជាប់ពន្ធនាគារទៀត គឺស្នើនឹង៩ម៉ឺននាក់៕

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

ភ្នំពេញ៖ ឯកឧត្ដម វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ នៅថ្ងៃទី០៦ ខែមីនា ឆ្នាំ២០១៩នេះ បានបើកកិច្ចប្រជុំពិគ្រោះយោបល់កម្រិតគោលនយោបាយលើកទី៣ រវាងរាជរដ្ឋាភិបាលកម្ពុជា និងទីភ្នាក់ងារបារាំងសម្រាប់ការអភិវឌ្ឍន៍(AFD)។ ក្នុងនោះ កម្ពុជាកំពុងពិនិត្យលទ្ធភាពដើម្បីស្នើឱ្យភាគីបារាំងផ្តល់កម្ចីច្រើនជាង១០០លានអឺរ៉ូដែលស្មើនឹងជាង១១០លានដុល្លារ។ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ម្ពុជាកំពុងពិភាក្សាអំពីគម្រោងកម្ខីពីរាជរដ្ឋាភិបាលបាំងបន្ថែមទៀតដើម្បីឆ្លើយតបនឹងតម្រូវការអភិវឌ្ឍន៍សេដ្ឋកិច្ចប្រទេសកម្ពុជាដែលតម្រូវការទឹកប្រាក់ពីបារាំងច្រើនជាង១០០លានអឺរ៉ូដែលស្មើប្រមាណ១១០លានដុល្លារអាមេរិក។សម្រាប់កម្ចីនេះ កម្ពុជាបានផ្តោតការអភិវឌ្ឍន៍ទៅលើគម្រោងធំៗដូចជា ការអភិវឌ្ឍន៍នគរូបនីយកម្ម វិស័យអគ្គិសនី បញ្ហាផ្គត់ផ្គង់ទឹក និងការរៀបចំគ្រប់គ្រងទីក្រុង ការបណ្តុះបណ្តាលវិជ្ជាជីវៈដែលជាចំណុចសំខាន់ សម្រាប់ការធ្វើពិពិធកម្មសេដ្ឋកិច្ច ភាពប្រកួតប្រែងរបស់កម្ពុជា ក៏ដូចជាការពង្រីកធនធានទឹកជាដើម ។សូមបញ្ជាក់ថា ទីភ្នាក់ងារបារាំងសម្រាប់ការអភិវឌ្ឍ(AFD) បានផ្តល់ជាកម្ចី និងជំនួយឥតសំណង។ ក្នុងនោះ ឯកឧត្តម វង្សី វិស្សុត បន្តថា តាមរយៈកិច្ចសហប្រតិបត្តិការរវាងកម្ពុជា និងបារាំងនេះ បានធ្វើឱ្យបារាំងក្លាយជាអ្នកផ្តល់ហិរញ្ញប្បទានធំមួយដល់កម្ពុជា ក្នុងនោះ បារាំងបានផ្តល់ជំនួយពី៤ ទៅ៥ លានដុល្លារក្នុងមួយឆ្នាំ និងផ្តល់ប្រាក់កម្ចីហិរញ្ញសម្បទានចំនួន១០០លានអឺរ៉ូដែលស្មើនឹងជាង១១០លានដុល្លារនៅក្នុងមួយឆ្នាំៗ៕

សម្តេចតេជោ ហ៊ុន សែន បន្តអញ្ជើញចុះសួរសុខទុក្ខ និងចែកអំណោយជូនពលរដ្ឋរងគ្រោះជំនន់ទឹកភ្លៀង នៅស្រុកអូរជ្រៅ និងម៉ាឡៃ១ម៉ឺនគ្រួសារទៀត

បន្ទាយមានជ័យ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវ ដល់ប្រជាពលរដ្ឋ អាជ្ញាធរដែនដីគ្រប់ជាន់ថ្នាក់នៅទូទាំងប្រទេស បន្ទាប់ពីទឹកស្រកទៅវិញ ត្រូវយកចិត្តទុកដាក់ប្រឹងប្រែង ស្តារជីវភាព និងការខូចខាតឡើងវិញ។ក្នុងឱកាសបន្តបេសកកម្មសួរសុខទុក្ខ និងចែកអំណោយសង្គ្រោះបន្ទាន់ជូនប្រជាពលរដ្ឋរងគ្រោះ ដោយជំនន់ទឹកភ្លៀងក្នុង ខេត្តបន្ទាយមានជ័យ នៅព្រឹកថ្ងៃទី២៤ ខែតុលានេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានជំរុញឱ្យអាជ្ញាធរ និងប្រជាពលរដ្ឋ យកចិត្តទុកដាក់ប្រឹងប្រែងការស្ដារ ជីវភាព និងការខូចខាតហេដ្ឋារចនា សម្ព័ន្ធនានា ជាពិសេសសាលារៀន ត្រូវត្រួតពិនិត្យមើលឱ្យបានត្រឹម ត្រូវ ចៀសវាងមានការបែកបាក់បង្កគ្រោះថ្នាក់ដល់សិស្ស ពេលបើកសាលារៀនចូលសិក្សាឡើងវិញ។ខេត្តបន្ទាយមានជ័យ ជាខេត្តមួយដែលបានរងគ្រោះធ្ងន់ធ្ងរជាងគេ ក្នុងចំណោមរាជធានីខេត្តចំនួន ១៩ ដោយសារជំនន់ទឹកភ្លៀង ដែលក្នុងស្ថានភាពដ៏គួរឱ្យអាណិតអាសូរនេះ សម្ដេចតេជោ និងសម្តេចកិត្តិព្រឹទ្ធបណ្ឌិត និងថ្នាក់ដឹកនាំគ្រប់ជាន់ថ្នាក់គណបក្សប្រជាជនកម្ពុជា អាជ្ញាធរ កងកម្លាំងប្រដាប់អាវុធគ្រប់ ប្រភេទ បាននឹងកំពុងយកចិត្តទុកដាក់ទាំងថ្ងៃទាំងយប់ ដើម្បីដោះស្រាយទុក្ខលំបាករបស់ប្រជាពលរដ្ឋ៕អត្ថបទ៖ មុត សុទ្ធ

សម្តេចតេជោ ថ្លែងថា សម្ដេចមានលទ្ធភាពពន្លត់ភ្លើងសង្គ្រាមតែគ្មានលទ្ធភាពពន្លត់ក្រុមពួកអាសិរពិស

បន្ទាយមានជ័យ ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា សម្ដេចមានលទ្ធភាពត្រឹមពន្លត់ភ្លើងសង្គ្រាម ប៉ុណ្ណោះ ប៉ុន្តែគ្មានលទ្ធភាពពន្លត់ក្រុមពួកអាសិរពិស ដែលតែងតែទាមទារឱ្យសម្ដេចចុះចេញពីតំណែងបានឡើយ។ក្នុងពិធីសំណេះសំណាល និងចែកអំណោយដល់ប្រជាពលរដ្ឋរងគ្រោះដោយជំនន់ទឹកភ្លៀង ក្នុង ស្រុកម៉ាឡៃ ខេត្តបន្ទាយមានជ័យ នៅព្រឹកថ្ងៃទី២៤ ខែតុលានេះ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបញ្ជាក់ថា សម្ដេច បានឡើងកាន់តំណែង គឺតាមការបោះឆ្នោតគាំទ្រពីប្រជាពលរដ្ឋ ហើយបើសិនជាចុះវិញ ក៏តាមការបោះឆ្នោតដែរ។នៅពេលមានវត្តមានលើទឹកដីស្រុកម៉ាឡៃនេះ សម្ដេចតេជោ ក៏បានរំលឹកអំពីនយោបាយឈ្នះ ឈ្នះ ដែលចាប់ផ្ដើមពីទីនេះ ដោយសម្ដេច បានបញ្ជាក់ថា នយោបាយឈ្នះ ឈ្នះ បើគ្មានតួអង្គអ៊ីឈានទេ មិន អាចចាប់ផ្ដើមបានឡើយ។ ដូច្នេះ ២៤ឆ្នាំក្រោយនេះ កម្ពុជា បានឯកភាពទឹកដីជាលើកដំបូងក្នុងប្រវត្តិសាស្ត្រ ដែលតែងតែមានសង្គ្រាមអូសបន្លាយរាប់រយឆ្នាំមកនោះ ហើយបន្ទាប់ពីសមាហរណកម្ម តំបន់ម៉ាឡៃ និងបណ្ដាស្រុកតាមខ្សែបន្ទាត់ព្រំដែននេះ បានប្រែក្លាយពីតំបន់សមរភូមិប្រយុទ្ធដ៏ស្រួច ស្រាវពីអតីតកាល មកជាតំបន់អភិវឌ្ឍន៍រីកចម្រើន។ជាមួយនឹងការថ្លែងអំណរគុណដល់ប្រជាពលរដ្ឋស្រុកម៉ាឡៃ ក៏ដូចជា អ្នកខេត្តបន្ទាយមានជ័យ ទាំងមូល ដែលបានបោះឆ្នោតគាំទ្រគណបក្សប្រជាជនកម្ពុជា សម្តេចតេជោ បានអំពាវនាវឱ្យប្រជាពលរដ្ឋ បន្តគាំទ្របោះឆ្នោតជូនគណបក្សប្រជាជនកម្ពុជា នៅឆ្នាំ២០២៣ ជាបន្តទៀត ដើម្បីបន្តរួមសុខរួមទុក្ខ ជាមួយគ្នាតទៅទៀត៕អត្ថបទ ៖ មុត សុទ្ធ

សម្តេចកិត្តិព្រឹទ្ធបណ្ឌិត មានប្រសាសន៍ថា គ្រោះធម្មជាតិមិនអាចអ្នកណាហាមឃាត់បានទេ តែយើងមានសមត្ថភាពអាចសង្គ្រោះពលរដ្ឋរងគ្រោះ

ភ្នំពេញ ៖ ក្នុងពិធីសំណេះសំណាល និងចែកអំណោយដល់ពលរដ្ឋរងគ្រោះដោយជំនន់ទឹកភ្លៀងនៅខណ្ឌច្បារអំពៅ ១.២៥០គ្រួសារ មកពី៦សង្កាត់ នៅព្រឹកថ្ងៃទី២៥ តុលានេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មានប្រសាសន៍ថា គ្រោះធម្មជាតិនានា គឺមិនអាចមានអ្នកណា ហាមឃាត់បានទេ តែយើងមានសមត្ថភាព អាចជួយសង្គ្រោះប្រជាពលរដ្ឋរងគ្រោះពីគ្រោះមហន្តរាយបានទាន់ពេលវេលា។នៅក្នុងឱកាសចែកអំណោយមនុស្សធម៌នេះ សម្តេច ក៏បានពាំនាំនូវព្រះរាជបណ្ដាំផ្ញើសួរសុខទុក្ខពីព្រះវររាជមាតាជាតិខ្មែរ ព្រះប្រធានកិត្តិយស ក៏ដូចជា ព្រះករុណាព្រះមហាក្សត្រជូនចំពោះជនរួមជាតិដែលជានិច្ចកាលព្រះអង្គទាំងទ្វេតែងតែយកព្រះទ័យទុកដាក់គិតគូរអំពីសុខទុក្ខ របស់ប្រជារាស្ត្រ នៅគ្រប់ទីកន្លែង ជាពិសេសក្នុងស្ថានភាពដែលជួបគ្រោះមហន្តរាយនានា។សម្ដេច បានសំដែងនូវសេចក្តីអាណិត និងរីករាយដែលបានមកជួបសំណេះសំណាល និងចែកអំណោយ និងសួរសុខទុក្ខចំពោះបងប្អូនប្រជាពលរដ្ឋរងគ្រោះដោយផ្ទាល់ ហើយសម្តេច បញ្ជាក់ថា នេះបានបង្ហាញឱ្យឃើញអំពីការរួមសុខរួមទុក្ខរបស់កាកបាទក្រហម ក៏ដូចជា រាជរដ្ឋាភិបាល និងមន្ត្រីគណបក្សប្រជាជនកម្ពុជា ដែលជានិច្ចកាលតែងតែនៅជាមួយប្រជាជនគ្រប់ការលំបាក ។អំណោយទាំងនេះ គ្រាន់តែជួយសម្រាលនូវការលំបាកបានមួយគ្រា ប៉ុណ្ណោះ ប៉ុន្តែអ្វីដែលសំខាន់បងប្អូនត្រូវខិតខំបង្កបង្កើនផលស្តារការខូចខាត ប្រកបរបរចិញ្ចឹមជីវិតជាថ្មីឡើងវិញ បន្ទាប់ពីទឹកស្រក។ សម្តេច បានបន្តថា នៅទូទាំងពិភពលោក គឺគ្មានប្រទេសណាអាចទប់ស្កាត់ ហាមឃាត់មេឃ មិនឱ្យមានព្យុះ ភ្លៀង ខ្យល់គ្រោះទឹកជំនន់ និងគ្រោះមហន្តរាយផ្សេងៗបានទេ ហើយប្រទេសជិតខាងយើងក៏កើតមាន និងធ្ងន់ធ្ងរជាងយើងទៅទៀត។សម្តេចកិត្តិព្រឹទ្ធបណ្ឌិត បានបន្តថា កាកបាទក្រហមកម្ពុជា មានលទ្ធភាពអាចធ្វើសកម្មភាពទៅបានទាំងពេលបច្ចុប្បន្ន និងកន្លងមក ក៏អាស្រ័យដោយការចូលរួមគាំទ្រពីសប្បុរសជននានា ជាសំភារៈ ថវិកា ដើម្បីយកទៅទិញសំភារៈមកចែកជូនដោយផ្ទាល់ដៃ ឱ្យបានទាន់ពេលវេលា ដោយមិនប្រកាន់ពណ៌ សម្បុរ បក្សពួក ឬនិន្នាការនយោបាយអ្វីឡើយ ហើយអំណោយចែកជូននៅថ្ងៃនេះ សម្តេចក៏បានសុំការអធ្យាស្រ័យដល់បងប្អូននៅសង្កាត់ពីរទៀត ដែលមិនជន់លិច សូមកុំមានការច្រណែននឹងបងប្អូនទាំង១.២៥០គ្រួសារនេះ។សម្តេចកិត្តិព្រឹទ្ធបណ្ឌិត បានបន្តថា គ្រោះជំនន់ទឹកភ្លៀងនេះ រាជរដ្ឋាភិបាល កាកបាទក្រហម អាជ្ញាធរ កងកម្លាំងប្រដាប់អាវុធគ្រប់ថ្នាក់ រួមទាំងយុវជនកាកបាទក្រហម កាយរឹទ្ធិ ព្រះសង្ឃ និងសប្បុរសជន បានសស្រាក់សស្រាំ ធ្វើសកម្មភាពព្រមៗគ្នា ទាំងថ្ងៃទាំងយប់ ក្នុងការជួយសង្គ្រោះប្រជាពលរដ្ឋមកកាន់ទីទួលសុវត្ថិភាព និងបង្កលក្ខណៈចែកជូននូវអំណោយសង្គ្រោះបន្ទាន់នៅគ្រប់ទីកន្លែង ក្នុងចំណោមខេត្ត ក្រុង ដែលជន់លិចចំនួន១៩ ។ ខេត្តក្រុងដែលធ្ងន់ធ្ងរជាងគេ គឺបន្ទាយមានជ័យ បាត់ដំបង ពោធិ៍សាត់ ប៉ៃលិន ដែលខេត្តក្រុងទាំងបួននេះ កាកបាទបានបញ្ជូនថវិកា ១០០លានរៀល ដើម្បីធ្វើសកម្មភាពជាបន្ទាន់ ហើយក្រៅពីនោះ ក៏មានសកម្មភាពចុះជួយជាច្រើនតាមរយៈមន្ត្រីរាជរដ្ឋាភិបាល សាខាកាកបាទក្រហម យុវជនស្ម័គ្រចិត្ត ព្រះសង្ឃ និងសប្បុរសជននានាផងដែរ។ក្នុងស្ថានភាព នៃគ្រោះទឹកជំនន់ដែលមិនទាន់មានការស្រកអស់នៅឡើយនេះ សម្តេច ក៏បានផ្ដាំផ្ញើដល់ពុក ម៉ែ បងប្អូនប្រជាពលរដ្ឋរងគ្រោះនៅគ្រប់ទីកន្លែង សូមមេត្តាប្រុងប្រយ័ត្ន កូនចៅ កុំឱ្យមានការលង់ទឹក ការពារប្រសើរជាងព្យាបាលដោយ ត្រូវពិនិត្យមើលលើផ្ទះសម្បែងខ្លាចក្រែងមានសត្វអាសិរពិស ត្រូវរក្សាអនាម័យដោយត្រូវពិសារទឹកដាំឆ្អិន ចៀសវាងកើតជំងឺដង្កាត់ផ្សេងៗ បន្ថែមទៀត ។ បន្ថែមលើនេះ ទោះបីកម្ពុជា មិនមានអ្នកស្លាប់ដោយសារកូវីដ១៩ ប៉ុន្តែយើងមិនត្រូវភ្លេចខ្លួនអំពីវិធានការពារការឆ្លងកូវីដ១៩ឡើយ ព្រោះថា នៅលើពិភពលោកសព្វថ្ងៃ បណ្តាប្រទេសជាច្រើន នៅមានអ្នកឆ្លង និងស្លាប់បាត់បង់ជីវិតជាច្រើនរៀងរាល់ថ្ងៃ។សម្តេចកិត្តិព្រឹទ្ធបណ្ឌិត អមដោយសប្បុរសជន លោកជំទាវ ឯកឧត្តម ជាសមាជិក សមាជិក មន្ត្រីសាខា យុវជនស្ម័គ្រចិត្តកាកបាទក្រហម បានចែកជូនអំណោយដល់គ្រួសាររងគ្រោះនៃខណ្ឌច្បារអំពៅ មកពី៦សង្កាត់ រួមមានសង្កាត់និរោធ,វាលស្បូវ ក្បាលកោះ,ព្រែកឯង,ព្រែកថ្មី,និងសង្កាត់ព្រែកប្រា សរុប១.២៥០គ្រួសារ ដែលក្នុង១គ្រួសារៗ ទទួលបានអង្ករ៣០គ.ក, មី ត្រីខ ទឹកត្រី ទឹកស៊ីអ៊ីវ ទឹកសុទ្ធ ឃីត ដែលមានសារុង មុង ភួយ អាវយឺត អាហារសំរន់នំប៉័ង ទឹកសុទ្ធផងដែរ។អំណោយដែលបានចែកជូននៅថ្ងៃនេះ សរុបជាថវិកាអស់ជាង៥ម៉ឺន៣ពាន់ដុល្លារសហរដ្ឋអាមេរិក៕អត្ថបទ ៖ មុត សុទ្ធ

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ភ្នំពេញ៖ អង្គការ WCS បានចែកចាយរូបភាព និងវីដេអូបង្ហាញអំពីកូនក្រពើត្រី (Siamese crocodile) ដែលជាប្រភេទជិតផុតពូជបំផុត ក្នុងចំណោមប្រភេទសត្វក្រពើជិតផុតពូជបំផុតដទៃទៀត នៅលើពិភពលោក កំពុងហែលនៅក្នុងបឹងធម្មជាតិមួយ ស្ថិតក្នុងស្រុកស្រែអំបិល ខេត្តកោះកុង។រូបភាពទាំងនេះ ថតបានដោយក្រុមការពារសំបុកក្រពើត្រី នៃអង្គការ WCS ក្នុងកំឡុងពេលចុះល្បាត សហការ ជាមួយរដ្ឋបាលជលផល និងមន្ទីរកសិកម្ម រុក្ខាប្រមាញ់ និងនេសាទខេត្តកោះកុង។ក្រុមការងារខាងលើ បានប្រទះឃើញកូនក្រពើត្រីចំនួន ១៥ក្បាល ដែលកូនក្រពើនីមួយៗមានប្រវែងប្រហែល ៣០សង់ទីម៉ែត្រ កំពុងហែលនៅក្នុងបឹងធម្មជាតិ ក្នុងតំបន់ដីសើមដែលជាទីជម្រកដ៏សំខាន់មួយរបស់ក្រពើប្រភេទនេះ។ ក្រុមការងារ បានកត់សម្គាល់ឃើញថា ដោយសារក្នុងឆ្នាំនេះមានភ្លៀងធ្លាក់តិច បឹងនៅក្នុងតំបន់ដីសើមនេះកាន់តែរាក់ទៅៗដែលធ្វើឱ្យប៉ះពាល់ដល់ទីជម្រករបស់វាក្នុងរយៈពេលប៉ុន្មានឆ្នាំកន្លងមកនេះ។ក្រពើត្រី ត្រូវបានកត់ត្រាចូលក្នុងបញ្ជីក្រហមរបស់អង្គការ IUCN ជាប្រភេទជិតផុតពូជបំផុតនៅលើពិភពលោក។ អ្នកវិទ្យាសាស្ត្រ បានរកឃើញវត្តមានរបស់វានៅទូទាំងតំបន់អាស៊ីអាគ្នេយ៍ ក៏ប៉ុន្តែ បច្ចុប្បន្នវត្តមានរបស់ក្រពើប្រភេទនេះស្ទើរតែផុតពូជនៅក្នុងប្រទេសវៀតណាម នឹងថៃ និងមាននៅសេសសល់តិចតួចក្នុងប្រទេសឡាវ និងឥណ្ឌូនេស៊ី។ តាមការសិក្សាស្រាវជ្រាវកន្លងមក វត្តមានប្រភេទនេះប្រហែលជា ៥.០០០ក្បាល នៅក្នុងប្រទេសកម្ពុជា ដែលចាត់ទុកថាជាចំនួនមួយច្រើនជាងប្រទេសដទៃទៀត។ក្រពើត្រី កំពុងប្រឈមទៅនឹងកត្តាគំរាមកំហែងជាច្រើនដូចជា ការបាត់បង់ទីជម្រកនិងការប្រមាញ់ខុសច្បាប់លើក្រពើជំទង់ និងការប្រមូលយកកូនតូចនិងពងរបស់វាទៅលក់ឱ្យកសិដ្ឋានចិញ្ចឹមក្រពើនៅក្នុងប្រទេសកម្ពុជា វៀតណាម និងថៃ។អង្គការ WCS បាននិងកំពុងអនុវត្តកម្មវិធីអភិរក្សមួយចំនួនដើម្បីការពារប្រភេទនេះកុំឱ្យផុតពូជ។ គម្រោងបានដាក់បញ្ចូលក្រុមអតីតអ្នកប្រមាញ់ ដើម្បីចូលរួមស្វែងរកនិងការពារសំបុកនៅក្នុងធម្មជាតិ។ តាមរយៈការអនុវត្តច្បាប់ ក្រុមល្បាតចម្រុះដែលរួមមានមន្ត្រីរដ្ឋបាលជលផលនិងសមាជិកសហគមន៍មូលដ្ឋានបានចុះប្រមូលយកឧបករណ៍នេសាទខុសច្បាប់ដែលអាចទាក់ជាប់សត្វក្រពើត្រី និងទប់ស្កាត់ការបំផ្លាញទីជម្រករបស់វា។ដោយការអប់រំនិងផ្សព្វផ្សាយលើកកម្ពស់ការយល់ដឹងនៅក្នុងសហគមន៍មូលដ្ឋានអំពីការអភិរក្សប្រភេទនេះជាការងារសំខាន់ ដូច្នេះគម្រោងស្នើសុំឱ្យមានការចូលរួមយ៉ាងសកម្មពីសហគមន៍មូលដ្ឋាន ដើម្បីឈានទៅសម្រេចផែនការសកម្មភាពអាទិភាពមួយចំនួនមានដូចជា ការបង្កើនជីវភាពសហគមន៍ តាមរយៈជំនួយបច្ចេកទេសវារីវប្បកម្ម និងដើម្បីធានាថាពួកគាត់មិនធ្វើសកម្មភាពនេសាទខុសច្បាប់ចូលទៅក្នុងតំបន់ដីសើមដែលជាទីជម្រករបស់ក្រពើត្រីនោះទេ។ សកម្មភាពអភិរក្សមួយទៀត គឺការយកកូនក្រពើទៅចិញ្ចឹមថែទាំឱ្យធំមុនយកទៅលែងក្នុងធម្មជាតិនឹងជួយធ្វើឱ្យចំនួនក្រពើត្រីនៅក្នុងធម្មជាតិកើនឡើងវិញ៕

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

ភ្នំពេញ ៖ ស្ថានទូតកម្ពុជាប្រចាំនៅប្រទេសចិន ប្រទេសម៉ាឡេស៊ី ប្រទេសឥណ្ឌូនេស៊ី និងក្រុងសៀងហៃ បានអន្តរាគមន៍ជួយពលករ និងស្ត្រីខ្មែររងគ្រោះឲ្យមកប្រទេសខ្មែរវិញជាបន្តបន្ទាប់ក្រោយពី ពួកគេ បានចាញ់បោកមេខ្យល់ទៅរៀបការជាមួយបុរសជាជនជាតិចិន និងធ្វើការ ដោយខុសច្បាប់ជាដើមនោះ។យោងតាមសេចក្តីជូនដំណឹងរបស់ក្រសួងការបរទេស និងហសប្រតិបត្តិការអន្តរជាតិ បានឲ្យដឹងនៅព្រឹកថ្ងៃទី២៨ ខែសីហា ឆ្នាំ២០១៨នេះ បានឲ្យដឹងថា ស្ថានឯកអគ្គរាជទូតកម្ពុជា ប្រចាំប្រទេសចិនបានសហការជាមួយអាជ្ញាធរមានសមត្ថកិច្ចរបស់ ចិន ធ្វើអន្តរាគមន៍ជួយសង្គ្រោះ និងរៀបចំមាតុភូមិនិវត្តន៍របស់ស្ត្រីខ្មែរចំនួន៧នាក់ ដែលត្រូវបានមេខ្យល់បោកបញ្ឆោតនាំទៅរៀបការដោយខុសច្បាប់ ជាមួយបុរសជនជាតិចិននៅក្នុងប្រទេសចិន ហើយពួកគេបានមកដល់កម្ពុជាវិញជាបន្តបន្ទាប់កាលពីកន្លងទៅថ្មីៗនេះ ផងដែរ។សេចក្តីជូនដំណឹង បានបន្តទៀតថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី ក៏បានសហការជាមួយអាជ្ញាធរមានសមត្ថកិច្ចរបស់ម៉ាឡេស៊ី រៀបចំមាតុភូមិនិវត្តន៍របស់ពលករ-ពលការិនីខ្មែរចំនួន៧នាក់ (ស្រី១នាក់) មកពីខេត្ត ក្រចេះ កណ្តាល កំពង់ចាម ត្បូងឃ្មុំ និងខេត្តបាត់ដំបង ដែលបានទៅធ្វើការដោយខុសច្បាប់នៅប្រទេសម៉ាឡេស៊ី ហើយមានបំណងត្រឡប់មកកម្ពុជាវិញផងដែរដោយពួកគេទាំងនោះក៏បានមកដល់ប្រទេសកម្ពុជាហើយដែរ។សេចក្តីជូនដំណឹងដដែល បានបន្តទៀតថា ស្ថានឯកអគ្គរាជទូតកម្ពុជាប្រចាំប្រទេសឥណ្ឌូនេស៊ី បានជួយសម្របសម្រួលរៀបចំមាតុភូមិនិវត្តន៍របស់ពលករនេសាទខ្មែរចំនួន២នាក់ មានអាយុ២៨ឆ្នាំនិង៣៦ឆ្នាំ មកពីខេត្តកំពង់ធំ ដែលត្រូវបានអាជ្ញាធរឥណ្ឌូនេស៊ីឃាត់ខ្លួន ក្រោយពីទូកនេសាទដែលពួកគេធ្វើការ បានចូលក្នុងដែនទឹកឥណ្ឌូនេស៊ី។ ពលករទាំង២នាក់នោះ បានត្រឡប់មកដល់កម្ពុជាវិញ នៅល្ងាចថ្ងៃទី១៥ ខែសីហា ឆ្នាំ២០១៨នេះ។នៅក្នុងខែសីហានេះដែរ ស្ថានអគ្គកុងស៊ុលកម្ពុជាប្រចាំទីក្រុងសៀងហៃ ប្រទេសចិន បានសហការជាមួយអាជ្ញាធរចិន ធ្វើអន្តរាគមន៍ជួយស្ត្រីខ្មែរចំនួន១០នាក់ មានអាយុចន្លោះពី១៩ឆ្នាំដល់៣៤ឆ្នាំ មកពីខេត្តកណ្តាល កំពត កំពង់ស្ពឺ កំពង់ចាម ត្បូងឃ្មុំ តាកែវ រតនគិរី ស្វាយរៀង និងរាជធានីភ្នំពេញ ដែលត្រូវបានមេខ្យល់បោកបញ្ឆោតនាំទៅរៀបការ និងស្នាក់នៅដោយខុសច្បាប់ជាមួយបុរសជនជាតិចិន នៅប្រទេសចិន។ ស្ត្រីរងគ្រោះទាំង១០នាក់ ត្រូវបានបញ្ជូនមកដល់កម្ពុជាវិញជាបន្តបន្ទាប់នៅថ្ងៃទី១៣ ទី១៨ និងទី២៥ ខែ សីហា ឆ្នាំ ២០១៨៕

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅ ថ្ងៃទី២៨ សីហានេះ បានអនុញ្ញាតឱ្យប្រតិភូវិនិយោគិនចិនដឹកនាំដោយ លោក លី សុងជាន ប្រធានគណៈប្រតិភូសហព័ន្ធពាណិជ្ជករចិនទាជីវ សកលលោក ចូលជួបសំដែងការគួរសមនិងពិភាក្សាការងារនៅវិមានសន្តិភាព។ក្នុងជំនួបសំដែងការគួរសម និងពិភាក្សាការងារនេះ គណៈប្រតិភូ បានគោរពសុំស្វែងយល់ពីប្រមុខរាជរដ្ឋាភិបាលកម្ពុជា នូវឱកាសសម្រាប់ការវិនិយោគលើសក្ដានុពលដែលកម្ពុជាមាន ដើម្បីចូលរួមចំណែកក្នុងការវិនិយោគនៅកម្ពុជាបន្ថែមទៀត។សូមបញ្ជាក់ថា គណៈប្រតិភូនេះ បានមកកម្ពុជាចូលរួម សន្និសីទសេដ្ឋកិច្ចប្រចាំឆ្នាំនៃសហព័ន្ធពាណិជ្ជករចិន ទាជីវ ដែលធ្វើឡើងនៅសាលាបុរីកោះពេជ្រ កាលពីថ្ងៃទី ២៦ ខែសីហាឆ្នាំ ២០១៨ ដើម្បីស្វែងរកការវិនិយោគលើវិស័យសក្ដានុពលផ្សេងៗ នៅកម្ពុជា។ប្រតិភូសហព័ន្ធពាណិជ្ជករចិន ទាជីវសកលលោកគឺសុទ្ធសឹងតែជាពាណិជ្ជករឆ្នើមលើវិស័យអចលនទ្រព្យ ហិរញ្ញវត្ថុ កសិកម្ម ឧស្សាហកម្ម បច្ចេកវិទ្យាទំនើប វេជ្ជសាស្ត្រ ជីវៈបច្ចេកវិទ្យា ហើយសហព័ន្ធពាណិជ្ជករចិន ទាជីវនេះ ត្រូវបានទទួលស្គាល់ថា ជាអ្នកធ្វើជំនួញរកស៊ី ដ៏ពូកែនិងជោគជ័យនៅលើសាកលលោក៕

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ភ្នំពេញ៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្ញើសារលិខិតថ្លែងអំណរព្រះគុណ ថ្វាយព្រះករុណា ព្រះមហាក្សត្រនៃព្រះរាជាណាចក្រកម្ពុជា ដែលទ្រង់សព្វព្រះរាជហឫទ័យប្រោសព្រះរាជទាន ព្រះរាជទ្រព្យចំនួន ១,០០០ ដុល្លារអាមេរិក ព្រះរាជូបត្ថម្ភចំពោះកាកបាទក្រហមកម្ពុជា សម្រាប់ខែសីហា ឆ្នាំ២០១៨ តាមរយៈសម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង៕

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥

ភ្នំពេញ៖ ក្រុមហ៊ុនជីពម៉ុង គ្រុបបានសម្រេចបោះទុនវិនិយោគលើទឹកប្រាក់២៥២លានដុល្លារអាមេរិក លើគម្រោងចំនួន៥ដែលភាគច្រើន ជាមជ្ឈមណ្ឌលពាណិជ្ជកម្ម និងលំនៅដ្ឋាន។ ថ្លែងក្នុងពិធីបញ្ចុះបឋមសិលាបើកការដ្ឋានសង់ ផ្សារទំនើបជីពម៉ុង២៧១ មេហ្គាម៉ល នាថ្ងៃទី៣០ សីហានេះ លោកឧកញ៉ា លាង ឃុន ប្រធានក្រុមអគ្គនាយកក្រុមហ៊ុន ជីប ម៉ុង បានឲ្យដឹងថា ក្រុមហ៊ុន ជីបម៉ុង រីថេល វិនិយោគលើគម្រោងទាំងអស់របស់ខ្លួន គិតជាទឹកប្រាក់ចំនួន២៥២លានដុល្លារអាមេរិក ដែលការវិនិយោគនេះ ផ្តោតលើជីបម៉ុង មុន្នីវង្សស៊ុភើម៉ាឃីត, ជីបម៉ុងបាក់ទូកម៉ល, ជីបម៉ុងសែនសុខម៉ល, ជីបម៉ុង៥៩៨ម៉ល និងជីបម៉ុង២៧១មេហ្គាម៉ល។លោកឧកញ៉ាបន្តថា ដោយឡែកគម្រោងផ្សារទំនើបជីបម៉ុង២៧១មេហ្គាម៉ល នឹងលេចចេញជារូបរាងឡើងក្នុងឆ្នាំ២០២០ ដើម្បីបម្រើតម្រូវការសាធារណៈជន ក្នុងរាជធានីភ្នំពេញ ជាពិសេសប្រជាពលរដ្ឋដែលរស់នៅជុំវិញតំបន់ ដែលពោរពេញទៅដោយសក្តានុពលសេដ្ឋកិច្ចមួយនេះ។ ជីបម៉ុង២៧១មេហ្គាម៉ល ត្រូវបានរចនាដោយអ្នកជំនាញអន្តរជាតិ នឹងត្រូវសាងសង់ឡើងដោយវិស្វករជំនាញជាតិ ដែលមានបទពិសោធន៍ជាច្រើនឆ្នាំក្នុងការងារសាងសង់ និងប្រើប្រាស់បច្ចេកវិទ្យាទំនើប ដើម្បីធានាសោភ័ណភាព និងគុណភាពសំណង់របស់យើងស្របទៅតាមបទដ្ឋានអន្តរជាតិ។ផ្សារទំនើប និងមជ្ឈមណ្ឌលពាណិជ្ជដ៏ធំនេះ នឹងត្រូវបានសាងសង់ក្នុងបរិវេណគម្រោង ដឺលែនម៉ាក២៧១ ដែលហ៊ុព័ទ្ធទៅដោយតំបន់លំនៅដ្ឋានប្រណីត រាប់រយខ្នង អគារពាណិជ្ជកម្ម សណ្ឋាគារលំដាប់អន្តរជាតិ ខុនដូទាន់សម័យ និងអគារការិយាល័យដ៏ទំនើប។ចូលរួមជាអធិបតីក្នុងឳកាសនោះ ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រី្តក្រសួងរៀបចំដែនដី នគរូបនីយកម្ម និងសំណង់បានថ្លែងថា គម្រោងថ្មីដែលមានទំហំ២០០លានដុល្លារអាមេរិក នៅលើផ្ទៃដី៤១ហិចតា ចាត់ទុកថាជាគម្រោងមួយបានរៀបចំឌីហ្សាញ ក្នុងការធ្វើផ្សារទំនើបនេះមានភាពទាន់សម័យ ហើយចាត់ទុកថាទីតាំងនេះ ជាកន្លែងមកកាន់ទីផ្សារ និងកន្លែងជួបគ្នា ជាមួយនឹងគម្រោងសាងសង់នេះ។ គម្រោងនេះ បានរួមចំណែកជាមួយនឹងការអភិវឌ្ឍន៍ សេដ្ឋកិច្ចរបស់កម្ពុជា ដែលធ្វើឲ្យវិស័យសំណង់នៅក្នុងព្រះរាជាណាចក្រកម្ពុជាបន្ថែមទៀត។ឯកឧត្តមបញ្ជាក់ទៀតថា ក្នុងឆ្នាំ២០១៧កន្លងទៅ ក្រសួងបានអនុញ្ញាតឲ្យមានលិខិតសាងសង់៣៤១៨គំរោង និងបន្ថែមលិខិតអនុញ្ញាតឲ្យសាងសង់នៅថ្ងៃនេះ គឺកើនឡើងដល់៣៤១៩សំណង់ និងមានតម្លៃសំណង់ចំនួន៦៧៩៨លានដុល្លារសហរដ្ឋអាមេរិក៕

បណ្ដាញសង្គម

ព័ត៌មានថ្មីៗ

Haaland ទទួលវិញ្ញាបនបត្រ Guinness World Records ចំនួន ៧ មុនរដូវកាលថ្មី

អ៊ីរ៉ង់ នឹងផ្លាស់ប្តូរសង្គ្រាមទៅជាដំណាក់កាលវាយលុក ប្រសិនបើលក្ខខណ្ឌនានាមិនត្រូវបានបំពេញ

ភ្លៀងធ្លាក់ខ្លាំងបណ្តាលឲ្យមានមនុស្សស្លាប់ និងមនុស្សរាប់ពាន់នាក់ជាប់គាំងនៅអាកាសយានដ្ឋានអន្តរជាតិ ប្រទេសជប៉ុន

តម្លៃប្រេងកើនឡើងបន្តិចវិញ ក្រោយការគំរាមរក្សាការបិទផ្លូវដោយកងទ័ពជើងទឹកអាមេរិកប្រឆាំងអ៊ីរ៉ង់

រុស្ស៊ី ទាមទារឱ្យមានការដកចេញការបិទផ្លូវសមុទ្រ និងដីគោករបស់ប្រទេសយេម៉ែន

លោក Jared Kushner នឹងទៅកាន់អ៊ីស្រាអែល និងអេហ្ស៊ីបសប្តាហ៍ក្រោយ ដើម្បីពិភាក្សាពីផែនការសន្តិភាពហ្កាហ្សា

សហរដ្ឋអាមេរិក ប៉ាណាម៉ា និងដៃគូក្នុងតំបន់ បញ្ចប់សមយុទ្ធការពារព្រែកជីកពហុជាតិសាសន៍

ប្រធានាធិបតីម៉ិកស៊ិក៖ ប្រទេសកូឡុំប៊ី បានច្រានចោលក្រុមជួយសង្គ្រោះរញ្ជួយដីរបស់ខ្លួន

Doku បន្តកិច្ចសន្យា ៥ ឆ្នាំជាមួយ Manchester City និងសរសើររបៀបដឹកនាំរបស់ Maresca

អ៊ុយក្រែនវាយប្រហារលើរោងចក្រចម្រាញ់ប្រេងរុស្ស៊ី ខណៈភាគីជម្លោះទាំងពីរបាញ់ផ្លោងដាក់គ្នាសម្លាប់មនុស្ស២នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេច ស ខេង ថ្លែងថា គ្មានការលើកលែងចំពោះបុគ្គលដែលផ្តល់ និងកាន់នូវឯកសារកម្ពុជាមិនត្រឹមត្រូវ

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

សម្តេចតេជោ ថ្លែងថា សម្ដេចមានលទ្ធភាពពន្លត់ភ្លើងសង្គ្រាមតែគ្មានលទ្ធភាពពន្លត់ក្រុមពួកអាសិរពិស

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រសួង​សេដ្ឋកិច្ច​ថា កម្ពុជា​ចង់បាន​កម្ចី​ពី​បារាំង​ច្រើនជាង​១០០​លាន​អឺរ៉ូ​ក្នុង​រយៈពេល​១​ឆ្នាំៗ​

ប្រទះឃើញ​កូន​ក្រពើ​ត្រី​ ទើប​នឹង​ញាស់​ចំនួន​ ១៥​ក្បាល ​នៅ​ក្នុង​បឹង​ធម្មជាតិ​

ស្ថានទូត​កម្ពុជា​ប្រចាំ​នៅ​ប្រទេស​ចំនួន៤ ​ជួយ​អន្តរាគមន៍​ពលរដ្ឋ​ខ្មែរ​ឱ្យ​មក​ប្រទេស​វិញ

សម្តេច​តេ​ជោ​ ហ៊ុន សែន អនុញ្ញាត​ឱ្យ​ក្រុម​វិនិយោគិន​ចិន​ ជួប​សំដែង​ការគួរសម​ និង​ពិភាក្សា​ការងារ

ព្រះ​មហាក្សត្រ​ព្រះរាជូ​បត្ថម្ភ​១០០០​ដុល្លារ​ ដល់​​កាក​បាទ​ក្រហម​កម្ពុជា​សម្រាប់​ខែ​សីហា ​ឆ្នាំ២០១៨

ក្រុមហ៊ុន​ជីបម៉ុង​វិនិយោគ​ទឹកប្រាក់​ជិត​២៥២​លាន​ដុល្លារ​អាមេរិក​លើ​គម្រោង​ចំនួន​៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រសួងសេដ្ឋកិច្ចថា កម្ពុជាចង់បានកម្ចីពីបារាំងច្រើនជាង១០០លានអឺរ៉ូក្នុងរយៈពេល១ឆ្នាំៗ

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥