នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កិច្ចព្រមព្រៀងនុយក្លេអ៊ែរអាមេរិកជាមួយអារ៉ាប៊ីសាអ៊ូឌីត បង្កឲ្យមានការព្រួយបារម្ភអំពីការរីកសាយ
មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា
UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ
ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយ​មាន​ជំនួបផ្លែផ្កាជាមួយ​​លោក Trump

ព័ត៌មានអន្តរជាតិ

អ៊ីរ៉ង់ព្រមានកំណត់គោលដៅទីតាំង​ថាមពលក្នុង​តំបន់ បើអាមេរិកវាយប្រហារហេដ្ឋារចនាសម្ព័ន្ធរបស់ខ្លួន​​

2026/07/23 11:32:20 pm        133
Facebook Telegram Linkin
យោធាអ៊ីរ៉ង់ កាលពីល្ងាចថ្ងៃពុធ (ទី២២ ខែកក្កដា ឆ្នាំ​២០២៦) បាន​បញ្ជាក់​ថា ខ្លួននឹងកំណត់គោលដៅទី​តាំង​ថាមពល នៅទូទាំងតំបន់មជ្ឈិម​បូព៌ា ប្រសិនបើសហរដ្ឋអាមេរិកវាយប្រហារហេដ្ឋារចនាសម្ព័ន្ធរបស់ប្រទេស។ទីស្នាក់ការកណ្តាល Khatam al-Anbiya បានប្រាប់​ថា ប្រសិនបើទីក្រុងវ៉ាស៊ីនតោនអនុវត្តការគំរាមកំហែងរបស់ខ្លួន កងកម្លាំងប្រដាប់អាវុធអ៊ីរ៉ង់ «នឹងមិនអនុញ្ញាតឱ្យមាន​ការ​នាំចេញប្រេងសូម្បីតែមួយដំណក់» ដោយបាន​បន្ថែមថា ទីតាំង​ប្រេង ឧស្ម័ន អគ្គិសនី និងសេដ្ឋកិច្ច នៅទូទាំងតំបន់ នឹងក្លាយជាគោលដៅ។ជាមួយ​គ្នានេះ ទីស្នាក់ការកណ្តាលយោធា​នេះ បានឱ្យដឹង​ទៀត​ថា ច្រកសមុទ្រ Hormuz នៅតែបិទដដែល​ ដោយព្រមានថា គ្មាននាវាណាមួយអាចឆ្លងកាត់ផ្លូវទឹកយុទ្ធសាស្ត្រនេះ​បានទេ លើកលែងតែឆ្លងកាត់ផ្លូវដែលត្រូវ​បានកំណត់ក្រោមនីតិវិធីប្រកាសពីមុន។ជាង​នេះ​ទៀត ទីស្នាក់ការកណ្តាលកងកម្លាំងប្រដាប់អាវុធមួយ​នេះ ក៏បានព្រមានផងដែរថា ការគំរាមកំហែង និងសកម្មភាពរបស់សហរដ្ឋអាមេរិកជាបន្តបន្ទាប់ នឹងពង្រីកវិសាលភាពនៃជម្លោះ «ដល់តំបន់ទាំងមូល និងសូម្បីតែលើសពីនេះ»។គួរបញ្ជាក់ថា សហរដ្ឋអាមេរិកបានធ្វើការវាយប្រហារជាបន្តបន្ទាប់ នៅទូទាំងប្រទេស​អ៊ីរ៉ង់ ចាប់តាំងពីសប្តាហ៍មុន ខណៈពេលដែលទីក្រុងតេអេរ៉ង់បានឆ្លើយតបជាមួយនឹងការវាយប្រហារដែលកំណត់គោលដៅលើ​ទីតាំង​ និងមូលដ្ឋាន ដែលខ្លួនចាត់ទុក​ថា ត្រូវបានប្រើប្រាស់ដោយយោធាអាមេរិកក្នុងប្រទេសជាច្រើន នៅទូទាំងតំបន់៕

នាយករដ្ឋមន្ត្រីអ៊ីរ៉ាក់ គ្រោងនឹងធ្វើទស្សនកិច្ចនៅអ៊ីរ៉ង់ ខណៈភាពតានតឹងក្នុងតំបន់កាន់តែខ្លាំងឡើង

2026/07/23 11:29:43 pm        139
Facebook Telegram Linkin
នាយករដ្ឋមន្ត្រីអ៊ីរ៉ាក់ លោក Ali al-Zaidi នឹងធ្វើដំណើរទៅកាន់ទីក្រុងតេអេរ៉ នៅថ្ងៃព្រហស្បតិ៍នេះ ដោយដឹកនាំគណៈប្រតិភូរដ្ឋាភិបាលជាន់ខ្ពស់មួយក្រុម ដើម្បីពិភាក្សាជាមួយមន្ត្រីជាន់ខ្ពស់អ៊ីរ៉ង់ លើវិស័យ ថាមពល ពាណិជ្ជកម្ម ការដឹកជញ្ជូន និងកសិកម្ម។រដ្ឋាភិបាលអ៊ីរ៉ាក់បាននិយាយថា បញ្ហានៃការនាំយកអាវុធទាំងអស់ឲ្យស្ថិតក្រោមការគ្រប់គ្រងរបស់រដ្ឋ នឹងមិនស្ថិតក្នុងរបៀបវារៈនៃកិច្ចពិភាក្សាទេ ដោយហៅបញ្ហានេះថា «ជាកិច្ចការអធិបតេយ្យរបស់អ៊ីរ៉ាក់»។ដំណើរទស្សនកិច្ចនេះ បានកើតឡើងតិចជាងមួយសប្តាហ៍ បន្ទាប់ពីលោក al-Zaidi បានធ្វើដំណើរទៅកាន់សហរដ្ឋអាមេរិក ខណៈដែលទីក្រុងបាកដាដ បានបង្កើនការទូតជាមួយដៃគូក្នុងតំបន់ និងអន្តរជាតិ ខណៈពេលដែលកំពុងព្យាយាមធ្វើឲ្យមានតុល្យភាពទំនាក់ទំនងរបស់ខ្លួនជាមួយទីក្រុងវ៉ាស៊ីនតោន និងទីក្រុងតេអេរ៉ង់ ស្របពេលមានភាពតានតឹងក្នុងតំបន់កាន់តែខ្លាំងឡើង។អ្នកនាំពាក្យរដ្ឋាភិបាល លោក Haider al-Aboudi បាននិយាយកាលពីថ្ងៃពុធថា ដំណើរទស្សនកិច្ចនេះ ធ្វើឡើងតាមការអញ្ជើញជាផ្លូវការពីប្រធានាធិបតីអ៊ីរ៉ង់ ហើយថា al-Zaidi នឹងមានគណៈប្រតិភូជាន់ខ្ពស់ អមដំណើរជាមួយផងដែរ៕

IRGC ប្រាប់ប្រជាជនកូវ៉ែតថា គឺអាមេរិក ពុំមែនអ៊ីរ៉ង់ទេដែលរំលោភអធិបតេយ្យភាពរបស់អ្នក

2026/07/23 11:22:40 pm        144
Facebook Telegram Linkin
សេចក្តីថ្លែងការណ៍របស់កងឆ្មាំបដិវត្តអ៊ិស្លាមអ៊ីរ៉ង់(IRGC) បាននិយាយទៅកាន់ប្រជាជនកូវ៉ែតដោយផ្ទាល់ ដោយកងឆ្មាំបានទទូចថា គឺសហរដ្ឋអាមេរិក ពុំមែនអ៊ីរ៉ង់ទេ ដែលបាន «រំលោភលើបូរណភាពទឹកដី និងដែនអធិបតេយ្យភាពរបស់អ្នក»។កងឆ្មាំនិយាយថា ការវាយប្រហាររបស់ខ្លួនគឺសំដៅលើមូលដ្ឋានកងទ័ពអាមេរិកនៅទឹកដីដែលខ្លួនពិពណ៌នាថាហួសពីការគ្រប់គ្រងរបស់ឆ្មាំព្រំដែនកូវ៉ែតនិងជាកន្លែងដែលអាមេរិក និងនណារម្នាក់ ដែលពួកគេចង់បាន រួមមានអ្នកទោសមកពីប្រទេសផ្សេងៗ ចូលនិងចាកចេញបានដោយសេរី។កងឆ្មាំនិយាយថា ដូច្នេះ គឺអាមេរិកទេដែលបានរំលោភលើបូរណភាពទឹកដី និងដែនអធិបតេយ្យភាពរបស់អ្នក ពុំមែនយើងឡើយ។ យើងកំពុងវាយប្រហារទឹកដីដែលកាន់កាប់ដោយកងទ័ពអាមេរិក ជាកងទ័ពដែលមិនស្គាល់អ្វីក្រៅពីឧក្រិដ្ឋកម្ម។

កាតា ប៉ាគីស្ថាន និងអេហ្ស៊ីប ស្នើបទឈប់បាញ់ក្នុងពេលមានការវាយប្រហាររបស់អ៊ីរ៉ង់លើរដ្ឋឈូងសមុទ្រ

2026/07/23 11:19:27 pm        128
Facebook Telegram Linkin
រយៈពេល១២យប់ជាប់ៗគ្នានៃការវាយប្រហាររបស់សហរដ្ឋអាមេរិកទៅលើអ៊ីរ៉ង់ ខណៈជាប្រតិបត្តិការមានទំហំស្មើរគ្នា ប្រធានាធិបតីសហរដ្ឋអាមេរិកបាននិយាយថា កងកម្លាំងរបស់លោកនឹងវាយប្រហារស្ពាន ឬរោងចក្រថាមពលអ៊ីរ៉ង់គ្រប់ពេលដែលនាវាត្រូវបានវាយប្រហារនៅក្នុងច្រកសមុទ្រ Hormuz ។អ៊ីរ៉ង់និយាយថា ពួកគេនឹងមានចំណាត់ការតាមរបៀបដូចគ្នា។ យើងបានមើលឃើញការវាយប្រហារទាំងនេះបន្តនៅទូទាំងប្រទេសក្រុមប្រឹក្សាប្រតិបត្តិការឈូងសមុទ្រ(GCC) មានកូវ៉ែត និងបារ៉ែន ក្នុងរយៈពេល ១២ ថ្ងៃកន្លងទៅនេះ និងរួមទាំងប្រទេសហ្ស៊កដានីផងដែរ។ កាលពីថ្ងៃពុធ យោធារបស់ប្រទេសហ្ស៊កដានី បាននិយាយថា ខ្លួនបានបាញ់ទម្លាក់មីស៊ីលចំនួនបួនគ្រាប់ ហើយកូវ៉ែតក៏ត្រូវបានវាយប្រហារ។ ក្នុងរយៈពេលប៉ុន្មានថ្ងៃនេះ យើងបានឃើញប្រទេសក្រុមប្រឹក្សាប្រតិបត្តិការឈូងសមុទ្រ(GCC) ស្ថិតក្រោមការវាយប្រហារសម្រាប់សង្គ្រាមដែលពួកគេពុំមែនជាអ្នកចាប់ផ្តើម ជាសង្គ្រាមដែលពួកគេនិយាយថាមិនគាំទ្រ ហើយក៍កំពុងខិតខំដើម្បីនាំយកបទឈប់បាញ់មកវិញ។ព័ត៌មានចុងក្រោយអំពីបញ្ហានេះ យើងបានឃើញប្រទេសកាតា ប៉ាគីស្ថាន និងអេហ្ស៊ីប ស្នើឱ្យមានបទឈប់បាញ់រយៈពេល ១០ ថ្ងៃរវាងទីក្រុងវ៉ាស៊ីនតោន និងទីក្រុងតេអេរ៉ង់ ដើម្បីកុំឱ្យជម្លោះនេះរាលដាលទៅជាជម្លោះក្នុងតំបន់។

ចរាចរណ៍ទាំងនៅច្រកសមុទ្រ Hormuz និង Bab el-Mandeb ថយចុះខ្លាំង ខណៈការបារម្ភពីសន្តិសុខកើនឡើង

2026/07/23 11:17:09 pm        104
Facebook Telegram Linkin
ក្រុមហ៊ុនវិភាគការដឹកជញ្ជូន ខេផ្លឺ(Kpler) បាននិយាយកាលពីថ្ងៃពុធថា ចរាចរណ៍ទាំងនៅច្រកសមុទ្រ Hormuz និងច្រកសមុទ្រ Bab el-Mandeb បានថយចុះយ៉ាងខ្លាំងកាលពីថ្ងៃអង្គារ ខណៈក្តីបារម្ភអំពីសន្តិសុខកើនឡើងក្នុងពេលមានភាពតានតឹងក្នុងតំបន់កាន់តែខ្លាំង។ យោងតាមទិន្នន័យដែលចេញផ្សាយដោយ Kpler នៅលើបណ្តាញផ្សព្វផ្សាយសង្គមបានឲ្យដឹងថា ការឆ្លងកាត់ច្រកសមុទ្រ Hormuz បានថយចុះ៣១ភាគរយកាលពីមួយថ្ងៃមុនមកនៅត្រឹមនាវា៩គ្រឿង និងនៅច្រកសមុទ្រ Bab el Mandeb ថយចុះ៣៤ភាគរយ មកនៅត្រឹមនាវា២៩គ្រឿង។ ខេផ្លឺ(Kpler) បាននិយាយថា ទោះបីជាការដឹកជញ្ជូនបន្តឆ្លងកាត់ចំណុចច្រកតូចចង្អៀតទាំងពីរក៏ដោយ ទំនុកចិត្តប្រតិបត្តិការនៅតែស្ថិតក្រោមសម្ពាធ។ យោងតាមក្រុមហ៊ុនតាមដាន Kpler បានឲ្យដឹងថា នាវាចំនួនបួនគ្រឿងបានត្រឡប់ក្រោយនៅជិតឈូងសមុទ្រ Aden ដែលបង្ហាញថាប្រតិបត្តិករកំពុងមានការប្រុងប្រយ័ត្នខ្ពស់បន្ទាប់ពីការគំរាមកំហែងរបស់ក្រុមហ៊ូទីប្រឆាំងការដឹកជញ្ជូនមានទំនាក់ទំនងជាមួយអារ៉ាប៊ីសាអ៊ូឌីត។ Kpler បានព្រមានថា ការវាយប្រហារដែលនៅតែបន្តនៅជុំវិញចំណុចច្រកសមុទ្រតូចចង្អៀតច្រកទាំងពីរអាចផ្លាស់ប្តូរផ្លូវដឹកជញ្ជូន បង្កើនថ្លៃដឹកជញ្ជូន និងរក្សាហានិភ័យភូមិសាស្ត្រនយោបាយនៅក្នុងទីផ្សារថាមពលសកលនៅខ្ពស់។ ក្រុមហ៊ូទីបានប្រកាសបម្រាមដឹកជញ្ជូនតាមផ្លូវសមុទ្រលើប្រទេសអារ៉ាប៊ីសាអ៊ូឌីតកាលពីថ្ងៃចន្ទ ដោយបង្កើនការព្រួយបារម្ភថាការរំខានដែលប៉ះពាល់ដល់ច្រកសមុទ្រ Hormuz អាចរាលដាលដល់ច្រកសមុទ្រដ៏សំខាន់មួយទៀត។ ក្នុងការឆ្លើយតប ក្រុមចម្រុះដឹកនាំដោយអារ៉ាប៊ីសាអ៊ូឌីតនៅយេម៉ែនបាននិយាយថា ខ្លួននឹងចាត់វិធានការចាំបាច់ដើម្បីការពារនាវាពាណិជ្ជកម្មរបស់ខ្លួននៅច្រកសមុទ្រ Bab al-Mandab និងឆ្លើយតបយ៉ាងដាច់ខាតចំពោះការគំរាមកំហែងណាមួយ។

លោក Trump ព្រមានពីការបិទរដ្ឋាភិបាលអាមេរិកដែលអាចកើតឡើងនៅក្នុងខែកញ្ញា

2026/07/23 10:34:49 pm        82
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump កាលពីថ្ងៃពុធបានព្រមានថា រដ្ឋាភិបាលសហព័ន្ធអាចប្រឈមនឹងការបិទនៅក្នុងខែកញ្ញា ខណៈភាពខ្វែងគំនិតគ្នាទ្វេរបក្សជុំវិញការចំណាយរបស់សហព័ន្ធនៅតែបន្ត និងក្នុងពេលពេលសភាបន្តទៅមុខជាមួយនឹងវិធានការផ្តល់មូលនិធិរយៈពេលខ្លីដើម្បីរក្សាប្រតិបត្តិការរបស់រដ្ឋាភិបាលឱ្យនៅដំណើរការហួសពីចុងឆ្នាំសារពើពន្ធនេះ។ ថ្លែងនៅក្នុងរដ្ឋ Georgia លោក Trump បាននិយាយថា រដ្ឋាភិបាលសហព័ន្ធ អាចបិទនៅក្នុងខែកញ្ញា ដោយសារតែគណបក្សសាធារណរដ្ឋនិងគណបក្សប្រជាធិបតេយ្យ នៅតែខ្វែងគំនិតគ្នាលើអាទិភាពនៃការចំណាយ។ សភាសហរដ្ឋអាមេរិកដែលគ្រប់គ្រងដោយគណបក្សសាធារណរដ្ឋ បានអនុម័តសេចក្តីស្នើច្បាប់ចំណាយរយៈពេលខ្លី ដែលនឹងផ្តល់មូលនិធិដល់ទីភ្នាក់ងាររដ្ឋាភិបាលសហព័ន្ធរហូតដល់ថ្ងៃទី៤ ខែធ្នូ ក្នុងគោលបំណងទប់ស្កាត់ការបិទរដ្ឋាភិបាលនៅមុនការបោះឆ្នោតពាក់កណ្តាលអាណត្តិនៅខែវិច្ឆិកា។ វិធានការផ្តល់មូលនិធិបណ្តោះអាសន្ន ដែលត្រូវបានគេស្គាល់ផងដែរថាជាដំណោះស្រាយបន្ត (CR) បច្ចុប្បន្ននឹងត្រូវបានបញ្ជូនទៅព្រឹទ្ធសភាសម្រាប់ការពិចារណា។ មេដឹកនាំក្រុមសាធារណរដ្ឋនៅក្នុងព្រឹទ្ធសភា កំពុងចរចាជាមួយក្រុមប្រជាធិបតេយ្យ ហើយក៏កំពុងថ្លឹងថ្លែងសំណើផ្តល់មូលនិធិរយៈពេលខ្លីដាច់ដោយឡែក។ ប្រសិនបើសភាបរាជ័យក្នុងការអនុម័តនិយ័តកម្មសំណើថវិកាឲ្យបានទាន់ពេលវេលា នោះការផ្តល់មូលនិធិសម្រាប់ទីភ្នាក់ងារ និងកម្មវិធីសហព័ន្ធភាគច្រើននឹងផុតកំណត់នៅពាក់កណ្តាលអធ្រាត្រថ្ងៃទី៣០ ខែកញ្ញា ជាចុងបញ្ចប់នៃឆ្នាំសារពើពន្ធបច្ចុប្បន្ន ដែលបង្កឱ្យមានការបិទរដ្ឋាភិបាលដោយផ្នែក។

សារព័ត៌មាន FT៖ សហភាពអឺរ៉ុបអាចអនុញ្ញាតឲ្យក្រិកបន្តដឹកជញ្ជូនឧស្ម័នធម្មជាតិរាវ (LNG) របស់រុស្ស៊ី

2026/07/23 10:33:07 pm        95
Facebook Telegram Linkin
ក្រុមហ៊ុនដឹកជញ្ជូននាវារបស់ក្រិក Dynagas នឹងទទួលបានការអនុញ្ញាតឲ្យបន្តដឹកជញ្ជូនឧស្ម័នធម្មជាតិរាវ (LNG) ដែលផលិតនៅប្រទេសរុស្ស៊ី។ កាសែត Financial Times (FT) បានរាយការណ៍ដោយដកស្រង់ប្រភពថា សហភាពអឺរ៉ុប (EU) បានត្រៀមខ្លួនធ្វើសម្បទានមួយចំនួន ជាផ្នែកនៃកញ្ចប់ទណ្ឌកម្មលើកទី២១ របស់ខ្លួន។ យោងតាមរបាយការណ៍ កិច្ចព្រមព្រៀងនេះ ដែលនៅតែត្រូវការការអនុម័តពីប្រទេសសមាជិកទាំង ២៧ របស់សហភាពអឺរ៉ុប នឹងអនុញ្ញាតឲ្យក្រុមហ៊ុននានាបន្តដឹកជញ្ជូនឧស្ម័នធម្មជាតិរាវរបស់រុស្ស៊ីទៅកាន់ប្រទេសទី៣ រយៈពេល ១២ ខែ ហើយអាចបន្តអាណត្តិបានទៀត។ ទោះជាយ៉ាងណា បរិមាណដឹកជញ្ជូននឹងត្រូវបានកំណត់មិនឲ្យលើសកម្រិតក្នុងឆ្នាំ ២០២៥ទេ។ សារព័ត៌មាន Politico បានរាយការណ៍កាលពីថ្ងៃពុធថា អាជ្ញាធរសហភាពអឺរ៉ុប បានអស់គំនិតក្នុងការដាក់ចេញវិធានការថ្មីៗ សម្រាប់បញ្ចូលក្នុងកញ្ចប់ទណ្ឌកម្មលើកទី២១ ប្រឆាំងនឹងរុស្ស៊ី ព្រោះវិធានការបន្ថែមទាំងនោះ អាចបង្កផលប៉ះពាល់ដល់ប្រទេសសមាជិករបស់EUផ្ទាល់។ ចំណែកសារព័ត៌មាន FT បានរាយការណ៍កាលពីថ្ងៃទី១៩ ខែកក្កដា ថា ប្រទេសក្រិកបានជំទាស់នឹងទណ្ឌកម្មថ្មីៗ ដោយសារការហាមឃាត់របស់គណៈកម្មការអឺរ៉ុបលើការដឹកជញ្ជូនឧស្ម័នធម្មជាតិរាវរបស់រុស្ស៊ី អាចប៉ះពាល់ដល់ក្រុមហ៊ុនដឹកជញ្ជូននាវា Dynagas៕

រុស្ស៊ី និងចិន អំពាវនាវឲ្យអាមេរិក និងអ៊ីរ៉ង់ បញ្ចប់ការប្រយុទ្ធគ្នាឲ្យបានឆាប់តាមដែលអាចធ្វើទៅបាន

2026/07/23 10:30:31 pm        80
Facebook Telegram Linkin
ក្រសួងការបរទេសរុស្ស៊ីបានឲ្យដឹងថា អនុរដ្ឋមន្ត្រីការបរទេសរុស្ស៊ី លោក Georgy Borisenko និងសមភាគីចិន លោក Miao Deyu បានជួបពិគ្រោះយោបល់នយោបាយអំពីបញ្ហានៅមជ្ឈិមបូព៌ា និងទ្វីបអាហ្វ្រិក។ ក្នុងជំនួបនោះ ប្រទេសទាំងពីរ បានគាំទ្រឲ្យមានការបញ្ចប់អរិភាពរវាងសហរដ្ឋអាមេរិក និងអ៊ីរ៉ង់ ឲ្យបានឆាប់តាមដែលអាចធ្វើទៅបាន និងជំរុញឲ្យដោះស្រាយជម្លោះដោយផ្អែកលើអនុស្សរណៈទីក្រុងអ៊ីស្លាម៉ា បាដ។ ក្រសួងការបរទេសរុស្ស៊ីបានរាយការណ៍ថា៖«កិច្ចពិភាក្សាបានផ្តោតសំខាន់លើការកើនឡើងភាពតានតឹងនៅមជ្ឈិមបូព៌ា។ ភាគីទាំងពីរបានសង្កត់ធ្ងន់លើភាពចាំបាច់ក្នុងការបញ្ឈប់អរិភាពរវាងអាមេរិក និងអ៊ីរ៉ង់ ឲ្យបានឆាប់តាមដែលអាចធ្វើទៅបាន ហើយវិលត្រឡប់ទៅរកដំណើរការនយោបាយ និងការទូត ដោយផ្អែកលើអនុស្សរណៈទីក្រុងអ៊ីស្លាម៉ាបាដ ដើម្បីឈានទៅរកកិច្ចព្រមព្រៀងដ៏ទូលំទូលាយ និងយូរអង្វែង។ ភាគីទាំងពីរ ក៏បានគាំទ្រកិច្ចខិតខំប្រឹងប្រែងរបស់អ្នកសម្របសម្រួលពីប្រទេសប៉ាគីស្ថាន និងបណ្តាប្រទេស អារ៉ាប់ផងដែរ»។យោងតាមក្រសួងការបរទេសរុស្ស៊ី ភាគីទាំងពីរបានកត់សម្គាល់ថា ប្រទេសដែលមិនពាក់ព័ន្ធនឹងការប្រយុទ្ធ គួរតែរួមចំណែកលើកកម្ពស់សន្តិភាព មិនមែនបង្កជម្លោះ ឬភាពបែកបាក់នោះទេ។ របាយការណ៍បានបញ្ជាក់ថា៖«ក្នុងបរិបទនេះ ភាគីរុស្ស៊ីបានបង្ហាញសំណើរបស់ខ្លួន ស្របតាមគោលគំនិតដែលបានធ្វើបច្ចុប្បន្នភាពស្តីពីការធានាសន្តិសុខរួមនៅតំបន់ឈូងសមុទ្រពែក្ស»៕

IRNA៖ អ៊ីរ៉ង់នៅតែបន្តផលិតមីស៊ីលនៅទីតាំងដែលសហរដ្ឋអាមេរិកមិនស្គាល់

2026/07/23 10:12:08 pm        72
Facebook Telegram Linkin
ទីភ្នាក់ងារព័ត៌មាន IRNA បានដកស្រង់សម្តីលោក Abolfazl Shekarchi អ្នកនាំពាក្យកងកម្លាំងប្រដាប់អាវុធអ៊ីរ៉ង់ ដែលបាននិយាយថា៖ «សហរដ្ឋអាមេរិក ដែលប្រើប្រាស់បច្ចេកវិទ្យាទំនើបបំផុត និងឧបករណ៍ស៊ើបការណ៍សម្ងាត់ជាច្រើន មិនអាចរកឃើញទីតាំងផលិតមីស៊ីលដែលនៅតែបន្តដំណើរការទាំងនោះបានទេ»។ លោកបាននិយាយថា៖ «សូម្បីតែទីតាំងនៃកន្លែងផលិតមីស៊ីលមួយចំនួនរបស់យើង ក៏គូប្រជែងមិនបានដឹងដែរ ទោះបីពួកគេមានឧបករណ៍ និងបច្ចេកវិទ្យាស៊ើបការណ៍ទាំងអស់ក៏ដោយ។ ពួកគេមិនដឹងថា ទីតាំងទាំងនោះ ស្ថិតនៅឯណាទេ ឬក៏ពួកវាស្ថិតនៅក្នុងតំបន់សមុទ្រ»។ លោក Shekarchi បានកត់សម្គាល់ថា ការផលិតយានដ្រូន និងមីស៊ីលនៅអ៊ីរ៉ង់ មិនបានផ្អាកឡើយ ទាំងអំឡុងពេលសង្គ្រាម និងបទឈប់បាញ់។ ការកើនឡើងភាពតានតឹងថ្មីៗក្នុងជម្លោះរវាងសហរដ្ឋអាមេរិក និងអ៊ីរ៉ង់ បានចាប់ផ្តើមនៅថ្ងៃទី ០៨ ខែកក្កដា។ ជាលើកដំបូង ចាប់តាំងពីការចុះហត្ថលេខាលើអនុស្សរណៈរវាងទីក្រុងវ៉ាស៊ីនតោន និងទីក្រុងតេអេរ៉ង់ សហរដ្ឋអាមេរិក បានបើកការវាយប្រហារជាច្រើនលើកលើទឹកដីសាធារណរដ្ឋអ៊ិស្លាមអ៊ីរ៉ង់ ដោយអះអាងថា ជាការឆ្លើយតបទៅនឹងការវាយប្រហារលើនាវាពាណិជ្ជកម្មមួយនៅច្រកសមុទ្រហ័រមូស ។ នៅថ្ងៃដដែលនោះ ប្រធានាធិបតីអាមេរិក លោក ដូណាល់ ត្រាំ បានបញ្ចប់បទឈប់បាញ់ជាមួយអ៊ីរ៉ង់។ ជាផ្នែកមួយនៃសកម្មភាពសងសឹករបស់ខ្លួន ទីក្រុងតេអេរ៉ង់បានចាប់ផ្តើមវាយប្រហារលើទីតាំងរបស់សហរដ្ឋអាមេរិក នៅមជ្ឈិមបូព៌ា រួមមាន បារ៉ែន ហ្ស៊កដានី កាតា កូវ៉ែត អេមីរ៉ាតអារ៉ាប់រួម និងអូម៉ង់៕

បេសកជនអាមេរិក៖ លោក TRUMP កំពុងធ្វើអ្វីគ្រប់យ៉ាងដែលអាចធ្វើបាន ដើម្បីធានាសន្តិភាពនៅអ៊ុយក្រែន

2026/07/23 10:08:29 pm        89
Facebook Telegram Linkin
លោក Mike Waltz តំណាងអចិន្ត្រៃយ៍សហរដ្ឋអាមេរិកប្រចាំអង្គការសហប្រជាជាតិ បាននិយាយថា លោកប្រធានាធិបតី ដូណាល់ ត្រាំ កំពុងធ្វើអ្វីគ្រប់យ៉ាងដែលអាចធ្វើបាន ដើម្បីសម្រេចបានដំណោះស្រាយដោយសន្តិវិធីនៅអ៊ុយក្រែន។លោក Waltz បានប្រាប់សវនាការរបស់គណៈកម្មាធិការកិច្ចការបរទេសនៃសភាតំណាងរាស្ត្រសហរដ្ឋអាមេរិកថា៖ លោកប្រធានាធិបតី កំពុងធ្វើអ្វីគ្រប់យ៉ាងដែលលោកអាចធ្វើបាន ដើម្បីបញ្ចប់សង្គ្រាម»។ ទោះជាយ៉ាងណា លោកបានកត់សម្គាល់ថា ភាគីពាក់ព័ន្ធទាំងពីរ នៅមិនទាន់ «យល់ព្រមឈានទៅរកកិច្ចព្រមព្រៀងចុងក្រោយ» នៅឡើយទេ។ លោកបានបន្ថែមថា រដ្ឋបាលអាមេរិកកំពុងដាក់សម្ពាធ និងធ្វើអ្វីគ្រប់យ៉ាងដែលអាចធ្វើបាន ដើម្បីបញ្ចប់សង្គ្រាមនេះ។ លោក Waltz ក៏ពិតជាទទួលស្គាល់ថា លោក ត្រាំ បានប៉ាន់ស្មានទាបពេកចំពោះភាពស្មុកស្មាញនៃភារកិច្ចនេះ នៅពេលកន្លងមកលោកបាននិយាយថា លោកអាចដោះស្រាយជម្លោះនៅអ៊ុយក្រែនបានក្នុងរយៈពេលត្រឹមតែមួយថ្ងៃប៉ុណ្ណោះ។ បេសកជនរូបនេះ បាននិយាយថា៖ «លោកប្រធានាធិបតីបានរកឃើញថា ទោះបីជាលោក និងក្រុមការងាររបស់លោក បានខិតខំប្រឹងប្រែងយ៉ាងខ្លាំងក៏ដោយ ក៏វានៅតែជាកិច្ចខិតខំប្រឹងប្រែងមួយ ដែលបង្កឲ្យមានការខកចិត្តយ៉ាងខ្លាំង»៕

បណ្ដាញសង្គម

ព័ត៌មានថ្មីៗ

ក្រសួងការងារបាននាំយកឱកាសការងារជាង ៩ម៉ឺនកន្លែង ឱកាសអាហារូបករណ៍ និង​អត្ថ​ប្រយោជន៍​សង្គម​ទៅ​ជូន​យុវជន អតីតពលករ និងប្រជាជនមូលដ្ឋានក្នុងខេត្តកំពង់ចាម
07/25/2026 10:07 AM
Facebook Telegram Linkin
កិច្ចព្រមព្រៀងនុយក្លេអ៊ែរអាមេរិកជាមួយអារ៉ាប៊ីសាអ៊ូឌីត បង្កឲ្យមានការព្រួយបារម្ភអំពីការរីកសាយ
07/25/2026 10:07 AM
Facebook Telegram Linkin
មន្រ្តី​ជំនាញក្រសួងបរិស្ថានរកឃើញកសិដ្ឋានចិញ្ចឹមជ្រូក ២កន្លែង នៅខេត្តកំពត បាន​ប្រព្រឹត្ត​ល្មើស​ច្បាប់ប​រិស្ថាន និង​បានបង្កក្លិនស្អុយដល់ការរស់នៅរបស់ប្រជាពលរដ្ឋ
07/25/2026 10:07 AM
Facebook Telegram Linkin
រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែន​ការ​យុទ្ធសាស្ត្រ​អភិវឌ្ឍន៍​ជាតិ
07/25/2026 10:07 AM
Facebook Telegram Linkin
សម្តេចធិបតី ហ៊ុន ម៉ាណែត ណែនាំឱ្យត្រៀមខ្លួនឆ្លើយតប​ផលប៉ះពាល់​ដោយសារ​បាតុភូត​ធម្មជាតិ​អែលនីញ៉ូ
07/25/2026 09:07 AM
Facebook Telegram Linkin
មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា
07/25/2026 09:07 AM
Facebook Telegram Linkin
ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើក​ផ្លូវ​ឱ្យ​ចាក​ចេញ​ទៅ​ក្រៅ​ប្រទេស​បាន
07/25/2026 09:07 AM
Facebook Telegram Linkin
សម្ដេចធិបតី៖ រាជរដ្ឋាភិបាល​នឹង​ដាក់​ចេញ​នូវ​វិធាន​ការ​មុត​ស្រួច​មួយ​ចំនួន​ដើម្បី​ដោះ​ស្រាយ​បញ្ហា​សំខាន់​ៗ​ជូន SME
07/25/2026 08:07 AM
Facebook Telegram Linkin
ក្នុងរយៈពេល១ឆ្នាំ សំណុំរឿងឆបោកតាមប្រព័ន្ធបច្ចេកវិទ្យា២៦៨ករណីត្រូវបញ្ជូនទៅតុលាការ និងពាក់ព័ន្ធមុខសញ្ញាសង្ស័យជិត ៣ពាន់នាក់
07/25/2026 07:07 AM
Facebook Telegram Linkin
UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ
07/24/2026 09:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.