នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មនុស្សច្រើននាក់ស្លាប់ក្នុងការវាយប្រហាររយៈចម្ងាយឆ្ងាយរបស់រុស្ស៊ី និងអ៊ុយក្រែន
កិច្ចព្រមព្រៀងនុយក្លេអ៊ែរអាមេរិកជាមួយអារ៉ាប៊ីសាអ៊ូឌីត បង្កឲ្យមានការព្រួយបារម្ភអំពីការរីកសាយ
មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា
UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ព័ត៌មានអន្តរជាតិ

បេសកជនអាមេរិក៖ លោក TRUMP កំពុងធ្វើអ្វីគ្រប់យ៉ាងដែលអាចធ្វើបាន ដើម្បីធានាសន្តិភាពនៅអ៊ុយក្រែន

2026/07/23 10:08:29 pm        89
Facebook Telegram Linkin
លោក Mike Waltz តំណាងអចិន្ត្រៃយ៍សហរដ្ឋអាមេរិកប្រចាំអង្គការសហប្រជាជាតិ បាននិយាយថា លោកប្រធានាធិបតី ដូណាល់ ត្រាំ កំពុងធ្វើអ្វីគ្រប់យ៉ាងដែលអាចធ្វើបាន ដើម្បីសម្រេចបានដំណោះស្រាយដោយសន្តិវិធីនៅអ៊ុយក្រែន។លោក Waltz បានប្រាប់សវនាការរបស់គណៈកម្មាធិការកិច្ចការបរទេសនៃសភាតំណាងរាស្ត្រសហរដ្ឋអាមេរិកថា៖ លោកប្រធានាធិបតី កំពុងធ្វើអ្វីគ្រប់យ៉ាងដែលលោកអាចធ្វើបាន ដើម្បីបញ្ចប់សង្គ្រាម»។ ទោះជាយ៉ាងណា លោកបានកត់សម្គាល់ថា ភាគីពាក់ព័ន្ធទាំងពីរ នៅមិនទាន់ «យល់ព្រមឈានទៅរកកិច្ចព្រមព្រៀងចុងក្រោយ» នៅឡើយទេ។ លោកបានបន្ថែមថា រដ្ឋបាលអាមេរិកកំពុងដាក់សម្ពាធ និងធ្វើអ្វីគ្រប់យ៉ាងដែលអាចធ្វើបាន ដើម្បីបញ្ចប់សង្គ្រាមនេះ។ លោក Waltz ក៏ពិតជាទទួលស្គាល់ថា លោក ត្រាំ បានប៉ាន់ស្មានទាបពេកចំពោះភាពស្មុកស្មាញនៃភារកិច្ចនេះ នៅពេលកន្លងមកលោកបាននិយាយថា លោកអាចដោះស្រាយជម្លោះនៅអ៊ុយក្រែនបានក្នុងរយៈពេលត្រឹមតែមួយថ្ងៃប៉ុណ្ណោះ។ បេសកជនរូបនេះ បាននិយាយថា៖ «លោកប្រធានាធិបតីបានរកឃើញថា ទោះបីជាលោក និងក្រុមការងាររបស់លោក បានខិតខំប្រឹងប្រែងយ៉ាងខ្លាំងក៏ដោយ ក៏វានៅតែជាកិច្ចខិតខំប្រឹងប្រែងមួយ ដែលបង្កឲ្យមានការខកចិត្តយ៉ាងខ្លាំង»៕

អ៊ីរ៉ង់និយាយថា ខ្លួនបានបញ្ឈប់នាវាដឹកប្រេងបីគ្រឿងដែលឆ្លងកាត់ច្រកសមុទ្រហ័រមូស

2026/07/23 10:06:19 pm        76
Facebook Telegram Linkin
កងឆ្មាំបដិវត្តន៍អ៊ីរ៉ង់ (IRGC) បាននិយាយនៅថ្ងៃព្រហស្បតិ៍នេះថា ពួកគេបានរារាំងនាវាដឹកប្រេងចំនួន ៣ គ្រឿង មិនឲ្យឆ្លងកាត់ច្រកសមុទ្រហ័រមូស ខណៈសហរដ្ឋអាមេរិក និងអ៊ីរ៉ង់ កំពុងប្រជែងគ្នា ដើម្បីគ្រប់ គ្រងផ្លូវទឹកដ៏មួយនេះ។ក្នុងរយៈពេលប៉ុន្មានសប្តាហ៍ថ្មីៗនេះ អ៊ីរ៉ង់បានវាយប្រហារលើនាវាដឹកប្រេង ដែលប្រើផ្លូវធ្វើដំណើរតាមបណ្តោយឆ្នេរអូម៉ង់ ដើម្បីឆ្លងកាត់ច្រកសមុទ្រ ដោយមានគោលបំណងបង្ខំឲ្យនាវាទាំងនោះប្រើដែនទឹករបស់ខ្លួន និងបង់ប្រាក់សម្រាប់ការឆ្លងកាត់ដោយសុវត្ថិភាព។កងឆ្មាំបដិវត្តន៍អ៊ីរ៉ង់ បាននិយាយនៅក្នុងសេចក្តីថ្លែងការណ៍មួយ ដែលត្រូវបានប្រព័ន្ធផ្សព្វផ្សាយរដ្ឋអ៊ីរ៉ង់ដកស្រង់ថា៖ «នាវាដឹកប្រេងចំនួន ៣គ្រឿង ដែលត្រូវបានបង្កហេតុ និងជំរុញដោយកងទ័ពអាមេរិក បានព្យាយាមឆ្លងកាត់ផ្លូវដែលមានដាក់មីន នៅភាគខាងត្បូងច្រកសមុទ្រហ័រមូស ប៉ុន្តែបន្ទាប់ពីនាវាមួយគ្រឿងបានផ្ទុះ និងឆាបឆេះ នាវាពីរគ្រឿងផ្សេងទៀត បានបង្វែរទិសដៅយ៉ាងឆាប់រហ័ស ហើយត្រឡប់ក្រោយវិញ»។សេចក្តីថ្លែងការណ៍មិនបានបញ្ជាក់ថា ហេតុការណ៍នេះ បានកើតឡើង នៅពេលណានោះទេ៕

ប្រភព៖ ជំនួបលោក TRUMP-លោក NETANYAHU ត្រូវពន្យារពេល ខណៈអាមេរិកជំរុញឲ្យដកទ័ពចេញពីលីបង់

2026/07/23 10:03:57 pm        84
Facebook Telegram Linkin
ប្រភពមួយដែលដឹងអំពីព័ត៌មានលម្អិត បានប្រាប់សារព័ត៌មានអ៊ីស្រាអែល Haaretz ថា ជំនួបរវាងប្រធានាធិបតីសហរដ្ឋអាមេរិក ដូណាល់ ត្រាំ និងនាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូដែលគ្រោងធ្វើឡើងនៅសប្ដាហ៍នេះ ត្រូវបានពន្យារពេល តាមសំណើរបស់ភាគីអាមេរិក។ខណៈប្រភពមួយបានអះអាងថា ស្ថានការណ៍នៅអ៊ីរ៉ង់ជាមូលហេតុនៅពីក្រោយការពន្យារពេលនេះ ប្រភពពីរផ្សេងទៀត បាននិយាយថា ជំនួបនេះត្រូវបានពន្យារពេល ដើម្បីដាក់សម្ពាធលើអ៊ីស្រាអែលឲ្យចាប់ផ្តើមដកទ័ពចេញពីតំបន់សាកល្បងដំបូងនៅភាគខាងត្បូងប្រទេសលីបង់ និងអនុញ្ញាតឲ្យកងទ័ពលីបង់ដាក់ពង្រាយនៅទីនោះជំនួសវិញ។ប្រភពអ៊ីស្រាអែលមួយបានបដិសេធថា ភាគីអាមេរិកមិនមែនជាអ្នកសម្រេចលើកពេលជំនួបរវាងលោក ត្រាំ និងលោក នេតាន់យ៉ាហ៊ូ នោះទេ។ ប្រភពនោះបាននិយាយថា ជំនួបនេះត្រូវបានគ្រោងធ្វើឡើង នៅថ្ងៃចន្ទ។ ផ្ទុយទៅវិញ គេបានអះអាងថា ការពន្យារពេលនេះ បណ្តាលមកពីការសម្រេចចិត្តរបស់លោក នេតាន់យ៉ាហ៊ូ ក្នុងការពន្យារពេលជើងហោះហើររបស់លោកទៅកាន់សហរដ្ឋអាមេរិក ដោយសារតែពិធីបុណ្យសពរបស់សមាជិកព្រឹទ្ធសភាគណបក្សសាធារណរដ្ឋ លោក Lindsey Graham ត្រូវបានលើកពេល។ទោះបីជាយ៉ាងណាក៏ដោយ មន្ត្រីម្នាក់ក្នុងរដ្ឋបាលរបស់លោក ត្រាំ បានប្រាប់កាសែត Haaretz ថា តាំងពីដំបូងមក មិនមានការកំណត់ពេលជំនួបណាមួយរវាងមេដឹកនាំទាំងពីរ នៅសេតវិមាននោះទេ៕

មន្ត្រីរដ្ឋាភិបាល៖ អ៊ីរ៉ាក់បាត់បង់ចំណូលជាង ៤០ ពាន់លានដុល្លារ ដោយសារសង្គ្រាម

2026/07/23 09:58:07 pm        75
Facebook Telegram Linkin
មន្ត្រីរដ្ឋាភិបាលម្នាក់បាននិយាយកាលពីថ្ងៃពុធថា អ៊ីរ៉ាក់បានបាត់បង់ចំណូលជាង ៤០ ពាន់លានដុល្លារ អាមេរិក ចាប់តាំងពីសង្គ្រាមនៅមជ្ឈិមបូព៌ា បានផ្ទុះឡើង ដោយសារការធ្លាក់ចុះយ៉ាងខ្លាំងនូវការនាំចេញប្រេង ដែលជាប្រភពចំណូលសំខាន់របស់ប្រទេសនេះ។ ជម្លោះ និងការបិទច្រកសមុទ្រហ័រមូសដោយអ៊ីរ៉ង់ បានរារាំងការដឹកជញ្ជូនប្រេង និងជំរុញឲ្យប្រទេសផលិតប្រេងសំខាន់ៗ រួមទាំងអ៊ីរ៉ាក់ កាត់បន្ថយការផលិត ដែលបានធ្វើឲ្យទីផ្សារថាមពលពិភពលោករង្គោះ រង្គើ។ មុនពេលសង្គ្រាមផ្ទុះឡើង ដែលបានចាប់ផ្តើមដោយការវាយប្រហាររួមរបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ នៅចុងខែកុម្ភៈ អ៊ីរ៉ាក់បានផលិតប្រេងប្រមាណ ៤ លានបារ៉ែល ក្នុងមួយថ្ងៃ និងនាំចេញជាមធ្យម ៣,៥ លានបារ៉ែលក្នុងមួយថ្ងៃ ដែលភាគច្រើនដឹកជញ្ជូនឆ្លងកាត់ច្រកសមុទ្រហ័រមូស។ ប៉ុន្តែ អ៊ីរ៉ាក់ ដែលជាសមាជិកស្ថាបនិករបស់អង្គការ OPEC ត្រូវបានបង្ខំឲ្យផ្អាកការផលិតនៅតំបន់អណ្ដូងប្រេងភាគច្រើនរបស់ខ្លួន បន្ទាប់ពីឃ្លាំងស្តុកប្រេងបានពេញ ការនាំចេញប្រេងរបស់ប្រទេសនេះ ត្រូវកំណត់ត្រឹមផ្លូវដឹកជញ្ជូនឆ្លងកាត់ប្រទេសជិតខាង គឺទួរគី និងស៊ីរី។ លោក Muzhar Saleh ទីប្រឹក្សាហិរញ្ញវត្ថុរបស់នាយករដ្ឋមន្ត្រីអ៊ីរ៉ាក់ បាននិយាយថា៖ «សម្រាប់អ៊ីរ៉ាក់ ដោយសារការនាំចេញប្រេងបានធ្លាក់ចុះ ៩០ភាគរយ…រួមជាមួយនឹងការធ្លាក់ចុះនៃអត្រាកំណើនសេដ្ឋកិច្ច …ការខាតបង់ដែលបានប៉ាន់ស្មានមានចន្លោះពី ៤០ ពាន់លានដុល្លារ ទៅ ៤៥ ពាន់លានដុល្លារ គិតត្រឹមខែមិថុនា ឆ្នាំ ២០២៦»៕

UN៖ ជនអន្តោប្រវេសន៍យ៉ាងតិច ១៤៤នាក់ បានស្លាប់ ឬបាត់ខ្លួន នៅឆ្នេរសមុទ្រអាហ្វ្រិក

2026/07/23 09:55:50 pm        194
Facebook Telegram Linkin
យ៉ាងហោចណាស់ជនអន្តោប្រវេសន៍ចំនួន ១៤៤ នាក់ បានស្លាប់ ឬបាត់ខ្លួន បន្ទាប់ពីមានហេតុការណ៍គ្រោះថ្នាក់តាមសមុទ្រដាច់ដោយឡែកពីគ្នា នៅឆ្នេរសមុទ្រនៃប្រទេសម៉ូរីតានី។ ទីភ្នាក់ងារជនភៀសខ្លួនរបស់អង្គការសហប្រជាជាតិ (UNHCR) បានរាយការណ៍ថា ខ្លួនពិតជា​មានភាពសោកសៅយ៉ាងខ្លាំង ចំពោះព្រឹត្តិការណ៍ទាំងនេះ។ លោក Matthew Saltmarsh អ្នកនាំពាក្យរបស់ UNHCR បានប្រាប់អ្នកយកព័ត៌មាននៅទីក្រុងហ្សឺណែវកាលពីថ្ងៃអង្គារថា ប្រតិបត្តិការជួយសង្គ្រោះ និងចូលចតចំនួនបីលើក ដែលបានធ្វើឡើង រវាងថ្ងៃទី ១៤ និង ១៨ ខែកក្កដា បាននាំមនុស្សចំនួន ៣៨៧នាក់ ទៅកាន់ច្រាំងដោយសុវត្ថិភាពនៅក្នុងទីក្រុង Nouadhibou ភាគពាយ័ព្យ។ អ្នកនៅរស់រានមានជីវិតមកពីប្រទេសជាច្រើន ប៉ុន្តែទីភ្នាក់ងារនេះ មិនបានបង្ហាញសញ្ជាតិរបស់ពួកគេទេ។ លោក Saltmarsh បាននិយាយថា៖ «នេះគឺជាការរំលឹកយ៉ាងច្បាស់ថា ទោះបីមានកិច្ចខិតខំប្រឹងប្រែងជាបន្តបន្ទាប់ពីអាជ្ញាធរតំបន់ឆ្នេរ និងដៃគូមនុស្សធម៌ ដើម្បីជួយសង្គ្រោះជីវិតមនុស្សក៏ដោយ ក៏ផ្លូវធ្វើដំណើរតាមមហាសមុទ្រអាត្លង់ទិកពីអាហ្វ្រិកខាងលិចឆ្ពោះទៅកាន់កោះកាណារី (Canary) នៅតែជាច្រកធ្វើ​ ដំណើរ​ចម្រុះដ៏​គ្រោះថ្នាក់បំផុតមួយនៅ​ក្នុងពិភពលោក»។ ហេតុការណ៍ដែលមានចំនួនអ្នកស្លាប់ច្រើនបំផុតដែលត្រូវបានរាយការណ៍ គឺពាក់ព័ន្ធនឹងទូកមួយគ្រឿងដែលបានចេញដំណើរពីភូមិឆ្នេរ Bafuloto ក្នុងប្រទេសហ្គាំប៊ី ឆ្ពោះទៅប្រទេសអេស្ប៉ាញ។ មានមនុស្សតែ ៣៨ នាក់ប៉ុណ្ណោះ ដែលបានរស់រានមានជីវិត បន្ទាប់ពីពួកគេជាប់គាំងនៅមហាសមុទ្រអាត្លង់ទិកអស់រយៈពេលជិត​ ២៥ថ្ងៃ ខណៈអ្នកដំណើរ ១៤៤នាក់ ត្រូវបានរាយការណ៍ថា បានស្លាប់ ឬបាត់ខ្លួន៕ 

ក្រុមហ៊ូទីនៅយេម៉ែនអះអាងថា ខ្លួនបានវាយប្រហារនាវាដឹកប្រេងអារ៉ាប៊ីសាអ៊ូឌីត ២គ្រឿង នៅសមុទ្រក្រហម

2026/07/23 09:51:35 pm        76
Facebook Telegram Linkin
ក្រុមហ៊ូទីនៅប្រទេសយេម៉ែនបាននិយាយនៅថ្ងៃព្រហស្បតិ៍នេះថា ខ្លួនបានបើកប្រតិបត្តិការយោធាមួយដោយកំណត់គោលដៅលើនាវាដឹកប្រេងពីរគ្រឿងរបស់អារ៉ាប៊ីសាអ៊ូឌីត នៅក្នុងសមុទ្រក្រហម ហើយបានអះអាងថា នាវាទាំងនោះបានរំលោភលើការរឹតបន្តឹងដែនសមុទ្រដែលក្រុមនេះបានប្រកាសថ្មីៗនេះ។នៅក្នុងសេចក្តីថ្លែងការណ៍មួយដែលចាក់ផ្សាយដោយទូរទស្សន៍ Al-Masirah របស់ក្រុមនេះ អ្នកនាំពាក្យយោធាហ៊ូទី លោក Yahya Sarea បាននិយាយថា កងកម្លាំងហ៊ូទីបានកំណត់គោលដៅលើនាវាដឹកប្រេង ដែលត្រូវបានគេស្គាល់ថា ENCELIA និង LAYLA ដោយប្រើមីស៊ីលបាលីស្ទីក មីស៊ីលតម្រង់គោលដៅ និងយានដ្រូន»។លោក Sarea បាននិយាយថា នាវាទាំងនោះត្រូវបានកំណត់គោលដៅ ដោយសារការរំលោភលើការហាមឃាត់ដែលដាក់ដោយកងកម្លាំងប្រដាប់អាវុធរបស់ក្រុមនេះលើនាវាដែលចូលចតនៅកំពង់ផែអារ៉ាប៊ីសាអ៊ូ ឌីត។ លោកបានអះអាងថា ការវាយប្រហារនេះ បានបណ្តាលឲ្យអគ្គិភ័យឆាបឆេះនាវាដឹកប្រេងទាំងពីរគ្រឿង ហើយបានសម្រេចបាននូវគោលបំណងរបស់ពួកគេដោយជោគជ័យ។សេចក្តីថ្លែងការណ៍នេះមិនបានបញ្ជាក់ពីទីតាំងនៃហេតុការណ៍ ឬផ្តល់ភស្តុតាងនៃការខូចខាតដែលត្រូវបានចោទប្រកាន់នោះទេ ហើយក៏មិនបាននិយាយថាតើមានអ្នកស្លាប់ឬ របួសឬអត់នោះទេ។ការអះអាងទាំងនេះ មិនអាចផ្ទៀងផ្ទាត់ដោយឯករាជ្យបានទេ ហើយមិនមានការអត្ថាធិប្បាយភ្លាមៗពីអាជ្ញាធរអារ៉ាប៊ីសាអ៊ូឌីតទេ៕

ទាហាន​ ៥នាក់ ស្លាប់ ដោយសារ​ការ​​វាយប្រហារ​ប៉ុស្តិ៍​ត្រួតពិនិត្យ នៅ​ភាគខាង​ត្បូង​ថៃ

2026/07/23 08:58:12 pm        123
Facebook Telegram Linkin
យ៉ាងហោចណាស់ទាហានប៉ារ៉ា ៥នាក់ ត្រូវបានសម្លាប់ ហើយ​អ្នកភូមិ ៥នាក់រងរបួស អំឡុង​ការវាយឆ្មក់ នៅប៉ុស្តិ៍ត្រួតពិនិត្យសន្តិសុខមួយកន្លែង នៅភាគខាងត្បូងប្រទេសថៃ កាលពីយប់ថ្ងៃពុធ (ទី២២ ខែកក្កដា ឆ្នាំ២០២៦)។ នេះបើយោងតាមការ​ឱ្យដឹង​ពី​កងទ័ព។ ហេតុការណ៍នេះបានកើតឡើងនៅស្រុក Ra-ngae (រ៉ាង៉េ) ភាគខាងត្បូងខេត្ត Narathiwat (ណារ៉ាធីវ៉ាត) នៅពេលដែលអ្នកវាយប្រហារចំនួន ៦នាក់ស្លៀកពាក់ខ្មៅ បានបើកការបាញ់ប្រហារ និងគប់គ្រាប់បែក នៅប៉ុស្តិ៍​ត្រួតពិនិត្យនោះ​។ ជន​រង​គ្រោះ​ទាំង ៥រូប​នោះ បានបាត់បង់ជីវិត​នៅកន្លែងកើតហេតុ ខណៈដែលក្រុមវាយប្រហារ បានរត់គេចខ្លួន ហើយក្រុមសង្គ្រោះបន្ទាន់បានដឹកអ្នករងរបួសទៅកាន់មន្ទីរពេទ្យ។ បុគ្គលិកសន្តិសុខបានបិទចំណុចត្រួតពិនិត្យនេះ​ និងតំបន់ជុំវិញ ហើយបានបើកប្រតិបត្តិការ ដើម្បីកំណត់អត្តសញ្ញាណ និងតាម​ចាប់ខ្លួនអ្នកដែលត្រូវ​ទទួលខុសត្រូវ៕

មេដឹកនាំអ៊ុយក្រែន ពិចារណាទៅទស្សនកិច្ចទីក្រុងវ៉ាស៊ីនតោននៅសប្តាហ៍ក្រោយបន្ទាប់ពីពិភាក្សាជាមួយប្រេសិតលោកTrump

2026/07/23 07:43:34 pm        87
Facebook Telegram Linkin
សារព័ត៌មាន Suspilne បានរាយការណ៍កាលពីថ្ងៃ ២២ កក្កដាសប្ដាហ៍នេះ ដោយដកស្រង់ប្រភពការទូត ថា លោកប្រធានាធិបតី Volodymyr Zelenskyy កំពុងពិចារណាទៅទស្សនកិច្ចទីក្រុងវ៉ាស៊ីនតោននៅសប្តាហ៍ក្រោយ ដើម្បីចូលរួមពិធីបុណ្យសពរបស់សមាជិកព្រឹទ្ធសភាអាមេរិកលោក Lindsey Graham ដែលបានទទួលមរណភាព ដោយដំណើរទស្សនកិច្ចនេះ រួមមានការពិភាក្សាទ្វេភាគីជាមួយប្រធានាធិបតីអាមេរិក Donald Trump ។ យោងតាមសារព័ត៌មាន Suspilne លោក Zelenskyy បានទទួលការអញ្ជើញឱ្យចូលរួមពិធីបុណ្យសពរបស់លោក Graham ដែលគ្រោងនឹងធ្វើឡើងនៅវិហារជាតិវ៉ាស៊ីនតោននៅថ្ងៃទី២៨ ខែកក្កដា។ ប្រភពបានប្រាប់សារព័ត៌មាន Suspilne របស់អ៊ុយក្រែន ថា ការិយាល័យប្រធានាធិបតីមិនទាន់បានបញ្ជាក់នៅឡើយទេថាតើលោក Zelenskyy នឹងធ្វើដំណើរទៅ ឬអត់ ដោយរដ្ឋបាលកំពុងពិចារណាបញ្ជូនមន្ត្រីជាន់ខ្ពស់មួយជំនួសរូបលោក។ការិយាល័យប្រធានាធិបតីពុំទាន់បានសម្រេចព័ត៌មានលម្អិតនៃដំណើរទស្សនកិច្ចដែលអាចកើតមាននៅឡើយទេ។ ជាសម្ព័ន្ធមិត្តដ៏រឹងមាំរបស់ទាំងអ៊ុយក្រែន និងប្រធានាធិបតី Trump លោក Graham បានស្លាប់ភ្លាមៗនៅថ្ងៃទី ១១ ខែកក្កដា បន្ទាប់ពីត្រឡប់មកពីដំណើរទស្សនកិច្ចទៅកាន់ទីក្រុងគីវ ក្រោយបានប្រកាសថា លោកបានឈានដល់កិច្ចព្រមព្រៀងជាមួយសេតវិមានលើសេចក្តីព្រាងច្បាប់ទណ្ឌកម្មរុស្ស៊ីដែលត្រូវបានពន្យារពេលជាយូរមកហើយ។ ដំណើរទស្សនកិច្ចដែលអាចកើតមានទៅកាន់សហរដ្ឋអាមេរិកនេះ បានកើតឡើងស្របពេលមានការផ្អាករយៈពេលប្រាំមួយខែក្នុងការចរចាសន្តិភាពរវាងទីក្រុងគីវ ទីក្រុងមូស្គូ និងទីក្រុងវ៉ាស៊ីនតោន។ក្នុងថ្ងៃជាមួយគ្នានោះ មេដឹកនាំអ៊ុយក្រែនរូបនេះ បាននិយាយថា រូបលោកជួបពិភាក្សាតាមទូរស័ព្ទជាមួយលោក Steve Witkoff និងលោក Jared Kushner បេសកជនពិសេសរបស់ប្រធានាធិបតីអាមេរិក លោកTrump ដែលដឹកនាំកិច្ចខិតខំប្រឹងប្រែងដើម្បីសម្របសម្រួលកិច្ចព្រមព្រៀងសន្តិភាពរវាងរុស្ស៊ី និងអ៊ុយក្រែន ។លោកថាជំនួបនោះប្រព្រឹត្តិទៅយ៉ាងល្អដោយផ្ដោតលើការនាំមកនូវសន្តិភាព និងពន្លឿងផ្លូវការទូត៕

រថក្រោះអ៊ីស្រាអែល ត្រូវបានគេមើលឃើញនៅព្រំដែនលីបង់ នៅមុនកិច្ចចរចានៅអ៊ីតាលីក្នុងខែសីហា

2026/07/23 06:58:46 pm        53
Facebook Telegram Linkin
រថក្រោះរបស់អ៊ីស្រាអែល ត្រូវបានគេមើលឃើញនៅព្រំដែនលីបង់-អ៊ីស្រាអែល កាលពីថ្ងៃពុធ ទី២២ ខែកក្កដា ខណៈការដកទ័ពលើកដំបូងរបស់អ៊ីស្រាអែលក្រោមកម្មវិធីតំបន់សាកល្បង បានធ្វើឡើងក្នុងសប្តាហ៍នេះ។ កងកម្លាំងអ៊ីស្រាអែល បានដកកងទ័ពចេញពីទីក្រុង Zawtar al-Gharbiyeh ភាគខាងត្បូងប្រទេសលីបង់ ហើយកងទ័ពលីបង់បានចាប់ផ្តើមដាក់ពង្រាយនៅទីនោះ ប៉ុន្តែបានស្នើសុំឱ្យប្រជាជនពន្យារពេលការវិលត្រឡប់របស់ពួកគេរហូតដល់យុទ្ធភ័ណ្ឌមិនទាន់ផ្ទុះនៅក្នុងទីក្រុងនេះត្រូវបានបោសសម្អាត។ មន្ត្រីលីបង់ម្នាក់បានប្រាប់សារព័ត៌មានរ៉យទ័រកាលពីថ្ងៃពុធថា ប្រទេសលីបង់និងអ៊ីស្រាអែល គ្រោងនឹងបើកកិច្ចចរចាជុំបន្ទាប់សម្របសម្រួលដោយសហរដ្ឋអាមេរិកនៅថ្ងៃទី៤ ខែសីហា នៅប្រទេសអ៊ីតាលី ខណៈប្រទេសទាំងពីរចាប់ផ្តើមអនុវត្តផែនការដកកងទ័ពរបស់អ៊ីស្រាអែល និងការដាក់ពង្រាយកងទ័ពលីបង់នៅភាគខាងត្បូងប្រទេសលីបង់។ សត្រូវយូរអង្វែងទាំងពីរ បានចរចាទល់មុខគ្នារយៈពេលជាងបីខែមកហើយដែលត្រូវបានគេចាត់ទុកថាជាមធ្យោបាយមួយដើម្បីបញ្ចប់អរិភាពជាអចិន្ត្រៃយ៍ចាប់តាំងពីសង្គ្រាមថ្មីបានផ្ទុះឡើងនៅថ្ងៃទី២ ខែមីនា រវាងអ៊ីស្រាអែល និងក្រុមប្រដាប់អាវុធហេសបូឡាលីបង់ ដែលបង្កឡើងដោយជម្លោះក្នុងតំបន់កាន់តែទូលំទូលាយ។ កិច្ចប្រជុំដោយផ្ទាល់កម្រិតឯកអគ្គរដ្ឋទូត គឺខុសប្លែកពីធម្មតាសម្រាប់ប្រទេសដែលនៅតែស្ថិតក្នុងសង្គ្រាម ហើយពុំមានទំនាក់ទំនងការទូតជាប្រក្រតី តាមរយៈការឈ្លានពាន ការចូលកាន់កាប់ដោយយោធា និងជម្លោះឆ្លងព្រំដែនរាប់ទសវត្សរ៍។

អ្នកបើកបររថយន្តដឹកទំនិញរង់ចាំជាច្រើនថ្ងៃ ខណៈព្រិលធ្លាក់ខ្លាំងបិទច្រកព្រំដែនអាហ្សង់ទីន-ឈីលី

2026/07/23 06:53:18 pm        58
Facebook Telegram Linkin
រថយន្តដឹកទំនិញប្រហែល ៦០០ គ្រឿងនៅតែជាប់គាំងកាលពីថ្ងៃពុធ ទី ២២ ខែកក្កដា នៅក្នុងក្រុង Mendoza ប្រទេសអាហ្សង់ទីនជិតព្រំដែនជាមួយប្រទេសឈីលី បន្ទាប់ពីព្យុះព្រិលបានរារាំងច្រកអន្តរជាតិ Cristo Redentor រយៈពេលជិតមួយសប្តាហ៍។វីដេអូពីយានដ្រូន បានបង្ហាញរថយន្តដឹកទំនិញរាប់រយគ្រឿងចតនៅក្នុងតំបន់ត្រួតពិនិត្យរួមគ្នា ជាកន្លែងដែលអ្នកបើកបរអាចរង់ចាំដោយសុវត្ថិភាពរហូតដល់អាជ្ញាធរបើកច្រកឆ្លងកាត់តំបន់ភ្នំឡើងវិញ។អ្នកបើកបររថយន្ត ដែលដឹកជញ្ជូនទំនិញពីប្រទេសអាហ្សង់ទីន ប្រេស៊ីល និងប្រទេសផ្សេងទៀតនៅក្នុងតំបន់ បានទទួលអាហារ និងទឹកពីអាជ្ញាធរអាហ្សង់ទីន និងសហជីពអ្នកបើកបររថយន្តដឹកទំនិញ ខណៈពួកគេរង់ចាំ។យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា គំនរព្រិលបានកើនឡើងដល់បីម៉ែត្រនៅក្នុងតំបន់នោះ និងបានបិទផ្លូវហាយវ៉េជាច្រើនកន្លែងនៅក្នុងក្រុង Mendoza ។ ការព្យាករបាននិយាយថា ព្រិល និងសីតុណ្ហភាពទាប អាចបន្តរយៈពេល ១៤ ថ្ងៃទៀត។

បណ្ដាញសង្គម

ព័ត៌មានថ្មីៗ

អង្គភាពអ្នកនាំពាក្យរាជរដ្ឋាភិបាល រៀបចំការប្រកួតប្រជែងនិយាយជាសាធារណៈវគ្គផ្តាច់ព្រ័ត្រ លើ​ប្រធានបទ៖ «តើយុវជនត្រូវត្រៀមខ្លួនយ៉ាងដូចម្តេច ដើម្បីចូលរួមសម្រេចចក្ខុវិស័យ​កម្ពុជាឆ្នាំ២០៥០?»
07/25/2026 11:07 AM
Facebook Telegram Linkin
មនុស្សច្រើននាក់ស្លាប់ក្នុងការវាយប្រហាររយៈចម្ងាយឆ្ងាយរបស់រុស្ស៊ី និងអ៊ុយក្រែន
07/25/2026 10:07 AM
Facebook Telegram Linkin
សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ
07/25/2026 10:07 AM
Facebook Telegram Linkin
ក្រសួងការងារបាននាំយកឱកាសការងារជាង ៩ម៉ឺនកន្លែង ឱកាសអាហារូបករណ៍ និង​អត្ថ​ប្រយោជន៍​សង្គម​ទៅ​ជូន​យុវជន អតីតពលករ និងប្រជាជនមូលដ្ឋានក្នុងខេត្តកំពង់ចាម
07/25/2026 10:07 AM
Facebook Telegram Linkin
កិច្ចព្រមព្រៀងនុយក្លេអ៊ែរអាមេរិកជាមួយអារ៉ាប៊ីសាអ៊ូឌីត បង្កឲ្យមានការព្រួយបារម្ភអំពីការរីកសាយ
07/25/2026 10:07 AM
Facebook Telegram Linkin
មន្រ្តី​ជំនាញក្រសួងបរិស្ថានរកឃើញកសិដ្ឋានចិញ្ចឹមជ្រូក ២កន្លែង នៅខេត្តកំពត បាន​ប្រព្រឹត្ត​ល្មើស​ច្បាប់ប​រិស្ថាន និង​បានបង្កក្លិនស្អុយដល់ការរស់នៅរបស់ប្រជាពលរដ្ឋ
07/25/2026 10:07 AM
Facebook Telegram Linkin
រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែន​ការ​យុទ្ធសាស្ត្រ​អភិវឌ្ឍន៍​ជាតិ
07/25/2026 10:07 AM
Facebook Telegram Linkin
សម្តេចធិបតី ហ៊ុន ម៉ាណែត ណែនាំឱ្យត្រៀមខ្លួនឆ្លើយតប​ផលប៉ះពាល់​ដោយសារ​បាតុភូត​ធម្មជាតិ​អែលនីញ៉ូ
07/25/2026 09:07 AM
Facebook Telegram Linkin
មីស៊ីលអាមេរិក វាយប្រហារអ៊ីរ៉ង់ខណៈផ្លូវឆ្ពោះទៅរកការបន្ធូរបន្ថយភាពតានតឹងមិនប្រាកដប្រជា
07/25/2026 09:07 AM
Facebook Telegram Linkin
ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើក​ផ្លូវ​ឱ្យ​ចាក​ចេញ​ទៅ​ក្រៅ​ប្រទេស​បាន
07/25/2026 09:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.