BTV NEWS

សារព័ត៌មាន៖ លោក TRUMP មានសុទិដ្ឋិនិយមចំពោះលទ្ធភាពនៃកិច្ចព្រមព្រៀងសន្តិភាពនៅអ៊ុយក្រែន

អ៊ីស្រាអែលដោះលែងអ្នកទោសប៉ាឡេស្ទីន ៦០នាក់ ខណៈកាកបាទក្រហមសម្របសម្រួលការបញ្ជូនទៅកាន់ហ្កាហ្សា

អាជ្ញាធរម៉ាឡេស៊ីឃាត់ខ្លួនជនភៀសខ្លួនរ៉ូហ៊ីងយ៉ាជាង ១០០នាក់ ដែលស្វែងរកជម្រកនៅការិយាល័យ UNHCR

មនុស្សយ៉ាងហោចណាស់៣០នាក់ស្លាប់ក្នុងការវាយប្រហារលើភូមិមួយក្នុងរដ្ឋ Kaduna ប្រទេសនីហ្សេរីយ៉ា

ព័ត៌មានអន្តរជាតិ

ចិន និងហ្វាំងឡង់ យល់ព្រមជំរុញកិច្ចសហប្រតិបត្តិការ និងដោះស្រាយបញ្ហាប្រឈមរួមគ្នា

ប្រធានាធិបតីហ្វាំងឡង់ លោក Alexander Stubb និងរដ្ឋមន្ត្រីការបរទេសចិន លោក Wang Yi ដែលបាn បំពេញទស្សនកិច្ចនៅប្រទេសហ្វាំងឡង់ កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) បានសន្យាយ៉ាងម៉ឺងម៉ាត់ថា នឹងពង្រឹងកិច្ចសហប្រតិបត្តិការ និងការសម្របសម្រួល ព្រមទាំងដោះស្រាយបញ្ហាប្រឈមរួមគ្នា។អំឡុងពេលជួបជាមួយលោក Wang ក្នុងទីក្រុង Turku នៅភាគនិរតីហ្វាំងឡង់ លោក Stubb បានស្នើលោក Wang ឲ្យផ្ញើសារជូនពរលោកទៅកាន់ប្រធានាធិបតីចិន លោក Xi Jinping ដោយលោកបាននិយាយថា ដំណើរទស្សនកិច្ចរបស់លោកទៅកាន់ប្រទេសចិន កាលពីជាង ១ឆ្នាំមុន និងកិច្ចប្រជុំដ៏ជោគជ័យរបស់លោកជាមួយលោក Xi បានបន្សល់ទុកនូវការចាប់អារម្មណ៍យ៉ាងជ្រាលជ្រៅ និងរីករាយ។លោក Stubb បាននិយាយថា ចាប់តាំងពីហ្វាំងឡង់ និងចិន បានបង្កើតទំនាក់ទំនងការទូតនៅឆ្នាំ១៩៥០ ប្រទេសចិនសម្រេចបាននូវសមិទ្ធផលគួរឱ្យកត់សម្គាល់នៅក្នុងវិស័យនានា ដូចជានយោបាយ សេដ្ឋកិច្ច ស្ថិរភាពសង្គម និងនវានុវត្តន៍វិទ្យាសាស្ត្រ និងបច្ចេកវិទ្យា ដែលបង្កើតបានជាការអភិវឌ្ឍដ៏មហស្ចារ្យ។លោក Stubb បានសង្កត់ធ្ងន់ថា ប្រទេសហ្វាំងឡង់ទន្ទឹងរង់ចាំពង្រឹងការផ្លាស់ប្តូរកម្រិតខ្ពស់ជាមួយចិន ពង្រីកកិច្ចសហប្រតិបត្តិការក្នុងវិស័យដែលកំពុងរីកចម្រើន ដូចជាសេដ្ឋកិច្ចបៃតង និងបញ្ញាសិប្បនិម្មិត (AI) ពង្រឹងការសម្របសម្រួលពហុភាគី និងរួមគ្នាដោះស្រាយបញ្ហាប្រឈមសកល។សម្រាប់លោក Wang រដ្ឋមន្ត្រីការបទេសរូបនេះ បាននាំសារសួរសុខទុក្ខរបស់លោក Xi ទៅកាន់លោក Stubb ដោយនិយាយថា លោក Xi បានបំពេញទស្សនកិច្ចផ្លូវរដ្ឋ នៅប្រទេសហ្វាំងឡង់ក្នុងឆ្នាំ២០១៧ ក្នុងឱកាសខួប ១សតវត្សរ៍នៃការទទួលបានឯករាជ្យរបស់ហ្វាំងឡង់ ដោយបង្ហាញពីការអបអរសាទរយ៉ាងស្មោះស្ម័គ្ររបស់ប្រជាជនចិន ចំពោះប្រជាជនហ្វាំងឡង់។ជាមួយគ្នានេះ ដោយបានកត់សម្គាល់ថា ស្ថានភាពអន្តរជាតិបច្ចុប្បន្នពោរពេញដោយភាពវឹកវរ និងភាពចលាចល ហើយពិភពលោកកំពុងប្រឈមមុខនឹងគ្រោះថ្នាក់នៃការដើរថយក្រោយទៅរកច្បាប់ព្រៃ លោក Wang បានបញ្ជាក់ថា ប្រទេសចិននឹងបន្តជាកម្លាំងដ៏សំខាន់ សម្រាប់សន្តិភាព ស្ថិរភាព និងការអភិវឌ្ឍនៅក្នុងពិភពលោក៕

កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញទីក្រុង Konstantinovka

មេបញ្ជាការកងវរសេនាធំទី២នៃកងវរសេនាធំកាំភ្លើងធំលេខ ១១៩៤នៃកងពលតូចកាំភ្លើងធំលេខ ៤ នៃក្រុមកងកម្លាំង Yug របស់រុស្ស៊ី លោក Krupny បានប្រាប់សារព័ត៌មាន TASS ថា កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញពីទីក្រុង Konstantinovka។លោក Krupny បាននិយាយថា៖«ឥឡូវនេះ យើងកំពុងជម្លៀសជនស៊ីវិល និងទាហានរងរបួសរបស់យើង ស្របតាមផែនការដែលបានគ្រោងទុក»។នៅថ្ងៃទី ០៣ ខែកក្កដា អ្នកនាំពាក្យវិមានក្រឹមឡាំង លោក Dmitry Peskov បានប្រកាសពីការរំដោះ បានទីក្រុង Konstantinovka។ ក្នុងអំឡុងពេលកិច្ចប្រជុំមួយនៅប៉ុស្តិ៍បញ្ជាការជំនួយមួយនៃក្រុមកងកម្លាំងរួមរបស់រុស្ស៊ី លោកប្រធានាធិបតី វ្ល៉ាឌីមៀ ពូទីន បានណែនាំមន្ត្រីឲ្យធានាការជម្លៀសជនស៊ីវិលដែលនៅសេសសល់នៅក្នុងតំបន់ Konstantinovka នៃសាធារណរដ្ឋប្រជាមានិត Donetsk៕

លោក Netanyahu៖ ភូមិគ្រិស្តសាសនាលីបង់ខ្លះ «បានស្នើឱ្យអ៊ីស្រាអែលបញ្ចូលជាដែនដីឧសម្ព័ន្ធ»

នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) ថា ភូមិអ្នកកាន់សាសនាគ្រិស្តមួយចំនួន នៅភាគខាងត្បូងនៃប្រទេសលីបង់ បានស្នើសុំឱ្យអ៊ីស្រាអែលបញ្ចូលជាដែនដីឧបសម្ព័ន្ធ ដើម្បីទទួលបានការការពារពីក្រុមសកម្មប្រយុទ្ធហេសបូឡា។លោក Netanyahu បានប្រាប់កម្មវិធី The Sunday Briefing របស់ប្រព័ន្ធផ្សព្វផ្សាយ Fox News ថា៖ «ភូមិគ្រិស្តសាសនាជាច្រើន នៅលីបង់ ក្នុងចំណោមភូមិទាំងនោះ ពិតជាបានស្នើសុំឱ្យបញ្ចូលជាដែនដីឧបសម្ព័ន្ធដោយអ៊ីស្រាអែល ពីព្រោះយើងការពារពួកគេពីក្រុមហេសបូឡា ពីអ្នកគាំទ្រក្រុមហេសបូឡាយ៉ាងងប់ងុលដែលចង់សម្លាប់ពួកគេ ហើយយើងធ្វើរឿងដូចគ្នាជាមួយគ្រិស្តសាសនាគ្រប់ទីកន្លែង»។លោក Netanyahu មិនបានប្រាប់ឈ្មោះភូមិគ្រិស្តសាសនាដែលលោកបាននិយាយថា បានធ្វើការស្នើសុំបែបនេះឡើយ។ មេភូមិគ្រិស្តសាសនា Rmeish គឺលោក Hanna al-Amil ត្រូវបានដកស្រង់សម្តីដោយប្រព័ន្ធផ្សព្វផ្សាយសាធារណៈលីបង់ NNA ដែលបានបដិសេធការអះអាងរបស់លោក Netanyahu។លោក Amil បាននិយាយថា សូម្បីតែការពិចារណាលើគំនិតនេះ ក៏ «មិនអាចទទួលយកបានទាំងស្រុង» ហើយបានបញ្ជាក់ថា «ទីក្រុងគ្រិស្តសាសនាចំនួន ១៥ បានចេញសេចក្តីថ្លែងការណ៍មួយ កាលពី ២ថ្ងៃមុន ដោយបដិសេធការលើកឡើងទាំងនេះ»។ប្រទេសលីបង់ត្រូវបានអូសទាញឱ្យចូលទៅក្នុងសង្គ្រាមមជ្ឈិមបូព៌ាដ៏ទូលំទូលាយ កាលពីថ្ងៃទី២ ខែមីនា នៅពេលដែលក្រុមហេសបូឡាបានបាញ់រ៉ូកែតទៅលើអ៊ីស្រាអែល ដើម្បីសងសឹក ចំពោះការសម្លាប់មេដឹកនាំកំពូលរបស់អ៊ីរ៉ង់ អំឡុងការវាយប្រហាររួមគ្នា រវាងសហរដ្ឋអាមេរិក និងអ៊ីស្រាអែល។ អ៊ីស្រាអែលបានឆ្លើយតបដោយការវាយប្រហារតាមអាកាសដ៏ធំ និងការឈ្លានពានផ្លូវគោក នៅភាគខាងត្បូងលីបង់ ជាកន្លែងដែលកងទ័ពរបស់ខ្លួន ឥឡូវនេះកាន់កាប់ទឹកដីជាច្រើន នៅជិតព្រំដែន៕

មនុស្សយ៉ាងតិច ១០នាក់ត្រូវបានសម្លាប់ដោយសារការវាយប្រហារលើកទី២ របស់រុស្ស៊ី លើក្រុងគីវ ត្រឹម ១សប្តាហ៍

អភិបាលយោធាជាន់ខ្ពស់របស់រដ្ឋធានី បានប្រាប់ឱ្យដឹងថា មនុស្សយ៉ាងហោចណាស់ ១០នាក់ត្រូវបានសម្លាប់ បន្ទាប់ពីមានការវាយប្រហារលើកទី២ របស់រុស្ស៊ី លើទីក្រុងគីវ ដែលវាកើតឡើងក្នុងរង្វង់រយៈពេល ១សប្តាហ៍។ជាមួយគ្នានេះ អ្នកគ្រប់គ្រងរូបនោះ គឺលោក Timur Tkachenko បានឱ្យដឹងបន្ថែមទៀតថា មនុស្ស ៤៦នាក់ផ្សេងទៀត បានរងរបួស ក្នុងនោះមានទាំងកុមារ ៥នាក់ផងដែរ។ លោក Tkachenko បានបង្ហោះនៅលើកម្មវិធីផ្ញើសារ Telegram ថា កិច្ចខិតខំប្រឹងប្រែងជួយសង្គ្រោះ កំពុងបន្តនៅទីតាំងជាង ២០កន្លែង ដោយបញ្ជាក់ថា អគារលំនៅឋានខ្ពស់ៗ ត្រូវបានវាយប្រហារនៅក្នុងតំបន់ចំនួន២។ការវាយប្រហារទាំងនេះបានកើតឡើងនៅមុនថ្ងៃមានកិច្ចប្រជុំកំពូលរបស់អង្គការណាតូ (NATO) នៅប្រទេសទួរគី ជាកន្លែងដែលប្រធានាធិបតីអ៊ុយក្រែន លោក Volodymyr Zelenskyy ត្រូវបានគេរំពឹងថា នឹងជួបពិភាក្សាជាមួយលោកប្រធានាធិបតីអាមេរិក Donald Trump។ប៉ុន្មានម៉ោងមុនមានការវាយប្រហារចុងក្រោយបំផុតនេះ លោក Zelenskyy បានព្រមានថា ទីក្រុងមូស្គូកំពុងរៀបចំ «ការវាយប្រហារដ៏ធំ» លើកទី២ លើទីក្រុងគីវ បន្ទាប់ពីការវាយប្រហាររបស់ខ្លួន កាលពីថ្ងៃព្រហស្បតិ៍សប្ដាហ៍កន្លងមក បានសម្លាប់មនុស្ស ៣០នាក់។អភិបាលក្រុង លោក Vitaly Klitschko បាននិយាយថា មីស៊ីលបាលីស្ទិករបស់រុស្ស៊ី បានវាយប្រហារចំអគារជាច្រើនខ្នង នៅទូទាំងទីក្រុង ដោយបន្ថែមថា អគ្គិភ័យបានឆាបឆេះឡើងនៅក្នុងអគារផ្ទះល្វែងមួយចំនួន។រូបថតពីទីក្រុងគីវ បង្ហាញពីកម្ទេចកម្ទីដែលកំពុងមានភ្លើងឆេះ និងរថយន្តត្រូវបានឆេះខ្ទេចខ្ទី ពាសពេញទីក្រុង។ វីដេអូក៏បង្ហាញពីក្រុមជួយសង្គ្រោះបន្តរុករកកម្ទេចកម្ទីនៅព្រឹកថ្ងៃចន្ទ (ទី៦ ខែកក្កដា ឆ្នាំ២០២៦) នេះ ដើម្បីស្វែងរកអ្នកនៅរស់រានមានជីវិត៕

មនុស្សយ៉ាងហោច ២៥នាក់ស្លាប់ ក្នុងការប៉ះទង្គិចគ្នានៅពន្ធនាគាររបស់ប្រទេសស្រីលង្កា

សារព័ត៌មានក្នុងសុ្រករាយការណ៍ដោយលើកប្រភពពីក្រុមនគរបាលថា មនុស្សយ៉ាងហោច ២៥នាក់ ត្រូវបានសម្លាប់ និងមនុស្សជិត ១០០នាក់ផ្សេងទៀត បានរងរបួស ពេលដែលការប៉ះទង្គិចគ្នាដោយហិង្សាក្នុងពន្ធនាគារ ស្ថិតនៅទីក្រុង Negombo ប្រទេសស្រីលង្កា ចូលដល់ថ្ងៃទី ២ នាថ្ងៃចន្ទនេះ ។អំពើហិង្សា បានផ្ទុះឡើងកាលពីថ្ងៃអាទិត្យ ពេលដែលគូប្រជែងរបស់ទណ្ឌិត បានប៉ះទង្គិចគ្នានៅក្នុងពន្ធនាគារ បណ្តាលឲ្យមនុស្ស ២នាក់ស្លាប់ និងមនុស្ស ៣៨នាក់ផ្សេងទៀត រងរបួស ។ អំឡុងភាពរំជើបរំជួលនេះ ទណ្ឌិតជាស្រ្តី បាននាំគ្នាឡើងលើដំបូលអគារ ដើម្បីតវ៉ា ។អ្នកទោសដែលរងរបួស ត្រូវបានបញ្ជូនទៅព្យាបាលនៅមន្ទីរពេទ្យបង្អែក ខណៈអ្នករងរបួសធ្ងន់ធ្ងរ ២នាក់ ត្រូវបានបញ្ជូនព្យាបាលនៅមន្ទីរពេទ្យជាតិ ស្ថិតក្នុងរដ្ឋធានី Colombo ។យោងតាមសេចក្តីរាយការណ៍របស់សារព័ត៌មានក្នុងស្រុក បានឲ្យដឹងថា ការប៉ះទង្គិចគ្នាដោយហិង្សា បានកើតមានម្តងទៀតនៅថ្ងៃចន្ទនេះ ជំរុញឲ្យចំនួនមនុស្សស្លាប់កើនឡើងដល់យ៉ាងហោច ២៥នាក់ និងមនុស្សរាប់សិបនាក់ផ្សេងទៀត រងរបួស ។ខណៈពេលនោះដែរ ក្រុមអាជ្ញាធរពន្ធនាគារ បានបើកការស៊ើបអង្កេតចំពោះមូលហេតុដែលនាំឲ្យកើតមានការប៉ះទង្គិចគ្នាដោយហិង្សានេះ ៕

មេបញ្ជាការកងទ័ពអ៊ីស្រាអែលសន្យាធ្វើសកម្មភាព «យ៉ាងម៉ឺងម៉ាត់» ប្រឆាំងនឹងក្រុមហេសបូឡា

មេបញ្ជាការយោធាអ៊ីស្រាអែល កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) បានទៅពិនិត្យមើលកងកម្លាំងដែលដាក់ពង្រាយនៅជុំវិញប្រាសាទ Beaufort នៅភាគខាងត្បូងនៃប្រទេសលីបង់ ដោយសន្យាយ៉ាងម៉ឺងម៉ាត់ជំរុញយុទ្ធនាការប្រឆាំងនឹងក្រុមហេសបូឡា។យោងតាមសេចក្តីថ្លែងការណ៍ដែលចេញផ្សាយដោយយោធា បានឱ្យដឹងថា ឧត្តមសេនីយ៍ឯក លោក Eyal Zamir បានប្រាប់ទាហានក្នុងអំឡុងពេលនោះថា៖ «កងកម្លាំង IDF (កងកម្លាំងការពារជាតិអ៊ីស្រាអែល) នឹងបន្តប្រតិបត្តិការយ៉ាងម៉ឺងម៉ាត់ ដើម្បីលុបបំបាត់ការគំរាមកំហែងចេញពីទឹកដីលីបង់ ហើយត្រៀមខ្លួនរួចជាស្រេច ដើម្បីផ្លាស់ប្តូរយ៉ាងឆាប់រហ័សទៅជាប្រតិបត្តិការវាយលុក ប្រសិនបើបទឈប់បាញ់ត្រូវបានរំលោភបំពាន»។កងកម្លាំងអ៊ីស្រាអែលបានរឹបអូសកាន់កាប់ប្រាសាទសម័យសង្គ្រាមសាសនា និងតំបន់ជុំវិញប្រាសាទថ្មីៗនេះ ដោយផ្តល់ឱ្យយោធានូវមូលដ្ឋានយុទ្ធសាស្ត្រដែលខ្លួនធ្លាប់កាន់កាប់អស់រយៈពេលជិត ២ទសវត្សរ៍មកហើយ។អ៊ីស្រាអែលឱ្យដឹងថា ខ្លួនបានរកឃើញបណ្តាញផ្លូវរូងក្រោមដី នៅក្រោមប្រាសាទនេះ ដោយបញ្ជាក់ថា វាត្រូវបានសាងសង់ឡើង ដើម្បីឱ្យយុទ្ធជនរបស់ក្រុមសកម្មប្រយុទ្ធលីបង់ គឺហេសបូឡា មាននូវមជ្ឈមណ្ឌលវាយប្រហារដែលមានកំពែងរឹងមាំ ត្រឹមតែប៉ុន្មានគីឡូម៉ែត្រពីទឹកដីអ៊ីស្រាអែល។ដោយសំដៅទៅលើកិច្ចព្រមព្រៀងសម្របសម្រួលដោយសហរដ្ឋអាមេរិកថ្មីៗនេះ រវាងអ៊ីស្រាអែល និងលីបង់ ដែលមានបំណងបញ្ឈប់អរិភាពជាអចិន្ត្រៃយ៍ លោក Zamir បាននិយាយកាលពីថ្ងៃអាទិត្យថា៖ «សកម្មភាពកងទ័ពរបស់យើងនៅតំបន់ Beaufort Ridge និងទូទាំងភាគខាងត្បូងលីបង់ កំពុងត្រូវបានអនុវត្តស្របតាមក្របខ័ណ្ឌនៃកិច្ចព្រមព្រៀង និងយន្តការដែលបានបង្កើតឡើងក្រោមកិច្ចព្រមព្រៀងនេះ»៕

ក្រសួងសុខាភិបាលប៉ាឡេស្ទីននិយាយថា កងកម្លាំងអ៊ីស្រាអែលបានសម្លាប់ក្មេងជំទង់ម្នាក់ នៅតំបន់វេសបែង

ក្រសួងសុខាភិបាលប៉ាឡេស្ទីន បាននិយាយថា កងកម្លាំងអ៊ីស្រាអែលបានបាញ់សម្លាប់ក្មេងប្រុសអាយុ ១៦ ឆ្នាំម្នាក់ នៅតំបន់វេសបែង (West Bank) កាលពីថ្ងៃអាទិត្យ ដែលជាការសម្លាប់ក្មេងជំទង់ប៉ាឡេស្ទីនលើកទី២ ក្នុងរយៈពេលមួយសប្តាហ៍។ក្មេងប្រុសពីរនាក់ផ្សេងទៀត ដែលទាំងពីរមានអាយុ ១៤ ឆ្នាំ បានរងរបួស នៅក្នុងហេតុការណ៍នៅជំរំជនភៀសខ្លួន Qalandia ជិតទីក្រុងរ៉ាម៉ាឡា( Ramallah) នេះបើយោងតាមក្រសួង។ក្រសួងបាននិយាយថា៖«យុវជន Waleed Nidal Waleed Abu Sneineh អាយុ ១៦ឆ្នាំ ត្រូវបានប្រកាសថា បានស្លាប់ បន្ទាប់ពីត្រូវបានបាញ់ដោយកងកម្លាំងអ៊ីស្រាអែល»។«កុមារពីរនាក់ផ្សេងទៀតបានរងរបួសដោយគ្រាប់កាំភ្លើងនៅអវយវៈខាងក្រោម ក្នុងហេតុការណ៍ដូចគ្នានោះ»៕

របាយការណ៍៖ លោក Netanyahu កោះប្រជុំសន្តិសុខ ដើម្បីអនុម័តទីតាំងដកទ័ពអ៊ីស្រាអែល នៅលីបង់

នាយករដ្ឋមន្ត្រីអ៊ីស្រាអែល លោក Benjamin Netanyahu បានកោះប្រជុំសន្តិសុខកម្រិតខ្ពស់ កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) ដើម្បីអនុម័តទីតាំងដកទ័ពដែលបានគ្រោងទុក សម្រាប់កងកម្លាំងអ៊ីស្រាអែល នៅភាគខាងត្បូងនៃប្រទេសលីបង់ ក្រោមកិច្ចព្រមព្រៀងក្របខ័ណ្ឌដសម្របសម្រួលដោយសហរដ្ឋអាមេរិក។ នេះបើយោងតាមប្រព័ន្ធផ្សព្វផ្សាយក្នុងស្រុក។ប្រព័ន្ធផ្សព្វផ្សាយប៉ុស្តិ៍លេខ១៣ របស់អ៊ីស្រាអែល ដោយដកស្រង់ប្រភពព័ត៌មាន បានឱ្យដឹងថា មន្ត្រីយោធាជាន់ខ្ពស់ និងសន្តិសុខ បានចូលរួមកិច្ចប្រជុំនេះ ដោយផ្តោតលើការកំណត់តំបន់ដែលរួមបញ្ចូលនៅក្នុងដំណាក់កាលដកទ័ពដំបូង និងយន្តការ សម្រាប់អនុវត្តចំណាត់ការនេះ ដោយសម្របសម្រួលជាមួយភាគីអន្តរជាតិ ជាពិសេសសហរដ្ឋអាមេរិក។កិច្ចប្រជុំនេះកើតឡើង ខណៈដែលអ៊ីស្រាអែល និងលីបង់ បន្តទំនាក់ទំនងសម្របសម្រួលដោយសហរដ្ឋអាមេរិក ជុំវិញការរៀបចំទីតាំងជាក់ស្ដែង រួមទាំងការកំណត់អ្វីដែលមន្ត្រីអ៊ីស្រាអែលពិពណ៌នាថា ជា «តំបន់គ្មានក្រុមហេសបូឡា» ដើម្បីការពារកុំឱ្យកើតជម្លោះ ឬការគណនាខុសក្នុងអំឡុងពេលដំណើរការដកទ័ព។ អ៊ីស្រាអែលមិនទាន់បានចាប់ផ្តើមដកទ័ពចេញពីតំបន់ដែលបានកំណត់នៅឡើយទេ ដោយភ្ជាប់ចំណាត់ការនេះទៅនឹងការធានាថា កងទ័ពលីបង់ត្រៀមខ្លួនរួចជាស្រេច ដើម្បីដាក់ពង្រាយ និងគ្រប់គ្រង រួមជាមួយនឹងការរៀបចំត្រួតពិនិត្យអន្តរជាតិ។គួរបញ្ជាក់ថា ក្រោមកិច្ចព្រមព្រៀងក្របខ័ណ្ឌសម្របសម្រួលដោយសហរដ្ឋអាមេរិក ដែលបានចុះហត្ថលេខាកាលពីថ្ងៃទី២៦ ខែមិថុនា អ៊ីស្រាអែលបានយល់ព្រមអនុវត្តដំណើរការដកទ័ពបន្តិចម្តងៗចេញពីទឹកដីលីបង់ ដោយចាប់ផ្តើមជាមួយនឹងតំបន់សាកល្បងចំនួន២។ កិច្ចព្រមព្រៀងនេះ មិនបានកំណត់ពេលវេលា ដើម្បីឲ្យមានការដកទ័ពរបស់អ៊ីស្រាអែលពេញលេញនោះទេ ហើយភ្ជាប់ការដាក់ពង្រាយបន្ថែមទៀតទៅកងទ័ពលីបង់ ដែលទទួលខុសត្រូវទាំងស្រុង ចំពោះសន្តិសុខ នៅក្នុងតំបន់ដែលត្រូវបានជម្លៀសចេញ និងការរំសាយអាវុធក្រុមប្រដាប់អាវុធប្រតិបត្តិការនៅក្រៅការគ្រប់គ្រងរបស់រដ្ឋ ដែលជាក់ស្តែងសំដៅទៅលើក្រុមហេសបូឡា៕

នាយករដ្ឋមន្ត្រីអ៊ីស្រាអែល៖ គ្មានភាពប្រេះឆារវាងសហរដ្ឋអាមេរិក និងអ៊ីស្រាអែលទេ

នាយករដ្ឋមន្ត្រីអ៊ីស្រាអែល លោក Benjamin Netanyahu ក្នុងអំឡុងបទសម្ភាសន៍ជាមួយ Fox News Channel ដែលបានចេញផ្សាយកាលពីថ្ងៃអាទិត្យ ទី ៥ ខែកក្កដា បានបដិសេធការលើកឡើងអំពីភាពប្រេះឆាជាមួយប្រធានាធិបតីសហរដ្ឋអាមេរិក លោក Donald Trump ដោយនិយាយថា មេដឹកនាំទាំងពីរយល់ស្របគ្នា ៩៩% ហើយជាធម្មតាតែតែដោះស្រាយភាពខ្វែងគំនិតគ្នាណាមួយ។លោក Netanyahu បាននិយាយថា សកម្មភាពរួមគ្នារវាងសហរដ្ឋអាមេរិក និងអ៊ីស្រាអែល ប្រឆាំងអ៊ីរ៉ង់អាចជួយត្រួសត្រាយផ្លូវសម្រាប់កិច្ចព្រមព្រៀងសន្តិភាពក្នុងតំបន់បន្ថែមទៀត។ ការថ្លែងលើកឡើងរបស់លោក បានធ្វើឡើងបន្ទាប់ពីលោក Trump បានប្រាប់សារព័ត៌មាន Axios ថា លោក Netanyahu បានស្នើសុំជំនួបនៅសេតវិមានដែលអាចធ្វើឡើងនៅដើមសប្តាហ៍ក្រោយ។លោកប្រធានាធិបតីអាមេរិក បាននិយាយថា ជំនួបនៅសេតវិមានអាចធ្វើឡើងបន្ទាប់ពីលោកត្រឡប់ពីកិច្ចប្រជុំកំពូលប្រចាំឆ្នាំរបស់សម្ព័ន្ធយោធាណាតូដែលនឹងប្រព្រឹត្តទៅនៅឆ្នាំនេះក្នុងទីក្រុងអង់ការ៉ា ប្រទេសទួរគី ថ្ងៃទី ៧ និងទី ៨ ខែកក្កដា។ប៉ុន្តែកិច្ចប្រជុំនេះបានកើតឡើងខណៈភាពតានតឹងរវាងលោក Trump និងលោក Netanyahu បានលេចចេញជាសាធារណៈ។ អ៊ីស្រាអែលបានប្រឆាំងទៅនឹងកិច្ចខិតខំប្រឹងប្រែងក្រោមរដ្ឋបាលលោក Trump ក្នុងការចរចាបទឈប់បាញ់ជាមួយអ៊ីរ៉ង់ ហើយលោក Trump បានរិះគន់លោក Netanyahu ដោយបើកចំហចំពោះការវាយប្រហារជាបន្តបន្ទាប់របស់អ៊ីស្រាអែលលើប្រទេសលីបង់ ដែលគំរាមដល់កិច្ចព្រមព្រៀងណាមួយដែលបានចរចា។

កូវ៉ែត ចាប់ផ្តើមមូលនិធិសង្គ្រោះ១០០លានដុល្លារដើម្បីជួសជុលហេដ្ឋារចនាសម្ព័ន្ធដែលត្រូវបានបំផ្លាញដោយសង្គ្រាម

ប្រទេសកូវ៉ែត បានប្រកាសកាលពីថ្ងៃអាទិត្យអំពីការចាប់ផ្តើមដំណើរការមូលនិធិឆ្លើយតបបន្ទាន់ដែលមានធនធានដំបូងចំនួន១០០លានដុល្លារអាមេរិក ជាផ្នែកមួយនៃកិច្ចខិតខំប្រឹងប្រែងរបស់ប្រទេសដើម្បីជួសជុលអគារដែលខូចខាតក្នុងសង្គ្រាមអ៊ីរ៉ង់។លោក Sheikh Jarrah Jaber Al-Ahmad Al-Sabah រដ្ឋមន្ត្រីការបរទេសកូវ៉ែត បាននិយាយក្នុងសន្និសីទសារព័ត៌មានថា មូលនិធិឆ្លើយតបបន្ទាន់របស់ប្រទេសកូវ៉ែត ដែលបានដាក់ឱ្យដំណើរការដោយមូលនិធិកូវ៉ែតសម្រាប់ការអភិវឌ្ឍសេដ្ឋកិច្ចអារ៉ាប់ (KFAED) មានគោលបំណងបង្កើតក្របខ័ណ្ឌហិរញ្ញប្បទានសង្គ្រោះបន្ទាន់ និងជំរុញការឆ្លើយតបវិបត្តិរបស់ប្រទេស។លោករដ្ឋមន្ត្រីនិយាយថា មូលនិធិនេះនឹងគាំទ្រកិច្ចខិតខំប្រឹងប្រែងរបស់ប្រទេសកូវ៉ែតក្នុងការជួសជុលហេដ្ឋារចនាសម្ព័ន្ធដែលត្រូវបានបំផ្លាញជាអ្វីដែលលោកបានពិពណ៌នាថាជា «ការឈ្លានពានរបស់អ៊ីរ៉ង់»។ នៅថ្ងៃទី២៨ ខែកុម្ភៈ សហរដ្ឋអាមេរិក និងអ៊ីស្រាអែល បានបើកការវាយប្រហាររួមគ្នាលើអ៊ីរ៉ង់។ ទីក្រុងតេអេរ៉ង់ បានសងសឹកដោយការវាយប្រហារដោយមីស៊ីលនិងយានដ្រូនដាក់គោលដៅលើមូលដ្ឋានយោធាអ៊ីស្រាអែល និងសហរដ្ឋអាមេរិក នៅក្នុងប្រទេសនានាដែលនៅជិតខាង។

បណ្ដាញសង្គម

ព័ត៌មានថ្មីៗ

ឧត្តមសេនីយ៍ឯក ជួន ណារិន្ទ បញ្ជាឲ្យបើកការស្រាវជ្រាវ និងអនុវត្តវិធានការច្បាប់ ករណីយុវជនតាំងខ្លួនកូនខ្លាបង្កហិង្សានៅខណ្ឌចំការមន

Paolo Maldini និង Leonardo លាលែងពីតំណែងក្នុងសហព័ន្ធបាល់ទាត់អ៊ីតាលី បង្កវិបត្តិថ្មីដល់ក្រុមជម្រើសជាតិ

Manchester City ព្យាយាមរក្សា Rodri ខណៈ Real Madrid បន្តដាក់សម្ពាធចង់នាំយកទៅ Bernabéu

ផលិតផលក្នុងស្រុកកាន់តែរីកចម្រើន ពង្រីកវត្តមាននៅផ្សារទំនើប ឆ្លើយតបតម្រូវការទីផ្សារ

បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រផ្អាកការប្រកួតតាមរយៈការព្យាបាលអ្នកចាំទី"

Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដកខ្លួនចេញពីការប្រជែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ចិន និងហ្វាំងឡង់ យល់ព្រមជំរុញកិច្ចសហប្រតិបត្តិការ និងដោះស្រាយបញ្ហាប្រឈមរួមគ្នា

កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញទីក្រុង Konstantinovka

លោក Netanyahu៖ ភូមិគ្រិស្តសាសនាលីបង់ខ្លះ «បានស្នើឱ្យអ៊ីស្រាអែលបញ្ចូលជាដែនដីឧសម្ព័ន្ធ»

មនុស្សយ៉ាងតិច ១០នាក់ត្រូវបានសម្លាប់ដោយសារការវាយប្រហារលើកទី២ របស់រុស្ស៊ី លើក្រុងគីវ ត្រឹម ១សប្តាហ៍

មនុស្សយ៉ាងហោច ២៥នាក់ស្លាប់ ក្នុងការប៉ះទង្គិចគ្នានៅពន្ធនាគាររបស់ប្រទេសស្រីលង្កា

មេបញ្ជាការកងទ័ពអ៊ីស្រាអែលសន្យាធ្វើសកម្មភាព «យ៉ាងម៉ឺងម៉ាត់» ប្រឆាំងនឹងក្រុមហេសបូឡា

ក្រសួងសុខាភិបាលប៉ាឡេស្ទីននិយាយថា កងកម្លាំងអ៊ីស្រាអែលបានសម្លាប់ក្មេងជំទង់ម្នាក់ នៅតំបន់វេសបែង

របាយការណ៍៖ លោក Netanyahu កោះប្រជុំសន្តិសុខ ដើម្បីអនុម័តទីតាំងដកទ័ពអ៊ីស្រាអែល នៅលីបង់

នាយករដ្ឋមន្ត្រីអ៊ីស្រាអែល៖ គ្មានភាពប្រេះឆារវាងសហរដ្ឋអាមេរិក និងអ៊ីស្រាអែលទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ចិន និងហ្វាំងឡង់ យល់ព្រមជំរុញកិច្ចសហប្រតិបត្តិការ និងដោះស្រាយបញ្ហាប្រឈមរួមគ្នា

កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញទីក្រុង Konstantinovka

លោក Netanyahu៖ ភូមិគ្រិស្តសាសនាលីបង់ខ្លះ​ «បានស្នើឱ្យអ៊ីស្រាអែលបញ្ចូលជា​ដែន​ដី​ឧសម្ព័ន្ធ​​»

មនុស្សយ៉ាងតិច​​ ១០នាក់ត្រូវបានសម្លាប់ដោយសារ​​ការវាយប្រហារលើកទី២ របស់រុស្ស៊ី លើក្រុងគីវ ត្រឹម​ ១សប្តាហ៍

មនុស្សយ៉ាងហោច ២៥នាក់ស្លាប់ ក្នុងការប៉ះទង្គិចគ្នានៅពន្ធនាគាររបស់ប្រទេសស្រីលង្កា

មេបញ្ជាការកងទ័ពអ៊ីស្រាអែលសន្យាធ្វើសកម្មភាព «យ៉ាងម៉ឺងម៉ាត់» ប្រឆាំងនឹងក្រុមហេសបូឡា

ក្រសួងសុខាភិបាលប៉ាឡេស្ទីននិយាយថា កងកម្លាំងអ៊ីស្រាអែលបានសម្លាប់ក្មេងជំទង់ម្នាក់ នៅតំបន់វេសបែង

របាយការណ៍៖ លោក Netanyahu កោះប្រជុំសន្តិសុខ​ ដើម្បីអនុម័តទីតាំង​ដកទ័ពអ៊ីស្រាអែល នៅលីបង់

នាយករដ្ឋមន្ត្រីអ៊ីស្រាអែល៖ គ្មានភាពប្រេះឆារវាងសហរដ្ឋអាមេរិក និងអ៊ីស្រាអែលទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Netanyahu៖ ភូមិគ្រិស្តសាសនាលីបង់ខ្លះ «បានស្នើឱ្យអ៊ីស្រាអែលបញ្ចូលជាដែនដីឧសម្ព័ន្ធ»

មនុស្សយ៉ាងតិច ១០នាក់ត្រូវបានសម្លាប់ដោយសារការវាយប្រហារលើកទី២ របស់រុស្ស៊ី លើក្រុងគីវ ត្រឹម ១សប្តាហ៍

របាយការណ៍៖ លោក Netanyahu កោះប្រជុំសន្តិសុខ ដើម្បីអនុម័តទីតាំងដកទ័ពអ៊ីស្រាអែល នៅលីបង់