នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
មនុស្សយ៉ាងហោចណាស់៣០នាក់ស្លាប់ក្នុងការវាយប្រហារលើភូមិមួយក្នុងរដ្ឋ Kaduna ប្រទេសនីហ្សេរីយ៉ា
អតីតមន្ត្រីយោធាអ៊ីស្រាអែលរាប់រយនាក់ជំរុញឱ្យលោក Trump ជួយបញ្ចប់អំពើហិង្សារបស់អ្នកតាំងលំនៅឋាន
មន្ត្រីអាមេរិក៖ កិច្ចចរចាជុំបន្ទាប់រវាងអ៊ីស្រាអែល និងលីបង់ នឹងត្រូវធ្វើឡើងនៅថ្ងៃទី៤ ខែសីហា
អារ៉ាប៊ីសាអ៊ូឌីត ការពារប្រឆាំងការវាយប្រហារដោយយានដ្រូនពីក្រុមគាំទ្រដោយអ៊ីរ៉ង់

ព័ត៌មានអន្តរជាតិ

នាយករដ្ឋមន្រ្តីឥណ្ឌាចាកចេញទៅកាន់ប្រទេសឥណ្ឌូនេស៊ី ដើម្បីចាប់ផ្តើមដំណើរទស្សនកិច្ចនៅ ៣ប្រទេស

2026/07/07 01:15:59 am        50
Facebook Telegram Linkin
នាយករដ្ឋមន្រ្តីឥណ្ឌាលោក Narendra Modi បានចាកចេញពីទីក្រុងញូវដែលី នាថ្ងៃចន្ទនេះ សម្រាប់ដំណើរទស្សនកិច្ចនៅ ៣ប្រទេស ដោយចាប់ផ្តើមជាមួយប្រទេសឥណ្ឌូនេស៊ី បន្ទាប់មក អូស្រ្តាលី និងនូវែលសេឡង់ ។លោក Modi និយាយនៅក្នុងសេចក្តីថ្លែងការណ៍បង្ហោះនៅលើបណ្តាញព័ត៌មានសង្គម Xថា ដំណើរទស្សនកិច្ចនេះ នឹងព្យាយាមជំរុញកិច្ចសហប្រតិបត្តិការសេដ្ឋកិច្ច និងយុទ្ធសាស្រ្តជាមួយដៃគូអភិវឌ្ឍន៍ និងធានាថា យុវជនឥណ្ឌា នឹងទទួលបានឱកាសក្នុងពេលខាងមុខ ។អំឡុងដំណើរទស្សនកិច្ចនេះដែរ លោក Modi រំពឹងផងដែរថា នឹងជួបមេដឹកនាំប្រទេសទាំង ៣ គឺប្រធានាធិបតីឥណ្ឌូនេស៊ី លោក Prabowo Subianto នាយករដ្ឋមន្រ្តីអូស្រ្តាលី លោក Anthony Albanese និងនាយករដ្ឋមន្រ្តីនូវែសេឡង់លោក Christopher Luxon ។លោក Modi បានរំឭកផងដែរពីអំឡុងដំណើរទស្សនកិច្ចលើកដំបូងរបស់លោកទៅកាន់ប្រទេសឥណ្ឌូនេស៊ីកាលពីឆ្នាំ ២០១៨ ជាពេលដែលឥណ្ឌា និងឥណ្ឌូនេស៊ី បង្កើតទំនាក់ទំនងទ្វេភាគីដល់កម្រិតភាពជាដៃគូយុទ្ធសាស្រ្តគ្រប់ជ្រុងជ្រោយ ។លោកថា ដំណើរទស្សនកិច្ចនេះ នឹងផ្តល់ឱកាស ពិនិត្យមើលឡើងវិញវឌ្ឍនភាពដែលបានបង្កើតឡើងនៅក្នុងភាពជាដៃគូ និងជំរុញបន្ថែមទៀតកិច្ចសហប្រតិបត្តិការវាងប្រទេសទាំង ២ លើវិស័យសំខាន់ៗជាច្រើន ៕

ក្រសួងការបរទេសចិនហៅរបាយការណ៍អំពីការហ្វឹកហ្វឺនទាហានរុស្ស៊ីនៅក្នុងប្រទេសចិនថា ជា«ការបង្កាច់បង្ខូច»

2026/07/07 01:13:46 am        46
Facebook Telegram Linkin
អ្នកនាំពាក្យក្រសួងការបរទេសចិន លោកស្រី Mao Ning បាននិយាយថា របាយការណ៍អំពីទាហានរុស្ស៊ីដែលកំពុងហ្វឹកហ្វឺននៅក្នុងប្រទេសចិន គឺរឿងមិនពិត ហើយគួរតែត្រូវបានចាត់ទុកថា គ្មានអ្វីក្រៅពីការបង្កាច់បង្ខូចទាំងស្រុងនោះទេ។ ដោយធ្វើអត្ថាធិប្បាយទៅកាន់អ្នកឆ្លើយឆ្លងព័ត៌មានលោកខាងលិចម្នាក់អំពីព័ត៌មានពីក្រសួងការបរទេសអាល្លឺម៉ង់ទាក់ទងនឹង «ការហ្វឹកហ្វឺនទាហានរុស្ស៊ីនៅលើទឹកដីចិន» ដែលបានជំរុញឲ្យមានកិច្ចប្រជុំថ្មីៗរវាងអ្នកការទូតមកពីប្រទេសទាំងពីរនៅប្រទេសអាល្លឺម៉ង់ លោកស្រីបានសង្កត់ធ្ងន់នៅក្នុងសន្និសីទសារព័ត៌មានមួយថា៖«ចំពោះរបាយការណ៍ដែលអ្នកបានលើកឡើង ដែលបង្កការព្រួយបារម្ភនៅខាងអាល្លឺម៉ង់ យើងបានបញ្ជាក់យ៉ាងច្បាស់រួចហើយទៅកាន់ភាគីអាល្លឺម៉ង់ថា ពួកគេគ្មានមូលដ្ឋានជាក់ស្តែងទាល់តែសោះ។ នេះគឺជាការបង្កាច់បង្ខូច និងបរិហារកេរ្តិ៍សុទ្ធសាធ»។ អ្នកនាំពាក្យរូបនេះបានកត់សម្គាល់ថា មន្ត្រីក្រសួងការបរទេសអាល្លឺម៉ង់ពិតជាបានជួបជាមួយឯកអគ្គរដ្ឋទូតចិន នាពេលថ្មីៗនេះ ដោយពិភាក្សាអំពី «ទំនាក់ទំនងចិន-អាល្លឺម៉ង់ និងបញ្ហាផ្សេងៗទៀតដែលមានផលប្រយោជន៍រួម»។ លោកស្រី Mao Ning បាននិយាយថា ទីក្រុងប៉េកាំង «តែងតែមានជំហរមានតុល្យភាពលើវិបត្តិអ៊ុយក្រែន ដោយស្វែងរកដំណោះស្រាយនយោបាយ»។អ្នកនាំពាក្យរូបនេះ បានបន្ថែមថា ប្រទេសចិន «ប្រកាន់ខ្ជាប់យ៉ាងម៉ឺងម៉ាត់នូវវិធីសាស្រ្តរបស់ខ្លួន» លើបញ្ហាអ៊ុយក្រែន ហើយអាល្លឺម៉ង់គួរតែ «វាយតម្លៃជំហររបស់ប្រទេសចិនដោយហេតុផល និងដោយស្មោះត្រង់»៕

ព្យុះទីហ្វុង Maysak បង្កជាទឹកជំនន់ បំណាក់ដី និងផលរំខាននៅតំបន់ភាគនិរតីប្រទេសចិន

2026/07/07 01:08:33 am        67
Facebook Telegram Linkin
ភ្លៀងធ្លាក់ខ្លាំងបណ្តាលមកពីសារព្យុះទីហ្វុង Maysak បង្កការជន់លិចនៅការដ្ឋានសំណង់ ស្ថិតក្នុងទីក្រុង Guigang ស្ថិតនៅតំបន់ស្វយ័តភាគនិរតី Guangxi Zhuang របស់ប្រទេសចិននាថ្ងៃចន្ទនេះ ។ រូបភាពវីដេអូឃ្លីបរបស់សាក្សី ឃើញទឹកជន់នៅការដ្ឋានសំណង់ ទឹកជំនន់ បំណាក់ដី និងផលរំខានជាច្រើនទៀត ។គួរឲ្យដឹងថា ព្យុះ Maysakបានបោកបក់ដល់ដីគោកនៅខេត្ត Hainan កាលពីថ្ងៃសុក្រសប្តាហ៍មុន ក្នុងនាមជាព្យុះកំបុតត្បូងលើកដំបូង បោកបក់ដល់ដីគោកចិននៅក្នុងឆ្នាំនេះ ។ព្យុះមួយនេះដែរ បានបោកបក់ដល់ដីគោកជាលើកទី កាលពីថ្ងៃអាទិត្យម្សិលមិញ នៅប្រទេសវៀតណាម ដែលមានព្រំដែនជាប់តំបន់ Guangxi ។ក្រុមព្យាករឧតុនិយមចិននិយាយថា ព្យុះ Maysak ត្រូវបានគេរំពឹងថា នឹងបោកបក់កាន់តែជ្រៅទៅក្នុងដីគោក ប៉ុន្តែចំហាយព្យុះ និងភ្លៀងធ្លាក់នៅតំបន់ភាគនិរតី នឹងបន្តកើតមាននៅតំបន់ Guangxi, Guizhou, Hunan និងតំបន់ផ្សេងទៀតរបស់ប្រទេសចិន ៕

ចិនបាញ់សាកល្បងមីស៊ីលចូលទៅក្នុងមហាសមុទ្រប៉ាស៊ីហ្វិក ដែល​ធ្វើឱ្យប្រទេស​ធំៗក្នុងតំបន់បារម្ភ

2026/07/07 01:05:13 am        55
Facebook Telegram Linkin
ប្រព័ន្ធផ្សព្វផ្សាយរដ្ឋ បានរាយការណ៍ថា យោធាចិនបានបាញ់​សាកល្បងមីស៊ីលចេញ​ពីនាវាមុជទឹកនុយក្លេអ៊ែរចូលទៅក្នុងមហាសមុទ្រប៉ាស៊ីហ្វិក នៅ​ថ្ងៃចន្ទ (ទី៦ ខែកក្កដា ឆ្នាំ២០២៦) នេះ ដែលនាំ​ឱ្យ​មាន​ការរិះគន់ និងក្ដី​បារម្ភពីប្រទេសជប៉ុន អូស្ត្រាលី និងនូវែលសេឡង់។ទីភ្នាក់ងារសារព័ត៌មានផ្លូវការរបស់ចិន គឺ Xinhua បានឱ្យដឹង​ថា នាវាមុជទឹកនុយក្លេអ៊ែររបស់កងទ័ពជើងទឹក​រំដោះប្រជាជនចិន បានបាញ់មីស៊ីលដែលផ្ទុកក្បាលគ្រាប់ក្លែង​ក្លាយ​ទៅកាន់ដែនទឹកអន្តរជាតិ នៅមហាសមុទ្រប៉ាស៊ីហ្វិក នា​ម៉ោង ១២:០១ថ្ងៃត្រង់​ ម៉ោងក្នុង​ស្រុក​​។ សារព័ត៌មាន​នេះ​បានបន្ថែមថា មីស៊ីល​នោះ​បានធ្លាក់ចូលទៅក្នុង «ដែនទឹកដែលបានកំណត់» តែ​មិនបានផ្តល់ព័ត៌មានលម្អិតបន្ថែម អំពីទីតាំងឡើយ​។សារព័ត៌មាន Xinhua បានពិពណ៌នាអំពីការបាញ់បង្ហោះនេះថា ជា «ការរៀបចំជាប្រចាំ» នៃការហ្វឹកហ្វឺនយោធាប្រចាំឆ្នាំរបស់​ចិន ហើយបានបញ្ជាក់​ថា ការ​បាញ់សាកល្បង​នេះ​មិនត្រូវបានសំដៅ​ទៅប្រទេស ឬគោលដៅជាក់លាក់ណាមួយឡើយ។រដ្ឋមន្ត្រីការបរទេសអូស្ត្រាលី Penny Wong បានប្រាប់​ថា ចិនបានជូនដំណឹងដល់រដ្ឋាភិបាល អំពីការបាញ់​សាកល្បងដែលបានគ្រោងទុក ប៉ុន្តែបាននិយាយ​ថា ការបាញ់នេះ «កំពុងធ្វើឱ្យអស្ថិរភាព» សម្រាប់តំបន់។ចំណែក​រដ្ឋាភិបាលជប៉ុន បានឱ្យ​ដឹង​ថា ខ្លួនបានទទួលការជូនដំណឹង អំពីការបាញ់មីស៊ីល ហើយបានជំរុញឱ្យប្រទេសចិនពិចារណាឡើងវិញ។ ដោយដកស្រង់ប្រភពរដ្ឋាភិបាលជប៉ុន ទីភ្នាក់ងារសារព័ត៌មាន Kyodo បានរាយការណ៍នៅ​ថ្ងៃចន្ទនេះ​ថា មីស៊ីលបានធ្លាក់នៅខាងក្រៅតំបន់សេដ្ឋកិច្ចផ្តាច់មុខ (EEZ) របស់ជប៉ុន។រីឯរដ្ឋមន្ត្រីការបរទេសនូវែលសេឡង់ លោក Winston Peters បាននិយាយថា ប្រទេសរបស់លោក​មានក្ដី​បារម្ភយ៉ាងខ្លាំង ចំពោះការសាកល្បងនេះ ដោយបន្ថែមថា ខ្លួនត្រូវបានជូនដំណឹង «ក្នុងរយៈពេលប៉ុន្មានម៉ោង» នៃការបាញ់នេះ​៕

មនុស្សយ៉ាង​តិច​ ២៥នាក់បាន​បាត់បង់​ជីវិត​​ ខណៈរលកកម្ដៅ​រួម​រឹត​សហរដ្ឋ​​អាមេរិក

2026/07/07 12:45:04 am        64
Facebook Telegram Linkin
ប្រព័ន្ធផ្សព្វផ្សាយ NBC News បាន​ឱ្យដឹង​កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦)ថា មនុស្សយ៉ាងហោចណាស់ ២៥នាក់ បានបាត់បង់ជីវិត អំឡុង​រលកកម្ដៅរយៈពេល ១សប្តាហ៍ នៅសហរដ្ឋអាមេរិក ខណៈដែលមនុស្ស ៤០លាននាក់ នៅតែស្ថិតនៅក្រោមការព្រមាន អំពីកម្ដៅ នៅទូទាំងឆ្នេរសមុទ្រភាគខាងកើត ភាគអាគ្នេយ៍ និងភាគនិរតី។យោងតាមមន្ត្រីរដ្ឋ និងមូលដ្ឋាន បាន​ឱ្យដឹង​ថា រដ្ឋ New Jersey បានរាយការណ៍ពីការស្លាប់ដែលសង្ស័យថា ទាក់ទងនឹងកម្ដៅចំនួន ២២នាក់ ខណៈដែលមាន​ការ​រាយការណ៍នៃ​ការ​ស្លាប់​មា្នក់​ពីរដ្ឋ Illinois និង ២នាក់ពី​រដ្ឋ Mississippi។សេវាអាកាសធាតុជាតិ (NWS) បានព្រមានថា ព្យុះផ្គររន្ទះ អាចនាំមកនូវខ្យល់ដ៏​អាក្រក់​ ព្រឹលធ្លាក់ និងទឹកជំនន់ភ្លាមៗ ក្នុងតំបន់ នៅទូទាំងផ្នែកខ្លះនៃតំបន់​ឆ្នេរសមុទ្រភាគខាងកើត រហូតដល់ថ្ងៃចន្ទនេះ​។ ការព្រមានអំពីទឹកជំនន់ នៅតែមានប្រសិទ្ធភាព សម្រាប់មនុស្ស ៣៤លាននាក់ ចាប់ពីរដ្ឋ Delaware ដល់រដ្ឋ Connecticut ក៏ដូចជាទីក្រុង New York ផង​ដែរ​។NWS បានបន្ថែម​ថា ការជូនដំណឹងអំពីកម្ដៅ នឹងបន្តរហូតដល់ល្ងាចថ្ងៃអាទិត្យ នៅទូទាំងឆ្នេរសមុទ្រភាគខាងកើត ដោយសន្ទស្សន៍កម្ដៅ​ ត្រូវបានគេរំពឹងថា នឹងឡើងដល់ចន្លោះពី ៣៧អង្សាសេ និង ៤០,៥អង្សាសេ នៅក្នុងទីក្រុង Philadelphia, Washington DC, Baltimore, Raleigh, Charleston, South Carolina និង Jacksonville រដ្ឋ Florida។ការតាម​ដាន​កម្ដៅក្ដៅ​ខ្លាំង ត្រូវបានចេញ សម្រាប់តំបន់មួយចំនួននៃរដ្ឋ California និង Arizona រួមទាំង Phoenix និង Tucson ផងដែរ​ ចាប់ពីថ្ងៃអង្គារ ដល់ថ្ងៃព្រហស្បតិ៍ ដោយសីតុណ្ហភាពខ្ពស់បំផុតនា​ពេលថ្ងៃ ត្រូវបានគេរំពឹងថា នឹងឡើងដល់ ៤៥,៥អង្សាសេ៕

ព្យុះទីហ្វុង Bavi វាយប្រហារកោះ Guam របស់អាមេរិកដោយនាំមកជាមួយភ្លៀងធ្លាក់ និងខ្យល់បក់ខ្លាំង

2026/07/07 12:42:55 am        65
Facebook Telegram Linkin
ភ្លៀងធ្លាក់ និងខ្យល់បក់ខ្លាំងបង្កឡើងដោយសារព្យុះទីហ្វុង Bavi បានវាយប្រហារអាកាសយានដ្ឋានអន្តរជាតិ Antonio B. Won Pat ស្ថិតក្នុងកោះ Guam របស់សហរដ្ឋអាមេរិកនាថ្ងៃចន្ទនេះ ។សំឡេងខ្យល់បោកបក់យ៉ាងខ្លាំង ត្រូវបានឮនៅក្នុងរូបភាពវីដេអូឃ្លីបរបស់សាក្សី ដែលថតបាននៅក្នុងអគារអាកាសយានដ្ឋាន ពេលដែលព្យុះបោកបក់ឆ្លងកាត់អាកាសយានដ្ឋានមួយនេះ ។សេវាកម្មអាកាសធាតុជាតិសហរដ្ឋអាមេរិក រាយការណ៍ថា នៅថ្ងៃចន្ទនេះ ព្យុះប្រភេទទី ៥ Bavi បានបោកបក់ឆ្លងកាត់ប្រជុំកោះ Mariana ស្ថិតនៅតំបន់ភាគខាងលិចមហាសមុទ្រប៉ាស៊ីហ្វិក ដោយវាយប្រហារកោះ Guam, Tinian និងកោះ Saipan ក៏ដូចជាកោះ Rota ជាមួយនឹងកម្លាំងខ្យល់បក់ដ៏គ្រោះថ្នាក់ ។ក្រុមអាជ្ញាធរនៅកោះ Guam ជំរុញឲ្យប្រជាពលរដ្ឋស្វែងរកទីជម្រកនៅនឹងកន្លែង ស្របពេលមានការគំរាមកំហែងពីខ្យល់បក់ដ៏គ្រោះថ្នាក់ ទឹកជំនន់ដ៏គំហក់ និងភ្លៀងធ្លាក់ខ្លាំង ។ ខណៈពេលនោះដែរ អភិបាលកោះ Guam លោក Lou Leon Guerrero និយាយនៅលើបណ្តាញព័ត៌មានសង្គម Facebook ថា ខ្យល់បក់កម្លាំងកម្រិតព្យុះត្រូពិក ១១៧គ.ម ក្នុង ១ម៉ោងនេះ នឹងបន្តមានពេញមួយយប់ ហើយប្រជាពលរដ្ឋគួរតែបន្តស្នាក់នៅក្នុងផ្ទះ រហូតដល់មានបញ្ចប់ការវាយតម្លៃការខូចខាតដំបូង ហើយនិងការបន្ទាបកម្រិតស្ថានភាពគ្រាសអាសន្ននៅលើប្រជុំកោះ Mariana ៕

ចិន និងរុស្ស៊ីនឹងធ្វើសមយុទ្ធកងទ័ពជើងទឹក និងការល្បាតតាមសមុទ្ររួមគ្នា

2026/07/07 12:40:19 am        56
Facebook Telegram Linkin
កងទ័ពជើងទឹកចិន និងរុស្ស៊ី នឹងធ្វើសមយុទ្ធកងទ័ពជើងទឹកឈ្មោះ​ «Joint Sea-2026» នៅខែនេះ ក្នុងដែនទឹក និងដែនអាកាសជិតទីក្រុងកំពង់ផែ Qingdao ក្នុងខេត្ត Shandong នៅ​ភាគខាងកើតនៃ​ប្រទេសចិន។ នេះបើយោងតាមសេចក្ដី​ប្រកាសរបស់ក្រសួងការពារជាតិចិន កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦)។ក្រសួងបានឱ្យ​ដឹង​នៅក្នុងសេចក្តីថ្លែងការណ៍មួយថា បន្ទាប់ពីសមយុទ្ធនេះ កងកម្លាំងមួយចំនួនមកពីភាគីទាំង២ នឹងធ្វើការល្បាតតាមដែន​សមុទ្ររួមគ្នា នៅក្នុងតំបន់ពាក់ព័ន្ធនៃមហាសមុទ្រប៉ាស៊ីហ្វិក។ ហើយ​បើយោងតាមប្រភពយោធា បាន​បញ្ជាក់ថា គិតត្រឹមថ្ងៃអាទិត្យ នាវាមកពីភាគីរុស្ស៊ីដែលចូលរួមក្នុងសមយុទ្ធនេះ បានទៅ​ដល់កំពង់ផែយោធា ក្នុងទីក្រុង Qingdao ដោយការប្រមូលផ្តុំកងកម្លាំងចូលរួមទាំងអស់បានបញ្ចប់សព្វគ្រប់​។រុស្ស៊ីបានបញ្ជូន​នាវាចម្បាំងបំពាក់​មីស៊ីលតម្រង់​គោល​ដៅ​ ១គ្រឿង នាវាចម្បាំងចម្បាំង ១គ្រឿង នាវាមុជទឹក ១គ្រឿង និងនាវាជួយសង្គ្រោះ ១គ្រឿង សម្រាប់សមយុទ្ធនេះ ខណៈដែលធន​ធាន​​​ចូលរួមភាគច្រើនរបស់​ចិន មានកងកម្លាំងមកពីកងទ័ពជើងទឹកនៃ​បញ្ជាការភូមិ​ភាគខាងជើង រួមទាំងនាវាពិឃាតបំពាក់​មីស៊ីលតម្រង់គោល​ដៅ​ នាវាចម្បាំងបំពាក់​មីស៊ីលមាន​ប្រព័ន្ធនាំ​ផ្លូវ នាវាផ្គត់ផ្គង់​ដ៏​ទូលំទូលាយ​ នាវាជួយសង្គ្រោះ និងនាវាមុជទឹក។ ភាគីទាំង២ ក៏នឹងដាក់​ពង្រាយ​ឧទ្ធម្ភាគចក្រ និងអង្គភាពកងម៉ារីនផងដែរ។ដោយផ្តោតលើការឆ្លើយតបរួមគ្នា ចំពោះការគំរាមកំហែងសន្តិសុខតាមដែន​សមុទ្រ សមយុទ្ធនេះនឹងត្រូវបានអនុវត្តជា ៣ដំណាក់កាល គឺការជួបជុំកម្លាំង ការធ្វើផែនការនៅកំពង់ផែ និងប្រតិបត្តិការនៅសមុទ្រ។ ភាគីទាំង២ នឹងធ្វើសមយុទ្ធឈ្លបយកការណ៍រួមគ្នា គឺ​ការការពារដែនអាកាស និងមីស៊ីល និងប្រតិបត្តិការវាយប្រហារតាមសមុទ្រ ក្នុងចំណោមសេណារីយ៉ូហ្វឹក​ហ្វឺន​ផ្សេងទៀត នៅសមុទ្រ៕

ចិន និងហ្វាំងឡង់ យល់ព្រមជំរុញកិច្ចសហប្រតិបត្តិការ និងដោះស្រាយបញ្ហាប្រឈមរួមគ្នា

2026/07/07 12:38:07 am        48
Facebook Telegram Linkin
ប្រធានាធិបតីហ្វាំងឡង់ លោក Alexander Stubb និងរដ្ឋមន្ត្រីការបរទេសចិន លោក Wang Yi ដែលបាn បំពេញទស្សនកិច្ចនៅ​ប្រទេសហ្វាំង​ឡង់​ កាលពីថ្ងៃអាទិត្យ (ទី៥ ខែកក្កដា ឆ្នាំ២០២៦) បានសន្យាយ៉ាង​ម៉ឺងម៉ាត់​ថា នឹងពង្រឹងកិច្ចសហប្រតិបត្តិការ និងការសម្របសម្រួល ព្រមទាំងដោះស្រាយបញ្ហាប្រឈមរួមគ្នា។អំឡុងពេលជួបជាមួយលោក Wang ក្នុង​ទីក្រុង Turku នៅ​ភាគនិរតីហ្វាំងឡង់ លោក Stubb បានស្នើ​លោក Wang ឲ្យផ្ញើសារជូនពរលោកទៅកាន់ប្រធានាធិបតីចិន លោក Xi Jinping ដោយលោកបាននិយាយថា ដំណើរទស្សនកិច្ចរបស់លោកទៅ​កាន់ប្រទេសចិន កាលពីជាង ១ឆ្នាំមុន និងកិច្ចប្រជុំដ៏ជោគជ័យរបស់លោកជាមួយលោក Xi បានបន្សល់ទុកនូវការ​ចាប់​អារម្មណ៍យ៉ាងជ្រាលជ្រៅ និងរីករាយ។លោក Stubb បាននិយាយថា ចាប់តាំងពីហ្វាំងឡង់ និងចិន បានបង្កើតទំនាក់ទំនងការទូតនៅឆ្នាំ១៩៥០ ប្រទេសចិនសម្រេចបាននូវ​សមិទ្ធផលគួរឱ្យកត់សម្គាល់នៅក្នុងវិស័យនានា​ ដូចជានយោបាយ សេដ្ឋកិច្ច ស្ថិរភាពសង្គម និងនវានុវត្តន៍​វិទ្យាសាស្ត្រ និងបច្ចេកវិទ្យា ដែលបង្កើតបានជាការអភិវឌ្ឍដ៏មហស្ចារ្យ​។លោក Stubb បានសង្កត់ធ្ងន់ថា ប្រទេសហ្វាំងឡង់ទន្ទឹងរង់ចាំពង្រឹងការផ្លាស់ប្តូរកម្រិតខ្ពស់ជាមួយចិន ពង្រីកកិច្ចសហប្រតិបត្តិការក្នុងវិស័យដែលកំពុងរីកចម្រើន ដូចជាសេដ្ឋកិច្ចបៃតង និងបញ្ញាសិប្បនិម្មិត (AI) ពង្រឹងការសម្របសម្រួលពហុភាគី និងរួមគ្នាដោះស្រាយបញ្ហាប្រឈមសកល។សម្រាប់​លោក Wang រដ្ឋ​មន្ត្រីការបទេស​រូប​នេះ បាននាំសារ​សួរសុខទុក្ខរបស់លោក Xi ទៅកាន់លោក Stubb ដោយនិយាយថា លោក Xi បានបំពេញទស្សនកិច្ចផ្លូវរដ្ឋ នៅប្រទេសហ្វាំងឡង់ក្នុងឆ្នាំ២០១៧​ ក្នុងឱកាសខួប ១សតវត្សរ៍នៃការទទួលបាន​ឯករាជ្យរបស់ហ្វាំងឡង់ ដោយបង្ហាញពីការអបអរសាទរយ៉ាងស្មោះស្ម័គ្ររបស់ប្រជាជនចិន ចំពោះប្រជាជនហ្វាំងឡង់។ជាមួយ​គ្នានេះ ដោយ​បានកត់សម្គាល់ថា ស្ថានភាពអន្តរជាតិបច្ចុប្បន្នពោរពេញដោយភាពវឹកវរ និងភាពចលាចល ហើយពិភពលោកកំពុងប្រឈមមុខនឹងគ្រោះថ្នាក់នៃការដើរថយក្រោយទៅរកច្បាប់ព្រៃ លោក Wang បានបញ្ជាក់​ថា ប្រទេសចិននឹងបន្តជាកម្លាំងដ៏សំខាន់ សម្រាប់សន្តិភាព ស្ថិរភាព និងការអភិវឌ្ឍនៅក្នុងពិភពលោក៕

កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញទីក្រុង Konstantinovka

2026/07/07 12:36:10 am        55
Facebook Telegram Linkin
មេបញ្ជាការកងវរសេនាធំទី២នៃកងវរសេនាធំកាំភ្លើងធំលេខ ១១៩៤នៃកងពលតូចកាំភ្លើងធំលេខ ៤ នៃក្រុមកងកម្លាំង Yug របស់រុស្ស៊ី លោក Krupny បានប្រាប់សារព័ត៌មាន TASS ថា កងទ័ពរុស្ស៊ីកំពុងជម្លៀសជនស៊ីវិល និងទាហានរងរបួសចេញពីទីក្រុង Konstantinovka។លោក Krupny បាននិយាយថា៖«ឥឡូវនេះ យើងកំពុងជម្លៀសជនស៊ីវិល និងទាហានរងរបួសរបស់យើង ស្របតាមផែនការដែលបានគ្រោងទុក»។នៅថ្ងៃទី ០៣ ខែកក្កដា អ្នកនាំពាក្យវិមានក្រឹមឡាំង លោក Dmitry Peskov បានប្រកាសពីការរំដោះ បានទីក្រុង Konstantinovka។ ក្នុងអំឡុងពេលកិច្ចប្រជុំមួយនៅប៉ុស្តិ៍បញ្ជាការជំនួយមួយនៃក្រុមកងកម្លាំងរួមរបស់រុស្ស៊ី លោកប្រធានាធិបតី វ្ល៉ាឌីមៀ ពូទីន បានណែនាំមន្ត្រីឲ្យធានាការជម្លៀសជនស៊ីវិលដែលនៅសេសសល់នៅក្នុងតំបន់ Konstantinovka នៃសាធារណរដ្ឋប្រជាមានិត Donetsk៕

លោក Netanyahu៖ ភូមិគ្រិស្តសាសនាលីបង់ខ្លះ​ «បានស្នើឱ្យអ៊ីស្រាអែលបញ្ចូលជា​ដែន​ដី​ឧសម្ព័ន្ធ​​»

2026/07/07 12:31:54 am        88
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាល​ពី​ថ្ងៃអាទិត្យ (ទី៥ ខែកក្កដា ឆ្នាំ២០២៦) ថា ភូមិអ្នក​កាន់​សាសនាគ្រិស្តមួយចំនួន នៅភាគខាងត្បូងនៃ​ប្រទេសលីបង់ បានស្នើសុំឱ្យអ៊ីស្រាអែលបញ្ចូលជាដែនដី​ឧបសម្ព័ន្ធ​ ដើម្បីទទួលបាន​ការការពារពីក្រុម​សកម្មប្រយុទ្ធហេសបូឡា។លោក Netanyahu បានប្រាប់កម្មវិធី The Sunday Briefing របស់ប្រព័ន្ធផ្សព្វផ្សាយ​ Fox News ថា៖ «ភូមិគ្រិស្តសាសនាជាច្រើន​ នៅលីបង់ ក្នុងចំណោមភូមិទាំងនោះ ពិតជាបានស្នើសុំឱ្យបញ្ចូលជា​ដែន​ដី​ឧបសម្ព័ន្ធ​ដោយ​អ៊ីស្រាអែល ពីព្រោះយើងការពារពួកគេពីក្រុម​ហេសបូឡា​ ពី​អ្នកគាំទ្រក្រុម​ហេសបូឡា​យ៉ាង​ងប់ងុល​ដែលចង់សម្លាប់ពួកគេ ហើយយើងធ្វើរឿងដូចគ្នាជាមួយគ្រិស្តសាសនាគ្រប់ទីកន្លែង»។លោក Netanyahu មិនបានប្រាប់ឈ្មោះភូមិគ្រិស្តសាសនាដែលលោកបាននិយាយថា បានធ្វើការស្នើសុំបែបនេះឡើយ​។ មេ​ភូមិគ្រិស្តសាសនា Rmeish គឺលោក Hanna al-Amil ត្រូវបានដកស្រង់សម្តីដោយប្រព័ន្ធផ្សព្វផ្សាយសាធារណៈលីបង់ NNA ដែល​បាន​បដិសេធការអះអាងរបស់លោក Netanyahu។លោក Amil បាននិយាយថា សូម្បីតែការពិចារណាលើគំនិតនេះ ក៏ «មិនអាចទទួលយកបានទាំងស្រុង» ហើយបានបញ្ជាក់ថា «ទីក្រុងគ្រិស្តសាសនាចំនួន ១៥ បានចេញសេចក្តីថ្លែងការណ៍មួយ​ កាលពី ២ថ្ងៃមុន ដោយបដិសេធការលើក​ឡើង​ទាំងនេះ»។ប្រទេសលីបង់ត្រូវបានអូសទាញឱ្យ​ចូលទៅក្នុងសង្គ្រាមមជ្ឈិមបូព៌ាដ៏ទូលំទូលាយ កាល​ពី​ថ្ងៃទី២ ខែមីនា នៅពេលដែលក្រុម​ហេសបូឡា​បានបាញ់រ៉ូកែតទៅលើអ៊ីស្រាអែល ដើម្បីសងសឹក ចំពោះការសម្លាប់មេដឹកនាំកំពូលរបស់អ៊ីរ៉ង់ អំឡុង​ការវាយប្រហាររួមគ្នា រវាងសហរដ្ឋអាមេរិក និងអ៊ីស្រាអែល។ អ៊ីស្រាអែលបានឆ្លើយតបដោយការវាយប្រហារតាមអាកាសដ៏ធំ និងការឈ្លានពានផ្លូវ​គោក នៅភាគខាងត្បូងលីបង់ ជាកន្លែងដែលកងទ័ពរបស់ខ្លួន ឥឡូវនេះកាន់កាប់ទឹកដីជាច្រើន នៅជិតព្រំដែន៕

បណ្ដាញសង្គម

ព័ត៌មានថ្មីៗ

ផលិត​ផល​ក្នុង​ស្រុក​កាន់​តែ​រីក​ចម្រើន​ ពង្រីក​វត្ត​មាន​នៅ​ផ្សារ​ទំនើប​ ឆ្លើយ​តប​តម្រូវ​ការ​ទីផ្សារ​
07/28/2026 02:07 PM
Facebook Telegram Linkin
បាល់ទាត់អង់គ្លេសសាកល្បងច្បាប់ថ្មី ដើម្បីទប់ស្កាត់ "យុទ្ធសាស្ត្រ​ផ្អាក​ការ​ប្រកួត​តាមរយៈ​ការ​ព្យាបាល​អ្នកចាំទី"
07/28/2026 01:07 PM
Facebook Telegram Linkin
Yan Diomonde ព្រមព្រៀងលក្ខខណ្ឌផ្ទាល់ខ្លួនជាមួយ Real Madrid ខណៈ PSG ដក​ខ្លួន​ចេញ​ពី​ការ​ប្រជែង
07/28/2026 01:07 PM
Facebook Telegram Linkin
មនុស្សយ៉ាងហោចណាស់៣០នាក់ស្លាប់ក្នុងការវាយប្រហារលើភូមិមួយក្នុងរដ្ឋ Kaduna ប្រទេសនីហ្សេរីយ៉ា
07/28/2026 01:07 PM
Facebook Telegram Linkin
អតីតមន្ត្រីយោធាអ៊ីស្រាអែលរាប់រយនាក់ជំរុញឱ្យលោក Trump ជួយបញ្ចប់អំពើហិង្សារបស់អ្នកតាំងលំនៅឋាន
07/28/2026 01:07 PM
Facebook Telegram Linkin
មន្ត្រីអាមេរិក៖ កិច្ចចរចាជុំបន្ទាប់រវាងអ៊ីស្រាអែល និងលីបង់ នឹងត្រូវធ្វើឡើងនៅថ្ងៃទី៤ ខែសីហា
07/28/2026 12:07 PM
Facebook Telegram Linkin
អារ៉ាប៊ីសាអ៊ូឌីត ការពារប្រឆាំងការវាយប្រហារដោយយានដ្រូនពីក្រុមគាំទ្រដោយអ៊ីរ៉ង់
07/28/2026 12:07 PM
Facebook Telegram Linkin
រដ្ឋមន្រ្ដីក្រសួងសុខាភិបាល៖ មន្ទីរពេទ្យគន្ធបុប្ផាជានិម្មិតរូបនៃការជួយសង្រ្គោះកុមារនៅកម្ពុជាប្រកបដោយក្តីករុណា គុណភាព និងក្តីសង្ឃឹម
07/28/2026 12:07 PM
Facebook Telegram Linkin
Chelsea បើកការចរចានាំយក Jordan Henderson និង Danny Welbeck មកបន្ថែម​បទពិសោធន៍​ក្នុងក្រុម
07/28/2026 12:07 PM
Facebook Telegram Linkin
អាជ្ញាធរ​ខេត្តកំពង់ស្ពឺ កំពុងជួសជុលពង្រីកបន្ថែមតួផ្លូវជាតិលេខ៤៦ទៅរមណីយដ្ឋានព្រះសុរាម្រិតកុសមៈ-ឧទ្យានជាតិគីរីរម្យ
07/28/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.