BTV NEWS

លោក Trump ប្រាប់ពីកិច្ចចរចា «ល្អ» ជាមួយអ៊ីរ៉ង់ និងបញ្ជាក់ជាថ្មីពីការគំរាមវាយប្រហារគោលដៅនានា

ក្រុមគ្រួសារអ្នកដំណើរនៃជើងហោះហើរ MH370 ចង់បានការពិត ខណៈតុលាការចិនបើកសវនាការបណ្តឹងឧទ្ធរណ៍

ជប៉ុនស្នើឱ្យអ៊ីរ៉ង់អនុវត្ត «ភាពបត់បែនជាអតិបរិមា» ដើម្បីបន្ថយភាពតានតឹងនៅមជ្ឈិមបូព៌ាឱ្យបានឆាប់

រដ្ឋមន្ត្រីការពារជាតិអ៊ីស្រាអែល៖ យន្តហោះចម្បាំងអាមេរិកហោះចេញពីអ៊ីស្រាអែលទៅវាយប្រហារអ៊ីរ៉ង់

ព័ត៌មានអន្តរជាតិ

ប្រធានាធិបតីលីបង់ បញ្ជាក់ថា នឹងមិនព្រមបាត់បង់ទឹកដី «សូម្បី ១អ៊ីញ» ទៅឱ្យអ៊ីស្រាអែលឡើយ

កាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) ប្រធានាធិបតីលីបង់ លោក Joseph Aoun បាននិយាយការពារការចរចាជាមួយអ៊ីស្រាអែល ដោយបានបញ្ជាក់ថា វាមិនមែនជាការក្បត់ជាតិឡើយ ហើយលោកនឹងមិនព្រមបាត់បង់ «ទឹកដីរបស់ប្រទេសលីបង់សូម្បី ១អ៊ីញ»។ នេះបើយោងតាមការិយាល័យរបស់ប្រធានាធិបតី។រដ្ឋមន្ត្រីការពារជាតិអ៊ីស្រាអែល លោក Israel Katz បាននិយាយកាលពីថ្ងៃពុធថា កងទ័ពអ៊ីស្រាអែលនឹងនៅតែមានវត្តមានតាមទីតាំងឈរជើងនានា «រហូតដល់មានការជូនដំណឹងបន្ថែម» ជាអ្វីដែលខ្លួនពិពណ៌នាថា ជា «តំបន់សន្តិសុខ» នៅក្នុងប្រទេសលីបង់ ស៊ីរី និងតំបន់ហ្កាហ្សា។លីបង់បានចុះហត្ថលេខាកាលពីសប្តាហ៍មុន លើកិច្ចព្រមព្រៀងក្របខ័ណ្ឌគាំទ្រដោយសហរដ្ឋអាមេរិកជាមួយអ៊ីស្រាអែល ដោយមានគោលបំណងធានាសន្តិភាព រវាងប្រទេសទាំង២ ជាចំណាត់ការមួយដែលត្រូវបានជួបប្រទះនឹងការតវ៉ាយ៉ាងខ្លាំងពីហេសបូឡា ជាក្រុមប្រដាប់អាវុធដែលគាំទ្រដោយអ៊ីរ៉ង់។លោក Aoun បាននិយាយកាលពីថ្ងៃព្រហស្បតិ៍ថា ការចរចាជាមួយអ៊ីស្រាអែលមិនមែនជា «ការក្បត់ជាតិទេ ប៉ុន្តែជាសង្គ្រាមការទូតដោយគ្មានការបង្ហូរឈាមដែលមិនចាំបាច់»។ប្រធានាធិបតីលីបង់បានបញ្ជាក់ថា ទីក្រុងបេរូតបានសម្រេចចិត្តចូលរួម ក្នុងកិច្ចចរចា «ដើម្បីធានាឲ្យមានការដកទ័ពរបស់អ៊ីស្រាអែលចេញពីទឹកដីរបស់ខ្លួន»។ ហើយលោកបានប្រកាស ដោយសង្កត់ថ្ងន់ថា «យើងនឹងមិនព្រមបាត់បង់ទឹកដីរបស់ប្រទេសលីបង់សូម្បីតែ ១អ៊ីញ»។កិច្ចព្រមព្រៀងក្របខ័ណ្ឌនេះមើលឃើញថា កងទ័ពលីបង់នឹងបង្កើតសិទ្ធិអំណាចរបស់ខ្លួនបន្តិចម្តងៗ នៅភាគខាងត្បូងនៃប្រទេសលីបង់ នៅពេលដែលក្រុមហេសបូឡារំសាយអាវុធ ហើយអ៊ីស្រាអែលដកទ័ពចេញ ប៉ុន្តែមិនកំណត់ពេលវេលា សម្រាប់ដំណើរការនេះឡើយ៕

ភ្លៀងធ្លាក់ខ្លាំង បង្កការជន់លិចតំបន់ជាច្រើនរបស់ប្រទេសឥណ្ឌា ខណៈអ្នកស្រុកប្រឈមនឹងការជន់លិចធ្ងន់ធ្ងរ

ភ្លៀងធ្លាក់ខ្លាំង បានវាយប្រហារតំបន់ជាច្រើននៅភាគខាងលិច និងភាគកណ្តាលប្រទេសឥណ្ឌានាថ្ងៃសុក្រនេះ បណ្តាលឲ្យមានការអាក់ខានទ្រង់ទ្រាយធំដល់ការធ្វើដំណើរក្នុងស្រុក ។នៅទីក្រុង Valsad ស្ថិតក្នុងរដ្ឋភាគខាងលិច Gujarat ទឹកជំនន់បានហូរចូលផ្ទះប្រជាពលរដ្ឋ ធ្វើឲ្យខូចខាតសម្ភារៈប្រើប្រាស់របស់ក្រុមគ្រួសារ ហើយនៅទីក្រុង Rajkot ស្ពានបាក់ត្រូវបានរាយការណ៍ ។ខណៈពេលនោះដែរ អ្នកស្រុករស់នៅក្នុងទីក្រុងភាគឦសាន Guwahati និយាយថា ផលប៉ះពាល់នៃទឹកដក់ បង្កើនហានិភ័យនៃជំងឺសើរស្បែក ហើយពួកគេចាត់ទុកស្ថានភាពបែបនេះថា ពុំសូវអំណោយផលទាល់តែសោះ ។សូមបញ្ជាក់ថា ភ្លៀងមូសុងវស្សា ផ្តល់ទឹកភ្លៀងប្រហែល ៧០ភាគរយនៃទឹកភ្លៀងប្រចាំឆ្នាំ ដើម្បីបំពេញប្រភពទឹកសំខាន់ៗ នៅក្នុងប្រទេសសេដ្ឋកិច្ចតម្លៃជិត ៤សែនកោដិដុល្លារមួយនេះ ជាទីដែលជិតពាក់កណ្តាលនៃដីកសិកម្មខ្វះខាតប្រព័ន្ធធារាសាស្រ្ត ហើយប្រហែលពាក់កណ្តាលនៃប្រជាពលរដ្ឋ រកប្រាក់ចិញ្ចឹមជីវីតរបស់ខ្លួនពីការប្រកបរបរកសិកម្ម ។ភ្លៀងធ្លាក់អំឡុងខែកក្កដា សំខាន់ខ្លាំងណាស់ ដោយសារវាគឺជាប្រភពទឹកភ្លៀងដ៏ខ្លាំងក្លាមួយនៃរដូវវស្សារយៈពេល ៤ខែ ហើយកសិករភាគច្រើន បានសាបព្រួសដំណាំរបស់ពួកគេ អំឡុងខែនេះ ៕

មន្ត្រីអាមេរិក៖ លោក Trump ចង់ឱ្យបញ្ចប់ «ការសម្លាប់ឥតហេតុផល» នៅអ៊ុយក្រែន

មន្ត្រីអាមេរិកមួយរូប បាននិយាយកាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦)ថា លោកប្រធានាធិបតី Donald Trump ចង់ឱ្យមានកិច្ចព្រមព្រៀងសន្តិភាព ដើម្បីបញ្ចប់ «ការសម្លាប់ឥតសមហេតុផល» នៅប្រទេសអ៊ុយក្រែន បន្ទាប់ពីការវាយប្រហារយ៉ាងខ្លាំងរបស់រុស្ស៊ី លើទីក្រុងគីវ បានសម្លាប់មនុស្សយ៉ាងហោចណាស់ ២១នាក់។ដើម្បីឆ្លើយតបទៅនឹងសំណួរមួយ អំពីការវាយប្រហាររបស់រុស្ស៊ី មន្ត្រីអាមេរិករូបនេះបានប្រាប់សារព័ត៌មាន AFP ថា៖ «លោកប្រធានាធិបតី Trump មានចិត្តមនុស្សធម៌ ហើយចង់ឱ្យសង្គ្រាមនេះត្រូវបានបញ្ចប់ ដើម្បីឲ្យការសម្លាប់ឥតសមហេតុផលលែងមានតទៅ»។មន្ត្រីរូបនោះបានបន្ថែមថា៖ «លោកប្រធានាធិបតី និងក្រុមរបស់លោក បានខិតខំប្រឹងប្រែងយ៉ាងខ្លាំង ដើម្បីបញ្ចប់សង្គ្រាមរវាងរុស្ស៊ី និងអ៊ុយក្រែន ហើយលោកនៅតែមានសុទិដ្ឋិនិយមថា នៅទីបំផុត យើងនឹងទទួលបានកិច្ចព្រមព្រៀងសន្តិភាព»។គួរបញ្ជាក់ថា ទីក្រុងគីវ និងមូស្គូ សុទ្ធតែបានសន្យាយ៉ាងម៉ឺងម៉ាត់ដូចគ្នាថា នឹងបើកការវាយប្រហារជាថ្មី នៅក្នុងសង្គ្រាមរយៈពេល ៤ឆ្នាំនេះ បន្ទាប់ពីមានការបាញ់ស្រោចដ៏ធំពេញមួយយប់ ដែលបានបំផ្លាញអគារផ្ទះល្វែង នៅក្នុងរដ្ឋធានីរបស់អ៊ុយក្រែន និងបានធ្វើឲ្យមនុស្សរាប់ម៉ឺននាក់រត់ទៅកាន់ទីជម្រកសុវត្ថិភាព។មុនពេលលោកវិលត្រឡប់ទៅកាន់តំណែងវិញ កាលពីឆ្នាំមុន លោក Trump បាននិយាយថា លោកអាចដោះស្រាយសង្គ្រាមអ៊ុយក្រែន ក្នុងរយៈពេល ២៤ម៉ោង ប៉ុន្តែកិច្ចខិតខំប្រឹងប្រែងរបស់សហរដ្ឋអាមេរិ កក្នុងការសម្របសម្រួលឱ្យមានបទឈប់បាញ់ រវាងទីក្រុងមូស្គូ និងទីក្រុងគីវ រហូតមកដល់ពេលនេះ មិនទួលបានជោគជ័យឡើយ៕

លោក Trump ប្រាប់ថា អ៊ីរ៉ង់យល់ព្រមតាមតម្រូវការរបស់សហរដ្ឋអាមេរិកស្ទើរទាំងអស់

លោកប្រធានាធិបតី Donald Trump កាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) បាននិយាយថា អ៊ីរ៉ង់បានយល់ព្រមចំពោះ «អ្វីៗស្ទើរតែទាំងអស់» ដែលសហរដ្ឋអាមេរិកត្រូវការ។លោក Trump បានប្រាប់ប្រព័ន្ធផ្សព្វផ្សាយ CNBC កាលពីថ្ងៃព្រហស្បតិ៍ថា៖ «យើងកំពុងចរចា ហើយខ្ញុំគិតថា ពួកគេបានយល់ព្រម ចំពោះអ្វីៗស្ទើរតែទាំងអស់ដែលយើងត្រូវការ»។នៅថ្ងៃព្រហស្បតិ៍នោះដែរ អ្នកសម្របសម្រួលបានឱ្យដឹងថា អ៊ីរ៉ង់ និងសហរដ្ឋអាមេរិក បានបញ្ចប់ការចរចាដោយប្រយោលមួយជុំ នៅទីក្រុងដូហា ប្រទេសកាតា ខណៈដែលភាគីទាំង២ បានបន្តកិច្ចខិតខំប្រឹងប្រែងដើម្បីជំរុញការចរចា និងកាត់បន្ថយភាពតានតឹង បន្ទាប់ពីមានការបាញ់ប្រហារតបតគ្នាថ្មីៗនេះ។កាលពីខែមិថុនា ទីក្រុងវ៉ាស៊ីនតោន និងអេរ៉ង់ បានយល់ព្រមលើអនុស្សរណៈនៃការយោគយល់គ្នា (MOU) សម្របសម្រួលដោយកាតា និងប៉ាគីស្ថាន ដែលរួមមានបទឈប់បាញ់រយៈពេល ៦០ថ្ងៃ ដោយមានបំណងផ្អាកសង្គ្រាមដែលបានផ្ទុះឡើងដោយការវាយប្រហាររបស់សហរដ្ឋអាមេរិក-អ៊ីស្រាអែល កាលពីចុងខែកុម្ភៈ ក៏ដូចជាការបើកឡើងវិញនូវច្រកសមុទ្រ Hormuz ដែលត្រូវបានបិទខ្ទប់។កិច្ចព្រមព្រៀង ១៤ចំណុចនេះ ក៏បានកំណត់ពេលវេលា ដើម្បីបន្តការចរចាបញ្ចប់សង្គ្រាមជាអចិន្ត្រៃយ៍ និងដោះស្រាយបញ្ហានានា ដូចជាការរៀបចំសម្រាប់ច្រកសមុទ្រ Hormuz មូលនិធិកសាងឡើងវិញសម្រាប់អ៊ីរ៉ង់ និងអនាគតនៃកម្មវិធីនុយក្លេអ៊ែររបស់សាធារណរដ្ឋអ៊ិស្លាម៕

អ៊ីរ៉ង់ព្រមានអាមេរិក និងអ៊ីស្រាអែល កុំឲ្យធ្វើការវាយប្រហារ មុនពិធីដង្ហែសពលោក Khamenei

កាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) មេបញ្ជាការយោធាអ៊ីរ៉ង់មួយរូប បានព្រមានសហរដ្ឋអាមេរិក និងអ៊ីស្រាអែល កុំឲ្យបើកការវាយប្រហារណាមួយ លើអ៊ីរ៉ង់ ខណៈដែលប្រទេសនេះកំពុងរៀបចំពិធីបុណ្យសពផ្លូវរដ្ឋរបស់មេដឹកនាំកំពូល លោក Ayatollah Ali Khamenei ដែលត្រូវបានសម្លាប់នៅក្នុងការវាយប្រហារតាមអាកាស អំឡុងថ្ងៃដំបូងនៃសង្គ្រាម។នៅក្នុងសេចក្តីថ្លែងការណ៍មួយដែលត្រូវបានផ្សាយដោយប្រព័ន្ធផ្សព្វផ្សាយរដ្ឋ មេបញ្ជាការនៃទីស្នាក់ការកណ្តាល Khatam al-Anbiya លោក Ali Abdollahi បានបញ្ជាក់ថា៖ «យើងសូមព្រមានគូសត្រូវរបស់អ៊ីរ៉ង់ ជាពិសេសសហរដ្ឋអាមេរិក និងអ៊ីស្រាអែល ឲ្យជៀសវាងនូវការគណនាខុស និងគិតអំពីការសងសឹកដ៏ខ្លាំងក្លាដែលកងកម្លាំងប្រដាប់អាវុធរបស់យើង នឹងធ្វើចំពោះការគំរាមកំហែង និងការឈ្លានពានណាមួយលើប្រទេសរបស់យើង»។ពិធីដង្ហែសពលោក Khamenei នឹងចាប់ផ្តើមនៅថ្ងៃទី៤ ខែកក្កដា នៅទីក្រុងតេអេរ៉ង់ និងបញ្ចប់នៅថ្ងៃទី៩ ខែកក្កដា ដោយមានការបញ្ចុះសពរបស់លោកនៅស្រុកកំណើតរបស់លោក គឺ Mashhad ខណៈពិធីបន្ថែមបានគ្រោងទុកធ្វើនៅទីក្រុង Qom និងប្រទេសអ៊ីរ៉ាក់ នៅចន្លោះកាលបរិច្ឆេទទាំងនេះ។កាលពីថ្ងៃពុធ រដ្ឋមន្ត្រីការបរទេសអ៊ីរ៉ង់ លោក Abbas Araqchi បានព្រមានស្រដៀងគ្នានេះថា ទីក្រុងតេអេរ៉ង់ នឹងផ្តល់ការឆ្លើយតបភ្លាមៗ និងខ្លាំងក្លា ចំពោះការគំរាមកំហែងណាមួយ លើប្រជាជន ឬថ្នាក់ដឹកនាំរបស់ខ្លួន បន្ទាប់ពីមានការអត្ថាធិប្បាយដោយរដ្ឋមន្ត្រីក្រសួងការពារជាតិអ៊ីស្រាអែល លោក Israel Katz ថា មេដឹកនាំកំពូលបច្ចុប្បន្នរបស់អ៊ីរ៉ង់ លោក Mojtaba Khamenei ត្រូវបាន «កំណត់គោលដៅធ្វើឃាត»។ប្រព័ន្ធផ្សព្វផ្សាយអ៊ីរ៉ង់បានរាយការណ៍ពីការមានវិធានការសន្តិសុខកាន់តែតឹងរ៉ឹង ក្នុងអំឡុងពេលពិធីបុណ្យសពនេះ ខណៈដែលប្រធានអង្គការអាកាសចរណ៍ស៊ីវិលអ៊ីរ៉ង់ បាននិយាយកាលពីថ្ងៃពុធថា ការរឹតបន្តឹងដែនអាកាសបណ្តោះអាសន្ននឹ ងត្រូវបានអនុវត្តលើទីក្រុងជាច្រើន ក្នុងនោះរួមទាំងទីក្រុងតេអេរ៉ង់ និង Mashhad ផងដែរ៕

លោក Trump៖ ជារឿងមិនសមហេតុផលឡើយ ដែលអាមេរិកបន្តការគាំទ្របច្ចុប្បន្ន ចំពោះណាតូ

ប្រធានាធិបតីសហរដ្ឋអាមេរិក លោក Donald Trump កាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) បានលើកឡើងថា វាគឺជារឿង «មិនសមហេតុផល» ឡើយ ដែលសហរដ្ឋអាមេរិកត្រូវបន្តទំនាក់ទំនង «តែម្ខាង» របស់ខ្លួន ជាមួយអង្គការណាតូ (NATO) ដោយការការនិយាយនេះកើតមានឡើងមិនដល់ ១សប្តាហ៍ផង មុនកិច្ចប្រជុំកំពូលរបស់អង្គការណាតូ នៅទីក្រុង Ankara ប្រទេសទួរគី។លោក Trump បានសរសេរនៅលើវេទិកាបណ្ដាញសង្គម Truth Social របស់លោកថា៖ «ពួកគេមិនមានវត្តមាននៅទីនោះ សម្រាប់ពួកយើងទេ!!!។ ហើយទំនាក់ទំនងរបស់ទីក្រុងវ៉ាស៊ីនតោនជាមួយអង្គការណាតូ មិនមែនជាអ្វីដែលមានទៅមានមកឡើយ»។លោក Trump បានរិះគន់ម្តងហើយម្តងទៀត ចំពោះសម្ព័ន្ធមិត្តអឺរ៉ុប ជុំវិញការឆ្លើយតបរបស់ពួកគេ ចំពោះសង្គ្រាម នៅអ៊ីរ៉ង់ ខណៈដែលប្រទេសជាច្រើន បានរឹតត្បិតការប្រើប្រាស់មូលដ្ឋាន សម្រាប់កងកម្លាំងអាមេរិក។ ជាមួយគ្នានេះ លោកក៏ទទូចផងដែរថា លោកចង់ឱ្យអឺរ៉ុបដើរតួនាទីនាំមុខ សម្រាប់ការការពារជាតិរបស់ខ្លួន ហើយទីក្រុងវ៉ាស៊ីនតោនបានកាត់បន្ថយកម្រិតនៃការប្តេជ្ញាចិត្តរួចហើយ។ការបង្ហោះនៅលើ Truth Social របស់លោក នៅថ្ងៃទី២ ខែកក្កដា រួមមានតារាងមួយដែលបង្ហាញពីចំនួនទឹកប្រាក់នៃការចំណាយរបស់អង្គការណាតូ ដោយសហរដ្ឋអាមេរិកបានវិនិយោគច្រើនជាងរដ្ឋសមាជិកមួយចំនួនទៀតដែលត្រូវបានបង្ហាញ។ដោយស្ថិតក្រោមសម្ពាធរបស់លោក Trump នៅក្នុងកិច្ចប្រជុំមួយ ក្នុងឆ្នាំ២០២៥ ថ្នាក់ដឹកនាំអង្គការណាតូបានព្រមព្រៀងបង្កើនការចំណាយ ទាក់ទងនឹងការការពារជាតិដល់ ៥ភាគរយនៃផលិតផលក្នុងស្រុកសរុប (GDP) នៅឆ្នាំ២០៣៥។ កិច្ចប្រជុំកំពូលណាតូ នាពេលខាងមុខ ដែលនឹងនាំរដ្ឋជាសមាជិកចំនួន ៣២ ឲ្យមកជួបជុំគ្នា នឹងត្រូវធ្វើឡើងនៅរដ្ឋធានីរបស់ទួរគី នៅថ្ងៃទី ៧-៨ ខែកក្កដា៕

ក្រុមជួយសង្រ្គោះបោសសម្អាតកម្ទេចកម្ទី ខណៈទីក្រុងគីវកាន់ទុក្ខមនុស្ស ៣០នាក់ ត្រូវបានសម្លាប់ក្នុងការវាយប្រហាររបស់រុស្ស៊ី

នៅថ្ងៃសុក្រនេះ ក្រុមជួយសង្រ្គោះ បាននាំគ្នាបោសសម្អាតកម្ទេចកម្ទីនៅរដ្ឋធានីគីវ របស់ប្រទេសអ៊ុយក្រែន ដើម្បីស្វែងរកអ្នករស់រាន ស្របពេលដែលទង់ជាតិបង្ហូតត្រឹមពាក់កណ្តាលដង ដើម្បីប្រារព្ធថ្ងៃកាន់ទុក្ខ រយៈពេល ១ថ្ងៃ ក្រោយការវាយប្រហារមីស៊ីល និងយានដ្រូនរុស្ស៊ី បានសម្លាប់មនុស្សយ៉ាងហោច ៣០នាក់ ។លោកស្រី Zoia វ័យ៦៥ឆ្នាំ រស់នៅក្នុងអគារបាក់ដោយអន្លើរដោយសារការវាយប្រហារដែលធ្វើឲ្យខូចខាតផ្ទះល្វែងរបស់គាត់ ។ អ្នកស្រីនិយាយថា គាត់បានប្រញាប់ប្រញាល់ទៅកាន់ច្រករបៀង ពេលដែលការវាយប្រហារចប់ផ្តើម ហើយនិងបានបួងសួងសុំឲ្យរស់ ។ អភិបាលក្រុងគីវលោក Vitali Klitschko និយាយនៅថ្ងៃសុក្រនេះថា ការវាយប្រហារដែលជាការវាយប្រហារស្លាប់មនុស្សច្រើនបំផុតរបស់រុស្ស៊ីលើរដ្ឋធានីអ៊ុយក្រែនមួយនេះ ក្នុងឆ្នាំនេះ បណ្តាលឲ្យមនុស្ស ៩២នាក់ផ្សេងទៀត រងរបួសផងដែរ ។ខណៈពេលនោះដែរ ប្រធានាធិបតីអ៊ុយក្រែនលោក Volodymyr Zelenskiy និយាយថា អគារស្នាក់នៅរបស់អ្នកស្រុកជាង ១០០ខ្នង បានរងការខូចខាត ស្របពេលដែលទីក្រុងមូស្គូ និយាយថា ការវាយប្រហារនេះ គឺជាការសងសឹកចំពោះការវាយប្រហារយានស្រូនរបស់អ៊ុយក្រែនលើរុស្ស៊ី ៕

គេហទំព័រ៖ ចោរសមុទ្រសូម៉ាលីទាមទារប្រាក់ ១០ លានដុល្លារសម្រាប់ការដោះលែងនាវាដឹកប្រេង

ចោរសមុទ្រសូម៉ាលីដែលបានចាប់នាវាដឹកប្រេង Eureka កំពុងទាមទារប្រាក់ ១០ លានដុល្លារ សម្រាប់ការដោះលែងនាវានេះ។ នេះបើយោងតាមរបាយការណ៍របស់គេហទំព័រព័ត៌មាន Shabelle Media Network។យោងតាមគេហទំព័រព័ត៌មាននេះ នាវាដែលបានធ្វើដំណើរក្រោមទង់ជាតិតូហ្គោ ត្រូវបានរឹបអូស នៅថ្ងៃ ទី ២ ខែឧសភា នៅក្នុងឈូងសមុទ្រ Aden ខណៈពេលកំពុងដឹកជញ្ជូនប្រេងម៉ាស៊ូតចេញពីអេមីរ៉ាតអារ៉ាប់រួម។មានរបាយការណ៍មុននេះថា ចោរសមុទ្របានគំរាមសម្លាប់ក្រុមនាវិកនាវាដឹកប្រេង ដែលមានជនជាតិអេហ្ស៊ីប និងឥណ្ឌា បន្ទាប់ពីការចរចាលើការដោះលែងរបស់ពួកគេ បានបរាជ័យ។ចោរសមុទ្រនៅឆ្នេរសមុទ្រសូម៉ាលី បានរំខានយ៉ាងខ្លាំងដល់ការដឹកជញ្ជូនតាមសមុទ្រ ចាប់ពីចុងទសវត្សរ៍ឆ្នាំ ២០០០ ដល់ចុងទសវត្សរ៍ឆ្នាំ ២០១០ នៅពេលដែលក្រុមប្រដាប់អាវុធតែងតែវាយប្រហារនាវាពាណិជ្ជកម្មនៅឈូងសមុទ្រ Aden និងមហាសមុទ្រឥណ្ឌា។ ការល្បាតកងទ័ពជើងទឹកអន្តរជាតិ បានកាត់បន្ថយចំនួននៃការវាយប្រហារយ៉ាងខ្លាំង នៅដើមទសវត្សរ៍ឆ្នាំ ២០២០ ប៉ុន្តែសកម្មភាពចោរសមុទ្រ បានកើនឡើងម្តងទៀត ក្នុងប៉ុន្មានឆ្នាំថ្មីៗនេះ។ យោងតាមក្រុមហ៊ុនសន្តិសុខសមុទ្រអង់គ្លេស Ambrey ចោរសមុទ្របច្ចុប្បន្នកំពុងរក្សាទុកនាវាដឹកប្រេងយ៉ាងហោចណាស់ពីរគ្រឿង និងនាវាដឹកទំនិញធុនធ្ងន់មួយគ្រឿងដើម្បីទាមទារយកប្រាក់លោះ៕

ទីភ្នាក់ងារជំនួយអារ៉ាប៊ីសាអ៊ូឌីតបន្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងយេម៉ែន

ទីភ្នាក់ងារជំនួយអារ៉ាប៊ីសាអ៊ូឌីត Ksrelief បានអនុវត្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងប្រទេសយេម៉ែន ដោយផ្តល់ជម្រកសង្គ្រោះបន្ទាន់ អាហារ និងសេវាវេជ្ជសាស្រ្តដល់បុគ្គល និងគ្រួសារដែលរងផលប៉ះពាល់។នៅតំបន់ Al-Mawasi នៃទីក្រុង Khan Younis នៅភាគខាងត្បូងតំបន់ហ្កាហ្សា ប្រជាជនប៉ាឡេស្ទីនរាប់សិបគ្រួសារ បានទទួលជម្រកសង្គ្រោះបន្ទាន់ បន្ទាប់ពីតង់របស់ពួកគេត្រូវបានបំផ្លាញ ដោយទុកឲ្យពួកគេប្រឈមនឹងហានិភ័យពីធាតុអាកាសអស់រយៈពេលជាច្រើនម៉ោង។ទីភ្នាក់ងារជំនួយអារ៉ាប៊ីសាអ៊ូឌីតនេះ ក៏បានចែកចាយអាហារក្តៅចំនួន ២៤.៥០០មុខ នៅដើមសប្តាហ៍នេះ នៅតំបន់ហ្កាហ្សាភាគកណ្តាល និងខាងត្បូង។នៅក្នុងខេត្ត Ghorនៃប្រទេសអាហ្វហ្គានីស្ថាន កេសចំនួន ៩៥០ ដែលមានអាហារចាំបាច់ ត្រូវបាន ចែកចាយដល់អ្នកដែលវិលត្រឡប់មកពីប្រទេសជិតខាង ជនភៀសខ្លួន អ្នកដែលខ្វះខាត និងកុមារកំព្រា៕

ប្រធានសភាលីបង់ និងទីប្រឹក្សាសន្តិសុខជាតិរងរបស់អង់គ្លេស ជួបពិភាក្សាគ្នាអំពីការវិវត្តផ្នែកនយោបាយ និងសន្តិសុខថ្មីៗ

លោក Nabih Berri ប្រធានសភាលីបង់កាលពីថ្ងៃព្រហស្បតិ៍ បានជួបជាមួយលោកស្រី Barbara Woodward ទីប្រឹក្សាសន្តិសុខជាតិរងរបស់ចក្រភពអង់គ្លេស នៅទីស្នាក់ការកណ្តាលរបស់លោក នៅទីក្រុង Ain Al-Tineh ដើម្បីពិភាក្សាអំពីការវិវត្តនៃស្ថានភាពនយោបាយ និងសន្តិសុខថ្មីៗ។យោងតាមទីភ្នាក់ងារសារព័ត៌មានជាតិរបស់រដ្ឋលីបង់ កិច្ចពិភាក្សានេះ ក៏បានគ្របដណ្តប់លើទំនាក់ទំនងទ្វេភាគីរវាងលីបង់ និងចក្រភពអង់គ្លេសផងដែរ។លោក Hamish Cowell ឯកអគ្គរាជទូតអង់គ្លេសប្រចាំប្រទេសលីបង់ ក៏បានចូលរួមផងដែរ។ចក្រភពអង់គ្លេសបានគាំទ្រកងកម្លាំងប្រដាប់អាវុធលីបង់ជាយូរមកហើយ តាមរយៈការបណ្តុះបណ្តាល សម្ភារៈ ហេដ្ឋារចនាសម្ព័ន្ធ និងជំនួយសន្តិសុខព្រំដែន។យោងតាមរដ្ឋាភិបាលអង់គ្លេស ប្រទេសនេះបានចំណាយប្រាក់ជាង ១១៥ លានផោន (១៥៣លានដុល្លារ) ពីឆ្នាំ ២០០៩ ដល់ឆ្នាំ ២០២៥ ដើម្បីគាំទ្រកងកម្លាំងប្រដាប់អាវុធលីបង់ ជាមួយនឹងហេដ្ឋារចនាសម្ព័ន្ធ យានយន្ត ការបណ្តុះបណ្តាល និងសម្ភារៈ។ ចាប់តាំងពីឆ្នាំ ២០១៣ មក ចក្រភពអង់គ្លេស ក៏បានគាំទ្រការបង្កើតកងវរសេនាធំព្រំដែនគោកតាមបណ្តោយព្រំដែនលីបង់ជាមួយសាធារណរដ្ឋអារ៉ាប់ស៊ីរីផងដែរ៕

បណ្ដាញសង្គម

ព័ត៌មានថ្មីៗ

អ៊ូហ្គង់ដាប្រកាសគ្មានជំងឺអេបូឡា បន្ទាប់ពីអ្នកជំងឺចុងក្រោយចេញពីមន្ទីរពេទ្យ

ក្រុមអ្នកសង្កេតការណ៍អាស៊ានប្រចាំប្រទេសកម្ពុជា និង ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីនប្រចាំកម្ពុជា ធ្វើបទបង្ហាញ «ស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ»

កូរ៉េខាងត្បូងចេញការជូនដំណឹងបន្ទាន់ អំពីការសង្ស័យលេចធ្លាយផូស្វ័រ នៅមូលដ្ឋានទ័ពអាកាសអាមេរិក

វិមានក្រឹមឡាំង៖ ការវាយប្រហាររបស់អ៊ុយក្រែន លើនាវាអ៊ីរ៉ង់ គួរត្រូវបានចាត់ទុកថា ជាការវាយប្រហារលើអ៊ីរ៉ង់

រញ្ជួយដីកម្រិត ៥,៧រ៉ិចទ័រ ធ្វើឱ្យញ័រខេត្ត Qinghai របស់ប្រទេសចិន

របាយការណ៍៖ លោក Trump ហាក់កាន់តែទោរទៅរកលោក Zelenskyy ជាងលោក Putin

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

ប្រធានាធិបតីលីបង់ បញ្ជាក់ថា នឹងមិនព្រមបាត់បង់ទឹកដី «សូម្បី ១អ៊ីញ» ទៅឱ្យអ៊ីស្រាអែលឡើយ

ភ្លៀងធ្លាក់ខ្លាំង បង្កការជន់លិចតំបន់ជាច្រើនរបស់ប្រទេសឥណ្ឌា ខណៈអ្នកស្រុកប្រឈមនឹងការជន់លិចធ្ងន់ធ្ងរ

មន្ត្រីអាមេរិក៖ លោក Trump ចង់ឱ្យបញ្ចប់ «ការសម្លាប់ឥតហេតុផល» នៅអ៊ុយក្រែន

លោក Trump ប្រាប់ថា អ៊ីរ៉ង់យល់ព្រមតាមតម្រូវការរបស់សហរដ្ឋអាមេរិកស្ទើរទាំងអស់

អ៊ីរ៉ង់ព្រមានអាមេរិក និងអ៊ីស្រាអែល កុំឲ្យធ្វើការវាយប្រហារ មុនពិធីដង្ហែសពលោក Khamenei

លោក Trump៖ ជារឿងមិនសមហេតុផលឡើយ ដែលអាមេរិកបន្តការគាំទ្របច្ចុប្បន្ន ចំពោះណាតូ

គេហទំព័រ៖ ចោរសមុទ្រសូម៉ាលីទាមទារប្រាក់ ១០ លានដុល្លារសម្រាប់ការដោះលែងនាវាដឹកប្រេង

ទីភ្នាក់ងារជំនួយអារ៉ាប៊ីសាអ៊ូឌីតបន្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងយេម៉ែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

ប្រធានាធិបតីលីបង់ បញ្ជាក់​ថា នឹងមិនព្រម​បាត់បង់​ទឹកដី «សូម្បី ១អ៊ីញ» ទៅឱ្យអ៊ីស្រាអែលឡើយ​

ភ្លៀងធ្លាក់ខ្លាំង បង្កការជន់លិចតំបន់ជាច្រើនរបស់ប្រទេសឥណ្ឌា ខណៈអ្នកស្រុកប្រឈមនឹងការជន់លិចធ្ងន់ធ្ងរ

មន្ត្រីអាមេរិក៖ លោក Trump ចង់ឱ្យបញ្ចប់​ «ការសម្លាប់ឥតហេតុផល​» នៅអ៊ុយក្រែន ​

លោក Trump ប្រាប់​ថា អ៊ីរ៉ង់យល់ព្រមតាមតម្រូវ​ការ​របស់​សហរដ្ឋ​អាមេរិក​​ស្ទើរទាំងអស់

អ៊ីរ៉ង់ព្រមានអាមេរិក និងអ៊ីស្រាអែល កុំ​ឲ្យ​ធ្វើ​ការវាយប្រហារ មុនពិធីដង្ហែសពលោក Khamenei

លោក Trump៖ ជារឿង​មិន​សម​ហេតុផល​ឡើយ​ ដែល​អាមេរិកបន្ត​ការគាំទ្របច្ចុប្បន្ន ចំពោះ​ណាតូ

គេហទំព័រ៖ ចោរសមុទ្រសូម៉ាលីទាមទារប្រាក់ ១០ លានដុល្លារសម្រាប់ការដោះលែងនាវាដឹកប្រេង

ទីភ្នាក់ងារជំនួយអារ៉ាប៊ីសាអ៊ូឌីតបន្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងយេម៉ែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីលីបង់ បញ្ជាក់ថា នឹងមិនព្រមបាត់បង់ទឹកដី «សូម្បី ១អ៊ីញ» ទៅឱ្យអ៊ីស្រាអែលឡើយ

មន្ត្រីអាមេរិក៖ លោក Trump ចង់ឱ្យបញ្ចប់ «ការសម្លាប់ឥតហេតុផល» នៅអ៊ុយក្រែន

លោក Trump ប្រាប់ថា អ៊ីរ៉ង់យល់ព្រមតាមតម្រូវការរបស់សហរដ្ឋអាមេរិកស្ទើរទាំងអស់

អ៊ីរ៉ង់ព្រមានអាមេរិក និងអ៊ីស្រាអែល កុំឲ្យធ្វើការវាយប្រហារ មុនពិធីដង្ហែសពលោក Khamenei

លោក Trump៖ ជារឿងមិនសមហេតុផលឡើយ ដែលអាមេរិកបន្តការគាំទ្របច្ចុប្បន្ន ចំពោះណាតូ