នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមអ្នកជំនាញអះអាងថា ទឹកបឹង Constance របស់អាល្លឺម៉ង់ ស្រកដល់កម្រិតទាបជាប្រវត្តិសាស្រ្ត
នីហ្សេរីយ៉ា បំផ្លាញអាវុធខុសច្បាប់ ២.៨១៩ដើម ដែលរឹបអូសបាន អំឡុងពេលបង្ក្រាប
យន្តហោះកងទ័ពជើងទឹកអាមេរិក ចាក់ប្រេងឡើងវិញនៅលើអាកាស ខណៈល្បាតតំបន់មជ្ឈិមបូព៌ា
លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បី​បន្ថយការ​គាំទ្ររបស់អាមេរិកចំពោះអ៊ុយក្រែន

ព័ត៌មានអន្តរជាតិ

លោក Trump៖ ជារឿង​មិន​សម​ហេតុផល​ឡើយ​ ដែល​អាមេរិកបន្ត​ការគាំទ្របច្ចុប្បន្ន ចំពោះ​ណាតូ

2026/07/04 12:23:04 am        53
Facebook Telegram Linkin
ប្រធានាធិបតីសហរដ្ឋអាមេរិក លោក Donald Trump កាលពីថ្ងៃព្រហស្បតិ៍ (ទី២ ខែកក្កដា ឆ្នាំ២០២៦) បាន​លើកឡើង​ថា វាគឺ​ជារឿង​ «មិន​សម​ហេតុ​ផល​» ឡើយ​ ដែល​សហរដ្ឋអាមេរិកត្រូវ​បន្តទំនាក់ទំនង «តែ​ម្ខាង​» របស់ខ្លួន ជាមួយអង្គការណាតូ (NATO) ដោយ​ការ​ការ​និយាយ​នេះ​កើតមាន​ឡើង​មិន​ដល់​ ១សប្តាហ៍​ផង​ មុនកិច្ចប្រជុំកំពូលរបស់​អង្គការណាតូ នៅទីក្រុង Ankara ប្រទេស​ទួរគី។លោក Trump បានសរសេរនៅលើវេទិកាបណ្ដាញ​សង្គម​ Truth Social របស់លោកថា៖ «ពួកគេមិនមាន​វត្តមាន​នៅ​ទីនោះ​ សម្រាប់ពួក​យើងទេ!!!។ ហើយទំនាក់ទំនងរបស់ទីក្រុងវ៉ាស៊ីនតោនជាមួយអង្គការណាតូ មិនមែនជាអ្វី​ដែល​មាន​ទៅមានមកឡើយ​»។លោក Trump បានរិះគន់ម្តងហើយម្តងទៀត ចំពោះសម្ព័ន្ធមិត្តអឺរ៉ុប ជុំវិញការឆ្លើយតបរបស់ពួកគេ ចំពោះសង្គ្រាម នៅអ៊ីរ៉ង់ ខណៈដែលប្រទេសជាច្រើន បានរឹតត្បិតការប្រើប្រាស់មូលដ្ឋាន សម្រាប់កងកម្លាំងអាមេរិក​។ ជាមួយ​គ្នានេះ លោកក៏ទទូចផងដែរថា លោកចង់ឱ្យអឺរ៉ុបដើរតួនាទីនាំមុខ សម្រាប់ការការពារជាតិរបស់ខ្លួន ហើយទីក្រុងវ៉ាស៊ីនតោនបានកាត់បន្ថយកម្រិត​នៃ​ការប្តេជ្ញាចិត្តរួចហើយ។ការបង្ហោះនៅលើ Truth Social របស់លោក នៅថ្ងៃទី២ ខែកក្កដា រួមមានតារាងមួយដែលបង្ហាញពីចំនួនទឹកប្រាក់នៃការចំណាយរបស់អង្គការណាតូ ដោយសហរដ្ឋអាមេរិកបានវិនិយោគច្រើនជាងរដ្ឋសមាជិកមួយចំនួនទៀតដែលត្រូវ​បានបង្ហាញ។ដោយ​ស្ថិត​ក្រោមសម្ពាធរបស់​លោក Trump នៅក្នុងកិច្ចប្រជុំមួយ ក្នុងឆ្នាំ២០២៥ ថ្នាក់​ដឹកនាំអង្គការ​ណាតូបានព្រមព្រៀង​បង្កើនការចំណាយ ទាក់ទងនឹងការការពារជាតិដល់ ៥ភាគរយនៃផលិតផលក្នុងស្រុកសរុប (GDP) នៅឆ្នាំ២០៣៥។ កិច្ចប្រជុំកំពូលណាតូ នាពេលខាងមុខ ដែលនឹង​នាំ​​រដ្ឋជាសមាជិកចំនួន ៣២ ឲ្យ​មកជួប​ជុំ​គ្នា​​ នឹងត្រូវធ្វើឡើងនៅរដ្ឋធានីរបស់​ទួរគី នៅ​​ថ្ងៃទី ៧-៨ ខែកក្កដា៕

ក្រុមជួយសង្រ្គោះបោសសម្អាតកម្ទេចកម្ទី ខណៈទីក្រុងគីវកាន់ទុក្ខមនុស្ស ៣០នាក់ ត្រូវបានសម្លាប់ក្នុងការវាយប្រហាររបស់រុស្ស៊ី

2026/07/04 12:19:13 am        52
Facebook Telegram Linkin
នៅថ្ងៃសុក្រនេះ ក្រុមជួយសង្រ្គោះ បាននាំគ្នាបោសសម្អាតកម្ទេចកម្ទីនៅរដ្ឋធានីគីវ របស់ប្រទេសអ៊ុយក្រែន ដើម្បីស្វែងរកអ្នករស់រាន ស្របពេលដែលទង់ជាតិបង្ហូតត្រឹមពាក់កណ្តាលដង ដើម្បីប្រារព្ធថ្ងៃកាន់ទុក្ខ រយៈពេល ១ថ្ងៃ ក្រោយការវាយប្រហារមីស៊ីល និងយានដ្រូនរុស្ស៊ី បានសម្លាប់មនុស្សយ៉ាងហោច ៣០នាក់ ។លោកស្រី Zoia វ័យ៦៥ឆ្នាំ រស់នៅក្នុងអគារបាក់ដោយអន្លើរដោយសារការវាយប្រហារដែលធ្វើឲ្យខូចខាតផ្ទះល្វែងរបស់គាត់ ។ អ្នកស្រីនិយាយថា គាត់បានប្រញាប់ប្រញាល់ទៅកាន់ច្រករបៀង ពេលដែលការវាយប្រហារចប់ផ្តើម ហើយនិងបានបួងសួងសុំឲ្យរស់ ។ អភិបាលក្រុងគីវលោក Vitali Klitschko និយាយនៅថ្ងៃសុក្រនេះថា ការវាយប្រហារដែលជាការវាយប្រហារស្លាប់មនុស្សច្រើនបំផុតរបស់រុស្ស៊ីលើរដ្ឋធានីអ៊ុយក្រែនមួយនេះ ក្នុងឆ្នាំនេះ បណ្តាលឲ្យមនុស្ស ៩២នាក់ផ្សេងទៀត រងរបួសផងដែរ ។ខណៈពេលនោះដែរ ប្រធានាធិបតីអ៊ុយក្រែនលោក Volodymyr Zelenskiy និយាយថា អគារស្នាក់នៅរបស់អ្នកស្រុកជាង ១០០ខ្នង បានរងការខូចខាត ស្របពេលដែលទីក្រុងមូស្គូ និយាយថា ការវាយប្រហារនេះ គឺជាការសងសឹកចំពោះការវាយប្រហារយានស្រូនរបស់អ៊ុយក្រែនលើរុស្ស៊ី ៕

គេហទំព័រ៖ ចោរសមុទ្រសូម៉ាលីទាមទារប្រាក់ ១០ លានដុល្លារសម្រាប់ការដោះលែងនាវាដឹកប្រេង

2026/07/04 12:16:37 am        48
Facebook Telegram Linkin
ចោរសមុទ្រសូម៉ាលីដែលបានចាប់នាវាដឹកប្រេង Eureka កំពុងទាមទារប្រាក់ ១០ លានដុល្លារ សម្រាប់ការដោះលែងនាវានេះ។ នេះបើយោងតាមរបាយការណ៍របស់គេហទំព័រព័ត៌មាន Shabelle Media Network។យោងតាមគេហទំព័រព័ត៌មាននេះ នាវាដែលបានធ្វើដំណើរក្រោមទង់ជាតិតូហ្គោ ត្រូវបានរឹបអូស នៅថ្ងៃ ទី ២ ខែឧសភា នៅក្នុងឈូងសមុទ្រ Aden ខណៈពេលកំពុងដឹកជញ្ជូនប្រេងម៉ាស៊ូតចេញពីអេមីរ៉ាតអារ៉ាប់រួម។មានរបាយការណ៍មុននេះថា ចោរសមុទ្របានគំរាមសម្លាប់ក្រុមនាវិកនាវាដឹកប្រេង ដែលមានជនជាតិអេហ្ស៊ីប និងឥណ្ឌា បន្ទាប់ពីការចរចាលើការដោះលែងរបស់ពួកគេ បានបរាជ័យ។ចោរសមុទ្រនៅឆ្នេរសមុទ្រសូម៉ាលី បានរំខានយ៉ាងខ្លាំងដល់ការដឹកជញ្ជូនតាមសមុទ្រ ចាប់ពីចុងទសវត្សរ៍ឆ្នាំ ២០០០ ដល់ចុងទសវត្សរ៍ឆ្នាំ ២០១០ នៅពេលដែលក្រុមប្រដាប់អាវុធតែងតែវាយប្រហារនាវាពាណិជ្ជកម្មនៅឈូងសមុទ្រ Aden និងមហាសមុទ្រឥណ្ឌា។ ការល្បាតកងទ័ពជើងទឹកអន្តរជាតិ បានកាត់បន្ថយចំនួននៃការវាយប្រហារយ៉ាងខ្លាំង នៅដើមទសវត្សរ៍ឆ្នាំ ២០២០ ប៉ុន្តែសកម្មភាពចោរសមុទ្រ បានកើនឡើងម្តងទៀត ក្នុងប៉ុន្មានឆ្នាំថ្មីៗនេះ។ យោងតាមក្រុមហ៊ុនសន្តិសុខសមុទ្រអង់គ្លេស Ambrey ចោរសមុទ្របច្ចុប្បន្នកំពុងរក្សាទុកនាវាដឹកប្រេងយ៉ាងហោចណាស់ពីរគ្រឿង និងនាវាដឹកទំនិញធុនធ្ងន់មួយគ្រឿងដើម្បីទាមទារយកប្រាក់លោះ៕

ទីភ្នាក់ងារជំនួយអារ៉ាប៊ីសាអ៊ូឌីតបន្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងយេម៉ែន

2026/07/04 12:12:36 am        63
Facebook Telegram Linkin
ទីភ្នាក់ងារជំនួយអារ៉ាប៊ីសាអ៊ូឌីត Ksrelief បានអនុវត្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងប្រទេសយេម៉ែន ដោយផ្តល់ជម្រកសង្គ្រោះបន្ទាន់ អាហារ និងសេវាវេជ្ជសាស្រ្តដល់បុគ្គល និងគ្រួសារដែលរងផលប៉ះពាល់។នៅតំបន់ Al-Mawasi នៃទីក្រុង Khan Younis នៅភាគខាងត្បូងតំបន់ហ្កាហ្សា ប្រជាជនប៉ាឡេស្ទីនរាប់សិបគ្រួសារ បានទទួលជម្រកសង្គ្រោះបន្ទាន់ បន្ទាប់ពីតង់របស់ពួកគេត្រូវបានបំផ្លាញ ដោយទុកឲ្យពួកគេប្រឈមនឹងហានិភ័យពីធាតុអាកាសអស់រយៈពេលជាច្រើនម៉ោង។ទីភ្នាក់ងារជំនួយអារ៉ាប៊ីសាអ៊ូឌីតនេះ ក៏បានចែកចាយអាហារក្តៅចំនួន ២៤.៥០០មុខ នៅដើមសប្តាហ៍នេះ នៅតំបន់ហ្កាហ្សាភាគកណ្តាល និងខាងត្បូង។នៅក្នុងខេត្ត Ghorនៃប្រទេសអាហ្វហ្គានីស្ថាន កេសចំនួន ៩៥០ ដែលមានអាហារចាំបាច់ ត្រូវបាន       ចែកចាយដល់អ្នកដែលវិលត្រឡប់មកពីប្រទេសជិតខាង ជនភៀសខ្លួន អ្នកដែលខ្វះខាត និងកុមារកំព្រា៕

ប្រធានសភាលីបង់ និងទីប្រឹក្សាសន្តិសុខជាតិរងរបស់អង់គ្លេស ជួបពិភាក្សាគ្នាអំពីការវិវត្តផ្នែកនយោបាយ និងសន្តិសុខថ្មីៗ

2026/07/04 12:08:53 am        54
Facebook Telegram Linkin
លោក Nabih Berri ប្រធានសភាលីបង់កាលពីថ្ងៃព្រហស្បតិ៍ បានជួបជាមួយលោកស្រី Barbara Woodward ទីប្រឹក្សាសន្តិសុខជាតិរងរបស់ចក្រភពអង់គ្លេស នៅទីស្នាក់ការកណ្តាលរបស់លោក នៅទីក្រុង Ain Al-Tineh ដើម្បីពិភាក្សាអំពីការវិវត្តនៃស្ថានភាពនយោបាយ និងសន្តិសុខថ្មីៗ។យោងតាមទីភ្នាក់ងារសារព័ត៌មានជាតិរបស់រដ្ឋលីបង់ កិច្ចពិភាក្សានេះ ក៏បានគ្របដណ្តប់លើទំនាក់ទំនងទ្វេភាគីរវាងលីបង់ និងចក្រភពអង់គ្លេសផងដែរ។លោក Hamish Cowell ឯកអគ្គរាជទូតអង់គ្លេសប្រចាំប្រទេសលីបង់ ក៏បានចូលរួមផងដែរ។ចក្រភពអង់គ្លេសបានគាំទ្រកងកម្លាំងប្រដាប់អាវុធលីបង់ជាយូរមកហើយ តាមរយៈការបណ្តុះបណ្តាល សម្ភារៈ ហេដ្ឋារចនាសម្ព័ន្ធ និងជំនួយសន្តិសុខព្រំដែន។យោងតាមរដ្ឋាភិបាលអង់គ្លេស ប្រទេសនេះបានចំណាយប្រាក់ជាង ១១៥ លានផោន (១៥៣លានដុល្លារ) ពីឆ្នាំ ២០០៩ ដល់ឆ្នាំ ២០២៥ ដើម្បីគាំទ្រកងកម្លាំងប្រដាប់អាវុធលីបង់ ជាមួយនឹងហេដ្ឋារចនាសម្ព័ន្ធ យានយន្ត ការបណ្តុះបណ្តាល និងសម្ភារៈ។ ចាប់តាំងពីឆ្នាំ ២០១៣ មក ចក្រភពអង់គ្លេស ក៏បានគាំទ្រការបង្កើតកងវរសេនាធំព្រំដែនគោកតាមបណ្តោយព្រំដែនលីបង់ជាមួយសាធារណរដ្ឋអារ៉ាប់ស៊ីរីផងដែរ៕

អ្នកការទូតគុយបា៖ អាមេរិក ដាក់សម្ពាធលើរដ្ឋាភិបាលនានាដើម្បីធ្វើឲ្យប្រទេសគុយបាឯកោ

2026/07/03 11:40:51 pm        77
Facebook Telegram Linkin
យោងតាមអនុរដ្ឋមន្ត្រីការបរទេសគុយបា លោក Carlos Fernandez de Cossio បានឲ្យដឹងថា រដ្ឋាភិបាលសហរដ្ឋអាមេរិក បានដាក់សម្ពាធលើរដ្ឋាភិបាលនានានៅជុំវិញពិភពលោកឱ្យបញ្ចប់កម្មវិធីថែទាំសុខភាពទ្វេភាគីជាមួយប្រទេសគុយបា។លោកបានសរសេរនៅលើបណ្តាញសង្គមហ្វេសប៊ុកកាលពីថ្ងៃពុធថា ផលប៉ះពាល់នៃការបញ្ចប់កម្មវិធីទាំងនេះ នឹង «ធ្វើឱ្យសហគមន៍ជាច្រើនលែងទទួលបានសេវាថែទាំសុខភាព»។ លោកនិយាយថា សហរដ្ឋអាមេរិក ក៏កំពុងដាក់សម្ពាធលើរដ្ឋាភិបាលដទៃទៀតឱ្យផ្លាស់ប្តូរជំហរជាទម្លាប់របស់ខ្លួនប្រឆាំងការបិទផ្លូវសេដ្ឋកិច្ចរបស់សហរដ្ឋអាមេរិក និងថែមទាំងច្រានចោលមិនពិភាក្សាអំពីបញ្ហានេះនៅអង្គការសហប្រជាជាតិ។លោកបាននិយាយបន្ថែមថា សហរដ្ឋអាមេរិកកំពុងដាក់សម្ពាធលើរដ្ឋាភិបាលដទៃទៀតដោយជោគជ័យដើម្បីអនុវត្តតាមបម្រាមដែលបានចេញដោយទីក្រុងវ៉ាស៊ីនតោនលើការនាំចេញប្រេងឥន្ធនៈទៅកាន់ប្រទេសគុយបា។ អាជ្ញាធរគុយបា បានថ្កោលទោសម្តងហើយម្តងទៀតចំពោះការបិទផ្លូវថាមពលរបស់ទីក្រុងវ៉ាស៊ីនតោនថា ជាសកម្មភាពប្រល័យពូជសាសន៍ និងជាទម្រង់នៃការដាក់ទណ្ឌកម្មរួមដែលបណ្តាលឱ្យមានការដាច់ចរន្តអគ្គិសនីរាល់ថ្ងៃរយៈពេលយូរ កង្វះការដឹកជញ្ជូន និងជាឧបសគ្គចំពោះសកម្មភាពសេដ្ឋកិច្ច។ក្នុងរយៈពេល៦ខែកន្លងទៅនេះ ប្រទេសគុយបា ដែលពឹងផ្អែកយ៉ាងខ្លាំងលើការនាំចូលប្រេងឥន្ធនៈ បានទទួលនាវាដឹកប្រេងតែមួយគ្រឿងប៉ុណ្ណោះ ជានាវារបស់រុស្ស៊ី Anatoly Kolodkin ដែលដឹកប្រេងឆៅប្រហែល១សែនតោន។ យោងតាមប្រភពផ្លូវការ បានឲ្យដឹងថា ប្រទេសគុយបា ត្រូវការនាវាដឹកប្រេងប្រហែល៨គ្រឿងក្នុងមួយខែដើម្បីដំណើរការជាធម្មតា។

ប្រធានាធិបតីអាមេរិក រិះគន់សម្ព័ន្ធមិត្តជាថ្មីទៀត ដោយហៅការចំណាយលើវិស័យការពារជាតិណាតូថាអតុល្យភាព«គួរអស់សំណើច»

2026/07/03 11:25:11 pm        52
Facebook Telegram Linkin
ប្រធានាធិបតី លោក Donald Trump បានចាប់ផ្តើមការរិះគន់មួយផ្សេងទៀតទៅលើសម្ព័ន្ធមិត្តណាតូនៅអឺរ៉ុបរបស់លោកជុំវិញអ្វីដែលទំនងជាកង្វះការគាំទ្ររបស់ពួកគេជុំវិញសង្គ្រាមរបស់សហរដ្ឋអាមេរិក លើអ៊ីរ៉ង់។នៅក្នុងការបង្ហោះសារនៅលើបណ្តាញ Truth Social លោក Trump បានបញ្ជាក់ពីភាពខ្វែងគំនិតគ្នារវាងការចំណាយលើវិស័យការពារជាតិរបស់សហរដ្ឋអាមេរិក និងអឺរ៉ុប ដោយចង្អុលទៅសម្ព័ន្ធមិត្តរួមទាំងប្រទេសបារាំង និងចក្រភពអង់គ្លេស និងពិពណ៌នាអំពីការរួមចំណែករបស់ទីក្រុងវ៉ាស៊ីនតោនចំពោះNATO ថា «គួរឱ្យអស់សំណើច»។ លោកប្រធានាធិបតី បានសរសេរថា «ពួកគេមិននៅទីនោះដើម្បីយើងទេ»។តួលេខ ដែលត្រូវបានប្រើប្រាស់ដោយ លោក Trump នៅក្នុងការបង្ហោះរបស់លោក ទំនងជាបង្ហាញពីចំនួនដែលប្រទេសនីមួយៗចំណាយលើកងកម្លាំងប្រដាប់អាវុធរបស់ខ្លួន។ សារព័ត៌មាន Al Jazeera បានប្រៀបធៀបតួលេខជាមួយនឹងតួលេខរបស់NATO សម្រាប់ឆ្នាំ២០២៥ ហើយក្រៅពីភាពខ្វែងគំនិតគ្នាតិចតួច ពួកគេស្របគ្នាយ៉ាងទូលំទូលាយ។ ការបង្ហោះសាររបស់លោក Trump ធ្វើឡើងនៅមុនពេលសន្និសីទNATO នៅរដ្ឋធានីអង់ការ៉ា របស់ប្រទេសទួរគី។

ប្រព័ន្ធផ្សព្វផ្សាយអាមេរិក៖ អ៊ីស្រាអែល មានផែនការធ្វើឃាតអ្នកចរចាអ៊ីរ៉ង់

2026/07/03 11:22:41 pm        72
Facebook Telegram Linkin
កាសែត The New York Times និង The Washington Post បានរាយការណ៍ថា មន្ត្រីអាមេរិកជឿថា អ៊ីស្រាអែល បានរៀបចំផែនការធ្វើឃាតអ្នកចរចាអ៊ីរ៉ង់កាលពីដើមឆ្នាំនេះ ក្នុងអំឡុងពេលនៃការចរចាក្នុងបំណងបញ្ចប់ការប្រយុទ្ធគ្នារវាងទីក្រុងវ៉ាស៊ីនតោន និងទីក្រុងតេអេរ៉ង់។មន្ត្រី ដែលថ្លែងទៅកាន់សារព័ត៌មានទាំងពីរដោយមិនបញ្ចេញឈ្មោះ បាននិយាយថា អ៊ីស្រាអែល បានកំណត់គោលដៅរបស់ខ្លួនលើការធ្វើឃាតរដ្ឋមន្ត្រីការបរទេស លោក Abbas Araghchi និងប្រធានអ្នកចរចារបស់ប្រទេស លោក Mohammad Bagher Ghalibaf ដែលជាប្រធានសភាអ៊ីរ៉ង់ផងដែរនោះ។មន្ត្រីរូបនេះ បាននិយាយទៅកាន់ The New York Times ថា សហរដ្ឋអាមេរិកបានស្នើសុំឱ្យប្រទេសនានានៅតំបន់មជ្ឈិមបូព៌ា ព្រមានអ៊ីរ៉ង់អំពីហានិភ័យ។អ៊ីស្រាអែល មានកំណត់ត្រានៃការកំណត់គោលដៅទៅលើសមភាគីចរចាក្នុងកិច្ចខិតខំប្រឹងប្រែងជាក់ស្តែង ដើម្បីរារាំងការចរចាបញ្ចប់ជម្លោះក្នុងតំបន់។កាលពីខែតុលា យោធាអ៊ីស្រាអែលបានធ្វើការវាយប្រហារមួយនៅទីក្រុងដូហា ប្រទេសកាតា ដោយកំណត់គោលដៅទៅលើបរិវេណក្រុមហាម៉ាស ខណៈមន្ត្រីមកពីក្រុមនេះកំពុងសិក្សាពីសំណើបទឈប់បាញ់ជាមួយអ៊ីស្រាអែល។

ពលរដ្ឋអ៊ីស្រាអែលរៀបចំខួប១.០០០ថ្ងៃចាប់តាំងពីការវាយប្រហារថ្ងៃទី ៧ ខែតុលា ដោយមានការតាំងពិព័រណ៍ និងការតវ៉ា

2026/07/03 11:20:37 pm        59
Facebook Telegram Linkin
ប្រជាជនអ៊ីស្រាអែលនៅទីក្រុង Tel Aviv បានទៅទស្សនាការតាំងពិព័រណ៍រំលឹកវិញ្ញាណក្ខន្ធ នៅ«ទីលានចំណាប់ខ្មាំង» កាលពីថ្ងៃព្រហស្បតិ៍ ទី ២ ខែកក្កដា ដោយបានរៀបចំខួប១ពាន់ថ្ងៃចាប់តាំងពីការវាយប្រហាររបស់ក្រុមហាម៉ាសនៅថ្ងៃទី ៧ ខែតុលា ខណៈអ្នកផ្សេងទៀតបានចេញតវ៉ានៅតាមដងផ្លូវ។ ការតាំងពិព័រណ៍នៅទីលានចំណាប់ខ្មាំង បានបង្ហាញសម្ភារៈនិងទ្រព្យសម្បត្តិរបស់អ្នកទាំងឡាយដែលត្រូវបានសម្លាប់នៅថ្ងៃនោះដោយក្រុមសកម្មប្រយុទ្ធហាម៉ាស។ ក្រុមអ្នកតវ៉ានៅអ៊ីស្រាអែល បានអំពាវនាវឱ្យរដ្ឋាភិបាលបង្កើតគណៈកម្មការស៊ើបអង្កេតមួយលើព្រឹត្តិការណ៍ថ្ងៃទី ៧ ខែតុលា ឆ្នាំ ២០២៣ ខណៈក្រុមអ្នកតវ៉ា និងអ្នកនយោបាយប្រឆាំង ទាមទារឲ្យមានការទទួលខុសត្រូវ។ នៅក្នុងការវាយប្រហារដឹកនាំដោយក្រុមហាម៉ាស ក្រុមសកម្មប្រយុទ្ធប៉ាឡេស្ទីន បានវាយលុកចូលទៅក្នុងសហគមន៍ព្រំដែនអ៊ីស្រាអែល ដោយបានសម្លាប់មនុស្សប្រហែល ១.២០០ នាក់ និងចាប់ពង្រត់មនុស្សជាង ១៥០ នាក់ផ្សេងទៀត ភាគច្រើនជាជនស៊ីវិល។ ក្នុងការឆ្លើយតប អ៊ីស្រាអែលបានចាប់ផ្តើមសង្គ្រាមលើក្រុមហាម៉ាសនៅតំបន់ហ្កាហ្សា ដោយសម្លាប់មនុស្សជាង ៧៥.០០០ នាក់ និងបន្សល់ទុកដែនដីភាគច្រើនរងការបំផ្លិចបំផ្លាញ។ សង្គ្រាមបានបញ្ឈប់ដោយបទឈប់បាញ់សម្របសម្រួលដោយសហរដ្ឋអាមេរិកនៅក្នុងខែតុលា ឆ្នាំ២០២៥។ប្រជាជនអ៊ីស្រាអែល បានធ្វើបាតុកម្មនៅទូទាំងប្រទេសចាប់តាំងពីព្រឹកថ្ងៃព្រហស្បតិ៍។ ពួកគេបាននិយាយថាជាការរំលឹកដល់ជនរងគ្រោះ និងទាមទារឱ្យគណៈកម្មាធិការស៊ើបអង្កេតឯករាជ្យរបស់រដ្ឋ លើព្រឹត្តិការណ៍នេះ។

លោក Fidan៖ លោក Erdogan តែងតែពិគ្រោះយោបល់ជាមួយលោក Putin លើបញ្ហាក្នុងតំបន់

2026/07/03 11:17:22 pm        82
Facebook Telegram Linkin
រដ្ឋមន្ត្រីការបរទេស លោក Hakan Fidan បាននិយាយថា ប្រធានាធិបតីទួរគី លោក រ៉េសិប តាយីប អឺដូហ្កាន់ ( Recep Tayyip Erdogan) តែងតែពិគ្រោះយោបល់ជាមួយមេដឹកនាំរុស្ស៊ី លោក វ្ល៉ាឌីមៀ ពូទីន ( Vladimir Putin) លើបញ្ហាក្នុងតំបន់។ លោកបានថ្លែងនៅលើទូរទស្សន៍ CNN Turkថា៖«ដូចដែលអ្នកបានដឹងហើយថា ប្រធានាធិបតីរបស់យើងតែងតែពិគ្រោះយោបល់ជាមួយលោក ពូទីន។ បើយើងក្រឡេកមើលតំបន់របស់យើង ជម្លោះកំពុងបន្តនៅក្នុងអាងសមុទ្រខ្មៅ ដែលមានសារៈសំខាន់សម្រាប់យើង។ តំបន់កូកាស ( Caucasus) គឺមានសារៈសំខាន់សម្រាប់យើង អាស៊ីកណ្តាល និងមជ្ឈិមបូព៌ា។ ហើយនៅក្នុងតំបន់ទាំងអស់នេះ ក៏ដូចជានៅអា ហ្វ្រិក និងលីប៊ី ទួរគីកំពុងបន្តគោលនយោបាយការបរទេស និងសេដ្ឋកិច្ចដ៏មានប្រសិទ្ធភាព»។ «ប្រសិនបើអ្នកមិនដឹងពីចេតនារបស់ភាគីម្ខាងទៀតទេ វានៅតែត្រូវធ្វើផែនការទាំងអស់ដោយផ្អែកលើសេណារីយ៉ូដ៏អាក្រក់បំផុត។ ការរៀបចំផែនការសេណារីយ៉ូដ៏អាក្រក់បំផុត បង្កើនការចំណាយ និងជំរុញអារម្មណ៍នៃអរិភាព។ សេណារីយ៉ូបែបនេះ មិនបានផ្តល់ប្រយោជន៍អ្វីដល់យើងទេ ដែលមានន័យថា ជម្លោះដែលមិនចាំបាច់កើតឡើង»៕

បណ្ដាញសង្គម

ព័ត៌មានថ្មីៗ

ក្រុមអ្នកជំនាញអះអាងថា ទឹកបឹង Constance របស់អាល្លឺម៉ង់ ស្រកដល់កម្រិតទាបជាប្រវត្តិសាស្រ្ត
07/31/2026 07:07 PM
Facebook Telegram Linkin
នីហ្សេរីយ៉ា បំផ្លាញអាវុធខុសច្បាប់ ២.៨១៩ដើម ដែលរឹបអូសបាន អំឡុងពេលបង្ក្រាប
07/31/2026 07:07 PM
Facebook Telegram Linkin
យន្តហោះកងទ័ពជើងទឹកអាមេរិក ចាក់ប្រេងឡើងវិញនៅលើអាកាស ខណៈល្បាតតំបន់មជ្ឈិមបូព៌ា
07/31/2026 07:07 PM
Facebook Telegram Linkin
លោក Zelenskyy៖ រុស្ស៊ីចង់ឱ្យជម្លោះមជ្ឈិមបូព៌ាបន្ត ដើម្បី​បន្ថយការ​គាំទ្ររបស់អាមេរិកចំពោះអ៊ុយក្រែន
07/31/2026 06:07 PM
Facebook Telegram Linkin
អ៊ីរ៉ង់ព្រមានថា អ៊ីស្រាអែលអាចរៀបចំប្រតិបត្តិការ «ទង់ជាតិក្លែងក្លាយ » បន្ទាប់ពីការវាយប្រហារលើកំពង់ផែអេហ្ស៊ីប
07/31/2026 06:07 PM
Facebook Telegram Linkin
អ៊ីរ៉ង់ទាមទារឲ្យអង្គការសមុទ្រអន្តរជាតិថ្កោលទោសចំពោះការវាយប្រហាររបស់អ៊ុយក្រែនលើនាវារបស់ខ្លួន
07/31/2026 06:07 PM
Facebook Telegram Linkin
IRGC៖ នាវាដឹកប្រេង ២គ្រឿងរង​ការ​​វាយប្រហារ ហើយ ៤គ្រឿងទៀត ត្រូវបក​ក្រោយ នៅច្រកសមុទ្រ Hormuz
07/31/2026 06:07 PM
Facebook Telegram Linkin
ចិនធ្វើការល្បាត ក្នុងដែនទឹក នៅ​ភាគខាងកើតនៃកោះតៃវ៉ាន់
07/31/2026 06:07 PM
Facebook Telegram Linkin
ក្រុមហ៊ូទីនៅយេម៉ែន បដិសេធការពាក់ព័ន្ធនឹងការវាយប្រហារដោយយានដ្រូនលើកំពង់ផែអេហ្ស៊ីប
07/31/2026 06:07 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់ ស្នើប៊ុលហ្គារី និងប្រទេសកោះស៊ីបកុំអនុញ្ញាតឲ្យអាមេរិកប្រើមូលដ្ឋានរបស់ខ្លួនវាយប្រហារអ៊ីរ៉ង់
07/31/2026 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.