នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
លោក Trump៖ នាយករដ្ឋមន្ត្រីអ៊ីស្រាអែល នឹងធ្វើ​ទស្សនកិច្ចនៅ​អាមេរិក នា​សប្តាហ៍ក្រោយ
អគ្គលេខាធិការ UN លោក Guterres ទៅ​ដល់រដ្ឋធានីស៊ីរី ជា​ទស្សនកិច្ចលើកដំបូង គិត​តាំងពីឆ្នាំ២០០៩
លោក Trump បញ្ជាក់​ថា អ៊ីរ៉ង់ «កាន់តែមាន​ភាព​ប្រាកដ​ប្រជា​» ក្នុងដំណើរ​ការចរចា

ព័ត៌មានអន្តរជាតិ

UN៖ ភាពចង្អៀតណែននៅទីតាំងជម្លៀស បង្កើនហានិភ័យជំងឺអេបូឡានៅកុងហ្គោ

2026/07/21 11:27:04 pm        46
Facebook Telegram Linkin
យោងតាមការព្រមានរបស់អង្គការសហប្រជាជាតិកាលពីថ្ងៃចន្ទ បានឲ្យដឹងថា ភាពចង្អៀតណែន និងដំណើរការចំពោះសេវាជាមូលដ្ឋានមានកម្រិតនៅទីតាំងជម្លៀសខ្លួន ដែលកំពុងបង្កើនហានិភ័យនៃការរាលដាលជំងឺអេបូឡានៅភាគខាងកើតសាធារណរដ្ឋប្រជាធិបតេយ្យកុងហ្គោ (DRC)។ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) បានបញ្ជាក់ថាករណីជំងឺអេបូឡា ត្រូវបានរាយការណ៍នៅទីតាំងយ៉ាងហោចណាស់១៦កន្លែង ដែលមានអ្នកជម្លៀសខ្លួនជាង២៧០.០០០នាក់នៅទូទាំងខេត្ត Ituri ជាចំណុចកណ្តាលនៃការផ្ទុះឡើងជំងឺអេបូឡា។អង្គការ OCHA និយាយថា ស្ថាប័នពិភពលោក និងដៃគូរបស់ខ្លួនកំពុងគាំទ្រសហគមន៍ជម្លៀសខ្លួនតាមរយៈសកម្មភាពបង្ការ និងបង្កើនការយល់ដឹង ដូចជាការដំឡើងស្ថានីយ៍លាងដៃ និងផ្សព្វផ្សាយនៅសហគមន៍អំពីវិធានការបង្ការជំងឺអេបូឡា។ គិតត្រឹមថ្ងៃសៅរ៍ អាជ្ញាធរសុខាភិបាលសាធារណរដ្ឋប្រជាធិបតេយ្យកុងហ្គោបានរាយការណ៍ពីករណីជំងឺអេបូឡាចំនួន២.៣៤៤ករណីនៅទូទាំងខេត្តចំនួនប្រាំ។ យោងតាមអង្គការ OCHA បានឲ្យដឹងថា ទីក្រុង Ituri មានចំនួនជិត៩០ភាគរយនៃករណីដែលត្រូវបានបញ្ជាក់។ការិយាល័យបានបន្តអំពាវនាវឱ្យមានការគាំទ្រពីអន្តរជាតិកាន់តែច្រើនដើម្បីរក្សាការឆ្លើយតបជំងឺអេបូឡា និងជំនួយសង្គ្រោះជីវិតដល់សហគមន៍ជម្លៀសខ្លួនដែលកំពុងប្រឈមនឹងជម្លោះ ការជម្លៀសខ្លួន និងស្ថានភាពរស់នៅកាន់តែយ៉ាប់យ៉ឺនរយៈពេលជាច្រើនឆ្នាំមកហើយ។

ចិនកោះអញ្ជើញ​ឯកអគ្គរដ្ឋទូតហ្វីលីពីន ជុំវិញការប៉ះទង្គិចគ្នា នៅសមុទ្រចិនខាងត្បូង

2026/07/21 11:22:04 pm        40
Facebook Telegram Linkin
បើយោង​តាម​សេចក្តីថ្លែងការណ៍មួយ បាន​ឱ្យដឹង​ថា រដ្ឋាភិបាលទីក្រុងប៉េកាំង បានបញ្ជាក់​​ថា ខ្លួនបានកោះអញ្ជើញ​ឯកអគ្គរដ្ឋទូតហ្វីលីពីន ប្រចាំប្រទេសចិន នៅថ្ងៃអង្គារ (ទី​២១ ខែកក្កដា ឆ្នាំ២០២៦) នេះ​ ដើម្បីធ្វើការតវ៉ាយ៉ាងម៉ឺងម៉ាត់ ជុំវិញការប៉ះទង្គិចគ្នា កាលពី​មួយថ្ងៃមុន រវាងប្រទេសទាំង២ នៅក្នុងតំបន់ថ្មប៉ប្រះទឹក Second Thomas Shoal។ប្រទេសចិន និងហ្វីលីពីន កាលពី​ថ្ងៃចន្ទ បានចោទប្រកាន់គ្នាទៅវិញទៅមក បន្ទាប់ពីមាន​ការប៉ះទង្គិច រវាងនាវា នៅ​ដែនទឹកមានជម្លោះ​ ក្នុង​​​សមុទ្រចិនខាងត្បូង ដោយទីក្រុងម៉ានីលលើកឡើង​ថា បុគ្គលិកកងទ័ពជើងទឹកម្នាក់របស់ខ្លួន ត្រូវបានវាយចំក្បាល ហើយទីក្រុងប៉េកាំង ប្រាប់​ថា ទីក្រុងម៉ានីលជាអ្នកបង្កឱ្យមាន​ហេតុការណ៍​នេះ។ដោយឡែក នៅថ្ងៃអង្គារនេះ​ ឆ្មាំល្បាត​ឆ្នេរចិន បានឱ្យ​ដឹង​ថា ចិនបានអនុញ្ញាតឱ្យភាគីហ្វីលីពីនផ្ទេរបុគ្គលិករងរបួសតាមរយៈទូកតូចៗពីនាវាចម្បាំងហ្វីលីពីនដែលត្រូវបាន​ចត​ចោល​ ដោយ​គិត​ដល់លក្ខខណ្ឌ​​មនុស្សធម៌។ស្ថានទូតហ្វីលីពីនមិនបានឆ្លើយតបភ្លាមៗឡើយ ចំពោះសំណើសុំការអត្ថាធិប្បាយ៕

លោក Trump បញ្ជាក់​ថា មានការសន្ទនាល្អ​ ខណៈ​នាយករដ្ឋមន្ត្រីអង់គ្លេសថ្មី ប្ដេជ្ញាចិត្ត​ចំពោះការពារជាតិ​

2026/07/21 11:13:47 pm        52
Facebook Telegram Linkin
ប្រធានាធិបតីអាមេរិក លោក Donald Trump បានប្រាប់​ឱ្យដឹង​កាល​ពីថ្ងៃចន្ទ (ទី២០ ខែកក្កដា ឆ្នាំ២០២៦) ថា លោកមាននូវ​ «ការសន្ទនាល្អណាស់» ជាមួយនាយករដ្ឋមន្ត្រីអង់គ្លេសថ្មី លោក Andy Burnham ដោយបន្ថែមថា លោកនឹងជួបជាមួយលោក «ក្នុងពេលឆាប់ៗនេះ»។លោក Burnham បានក្លាយជានាយករដ្ឋមន្ត្រីទី៧ របស់ចក្រភពអង់គ្លេស ក្នុងរយៈពេល ១ទសវត្សរ៍ កាលពី​ថ្ងៃទី២០ ខែកក្កដា ដោយបានប្តេជ្ញាចិត្តរៀបចំប្រព័ន្ធនយោបាយរបស់ប្រទេសឡើងវិញ ដើម្បីបង្កើតគំរូសេដ្ឋកិច្ចថ្មី និងស្តារប្រទេសជាតិដែលត្រូវ​បាន​ «ធុញទ្រាន់» ដោយការផ្លាស់ប្តូរអ្នកដឹកនាំញឹកញាប់ពេក​។នៅក្នុងការបង្ហោះសារ​លើបណ្ដាញ​សង្គម Truth Social លោក Trump បានលើ​ឡើង​ថា៖ «យើងបានពិភាក្សា អំពីប្រេង នៅសមុទ្រខាងជើង ពាណិជ្ជកម្ម សម្ព័ន្ធភាពយោធា ការដោះមីន នៅច្រកសមុទ្រ Hormuz និងប្រធានបទជាច្រើនទៀត។ ការ​ជជែក​តាម​ទូរស័ព្ទនេះ គឺគួរឱ្យចាប់អារម្មណ៍ ហើយដំណើរការទៅយ៉ាងល្អ»។ដោយមិនបានបញ្ជាក់ពីកាលបរិច្ឆេទច្បាស់លាស់ លោក Trump បានឱ្យដឹង​បន្ថែម​ថា៖ «យើងនឹងជួបគ្នាក្នុងពេលឆាប់ៗនេះ សម្រាប់ប្រធានបទដែលមានផលប្រយោជន៍ទៅវិញទៅមក»។លោក Trump បានរិះគន់អតីតនាយករដ្ឋមន្ត្រីអង់គ្លេស លោក Keir Starmer ពាក់​ព័ន្ធនឹង​សង្គ្រាមអាមេរិក-អ៊ីស្រាអែល លើអ៊ីរ៉ង់ អន្តោប្រវេសន៍ ថាមពល និងបទប្បញ្ញត្តិបច្ចេកវិទ្យា។ជាមួយ​គ្នា​នេះ ការិយាល័យរបស់លោក Burnham បានឱ្យដឹង​ថា អំឡុងការជជែក​នោះ​ នាយករដ្ឋមន្ត្រី​ថ្មី​រូប​នេះ បានធានាដល់លោក Trump ថា ទីក្រុងឡុងដ្រ៍ នឹងប្តេជ្ញាចិត្ត ចំពោះការការពារជាតិ និងសន្តិសុខ ហើយនឹងគាំទ្រដល់ការបើកច្រកសមុទ្រ Hormuz ឡើងវិញ ដោយសុវត្ថិភាព ដែលត្រូវបានរារាំងយ៉ាងមានប្រសិទ្ធភាព ចាប់តាំងពីការចាប់ផ្តើមនៃសង្គ្រាម ដែលបណ្តាលឱ្យតម្លៃថាមពលហក់​ឡើង៕

លោក Trump៖ នឹងគ្មាន​​ការចាប់ខ្លួនលោក Netanyahu ​ទេ ខណៈអភិបាលក្រុង New York ពិចារណាជម្រើស

2026/07/21 11:06:59 pm        61
Facebook Telegram Linkin
ប្រធានាធិបតីអាមេរិក លោក Donald Trump កាលពី​ថ្ងៃចន្ទ (ទី២០​ ខែកក្កដា ឆ្នាំ២០២៦) បាន​ប្រាប់​ឱ្យដឹង​ថា នាយករដ្ឋមន្ត្រីអ៊ីស្រាអែល លោក Benjamin Netanyahu នឹងមិនត្រូវបានចាប់ខ្លួននោះឡើយ នៅពេលដែលលោកធ្វើ​ទស្សនកិច្ច នៅ​សហរដ្ឋអាមេរិក បន្ទាប់ពីអភិបាលក្រុង New York លោក Zohran Mamdani បាននិយាយថា លោកនៅតែកំពុងពិចារណា ជុំវិញ​ចំណាត់ការនេះ។តាម​រយៈ​ការ​បង្ហោះសារលើ​បណ្ដាញ​សង្គម ដែលមិនបាន​សំដៅទៅលើការកត់សម្គាល់​របស់អភិបាលក្រុង លោក Trump បានសរសេរថា៖ «លោក Benjamin Netanyahu នឹងមិនត្រូវបានចាប់ខ្លួនឡើយ ទោះតាមមធ្យោបាយណាក៏ដោយ ខណៈពេលដែលមាន​វត្តមាន​នៅសហរដ្ឋអាមេរិក»។តុលាការព្រហ្ម​ទណ្ឌ​អន្តរជាតិ (ICC) ដែលមានមូលដ្ឋាន នៅទីក្រុងឡាអេ ប្រទេស​ហូឡង់​ បានចេញដីកាចាប់ខ្លួនលោក Netanyahu ក្នុងឆ្នាំ២០២៤ ជុំវិញ​ករណី​ឧក្រិដ្ឋកម្មសង្គ្រាម ដែលត្រូវបានចោទប្រកាន់ ក្នុងអំឡុងពេលសង្គ្រាម នៅ​តំបន់​ហ្កា​ហ្សា។ អ៊ីស្រាអែលច្រាន​ចោល​យុត្តាធិការរបស់តុលាការ និងបដិសេធ​មិនបានប្រព្រឹត្តឧក្រិដ្ឋកម្មសង្គ្រាម។លោក Trump មិនបានលើកឡើងពីលោក​ Mamdani នៅក្នុងការបង្ហោះ​សារលើ​បណ្ដាញសង្គម​ Truth Social របស់លោកទេ ប៉ុន្តែបានសរសើរអ៊ីស្រាអែលថា បានជួយដល់​ការ​ធ្វើ​សង្គ្រាម លើ​អ៊ីរ៉ង់។អភិបាលក្រុង New York បាននិយាយនៅក្នុងបទសម្ភាសន៍មួយដែលបានចាក់ផ្សាយកាល​ពី​ថ្ងៃទី១៨ ខែកក្កដាថា ស្ថបា័ន​ច្បាប់របស់ទីក្រុងកំពុងពិចារណាយ៉ាងសកម្ម អំពីអ្វីដែលច្បាប់អាចអនុញ្ញាត។ អំឡុងពេល​និយាយ​ក្នុង​វីដេអូ​ផតខាសរបស់សារព័ត៌មាន​ New York Times ដែលមានឈ្មោះថា The Interview លោក Mamdani បានប្រាប់ថា៖ «ខ្ញុំជឿថា លោក​នាយករដ្ឋមន្ត្រី Netanyahu ត្រូវ​ស្ថិត​នៅ​ទីក្រុងឡាអេ។ គាត់ជាឧក្រិដ្ឋជនសង្គ្រាមដែលត្រូវបានចោទប្រកាន់ដោយតុលាការព្រហ្ម​ទណ្ឌ​អន្តរជាតិ (ICC)»។លោក Netanyahu ជាធម្មតាត្រូវ​ធ្វើដំណើរទៅកាន់ទីក្រុង New York រៀងរាល់ខែកញ្ញា ដើម្បី​ចូល​រួមការ​ជួបជុំប្រចាំឆ្នាំរបស់មេដឹកនាំពិភពលោក នៅឯមហាសន្និបាតអង្គការសហប្រជាជាតិ។ អ៊ីស្រាអែលបានឆ្លើយតបទៅនឹងការ​លើកឡើង​របស់លោក​ Mamdani កាល​ពីថ្ងៃទី១៩​ ខែកក្កដា នៅលើ​បណ្ដាញ​សង្គម X ដោយ​ហៅ​ ICC ថា ជាតុលាការកង់ហ្គូរូ (តុលាការមិនមាន​ភាព​យុត្តិធម៌) ហើយ​ដីកាចាប់ខ្លួនប្រឆាំងនឹង Netanyahu គឺក្លែងក្លាយ៕

ក្រសួងការបរទេស៖ ទំនាក់ទំនងរវាងរុស្ស៊ី និងគុយបាបង្កការគំរាមកំហែងដោយផ្ទាល់ដល់សហរដ្ឋអា មេរិក

2026/07/21 11:04:20 pm        57
Facebook Telegram Linkin
រដ្ឋបាលសហរដ្ឋអាមេរិកអះអាងថា ទំនាក់ទំនងរវាងរុស្ស៊ី និងគុយបា បង្កការគំរាមកំហែងដោយផ្ទាល់» ដល់សន្តិសុខរបស់សហរដ្ឋអាមេរិក។របាយការណ៍មួយដែលចេញផ្សាយដោយក្រសួងការបរទេសសហរដ្ឋអាមេរិក បាននិយាយថា «គុយបា និងរុស្ស៊ី នៅតែរក្សាទំនាក់ទំនងសេដ្ឋកិច្ច និងនយោបាយដ៏រឹងមាំ ដែលកាន់តែស៊ីជម្រៅឡើង ក្នុងចំណោមភាពតានតឹងរវាងសហរដ្ឋអាមេរិក និងគុយបា។ សព្វថ្ងៃនេះ ទំនាក់ទំនងនេះ ត្រូវបានពិពណ៌នាកាន់តែល្អប្រសើរថា ជាភាពជាដៃគូយុទ្ធសាស្ត្រ ដែលមិនត្រឹមតែបង្កការគំរាមកំហែងដោយផ្ទាល់ដល់មាតុភូមិអាមេរិកប៉ុណ្ណោះទេ ប៉ុន្តែថែមទាំងអាចជាបញ្ហាប្រឈមចំពោះអំណាចនិងផលប្រយោជន៍សន្តិសុខរបស់សហរដ្ឋអាមេរិកនៅទូទាំងអាមេរិកឡាទីនផងដែរ»។«សម្រាប់រុស្ស៊ីសម័យទំនើប បណ្តាញរបស់គុយបាត្រូវបានចាត់ទុកថា ជាមធ្យោបាយសំខាន់មួយសម្រាប់ធ្វើឲ្យអស្ថិរភាព និងបំផ្លាញផលប្រយោជន៍របស់សហរដ្ឋអាមេរិក នៅក្នុងតំបន់ឥទ្ធិពលជិតបំផុតរបស់អាមេរិក។ វាអនុញ្ញាតឲ្យរុស្ស៊ីពង្រីកអំណាច និងឥទ្ធិពលចូលទៅក្នុងតំបន់ ដោយមិនចាំបាច់បង្កើតមូលដ្ឋានយោធា ឬរក្សាវត្តមានកងទ័ពច្រើននៅទីនោះឡើយ»។របាយការណ៍នោះ បានធ្វើការចោទប្រកាន់ស្រដៀងគ្នានេះប្រឆាំងនឹងប្រទេសចិន និងអ៊ីរ៉ង់៕

អាមេរិកជូនដំណឹងសន្តិសុខទូទាំងពិភពលោក សម្រាប់ជនជាតិអាមេរិក អំឡុង​ភាពតានតឹង នៅ​មជ្ឈិមបូព៌ា

2026/07/21 10:56:50 pm        56
Facebook Telegram Linkin
ក្រសួងការបរទេសសហរដ្ឋអាមេរិក បានចេញសេចក្តីជូនដំណឹង​ឱ្យ​ប្រុងប្រយ័ត្នទូទាំងពិភពលោក កាលពី​ថ្ងៃចន្ទ (ទី២០ ខែកក្កដា​ ឆ្នាំ២០២៦) សម្រាប់ពលរដ្ឋអាមេរិក ដោយព្រមានថា ភាពតានតឹងកាន់តែខ្លាំងឡើងៗ នៅតំបន់​មជ្ឈិមបូព៌ា អាចនាំឱ្យមានសភាពការណ៍​វិវត្ត​ន៍​ផ្នែក​សន្តិសុខដែលមិននឹកស្មានដល់ ការរំខានដល់ការធ្វើដំណើរ និងការគំរាមកំហែងដែលអាចកើតមាន ចំពោះផលប្រយោជន៍របស់សហរដ្ឋអាមេរិក នៅបរទេស។ក្រសួងបានបញ្ជាក់​នៅក្នុងសេចក្តីជូនដំណឹងរបស់ខ្លួនថា៖ «ដោយសារតែភាពតានតឹងកាន់តែខ្លាំងឡើងៗ នៅតំបន់​មជ្ឈិមបូព៌ា បរិយាកាសសន្តិសុខ នៅតែមាន​ភាព​ស្មុគស្មាញ ដោយ​មាន​លទ្ធភាព​កើនឡើងនូវ​ជម្លោះដែលមិនអាច​ទាយ​ទុកជាមុនបាន​»។ជនជាតិអាមេរិកដែលកំពុងស្ថិតនៅតំបន់មជ្ឈិមបូព៌ា ត្រូវបានជំរុញឱ្យមានការប្រុងប្រយ័ត្ន និងត្រៀមខ្លួនសម្រាប់ការលុបចោលជើងហោះហើរដែលអាចកើតមាន ការបិទដែនអាកាសបណ្តោះអាសន្ន និងការរំខានដល់ការធ្វើដំណើរផ្សេងទៀត។ ជាមួយ​គ្នានេះ ក្រសួងបានជំរុញ​ឱ្យ​ពលរដ្ឋអាមេរិកតាមដានសេចក្ដី​ជូនដំណឹងសន្តិសុខដែលចេញដោយស្ថានទូត និងស្ថានកុងស៊ុលអាមេរិក អនុវត្តតាមការណែនាំពីអាជ្ញាធរមូលដ្ឋាន និងបន្ត​តាម​ដាន​ព័ត៌មានតាមរយៈការ​ផ្សាយ​ព័ត៌មាន។ក្រសួង​បាន​បន្ថែម​ថា៖ «ជនជាតិអាមេរិក នៅខាងក្រៅតំបន់​មជ្ឈិមបូព៌ា គួរតែពិចារណាឡើងវិញ អំពីការធ្វើដំណើរទៅកាន់ និងឆ្លងកាត់តំបន់នេះ។ កន្លែងការទូតរបស់សហរដ្ឋអាមេរិក រួមទាំងនៅខាងក្រៅមជ្ឈិមបូព៌ា ត្រូវបានកំណត់គោលដៅ។ អ៊ីរ៉ង់ និងក្រុមដែលគាំទ្រអ៊ីរ៉ង់ អាចកំណត់គោលដៅផលប្រយោជន៍ផ្សេងទៀតរបស់សហរដ្ឋអាមេរិក នៅក្រៅប្រទេស ឬនៅទីតាំងដែលជាប់ទាក់ទងនឹងសហរដ្ឋអាមេរិក និងជនជាតិអាមេរិកទូទាំងពិភពលោក»។គួរ​បញ្ជាក់​ថា សហរដ្ឋអាមេរិក និងអ៊ីរ៉ង់បានចុះហត្ថលេខាលើអនុស្សរណៈនៃការយោគយល់គ្នាដែលសម្របសម្រួលដោយប៉ាគីស្ថានកាលពីខែមុន ដើម្បីបញ្ចប់ជម្លោះរបស់ពួកគេ និងឈានដល់កិច្ចព្រមព្រៀងសន្តិភាពយូរអង្វែង ប៉ុន្តែភាពតានតឹងបានកើនឡើងម្តងទៀតកាលពីសប្តាហ៍មុន ជុំវិញ​បញ្ហា​ច្រកសមុទ្រ Hormuz ដោយភាគីទាំង២ បានវាយប្រហារគ្នា​ទៅវិញទៅមក​​៕

នាយករដ្ឋមន្ត្រីថ្មីរបស់អង់គ្លេសនិយាយថា លោកនឹងបង្កើនសម្ពាធលើរុស្ស៊ីពាក់ព័ន្ធនឹងបញ្ហាអ៊ុយក្រែន

2026/07/21 10:20:27 pm        73
Facebook Telegram Linkin
នាយករដ្ឋមន្ត្រីថ្មីនៃចក្រភពអង់គ្លេស លោក Andy Burnham បានថ្លែងអំឡុងពេលសន្ទនាតាមទូរស័ព្ទជាមួយលោក វ្ល៉ូឌីមី ហ្សេឡិនស្គីថា ទីក្រុងឡុងដ៍ នឹងបន្តជួយទីក្រុងគីវ និងបង្កើនសម្ពាធលើទីក្រុងមូស្គូ។ យោងតាមសេចក្តីប្រកាសព័ត៌មានដែលចេញផ្សាយដោយការិយាល័យរបស់លោកនាយករដ្ឋមន្ត្រីបានឲ្យដឹងថា៖«លោកនាយករដ្ឋមន្ត្រីបានចាប់ផ្តើមដោយបញ្ជាក់ជាថ្មីនូវការប្តេជ្ញាចិត្តយ៉ាងមុតមាំរបស់លោក និងរបស់ចក្រភពអង់គ្លេសចំពោះប្រជាជនអ៊ុយក្រែន ហើយបានគូសបញ្ជាក់ថា នឹងមិនមានការផ្លាស់ប្តូរណាមួយឡើយចំពោះគោលជំហររបស់ចក្រភពអង់គ្លេស រួមទាំងការបន្តបង្កើនសម្ពាធលើរុស្ស៊ីផងដែរ»។ នេះគឺជា សេចក្តីថ្លែងការណ៍លើកដំបូងពីការិយាល័យរបស់លោក Burnham ដែលពាក់ព័ន្ធនឹងប្រទេស រុស្ស៊ី។ លោក Burnham បានចូលកាន់តំណែងជា នាយករដ្ឋមន្ត្រី កាលពីថ្ងៃចន្ទ។ លោកបានជំនួសលោក Keir Starmer ដែលត្រូវបានបង្ខំឲ្យលាលែងពីតំណែង ក្រោមសម្ពាធពីសមាជិកនៃគណបក្សការងារដែលកំពុងកាន់អំណាច បន្ទាប់ពីគណបក្សនេះ បានបរាជ័យក្នុងការបោះឆ្នោតមូលដ្ឋាន កាលពីខែឧសភា៕

ក្រុមសិទ្ធិមនុស្ស៖ អាវុធថ្មី និងវិធានការគាបសង្កត់ថ្មីៗ ត្រូវបានប្រើដើម្បីធ្វើទារុណកម្មអ្នកទោស ប៉ាឡេស្ទីន

2026/07/21 10:18:23 pm        44
Facebook Telegram Linkin
សមាគមអ្នកទោសប៉ាឡេស្ទីនបាននិយាយកាលពីថ្ងៃចន្ទថា សេវាពន្ធនាគារអ៊ីស្រាអែល បានប្រែក្លាយការប្រើប្រាស់គ្រាប់កៅស៊ូប្រឆាំងនឹងអ្នកជាប់ឃុំប៉ាឡេស្ទីន ទៅជាគោលនយោបាយដាក់ទណ្ឌកម្មជាប្រព័ន្ធក្នុងរយៈពេលប៉ុន្មានខែថ្មីៗនេះ។គោលនយោបាយនេះ បានប៉ះពាល់ដល់អ្នកទោសរាប់សិបនាក់ ដែលករណីរបស់ពួកគេ ត្រូវបានកត់ត្រាដោយអង្គការពាក់ព័ន្ធ ទោះបីជាចំនួនពិតប្រាកដទំនងជាខ្ពស់ជាងនេះទៅទៀត ដោយសារតែការរឹតបន្តឹងយ៉ាងធ្ងន់ធ្ងរលើការទៅជួបអ្នកទោស និងការដាក់ឲ្យនៅដាច់ដោយឡែក ដែលអាជ្ញាធរអ៊ីស្រាអែលបានអនុវត្ត។ វិធានការទាំងនេះរារាំងការចូលទៅជួបអ្នកទោសជាច្រើន និងការកត់ត្រាការរំលោភបំពានដែលពួកគេបានជួបប្រទះ។សមាគមនេះបានបញ្ជាក់ថា អង្គការនានាបានតាមដានករណីជាច្រើនរបស់អ្នកទោសដែលរងរបួសដោយសារគ្រាប់កាំភ្លើងស្រោបដោយកៅស៊ូ។ ការរងរបួសទាំងនេះ បានបណ្តាលឲ្យមានការហូរឈាមធ្ងន់ធ្ងរ ហើយជនរងគ្រោះមួយចំនួន ត្រូវការវះកាត់ ដោយសាររបួសរបស់ពួកគេ។អ្នកទោសម្នាក់បានរាយការណ៍ថា ក្រុមគ្រូពេទ្យបានប្រាប់ខ្លួនថា លោកអាចនឹងត្រូវកាត់អវយវៈមួយចេញ ដោយសារតែរបួសមានសភាពធ្ងន់ធ្ងរ និងផលវិបាកដែលបណ្តាលមកពីរបួសនោះ៕

ជនជាតិរ៉ូហ៊ីងយ៉ាកំពុងក្លាយជាគោលដៅនៃការផ្សព្វផ្សាយព័ត៌មានមិនពិតដែលបង្កការស្អប់ខ្ពើមនៅម៉ាឡេស៊ី

2026/07/21 10:04:10 pm        33
Facebook Telegram Linkin
រលកនៃការផ្សព្វផ្សាយព័ត៌មានមិនពិតផ្នែកនយោបាយដែលផ្តោតលើប្រជាជនរ៉ូហ៊ីងយ៉ារបស់ប្រទេសម៉ាឡេស៊ី បានធ្វើឲ្យមានការព្រួយបារម្ភក្នុងចំណោមក្រុមសិទ្ធិមនុស្ស ដែលនិយាយថា ការផ្សព្វផ្សាយនេះ កំពុងជំរុញឲ្យមានការរើសអើងជនបរទេស និងការគំរាមកំហែងប្រឆាំងនឹងសហគមន៍ជនភៀសខ្លួន។អ្នកត្រួតពិនិត្យការពិតរបស់សារព័ត៌មាន AFP បានបដិសេធព័ត៌មានមិនពិតជាច្រើនអំពីក្រុមជនជាតិភាគតិចមូស្លីមនៅលើវេទិកាបណ្តាញសង្គមដូចជា Facebook, Instagram និង TikTok រួមទាំងសម្រង់ សម្តីមិនពិត វីដេអូកាត់តក្លែងបន្លំ និងស្ថិតិដែលត្រូវបានប្រឌិតឡើង។ខណៈដែលព័ត៌មានមិនពិតប្រឆាំងនឹងជនជាតិរ៉ូហ៊ីងយ៉ា បានរីករាលដាលអស់រយៈពេលជាច្រើនឆ្នាំ ស្រប ពេលមានការបង្ក្រាបដោយយោធានៅក្នុងប្រទេសកំណើតរបស់ពួកគេ គឺប្រទេសមីយ៉ាន់ម៉ា អ្នកវិភាគបាននិយាយថា ការកើនឡើងថ្មីៗនេះ គឺជាផ្នែកមួយនៃយុទ្ធនាការនយោបាយទូលំទូលាយមួយ មុនការបោះឆ្នោតនៅប្រទេសម៉ាឡេស៊ី នាឆ្នាំក្រោយ។លោកស្រី Lilianne Fan ប្រធានលេខាធិការដ្ឋាននៃក្រុមប្រឹក្សាប្រឹក្សាម៉ាឡេស៊ីទទួលបន្ទុកកិច្ចការមីយ៉ាន់ម៉ា បាននិយាយថា៖«ជនភៀសខ្លួនបានក្លាយជាគោលដៅជំនួសដ៏ងាយស្រួលមួយ ដែលតាមរយៈនោះការថប់បារម្ភទូកាន់តែខ្លាំងឡើងអំពីសេដ្ឋកិច្ច ការធ្វើទេសន្តរប្រវេសន៍ សេវាសាធារណៈ សន្តិសុខ និងអត្តសញ្ញាណជាតិ ត្រូវបានបង្ហាញ និងបញ្ចេញមកជាភាសាដែលបង្កឲ្យមានអំពើហិង្សានិងការស្អប់ខ្ពើម»៕

មន្ត្រី៖ទាហានរដ្ឋាភិបាល ៤ នាក់ បានស្លាប់ ក្នុងការវាយប្រហារដោយដ្រូនរបស់ក្រុមហ៊ួទីនៅភាគឦសានយេម៉ែន

2026/07/21 09:59:06 pm        59
Facebook Telegram Linkin
មន្ត្រីយោធាម្នាក់បានប្រាប់សារព័ត៌មានស៊ីនហួថា ទាហានរដ្ឋាភិបាលយេម៉ែនចំនួន ៤នាក់ ត្រូវបានសម្លាប់ និង ៥នាក់ផ្សេងទៀត រងរបួស នៅក្នុងការវាយប្រហារដោយយានដ្រូនរបស់ក្រុមហ៊ួទីទៅលើខេត្ត Marib ដែលសម្បូរប្រេងនៅភាគឦសានប្រទេសយេម៉ែន កាលពីថ្ងៃចន្ទ។មន្ត្រីគាំទ្ររដ្ឋាភិបាលក្នុងតំបន់ ដែលនិយាយក្នុងលក្ខខណ្ឌមិនបញ្ចេញឈ្មោះ បានអះអាងថា យានដ្រូនបានវាយប្រហារទីតាំងយោធាមួយ ដែលជាកម្មសិទ្ធិរបស់កងកម្លាំងរដ្ឋាភិបាលនៅក្នុងស្រុក Harib ភាគខាងកើតនៃខេត្ត Marib ។ លោកបាននិយាយថា ជនរងគ្រោះទាំងអស់ គឺជាសមាជិកនៃកងពលតូចលេខ ២៦ របស់រដ្ឋាភិបាល ដោយបន្ថែមថា អ្នករងរបួសត្រូវបានបញ្ជូនទៅកាន់មន្ទីរពេទ្យក្បែរនោះ ដើម្បីព្យាបាល។ពុំមានការអត្ថាធិប្បាយភ្លាមៗពីក្រុមហ៊ួទីលើការវាយប្រហារនេះទេ។ការវាយប្រហារនេះ បានកើតឡើង ស្របពេលមានភាពតានតឹងឡើងវិញរវាងរដ្ឋាភិបាលយេម៉ែនដែលទទួលស្គាល់ពីអន្តរជាតិ និងគាំទ្រដោយក្រុមចម្រុះដឹកនាំដោយអារ៉ាប៊ីសាអ៊ូឌីត និងក្រុមហ៊ួទី បន្ទាប់ពីការវាយប្រហារទៅវិញទៅមកដែលពាក់ព័ន្ធនឹងអាកាសយានដ្ឋានអន្តរជាតិ Sanaa ដែលគ្រប់គ្រងដោយក្រុមហ៊ួទី និងអាកាសយានដ្ឋានអន្តរជាតិ Abha របស់អារ៉ាប៊ីសាអ៊ូឌីត៕

បណ្ដាញសង្គម

ព័ត៌មានថ្មីៗ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin
លោក Trump៖ នាយករដ្ឋមន្ត្រីអ៊ីស្រាអែល នឹងធ្វើ​ទស្សនកិច្ចនៅ​អាមេរិក នា​សប្តាហ៍ក្រោយ
07/25/2026 03:07 PM
Facebook Telegram Linkin
អគ្គលេខាធិការ UN លោក Guterres ទៅ​ដល់រដ្ឋធានីស៊ីរី ជា​ទស្សនកិច្ចលើកដំបូង គិត​តាំងពីឆ្នាំ២០០៩
07/25/2026 03:07 PM
Facebook Telegram Linkin
លោក Trump បញ្ជាក់​ថា អ៊ីរ៉ង់ «កាន់តែមាន​ភាព​ប្រាកដ​ប្រជា​» ក្នុងដំណើរ​ការចរចា
07/25/2026 03:07 PM
Facebook Telegram Linkin
ក្រុមហ៊ូទីអះអាងពី​ការវាយប្រហារលើអារ៉ាប៊ីសាអូឌីត ខណៈជម្លោះមជ្ឈិមបូព៌ាកាន់តែជ្រៅទៅៗ
07/25/2026 03:07 PM
Facebook Telegram Linkin
ចារកម្មអាមេរិក៖ មេដឹកនាំថ្មីរបស់អ៊ីរ៉ង់ បើក​ចំហជាង ក្នុងការ​ប្រឹង​ប្រែង​ទទួល​​បាន​​អាវុធនុយក្លេអ៊ែរ
07/25/2026 03:07 PM
Facebook Telegram Linkin
ក្រសួងបរិស្ថាន កំពុងរៀបចំ​ហេដ្ឋា​រចនា​សម្ព័ន្ធ​នៅ​សហគមន៍​តំបន់​ការពារ​ធម្មជាតិ​កោដូន្តី ដើម្បី​ទាក់ទាញទេសចរ
07/25/2026 03:07 PM
Facebook Telegram Linkin
សាលាបឋមសិក្សាតាំងក្រសៅ ទទួលបានអគារសិក្សាថ្មី១ខ្នង ផ្តល់ផល​ប្រយោជន៍​ដល់​ការ​សិក្សា​យូរ​អង្វែង
07/25/2026 02:07 PM
Facebook Telegram Linkin
ក្រសួងវប្បធម៌៖ ការប្រើប្រាស់​សម្លៀកបំពាក់​ខ្មែរ​ពីបុរាណដល់បច្ចុប្បន្ន នៅ​តែ​រក្សា​អត្ត​សញ្ញាណ​ស្នូល
07/25/2026 01:07 PM
Facebook Telegram Linkin
សមាគមលើកកម្ពស់សហគ្រិនក្នុងស្រុក បង្ហាញនូវមោនទភាព​ពេល​ឃើញ​សហគ្រិន​ខ្លួន​មមា​ញឹក​ក្នុង​អាជីវកម្ម
07/25/2026 01:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.