BTV NEWS

ការលាលែងពីតំណែងរបស់រដ្ឋមន្ត្រីអប់រំឥណ្ឌា គឺជាជ័យជម្នះដ៏ធំ សម្រាប់ក្រុមបាតុករយុវជន

លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

ម៉ិកស៊ិកនឹងមិនតបតពន្ធរបស់លោក Trump ទេ ខណៈការនាំចេញត្រូវបានការពារដោយកិច្ចព្រមព្រៀងពាណិជ្ជកម្ម

ព័ត៌មានអន្តរជាតិ

កងទ័ព៖ ទាហានកូវ៉ែតជាច្រើននាក់រងរបួស អំឡុងការវាយប្រហារដោយយានដ្រូនរបស់អ៊ីរ៉ង់ លើមូលដ្ឋានយោធា

កងទ័ពកូវ៉ែតជាច្រើននាក់ បានរងរបួស នៅព្រឹកថ្ងៃសុក្រ (ទី១៧ ខែកក្កដា ឆ្នាំ២០២៦) នេះ បន្ទាប់ពីយានដ្រូនរបស់អ៊ីរ៉ង់ បានកំណត់គោលដៅលើមូលដ្ឋានយោធា និងមូលដ្ឋានជាច្រើន នៅក្នុងប្រទេសនេះ។ នេះបើយោងតាមកងទ័ពកូវ៉ែត។នៅក្នុងសេចក្តីថ្លែងការណ៍មួយ កងទ័ពបានឱ្យដឹងថា នាយអគ្គសេនាធិការចម្រុះ លោកឧត្តមសេនីយ៍ទោ Khaled Daraj Saad Al-Shuraian និងនាយរងអគ្គសេនាធិការចម្រុះ លោកឧត្តមសេនីយ៍ត្រីទ័ពអាកាស Sabah Jaber Al-Ahmad Al-Sabah បានអញ្ជើញទៅសួរសុខទុក្ខសមាជិកនៃកងកម្លាំងជើងគោកកូវ៉ែត ដែលបានរងរបួស។ដោយមិនបានបង្ហាញពីចំនួនអ្នករងរបួស ឬបង្ហាញទីតាំងដែលត្រូវបានដាក់គោលដៅ កងទ័ពបានឱ្យដឹងទៀតថា ទាហានទាំងនោះបានរងរបួសនៅពេលដែលយានដ្រូនរបស់អ៊ីរ៉ង់ បានវាយប្រហារមូលដ្ឋាន និងជំរំយោធាកូវ៉ែតជាច្រើន។ការប្រកាសនេះបានកើតឡើងចំពេលមានការប្រឈមមុខដាក់គ្នា ក្នុងតំបន់កាន់តែទូលំទូលាយ រវាងអ៊ីរ៉ង់ និងសហរដ្ឋអាមេរិក។ ទីក្រុងតេអេរ៉ង់បានឱ្យដឹងនៅថ្ងៃសុក្រណវថា កងកម្លាំងរបស់ខ្លួនបានកំណត់គោលដៅលើធនធានយោធាអាមេរិក នៅក្នុងប្រទេសកូវ៉ែត អូម៉ង់ ស៊ីរី ហ្ស៊កដានី បារ៉ែន និងកាតា ជាការវាយប្រហារសងសឹក។កូវ៉ែត បានប្រាប់នៅមុននេះថា ប្រព័ន្ធការពារដែនអាកាសរបស់ខ្លួន បានស្ទាក់ចាប់មីស៊ីល និងយានដ្រូនរបស់អ៊ីរ៉ង់ដែលកំណត់គោលដៅលើប្រទេសនេះ៕

ផ្សែងពីចំហេះព្រៃនៅកាណាដា ប៉ះពាល់ដល់ការប្រកួតវគ្គផ្តាច់ព្រ័ត្រអេស្ប៉ាញ-អាហ្សង់ទីន នៅ World Cup

ផ្សែងដែលហោះអណ្តែតទៅភាគខាងត្បូង ដោយសារចំហេះព្រៃដ៏ធំ នៅក្នុងប្រទេសកាណាដា បាននាំឱ្យមានគុណភាពខ្យល់កាន់តែអាក្រក់ នៅទូទាំងតំបន់មួយចំនួននៃភាគឦសានសហរដ្ឋអាមេរិក ដែលបង្កើនក្ដីបារម្ភ អំពីសុខភាព នៅមុនការប្រកួតបាល់ទាត់វគ្គផ្តាច់ព្រ័ត្រនៃព្រឹត្តិការណ៍ FIFA World Cup ឆ្នាំ២០២៦ នៅថ្ងៃអាទិត្យ (ទី១៩ ខែកក្កដា) រវាងក្រុមអេស្ប៉ាញ និងអាហ្សង់ទីន នៅពហុកីឡដ្ឋាន MetLife ក្នុងរដ្ឋ New Jersey។អាជ្ញាធរ នៅទីក្រុង New York និងរដ្ឋ New Jersey បានចេញសេចក្តីជូនដំណឹង អំពីគុណភាពខ្យល់កាលពីថ្ងៃព្រហស្បតិ៍ បន្ទាប់ពីផ្សែងពីចំហេះព្រៃរាប់រយកន្លែង ដែលភាគច្រើន កំពុងឆាបឆេះនៅខេត្ត Ontario បានរាលដាលពាសពេញតំបន់។មន្ត្រីបានឱ្យដឹងថា រយៈពលគ្របដណ្ដប់ដោយកម្ដៅ នៅតំបន់នោះ បានបង្ខាំងភាគល្អិតៗ ឱ្យនៅជាប់នឹងផ្ទៃផែនដី ដែលធ្វើឱ្យផ្សែងមិនអាចបែកខ្ញែកទៅណាបាន និងកំពុងធ្វើឱ្យគុណភាពខ្យល់កាន់តែអាក្រក់ខ្លាំងឡើងៗ»។ក្រសួងសុខាភិបាលទីក្រុង New York បានជំរុញឱ្យប្រជាពលរដ្ឋកំណត់ពេលវេលានៅខាងក្រៅ ជៀសវាងកុំមានសកម្មភាពរាងកាយខ្លាំង និងចាត់វិធានការប្រុងប្រយ័ត្នបន្ថែម សម្រាប់កុមារ មនុស្សចាស់ និងអ្នកដែលមានបញ្ហាផ្លូវដង្ហើម។ ទីក្រុងនេះក៏បានចែកចាយម៉ាស់ KN95 នៅបណ្ណាល័យ ប៉ុស្តិ៍នគរបាល និងស្ថានីយពន្លត់អគ្គិសភ័យផងដែរ។ក្តីបារម្ភអំពីគុណភាពខ្យល់បានទាក់ទាញការចាប់អារម្មណ៍ជាពិសេស ដោយសារតែពហុកីឡដ្ឋាន MetLife ជាកន្លែងដែលការប្រកួតវគ្គផ្តាច់ព្រ័ត្រ នឹងត្រូវលេង គឺជាទីលានបើកចំហគ្មានដំបូល ដែលធ្វើឱ្យកីឡាករ និងអ្នកទស្សនាប្រហែល ៨២.០០០នាក់ ប៉ះពាល់ដោយផ្ទាល់ទៅនឹងលក្ខខណ្ឌអាកាសធាតុខាងក្រៅ៕

កូរ៉េខាងជើងហាក់ដូចជាបានសាងសង់ទីតាំងបាញ់រ៉ូកែត នៅជិតតំបន់គ្មានយោធា

យោងតាមរបាយការណ៍ដែលផ្អែកលើរូបភាពផ្កាយរណបពាណិជ្ជកម្ម បានបង្ហាញថា ប្រទេសកូរ៉េខាងជើងហាក់ដូចជាបានសាងសង់ទីតាំងស្តុក និងថែទាំច្រើនកន្លែង សម្រាប់ប្រព័ន្ធបាញ់រ៉ូកែតច្រើនគ្រាប់ នៅជិតព្រំដែនអន្តរកូរ៉េ។វិទ្យុអាស៊ីសេរី (RFA) ដែលមានមូលដ្ឋាននៅសហរដ្ឋអាមេរិក បានរាយការណ៍នៅថ្ងៃសុក្រ (ទី១៧ ខែកក្កដា ឆ្នាំ២០២៦) នេះថា រូបភាពផ្កាយរណបដែលថត រវាងឆ្នាំ២០២៣ និង២០២៥ បានបង្ហាញឱ្យឃើញអគាររាងទ្រវែងចំនួន ២១ខ្នង ដែលអគារនីមួយៗមានប្រវែងប្រហែល ៥២ម៉ែត្រ ត្រូវបានសាងសង់ឡើងនៅឯមូលដ្ឋានយោធាតូចៗរបស់កូរ៉េខាងជើង ដែលស្ថិតនៅភាគខាងត្បូងទីក្រុង Kaesong និងភាគខាងជើងទន្លេហាន (Han River)។ របាយការណ៍ដដែលនេះបានបន្តថា ទីតាំងទាំងនោះ ស្ថិតនៅចម្ងាយប្រហែល ៥០គីឡូម៉ែត្រពីទីក្រុងសេអ៊ូល បើគិតជាខ្សែបន្ទាត់ត្រង់។យោងតាម RFA បានឱ្យដឹងថា អគារទាំងនោះមានពិដានខ្ពស់ ប្លង់ទម្រង់វែង និងតូចចង្អៀត ហើយមានផ្លូវថ្នល់ដែលអនុញ្ញាតឱ្យយានយន្តអាចបើកចូលបានពីផ្នែកទាំង២។ លក្ខណៈពិសេសទាំងនេះ អាចធ្វើឱ្យអគារទាំងនោះមានភាពសមស្រប ក្នុងការស្តុក ឬថែទាំរថយន្តយោធា សម្រាប់ដឹកជញ្ជូន និងដំឡើងជើងទម្រ និងប្រព័ន្ធបាញ់រ៉ូកែតច្រើនគ្រាប់។ ក្រៅពីនេះ ការិយាល័យ និងគ្រឿងបរិក្ខារគាំទ្រផ្សេងៗទៀត ក៏ហាក់ដូចជាត្រូវបានសាងសង់ភ្ជាប់ទៅនឹងអគារទាំងនោះផងដែរ។លោក Jacob Bogle អ្នកវិភាគរូបភាពផ្កាយរណប បានប្រាប់ RFA ថា កូរ៉េខាងជើង បាន និងកំពុងពង្រីកទីតាំងដែលទាក់ទងនឹងឧបករណ៍បាញ់រ៉ូកែតច្រើនគ្រាប់ ដោយស្ងាត់ៗ។គួរបញ្ជាក់ថា តំបន់ DMZ ឬតំបន់គ្មានយោធា ត្រូវបានបង្កើតឡើងក្រោមបទឈប់បាញ់ឆ្នាំ១៩៥៣ ដែលបានបញ្ឈប់សង្គ្រាមកូរ៉េ។ តំបន់ទ្រនាប់នេះដែលមានប្រវែងប្រហែល ២៥០គីឡូម៉ែត្រ និងទទឹង ៤គីឡូម៉ែត្រ ហ៊ុមព័ទ្ធខ្សែបន្ទាត់កំណត់ព្រំដែនយោធា ដែលជាព្រំដែនជាក់ស្តែង រវាងកូរ៉េទាំង២៕

លោក Burnham៖ គណបក្សការងារ នឹងឈ្នះឆ្នោត ដោយសារ «ភាពក្លាហាន ជឿជាក់ និងស្មោះត្រង់» នៅចក្រភពអង់គ្លេស

លោក Andy Burnham នៅថ្ងៃសុក្រ (ទី១៧ ខែកក្កដា ឆ្នាំ២០២៦) នេះ បានផ្ដល់ការសន្យាយ៉ាងម៉ឺងម៉ាត់ថា នឹងដឹកនាំគណបក្សការងាររបស់ចក្រភពអង់គ្លេស ទៅរកទិសដៅ «ដែលឆ្លុះបញ្ចាំងពីអត្តសញ្ញាណគណបក្សយ៉ាងពិតប្រាកដ» ដោយបានបញ្ជាក់ថា នឹងបង្រួបបង្រួមគណបក្សឡើងវិញ ផ្ទេរអំណាចចេញពីវិមាន Westminster និងស្តារទំនុកចិត្តវិស័យនយោបាយឡើងវិញ បន្ទាប់ពីលោកត្រូវបានបោះឆ្នោតជ្រើសរើសជាមេដឹកនាំថ្មីរបស់គណបក្ស។នៅក្នុងសុន្ទរកថាដំបូងរបស់លោក ក្នុងនាមជាមេដឹកនាំ លោក Burnham បានគូសបញ្ជាក់ពីផែនការ ៥ចំណុចដែលផ្តោតលើឯកភាពគណបក្ស ការកែលម្អនយោបាយ និងកំណែទម្រង់រដ្ឋធម្មនុញ្ញ។ជាមួយគ្នានេះ លោកបានសន្យាថា នឹងកសាង «ក្រុមគណបក្សការងារតែមួយ» បង្កើត «នយោបាយថ្មីមួយ» ផ្លាស់ប្តូរទិសដៅនយោបាយរបស់គណបក្សការងារ ធ្វើជាតំណាង «គ្រប់ទីកន្លែង» នៅចក្រភពអង់គ្លេស និងផ្ទេរអំណាចពីវិមាន Westminster និង Whitehall ទៅសហគមន៍ក្នុងតំបន់។ដោយពិពណ៌នាអំពីអាទិភាពទី៣ នៃផែនការរបស់លោក លោក Burnham បាននិយាយថា គណបក្សការងារ នឹងសហការជាមួយគណបក្សផ្សេងៗទៀតនៅពេលណាដែលអាចធ្វើទៅបាន ប៉ុន្តែនឹងធ្វើឡើង «ដោយឈរលើមូលដ្ឋាននៃការដឹងយ៉ាងច្បាស់លាស់ពីគោលជំហរពិតប្រាកដរបស់ខ្លួន»។លោក Burnham ដែលហាក់ដូចជាមានអារម្មណ៍រំជួលចិត្ត នៅពេលលោកឡើងលើឆាកថ្លែងសុន្ទរកថា បានពោលពាក្យអរគុណដល់សមាជិកគណបក្ស ចំពោះការគាំទ្ររបស់ពួកគេ៕

សភាអ៊ីស្រាអែលបញ្ចប់មុនអាណត្តិ ខណៈប្រទេសត្រៀមឆ្ពោះទៅរកការបោះឆ្នោត

សភាអ៊ីស្រាអែលបានបោះឆ្នោតរំលាយខ្លួនឯង នៅព្រឹកថ្ងៃសុក្រ (ទី១៧ ខែកក្កដា ឆ្នាំ២០២៦) នេះ ខណៈដែលប្រទេសនេះត្រៀមសម្រាប់ការបោះឆ្នោតខែតុលា ដែលនេះជាការបញ្ចប់កិច្ចប្រឹងប្រែងជំរុញអនុម័តច្បាប់យ៉ាងប្រញាប់ប្រញាល់នៅនាទីចុងក្រោយរបស់រដ្ឋាភិបាល ក្នុងគោលបំណងផ្គាប់ចិត្តក្រុមសម្ព័ន្ធមិត្តរបស់ខ្លួន។ការបោះឆ្នោតនេះ ដែលគាំទ្រដោយសមាជិក ៦២រូប ក្នុងចំណោម ១២០រូបរបស់សភា Knesset បានបើកផ្លូវឱ្យមានការបោះឆ្នោតនៅថ្ងៃទី២៧ ខែតុលា ដែលនាយករដ្ឋមន្ត្រី លោក Benjamin Netanyahu កំពុងស្វែងរកអាណត្តិ ១ទៀត ទោះបីជាប្រជាប្រិយភាពធ្លាក់ចុះក៏ដោយ។រដ្ឋាភិបាលរបស់លោក បានជំរុញតាមរយៈសេចក្តីព្រាងច្បាប់ដ៏ចម្រូងចម្រាសមួយចំនួន ក្នុងរយៈពេលប៉ុន្មានថ្ងៃថ្មីៗនេះ ដែលមានគោលបំណងពង្រឹងជំហររបស់ខ្លួន និងផ្គាប់ចិត្តសម្ព័ន្ធមិត្ត នៅក្នុងសហគមន៍ជ្រុលនិយមរបស់អ៊ីស្រាអែល។សម្ព័ន្ធភាពកំពុងកាន់អំណាច បានអនុម័តសេចក្តីព្រាងច្បាប់ជាច្រើននៅក្នុងសម័យប្រជុំចុងក្រោយដែលបន្លាយពេលយ៉ាងយូរ ក្នុងនោះរួមទាំងច្បាប់ដកហូតអំណាចពីអគ្គរដ្ឋអាជ្ញា ការព្យួរការចាប់ខ្លួនអ្នកគេចវេះពីកាតព្វកិច្ចយោធា និងការបន្តពង្រីកការត្រួតពិនិត្យរបស់រដ្ឋាភិបាលទៅលើប្រព័ន្ធផ្សព្វផ្សាយផងដែរ។ជាមួយនឹងសេចក្តីព្រាងច្បាប់ដែលបានអនុញ្ញាតឱ្យមានការរំលាយសភាខ្លួនឯង ស្ថាប័នេះក៏បានអនុម័តការបង្កើនមូលនិធិ សម្រាប់គណបក្សនយោបាយផងដែរ។ ទោះបីជាមានការបោះឆ្នោតរំលាយនេះក៏ដោយ ក៏ទីប្រឹក្សាផ្នែកច្បាប់របស់សភា Knesset គឺលោកស្រី Sagit Afik បាននិយាយថា អង្គសភាទាំងមូលនៅតែអាចបន្តដំណើរការបានប្រហែល ១០ថ្ងៃទៀត ដោយសារតែច្បាប់បញ្ជាក់ពីកាលបរិច្ឆេទនៃការបោះឆ្នោត ត្រូវបានបញ្ជូនត្រឡប់ទៅឱ្យគណៈកម្មាធិការពិនិត្យឡើងវិញ បន្ទាប់ពីមានភាពជាប់គាំង នៅសភា៕

វិមានក្រឹមឡាំងបដិសេធការចោទប្រកាន់ជ្រៀតជ្រែកក្នុងការបោះឆ្នោតរបស់សហរដ្ឋអាមេរិក

វិមានក្រឹមឡាំងនៅថ្ងៃសុក្រ (ទី១៧ ខែកក្កដា ឆ្នាំ២០២៦) នេះ បានបដិសេធការចោទប្រកាន់ ដែលថា ប្រទេសរុស្ស៊ីបានជ្រៀតជ្រែកក្នុងការបោះឆ្នោតរបស់សហរដ្ឋអាមេរិក ដោយបញ្ជាក់ថា ការស៊ើបអង្កេតរបស់អាមេរិកពីមុន មិនបានរកឃើញភស្តុតាងណាមួយដែលបង្ហាញថា ទីក្រុងមូស្គូមានឥទ្ធិពលលើលទ្ធផលនោះទេ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានរដ្ឋ Tass។អំឡុងពេលថ្លែងទៅកាន់អ្នកសារព័ត៌មាន អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ប្រធានាធិបតីអាមេរិក លោក Donald Trump កំពុងសំដៅទៅលើការអះអាងផ្នែកស៊ើបការណ៍សម្ងាត់ដែលមិនជាក់លាក់ និងគ្មានភ័ស្តុតាងច្បាស់លាស់ នៅពេលដែលពណ៌នាអំពីរុស្ស៊ីថា ជាការគំរាមកំហែងដល់ការបោះឆ្នោតអាមេរិក។លោក Peskov បាននិយាយថា៖ «ការពិត គឺថា ប្រធានាធិបតីកំពុងសំដៅទៅលើព័ត៌មានមួយចំនួន ព័ត៌មានអនាមិក ព័ត៌មានដែលមិនមានមូលដ្ឋានពីភ្នាក់ងារស៊ើបការណ៍សម្ងាត់របស់សហរដ្ឋអាមេរិក»។លោកបានបន្តថា ការស៊ើបអង្កេតជាច្រើនរបស់សហរដ្ឋអាមេរិក បានសន្និដ្ឋានថា រុស្ស៊ី «មិនមានឥទ្ធិពល» លើការបោះឆ្នោតរបស់សហរដ្ឋអាមេរិកទេ។ លោកបានបន្ថែមថា ទីក្រុងមូស្គូមិនដែលជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃឡើយ ហើយរំពឹងថា ប្រទេសដទៃទៀតនឹងមិនជ្រៀតជ្រែកក្នុងកិច្ចការផ្ទៃក្នុងរបស់រុស្ស៊ីវិញដូចគ្នាដែរ។គួរបញ្ជាក់ថា នៅមុននេះ លោក Trump បានប្រកាសថា រុស្ស៊ី ចិន អ៊ីរ៉ង់ និងកូរ៉េខាងជើង គឺជា «សត្រូវ» ដែលមានសមត្ថភាពជ្រៀតចូល «ហេដ្ឋារចនាសម្ព័ន្ធបោះឆ្នោត» របស់សហរដ្ឋអាមេរិក៕

អាល្លឺម៉ង់ស្នើឱ្យកងកម្លាំងសហភាពអឺរ៉ុបជំនួសបេសកកម្មអង្គការសហប្រជាជាតិ នៅលីបង់

រដ្ឋមន្ត្រីការបរទេសអាល្លឺម៉ង់ លោក Johann Wadephul បានស្នើឱ្យជំនួសបេសកកម្មរក្សាសន្តិភាពរបស់អង្គការសហប្រជាជាតិ (UN) ដែលផុតកំណត់នៅប្រទេសលីបង់ ដោយប្រើប្រាស់កងកម្លាំងក្រោមអាណត្តិរបស់សហភាពអឺរ៉ុប (EU) វិញ ដើម្បីបង្ការកុំឱ្យមានភាពទំនេរផ្នែកសន្តិសុខ។ នេះបើយោងតាមអ្វីដែលលោកបានប្រាប់បណ្តាញសារព័ត៌មាន Redaktionsnetzwerk Deutschland។នៅក្នុងបទសម្ភាសន៍ដែលត្រូវបានចេញផ្សាយនៅថ្ងៃសុក្រ (ទី១៧ ខែកក្កដា ឆ្នាំ២០២៦) លោក Wadephul បាននិយាយថា៖ «យើងគួរតែពិនិត្យមើលនៅ EU ថា តើយើងអាចធានាថា គ្មានភាពទំនេរផ្នែកសន្តិសុខ កើតឡើង ជាមួយនឹងអាណត្តិរបស់អឺរ៉ុបបានដែរ ឬទេ បន្ទាប់ពីបេសកកម្ម UNIFIL (កងកម្លាំងបណ្តោះអាសន្នរបស់ UN ប្រចាំនៅប្រទេសលីបង់) បញ្ចប់អាណត្តិ»។បេសកកម្ម UNIFIL ត្រូវផុតកំណត់នៅថ្ងៃទី៣១ ខែធ្នូ ឆ្នាំ០២៦។ សភាអាល្លឺម៉ង់បានពង្រីកការចូលរួមរបស់ប្រទេស នៅក្នុងបេសកកម្មនេះលើកចុងក្រោយ កាលពីប៉ុន្មានសប្តាហ៍មុន។លោក Wadephul បាននិយាយថា ប្រទេសលីបង់ដែលមានរដ្ឋាភិបាលប្រកបដោយស្ថិរភាព បានបង្ហាញឱ្យឃើញពី «ការអភិវឌ្ឍមួយ ក្នុងចំណោមការអភិវឌ្ឍប្រកបដោយក្តីសង្ឃឹមបំផុតនៅក្នុងតំបន់ នាពេលបច្ចុប្បន្ននេះ»។រដ្ឋមន្ត្រីរូបនេះបានបន្ថែមថា កងកម្លាំងដែលស្ថិតក្រោមអាណត្តិរបស់ EU អាច «បង្កើតលក្ខខណ្ឌ ដើម្បីឱ្យកងទ័ពអ៊ីស្រាអែលដកចេញ ដោយមិនមានការវិលត្រឡប់មកវិញនូវសកម្មភាពភេរវកម្មរបស់ក្រុមហេសបូឡា»៕

ព្យុះផ្គររន្ទះបង្កឲ្យមានទឹកជំនន់ និងការរំខាន នៅស្វីស ខណៈអាកាសធាតុធ្ងន់ធ្ងរត្រូវបានរំពឹងនឹងបន្តមាន

អាជ្ញាធរបានប្រាប់ឱ្យដឹងថា ព្យុះផ្គររន្ទះខ្លាំង បានបង្កឲ្យមានទឹកជំនន់ និងការរំខាននៅទូទាំងតំបន់នានារបស់ប្រទេសស្វីស កាលពីយប់ថ្ងៃព្រហស្បតិ៍ (ទី១៦ ខែកក្កដា ឆ្នាំ២០២៦) ដោយអាកាសធាតុអាក្រក់ធ្ងន់ធ្ងរត្រូវបានគេរំពឹងថា នឹងបន្តមាននៅថ្ងៃសុក្រនេះ។បើយោងតាមសារព័ត៌មាន Swissinfo ដោយសំអាងដល់ស្ថាប័នសារព័ត៌មាន Keystone-SDA បានឱ្យដឹងថា ក្រុមពន្លត់អគ្គិភ័យ នៅក្នុងតំបន់ Zurich បានឆ្លើយតបទៅនឹងឧប្បត្តិហេតុចំនួន ២៦៨លើក ដែលភាគច្រើនពាក់ព័ន្ធនឹងអគារលិចទឹក និងដើមឈើដួលរលំ។ ចំណែកប្រព័ន្ធផ្សព្វផ្សាយសាធារណៈរបស់ប្រទេសស្វីស SRF Meteo បានកត់ត្រាការវាយប្រហារដោយរន្ទះជាង ២៦.០០០ដង នៅម៉ោង ១១យប់ ម៉ោងក្នុងស្រុក (ត្រូវនឹងម៉ោង ២១ ម៉ោងសកល) ខណៈដែលភ្លៀងធ្លាក់ខ្លាំងបានកើតមានពាសពេញតំបន់ជាច្រើន។សេចក្ដីរាយការណ៍បានឱ្យដឹងទៀតថា ទីក្រុង Winterthur ភាគខាងជើង បានមានភ្លៀងធ្លាក់ខ្លាំងបំផុត ដោយប្រហែល ១ភាគ៣ នៃកម្រិតទឹកភ្លៀងមធ្យមប្រចាំខែកក្កដា បានធ្លាក់ត្រឹមរយៈពេលតែមួយល្ងាច។ ជាមួយគ្នានេះ ព្រឹលធ្លាក់ខ្លាំង ក៏បានមានផងដែរពាសពេញតំបន់ជាច្រើន ដែលលាតសន្ធឹងពីភាគកណ្តាលប្រទេសស្វីសដល់ទីក្រុង Winterthur។ទីភ្នាក់ងារអាកាសធាតុបានណែនាំសាធារណជនឱ្យជៀសវាងតំបន់ទីវាល ឬទីតាំងប្រឈមគ្រោះថ្នាក់ ដូចជាជួរភ្នំ វាលទំនាបធំៗ និងទីកន្លែងដែលមានប្រភពទឹក ព្រមទាំងត្រូវចងរឹតបន្តឹងវត្ថុទាំងឡាយណាដែលនៅខាងក្រៅផ្ទះឱ្យបានជាប់ល្អ និងបន្តការប្រុងប្រយ័ត្នខ្ពស់ចំពោះស្ថានភាពអាកាសធាតុដែលកំពុងប្រែប្រួលយ៉ាងរហ័ស៕

នាវាដឹកផលិតផលគីមីត្រូវបានសង្ស័យថា ត្រូវក្រុមចោរសមុទ្រប្លន់នៅក្បែរឆ្នេរយេម៉ែន

ប្រភពសន្តិសុខដែនសមុទ្របាននិយាយថា ជនប្រដាប់អាវុធត្រូវបានគេជឿថា បានឡើងលើនាវា Asanaដែលដឹកសារធាតុគីមី នៅក្បែរឆ្នេរភាគខាងត្បូងនៃប្រទេសយេម៉ែន ក្នុងឈូងសមុទ្រ Aden កាលពីថ្ងៃសុក្រ ហើយកំពុងគ្រប់គ្រងនាវានេះ។ទិន្នន័យតាមដាននាវាបានបង្ហាញថា នាវាដឹកប្រេងខ្នាតតូចមួយគ្រឿងនេះ ដែលមិនទាន់មានការបញ្ជាក់អំពីទង់ជាតិរបស់វា បានកំណត់កំពង់ផែ Bosaso របស់ប្រទេសសូម៉ាលី ជាគោលដៅបន្ទាប់របស់ខ្លួន។ទីភ្នាក់ងារប្រតិបត្តិការពាណិជ្ជកម្មដែនសមុទ្ររបស់កងទ័ពជើងទឹកអង់គ្លេស (UKMTO) បាននិយាយនៅ ថ្ងៃសុក្រនេះថា នាវាមួយគ្រឿង ត្រូវបានជនប្រដាប់អាវុធមួយក្រុមឡើងកានកាប់ ខណៈកំពុងធ្វើដំណើរឆ្ពោះទៅទិសខាងកើត ក្នុងឈូងសមុទ្រ Aden ចម្ងាយ ៦៥ ម៉ាយសមុទ្រ ភាគខាងត្បូងនៃកំពង់ផែ Al Mukalla របស់ប្រទេសយេម៉ែន៕

ការវាយប្រហាររបស់រុស្ស៊ីលើទីក្រុង Odesa បានសម្លាប់មនុស្ស ២ នាក់ និងបង្កការខូចខាតយ៉ាងធ្ងន់ធ្ងរ

អភិបាលរងនៃទីក្រុងអ៊ុយក្រែននេះ បាននិយាយនៅថ្ងៃសុក្រនេះថា ការវាយប្រហារមួយរបស់រុស្ស៊ីលើទីក្រុងកំពង់ផែ Odesa នៅសមុទ្រខ្មៅ បានបំផ្លាញអគារលំនៅឋានមួយ និងបណ្តាលឲ្យមនុស្ស ២នាក់ ស្លាប់។អភិបាលរងក្រុង លោក Oleksandr Filatov បានបញ្ជាក់ពីការស្លាប់ និងការវាយប្រហារដោយមីស៊ីលនៅកន្លែងកើតហេតុ។មន្ត្រីផ្សេងទៀតបាននិយាយថា មនុស្សចំនួន ៨នាក់ ក្នុងនោះមានកុមារ ២នាក់ ផងដែរ បានរងរបួស។ពួកគេបាននិយាយថា នៅក្នុងការវាយប្រហារចុងក្រោយនេះ អគារលំនៅឋាន ស្ថាប័នសាសនា អគារសាលាមត្តេយ្យ យានយន្ត និងហេដ្ឋារចនាសម្ព័ន្ធស៊ីវិលផ្សេងៗទៀត បានរងការខូចខាត៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់

ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER

មនុស្សយ៉ាងតិច ៥នាក់ស្លាប់ ក្នុងហេតុការណ៍បាក់ដី នៅភាគខាងជើងចិន

កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យរាជរដ្ឋាភិបាល រកឃើញអ្នកទទួលបានជ័យលាភីហើយ

ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹងបញ្ហារុស្ស៊ី

មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ

ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោកជិតដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានអន្តរជាតិ

កងទ័ព៖ ទាហានកូវ៉ែតជាច្រើននាក់រងរបួស អំឡុងការវាយប្រហារដោយយានដ្រូនរបស់អ៊ីរ៉ង់ លើមូលដ្ឋានយោធា

ផ្សែងពីចំហេះព្រៃនៅកាណាដា ប៉ះពាល់ដល់ការប្រកួតវគ្គផ្តាច់ព្រ័ត្រអេស្ប៉ាញ-អាហ្សង់ទីន នៅ World Cup

កូរ៉េខាងជើងហាក់ដូចជាបានសាងសង់ទីតាំងបាញ់រ៉ូកែត នៅជិតតំបន់គ្មានយោធា

លោក Burnham៖ គណបក្សការងារ នឹងឈ្នះឆ្នោត ដោយសារ «ភាពក្លាហាន ជឿជាក់ និងស្មោះត្រង់» នៅចក្រភពអង់គ្លេស

សភាអ៊ីស្រាអែលបញ្ចប់មុនអាណត្តិ ខណៈប្រទេសត្រៀមឆ្ពោះទៅរកការបោះឆ្នោត

វិមានក្រឹមឡាំងបដិសេធការចោទប្រកាន់ជ្រៀតជ្រែកក្នុងការបោះឆ្នោតរបស់សហរដ្ឋអាមេរិក

អាល្លឺម៉ង់ស្នើឱ្យកងកម្លាំងសហភាពអឺរ៉ុបជំនួសបេសកកម្មអង្គការសហប្រជាជាតិ នៅលីបង់

ព្យុះផ្គររន្ទះបង្កឲ្យមានទឹកជំនន់ និងការរំខាន នៅស្វីស ខណៈអាកាសធាតុធ្ងន់ធ្ងរត្រូវបានរំពឹងនឹងបន្តមាន

នាវាដឹកផលិតផលគីមីត្រូវបានសង្ស័យថា ត្រូវក្រុមចោរសមុទ្រប្លន់នៅក្បែរឆ្នេរយេម៉ែន

ការវាយប្រហាររបស់រុស្ស៊ីលើទីក្រុង Odesa បានសម្លាប់មនុស្ស ២ នាក់ និងបង្កការខូចខាតយ៉ាងធ្ងន់ធ្ងរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានអន្តរជាតិ

កងទ័ព៖ ទាហានកូវ៉ែតជាច្រើននាក់រងរបួស អំឡុង​ការវាយប្រហារដោយយានដ្រូន​របស់អ៊ីរ៉ង់ លើមូលដ្ឋានយោធា

ផ្សែង​ពី​ចំហេះ​ព្រៃនៅ​កាណាដា ប៉ះពាល់​ដល់​ការ​ប្រកួត​វគ្គផ្តាច់ព្រ័ត្រអេស្ប៉ាញ-អាហ្សង់ទីន នៅ World Cup

កូរ៉េខាងជើងហាក់ដូចជាបានសាងសង់ទីតាំង​បាញ់រ៉ូកែត នៅជិតតំបន់​គ្មាន​យោធា

លោក Burnham៖ គណបក្សការងារ នឹង​ឈ្នះឆ្នោត​ ដោយសារ​​ «ភាព​ក្លាហាន ជឿជាក់ និងស្មោះត្រង់​» នៅចក្រភពអង់គ្លេស

សភា​អ៊ីស្រាអែលបញ្ចប់មុន​អាណត្តិ​ ខណៈប្រទេស​ត្រៀម​ឆ្ពោះ​ទៅរក​ការបោះឆ្នោត

វិមានក្រឹមឡាំងបដិសេធការចោទប្រកាន់ជ្រៀតជ្រែកក្នុងការបោះឆ្នោតរបស់សហរដ្ឋ​អាមេរិក

អាល្លឺម៉ង់ស្នើឱ្យកងកម្លាំងសហភាពអឺរ៉ុបជំនួសបេសកកម្មអង្គការសហប្រជាជាតិ នៅលីបង់

ព្យុះផ្គររន្ទះបង្កឲ្យមានទឹកជំនន់ និងការរំខាន នៅស្វីស ខណៈអាកាសធាតុធ្ងន់ធ្ងរត្រូវបានរំពឹង​នឹងបន្តមាន​

នាវាដឹកផលិតផលគីមីត្រូវបានសង្ស័យថា ត្រូវក្រុមចោរសមុទ្រប្លន់នៅក្បែរឆ្នេរយេម៉ែន

ការវាយប្រហាររបស់រុស្ស៊ីលើទីក្រុង Odesa បានសម្លាប់មនុស្ស ២ នាក់ និងបង្កការខូចខាតយ៉ាងធ្ងន់ធ្ងរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កងទ័ព៖ ទាហានកូវ៉ែតជាច្រើននាក់រងរបួស អំឡុងការវាយប្រហារដោយយានដ្រូនរបស់អ៊ីរ៉ង់ លើមូលដ្ឋានយោធា

ផ្សែងពីចំហេះព្រៃនៅកាណាដា ប៉ះពាល់ដល់ការប្រកួតវគ្គផ្តាច់ព្រ័ត្រអេស្ប៉ាញ-អាហ្សង់ទីន នៅ World Cup

កូរ៉េខាងជើងហាក់ដូចជាបានសាងសង់ទីតាំងបាញ់រ៉ូកែត នៅជិតតំបន់គ្មានយោធា

លោក Burnham៖ គណបក្សការងារ នឹងឈ្នះឆ្នោត ដោយសារ «ភាពក្លាហាន ជឿជាក់ និងស្មោះត្រង់» នៅចក្រភពអង់គ្លេស

សភាអ៊ីស្រាអែលបញ្ចប់មុនអាណត្តិ ខណៈប្រទេសត្រៀមឆ្ពោះទៅរកការបោះឆ្នោត

វិមានក្រឹមឡាំងបដិសេធការចោទប្រកាន់ជ្រៀតជ្រែកក្នុងការបោះឆ្នោតរបស់សហរដ្ឋអាមេរិក

ព្យុះផ្គររន្ទះបង្កឲ្យមានទឹកជំនន់ និងការរំខាន នៅស្វីស ខណៈអាកាសធាតុធ្ងន់ធ្ងរត្រូវបានរំពឹងនឹងបន្តមាន