BTV NEWS

ទូតវៀតណាមគាំទ្រ១០០%លើកិច្ចសហប្រតិបត្តិការបង្រ្កាបការឆបោកតាមប្រព័ន្ធបច្ចេកវិទ្យា និងត្រៀមជួយកម្ពុជាលើការងារនេះ

កម្ពុជា-ជប៉ុន បើកទំព័រកិច្ចសហប្រតិបត្តិការ ត្រួតពិនិត្យបរិស្ថានតាមផ្កាយរណប ដើម្បីប្រយុទ្ធប្រឆាំងការប្រែប្រួលអាកាសធាតុសកល

រដ្ឋមន្រ្តីព័ត៌មានកម្ពុជាប្រាប់គណៈប្រតិភូAMSអំពីការបំភ្លៃព័ត៌មានរបស់ភាគីថៃពាក់ព័ន្ធនឹងបញ្ហាជម្លោះព្រំដែន

អ្នកនាំពាក្យរងក្រសួងមហាផ្ទៃ៖មាត្រាដែលត្រូវធ្វើវិសោធនកម្មពាក់ព័ន្ធនឹងការដកសញ្ជាតិខ្មែរ មានមាត្រា១ មាត្រា៤ មាត្រា៧ មាត្រា២៨ និងមាត្រា២៩ នៃច្បាប់ស្ដីពីសញ្ជាតិ

ព័ត៌មានជាតិ

ក្រុមប្រឹក្សាអភិវឌ្ឍន៍កម្ពុជាបើកកិច្ចប្រជុំពិនិត្យវឌ្ឍនភាពការអនុវត្កគម្រោងវិនិយោគតាមបណ្តាកោះ-ឆ្នេរ និងរមណីយដ្ឋាននានានៅព្រះសីហនុ

ព្រះសីហនុ៖ នាព្រឹកថ្ងៃទី១៣ ខែមិថុនា ឆ្នាំ២០២៥ លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ បានអញ្ជើញជាតំណាងរដ្ឋបាលខេត្ត ចូលរួមកិច្ចប្រជុំពិនិត្យវឌ្ឍនភាព នៃការអនុវត្កគម្រោងវិនិយោគតាមបណ្តាកោះ-ឆ្នេរ និងរមណីយដ្ឋាននានានៅខេត្តកោះកុង ខេត្តព្រះសីហនុ និងខេត្តកែប ក្រោមអធិបតីភាព ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(ក.អ.ក) ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ នៅទីស្តីការក្រុមប្រឹក្សាអភិវឌ្ឍន៍កម្ពុជា។កិច្ចប្រជុំនេះរៀបចំឡើងក្នុងគោលបំណងដើម្បី បើកកិច្ចពិភាក្សា វាយតម្លៃតថភាពនៃគម្រោងវិនិយោគដែលទទួលបានគោលការណ៍ ពីរាជរដ្ឋាភិបាលកម្ពុជាកន្លងមក។

ស្នងការព្រះសីហនុ ភ្នំពេញ និងកំពង់ស្ពឺ នាំស្បៀង និងថវិកាទៅគាំទ្រនគរបាលនិងកងទ័ព នៅព្រះវិហារ!

អនុវត្តតាមគោលការណ៍ណែនាំ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងទទួលដឹកនាំបញ្ជាដោយ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ស្នងការដ្ឋាននគរបាលរាជធានី ខេត្ត៣ទៀត មានលោកឧត្តមសេនីយ៍ឯក ជួន ណារិន្ទ លោកឧត្តមសេនីយ៍ឯក ស រដ្ឋា និងលោកឧត្តមសេនីយ៍ទោ ឃឹម សុកខៃ បាននាំយកស្បៀងអាហារ និងថវិការជូនកងទ័ព និងនគរបាលការពារព្រំដែន នៃទីបញ្ជាការប្រចាំទិសភូមិភាគទី៤ ខេត្តព្រះវិហារ។សម្រាប់ស្នងការរាជធានី ឧត្តមសេនីយ៍ឯក ជួន ណារិន្ទ បាននាំយកនូវជំនួយជូនកងទ័ព រួមមាន ថវិកា ៥០.០០០.០០០រៀល មីជាតិ ៣០០កេស ត្រីខ ៥០កេស ត្រីងៀត ១០០គ.ក ប្រហុកគ្រឿងឆ្អិន ១០០ គ.ក ទឹកសុទ្ធកម្ពុជា ១០០កេស ទឹកក្រូចកម្ពុជា ១០០កេស ទឹកត្រី ៥០យួរ ទឹកស៊ីអ៊ីវ ៥០យួរ សូឡា ៥០គ្រឿង បារី ២ប៊ិច និងកាហ្វេ ៥០ថង់។ចំណែកខាងនគរបាលការពារព្រំដែនវិញ ស្នងការរាជធានី បានផ្ដល់ជូនថវិកា ៨០.០០០.០០០រៀល មីជាតិ ៧០០កេស ត្រីខ ១៥០កេស ត្រីងៀត ៤០០ គ.ក ប្រហុកគ្រឿងឆ្អិន ៤០០គ.ក សាច់ជ្រូកផាត់ ៥០គ.ក កាហ្វេ ១៥០ថង់ ទឹកសុទ្ធកម្ពុជា ៤០០កេស ទឹកក្រូចកម្ពុជា ២០០កេស ទឹកត្រី១០០យួរ ទឹកស៊ីអ៊ីវ ១០០យួរ សូឡា ២០០គ្រឿង ពីដុង៣០លីត្រ ៥០ពីដុង ខ្ទឹមស ១០០គ.ក ប៊ីចេង ៥០គ.ក ស្ករស ១០០គ.ក តង់4m x 6m ៥០តង់ តង់4.5m x8m ៥០តង់ ធូបមូស ៣០កេស ក្រមា ២០០ក្រមា ពងទា ១.០០០គ្រាប់ ឆៃប៉ូវ ១០០គ.ក និងបារី ៨ប៊ិច។ ចំណែក ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងលោកជំទាវ វិញកាលពីថ្ងៃទី១១ ខែមិថុនា បាននាំយកនូវសម្ភារៈ និងស្បៀងអាហារជូនកងកម្លាំង ទីបញ្ជាការវរសេនាតូចលេខ១០៥ នគរបាលការពារព្រំដែនគោគ រួមមាន អង្ករ ១០តោន មីខ្លាឃ្មុំ ៥០០កេស ទឹកសុទ្ធ ៥០០កេស ភេសជ្ជៈ ១០០កេស ទឹកត្រី ២០០យួរ ទឹកស៊ីអ៊ីវ ២០០យួរ ត្រីងៀត ២០០គ.ក សាច់ក្រក ២០០គ.ក អំបិល ៣០០គ.ក ប៊ីចេង ១០០គ.ក ខ្ទឹមស ៤០០គ.ក និងថវិកាស្នងការដ្ឋាន ៥០.០០០ ដុល្លារ។ ពីខេត្តកំពង់ស្ពឺ លោកឧត្តមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្តកំពង់ស្ពឺ និងលោកជំទាវ បានដឹកនាំប្រតិភូស្នងការដ្ឋាន ចុះសួរសុខទុក្ខ លើកទឹកចិត្ត និងផ្ដល់ការគាំទ្រស្បៀងអាហារ សម្ភារៈ និងថវិកាជូន ទីបញ្ជាការភូមិភាគទី៤ វរៈនគរបាលការពារព្រំដែនលេខ ១០៥ រួមមាន អង្ករ ៤តោន មីជាតិ ៣០០កេស ទឹកបរិសុទ្ធ ហាយធិច ៣០០កេស សាច់គោ ២០០គ.ក សាច់ជ្រូក៣០០គ.ក ទឹកស៊ីអ៊ីវ ១០០យួរ ទឹកត្រី ១០០យួរ សាច់ក្រក ១០០គ.ក ត្រីងៀត ១០០គ.ក ទឹកក្រូច ១០០កេស ត្រីខ ៣០កេស និងថវិកា ២០.០០០ .០០០រៀល៕

ការថ្លែងបទអន្ដរាគមន៍របស់ឯកឧត្តម ហេង សួរ នៅក្នុងសន្និសីទអន្តរជាតិខាងការងារលើកទី១១៣

(ហ្ស៊ឺណែវ ប្រទេសស្វីស)៖ នៅថ្ងៃទី១០ ខែមិថុនា ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងបទអន្ដរាគមន៍តាមរយៈវីដេអូ នៅក្នុងសន្និសីទអន្តរជាតិខាងការងារលើកទី១១៣ នៃអង្គការអន្តរជាតិខាងការងារ (ILO) នៅទីក្រុងហ្សឺណែវ។ក្រៅពីការអបអរសាទរចំពោះរបាយការណ៍ប្រចាំឆ្នាំរបស់អគ្គនាយកអង្គការ ILO ស្តីពីការងារ សិទ្ធិ និងកំណើន ដែលបញ្ជាក់ឡើងវិញពីភាពពាក់ព័ន្ធគ្នារវាងការងារសមរម្យ សិទ្ធិការងារ និងកំណើនប្រកបដោយបរិយាបន្ន ឯកឧត្តមរដ្ឋមន្រ្តីបានចែករំលែកនូវលទ្ធផលដែលកម្ពុជាសម្រេចបានក្នុងការអភិវឌ្ឍវិស័យការងារ សន្តិសុខសង្គម និងការបណ្តុះបណ្តាលវិជ្ជាជីវៈ តាមរយៈការលើកកម្ពស់កិច្ចសន្ទនាសង្គម ការកែលម្អលក្ខខណ្ឌការងារ ការគោរពនិងលើកកម្ពស់សិទ្ធិការងារ ការបណ្តុះបណ្តាលជំនាញ និងការដាក់ចេញគោលនយោបាយមួយចំនួនដើម្បីផ្តល់លក្ខខណ្ឌអនុគ្រោះសម្រាប់អ្នកនៅក្នុងសេដ្ឋកិច្ចក្រៅប្រព័ន្ធអាចចូលមកក្នុងសេដ្ឋកិច្ចក្នុងប្រព័ន្ធជាដើម។បន្ថែមលើនេះ ឯកឧត្តមរដ្ឋមន្រ្តីបានលើកឡើងពីការបេ្តជ្ញាចិត្តរបស់កម្ពុជា ក្នុងនាមជាប្រទេសត្រួសត្រាយផ្លូវ ក្នុងការអនុវត្តគំនិតផ្តួចផ្តើមកាតាលីករសកល (Global Accelerator) ហៅកាត់ថា GA ស្តីពីការងារ និងការគាំពារសង្គម ដើម្បីបន្តលើកកម្ពស់ការងារសមរម្យ យុត្តិធម៌សង្គម និងកំណើនប្រកបដោយបរិយាបន្ន សំដៅសម្រេចឱ្យបាននូវគោលដៅក្លាយទៅជាប្រទេសដែលមានចំណូលមធ្យមកម្រិតទាបត្រឹមឆ្នាំ២០៣០ និងជាប្រទេសដែលមានចំណូលខ្ពស់ត្រឹមឆ្នាំ២០៥០៕

អគារអន្តេវាសិកដ្ឋានសម្រាប់និស្សិតស្រ្តីក្រីក្រ ជាអំណោយរបស់សម្តេចតេជោ បើកការដ្ឋានសាងសង់នៅថ្ងៃនេះ

ភ្នំពេញ ៖ ក្រុមប្រឹក្សាជាតិកម្ពុជាដើម្បីស្រី្ដ ចាប់ផ្តើមបើកការដ្ឋានសាងសង់អគារអន្តេវាសិកដ្ឋាន សម្រាប់ការស្នាក់នៅរបស់និស្សិតស្រ្តីក្រីក្រ មកពីបណ្តាខេត្ត ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងក្រុមគ្រួសារ។ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងជាប្រធានក្រុមប្រឹក្សាជាតិកម្ពុជាដើម្បីស្ត្រី តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា នៅថ្ងៃទី១៣ ខែមិថុនា ឆ្នាំ២០២៥ នេះ បានអញ្ជើញជាអធិបតី ក្នុងពិធីក្រុងពាលីបញ្ចុះបឋមសិលា បើកការដ្ឋានសាងសង់អគារអន្តេវាសិកដ្ឋានសម្រាប់និស្សិតស្ត្រី ដែលមាន ជីវភាពខ្វះខាត មកពីបណ្តាខេត្ត, ដែលមានទីតាំងស្ថិតនៅក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ដោយមានការ ចូលរួមពីថ្នាក់ដឹកនាំ មន្រ្តីក្រសួង និងមន្ទីរកិច្ចការនារី សមាជិក សមាជិកានៃក្រុមប្រឹក្សាជាតិកម្ពុជាដើម្បីស្ត្រី សហគ្រិនស្ត្រី សរុប ប្រមាណ ២៥០ នាក់។អគារអន្តេវាសិកដ្ឋាននេះ គឺជាអំណោយដ៏ថ្លៃថ្លា របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងក្រុមគ្រួសារ, ប្រគល់ជូនក្រសួងកិច្ចការនារី ក្រោយការសាងសង់។ គម្រោងនេះសាងសង់លើផ្ទៃដីប្រមាណ ២ ហិកតា, មានអគារចំនួន ១ ខ្នង, កម្ពស់ ៤ ជាន់, មានទំហំ ៨ ៨៥៦ ម៉ែត្រការ៉េ, និងមានបន្ទប់ស្នាក់នៅចំនួន ១២៦ បន្ទប់, ជាន់ ផ្ទាល់ដីមានប៉ុស្តិ៍សុខភាព រដ្ឋបាល និងលំហរជួបជុំ។ គម្រោងនោះគ្រោងសាងសង់រយៈពេល ១៨ ខែ ជាថវិកាផ្ទាល់របស់សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ។ លោកជំទាវកិត្តិបណ្ឌិត ប្រធានក្រុមប្រឹក្សាជាតិកម្ពុជាដើម្បីស្ត្រី បានថ្លែងនូវអំណរគុណដ៏ជ្រាលជ្រៅបំផុត ជូនចំពោះសម្តេច តេជោប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ដែលជានិច្ចកាលសម្តេចទាំងទ្វេតែងតែគិតគូរយកចិត្តទុកដាក់ខ្ពស់ ចំពោះសុខទុក្ខ បងប្អូនស្រ្តី និងក្មេងស្រីនៅទូទាំងប្រទេស តាមរយៈការលើកកម្ពស់សមភាពយេនឌ័រ និងពង្រឹងអនុត្តរភាពរបស់ស្រ្តី នៅគ្រប់វិស័យ ដើម្បីឱ្យពួកគេក្លាយជាមូលធនមនុស្ស និងមូលធនសង្គមដ៏មានតម្លៃ ព្រមទាំងជាតួអង្គប្រកបដោយសក្តានុពល និងបុរេសកម្ម ក្នុងការ ជំរុញកំណើនសេដ្ឋកិច្ចជាតិ និងសេដ្ឋកិច្ចគ្រួសារ សំដៅរួមចំណែកកសាងភាពសុខុដុមរមនាក្នុងគ្រួសារ និងសង្គមជាតិ។ អន្តេវាសិកដ្ឋាននេះ មិនត្រឹមតែជាទីកន្លែងសម្រាប់ស្នាក់នៅប្រកបដោយសុវត្ថិភាព សម្រាប់និស្សិតជាស្ត្រី ដើម្បីបន្តការសិក្សានៅថ្នាក់ឧត្តមសិក្សាប៉ុណ្ណោះទេ ប៉ុន្តែក៏ជាស្ពាន និងជម្រកនៃក្តីសង្ឃឹមសម្រាប់ស្ត្រី ឱ្យឈានទៅសម្រេចនូវក្តីសុបិន្ត និងបំណងប្រាថ្នារបស់ ពួកគេ នាពេលអនាគតផងដែរ។ ជាងនេះទៀត អន្តេវាសិកដ្ឋាននេះ ក៏នឹងរួមចំណែកយ៉ាងសំខាន់ក្នុងការអនុវត្តគោលនយោបាយ លើកកម្ពស់សមភាពយេនឌ័រ និងពង្រឹងអនុត្តរភាពស្រ្តីនិងក្មេងស្រី តាមរយៈការទទួលបានការអប់រំកម្រិតខ្ពស់ អភិវឌ្ឍន៍ជំនាញ ដើម្បី ត្រៀមខ្លួនរួចជាស្រេច ជាភ្នាក់ងារដ៏សកម្ម ក្នុងការចូលរួមចំណែកអភិវឌ្ឍន៍ប្រទេសជាតិ៕អត្ថបទ៖ សុន រ៉ាឌី

វិទ្យាស្ថានពហុបច្ចេកទេសព្រះកុសុមៈត្រៀមបង្ហាញស្នាដៃចំនួន៨របស់សិស្សក្នុងថ្ងៃទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៨ ឆ្នាំ២០២៥

ភ្នំពេញ៖ វិទ្យាស្ថានពហុបច្ចេកទេសព្រះកុសុមៈ (PPI) ត្រៀមដាក់តាំងបង្ហាញស្នាដៃសិស្សជំនាញអគ្គិសនីចំនួន៨ស្នាដៃក្នុងទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ (TVET Day) លើកទី៨ ឆ្នាំ២០២៥ ក្រោមប្រធានបទ «ការអប់រំបណ្តុះបណ្តាលបច្ចេកទេសនិងវិជ្ជាជីវៈ បង្កើតឱកាសការងារ សាងក្តីសង្ឃឹមដល់យុវជន» ដែលនឹងធ្វើឡើងនៅថ្ងៃទី១៥-១៦ ខែមិថុនានេះ នៅមជ្ឈមណ្ឌលសន្និបាត និងពិព័រណ៍កោះពេជ្រ។លោក ចាន់ ជឿន នាយករងវិទ្យាស្ថាន PPI បានឱ្យដឹងថា ស្នាដៃទាំង៨នោះរូមមាន Palletizer machine, ATS 3 WAY, Rotary parking, Cocktail Robot, គម្រោងអំពីការដំឡើងប្រព័ន្ធស្រោចស្រពឆ្លាតវៃ, គម្រោងអំពីការដំឡើងទូកាប៉ាស៊ីទ័រ និងទូបញ្ជាម៉ូទ័រ, គម្រោងទូATS និងប្រព័ន្ធបំភ្លឺឆ្លាតវៃ, និងគម្រោងប្រព័ន្ធប្រកាសសញ្ញាអគ្គិភ័យ និងពន្លត់អគ្គិភ័យ។លោកនាយករងវិទ្យាស្ថាន PPI បានអំពាវនាវដល់សិស្សានុសិស្ស ប្រជាពលរដ្ឋទូទៅជាពិសេសគ្រួសារជនងាយរងគ្រោះហានិភ័យទាំងអស់មកចូលរួមទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៨ ឆ្នាំ២០២៥ ឱ្យបានច្រើនកុះករ។ លោកថា ការចូលរួមទិវានេះ អ្នកចូលរួមនឹងទទួលបានចំណេះដឹងបន្ថែម ក៏ដូចជាទទួលបានឱកាសស្វែងយល់ពីជំនាញ ឱកាសការងារ ក៏ដូចជាឱកាសទំនាក់ទំនងជាមួយរោងចក្រសហគ្រាសផងដែរ៕

សាខាកាកបាទក្រហមកម្ពុជាខេត្តកំពង់ឆ្នាំង រៀបចំពិធីបំពាក់កន្សែងយុវជនកាកបាទក្រហមកម្ពុជាដល់យុវជន មកពី៤វិទ្យាល័យក្នុងស្រុករលាប្អៀរចំនួន ៤០០នាក់

កំពង់ឆ្នាំង៖ នៅថ្ងៃទី១៣ ខែមិថុនា ឆ្នាំ២០២៥ សាខាកាកបាទក្រហមកម្ពុជាខេត្តកំពង់ឆ្នាំង បានរៀបចំពិធីបំពាក់កន្សែងជូនយុវជនកាកបាទក្រហមកម្ពុជាមកពី៤វិទ្យាល័យក្នុងស្រុករលាប្អៀរចំនួន៤០០នាក់ នៅសាលាស្រុករលាប្អៀរ ក្រោមអធិបតីភាពឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានកិត្តិយសសាខាកាកបាទក្រហមកម្ពុជាខេត្តកំពង់ឆ្នាំង, លោកជំទាវ កែ ច័ន្ទមុនី អនុប្រធានកិត្តិយសសាខា, ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការសាខា រួមនិងឯកឧត្តម លោកជំទាវ លោកលោកស្រីក្នុងជួរគណៈកិត្តិយសាខា គណៈកម្មាធិការសាខា លោកលោកស្រីប្រធានមន្ទីរអង្គភាពជុំវិញខេត្ត ទីប្រឹក្សាយុវជន ក្មួយៗយុវជនកាកបាទក្រហមផងដែរ។ លោក សេង វិចិត្រ ប្រធានគណៈកម្មាធិការអនុសាខាស្រុករលាប្អៀរ បានថ្លែងថា៖ ក្នុងនាមគណៈគ្រប់គ្រង សង្ឃឹមយ៉ាងមុតមាំថា ការបំពាក់កន្សែងជូន យុវជនកាកបាទក្រហមកម្ពុជាថ្មី ចំនួន៤០០នាក់ក្នុងឱកាសនេះ គឺជាចំណែកថ្មីមួយទៀត ក្នុងការពង្រឹង និងពង្រីកបណ្ដាញយុវជន ដើម្បីលើកកម្ពស់គោលការណ៍គ្រឹះទាំង៧ និងគុណតម្លៃមនុស្សធម៌របស់ចលនា ស្របតាមវិស័យស្នូលទាំង៤ របស់កាកបាទក្រហមកម្ពុជា ក៏ជាការបំពេញបន្ថែមនៅតាមវិទ្យាល័យគោលដៅ របស់សាខាផងដែរ។ ប្រកាន់ភ្ជាប់នៃវប្បធម៌ចែករំលែក ដោយដើរស្របតាមគំនិតដ៏ខ្ពង់ខ្ពស់ប្រកប ដោយព្រហ្មវិហារធម៌ បេះដូងមនុស្សធម៌របស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។ ខិតខំបំពេញកាតព្វកិច្ច និងអនុវត្តការងារមនុស្សធម៌បន្តពីយុវជនជំនាន់មុន ដោយគោរពតាមគោលការណ៍គ្រឹះទាំង៧ និងចក្ខុវិស័យទាំង៤ របស់កាកបាទក្រហមកម្ពុជា។ ពង្រឹងចំណងសាមគ្គីភាពរវាងក្លឹបយុវជនកាកបាទក្រហមកម្ពុជា ក្នុងសាលា។ ឯកឧត្តមបណ្ឌិតសភាចារ្យ អ៊ុក រ៉ាប៊ុន ជាប្រធានកិត្តិយសសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខ ដោយក្តីនឹករលឹកបំផុត ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់ក្មួយជាយុវជនកាកបាទក្រហម និងអនុសាសន៍៧ចំណុចរបស់សម្តេចកិត្តិព្រឹទ្ធបណ្ឌិត ដើម្បីក្រើនរំលឹកដល់ក្មួយៗ ជាយុវជនកាកបាទក្រហមថ្មីទាំងអស់ ត្រូវតែខិតខំប្រឹងប្រែងរៀនសូត្រលត់ដំខ្លួន ក្លាយជាកូនល្អ សិស្សល្អ មិត្តល្អ និងពលរដ្ឋល្អ ហើយពង្រឹង និងពង្រីកសមត្ថភាពអោយក្លាយជាធនធានមនុស្ស ដែលមានគុណភាព ប្រកបដោយទឹកចិត្តមនុស្សធម៌ ស្ម័គ្រចិត្តលះបង់កម្លាំងកាយចិត្ត និងពេលវេលា ដើម្បីធ្វើជាកម្លាំងចលករ និងជាប្រតិបត្តិករដ៏ពិតប្រាកដ របស់កាកបាទក្រហមកម្ពុជា ក្នុងការជួយដល់ជនរងគ្រោះ និងងាយរងគ្រោះ ប្រកបដោយការទទួលខុសត្រូវខ្ពស់ ស្របតាមទិសស្លោក «ទីណាមានទុក្ខលំបាកទីនោះមានកាកបាទក្រហមកម្ពុជា» និង «កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា មិនទុកនរណាម្នាក់ចោលឡើយ»៕ កាំង ហុងវាស្នា

TOP STORY | សម្ដេចតេជោ គាំទ្រការបិទច្រកអន្តរជាតិដូងខេត្តបាត់ដំបង ខណៈថៃប្រើច្រកនេះដឹកទំនិញឆ្លងកាត់ទៅវៀតណាមរាប់រយឡានក្នុងមួយថ្ងៃៗ

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា ប្រកាសគាំទ្រចំពោះចំណាត់ការរបស់រាជរដ្ឋាភិបាល ដែលបានសម្រេចបិទច្រកអន្តរជាតិដូង នៅខេត្តបាត់ដំបង ខណៈថៃបានប្រើច្រកនេះដឹកទំនិញឆ្លងកាត់ទៅវៀតណាមរាប់រយឡានក្នុងមួយថ្ងៃៗ។សម្ដេចតេជោបានសរសេរថា៖«ខ្ញុំសូមគាំទ្រដល់ចំណាត់ការរបស់រាជរដ្ឋាភិបាលក្នុងការបិទច្រកដូងនៃព្រំដែនកម្ពុជា-ថៃនៃខេត្តបាត់ដំបង»។សម្ដេចតេជោ បានបញ្ជាក់ថា ថៃដឹកជញ្ជូនផ្លែឈើរាប់រយឡានក្នុងមួយថ្ងៃឆ្លងកាត់ទៅវៀតណាមតែថ្ងៃនេះ កកស្ទះនៅព្រំដែនក្រោយកម្ពុជាបិទ។ក្នុងឱកាសនេះ សម្ដេចតេជោ បានណែនាំដល់ បងប្អូនកសិករថៃ ដែលកំពុងប្រម៉ូលផលទៅតវ៉ាជាមួយយោធាថៃដោយខ្លួនឯង ព្រោះកម្ពុជានឹងបើកច្រកនេះឡើងវិញតែពេលណាច្រកព្រំដែនទាំងអស់ដែលយោធាថៃបិទជាឯកតោភាគី សម្រួលដូចមុនពេលបិទ។សម្ដេចតេជោបានបញ្ជាក់ថា៖«យើងស្គាល់បញ្ហានេះយូរហើយ តែយើងមិនចង់រំខានការរកស៊ីរបស់ប្រជាជន តែពេលនេះវាដល់ពេលហើយដែលយើងត្រូវឆ្លើយតបដោយវាយបកលើចំណុចតូចៗ ៣ ប៉ុណ្ណោះ គឺទី១ឈប់ទិញអ៊ិនធឺណិត ទី២ ឈប់ឲ្យបញ្ចាំងភាពយន្តថៃក្នុងទឹកដីកម្ពុជា និងទី៣ បិទច្រកដូងដែលមានផលបះពាល់ផ្ទាល់ដល់កសិករដាំផ្លែឈើ។ នេះជាសកម្មភាពឆ្លើយតបរយៈពេលមិនដល់១២ម៉ោងរបស់កម្ពុជា»៕

ឯកឧត្តម ហ៊ុន ម៉ានី៖ «យើងមានគុណតម្លៃផ្ទាល់របស់យើង ហើយយើងក៏មានបន្ទាត់ក្រហមដែលមិនត្រូវបំពានជាដាច់ខាត»

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហពន្ធ័យុវជនកម្ពុជា នៅព្រឹកថ្ងៃទី១៣ ខែមិថុនានេះបានផ្ញើសារជូនបងប្អូនជនរួមជាតិពាក់ព័ន្ធនឹងស្ថានភាពតានតឹងរវាងព្រះរាជាណាចក្រកម្ពុជា និងព្រះរាជាណាចក្រថៃបានវិវឌ្ឍឈានទៅដល់ការរុញឱ្យមានការប្រើប្រាស់មធ្យោបាយសេដ្ឋកិច្ច ដើម្បីបញ្ចេញកំហឹងជាតិសាសន៍ជាលក្ខណៈឯកតោភាគីថៃ, ក្នុងនោះឯកឧត្តមបានបញ្ជាក់ថា «យើងមានគុណតម្លៃផ្ទាល់របស់យើងហើយយើងក៏មានបន្ទាត់ក្រហមដែលមិនត្រូវបំពានជាដាច់ខាត»។ ឯកឧត្តមបានសរសេរថា ក្នុងរយៈពេលចុងក្រោយនេះ ស្ថានភាពតានតឹងរវាងព្រះរាជាណាចក្រកម្ពុជា និងព្រះរាជាណាចក្រថៃ បានវិវឌ្ឍឈានទៅដល់ការរុញឱ្យមានការប្រើប្រាស់មធ្យោបាយសេដ្ឋកិច្ច ដើម្បីបញ្ចេញកំហឹងជាតិសាសន៍ជាលក្ខណៈឯកតោភាគីថៃ។ ជាការឆ្លើយតបទៅនឹងទង្វើដ៏គគ្លើន និងមិនគប្បីជាច្រើនលើកច្រើនសានេះ រាជរដ្ឋាភិបាលកម្ពុជា បានសម្រេចចេញនូវវិធានការមួយចំនួនតបទៅវិញ ក្នុងភាពចាស់ទុំ និងដោយយកឧត្តមប្រយោជន៍ជាតិប្រជាជន ជាធំ។ ក្នុងន័យនេះ ខ្ញុំជឿជាក់ថា បងប្អូនជនរួមជាតិ ពិតជាយល់ស្រប ហើយគាំទ្រចំពោះចំណាត់ការដែលដាក់ចេញដោយរាជរដ្ឋាភិបាលនៅពេលនេះ។ ឯកឧត្តម ហ៊ុន ម៉ានី បានបញ្ជាក់ថា យើងមិនអាចនៅស្ងៀមចំពោះការប្រមាថដែលមិនសមរម្យមកលើជាតិសាសន៍យើង ក្នុងនាមជាអារ្យប្រទេសមួយដ៏ចំណាស់ក្នុងពិភពលោកបានឡើយ។ កម្ពុជាមិនមែនជាប្រទេស ដែលធ្លាប់សុំការសណ្តោសប្រោសប្រណីពីប្រទេសណាមួយឡើយ។ ពិតណាស់យើងធ្លាប់ធ្លាក់ក្នុងអន្លង់នៃវិនាសកម្ម ប៉ុន្តែយើងបានខិតខំប្រឹងប្រែងងើបឡើងវិញ ដោយមានការជួយជ្រោមជ្រែងពីមិត្តគ្រប់ទិសទី។ តែគ្រប់កាលៈទេសៈ បើយើងមិនប្រកាន់ជំហរ និងទស្សនៈរឹងមាំនោះទេ ក៏គ្មានសមិទ្ធផលណាអាចកើតមានឡើងបានដូចបច្ចុប្បន្ននេះឡើយ។ ឯកឧត្តមបានបញ្ជាក់ថា៖ «កូនខ្មែរគ្រប់រូបជាផ្នែកនៃខឿនការពារជាតិ យើងត្រូវរួមការពារ បូរណភាពទឹកដី ការពារផលប្រយោជន៍ជាតិ និងការពារកិត្តិយស និងភាពថ្លៃថ្នូររបស់ខ្មែរយើង។ ស្មារតីយើង សកម្មភាព កាយវិការ និងសំលេងនៃការគាំទ្ររបស់យើងម្នាក់ៗ គឺជាកម្លាំងចិត្ត និងថាមពលសម្រាប់រាជរដ្ឋាភិបាល និងកម្លាំងរបស់យើងនាពេលនេះ»៕

មន្ដ្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ នាំយកអំណោយផ្ដល់ជូនកងកម្លាំងដែលកំពុងប្រចាំការនៅតំបន់មុំបី ខេត្តព្រះវិហារ

នៅព្រឹកថ្ងៃទី១២ ខែមិថុនា ២០២៥ នៅទីបញ្ជាការវរសេនាតូចនគរបាលការពារព្រំដែនគោកលេខ ១០៥ ឯកឧត្តម មាស សុខសេនសាន រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានដឹកនាំប្រតិភូចុះសួរសុខទុក្ខ និងនាំយកអំណោយទៅចែកជូននាយទាហាន នាយនគរបាល នៃកងវរសេនាតូចអន្តរាគមន៍ លេខ៣៩៥ និងកងវរសេនាតូចនគរបាលការពារព្រំដែនគោកលេខ១០៥ ដែលកំពុងប្រចាំការនៅតំបន់មុំបី ស្ថិតក្នុងស្រុកជាំក្សាន្ត ខេត្តព្រះវិហារ ដើម្បីចូលរួមលើកទឹកចិត្តដល់បងប្អូនកងកម្លាំងដែលឈរជើងនៅសមរភូមិមុខ ពិធីនេះក៏មានការអញ្ជើញចូលរួមពីថ្នាក់ដឹកនាំ និងមន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុ ព្រមទាំងកងកម្លាំងប្រដាប់អាវុធទាំងពីរអង្គភាពផងដែរ។ថ្លែងក្នុងឱកាសនោះ ឯកឧត្តមរដ្ឋលេខាធិការ បានលើកឡើងថា ជានិច្ចកាលថ្នាក់ដឹកនាំ និងមន្ត្រីរាជការ នៃក្រសួងសេដ្ឋកិច្ច និងហិរញ្ញវត្ថុ តែងតែយកចិត្តទុកដាក់ចំពោះសុខទុក្ខបងប្អូនកងទ័ពនិងកងនគរបាលជាតិការពារ ព្រំដែននៅតំបន់មុំបីនេះ ដោយតែងតែនាំយកនូវអំណោយជាស្បៀងអាហារ ថ្នាំសង្កូវ គ្រឿងបរិក្ខារ និងសម្ភារប្រើប្រាស់ ផ្សេងៗមកឧបត្ថម្ភជូនបងប្អូនកងកម្លាំងទាំងពីរអង្គភាពជាទៀងទាត់ នៅរៀងរាល់មុនពិធីបុណ្យប្រពៃណីជាតិធំៗ ដូចជាបុណ្យចូលឆ្នាំថ្មី និងបុណ្យភ្ជុំបិណ្ឌជាដើម។ ឯកឧត្តមរដ្ឋលេខាធិការ បានគូសរំលេចពីគោលជំហរដ៏ច្បាស់លាស់របស់ប្រមុខរាជរដ្ឋាភិបាលកម្ពុជាក្នុងដំណោះស្រាយព្រំដែនរវាងកម្ពុជា-ថៃ ដោយសម្រេចជ្រើសយកផ្លូវសន្តិវិធី និងដំណោះស្រាយតាម ច្បាប់អន្តរជាតិ ទន្ទឹមនឹងការរក្សាសិទ្ធិក្នុងការប្រើកម្លាំងដើម្បីការពារអធិបតេយ្យភាព និងអាណាចក្រដែនដីដ៏ត្រឹមត្រូវ របស់ប្រទេសយើង ករណីបើមានការបំពានបូរណភាពទឹកដីពីសំណាក់ប្រទេសជិតខាងណាមួយ។ ជាមួយគ្នានេះដែរឯកឧត្តមរដ្ឋលេខាធិការ បានលើកទឹកចិត្តដល់បងប្អូនកងកម្លាំង និងអាជ្ញាធរស្រុកនៅជាប់ព្រំដែន ត្រូវបន្តពង្រឹង កិច្ចសហប្រតិបត្តិការល្អជាមួយភាគីថៃ ដើម្បីជំរុញអនុវត្តយុទ្ធសាស្ត្រអភិវឌ្ឍតំបន់ព្រំដែន ជាព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍន៍។ឯកឧត្តមរដ្ឋលេខាធិការ បានថ្លែងនូវការកោតសរសើរ និងសម្តែងនូវការដឹងគុណយ៉ាងជ្រាល ជ្រៅបំផុតជូនចំពោះបងប្អូននាយទាហាន នាយនគរបាល ពលទាហាន និងពលនគរបាលទាំងអស់ ដែលឈរជើង នៅសមរភូមិមុខតំបន់មុំបីនេះ ព្រមទាំងនាំយកនូវអំណោយជាថវិកាក្នុងម្នាក់ៗចំនួន ៥០,០០០រៀល អង្គភាពនីមួយៗ ចំនួន ២,០០០,០០០រៀល រួមជាមួយគ្រឿងបរិក្ខារ គ្រឿងឧបភោគបរិភោគ និងថ្នាំសង្កូវមួយចំនួន សរុបជាថវិកាប្រមាណ ២៣៥ លានរៀល៕

ប្រតិភូសភាពាណិជ្ជកម្មអាម៉េរិក ស្វែងរកឱកាសវិនិយោគលើវិស័យសំខាន់ៗនៅកម្ពុជា

មន្រ្តីជាន់ខ្ពស់ក្រុមប្រឹក្សាអភិវឌ្ឍន៍កម្ពុជា ទទួលជួបប្រតិភូសភាពាណិជ្ជកម្មអាម៉េរិក ប្រចាំនៅប្រទេសចិនភាគខាងត្បូង ជួបសម្ដែង ការគួរសម និងពិភាក្សាការងារ អំពីឱកាសវិនិយោគ នៅលើវិស័យសក្តានុពលសំខាន់ៗមួយចំនួននៅកម្ពុជា។ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១២ ខែមិថុនា ឆ្នាំ២០២៥ នេះ បានអនុញ្ញាតជូនគណៈប្រតិភូសភាពាណិជ្ជកម្មអាម៉េរិក ប្រចាំនៅប្រទេសចិនភាគខាងត្បូង ដឹកនាំដោយលោកបណ្ឌិត Harley Seyedin ជាប្រធានសម្ព័ន្ធ First Washington Group, ប្រធានក្រុមហ៊ុន Allelon Energy Partners និងជាប្រធានសភាពាណិជ្ជកម្ម អាម៉េរិក ប្រចាំនៅប្រទេសចិនភាគខាងត្បូង បានចូលជួបសម្ដែងការគួរសម និងពិភាក្សាការងារ។ឯកឧត្តមឧបនាយករដ្ឋមន្ត្រី បានសម្តែងនូវការស្វាគមន៍ចំពោះបេសកកម្មរបស់ប្រតិភូនាឱកាសនេះ និងបានជម្រាបជូនអំពី ទិសដៅការងារក្រុមប្រឹក្សាអភិវឌ្ឍន៍កម្ពុជា ក.អ.ក. លើការគ្រប់គ្រងការវិនិយោគឯកជន និងតំបន់សេដ្ឋកិច្ចពិសេស ហើយបច្ចុប្បន្នបាន និងកំពុង បន្តជំរុញការធ្វើឱ្យប្រសើរឡើងនូវបរិយាកាសវិនិយោគ តាមរយៈការធ្វើឌីជីថលូបនីយកម្មក្នុងការផ្តល់សេវាសាធារណៈ។ ឯកឧត្តមឧបនាយករដ្ឋមន្ត្រី ក៏បានគូសបញ្ជាក់បច្ចុប្បន្នភាពសំខាន់ៗ និងមូលដ្ឋានព័ត៌មានពិតអំពីសុខសន្តិភាព ស្ថិរភាព នយោបាយ លំនឹងម៉ាក្រូសេដ្ឋកិច្ច ជំហររបស់រដ្ឋាភិបាលលើការគាំទ្រភាពរីកចម្រើនរបស់វិស័យឯកជន ភាពប្រទាក់ក្រឡានៃហេដ្ឋា- រចនាសម្ព័ន្ធតភ្ជាប់ កម្លាំងពលកម្មវ័យក្មេង និងមានច្បាប់វិនិយោគសម្រួលដល់ការបណ្ដាក់ទុនវិនិយោគនៅកម្ពុជា។លោកបណ្ឌិត ប្រធានប្រតិភូ បានសម្តែងនូវការកោតសរសើរ ចំពោះកិច្ចខិតខំរបស់រាជរដ្ឋាភិបាលកម្ពុជា លើការរក្សាថែទាំ និង ផ្ដល់ទំនុកចិត្តដល់វិនិយោគិន។ ជាមួយគ្នានេះ លោកបណ្ឌិត ក៏បានសម្តែងនូវអំណរគុណយ៉ាងជ្រាលជ្រៅជូនចំពោះ ឯកឧត្តម ឧបនាយករដ្ឋមន្ត្រី ដែលបានចំណាយពេលវេលាដ៏មមាញឹក ផ្តល់ឱកាសឱ្យប្រតិភូចូលជួបសម្តែងការគួរសម និងផ្ដល់អនុសាសន៍ណែនាំបន្ថែមទៀតសម្រាប់ការវិនិយោគនៅកម្ពុជា។សូមបញ្ជាក់ថា លោកបណ្ឌិត Harley Seyedin ប្រធានសម្ព័ន្ធ First Washington Group, នាពេលកន្លងមក ដែលធ្លាប់ទទួលបាន ពានរង្វាន់ Oslo Business for Peace និងមេដាយសន្តិភាព តាមរយៈពាណិជ្ជកម្ម ផ្តល់ដោយគណៈកម្មាធិការផ្តល់រង្វាន់ណូបែល ផ្នែកសន្តិភាព និងសេដ្ឋកិច្ច៕អត្ថបទ៖ សុន រ៉ាឌី,

បណ្ដាញសង្គម

ព័ត៌មានថ្មីៗ

មានអ្នកស្លាប់ ២នាក់ និងរបួសធ្ងន់ ២នាក់ ក្នុងហេតុការណ៍បាញ់ប្រហារ នៅអៀរឡង់ខាងជើង

វិមានក្រឹមឡាំងនិយាយពីកិច្ចប្រជុំជាមួយអ៊ុយក្រែនថា គ្មាននរណាម្នាក់រំពឹងដល់ផ្លូវងាយស្រួលនោះទេ

ហ្វីលីពីនទទួលបានការបន្ថយអត្រាពន្ធតិចតួចពីអាមេរិក ប៉ុន្តែទំនាក់ទំនងការពារជាតិ នៅដដែល

សីតុណ្ហភាពកើនឡើងខ្ពស់ជាប់កំណត់ត្រានៅកោះ Hokkaido របស់ប្រទេសជប៉ុន

លោក Tusk រុះរើគណៈរដ្ឋមន្ត្រី និងដំឡើងលោក Sikorski កាន់តំណែងឧបនាយករដ្ឋមន្ត្រី

ចិនគាំទ្រកិច្ចសន្ទនាពាណិជ្ជកម្ម ក្រោយកិច្ចព្រមព្រៀងរវាងសហរដ្ឋអាមេរិក និងជប៉ុន

ក្រុមហ៊ុនអាកាសចរណ៍ឥណ្ឌា មិនអនុញ្ញាតឲ្យយន្តហោះហោះហើរ ដើម្បីត្រួតពិនិត្យសិន ក្រោយម៉ាស៊ីនឆាបឆេះជាអគ្គិភ័យ

ក្រុមប្រឹក្សាជនភៀសខ្លួនន័រវែស៖ គ្មានគ្រឿងផ្គត់ផ្គង់ជំនួយសេសសល់នោះទេ ហើយបុគ្គលិកកំពុងអត់ឃ្លាននៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

ស្នងការព្រះសីហនុ ភ្នំពេញ និងកំពង់ស្ពឺ នាំស្បៀង និងថវិកាទៅគាំទ្រនគរបាលនិងកងទ័ព នៅព្រះវិហារ!

ការថ្លែងបទអន្ដរាគមន៍របស់ឯកឧត្តម ហេង សួរ នៅក្នុងសន្និសីទអន្តរជាតិខាងការងារលើកទី១១៣

អគារអន្តេវាសិកដ្ឋានសម្រាប់និស្សិតស្រ្តីក្រីក្រ ជាអំណោយរបស់សម្តេចតេជោ បើកការដ្ឋានសាងសង់នៅថ្ងៃនេះ

ឯកឧត្តម ហ៊ុន ម៉ានី៖ «យើងមានគុណតម្លៃផ្ទាល់របស់យើង ហើយយើងក៏មានបន្ទាត់ក្រហមដែលមិនត្រូវបំពានជាដាច់ខាត»

ប្រតិភូសភាពាណិជ្ជកម្មអាម៉េរិក ស្វែងរកឱកាសវិនិយោគលើវិស័យសំខាន់ៗនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

ស្នងការព្រះសីហនុ ភ្នំពេញ និងកំពង់ស្ពឺ នាំស្បៀង និងថវិកាទៅគាំទ្រនគរបាលនិងកងទ័ព នៅព្រះវិហារ!

ការថ្លែងបទអន្ដរាគមន៍របស់ឯកឧត្តម ហេង សួរ នៅក្នុងសន្និសីទអន្តរជាតិខាងការងារលើកទី១១៣

អគារអន្តេវាសិកដ្ឋានសម្រាប់និស្សិតស្រ្តីក្រីក្រ ជាអំណោយរបស់សម្តេចតេជោ បើកការដ្ឋានសាងសង់នៅថ្ងៃនេះ

ឯកឧត្តម ហ៊ុន ម៉ានី៖ «យើងមានគុណតម្លៃផ្ទាល់របស់យើង ហើយយើងក៏មានបន្ទាត់ក្រហម​ដែល​មិន​ត្រូវបំពានជាដាច់ខាត»

ប្រតិភូសភាពាណិជ្ជកម្មអាម៉េរិក ស្វែងរកឱកាសវិនិយោគលើវិស័យសំខាន់ៗនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ហ៊ុន ម៉ានី៖ «យើងមានគុណតម្លៃផ្ទាល់របស់យើង ហើយយើងក៏មានបន្ទាត់ក្រហមដែលមិនត្រូវបំពានជាដាច់ខាត»