BTV NEWS

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ការអនុវត្តវិធានការគន្លឹះក្នុងវិស័យអប់រំ (គ.វ.អ.) នៅសាលាបឋមសិក្សា ត្រពាំងអារ័ក្ស ស្រុកកំពង់ស្វាយ ខេត្តកំពង់ធំ

កសិករកំពង់ធំជាង១០០គ្រួសារ ទទួលផលចំណេញច្រើនជាងមុន ក្រោយស្ម័គ្រចិត្តចងក្រងជាសហគមន៍កសិកម្មទំនើប

រដ្ឋទូតឥណ្ឌូនេស៊ី ត្រៀមផ្តល់ការគាំទ្រ និងកិច្ចសហការជាមួយកម្ពុជាដើម្បីប្រយុទ្ធប្រឆាំងការឆបោកតាមបច្ចេកវិទ្យា

ព័ត៌មានជាតិ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខយុវជនកើតមហារីកជើងធ្ងន់ធ្ងរ នៅមន្ទីរពេទ្យបង្អែកខេត្តបាត់ដំបង

បាត់ដំបង៖ ដោយក្តីអាណិតអាសូរបន្ទាប់ពីទទួលបានព័ត៌មានទាក់ទងយុវជនកើតជំងឺមហារីកជើងនៅស្រុកភ្នំព្រឹក ខេត្តបាត់ដំបង នៅរសៀលថ្ងៃអាទិត្យ ទី៨ ខែមិថុនា ឆ្នាំ២០២៥នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង ចុះសួរសុខទុក្ខនិងនាំយកថវិកា ១០លានរៀល និងផ្លែឈើ ភេសជ្ជៈ ព្រមទាំងសម្ភារៈមួយចំនួនផ្តល់ជូនយុវជន យាប វ៉ាន់នឿន អាយុ២៣ឆ្នាំ មានជីវភាពខ្វះខាត ថែមទាំងកំពុងកើតជំងឺមហារីកជើងធ្ងន់ធ្ងរបណ្តាលមកពីមុតដែកគោល រស់នៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ហើយបច្ចុប្បន្ននេះកំពុងសម្រាកព្យាបាលនៅមន្ទីរពេទ្យបង្អែក ខេត្តបាត់ដំបង។ក្នុងឱកាសនោះ លោកជំទាវ ម៉ែន នារីសោភ័គ បាននាំនូវប្រសាសន៍ផ្តាំផ្ញើសួរសុខទុក្ខពី សំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងលើកទឹកចិត្ត ជូនពរដល់យុវជន យាប វ៉ាន់នឿន ឆាប់បានជាសះស្បើយឡើងវិញ។ លោកជំទាវក៏បានមានប្រសាសន៍ណែនាំអំពីការបរិភោគអាហារឱ្យបានត្រឹមត្រូវ ដើម្បីបំប៉នដល់សុខភាព និងមិនធ្វើឱ្យជំងឺឈឺចាប់ឡើងវិញ។ ជាមួយគ្នានេះ លោកជំទាវ ក៏បានមានប្រសាសន៍បន្ថែមថា ក្រោយពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានទទួលព័ត៌មានករណីខាងលើ សម្តេចប្រធាន បានចាត់ក្រុមការងារសាខាកាកបាទក្រហមកម្ពុជា ខេត្តបាត់ដំបង ចុះពិនិត្យដល់ខ្នងផ្ទះដោយផ្ទាល់និងបានសម្របសម្រួលជាមួយអាជ្ញាធរភូមិឃុំ និងគ្រូពេទ្យដើម្បីបញ្ជូនយុវជន យាប វ៉ាន់នឿន មកធ្វើការព្យាបាលនៅមន្ទីរពេទ្យបង្អែកខេត្ត។យុវជន យាន វ៉ាន់នឿន និងម្តាយមីង មានក្តីរំភើបក្តុកក្តួលឥតឧបមាដោយទទួលបានការយកចិត្តទុកដាក់ ជាពិសេសការលើកទឹកចិត្តពីសំណាក់ អ្នកម្តាយមនុស្សធម៌ ដែលលោកតែងតែគិតគូរដល់សុខទុក្ខ និងប្រជាជនងាយរងគ្រោះបំផុតគ្រប់ពេលវេលា និងគ្រប់ទីកន្លែង។ យុវជន និងម្តាយមីងសូមគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមជួបប្រទះតែនឹងសេចក្តីសុខ សុភមង្គល សុខភាពល្អរឹងមាំ ជន្មាយុយឺនយូរ ដើម្បីបន្តដឹកនាំប្រទេស និងជាម្លប់ដ៏ត្រជាក់ដល់ប្រជាជនកម្ពុជាជារៀងរហូតតទៅ។ សូមបញ្ជាក់ថា យោងតាមរបាយការណ៍របស់អាជ្ញាធរបានឲ្យដឹងថា យុវជន យាប វ៉ាន់នឿន អាយុ២៣ឆ្នាំ ជាកូនកំព្រា កើតជំងឺមហារីក គឺបណ្តាលមកពីមុតដែកគោល មានស្រុកកំណើតនៅភូមិបឹងព្រៃ ស្រុកបាណន់ ដោយស្ថានភាពគ្រួសារ និងគ្មានអ្នកមើលថែទើបម្តាយមីងសម្រេចមកស្នាក់នៅព្យាបាលផ្ទះមីង ក្នុងភូមិសាមគ្គី ឃុំពេជ្រចិន្តា ស្រុកភ្នំព្រឹក។ ពេលនេះយុវជន យាប វ៉ាន់នឿន ទទួលបានការយកចិត្តទុកដាក់ព្យាបាលពីក្រុមគ្រូពេទ្យនៃមន្ទីរពេទ្យបង្អែកខេត្តបាត់ដំបង៕

ឯកឧត្តម អ៊ុំ រាត្រី៖ ច្រកព្រំដែនអន្តរជាតិខេត្តបន្ទាយមានជ័យ សម្រេចបើកម៉ោង៩ព្រឹក-បិទម៉ោង៤ល្ងាច បន្ទាប់ពីភាគីថៃប្រកាសបើកម៉ោង៨ព្រឹក-បិទម៉ោង៤ល្ងាច ដោយឯកតោភាគី

បន្ទាយមានជ័យ៖ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានថ្លែងប្រាប់ BTV ឱ្យដឹងនៅរសៀលថ្ងៃទី៨ ខែមិថុនា ឆ្នាំ២០២៥នេះថា ក្រោយភាគីថៃបានសម្រេចអត្តនោម័តបិទច្រកព្រំដែនកាលពីម្សិលមិញ, នៅថ្ងៃនេះភាគីថ្ងៃបានសម្រេចឱ្យបើកច្រកព្រំដែនអន្តរជាតិនៅខេត្តបន្ទាយមានជ័យ គឺបើកម៉ោង ៨ ព្រឹក និងបិទម៉ោង ៤ ល្ងាច ប៉ុន្តែកម្ពុជាបានសម្រេចបើកម៉ោង ៩ និងបិទម៉ោង ៤ ដូចគ្នា។ឯកឧត្តមអភិបាលខេត្តបានឱ្យដឹងថា នៅថ្ងៃនេះច្រកតំបន់បឹងត្រកួន និងម៉ាឡៃ ភាគីថៃបានបិតហើយនៅម៉ោង ១២ ថ្ងៃត្រង់នេះ។ ចំណែកច្រកអន្តរជាតិនឹងបិតម៉ោង ៤ រសៀលនេះ ខណៈភាគីថៃបានបើកកាលពីព្រឹក ម៉ោង ៨ ព្រឹក ចំណែកកម្ពុជាបានអនុញ្ញាតឱ្យបើកនៅម៉ោង ៩ ព្រឹក។ឯកឧត្តមបានថ្លែងថា៖«ចង់បញ្ជាក់ថាច្រកអន្តរជាតិ ថៃ សម្រេចបើកម៉ោង ៨ ព្រឹក និងបិទម៉ោង ៤ ល្ងាច ប៉ុន្តែយើងសម្រេចបើកម៉ោង ៩ និងបិទម៉ោង ៤ ល្ងាចដូចគ្នា។ ប៉ុន្ដែច្រកតំបន់ ថៃ សម្រេចបើកម៉ោង ៨ ហើយបិទម៉ោង ១២ ថ្ងៃត្រង់។ ចំណែក កម្ពុជាយើងសម្រេចបើកម៉ោង ៩ ហើយបិទម៉ោង ១២ ដូចគ្នា»។ សូមបញ្ជាថាថា នៅម៉ោង ៩ ព្រឹកថ្ងៃអាទិត្យ ទី៨ ខែមិថុនានេះ ច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ បានបើកទ្វារឱ្យពលរដ្ឋប្រទេសទាំងពីរឆ្លងកាត់ឡើងវិញ បន្ទាប់ពី ភាគីថៃ បានសម្រេចកែសម្រួលពេលវេលាបិទ-បើក ច្រកព្រំដែនអន្តរជាតិ និងច្រកតំបន់ ជាឯកតោភាគីដោយបើកចាប់ពីម៉ោង ៨ព្រឹកដល់ម៉ោង៤ល្ងាច គ្រប់ច្រកទ្វារអន្តរជាតិ។គួររម្លឹកថា ខេត្តបន្ទាយមានជ័យមានច្រកព្រំដែនចំនួន ៤ ក្នុងនោះច្រកអន្តរជាតិ២រួមមាន៖ ទី១.ច្រកទ្វាររអន្តរជាតិប៉ោយប៉ែតសម្រាប់ភ្ញៀវចេញ-ចូល, ទី២.ច្រកទ្វារអន្តរជាតិស្ទឹងបត់សម្រាប់រថយន្តដឹកទំនិញចេញ-ចូល។ ដោយឡែកច្រកទ្វារតំបន់ព្រំដែនមានចំនួន ២ រួមមាន៖ ទី១.ច្រកម៉ាឡៃស្ថិតស្រុកម៉ាឡៃ និងទី២.ច្រកទ្វារតំបន់ព្រំដែនបឹងត្រកួនស្ថិតស្រុកថ្មពួក៕

ក្រុមការងារកាកបាទក្រហមកម្ពុជាចុះសួរសុខទុក្ខ និងចែកអំណោយជាលើកទី៣ ដល់ស្ត្រីមានផ្ទៃពោះត្រៀមសម្រាល និងស្ត្រីទើបសម្រាលកូនរួចចំនួន ១៥៨នាក់

ភ្នំពេញ៖ នៅរសៀលថ្ងៃទី៧ ខែមិថុនា ឆ្នាំ២០២៥នេះ ក្រុមការងារ កាកបាទក្រហមកម្ពុជា បានចុះសួរសុខទុក្ខ និងចែកអំណោយជាលើកទី៣ ដល់ស្ត្រីមានផ្ទៃពោះត្រៀមសម្រាល និងស្ត្រីទើបសម្រាលកូនរួចចំនួន ១៥៨ នាក់ នៅមន្ទីរពេទ្យជ័យវរ្ម័នទី៧ (មន្ទីរពេទ្យកុមារគន្ធបុប្ផាទី៣ ខេត្តសៀមរាប)។បន្ទាប់ពីប្រគល់អំណោយជាលើកទី៨ ដល់មន្ទីរពេទ្យកុមារអង្គរ នៅរសៀលថ្ងៃទី៧ ខែមិថុនា ឆ្នាំ២០២៥នេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងលោកជំទាវ ទុយ ជិ ប្រាក់សោភ័ណ អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានអញ្ជើញចុះសួរសុខទុក្ខ និងចែកអំណោយជាលើកទី៣ ដល់គ្រួសារស្ត្រីមានផ្ទៃពោះត្រៀមសម្រាល និងស្ត្រីទើបសម្រាលកូនរួចចំនួន ១៥៨នាក់ នៅមន្ទីរពេទ្យជ័យវរ្ម័នទី៧ (មន្ទីរពេទ្យកុមារគន្ធបុប្ផាទី៣ ខេត្តសៀមរាប)។គ្រួសារស្ត្រីជាមាតាដែលទើបសម្រាលកូនទាំង ១៥៨នាក់ បានថ្លែងអំណរគុណយ៉ាងជ្រាលជ្រៅចំពោះកាកបាទក្រហមកម្ពុជា ជាពិសេស អ្នកម្តាយមនុស្សធម៌ ដែលបានចុះសួរសុខទុក្ខ គិតគូរពីសុខភាព និងជីវភាពរស់នៅដោយបានផ្តល់ជូនគ្រួសារនីមួយៗទទួលបាន ឃីត (មុង ភួយ សារុង ក្រមា) ១កញ្ចប់, ត្រីខ ១យួរ, ទឹកដោះគោប្រអប់ ៦ប្រអប់, ស្ករសរ ១គីឡូក្រាម និងថវិកា ៥ម៉ឺនរៀល៕

នាយឧត្ដមសេនីយ៍ ហ៊ីង ប៊ុនហៀង ថ្លែងអំណរគុណសប្បុរជនចូលរួមលើកចិត្តកងទ័ពដោយផ្ទាល់

ឯកឧត្ដម នាយឧត្ដមសេនីយ៍ កិត្តិសង្គហបណ្ដិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការបញ្ជាការដ្ឋានអង្គរក្ស បានអំណរគុណដល់ សប្បុរជននានា ដែលបានអញ្ជើញមកលើកទឹកចិត្តដល់កងទ័ព ព្រមនាំយកនូវគ្រឿងឧបភោគ បរិភោគរួមនឹងថវិការផ្ដល់ជូនដល់កងទ័ពដោយផ្ទាល់ ដែលមានសណ្ដានចិត្តលើកទឹកចិត្តដល់កងទ័ពតាមរយៈចូលរួមគាំទ្រ ក្នុងន័យខ្មែរស្រឡាញ់ខ្មែរ។នាយឧត្ដមសេនីយ៍ កិត្តិសង្គហបណ្ដិត ហ៊ីង ប៊ុនហៀង បានថ្លែងអំណរគុណបែបនេះ ក្នុងឱកាសជួបសំណេះសំណាល និងទទួលគ្រឿងឧបភោគ បរិភោគរួមនឹងថវិការ ពីសប្បុរសជន កាលពីថ្ងៃទី៦ មិថុនា ឆ្នាំ២០២៥នេះ។នៅក្នុងឱកាសនោះដែរបណ្ដាសប្បុរសជន សម្ដែងនូវគោរព ស្រឡាញ់ និងសូមបួងសួងដល់រុក្ខទេវតាថែរក្សាព្រឹកព្រៃ បារមី គ្រប់ទិសទាំងអស់ តាមថែរក្សាផ្ដល់កម្លាំងខ្លាំងក្លា មាំមួន សុខភាពល្អដល់ នាយឧត្ដមសេនីយ៍ កិត្តិសង្គហបណ្ដិត និងកងទ័ពទាំងអស់ ហើយជាពិសេសដែលគោរពតាមការដឹកនាំដ៏ឆ្លាតវៃរបស់សម្តេចធិបតី និងសម្តេចតេជោ។ បណ្ដាសប្បុរសជន បានបង្ហាញការដឹងគុណ វីរីភាពអង់អាចក្លាហានរបស់កងទ័ព ដែលបានលះបង់សេចក្តីសុខផ្ទាល់ខ្លួន ដើម្បីការពារទឹកដី សេចក្តីសុខដល់ប្រជាពលរដ្ឋទូទាំងប្រទេស។សូមបញ្ជាក់ថា គ្រឿងឧបភោគ បរិភោគ មានដូចជា៖ ទឹកត្រី, ទឹកស៊ីវអ៊ីវ, ត្រីខ, មីជាតិ, ទឹកសុទ្ធ, ក្រមាខ្មែរ និងថវិកាមួយចំនួន ដែលគិតជាទឹកប្រាក់សរុបទាំងអស់ចំនួនជាង ២ ម៉ឺនដុល្លារ ប្រគល់ជូន នាយឧត្ដមសេនីយ៍ កិត្តិសង្គហបណ្ដិត និងកងទ័ពជួរមុខការពារព្រំដែនកម្ពុជា-ថៃ ទិសទី១ ខេត្តព្រះវិហារ៕ អត្ថបទ៖ ឈិត បូរ៉ាវី

អាជ្ញាធរអំពាវនាវពលរដ្ឋចូលរួមថែរក្សាបរិស្ថាន ខណៈសំរាមថង់ប្លាស្ទិកនៅតែបន្តមានលើឆ្នេរកោះស្តេច

អាជ្ញាធរ និងមន្រ្តីជំនាញបរិស្ថានបានក្រើនរម្លឹកពលរដ្ឋឱ្យចូលរួមថែរក្សាបរិស្ថាន អនាម័យ ខណៈសំណល់សំរាមប្រភេទថង់ប្លាស្ទិក ត្រូវបានគេសង្កេតឃើញនៅតែកើតមានរសាត់អណ្តែតលើឆ្នេរកោះស្តេច ស្រុកគិរីសាគរ ខេត្តកោះកុង។ក្នុងទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២៥ ក្រោមប្រធានបទ៖ ប្រយុទ្ធប្រឆាំងនិងការបំពុលដោយប្លាស្ទិក នៅថ្ងៃទី៧ ខែមិថុនានេះ លោក អន សុធារិទ្ធ អភិបាលរងខេត្តកោះកុង បានលើកឡើងថា ការរស់នៅក្នុងសហគមន៍មានសោភ័ណ្ឌភាពបរិស្ថានល្អស្អាត គឺមិនត្រឹមតែធ្វើឱ្យពលរដ្ឋរស់នៅប្រកបដោយផាសុខភាពមាំមួននោះទេ ពោលគឺបង្កើនការទាក់ទាញកំណើនភ្ញៀវទេសចរមកលេងកម្សាន្តនៅលើកោះស្តេចកាន់តែច្រើនផងដែរ។ លោកបានបន្តថា សំរាមជាថង់ប្លាស្ទិកបានបង្កផលប៉ះពាល់យ៉ាងធ្ងន់ធ្ងរដល់មនុស្ស សត្វ និងជីវៈចម្រុះនានា មិនថានៅលើគោក ឬក្នុងទឹកនោះទេ ពីព្រោះសំរាមថង់ប្លាស្ទិកស្ថិតនៅយូរ មិនងាយរលាយ គឺមានរយៈពេលរាប់រយ ពាន់ឆ្នាំ។ ដូច្នេះលោក និងមន្រ្តីជំនាញពាក់ព័ន្ធស្នើសុំដល់ប្រជាពលរដ្ឋទាំងអស់ ត្រូវចូលរួមការពារថែរក្សាបរិស្ថានអនាម័យឱ្យបានស្អាតល្អឡើងវិញ ជៀសវាងការចោលទៅក្នុងទឹកសមុទ្រ។ដោយឡែកឯកឧត្តម ហួត រិទ្ធី អគ្គលេខាធិការនៃគណៈកម្មាធិការជាតិវាយតម្លៃទីក្រុងស្អាតនៃក្រសួងទេសចរណ៍ មើលឃើញថា ការរៀបចំទុកដាក់សំរាមគ្រប់ប្រភេទអោយបានត្រឹមត្រូវ គឺប្រជាពលរដ្ឋចាំបាច់រួមគ្នាអនុវត្តន៍អោយបានល្អមានសណ្តាប់ធ្នាប់ ដើម្បីឱ្យក្រុមហ៊ុនប្រមូលសំរាមដឹកយកទៅទីលានចាក់សំរាម។ឯកឧត្តម បន្ថែមទៀតថា កោះស្តេចជារមណីយដ្ឋានមួយដែលមានសក្តានុពលវិស័យទេសចរណ៍ប្រសិនបើអ្នកទេសចរជាតិ និងអន្តរជាតិមកលេងប្រទះឃើញសហគមន៍មានសុទ្ធតែសំរាម យ៉ាងដូច្នេះច្បាស់ជាគេលែងចង់មកលេងទៀតហើយ៕

ស្មារតីជាតិនិយម សម្ព័ន្ធភាពបក្សនយោបាយចំនួន ២៦ បក្សនាំអំណោយជូនកងទ័ពជួរមុខនៅតំបន់មុំ៣

គណបក្សនយោបាយចំនួន២៦គណបក្ស ដែលជាសម្ព័ន្ធភាព បាននាំអំណោយចែកជូនកងទ័ពនៅតំបន់មុំ៣ ក្នុងខេត្តព្រះវិហារ ដែលសកម្មភាពនេះបានបង្ហាញពីស្មារតីជាតិនិយមក្នុងការការពារបូរណភាពទឹកដី និងអធិបតេយ្យភាពរបស់ប្រទេសកម្ពុជាទោះបីមកពីគណបក្សណាក៏ដោយ។តបតាមការអំពាវនាវរបស់សម្តេចតេជោ ហ៊ុន សែន ប្រធានព្រឹទ្ធសភា នៅថ្ងៃទី៧ ខែមិថុនា ឆ្នាំ២០២៥ សម្ព័ន្ធភាពគណបក្សនយោបាយចំនួន ២៦ គណបក្សដឹកនាំដោយ ឯកឧត្តម អ៊ុន វិសិទ្ធគុន ប្រធានគណបក្សកម្លាំងប្រជាធិបតេយ្យ និងឯកឧត្តម ញឹក ប៊ុនឆៃ ប្រធានគណបក្សខ្មែររួបរួមជាតិ បានដឹកនាំគណៈប្រតិភូប្រធានគណបក្សនយោបាយ ចូលរួមក្នុងពិធីសំណេះសំណាល និងនាំនូវអំណោយជាគ្រឿងឧបភោគបរិភោគ និងសម្ភារៈប្រើប្រាស់មួយចំនួន ចែកជូនដល់កងទ័ពនៃបញ្ជាការដ្ឋានកងអង្គរក្ស ដែលឈរជើងតាមបន្ទាត់ព្រំដែននៅតំបន់មុំ៣ ក្នុងស្រុកជាំក្សាន្ត ខេត្តព្រះវិហារ។ ពិធីនេះមានការចូលរួមពីលោកឧត្តមសេនីយ៍ឯក រឿង វុទ្ធី មេបញ្ជាការរងនៃបញ្ជាការដ្ឋានកងអង្គរក្ស តំណាងឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានកងអង្គរក្ស។ ឯកឧត្តម ញឹក ប៊ុនឆៃ ប្រធានគណបក្សខ្មែររួបរួមជាតិ បានសម្តែងការពេញចិត្តចំពោះសកម្មភាពរបស់គណបក្សនយោបាយដែលមាននិន្នាការផ្សេងគ្នា ប៉ុន្តែក្នុងកាលៈទេសៈដ៏សំខាន់នេះគណបក្សនយោបាយបានរួបរួមគ្នាបង្ហាញពីស្មារតីខ្មែរតែមួយ និងសាមគ្គីជាធ្លុងមួយ ក្នុងការគាំទ្រដល់គោលជំហររបស់សម្តេចធិបតី ហ៊ុន ម៉ាណែត ដែលបានប្តេជ្ញាចិត្តខ្ពស់ក្នុងការការពារបូរណទឹកដី ដើម្បីជាតិមាតុភូមិ។ឯកឧត្តមបណ្ឌិត ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ ថ្លែងថា សកម្មភាពចែកអំណោយជូនកងទ័ពនាពេលនេះ ជាការបង្ហាញពីសាមគ្គីជាតិ និងឯកភាពជាតិរបស់ប្រជាជនខ្មែរគ្រប់និន្នាការ ដើម្បីលើកទឹកចិត្តដល់កងទ័ពជួរមុខ ដើម្បីការពារអធិបតេយ្យភាពរបស់កម្ពុជា។តាមរយៈការចូលរួមឧបត្ថម្ភថវិការបស់សម្ព័ន្ធភាពគណបក្សនយោបាយចំនួន ២៦គណបក្ស គឺជាការចូលរួមចំណែកលើកទឹកចិត្តដល់កងទ័ពដ៏អង់អាចក្លាហានរបស់កម្ពុជាដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។ក្នុងឱកាសអញ្ជើញសម្ពោធអគារសិក្សា និងសមិទ្ធផលនានា ក្នុងវិស័យអប់រំ នៅខេត្តរតនគិរី នាថ្ងៃទី៧ ខែមិថុនា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ថ្លែងអំណរគុណដល់បងប្អូនក្នុង និងក្រៅប្រទេស ដែលបានចូលរួមផ្ដល់ជាសម្ភារៈស្បៀង អាហារដល់កងទ័ពនៅជួរមុខ ដើម្បីការពារបូរណភាពទឹកដីនេះ ជាការលើកទឹកចិត្តមួយយ៉ាងសំខាន់ដល់កងទ័ព៕ អត្ថបទ៖ សេក ឧត្តម

សម្តេចមហាមន្ត្រី គុយ សុផល នាំអំណោយជូនពលរដ្ឋចាស់ជរា ១០០ គ្រួសារនៅឃុំពេជ្រចង្វា ស្រុកបរិបូណ៌

ពលរដ្ឋក្រីក្រ និងចាស់ជរាចំនួន ១០០ គ្រួសារ រស់នៅក្នុងឃុំពេជ្រចង្វា ស្រុកបរិបូណ៌ ខេត្តកំពង់ឆ្នាំង នៅថ្ងៃទី៧ ខែមិថុនា ឆ្នាំ២០២៥នេះ បានទទួលអំណោយពីសម្តេចមហាមន្ត្រី គុយ សុផល សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារគណបក្សចុះមូលដ្ឋានខេត្តកំពង់ឆ្នាំង និងជាប្រធានក្រុមការងារថ្នាក់កណ្តាលចុះស្រុកបរិបូណ៌។សម្តេចមហាមន្ត្រី គុយ សុផល បានមានប្រសាសន៍ថា គណបក្សប្រជាជនកម្ពុជា គឺជាគណបក្សដែលបានដើរតួនាទីស្នូលយ៉ាងសំខាន់ក្នុងការសង្គ្រោះជាតិ ប្រជាជនចេញពីរបបខ្មែរក្រហម នាំយកសុខសន្តិភាពពេញលេញក្រោមការអនុវត្តនយោបាយឈ្នះឈ្នះដាក់ចុះដោយសម្តេចតេជោ ហ៊ុន សែន និងបានរួមសុខរួមទុក្ខជាមួយប្រជាពលរដ្ឋ ព្រមទាំងនាំមកនូវការអភិវឌ្ឍរីកចម្រើនលើគ្រប់វិស័យ កសាងកេរ្តិ៍ឈ្មោះ កិត្តិយស និងកិត្យានុភាពជាតិល្បីរន្ទឺនៅក្នុងតំបន់ និងនៅលើសកលលោក។ សម្ដេចបន្តថាគណបក្សប្រជាជនកម្ពុជានឹងបន្តដើរតួនាទីស្នូលយ៉ាងសំខាន់នេះក្នុងការថែរក្សាសុខសន្តិភាព ការអភិវឌ្ឍន៍ដែលកម្ពុជារកបានដោយពិបាកនេះ ឱ្យនៅស្ថិតស្ថេរគង់វង្ស ដើម្បីផ្តល់ឱកាសពេញលេញដល់ជាតិ និងប្រជាជនកម្ពុជាក្នុងការបន្តអភិវឌ្ឍជាតិឱ្យរីកចម្រើនកាន់តែខ្លាំងថែមទៀត។ រាជរដ្ឋាភិបាលកម្ពុជា ដែលដឹកនាំដោយគណបក្សប្រជាជន និងមានសម្តេចធិបតី ហ៊ុន ម៉ាណែត នាយករដ្ឋមន្ត្រី បានបន្តយកចិត្តទុកដាក់លើសុខទុក្ខប្រជាពលរដ្ឋទាំងអស់ គ្រប់ទីកន្លែង និងគ្រប់ពេលវេលា។ ក្នុងឱកាសនោះប្រជាពលរដ្ឋក្រីក្រ និងចាស់ជរាទាំង ១០០ គ្រួសារសប្បាយចិត្ត ថ្លែងអំណរគុណដល់សម្តេច និងក្រុមការងារដែលតែងតែយកចិត្តទុកដាក់ចុះជួបសួរសុខទុក្ខ និងជួយប្រជាពលរដ្ឋតាមមូលដ្ឋាន ។ ពួកគាត់អរគុណយ៉ាងខ្លាំងដល់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា ដែលជានិច្ចកាលតែងគិតគូរពីសុខទុក្ខប្រជាពលរដ្ឋជួបការលំបាក និងបានជួយដោះស្រាយទុក្ខលំបាកប្រជាពលរដ្ឋនៅគ្រប់ទីកន្លែង គ្រប់កាលៈទេសៈ មិនប្រកាន់និន្នាការនយោបាយ។ នៅថ្ងៃនេះ សម្តេចមហាមន្ត្រី គុយ សុផល និងក្រុមការងារគណបក្សប្រជាជន បានចុះមកដល់មូលដ្ឋានឃុំពេជ្រចង្វា ស្រុកបរិបូណ៌ និងបាននាំយកមកនូវអំណោយ និងថវិកាមួយចំនួនជួយដល់សុខទុក្ខប្រជាពលរដ្ឋក្រីក្រ៕ កាំង ហុងវាស្នា

សកម្មជនគណបក្សផ្សេងៗ ៥៩នាក់ ស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជា

សមាជិក សមាជិកា និងសកម្មជនមកពីគណបក្សភ្លើងទៀន គណបក្សខ្មែរស្រឡាញជាតិ គណបក្សខ្មែររួមរួមជាតិ និងគណបក្សហ៊្វុនស៊ិនប៉ិច សរុបចំនួន ៥៩ នាក់ នៅឃុំបូរីជលសារ ស្រុកបូរីជលសារ ខេត្តតាកែវ បានសម្រេចចិត្តវិលមករួមរស់ចូលរួមជីវភាពនយោបាយជាមួយគណបក្សប្រជាជនកម្ពុជា។ ពិធីនេះបានរៀបចំធ្វើឡើងនៅទីស្នាក់ការគណបក្សឃុំបូរីជលសារ នាព្រឹកថ្ងៃទី៨ ខែមិថុនា ឆ្នាំ ២០២៥ ក្រោមវត្តមាន លោក សោម សាម៉េត ប្រធានគណៈកម្មាធិការគណបក្សស្រុកបូរីជលសារ និងលោក អ៊ុក សំនៀង ប្រធានក្រុមការងារគណបក្សចុះមូលដ្ឋានឃុំបូរីជលសារ ដោយមានការចូលរួមពីលោក លោកស្រីអនុប្រធាន សមាជិក សមាជិកា ក្រុមការងារគណបក្សចុះមូលដ្ឋានឃុំបូរីជលសារជាច្រើននាក់ទៀត។ថ្លែងទៅកាន់ សមាជិក សមាជិកា និងសកម្មជនដែលបានចូលរួមជីវភាពនយោបាយនាឱកាសនោះ លោក អ៊ុក សំនៀង ប្រធានក្រុមការងារគណបក្សចុះមូលដ្ឋានឃុំបូរីជលសារបានបង្ហាញក្ដីសប្បាយរីករាយនៅពេលឃើញដែលវត្តមានរបស់បងប្អូន សមាជិក សមាជិកា និងសកម្មជនគណបក្សផ្សេងៗនៅថ្ងៃនេះ ហើយការសម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា ជាការសម្រេចចិត្តដ៏ត្រឹមត្រូវ ហើយគណបក្សប្រជាជនរងចាំបើកទ្វាចំហរជានិច្ច ក្នុងការទទួលដោយកក់ក្តៅបំផុតចំពោះបងប្អូន គ្រប់និន្នាការទាំងអស់ដោយមិនមានការរើសអើងនោះឡើយ។លោកថ្លែងថា គណបក្សប្រជាជនកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រធានគណបក្ស សម្ដេចតែងតែគិតពីសុខទុក្ខប្រជាពលរដ្ឋ មិនរត់ចោលប្រជាពលរដ្ឋណាម្នាក់ឡើយ ពោលនៅរួមសុខរួមទុកជានិច្ច មិនដូចក្រុមជ្រុលនិយមមួយចំនួននៅក្រៅស្រុកឡើយ ដូច្នេះលើកទឹកចិត្តឲ្យបងប្អូន សកម្មជនទាំងអស់ ជឿទុកចិត្តក្នុងការចូលរួមមាគ៌ាជាមួយគណបក្សប្រជាជនកម្ពុជា ហើយរួមគ្នាអភិវឌ្ឍមូលដ្ឋានឃុំបូរីជលសាររបស់យើង ក៏ដូចជាប្រទេសជាតិ ឲ្យកាន់តែមានការរីកចម្រើនទ្វេឡើងថែមទៀត។លោកស្រី ឡន ផល្លា សមាជិកគណបក្សខ្មែរស្រឡាញ់ជាតិបានថ្លែងថាដោយមើលឃើញពីគោលនយោបាយច្បាស់លាស់ ក្នុងការដឹកនាំប្រទេសជាតិ នឹងរួមសុខទុក្ខជាមួយពលរដ្ឋគ្រប់កាលៈទេសៈ លោកស្រីបានសម្រេចចិត្តចូលរួមជីវភាពនយោបាយជាមួយគណបក្សប្រជាជនកម្ពុជា ដោយគ្មានការបង្ខិតបង្ខំពីនណាម្នាក់ឡើយ។ជាមួយគ្នានោះលោក ប៉ែន ស៊ីម សកម្មជនគណបក្សភ្លើងទៀនបានថ្លែងថាលោកសប្បាយចិត្តដែលបានចូលរួមរស់ជាមួយគណបក្សប្រជាជនកម្ពុជា ព្រោះបក្សប្រជាជនមានគោលនយោបាយច្បាស់លាស់ រកសុខសន្ដិភាពជូនពលរដ្ឋ និងការភិវឌ្ឍដល់ប្រទេសជាតិ ដូច្នេះខ្ញុំរួមរស់ និងដើរតាមគណបក្សប្រជាជនជារៀងរហូត៕

ច្រកទ្វារព្រំដែនអន្តរជាតិចាំយាម ខេត្តកោះកុង អ្នកដំណើរ និងលំហូទំនិញបន្តចរាចរ ខណៈច្រកនឹងបើកនៅម៉ោង ៩ព្រឹក ហើយបិទនៅម៉ោង ៤ល្ងាច

ច្រកទ្វារព្រំដែនអន្តរជាតិចាំយាម ស្ថិតក្នុងស្រុកមណ្ឌលសីមា ខេត្តកោះកុង អ្នកដំណើរ និងលំហូទំនិញបន្តចរាចរ ដោយគោរពលក្ខខណ្ឌមួយចំនួន ខណៈច្រកព្រំដែននឹងបើកនៅម៉ោង ៩ព្រឹក និងបិទនៅម៉ោង ៤ល្ងាច។ នេះបើយោងតាមការឲ្យដឹងពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង។តាមរយៈហ្វេសហ៊ុកផ្លូវលោកជំទាវ មិថុនា ភូថង បានបញ្ជាក់ថា ចាប់ពីថ្ងៃទី៨មិថុនានេះ ច្រកទ្វារព្រំដែនអន្តរជាតិចាំយាម ខេត្តកោះកុង នឹងបើកនៅម៉ោង ៩ព្រឹក និងបិទនៅម៉ោង ៤ល្ងាច ជាបណ្ដោះអាសន្ន។ការកែសម្រួលម៉ោងបើកបិទ ច្រកទ្វារព្រំដែនអន្តរជាតិចាំយាម ខេត្តកោះកុង នេះ គឺឆ្លើយតបទៅភាគីថៃ ដែលបានផ្លាស់ប្ដូរម៉ោងបើកច្រកនៅម៉ោង ៨ព្រឹក និងបិទច្រកនៅ៤ រសៀល នៅច្រកទ្វារព្រំដែនអន្តរជាតិ ហាតលេក ស្រុកខ្លងយ៉ៃ ខេត្តត្រាត ប្រទេសថៃ។សូមជម្រាបជូនថា តាមរបាយការណ៍នៅព្រឹកថ្ងៃទី៨ ខែមិថុនា ឆ្នាំ២០២៥នេះ របស់លោកសុវណ្ណ ប៊ុនធឿន ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាមបានឱ្យដឹងថា មេបញ្ជាការវរៈការពារព្រំដែនលេខ ១៨២ថៃ ប្រចាំមាត់ច្រកហាតលេកបានឱ្យកម្លាំងប៉ុស្តិ៍ដឹងថា ចាប់ពីថ្ងៃទី៨ ខែមិថុនា ឆ្នាំ២០២៥នេះ ច្រកទ្វារព្រំដែនអន្តរជាតិ ហាតលេក ស្រុកខ្លងយ៉ៃ ខេត្តត្រាត ប្រទេសថៃ ធ្វើការផ្លាស់ប្ដូរ ម៉ោងបើក បិទច្រក។ របាយការណ៍បញ្ជាក់ថា ម៉ោងបើកច្រកពីម៉ោង ០៦:០០នាទី ទៅបើកម៉ោង ០៨:០០នាទីព្រឹក និងម៉ោងបិទច្រកពីម៉ោង ២២:០០នាទី មកបិទម៉ោង១៦:០០នាទី។ ទោះយ៉ាងណា លោកកំពុងប្រជុំបន្ថែមទៀតជាមួយភាគីថៃ សម្រាប់ព័ត៌មានលម្អិតនឹងជូនដំណឹងតាមក្រោយទៀត។តាមរបាយការណ៍បានឱ្យដឹងទៀតថា ភាគីថៃ បានដាក់លក្ខខណ្ឌចំពោះអ្នកដំណើរប្រើឯកសារតម្រូវដូចខាងក្រោម៖១.ពលរដ្ឋខ្មែរប្រើលិខិតឆ្លងដែនក្នុងគោលបំណងទៅទេសចរណ៍ មិនអនុញ្ញាតអោយចូលប្រទេសថៃតែចេញពីប្រទេសថៃបាន។២.ពលរដ្ឋខ្មែរប្រើលិខិតឆ្លងដែនទៅពេទ្យ ឬអ្នកជំងឺ អនុញ្ញាតធម្មតា។ ៣.ពលរដ្ឋខ្មែរប្រើប័ណ្ណព្រំដែន (Borderpass) អនុញ្ញាតអោយចេញ-ចូល។៤.ពលករខ្មែរ ប្រើលិខិតឆ្លងដែន ឬ (Borderpass) អនុញ្ញាតអោយចេញ-ចូលបាន។ ៥.ពលរដ្ឋថៃប្រើលិខិតឆ្លងដែនចូលប្រទេសថៃបាន តែមិនអនុញ្ញាតអោយចេញ។ ៦.ពលរដ្ឋថៃប្រើប័ណ្ណព្រំដែន(Borderpass) អនុញ្ញាតអោយចេញ-ចូលបាន ។ ៧.ពលរដ្ឋប្រទេសទី៣ អនុញ្ញាតអោយចេញ-ចូលធម្មតា។ ៨.រថយន្តដឹកទំនិញអនុញ្ញាតអោយចេញ-ចូលធម្មតា៕អត្ថបទ៖ ឈឹម មករា

សម្តេចកិត្តិព្រឹទ្ធបណ្ឌិត បន្តឧបត្ថម្ភថវិកាជាលើកទី៨ ចំនួន៥ម៉ឺនដុល្លារ ដល់មន្ទីរពេទ្យកុមារអង្គរខេត្តសៀមរាប រួមជាមួយស្បៀង និងសម្ភារប្រើប្រាស់មួយចំនួនទៀត

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តឧបត្ថម្ភថវិកាជាលើកទី៨ ដល់មន្ទីរពេទ្យកុមារអង្គរ ខេត្តសៀមរាប ចំនួន ៥ម៉ឺនដុល្លារ រួមជាមួយស្បៀង-សម្ភារប្រើប្រាស់មួយចំនួនទៀត ដើម្បីចូលរួមចំណែកក្នុងការសង្គ្រោះ ព្យាបាល និងថែទាំសុខភាពកុមារ-ទារក ប្រមាណ ៣៥០~៤០០នាក់ ក្នុងមួយថ្ងៃដោយឥតគិតថ្លៃ ។ មន្ទីរពេទ្យកុមារអង្គរ ខេត្តសៀមរាប គឺជាមន្ទីរពេទ្យមួយដែលផ្តល់សេវាថែទាំសុខភាពកុមារឈានមុខមួយប្រកបដោយគុណភាពខ្ពស់ ក្តីមេត្តាករុណា និងមិនគិតកម្រៃ ដែលក្នុងមួយថ្ងៃៗ បានជួយសង្គ្រោះ-ព្យាបាល និងថែទាំកុមារ-ទារក ប្រមាណ ៣៥០~៤០០នាក់។ ជាក់ស្តែងក្នុងឆ្នាំ២០២៤កន្លងទៅ មន្ទីរពេទ្យនេះ បានផ្តល់សេវាដល់កុមារជាង ១២ម៉ឺននាក់ ដែលចំណាយថវិកាប្រមាណជាង ៦លានដុល្លារអាម៉េរិក។ លក្ខណៈពិសេសមួយទៀតរបស់មន្ទីរពេទ្យកុមារអង្គរ គឺឧបត្ថម្ភកញ្ចប់អាហារជារៀងរាល់ថ្ងៃដល់គ្រួសារអ្នកជំងឺដែលខ្វះលទ្ធភាព សម្រាប់យកទៅចំអិនដោយខ្លួនឯង ដែលក្នុងនោះមានដូចជា អង្ករ បន្លែ ត្រី សាច់ និងប្រេងជាដើម។ដោយមើលឃើញពីគុណតម្លៃរបស់មន្ទីរពេទ្យ និងដើម្បីចែករំលែកក្តីស្រឡាញ់ដល់កុមារ និងអបអរសាទរទិវាកុមារអន្តរជាតិ និងក្នុងឱកាសនៃការប្រារព្ធកម្មវិធីបុណ្យផ្កាប្រាក់មហាសាមគ្គី ប្រចាំឆ្នាំ២០២៥ ដើម្បីរកមូលនិធិជួយដល់មន្ទីរពេទ្យកុមារអង្គរ ខេត្តសៀមរាបផងនោះ នៅថ្ងៃសៅរ៍ ទី៧ ខែមិថុនា ឆ្នាំ២០២៥នេះ កាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានបន្តឧបត្ថម្ភជាលើកទី៨ នូវថវិកាចំនួន ៥០.០០០ដុល្លារ (ប្រាំម៉ឺនដុល្លារអាម៉េរិក) រួមជាមួយគ្រឿងឧបភោគបរិភោគ និងសម្ភារប្រើប្រាស់មួយចំនួនទៀត ដល់មន្ទីរពេទ្យកុមារអង្គរ ខេត្តសៀមរាប។ ទន្ទឹមនឹងនេះ សាខាកាកបាទក្រហមកម្ពុជា ខេត្តសៀមរាប ក៏បានចូលរួមឧបត្ថម្ភថវិកាចំនួន ៥លានរៀលផងដែរ។លោកសាស្ត្រាចារ្យវេជ្ជបណ្ឌិត ងួន ច័ន្ទភក្រ្តា នាយកនៃមន្ទីរពេទ្យកុមារអង្គរ បានឱ្យដឹងថា មន្ទីរពេទ្យកុមារអង្គរ ត្រូវបានបង្កើតឡើងក្នុងឆ្នាំ ១៩៩៩ ក្រោមកិច្ចសហការណ៍យ៉ាងជិតស្និទ្ធិជាមួយក្រសួងសុខាភិបាលកម្ពុជា ដើម្បីផ្តល់សេវាពិនិត្យព្យាបាល និងថែទាំសុខភាពកុមារក្រីក្រកម្ពុជាប្រកបដោយគុណភាពខ្ពស់ និងឥតគិតថ្លៃ ចូលរួមជួយពង្រឹងប្រព័ន្ធសុខាភិបាលតាមរយៈការបណ្តុះបណ្តាលវេជ្ជបណ្ឌិត គិលានុបដ្ឋាក និងបុគ្គលិកសុខាភិបាល ព្រមទាំងផ្ដល់ការអប់រំសុខភាព និងវិធានការការពារជំងឺដង្កាត់ផ្សេងៗដល់ប្រជាពលរដ្ឋនៅក្នុងសហគមន៍។ ជារៀងរាល់ថ្ងៃ មានកុមារប្រមាណពី ៣៥០នាក់ ទៅ ៤០០នាក់ បានមកទទួលការព្យាបាលនៅ មន្ទីរពេទ្យកុមារអង្គរ ដែលក្នុងឆ្នាំ ២០២៤កន្លងទៅ បានផ្ដល់ការព្យាបាលដល់កុមារសរុបប្រមាណជិត ១២ម៉ឺនករណី ហើយបើគិតចាប់ពីមន្ទីរពេទ្យបើកដំណើរការរហូតដល់ពេលបច្ចុប្បន្ននេះ បានផ្ដល់ការព្យាបាលដល់កុមារសរុបជិត ៣ លានករណី។ លោកសាស្ត្រាចារ្យវេជ្ជបណ្ឌិត បានគូសបញ្ជាក់ថា៖ «មន្ទីរពេទ្យកុមារអង្គរ ពឹងផ្អែកទាំងស្រុងលើមូលនិធិសប្បុរសធម៌ ដៃគូផ្ដល់មូលនិធិ ការរៃអង្គាសថវិកា និងសប្បុរសជនទាំងក្នុងនិងក្រៅប្រទេស ដើម្បីទ្រទ្រង់ដល់បេសកកម្មសេវាសុខភាពរបស់មន្ទីរពេទ្យ។ ជាក់ស្តែង កាកបាទក្រហមកម្ពុជា ក្រោមការដឹកនាំប្រកបដោយភាពឈ្លាសវៃ និងទឹកចិត្តសប្បុរសធម៌របស់ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជានិច្ចជាកាល អ្នកម្តាយមនុស្សធម៌ តែងតែយកចិត្ដទុកដាក់ខ្ពស់ និងឧបត្ថម្ភគាំទ្រជានិច្ចដល់មន្ទីរពេទ្យកុមារអង្គរ ដោយចាប់តាំងពីឆ្នាំ២០១៦ រហូតមក ដល់បច្ចុប្បន្ននេះ សរុប ៨លើក គិតជាទឹកប្រាក់មានចំនួនសរុប ២៩ម៉ឺនដុល្លារអាម៉េរិក និង ១០លានរៀល ដែលនេះបានឆ្លុះបញ្ចាំងពីគុណតម្លៃដ៏មហាប្រសើរ និងជាគំរូដ៏ល្អបំផុតសម្រាប់ប្រជាពលរដ្ឋកម្ពុជាក្នុងការចូលរួមចំណែកក្នុងសកម្មភាពសប្បុរសធម៌ ទំនួលខុសត្រូវសង្គម និងចេះជួយគ្នាទៅវិញទៅមក ដើម្បីសង្រ្គោះ និងលើកកម្ពស់សុខុមាលភាពកុមារកម្ពុជាដែលជាទំពាំងស្នងឫស្សី និងជាសសរទ្រូងនៃការអភិវឌ្ឍប្រទេសជាតិនាពេលអនាគត។ សម្រាប់ថវិកា ៥ម៉ឺនដុល្លាររបស់កាកបាទក្រហមកម្ពុជា អាចជួយដល់កុមារប្រមាណជាង ១ពាន់នាក់។»មានមតិក្នុងឱកាសសំណេះសំណាល និងប្រគល់អំណោយនោះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានសម្តែងនូវក្តីសោមនស្សរីករាយដោយបានអញ្ជើញមកដល់មន្ទីរពេទ្យកុមារអង្គរជាថ្មីម្តងទៀត ដើម្បីនាំយកនូវអំណោយរបស់កាកបាទក្រហមកម្ពុជា មកប្រគល់ជូននាពេលនេះ។ ទន្ទឹមនឹងនេះ លោកជំទាវ អគ្គលេខាធិការរងទី១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីនឹករលឹក ជាពិសេស ការថ្លែងអំណរគុណ និងកោតសរសើរដ៏ជ្រាលជ្រៅចំពោះថ្នាក់ដឹកនាំ ក្រុមគ្រូពេទ្យ និងបុគ្គលិកទាំងអស់នៃមន្ទីរពេទ្យកុមារអង្គរ ដែលបានខិតខំលះបង់កម្លាំងកាយ-ចិត្ត ជួយសង្រ្គោះព្យាបាល ផ្តល់ក្តីអាណិតស្រឡាញ់ ភាពកក់ក្តៅ និងក្តីសង្ឃឹមដល់កុមារ ក៏ដូចជាក្រុមគ្រួសារអាណាព្យាបាលទាំងអស់ប្រកបដោយស្នាមញញឹម និងចេញពីបេះដូង។ជាមួយគ្នានេះ លោកជំទាវអគ្គលេខាធិការរងទី១ បានគូសបញ្ជាក់ពីតួនាទីរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឋានៈជាប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ សម្តេចកិត្តិព្រឹទ្ធបណ្ឌិត តែងតែគិតគូរ យកចិត្តទុកដាក់បំផុតលើការលើកកម្ពស់សុខុមាលភាពរបស់ប្រជាពលរដ្ឋងាយរងគ្រោះបំផុត ដែលក្នុងនោះការរួមចំណែកជួយព្យាបាលកុមារកម្ពុជា រាប់ម៉ឺននាក់ តាមរយៈការឧបត្ថម្ភដល់មន្ទីរពេទ្យកុមារអង្គរ និងមន្ទីរពេទ្យកុមារគន្ធបុប្ផា ជារៀងរាល់ឆ្នាំ។ ទន្ទឹមនឹងនេះ កាកបាទក្រហមកម្ពុជា ក៏បាននិងកំពុងចូលរួមយ៉ាងសកម្មក្នុងការទប់ស្កាត់ជំងឺមិនឆ្លងចម្បងធំៗចំនួន៤រួមមាន ជំងឺមហារីក ជំងឺរលាកផ្លូវដង្ហើមរ៉ាំរ៉ៃ ជំងឺទឹកនោមផ្អែម និងជំងឺសរសៃឈាមបេះដូង ដែលជំងឺទាំងអស់នេះបណ្តាលមកពីការបរិភោគអាហារប្រចាំថ្ងៃ ផ្អែមពេក ប្រៃពេក ខ្លាញ់ពេក ការជក់បារី ឬផឹកគ្រឿងស្រវឹងជាដើម។ លោកជំទាវ ក៏បានគូសបញ្ជាក់ពី ការសកម្មភាពអប់រំផ្សព្វផ្សាយរបស់កាកបាទក្រហមកម្ពុជា ជូនដល់ប្រជាជន ជាពិសេសក្នុងជួរយុវជន ឱ្យមានការយល់ដឹងរួមចំណែកធ្វើឱ្យសហគមន៍មានសុខភាពល្អ និងមានភាពធន់នឹងអាកាសធាតុផងដែរ។លោកជំទាវ សង្ឃឹមជឿជាក់ថា កម្លាំងមន្ទីរពេទ្យគឺជាផ្នែកមួយនៃការជួយសង្គ្រោះប្រជាជន ហើយប្រជាជនក៏ជាកម្លាំងចលករដ៏សំខាន់ក្នុងការលើកកម្ពស់ការយល់ដឹងពីបញ្ហាសុខភាពនេះដែរ ដើម្បីឱ្យកុមារកម្ពុជាមានសុខភាពល្អ ចាប់តាំងពីពេលចាប់កំណើតជាទារកក្នុងផ្ទៃ រហូតដល់កើតមកជាកុមារ ជាយុវជន ទៅជាធនធានមនុស្សរបស់សង្គមជាតិ ដែលប្រកបដោយសុខភាពល្អមាំមួន និងមានសមត្ថភាពខ្ពស់។សូមបញ្ជាក់ថា អំណោយដែលកាកបាទក្រហមកម្ពុជា បានផ្តល់ជូនមន្ទីរពេទ្យកុមារអង្គរ រួមមាន ៖ ថវិកា ៥ម៉ឺនដុល្លារ, អង្ករ ២តោន, អង្ករសុខភាព ២០កេស, មី ២០កេស, ត្រីខ ៤០០កំប៉ុង, ឃីត (មុង ភួយ សារុង ក្រមា) ចំនួន ២០ឃីត។ ដោយឡែក សាខាកាកបាទក្រហមកម្ពុជា ខេត្តសៀមរាប ក៏បានឧបត្ថម្ភថវិកាចំនួន ៥លានរៀល ផងដែរ។ ដោយឡែក ឧបត្ថម្ភជូនគ្រួសារកុមារកំពុងសម្រាកព្យាបាលនៅក្នុងមន្ទីរពេទ្យចំនួន ២០០នាក់ ក្នុងម្នាក់ៗទទួលបាន ឃីត ១កញ្ចប់, ត្រីខ ១យួរ, ទឹកដោះគោប្រអប់ ៦ប្រអប់, ស្ករសរ ១គីឡូក្រាម និងថវិកា ៥ម៉ឺនរៀល៕

បណ្ដាញសង្គម

ព័ត៌មានថ្មីៗ

អ្នកជំនាញ UN ជំរុញឲ្យក្រុមតាលីបង់ដោះលែងប្តីប្រពន្ធសញ្ជាតិអង់គ្លេសវ័យចំណាស់ជាប់ឃុំនៅអាហ្វហ្គានីស្ថាន

អ៊ីរ៉ង់បន្ទោសអឺរ៉ុបថា បានធ្វើឲ្យដួលរលំនៃកិច្ចព្រមព្រៀងនុយក្លេអ៊ែរ មុនការចរចាថ្មី

ទាហានប៉ារ៉ាប៉ាគីស្ថាន ៨នាក់ និងសមាជិកក្រុមប្រយុទ្ធ ៤នាក់ ត្រូវបានសម្លាប់ អំឡុងការប៉ះទង្គិចគ្នា នៅភាគពាយព្យ

វិមានក្រឹមឡាំងមិនច្រានចោលពីលទ្ធភាពមានកិច្ចប្រជុំ Putin-Trump នៅទីក្រុងប៉េកាំង ក្នុងខែកញ្ញា

វិមានក្រឹមឡាំងទទួលស្គាល់ភាពតានតឹងក្នុងទំនាក់ទំនងជាមួយអាស៊ែបៃហ្សង់ តែសង្ឃឹមថា នឹងប្រសើរឡើងវិញ

អភិបាលខេត្តប៉ៃលិនពិនិត្យទីតាំងសាងសង់ខ្លោងទ្វារនៅច្រកទ្វារព្រំដែនអន្តរជាតិព្រំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានជាតិ

នាយឧត្ដមសេនីយ៍ ហ៊ីង ប៊ុនហៀង ថ្លែងអំណរគុណសប្បុរជនចូលរួមលើកចិត្តកងទ័ពដោយផ្ទាល់

អាជ្ញាធរអំពាវនាវពលរដ្ឋចូលរួមថែរក្សាបរិស្ថាន ខណៈសំរាមថង់ប្លាស្ទិកនៅតែបន្តមានលើឆ្នេរកោះស្តេច

ស្មារតីជាតិនិយម សម្ព័ន្ធភាពបក្សនយោបាយចំនួន ២៦ បក្សនាំអំណោយជូនកងទ័ពជួរមុខនៅតំបន់មុំ៣

សម្តេចមហាមន្ត្រី គុយ សុផល នាំអំណោយជូនពលរដ្ឋចាស់ជរា ១០០ គ្រួសារនៅឃុំពេជ្រចង្វា ស្រុកបរិបូណ៌

សកម្មជនគណបក្សផ្សេងៗ ៥៩នាក់ ស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានជាតិ

នាយឧត្ដមសេនីយ៍ ហ៊ីង ប៊ុនហៀង ថ្លែងអំណរគុណសប្បុរជនចូលរួមលើកចិត្តកងទ័ព​ដោយផ្ទាល់

អាជ្ញាធរអំពាវនាវពលរដ្ឋចូលរួមថែរក្សាបរិស្ថាន ខណៈសំរាមថង់ប្លាស្ទិកនៅតែបន្តមានលើឆ្នេរកោះស្តេច

ស្មារតីជាតិនិយម សម្ព័ន្ធភាពបក្សនយោបាយចំនួន ២៦ បក្សនាំអំណោយ​ជូនកងទ័ព​ជួរមុខនៅតំបន់មុំ៣

សម្តេចមហាមន្ត្រី គុយ សុផល នាំអំណោយជូនពលរដ្ឋចាស់ជរា ១០០ គ្រួសារនៅឃុំពេជ្រចង្វា ស្រុកបរិបូណ៌

សកម្មជនគណបក្សផ្សេងៗ ៥៩នាក់ ស្ម័គ្រចិត្តចូលរួមជីវភាពនយោបាយ​ជាមួយ​គណបក្ស​ប្រជាជន​កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយឧត្ដមសេនីយ៍ ហ៊ីង ប៊ុនហៀង ថ្លែងអំណរគុណសប្បុរជនចូលរួមលើកចិត្តកងទ័ពដោយផ្ទាល់

ស្មារតីជាតិនិយម សម្ព័ន្ធភាពបក្សនយោបាយចំនួន ២៦ បក្សនាំអំណោយជូនកងទ័ពជួរមុខនៅតំបន់មុំ៣

សកម្មជនគណបក្សផ្សេងៗ ៥៩នាក់ ស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជា