BTV NEWS

ស្ថានទូត និងរដ្ឋាភិបាលម៉ាឡេស៊ីប្រកាសគាំទ្រ និងសហការជាមួយកម្ពុជា ប្រយុទ្ធប្រឆាំងការឆបោកតាមបច្ចេកវិទ្យា

ឯកឧត្តម ហេង រតនា៖ មកដល់ពេលនេះកម្ពុជាបានបោសសម្អាត និងកម្ទេចចោលគ្រាប់មីន និងគ្រាប់យុទ្ធភណ្ឌមិនទាន់ផ្ទុះបានជាង ៤លាន៤៦ម៉ឺនគ្រាប់

កម្ពុជា ធ្វើជាម្ចាស់ផ្ទះកិច្ចប្រជុំប្រកំពូលប្រព័ន្ធផ្សព្វផ្សាយអាស៊ីលើកទី២០ និងកិច្ចប្រជុំពាក់ព័ន្ធនៅខេត្ដសៀមរាប

ជប៉ុនស្វែងយល់ពីទិដ្ឋភាពទូទៅនៃគោលនយោបាយរបស់កម្ពុជា លើការអភិវឌ្ឍសង្គម-សេដ្ឋកិច្ច

ព័ត៌មានជាតិ

ធុរជនជាតិនិងអន្តរជាតិល្បីៗ ចែករំលែកអំពីភាពជោគ័យដល់សហគ្រិនក្នុងស្រុក

ភ្នំពេញ ៖ ធុរជនជាតិនិងអន្តរជាតិល្បីៗ បានចែករំលែកនូវបទពិសោធន៍ និងបង្ហាញគន្លឹះអំពីភាពជោគជ័យលើវិស័យការងារ អាជីវកម្ម និង ពាណិជ្ជកម្ម ដល់សហគ្រិនក្នុងស្រុក ដើម្បីជាពុទ្ធិសម្រាប់យកទៅគ្រប់គ្រង ការពង្រឹងនិងពង្រីកអាជីវកម្ម និងការធ្វើពាណិជ្ជកម្មឱ្យ កាន់តែរីកម្រើន។ លោកស្រី អាង សុគន្ធារី ជាធុរជនដ៏ល្បីមួយលើបច្ចេកវិទ្យាឌីជីថលនៅក្នុងស្រុក លើកឡើងនៅក្នុងជំនួបសហគ្រិន និងការផ្គូ ផ្គងអាជីវកម្មសហគ្រាសធុនតូច និងមធ្យមនៅកម្ពុជា ក្រោមប្រធានបទ៖ ភាពជាសហគ្រិន ភាពជាអ្នកដឹកនាំ បញ្ហាប្រឈម និង ឱកាសអាជីវកម្ម២០២៥ នេះថា នៅក្នុងភាវូបនីយកម្មរីកចម្រើន ឃើញថា សម្ភារៈបច្ចេកវិទ្យាថ្មីៗបានកើតឡើងជាហូរហែរ សម្រាប់ ផ្គត់ផ្គង់តម្រូវការក្នុងការប្រើប្រាស់ និងការធ្វើអាជីវកម្មជាដើម ស្របពេលនេះដែរ បច្ចេកវិទ្យាឌីជីថល បាននិងកំពុងវិវត្តន៍ខ្លួនយ៉ាង ឆាប់រហ័សផងដែរ នៅលើនវានុវត្តន៍ថ្មីៗ ឆ្លើយតបតាមសេចក្តីត្រូវការរបស់មនុស្ស។លោកស្រី បន្តថា ជាក់ស្តែងបច្ចេកវិទ្យាឌីជីថលបានកំពុងដើរទៅមុខយ៉ាងលឿន បច្ចុប្បន្នបានកំពុងវិវត្តន៍ទៅរកការប្រើប្រាស់ បញ្ញាសិប្បនិម្មិត (AI), ដែល AI នេះ អាចជាជំនួយស្មារតីដ៏សំខាន់មួយ ជាពិសេសសម្រាប់សហគ្រិនដែលកំពុងប្រកប អាជីវកម្ម អាចស្វែងរកដំណោះស្រាយផ្សេងៗ។ ក្រៅពីនេះសហគ្រិនក៏ត្រូវពង្រីកចំណេះដឹងលើផ្នែកភាសាបន្ថែមផងដែរ ដើម្បីជា មូលដ្ឋានគ្រឹះស្វែងយល់ពីព្រឹត្តិការណ៍ថ្មីៗនៅលើពិភពលោក និងឯកសារ ឬរបាយការណ៍ពាក់ព័ន្ធនានា ដើម្បីជាពុទ្ធិសម្រាប់គ្រប់គ្រង ការពង្រឹង និងពង្រីកអាជីវកម្ម និងការធ្វើពាណិជ្ជកម្មឱ្យកាន់តែរីកម្រើន។ ក្នុងជំនួបសហគ្រិននេះដែរ, លោកបណ្ឌិត Soe Hein ស្ថាបនិក និងជាសាកលវិទ្យាធិការនៃ IMU University Edtech ប្រទេសភូមា បានធ្វើការចែករំលែកនូវចំណេះដឹង និងជំនាញមួយចំនួនដល់សហគ្រិនក្នុងស្រុកផងដែរដូចជា ចំណេះដឹងទូទៅ និង វិស័យបច្ចេកវិទ្យាជាដើម ។ លោកបណ្ឌិត លើកឡើងបន្ថែម ជុំវិញវិស័យបច្ចេកវិទ្យាឌីថលនេះ ពិភពលោកទាំងមូល ជាពិសេសប្រទេស ភូមា ក៏ដូចកម្ពុជា ក្នុងនោះសម្រាប់កម្មវវិធីការសិក្សា បានកំពុងបង្កើតផែនការសកម្មភាពបង្រៀនដល់សិស្ស និស្សិត លើ ភាវូបនីកម្មរីក ចម្រើនផ្នែកបច្ចេកវិទ្យានេះ និងប្រទេសនីមួយៗក៏បានបង្កើតនូវកម្មវិធីជាច្រើន ទាំងការចងក្រងជាសៀវភៅ ការដាក់ចូលទៅកាន់ផេក វេបសាយ ឬឆានែលផ្សេងៗដូចជា នៅក្នុង Youtube ឬ Google ជាដើម ដែលសុទ្ធសឹងជាមូលដ្ឋានសម្រាប់អ្នកសិក្សាស្រាវជ្រាវ ជាពិសេសសហគ្រិន អាចស្វែងរកកម្មវិធីដែលជាតម្រូវការ វាអាចក្លាយជាផ្លូវដ៏សំខាន់នាំឱ្យយើងបានជោគជ័យ។ឯកឧត្តម សួន ម៉ិ ប្រធានសមាគមសហគ្រិនវីម៉ូនៅកម្ពុជា លើកឡើងថា ជុំវិញការធ្វើធុរកិច្ចនៅកម្ពុជានេះ សមាគមបានយក ចិត្តទុកដាក់យ៉ាងខ្លាំង តាមរយៈការបណ្តុះបណ្តាលជំនាញ ការស្វែងរកទីផ្សារ និងការចាប់ដៃគូរអាជីវកម្ម ដោយមានគោលដៅសំខាន់ គឺជំរុញដល់កិច្ចដំណើរការអាជីវកម្មរបស់ពួកគាត់ ក្នុងនោះប្រសិនអាជីវកម្មដំណើរការប្រកបដោយជោគជ័យ វាមិនត្រឹមជួយបង្កើត ប្រាក់ចំណូលដល់ពួកគាត់ប៉ុណ្ណោះទេ គឺថែមទាំងបង្កើតការងារជូនប្រជាពលរដ្ឋ និងការចូលរួមក្នុងសេដ្ឋកិច្ចជាតិផងដែរ ជាក់ស្តែង ការរៀបចំជំនួបសហគ្រិននៅពេលនេះ សមាគមបានអញ្ជើញធុរជនល្បីៗជាតិ និងអន្តរជាតិ ដើម្បីធ្វើការចែករំលែកចំណេះដឹង និងបទ ពិសោធន៍ល្អៗមួយចំនួនជូនដល់សហគ្រិន សម្រាប់ជាមូលដ្ឋានបន្ថែមក្នុងការគ្រប់គ្រង ពង្រីងនិងពង្រីកអាជីវកម្ម-ពាណិជ្ជកម្ម៕ អត្ថបទ៖ សុន រ៉ាឌី

សម្តេចមហារដ្ឋសភា ឃួន សុដារី អញ្ជើញប្រកាសទទួលស្គាល់សមាសភាពក្រុមការងារចលនាស្ត្រីរបស់បក្សប្រជាជន នៅស្រុកកៀនស្វាយ

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានិងជាប្រធានក្រុមការងារចលនាស្ត្រី នៃក្រុមការងារគណបក្សប្រជាជនកម្ពុជា ចុះមូលដា្ឋនខេត្តកណ្តាល នៅព្រឹកថ្ងៃទី០៧ខែមិថុនានេះ បានអញ្ជើញជាអធិបតីក្នុងពិធីសំណេះសំណាល និងប្រកាសទទួលស្គាល់សមាសភាពក្រុមការងារចលនាស្ត្រីជាងបីរយនាក់ នៃក្រុមការងារគណបក្សចុះមូលដា្ឋន ស្រុកកៀនស្វាយ ខេត្តកណ្តាល។ពិធីនេះរៀបចំធ្វើឡើងនៅទីស្នាក់ការគណបក្សប្រជាជនកម្ពុជា ស្ថិតនៅស្រុកកៀនស្វាយ ខេត្តកណ្ដាល ដោយមានសមាជិក សមាជិការ គណបក្សប្រជាជនកម្ពុជា ចូលរួមចំនួនជាង៣០០នាក់។នៅក្នុងអង្គពិធី សម្តេចមហារដ្ឋសភាធិការធិបតី ឃួន សុដារី បានថ្លែងថា កម្មវិធីនាព្រឹកនេះ មានគោលបំណងក្នុងការផ្សព្វផ្សាយសេចក្ដីសម្រេចទទួលស្គាល់សមាសភាពក្រុមការងារ តួនាទី និងភារកិច្ចរបស់ក្រុមការងារចលនាស្ត្រីនៃក្រុមការងារគណបក្សចុះមូលដ្ឋានស្រុកកៀនស្វាយ ហើយការចូលរួមនៅក្នុងឱកាសនេះ ក៏ជាការគាំទ្រចំពោះបងប្អូនក្រុមការងារចលនាស្ត្រី ដើម្បីធ្វើយ៉ាងណារួមគ្នាសម្រេចភារកិច្ចការងាររបស់គណបក្សដែលបានប្រគល់ជូន។ លើសពីនេះ សម្តេចមហារដ្ឋសភាធិការធិបតី បានផ្តល់អនុសាសន៍សំខាន់ៗមួយចំនួនដល់ក្រុមការងារចលនាស្ត្រីនៃក្រុមការងារគណបក្សចុះមូលដ្ឋានស្រុកស្រុកកៀនស្វាយ ក្នុងនោះមានដូចជា៖ ពង្រឹងអង្គការចាត់តាំងមូលដ្ឋានទាំងនយោបាយ សតិអារម្មណ៍ និងចាត់តាំង។ចូលរួមឧបត្ថម្ភគាំទ្រជាថវិកា ដើម្បីឱ្យគណបក្សមូលដ្ឋានមានលទ្ធភាពធ្វើ សកម្មភាពក្នុងបុព្វហេតុគណបក្ស និងធ្វើសកម្មភាពដណ្ដើមយកជ័យជម្នះរាល់ការបោះឆ្នោតជាដើម។សម្រាប់ក្រុមការងារចលនាស្រ្តីរបស់គណបក្សប្រជាជនកម្ពុជានៅស្រុកកៀនស្វាយ បានប្តេជ្ញាខិតខំបំពេញការងារឱ្យបានល្អដើម្បីផលប្រយោជន៍បក្ស និងចូលរួមលើកកម្ពស់សមត្ថភាពស្រ្តីនៅមូលដ្ឋានឱ្យកាន់តែពូកែ។គិតត្រឹមខែឧសភា ឆ្នាំ២០២៥ ស្រុកកៀនស្វាយ មានសមាជិកគណបក្សប្រជាជនកម្ពុជាសរុបចំនួនជាង៦ម៉ឺន៧ពាន់នាក់ ក្នុងនោះស្រីចំនួនជាង៣ម៉ឺន៦ពាន់នាក់ ស្មើនឹង៥៤,៦៥%។គួររម្លឹកដែរថា ក្នុងរយៈពេល ៧៤ឆ្នាំ កន្លងមកនេះគណបក្សប្រជាជនកម្ពុជា គឺជាកម្លាំងនយោបាយ តែមួយគត់ដែលបានស្ថិតនៅរួមរស់ផ្សារភ្ជាប់ជាមួយប្រជាជន បើទោះបីជាសភាពការណ៍ ជាតិមានការវិវត្តដ៏ស្មុគស្មាញយ៉ាងណាក្តី។ គណបក្សបានរក្សាខ្ជាប់ឥតប្រែប្រួលនូវ គោលបំណង និងឧត្តមគតិរបស់ខ្លួន គឺប្រមូលកម្លាំងប្រជាជាតិទាំងមូលដែលមានឧត្តម គតិស្នេហាជាតិ មាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ ឋានៈ ជីវភាព ជនជាតិ ជំនឿ សាសនា អតីតកាល ដើម្បីរួមកម្លាំងគ្នារំដោះប្រទេសជាតិ ការពារមាតុភូមិ ការពារសមិទ្ធផលនៃសង្គមជាតិ និងកសាងប្រទេសកម្ពុជាជាមួយ ឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម៕ អត្ថបទ៖ទូច សោភ័ណ

សម្តេចធិបតី បញ្ជាក់អំពីសិទ្ធិ និងសេរីភាពរបស់ជនជាតិដើមភាគតិចត្រូវបានគោរព និងការពារ

សម្តេចធិតីមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានមានប្រសាសន៍ថា បើទោះ បីខេត្តរតនគិរី មានការអភិវឌ្ឍរីកចម្រើនយ៉ាងច្រើន ប៉ុន្តែសិទ្ធិសេរីភាព របស់ជនជាតិដើមភាគតិច នៅតែ ត្រូវបានគោរព និងការពារ។ក្នុងឱកាសអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារសិក្សា អគារទីចាត់ ការ និងអគារសយនដ្ឋាន និងអគារពិសោធន៍ និងសមិទ្ធផលនានា នៅក្នុងវិស័យអប់រំនៅខេត្តរតនគិរី នាព្រឹកថ្ងៃទី៧ ខែមិថុនា នេះ សម្តេចធិបតី បានមានប្រសាសន៍ថា អ្នកខេត្តរតនគិរី មណ្ឌលគិរី នៅភូមិភាគ ឦសាន យល់ច្បាស់នូវការលំបាករបស់អ្នកខេត្តដាច់ស្រយាលទាំងនេះ ពីអតីតកាល ប៉ុន្តែតាំងពី ឆ្នាំ២០០៤ ដែលបានដាក់កិច្ចសហប្រតិបត្តិការជាមួយប្រទេសជិតខាងCLV បានទទួលសមិទ្ធផលរីក ចម្រើនជាច្រើន ហើយបន្តមកដល់ពេលនេះ គឺមានការអភិវឌ្ឍយ៉ាងច្រើនក្រោមការខិតខំ របស់រាជរដ្ឋាភិ បាលក្តី ប៉ុន្តែសិទ្ធិ និងសេរីភាពរបស់ជនជាតិដើមភាគតិចនៅតែត្រូវបានគោរព និងការពារ។សូមបញ្ជាក់ថា បច្ចុប្បន្ននេះ នៅបណ្តាខេត្តនៃភូមិភាគឥសាន មិនថាចំពោះតែប្រជាពលរដ្ឋខ្មែរ ឬបងប្អូនជនជាតិភាគតិចទេ តាមរយៈសមិទ្ធផលរីកចម្រើនស្ទើគ្រប់វិស័យ ជាពិសេសហេដ្ឋារចនាសម្ព័ន្ធ បានធ្វើឱ្យពួកគេមានជីវភាពរីកចម្រើនកាន់តែប្រសើរ ដែលពិបាកនឹងកំណត់សម្គាល់ថា តើអ្នកណាជាជន ជាតិភាគតិចទៀតផង ៕ អត្ថបទ៖ មុត សុទ្ធ

សម្តេចធិបតី បញ្ជាក់អំពីការខិតខំពង្រីកការអភិវឌ្ឍនៅតាមបណ្តោយព្រំដែន ជាយុទ្ធសាស្រ្តការពារបូរណភាពទឹកដី

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅតែមានជំនឿជាក់ថា ការអភិវឌ្ឍនៅតាមបណ្តោយព្រំដែន គឺជាកិច្ចការការពារនូវបូរណភាពទឹកដី សម្រាប់រយៈ ពេលវែង ដូច្នេះហើយ បានជារាជរដ្ឋាភិបាលតែងតែខិតខំកសាងនូវហេដ្ឋារចនាសម្ព័ន្ធជាច្រើន ជាពិសេសផ្លូវថ្នល់នៅ តាមបណ្តោយព្រំដែនជាមួយប្រទេសជិតខាង។ក្នុងពេលអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវ អគារសិក្សា អគារទីចាត់ការ និងអគារសយនដ្ឋាន និងអគារពិសោធន៍ និងសមិទ្ធផលនានា នៅក្នុងវិស័យអប់រំនៅខេត្តរតនគិរី នាព្រឹកថ្ងៃទី៧មិថុនានេះ សម្តេចធិបតី បានមានប្រសាសន៍ថា សម្រាប់ប្រជាពលរដ្ឋនៅខេត្តរតនគិរី មានប្រវត្តិជួបការលំបាកច្រើនណាស់ ពីអតីតកាលដោយសារសង្គ្រាម ប៉ុន្តែឥឡូវនេះ ខេត្តរតនគិរី បានទទួលនូវការអភិវឌ្ឍរីកចម្រើនយ៉ាងច្រើនស្ទើគ្រប់វិស័យ ជាពិសសការតភ្ជាប់ហេដ្ឋារចនាសម្ព័ន្ធនៅតាមបណ្តោយព្រំដែនដែលជាយុទ្ធសាស្រ្តការពារបូរណភាពទឹកដី ។ទោះជាយ៉ាងណាសម្តេចធិបតី បានអះអាងថា ក្រោយពីរាជរដ្ឋាភិបាលកម្ពុជា បានដកខ្លួនចេញពី CLV កន្លងទៅនេះ ដែលទាញបានសមិទ្ធផលជាច្រើនរួចទៅហើយក្រោមការជួយគាំទ្រពីដៃគូរសហប្រតិបត្តិការ ដូចជាជប៉ុន និងធនាគារពិភពលោក និងអង្គការនានាជាដើមនោះ ប៉ុន្តែឥឡូវនេះ រាជរដ្ឋាភិបាលក៏មានសមត្ថភាពក្នុងការអភិវឌ្ឍបន្តទៀត ជាពិសេសហេដ្ឋារចនាសម្ព័ន្ធ តាមបណ្តោយព្រំដែនដែលជាយុទ្ធសាស្ត្រដ៏សំខាន់ ក្នុងការការពារបូរណភាពទឹកដី៕អត្ថបទ មុត សុទ្ធ

សម្ដេចធិបតី អំពាវនាវដល់ជនរួមជាតិកុំពង្រីកសភាពការណ៍ជម្លោះព្រំដែន ទៅដល់ជម្លោះជាតិសាសន៍

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានអំពាវនាវដល់ជនរួមជាតិទាំងអស់ សូមរក្សាភាពស្ងៀមស្ងាត់ កុំយកបញ្ហាវិវាទព្រំដែនកម្ពុជា-ថៃ រុញច្រានឱ្យក្លាយទៅជាជម្លោះជាតិសាសន៍អី និង បានអំពាវនាវឱ្យនាំគ្នាយកពេលវេលាគាំទ្រ ឧបត្ថម្ភកងទ័ព នៅតាមបណ្ដោយព្រំដែនវិញ។ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវសមិទ្ធផលទាំងឡាយក្នុងវិស័យអប់រំ នៅក្នុង ខេត្តរតនគិរី ដែលជាមរតករបស់សម្ដេចតេជោ ហ៊ុន សែន នាព្រឹកថ្ងៃទី៧ ខែមិថុនា នេះ បានអំពាវនាវដល់ប្រជាពលរដ្ឋទាំង ក្នុង និងក្រៅប្រទេស កុំយកបញ្ហាជម្លោះព្រំដែនទៅពង្រីកសភាពការណ៍នាំឱ្យមានការរើសអើង រវាងជនជាតិ មួយ ជាមួយជនជាតិមួយ នាំរុញច្រានសភាពការណ៍ឲ្យរាលដាលមានជម្លោះទូទាំងប្រទេសទាំងពីរ ត្រូវរួមសហប្រតិបត្តិការបង្កទំនាក់ទំនងអភិវឌ្ឍន៍តាមព្រំដែនឱ្យបានល្អជាមួយប្រទេសជិតខាង។សម្ដេចធិបតី បានថ្លែងអំណរគុណយ៉ាងជ្រាលជ្រៅចំពោះបងប្អូនក្នុង និងក្រៅប្រទេសសប្បុរជនដែលបានចូលរួមផ្ដល់ជាសម្ភារៈស្បៀងអាហារដល់កងទ័ពនៅជួរមុខ ដើម្បីការពារបូរណភាពទឹកដី នេះជាការលើកទឹកចិត្តមួយយ៉ាងសំខាន់ដល់កងទ័ពរបស់យើង៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចាត់មន្រ្តី ចូលរួមរំលែកទុក្ខតារាកំប្លែង លោក ជុន ឆាង

នាព្រឹកថ្ងៃទី៧ ខែមិថុនា ឆ្នាំ២០២៥ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់លោកវេជ្ជ. អ៊ុយ សំអុន នាយក នាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា និងសហការី និងមានការចូលរួមពីអនុសាខាខណ្ឌព្រែកព្នៅ ចូលរួមរំលែកទុក្ខដ៏ក្រៀមក្រំបំផុតជាមួយគ្រួសារសពតារាកំប្លែង លោក ជុន ឆាង (ហៅនាយឆាង) ដែលបានទទួលមរណៈភាព កាលពីថ្ងៃទី៦ ខែមិថុនា ឆ្នាំ២០២៥ ក្នុងជន្មាយុ ២៥ឆ្នាំ ដោយរោគាពាធ។ ពិធីនេះរៀបចំឡើង ក្នុងសហគមន៍អណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ។ក្នុងវេលាដ៏សែនក្ដុកក្ដួលបំផុតនេះ លោកវេជ្ជ. អ៊ុយ សំអុន បាននាំប្រសាសន៍ចូលរំលែកទុក្ខរបស់សម្តេចកិត្តិព្រឹទ្ធបណ្ឌិតប្រធានជូនគ្រួសារសពនាយឆាង ហើយចំពោះមរណភាពរបស់នាយឆាង គឺជាការបាត់បង កូនប្រុសជាទីស្រឡាញ់ ដែលមានព្រហ្មវិហារធម៌គុណធម៌ដ៏ប្រពៃថ្លៃថ្លា ក្នុងក្រុមគ្រួសារ។ ការលាចាកក្នុងលោកនេះរបស់នាយឆាង គឺជាការបាត់បង់នូវតារាកំប្លែងមួយរូប ដែលធ្លាប់បានផ្តល់ស្នាមញញឹមជូនបងប្អូនកម្សាន្តសប្បាយផងដែរ។កាកបាទក្រហមកម្ពុជា សូមឧទ្ទិសបួងសួងដល់ដួងវិញ្ញាណក្ខន្ធ លោក ជុន ឆាង ហៅនាយឆាង សូមបានទៅកាន់សុគតិភព កុំបីឃ្លៀងឃ្លាតឡើយ៕ អត្ថបទ៖ សំ ងីម

ឧត្ដមសេនីយ៍ឯក ហួត ឈាងអន បន្តដឹកនាំគណៈប្រតិភូ បំពេញទស្សនកិច្ចការងារនៅទីបញ្ជាការកងពលធំទី៥ ខេត្តតាយនិញ ប្រទេសវៀតណាម

ឧត្ដមសេនីយ៍ឯក ហួត ឈាងអន នាយរងសេនាធិការចម្រុះ នាយកទីចាត់ការចលនូប្បត្ថម្ភ អគ្គបញ្ជាការដ្ឋាន នៅរសៀលថ្ងៃទី៦ ខែមិថុនានេះ បានបន្តដឹកនាំគណៈប្រតិភូទីចាត់ការចលនូប្បត្ថម្ភ អគ្គបញ្ជាការដ្ឋាន បំពេញទស្សនកិច្ចការងារនៅទីបញ្ជាការកងពលធំទី៥ ចំណុះយោធភូមិភាគទី៧ ស្ថិតក្នុងខេត្តតាយនិញ ប្រទេសវៀតណាម បន្ទាប់ពីបានជួបសម្ដែងការគួរសម និងពិភាក្សាការងារជាមួយ ឧត្ដមសេនីយ៍ត្រី ជិន ង៉ុក មិញ មេបញ្ជាការរងយោធភូមិភាគទី៧ នៃកងទ័ពប្រជាជនវៀតណាម កាលពីថ្ងៃទី៤ ខែមិថុនា ឆ្នាំ២០២៥កន្លងទៅនេះ។ យោងតាមការបញ្ជាក់របស់ប្រធានគណៈប្រតិភូ ឧត្ដមសេនីយ៍ឯក ហួត ឈាងអន “ក្នុងដំណើរទស្សនកិច្ចនៅទីបញ្ជាការកងពលធំទី៥ ចំណុះយោធភូមិភាគទី៧ គណៈប្រតិភូបានស្ដាប់ការធ្វើបទបង្ហាញចែករំលែកបទពិសោធន៍អំពីការចិញ្ចឹមទ័ព, ការងារដាំដុះ បង្កបង្កើនផល, ការងារចិញ្ចឹមសត្វ ចិញ្ចឹមត្រី ការធ្វើកសិកម្មបែបទំនើប និងសិប្បកម្មកែច្នៃសាច់កំប៉ុង”។ គួរបញ្ជាក់ថា ដំណើរបំពេញទស្សនកិច្ចការងារនៅប្រទេសវៀតណាម របស់គណៈប្រតិភូទីចាត់ការចលនូប្បត្ថម្ភ អគ្គបញ្ជាការដ្ឋាន មានរយៈពេល៣ថ្ងៃ គឺចាប់ផ្ដើមនៅថ្ងៃទី៤ មិថុនា និងបញ្ចប់នៅថ្ងៃទី៦ ខែមិថុនា ឆ្នាំ២០២៥៕

កម្ពុជាប្រកាសជំហរយ៉ាងម៉ឺងម៉ាត់ ដោយយកតំបន់ជម្លោះជាមួយថៃ ទៅកាន់តុលាការ ICJ ឲ្យខាងតែបាន

ខេត្តរតនគិរី៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសយ៉ាងម៉ឺងម៉ាត់ថា ចំពោះបញ្ហាតំបន់ប្រាសាទតាមាន់តូច ប្រាសាទតាមាន់ធំ ប្រាសាទតាក្របី និងតំបន់មុំបី នឹងបញ្ជូនទៅកាន់តុលាការយុត្តិធម៌អន្តរជាតិ ICJឲ្យខាងតែបាននាពេលឆាប់ៗ ខាងមុខនេះ ហើយតុលាការ ICJ កាត់យ៉ាងម៉េចកម្ពុជាទទួលស្គាល់ និងទទួលយកជានិច្ច ដើម្បីបញ្ចប់ភាពស្រពិចស្រពិលជាមួយប្រទេសថៃ។ក្នុងឱកាសអញ្ជើញជាអធិបតីភាពសម្ពោធអគារសិក្សា អគារទីចាត់ការ អគារសយនដ្ឋាន និងអគារ ពិសោធន៍ និងសមិទ្ធផលនានា នៅខេត្តរតនគិរី នាថ្ងៃទី៧ ខែមិថុនា ឆ្នាំ២០២៥នេះសម្តេចធិបតី ហ៊ុន ម៉ាណែត បានបន្តអំពាវនាវឱ្យពលរដ្ឋរក្សាភាពស្ងៀមស្ងាត់ជុំវិញបញ្ហាព្រំដែនកម្ពុជា និងថៃដោយធ្វើយ៉ាងណាបញ្ចៀសជម្លោះជាតិសាសន៍ ហើយត្រូវជឿជាក់លើរដ្ឋាភិបាល ដើម្បីស្វែងរកដំណោះស្រាយបញ្ហាព្រំដែននៅតំបន់ជម្លោះដោយសន្តិវិធី គ្រប់យន្តការទាំងអស់ដែលមានស្រាប់ ខណៈរាជរដ្ឋាភិបាលបានយកសំណុំរឿង តំបន់ទាំងបួនខាងលើនេះទៅកាន់តុលាការឡាអេហើយនោះ។ សម្តេចធិបតី បានបន្ថែមថា រឿង បញ្ហាជម្លោះព្រំដែនរវាងកម្ពុជា និងថៃ ជាពិសេសតំបន់ប្រាសាទតាមាន់តូច តាមាន់ធំ តាក្របី និងតំបន់មុំបី ទុកឲ្យរាជរដ្ឋាភិបាល និងកងទ័ពជាអ្នកដោះស្រាយ ហើយសូមបងប្អូនប្រជាពលរដ្ឋទំាងអស់កុំមានការព្រួយបារម្ភ។ទាក់ទងនឹងបញ្ហាព្រំដែនរវាងកម្ពុជា និងថៃនេះដែរសម្តេចធិបតី ហ៊ុន ម៉ាណែត ក៏បានប្រាប់នាយករដ្ឋមន្ត្រីម៉ាឡេស៊ី ដែលជាប្រធានប្ដូរវេនអាស៊ានតាមរយៈកិច្ចសន្ទនាតាមទូរស័ព្ទកាលពីម្សិលមិញផងដែរថា កម្ពុជាប្រកាសជំហរប្រកាន់ខ្ជាប់នូវគោលជំហររក្សាសន្តិភាព មិត្តភាព និងកិច្ចសហប្រតិបត្តិការល្អជាមួយថៃ ប៉ុន្តែតំបន់ប្រាសាទតាមាន់តូច តាមាន់ធំ តាក្របី និងតំបន់ មុំបីទៅកាន់តុលាការឡាអេ ដោយលែងធ្វើ ការចរចាទ្វេភាគីទៀតហើយ ដើម្បីបញ្ចប់ជម្លោះបន្តទៀតរវាងប្រទេស និងប្រជាជននៃប្រទេសទាំងពីរ៕ អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញសម្ពោធអគារសិក្សា និងសមិទ្ធផលនានា នៅខេត្តរតនគិរី

រតនគិរី៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី៧ ខែមិថុនា ឆ្នាំ២០២៥នេះ បានអញ្ជើញសម្ពោធអគារសិក្សា និងសមិទ្ធផលនានា ក្នុងវិស័យអប់រំ នៅខេត្តរតនគិរី ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ថ្លែងថា ពាក្យអរគុណសន្តិភាព មានន័យសំខាន់ណាស់សម្រាប់ប្រជាពលរដ្ឋនៅខេត្តរតនគិរី ដោយសារការពីមុន ធ្វើដំណើរមកខេត្តរតនគិរីម្ដងៗ មានការលំបាក ឆ្លងកាត់ព្រំដែនវៀតណាម។-សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្រោយពីកញ្ចប់សង្គ្រាមខេត្តរតនគិរី ក៏ដូចខេត្តផ្សេងៗ មានការលំបាកណាស់ ប៉ុន្តែបច្ចុប្បន្ននេះ ប្រទេសមានការអភិវឌ្ឍ មានសន្តិភាព ធ្វើឲ្យប្រជាពលរដ្ឋមានជីវភាពធូរធារ និងមានសម្ភារៈរថយន្តឡានធ្វើដំណើរបានងាយស្រួល ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានថ្លែងអំណរគុណចំពោះរាជរដ្ឋាភិបាលអាណត្តិមុនៗ និងអាជ្ញាធរដែនដីមុនៗ ដែលបានខិតខំកសាងប្រទេសអភិវឌ្ឍនៅតាមមូលដ្ឋានតាំងពីគ្រាលំ បាក ឱ្យមានការរីកចម្រើនជាបន្តបន្ទាប់ និងបន្តអភិវឌ្ឍតាមរយៈកិច្ចខិតខំរបស់រាជរដ្ឋាភិបាលអាណត្តិនេះជាបន្តទៅទៀត។-សម្តេចបវរធិបតី ហ៊ុន ម៉ាណែត៖ ការដាក់ខេត្តទាំង៤ នៅភូមិភាគឦសាន ជាតំបន់អភិវឌ្ឍន៍ត្រីកោណ គឺគោលបំណងដើម្បីអភិវឌ្ឍន៍តំបន់ត្រីកោណនេះ ឲ្យមានការរីកចម្រើន និងជួយប្រជាពលរដ្ឋក្រីក្រក្នុងតំបន់នេះ ។-សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ៖ រាជរដ្ឋាភិបាលអភិវឌ្ឍន៍នៅតំបន់ណាមួយ យើងគិតទាំងអស់ ទាំងជនជាតិភាគតិច ប្រពៃណីវប្បធម៌ គោលនយោបាយដីធ្លី សហគមន៍ជនជាតិភាគតិច ផ្ដល់ឱកាសដល់ប្រជាពលរដ្ឋគ្រប់គ្នា ។-សម្តេធិបតី ហ៊ុន ម៉ាណែត៖ គោលនយោបាយការអភិវឌ្ឍ និងការពារទឹកដីរបស់រាជរដ្ឋាភិបាល គឺការអភិវឌ្ឍតាមព្រំដែន គឺជាយុទ្ធសាស្ត្រល្អបំផុត យើងយកប្រជាពលរដ្ឋ ជាអ្នកការពារទឹកដី ជំនួសកងទ័ព និងដើម្បីបង្កើតកិច្ចសហប្រតិបត្តិការទំនាក់ទំនង អភិវឌ្ឍន៍ ជាមួយប្រទេសជិតខាង ។-សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ប្រកាសអះអាងថា រាជរដ្ឋាភិបាលកម្ពុជា នឹងការពារនូវបូរណភាពទឹកដី អធិបតេយ្យភាពជាតិឲ្យខាងតែបាន និងខិតខំធ្វើយ៉ាងណារួមគ្នាអភិវឌ្ឍន៍ តំបន់ព្រំដែនជាមួយប្រទេសជិតខាង តាមរយៈការពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ ដើម្បីសំដៅកសាងព្រំដែន ជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍឲ្យកាន់តែខ្លាំងក្លាបន្ថែមទៀត។ក្នុងន័យនេះ សម្តេចធិបតី នាយករដ្ឋមន្រ្តី ក៏បានផ្តាំទៅអ្នកនៅក្រៅប្រទេសមួយចំនួន ដែលតែងតែបារម្ភថា ខេត្តនៅតំបន់ភូមិភាគឦសាន្ត នឹងបាត់បង់តាមរយៈការអភិវឌ្ឍCLVនោះ សូមអញ្ជើញមកខេត្តនៅតំបន់ឦសាន្តផងដែរ ខណៈខេត្តទាំងនោះ បានកំពុងធ្វើការអភិវឌ្ឍកាន់តែច្រើនជាបន្តបន្ទាប់នោះ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ខ្ញុំបានឱ្យស្ថាប័នជំនាញពិនិត្យលើថវិកា ដើម្បីកសាងសាលាកម្រិតអនុវិទ្យាល័យ និងវិទ្យាល័យឱ្យបានកាន់តែច្រើននៅឆ្នាំក្រោយ រួមទាំងសាលាបណ្ដុះបណ្ដាលវិជ្ជាជីវៈផង ដើម្បីធ្វើយ៉ាងណាឱ្យកូនចៅប្រជាពលរដ្ឋយើងបានរៀនចប់មធ្យមសិក្សាឱ្យបានកាន់តែច្រើន និងចេះជំនាញវិជ្ជាជីវៈកាន់តែច្រើន។ សម្ដេចធិបតីបញ្ជាក់បន្ថែមថា ទ្រព្យរយៈពេលវែងរបស់យើង គឺធនធានមនុស្ស ដែលជាទ្រព្យរីកឥតឈប់ឈរ។-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានរំលឹកដល់បងប្អូន ប្រជាពលរដ្ឋខ្មែរទាំងអស់ បន្តរួមគ្នាថែរក្សាឲ្យខាងតែបាន នូវសុខសន្តិភាព ស្ថិរភាព ដើម្បីបន្តអភិវឌ្ឍៃន៍ប្រទេសឲ្យកាន់តែខ្លាំងក្លាបន្ថែមទៀត ហើយសម្តេចក៏បានប្រាប់ពលរដ្ឋទាំងអស់ ឲ្យបន្តជឿជាក់លើការដឹកនាំរបស់រាជរដ្ឋាភិបាល របស់គណបក្សប្រជាជនកម្ពុជា។-សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា៖ ការអភិវឌ្ឍនៅតាមបណ្តោយព្រំដែន គឺជាយុទ្ធសាស្រ្តល្អបំផុត ក្នុងកិច្ចការពារបូរណភាពទឹកដី រយៈពេលវែង ដូច្នេះហើយ បានជារាជរដ្ឋាភិបាលខិតខំកសាងនូវហេដ្ឋារចនាសម្ព័ន្ធ ជាពិសេសផ្លូវថ្នល់នៅ តាមបណ្តោយព្រំដែនជាមួយប្រទេសជិតខាង។-សម្តេចធិបតី ហ៊ុន ម៉ាណែត៖ ប្រជាពលរដ្ឋត្រូវការអប់រំ ទោះបីនៅតំបន់ដាច់ស្រយាលក៏ដោយ ក្រសួងអប់រំយុវជន និងកីឡាត្រូវគិតគូរ បង្កើតសាលារៀន រចនាសម្ព័ន្ធពាក់ព័ន្ធ នឹងវិស័យអប់រំ ឲ្យបានដល់មូលដ្ឋាន ដើម្បីឲ្យកូនចៅប្រជាពលរដ្ឋ យើងបានចូលរៀនគ្រប់ៗគ្នា ចប់វិទ្យាល័យឲ្យបានច្រើន ។-សម្ដេចធិបតី អំពាវនាវដល់ប្រជាពលរដ្ឋដែលរស់នៅខេត្តផ្សេងៗ មករស់នៅខេត្តរតនគិរីឱ្យបានច្រើនទៀត ដើម្បីរួមគ្នាកសាងអភិវឌ្ឍន៍នៅខេត្តនេះឲ្យបានរីកចម្រើន។ ក្នុងនោះ សម្ដេចធិបតី បានណែនាំដល់អាជ្ញាធរខេត្តរៀបចំទីតាំងចាស់របស់មន្ទីរសុខាបាលបឹងកន្សែង ឱ្យប្រែក្លាយទៅជាតំបន់ទេសចរណ៍ សម្រាប់ប្រជាពលរដ្ឋ មកកំសាន្តលេង។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអំពាវនាវដល់ពលរដ្ឋទូទៅសូមជួយអប់រំកូនចៅ និងកុំបន្ទោសសង្គម ដោយសារសង្គមកើតចេញពីគ្រួសារនីមួយៗ គ្រួសារល្អ នាំឱ្យសង្គមល្អ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានបញ្ជាក់ពីជំហរបស់កម្ពុជា ដោយប្រើយន្តការ៣ ក្នុងការដោះស្រាយបញ្ហាព្រំដែនកម្ពុជា-ថៃ ទី១,យន្តការបច្ចេកទេស ទី២,ប្រើយន្តការច្បាប់អន្តរជាតិ ទី៣, ប្រើយន្តការយោធា។ -សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានជម្រាបជូនបងប្អូនជនរួមជាតិជាតិថ្មីម្ដងទៀត ពិភាក្សាតាមទូរសព្ទជាមួយឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្តូរវេនអាស៊ាន ឆ្នាំ២០២៥ ល្ងាចថ្ងៃទី៦មិថុនា បានបញ្ជាក់អំពីគោលជំហររបស់រាជរដ្ឋាភិបាលកម្ពុជាពាក់ព័ន្ធនឹងព្រំដែនកម្ពុជា-ថៃ មាន៤ចំណុច ក្នុងនោះមានដូចជា៖១.កម្ពុជាប្រកាន់ខ្ជាប់នូវគោលជំហររក្សាសន្តិភាព មិត្តភាព និងកិច្ចសហប្រតិបត្តិការល្អជាមួយថៃ។២.ការសម្រេចចិត្តរបស់កម្ពុជា ដើម្បីយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ(ICJ) គឺដើម្បីស្វែងរកដំណោះស្រាយបញ្ហាព្រំដែននៅតំបន់ទាំងនោះ ដោយសន្តិវិធីឱ្យបានឆាប់ចប់ជាស្ថាពរ ប្រសើរជាងបន្សល់ទុកបញ្ហាឱ្យនៅបន្តស្រពេចស្រពិលរយៈពេលវែង ដែលអាចបង្កឱ្យកើតមានជាជម្លោះប្រដាប់អាវុធជាថ្មី។៣.បន្តសហការជាមួយភាគីថៃ ដើម្បីជំរុញការវាស់វែងខណ្ឌសីមា និងបោះបង្គោលព្រំដែនរវាងប្រទេសទាំងពីរ ដែលនៅសេសសល់ ក្រៅពីតំបន់ទាំង ៤ ដោយប្រើប្រាស់យន្តការគណៈកម្មការព្រំដែនចម្រុះ(JBC)កម្ពុជា-ថៃ។ ៤.បន្តរក្សាទំនាក់ទំនងរវាងប្រទេសទាំងពីរ តាមរយៈគ្រប់យន្តការដែលមានស្រាប់ ដើម្បីជាឧត្តមប្រយោជន៍សម្រាប់ប្រជាពលរដ្ឋនៃប្រទេសទាំងពីរកម្ពុជា-ថៃ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ប្រកាសជំហរយ៉ាងម៉ឺងម៉ាត់ថា កម្ពុជានឹងបញ្ជូនសំណុំរឿងប្រាសាទតាមាន់តូច តាមាន់ធំ តាក្របី និងតំបន់មុំបី ទៅកាន់តុលាការ យុត្តិធម៌អន្តរជាតិ ICJឲ្យខាងតែបាន នាពេលឆាប់ៗខាងមុខនេះ ដើម្បីបញ្ចប់រឿងជាមួយប្រទេសថៃ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអំពាវនាវ ដល់ប្រជាពលរដ្ឋទូទាំងប្រទេស កុំយកបញ្ហាទំនាស់ នៅចំណុចប្រាសាទតាមាន់ធំ ប្រាសាទតាមាន់តូច តំបន់មុំបី រុញច្រានបង្កើតសភាពការណ៍ នាំឲ្យរាលដាលទូទាំងប្រទេស ត្រូវរក្សាស្ថេរភាពភាព នឹងភាពស្ងៀមស្ងាត់ ត្រូវជឿទុកចិត្តមកលើរាជរដ្ឋាភិបាល ក្នុងការដោះស្រាយបញ្ហាព្រំដែនរវាងកម្ពុជា-ថៃ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ៖ ការច្បាំងគ្នាគឺស្លាប់ទាំងសងខាង ដូចនេះយើងត្រូវយកវិធីសាស្ត្រដោះស្រាយនៅ ICJ ដើម្បីបញ្ចប់បញ្ហាជាប់គាំងព្រំដែន រវាងប្រទេសទាំងពីរកម្ពុជា-ថៃ ។-កម្ពុជាប្រកាសជំហរយ៉ាងម៉ឺងម៉ាត់ ដោយយកតំបន់ជម្លោះជាមួយថៃ ទៅកាន់តុលាការICJឲ្យខាងតែបាន សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសយ៉ាងម៉ឺងម៉ាត់ថា ចំពោះបញ្ហាតំបន់ប្រាសាទតាមាន់តូច ប្រាសាទតាមាន់ធំ ប្រាសាទតាក្របី និងតំបន់មុំបី នឹងបញ្ជូនទៅកាន់តុលាការយុត្តិធម៌អន្តរជាតិ ICJឲ្យខាងតែបាន នាពេលឆាប់ៗខាងមុខនេះ ហើយតុលាការ ICJ កាត់យ៉ាងម៉េច កម្ពុជាទទួលស្គាល់ និងទទួលយក ដើម្បីបញ្ចប់ភាពស្រពិចស្រពិលជាមួយប្រទេសថៃ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ សូមបងប្អូនជនរួមជាតិទាំងអស់ កុំពង្រីកសភាពការណ៍ បញ្ហាព្រំដែននេះ នាំឱ្យមានការរើសអើងរវាងជនជាតិមួយ រវាងជនជាតិនៃប្រទេសមួយ យើងត្រូវរួមសហប្រតិបត្តិការទំនាក់ទំនង អភិវឌ្ឍន៍ជាមួយគ្នាបានល្អ ជាមួយប្រទេសជិតខាង ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ថ្លែងអំណរគុណដល់បងប្អូនក្នុង និងក្រៅប្រទេស ដែលបានចូលរួមផ្ដល់ជាសម្ភារៈស្បៀង អាហារដល់កងទ័ពនៅជួរមុខ ដើម្បីការពារបូរណភាពទឹកដីនេះជាការលើកទឹកចិត្តមួយយ៉ាងសំខាន់ដល់កងទ័ពរបស់យើង ។

កិច្ចប្រជុំក្រុមប្រឹក្សាទំនាក់ទំនង ក្នុងការពិនិត្យវឌ្ឍនភាពឆ្នាំ២០២៤ នៃវិទ្យាស្ថានប៉ាស្ទ័រកម្ពុជា - សម័យប្រជុំឆ្នាំ ២០២៥

ភ្នំពេញ ៖ នារសៀលថ្ងៃទី៦ ខែមិថុនា ឆ្នាំ២០២៥នេះ នៅវិទ្យាស្ថានប៉ាស្ទ័រកម្ពុជា ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងជាប្រធានក្រុមប្រឹក្សាទំនាក់ទំនងនៃវិទ្យាស្ថានប៉ាស្ទ័រកម្ពុជា បានអញ្ជើញជាអធិបតីបើកកិច្ចប្រជុំក្រុមប្រឹក្សាទំនាក់ទំនងនៃវិទ្យាស្ថានប៉ាស្ទ័រកម្ពុជា ដោយមានការចូលរួមពីលោកស្រី Odette TOMESCU-HATTO អនុប្រធានប្រតិបត្តិនៃនាយកដ្ឋានកិច្ចការអន្តរជាតិ នៃវិទ្យាស្ថានប៉ាស្ទ័រនៅទីក្រុងប៉ារីស និងលោក Guillaume DAUFRESNE អនុប្រធាននាយកដ្ឋានកិច្ចការអន្តរជាតិ ឯកអគ្គរដ្ឋទូតបារាំងប្រចាំកម្ពុជា ឯកឧត្តម Jacques Pellet លោកស្រី Mariana Trias ប្រធានអង្គការសុខភាពពិភពលោកប្រចាំកម្ពុជា និងសមាជិកអចិន្ត្រៃយ៍មកពីក្រសួង ស្ថាប័នពាក់ព័ន្ធ និងដៃគូអភិវឌ្ឍន៍ផ្សេងៗទៀត សរុបចំនួន២៨រូប។គោលបំណង នៃកិច្ចប្រជុំក្រុមប្រឹក្សាទំនាក់ទំនង គឺដើម្បីពិនិត្យ និងរាយការណ៍ពីសមិទ្ធិផលការងារដែលវិទ្យាស្ថានប៉ាស្ទ័រកម្ពុជា សម្រេចបានក្នុងការស្រាវជ្រាវសុខភាពសាធារណៈ ការបណ្តុះបណ្តាល ក្នុងឆ្នាំ២០២៤ និងប្រមូលមតិកែលម្អពីសមាជិក និងផែនការអភិវឌ្ឍន៍នាពេលអនាគតរបស់វិទ្យាស្ថានប៉ាស្ទ័រកម្ពុជា ព្រមទាំងបានបង្ហាញពីការប្តេជ្ញាចិត្តក្នុងការលើកកម្ពស់សុខភាពសាធារណៈនៅកម្ពុជា។ឯកឧត្តមសាស្ត្រាចារ្យ ឈាង រ៉ា បានវាយតម្លៃខ្ពស់ចំពោះកិច្ចសហប្រតិបត្តិការរវាងវិទ្យាស្ថានប៉ាស្ទ័រកម្ពុជា និងក្រសួងសុខាភិបាល ព្រមទាំងផ្តល់អនុសាសន៍ដល់វិទ្យាស្ថានប៉ាស្ទ័រ ត្រូវបន្តខិតខំប្រឹងអភិវឌ្ឍន៍ និងបន្តការស្រាវជ្រាវ ក្នុងនាមជាមន្ទីរពិសោធន៍បង្អែកនៅកម្ពុជា និងសូមចែករំលែកចំណេះដឹង ផ្តល់បណ្តុះបណ្តាល និងផ្តល់កម្មសិក្សាដល់និសិ្សត និងក្រុមការងារសុខាភិបាល។ឯកឧត្តមសាស្ត្រាចារ្យរដ្ឋមន្រ្តី បានលើកទឹកចិត្តវិទ្យាស្ថានប៉ាស្ទ័រ ចូលរួមសហការជិតស្និទ្ធជាមួយក្រសួងសុខាភិបាល ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន ក្នុងការអនុវត្តឱ្យមានប្រសិទ្ធិភាពខ្ពស់ ឆ្លើយតបទៅនឹងសុខភាពតែមួយ សំដៅឈានទៅសម្រេចបាននូវការគ្របដណ្តប់សុខភាពជាសកល ស្របតាមគោលនយោបាយយុទ្ធសាស្រ្តបញ្ចកោណ នៃរាជរដ្ឋាភិបាលអាណត្តិទី៧ ក្រោមការដឹកនាំដ៏ឈ្លាសវៃ និងប៉ិនប្រសប់ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីជប៉ុន ប្ដេជ្ញាបន្តកាន់តំណែង បន្ទាប់ពីបរាជ័យក្នុងការបោះឆ្នោតសភា

អាមេរិក គំរាមជើងហោះហើរប្រទេសម៉ិកស៊ិកជុំវិញការដឹកទំនិញ និងបញ្ហាប្រកួតប្រជែង

លោក Trump និយាយថា លោកនឹងជួយពលរដ្ឋអាហ្វហ្គានីស្ថានដែលត្រូវបានឃុំខ្លួននៅអារ៉ាប់រួម

អ្នកប្រយុទ្ធBedouin ធ្វើដំណើរទៅភូមិក្បែរក្រុង Sweida ខណៈស៊ីរីនិយាយថាបទឈប់បាញ់នៅតែមាន

ក្រុមសិទ្ធិមនុស្ស៖ ការប៉ះទង្គិចរវាងនិកាយផ្សេងគ្នានៅស៊ីរីបណ្តាលឲ្យមនុស្សជាង១.០០០ នាក់ស្លាប់

អ៊ីរ៉ង់ នឹងបើកកិច្ចចរចានុយក្លេអ៊ែរជាមួយប្រទេសមហាអំណាចអឺរ៉ុបចំនួន៣ នៅថ្ងៃសុក្រ

កូរ៉េខាងត្បូង កំពុងពិនិត្យមើលជម្រើសមួយចំនួនដើម្បីកែលម្អទំនាក់ទំនងជាមួយកូរ៉េខាងជើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877