BTV NEWS

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ព័ត៌មានជាតិ

រថយន្តចំនួន១២គ្រឿងត្រូវបានរដ្ឋបាលខេត្តស្វាយរៀងត្រៀមដឹកពលរដ្ឋនិងកម្មករបន្តឆ្ពោះទៅតាមមូលដ្ឋានស្រុកក្រុងទាំង៨របស់ខេត្ត

ស្វាយរៀង ៖ យោងតាមលិខិតជូនដំណឹងរបស់រដ្ឋបាលខេត្តស្វាយរៀង កាលពីថ្ងៃទី០៧ ខែមេសា ឆ្នាំ២០២៥នេះបានឱ្យដឹងថានៅក្នុងឪកាសបុណ្យចូលឆ្នាំថ្មី រដ្ឋបាលខេត្តស្វាយរៀង បានរៀបចំរថយន្តក្រុង ចំនួន ១២គ្រឿង សម្រាប់បម្រើសេវាដឹកជញ្ជូនសាធារណៈ រយៈពេល ០៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៥ ដោយឥតគិតប្រាក់ ដើម្បីជួយសម្រួល ដល់ការចំណាយរបស់បងប្អូន ក្នុងឱកាសធ្វើដំណើរត្រឡប់មកពីបណ្តារាជធានី ខេត្តទៅលេងស្រុកកំណើត នៅតាមបណ្តាក្រុង ស្រុក នៃខេត្តស្វាយរៀង ដើម្បីជួបជុំគ្រួសារ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៩ គ.ស.២០២៥។សូមបញ្ជាក់ថាទីតាំងដែលរថយន្តទាំង១២គ្រឿងត្រៀមដឹកបន្តពលរដ្ឋឆ្ពោះទៅតាមបណ្ដាស្រុកទាំង ៨ របស់ខេត្ត នៅខាងមុខសាខាកាកបាទក្រហមកម្ពុជាខេត្តស្វាយរៀង ជាចំណតសម្រាប់ចេញដំណើរបន្តឆ្ពោះទៅតាមគោលដៅ ហើយគោលដៅសម្រាប់រថយយន្តរត់រួមមាន ក្រុងបាវិត ក្រុងស្វាយរៀង-ប្រសូតិ-ជីកូ-បាវិត-ក្រុងស្វាយរៀងមានរថយន្តចំនួន០២គ្រឿងដឹកអ្នកដំណើបន្តចាប់ពីម៉ោង ៧ព្រឹក ដល់ម៉ោង ៣រសៀល។២, ស្រុកស្វាយទាប ក្រុងស្វាយរៀង-ស្វាយរំពារ-គគីរសោម-ព្រៃតាអី-ជីភូ-ប្រសូតិ-ក្រុងស្វាយរៀងមានរថយន្តចំនួន០២គ្រឿងចាប់ពីម៉ោង ៧ព្រឹក ដល់ម៉ោង ៣រសៀល។៣, ស្រុកចន្ទ្រា ក្រុងស្វាយរៀង-ប្រសូតិ-ជីភូ-ចន្ទ្រា-ក្រុងស្វាយរៀងមានរថយន្តចំនួន០២គ្រឿងចាប់ពីម៉ោង ៧ព្រឹក ដល់ម៉ោង ៣រសៀល។៤,ស្រុកកំពង់រោទិ៍ ក្រុងស្វាយរៀង-ប្រសូតិ-កំពង់រោទិ៍-ក្រុងស្វាយរៀងមានរថយន្តចំនួន០១គ្រឿង ក្រុងស្វាយរៀង-បន្ទាយក្រាំង-កំពង់រោទិ៍-ក្រុងស្វាយរៀងចំនួន០១គ្រឿងចាប់ពីម៉ោង ៧ព្រឹក ដល់ម៉ោង ៣រសៀល។៥,ស្រុករមាសហែក ក្រុងស្វាយរៀង-កំពង់ចក កំពង់ត្រាច-ក្រុងស្វាយរៀងចំនួន០២គ្រឿង ក្រុងស្វាយរៀង-ដូនស-ចន្ត្រី កំពង់ត្រាច-ក្រុងស្វាយរៀងចំនួន០២គ្រឿងចាប់ពីម៉ោង ៧ព្រឹក ដល់ម៉ោង ៣រសៀល។ យោងតាមលិខិតរដ្ឋបាលខេត្តស្វាយរៀង បានណែនាំដល់ពលរដ្ឋទាំងអស់ត្រូវរក្សាទ្រព្យសម្បត្តិដែលនាំតាមខ្លួនអោយបានគតមត់ និងប្រុងប្រយ័ត្នក្នុងការធ្វើដំណើររួមតាម រថយន្តក្រុងរបស់រដ្ឋបាលខេត្ត ទៅលេងស្រុកកំណើតផងដែរ ។

រាជរដ្ឋាភិបាលកម្ពុជា បន្តជំរុញវិស័យកសិកម្មដើម្បីសម្រេចឲ្យបាននូវ “មានហូប មានប្រើ មានបាន និងមានរហូត”

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី៧ ខែមេសានេះ បានអញ្ជើញជាអធិបតីភាពក្នុងពិធីបើកវេទិកា និងពិព័រណ៍កសិកម្មកម្ពុជា ឆ្នាំ២០២៥ និងកិច្ចសន្ទនា រវាងតួអង្គក្នុងខ្សែច្រវាក់តម្លៃកសិកម្ម។ កម្មវិធីនេះរំពឹងទុកថា នឹងរួមចំណែកជំរុញសេដ្ឋកិច្ចកសិកម្មឲ្យកាន់តែរីកចម្រើនសម្រាប់អភិវឌ្ឍន៍គ្រប់អនុវិស័យ។នៅក្នុងពិធីបើកវេទិកា និងពិព័រណ៍កសិកម្មកម្ពុជា ឆ្នាំ២០២៥ និងកិច្ចសន្ទនានេះ ឯកឧត្តមរដ្ឋមន្រ្តី បានមានប្រសាសន៍បញ្ជាក់ថា រាជរដ្ឋាភិបាលនីតិកាលទី៧នៃរដ្ឋសភា ក្រោមការដឹកនាំដ៏ប៉ិនប្រសប់របស់ សម្តេចនាយករដ្ឋមន្រ្តី ហ៊ុន ម៉ាណែត គឺនៅតែបន្តផ្តល់អាទិភាពខ្ពស់ដល់វិស័យកសិកម្ម ជាពិសេស តាមរយៈការដាក់ចេញនូវកម្មវិធីគោលនយោបាយអាទិភាពដែលរួមមាន ការលើកស្ទួយផលិតភាពកសិកម្ម, ការរកទីផ្សារ, ការរក្សាលំនឹងថ្លៃកសិផល, ការដាក់ ពង្រាយមន្ត្រីកសិកម្មឃុំ, និងការអភិវឌ្ឍសហគមន៍កសិកម្មទំនើប ដើម្បីបង្កើនល្បឿនការអភិវឌ្ឍវិស័យកសិកម្ម។ ក្នុងទិសដៅនេះ ក្រសួងកសិកម្ម រុក្ខាប្រមាញ់ និងនេសាទបានដាក់ចេញនូវគោលនយោបាយ “មានហូប មានប្រើ មានបាន និងមានរហូត” ដើម្បីធានាសន្តិសុខស្បៀង ចូលរួមគាំទ្រកំណើនសេដ្ឋកិច្ច បង្កើតការងារ និងលើកកម្ពស់ជីវភាពប្រជាកសិករ។ឯកឧត្តមរដ្ឋមន្រ្តី ឌិត ទីណា បានលើកឡើងបន្តថា ជាការកត់សម្គាល់ វិស័យកសិកម្មកម្ពុជាសម្រេចបានលទ្ធផលគួរជាទីមោទនៈ និងបានប្រែក្លាយពីស្ថានភាពខ្វះស្បៀង មកជាការធានាបាននូវសន្តិសុខស្បៀងគ្រប់គ្រាន់ក្នុងប្រទេស និងការនាំចេញផលិតផល កសិកម្មរាប់លានតោនដែលរួមចំណែកយ៉ាងសំខាន់ ដល់ការធានាសន្តិសុខស្បៀងពិភពលោកថែមទៀតផង។ ឯកឧត្តម បន្ថែមថា ទោះជាយ៉ាងនេះក្តី វិស័យកសិកម្មកម្ពុជាជួបបញ្ហាប្រឈមមួយចំនួន ដូចជា អស្ថិរភាពនៃប្រព័ន្ធផលិតកម្ម, កង្វះទីផ្សារ, អស្ថិរភាពតម្លៃ និងកង្វះវិនិយោគលើការកែច្នៃជាដើម។ល។ ដែលទាមទារឱ្យគ្រប់តួអង្គពាក់ព័ន្ធចូលរួមសិក្សាស្វែងយល់ឱ្យបានស៊ីជម្រៅ និងរួមគ្នាដោះស្រាយ តាមយន្តការ “រដ្ឋ-ឯកជន-ដៃគូអភិវឌ្ឍន៍-សហគមន៍កសិកម្ម” ដើម្បីជំរុញ និងបង្កើនល្បឿនការអភិវឌ្ឍវិស័យកសិកម្ម។សូមជំរាបជូនថា គិតក្នុងឆ្នាំ២០២៤ វិស័យកសិកម្ម បានចូលរួមចំណែកប្រមាណ ១៦,៧% នៃផលិតផលសរុបក្នុងស្រុក គិតជាតម្លៃបច្ចុប្បន្ន ជាមួយនឹងតម្លៃបន្ថែមសរុប (Gross Value Added) កើនឡើងដល់ជាង ៧,៨២ពាន់លាន ដុល្លារ ក្នុងនោះ ការរួមចំណែករបស់អនុវិស័យដំណាំស្មើនឹង ៦១,៣%, អនុវិស័យផលិតកម្មសត្វ ១៥,៤%, អនុវិស័យជលផល ២០%, និងអនុវិស័យព្រៃឈើ ៣,៣%។ កម្ពុជាបាននាំចេញនូវផលិតផលដំណាំជាង ១២លានតោន ទៅកាន់ទិសដៅ ៩៥ប្រទេស គិតជាទឹកប្រាក់ប្រមាណ ៥,៣ពាន់លានដុល្លារអាមេរិក៕ អត្ថបទ៖ ឈិត បូរ៉ាវី

ទីភ្នាក់ងារអង្គការសហប្រជាជាតិ ដៃគូអភិវឌ្ឍន៍ និងវិស័យឯកជន កោតសរសើរសមិទ្ធផលកម្ពុជា និងប្រកាសបន្តគាំទ្រវិស័យសកម្មភាពមីន

នាព្រឹកថ្ងៃអង្គារ ទី៨ ខែមេសា ឆ្នាំ២០២៥, នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំកិច្ចសន្ទនាជាន់ខ្ពស់ស្តីពី សកម្មភាពមីននៅកម្ពុជា ដោយមានការចូលរួមពីតំណាងទីភ្នាក់ងារអង្គការសហប្រជាជាតិ, ដៃគូអភិវឌ្ឍន៍ និងវិស័យឯកជន ដើម្បីពិនិត្យវឌ្ឍនភាពការងារ និងកំណត់ទិសដៅឆ្ពោះទៅសម្រេចគោលដៅ កម្ពុជាគ្មានមីន ។សម្តេចបវរធិបតី បានថ្លែងអំណរគុណយ៉ាងជ្រាលជ្រៅចំពោះការគាំទ្រ និងការរួមចំណែកដ៏សំខាន់ពីគ្រប់ភាគីពាក់ព័ន្ធ រួមមាន ទីភ្នាក់ងារអង្គការសហប្រជាជាតិ, ដៃគូអភិវឌ្ឍន៍ និងវិស័យឯកជន ក្នុងការកាត់បន្ថយផលប៉ះពាល់ដ៏ធ្ងន់ធ្ងរនៃគ្រាប់មីន និង សំណល់ជាតិផ្ទុះពីសង្គ្រាមនៅកម្ពុជា។ សម្តេចបវរធិបតីបានគូសបញ្ជាក់ពីសមិទ្ធផលគួរឱ្យកត់សម្គាល់ដែលកម្ពុជាសម្រេចបាន រួមមាន៖ ការរំដោះផ្ទៃដីសង្ស័យមានមីន និងយុទ្ធភ័ណ្ឌមិនទាន់ផ្ទុះបានសរុបជាង ៣,២៩៧ គីឡូម៉ែត្រក្រឡា, ការកាត់បន្ថយអត្រាអ្នករងគ្រោះមកនៅក្រោម ៥០នាក់ក្នុងមួយឆ្នាំ និងការប្រកាសខេត្តចំនួន ១៥ ជាខេត្តអស់មីន។ សម្តេចបវរធិបតី បានសង្កត់ធ្ងន់ថា សមិទ្ធផលទាំងនេះ បានធានាសុខសុវត្ថិភាពជូនប្រជាពលរដ្ឋរាប់លាននាក់ និងបានធ្វើឱ្យជីវភាពរស់នៅរបស់ប្រជាពលរដ្ឋកាន់តែប្រសើរឡើងជាលំដាប់។ សម្តេចបវរធិបតីក៏បានលើកឡើងពីការវិវត្តរបស់កម្ពុជាដែលបានប្រែក្លាយពីប្រទេសដែលទទួលជំនួយផ្នែកសកម្មភាពមីន ទៅជាប្រទេសដែលចូលរួមចំណែកយ៉ាងសកម្មក្នុងប្រតិបត្តិការបោសសម្អាតមីនជាសកល តាមរយៈការបញ្ជូនកងកម្លាំងរក្សាសន្តិភាពក្រោមឆ័ត្រអង្គការសហប្រជាជាតិ និងការផ្តល់វគ្គបណ្តុះបណ្តាលលើជំនាញបោសសម្អាតមីនមនុស្សធម៌ ទៅកាន់បណ្តាប្រទេសដែលរងផលប៉ះពាល់ដោយសារមីន។ទីភ្នាក់ងារអង្គការសហប្រជាជាតិ, តំណាងដៃគូអភិវឌ្ឍន៍ និងវិស័យឯកជន បានអបអរសាទរ និងវាយតម្លៃខ្ពស់ចំពោះលទ្ធផលសម្រេចគួរឱ្យកត់សម្គាល់លើសកម្មភាពបោសសម្អាតមីននៅកម្ពុជា។ បន្ថែមលើនេះ, វាគ្មិនទាំងអស់ ក៏បានកោតសរសើរតួនាទីដ៏សកម្មរបស់កម្ពុជានៅលើឆាកអន្តរជាតិ តាមរយៈការចូលរួមក្នុងសកម្មភាពបោសសម្អាតមីនមនុស្សធម៌, ការចែករំលែកបទពិសោធន៍ និងការហ្វឹកហ្វឺនលើជំនាញបោសសម្អាតមីនមនុស្សធម៌ ព្រមទាំងបានសង្កត់ធ្ងន់ថា “បទពិសោធន៍ជោគជ័យរបស់កម្ពុជាគួរតែត្រូវបានចែករំលែកជាមួយនឹងបណ្ដាប្រទេសនៅលើសកលលោក”។ ជាមួយគ្នានោះ, ទីភ្នាក់ងារអង្គការសហប្រជាជាតិ, តំណាងដៃគូអភិវឌ្ឍន៍ និងវិស័យឯកជនក៏បានគូសបញ្ជាក់ពីការប្ដេជ្ញាបន្តគាំទ្រកិច្ចសហប្រតិបត្តិការ លើការងារបោសសម្អាតមីន និងសំណល់ជាតិផ្ទុះពីសង្គ្រាម សំដៅចូលរួមចំណែកសម្រេចឱ្យបានគោលដៅកម្ពុជាគ្មានមីន។សម្ដេចបវរធិបតីបានបញ្ជាក់សាជាថ្មីថា វិស័យសកម្មភាពមីននៅតែជាវិស័យអាទិភាពរបស់រាជរដ្ឋាភិបាល ហើយកម្ពុជាបន្តខិតខំប្រឹងប្រែង ដើម្បីឈានទៅសម្រេចតាមគោលដៅដែលបានគ្រោងទុក ។ សម្តេចបវរធិបតីបានលើកទឹកចិត្តគ្រប់ភាគីពាក់ព័ន្ធ ឱ្យបន្តសហការគាំទ្រ, ចូលរួម និងយកចិត្តទុកដាក់លើការងារបោសសម្អាតមីន,ការអប់រំពីគ្រោះថ្នាក់នៃគ្រាប់មីន, ការជួយស្ដារនីតិសម្បទាដល់ជនរងគ្រោះដោយសារគ្រាប់មីន,ការអភិវឌ្ឍសហគមន៍ក្រោយការបោសសម្អាតមីន, ការពង្រឹងសមត្ថភាពបច្ចេកទេស និងឧបករណ៍, ព្រមទាំងការពង្រឹងកិច្ចសហប្រតិបត្តិការអន្តរជាតិ៕

មន្រ្តីច្រកទ្វារព្រំដែនអន្តរជាតិប៉ោយប៉ែត បន្តផ្តល់សេវាជូនដល់ពលករខ្មែរ ប្រកបការយកចិត្តទុកដាក់ខ្ពស់

បន្ទាយមានជ័យ៖ នៅថ្ងៃទី០៨ ខែមេសា ឆ្នាំ២០២៥ មន្ដ្រីប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ នៅតែបន្តការផ្តល់សេវាបែបបទទិន្នការនានា និងការរៀបចំសណ្តាប់ធ្នាប់ឲ្យមានរបៀបរៀបរយ ជូនដល់ភ្ញៀវជាតិ - អន្តរជាតិ និងមានការចែកក្រម៉ា ទឹកសុទ្ធ នំប៉័ង ជូនពលករខ្មែរ ដែលបានវិលត្រឡប់មកពីប្រទេសថៃ ចូលព្រះរាជាណាចក្រកម្ពុជា ដើម្បីមកលេងស្រុកកំណើត ក្នុងឱកាសអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដោយក្នុងមួយថ្ងៃៗមានចំនួនយ៉ាងច្រើនកុះករផងដែរ។អនុវត្តតាមការចង្អុលបង្ហាញរបស់លោកឧត្ដមសេនីយ៍ត្រី អុី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត មានប្រសាសន៍ថា ការចែកក្រម៉ា ទឹកសុទ្ធ និងនំប៉័ងជូនដល់ពលករខ្មែរដែលវិលត្រឡប់ចូលប្រទេសកម្ពុជាក្នុងឱកាសពិធីបុណ្សចូលឆ្នាំថ្មីប្រពៃណីជាតិខ្មែរ នាពេលនេះ គឺបានអនុវត្តចាប់ពីថ្ងៃទី០១ ខែមេសា រហូតដល់ថ្ងៃទី១៧ ខែមេសា ឆ្នាំ២០២៥ទើបត្រូវបានបញ្ចប់។លោកឧត្ដមសេនីយ៍ត្រី អុី ចំរើន បានបន្តថា ស្របពេលប្រទេសជាតិកំពុងតែមានការអភិវឌ្ឍរីកចម្រើន យើងសង្កេតឃើញថាកំណើនបងប្អូនប្រជាពលរដ្ឋដែលធ្វើការចំណាក់ស្រុកវិលមកស្រុកកំណើតរបស់ខ្លួនម្នាក់ៗ ហាក់មានជីវភាពធូរធានគ្រាន់បើទើបពួកគាត់មានលទ្ធភាពបានធ្វើដំណើរមកលេងស្រុកកំណើតយ៉ាងច្រើនកុះករយ៉ាងដូច្នេះ ដោយក្នុងមួយថ្ងៃៗមានចំនួនកើនឡើងជាលំដាប់ជារាងរាល់ថ្ងៃផងដែរ។លោកឧត្តមសេនីយ៍ត្រី បានបញ្ជាក់ថា ការឆ្លងដែនរបស់បងប្អូនពលករខ្មែរយើងចូលតាមច្រកប៉ោយប៉ែតនេះដែរ គឺមានការយកចិត្តទុកដាក់ខ្ពស់ពីសំណាក់មន្រ្តីនគរបាលច្រកទ្វារ ធ្វើយ៉ាងណាសម្រួលដល់ការផ្តល់សេវាជូនដល់ពួកគាត់ឲ្យមានភាពជឿជាក់រហ័សទាន់ចិត្តផងដែរ៕

ឧត្តមសេនីយ៍ឯក ឆាយ គឹមខឿន អញ្ជើញជួបសំណេះសំណាលជាមួយកងកម្លាំងនគរបាលប្រចាំការដោះស្រាយការងាររដ្ឋបាលចំនួន៧ នាយកដ្ឋាន-អង្គភាព ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ

នៅបរិវេណអគ្គស្នងការដ្ឋាននគរបាលជាតិ ព្រឹកថ្ងៃទី០៨ ខែមេសា ឆ្នាំ២០២៥នេះ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជួបសំណេះសំណាល និងសួរសុខទុក្ខកងកម្លាំងប្រចាំការដោះស្រាយការងាររដ្ឋបាល ចំនួន៧នាយកដ្ឋាន-អង្គភាព ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ថ្លែងក្នុងឱកាសនោះ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បាននាំយកនូវការផ្តាំផ្ញើសួរសុខទុក្ខ និងជូនពរពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនរបាលជាតិ ជូនដល់កងកម្លាំងនគរបាលប្រចាំការដោះស្រាយការងាររដ្ឋបាល ចំនួន៧ នាយកដ្ឋាន-អង្គភាព ចំណុះអគ្គស្នងការដ្ឋាននគរបាលជាតិ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ សូមមានសុខភាពល្អ បំពេញភារកិច្ចសម្រេចដោយជោគជ័យជូនអង្គភាព ពិសេសជូនសង្គមជាតិ។ឯកឧត្តម ឧត្តមសេនីយ៍ឯក អគ្គស្នងការរងនគរបាលជាតិ បានណែនាំឲ្យយកចិត្តទុកដាក់សហការជាមួយបណ្ដាអង្គភាពពាក់ព័ន្ធសំដៅពង្រឹងដោះស្រាយការងាររដ្ឋបាល និងចូលរួមបង្ការ ទប់ស្កាត់ បង្ក្រាបបទល្មើសឲ្យបានទាន់ពេលវេលា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ នាពេលខាងមុខ។ ឯកឧត្តម អគ្គស្នងការរងនគរបាលជាតិ ក៏បានសង្កត់ធ្ងន់ដល់ នាយកដ្ឋាននគរបាលចរចរណ៍ និងសណ្តាប់ធ្នាប់ សូមយកចិត្តទុកដាក់ឲ្យបានខ្ពស់ ពិសេសការសម្រួលចរាចរណ៍ជូនប្រជាពលរដ្ឋ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដើម្បីឲ្យមានប្រសិទ្ធភាពនិងជំនឿទុកចិត្ត យើងត្រូវអនុវត្តបទវិន័យរបស់មន្ត្រីនគរបាលជាតិ (ស្លូតបូត ទន់ភ្លន់ តែម៉ឺងម៉ាត់ ) ត្រូវអនុវត្តនូវក្រមសីលធម៌ វិជ្ជាជីវៈ និងវិន័យឲ្យបានខ្ជាប់ខ្ជួន ដើម្បីលើកកម្ពស់សីលធម៌ តម្លៃ សេចក្តីថ្លៃថ្នូរ ។ក្នុងន័យនេះ ឯកឧត្តម ឧត្តមសេនីយ៍ឯក ឆាយ គឹមខឿន បានណែនាំឲ្យបណ្ដានាយកដ្ឋាន អង្គភាពពាក់ព័ន្ធ ត្រូវត្រៀមលក្ខណៈសម្បត្តិឲ្យបានគ្រប់គ្រាន់ ដើម្បីរក្សាសុវត្ថិភាព សន្តិសុខ សណ្តាប់ធ្នាប់ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ។ ទន្ទឹមនឹងនោះបណ្តានាយកដ្ឋាន អង្គភាពជំនាញ ត្រូវពង្រឹងសមត្ថភាព ក្នុងការបង្ការ ទប់ស្កាត់ និងបង្រ្កាបនូវរាល់បទល្មើសគ្រប់ប្រភេទ ពិសេសក្មេងទំនើង បទល្មើសព្រហ្មទណ្ឌ និងបទល្មើសគ្រឿងញៀន សំដៅរក្សាសុវត្ថិភាព សន្តិសុខ សណ្តាប់ធ្នាប់ជូនប្រជាពលរដ្ឋ និងសង្គមជាតិ៕

សម្ដែងរបាំត្រុដិបណ្ដេញឧបទ្រពចង្រៃ និងទទួលទេវតាឆ្នាំថ្មី! នៅមន្ទីរព័ត៌មានខេត្តព្រះវិហារ

ដើម្បីចូលរួមអបអរសាទរក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្ដស័ក ព.ស២៥៦៩ គ.ស២០២៥ ដែលនឹងឈានចូលមកដល់ក្នុងពេលឆាប់ៗខាងមុខនេះ នៅព្រឹកថ្ងៃទី០៨ ខែមេសា ឆ្នាំ២០២៥ ថ្នាក់ដឹកនាំ និងមន្ដ្រីរាជការ នៃមន្ទីរព័ត៌មានខេត្តព្រះវិហារ ពិតជាមានកិត្តិយសក្រៃលែង ដែលគណៈគ្របគ្រង លោកគ្រូ អ្នកគ្រូ ប្អូនៗសិស្សានុសិស្ស នៃអនុវិទ្យាល័យសង្គមថ្មី ដែលបាន អញ្ជើញមកធ្វើការសម្ដែងរបាំត្រុដិដ៏វិចិត្រ នៅមន្ទីរព័ត៌មានខេត្តព្រះវិហារ។ការសម្ដែងរបាំត្រុដិនេះ មិនត្រឹមតែជាការបង្ហាញពីសិល្បៈវប្បធម៌ដ៏ល្អផូរផង់របស់ជាតិប៉ុណ្ណោះទេ ថែមទាំងជាការចូលរួមបណ្ដេញនូវឧបទ្រពចង្រៃ គ្រោះកាចនានាដែលកើតមានក្នុងឆ្នាំចាស់ និងជាការទទួលទេវតាឆ្នាំថ្មីប្រកបដោយសិរីសួស្ដី ជ័យមង្គល សេចក្ដីសុខ សេចក្ដីចម្រើន និងសុភមង្គល។ លើសពីនេះ របាំនេះក៏ជាការបួងសួងសុំឱ្យទទួលបានភាពជោគជ័យគ្រប់ប្រការក្នុងការបំពេញភារកិច្ចសម្រាប់ឆ្នាំថ្មីផងដែរ។ក្នុងឱកាសដ៏វិសេសវិសាលនេះ មន្ទីរព័ត៌មានខេត្តព្រះវិហារ សូមថ្លែងអំណរគុណយ៉ាងជ្រាលជ្រៅចំពោះសេចក្ដីសប្បុរស និងការចូលរួមពីគណៈគ្រប់គ្រង លោកគ្រូ អ្នកគ្រូ និងក្រុមរបាំត្រុដិ នៃអនុវិទ្យាល័យសង្គមថ្មី និងសូមជូនពរឱ្យទទួលបាននូវពរជ័យ សិរីមង្គល វិបុលសុខ និងជោគជ័យគ្រប់ប្រការ។

ឯកឧត្តមកិត្តិនីតិកោសលបណ្ឌិត ឱម យិនទៀង ដឹកនាំ គណៈប្រតិភូនាំយកអំណោយ និងចុះសាកសួសុខទុក្ខកងទព័ទិសទី១ ប្រាសាទព្រះវិហារ

ព្រះវិហារ៖ ឯកឧត្តមកិត្តិនីតិកោសលបណ្ឌិត ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ បានដឹកនាំគណៈប្រតិភូចុះសាកសួរសុខទុក្ខ និងនាំយកអំណោយ ចែកជូនកងទព័កងពលធំអន្តរាគមន៍លេខ៣ទិសទី១ ប្រាសាទព្រះវិហារ នៅក្នុងឱកាសបុណ្យចូល ឆ្នាំប្រពៃណៃជាតិខ្មែរ ។ឯកឧត្តមឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ៣ ទិសទី១ ប្រាសាទព្រះវិហារ បានឱ្យដឹងថា ជំនួសមុខឱ្យនាយ នាយទាហានរង និងពលទាហានទាំងអស់ សូមសម្ដែងការអបអរសាទរចំពោះឯកឧត្តមកិត្តិនីតិកោសលបណ្ឌិត ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ ដែលបានដឹកនាំគណៈប្រតិភូចុះសាកសួសុខទុក្ខ និងនាំអំណោយយ៉ាងច្រើនយកមកចែកជូនដល់កងទ័ពជួរមុខ ក្នុងឱកាសបុណ្យចូលឆ្នាំប្រពៃណីជាតិយើង។នាឱកាសនេះ ឯកឧត្តម ស្រី ឌឹក បានបញ្ជាក់ថា រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន អតីតនាយយករដ្ឋមន្រ្តី និងបច្ចុប្បន្នក្រោមការដឹងនាំរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី កងទ័ពរួមទាំងគ្រួសារកងទ័ពមានជីវភាពរស់នៅល្អប្រសើរ។ ពិសេសជាងនេះ ទៅទៀត ការរីកចំរើនលើហេដ្ឋារចនាសម្ព័ន្ធនានាតាមព្រំដែនកាន់តែល្អប្រសើរពីមួយថ្ងៃទៅមួយថ្ងៃ ក្រោមការឧបត្ថម្ភគាំទ្រពីរាជរដ្ឋាភិបាល ពិសេសឯកឧត្តម ឱម យិនទៀង ក្នុងនោះមានដូចជា អង្គភាពនានារបស់កងទ័ព មន្ទីរពេទ្យ សាលារៀនផ្លូវស្ពាន ប្រែក្លាយបន្ទាត់ព្រំដែនទៅជាព្រំដែនមានសន្តិភាព ការអភិវឌ្ឍលើគ្រប់វិស័យ ។ ក្នុងឱកាសនោះដែរ ឯកឧត្តមកិត្តិនីតិកោសលបណ្ឌិត ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ បានឱ្យដឹងថា ជំនួសមុខឱ្យរាជរដ្ឋាភិបាលកម្ពុជា សូមសំដែងការដឹងគុណជានិច្ចចំពោះនាយ នាយទាហានរង និងពលទាហានទាំងអស់ ដែលបានយកអស់កម្លាំងកាយចិត្តប្រាជ្ញាស្មារតីទទួលខុសត្រូវខ្ពស់ ក្នុងការអនុវត្តន៍គោរពបទបញ្ជារបស់ថ្នាក់លើ ឈរជើងការពារបូរណភាពទឹកដីបានល្អប្រសើរ បើគ្មានសមរភូមិមុខ ក៏គ្មានសមរភូមិក្រោយដែរ។ ជាងនេះទៅទៀត រាជរដ្ឋាភិបាលក្រោមការដឹកនាំរបស់សម្តេចធិបតី ហ៊ុន ម៉ាណែត បានយកចិត្តទុកដាក់ខ្ពស់បំផុតចំពោះសុខទុក្ខរបស់នាយទាហាន និងពលទាហាន ។ ជាពិសេសគ្រួសារកងទ័ពឱ្យមានជីវភាពរស់នៅប្រចាំថ្ងៃ កាន់តែល្អប្រសើរថែមមួយកម្រិតទៀតផងដែរ ៕

សម្ដេចតេជោបង្ហាញរូបថតចាស់ៗនាទសវត្សរ៍១៩៨០ ខណៈកំពុងដឹកនាំប្រទេសក្នុងសភាពមានសន្តិភាពផង និងមានសង្រ្គាមផង

ភ្នំពេញ៖ នៅថ្ងៃទី៨ ខែមេសា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា បានបង្ហាញរូបថតចាស់ៗនាទសវត្សរ៍១៩៨០ ខណៈកំពុងដឹកនាំប្រទេសក្នុងសភាពចល័ត មានសន្តិភាពផង និងមានសង្រ្គាមផង។សម្ដេចតេជោ បានសរសេរថា៖ឃើញរូបថតចាស់ៗនាទសវត្សរ៍១៩៨០ ធ្វើឱ្យនឹកឃើញដល់ការដឹកនាំប្រទេសក្នុងសភាពការចល័តមានសន្តិភាពផង និងមានសង្រ្គាមផង។ វាយផងចរចាផង អភិវឌ្ឍសេដ្ឋកិច្ចសង្គមផងដែលប្រើពេលជាងពាក់កណ្តាលជីវិតទើបរកសន្តិភាព និងមានការអភិវឌ្ឍដូចសព្វថ្ងៃបាន»។សម្ដេចតេជោបានបញ្ជាក់ថា រូបថត ៤ សន្លឹកនេះ ៣ សន្លឹកដើរចូលសភា និងប្រជុំសភា និង ១ សន្លឹកប្រជុំរកដំណោះស្រាយសន្តិភាពដែលពេលនោះទើបមានអាយុជាង៣០ឆ្នាំ៕

ថៃសន្យាបន្តសហការជាមួយកម្ពុជាចំពោះសុខទុក្ខពលករខ្មែរជួបប្រទះគ្រោះរញ្ជួយដី

ក្នុងជំនួបជាមួយប្រមុខការទូតកម្ពុជា ឯកឧត្តម ឯកអគ្គរាជទូតថៃប្រចាំកម្ពុជា សន្យាបន្តសហការជាមួយកម្ពុជាចំពោះសុខទុក្ខពលករខ្មែរដែលជួបប្រទះគ្រោះរញ្ជួយដី។ ការសន្យារបស់ឯកឧត្តម ឯកអគ្គរាជទូតថៃប្រចាំកម្ពុជា ធ្វើឡើងនៅថ្ងៃទី៨ ខែមេសា ឆ្នាំ២០២៥ ក្នុងឱកាស ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ អនុញ្ញាតឱ្យ ឯកឧត្តម Tull TRAISORAT ឯកអគ្គរាជទូតថៃប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង។ជាដំបូង ឯកឧត្តម ឧបនាយករដ្ឋមន្រ្តី បានសម្តែងការស្វាគមន៍យ៉ាងកក់ក្តៅចំពោះអាណត្តិបេសកកម្មកម្មរបស់ឯកឧត្តម ឯកអគ្គរាជទូតថៃ និងសហការីដែលកំពុងបំពេញភារកិច្ចក្នុងប្រទេសកម្ពុជា។ ឯកឧត្តម ឧបនាយករដ្ឋមន្រ្តី បានសម្តែងការសោកស្តាយ និងចូលរួមរំលែកទុក្ខចំពោះប្រជាពលរដ្ឋថៃដែលរងគ្រោះ និងស្លាប់ក្នុងគ្រោះរញ្ជួយដីកាលពីចុងខែមីនាកន្លងទៅ។ ក្នុងនោះ ឯកឧត្តម ឧបនាយករដ្ឋមន្រ្តី បានថ្លែងអំណរគុណចំពោះរាជរដ្ឋាភិបាលថៃ ពិសេសអាជ្ញាធរថៃដែលបានខិតខំប្រឹងប្រែងស្វែងរកជនរងគ្រោះទាំងប្រជាជនថៃ និងពលករខ្មែរដែលជួបប្រទះក្នុងគ្រោះរញ្ជួយដី។ជាការឆ្លើយតប ឯកឧត្តម ឯកអគ្គរាជទូតថៃ បានថ្លែងអំណរគុណចំពោះការស្វាគមន៍របស់ឯកឧត្តម ឧបនាយករដ្ឋមន្រ្តី ក្នុងអាណ្ណត្តិបេសកកម្មរបស់ខ្លួនមកកាន់កម្ពុជា ដើម្បីបន្តជំរុញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ជុំវិញបញ្ហាគ្រោះរញ្ជួយដី ឯកឧត្តម ឯកអគ្គរាជទូតថៃ បានសន្យាថា រាជរដ្ឋាភិបាលថៃ និងសហការយ៉ាងជិតស្និទ្ធបំផុតជាមួយរាជរដ្ឋាភិបាលកម្ពុជា តាមរយៈទូតកម្ពុជាប្រចាំប្រទេសថៃ ដើម្បីសហការបន្តតាមដាន និងយកចិត្តទុកដាក់ខ្ពស់ចំពោះសុខទុក្ខរបស់ពលករខ្មែរគ្រប់រូប។ បន្ថែមលើនេះ ឯកឧត្តម ឧបនាយករដ្ឋមន្រ្តី មានជំនឿមុតមាំថា តាមរយៈបេសកកម្មរបស់ឯកឧត្តម ឯកអគ្គរាជទូតថៃ នឹងរួមចំណែកពង្រឹង ពង្រីកកិច្ចសហប្រតិបត្តិការ ហើយថែមទាំងជំរុញទំនាក់ទំនងទ្វេភាគីឱ្យកាន់តែរឹងមាំបន្ថែមទៀត៕

មន្ទីសាធារណការ និងនគរបាលចរាចរណ៍ជើងទឹក ចុះអប់រំណែនាំម្ចាស់អាជីវកម្មកំពង់ចម្លង អោយយកចិត្តទុកដាក់ខ្ពស់លើការដឹកជញ្ជូនប្រជាពលរដ្ឋ

កំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅព្រឹកថ្ងៃទី០៨ ខែមេសា ឆ្នាំ២០២៥នេះ បានអោយ មន្ទីរសាធារណការ និងដឹកជញ្ជូនខេត្ត នគរបាលចរាចរណ៍ជើងទឹក និងក្រុមការងារ ចុះអប់រំផ្សព្វផ្សាយច្បាប់ស្តីពីការដឹកជញ្ជូនផ្លូវទឹក និងធ្វើការណែនាំអោយម្ចាស់អាជីវកម្មកំពង់ចម្លងត្រូវយកចិត្តទុកខ្ពស់ រាល់ការដឹកជញ្ជូនប្រជាពលរដ្ឋក្នុងឪកាសបុណ្យចូលឆ្នាំខាងមុខ ព្រោះមានប្រជាពលរដ្ឋច្រើនធ្វើដំណើរទៅមកលេងស្រុកកំណើត ដែលការផ្សព្វផ្សាយនេះ ធ្វើឡើងនៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ។ក្រុមការងារ បានពន្យល់ណែនាំដល់ពួកគាត់ឱ្យចេះគោរពច្បាប់ចរាចរណ៍ផ្លូវទឹក និងបានណែនាំពួកគាត់ចំនួន៧ចំណុចគឺ៖ ១. មិនត្រូវបើកក្នុងស្ថានភាពស្រវឹង, ២. មុនចេញដំណើរម្ចាស់នាវាត្រូវមានឧបករណ៏សង្គ្រោះដូចជា អាវពោង ពោង ម៉ាស៊ីនបូមទឹក បំពង់ពន្លត់អគ្គីភ័យ អ្នករួមដំណើរត្រូវពាក់អាវពោងទាំងអស់គ្នា, ៣. មិនត្រូវដាក់សំភារះផ្សេងៗ ឫមនុស្ស លើសចំណុះ, ៤. គ្រប់អាជីវកម្មដឹកអ្នកដំណើរទាំងអស់ត្រូវបញ្ឍប់ជាបន្ទាន់ ប្រើប្រាស់នាវាខុសលក្ខណៈបច្ចេកទេស, ៥.ត្រូវរៀបចំកន្លែងអង្គុយ រឺឈរអោយបានត្រឹមត្រូវ និងគ្រប់គ្រងអ្នកដំណើរគ្រប់រូបស្ថិតលើនាវា-ទូក, ៦.ត្រូវណែនាំអោយអ្នកដំណើរអង្គុយ ឬឈរតាមកន្លែងសមស្របដែលអាចរក្សាលំនឹងរបស់នាវា-ទូក, ៧.នាវាដែលធ្វើចរាចរណ៏លើផ្ទៃទឹកត្រូវតែចុះបញ្ជីឱ្យបានត្រឹមត្រូវនៅអង្គភាពច្រកចេញចូលតែមួយរាជធានី ខេត្ត ។ក្រោយការផ្សព្វផ្សាយនេះ ម្ចាស់កំពង់ចម្លង បានសន្យាថា នឹងគោរពតាមច្បាប់ចរាចរណ៍ទាំង៧ចំណុច ដែលក្រុមការងារបានផ្សព្វផ្សាយក្នុងថ្ងៃនេះ តែម្ចាស់កំពង់ចម្លងក៏បានសំណូមពរដល់ក្រុមការងារ អោយពិនិត្យ និងចំណាត់ការផ្លូវច្បាប់ ដោយមានកាណូតបាឡាស្មាច់មួយចំនួនដែលបំពាក់ម៉ាស៊ីនធំៗ និងបើកលឿនៗ ដែលអាចនាំអោយគ្រោះថ្នាក់ដល់អ្នកដំណើរផងដែរ៕ កាំង ហុងវាស្នា

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877