នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
លោកសាស្រ្តាចារ្យរង លូ លីឃាង អញ្ជើញសម្ពោធបើកជាផ្លូវការគ្លីនិកជំងឺភ្នែកស្ងួត នៃមនី្ទរពេទ្យព្រះអង្គឌួង
ក្រសួងធម្មការ បើកវគ្គបណ្ដុះបណ្ដាលស្ដីពីតួនាទី ភារកិច្ចនិងក្រមសីលធម៌អាចារ្យខ្មែរ (ជំនាន់ទី៥០)

ព័ត៌មានជាតិ

ព្រឹទ្ធសភាសម្រេចបញ្ជូនសេចក្ដីព្រាងច្បាប់ស្តីពីការអនុម័តយល់ព្រមលើការធានាទូទាត់របស់រាជរដ្ឋាភិបាលឱ្យក្រុមហ៊ុនវិនិយោគវិស័យអគ្គិសនីនៅកម្ពុជាទៅគណៈកម្មការជំនាញ ដើម្បីពិនិត្យសិក្សា និងផ្តល់យោបល់

2025/05/27 12:26:43 pm        102
Facebook Telegram Linkin
នៅព្រឹកថ្ងៃទី២៧ ខែឧសភា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតី កិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នីតិកាលទី៥ នៅវិមានព្រឹទ្ធសភា រាជធានីភ្នំពេញ ដើម្បីពិនិត្យ ពិភាក្សា និងអនុម័តលើរបៀបវារៈចំនួន២៨។បន្ទាប់ពីបានពិនិត្យ និងពិភាក្សារួចមកគណៈកម្មាធិការអចិន្ត្រៃយ៍ព្រឹទ្ធសភាបានសម្រេច៖ ១-បញ្ជូនសេចក្តីព្រាងច្បាប់ស្តីពី ការអនុម័តយល់ព្រមលើផែនការយុទ្ធសាស្ត្រអភិវឌ្ឍន៍ជាតិ របស់រាជរដ្ឋាភិបាល នីតិកាលទី៧ នៃរដ្ឋសភា ទៅគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា ដើម្បី ពិនិត្យសិក្សា និងផ្តល់យោបល់។ ២-បញ្ជូនសេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់ រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន បានយ៉ាន អេនើជី ឯ.ក សម្រាប់គម្រោងវិនិយោគស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៣០០មេហ្គាវ៉ាត់ នៅខេត្តកំពង់ឆ្នាំង ទៅគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា ដើម្បីពិនិត្យសិក្សា និងផ្តល់យោបល់ និង៣- បញ្ជូនសេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់ រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន វេ សាន់ ស៊ី.អេ.ភី យូណាយធីត អ៊ិនវេសម៉ិន ឯ.ក សម្រាប់គម្រោងវិនិយោគស្ថានីយផលិតអគ្គិសនីដើរដោយថាមពល ពន្លឺព្រះអាទិត្យ អានុភាព១០០មេហ្គាវ៉ាត់ នៅខេត្តបាត់ដំបង ទៅគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា ដើម្បីពិនិត្យសិក្សា និងផ្តល់យោបល់ផងដែរ។ ចំណែករបៀបវារៈចំនួន២៥ទៀត បន្ទាប់ពីបានពិនិត្យ និងពិភាក្សារួចមកគណៈកម្មាធិការអចិន្ត្រៃយ៍ព្រឹទ្ធសភាបានសម្រេចបញ្ជូនគណៈកម្មការជំនាញ ដើម្បីពិនិត្យសិក្សា និងផ្តល់យោបល់ផងដែរ។ សូមជម្រាបថា សេចក្ដីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណា-ចក្រកម្ពុជាឱ្យក្រុមហ៊ុនវិនិយោគវិស័យអគ្គិសនីនៅព្រះរាជាណាចក្រកម្ពុជាទាំង២៤រៀបចំឡើងក្នុងគោលបំណង ឆ្លើយតបទៅនឹងតម្រូវការអគ្គិសនីដែលកើនឡើងជាបន្តបន្ទាប់រហូតដល់ឆ្នាំ២០២៨ ដោយផ្អែកតាមផែនការមេអភិវឌ្ឍន៍វិស័យថាមពល អគ្គិសនីនៅកម្ពុជា (២០២០.២០៤០) និងផែនការមេថ្មីដែលបានធ្វើបច្ចុប្បន្នភាពនៅឆ្នាំ២០២៤ និងដោយសារតែនៅចន្លោះពីឆ្នាំ២០២១ដល់ឆ្នាំ២០២៣ មានការរឹតបន្តឹងវិធានការរបស់ពិភពលោក ក្នុងការប្រយុទ្ធប្រឆាំងនឹងបម្រែបម្រួលអាកាសធាតុកាន់តែខ្លាំងឡើងបាននាំឱ្យគម្រោងអភិវឌ្ឍរោងចក្រផលិត អគ្គិសនីដុតធ្យូងថ្ម ដែលកម្ពុជាបានចុះហត្ថលេខាតាំងពីមុនឆ្នាំ២០១៩ ទាំងការអភិវឌ្ឍក្នុងប្រទេសទាំងការនាំចូល អគ្គិសនីពីប្រទេសឡាវ ត្រូវបានជាប់គាំង ដោយសារមិនអាចរកហិរញ្ញ-ប្បទានបាន។ ការផ្គត់ផ្គង់អគ្គិសនី នៅកម្ពុជាពីឆ្នាំ២០២៥ដល់ឆ្នាំ២០២៨ អាចប្រឈមនឹងកង្វះប្រភពអគ្គិសនី ប្រសិនបើមិនមានការរៀបចំការអភិវឌ្ឍ ប្រភពអគ្គិសនីថ្មីមកជំនួសឱ្យបានទាន់ពេលវេលា៕

កម្មករ មន្ត្រីរាជការ និងពលរដ្ឋនានាទៀតកាន់តែច្រើននាំគ្នាចាក់វ៉ាក់សាំងកូវីដ-១៩ នៅ​មណ្ឌល​សុខភាព​តាខ្មៅ

2025/05/27 12:06:31 pm        43
Facebook Telegram Linkin
នៅថ្ងៃទី២៧ ខែឧសភានេះ មានកម្មករ កម្មការនី មន្ត្រីរាជការ កងកម្លាំងប្រដាប់អាវុធ និង​ពលរដ្ឋ​នានា​ទៀតកាន់តែច្រើនបាននាំគ្នា​ទៅចាក់វ៉ាក់សាំងដូសជំរុញ​ការពារមេរោគកូវីដ-១៩ នៅ​មណ្ឌល​សុខ​ភាព​តាខ្មៅ ស្ថិតក្នុងបរិវេណមន្ទីរពេទ្យជ័យជំនះ ខេត្តកណ្តាល។បើតាមតំណាងកម្មករ-កម្មការនី និងមន្ត្រីរាជការ នៅខេត្តកណ្តាល បានថ្លែងថា មូលហេតុ​ដែល​យើង​ទាំង​អស់​ត្រូវ​មក​ចាក់វ៉ាក់សំាងដូសជំរុញការពារមេរោគកូវីដ-១៩នេះ ដោយសារបច្ចុប្បន្ន ក្រសួង​សុខាភិបាល​បានប្រកាសថា មានករណីឆ្លងថ្មីនៃមេរោគកូវីដ-១៩ ប្រភេទអូមីក្រុងបំប្លែងថ្មី JN.1 មានសភាពឆ្លងរាតត្បាតលឿនហើយម្យ៉ាងទៀត យើងត្រូវតែចាក់ការពារ​ដោយសារ ការងារ​នៅ​ក្នុង​រោង​ចក្រនៅការដ្ឋានការងារនានាទៀត គឺមានមនុស្សប្រមូលផ្តុំគ្នាច្រើន។បើតាមលោកស្រី ប្រីយ ចាន់មុនី្ន ប្រធានមណ្ឌលសុខភាពតាខ្មៅ ថ្លែងថា ក្នុង​រយៈពេល​ប៉ុន្មាន​ថ្ងៃ​មក​នេះ ​នៅក្នុងមណ្ឌលសុខភាពតាខ្មៅ គឺបានទទួល​ពលរដ្ឋ​មក​ចាក់​វ៉ាក់សាំង​ដូស​ជំរុញ​ការ​ពារ​មេរោគ​កូវីដ-១៩នេះច្រើន​កុះករហូរហែរ ជាពិសេសពលរដ្ឋនៅក្នុងចំណោមរោងចក្រកម្មករ កម្មការនី មន្ត្រីរាជការ កងកម្លាំងប្រដាប់អាវុធ អ្នកប្រកបសេដ្ឋកិច្ចក្រៅប្រព័ន្ធ និង​ពលរដ្ឋ​អ្នក​ដំណើរ​ឆ្លង​កាត់​ជិតឆ្លងកាត់នានាទៀត។តាមសេចក្តីណែនាំក្រសួងសុខាភិបាល បានក្រើនរំលឹកថា វីរុសកូវីដ១៩ អូមីក្រុងបំប្លែងថ្មី JN.1 ជា​ប្រភេទវីសរុសមានការឆ្លងរីករាលដាលយ៉ាងឆាប់រហ័ស និងសូមអំពាវនាវពលរដ្ឋ បន្ត​អនុវត្ត​វិធាន​ការ លាងដៃ ពាក់ម៉ាស់ ក្នុងពេលចាំបាច់ ខ្ទប់មាត់ច្រមុះពេលក្អកកណ្តាស់ ដោយសារ​ផ្នត់​កែង​ដៃ​កន្សែង ឬក្រដាសអនាម័យ រក្សាគន្លាតជាមួយបុគ្គលដែលមានរោគសញា ផ្តាសាយ។ ព្រម​ជាមួយគ្នានេះក្រសួងសុខាភិបាល ក៏បានអំពាវនាវ នាំគ្នាចាក់វ៉ាក់សាំងកូវីដ១៩ រៀងរាល់​៦​ខែ​ម្តង​ ជាពិសេសសម្រាប់ជនវ័យចាស់ ចាស់ជរា អ្នកមានជំងឺរ៉ាំរ៉ៃ និងមានភាពសាំថមថយជាដើម៕ អត្ថបទ ស៊ុម សុខជា

ក្នុងឱកាសចូលរួមកិច្ចប្រជុំកំពូលអាស៊ានព្រឹកនេះសម្ដេចធិបតី បន្តមាន​ជំនួបជាមួយ​មេដឹកនាំ​អាស៊ាន ​និងចិន

2025/05/27 11:40:37 am        92
Facebook Telegram Linkin
ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី៤៦ និងកិច្ច​ប្រជុំ​កំពូល​ពាក់​ព័ន្ធ​នៅ​ទី​ក្រុង​គូឡាឡាំពួ ប្រទេសម៉ាឡេស៊ី នៅព្រឹកថ្ងៃទី២៧ ខែឧសភា ឆ្នាំ២០២៥នេះ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានបន្តមានជំនួបជាមួយ នាយករដ្ឋ​មន្រ្តី​នៃ​សាធារណ​រដ្ឋ​ប្រជាមានិតចិន, ប្រធានាធិបតី នៃសាធារណរដ្ឋហ្វីលីពីន, និងឧបនាយករដ្ឋមន្ត្រី​ទំនាក់​ទំនង​អន្តរជាតិ និងកិច្ចសហប្រតិបត្តិការអូម៉ង់ ក្នុងជំនួបសម្តែងការគួរសម និង​ពិភាក្សា​ការងារ។ ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី៤៦ និង​កិច្ច​ប្រជុំ​កំពូល​ពាក់ព័ន្ធ​នៅ​ទី​ក្រុង​គូឡា​ឡាំពួ ប្រទេសម៉ាឡេស៊ី ចាប់ពីថ្ងៃទី២០ ដល់ថ្ងៃទី២៧ ខែឧសភា ឆ្នាំ២០២៥​នេះ​សម្ដេច​ធិបតី នាយករដ្ឋមន្រ្ដីតែងតែមានជួបដាច់ដោយឡែកជាមួយមេដឹកនាំអាស៊ាន និ​ង​អាស៊ាន​បូក ជាមួយនឹងក្រុមធុរកិច្ចបរទេសនានាជាបន្តបន្ទាប់ ដើម្បីពង្រឹងទំនាក់ទំនង កិច្ច​សហ​ប្រតិបត្តិ​ការ​ និងទាក់ទាញអ្នកវិនិយោគបរទេសមកវិនិយោគនៅកម្ពុជា។ មិន​ខុសគ្នា ក្នុងឱកាសអញ្ជើញ​ចូលរួម​កិច្ច​ប្រជុំកំពូលអាស៊ានលើកទី៤៦នេះ សម្ដេចធិបតី នាយករដ្ឋ​មន្រ្ដី ចាប់តាំងពី​ថ្ងៃ​ដំបូង​ទៅ​ដល់​ទឹក​ដីនៃប្រទេសម៉ាឡេស៊ី ក្រៅពីចូល​រួម​កិច្ច​ប្រជុំ​កំពូល​ផ្លូវ​ការសម្ដេចធិបតី បាន​ឆ្លៀត​មាន​ជំនួប​ដាច់​ដោយឡែកជាមួយមេដឹកនាំអាស៊ាន និងអាស៊ាន​បូក​ជា​បន្ត​បន្ទាប់។ ជាក់ស្ដែងនៅព្រឹកថ្ងៃទី២៧ ខែឧសភានេះ សម្ដេចបានបន្តមានជំនួបជា ឯកឧត្តម លី ឈាង (Li Qiang) នាយករដ្ឋមន្រ្តីនៃសាធារណររដ្ឋប្រជាមានិតចិន, ឯកឧត្តម ហ្វឺឌីណាន់ ម៉ាកូស ជេអ (Ferdinand R. Marcos Jr.) ប្រធានាធិបតី នៃសាធារណរដ្ឋហ្វីលីពីន និងព្រះអង្គម្ចាស់ (សាយយីត អាស៊ាដ ប៊ីន តារីក អាល់ស៊ាដ) Sayyid Assad bin Tarik al Said ឧប​នាយករដ្ឋ​មន្ត្រី​ទំនាក់ទំនងអន្តរជាតិ និងកិច្ចសហប្រតិបត្តិការ អូម៉ង់ ក្នុងជំនួបសម្តែងការគួរសម និង​ពិភាក្សា​ការងារ។នៅព្រឹកនេះ សម្ដេចធិបតី ក៏បានបន្តចូលរួមកិច្ចប្រជុំកំពូលអាស៊ាន-ក្រុម​ប្រឹក្សា​សហប្រតិបត្តិការ​ឈូង​សមុទ្រ​លើកទី២ផងដែរ។សូមជម្រាបថា តបតាមការអញ្ជើញរបស់ ឯកឧត្តម ដាតុ ស៊េរី អាន់វ៉ា អ៊ីប្រាហ៊ីម (Dato' Seri Anwar Ibrahim) នាយករដ្ឋមន្ត្រី នៃប្រទេសម៉ាឡេស៊ី និងជាប្រធាននៃកិច្ចប្រជុំកំពូលអាស៊ាន ឆ្នាំ២០២៥ សម្តេច ធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវ​បណ្ឌិត​បាន​ដឹក​នាំ​គណៈ​ប្រតិភូ​ជាន់​ខ្ពស់កម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី៤៦ និងកិច្ចប្រជុំ កំពូលពាក់​ព័ន្ធ​ នៅទីក្រុងគូឡាឡាំពួ ប្រទេសម៉ាឡេស៊ីចាប់ថ្ងៃទី២៦-២៧ ខែឧសភា ឆ្នាំ២០២៥ ក្រោម​ប្រធាន​បទ «បរិយាបន្ន និងចីរភាព» ដែលកិច្ចប្រជុំបាន​ផ្តោត​លើការ​ជំរុញ​ការ​កសាង​សហគមន៍​អាស៊ាន និងបានអនុម័តចក្ខុវិស័យសហគមន៍អាស៊ានឆ្នាំ២០៤៥ ដែលជាព្រឹត្តិកា​រណ៍ដ៏​សំខាន់​មួយ​ក្នុង​ការបញ្ជាក់ឡើងវិញពីការលើកកម្ពស់ ការប្តេជ្ញាចិត្តរួមគ្នា​របស់​តំបន់​អាស៊ាន​ដែល​ប្រកប​ដោយ​ភាពធន់ នវានុត្តន៍ ថាមវន្ត និងផ្តោតលើប្រជាជនជាចម្បង៕

សម្ដេចតេជោ ហ៊ុន សែន អបអរសាទរ​ចំពោះប្រទេសទីម័រឡេស្ដេនឹង​ចូលជាសមាជិក​ពេញ​សិទ្ធិ​អាស៊ាន​នៅ​ខែតុលាខាងមុខ ខណៈកម្ពុជាគាំទ្រយ៉ាងពេញទំហឹងដល់សមាជិកភាពនេះ

2025/05/27 11:06:25 am        152
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា នៅថ្ងៃទី២៦ ខែឧសភា ឆ្នាំ​២០២៥នេះ បានផ្ញើសារបង្ហាញក្ដីរីករាយ អបអរសាទរជូនចំពោះ ឯកឧត្តម ចូសេ រ៉ាម៉ូស ហ័រតា (José Ramos-Horta) ប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ, ឯក​ឧត្តម​ កៃ រ៉ាឡា ហ្សាណាណា ហ្គូសម៉ាវ នាយករដ្ឋ​មន្ត្រី​នៃ​សាធារណ​រដ្ឋ​ប្រជាធិបតេយ្យទី​ម័រ​ឡេស្តេ និងប្រជាជនទីម័រឡេស្ដេ ចំពោះសេចក្តីប្រកាសដ៏មានសារៈសំខាន់របស់ប្រធានអាស៊ាន និង​នាយករដ្ឋមន្ត្រីម៉ាឡេស៊ី ក្នុងកិច្ចប្រជុំកំពូលអាស៊ានលើកទី៤៦ នៅទីក្រុងគូឡាឡាំពួ ប្រទេ​ស​ម៉ា​ឡេស៊ី ស្តីពី​ការ​ចូល​ជា​សមាជិក​ពេញ​សិទ្ធិ​អាស៊ាន​របស់​ទីម័រ​ខាង​កើត​ក្នុង​ពេល​ដ៏​ខ្លីខាង​មុខនេះ។តាមរយៈសារលិខិតអបអរសាទរសម្ដេចតេជោ ហ៊ុន សែន បានបង្ហាញ សេចក្តីសោមនស្ស​រីក​រាយ​ជា​ខ្លាំង ដែលបានដឹងពីសេចក្តីប្រកាសដ៏មានសារៈសំខាន់របស់ប្រធានអាស៊ាន និង​នាយករដ្ឋ​មន្ត្រី​ម៉ាឡេស៊ីស្តី​ពី​ការ​ចូល​ជា​សមាជិក​ពេញ​សិទ្ធិ​អាស៊ាន​របស់​ទីម័រ​ខាង​កើត​ក្នុង​ពេល​ដ៏​ខ្លី​ខាង​មុខ​នេះ។​ សម្ដេចតេជោចាត់ទុក ព្រឹត្តិការណ៍ជាប្រវត្តិសាស្ត្រនេះ គឺជាខណៈវេលា​ដ៏​មាន​មោទនភាព​មួយ​សម្រាប់​ប្រជាជនទីម័រ និងជាសក្ខីភាពនៃសាមគ្គីភាព មជ្ឈភាព និងការប្តេជ្ញាចិត្តរបស់​អាស៊ាន​ចំពោះ​សមាហរណកម្មក្នុងតំបន់។ ក្នុងនាមព្រឹទ្ធសភា និងប្រជាជនកម្ពុជា សម្ដេច​បាន​ចូល​រួម​អបអរសាទរ ដោយស្មោះអស់ពីដួងចិត្តចំពោះ ឯកឧត្តម នាយករដ្ឋមន្ត្រីទីម័រឡេស្តេ រដ្ឋាភិបាល និងប្រជាជន ទីម័រឡេស្តេ ចំពោះសមិទ្ធិផលជាប្រវត្តិសាស្ត្រនេះ។ សម្ដេច​តេជោ មានប្រសាសន៍បញ្ជាក់ថា ការចូលជាសមាជិកជាផ្លូវការរបស់ទីម័រឡេស្ដេ ជាសមាជិក​ទី​១១ នៃអាស៊ានក្នុងកិច្ចប្រជុំកំពូលអាស៊ានលើកទី៤៧ នៅខែតុលា ឆ្នាំ២០២៥​ខាង​មុខ​ បន្ទាប់ពីការចូល​ជា​សមាជិក​អាស៊ាន​ជាគោលការណ៍​នៅ​ក្នុង​កិច្ច​ប្រជុំ​កំពូល​អាស៊ាន​លើក​ទី៤០ និងលើកទី៤១ នៅកម្ពុជាក្នុងឆ្នាំ២០២២ គឺជាជំហាន​ឆ្ពោះ​ទៅមុ​ខ​ដ៏​សំខាន់​សម្រាប់​តំបន់​អាស៊ាន​។សម្ដេចតេជោមានប្រសាសន៍បញ្ជាក់ថា ក្នុងនាមជាមិត្តដ៏យូរអង្វែង កម្ពុជាបានគាំទ្រយ៉ា​ង​ពេញ​ទំហឹង​ដល់​សមាជិកភាពអាស៊ានរបស់ ទីម័រឡេស្តេ ដែលនឹងធ្វើឱ្យកិច្ច​ខិតខំ​ប្រឹង​ប្រែង​រួម​​គ្នា​របស់​យើង​ក្នុង​ការ​លើកកម្ពស់ឯកភាព បរិយាប័ន្ន និងការអភិវឌ្ឍន៍ប្រកប​ដោយ​ចីរភាព​នៅ​ទូទាំង​អាស៊ី​អាគ្នេយ៍។​ សម្ដេចបន្តថា ប្រឈមមុខនឹងបរិការណ៍សកលលោក កាន់តែស្មុគស្មាញ ការ​ដាក់​បញ្ចូល​ទីម័រឡេស្តជាសមាជិកអាស៊ាន ពង្រឹងចក្ខុវិស័យរួមសម្រាប់សហគមន៍អាស៊ានដែលធន់ និង​ស្អិតរមួត។ ខណៈកម្ពុជា ទន្ទឹងរង់ចាំធ្វើឱ្យស៊ីជម្រៅនូវកិច្ចសហប្រតិបត្តិការទ្វេភាគី និង​ធ្វើ​ការ​យ៉ាង​ជិត​ស្និទ្ធជាមួយទីម័រឡេស្តេ ដើម្បីជំរុញគោលដៅ​ទៅ​វិញ​ទៅ​មក​នៅ​ក្នុង​ប៉ុន្មាន​ឆ្នាំ​ខាង​មុខ​នេះ​។ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានលើកឡើងថា ការទទួល​យកទីម័រ​ឡេស្តេ​ជា​សមាជិក​ពេញ​សិទ្ធិនៅខែតុលាខាងមុខ គឺជាការឆ្លុះបញ្ចាំងពីការខិតខំរបស់រដ្ឋាភិបាលទីម័ និង​ឥទ្ធិពល​​របស់សម្តេចតេជោ នៅក្នុងតំបន់អាស៊ាន ពោលគឺរាល់មតិយោបល់ និងសំណើររបស់​ស​ម្តេចតេជោ តែងតែត្រូវបានមេដឹកនាំអាស៊ានពិចារណានឹងអនុវត្តតាម។ ឯកឧត្ដម​​បាន​លើកឡើងថា នៅក្នុងតំបន់អាស៊ាន សម្តេចតេជោ ជាមេដឹកនាំ​ដ៏​មាន​ពិសោធន៍​ច្រើន​ និងតែងតែមានគំនិតផ្តួចផ្តើមសំខាន់ៗ ដើម្បី​សាមគ្គីភាពនិងភាពរីកចម្រើន​នៅ​ក្នុង​តំបន់​អាស៊ាន​។ ខណៈបច្ចុប្បន្នទោះសម្ដេចតេជោឈប់ធ្វើនាយករដ្ឋមន្រ្តី តែមេដឹកនាំ​អាស៊ាន​នូវ​តែ​ត្រូវ​ការ​ការណែនាំពីសម្ដេចហើយនាយករដ្ឋមន្រ្តី ម៉ាឡេស៊ី ដែលជាប្រធានប្តូរវេនអាស៊ានឆ្នាំ ២០២៥ បាន​តែងតាំងសម្តេចជាទីប្រឹក្សាជុំវិញការដោះស្រាយបញ្ហាមីយ៉ាន់ម៉ាផងដែរ។ សម្តេចតេជោ ក៏​ត្រូវ​បាន​ប្រធានាធិបតីឥណ្ឌូនេស៊ី និងមេដឹកនាំនានា ហៅថា ជារដ្ឋបុរសរបស់អាស៊ាន និងជា​មេដឹកនាំ​ដ៏​មានឥទ្ធិពលក្នុងតំបន់។ឯកឧត្តម ជា ធីរិទ្ធ បានបញ្ជាក់ថា អ្វីដែលកម្ពុជាទទួលបានពីការចូលរបស់ទីម័រនេះ។ គឺកិត្តិនាម​សម្រាប់​ជាតិ ជាពិសេសគឺការគោរពដឹងគុណពីប្រជាជននិងមេដឹកនាំទីម័រគ្រប់លំដាប់ថ្នាក់ ចំពោះ​ប្រទេស​កម្ពុជា និង​ថ្នាក់ដឹកនាំកម្ពុជាពោលគឺសម្តេចតេជោ ដែលបានជួយជ្រោម​ជ្រែង​យ៉ាង​សកម្ម​ស្វែង​រក​ការ​គាំទ្រសម្រាប់ទីម័រក្លាយជាសមាជិកពេញសិទ្ធិរបស់អាស៊ាន។ ទំនាក់ទំនងកម្ពុជា និ​ង​ទីម័រ​នឹង​កាន់​តែរឹងមាំ៕

ស្នងការនគរបាលរាជធានីភ្នំពេញ បន្តឧបត្ថម្ភថវិកា​២លានរៀលដល់កម្លាំង​នគរបាល​ដែល​បង្រ្កាប​ជនសង្ស័យ​០៣នាក់ធ្វើសកម្មភាពឆក់ខ្សែ.កពលរដ្ឋ

2025/05/27 10:45:41 am        295
Facebook Telegram Linkin
ឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការនគរបាលរាជធានីភ្នំពេញ បាន​បន្តលើកទឹកចិត្ត ឧបត្ថម្ភថវិកា​២លាន​រៀល​ដល់ក​ម្លាំង​នគរបាល​ដែល​បង្រ្កាប​ជន​សង្ស័យ​០៣​នា​ក់​ធ្វើស​កម្មភាពឆក់ខ្សែកពីជនរងគ្រោះ។ប្រតិបត្តិការឃាត់ខ្លួននេះបានធ្វើឡើង នៅវេលាម៉ោង០៨យប់ថ្ងៃទី២៦ ខែឧសភា ឆ្នាំ២០២៥ កម្លាំង​នគរបាលផែនព្រហ្មទណ្ឌនៃអធិការដ្ឋាននគរបាលខណ្ឌឬស្សីកែវ សហការ​ជាមួយ​នគរបាល​ប៉ុស្តិ៍​រដ្ឋបាល បើកការស្រាវជ្រាវ​កំណត់​មុខ​សញ្ញា​ឈាន​ដល់​ការ​ឃាត់​ខ្លួន​បាន​ជន​សង្ស័យ​ទាំង​៣នាក់ នៅចំណុចលើផ្លូវបេតុង ក្រុមទី១ ភូមិ១ សង្កាត់ច្រាំងចំរេះទី១ ខណ្ឌឫស្សីកែវ រាជ​ធានីភ្នំពេញ។គួរបញ្ជាក់ផងដែរ កាលពីវេលាម៉ោង០៩និង២០នាទី ថ្ងៃទី២៤ ខែឧសភា ឆ្នាំ២០២៥ យុវ​តី​រង​គ្រោះ​បាន​ដើរទៅទិញនំញាំម្នាក់ឯង ហើយដើរតាមផ្លូវបេតុង ក្រុមទី៥ ភូមិខ២ សង្កាត់ច្រាំង​ចំរេះ​ទី​២ ខណ្ឌឫស្សីកែវ រាជធានី​ភ្នំពេញ​ត្រឡប់​មក​ផ្ទះ​វិញ​ខណៈ​ពេល​នោះ​ជន​សង្ស័យ​ចំនួន​០៣​នា​ក់ជិះ​ម៉ូ​តូ០១គ្រឿងមកដល់ចំណុចកើតហេតុឃើញក្មេងស្រីរងគ្រោះកំពុងតែដើរម្នាក់ឯង ឆ្លៀត​ឱកាស​ស្ងា​ត់ ជនសង្ស័យក៏បានធ្វើសកម្មភាពចុះពីលើម៉ូតូរួចទៅកញ្ឆក់យកខ្សែក ពី ក្មេងស្រី​រង​គ្រោះបា​ន​សម្រេចហើយគេចខ្លួនបាត់ទៅ ។បន្ទាប់មកម្តាយជនរង​គ្រោះ​បាន​ដឹង​ថា​កូន​របស់​ខ្លួន​បាត់​ខ្សែ​ក ក៏នាំកូនមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលច្រាំងចំរេះទី២។បច្ចុប្បន្នជនសង្ស័យទាំង០៣នាក់ត្រូវនគរបាលសាកសួរ និងកសាងសំណុំរឿង ដើម្បី​បញ្ជូន​ខ្លួន​ទៅ​តុលាការចាត់ការតាមនីតិវិធី៕ អត្ថបទ៖ កុម្ភៈ

ពលរដ្ឋជាង១សែន២ម៉ឺននាក់នៅខេត្ដស្វាយរៀង​ត្រូវបានធ្វើជីវមាត្របច្ចុប្បន្នភាពក្នុងបញ្ជីបោះឆ្នោតឆ្នាំ២០២៥

2025/05/27 10:33:15 am        88
Facebook Telegram Linkin
ស្វាយរៀង ៖ លោក សុខ សាគុណ ប្រធានលេខាដ្ឋានគណៈកម្មការខេត្ដរៀបចំការបោះឆ្នោតខេត្តស្វាយរៀងនៅថ្ងៃទី២៧ ខែឧសភា ឆ្នាំ២០២៥នេះ បានប្រាប់់ ទូរទស្សន៏ BTV​ តាមសារតេឡេក្រាមអោយដឹងថា ក្នុងរយះពេល២៦ថ្ងៃ ដោយចាប់គិតពីថ្ងៃទី១ដល់ថ្ងៃទី២៦ ខែឧសភា ឆ្នាំ២០២៥ ពលរដ្ឋដែលដល់អាយុចុះឈ្មោះបោះឆ្នោត១៨ឆ្នាំ និងអ្នកផ្ទេរចូល មករួមរស់នៅតាមគ្រួសារ នៅតាមបណ្តាឃុំ សង្កាត់ នៃខេត្ត បានមកធ្វើការចុះឈ្មោះថ្មីមានចំនួន១សែន០ពាន់៨៣២នាក់ស្មើនិង៨១.៤៥% កែតម្រូវទិន្ននយ័ មានចំនួន៦ម៉ឺន៥ពាន់៣១១នាក់ ធ្វើបច្ចុប្បន្នជីវមាត្រចំនួន ១សែន២ម៉ឺន០ពាន់៨៣៥នាក់ ស្មើនិង៤៥.៨៣% និងលុបឈ្មោះចេញពីបញ្ជីបោះឆ្នោតមានចំនួន២ពាន់១១៨នាក់ ។  លោកបានបញ្ជាក់ថា បើតាមការប៉ាន់ស្មានរបស់គណៈកម្មការរៀបចំបោះឆ្នោតខេត្ត ស្វាយរៀងបច្ចុប្បន្នមាន ពលរដ្ឋ ចាប់ពីអាយុ១៨ឆ្នាំឡើងចំនួន ៤សែន៤ម៉ឺន០ពាន់៧៤៦នាក់ ក្នុងនោះពលរដ្ឋមានឈ្មោះក្នុងបញ្ជីបោះឆ្នោតឆ្នាំ២០២៤ចំនួន៤សែន២ម៉ឺន៥ពាន់០២៥នាក់ ពលរដ្ឋទើបគ្រប់អាយុ១៨ឆ្នាំឡើងមានចំនួន៤ពាន់៣៥៨នាក់ ពលរដ្ឋមិនដែលបានចុះឈ្មោះបោះឆ្នោតមានចំនួន៧ពាន់១៦៣នាក់ ពលរដ្ឋដែលត្រូវបានចុះឈ្មោះមានចំនួន១ម៉ឺន៣ពាន់២៩៩នាក់ ពលរដ្ឋត្រូវធ្វើបច្ចុប្បន្នភាពទិន្ននយ័មានចំនួន២សែន៦ម៉ឺន៣ពាន់៦៥០នាក់ ការិយាលយ័បោះឆ្នោតសរុប​១ពាន់០ពាន់៣៤ការិយលយ័ ។  លោកបានបញ្ជាក់បន្ថែមថានៅក្នុង ដំណើរការចុះឈ្មោះបោះឆ្នោតរយះពេល២៦ថ្ងៃ នៅគ្រប់ការិយាលយ័បោះឆ្នោតទូទាំងខេត្តទទួលបានសន្តិសុខល្អប្រសើរក្រោមការចូលរួមរក្សាសន្តិសុខពីមន្ត្រីមានសម្ត្ថកិច្ច ។                                                                                

កម្ពុជា-ចាយកា សន្យាបន្តពង្រឹងកិច្ចសហប្រតិបត្តិការកាន់តែស៊ីជម្រៅលើវិស័យការងារ សន្ដិសុខសង្គម និង ធីវ៉េត

2025/05/27 10:24:53 am        190
Facebook Telegram Linkin
ស្ថិតនៅប្រទេសជប៉ុន ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានជួបពិភាក្សាទ្វេភាគីជាមួយ លោក កូបាយ៉ាហ្សិ ហ៊ីរ៉ូយូគិ (KOBAYASHI Hiroyuki) អនុប្រធានទីភ្នាក់ងារសហប្រតិបត្តិការអន្តរជាតិជប៉ុន (JICA) ដើម្បីជំរុញកិច្ចសហប្រតិបត្តិការលើវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) និងលទ្ធភាពក្នុងការអភិវឌ្ឍជំនាញដល់កម្មសិក្សាការីកម្ពុជាដែលមានបំណងចង់ធ្វើការនៅប្រទេសជប៉ុននាពេលអនាគត។យោងតាមផេកផ្លូវការរបស់ក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី២៧ ឧសភា ឆ្នាំ២០២៥នេះ បានឱ្យដឹងថា ក្នុងជំនួបនេះ ឯកឧត្ដមរដ្ឋមន្ត្រី និងលោកអនុប្រធាន បានលើកឡើងពីកិច្ចសហប្រតិបត្តិការ និងសមិទ្ធផលនានាដែលភាគីទាំងពីរសម្រេចបានក្នុងរយៈពេល ៦០ឆ្នាំកន្លងមក និងសន្យាថា នឹងបន្តពង្រឹងកិច្ចសហប្រតិបត្តិការនេះឱ្យកាន់តែស៊ីជម្រៅ និងស្អិតល្មួតជាងនេះ ដើម្បីភាពកាន់តែប្រសើរឡើងនៃជីវភាពរស់នៅ និងការរីកចម្រើនរបស់ប្រជាជននៃប្រទេសទាំងពីរ ពិសេសលើវិស័យការងារ សន្ដិសុខសង្គម និងបណ្ដុះបណ្ដាលវិជ្ជាជីវៈ។ប្រភពដដែល បានបន្តថា ជំនួបទ្វេភាគីនេះ ក៏បានរំលេចនូវលទ្ធផលពិភាក្សាសំខាន់ៗ ៣ចំណុច រួមមាន៖ ទី១. ការលើកកម្ពស់កិច្ចសហប្រតិបត្តិការវិស័យ TVET ២. គម្រោងវេទិកាជប៉ុនសម្រាប់ពលករទេសអន្ដរប្រវេសន៍ឆ្ពោះទៅសង្គមប្រកបដោយបរិយាបន្ន និងទំនួលខុសត្រូវ (Japan Platform for Migrant Workers toward Responsible and Inclusive Society ហៅកាត់ JP-MIRAI) និងទី៣. គំរូខេត្តណាហ្កាណុ ព័ត៌មាន និងការអភិវឌ្ឍសមត្ថភាព។ជាមួយគ្នានោះ ឯកឧត្ដមរដ្ឋមន្ត្រី បានថ្លែងអំណរគុណចំពោះការគាំទ្ររបស់ ចាយកា ដែលបានបន្តគាំទ្រយ៉ាងសកម្មចំពោះវិស័យ ធីវ៉េត នៅកម្ពុជា។ ទន្ទឹមនេះ ឯកឧត្ដម ក៏បានស្នើសុំការគាំទ្របន្ថែមក្នុងការធ្វើឱ្យទំនើបនូវឧបករណ៍បណ្តុះបណ្តាល និងការបង្កើនសមត្ថភាពគ្រូបង្រៀនជំនាញ ជាពិសេសវិស័យអេឡិចត្រូនិក រថយន្ត និងថាមពលដើមថ្មី។ក្នុងជំនួបនេះ ភាគីទាំងពីរបានឯកភាពលើសារ:សំខាន់នៃគម្រោងខាងលើ ដែលជួយការពារសិទ្ធិ និងសុខុមាលភាពរបស់កម្មសិក្សាការីកម្ពុជា។ ឯកឧត្ដមរដ្ឋមន្ត្រី បានស្វាគមន៍ការពង្រីកគំរូកិច្ចសហប្រតិបត្តិការរវាងក្រសួងការងារ និងបណ្ដុះបណ្ដាលវិជ្ជាជីវៈកម្ពុជា និងខេត្តណាហ្កាណុ នៃប្រទេសជប៉ុន ដែលផ្តោតសំខាន់លើការអភិវឌ្ឍធនធានមនុស្ស ការផ្លាស់ប្តូរវប្បធម៌ និងការផ្ទេរជំនាញក្រោយកម្មសិក្សាការីចប់អាណត្ដិការងារពីប្រទេសជប៉ុន។ឯកឧត្ដមរដ្ឋមន្ត្រី ហេង សួរ ក៏បានស្នើដល់ទីភ្នាក់ងារ ចាយកា ជួយគាំទ្រលើការបង្កើតមាតិកាផ្សព្វផ្សាយដែលសាមញ្ញ និងងាយស្រួលដូចជា វីដេអូ ឯកសារ ឬសៀវភៅសង្ខេប ដែលផ្តល់ព័ត៌មានអំពីសិទ្ធិ តួនាទី និងមធ្យោបាយទទួលជំនួយសម្រាប់កម្មសិក្សាការីកម្ពុជាដែលចង់ធ្វើការនៅប្រទេសជប៉ុនផងដែរ៕ឯកឧត្ដមរដ្ឋមន្ត្រី ហេង សួរ និងលោកអនុប្រធាន KOBAYASHI Hiroyuki ថែមទាំងបានលើកឡើងពីកិច្ចសហប្រតិបត្តិការ និងសមិទ្ធផលនានាដែលភាគីទាំងពីរសម្រេចបានក្នុងរយៈពេល៦០ឆ្នាំកន្លងមក និងសន្យាថានឹងបន្តពង្រឹងកិច្ចសហប្រតិបត្តិការនេះឱ្យកាន់តែស៊ីជម្រៅ និងស្អិតល្មួតជាងនេះ ដើម្បីភាពកាន់តែ​ប្រសើរ​ឡើងនៃជីវភាពរស់នៅ និងការរីកចម្រើន​របស់​ប្រជាជននៃប្រទេសទាំងពីរ ពិសេសលើវិស័យការងារ សន្ដិសុខសង្គម និងបណ្ដុះបណ្ដាលវិជ្ជាជីវៈ៕

សម្តេចតេជោ ហ៊ុន សែន នឹងបើកកិច្ចប្រជុំសមាជរដ្ឋសភា និងព្រឹទ្ធសភា នៅថ្ងៃទី២ ខែមិថុនា

2025/05/27 08:54:12 am        152
Facebook Telegram Linkin
នៅថ្ងៃទី២ ខែមិថុនា ឆ្នាំ២០២៥ សមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា នឹងបើកកិច្ចប្រជុំក្រោម អធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានសមាជរដ្ឋសភា និងព្រឹទ្ធសភា និងជាប្រធានព្រឹទ្ធសភា នៃព្រះរាជាណាចក្រកម្ពុជា តាមរបៀបវារៈដូចតទៅ៖១- ការពិភាក្សា និងអនុម័តប្រធានបទអំពីប្រព័ន្ធគាំពារសង្គម២- ការពិភាក្សា និងអនុម័តប្រធានបទអំពីសេដ្ឋកិច្ចក្រៅប្រព័ន្ធ៣- ការពិភាក្សា និងអនុម័តប្រធានបទអំពីវិស័យកសិកម្ម។

អគ្គនាយកអង្គការសុខភាពពិភពលោក«យើងត្រូវរំលឹកដល់គ្រប់ៗគ្នា និងរំលឹកដល់ពិភពលោក អំពីបទពិសោធន៍នៃនាវា អឹមអេស វេស្ទើរដាម ៖ កម្ពុជាប្រទេសតូច បេះដូងធំ»

2025/05/27 08:17:22 am        111
Facebook Telegram Linkin
លោក HE Dr Tedros Adhanom Ghebreyesus អគ្គនាយកអង្គការសុខភាពពិភពលោក បានបញ្ជាក់ថា «យើងត្រូវរំលឹកដល់គ្រប់ៗគ្នា និងរំលឹកដល់ពិភពលោក អំពីបទពិសោធន៍នៃនាវា អឹមអេស វេស្ទើរដាម ៖ កម្ពុជាប្រទេសតូច បេះដូងធំ» ។ក្នុងជំនួបអាទិភាពរបស់រដ្ឋមន្ត្រីសុខាភិបាលកម្ពុជា ជាមួយអគ្គនាយកអង្គការសុខភាពពិភពលោក ក្នុងវេលាដ៏មមាញឹកនាមហាសន្និបាតអង្គការសុខភាពពិភពលោកលើកទី៧៨ ដែលរដ្ឋជាសមាជិក១៩៤ប្រទេស បានអញ្ជើញចូលរួម នាថ្ងៃទី២៦ ខែឧសភា ឆ្នាំ២០២៥, Palais des Nations ក្រុងហ្សឺណែវ សហព័ន្ធស្វីស។ក្នុងជំនួបដ៏ស្និតស្នាលពិសេសដោយឡែកនេះ ឯកឧត្តមសាស្រ្តាចារ្យ ឈាង រ៉ា បានជម្រាបថ្លែងអំណរគុណជូនដល់ ឯកឧត្តមអគ្គនាយក WHO អំពីការគាំទ្ររបស់អង្គការសុខភាពពិភពលោក មកដល់សុខាភិបាលកម្ពុជា និងបានបញ្ជាក់ជូនអំពីអនុលោមភាពរបស់កម្ពុជា ជាមួយបេសកម្មរបស់អង្គការសុខភាពពិភពលោក។ ឯកឧត្តមសាស្រ្តាចារ្យរដ្ឋមន្រ្តី បានជម្រាបជូនអំពីចំនុចសំខាន់ៗ នៃវឌ្ឍនភាពសុខាភិបាលកម្ពុជា ដែលរួមមាន ៖ ១-ការលើកកម្ពស់សុខភាព សុខមាលភាពសហគមន៍ (PHC, Primary Health Care) តាមរយៈការដាក់ចេញយុទ្ធនាការអប់រំសុខភាពបឋម ការពង្រីកការចាក់វ៉ាក់សាំង, ២-ការពង្រីកការថែទាំព្យាបាល និងផ្តល់លទ្ធភាពឱសថអំពីជំងឺមិនឆ្លងក្នុងសហគមន៍, ៣-ការប្រកាសដាក់ឱ្យដំណើរការផែនការសកម្មភាពបង្ការ និងគ្រប់គ្រងជំងឺមហារីក ២០២៥-២០៣៣, ៤-ឥរិយាបទបុរេសកម្មលើការតាមដាន ត្រួតពិនិត្យជំងឺឆ្លងគ្រប់ប្រភេទដោយក្រុមការងារជំនាញឆ្លើយតបបន្ទាន់, ៥-ការរៀបចំ និងដាក់ដំណើរការផែនការយុទ្ធសាស្រ្តសុខាភិបាលដំណាក់កាលទី៤ (HSP4) ២០២៥-២០៣៣ ដែលជាក្របខ័ណ្ឌយុទ្ធសាស្រ្តរយៈពេលវែង ដ៏ទូលំទូលាយដែលស្របតាម SDGs និងចក្ខុវិស័យ នៃការសម្រេចបាននូវការគ្របដណ្តប់សុខភាពជាសកល។ ផែនការនេះបង្ហាញទិសដៅយុទ្ធសាស្ត្រចំនួន ៥៖ ក) ការពង្រឹងការថែទាំសុខភាពបឋម និងសេវាសំខាន់ៗ ខ) ការលើកកម្ពស់ធនធានមនុស្សសម្រាប់សុខភាព គ) ការលើកកម្ពស់ការផ្តល់ហិរញ្ញប្បទាន និងអភិបាលកិច្ចសុខាភិបាល ឃ) ពង្រីកប្រព័ន្ធសុខភាពឌីជីថល និងព័ត៌មាន ង) ការកសាងភាពធន់នឹងប្រព័ន្ធសុខភាព និងការត្រៀមលក្ខណៈសង្គ្រោះបន្ទាន់។ឯកឧត្តមសាស្រ្តាចារ្យរដ្ឋមន្ត្រីសុខាភិបាលកម្ពុជា បានរំលឹកដល់អនុស្សាវរីយ៍ដ៏អស្ចារ្យជាប្រវត្តិសាស្ត្រ ដែលបានចារឹកក្នុងបេះដូងកម្ពុជា និងពិភពលោក ខណៈកាលណោះ ជំងឺកូវីដ-១៩ ដ៏កាចសាហាវកំពុងយកជីវិតមនុស្សលោក សម្តេចតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភានៃកម្ពុជា បានធ្វើការសម្រេចចិត្តជាប្រវត្តិសាស្ត្រផ្តល់ការអនុញ្ញាត និងចេញទៅទទួលយកដោយខ្លួនលោកផ្ទាល់ នូវអ្នកធ្វើដំណើរតាមនាវា អឹមអេស វេស្ទើរដាម ចំនួន ២២៥៧រូប ត្រូវបានអនុញ្ញាតិ្តអោយចូលចត និងសង្គ្រោះនៅកម្ពុជា ចំថ្ងៃទី១៣ ខែកុម្ភះ ឆ្នាំ២០២០ ជាថ្ងៃនៃក្តីស្រឡាញ់ (Valentine’s Day) ខណៈនាវានេះត្រូវបានបដិសេធន៍មិនអោយចូលចតនៅបណ្តារប្រទេសនានា។ ការសម្រេចចិត្តប្រកបដោយគតិបណ្ឌិតដ៏ខ្ពង់ខ្ពស់របស់ប្រមុខដឹកនាំកម្ពុជា ជាវីរះភាពដែលបញ្ជាក់នូវអត្ថន័យដ៏ជ្រាលជ្រៅបំផុតគឺ៖- ទី១ សេចក្តីក្លាហាន (courage)- ទី២ ការឆ្លើយតបទាន់ពេលវេលា (timely reactive)-ទី៣ អត្ថន័យនៃអាទិភាពលើអាទិភាព (sense of priorities)-ទី៤ ដំណោះស្រាយសុខភាពសាធារណៈដែលចាប់ផ្តើមមានបញ្ហា (public health problems solving) និង-ទី៥ សិទ្ធិដែលត្រូវរស់រាមានជីវិតរបស់អ្នកដំណើរដែលជាប់គាំងលើនាវា (Right to live and humanity)។HE Dr Tedros Adhanom Ghebreyesus អគ្គនាយកអង្គការសុខភាពពិភពលោក (DG-WHO) បានសំដែងនូវការកោតសរសើរ ចំពោះសុខាភិបាល និងរាជរដ្ឋាភិបាលកម្ពុជា ក្នុងភាពជាដៃគូយុទ្ធសាស្ត្រ របស់អង្គការសុខភាពពិភពលោក ដោយទទួលបានជោគជ័យដ៏ធំធេងលើការប្រយុទ្ធប្រឆាំងជំងឺកូវីដ-១៩កន្លងមក និងបានបញ្ជាក់ការគាំទ្ររបស់លោកលើអទិភាពសំខាន់ៗរបស់សុខាភិបាលកម្ពុជា៕អត្ថបទ រដ្ឋា

ការដោះស្រាយសំណើរបស់បងប្អូនកម្មករនៃក្រុមហ៊ុនដាប់ប៊ែលយូភី ស្ព័ត (ខេមបូឌា)ឯ.ក ត្រូវបានដោះស្រាយចប់ស្ទើរ១00%ប្រកបដោយការយកចិត្តទុកដាក់ និងលឿនរហ័ស

2025/05/26 09:14:03 pm        94
Facebook Telegram Linkin
គិតត្រឹមម៉ោង ៤រសៀលថ្ងៃទី ២៦ខែឧសភានេះ ការដោះស្រាយសំណើរបស់កម្មករក្រុមហ៊ុនដាប់ប៊ែលយូភី ស្ព័ត (ខេមបូឌា)ឯ.ក ត្រូវបានដោះស្រាយចប់ស្ទើរគ្រប់ ១០០ភាគរយហើយ ក្រោមការសម្របសម្រួលដ៏លឿនរហ័សរបស់មន្ទីរការងារ និងបណ្តុះបណ្តាលវិជ្ជាជីវៈខេត្តស្វាយរៀងនៃក្រសួងការងារ និងបណ្ដុះបណ្ដាលវិជ្ជាជីវៈ។ នេះបើតាមអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈឯកឧត្តម ស៊ុន មេសាដែលបានបញ្ជាក់ឱ្យដឹងនៅថ្ងៃទី២៦នេះ។ ឯកឧត្តម ស៊ុន មេសា បានថ្លែងថា៖«ចាប់តាំងពីព្រឹកថ្ងៃទី ២៦ខែឧសភានេះ មន្រ្តីជំនាញនៃមន្ទីរការងារ និងបណ្ដុះបណ្ដាលវិជ្ជាជីវៈខេត្តស្វាយរៀង បានសម្របសម្រួល ដោយមានសមាសភាពពីតំណាងកម្មករនិយោជិត អ្នកពិនិត្យគុណភាព ប្រធានក្រុមតាមផ្នែកនីមួយៗ បានស្នើទៅក្រុមហ៊ុនចំនួន ១០ចំណុច ក្នុងនោះគិតត្រឹមម៉ោង ៤រសៀលនេះ ភាគីទាំងអស់បានសម្រេចឯកភាពគ្នាចំនួនរហូតទៅដល់ ៨ចំណុច។ដោយនៅសល់តែពីរចំណុចទៀតតែប៉ុណ្ណោះដែលភាគីទាំងពីរនឹងត្រូវបន្តជជែកពិភាក្សាគ្នាបន្ថែមទៀត»។ សំណើដប់ចំណុចនោះរួមមាន ការថែមម៉ាស៊ីនស្គែនវត្តមានឱ្យច្រើនជាងមុន, សំណើរៀបចំរោងអាហារ, ការសម្រួលម៉ោងពេលដល់ស្រ្តីមានផ្ទៃពោះ និងស្ត្រីមានកូនខ្ចី, ការសម្អាតអនាម័យក្នុងបន្ទប់ទឹក, ការផ្តល់ប្រាក់ថែទាំសុខភាព, ការផ្តល់ប្រាក់ជំនាញ, និងការបើកប្រាក់ឈ្នួលទៀងទាត់ជាដើម។ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានអះអាងថា៖ ក្រសួងទទួលយករាល់សំណើរបស់បងប្អូនកម្មករកម្មការិនីយកមកពិនិត្យ ហើយក្រសួងក៏ស្ដាប់ហេតុផលខាងភាគីក្រុមហ៊ុនផងដែរ។ ជាមួយគ្នានេះសំណើរបស់បងប្អូនកម្មករកម្មការិនី ក៏ត្រូវផ្ទៀងផ្ទាត់ជាមួយនឹងច្បាប់ និងភាពសមហេតុផលសមរម្យនៃការទទួលយកបានទាំងអស់គ្នាផងដែរ។ ឯកឧត្តមបានបន្តថា ដោយឈរលើស្មារតីយោគយល់គ្នាអធ្យាស្រ័យល្អ ការសម្របសម្រួលសម្រាប់បងប្អូននៅក្រុមហ៊ុនដាប់ប៊ែលយូភី ស្ព័ត (ខេមបូឌា)ឯ.កនេះទទួលបានលទ្ធផលលឿន ហើយរហ័សឈានដល់ការត្រូវរូវគ្នារហូតដល់ ៨ចំណុច ក្នុងចំណោម ១០ចំណុច ដែលទាំងនេះ គឺជារឿងមួយដែលសបញ្ជាក់ថា បងប្អូនកម្មករកម្មការិនី និងក្រុមហ៊ុន មានភាពចាស់ទុំ និងចេះយោគយល់អធ្យាស្រ័យគ្នាបានយ៉ាងល្អ ដើម្បីធានាថា បរិយាកាសនៃក្នុងរោងចក្រសហគ្រាសកាន់តែប្រសើរបន្ថែមទៀត។អ្នកនាំពាក្យរូបនេះថា ដោយឡែកចំណុចដែលនៅសល់ចំនួនពីរចំណុចនេះ ភាគីទាំងអស់នឹងបន្តដោះស្រាយនូវថ្ងៃស្អែកជាបន្តទៀតក្រោមការយល់ចិត្តទុកដាក់ និងតាមដានពីមន្រ្តីជំនាញនៃមន្ទីរការងារ និងបណ្ដុះបណ្ដាលវិជ្ជាជីវៈខេត្តស្វាយរៀងផងដែរ។គួរបញ្ជាក់ផងដែរថា រាជរដ្ឋាភិបាលកម្ពុជាតាំងពីអាណត្តិមុនៗជាពិសេសអាណត្តិទី៧ដែលដឹកនាំដោយសម្ដេចមហាបវរធិបតី ហ៊ុន ម៉ាណែត បានដាក់ចេញនូវអនុសាសន៍ចំនួន១០ចំណុចដល់ក្រសួងការងារ និងបណ្តុះបណ្តាលវិជ្ជាជីវៈដើម្បីលើកកម្ពស់ដល់វិស័យការងារ សន្តិសុខសង្គម និងការបណ្តុះបណ្តាលវិជ្ជាជីវៈក្នុងនោះកម្មករនិយោជិត គឺជាអាទិភាពមួយសំខាន់ដែលរាជរដ្ឋាភិបាលបានគិតគូរនិងផ្ដល់អត្ថប្រយោជន៍ជាច្រើនដែលនៅក្នុងនោះរួមមាន ការបន្តឡើងប្រាក់ឈ្នួលជាបន្តបន្ទាប់ប្រចាំឆ្នាំ ការផ្ដល់ការថែទាំសុខភាពដល់សមាជិកក្នុងបន្ទុក និងការបន្តប្រាក់ឧបត្ថម្ភដល់ស្ត្រីមានផ្ទៃពោះ រួមទាំងការបណ្តុះបណ្តាលជាដើមដែលនេះគឺសុទ្ធសឹងតែជាយន្តការគន្លឹះសំខាន់ៗដើម្បកែប្រែជីវភាពកម្មករនិយោជិត និងលក្ខខណ្ឌការងារ៕

បណ្ដាញសង្គម

ព័ត៌មានថ្មីៗ

ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ
07/14/2025 08:07 PM
Facebook Telegram Linkin
មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts
07/14/2025 08:07 PM
Facebook Telegram Linkin
ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា
07/14/2025 08:07 PM
Facebook Telegram Linkin
រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU
07/14/2025 08:07 PM
Facebook Telegram Linkin
អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប
07/14/2025 07:07 PM
Facebook Telegram Linkin
វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា
07/14/2025 07:07 PM
Facebook Telegram Linkin
នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ
07/14/2025 07:07 PM
Facebook Telegram Linkin
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
07/14/2025 07:07 PM
Facebook Telegram Linkin
EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក
07/14/2025 06:07 PM
Facebook Telegram Linkin
សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត
07/14/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.