BTV NEWS

ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន

សេដ្ឋកិច្ចកម្ពុជានៅបន្តរឹងមាំ៖ ២២ខែនៃរាជរដ្ឋាភិបាលអាណតិ្តទី៧របស់សម្តេចធិបតី រោងចក្រសហគ្រាសកើនជាង៥,៣ពាន់ដែលបង្ហាញពីភាពរឹងមាំ និងជំនឿទុកចិត្ត

លោកសាស្រ្តាចារ្យរង លូ លីឃាង អញ្ជើញសម្ពោធបើកជាផ្លូវការគ្លីនិកជំងឺភ្នែកស្ងួត នៃមនី្ទរពេទ្យព្រះអង្គឌួង

ក្រសួងធម្មការ បើកវគ្គបណ្ដុះបណ្ដាលស្ដីពីតួនាទី ភារកិច្ចនិងក្រមសីលធម៌អាចារ្យខ្មែរ (ជំនាន់ទី៥០)

ព័ត៌មានជាតិ

ឯកឧត្តម ថោ ជេដ្ឋា អញ្ជើញជាអធិបតីក្នុងកិច្ចប្រជុំស្តីពីដំណើរការបង្កើតមជ្ឈមណ្ឌលជាតិគ្រប់គ្រងទិន្នន័យធនធានទឹក និងប្រព័ន្ធព័ត៌មានធនធានទឹក

ភ្នំពេញ៖ នៅព្រឹកថ្ងៃ ទី២៧ ខែឧសភា ឆ្នាំ២០២៥នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំស្តីពីដំណើរការនៃការបង្កើតមជ្ឈមណ្ឌលជាតិគ្រប់គ្រងទិន្នន័យធនធានទឹក និងប្រព័ន្ធព័ត៌មានធនធានទឹក នៅសាលប្រជុំរំដួលនៃទីស្តីការក្រសួងធនធានទឹក និងឧតុនិយម ដោយមានការអញ្ជើញចូលរួមពីឯកឧត្តមជាថ្នាក់ដឹកនាំ មន្ត្រីបច្ចេកទេស ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា អាជ្ញាធរទន្លេសាប និងក្រុមការងារនៃធនាគារអភិវឌ្ឍន៍អាស៊ី(ADB) ជាច្រើនរូបផងដែរ។ ឯកឧត្តមរដ្ឋមន្ត្រីបានមានប្រសាសន៍លើកឡើងថា រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយយុទ្ធសាស្ត្រច្បាស់លាស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្រសួងធនធានទឹក និងឧតុនិយម បាននិងកំពុងអនុវត្តយ៉ាងសកម្មក្នុងការលើកកម្ពស់ព័ត៌មាន និងការគ្រប់គ្រងទិន្នន័យធនធានទឹកដែលជាឆ្អឹងខ្នងនៃការវិនិយោគដោយចីរភាព និងភាពធន់នឹងអាកាសធាតុ ប្រកបដោយប្រសិទ្ធភាព និងប្រសិទ្ធផល ឈានឆ្ពោះទៅការពារនិងកាត់បន្ថយការខូចខាតដល់ផលិតកម្មកសិកម្ម ហេដ្ឋារចនាសម្ព័ន្ធជនបទ និងអាយុជីវិតមនុស្សសត្វ ដែលអាចកើតមានឡើងពីគ្រោះមហន្តរាយធម្មជាតិ។ជាមួយគ្នានេះ ឯកឧត្តមរដ្ឋមន្ត្រីបានបញ្ជាក់ឱ្យដឹងថា ការបង្កើតមជ្ឈមណ្ឌលជាតិគ្រប់គ្រងទិន្នន័យធនធានទឹក និងប្រព័ន្ធព័ត៌មានធនធានទឹកគឺក្នុងគោលបំណងដើម្បីបម្រើឱ្យការគ្រប់គ្រង ការប្រមូល ការរក្សាទុក និងការវិភាគទិន្នន័យ ព្រមទាំងការផ្តល់ព័ត៌មាន ជលសាស្ត្រ និងឧតុនិយម ប្រកបដោយនិរន្តរភាព សុវត្ថិភាព និងបរិយាបន្ន ហើយក៏ជាផ្នែកមួយនៃយុទ្ធសាស្រ្តជាក់លាក់ និងមានលក្ខណៈគ្រប់ជ្រុងជ្រោយរបស់ក្រសួង ក្នុងការធ្វើទំនើបកម្មហេដ្ឋារចនាសម្ព័ន្ធទឹកឱ្យកាន់តែល្អប្រសើរ និងមានភាពធន់នឹងការប្រែប្រួលអាកាសធាតុ និងការឡើងកម្តៅនៃភពផែនដី។ទន្ទឹមនឹងនេះ ឯកឧត្ដមរដ្ឋមន្ត្រីបានគូសបញ្ជាក់ថា មជ្ឈមណ្ឌលជាតិនេះនឹងធ្វើឱ្យប្រទេសកម្ពុជាមានស្វ័យភាពលើការគ្រប់គ្រង ការព្យាករ និងវិភាគទិន្នន័យជលសាស្ត្រ និងឧតុនិយម ប្រកបដោយឧត្តមភាព ឯករាជ្យភាព សម្រាប់បម្រើឱ្យអន្តរវិស័យដូចជា អាកាសចរណ៍ នាវាចរណ៍ យោធា និងការកាត់បន្ថយបាននូវគ្រោះមហន្តរាយធម្មជាតិមានគ្រោះទឹកជំនន់ គ្រោះរាំងស្ងួត និងខ្យល់ព្យុះជាដើម តាមរយៈប្រព័ន្ធប្រកាសអាសន្ន និងការជូនដំណឹងជាមុន៕

ឯកឧត្តម ចាយ បូរិន៖ ក្រោមម្លប់សន្តិភាពនិងការអភិវឌ្ឍប្រកបដោយចីរភាព ប្រជាពលរដ្ឋមានសិទ្ធិសេរីភាព និងការប្រតិបត្តិខាងជំនឿសាសនា

ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីក្នុងពិធីបើកកិច្ចសន្ទនាអន្តរសាសនាអន្តរជាតិលើកទី៨ រវាងព្រះពុទ្ធសាសនា និងគ្រិស្តសាសនា ក្រោមប្រធានបទ «ពុទ្ធបរិស័ទ និងគ្រស្តិបរិស័ទ រួមគ្នារក្សាសុខដុមនីយកម្មសាសនាដោយភាពធន់» នៅព្រះសហគមន៍កាតូលិកកម្ពុជា ព្រឹកថ្ងៃទី២៧ ខែឧសភានេះ។«កិច្ចសន្ទនាអន្តរសាសនាអន្តរជាតិលើកទី៨ រវាងព្រះពុទ្ធសាសនា និងគ្រិស្តសាសនា»នេះ មានការនិមន្តចូលរួមពីសម្តេចព្រះឧត្តមបញ្ញាកិត្តិបណ្ឌិត ដូង ផង់ អនុប្រធានថេរសភានៃព្រះពុទ្ធសាសនានៅកម្ពុជា និងសម្តេចព្រះមង្គលទេព្វាចារ្យ វង្ស អានេតា សម្តេចព្រះសង្ឃនាយករង នៃគណៈធម្មយុត្តិកនិកាយនៃព្រះរាជាណាចក្រកម្ពុជា និងមានការអញ្ជើញចូលរួមពី ឯកឧត្តមអភិបាល អូលីវីយេ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ ព្រមទាំងពុទ្ធបរិស័ទ និងគ្រិស្តបរិស័ទ ប្រតិភូអន្តរសាសនាអន្តរជាតិតំណាងប្រមាណ២០ប្រទេស នៅតំបន់អាស៊ី អ៊ឺរ៉ុប អាមេរិច ។ឯកឧត្តម ចាយ បូរិន មានប្រសាសន៍ថា កម្ពុជា កំពុងស្ថិតក្រោមម្លប់សន្តិភាព និងការអភិវឌ្ឍប្រកបដោយចីរភាព ព្រមទាំងស្ថិរភាពនយោបាយ សន្តិសុខ សុវត្ថិភាព និងសណ្ដាប់ធ្នាប់សាធារណៈ ត្រូវបានធានា និងលើកកម្ពស់ជាបន្តបន្ទាប់ ប្រជាពលរដ្ឋខ្មែរមានសិទ្ធិ សេរីភាពពេញទីខាងជំនឿសាសនា និងការប្រតិបត្តិខាងផ្លូវសាសនា ត្រូវបានរដ្ឋធានាក្នុងលក្ខខណ្ឌដែលមិនប៉ះពាល់ដល់ជំនឿ ឬសាសនាដទៃទៀត ដល់សណ្ដាប់ធ្នាប់ និងសន្តិសុខសាធារណៈ។ មានតែក្រោមម្លប់នៃសន្តិភាព ទើបយើងអាចមានកាលានុវត្តភាព ដើម្បីអនុវត្តសិទ្ធិសេរីភាព ជាពិសេសសិទ្ធិខាងជំនឿសាសនា។ ឯកឧត្តមរដ្ឋមន្ត្រី មានប្រសាសន៍គោរពសម្តែងនូវកតញ្ញុតាធម៌ដ៏ខ្ពង់ខ្ពស់ចំពោះសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ដែលបាននាំប្រទេសឱ្យមានសន្តិភាពពេញលេញ តាំងពីឆ្នាំ១៩៩៨មក និងអភិវឌ្ឍប្រទេសឱ្យមានការរីកចម្រើនជាបន្តបន្ទាប់ ព្រមទាំងគោរពសម្ដែងអំណរគុណយ៉ាងជ្រាលជ្រៅជូនសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានបន្តដឹកនាំក្នុងការថែរក្សា និងលើកកម្ពស់សន្តិភាព និងការអភិវឌ្ឍប្រកបដោយចីរភាព។ ហើយប្រធានបទ «ពុទ្ធបរិស័ទ និងគ្រស្តិបរិស័ទ រួមគ្នារក្សាសុខដុមនីយកម្មសាសនាដោយភាពធន់»នេះ ស័ក្តិសមសម្រាប់ភាពជាម្ចាស់ផ្ទះរបស់កម្ពុជា ដែលជាប្រទេសធ្លាប់មានប្រវត្តិសាស្ត្រនៃការបែកបាក់ជាង៥០០ឆ្នាំ ហើយអាចសម្រេចបានសន្តិភាពពេញលេញ ក្រោមនយោបាយឈ្នះ ឈ្នះរបស់សម្តេចតេជោ ហ៊ុន សែន មានការធានា បីយ៉ាងសំខាន់គឺ៖១-ធានាអាយុជីវិតនិងរូបកាយ ២-ធានាអាជីព និងមុខរបរ ៣-ធានាកម្មសិទ្ធិទ្រព្យសម្បត្តិ ទាំងចលនទ្រព្យ និងអចលនទ្រព្យ ដែលការធានាទាំងនេះ ឆ្លុះបញ្ចាំងឱ្យឃើញពីសេចក្តីអត់ធន់ សណ្តោសប្រណី ការសម្រុះសម្រួល ការឱ្យអភ័យ ការផ្សះផ្សារជាតិ ផ្តោតសំខាន់លើការកសាងសន្តិភាព ថែរក្សា និងពង្រឹងសន្តិភាព វិបុលភាព និងសេចក្តីសុខក្សេមក្សាន្តរបស់ប្រជាជន។ ក្រសួងធម្មការ និងសាសនា ក្នុងនាមជាសេនាធិការជូនរាជរដ្ឋាភិបាលនីតិកាលទី៧ នៃរដ្ឋសភា លើវិស័យធម្មការ និងសាសនា បានអនុវត្តគោលនយោបាយ “លើកកម្ពស់សាសនារបស់រដ្ឋ តម្លៃសីលធម៌សង្គម និងសុខដុមនីយកម្មសាសនា” ស្របតាមយុទ្ធសាស្រ្តបញ្ចកោណ ដំណាក់កាលទី១ និងកម្មវិធីនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភា សម្រាប់ការកសាង និងការការពារមាតុភូមិឆ្នាំ២០២៣-២០២៨។ គោលនយោបាយនេះស្ថិតនៅបញ្ចកោណទី១ មុំទី៥ គឺការពង្រឹងភាពជាពលរដ្ឋក្នុងសង្គម ដែលមានអារ្យធម៌ខ្ពស់ប្រកបដោយសីលធម៌ សមធម៌ និងបរិយាបន្ន។ កិច្ចសន្ទនាអន្តរសាសនាអន្តរជាតិលើកទី៨ រវាងពុទ្ធសាសនានិងគ្រិស្តសាសនា ក្រោមប្រធានបទ “ពុទ្ធបរិស័ទ និងគ្រីស្ទបរិស័ទរួមគ្នារក្សាសុខដុមនីយកម្មសាសនាដោយភាពធន់” នាពេលនេះ ជាឱកាសមួយថ្មីទៀតសម្រាប់ការផ្លាស់ប្តូរទស្សនៈ ការបញ្ជាក់ឡើងវិញអំពីគុណតម្លៃរួម និងភាពផ្សេងគ្នានៃការបង្រៀនរបស់ព្រះសម្មាសម្ពុទ្ធ និងការបង្រៀនរបស់ព្រះយេស៊ូគ្រឹស្ដ។បន្ទាប់ពីសម្តេចព្រះឧត្តមបញ្ញាកិត្តិបណ្ឌិត ដូង ផង់ សម្តេចព្រះមង្គលទេព្វាចារ្យ វង្ស អានេតា និងថ្នាក់ដឹកនាំនៃកិច្ចសន្ទនាអន្តរសាសនាអន្តរជាតិ បានបង្ហាញនូវចំណាប់អារម្មណ៍ក្នុងពិធីកិច្ចសន្ទនាអន្តរសាសនាអន្តរជាតិ លើកទី៨នេះរួចមក ឯកឧត្តមអភិបាល អូលីវីយេ ជ្មីតហស្លេ អភិបាលនៃព្រះសហគមន៍កាតូលិកភូមិភាគភ្នំពេញ មានប្រសាសន៍ថា កិច្ចសន្ទនាអន្តរសាសនាអន្តរជាតិលើកទី៨ នឹងពិនិត្យលើការសន្ទនា ៤ទម្រង់សំខាន់ៗ៖ទី១ ជាកិច្ចសន្ទនានៃជីវិត ដែលគ្រិស្តបរិស័ទ និងពុទ្ធសាសនិករស់នៅក្បែរគ្នាក្នុងការថែរក្សាគ្នាទៅវិញ ទៅមក និងសាមគ្គីភាពប្រចាំថ្ងៃ។ ទី២ ជាកិច្ចសន្ទនានៃសកម្មភាព ដែលយើងរួមគ្នាតាមរយៈអង្គការមិនមែនរដ្ឋាភិបាល សេវាសង្គម និងស្ថាប័នអប់រំគ្រប់កម្រិត ដើម្បីឆ្លើយតបទៅនឹងតម្រូវការរបស់ជនក្រីក្រ ចាស់ជរា និងជនងាយរងគ្រោះ។ ទី៣ ជាការសន្ទនានៃការផ្លាស់ប្តូរទ្រឹស្តី និងជំនឿ ដែលយើងទាំងអស់គ្នាអាចចែករំលែក និងរៀនពីគ្នាទៅវិញទៅមកបាន។ ទី៤ ជាការសន្ទនានៃបទពិសោធន៍ខាងសាសនា ដែលមានភាពស្ងៀមស្ងាត់ ការអធិស្ឋាន និងការតាំងសមាធិបើកចិត្តរបស់យើងចំពោះព្រះ និងស្វែងរកសន្តិភាពក្នុងចិត្ត និងសន្តិភាពសម្រាប់មនុស្សជាតិ។ កិច្ចសន្ទនាអន្តរសាសនាអន្តរជាតិលើកទី៨ រវាងពុទ្ធសាសនា និងគ្រីស្ទសាសនា មិនគ្រាន់តែបានចូលរួមចំណែកធ្វើឱ្យមានការយល់ដឹងអំពីគុណតម្លៃរួម ភាពផ្សេងគ្នា ការយោគយល់គ្នា លើកកម្ពស់សាមគ្គីធម៌ ក្នុងនាមជាបងប្អូនរួមជាតិ និងរួមចំណែកធ្វើឱ្យមានសុខដុមរមនាសាសនានៅព្រះរាជាណាចក្រកម្ពុជាប៉ុណ្ណោះទេ ប៉ុន្តែកិច្ចសន្ទនានេះ នឹងផ្ដល់វិភាគទានដ៏សំខាន់ដល់សុខដុមរមនាសាសនានៅក្នុងតំបន់ និងពិភពលោកផងដែរ៕ អត្ថបទ រដ្ឋា

កម្ពុជា-អូម៉ង់ នឹងជំរុញកិច្ចសហប្រតិបត្តិការនៃប្រទេសទាំងពីរ ឱ្យកាន់តែរីកចម្រេីន

នាព្រឹកថ្ងៃ ២៧ ខែឧសភា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបពិភាក្សាការងារជាមួយ ព្រះអង្គម្ចាស់ Sayyid Assad bin Tarik Al Said ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងអន្តរជាតិ និងកិច្ចសហប្រតិបត្តិការអូម៉ង់ ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី ៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី ។ក្នុងឱកាសនៃជំនួបនេះ សម្ដេចបវរធិបតីបានថ្លែងអំពីសុខដុមនីយកម្មសាសនានៅកម្ពុជា និងការយកចិត្តទុកដាក់របស់រាជរដ្ឋាភិបាលក្នុងការធានាដល់ការប្រតិបត្តិជំនឿសាសនាទាំងអស់ នៅកម្ពុជា។សម្ដេចបវរធិបតីបានគូសបញ្ជាក់ថា កម្ពុជា និងអូម៉ង់ មានសក្ដានុពលច្រើនក្នុងការពង្រឹង និងពង្រីកកិច្ចសហប្រតិបត្តិការលើវិស័យជាច្រើនទៀត។ ក្រសួងពាណិជ្ជកម្មកម្ពុជាបាននិងកំពុងខិតខំស្វែងរកឱកាស និងការផ្សារភ្ជាប់ទំនាក់ទំនងបន្ថែមទៀតក្នុងជំរុញទំហំពាណិជ្ជកម្ម និងទាក់ទាញការវិនិយោគបន្ថែមពីតំបន់មជ្ឈិមបូព៌ា រួមទាំងប្រទេសអូម៉ង់។ ព្រះអង្គម្ចាស់ Sayyid Assad bin Tarik Al Said បានសម្តែងនូវសេចក្តីសោមន្សរីករាយដែលបានជួបជាមួយសម្ដេចបវរធិបតី។ ព្រះអង្គម្ចាស់បានលេីកឡេីងថា កម្ពុជាជាប្រទេសដែលមានលក្ខណៈល្អប្រសេីរក្នុងការភ្ជាប់ទំនាក់ទំនងជាមួយប្រទេសអូម៉ង់ ក៏ដូចជាបណ្តាប្រទេសនៅមជ្ឈឹមបូព៌ា។ អូម៉ង់-កម្ពុជាមានជំហរស្រដៀងគ្នាលើការដោះស្រាយបញ្ហានានា ដោយឈរលើគោលការណ៍សន្ដិវិធី។ ព្រះអង្គម្ចាស់បានបន្ថែមថា ស្របពេលដែលបណ្ដាប្រទេសនៅតំបន់ឈូងសមុទ្រពែក្សកំពុងផ្តោតមកទិសខាងកើត កម្ពុជា និងអូម៉ង់នឹងមានឱកាសក្នុងការពង្រីកកិច្ចសហប្រតិបត្តិការលើវិស័យជាច្រើន។ សម្តេចបវរធិបតី និងព្រះអង្គម្ចាស់ Sayyid Assad bin Tarik Al Said បានឯកភាពជំរុញ ក្រសួង-ស្ថាន័បពាក់ព័ន្ធនៃប្រទេសទាំងពីរ បន្តស្វែងរកកិច្ចសហប្រតិបត្តិការលើលើវិស័យសក្កានុពលសំខាន់ៗ រួមមាន ពាណិជ្ជកម្ម កសិកម្ម និងការជំរុញការតភ្ជាប់រវាងប្រជាជននិងប្រជាជន។

កម្ពុជា-ហ្វីលីពីន ប្ដេជ្ញាស្វែងរកកាលានុវត្តភាពថ្មីៗ សំដៅពង្រឹង និងពង្រីកកិច្ចសហប្រតិបត្តិការ នៃប្រទេសទាំងពីរ

នាព្រឹកថ្ងៃទី២៧ ខែឧសភា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបប្រជុំពិភាក្សាការងារទ្វេភាគីជាមួយ ឯកឧត្តម Ferdinand R. Marcos Jr. ប្រធានាធិបតី នៃសាធារណរដ្ឋហ្វីលីពីន ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី ។ក្នុងឱកាសនៃជំនួប, ឯកឧត្តមប្រធានាធិបតីហ្វីលីពីន បានសម្ដែងនូវការពេញចិត្តចំពោះទំនាក់ទំនងដ៍ល្អប្រសេីរ នៃប្រទេសទាំងពីរ និងបានគូសបញ្ជាក់អំពីបំណងពង្រឹង និងពង្រីក ទំនាក់ទំនងផ្នែកពាណិជ្ជកម្មបន្ថែមទៀត។ សម្ដេចបវរធិបតីបានអរគុណរដ្ឋាភិបាល និងប្រជាជនហ្វីលីពីន ដែលបានផ្ដល់បដិសណ្ឋារកិច្ចយ៉ាងកក់ក្ដៅចំពោះសម្ដេចបវរធិបតី និងគណៈប្រតិភូកម្ពុជា ក្នុងឱកាសអញ្ជើញបំពេញទស្សនកិច្ចផ្លូវការនៅសាធារណរដ្ឋហ្វីលីពីន កាលពីដើមឆ្នាំ២០២៥ នេះ។ សម្ដេចបវរធិបតី ក៏បានសម្ដែងនូវការពេញចិត្តចំពោះភាពរីកចម្រេីន នៃទំនាក់ទំនង កម្ពុជា-ហ្វីលីពីន ព្រមទាំងបានស្វាគមន៍ចំពោះការបន្តស្វែងរកកាលានុវត្តភាពថ្មីៗថែមទៀត ដើម្បីបន្តពង្រឹង និងពង្រីកទំហំពាណិជ្ជកម្មទ្វេភាគីនៃប្រទេសទាំងពីរ។ សម្ដេចបវរធិបតី និងឯកឧត្តមប្រធានាធិបតី ក៏បានពិភាក្សាគ្នាអំពីវិស័យសក្ដានុពលសំខាន់ៗមួយចំនួន ជាអាទិ៍៖ ឌីជីថល បច្ចេកវិទ្យា និងបញ្ញាសិប្បនិម្មិត (AI), សហគ្រាសធុនមីក្រូ តូច និងមធ្យម (MSMEs), ពាណិជ្ជកម្មតាមប្រព័ន្ធអេឡិចត្រូនិក, សេវាកម្មថែទាំសុខភាព, ទេសចរណ៍, ព្រមទាំងសន្តិសុខ និងការពារជាតិ។ ថ្នាក់ដឹកទាំងពីរ បានឯកភាពប្រគល់ភារកិច្ចដល់ក្រសួង-ស្ថាប័នពាក់ព័ន្ធនៃប្រទេសទាំងពីរ បន្តកិច្ចពិភាក្សាលម្អិតលើវិស័យសក្តានុពលខាងលើ ដើម្បីជំរុញឱ្យចេញជាសកម្មភាពជាក់ស្ដែង៕

ការគ្រប់គ្រងគណនេយ្យមានតម្លាភាព នឹងឈានទៅដល់ការប្រមូលពន្ធជូនរដ្ឋ

មន្រ្តីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ ថា ប្រសិនវិស័យគណនេយ្យ ត្រូវបានគ្រប់គ្រង និងអនុវត្តតាមស្តង់ដារ ជារបាយការណ៍ គណនេយ្យមានតម្លាភាព និងមានភាពអាចទុកចិត្តបាន កម្ពុជានឹងឈានទៅសម្រេចបានក្នុងការប្រមូលពន្ធប្រព្រិត្តទៅដោយរលូនជូន រដ្ឋ។ឯកឧត្តមបណ្ឌិត ងី តាយី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគ្រប់គ្រងកម្ពុជាសិក្សា គណនេយ្យជំនាញកម្ពុជា លើកឡើងនៅក្នុងពិធីប្រគល់សញ្ញាបត្របញ្ជាក់ការសិក្សា, បរិញ្ញាបត្រជាន់ខ្ពស់ជំនាញវិទ្យាសាស្រ្តគណ- នេយ្យ និងហិរញ្ញវត្ថុ និងសញ្ញាបត្រគណនេយ្យអន្តរជាតិ ACCA នៅថ្ងៃអាទិត្យកន្លងមកថា ជុំវិញការបណ្តុះបណ្តាលជំនាញនេះ កម្ពុជាកំពុងអនុវត្តនៅលើមុខជំនាញជាច្រើន ដោយរាជរដ្ឋាភិបាលបាននិងកំពុងគិតគូរយកចិត្តទុកដាក់យ៉ាងខ្លាំង និងបានចំណាយ ថវិកាដ៏ច្រើនសន្ធឹកសន្ធាប់ ធ្វើយ៉ាងណាបង្កើតធនធាននៅកម្ពុជាឲ្យបានសំបូរបែប ជាក់ស្តែងមកដល់ពេលនេះ ក្នុងមួយឆ្នាំៗមាន និស្សិតជាច្រើន បានបញ្ចប់ការសិក្សាមានគ្រប់ផ្នែកគ្រប់ជំនាញវិជ្ជាជីវៈ។ ឯកឧត្តមបណ្ឌិត បន្តថា ជុំវិញជំនាញនេះ ក្នុងនោះវិស័យគណនេយ្យ សវនកម្ម មានសារៈសំខាន់ណាស់ សម្រាប់ការគ្រប់គ្រង របាយការណ៍របស់រោងចក្រ សហគ្រាស ទាំងវិស័យឯកជន និងវិស័យសាធារណៈរបស់រដ្ឋ ប្រសិនបើការអនុវត្តផ្នែកគណនេយ្យ, ហេដ្ឋារចនាសម្ព័ន្ធគណនេយ្យមានភាពទន់ខ្សោយ មិនមានគុណវុឌ្ឍិគ្រប់គ្រាន់ សកម្មភាពសេដ្ឋកិច្ចគឺមិនអាចដំណើរការទៅដោយរលូន និងមិនអាចទាក់ទាញអ្នកវិនិយោគបានល្អប្រសើរនោះឡើយ, តែប្រសិនវិស័យគណនេយ្យ ត្រូវបានគ្រប់គ្រងមានភាពល្អ ប្រសើរ, និងផ្តល់របាយការណ៍គណនេយ្យមានតម្លាភាព និងមានភាពអាចទុកចិត្តបាន នោះយើងនឹងឈានទៅសម្រេចបានក្នុង ការប្រ មូលពន្ធប្រព្រិត្តទៅដោយរលូន និងជាទំនុកចិត្តដល់អ្នកវិនិយោគផងដែរ។លោក នូវ រតនា នាយកការិយាល័យតំណាង ACCA ប្រចាំប្រទេសកម្ពុជា លើកឡើងផងដែរថា ជុំវិញការសិក្សាជំនាញ គណនេយ្យអន្តរជាតិ ACCA នេះ, នៅក្នុងឆ្នាំ២០០៣ កម្ពុជាមានអ្នករៀនចប់ ACCA គឺតែម្នាក់គត់ និងរហូតមកដល់ពេលនេះ អ្នក សិក្សាដែលបានបញ្ចប់ជំនាញ ACCA មានចំនួនប្រមាណ ៣២០ នាក់ ក្នុងនោះអ្នកបញ្ចប់ជំនាញ CAT មានចំនួនជិត ៨០០ នាក់ គឺបានបង្ហាញនូវការកើនឡើងជាបន្តបន្ទាប់ ចំណែកតាមរយៈអ្នកដែលបញ្ជាប់នូវជំនាញខាងលើនេះ និស្សិតទាំងអស់នឹងក្លាយជាអ្នក បន្តវេន ដែលមានតួនាទីជួយលើកតម្កើងសេដ្ឋកិច្ចប្រទេសកម្ពុជា ក៏ដូចជាលើកស្ទួយគណនេយ្យនៅក្នុងប្រទេសកម្ពុជាផងដែរ។លោក ខេស៊ី បាណេត ទីប្រឹក្សាក្រសួងសេដ្ឋកិច្ច និងហិរញ្ញវត្ថុ និងជានាយកខេមអេដ លើកឡើងថា ជុំវិញវិស័យគណនេយ្យ និងសវនកម្មនេះ ចំពោះចក្ខុវិស័យរបស់ ឯកឧត្តមបណ្ឌិត ងី តាយី និងអត្ថប្រយោជន៍ប្រទេសកម្ពុជា គឺកម្ពុជាកំពុងជំរុញ ACCA លើការអនុវត្តស្តង់ដាររអន្តរជាតិ ដែលបញ្ហានេះនឹងធ្វើឱ្យកម្ពុជាទទួលបានចំណុចសំខាន់ៗចំនួន៤គឺ៖ ទី១- តាមរយៈនៃការអនុវត្ត ស្តង់ដារគណនេយ្យ និងសវនកម្ម នឹងអាចទាក់ទាញអ្នកវិនិយោគមកប្រទេសកម្ពុជា (តាមរយៈការផ្តល់ព័ត៌មានហិរញ្ញវត្ថុ និងការ ធ្វើសវនកម្មទៅលើហិរញ្ញវត្ថុ ផ្តល់នូវភាពទុកចិត្តបាន ដែលជាមូលដ្ឋានចំបាច់នៅប្រទេសកម្ពុជា), ទី២- ការផ្តល់ព័ត៌មានហិរញ្ញវត្ថុ ការវិភាគព័ត៌មានហិរញ្ញវត្ថុ និងការគ្រប់គ្រង់អាជីវកម្ម (ដើម្បីឱ្យអាជីវកម្មដំណើរការប្រកបដោយប្រសិទ្ធភាព), ទី៣, ការកាត់បន្ថយ ហានីភ័យ, និងទី៤- របាយការណ៍គណនេយ្យមានតម្លាភាព និងមានភាពអាចទុកចិត្តបាន នោះយើងនឹងឈានទៅសម្រេចបានក្នុង ការប្រមូលពន្ធប្រព្រិត្តទៅដោយរលូន៕ អត្ថបទ៖ សុន រ៉ាឌី

សម្ដេចតេជោ៖ រុស្ស៊ីបានដើរតួនាទីសំខាន់ជួយដល់កម្ពុជា ជាពិសេសអំឡុងពេលកម្ពុជាជួបការលំបាកពីអតីតកាល

នៅព្រឹកថ្ងៃទី២៧ ខែឧសភា ឆ្នាំ២០២៥នេះ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម អ៊ីហ្ក ក្រានូវ (Igor Krasnov) អគ្គរដ្ឋអាជ្ញានៃសហព័ន្ធរុស្សី ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ។ បើតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងនៅក្រោយជំនួបនេះថា ជាកិច្ចចាប់ផ្ដើមនៃជំនួបនេះ សម្ដេចតេជោ ហ៊ុន សែន បានបង្ហាញនូវក្ដីរីករាយ ស្វាគមន៍ដោយបានជួប ឯកឧត្តម អគ្គរដ្ឋអាជ្ញានៃសហព័ន្ធរុស្សី ដែលបានអញ្ជើញមកបំពេញទស្សនកិច្ចនៅកម្ពុជានាពេលនេះ។ សម្ដេចតេជោ បានវាយតម្លៃខ្ពស់ចំពោះទស្សនកិច្ចរបស់ ឯកឧត្តម អគ្គរដ្ឋអាជ្ញានៃសហព័ន្ធរុស្សី នៅកម្ពុជានាពេលនេះ គឺបានគូសបញ្ជាក់ពីទំនាក់ទំនងរឹងមាំរវាងប្រទេសទាំងពីរ ទាំងនៅក្នុងស្ថាប័ន នីតិប្បញ្ញត្តិ នីតិប្រតិបត្តិ និងតុលាការ។ សម្ដេចសង្ឃឹមយ៉ាងមុតមាំថា ទស្សនកិច្ចរបស់ ឯកឧត្តម អគ្គរដ្ឋអាជ្ញានៃសហព័ន្ធរុស្សី នាពេលនេះនឹងជួយត្រួសត្រាយផ្លូវក្នុងការពង្រីកទំនាក់ទំនងទ្វេភាគី ក្នុងការអនុវត្តច្បាប់ និងវិស័យយុត្តិធម៌បន្ថែមទៀត រួមទាំងទំនាក់ទំនងទ្វេភាគីរវាងកម្ពុជា-រុស្ស៊ី។ ក្នុងឱកាសនោះសម្ដេចតេជោ ក៏សម្ដែងនូវការអបអរសាទរចំពោះ ឯកឧត្តមអគ្គរដ្ឋអាជ្ញានៃសហព័ន្ធរុស្សី និងរដ្ឋាភិបាលនៃសហព័ន្ធរុស្ស៊ីដែលបានរៀបចំព្រឹត្តិការណ៍ជាប្របវត្តិសាស្រ្ដ កាលពីថ្ងៃទី៩ ខែឧសភា ឆ្នាំ២០២៥ កន្លងទៅ ដើម្បីរំលឹកខួបលើកទី៨០ នៃជ័យជម្នះរបស់សហភាពសូវៀតលើក្រុមណាហ្ស៊ីក្នុងសង្គ្រាមលោកលើកទី២។ នៅក្នុងឱកាសនោះ ឯកឧត្តមអគ្គរដ្ឋអាជ្ញានៃសហព័ន្ធរុស្សី បានសម្ដែងនូវក្ដីរីករាយ និងអរគុណក្រៃលែងចំពោះសម្ដេចតេជោ ដែលបានអនុញ្ញាតឱ្យឯកឧត្តមបានជួបសម្ដែងការគួរសមនៅក្នុងឱកាសនេះ។ ឯកឧត្តមក៏បាននាំមកនូវការសួរសុខទុក្ខពីសំណាក់ឯកឧត្តមប្រធានាធិបតីរុស្ស៊ី ពូទីន ចំពោះសម្ដេចតេជោផងដែរ។ ឯកឧត្តមបានរលឹកនៅពាក្យរបស់ឯកឧត្តមប្រធានាធិបតី ពូទីន ចំពោះសម្ដេចតេជោ ដោយឯកឧត្តមបញ្ជាក់ថាឯកឧត្តមប្រធានាធិបតី ពូទីន ចាត់ទុកសម្ដេចតេជោ គឺជាតួអង្គដ៏សំខាន់នៃការរួមចំណែកទំនាក់ទំនងរវាងកម្ពុជា និងរុស្ស៊ី។ក្នុងឱកាសនោះ ឯកឧត្តមអគ្គរដ្ឋអាជ្ញានៃសហព័ន្ធរុស្សី បានជម្រាបជូនសម្ដេចតេជោថា ក្នុងអំឡុងពេលទស្សនកិច្ចនៅកម្ពុជានេះ ឯកឧត្តមបានជួបជាមួយថ្នាក់ដឹកនាំកម្ពុជាមួយចំនួន ជាពិសេសជួបជាមួយឯកឧត្តម កើត រិទ្ធ រដ្ឋមន្រ្ដីក្រសួងយុត្តិធម៌ ដោយបានជជែក និងចុះហត្ថលេខាលើកិច្ចព្រមព្រៀងសំខាន់ៗជាមួយគ្នាទាក់ទងទៅនឹងវិស័យច្បាប់ និងការបណ្ដុះបណ្ដាល។ នៅក្នុងនោះឯកឧត្តមក៏បានបញ្ជាក់អំពីការគ្រោងរៀបចំវគ្គបណ្ដុះបណ្ដាលដល់មន្រ្ដីកម្ពុជានៅក្នុងក្រសួងយុត្តិធម៌ពាក់ព័ន្ធទៅនឹងវិស័យច្បាប់ទាំងនៅក្នុងប្រទេសកម្ពុជា ទាំងនៅក្នុងទឹកដីនៃប្រទេសរុស្ស៊ី រួមទាំងកិច្ចសហប្រតិបត្តិការនៅក្នុងវិស័យអបរ់រំផងដែរ ដែលភាគីទាំងពីរគ្រោងនឹងធ្វើជាមួយគ្នា។ នៅក្នុងឱកាសនោះសម្ដេចតេជោបានសម្ដែងនូវក្ដីរីករាយចំពោះការបំពេញការងាររបស់ ឯកឧត្តមអគ្គរដ្ឋអាជ្ញានៃសហព័ន្ធរុស្សី នៅក្នុងប្រទេសកម្ពុជា ហើយសម្ដេចតេជោ ក៏បានផ្ដាំត្រលប់ទៅតាមរយៈ ឯកឧត្តមអគ្គរដ្ឋអាជ្ញាដោយផ្ញើសួរសុខទុក្ខចំពោះឯកឧត្តមប្រធានាធិបតី រុស្ស៊ី វ្ល៉ាឌីមៀ ពូទីន និងឯកឧត្តម ឌីមីទ្រី មេដវេឌេវ ប្រធានគណបក្សរុស្ស៊ីរួបរួម ផងដែរ។ក្នុងឱកាសនោះ សម្ដេចតេជោ បានរំលឹកឡើងនូវគុណបំណាច់របស់រុស្ស៊ីដែរ ដោយសម្ដេចបានបញ្ជាក់ថា រុស្ស៊ី បានដើរតួនាទីយ៉ាងសំខាន់ក្នុងការជួយដល់កម្ពុជា ជាពិសេសនៅក្នុងអំឡុងពេលដែលកម្ពុជាជួបការលំបាកកាលពីអតីតកាល ដោយរុស្ស៊ីតែងតែផ្ដល់ជំនួយដល់កម្ពុជា។ បន្ថែមពីលើនោះ រុស្ស៊ីក៏បានចូលរួមចំណែកអភិវឌ្ឍធនធានមនុស្សកម្ពុជា តាមរយៈការបណ្ដុះបណ្ដាលដល់និស្សិតកម្ពុជាជាច្រើន ហើយមកដល់ពេលនេះធនធានមនុស្សកម្ពុជាដែលបានទៅសិក្សានៅរុស្ស៊ីបានត្រលប់មកកាន់កម្ពុជា និងបានចូលរួមចណែកក្នុងការអភិវឌ្ឍជាមួយរដ្ឋាភិបាលកម្ពុជា ដែលគុណបំណាច់នេះកម្ពុជាចង់ចាំជានិច្ច។ ក្នុងឱកាសនោះសម្ដេចតេជោ ក៏បានលើកឡើងផងដែរអំពីការពង្រីកទំនាក់ទំនងឱ្យកាន់តែជិតស្និទ្ធជាមួយគ្នា ពោលគឺសម្ដេចបានស្នើ ក៏ដូចជាជំរុញបន្ថែមទៀតឱ្យរុស្ស៊ីបង្កើតនូវជើងហោះសើរត្រង់ពីមូស្កូលមកកាន់ប្រទេសកម្ពុជាឱ្យបាននៅពេលដ៏ឆាប់ខាងមុខ។ សម្ដេចតេជោបញ្ជាក់ថា នៅពេលដែលរុស្ស៊ីមានជើងហោះហើរត្រង់មកកាន់កម្ពុជានឹងជាកត្តាជំរុញបន្ថែមទៀតនៃទំនាក់ទំនងរវាងប្រទេសទាំងពីរ ក៏ដូចជាទំនាក់ទំនងរវាងប្រជាជន និងប្រជាជន និងបង្កើនទេសចរផងដែរ។ ក្នុងឱកាសនោះសម្ដេចតេជោ ក៏បានជំរុញលើការធ្វើវិនិយោគ ពាណិជ្ជកម្ម រវាងកម្ពុជា រុស្ស៊ី ឱ្យមានការកើនឡើងបន្ថែមទៀត៕

ប្រធាន គ.ស.អ.ស.ក និងក្រសួងមហាផ្ទៃ កំណត់ជំហានបន្ទាប់លើការអភិវឌ្ឍសេដ្ឋកិច្ចក្រៅប្រព័ន្ធ

ប្រធានគណៈកម្មាធិការសេដ្ឋកិច្ចក្រៅប្រព័ន្ធ ស្នើសុំការគាំទ្របន្ថែមពីក្រសួងមហាផ្ទៃ លើការអនុវត្តយុទ្ធសាស្ត្រក្នុងចំណោម រដ្ឋបាលថ្នាក់ក្រោមជាតិ ព្រមទាំងសម្រួលឱ្យមានស្តង់ដាររួមនៃការស្នើសុំសេវាសាធារណៈ សម្រាប់អាជីវកម្មនៅក្នុងមូលដ្ឋាន តាម យន្តការច្រកចេញចូលតែមួយ។ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី២៦ ខែឧសភា ឆ្នាំ២០២៥ បានជួប ពិភាក្សាការងារជាមួយ ឯកឧត្តមរដ្ឋមន្ត្រី ហែម វណ្ណឌី ប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ ដើម្បី ពិនិត្យវឌ្ឍនភាព និងកំណត់ជំហានបន្ទាប់ក្នុងការអនុវត្តយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ។ឯកឧត្តម ហែម វណ្ណឌី ប្រធានគណៈកម្មាធិការ បានរាយការណ៍ពីកំណើននៃការចុះឈ្មោះអ្នកសេដ្ឋកិច្ចក្រៅប្រព័ន្ធតាមថ្នាល ឌីជីថល ដែលគិតត្រឹមថ្ងៃទី២៣ ខែឧសភា ឆ្នាំ២០២៥ មានសំណើចុះឈ្មោះអ្នកសេដ្ឋកិច្ចក្រៅប្រព័ន្ធសរុបចំនួនជិត ៧៣ ម៉ឺននាក់ ក្នុងនោះប្រមាណ ៨៨ ភាគរយ បានចុះឈ្មោះតាមរយៈទូរសព្ទដៃ។ ឯកឧត្តមបានសង្កត់ធ្ងន់លើតួនាទីដ៏សំខាន់ របស់ក្រសួងមហាផ្ទៃ និងរដ្ឋបាលថ្នាក់ក្រោមជាតិ ក្នុងការអនុវត្តយុទ្ធសាស្ត្រនេះ ដោយលើកឡើងថា អ្នកសេដ្ឋកិច្ចក្រៅប្រព័ន្ធភាគច្រើន ស្ថិតនៅក្នុងមូលដ្ឋាន ដែលគ្រប់គ្រងដោយរដ្ឋបាលថ្នាក់ក្រោមជាតិ ព្រមទាំងបានជម្រាបជូន អំពីយុទ្ធនាការផ្សព្វផ្សាយក្នុងរាជធានី-ខេត្តចំនួន ៥ នាពេល កន្លងមក និងការដាក់ឱ្យអនុវត្តសាកល្បងគម្រោងលើកកម្ពស់អនាម័យម្ហូបអាហារតាមដងផ្លូវក្នុងខេត្តកំពង់ធំ។ ជុំវិញបញ្ហាអ្នកសេដ្ឋកិច្ចក្រៅប្រព័ន្ធនេះ ឯកឧត្តមប្រធានគណៈកម្មាធិការ បានស្នើសុំការគាំទ្របន្ថែមពីក្រសួងមហាផ្ទៃ ដើម្បី ជំរុញការយល់ដឹង និងការអនុវត្តយុទ្ធសាស្ត្រ ក្នុងចំណោមរដ្ឋបាលថ្នាក់ក្រោមជាតិ ព្រមទាំងសម្រួលឱ្យមានស្តង់ដាររួម នៃការស្នើសុំ សេវាសាធារណៈ ពិសេសសម្រាប់អាជីវកម្មនៅក្នុងមូលដ្ឋាន តាមយន្តការច្រកចេញចូលតែមួយ ដូចមានចែងក្នុងយុទ្ធសាស្ត្រជាតិ។សូមបញ្ជាក់ថា ក្នុងជួបពិភាក្សាការងារនេះ ឯកឧត្តមរដ្ឋមន្ត្រី ហែម វណ្ណឌី ប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ច ក្រៅប្រព័ន្ធ ក៏បានលើកឡើងគម្រោងលើកកម្ពស់អនាម័យម្ហូបអាហារតាមដងផ្លូវ ត្រូវបានបញ្ចូលជាអត្ថប្រយោជន៍សម្រាប់អ្នកសេដ្ឋកិច្ច ក្រៅប្រព័ន្ធក្នុងខេត្តកំពង់ធំ ដោយក្នុងនោះគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានជ្រើសរើសយកខេត្ត កំពង់ធំ ជាខេត្តទី១ នៅក្នុងការសាកល្បងអនុវត្តគម្រោងកែលម្អស្តង់ដារ អនាម័យ នៃអាជីវកម្មម្ហូបអាហារតាមដងផ្លូវ ដើម្បីជំរុញការ លក់ដូរឱ្យមានរបៀបរៀបរយ មានអនាម័យខ្ពស់ និងបរិស្ថានល្អ ដើម្បីលើកកម្ពស់អ្នកសេដ្ឋកិច្ចក្រៅប្រព័ន្ធ និងការទាក់ទាញវិស័យទេស ចរណ៍ជាដើម។ ឯកឧត្តមប្រធានគណៈកម្មាធិការ លើកឡើងបន្ថែមថា គម្រោងនេះនិងអនុវត្តគោលការណ៍អនាម័យសាមញ្ញៗដូចជា៖ ការស្លៀកពាក់ ការលាងសម្អាត ការទុកដាក់បន្លែ សាច់ និង សំរាមជាដើមនេះ បងប្អូននឹងការពារអ្នកទទួលទានដែលជាអតិថិជន ព្រមទាំងអាចពង្រីកឱកាសអាជីវកម្មរបស់ខ្លួនឯងផង និង កសាងមុខមាត់សម្រាប់ខេត្តកំពង់ធំ៕អត្ថបទ៖ សុន រ៉ាឌី,

ក្រសួងកសិកម្មអំពាវនាវអ្នកប្រកបរបរវិស័យត្រចៀកកាំដែលមានបំណងនាំចេញទៅប្រទេសចិន អាចដាក់ពាក្យស្នើសុំបាន

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់ម្ចាស់កន្លែងកែច្នៃបឋមសំបុកត្រចៀកកាំ សម្រាប់នាំចេញ និងម្ចាស់ផ្ទះថែរក្សាសត្វត្រចៀកកាំ ជាលក្ខណៈគ្រួសារ ដែលមានបំណងនាំចេញសំបុកត្រចៀកកាំ ទៅកាន់ប្រទេសចិន គឺអាចដាក់ពាក្យស្នើសុំបាននៅទីស្តីការក្រសួងចាប់ពីពេលនេះតទៅ។នៅក្នុងសេចក្តីជូនដំណឹង ចេញផ្សាយនៅយប់ថ្ងៃទី២៦ ខែឧសភានេះ ក្រសួងកសិកម្ម រុក្ខាប្រមាញ់ និងនេសាទ បានជម្រាបជូនដល់ម្ចាស់កន្លែងកែច្នៃបឋមសំបុកត្រចៀកកាំសម្រាប់នាំចេញ និងម្ចាស់ផ្ទះថែរក្សាសត្វត្រចៀកកាំជាលក្ខណៈគ្រួសារ ជ្រាបថា ពិធីសារដើម្បីនាំចេញសំបុកត្រចៀកកាំពីកម្ពុជា ត្រូវបានចុះហត្ថលេខាដោយក្រសួងកសិកម្ម រុក្ខាប្រមាញ់ និងនេសាទ នៃព្រះរាជាណាចក្រកម្ពុជា ជាមួយអគ្គរដ្ឋបាលគយនៃសាធារណរដ្ឋប្រជាមានិតចិន កាលពីថ្ងៃទី១៧ ខែមេសា ឆ្នាំ២០២៥ នៅរាជធានីភ្នំពេញ។ក្រសួងកសិកម្ម បានបញ្ជាក់បន្ថែមថា បន្ទាប់ពីទទួលបាននូវពាក្យស្នើសុំ អង្គភាពជំនាញនឹងធ្វើការត្រួតពិនិត្យ និងវាយតម្លៃ ដោយអនុលោមតាមបទដ្ឋានបច្ចេកទេសពាក់ព័ន្ធដូចមានកំណត់ក្នុងពិធីសារ និងសម្របសម្រួលជាមួយភាគីគយចិនដើម្បីនាំចេញ៕ អត្ថបទ៖ ឈិត បូរ៉ាវី

កម្ពុជា ចិន ឯកភាពជំរុញកិច្ចសហប្រតិបត្តិការលើគ្រប់វិស័យ ឱ្យកាន់តែរីកចម្រើនថែមទៀត

នាព្រឹកថ្ងៃទី២៧ ខែឧសភា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបប្រជុំពិភាក្សាការងារទ្វេភាគី ជាមួយ ឯកឧត្តម លី ឈាង (Li Qiang) នាយករដ្ឋមន្ត្រីនៃសាធារណរដ្ឋប្រជាមានិតចិន ក្នុងឱកាសអញ្ជើញចូលរួមកិច្ចប្រជុំកំពូលអាស៊ានលើកទី ៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី។ក្នុងឱកាសនៃជំនួបឯកឧត្តម លី ឈាង នាយករដ្ឋមន្ត្រីចិន បានសម្តែងនូវក្តីសោមនស្សរីករាយដែលបានជួបពិភាក្សាការងារជាមួយ សម្តេចបវរធិបតីជាថ្មីម្តងទៀត។ ឯកឧត្តមនាយករដ្ឋមន្ត្រីបានគូសបញ្ជាក់ថា ជំនួបជាញឹកញាប់រវាងថ្នាក់ដឹកនាំកំពូលនៃប្រទេសទាំងពីរ ឆ្លុះបញ្ចាំងពីភាពរឹងមាំ និងការរីកចម្រើននៃទំនាក់ទំនងមិត្តភាពដ៏យូរអង្វែង និងជាមិត្តដែកថែបកម្ពុជា-ចិន។ជាការឆ្លើយតបសម្តេចបវរធិបតីក៏បានសម្តែងនូវក្តីរីករាយ ចំពោះជំនួបជាមួយឯកឧត្តមនាយករដ្ឋមន្ត្រីចិន។ សម្តេចបវរធិបតីបានឯកភាពអំពីសារៈសំខាន់នៃជំនួបកម្រិតថ្នាក់ដឹកនាំប្រទេសក្នុងការរឹតចំណងទំនាក់ទំនងទ្វេភាគី ព្រមទាំងបានសម្តែងនូវការពេញចិត្ត និងវាយតម្លៃខ្ពស់ចំពោះដំណើរទស្សនកិច្ចផ្លូវរដ្ឋរបស់ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន មកកាន់ព្រះរាជាណាចក្រកម្ពុជាកាលពីខែមេសា ឆ្នាំ២០២៥ កន្លងទៅនេះ ដែលតាមរយៈដំណើរទស្សនកិច្ចនេះ ចំណងមិត្តភាពកម្ពុជា-ចិន ត្រូវបានពង្រឹង និងពង្រីកកាន់តែខ្លាំងក្លាថែមទៀត។ជាមួយនឹងការវាយតម្លៃខ្ពស់ចំពោះការរីកចម្រើននៃទំនាក់ទំនងប្រទេសទាំងពីរ ជាពិសេសការពេញចិត្តនៃការដំឡើងកម្រិតដល់ «ការកសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី» ថ្នាក់ដឹកនាំទាំងពីរបានឯកភាពបន្តលើកកម្ពស់ទំនាក់ទំនងលើគ្រប់វិស័យឱ្យកាន់តែរីកចម្រើនរឹងមាំបន្ថែមទៀត តាមរយៈការប្រែក្លាយផែនការនានាឱ្យចេញជាសកម្មភាពជាក់ស្តែង។ ជាពិសេស ភាគីទាំងពីរបានឯកភាពជំរុញកិច្ចសហប្រតិបត្តិការលើវិស័យសំខាន់ៗរួមមាន៖ សេដ្ឋកិច្ច, ពាណិជ្ជកម្ម, ការវិនិយោគ, ការពារជាតិ និងសន្តិសុខ, អប់រំ, បច្ចេកវិទ្យា, ឧស្សាហកម្ម និងកសិកម្មតាមរយៈការជំរុញកិច្ចសហប្រតិបត្តិការ «ច្រករបៀងអភិវឌ្ឍន៍ឧស្សាហកម្ម» និង «ច្រករបៀងមច្ឆានិងអង្ករ»។ បន្ថែមលើនេះ ថ្នាក់ដឹកនាំទាំងពីរក៏បានឯកភាពជំរុញបន្ថែមទៀតនូវការផ្លាស់ប្តូររវាងប្រជាជននិងប្រជាជន, ការជំរុញវិស័យទេសចរណ៍ និងពង្រីកការតភ្ជាប់ជើងហោះហើរត្រង់រវាងកម្ពុជា-ចិនឱ្យកាន់តែច្រើនថែមទៀត៕

វេទិកាការងារសប្តាហ៍នេះ នឹងដាក់តាំងបង្ហាញតម្រូវការកម្លាំងពលកម្មប្រមាណជិត ៦០០កន្លែង

ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៩ ខែឧសភាខាងមុខនេះ នឹងរៀបចំវេទិកាការងារ ដោយនាំឱកាសការងារថ្មីៗយ៉ាងតិចប្រមាណជិត ៦០០កន្លែង នឹងផ្តល់ជូនយុវជន សិស្ស និស្សិត និងអ្នកកំពុងស្វែរការងារ ព្រមទាំងឱកាសកម្មសិក្សាការងារនៅមជ្ឈមណ្ឌលការងាររាជធានីភ្នំពេញ។ ទីភ្នាក់ងារជាតិមុខរបរ និងការងារ បានសសេរឱ្យដឹងថា ក្រុមហ៊ុនធំៗចំនួន១០ ដែលចូលរួមក្នុងវេទិកាការងារនេះ មកពីវិស័យមីក្រូហិរញ្ញវត្ថុ , កាហ្វេ , ភោជនីយដ្ឋាន , ធានារ៉ាប់រង និងវិស័យធនាគារជាដើម ដែលនឹងជ្រើសរើសបុគ្គលិកភ្លាមៗនៅវេទិកាការងារផ្ទាល់តែម្ដង ដែលនឹងប្រព្រឹត្តទៅចាប់ពីព្រឹកម៉ោង៨ រហូតដល់ម៉ោង៥ល្ងាច នៅបរិវេណក្រសួងការងារ និងបណ្តុះបណ្តាលវិជ្ជាជីវៈ។ ទីភ្នាក់ងារជាតិមុខរបរ និងការងារ បានបញ្ជាក់ដល់យុវជន សិស្ស/និស្សិត និងអ្នកកំពុងស្វែងរកការងារធ្វើ ឬចង់ផ្លាស់ប្តូរការងារទាំងអស់ អាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយអ្នកតំណាងក្រុមហ៊ុនទាំងនោះ ពោល គឺដាក់ភ្លាមសម្ភាសភ្លាមតែម្ដង។ សូមបញ្ជាក់ថា វេទិកាការងារនេះ ត្រូវបានរៀបចំឡើងដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជា វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ដើម្បីផ្តល់ភាពងាយស្រួលដល់យុវជន សិស្ស/និស្សិត ក្នុងការដាក់ពាក្យស្វែងរកការងារ និងសម្ភាសការងារជាមួយតំណាងក្រុមហ៊ុនធំៗនៅមួយកន្លែងភ្លាមៗតែម្តង៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ

មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts

ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា

រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU

អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប

វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា

នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ

EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877