BTV NEWS

រចនាសម្ព័ន្ធទីផ្សារការនាំចេញអង្ករកម្ពុជា កំពុងវិវត្តទៅជាសសរស្តម្ភសំខាន់៣ គឺ EU ចិន និងអាស៊ាន

អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ចុះសួរសុខទុក្ខលោកគ្រូ អ្នកគ្រូ និងសិស្សានុសិស្សភៀសសឹក ក្នុងខេត្តបន្ទាយមានជ័យ

ការដោះដូរធ្វើពាណិជ្ជរបស់កម្ពុជារយៈពេល៤ខែនេះ មានទឹកប្រាក់សរុបជាង ២៣ពាន់លានដុល្លារកើនជិត ២០%

អង្គការសង្គមស៊ីវិលចូលរួមជាមួយរដ្ឋាភិបាលលើកកម្ពស់ការងារសមរម្យដល់កម្មករក្រៅប្រព័ន្ធ

ព័ត៌មានជាតិ

ប្រតិភូបណ្ដាញមន្ត្រីជំនាញអត្រានុកូលដ្ឋានអាស៊ីអាគ្នេយ៍ចុះសិក្សាការចុះបញ្ជីអត្រានុកូលដ្ឋាននៅមណ្ឌលសុខភាពសាមគ្គី

ភ្នំពេញ ៖ គណៈប្រតិភូបណ្តាញមន្រ្តីជំនាញអត្រានុកូលដ្ឋាន នៃបណ្តាប្រទេសក្នុងតំបន់អាស៊ីអាគ្នេយ៍ និងអង្គការសង្គមស៊ីវិលមួយចំនួននៅរសៀលថ្ងៃទី១៥ ខែមករា ឆ្នាំ២០២៥នេះ បានចុះធ្វើការសិក្សាស្វែងយល់អំពីការចុះបញ្ជីអត្រានុកូលដ្ឋានតាមប្រព័ន្ធជូនដំណឹង ពោលគឺការចុះបញ្ជីដោយដៃទៅតាមប្រព័ន្ធបច្ចេកវិទ្យាសាកល្បង នៅមណ្ឌលសុខភាពសាមគ្គី និងសាលាសង្កាត់ត្រពាំងក្រសាំង ដែលស្ថិតនៅខណ្ឌពោធិ៍សែនជ័យ រាជធានីភ្នំពេញ។ឧត្តមសេនីយ៍ឯក តុប នេត អគ្គនាយ នៃអគ្គនាយក អត្តសញ្ញាណកម្ម និងជាប្រធានលេខាធិការដ្ឋាន នៃគណៈកម្មាធិការជាតិដឹកនាំតម្រង់ទិស ការងារអត្រានុ កូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម(គ.ជ.ដ.អ.)បានថ្លែងថា បន្ទាប់ពីកិច្ចប្រជុំបណ្តាញមន្រ្តីអត្រានុកូលដ្ឋានតំបន់អាស៊ីអាគ្នេយ៍ គណៈប្រតិភូទាំងអស់បានចុះទៅទស្សនកិច្ចនៅមណ្ឌលសុខភាពមួយចំនួននៅខណ្ឌពោធិ៍សែនជ័យ ដើម្បីសិក្សាទៅលើការអនុវត្តសាកល្បងដំណើរការចុះបញ្ជីអត្រានុកូលដ្ឋាន តាមប្រព័ន្ធបច្ចេកវិទ្យាគមនាគមន៍ និងព័ត៌មាន ដោយមានការជូនដំណឹងពីប្រព័ន្ធជូនដំណឹងរបស់មូលដ្ឋានសុខាភិបាល។ ឯកឧត្តមបានលើកឡើងទៀតថា ការដែលប្រតិភូចុះទៅដល់ទីកន្លែងការអនុវត្តសាកល្បងដំណើរការចុះបញ្ជីអត្រានុកូលដ្ឋាន តាមប្រព័ន្ធបច្ចេកវិទ្យានេះ គឺជាឱកាសមួយដ៏ល្អសម្រាប់កម្ពុជាយើង ដើម្បីធ្វើ ការកែតម្រូវបន្ទាប់ពីប្រតិភូមានមតិ និងណែនាំបន្ថែម ក្រោយឃើញការចុះបញ្ជីតាមប្រព័ន្ធបច្ចេកវិទ្យានេះ មានភាពចន្លោះប្រហោងណាមួយនោះ។សូមបញ្ជាក់ថាកម្ពុជាត្រូវបានធ្វើជាម្ចាស់ផ្ទះ នៃកិច្ចប្រជុំបណ្តាញមន្រ្តីអត្រានុកូលដ្ឋានតំបន់អាស៊ីអាគ្នេយ៍ជាលើកទី២ ដោយកិច្ចប្រជុំនេះមានតំណាងប្រទេសជាច្រើនក្នុងតំបន់អាស៊ីអាគ្នេយ៍ រួមទាំងតំណាងប្រទេសប៉ាពូ ញូគី ណេ និងអង្គការមួយចំនួនទៀតចូលរួមផងដែរ។ កិច្ចប្រជុំបណ្តាញមន្រ្តីអត្រានុកូលដ្ឋានតំបន់អាស៊ីអាគ្នេយ៍ ដែលកម្ពុជាធ្វើជាម្ចាស់ផ្ទះនេះគឺមាន រយៈពេលបីថ្ងៃគឺចាប់ពីថ្ងៃទី១៤ដល់ថ្ងៃទី១៦ខែមករា ឆ្នាំ២០២៤ ក្នុងគោលបំណងនៃកិច្ចប្រជុំគឺដើម្បីចែករំលែកចំណេះដឹង ក៏ដូចជាបទពិសោធន៍ក្នុងការអនុវត្តការងារ ដើម្បីស្វែងរកដំណោះស្រាយរួមគ្នា តាមរយៈកិច្ចសហការរវាងប្រទេសនិងប្រទេសក្នុងតំបន់ ក្នុងគោលដៅពង្រឹងប្រព័ន្ធការងារអត្រានុកូលដ្ឋាន និងអត្តសញ្ញាណកម្មជាដើម៕អត្ថបទ បាន ចក់

មន្ត្រីជាន់ខ្ពស់ក្រសួងពាណិជ្ជកម្ម អំពាវនាវដល់ធុរកិច្ចកម្ពុជាចូលរួមពិព័រណ៍ពាណិជ្ជកម្មអន្តរជាតិនៅចិន

ភ្នំពេញ ៖ មន្ត្រីជាន់ខ្ពស់ក្រសួងពាណិជ្ជកម្ម ចង់ឱ្យម្ចាស់ក្រុមហ៊ុន រោងចក្រ សហគ្រាស អ្នកធ្វើធុរកិច្ច និងសហគ្រិននៅកម្ពុជា ចូលរួមក្នុង ព្រឹត្តិការណ៍ពិព័រណ៍ផលិតផលនាំចេញចូលប្រទេសចិន (Canton Fair) ដែលជាវេទិកាពាណិជ្ជកម្មលំដាប់អន្តរជាតិលំដាប់ពិភពលោក ដើម្បីផ្សារភ្ជាប់ទំនាក់ទំនង និងការស្វែងរកដៃគូថ្មីៗសម្រាប់ធ្វើធុរកិច្ច។ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្ម លើកឡើងនៅក្នុងសន្និសីទផ្សព្វផ្សាយ ស្តីពីពិព័រណ៍ផលិតផល នាំចេញនាំចូលប្រទេសចិន (Canton Fair) លើកទី១៣៧ នៅថ្ងៃទី ១៥ ខែ មករា ឆ្នាំ ២០២៣ នេះថា ពិព័រណ៍ផលិតផលនាំចេញ នាំចូលប្រទេសចិន (Canton Fair) គឺជាវេទិកាពាណិជ្ជកម្មលំដាប់អន្តរជាតិ ដោយបានផ្តល់ឱកាសសម្រាប់ធុរជនមកពីគ្រប់ទិសទីនៅ លើពិភពលោក ដើម្បីភ្ជាប់ទំនាក់ទំនង និងការស្វែងរកទីផ្សារសម្រាប់ធ្វើពាណិជ្ជកម្ម ជាពិសេសការជំរុញពង្រីកទំនាក់ទំនងរវាងកម្ពុជា-ចិនបន្ថែម ដើម្បីអនុញ្ញាត្តឱ្យទំនិញកម្ពុជានាំទៅកាន់ប្រទេសចិន និងពិភពលោកឱ្យបានកាន់តែច្រើន។ឯកឧត្តម បន្តថា នេះគឺជាឱកាសមាសសម្រាប់ធុរកិច្ចនៅកម្ពុជា នាំយកផលិតផលរបស់ខ្លួន បង្ហាញនៅលើទីផ្សារប្រទេសចិន, ដែលការចូលរួមនេះ គឺជាសារមួយដ៏មានសារៈសំខាន់ ដោយបានបង្ហាញថា ផលិតផលរបស់កម្ពុជាមានគុណភាព អាចនាំចូលទីផ្សារក្នុង តំបន់ និងភពលោក និងក៏ជាសារដែលយើងត្រូវរៀនសូត្រពីការរៀបចំពិព័រណ៍ពីគេ ដើម្បីជំរុញដល់ការរៀបចំព្រឹត្តការណ៍ផ្សេងៗនៅ កម្ពុជាឱ្យកាន់តែល្អ និងទាក់ទាញថែមទៀត។ជុំវិញពិព័រណ៍នេះដែរ ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា លើកឡើងផងដែរថា សម្រាប់ពិព័រណ៍ លំដាប់អន្តរជាតិ ដែលធ្វើឡើងនៅប្រទេសចិន គឺជាឱកាសដ៍ល្អសម្រាប់ក្រុមហ៊ុនកម្ពុជា ដើម្បីចូលរួមបង្ហាញនូវផលិតផលរបស់ខ្លួន ក្នុងនោះចំពោះក្រុមហ៊ុនដែលមានចំណាប់អារម្មណ៍ អាចសាកសួរព័ត៌មានលម្អិត ឬធ្វើការទំនាក់ទំនងមកសភាពាណិជ្ជកម្មកម្ពុជា ដើម្បី ជួយសម្រួបសម្រួលអំពីការចូលរួមក្នុងព្រឹត្តិការណ៍នោះ ដែលនឹងរៀបចំនៅទីក្រុងក្វាងចូវ ប្រទេសចិន នៅថ្ងៃទី ១៥ ខែ មេសា ខាងមុខ។ទាក់ទិនការរៀបពិព័រណ៍នេះដែរ លោក ស៊ូ ពីន នាយករងនៃមជ្ឈមណ្ឌលពាណិជ្ជកម្មក្រៅប្រទេសចិន លើកឡើងឱ្យដឹងថា ការរៀបលើក ទី១៣៦ នៃពិព័រណ៍ Canton Fair កន្លងមក ទទួលការចាប់អារម្មណ៍ខ្ពស់ពីមជ្ឈដ្ឋានឧស្សាហកម្ម ពាណិជ្ជកម្ម ទូទាំងសកលលោក ដែលមានចំនួនអ្នកទិញបរទេស ដែលចូលរួមពិព័រណ៍ដោយផ្ទាល់ បានបំបែកកំណត់ត្រាលើកទី ១ ដល់ ២៥ ម៉ឺននាក់ ក្នុងនោះ ផលិតផលថ្មីដែលដាក់តាំងបង្ហាញក្នុងពិព័រណ៍ មានចំនួនជាង ១ លានមុខ។ ចំណែកការរៀបចំ Canton Fair លើកទី ១៣៧ ចំពោះ ចំណុចដែលលេចធ្លោរួមមាន៖ រចនាសម្ព័ន្ធមូលបទល្អប្រសើរ, ពាណិជ្ជករចូលរួមតាំងពិព័រណ៍មានគុណភាពខ្ពស់, ផលិតផលគុណភាព ល្អប្រសើរដ៏សម្បូរបែប, កម្មវិធីបន្ទាប់បន្សំ នៃកម្មវិធីមានចំនួនពេញលេញ, និងការទទួលបានបទពិសោធន៍ល្អ ជាមួយការចូលរួមពិព័រណ៍ ។ ចំណែកពិព័រណ៍ Canton Fair លើកទី១៣៧ នឹងបន្តបង្កើតឱ្យមានពិព័រណ៍ផលិតផលនាំចូល បច្ចុប្បន្នបានទាក់ទាញសហគ្រាសក្រៅ ប្រទេស មានចំនួនជាង ១ ម៉ឺន ៨ពាន់ មកពីជាង ១១០ ប្រទេស និងតំបន់ នៃការចូលរួមតាំងពិព័រណ៍នៅក្នុងព្រឹត្តិការណ៍នោះ៕ អត្ថបទ៖ សុន រ៉ាឌី

កម្ពុជាកំពុងពិនិត្យសំណើសុំចុះបញ្ជីវិនិយោគចំនួន ១៧ គម្រោង មានទុនសរុប ១៥០លានដុល្លារ

គណៈកម្មាធិការវិនិយោគកម្ពុជា បើកកិច្ចប្រជុំច្រកចេញចូលតែមួយ ដើម្បីពិនិត្យ ពិភាក្សា លើសំណើសុំចុះបញ្ជីគម្រោងវិនិយោគ ចំនួន១៧ គម្រោង មានទុនវិនិយោគសរុបប្រមាណ ១៥០ លានដុល្លារអាមេរិក,,ដែលជាការចូលរួមចំណែកដល់ការអភិវឌ្ឍន៍នៅកម្ពុជា បន្ថែម។ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងទី ១៥ ខែ មករា នេះ បានបើកកិច្ចប្រជុំច្រកចេញចូលតែមួយ ដើម្បីពិនិត្យ ពិភាក្សា លើសំណើសុំចុះបញ្ជីគម្រោងវិនិយោគចំនួន ១៧ គម្រោង មានទុន វិនិយោគសរុបប្រមាណ ១៥០ លានដុល្លារអាមេរិក ដោយគម្រោងនេះអាចបង្កើតការងារបានចំនួនប្រមាណ ៩ ពាន់កន្លែង ហើយនៅ ក្នុងកិច្ចប្រជុំនេះដែរ ក៏មានការអញ្ជើញចូលរួមពីសំណាក់តំណាងក្រសួង-ស្ថាប័ន និងរដ្ឋបាលរាជធានី-ខេត្តពាក់ព័ន្ធផងដែរ។ជុំវិញនិងគម្រោងវិនិយោគថ្មីនេះរួមមាន៖ ការវិនិយោគក្នុងវិស័យកសិកម្ម និងកសិ-ឧស្សាហកម្មចំនួន ១ គម្រោង (បង្កើត រោងចក្រកែច្នៃជ័រកៅស៊ូ) និងក្នុងវិស័យឧស្សាហកម្មចំនួន ១៦ គម្រោង (បង្កើតរោងចក្រកែច្នៃលោហធាតុ, ផ្គុំដំឡើងគ្រឿងអេឡិច ត្រូនិក, ផលិតអំពូល ភ្លើងនិងបរិក្ខារអគ្គិសនី, ផលិតគ្រឿងសង្ហារិម, ផលិតផ្កានិងផ្លែឈើសិប្បនិម្មិត, ផលិតឧបករណ៍ជាង និង ឧបករណ៍ប្រើប្រាស់ក្នុងយានដ្ឋាន, ផលិតចង្ក្រាននិងឡចម្អិន, ផលិតសម្ភារៈវេចខ្ចប់, ផលិតសម្ភារៈសម្រាប់បោះជំរុំ, ខារអំបោះ, បោក គក់ និងជ្រលក់ពណ៌) ដោយបានបោះទីតាំងវិនិយោគនៅរាជធានីភ្នំពេញ, ខេត្តកំពង់ស្ពឺ, ខេត្តតាកែវ, ខេត្តត្បូងឃ្មុំ, ខេត្តស្វាយរៀង, ខេត្តកំពង់ឆ្នាំង និងខេត្តបន្ទាយមានជ័យ។សូមបញ្ជាក់ថា ជុំវិញគម្រោងវិនិយោគថ្មីនេះ នៅក្នុងបំណាច់ឆ្នាំ ២០២៤ កន្លងមក ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោង វិនិយោគ មានចំនួន ៤១៤ ក្នុងទំហំទុនវិនិយោគសរុបប្រមាណជាង ៦,៩ ពាន់លានដុល្លារអាមេរិក ដោយក្នុងនោះចំនួន ៣៨៧ ជាគម្រោងវិនិយោគថ្មី និង ២៧ ជាគម្រោងពង្រីកផលិតកម្ម ដោយវិនិយោគស្ថិតនៅក្រៅតំបន់សេដ្ឋកិច្ចពិសេស មានចំនួន ២៦៤ គម្រោង និងគម្រោងវិនិយោគដែលស្ថិតនៅក្នុងតំបន់សេដ្ឋកិច្ចពិសេស មានចំនួន ១៥០ គម្រោងផងដែរ៕ អត្ថបទ៖ សុន រ៉ាឌី

កសិករនៅឃុំស្រះរាំង ប្រមូលផលស្រូវសែនក្រអូប និងលក់ជូនក្រុមហ៊ុនបៃតង ក្នុងតម្លៃចុះកិច្ចសន្យាទុកជាមុន ១៣៥០៛/គីឡូក្រាម

ឯកឧត្តម ឃឹម ហ្វីណង់ អនុរដ្ឋលេខាធិការក្រសួង កសិកម្ម រុក្ខាប្រមាញ់ និងនេសាទ បានឱ្យដឹងថា នៅថ្ងៃទី១៤ ខែមករា ឆ្នាំ២០២៥ កសិករចំនួន២៤គ្រួសារ នៅឃុំស្រះរាំង ស្រុកមង្គលបូរី ខេត្តបន្ទាយមានជ័យ បានប្រមូលផលស្រូវសែនក្រអូប និងលក់ជូនក្រុមហ៊ុនបៃតង ក្នុងតម្លៃចុះកិច្ចសន្យាទុកជាមុន ១៣៥០៛/គីឡូ សម្រាប់ស្រូវសើមទិញនៅទីវាល។ថ្នាក់ដឹកនាំក្រសួងខាងលើសង្ឃឹមថា ដំណឹងនេះនឹងអាចបង្កើនទំនុកចិត្តបន្ថែមទៀតដល់បងប្អូនកសិករកម្ពុជា ដែលនៅតែអល់អែករារែក ស្ទាក់ស្ទើរមិនទាន់ហ៊ានសម្រេចចិត្តងាកមករួមគ្នាផលិតស្រូវសែនក្រអូប ក្រោមទម្រង់ជាសហគមន៍កសិកម្មទំនើប។សូមបញ្ជាក់ថា ក្រុមហ៊ុនបៃតង គឺជាក្រុមហ៊ុនតែមួយ ដែលនឹងចុះកិច្ចសន្យាធានាទិញស្រូវសែនក្រអូបពីសហគមន៍កសិកម្មទំនើបខ្នាត៥០០០ហិកតា ដែលគ្រោងនឹងបង្កើតថ្មីនៅខេត្តកំពង់ធំនាពេលខាងមុខនេះ។តាមឯកឧត្តម ឃឹម ហ្វីណង់ «សហគមន៍កសិកម្ម & ការធ្វើផលិតកម្មកសិកម្មតាមកិច្ចសន្យា» បង្ហាញពីភាពច្បាស់លាស់ មានទំនុកចិត្ត និងមិនចាំបាច់បារម្ភពីហានិភ័យទីផ្សារ។ ការធ្វើកសិកម្មនៅដាច់ដោយឡែកៗពីគ្នា តូចៗជាលក្ខណៈគ្រួសារ តែងជួបបញ្ហាប្រឈមច្រើន ជាពិសេសភាពស្រពេចស្រពិលនៃទីផ្សារ និងថ្លៃដើមខ្ពស់។ក្រសួងកសិកម្ម លើកទឹកចិត្តឱ្យប្រជាកសិករចងក្រងគ្នាផលិតជាសហគមន៍ ដើម្បីអាចមានលទ្ធភាពចាប់យកកិច្ចសន្យាច្បាស់លាស់មួយ «លក់មុនដាំ» ជាមួយនឹងសមត្ថភាពប្រកួតប្រជែងខ្ពស់ទាំងខាងផ្នែកតម្លៃ បរិមាណ និងគុណភាព។ជាមួយគ្នានោះប្រសិនបើអាចរៀបចំជាសហគមន៍កសិកម្មទំនើបតែម្តង ក្រសួងនឹងសម្រសម្រួលស្វែងរកទុនកម្ចីការប្រាក់ទាបជូន ដោយមិនចាំបាច់ឱ្យកសិករសមាជិកជាប់បំណុលធានាគារ៕

ឧបនាយករដ្ឋមន្រ្តី វង្សី វិស្សុត អញ្ជើញបិទសន្និបាតបូកសរុបលទ្ធផលការងារប្រចាំឆ្នាំ២០២៤ របស់រដ្ឋបាលខេត្តកំពង់ធំ

កំពង់ធំ៖ ឯកឧត្តម វង្សី វិស្សុត ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្ដីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ នៅថ្ងៃទី១៤ ខែមករា ឆ្នាំ២០២៥ បានអញ្ជើញជាអធិបតី ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់រដ្ឋបាលខេត្តកំពង់ធំ។ពិធីបិទសន្និបាតនេះ ធ្វើឡើងដោយមានការអញ្ជើញចូលរួមពីលោកបណ្ឌិត ថោង ខុន ទេសរដ្ឋមន្ត្រី, លោក ហួត ហាក់ រដ្ឋមន្ត្រីក្រសួងទេសចរណ៍, លោកស្រី កុយ ពិសី រដ្ឋមន្ត្រីប្រតិភូអមនាយករដ្ឋមន្ត្រី, តំណាងក្រសួងមហាផ្ទៃ, រដ្ឋលេខាធិការ អនុរដ្ឋលេខាធិការ អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ, ប្រធានក្រុមប្រឹក្សាខេត្ត, អភិបាលខេត្តកំពង់ធំ, សមាជិក ក្រុមប្រឹក្សាខេត្ត ប្រធានសាលាដំបូងនិងអយ្យការអមសាលាដំបូងខេត្ត, ថ្នាក់ដឹកនាំ មន្ត្រីរាជការ គ្រប់លំដាប់ថ្នាក់នៃរដ្ឋបាលខេត្ត មន្ទីរ អង្គភាពជុំវិញខេត្ត និងកម្លាំងមានសមត្ថកិច្ច ស្រុក ក្រុង ឃុំ សង្កាត់ សរុបប្រមាណ៥០០រូប។បន្ទាប់ពីបានស្តាប់របាយការណ៍របស់ លោក នួន ផារ័ត្ន អភិបាលនៃគណៈអភិបាលខេត្តកំពង់ធំ ស្តីពីលទ្ធផលការងារប្រចាំឆ្នាំ២០២៤ និងទិសដៅការងារបន្តឆ្នាំ២០២៥ របស់រដ្ឋបាលខេត្ត ក្នុងនាម សម្តេចមហាបវរធិបតី ហ៊ុន ម៉ាណែត និងក្នុងនាមប្រធានក្រុមការងាររាជរដ្ឋាភិបាលចុះមូលដ្ឋានខេត្ត ឯកឧត្តម វង្សី វិស្សុត បានសម្តែងការអបអរសាទរនិងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ លោក លោកជំទាវ លោក លោកស្រី ដែលជាថ្នាក់ដឹកនាំគ្រប់លំដាប់ថ្នាក់ មន្ត្រីរាជការ និងកងកម្លាំងប្រដាប់អាវុធទាំងអស់នៃខេត្តកំពង់ធំ ដែលបានយកអស់កម្លាំងកាយចិត្ត ប្រាជ្ញា ស្មារតី ខិតខំប្រឹងប្រែង យកចិត្តទុកដាក់អនុវត្តភារកិច្ចយ៉ាងសកម្ម ប្រកបដោយការទទួលខុសត្រូវខ្ពស់ សម្រេចបាននូវវឌ្ឍនភាពនិងសមិទ្ធផលជាច្រើន។ឯកឧត្តម បន្តថា ការខិតខំប្រឹងប្រែងនេះ បានឆ្លុះបញ្ចាំងពីការចូលរួមយ៉ាងសកម្មក្នុងការអនុវត្តនូវយុទ្ធសាស្ត្របញ្ចកោណដំណាក់កាលទី១ កម្មវិធីគោលនយោបាយជាអាទិភាពទាំង៦ វិធានការគន្លឹះទាំង៥ ព្រមទាំងកិច្ចការ កែទម្រង់សំខាន់នានា របស់រាជរដ្ឋាភិបាលនីតិកាលទី៧នៃរដ្ឋសភា សំដៅរួមចំណែកថែរក្សាសន្តិភាព ស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម, ការលើកកម្ពស់លទ្ធិប្រជាធិបតេយ្យ សេរីពហុបក្ស, ការពង្រឹងនីតិរដ្ឋ និងការអភិវឌ្ឍសង្គម-សេដ្ឋកិច្ច ឱ្យកាន់តែរឹងមាំប្រកបដោយចីរភាព បរិយាបន្ន និងផ្ដល់ផលប្រយោជន៍ដល់ប្រជាជនខេត្តកំពង់ធំ។ដើម្បីសម្រេចគោលដៅជាយុទ្ធសាស្ត្រ និងទិសដៅការងារបន្តរបស់រដ្ឋបាលខេត្តកំពង់ធំ សំដៅបន្តថែរក្សា និងពង្រីកនូវសមិទ្ធផលរបស់ខេត្តបន្ថែមទៀត លោកឧបនាយករដ្ឋមន្រ្តីប្រចាំការ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានផ្ដល់នូវអនុសាសន៍ និងគោលការណ៍ណែនាំបន្ថែមលើកិច្ចការសំខាន់ៗមួយចំនួន សម្រាប់អនុវត្តក្នុងឆ្នាំ២០២៥ ដើម្បីពង្រឹង និងលើកស្ទួយសេដ្ឋកិច្ចនៅមូលដ្ឋាន និងការដោះស្រាយជីវភាពប្រជាជន ជាពិសេសការធ្វើពិពិធកម្មកសិកម្ម ដោយផ្ដល់បច្ចេកទេស ព័ត៌មានអំពីការសិក្សាទីផ្សារ និងត្រូវរិះរកវិធីសាស្ត្រកាត់បន្ថយការខាតបង់ របស់ប្រជាជនពីរបរកសិកម្ម, បង្កើតនិងបង្កើនមុខរបរ ប្រភពចំណូលផ្សេងៗជូនប្រជាជន ឱ្យទទួលបានចំណូលច្រើនជាងមុននិងមានស្ថិរភាព, រៀបចំផែនការអភិវឌ្ឍខេត្តដោយផ្សារភ្ជាប់ និងប្រទាក់ក្រឡាជាមួយផែនការមេដែលក្រុមការងាររាជរដ្ឋាភិបាលចុះមូលដ្ឋាន បាននិងកំពុងរៀបចំ ជាអាទិ៍ ផែនការអភិវឌ្ឍកសិឧស្សហកម្ម ដំណាំស្វាយចន្ទី ផែនការអភិវឌ្ឍទេសចរណ៍ខេត្ត ផែនការអភិវឌ្ឍហេដ្ឋា រចនាសម្ព័ន្ធរូបវន្តក្នុងខេត្ត ព្រមទាំងត្រូវបង្កលក្ខណៈងាយស្រួលដល់វិស័យឯកជន ជាពិសេសអាជីវកម្មខ្នាតតូចនិងមធ្យម សំដៅធានាការអភិវឌ្ឍសេដ្ឋកិច្ច មូលដ្ឋាននិងការរីកចម្រើនរបស់ខេត្តកំពង់ធំ។ឯកឧត្ដមឧបនាយករដ្ឋមន្ត្រីប្រចាំការ ក៏បានណែនាំដល់ថ្នាក់ដឹកនាំនិងមន្ត្រីរាជការគ្រប់លំដាប់ថ្នាក់ឱ្យយកចិត្តទុកដាក់ពង្រឹងគុណភាព និងប្រសិទ្ធភាពនៃការផ្ដល់សេវាគ្រប់ប្រភេទ, ការផ្ដល់សេវាតាមយន្តការច្រកចេញចូលតែមួយឱ្យបានល្អប្រសើរ, ការដោះស្រាយបញ្ហាអត្រានុកូលដ្ឋាន ការធ្វើអត្តសញ្ញាណបណ្ណ ទាំងការធ្វើថ្មី ទាំងកែតម្រូវ ជៀសវាងកុំឱ្យមានការថ្នាំងថ្នាក់ពីប្រជាពលរដ្ឋ, ជំរុញការចុះបញ្ជីដីធ្លី ការចេញបណ្ណតាម និងការដោះស្រាយទំនាស់ដីធ្លី ជាពិសេសដីពាក់ព័ន្ធតំបន់២ និងតំបន់៣នៃបឹងទន្លេសាប ដីព្រៃឈើនិងតំបន់ការពារធម្មជាតិវប្បធម៌, ពង្រឹងការដោះស្រាយវិវាទក្រៅប្រព័ន្ធប្រកបដោយប្រសិទ្ធភាព និងពន្លឿនការដោះស្រាយបណ្ដឹងនៅតុលាការ និងការកាត់ក្តីប្រកបដោយយុត្តិធម៌ កាត់បន្ថយនូវការកកស្ទះសំណុំរឿងដោយ ឈរលើគោលការណ៍ច្បាប់និងនីតិវិធីជាធរមាន ព្រមទាំងត្រូវគិតគូពីប្រយោជន៍រួមរបស់ប្រជាជននិងប្រយោជន៍ជាតិ អនុវត្តតាមអភិក្រម «ដោះស្រាយបញ្ហា និងមិនបង្កើតបញ្ហា» ក្នុងគោលដៅបង្កើនជំនឿទំនុកចិត្តពីប្រជាជន។ឯកឧត្តម មានប្រសាសន៍ថា រដ្ឋបាលខេត្តនិងអង្គភាពក្រោមឱវាទ ត្រូវបន្តពង្រឹងអភិបាលកិច្ច លើកកម្ពស់សមត្ថភាព ធនធាន មនុស្ស និងប្រសិទ្ធភាពនៃការអនុវត្តការងារ ស្របតាមបរិបទនៃការកែទម្រង់រដ្ឋបាលសាធារណៈ និងការវិវត្តនៃបច្ចេកវិទ្យាដោយត្រូវរៀបចំផែនការច្បាស់លាស់ ជាពិសេសត្រូវផ្ដោតលើ មុខងាររចនាសម្ព័ន្ធ ការបណ្ដុះបណ្ដាល ការបំពាក់ធនធានទាំងធនធានមនុស្សនិងទាំងហិរញ្ញវត្ថុ និងប្រព័ន្ធលើកទឹកចិត្តសមស្រប ប្រកបដោយបរិយាប័ន្ន។ជាទីបញ្ចប់ លោក វង្សី វិស្សុត បានរំលឹកពីអនុសាសន៍ដឹកនាំដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់ សមាជិក សមាជិកា នៃអង្គសនិ្នបាតទាំងមូល ត្រូវរួមកម្លាំងគ្នាឱ្យទៅជាកម្លាំងសរុប ឈរលើផ្លូវតែមួយ ទិសដៅតែមួយ ខិតខំប្រឹងប្រែងបន្តអនុវត្តការងារប្រកបដោយការទទួលខុសត្រូវ សកម្ម និងបុរេសកម្ម ដោយយក «ស្មារតីខ្វល់ខ្វាយពីប្រជាជន បម្រើប្រជាជនដោយស្មោះត្រង់ ដែលនេះគឺជាក្តីសង្ឃឹម និងការចង់បានរបស់ប្រជាជន ក៏ដូចជារបស់រាជរដ្ឋាភិបាល» ដើម្បីសម្រេចចក្ខុវិស័យដ៏មានមហិច្ឆតារបស់កម្ពុជា៕

ព្រះសង្ឃនិងពលរដ្ឋស្រុករមាសហែកខេត្តស្វាយរៀងសំដែងហឫទ័យនិងត្រេកអរពេលឮសម្តេចតេជោសួរពីស្ថានភាពផ្លូវរដ្ឋមន្ត្រីក្រសួងសាធារណការប្រកាសស្ថាបនា

ស្វាយរៀង ៖ ព្រះសង្ឃ និងពលរដ្ឋស្រុករមាសហែក ខេត្តស្វាយរៀង នៅថ្ងៃទី១៦ ខែមករា ឆ្នាំ២០២៥នេះបានសំដែងហឫទ័យ និងអបអរសាទរ នៅពេលដែលឮសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានសួរនាំពអំពីផ្លូវក្នុងស្រុករមាសហែក ដែលជាផ្លូវសម្តេចធ្លាប់ធ្វើដំណើរក្នុងពេលតស៊ូរំដោះជាតិចេញពីរបបប្រល័យពូជសាសន៍ប៉ុលពត។ឆ្លៀតឱកាសដែលសម្ដេចបានរំលឹកពីប្រវត្តិនៃការធ្វើដំណើរ និងឈប់សម្រាកហូបពិសា គុយទាវ នំបញ្ចុក និងនំត្នោត នៅតាមផ្លូវក្នុងភូមិសាស្ត្រស្រុករមាសហែកក្នុងពេលបេសកម្ម បម្រើនិងរំដោះប្រទេសជាតិ ដូច្នេះក្នុងនាមអាត្មាភាពនិងពលរដ្ឋស្រុករមាសហែក សូមបិណ្ឌបាត និងសុំសម្ដេច ជួយស្ថាបនាផ្លូវក្រាលកៅស៊ូ ដើម្បីដាក់អោយព្រះសង្ឃ និងពលរដ្ឋប្រើប្រាស់ខណៈដែលផ្លូវមួយខ្សែនេះ ជាផ្លូវប្រវត្តិសាស្ត្ររបស់សម្ដេចប្រើប្រាស់រហូតមកដល់បច្ចុប្បន្នផ្លូវនេះនៅមិនទាន់មានការស្ថាបនាក្រាលកៅស៊ូ អោយបានល្អដូចផ្លូវនានានៅក្នុងស្រុកសម្រាប់ប្រើប្រាស់នោះទេ។ សំឡេង ........ អភិបាលស្រុករមាសហែកលោក ស៊ូ ម៉ុល បានប្រាប់ទូរទស្សន៍ btv តាមរយៈទូរសព្ទ័ ឱ្យដឹងថា ផ្លូវដែលសម្តេចតេជោ ហ៊ុន សែន បានសួរនាំនេះ ត្រូវបានរដ្ឋបាលស្រុកដាក់សំនើរស្នើសុំជួសជុល និងកែលំអរទៅកាន់ក្រសួងសាធារណការ និងដឹកជញ្ជូន តាមរយៈមន្ទីរសាធារណការ និងដឹកជញ្ជូន និងអភិបាលខេត្តស្វាយរៀង រួចរាល់ហើយកាលពីខែកក្កដា ឆ្នាំ២០២៤។ហើយសំណើនោះ ត្រូវបានឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន លោកចារឯកភាពក្នុងការជួសជុល និងកែលំអររួចហើយផងដែរ។ ផ្លូវដែលលោកអភិបាលស្រុករមាស បានស្នើសុំរដ្ឋមន្ត្រីក្រសួងសាធារណការ និងដឹកជញ្ជូន ជួយជួសជុល និងកែលម្អរនេះ មានចំនួន៣ខ្សែរួមមាន៖ ខ្សែទី១ផ្លូវជាតិលេខ៣១៥ ចាប់ពីខាងជើងផ្សារដូនស ស្រុកស្វាយជ្រំ មកស្រុករមាសហែក ឆ្លងកាត់ឃុំចំនួន៧ រហូតដល់ផ្លូវជាតិលេខ៨A ព្រំប្រទល់ស្រុកកំចាយមារ ខេត្តព្រៃវែង មានប្រវែង៤១គីឡូម៉ែត្រ។ ផ្លូវទី ២ ផ្លូវលេខ៣១.៣១ ជាផ្លូវចាប់ពីទីរួមស្រុក ឆ្ពោះឃុំកំពង់ត្រាច ដល់ឃុំមុខដា កែងផ្លូវជាតិលេខ១០ ប្រវែង៧គីឡូម៉ែត្រ និងផ្លូវទី ៣ ចាប់ខាងជើងសាលាស្រុករមាសហែក ឆ្ពោះទៅកែងផ្លូវជាតិលេខ១៣ ឃុំកំពង់ត្រាច រហូតដល់ឃុំដូង ប្រវែង១៦គីឡូម៉ែត្រ ។ លោក ស៊ូ ម៉ុល បានបញ្ជាក់ថា ផ្លូវទាំង៣ខ្សែនេះ នឹងចាប់ផ្តើមដំណើរការសាងសង់ក្នុងពេលឆាប់ៗខាងមុខនេះហើយ។ សូមបញ្ជាក់ថាផ្លូវតភ្ជាប់ពីទីរួមខេត្តស្វាយរៀង មកកាន់ស្រុករមាសហែក ជាផ្លូវប្រវត្តិសាស្ត្រដែលសម្តេចតេជោ ហ៊ុន សែន បានធ្វើដំណើរជាញឹកញាប់ ក្នុងដំណាក់កាលនៃការតស៊ូរំដោះជាតិចេញពីរបបប្រល័យពូជសាសន៍ ប៉ុល ពត៕ ដោយ ៖ ភា សារឹត

តំបន់ប្រតិបត្តិការសឹករងកំពង់ឆ្នាំង រៀបចំពិធីអប់រំផ្សព្វផ្សាយស្តីពីការយល់ដឹងពីមេរោគអេដស៍ ជំងឺអេដស៍ ស្វាយ ដល់នាយ-ពលទាហាន របស់អង្គភាព

កំពង់ឆ្នាំង: នាព្រឹកថ្ងៃទី១៥ ខែមករា ឆ្នាំ២០២៥ នៅទីបញ្ជាការតំបន់ប្រតិបត្តិការសឹករងកំពង់ឆ្នាំង បានរៀបចំពិធីផ្សព្វផ្សាយអប់រំស្ដីពី ការយល់ដឹងពីមេរោគអេដស៍ ជំងឺអេដស៍ ស្វាយ និងការធ្វើតេស្តដោយស្ម័គ្រចិត្ត ជូនដល់ នាយទាហាន នាយទាហានរង និង ពលទាហាន គ្រប់បណ្ដាកងឯកភាព និង ការិយាល័យ ផ្នែក ចំណុះទីបញ្ជាការ ដែលពិធីនេះស្ថិតក្រោមអធិបតីភាព លោក វរសេនីយ៍ឯក ចក់ ជឿន មេបញ្ជាការរង តំណាងលោក ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង ព្រមទាំង នាយ-ពលទាហាន តំបន់ប្រតិបត្តិការសឹករងកំពង់ឆ្នាំង ជាច្រើនរូបផងដែរ ។លោក មេបញ្ជាការរង បានថ្លែងថា : កម្មវិធីផ្សព្វផ្សាយអប់រំនាពេលនេះ ធ្វើឡើងស្របតាមគោលការណ៍ និង ដើម្បីចូលរួមជាមួយរាជរដ្ឋាភិបាល ក្នុងការប្រយុទ្ធប្រឆាំង ទប់ស្កាត់ និង បង្ការជំងឺអេដស៍ ស្វាយ នៅទូទាំងប្រទេសកម្ពុជា ក្នុងគោលបំណងធានាសុខុមាលភាពជូន ប្រជាពលរដ្ឋទូទៅ ក៏ដូចជានាយ-ពលទាហាន ទូទាំងអង្គភាព តំបន់ប្រតិបត្តិការសឹករងកំពង់ឆ្នាំង យើងដែរ ។តំណាង អង្គការរ៉ាក់ ប្រចាំខេត្តកំពង់ឆ្នាំង បានឡើងបកស្រាយ ពន្យល់ណែនាំអំពី មូលហេតុនៃការឆ្លងមេរោគ ហានិភ័យ និង វិធីសាស្ត្របង្ការខ្លួនពីការឆ្លងមេរោគអេដស៍ ជំងឺអេដស៍ និង ជំងឺស្វាយ ជូនដល់ នាយ-ពលទាហាន ទាំងអស់ ឲ្យបានជ្រួតជ្រាប និង ចេះបង្ការខ្លួនពីជំងឺទាំងនេះ នាពេលមុខ ៕ កាំង ហុងវាស្នា

អភិបាលខេត្តកំពង់ឆ្នាំង ជំរុញឲ្យអាជ្ញាធរមានសមត្ថកិច្ចយកចិត្តទុកដាក់បង្ក្រាបល្បែងស៊ីសង និងក្មេងទំនើង

ដោយអនុវត្តតាមបទបញ្ជាយ៉ាងម៉ឺងម៉ាត់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅក្នុងពិធីសន្និបាតបូកសរុបលទ្ធផលការងារឆ្នាំ២០២៤ លើកទិសដៅការងារឆ្នាំ២០២៥របស់រដ្ឋបាលខេត្តកំពង់ឆ្នាំង នាថ្ងៃទី១៦ ខែមករា ឆ្នាំ២០២៥នេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានណែនាំដល់កងកម្លាំងទាំងបី គណៈបញ្ជាការឯកភាពរដ្ឋបាលឃុំក្រុងស្រុក ត្រូវកម្ចាត់រាល់សកម្មភាពក្មេងទំនើង ល្បែងស៊ីសង គ្រប់ប្រភេទ ពិសេសល្បែងកន្ទុយលេខ រឿងកម្ចីអនឡាញ និងកម្ចីពីជនបរទេសអោយបាន។ឯកឧត្តម ស៊ុន សុវណ្ណារិទ្ធិ បានបន្តថា៖ ត្រូវយកចិត្តទុកដាក់ក្នុងករណីមានក្រុមក្មេងទំនើងកើតឡើងនៅក្នុងមូលដ្ឋានរបស់ខ្លួន ត្រូវអន្តរាគមន៍ឱ្យទ្រង់ទ្រាយធំ ក្នុងន័យសម្លុតគម្រាមឱ្យពួកគេមានការភ័យខ្លាច បំបាក់ស្មារតី និងមិនឱ្យមានការងើបឡើងវិញឡើយ។ ករណីក្មេងទំនើងដែលបានបង្ករបួសស្នាម ឬបង្កឱ្យខូចខាតនៅទ្រព្យសម្បត្តិផ្សេងៗ អាជ្ញាធរមានសមត្ថកិច្ចទាំងអស់ត្រូវខិតខំស្វែងរក ស្រាវជ្រាវ មិនដកដៃឡើយ ដើម្បីចាប់យកមកដាក់ទោសតាមច្បាប់ឱ្យបាន។ ត្រូវធ្វើការផ្សព្វផ្សាយឱ្យបានទូលំទូលាយ គ្រប់សកម្មភាពដែលក្មេងទំនើងបង្កភាពអសន្តិសុខ និងទោសទណ្ឌដែលពួកគេបានប្រព្រឹត្ត ធ្វើយ៉ាងណាឱ្យពួកគេមានការភ័យខ្លាច កែខ្លួនកុំឱ្យមានការភ្លើតភ្លើន នាំអោយខូចអនាគតនៅថ្ងៃមុខ។ ក្នុងពិធីនេះឯកឧត្តមអភិបាលខេត្ត បានដាក់បទបញ្ជាយ៉ាងម៉ឺងម៉ាត់ បន្ថែមថា គ្រប់ល្បែងស៊ីសងទាំងអស់ រួមមានការលេងឆ្នោត ជល់មាន់ និងល្បែងផ្សេងៗទៀត ត្រូវតែបង្ក្រាបឱ្យអស់ក្នុងភូមិសាស្ត្រខេត្តកំពង់ឆ្នាំងអោយបានដាច់ខាត។ ចំពោះមន្ត្រីរាជការ ឬសមត្ថកិច្ចទាំងឡាយណាដែលមានពាក់ព័ន្ធជាមួយល្បែងស៊ីសង សូមដកខ្លួនជាបន្ទាន់ ហើយក្នុងករណីដែលមានអាជ្ញាធរ ឬកងកម្លាំងមានសមត្ថកិច្ចណា ដែលកាងល្បែងស៊ីសង ឬបទល្មើសនានា នោះនឹងចាត់វិធានការតាមច្បាប់គ្មានការលើកលែងនិងយោគយល់ឡើយ។បើទោះជាអាជ្ញាធរខេត្តកំពង់ឆ្នាំង បានដាក់បទបញ្ជាក្តៅបែបនេះក៏ពិតមែន តែករណីល្បែងស៊ីសង ល្បែងជល់មាន់អនឡាញ និងកន្ទុយលេខ នៅកើតមានដោយលួចលាក់ និងកន្លែងខ្លះក៏ចេញមុខផងដែរ ។ ករណីនេះ ប្រជាពលរដ្ឋ បានសំណូមពរដល់អាជ្ញាធរមានសមត្ថកិច្ចគ្រប់លំដាប់ថ្នាក់ មេត្តាចូលរួមអនុវត្តបទបញ្ជារបស់ឯកឧត្តម អភិបាលខេត្តអោយមានប្រសិទ្ធិភាពផង ដើម្បីក្តីសុខសាន្តរបស់សង្គមជាតិ និងប្រជាពលរដ្ឋ៕ កាំង ហុងវាស្នា

សម្ដេចតេជោ ហ៊ុន សែន៖ «វិបត្តិតម្លៃស្រូវ បន្ទាប់ពីឥណ្ឌាបញ្ចេញស្រូវទៅលើទីផ្សារ ប៉ុន្ដែឆ្នាំនេះកម្ពុជាអាចសល់ស្រូវលើសឆ្នាំមុនៗសម្រាប់នាំចេញ»

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា បានមានប្រសាសន៍បញ្ជាក់ថា ការឈានដល់វិបត្តិតម្លៃស្រូវ គឺបន្ទាប់ពីប្រទេសឥណ្ឌាបានបញ្ចេញស្រូវទៅលើទីផ្សារ ក្នុងនោះប្រទេសឥណ្ឌូណេស៊ីក៏បានកាត់បន្ថយការនាំចូល និងបង្កើនការផលិតដោយខ្លួនឯង។ ចំណែកកម្ពុជា វៀតណាម និងថៃ សុទ្ធតែចាល់លើការនាំចេញស្រូវដូចគ្នា។ សម្ដេចតេជោ ហ៊ុន សែន មានប្រសាសន៍បែបនេះ ក្នុងឱកាស អញ្ជើញជាអធិបតីដ៏ខ្ពង់ខ្ពស់ បើកសម័យប្រជុំជាវិសាមញ្ញ នៅថ្ងៃអង្គារ ទី១៤ ខែមករា ឆ្នាំ២០២៥ នៅវិមានព្រឹទ្ធសភា ។សម្ដេចតេជោ បានមានប្រសាសន៍បញ្ជាក់ថា ប៉ុន្ដែឆ្នាំនេះជាឆ្នាំដែលកម្ពុជាអាចសល់ស្រូវលើសពីឆ្នាំមុនៗដែលមានប្រហាក់ប្រហែលជា ៧ លានតោនសម្រាប់បម្រើឱ្យការនាំចេញ ជាពិសេសទៅកាន់ទីផ្សារអ៊ឺរ៉ុប។សូមជម្រាបថា ពាក់ព័ន្ធនឹងវិបត្តិតម្លៃស្រូវប្រភេទស្រូវ អូអឹម នាពេលនេះ ម្ចាស់រោងម៉ាស៊ីនកិនស្រូវធំៗនៅក្នុងស្រុក កំពុងសហការរួមគ្នាជួយទិញស្រូវពីបងប្អូនកសិករ ដើម្បីទប់ទល់នឹងសភាពការណ៍ដែលទីផ្សារស្រូវអូអឹមកំពុងជួបការលំបាក ទោះបីជាស្តុកស្រូវ និងអង្កររបស់ខ្លួននៅសល់ពេញឃ្លាំងរួចហើយក៏ដោយ ក្នុងនោះម្ចាស់រោងម៉ាស៊ីនខ្លះថែមទាំងជួយទិញប្រភេទស្រូវដែលខ្លួនមិនសូវកិនជាអង្ករទៀតផង។ នេះបើតាមការបញ្ជាក់របស់ ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ។ ឯកឧត្តម ឃឹម ហ្វីណង់ បានសរសេរលើហ្វេសប៊ុកកាលពីម្សិលមិញថា ពេលវេលានេះ មិនមែនជាពេលដែលវិទ្យុ បម្រើឱ្យបរទេសមួយចំនួនតូច បន្តផ្សព្វផ្សាយញុះញង់ កេងចំណេញនយោបាយនោះទេ តែជាពេលមូរដៃអាវធ្វើការរួមគ្នា ដើម្បីប្រែក្លាយបញ្ហាប្រឈមឱ្យទៅជាឱកាស ជួយនាំគ្នាផ្សព្វផ្សាយឱ្យត្រូវ ជំរុញឱ្យកសិករងាកមកចាប់យកពូជអង្ករក្រអូបរបស់កម្ពុជាជំនួសពូជស្រូវរបស់វៀតណាមវិញ ជាជាងទៅកាត់យកពាក្យសំដីត្រឹមតែជាង១នាទីនៃបទសម្ភាសជិត២០នាទី ហើយដាក់ចំណងជើងថា «រដ្ឋមន្ត្រីក្រសួងកសិកម្មស្តីបន្ទោសកសិករ» ក្នុងចេតនាព្យាយាមធ្វើឱ្យមានការយល់ច្រលំពីអត្ថន័យដើម និងបន្ទុចបង្អាក់ដល់ការបញ្ចូនសារដ៏មានសារៈសំខាន់របស់ឯកឧត្តមរដ្ឋមន្ត្រីជូនដល់បងប្អូនកសិករក្នុងកាលៈទេសៈដ៏ចាំបាច់មួយនេះ។ ឯកឧត្តមបន្តថា ការបកស្រាយពន្យល់ពីស្ថានភាពថ្លៃស្រូវអូអឹមមិនមែនជាការដោះសារឬការស្តីបន្ទោសដល់កសិករនោះទេ តែជាការវាយតម្លៃសភាពការណ៍យ៉ាងជាក់លាក់នៃទីផ្សារអង្ករលើសកលលោកពីសំណាក់អ្នកជំនាញ និងទទួលស្គាល់បញ្ហាដែលកំពុងមាន ដើម្បីផ្តល់ព័ត៌មានឱ្យបានត្រឹមត្រូវដល់បងប្អូនកសិកររួមគ្នាដោះស្រាយបញ្ហាភ្លាមៗ និងត្រៀមរៀបចំដំណោះស្រាយនាពេលអនាគត ជៀសវាងការខាតបង់ពីហានិភ័យទីផ្សារនៅរដូវក្រោយៗទៀត៕

ឯកឧត្តម សុខ ពុទ្ធិវុធ៖ និស្សិតគ្រប់រូបត្រូវពង្រឹងសមត្ថភាពរបស់ខ្លួន ដើម្បីក្លាយជាមូលធនមនុស្សប្រកបដោយសក្តានុពលក្នុងការអភិវឌ្ឍសង្គមជាតិកម្ពុជា

នារសៀលថ្ងៃទី១៤ ខែមករា ឆ្នាំ២០២៥ ឯកឧត្តម សុខ ពុទ្ធិវុធ អនុប្រធាន និងជាតំណាងដ៏ខ្ពង់ខ្ពស់លោកជំទាវបណ្ឌិត ពេជ ចន្ទមុន្នី ប្រធានសមាគមសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) និង អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកនៃក្រុមហ៊ុន ជីប ម៉ុង គ្រុប បានអញ្ជើញជាអធិបតីភាពក្នុងពិធីចុះហត្ថលេខាលើអនុស្សរណៈនៃការយោគយល់រវាងស្ថាប័នទាំងពីរ នៅរោងចក្រខ្មែរប៊ែវើរីជីស។មានប្រសាសន៍នាឱកាសនៃពិធីនោះ ឯកឧត្តម សុខ ពុទ្ធិវុធ បានថ្លែងអរគុណដល់ ក្រុមហ៊ុន ជីប ម៉ុង គ្រុប បានផ្តល់កិច្ចសហប្រតិបត្តិការដល់សមាគម អ.ម.ត តបតាមការអំពាវនាវរបស់ សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ប្រធានសមាគម អ.ម.ត សម្រាប់ផ្តល់ឱកាសដល់និស្សិតអាហារូបករណ៍ អ.ម.ត នូវកម្មវិធីទស្សនកិច្ចសិក្សា, កម្មសិក្សា ឬឱកាសការងារ ព្រមទាំងឱកាសចូលរួមសិក្ខាសាលា, វគ្គបណ្តុះបណ្តាលខ្លីៗ, ការចែករំលែកចំណេះដឹង និងបទពិសោធលើវិស័យពាក់ព័ន្ធនៅក្នុងក្រុមហ៊ុនបុត្រសម្ព័ន្ធរបស់ក្រុមហ៊ុន ជីប ម៉ុង គ្រុប។ ទន្ទឹមនេះ ឯកឧត្តម ក៏បានលើកទឹកចិត្តដល់និស្សិតគ្រប់រូបឱ្យបន្តពង្រឹងសមត្ថភាពរបស់ខ្លួន ដើម្បីក្លាយជាមូលធនមនុស្សប្រកបដោយសក្តានុពល ជាពិសេសក្នុងយុគសម័យបច្ចេកវិទ្យាឌីជីថល សម្រាប់ជាកម្លាំងចលករដ៏សំខាន់ក្នុងការអភិវឌ្ឍសង្គមជាតិកម្ពុជា៕

បណ្ដាញសង្គម

ព័ត៌មានថ្មីៗ

អាជ្ញាធរខេត្តកណ្ដាល ជំរុញដល់បងប្អូនកម្មករនិយោជិតទាំងអស់ ត្រូវខិតខំបង្កើនសមត្ថភាពបន្ថែមលើការអនុវត្តការងាររបស់ខ្លួន

អភិបាលខេត្តកណ្ដាល៖ ការផ្ដល់ប័ណ្ណកម្មសិទ្ធិដីធ្លី គឺជាការរួមចំណែកយ៉ាងសំខាន់ដោះស្រាយបញ្ហាទំនាស់ដីធ្លីជូនដល់ប្រជាពលរដ្ឋ

ព្រឹត្តិការណ៍បាល់ទះ តេជោលីគ លើកទី៣ ដឹងតែកក្រើក ក្រោយបន្ថែមលក្ខខណ្ឌថ្មី និងប្រាក់រង្វាន់

វិមានក្រឹមឡាំង៖ ខ្លួនរំពឹងថា បេសកជនអាមេរិកលោក Witkoff និងលោក Kushner នឹងមកកាន់រុស្ស៊ីឆាប់ៗនេះ

អ្នកនាំពាក្យរាជរដ្ឋាភិបាល៖ កម្ពុជា និងថៃ ឯកភាពប្រើប្រាស់យន្តការ UNCLOS ដើម្បីដោះស្រាយបញ្ហាដែនសមុទ្រត្រួតគ្នា

តុលាការបញ្ជូនក្រុមសង្ស័យ១៦នាក់ ទៅពន្ធនាគារ ក្រោយរកឃើញពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យានៅក្រុងប៉ោយប៉ែត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877