នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ទេសរដ្ឋមន្ត្រីទទួលបេសកកម្មពិសេស ផ្ដាំផ្ញើអ្នកទៅបំពេញកាតព្វកិច្ចធម្មយាត្រាហាជ្ជីនៅអារ៉ាប៊ីសាអូឌីត ជួយផ្សព្វផ្សាយពីសក្ដានុពលកម្ពុជា
ឯកឧត្តម ឧបនាយករដ្ឋមន្ត្រី ហ៊ុន ម៉ានី ផ្តួចផ្តើមបង្កើត «បណ្តាញអគ្គលេខាធិការ» ដើម្បីសម្រួល​ទំនាក់ទំនង​ការងាររវាងក្រសួង ស្ថាប័ន
សមត្ថកិច្ចបញ្ជូនជនបរទេសជិត ១ពាន់នាក់ពាក់ព័ន្ធបទល្មើស Online Scams ទៅអគ្គនាយកដ្ឋានអន្តោប្រវេសន៍
ក្រសួងអប់រំ ​ប្រកាសដាក់ឱ្យប្រើប្រាស់ជាផ្លូវការនូវ កម្មវិធីផ្សាយផ្ទាល់ការបង្រៀនបំប៉ន (Live Teaching) ឆ្នាំ២០២៦

ព័ត៌មានជាតិ

សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ

2025/01/13 11:53:46 am        402
Facebook Telegram Linkin
សហព័ន្ធសហជីពកម្ពុជាអាស៊ី (CAF) និងសហភាពសហជីពមរតកជាតិកម្ពុជា (CCTUH) បានប្រកាសគាំទ្រយ៉ាងពេញទំហឹងចំពោះការបង្កើតឱ្យ មានច្បាប់ដាក់ក្រុមប្រឆាំងជ្រុលនិយមទៅជាក្រុមភេរវករ ដោយសារក្រុមជ្រុលនិយមទាំងអស់នោះ តែងតែបង្កើត សកម្មភាពដែលផ្ទុយពីច្បាប់រដ្ឋធម្មនុញ្ញ និងធ្វើឱ្យពលរដ្ឋជាប់ពាក់ព័ន្ធនឹងបទល្មើសផ្សេងៗ។ញត្តិរបស់សហព័ន្ធសហជីព CAF នៅថ្ងៃទី ១១ ខែមករានេះបានឱ្យដឹងថា៖« ពួកយើងទាំងអស់គ្នាត្រូវការសុខ សន្តិភាព ព្រោះកម្ពុជាធ្លាប់បានឆ្លងកាត់នូវសង្គ្រាមជាច្រើនឆ្នាំមកហើយ ទើបតែបច្ចុប្បន្ននេះទេ ដែលកម្ពុជាមាន សុខសន្តិភាពយ៉ាងពិតប្រាកដ»។ញត្តិបន្តថា «ពួកយើងស្អប់ណាស់សង្រ្គាម គឺនាំមកនូវវិនាសហិនហោចខ្លោចផ្សា បែកបាក់ម៉ែឪ បងប្អូន មិនត្រូវការ ក្រុមប្រឆាំង ដែលញុះញង់ឱ្យបង្កើតសង្រ្គាមនៅកម្ពុជាឡើយ។ ពួកយើងដាច់ខាតត្រូវការពារសន្តិភាពឱ្យបាន គង់វង្សយូអង្វែងជារាងរហូត មានសន្តិភាព គឺមានអ្វីៗទាំងអស់»។សមាជិក សមាជិការនៃសហព័ន្ធសហជីព CAF បានប្រកាសគាំទ្រយ៉ាងពេញទំហឹងនូវគំនិតផ្តួចផ្តើមរបស់ សម្តេចតេជោហ៊ុន សែន ប្រធានគណបក្សប្រជាជនកម្ពុជាបានលើកឡើងក្នុងពិធីអបអរសាទរនៃខួបលើកទី៤៦ឆ្នាំ នៃថ្ងៃជ័យជំនះ ៧មករា ឆ្នាំ១៩៧៩-២០២៥ ពីរបបប្រល័យពូជសាសន៍ប៉ុល ពត។សម្តេចតេជោ បានអំពាវនាវឱ្យ មានការបង្កើតច្បាប់ដាក់ក្រុមប្រឆាំងជ្រុលនិយមទៅជាក្រុមភេរវកម្ម ដោយពួក ទាំងនេះតែងតែបង្កអស្ថេរភាពសន្តិសុខក្នុងសង្គម និងធ្វើឱ្យមាននូវចលាចលជ្រុលនិយម សភាពការច្របូក ច្របល់នៅក្នុងប្រទេស។ក្រុមជ្រុលនិយម តែងតែបានបង្កើតនៅសកម្មភាពមានការញុះញ៉ង់ បង្កាច់បង្អួចនូវព័ត៌មានមិនពិត គ្មានភាព ស្មោះត្រង់ ដែលនាំឱ្យប្រជាពលរដ្ឋរងទុក្ខ ដោយបានចូលរួមអនុវត្តនូវសារនយោបាយមួយចំនួនរបស់ពួកខ្លួននូវអ្វី ដែលផ្ទុយពីច្បាប់រដ្ឋធម្មនុញ្ញ បណ្តាលឱ្យមានការប្រព្រឹត្តបទល្មើសផ្សេងៗដោយសារតែពួកគេផងដែរ។សហព័ន្ធសហជីព CAF បានអំពាវនាវរាជរដ្ឋាភិបាលរៀបចំ ដំណើរការនៃការបង្កើតច្បាប់នេះឡើងប្រកបដោយ ប្រសិទ្ធភាពខ្ពស់ និងសូមឱ្យរាជរដ្ឋាភិបាលពន្លឿនក្នុងការរៀបចំតាក់តែងច្បាប់នេះឡើងឱ្យបានឆាប់បំផុត ដើម្បី ការពារអធិបតេយ្យភាពជាតិ និងការពារស្ថេរភាពនយោបាយ ស្ថេរភាពការងារ និងការពារនូវសុខសន្តិភាព។ចំណែកសហភាពសហជីព CCTUH បានប្រកាសគាំទ្រយ៉ាងពេញទំហឹងនូវគំនិតផ្តួចផ្តើមរបស់សម្តេចតេជោ ហ៊ុនសែន ប្រធានគណបក្សប្រជាជនកម្ពុជា ដែលបានលើកឡើងក្នុងពិធីអបអរសាទរនៃខួបលើកទី៤៦ឆ្នាំ នៃ ថ្ងៃជ័យជំនះ ៧មករា ឆ្នាំ១៩៧៩-២០២៥ ពីរបបប្រល័យពូជសាសន៍ប៉ុលពត ក្នុងការបង្កើតឱ្យមានច្បាប់ដាក់ ក្រុមប្រឆាំងជ្រុលនិយមទៅជាក្រុមភេរវករ។ដោយពួកទាំងនេះតែងតែបង្កអស្ថេរភាពសន្តិសុខក្នុងសង្គម និងធ្វើឱ្យមាននូវចលាចលជ្រុលនិយម សភាពការ ច្របូកច្របល់នៅក្នុងប្រទេស។ ក្រុមនេះបានបង្កើតនូវសកម្មភាពញុះញង់ បង្កាច់បង្អួចនូវព័ត៌មានមិនពិត គ្មាន ភាពស្មោះត្រង់ ដែលនាំឱ្យប្រជាពលរដ្ឋរងទុក្ខនៅក្នុងសារនយោបាយរបស់ពួកគេដែលផ្ទុយពីច្បាប់រដ្ឋធម្មនុញ្ញ បណ្តាលឱ្យមានការប្រព្រឹត្តបទល្មើសផ្សេងៗ។សមាជិកសមាជិកានៃសហភាពសហជីព CCTUH បានថ្លែងថា៖"យើងមានក្តីសង្ឃឹមយ៉ាងមុតមាំចំពោះដំណើរការនៃការបង្កើត ច្បាប់នេះឡើងប្រកបដោយប្រសិទ្ធភាពខ្ពស់ និងស្នើសុំពន្លឿនក្នុងការរៀបចំតាក់តែងច្បាប់ ឱ្យបានឆាប់បំផុត ដើម្បី ការពារអធិបតេយ្យភាពជាតិ និងការពារស្ថេរភាពនយោបាយ ស្ថេរភាពការងារ និងការពារនូវសុខសន្តិភាព"៕ 

សហភាពពលកម្មជាតិកម្ពុជា (NLC) តំណាងឱ្យកម្មករជាង៧ម៉ឺននាក់ ប្រកាសគាំទ្រ​ច្បាប់ដាក់​ក្រុម​ប្រឆាំងជ្រុលនិយមទៅជាក្រុមភេរវករ

2025/01/13 11:47:18 am        485
Facebook Telegram Linkin
សហភាពពលកម្មជាតិកម្ពុជា (NLC) រួមទាំងសមាជិក​ដែលដំណាងឱ្យកម្មករជាង៧ម៉ឺននាក់ បាន​ប្រកាសគាំទ្រយ៉ាងពេញទំហឹង ច្បាប់ដាក់ក្រុមប្រឆាំងជ្រុលនិយមទៅជាក្រុមភេរវករ ដោយ​ចាត់​ទុក​ថា ក្រុមជ្រុលនិយមតែងតែបង្កើតចលនាវឹកវរ អសន្តិសុខក្នុងសង្គម បង្កឱ្យមាន​ជម្លោះ​ជាមួយ​រដ្ឋ​ដទៃ និងប៉ុនប៉ងផ្តួលរំលំរាជរដ្ឋាភិបាលស្របច្បាប់ ។ញត្តិរបស់សហភាពពលកម្មជាតិកម្ពុជា (NLC) រួមទាំងសមាជិកនៅថ្ងៃទី ១១ ខែ​មករា​នេះ​បាន​ឱ្យដឹងថា « ពួកយើងទាំងអស់គ្នាត្រូវការ សុខសន្តិភាព និងការអភិវឌ្ឍន៍យូរអង្វែង ព្រោះកម្ពុជា​ធ្លាប់​បាន​ឆ្លងកាត់នូវសង្រ្គាមជាច្រើនឆ្នាំមកហើយ ទើបតែបច្ចុប្បន្ននេះទេដែលកម្ពុជា មានសុខ​សន្តិភាព​យ៉ាងពិតប្រាកដ»។ញត្តិបន្តថា៖ «ពួកយើងស្អប់ណាស់សង្គ្រាម គឺនាំមកនូវវិនាសហិនហោចខ្លោចផ្សា បែកបាក់ម៉ែឪ បងប្អូន ហើយមិន ត្រូវការក្រុមប្រឆាំងដែលញុះញ៉ង់ឱ្យបង្កើតសង្គ្រាមនៅកម្ពុជាឡើយ។ ពួកយើងដាច់ខាតត្រូវការពារសន្តិភាពឱ្យបាន គង់វង្ស យូរអង្វែងជារៀងរហូតមានសន្តិភាព គឺមានអ្វីៗទាំងអស់»។បន្ថែមពីនេះសហភាពពលកម្មជាតិកម្ពុជា (NLC) រួមទាំងសមាជិកសមាជិកា បានចូលរួមប្រកាសគាំទ្រយ៉ាងពេញទំហឹងនូវគំនិតផ្តួចផ្តើមរបស់សម្តេចតេជោ ហ៊ុនសែន ប្រធានគណបក្សប្រជាជនកម្ពុជា ដែលបានលើកឡើងក្នុងពិធីអបអរសាទរនៃខួបលើកទី៤៦ឆ្នាំ នៃ ថ្ងៃជ័យជំនះ ៧មករា ឆ្នាំ១៩៧៩-២០២៥ ពីរបបប្រល័យពូជសាសន៍ប៉ុលពត ក្នុងការបង្កើតឱ្យមានច្បាប់ដាក់ ក្រុមប្រឆាំងជ្រុលនិយមទៅជាក្រុមភេរវករ។ដោយពួកទាំងនេះតែងតែបង្កអស្ថេរភាពសន្តិសុខក្នុងសង្គម និងធ្វើឱ្យមាននូវចលាចលជ្រុលនិយម សភាពការ ច្របូកច្របល់នៅក្នុងប្រទេស។ ក្រុមនេះបានបង្កើតនូវសកម្មភាពញុះញង់ បង្កាច់បង្អួចនូវព័ត៌មានមិនពិត គ្មាន ភាពស្មោះត្រង់ ដែលនាំឱ្យប្រជាពលរដ្ឋរងទុក្ខនៅក្នុងសារនយោបាយរបស់ពួកគេដែលផ្ទុយពីច្បាប់រដ្ឋធម្មនុញ្ញ បណ្តាលឱ្យមានការប្រព្រឹត្តបទល្មើសផ្សេងៗ។សហភាពពលកម្មជាតិកម្ពុជា (NLC) រួមទាំងសមាជិកសមាជិកាមានក្តីសង្ឃឹមយ៉ាងមុតមាំចំពោះដំណើរការនៃការបង្កើត ច្បាប់នេះឡើងប្រកបដោយប្រសិទ្ធភាពខ្ពស់ និងស្នើសុំពន្លឿនក្នុងការរៀបចំតាក់តែងច្បាប់ ឱ្យបានឆាប់បំផុត ដើម្បី ការពារអធិបតេយ្យភាពជាតិ និងការពារស្ថេរភាពនយោបាយ ស្ថេរភាពការងារ និងការពារនូវសុខសន្តិភាព ៕ 

សមាជិកសមាជិក និងប្រជាពលរដ្ឋខ្មែររស់នៅ រដ្ឋផេនស៊ីលវេនញ៉ា និងរដ្ឋញ៉ូជឺស៊ី ប្រារព្ធទិវា ៧មករា

2025/01/13 11:37:54 am        116
Facebook Telegram Linkin
កាលពីថ្ងៃទី១១ ខែមករា ឆ្នាំ២០២៥ ប្រជាពលរដ្ឋខ្មែរសរុបចំនួន ៣២០នាក់ មកពី​រដ្ឋ​ផេន​ស៊ីលវេ​នញ៉ា និង រដ្ឋញ៉ូជឺស៊ី តំបន់ឆ្នេរខាងកើត នៃសហរដ្ឋអាមរិក បានជួបជុំគ្នា​អបអរ​សាទរ​ខួប​លើក​ទី៤៦ នៃទិវាជ័យជម្នះ៧មករា ក្រោមអធិបតីភាពឯកឧត្តម កែវ ឈា អគ្គរាជទូត និង​ជា​ប្រធាន​បក្សនៅសហរដ្ឋអាមេរិក លោក នង គន្ធាវី ប្រធានក្រុមការងារទទួលបន្ទុក ក្រុម​ការងារ​រៀបចំ​អង្គការចាត់តាំងយុវជន គណបក្សប្រជាជនកម្ពុជា នៅសហរដ្ឋអាមេរិក។ ពិធី​នេះ​រៀប​ចំ​ធ្វើ​ឡើង​នៅក្នុង ទីក្រុងហ្វីឡា រដ្ឋផេនស៊ីលវេនញ៉ា។ក្នុងឱកាសនេះលោក នង គន្ធាវី ប្រធានក្រុមការងាររៀបចំអង្គការចាត់តាំងយុវជន គណបក្ស​ប្រជាជន​កម្ពុជា នៅសហរដ្ឋអាមេរិក បានពាំនាំការផ្តាំផ្ញើសួរសុខទុក្ខពី សំណាក់​សម្តេច​អគ្គ​មហា​សេនា​បតី​តេជោ ហ៊ុន សែន ប្រធានគណបក្សប្រជា ជនកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ចំពោះសុខទុក្ខរបស់បងប្អូនប្រជាពលខ្មែរ និងសមាជិក សមាជិកា​បក្ស​ទាំង​អស់នៅ សហរដ្ឋអាមេរិក។ លោក គន្ធាវី ក៏សូមអរគុណថ្លែងអំណរគុណ ចំពោះ​ទឹក​ចិត្ត​របស់​បងប្អូន ប្រជាពលរដ្ឋខ្មែរទាំងពីររដ្ឋនេះ ដែលស្រឡាញ់គាំទ្រ និងចំណាយពេលវេលា អញ្ជើញ​ចូល​រួ​ម​ប្រារព្ធខួបលើកទី៤៦ នៃទិវាជ័យជំនះ៧មករា ដែលជាថ្ងៃកំណើតទី២របស់យើងទាំងអស់ ទោះ​បងប្អូនស្ថិតនៅទីណាក៏ដោយ។ឯកឧត្តម កែវ ឈា អគ្គរាជទូត និងជាប្រធានបក្សប្រជាជនកម្ពុជានៅសហរដ្ឋអាមេរិក បានគូស​បញ្ជាក់​ថា ការរៀបចំខួបអបអរសាទរខួបអនុស្សាវរីយ៍លើកទី៤៦ នៃទិវាបុណ្យ​ជាតិ​ជ័យ​ជម្នះ​៧​មករា ជាមួយបងប្អូនសហគមន៍ខ្មែរនៅ ទីក្រុងហ្វីឡា រដ្ឋផេនស៊ីលវេនញ៉ា នាពេលនេះ គឺជា​ការ​ដឹងគុណនឹករលឹកដល់គុណូបការៈដ៏ថ្លៃថ្លាបំផុតរបស់វីរយុទ្ធជន យុទ្ធនារី នៃរណសិរ្ស​សាមគ្គី​សង្គ្រោះ​ជាតិកម្ពុជា ដែលបានសង្គ្រោះជាតិខ្មែរ ឱ្យរស់រានមានជីវិតឡើងវិញទាន់ពេលវេលា ពី​របប​ប្រល័យពូជសាសន៍ ប៉ុល ពត ដោយទទួលបានជ័យជម្នះ នាថ្ងៃទី៧មករា ឆ្នាំ១៩៧៩។ ឯកឧត្តម បន្តថាបើគ្មានថ្ងៃរំដោះ៧មករា យើងទាំង អស់គ្នា ក៏គ្មានថ្ងៃនេះដែរ ដូច្នេះ​សូម​អរគុណ​ថ្ងៃ​៧មករា។ប្រជាពលរដ្ឋខ្មែរ និង សមាជិកសមាជិកា មកពី រដ្ឋផេនស៊ីលវេនញ៉ា និង រដ្ឋញ៉ូជឺស៊ី ក៏បាន​លើក​ឡើង​ថា ថ្ងៃទី៧មករា ឆ្នាំ១៩៧៩ ជាថ្ងៃកំណើតទី២ ប្រសិនបើគ្មានថ្ងៃទី៧មករា ក៏គ្មានអ្វី​ៗ​ដូច​សព្វ​ថ្ងៃ​នេះដែរ។ ផ្តើមចេញពីថ្ងៃជ័យជម្នះ៧មករា និងការដាក់ចេញនយោបាយ ឈ្នះឈ្នះ ដាក់​ចេញ​ដោយ​អគ្គមគ្គុទេសក៏ឯក សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បាននាំមកនូវសុខសន្តិភាព និងការឯកភាពជាតិពេញលេញ ជូនជាតិមាតុភូមិកម្ពុជា រហូតបានធ្វើឱ្យកម្ពុជាមានការអភិវឌ្ឍ និងរីកចម្រើនលើគ្រប់វិស័យ ប្រជាជនរស់នៅក្នុងសុខសន្តិភាព យ៉ាងសុខដុមរមនាទាំងក្នុងគ្រួសារ សហគមន៍ និងសង្គមជាតិទាំងមូល។ លើសពីនេះទៀត ប្រជាពលរដ្ឋសម្តែងការអបអរសាទរ និងគាំទ្រពេញទំហឹង ចំពោះរាជរដ្ឋាភិបាលនីតិកាលទី៧ ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕ អត្ថបទៈ សំ ងីម 

ក្រសួងមុខងារសាធារណៈ និងក្រសួងបរិស្ថានធ្វើសិក្ខាសាលា ស្ដីពី «ការពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងបរិស្ថាន»

2025/01/13 11:01:04 am        369
Facebook Telegram Linkin
 ក្រសួងមុខងារសាធារណៈ នាព្រឹកថ្ងៃទី១៣ ខែមករា ឆ្នាំ២០២៤នេះ បានបន្តសហការជាមួយក្រសួងបរិស្ថាន ដើម្បីរៀបចំសិក្ខាសាលាស្ដីពី ការពិនិត្យឡើងវិញ ការវិភាគមុខងារ និងរចនាសម្ព័ន្ធ ក្រសួងបរិស្ថាន។ សិក្ខាសាលានេះ រៀបចំឡើងក្រោមអាធិបតីភាព ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រី ក្រសួងមុខងារសាធារណៈ រួមទាំងវត្តមាន ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន ព្រមទាំងថ្នាក់ដឹកនាំ និងមន្ត្រីជំនាញនៃក្រសួងទាំង២ជាច្រើនរូប។ក្នុងមតិស្វាគមន៍អង្គសិក្ខាសាលា ឯកឧត្តម អ៊ាង សុផល្លែត រដ្ឋមន្រ្តីក្រសួងបរិស្ថាន បានជម្រាបជូនអង្គសិក្ខាសាលាថា ក្រោយពីក្រសួង បានធ្វើការវិភាគមុខងារស្នូល និងមុខងាររង ដើម្បីបំពេញ និងសម្រេចបេសកកម្មដែលមានចែងក្នុងអនុក្រឹត្យស្តីពី«ការរៀបចំនិងការប្រព្រឹត្តទៅរបស់ក្រសួងបរិស្ថាន»ឆ្នាំ២០២១ ក្រសួងបានកំណត់ មុខងារ និងភារកិច្ចរបស់ក្រសួងចំនួន១៧។ ក្រោយពីក្រុមការងារធ្វើកំណែទម្រង់បន្ថែម ក្រសួងបានធ្វើការពិនិត្យនិងវិភាគឡើងវិញ ដោយបានផ្តុំមុខងារបញ្ចូលគ្នាឱ្យទៅជាមុខងារស្នូលមានចំនួន៣ និងមុខងាររងមានចំនួន១៣។ ឯកឧត្តម បានជម្រាបបន្ថែមថា មុខងារទាំងអស់នេះឆ្លើយតបទៅនឹងបេសកកម្ម ក្រមបរិស្ថាននិងធនធានធម្មជាតិ លិខិតបទដ្ឋានគតិយុត្តពាក់ព័ន្ធ និងយុទ្ធសាស្រ្តចក្រាវិស័យបរិស្ថាន ព្រមទាំងបរិបទជាក់ស្តែងចំពោះមុខ និងទៅអនាគតផងដែរ។បន្ថែមពីនេះ ឯកឧត្តមបណ្ឌិត អ៊ាង សុផល្លែត បានបង្ហាញពីទិសដៅបន្តចំនួន៣ លើការងារវិភាគមុខងាររបស់ក្រសួងបរិស្ថាន រួមមាន រៀបចំផែនការជំហានបន្ទាប់របស់ក្រសួងបរិស្ថាន ផ្អែកលើផែនការយុទ្ធសាស្រ្ត ២០២៤-២០២៨ ដើម្បីអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈសម្រាប់ឆ្នាំ២០២៥-២០២៨   បន្តសម្របសម្រួលពិនិត្យឡើងវិញលើការវិភាគមុខងារស្នូល និងមុខងាររងរបស់ក្រសួង មុខងារគាំទ្រ រួចរាយការណ៍ជូនទៅក្រុមការងារគាំទ្របច្ចេកទេសវិស័យសង្គមកិច្ចនៃក្រសួងមុខងារសាធារណៈ    និងបន្តចូលរួមកិច្ចការប្រជុំ និងសកម្មភាពផ្សេងៗជាមួយក្រសួងមុខងារសាធារណៈ និងក្រុមការងារកំណែទម្រង់។ ឯកឧត្តម សង្ឃឹមថាលទ្ធផលដែលទទួលបានពីសិក្ខាសាលានាពេលនេះ នឹងបានជាធាតុចូលដ៏ល្អៗ សំខាន់ៗ ដល់ក្រសួងបរិស្ថាន កំណត់បានទិសដៅ អាទិភាពអនុវត្តបន្ត សម្រាប់បន្តការងារពិនិត្យឡើងវិញ និងវិភាគមុខងារនិងរចនាសម្ព័ន្ធក្រសួងបរិស្ថាន ឈានឆ្ពោះទៅសម្រេចបាន នូវសមិទ្ធផលថ្មីៗបន្ថែមទៀត ចូលរួមសម្រេចផែនការកំណែទម្រង់រដ្ឋបាលសាធារណៈ។សូមជម្រាបថា សិក្ខាសាលានាពេលនេះ ត្រូវបានរៀបចំឡើងជាមួយបទបង្ហាញរបស់ថ្នាក់ដឹកនាំក្រសួងមុខងារសាធារណៈ ចំនួនពីររូបគឺ៖ ការបង្ហាញពីដំណើរការ នៃការពិនិត្យឡើងវិញ និងការវិភាគមុខងារ និងរចនាសម្ព័ន្ធ របស់ក្រសួង ស្ថាប័ន និង ការបង្ហាញពីការងារបំពេញគ្នា គាំទ្រគ្នា និងជំរុញការអនុវត្តការងាររួមគ្នា ក្នុងក្របខណ្ឌការកែទម្រង់ និងពង្រឹងអភិបាលកិច្ច៕

ឧបនាយករដ្ឋមន្ត្រី ស៊ុន ចាន់ថុល អញ្ជើញបើកការដ្ឋានសាងសង់រោងចក្រផលិត​សំបកកង់​រថយន្ត​ក្នុងខេត្តស្វាយរៀង

2025/01/13 10:40:44 am        294
Facebook Telegram Linkin
នៅថ្ងៃទី១២ ខែមករា ឆ្នាំ២០២៥ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋ​មន្រ្តី នៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធីបើក​ការដ្ឋាន​សាង​សង់​រោង​ចក្រ​របស់​ក្រុមហ៊ុន វ៉ាន់លី ថាយអឺ (WANLI Tire) ដោយមានការអញ្ជើញចូលរួមផងដែរពី ឯកឧត្តម WANG WENBIN ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា។ក្នុងពិធីនោះ ក៏មានការចូលរួមពីឯកឧត្តមអគ្គលេខាធិការ នៃអគ្គលេខាធិការដ្ឋានក.អ.ក. ឯកឧត្តម​អគ្គលេខាធិការគណៈកម្មាធិការវិនិយោគកម្ពុជា, ឯកឧត្តមអភិបាល នៃ​គណៈអភិបាល​ខេត្ត​ស្វាយរៀង, លោក JING GUANGJUN ប្រធានក្រុមប្រឹក្សាភិបាល ក្រុមហ៊ុន Guangzhou Industrial Investment Holding Group, លោក CAO XIANDONG ប្រធានក្រុមប្រឹក្សាភិបាល ក្រុមហ៊ុន វ៉ាន់លី ថាយអឺ, លោក ZENG PING អគ្គនាយករងក្រុមហ៊ុន China Construction Fourth Engineering Bureau ព្រមទាំង ឯកឧត្តម លោកជំទាវ លោក លោកស្រី និងភ្ញៀវ​កិត្តិយស​ជាតិ អន្តរជាតិជាច្រើនរូបផ្សេងទៀត។នៅក្នុងសុន្ទរកថាគន្លឹះ ឯកឧត្តមឧបនាយករដ្ឋមន្ត្រី បានលើកឡើង​អំពី​ទំនាក់​ទំនង​យ៉ាង​ស្អិត​ល្មួត​រវាង​កម្ពុជា និងមិត្តចិន ហើយនឹងបន្តរឹតបន្តឹងចំណងមិត្តភាពទំនាក់ទំនងការទូតមួយនេះ ឱ្យ​កាន់​តែ​មាន​ភាពល្អប្រសើរឡើង ក្នុងនាមជាដៃគូយុទ្ធសាស្ត្រគ្រប់ជ្រុងជ្រោយ និងជាមិត្តដែកថែប រួម​ទាំង​ការ​សម្រេចឱ្យបាននូវការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី ប្រកប​ដោយ​គុណភាពខ្ពស់ និងស្តង់ដារខ្ពស់ និងពង្រឹងទំនុកចិត្តផ្នែកនយោបាយ ដែលកសាង​ឡើង​ដោយ​ថ្នាក់​ដឹក​នាំមុនៗ។ លើសពីនេះ ការផ្ដល់ហិរញ្ញប្បទាន និងជំនួយផ្សេងៗ​របស់​មិត្ត​ចិន​ដល់​កម្ពុជា រួមទាំងនៅក្នុងកិច្ចសហប្រតិបត្តិការនៃគំនិតផ្តួចផ្តើមខ្សែក្រវាត់ និងផ្លូវ ដែល​បាន​ដាក់​ចេញ​ដោយ ឯកឧត្ដមប្រធានាធិបតីចិន ស៊ី ជីនពីង មិនត្រឹមតែ​បាន​ជួយ​រួម​ចំណែក​ដល់​ការ​អភិវឌ្ឍ​សេដ្ឋកិច្ច​-សង្គម​កម្ពុជាប៉ុណ្ណោះទេ តែថែមទាំងជួយពង្រឹងឯករាជ្យភាព ខាងនយោបាយរបស់​កម្ពុជា​ទៀត​ផង។បន្ថែមពីនេះ ឯកឧត្តមឧបនាយករដ្ឋមន្ត្រី ក៏បានលើកឡើង​អំពី​តួលេខ នៃ​ការ​កើន​ឡើង​របស់​គម្រោង​វិនិយោគ ដែលបង្ហាញ​ឱ្យ​ឃើញ​ពី​ការ​ជឿទុ​ក​ចិត្ត​របស់​វិនិយោគិន​មក​លើ​រាជ​រដ្ឋាភិបាល​កម្ពុជា​ ក្រោមការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណាចក្រកម្ពុជា រួមជាមួយនឹងកត្តាសំខាន់ៗដូចជា៖ (១)កត្តាសុខសន្តិភាព ស្ថេរ​ភាព​នយោបាយ និងម៉ាក្រូសេដ្ឋកិច្ច (២)លក្ខខណ្ឌល្អប្រសើរនៃក្របខណ្ឌច្បាប់ និងលិខិត​បទ​ដ្ឋាន​គតិយុត្ត ​និង (៣)ការបើកចំហសេដ្ឋកិច្ច ទទួលការវិនិយោគស្ទើរលើគ្រប់វិស័យ ជាពិសេស​ភាព​អំណោយ​ផល​នៃលក្ខខណ្ឌ និងការលើកទឹកចិត្តវិនិយោគ ដូចមានចែងក្នុងច្បាប់ស្ដីពីវិនិយោគ នៃ​ព្រះរាជាណាចក្រកម្ពុជា។ រោងចក្រផលិតសំបកកង់រថយន្តរបស់ក្រុមហ៊ុន វ៉ាន់លី ថាយអឺ ដែលប្រារ​ព្ធពិ​ធីបើក​ការដ្ឋាន​សាង​សង់​នា​ព្រឹក​នេះ ជាការសម្រេចចិត្តដាក់ទុនវិនិយោគនៅកម្ពុជា ដែលកើតចេញពីជំនួប​ពិភាក្សា​ទ្វេភាគី​រវាង ឯកឧត្តមឧបនាយករដ្ឋមន្ត្រី ជាមួយលោក Jing Guangjun ក្នុងដំណើរ​បេសកកម្ម​គោះ​ទ្វារ​វិនិយោគដល់រោងចក្រ វ៉ាន់លី ថាយអឺ នៅទីក្រុងក្វាងចូវ សាធារណរដ្ឋប្រជាមានិតចិន កាល​ពីថ្ងៃទី២១ ខែតុលា ឆ្នាំ២០២៣ កន្លងទៅ។ គម្រោងនេះមានទីតាំងស្ថិតក្នុងតំបន់សេដ្ឋកិច្ចពិសេស ស៊ីនបាវិត ក្នុងក្រុងបាវិត នៃ​ខេត្ត​ស្វាយរៀង មានវិសាលភាពគ្របដណ្តប់លើផ្ទៃដីប្រមាណ ៣២ហិកតា ជាមួយ​ទំហំ​ទុន​វិនិយោគ​រហូត​ដល់​ប្រមាណ ៥០០ លានដុល្លារអាម៉េរិក សម្រាប់ទាំងដំណាក់កាលទី១ និងទី២ ដែល​រំពឹង​ថា​នឹង​បង្កើតការងារជូនបងប្អូនប្រជាពលរដ្ឋបានចំនួនប្រមាណ ១ ០០០កន្លែង។ គម្រោង​វិនិយោគ​មួយ​នេះ គឺជាសមិទ្ធផលថ្មីមួយដ៏មានសារៈសំខាន់ និងមានតម្លៃ​សម្រាប់​តំបន់​សេដ្ឋកិច្ច​នេះ​បន្ថែម​ទៀត ដើម្បីចូលរួមអភិវឌ្ឍន៍សង្គមសេដ្ឋកិច្ចរបស់កម្ពុជា និងសម្រាប់ខេត្តស្វាយរៀង ជាពិ​សេសគឺមានសង្គតិភាពទៅនឹងកិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុង​ការ​ធ្វើ​ពិពិ​ធកម្ម​ផលិតកម្ម និងលើកកម្ពស់កំណើនសេដ្ឋកិច្ចក្នុងតំបន់៕

ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីក្នុងពិធីអបអរសាទរខួបលើកទី៤៦ នៃទិវាជ័យជម្នះ៧មករា(១៩៧៩-២០២៥) នៅស្រុកពាមរក៍ ខេត្តព្រៃវែង

2025/01/13 10:27:52 am        354
Facebook Telegram Linkin
ឯកឧត្តមកិត្តិសេដ្ឋាបណ្ឌិត ជាម យៀប អនុប្រធាន ទី១រដ្ឋសភា នៅព្រឹកថ្ងៃទី១១ ខែមករា ឆ្នាំ២០២៥ បានអញ្ជើញជាអធិបតីក្នុងពិធីអបអរសាទរខួបលើកទី៤៦ នៃទិវាជ័យជម្នះ ៧ មករា (១៩៧៩-២០២៥) នៅស្រុកពាមរក៍ ខេត្តព្រៃវែងដែលមានប្រជាពលរដ្ឋចូលរួមជាង៦០០នាក់មកពីស្រុកចំនួនបីគឺស្រុកពាមរក៍ សុកពាមជរ និងស្រុកបាភ្នំ។ឯកឧត្តម ពេជ្រ ជីវ័ន តំណាងរាស្រ្តមណ្ឌលខេត្តព្រៃវែង បានឡើងអានសុន្ទរកថាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ដែលបានថ្លែងនៅក្នុងពីធីអបអរសាទរខួបអនុស្សាវរីយ៍លើកទី៤៦នៃទិវាជ័យជម្នះ៧មករា(១៩៧៩-២០២៥) នៅកោះពេជ្រ រាជធានីភ្នំពេញ កាលពីថ្ងៃទី៧ ខែមករា ឆ្នាំ២០២៥ កន្លងមក។ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា តាមរយៈរូបឯកឧត្តមផ្ទាល់នាថ្ងៃនេះ ថ្នាក់ដឹកនាំកំពូលៗ នៃស្ថាប័នជាតិ មានសម្តេចអគ្គមហាសេនាបតីតេជោ ហ៊ុន សែន សម្តេចអគ្គមហាពញាចក្រី ហេង សំរិន សម្តេចក្រឡាហោម ស ខេង សម្តេចវិបុលសេនាភក្តី សាយ ឈុំ សម្តេចពិជ័យសេនា ទៀ បាញ់ សម្តេចកិត្តិសង្គហបណ្ឌិត ម៉ែន សំអន និងសម្តេចមហាបវរធិបតី ហ៊ុន ម៉ាណែត បានផ្តាំផ្ញើការសួរសុខទុក្ខ និងក្ដីនឹករលឹកប្រកបដោយភាពកក់ក្តៅបំផុត ជូន ឯកឧត្តម លោកជំទាវ លោក លោកស្រី ព្រមទាំងបងប្អូនជនរួមជាតិទាំងអស់ និងសូមគោរពជូនពរដល់ជនរួមជាតិទាំងអស់ ទទួលបានសុខភាពល្អ និងជោគជ័យគ្រប់ភារកិច្ច។ឯកឧត្តម បានបន្តថា យើងជួបជុំគ្នានាពេលនេះ ជាការជួបជុំជាប្រពៃណីដែលយើងធ្លាប់បានរៀបចំឡើងជារៀងរាល់ឆ្នាំ ក្នុងគោលបំណងអបអរសាទរទិវាជ័យជម្នះ៧មករា ឆ្នាំ១៩៧៩។ ថ្ងៃទី៧ មករា ឆ្នាំ២០២៥ នេះ ជាថ្ងៃគម្រប់ខួបទី ៤៦ឆ្នាំ នៃទិវាជ័យជម្នៈជាប្រវត្តិសាស្ត្រ ដែលបានផ្តួលរំលំរបបប្រល័យពូជសាសន៍ ប៉ុល ពត ដ៏សាហាវយង់ឃ្នងបំផុត។  ជ័យជម្នះ ៧មករា បានបិទទំព័រសករាជដ៏ខ្មៅងងឹតបំផុតរបស់កម្ពុជា ហើយបានបើកឡើងនូវសករាជថ្មី គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ ប្រជាជនកម្ពុជាចងចាំជានិច្ចថា “ថ្ងៃជ័យជម្នះ ៧មករា ឆ្នាំ១៩៧៩ ជាថ្ងៃកំណើតទី២ របស់ខ្លួន។ បើគ្មានជ័យជម្នះ ៧មករា យើងក៏គ្មានអ្វីៗដូចថ្ងៃនេះដែរ”។ លើសពីនេះទៀតការជួបជុំគ្នានេះ ក្រៅពីការសំណេះសំណាលសួរសុខទុក្ខដល់បងប្អូនជនរួមជាតិទាំងអស់ ឯកឧត្តមកិត្តិសេដ្ឋាបណ្ឌិត ក៏បានធ្វើការផ្សព្វផ្សាយនូវសមិទ្ធផលរបស់រដ្ឋសភា ដែលដឹកនាំដោយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងសមិទ្ធផលរបស់រាជរដ្ឋភិបាលកម្ពុជា ដែលដឹកនាំដោយសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី សម្រេចបានក្នុងរយៈពេលៈជាង១៧ខែកន្លងមកនេះផងដែរ។ឯកឧត្តម បានមានប្រសាសន៍លើកឡើងពីការខិតខំរបស់សម្តេចតេជោ ហ៊ុន សែន និងថ្នាក់ដឹកនាំ ដទៃទៀត ដែលបានដឹកនាំកសាងប្រទេសកម្ពុជា ឱ្យចេញពីស្ថានភាពក្រីក្រលំបាក ខ្វះខាត ដែលមជ្ឍដ្ឋានអន្តរជាតិធ្លាប់ល្បីថា កម្ពុជា ជាតំបន់អសន្តិសុខ មានសង្គ្រាមផ្ទៃក្នុង តែឥឡូវត្រូវបានប្រែក្លាយទៅជាសម្បូរសប្បាយ ជាកោះសន្តិភាព និងជាប្រទេសដែលទទួលបានប្រជាប្រិយភាពការទូត ទាំងក្នុងតំបន់ និងសកលលោក៕

ឯកឧត្តម ចាន់ ស៊ីណាត ចុះពិនិត្យវឌ្ឍនភាពការងារគម្រោងអភិវឌ្ឍន៍សំណង់ស្ទាក់ទឹកកំពង់គោ និងប្រឡាយពង្វាងទឹកស្ទឹងស្លាប់ ក្នុងខេត្តកំពង់ធំ

2025/01/13 09:18:25 am        353
Facebook Telegram Linkin
នៅរសៀលថ្ងៃអាទិត្យ ១៤កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែមករា ឆ្នាំ២០២៥ ឯកឧត្តម ចាន់ ស៊ីណាត រដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ដ្រីក្រសួងធនធានទឹក និងឧតុនិយម បានអញ្ជើញដឹកនាំក្រុមការងារបច្ចេកទេសក្រសួង និង​មន្ទីរ​ធនធានទឹក និងឧតុនិយមខេត្តកំពង់ធំ ព្រមទាំងលោកអភិបាលរង នៃគណៈអភិបាល​ខេត្តកំពង់ធំ ចុះពិនិត្យលើវឌ្ឍនភាពការងារគម្រោងអភិវឌ្ឍន៍សំណង់ស្ទាក់ទឹកកំពង់គោ ស្ថិតក្នុង​ភូមិកំពង់​គោលើ ឃុំកំពង់គោ ស្រុកកំពង់ស្វាយ ខេត្តកំពង់ធំ។ ក្នុងឱកាសនោះដែរ ឯកឧត្តមរដ្ឋលេខាធិការ និងក្រុមការងារបច្ចេកទេស ព្រមទាំងអាជ្ញាធរ​មូល​ដ្ឋាន​ក៏បានចុះពិនិត្យវឌ្ឍនភាពការដ្ឋានសំណង់ស្ទាក់ទឹកស្ទឹងស្លាប់ និងការដ្ឋានជួស​ជុលស្ដារ​ឡើង​វិញ​ប្រព័ន្ធ​ស្ទឹងស្លាប់ ស្ថិតក្នុងភូមិសាស្រ្តស្រុកសន្ទុក ខេត្តកំពង់ធំផងដែរ។ឯកឧត្តមរដ្ឋលេខាធិការបានបញ្ជាក់ឱ្យដឹងថា គិតមកដល់ពេលនេះ​វឌ្ឍនភាព​ការងារ​ជារួម​សម្រេច​បាន​ប្រមាណ ២៥% ក្នុងនោះការងារសំណង់ស្ទាក់ទឹកកំពង់គោសម្រេចបានប្រមាណ ១០% ការងារ​ការដ្ឋានក្បាលហុងស្ទឹងស្លាប់សម្រេចបានប្រមាណ ៦៥% និងការងារប្រឡាយ​ពង្វាង​ទឹកស្ទឹង​ស្លាប់សម្រេចបានប្រមាណ ៤៥%។សូមបញ្ជាក់ថា គម្រោងអភិវឌ្ឍន៍សំណង់ស្ទាក់ទឹកកំពង់គោ មានសមត្ថភាពស្ដុកទឹកបានប្រមាណ ៣០០លានម៉ែត្រគូប មានវិសាលភាពគ្របដណ្ដប់លើក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់ និងមានសក្តានុពលស្រោចស្រពលើផ្ទៃដីបង្កបង្កើនផល ប្រមាណ ៣០ម៉ឺនហិកតា រួមមានដំណាំស្រូវ និងដំណាំរួមផ្សំគ្រប់ប្រភេទ ព្រមទាំងបម្រើដល់ការប្រើប្រាស់ក្នុងជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ។ ទន្ទឹមនឹងនេះគម្រោងអភិវឌ្ឍន៍ប្រព័ន្ធប្រឡាយពង្វាងទឹកស្ទឹងស្លាប់មានសក្ដានុពលជួយរំដោះទឹក និងពង្វាងទឹកជំនន់ក្នុងបរិមាណ ៣០០ម៉ែត្រគូបក្នុងមួយវិនាទីពីក្រុងស្ទឹងសែន និងតំបន់ជុំវិញ និងបានដើរតួនាទីយ៉ាងសំខាន់ផងដែរក្នុងការនាំទឹក និងផ្តល់ទឹកសម្រាប់ការប្រើប្រាស់ និងស្រោចស្រពលើផ្ទៃដីបង្កបង្កើនផលរបស់ប្រជាពលរដ្ឋ៕

នាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង អំពាវនាវពលរដ្ឋឱ្យបន្តចូលរួមការពារសន្តិភាព ដើម្បីទទួលបានសមិទ្ធផលអភិវឌ្ឍន៍ជឿនលឿន

2025/01/13 07:47:33 am        346
Facebook Telegram Linkin
កំពង់ស្ពឺ៖ ឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង បានអំពាវនាវដល់ប្រជាពលរដ្ឋឱ្យបន្តចូលរួមការពារសុខសន្តិភាព ដើម្បីទទួលបានសមិទ្ធផលអភិវឌ្ឍ និងរីកចម្រើនជឿនលឿន។នៅថ្ងៃទី១២ ខែមករា ឆ្នាំ២០២៥ ឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង និងលោកជំទាវ ប៉ែន ចន្នី បានអញ្ជើញក្នុងពិធីបុណ្យផ្កាសាមគ្គីក្នុងវត្តត្រពាំងវែង ឃុំព្រះនិពាន្ធ ស្រុកគងពិសី ខេត្តកំពង់ស្ពឺ និងមានការចូលរួមពីអាជ្ញាធរ គណបក្សស្រុក ព្រមទាំងប្រជាពុទ្ធបរិស័ទជាច្រើននាក់។នាឱកាសនោះ ឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៊ីង ប៊ុនហៀង បានពាំនាំនូវការផ្តាំសួរសុខទុក្ខពីសម្តេចតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដែលតែងតែយកចិត្តទុកចំពោះប្រជាពលរដ្ឋ មិនថាទាំងក្នុងវិស័យអាណាចក្រ និងពុទ្ធចក្រ។ឯកឧត្តម នាយឧត្តមសេនីយ៍កិត្តិសង្គហបណ្ឌិត មានប្រសាសន៍ថា ក្នុងនាមនាយករងខុទ្ទកាល័យសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី តែងតែយកចិត្តទុកដាក់នាំយកថវិកាជួយដល់វិស័យព្រះពុទ្ធសាសនា ដូចជាការកសាងសមិទ្ធផលនានាក្នុងវត្តអារាម ។ឯកឧត្តម នាយឧត្តមសេនីយ៍កិត្តិសង្គហបណ្ឌិត បានរម្លឹកជូនប្រជាពលរដ្ឋថា តាមរយៈនៃការឆ្លងកាត់របបប្រល័យពូជសាសន៍ ប៉ុល ពត ប្រជាពលរដ្ឋទាំងអស់នឹងមិនអាចរស់រានមកដល់ពេលបច្ចុប្បន្នឡើយ ប្រសិនមិនមានការរំដោះពីថ្ងៃ ៧ មករា ១៩៧៩ ជាពិសេសការពលី យកជីវិតធ្វើជាដើមទុនរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា។ ឯកឧត្តម នាយឧត្តមសេនីយ៍កិត្តិសង្គហបណ្ឌិត បន្តថា ប្រជាពលរដ្ឋទាំងអស់មិនអាចបំភ្លេចបានឡើយចំពោះភាពអង់អាចក្លាហានរបស់ថ្នាក់ដឹកនាំ ដែលបានសង្គ្រោះជាតិមាតុភូមិរហូតទទួលបានការវិវឌ្ឍន៍រីកចម្រើន ព្រមទាំងមានការបោះឆ្នោតស្របតាមលទ្ធិប្រជាធិបតេយ្យ។ ក្នុងឱកាសនោះ ឯកឧត្តម នាយឧត្តមសេនីយ៍កិត្តិសង្គហបណ្ឌិត ថ្លែងថា ទោះបីក្នុងតម្លៃណាក៏ដោយប្រជាពលរដ្ឋទាំងអស់ ពិសេសយុវជនត្រូវការពារដាក់ខាតនូវសុខសន្តិភាពពេញលេញ និងការអភិវឌ្ឍរីកចម្រើន។ បន្ថែមលើសពីនេះ ឯកឧត្តម នាយឧត្តមសេនីយ៍កិត្តិសង្គហបណ្ឌិត បានអំពាវនាវដល់ប្រជាពលរដ្ឋសូមកុំជឿតាមការញុះញង់របស់ក្រុមជនអគតិនៅក្រៅប្រទេសដែលតែងតែមានចេតនាបំផ្លិចបំផ្លាញសុខសន្តិភាព និងសមិទ្ធផលនានា ក៏ដូចជាផលប្រយោជន៍របស់ប្រជាពលរដ្ឋម្តងហើយម្តងទៀតតាមគ្រប់រូបភាព។

សមត្ថកិច្ចនឹងចាប់ល្បឿនយានយន្តលើមហាវិថី ៦០ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍

2025/01/13 12:11:38 am        42
Facebook Telegram Linkin
ភ្នំពេញ ៖ រដ្ឋមន្រ្តីក្រសួងសាធារណៈ និងដឹកជញ្ជូន និងអភិបាលរាជធានីភ្នំពេញ ចុះអប់រំណែនាំផ្សព្វផ្សាយច្បាប់ចរាចរណ៍ផ្លូវគោកដល់អ្នកដំណើរ និងសិក្សាដោយផ្ទាល់អំពីស្ថានភាពមហាវិថី ៦០ម៉ែត្រ ក្នុងគោលដៅដាក់កាមេរ៉ាថត និងចាប់ល្បឿនយានយន្ត ដើម្បីកាត់បន្ថយគ្រោះថ្នាក់ចរាចរណ៍។ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្ដម ឃួង ស្រេង អភិបាលរាជធានីភ្នំពេញនាសៀលថ្ងៃទី១២ ខែមករា ឆ្នាំ២០២៥ បានដឹកនាំមន្ត្រីជំនាញ និងអាជ្ញាធរមូលដ្ឋានចុះពិនិត្យ និងសិក្សាពីស្ថានភាពមហាវិថី ៦០ម៉ែត្រ ដើម្បីរកមធ្យោបាយធ្វើយ៉ាងណាឱ្យផ្លូវនេះកាត់បន្ថយបាននូវគ្រោះថ្នាក់ចរាចរណ៍។មន្ត្រីសាធារណការ និងដឹកជញ្ជូនបញ្ជាក់ឱ្យដឹងនៅល្ងាចថ្ងៃទី១២ ខែមករា ឆ្នាំ២០២៥ថា ក្រោយត្រួតពិនិត្យក្រសួងសាធារណការ និងដឹកជញ្ជូន និងរដ្ឋបាលរាជធានីភ្នំពេញបានឯកភាពគ្នាមួយ ដោយបានសម្រេចបង្កើនកម្លាំងនគរបាលជាមួយនឹងការរឹតបណ្តឹងការផាកពិន័យចំពោះអ្នកបើកបរមិនគោរពច្បាប់ចរាចរណ៍ និងបើកបរលើសល្បឿនកំណត់នៅលើកំណត់ផ្លូវ៦០ម៉ែត្រ ក្នុងមូលដ្ឋានខណ្ឌមានជ័យ និងខណ្ឌដង្កោ ពោលគឺកម្លាំងសមត្ថកិច្ចត្រូវអនុវត្តការងារដោយភាពទទួលខុសត្រូវ និងតឹងរឹងជាងមុន ជាមួយគ្នានេះជំនាញបានគូសគំនូសសញ្ញាចរាចរណ៍ជាថ្មី និងដាក់ភ្លើងស្តុបថ្មីបន្ថែមទៀត ហើយក៏នឹងបន្ថែមចំណាំងផ្លាតលើផ្លូវនេះ ដើម្បីកាត់បន្ថយគ្រោះថ្នាក់ចរាចរណ៍ និងផ្ដល់ភាពងាយស្រួលក្នុងការធ្វើដំណើរទាំងយប់ទាំងថ្ងៃ។ជំនាញបន្តថា មហាវិថី ៦០ម៉ែត្រ គឺត្រូវដាក់កាមេរ៉ាសុវត្ថិភាព ដាក់ផ្លាកសញ្ញាកំណត់ល្បឿន ដោយចាប់ពីភ្លើងស្តុបមែកសឺដែស ដល់ស្ពានអាកាស មរតកតេជោ គឺអាចបើកបរក្នុងល្បឿន ៤០គីឡូម៉ែត្រក្នុងមួយម៉ោង ចាប់ពីផ្លូវជាតិលេខ២ មកដល់ភ្លើងស្តុបមែកសឺដែសកំណត់ល្បឿន ៦០គីឡូម៉ែត្រក្នុងមួយម៉ោង។ ក្នុងឱកាសនោះដែរឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្ដម ឃួង ស្រេង អភិបាលរាជធានីភ្នំពេញ ក៏បានចែកមួកសុវត្ថិភាព ដល់ប្រជាពលរដ្ឋដែលបានឆ្លើយសំណួរបានត្រឹមត្រូវ ពាក់ព័ន្ធនឹងច្បាប់ចរាចរណ៍ ជាមួយនឹងការអំពាវនាវឱ្យប្រជាពលរដ្ឋទាំងអស់ត្រូវគោរពច្បាប់ចរាចរណ៍ ចៀសវាងឱ្យបានគ្រោះថ្នាក់ចរាចរណ៍ ព្រោះថារយៈពេលប៉ុន្មានថ្ងៃកន្លងមកនេះ មានហេតុការណ៍គ្រោះថ្នាក់ចរាចរណ៍លើបណ្តោយផ្លូវ ៦០ម៉ែត្រនេះច្រើនករណី និងបណ្ដាលឱ្យមានអ្នកស្លាប់ច្រើនផងដែរ៕អត្ថបទ ៖ ប្រាក់ វ៉ាន់ដា

សាខាសមាគម សិស្ស និស្សិត បញ្ញវន្តក្មេងវត្តខណ្ឌព្រែកព្នៅ បានធ្វើកិច្ចសហការ ជាមួយមន្ត្រីក្រុមការងារ TVET ផ្សព្វផ្សាយកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១ លាន ៥សែន នាក់ដល់ប្រជាពលរដ្ឋក្រីក្រកម្រិត១ ចំនួន ៤៨៨នាក់ នៅសង្កាត់សំរោងខណ្ឌព្រែកភ្នៅ

2025/01/12 05:59:04 pm        153
Facebook Telegram Linkin
(ភ្នំពេញ) សាខាសមាគម សិស្ស និស្សិត បញ្ញវន្តក្មេងវត្ត ខណ្ឌព្រែកព្នៅ ដឹកនាំដោយបណ្ឌិត ហាន បូរិន បានធ្វើការសហការជាមួយមន្ត្រីអគ្គនាយកដ្ឋានអប់រំបណ្តុះបណ្តាលបច្ចេកទេសនិងវិជ្ជាជីវៈ ព្រមទាំងទីភ្នាក់ងារជាតិ និងមុខរបការងាររាជធានីភ្នំពេញ និងមានការចូលរួមពីលោកស្រី សក់ ស៊ីថា អភិបាលរងខណ្ឌព្រែក ព្នៅ តំណាងលោកអភិបាលខណ្ឌ បានរៀបចំកម្មវិធីផ្សព្វផ្សាយអំពីកម្មវិធីបណ្តុះ បណ្តាលជំនាញវិជ្ជាជីវៈ និងបច្ចេកទេស ១ លាន ៥សែន នាក់ របស់រាជរដ្ឋាភិបាលអាណត្តិទី៧ ជូនដល់ប្រជពលរដ្ឋក្រីក្រកម្រិត១ ចំនួន៤៨៨គ្រួសារ នៅសង្កាត់សំរោង ខណ្ឌព្រែកព្នៅ ស្ថិតនៅវិទ្យាល័យសម្តេចអគ្គមហាសេនាបតីតេជោ ហ៊ុន សែន សំរោង នាថ្ងៃទី១២ ខែមករា ឆ្នាំ២០២៥នេះ។ ជាមួយគ្នានោះដែរក៏មានការធ្វើបទបង្ហាញយ៉ាងក្បោះក្បាយស្តីអំពី អត្ថប្រយោជន៍របស់TVET និង ការចុះឈ្មោះចូលរៀនជំនាញវិជ្ជាជីវៈ និងបច្ចេកទេស ពីមន្ត្រីតំណាងមកពីគ្រឹះស្ថានអប់រំបណ្តុះ បណ្តាលបច្ចេកទេស និងវិជ្ជាជីវៈចំនួន៧ ក្នុងរាជធានីភ្នំពេញ ដែលទី១-គឺ វិទ្យាស្ថានជាតិពាណិជ្ជសាស្រ្ត ,ទី២-វិទ្យាស្ថានពហុបច្ចេក ទេសព្រះកុសុមៈ , ទី៣-វិទ្យាស្ថានជាតិសហគ្រិនភាព និងនវានុវត្តន៍,ទី៤- វិទ្យាស្ថានជាតិបណ្តុះបណ្តាលបច្ចេកទេស,ទី៥-វិទ្យាស្ថានបច្ចេកទេស ហ្ស៊ី វ៉េ សេ ,ទី៦-វិទ្យាស្ថានបច្ចេកទេសឧស្សហកម្ម ,និងទី៧-វិទ្យាស្ថានអភិវឌ្ឍន៍មុខជំនាញកម្ពុជា-ថៃ ។ នៅក្នុងឪកាសនេះ លោកបណ្ឌិតបានមានប្រសាសន៍ថា ដើម្បីសម្រេចបាននូវចក្ខុវិស័យរបស់រាជរដ្ឋាភិបាល ដើម្បីក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និង ចំណូលខ្ពស់ឆ្នាំ ២០៥០ មានតែជំរុញការបណ្តុះបណ្តាលធនធានមនុស្សតាមរយៈកម្មវិធីការអប់រំបណ្តុះបណ្តាលជំនាញបច្ចេកទេស និងវិជ្ជាជីវៈ (TVET) ដើម្បីរួមចំណែកដល់សេដ្ឋកិច្ចជាតិ និង ស្វែងរកការងារកាន់តែប្រសើរ ។ ក្នុងន័យនេះលោកបណ្ឌិតសូមអំពាវនាវឲ្យឪពុកម្តាយនិងអាណាព្យាបាលរបស់យុវជនទាំងអស់ដែលកំពុងតែរស់នៅក្នុងជីវភាពក្រីក្រ ក៌ដូចជាយុវជនដែលបោះបង់ចោលការ សិក្សាកន្លងមក សូមទៅចុះឈ្មោះចូលរៀនជំនាញវិជ្ជាជីវៈ និងបច្ចេកទេសជាច្រើននៅតាមគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈចំនួន៧ ខាងលើនេះឲ្យបានគ្រប់ៗគ្នា ។ពីព្រោះការមានចំណេះជំនាញពិតប្រាកដ គឺពិតជាមានសារសំខាន់ណាស់ ពិសេសគឺការមានទំនុកចិត្តលើខ្លួនឯងក្នុងការរស់នៅក្នុងសង្គមស៊ីរីល័យបច្ចុប្បន្ន ដែលងាយស្រួលស្វែងរកការងារធ្វើ និងការបង្កើតមុខរបរ បង្កើតប្រាក់ចំណូលកាត់បន្ថយភាពក្រីក្រ ។ លោកបណ្ឌិត ហាន បូរិន បានបញ្ជាក់បន្តថា កម្មវិធីអាហារូប ករណ៍របស់រាជរដ្ឋាភិបាល សម្រាប់ការបណ្តុះបណ្តាលជំនាញវិជ្ជា ជីវៈដល់យុវជន១.៥លាននាក់ បានចាប់ផ្តើមពីខែមករា ឆ្នាំ ២០២៤ កន្លងមក លើ៤៥មុខជំនាញ ដើម្បីអាចឆ្លើយតបទៅនឹងតម្រូវការទីផ្សារការងារ ។ គ្រប់យុវជន អាចចុះឈ្មោះរៀនដោយមិនបង់ប្រាក់ រីឯយុវជនដែលមានបណ្ណគ្រួសារក្រីក្រ និងគ្រួសារងាយរងហានិភ័យ គឺនឹងទទួលបានប្រាក់ ឧបត្ថម្ភ២៨ម៉ឺនរៀល ក្នុងម្នាក់ៗជារៀងរាល់ខែផងដែរ ។សូមជម្រាបជូនថា បើយោងតាមឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានប្រាប់កាលនៅថ្ងៃទី១០ ខែមករា កន្លងមកថ្មីៗនេះថា ក្នុងដំណើរការអនុវត្តកម្មវិធីគោលនយោបាយផ្តល់ការបណ្តុះ បណ្តាលជំនាញវិជ្ជាជីវៈ និងបច្ចេកទេសដល់យុវជន១,៥លាននាក់ នៅក្នុងឆ្នាំ ២០២៤កន្លងទៅ គឺបានទទួលសិស្ស ចុះឈ្មោះចូលរៀនប្រមាណ ៨ម៉ឺន៣ពាន់នាក់ ក្នុងនោះសិស្សកំពុងសិក្សា មានចំនួន ២ម៉ឺន៨ ពាន់នាក់ សិស្សបានបញ្ចប់ការសិក្សា ចំនួន១ម៉ឺន៧ពាន់នាក់ និងសិស្សទទួលបានការងារធ្វើ ចំនួនជិត១ម៉ឺននាក់ ។ សិស្សខ្លះ ដែលមិនមានការងារធ្វើ គឺពួកគេបានសហការគ្នាបើកអាជីវកម្មដោយ ខ្លួនឯង ៕

បណ្ដាញសង្គម

ព័ត៌មានថ្មីៗ

ទេសរដ្ឋមន្ត្រីទទួលបេសកកម្មពិសេស ផ្ដាំផ្ញើអ្នកទៅបំពេញកាតព្វកិច្ចធម្មយាត្រាហាជ្ជីនៅអារ៉ាប៊ីសាអូឌីត ជួយផ្សព្វផ្សាយពីសក្ដានុពលកម្ពុជា
05/11/2026 09:05 AM
Facebook Telegram Linkin
ឯកឧត្តម ឧបនាយករដ្ឋមន្ត្រី ហ៊ុន ម៉ានី ផ្តួចផ្តើមបង្កើត «បណ្តាញអគ្គលេខាធិការ» ដើម្បីសម្រួល​ទំនាក់ទំនង​ការងាររវាងក្រសួង ស្ថាប័ន
05/11/2026 09:05 AM
Facebook Telegram Linkin
សមត្ថកិច្ចបញ្ជូនជនបរទេសជិត ១ពាន់នាក់ពាក់ព័ន្ធបទល្មើស Online Scams ទៅអគ្គនាយកដ្ឋានអន្តោប្រវេសន៍
05/11/2026 09:05 AM
Facebook Telegram Linkin
ចក្រភពអង់គ្លេស និងបារាំង នឹងរៀបចំកិច្ចប្រជុំរដ្ឋមន្ត្រីការពារជាតិស្តីពីច្រកសមុទ្រ Hormuz
05/11/2026 08:05 AM
Facebook Telegram Linkin
លោក Trump ហៅការឆ្លើយតបរបស់អ៊ីរ៉ង់ចំពោះសំណើអាមេរិកក្នុងការបញ្ចប់សង្គ្រាមថាមិនអាចទទួលយកបានទាំងស្រុង ​
05/11/2026 08:05 AM
Facebook Telegram Linkin
ក្រសួងអប់រំ ​ប្រកាសដាក់ឱ្យប្រើប្រាស់ជាផ្លូវការនូវ កម្មវិធីផ្សាយផ្ទាល់ការបង្រៀនបំប៉ន (Live Teaching) ឆ្នាំ២០២៦
05/10/2026 05:05 PM
Facebook Telegram Linkin
ប្រាក់ចំណេញត្រីមាសទី១របស់ក្រុមហ៊ុនផលិតប្រេង​​​ Saudi Aramco កើនឡើង២៥% ខណៈមានវិបត្តិច្រកសមុទ្រ​ Hormuz
05/10/2026 03:05 PM
Facebook Telegram Linkin
មេដឹកនាំ​កូរ៉េខាងជើង​ លោក Kim Jong-un សន្យាយក​ទំនាក់ទំនងជាមួយរុស្ស៊ីជាអាទិភាពកំពូល
05/10/2026 03:05 PM
Facebook Telegram Linkin
អនុប្រធានសមាគម​អតីតយុទ្ធជន អញ្ជើញ​ជាអធិបតីសម្ពោធអគារទីស្នាក់សមាគមអតីតយុទ្ធជន និង​និវត្តជនកម្ពុជា ខេត្តត្បូងឃ្មុំ
05/10/2026 03:05 PM
Facebook Telegram Linkin
ចិន ជំរុញ​ឲ្យ​ជប៉ុន និង​ហ្វីលីពីន ​បញ្ឈប់​ការ​ប្រឈមមុខ​ដាក់គ្នា​ ​
05/10/2026 03:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.